Sunday, January 30, 2011

ပြည်နယ်အမတ်တွေ တနေ့တသောင်း ရကြပြီ

ရှမ်းပြည်နယ် တောင်ကြီးမြို့မှာ ပြည်နယ်လွှတ်တော် တက်ရောက်ဖို့ ရောက်ရှိနေတဲ့ ကျားဖြူပါတီခေါ် ရှမ်းတိုင်းရင်းသားများ ဒီမိုကရက်တစ်ပါတီ SNDP က ပြည်နယ်အမတ်တွေအတွက် စစ်အစိုးရက ထုတ်ပေးတဲ့ နေ့တွက်ငွေဟာ လုံလောက်မှု မရှိဘူးလို့ သိရပါတယ်။

စစ်အစိုးရက တနေ့အတွက် တည်းခိုစားသောက်ဖို့ အပြတ်ပေးတဲ့ စရိတ် မလောက်တဲ့အတွက် တနေ့ကို ငွေတထောင် စိုက်သုံးနေရတယ်လို့ ကျားဖြူပါတီ SNDP ဥက္ကဋ္ဌ စိုင်းအိုက်ပေါင်းက အာအက်ဖ်အေ ကို ပြောပါတယ်။

ကျနော်တို့က တနေ့ စရိတ်တသောင်း ရတယ်လေ။ အပြတ်ပေးတာ တသောင်းပေါ့။ ကျနော်တို့က တထောင်လောက်တော့ စိုက်ရမယ့် သဘောပေါ့။ တည်းခိုခန်းခက ဈေးနည်းနည်း ကြီးတယ်။ ကျနော်တို့ တောင်ကြီးက ခြောက်ထောင်တောင် ပေးရတယ်။ စားစရိတ် မနက်စာက တထောင်၊ နေ့ လည်စာက ၂ ထောင်၊ ညစာက ၂ ထောင် ဆိုတော့ တသောင်းတထောင် ကျတာပေါ့။ တနေ့ကို ၂ သောင်းကျော် ယူတဲ့ ဟော်တယ်ကို အစိုးရက ညှိပေးတော့ လျှော့ဈေးနဲ့ ယူတာပေါ့

အခုလကုန်မှာ စတင်မယ့် ရှမ်းပြည်နယ် လွှတ်တော်တက်ရောက်ဖို့အတွက် ကျားဖြူပါတီ SNDP က ပြည်နယ်လွှတ်တော် အမတ် ၃၁ ဦး အပါအဝင် အများစု ကြံခိုင်ရေးပါတီက အမတ်တွေ၊ ၂၅ ရာခိုင်နှုန်း တပ်မတော်က တက်ရောက်မယ့်သူတွေ စုစုပေါင်း ၁၄၃ ဦးဟာ တောင်ကြီးမြို့မှာ အစိုးရက သတ်မှတ်ပေးတဲ့ ဟိုတယ်တခုမှာ အတူတူ တည်းခိုနေကြပါတယ်။

၂၅ ရာခိုင်နှုန်း ခွဲတမ်းအရ တပ်မတော်က တက်ရောက်မယ့်သူတွေဟာ လူငယ်အရာရှိ ပညာတတ် စစ်ဗိုလ်တွေ ဖြစ်တဲ့အတွက် လွှတ်တော်အတွင်းမှာ ညှိနှိုင်းဖို့ အဆင်ပြေနိုင်တယ်လို့ ကျားဖြူပါတီက လွှတ်တော်အမတ်တွေက ယူဆနေကြပါတယ်။

ဒါ့ပြင် ကျားဖြူပါတီအနေနဲ့ ပါတီရန်ပုံငွေ အခက်အခဲ မရှိစေဖို့ စီးပွားရေး လုပ်ကိုင်ဖို့ ဆုံးဖြတ်ခဲ့တဲ့အတိုင်း အခုဆိုရင် ပုဂ္ဂလိကပိုင် ပြုလုပ်တော့မယ့် အင်းလေး ခေါင်တိုင်ဟော်တယ်ကို လေလံဆွဲဖို့ ငွေသွင်းထားတယ်လို့ ပြောပါတယ်။

ပြီးခဲ့တဲ့ ၂ဝ၁ဝ ရွေးကောက်ပွဲမှာ ကျားဖြူပါတီခေါ် ရှမ်းတိုင်းရင်းသားများ ဒီမိုကရက်တစ်ပါတီ SNDP ဟာ လွှတ်တော်သုံးရပ်လုံးမှာ အမတ်အင်အား ၅၇ ဦး အနိုင်ရရှိခဲ့ပါတယ်။

sources: :RFA

Saturday, January 29, 2011

တောင်ကိုရီးယား ကွန်မန်ဒို ဝင်စီးခြင်းကြောင့် ဆိုမာလီဓားပြ ပြဿနာပိုမိုရှုပ်ထွေးလာနိုင်

တောင်ကိုရီးယား ကွန်မန်ဒိုတပ်ဖွဲ့ တစ်ဖွဲ့မှ ယခုလ ၂၁ ရက်တွင် ဆိုမာလီပင်လယ်ဓားပြများ ဖမ်းဆီးထားသည့် ၎င်း ယင်းနိုင်ငံပိုင် M.V SAMHOJEWELRY ကုန်တင်သင်္ဘောအား ဝင်ရောက်စီးနင်း၍ ပြန်လည် ကယ်တင်ခဲ့သည့် ဖြစ်ရပ်မှာ မဖြေရှင်းနိုင်သေးသည့် ဆိုမာလီအရှုပ်အထွေးများကြား နောက်ထပ် ပြဿနာ တစ်ရပ် ဖြစ်လာနိုင်ကြောင်း ဝါရင့်သင်္ဘော
ကပ္ပတိန်တစ်ဦးက ပြောသည်။
ဇန်နဝါရီ ၁၅ ရက်က အာရေဗီယန် ပင်လယ် အတွင်း ဆိုမာလီများဖမ်းဆီးခံခဲ့ရသည့် တောင်ကိုရီးယား နိုင်ငံပိုင် ယင်းသဘောင်္ တွင် မြန်မာသင်္ဘောသား ၁၁ ဦး ၊ တောင်ရီးယား သင်္ဘောသား ၈ ဦးနှင့်အင်ဒို နီးရှားသဘောင်္သား ၂ ဦး ပါဝင်ခဲ့သည်။ ယင်းသို့ ဖမ်းဆီးခံရပြီး တစ်ပတ်အကြာတွင် တောင်ကိုရီးယား ကွန်မန်ဒိုတပ်ဖွဲ့မှ အသက်ကယ် လှေများ၊ ရဟတ်ယာဉ်များဖြင့် ဇန်နဝါရီ ၂၁ရက် အရုဏ်တက်ချိန် မှစကာ ဝင်ရောက်စီးနင်းပြီးနောက် အပြန်အလှန် ပစ်ခတ်ခဲ့သည့် ၅ နာရီကြာ တိုက်ပွဲအပြီးတွင် သင်္ဘောနှင့်သင်္ဘောသားများအား အောင်မြင်စွာ ကယ်တင်နိုင်ခဲ့ခြင်း ဖြစ်သည်။
၎င်းဖြစ်ရပ်မှာ အပေးအယူ ညှိနှိုင်းမှုများနှင့် ဆောင်ရွက်နေခဲ့သော အစဉ်အလာ များကြား ထူးခြားသည့် အပြောင်းအလဲ ပင်ဖြစ်ြပီး အောင်ြမင်မှုဟု ယူဆနိုင်သော်လည်း အလွန်အန္တရယ်များသည့် အပြုအမှုဖြစ်၍ သင်္ဘောကပ္ပတိန်က ဆိုသည်။ ဆိုမာလီနိုင်ငံသည် ဆင်းရဲမွဲတေမှုကို ရင်ဆိုင်နေသော နိုင်ငံဖြစ်ပြီး ယင်း၏ အကျိုးဆက်အဖြစ် ဆိုမာလီ ဓားပြများ ပေါ်ထွန်း လာခဲ့ခြင်းဖြစ်သည်။ ထို့ကြောင့်အဓိကကျသော နိုင်ငံရေး ပြဿနာကို ကိုင်တွယ် ဖြေရှင်းမှသာလျှင် ဆိုမာလီ ဓားပြရန်မှ ရေရှည်ကင်းရှင်းမည်" ဟု နိုင်ငံတကာကျွမ်းကျင်သူက ဆိုသည်။ “တကယ်အန္တရာယ်များပါတယ်။ ကျွန်တော့် အမြင် အရတော့ ဆိုမာလီတွေ ပင်လယ်မှာ ကြီးစိုးခြယ်လှယ် နေတဲ့ ဖြစ်စဉ်မှာ နောက်ကွယ်က မဖြေရှင်းနိုင်သေးတဲ့ နိုင်ငံရေးအရှုပ်အထွေးတွေ ရှိလိမ့်မယ် ထင်ပါတယ်။ ဒါဟာငွေကြေးကစားပွဲပါပဲ။ ပိုက်ဆံရဖို့အတွက် လုပ်တယ်။ အဲဒီ အတွက် အန္တရာယ်မပြုဘူး။ အစဉ်အလာလိုဖြစ်နေတာ။ သူတို့ကို အားပေးတာ မဟုတ်ပါဘူး။ ဒါပေမဲ့ ခုလိုပြန်တိုက်တဲ့ ကိစ္စမျိုးက ပိုင်ရှင် အတွက်တော့ သူ့ပိုက်ဆံမကုန်ရတဲ့အတွက် ကြိုက်ချင် ကြိုက်မယ်။ သင်္ဘောသားတွေ အတွက်တော့ အန္တရာယ် များပါတယ။် ကျွန်တော်အနေနဲ့ ဒါကိုမကြိုဆိုပါဘူး ဟု ၎င်းကဆိုသည်။
ထို့ပြင် ယင်းဖြစ်စဉ်ကြောင့် ဆိုမာလီများ အနေဖြင့် ၎င်းတို့၏ လုပ်ငန်းစဉ်များတွင်လက်နက်ခဲယမ်းများ လက်နက်ခဲယမ်း များ ပိုမိုဖြည့်တင်းလာနိုင်ခြင်း၊ ဓားစာခံများအား အကြမ်းဖက်ခြင်းဖြင့် ၎င်းတို့အတွက် အကာအကွယ်ပြုလုပ်လာနိုင်ခြင်း တို့အပြင် သင်္ဘောသားတို့ အတွက် မတော်တဆ ထိခိုက်မှု အန္တရယ်များ ဖြစ်နိုင်ကြောင်း ၎င်းက သုံးသပ်သည်။ ထိုကဲ့သို့ သုံးသပ်ချက်အမြင် များ ထွက်ပေါ်လာသော်လည်း အချို့ပုဂ္ဂိုလ်များ ကမှု အကောင်းဘက်မှ မျှော်လင့်ကြောင်း သင်္ဘော ကုမ္ပဏီ တစ်ခုမှ ကပ္ပတ်ိန်တစ်ဦးက ဆိုသည်။ “အန္တရာယ်ဆိုတာကတော့ ကြိုမမြင်နိုင်တဲ့အတွက် အမျိုးမျိုး ဖြစ်နိုင်ခြေ တော့ ရှိပါတယ်။ ဒါပေမဲ့ဓားပြတွေအတွက်တော့ ဒီလိုမျိုးကြုံခဲ့ရတဲ့အတွက် နည်းနည်းတော့လှုပ်ရှားမှုတွေ တန့်သွားမယ် ထင်တယ်။ အရင်က ပိုက်ဆံ လွယ်လွယ်ရနေတော့ မကြောက် ကြဘူးလေ။ ခုတော့ ဒီ Risk ကြောင့် အရင်လို သိပ်ရဲမယ် မထင်ဘူး။ ပြီးတော့သင်္ဘောသားတွေကို ဖမ်းတဲ့အခါသဘောင်္ပေါ်က လြုံခုံတဲ့ နေရာတွေမှာ ထားတာပါ။ ဒီတော့ ပစ်ကြ ခတ်ကြရင်လည်း အန္တရာယ်ကင်းနိုင်ပါတယ်။ ဒါပေမဲ့ ရှေးအလားအလာနဲ့ ပတ်သက်လို့တော့ မခန်းမှန်း တတ်ပါဘူး” ဟု ၎င်းက ပြောသည်။
ယင်းသင်္ဘောမှ မြန်မာသင်္ဘောသား ၁၁ ဦး အပါအဝင်သင်္ဘောသား ၂၁ ဦးမှာ မကြာမီ သက်ဆိုင်ရာနိုင်ငံများသို့ ပြန်လည် ရောက်ရှိလာမည်ဖြစ်ပြီး လက်ရှိတွင် ဆိုမာလီများလက်၌ ဒီဇင်ဘာ ၁၀ ရက်တွင် ဖမ်းဆီးထားသည့် MV PANAMA မှ မြန်မာသင်္ဘောသား ၂၃ ဦးကျန်ရှိနေဦးမည်ဖြစ်သည်။ ယင်းကဲ့သို့ ဆိုမာလီများထံမှ ကယ်တင်မှု ဖြစ်ရပ် များမှ ကယ်တင်မှု ဖြစ်ရပ်များ၌ ရှိခဲ့ဖူးပြီး အမေရိကန်ကပ္ပတ်ိန် တစ်ဦးအား ဆိုမာလီဓားပြ ၃ ဦးမှ ကမ်းသို့ခေါ်ဆောင် လာစဉ် ရေတပ်မှ စနိုက်ပါ သေနတ်ဖြင့် ပစ်ခတ် ကယ်တင်ခြဲ့ခင်း၊ ဖမ်းဆီး၍ ပြင်သစ်အပျော်စီးရွက်လှေနှင့် ခရီးသည် ၁၅ ဦး အား ပိုက်ဆံဖြင့် အပေးအယူ ညှိနှိုင်းကာ ပြန်လည် နှိမ်နင်းခြင်းတို့ ဖြစ်ပွားခဲ့ဖူးသည်။
သို့သော် ယခုကဲ့သို့ ဓားစာခံရှိနေသည့် သင်္ဘောပေါ်သို့ စီးနင်း၍ တိုက်ပွဲအသွင်ဆင်နွှဲကာ ကယ်တင်မှုသည် ပထမဆုံး အကြိမ် ဖြစ်ဖွယ်ရှိပြီး အင်တာနက်သတင်းများအရ အဆိုပါ တောင်ကိုရီးယားသင်္ဘော နှင့်အတူ မလေးရှား သင်္ဘော တစ်စင်းကိုလည်း သက်ဆိုင်ရာ နိုင်ငံမှ အလားတူ ကယ်တင်၍ လွတ်မြောက်လာပြီ ဖြစ်ကြောင်း သိရသည်။ မည်သို့ပင် ဖြစ်စေ ၎င်းင်းကဲ့သို့ထူးခြားသော ကယ်တင်မှု ဖြစ်ရပ်၏ နောက်ဆက်တွဲ အနေဖြင့် ဆိုမာလီပင်လယ်ဓားပြများ၏ အပြောင်းအလဲနှင့် ဖမ်းဆီးခံဓားစာခံများ၏ အခြေအနေမှာ ယခင်ထက် အလေးထား စောင့်ကြည့်ရမည်ဖြစ်ကြောင်း သင်္ဘောသား အသိုင်းအဝို်င်းမှ သုံးသပ်သည်။

sources: : Popular News Journal

ရင်းနှီးမြှုပ်နှံမှုတွေ နိုင်ငံတကာကျင့်ဝတ်နဲ့ညီရေး ဒေါ်စုတိုက်တွန်း

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က မြန်မာနိုင်ငံမှာ ခေတ်မီနည်းပညာရပ်တွေနဲ့ အခြေခံ အဆောက်အဦးတွေအတွက် ရင်းနှီးမြှုပ်နှံမှုတွေ လိုအပ်နေပါတယ်လို့ ကမ္ဘာ့ဦးဆောင် စီးပွားရေး လုပ်ငန်းရှင် တွေနဲ့ နိုင်ငံ့ခေါင်းဆောင်တွေကို မေတ္တာရပ်ခံလိုက်ပါတယ်။ ဒါပေမဲ့ မြန်မာနိုင်ငံမှာ ရင်းနှီးမြှုပ်နှံထားကြသူတွေ အနေနဲ့ရော၊ ရင်းနှီးမြှုပ်နှံဖို့ စိတ်ဝင်တစား စဉ်းစားနေကြသူတွေအနေနဲ့ပါ တရားဥပဒေကို လေးစား လိုက်နာရေး၊ ပတ်ဝန်းကျင် ထိန်းသ်ိမ်းရေးနဲ့ လူမှုရေးမှာ ကူညီရေး၊ အလုပ်သမား အခွင့်အရေး အပြည့်အ၀ ပေးရေးနဲ့ အလုပ်အကိုင်ဖန်တီးရေး စတာတွေကို အာမခံချက် ပေးရပါလိမ့်မယ်လို့ ဒေါ်အောင်ဆန်းစုကြည်က ပြောဆိုလိုက်ပါတယ်။

သဘာဝသယံဇာတတွေ အလျှံပယ်အောင် ပေါကြွယ်ဝပေမဲ့ အိမ်နီးချင်းနိုင်ငံတွေနဲ့စာရင် အများကြီး ခေတ် နောက်ကျ ကျန်နေတဲ့ မြန်မာပြည်သူပြည်သား ၅၅ သန်းရဲ့ကိုယ်စား မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောဆိုလိုက်တာပါ။ မြန်မာနိုင်ငံ ဖွံ့ဖြိုးရေးအတွက် ရင်းနှီးမြှုပ်နှံကြပါရန် ဆွစ်ဇာလန်နိုင်ငံ Davos မြို့မှာ ပြုလုပ်နေတဲ့ ကမ္ဘာ့စီးပွားရေးရာ နှစ်ပတ်လည်ညီလာခံ (World Economic Fourm) ကို ဒေါ်အောင်ဆန်းစုကြည်က မေတ္တာရပ်ခံလိုက်တာပါ။ ဒါပေမဲ့ ဖွံ့ဖြိုးမှုအတွက် ပတ်ဝန်းကျင် ထိန်းသိမ်းရေးနဲ့ လူမှုရေးမှာ ပေးဆပ်ရမယ့် ပျက်စီးဆုံးရှုံး နစ်နာမှုတွေ မဖြစ်ရအောင် ကြိုတင် အစီအစဉ် ချဖို့လိုတယ်လို့ အခုလိုပြောပါတယ်။
“မြန်မာပြည်မှာ ရင်းနှီးမြှုပ်နှံနေကြသူတွေ အနေနဲ့ရော၊ ရင်းနှီးမြှုပ်နှံဖို့စိတ်ဝင်စားပြီး စဉ်းစားနေကြသူတွေ အနေနဲ့ပါ တရားဥပဒေကို လေးစားလိုက်နာရေး၊ ပတ်ဝန်းကျင် ထိန်းသိမ်းရေးနဲ့ လူမှုရေးမှာ ကူညီရေး၊ အလုပ်သမား အခွင့်အရေး လေးစားရေး၊ အလုပ်အကိုင်ဖန်တီးရေးနဲ့ နည်းပညာပိုင်းမှာ ကျွမ်းကျင်လိမ္မာရေး စတာတွေအတွက် အရင် အာမခံချက် ပေးကြပါလို့ မေတ္တာရပ်ခံပါရစေ။”
ရင်းနှီးမြှုပ်နှံရေးမှာ ဒီလိုချဉ်းကပ်တာမျိုးဟာ သက်ဆိုင်သူတွေ အားလုံးအတွက် ကျယ်ကျယ်ပြန့်ပြန့် အကျိုး ခံစားမှုတွေကို ရေရှည်ဖြည့်ဆည်းပေးနိုင်ပြီး ဒါဟာ ကမ္ဘာတ၀ှမ်းလုံးက နားလည်ခံယူထားတဲ့ တာဝန်သိမှုနဲ့ အညီ ဖြစ်ပါတယ်လို့ ဒေါ်အောင်ဆန်းစုကြည်က ပြောဆိုလိုက်ပါတယ်။
“မြန်မာနိုင်ငံမှာ ရင်းနှီးမြှုပ်နှံမှုတွေ ကျယ်ကျယ်ပြန့်ပြန့် လုပ်နိုင်အောင် အားသာစေမယ့် အခွင့်ကောင်းတွေ ပေါ်လာနိုင်တဲ့ နိုင်ငံရေးနဲ့လူမှုရေး ပတ်ဝန်းကျင်တရပ် ပေါ်ထွန်းလာမယ့်နေ့တနေ့ကို ကျမ ရှေ့ရှုနေပါတယ်။ ကျမတို့နဲ့ပြည်သူတွေ ဒီနေ့ခေတ်ကမ္ဘာကြီးကို အမှီလိုက်နိုင်ဖို့ဆိုရင် ပြည်သူတွေ အားကျအတုယူနေရတဲ့ ဆန္ဒတွေ ဖြည့်ဆည်းပေးရေးအတွက် နည်းပညာရပ်တွေ၊ နည်းအမျိုးမျိုးနဲ့ တီထွင်ဖန်တီးမှုနည်းပညာတွေ လိုအပ်နေတာကတော့ သေချာပါတယ်။”
မြန်မာနိုင်ငံမှာ နှစ်စဉ် GDP ပြည်တွင်း အသားတင်ထုတ်လုပ်မှုတန်ဘိုးရဲ့ ၄၀ ရာခိုင်နှုန်းကို စစ်အသုံး စရိတ် အဖြစ် သုံးစွဲနေပြီး ကျန်းမာရေးနဲ့ပညာရေးကဏ္ဍ နှစ်ခုပေါင်းအတွက် ၂ ရာခိုင်နှုန်းသာ သုံးစွဲနေတာ ဖြစ်တယ် လို့ ဒေါ်အောင်ဆန်းစုကြည်က ပြောပါတယ်။ ဒါ့ကြောင့် ကျန်းမာရေး၊ ပတ်ဝန်းကျင် ထိန်းသိမ်းရေးနဲ့ လူမှုရေး နယ်ပယ်ရဲ့ လိုအပ်ချက်တွေကို ဦးစားပေးကိုင်တွယ်ဖို့ လိုနေတယ်လို့လည်း ပြောပါတယ်။ အထူးသဖြင့် ကျေးလက်ဒေသနဲ့ ပဋိပက္ခဖြစ်ပွားနေတဲ့ နယ်မြေတွေမှာ ကာကွယ်လို့ရနိုင်တဲ့ ရောဂါတွေကြောင့် ယူကျုံးမရ ဖြစ်ရတဲ့ အကျိုးဆက်တွေ မဖြစ်ရအောင် ကြိုတင်ကာကွယ်ကြဖို့ လိုတယ်လို့လည်း ပြောပါတယ်။ တိုက်ရိုက် နိုင်ငံခြား ရင်းနှီးမြှုပ်နှံမှုတွေကို ဆွဲဆောင်နိုင်ဖို့အတွက်ဆိုရင် ဥပဒေစိုးမိုးမှု အာမခံချက်ပေးဖို့အတွက် မြန်မာနိုင်ငံရဲ့ တရားဥပဒေစနစ်ကိုလည်း ပြုပြင်ပြောင်းလဲပစ်ဖို့ လိုတယ်လို့ ဒေါ်အောင်ဆန်းစုကြည်က ပြောပါတယ်။
မြန်မာနိုင်ငံမှာ လွန်ခဲ့တဲ့ နှစ် ၅၀ အတွင်း နိုင်ငံရေးပဋိပက္ခတွေကြောင့် ဖွံ့ဖြိုးမှုအတွက် အခွင့်အလမ်းတွေ အများကြီး လက်လွတ်ဆုံးရှုံးခဲ့ရတယ်လို့ ဒေါ်အောင်ဆန်းစုကြည်က ပြောပါတယ်။ မြန်မာနိုင်ငံ ဖွံ့ဖြိုး တိုးတက်မှုအတွက် ကမ္ဘာ့စီးပွားရေးရာ နှစ်ပတ်လည် ညီလာခံကြီးကို တက်ရောက်လာကြသူတွေ အနေနဲ့ ကျွမ်းကျင်မှု အကူအညီတွေနဲ့ အားပေးကြပါလို့လည်း ဒေါ်အောင်ဆန်းစုကြည်က မေတ္တာရပ်ခံလိုက်ပါတယ်။
“မြန်မာပြည်သူလူထုကိုယ်တိုင် ပါဝင်ဖြည့်ဆည်းနိုင်တဲ့ ပိုပြီးလုံခြုံ၊ ပျော်စရာကောင်းတဲ့ကမ္ဘာကြီးကို ရှေ့ရှုနိုင်ဖို့ အတွက် ဒီကမ္ဘာ့စီးပွားရေးရာ နှစ်ပတ်လည်ညီလာခံကြီးကို တက်ရောက်လာကြသူတွေ အားလုံးအနေနဲ့ အထူး ကျွမ်းကျင်မှုတွေနဲ့အတူ ဒီအချိန်အခါကို အခွင့်ကောင်းယူပြီး မြန်မာနိုင်ငံမှာ အမျိုးသားပြန်လည် သင့်မြတ်ရေး အနှစ်သာရပြည့်ဝတဲ့ ဒီမိုကရေစီ ဆောင်ကြဉ်းရေး၊ လူသားအရင်းအမြစ် ဖွံ့ဖြိုးရေးနဲ့ စီးပွားရေးဖွံ့ဖြိုးဖို့အတွက် အတတ်နိုင်ဆုံး ၀ိုင်းဝန်းအားပေးကြဖို့ မေတ္တာရပ်ခံလိုပါတယ်။”
ဇန်န၀ါရီလ ၂၆ ရက်နေ့ကနေ ၃၀ ရက်နေ့အထိ ကျင်းပနေတဲ့ ၂၀၁၁ ခုနှစ် ကမ္ဘာ့စီးပွားရေးရာ နှစ်ပတ်လည် ညီလာခံကြီးကို ကုသလမဂ္ဂ အတွင်းရေးမှူးချုပ် ဘန်ကီမွန်း ဦးဆောင်တဲ့ နိုင်ငံ့ခေါင်းဆောင် ၃၀ ကျော်၊ ကမ္ဘာ့ စီးပွားရေးလုပ်ငန်းရှင်ပေါင်း ၁,၀၀၀ ကျော်၊ နည်းပညာကျွမ်းကျင်သူပေါင်း ၁,၂၀၀ ကျော်နဲ့အတူ စက်မှု ထွန်းကားတဲ့ နိုင်ငံ ၂၀ ကျော်က တာဝန်ရှိပုဂ္ဂိုလ်တွေ တက်ရောက်နေကြပြီး ကမ္ဘာတ၀ှမ်း စီးပွားရေး၊ လူမှုရေး၊ ကျန်းမာရေးနဲ့ ပညာရေး နယ်ပယ်တွေနဲ့ပတ်သက်ပြီး အကဲခတ်စမ်းစစ်မှုတွေ၊ တီထွင်ဖန်တီးမှုတွေ၊ ဖွံ့ဖြိုးတိုးတက်မှုတွေနဲ့ ပတ်သက်ပြီး တိုင်ပင်နှီးနှော ဆွေးနွေးနေကြတာဖြစ်ပါတယ်။

sources: :VOA

Friday, January 28, 2011

NLD ရပ်တည်ခွင့်ပယ်ချမှု လူ့အခွင့်ရေးညီလာခံတင်မည်

အမျိုးသားဒီမိုကရေစီအဖွဲ့ချုပ် (NLD) အနေနဲ့ တရားဝင်နိုင်ငံရေးပါတီအဖြစ် ဆက်လက် ရပ်တည်နိုင်ရေး အတွက် အထူးအယူခံဝင်ထားတဲ့ကိစ္စကို နေပြည်တော် တရားရုံးချုပ်က ဒီကနေ့ ပယ်ချလိုက်ပါတယ်။ ဒါပေမဲ့ ဒီကိစ္စကို ကုလသမဂ္ဂ လူ့အခွင့်အရေးကောင်စီမှာ တင်သွင်းပြီး နိုင်ငံတကာ ဥပဒေနည်းလမ်းအရ ဆက်လက် ကြိုးပမ်းသွားမယ်လို့ NLD ဒုဥက္ကဋ္ဌ ဦးတင်ဦးက ပြောပါတယ်။ 

ဒီအမှုကို ဒီကနေ့မနက်ကပဲ နေပြည်တော်တရားရုံးချုပ်မှာ တရားသူကြီးချုပ် ဦးအောင်တိုးနဲ့အဖွဲ့က ပယ်ချလိုက်တဲ့အကြောင်း ဒီအမှုကို လိုက်ပါ ဆောင်ရွက်ပေးနေတဲ့ အကျိုးဆောင်ရှေ့နေကြီး ဦးဉာဏ်ဝင်းက ပြောပါတယ်။
“ဒီကနေ့မနက် ၁၀ နာရီမှာ ကျနော်တို့အမှုနဲ့ပတ်သက်ပြီးတော့ တရားသူကြီးချုပ် ဦးအောင်တိုးရယ်၊ ဒု-ချုပ် ဦးထွန်းထွန်းဦးရယ်၊ ဦးချစ်နွယ်ရယ် သုံးယောက်ပါ။ သူတို့ ဒီကနေ့အမိန့်ချပါတယ်။ ကျနော်တို့က ဥပဒေပြဿနာ ၅ ရပ်ရှိတယ်။ အရေးယူလောက်တဲ့ ဥပဒေပြဿနာဆိုပြီး အဲဒီလိုတင်ပြတာကို ဒီပြဿနာတွေ မရှိပါဘူးဆိုပြီးတော့ ကျနော်တို့ရဲ့ လျှောက်လွှာကို ပယ်လိုက်တာပါ။”
အခု ပယ်လိုက်ပြီဆိုတော့ ဒီကိစ္စက ဥပဒေလမ်းကြောင်းအရ ပြီးသွားပြီလား။ -
“ဥပဒေလမ်းကြောင်းအရ အယူခံခွင့် အခွင့်အရေးတွေက နောက်ဆုံး ဖြစ်သွားပါပြီ။”
ကျနော်တို့ တဖက်မှာကြားရတာက နိုင်ငံတော်တရားသူကြီးချုပ်ထံမှာ ထပ်ပြီးတော့ အယူခံခွင့်ရှိသေးတယ် ဆိုလားလို့ပါခင်ဗျား။ -
“ဒီလိုပါ။ အဲဒီဟာက တရားသူကြီးချုပ်မှာ ချွင်းချက်အာဏာတွေ ရှိတယ်။ ဒါပေမဲ့ ဒါဟာ တရားသူကြီးကို အယူခံခွင့်အခွင့်အရေး မဟုတ်ပါဘူး။ ဒီဟာလည်း ကျနော်တို့ လျှောက်မှာမဟုတ်ပါဘူး။”
တကယ်လို့ တရားသူကြီးချုပ်ထံမှာ လျှောက်လဲချက်ပေးချင်တယ်ဆိုရင်တော့ ပေးခွင့်ရှိသေးတယ် ဆိုတဲ့သဘောပေါ့။ -
“ဟုတ်တယ်။ ကျနော်တို့ လျှောက်လွှာတင်ရင်လည်း တင်နိုင်တာမဟုတ်ဘူး။ တင်တင် မတင်တင် သူပြင်နိုင်တယ်။ သူ့မှာ ဒီဥစ္စာက ဥပဒေအရပေးထားတာ။ အဲဒီတော့ ဒါဟာ အယူခံအခွင့်အရေး မဟုတ်ဘူး။ ဒါကြောင့် ကျနော်တို့ မလျှောက်ဘူး။”
NLD ဗဟိုဥပဒေ အထောက်ကူပြုအဖွဲ့ဝင်လည်းဖြစ်၊ ဒီအမှုကိစ္စကို လိုက်ပါဆောင်ရွက်ပေးနေတဲ့ အကျိုးဆောင်ရှေ့နေလည်းဖြစ်တဲ့ ဦးဉာဏ်ဝင်း ပြောပြခဲ့တာပါ။
မြန်မာနိုင်ငံအတွင်းမှာ ဥပဒေလမ်းကြောင်းအရ ဒီကိစ္စကို ရှေ့ဆက်လုပ်စရာ မရှိတော့ပေမဲ့ ကုလသမဂ္ဂ လူ့အခွင့်အရေးကောင်စီကို တင်သွင်းပြီး လုပ်စရာရှိတာတွေကို ဆက်လုပ်သွားမယ်လို့ NLD ဒုဥက္ကဋ္ဌ ဦးတင်ဦးက ပြောပါတယ်။
“ဒါက ကျနော်တို့က ပြီးသွားပြီဆိုရင်တော့ အထက်ရုံးတရားရုံး ပြီးသွားပြီဆိုရင်တော့ ကျနော်တို့ နိုင်ငံတကာနဲ့ပတ်သက်ပြီး လုပ်နိုင်အောင်လို့တော့ ကုလသမဂ္ဂ လူ့အခွင့်အရေး ကောင်စီကို ဒီဟာနဲ့ပတ်သက်တာအားလုံး မျှတမှုမရှိကြောင်းကိုတော့ ကျနော်တို့ဘက်က အထောက်အထားအပြည့်စုံနဲ့ တင်ရမှာပေါ့ဗျာ။ အဲဒီလို တင်ဖို့ပဲ ဆုံးဖြတ်တယ်။ စိတ်ကူးတယ်လေ။ အဲဒီတော့ ဒါကတော့ တင်ဖြစ်သွားမယ်လို့ ကျနော်တို့က တွက်ဆထားပါတယ်။”
ပြည်တွင်းမှာ ဥပဒေလမ်းကြောင်းအရ ဆက်ပြီးအလုပ်လုပ်လို့မရတဲ့နောက်ဆုံး နိုင်ငံတကာမှာရှိတဲ့ ဥပဒေလမ်းကြောင်းတွေနဲ့ ဒီကိစ္စကို ဆက်ပြီး ဆောက်ရွက်သွားမယ်ဆိုတဲ့ သဘောလားခင်ဗျ။ -
“ဟုတ်တယ်။ အဲဒါကတော့ အခုရှိသမျှ ဒီဥပဒေနဲ့ပတ်သက်တဲ့ စာရွက်စာတမ်းတွေ အားလုံးကို အပြည့်စုံ လုပ်ထားတာ အသင့်ရှိပြီးသားဖြစ်တယ်။ အဲဒါကို ဦးဉာဏ်ဝင်းတို့ ပြန်ရောက်လာပြီးရင် ဒီကိစ္စနဲ့ပတ်သက်တာအားလုံး အမြန်ဆုံး ကုလသမဂ္ဂမှာ အခုလုပ်နေတဲ့ လူ့အခွင့်အရေးကောင်စီကို အမြန်ဆုံးရောက်အောင် ကြိုးစားပြီး တင်မယ့်သဘောပေါ့။ အဲဒါပေါ့။ လူ့အခွင့်အရေးကောင်စီနဲ့ သွားရတော့မယ့်သဘောပါပဲလေ။”
အဲဒီတော့ ဒီကိစ္စ ရက်ပိုင်းအတွင်း ဖြစ်လာမယ်ပေါ့။ -
“ဟုတ်တယ်။ အဲဒါ ကျနော်တို့ ပြန်လာမယ့်လူတွေ စောင့်နေတာ။ ကျနော်တို့ ကော်မတီထိုင်ပြီးရင် ချက်ချင်းကို မြန်မြန်ဆန်ဆန်ကို လုပ်မယ်ခင်ဗျ။”
ဒါပေမဲ့ ဒီကြားထဲမှာ အဲဒီဟာကိုတင်ထားတဲ့ အတော်အတွင်းမှာ NLD ရဲ့ ရပ်တည်ချက်က ဘယ်လိုဖြစ်သွားမလဲ။ -
“ဒီအတိုင်းပဲဖြစ်မယ်။ NLD နဲ့ပတ်သက်ရင် ဒီအတိုင်းပဲနေမှာပဲလေ။ လုပ်စရာရှိတာ လုပ်နေမှာပဲပေါ့။ ကျနော်တို့က အေးအေးချမ်းချမ်း ငြိမ်းငြိမ်းချမ်းချမ်းနဲ့ လုပ်နေတဲ့ဟာပဲ။ လုပ်နေမယ့်ကိစ္စအ၀၀ကလည်းပဲ ဒီနေ့ လုပ်နေသမျှ အားလုံးဟာလည်း လူထုအကျိုးပြု အထောက်အကူပြုတဲ့ နိုင်ငံရေးပဲ လုပ်နေတာပဲလေ။”
တကယ်လို့ နိုင်ငံတကာ ဥပဒေလမ်းကြောင်းအရလည်း လုပ်ရတာမဖြစ်နိုင်တော့ဘူး ဆိုရင်လည်း ဒီအတိုင်းပဲ ဆက်ပြီး ရပ်တည်သွားမလား။ -
“အဓိက ကတော့ ရှင်းနေပါတယ်လေ။ ကျနော်တို့ရဲ့ အဖွဲ့အစည်းက ကျနော်တို့ကို ဘယ်လိုပဲ ပျက်တယ်ပြုတယ် တရားရုံးကဖြစ်တယ် ပြောသော်လည်းပဲ ဥပဒေလမ်းကြောင်းအရ လုပ်နိုင်တာအားလုံးကို ကျနော်တို့ လုပ်ဖို့ကြိုးစားရမှာပေါ့။ အထူးသဖြင့်ကတော့ဗျာ အဓိကအင်အားကတော့ ပြည်သူလူထုပဲ။ ဒီနေ့ ပြည်သူလူထုနဲ့ ပတ်သက်တာ အားလုံးကို ကျနော်တို့က ထဲထဲဝင်ဝင်ပေါ့။ ဒါ လူမှုရေး၊ နိုင်ငံရေးကိစ္စရော လုပ်ကိုင်ပေးနေတာပဲ။ အဲဒီတော့ လူထုရဲ့ ထောက်ခံအားပေးမှုကြောင့် ကျနော်တို့ လုံးပမ်းနေတယ်လေ။ အဲဒီ လူထုထောက်ခံမှု အားလုံးရရင် ကျနော်တို့ဟာ ဒီအတိုင်းပဲ မားမားမတ်မတ် ရပ်တည်သွားနိုင်တယ်ပေါ့။ ဒီလိုပြောရအောင်ဗျာ၊ မယိမ်းမယိုင် ကျောက်တိုင်ကဲ့သို့ မတုံမလှုပ် ဆက်လက်ပြီးတော့ အေးချမ်းငြိမ်းချမ်းစွာ နည်းလမ်းများကို ရှာကြံပြီးဆောင်ရွက်သွားမယ် ဆိုတဲ့သဘောပဲ။ ဒါပါပဲ။”
တဖက်မှာ NLD ပါတီကို နိုင်ငံရေးပါတီအဖြစ်နဲ့ ဆက်လက် ရပ်တည်ခွင့်ရရေးအတွက် နိုင်ငံတကာဥပဒေတွေ နည်းလမ်းအရတွေရော ဆက်ပြီးတော့ကြိုးစားနေတဲ့ တချိန်တည်းမှာပဲ မကြာခင်မှာ အစိုးရသစ်တရပ် ကလည်း ပေါ်တော့မယ်ဆိုတော့ ဒီအစိုးရသစ်နဲ့ရော တွေ့ဆုံဆွေးနွေးရေးကိစ္စတွေကို တဖက်မှာလုပ်ဖို့အစီအစဉ် ရှိပါသလားခင်ဗျ။ -
“အမှန်ကတော့ ကျနော်တို့က အမြဲတမ်း တွေ့ဆုံဆွေးနွေးပွဲနဲ့ပတ်သက်တာကို ဖွင့်ထားတာပဲလေ။ ဆွေးနွေးပွဲကို ခေါ်တယ်ဆိုရင် ကျနော်တို့က အသင့်ပဲလေ။ ကျနော်တို့ ဆွေးနွေးမှာပေါ့။”
သဘောက သူတို့နဲ့ဆွေးနွေးပြီး အဆင်ပြေသွားရင် ပိုပြီးတော့ကောင်းတာပေါ့။ -
“ကောင်းတာပေါ့။ သိပ်ကောင်းတာပေါ့ဗျ။ ကျနော်တို့ ဒေါ်အောင်ဆန်းစုကြည်လည်း ပြောပေါင်းများပါပြီ။ ကျနော်တို့ အခုလို အချိန်မျိုးမှာ တိုင်းပြည်အတွက် အကျိုးရှိရာရှိကြောင်း ညီရာညီကြောင်း ဒါတွေကို ကျနော်တို့ လုပ်ကိုင်သွားနိုင်တဲ့ ဟာတွေ ရှိတယ်။ ဒါတွေကို ဆွေးနွေးပြီး လုပ်ကိုင်လို့ရတယ်လို့ အမြဲတမ်း သူ ဖွင့်ထားတာပဲခင်ဗျ။”
နေပြည်တော်တရားရုံးချုပ်က NLD တရားဝင်ရပ်ခွင့် အယူခံကို ပယ်ချလိုက်ပြီးနောက် ရှေ့ဘာဆက်လုပ်မယ် ဆိုတာတွေကို ပါတီ ဒုဥက္ကဋ္ဌ ဦးတင်ဦး ပြောပြခဲ့တာပါ။
ပြီးခဲ့တဲ့ နိုဝင်ဘာ ၇ ရက်ရွေးကောက်ပွဲမှာ ၀င်ရောက်ယှဉ်ပြိုင်ခြင်းမပြုဖို့ ဆုံးဖြတ်ခဲ့ပြီးနောက်ပိုင်း ရွေးကောက်ပွဲ ကော်မရှင်မှာ နိုင်ငံရေးပါတီအဖြစ် မှတ်ပုံမတင်ခဲ့တဲ့အတွက် စစ်အစိုးရက ထုတ်ပြန်ထားတဲ့ ရွေးကောက်ပွဲဆိုင်ရာ ဥပဒေ၊ နည်းဥပဒေတွေအရ တရားဝင် နိုင်ငံရေးပါတီအဖြစ် ဆက်လက် ရည်တည်ခွင့် မရတော့သလို ဖြစ်သွားစေခဲ့တဲ့အတွက် ဒီကိစ္စကို NLD က တရားစွဲဆိုပြီး အကြိမ်ကြိမ် အယူခံဝင်ခဲ့ပေမဲ့ စစ်အစိုးရအာဏာပိုင်တွေက အခု နောက်ဆုံးအဆင့် အယူခံကိုပါ ပယ်ချလိုက်တာဖြစ်ပါတယ်။
နှစ်ဖက် အကျိုးဆောင်ရှေ့နေတွေရဲ့ နောက်ဆုံး လျှောက်လဲချက်တွေကိုတော့ ပြီးခဲ့တဲ့ ဇန်န၀ါရီလ ၂၄ ရက်နေ့က နေပြည်တော် တရားရုံးချုပ်မှာ တင်သွင်းခဲ့ကြတာ ဖြစ်ပါတယ်။

sources: :VOA

ဝန်ကြီးများ ရာထူးမှမထွက်ဘဲ လွှတ်တော်တက်မည်

စစ်အစိုးရအဖွဲ့၌ လက်ရှိတာဝန် ထမ်းဆောင် နေကြသော အစိုးရ အဖွဲ့ဝန်ကြီးများသည် လက်ရှိရာထူးများကို မနုတ်ထွက်ဘဲ လွှတ်တော် တက်ကြမည်ဟု သိရသည်။

“ရက်က နီးကပ်နေပြီဆိုတော့ ဒီအတိုင်းပဲ လွှတ်တော်တက်ကြမှာပါ။ လာမယ့် အစိုးရ သစ်အတွက်တော့ ဖွဲ့စည်းပုံ အတိုင်းပဲသွားမှာပါ” ဟု ကြံ့ဖွံ့ပါတီ၏ လွှတ်တော်ကိုယ်စားလှယ် တဦးဖြစ်သူ ထိပ်တန်း စီးပွားရေး လုပ်ငန်းရှင်  ဇေကမ္ဘာ ဦးခင်ရွှေက ဧရာဝတီကို ပြောသည်။

Clad-in-traditional-dress
(ဓာတ်ပုံ - အေပီ)
ဦးခင်ရွှေသည် စစ်အစိုးရနှင့်နီးစပ်သည့် စီးပွားရေး လုပ်ငန်းရှင် တဦးဖြစ်သည့်အပြင် လာမည့်အစိုးရသစ်အတွက် သမ္မတရာထူးနေရာ တစ်ပြေးနေသော စစ်အစိုးရ၏ နံပါတ် ၃ အဆင့်ခေါင်းဆောင် ဗိုလ်ချုပ်ကြီးဟောင်း သူရဦးရွှေမန်းနှင့် ခမည်းခမက် တော်စပ်သူလည်းဖြစ်သည်။

လွှတ်တော်မတိုင်မီ လက်ရှိဝန်ကြီးများအားလုံးသည် ရာထူးများစွန့်လွှတ်၍ လွှတ်တော်တက်မည်ဟု သတင်းများ ထွက်ပေါ်နေပြီး ကြားဖြတ်အစိုးရသစ်တရပ် ပေါ်လာမည်ဟုလည်း အတည်မပြုနိုင်သော သတင်းများ ထွက်နေသည်။

သို့ရာတွင် ဦးခင်ရွှေက “လတ်တလောမှာတော့ ကြားဖြတ်အစိုးရ ပေါ်မယ့် အသံမကြားသေးပါဘူး” ဟု ဆိုသည်။

နှစ်ပေါင်း ၂၂ နှစ်တာ ကာလအတွင်း ပထဆုံး ခေါ်ယူမည့် လွှတ်တော်အား ဇန်န၀ါရီလ ၃၁ ရက်နေ့တွင် ပြုလုပ်မည် ဖြစ်ပြီး အမျိုးသား လွှတ်တော်နှင့် ပြည်သူ့လွှတ်တော် အစည်းအဝေးများကို နေပြည်တော်၌ ကျင်းပမည် ဖြစ်သည်။

လာမည့် အစိုးရသစ်တွင် သူရဦးရွှေမန်းသည် သမ္မတ ရာထူး တစ်ပြေးနေသကဲ့သို့ စီးပွားရေး လုပ်ငန်းရှင်များထဲမှ ဦးခင်ရွှေသည်လည်း ဒုတိယ သမ္မတ တဦးအဖြစ် သတင်းများထွက်ပေါ် နေခြင်းအပေါ် ဦးခင်ရွှေက “ဒါတွေက နိုင်ငံတော်က လုပ်ဆောင်ရမယ့် ကိစ္စတွေပါ။ ကျနော်က စီးပွားရေးသမားဆိုတော့ ဒီရာထူးတွေထက် စီးပွားရေးကိုပဲ ပိုပြီး စိတ်ဝင်စား ပါတယ်” ဟု ပြောသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ၏ လွှတ်တော်မတိုင်မီ နောက်ဆုံးအစည်းအဝေးကို နေပြည်တော်၌ မနက်ဖြန်တွင် ကျင်းပမည်ဟု သိရသည်။

ထိုအစည်းအဝေးမှ လွှတ်တော်အတွက် တာဝန်ယူမည့် ရာထူးများ၊ အစိုးရသစ်အတွက် တာဝန်များကို ရွေးချယ်မည်ဟုလည်း သတင်းများ ထွက်ပေါ်နေသည်။

သို့ရာတွင် ကြံ့ဖွံ့ပါတီ၏ အမျိုးသားလွှတ်တော် ကိုယ်စားလှယ် ဦးခင်ရွှေက “ပါတီရဲ့ အစည်းအဝေးက ရှေ့လုပ်ငန်းစဉ်တွေကို ဆွေးနွေးကြမှာပါ။ ကျနော်လည်း သေသေချာချာ တော့မသိသေးဘူး” ဟု ဆိုသည်။

ကြံ့ဖွံ့ပါတီ၏ အစည်းအဝေးသို့ ရွေးကောက်ခံ ပါတီဝင်ကိုယ်စားလှယ် အားလုံး တက်ရောက်ကြမည်ဟု သိရသည်။

ဇန်န၀ါရီလ ၃၁ ရက်နေ့တွင် လွှတ်တော်တက်ရမည့် ကိုယ်စားလှယ်များသည် ယနေ့မှစ၍ ၂၉ ရက်နေ့အထိ နေပြည်တော်သို့ ရောက်ရှိသတင်းပို့ပေးရမည် ဖြစ်ပြီး ပြည်နယ်နှင့်တိုင်းအလိုက် သတ်မှတ်ချိန် အတိအကျ သတင်းပို့ရမည်ဟု ယနေ့ထုတ် စစ်အစိုးရ သတင်းစာများတွင် ရေးသားထားသည်။

ပြည်နယ်နှင့် တိုင်းဒေသကြီး လွှတ်တော်များကို သက်ဆိုင်ရာ ဒေသ မြို့တော်များ၌ ကျင်းပမည် ဖြစ်သည်။

နေပြည်တော်ရှိ လွှတ်တော် အစည်းအဝေးများတွင် ဒုတိယ သမ္မတ ၃ ဦးအဖြစ် စစ်တပ်ကိုယ်စားလှယ် တဦး၊ ရွေးကောက်ခံ အရပ်သားများထဲမှ ၂ ဦးတို့ကို ရွေးချယ်ကြမည်ဖြစ်ပြီး လွှတ်တော်၏ သဘာပတိ၊ ဥက္ကဋ္ဌ ရာထူးများကိုလည်း ရွေးချယ်ကြမည် ဟု ဦးခင်ရွှေကပြောသည်။

ဒုတိယ သမ္မတ ၃ ဦးထဲမှ တဦးအား သမ္မတ အဖြစ် တင်မြှောက်ရမည်ဖြစ်ပြီး သမ္မတသည် စစ်ရေး၊ နိုင်ငံရေး၊ စီးပွားရေး၊ အုပ်ချုပ်ရေးအမြင် ရှိရမည် ဟု ၂၀၀၈ ဖွဲ့စည်းပုံ အခြေခံ ဥပဒေက ဆိုထားသည်။

sources: :www.irrawaddy.org/bur

“မဖွယ်မရာ” ကြောင့် ဂျာနယ် ၂ စောင် ပိတ်ရ

အိန္ဒြာကျော်ဇင်နှင့် ပြေတီဦး မင်္ဂလာဆောင် သတင်းဓာတ်ပုံများ အသားပေး ဖော်ပြခဲ့သော  ဂျာနယ်နှစ်စောင်ကို စာပေစိစစ်ရေးက “မဖွယ်မရာပုံတွေ” ဖော်ပြသည် ဆိုကာ ထုတ်ဝေခွင့် ခဏ ပိတ်လိုက်သည်။

မော်နီတာနှင့် ဟလို ဂျာနယ်များကို ထုတ်ဝေခွင့် နှစ်ပတ်နှင့် တပတ်စီ ပိတ်လိုက်သည်။

“မဖွယ်မရာ ပုံတွေ ပါတယ်ဆိုပြီး ၂ ပတ်ပိတ်တယ်”ဟု မော်နီတာ ဂျာနယ် အယ်ဒီတာချုပ် ဦးမြတ်ခိုင်က ပြောသည်။

ပြန်ကြားရေးဝန်ကြီးဌာနအောက်က စာပေစိစစ်ရေးသို့ ဂျာနယ်တာဝန်ခံများ ယနေ့သွားရာ ထုတ်ဝေခွင့် ပိတ်ကြောင်း သိခဲ့ရသည်ဟု သူက ပြောသည်။

မည်သို့သော အဝတ်အစားကို “မဖွယ်မရာ” ဟု စာပေစိစစ်ရေးက အဓိပ္ပာယ်ဖွင့်ဆိုထားခြင်းမရှိသော်လည်း ဦးမြတ်ခိုင်၏ဖေ့စ်ဘွတ်တွင် တင်ထားသော စာပေစိစစ်ရေးပြုတ် မော်နီတာဂျာနယ် စာမျက်နှာများတွင် မင်းသမီးအချို့ ဒူးပေါ်အောင် ဝတ်ထားသည်ကို တွေ့ရသည်။

ရိုးရာဝတ်စားဆင်ယင်မှု ထိန်းရန်လိုသည်ဆိုကာ မြန်မာအာဏာပိုင်များက အနုပညာရှင်အမျိုးသားများ ဆံပင်ရှည်ထားခြင်း အပါအဝင် ဝတ်စားဆင်ယင်မှုကို ကန့်သတ်လေ့ရှိပြီး ဖျော်ဖြေခွင့် ပိတ်ပင်ခြင်းဖြင့်လည်း ဒဏ်ခတ်တတ်သည်။

ဇန်နဝါရီ ၂၁ ညက ရန်ကုန် အင်းလျားလိတ်ဟိုတယ်က ရုပ်ရှင်မင်းသားမင်းသမီး မင်္ဂလာဆောင် ညစာစားပွဲပုံများ ဂျာနယ်များတွင် ဝေဝေဆာဆာ ဖော်ပြခဲ့ကြသည်။

အမည်မဖော်လိုသော အဖွဲ့တခု၏ မြန်မာပြည်တွင်း စစ်တမ်းကောက်ယူမှုအရ အသက် ၁ဝ နှစ်အထက် ဖြေဆိုခဲ့သူများက ပြေတီဦးကို အကြိုက်ဆုံးဟု ဖြေဆိုခဲ့ကြသည်။၂ဝဝ၉  အကယ်ဒမီရ မင်းသား နေတိုးက ရာခိုင်နှုန်းအနည်းငယ်အကွာဖြင့် ဒုတိယလိုက်သည်။

မင်းသမီးများတွင်လည်း အိန္ဒြာကျော်ဇင်က နံပါတ် ၁ ချိတ်ပြီး သက်မွန်မြင့်ကို ဒုတိယအဖြစ် ရွေးချယ်ကြသည်။

sources: :ချင်းမိုင်(မဇ္စိ္ဈမ)

Thursday, January 27, 2011

ပိတ်ဆို့အရေးယူမှုများ ဖယ်ရှားရန် စေ့စပ်ဆွေးနွေးရေး လိုအပ်ကြောင်း အမေရိကန်ပြောကြား

အမေရိကန်ပြည်ထောင်စုက စီးပွားရေး ပိတ်ဆို့အရေးယူမှု ဖယ်ရှားရေးကို စဉ်းစားနိုင်ဖို့ မြန်မာ အစိုးရဖက်က ဒေါ်အောင်ဆန်းစုကြည်နဲ့ စေ့စပ်ဆွေးနွေးဖို့၊ နိုင်ငံရေးအကျဉ်းသားတွေ လွှတ်ပေးဖို့နဲ့ အမျိုးသား ဒီမိုကရေစီ အဖွဲ့ချုပ် (NLD) ကို အသိအမှတ်ပြုဖို့ လိုကြောင်း အမေရိကန်အစိုးရ အကြီးတန်း အရာရှိ Joseph Yun က ပြောလိုက်ပါတယ်။

Photo: AFP
အရှေ့အာရှနှင့် ပစိဖိတ်ရေးရာ အမေရိကန် ဒု-လက်ထောက် နိုင်ငံခြားရေး ဝန်ကြီး ဂျိုးဇက်ယွန်း (ဝဲ) နှင့် မြန်မာ စစ်အစိုးရ နိုင်ငံခြားရေး ဝန်ကြီး ဦးဉာဏ်ဝင်း (ယာ) တို့ ဒီဇင်ဘာ ၉ ရက်နေ့က နေပြည်တော်တွင် တွေ့ဆုံဆွေးနွေးစဉ် မှတ်တမ်းပုံ ဖြစ်ပါသည်။ (Photo: AFP)

အင်ဒိုနီးရှားနိုင်ငံထုတ် Jakarta Post သတင်းစာနဲ့ ဇန်နဝါရီ ၂၅ ရက် မနေ့က တွေ့ဆုံမေးမြန်းရာမှာ Mr. Yun က အခုလို ပြောလိုက်တာ ဖြစ်ပြီး အာဆီယံအဖွဲ့က ကိုရီးယားနဲ့ မြန်မာနိုင်ငံအရေးအပေါ် တက်တက်ကြွကြွ ပါဝင် ဆောင်ရွက်လာတာကိုလည်း အလေးအနက်ထား ပြောခဲ့တယ်လို့ ဒီကနေ့ထုတ် Jakarta Post သတင်းစာက ရေးပါတယ်။
အင်ဒိုနီးရှားနိုင်ငံ လုမ်ဘုတ်ကျွန်းမှာ ပြီးခဲ့တဲ့အပတ်က ကျင်းပတဲ့ အာဆီယံနိုင်ငံခြားရေး ဝန်ကြီးများ အစည်းအဝေးမှာ မြန်မာနိုင်ငံအပေါ် စီးပွားရေးပိတ်ဆို့အရေးယူမှု ဖယ်ရှားရေးကို အာဆီယံ နိုင်ငံခြားရေး ဝန်ကြီးတွေက တသံတည်း တောင်းဆိုခဲ့ကြကြောင်း၊ ဒီတောင်းဆိုချက်တွေဟာ အလွန်ကောင်းမွန်ပြီး မြန်မာအာဏာပိုင်တွေအနေနဲ့ အလေးအနက် ထားပြီး လက်တွေ့ ဆောင်ရွက်ပေးဖို့ လိုကြောင်းလည်း အမေရိကန် လက်ထောက် နိုင်ငံခြားရေးဝန်ကြီး Joseph Yun က ပြောပါတယ်။
မြန်မာအစိုးရဖက်က အပြုသဘော တုံ့ပြန်လာရင် နိုင်ငံတကာက အပြုသဘော ဆောင်ရွက်တာ တွေမြင်ရမှာ ဖြစ်ကြောင်း၊ မြန်မာနိုင်ငံမှာ အမျိုးသား ပြန်လည်သင့်မြတ်ရေး ကောင်းမွန်တိုးတက် လာတာနဲ့ အမျှ နိုင်ငံတကာ အသိုင်းအဝိုင်းက တုံ့ပြန်ဆောင်ရွက်မှုမျိုး ရှိရမှာဖြစ်ကြောင်းလည်း Joseph Yun က သတင်းစာကြီးကို ဖြေကြားခဲ့ပါတယ်။
Joseph Yun ဟာ ပြီးခဲ့တဲ့လက မြန်မာနိုင်ငံ ခရီးစဉ်ကို လာရောက်ခဲ့သူ ဖြစ်ပြီး ဒေါ်အောင်ဆန်းစုကြည်နဲ့အတူ NLD အပါအဝင် အတိုက်အခံ နိုင်ငံရေးပါတီတွေ၊ မြန်မာစစ်အစိုးရ အဆင့်မြင့် အရာရှိတွေနဲ့ တွေ့ဆုံခဲ့သူ ဖြစ်ပါတယ်။
အာဆီယံ အလှည့်ကျဥက္ကဋ္ဌ အင်ဒိုနီးရှား နိုင်ငံခြားရေးဝန်ကြီး Marty Nataliegawa ကတော့ မြန်မာနိုင်ငံမှာ ပိတ်ဆို့အရေးယူမှု ဖယ်ရှားရေးနဲ့ အမျိုးသား ပြန်လည် သင့်မြတ်ရေးလုပ်ငန်းဟာ အပြန်အလှန် ဆောင်ရွက်သင့်တယ်လို့ အာဆီယံ အစည်းအဝေးအပြီး ပြောကြားခဲ့ပါတယ်။ 

sources: :RFA

ဟွန်ဒါကုမ္ပဏီက မြန်မာနိုင်ငံတွင် ကားထုတ်လုပ်ရန် စစ်တမ်းကောက်




ကမ္ဘာပေါ်တွင် တစ်နှစ်လျှင် ကား အစီးရေ ၃၆ သိန်းကျော် ထုတ်လုပ်နေသော ဂျပန်နိုင်ငံမှ ဟွန်ဒါကား ကုမ္ပဏီက မြန်မာနိုင်ငံ၌ ကားထုတ်လုပ်ရန် အတွက် ပထမဆုံးအကြိမ် စစ်တမ်း (Servery) ကောက်ယူမှုများ ပြုလုပ်မည် ဖြစ်ကြောင်း ဟွန်ဒါကားကုမ္ပဏီမှ စီးပွားရေး စီမံခန့်ခွဲမှု မန်နေဂျာ မစ္စတာ ဟီဒီတိုမိုမိုရီ ကပြောသည်။ ကားထုတ်လုပ်ရေး လုပ်ငန်းသည် ကြီးမားသည့်အတွက် လတ်တလော ထုတ်လုပ်ရေး လုပ်ငန်းများကို စတင်မည်ဆိုပါက အခက်အခဲများ ရှိနိုင်၍ မော်တော်ယာဉ် နှင့်ပတ်သက်သည့် ထောက်ပံ့ပစ္စည်းများကိုသာ ဦးဆုံးထုတ် လုပ်နိုင်ရန် စက်ရုံများ ဖွင့်လှစ်မည် ဖြစ်ကြောင်းသိရသည်။
“ကားထုတ်ဖို့တော့ ရည်ရွယ်ထား ပြီးသားပါ။ နိုင်ငံရဲ့ သဘော သဘာဝနဲ့ လုပ်နည်းလုပ်ဟန်တွေ ကိုလည်း စနစ်တကျ လေ့လာရဦးမယ်”ဟု မစ္စတာဟီဒီတိုမိုမိုရီက ပြောသည်။ ဟွန်ဒါကုမ္ပဏီသည် ပြည်တွင်း၌ လုပ်ငန်းများ စတင်လုပ် ဆောင်မည်ဆိုပါက ဆိုင်ကယ်ကို ဦးစွာထုတ်လုပ်မည် ဟုဆိုသည်။ ထို့အပြင် ရန်ကုန်မြို့ အပါအဝင် မြန်မာနိုင်ငံ နယ်မြို့များအတွက် မရှိမဖြစ် အသုံးဝင်သည့် မီးစက်များကိုလည်း ပြည်တွင်း၌ အခြေစိုက် ထုတ်လုပ်ရန် ဦးစားပေး စီစဉ်ထားပြီး မြန်မာနိုင်ငံသည် စိုက်ပျိုးရေးနိုင်ငံ ဖြစ်သည့်အတွက် လယ်ယာလုပ်ငန်းသုံး ပန့် များကိုလည်း ထုတ်လုပ်ရန် စီစဉ်ထားကြောင်း သိရသည်။
“ဂျပန်က ကားထုတ်မှာကို ကြိုဆိုပါတယ်။ ပြည်တွင်းက အင်ဂျင်နီယာ ကျောင်းသားတွေလည်း အလုပ်ရမယ်။ နိုင်ငံတော်လည်း အခွန်ပိုရမယ်”ဟု မြန်မာနိုင်ငံ စက်မှုကုန် ထုတ်လုပ်သူများ အသင်းမှ ဥက္ကဋ္ဌ ဦးပေါဟိန်းကလည်း 7 Day News သို့ပြောကြားသည်။ ဂျပန် ဟွန်ဒါကုမ္ပဏီ အပြင် မလေးရှားနိုင်ငံမှ တန်ချောင်း ကုမ္ပဏီကလည်း ကားထုတ်လုပ်ရန် စီစဉ်နေကြောင်း၊ လက်ရှိအချိန်၌ MIC သို့ လုပ်ငန်းလုပ်ကိုင်ခွင့်ကို တင်ထားကြောင်း သိရသည်။ အဆိုပါ ကုမ္ပဏီမှာလည်း ပြည်တွင်း၌ ပထမဦးစွာ ဝန်ဆောင်မှု လုပ်ငန်းများနှင့် စတင် လုပ်ကိုင်မည်ဖြစ်ပြီး ပြည်တွင်း ကားထုတ်လုပ်သည့် အစုအဖွဲ့များနှင့် ပူးပေါင်း ဆောင်ရွက်မည် ဖြစ်သည်။
ယင်းကုမ္ပဏီများ ကဲ့သို့ပင် အိန္ဒိယမှ တာတာ ကားကုမ္ပဏီက လည်း အစိုးရနှင့် ပူးပေါင်းပြီး ထရပ်ကားများ ထုတ်လုပ်နေသည်။ လက်ရှိအချိန်၌ ပြည်ပမှ ကား ထုတ်လုပ်သည့် ကုမ္ပဏီကြီးများ၏ ရင်းနှီးမြှုပ်နှံမှုမှာ ဟွန်ဒါ ကားကုမ္ပဏီ အပါအဝင် ကုမ္ပဏီပေါင်း သုံးခုရှိပြီ ဖြစ်ကြောင်းလည်း သိရသည်။ လက်ရှိအချိန်တွင် ပြည်တွင်းမှ ကားထုတ်လုပ်နေမှုသည် ပြည်ပမှ အစိတ်အပိုင်း အားလုံးနီးပါး တင်သွင်းနေရပြီး တပ်ဆင်မှု အပိုင်းသာ လုပ်ကိုင် နေရသည်။ ယင်းသို့ မိသားစု လုပ်ငန်းအခြေအနေမှ ကိုယ်ပိုင် ဖွံ့ဖြိုးတိုးတက်သည့် လုပ်ငန်းရပ်ဖြစ်ရန် ပြင်ဆင်မှုများ ပြုလုပ်သင့်ကြောင်းလည်း စက်မှုဇုန် ကားထုတ်လုပ်သူ တစ်ဦးက ရှင်းပြသည်။

siurces: :7Day News Journal

Wednesday, January 26, 2011

လူနဲ့ကျောက်


အမေတို့နိုင်ငံက မြေကြ်ီးထဲကနေပြီး အလွန်အဖိုးတန်အလွန်လှပပြီး မြင်တဲ့သူတိုင်းမက်မောနှစ်သက်ရတဲ့ကျောက်မျက်ရတနာတွေထွက်တဲ့နိုင်ငံပါ။တစ်မျိုးမက အမျိုးမျိုး နေရာတော်တော်များများက ထွက်ပါတယ်။ပတ္တမြား၊ကျောက်နီ၊ကျောက်စိမ်း၊ နီလာ၊ မြ စတာတွေအမေတို့မြေထဲက ထွက်နေတာပါ။
ဒါကြောင့် ကျောက်ကို တန်ဖိုးဖြတ်တဲ့စကား၊ ကျောက်ကို အကဲဖြတ်တဲ့ စကားလုံးတွေလည်း အများကြီး အမေတို့မှာရှိတယ်။ ကျောက်တစ်လုံးရဲ့အရည်အချင်းတဲ့ ။ အရည်ဆိုတာက သူ့မှာပါတဲ့ အရောင်အသွေးကို ပြောတာပါ။ အချင်းဆိုတာက ဒီကျောက်ရဲ့အကြီးအသေး ပမာဏကို ပြောတာပါ။ ဘာရောင်နဲ့ ဘယ်အရွယ် ကျောက်တို့ပေါ့။
ကျောက်ရဲ့အရည်အရောင် တဲ့ အရည်ဆိုတာက ကျောက်သားတွင်းမှာ ပါလာတဲ့ မူလပါ အရောင်အနုအရင့်။ အရောင်ဆိုတာက အဲဒီအရောင်က ပြင်ပကို ဖောက်ထွင်းထွက်လာတဲ့အနေအထား။ အဲဒီဟာနှစ်ခုက ကျောက်တစ်လုံးရဲ့ အသွေးကို ခန့်မှန်းပြောဆိုတာပဲ။
ကျောက်ရဲ့ အရည်အသွေး ဆိုတဲ့စကားလည်းရှိသေးတယ်။ အဲဒါကတော့ ကျောက်တစ်လုံးရဲ့ပါတဲ့အရောင်နဲ့ ဒီမူလအရောင်ကို ပိုမိုတောက်ပြောင် အရောင်ပိုထွက်လာအောင် ကျောက်ရဲ့အခွံပိုင်းကို သွေးပစ်ပြီး သူ့ရှိသမျှ လူက အကုန်မြင်ရအောင် ပြုပြင်ပေးထားလို့ ဖြစ်ပေါ်လာတဲ့ အနေအထားကို ပြောတာပါ။
မြေထဲက ထွက်လာတဲ့ ကျောက်တစ်လုံးဟာ သူ့မြေအောက်ကျောက်သက်တမ်းနဲ့ သူ့အနေအထား အရ အရောင်အသွေးက သူ့အထဲမှာ အမျိုးမျိုးဖြစ်တည်နေတယ်။ နုတာ၊ ရင့်တာ၊ ပျော့တာ၊ မာတာ၊ငုပ်နေတာ၊ ပေါ်နေတာ စသဖြင့် အမျိုးမျိုး။ အဲဒါကို လူက သေသေချာချာ ကြည့်ရှုအကဲခတ်ပြီး မူလရှိရင်းစွဲကို အစွမ်းကုန်ပေါ်လွင်အောင် ရှိရ့င်းထက် ပိုပြီး ထွက်လာနိုင်အောင် လူ့အစွမ်းနဲ့ ဖေးမကူညီပြီး လှသည်ထက် လှအောင် လုပ်ပေးတာ။ ဒါမှ ကျောက်က အဖိုးတန်သည်ထက် ပိုတန်လာမယ် ဟုတ်လား။
အဲဒီလိုရှိရာမှာ အမေတို့လူသားကျတော့လည်း လူ့တန်ဖိုးကို အကဲဖြတ်ရာမှာ ကျောက်နဲ့ထပ်တူ သုံးနှုန်းပြောဆိုတယ်။ လူ့အရည်အသွေး၊ လူ့အရည်အရောင်၊ လူ့အရည်အချင်းဆိုပြီး လူကို ကျောက်လိုပဲသုံးစွဲပါတယ်။
တကယ်ကတော့ ကျောက်နဲ့လူမှာ လူက ကျောက်ထက်ပဲ ပိုလို့ တန်ဖိုးရှိရမှာ ဟုတ်လား။ ကျောက်တစ်လုံး အဖိုးတန်လှပါတယ်ဆိုရင် ပြည်တန်တဲ့ပတ္တမြားလို့ သုံးနှုန်းပြောဆိုကြတယ်။ အဲဒါကမ်းကုန်ရော။ လူတစ်ယောက် တကယ်ပဲ တန်ဖိုးရှိလာအောင် လုပ်ဆောင်လာတဲ့အခါတော့ ဘယ်မှာ တိုင်းပြည်တစ်ပြည်နဲ့လဲနိုင်ပါ့မလဲ။
လူ့ အရည်အချင်း၊ လူ့အရည်အသွေး နဲ့ လူ့အရည်အရောင်က အတိုင်းအဆမရှိဖြစ်ပေါ်လာနိုင်တဲ့ စွမ်းအားတွေ လူထဲမှာ ရှိပါတယ်။
ဒါကြောင့် လူငယ်တွေကို အမေက ပြောချင်တယ်။ မင်းတို့လူငယ်တွေ လူ့အဖိုးတန်၊ လူတော်လူကောင်းလေးတွေဖြစ်အောင် ကြိုးစားကြ၊ လူမှာ သုံးမကုန်တဲ့အစွမ်းအစတွေ၊ အသိဥာဏ်တွေရှိတယ်။ အဲဒီ အစွမ်းအစကို မှန်မှန်ကန်ကန် သုံးစွဲတတ်ဖို့ပဲ လိုတယ်။ မှန်ကန်ဖို့ကတော့ ကိုယ့်မှာ နှိုင်းချိန်စဉ်းစားတတ်တဲ့သဘောထားရှိရမှာပေါ့။
တချို့လူငယ်တွေက ကိုယ်လူဖြစ်တဲ့အခါ ဖြတ်လမ်းကနေပြီး ထင်ပေါ်ကျော်ကြား လူသိများ လူကြိုက်များသူတစ်ယောက်ဖြစ်အောင် ကြိုးစားချင်တယ်။ လှချင်ပချင်တယ်။ ပတ်ဘလစ်မှာ ပေါ်ပြူလာဖြစ်ချင်တယ်။ ဒါကြောင့် အဲဒီအတွက် လွဲမှားတဲ့အားထုတ်မှုတွေပြုလာတတ်တယ်။
မင်းတို့ စာများများဖတ်လာတဲ့အခါ လူ့တန်ဖုိးဆိုတာ ဘယ်လိုဟာဆိုတာကို သိလာလိမ့်မယ်။ သိတဲ့အခါ ရှိအောင်လုပ်ယူရတယ်။ အလကားနေရင်း ဖြစ်လာတာ မဟုတ်ဘူး။ လူမှာ လူ့ကိစ္စအဝဝကို လုပ်ဆောင်တော့မယ်ဆိုတော့ သတ္တိ ဗျတ္တိ၊ ဇွဲ၊ လုံ့လ၊ ဝီရိယ၊ ခံနိုင်ရည်ဆိုတာတွေ ရှိနေအောင် မွေးရပါတယ်။ ဒီအတိုင်း ပေ့ါပေါ့တန်တန်နဲ့ ပျော်ပျော်ပါးပါး နေချင်သူတစ်ယောက်မှာ ဒီလိုစိတ်ထားတွေက အလိုလို ဝင်မလာဘူး။ အားမထုတ် မကြိုးစားဘဲနဲ့ ရေစုန်မျှောလိုက်ချင်တာ၊ လှေကြုံစီးလိုက်ချင်တာ ဆိုတာမျိုးတွေဖြစ်လာ ဝင်လာတယ်။ လူ့စိတ်ဟာ ရေလိုပါပဲ။ မြင့်ရာကို ဆန်ချင်ရင် အားထုတ်ရတယ်။ နိမ့်ကျရာကို စီးဆင်းချင်ရင် အလိုလိုစီးဆင်းပါတယ်။
ပြီးတော့ လူမှာစိတ်ကောင်းနှလုံးကောင်းမွေးရတယ်။ တစ်ကိုယ်ကောင်းဆန်ချင်တဲ့ ပျော့ညံ့တဲ့စိတ်ကို သူများအတွက် င့ါကိုယ်ကျိုး အနစ်နာခံမယ်ဆိုတဲ့ မြင့်မြတ်တဲ့စိတ်ထားနဲ့တိုက်ရတယ်။ ဘာလို့တုန်းဆိုတော့ မင်းက တိရစ္ဆာန်မှ မဟုတ်ဘဲ။ လူသား မဟုတ်လား။
တိရစ္ဆာန်ကတော့ ကိုယ်က အင်အားသာတယ်။ ယှဉ်လိုက်ရင် ကိုယ်နိုင်မယ်ဆိုတာသိရင် အနိုင်ကျင့်တယ်။ လုယက်စားတယ်။ ခုခံတဲ့တစ်ဖက်သားကို အသေအလဲ ထိုးနှက်ကိုက်ဖဲ့ခဲ့တယ်။ လူသားကတော့ ကိုယ့်ထက် အားနည်းသူကို တွေ့ရင် ကရုဏာ မေတ္တာစိတ်နဲ့ သနားပါတယ်။ ချို့တဲ့ရှာတယ်ဆိုပြီး ညှာတာလိုက်တယ်။ ကိုယ်က အနစ်နာခံလိုက်တယ်။ ကိုယ်ကျိုးကို စွန့်လိုက်တယ်။
အလုပ်နဲ့ပက်သက်လို့ ကိုယ်လုပ်ရမယ့်အလုပ်၊ ကိုယ်လုပ်ရမယ့် ဝတ္တရား၊ ကိုယ်လုပ်ရမယ့် တာဝန်ကျပြန်တော့လည်း မခိုမကပ်၊ ဇွဲ၊ လုံ့လ၊ ဝီရိယနဲ့ သတ္တိ ဗျတ္တိ သုံးပြီးလုပ်ကြရတယ်။ ဒါမှ စစ်မှန်တဲ့လူသား။
အဲဒီလိုစိတ်မျိုးရှိနေအောင် စာတွေဖတ်ပါ။ စိတ်ကောင်းမွေးပါ။ လူ့အရည်အချင်း၊ လူ့အရည်အသွေး၊ လူ့အရည်အရောင် တက်သည်ထက် တက်အောင် လုပ်ဆောင်ပါ။ ကျောက်ကလေး တစ်စေ့ကို တောင်မှ အရှိအတိုင်းမထားဘဲ လူက ကြိုးစားလုပ်ဆောင်သေးတာ။ ကျောက်ထက် အဖိုးတန်တဲ့ လူရင့်မကြီးအတွက် သိပ်လုပ်ဖို့လိုတာပေါ့။
ဒါကြောင့် လူငယ်တွေ စာများများဖတ်၊ လူပီသအောင်ကြိုးစား၊ သဘောထားမှန်အောင် လုပ်ကြကွယ်။ လူဟာ သစ္စာတရားအတွက် ရွက်ဆောင်နိုင်တဲ့ စွမ်းအားတွေ ခန့်မှန်းလို့မကုန်နိုင်အောင် ရှိတယ်ကွယ်။
ကလျာမဂ္ဂဇင်း၊ နိုဝင်ဘာလ၊ ၂၀၀၀ ပြည့်
( လူထုဒေါ်အမာ ရေးခဲ့တဲ့စာလေးပါပဲ သူ့စာအုပ်ဖတ်နေတာဆိုတော့ ပြန်ပြီး မျှဝေချင်စရာတွေက အများကြီးပဲ လူတွေအားလုံးအတွက် တကယ် အဖိုးတန်တဲ့စာလေးတွေမို့ ဖတ်ကြည့်စေချင်ပါတယ် ကျေးဇူးတင်ပါတယ်)

Tuesday, January 25, 2011

လွှတ်တော်အကြို နေပြည်တော်မှာ ဈေးဆိုင်တွေ စောစောပိတ်ဖို့ အမိန့်ထုတ်

လာမယ့် ၃၁ ရက်နေ့ကျရင် လွှတ်တော်ကျင်းပမယ့် နေပြည်တော်မှာ ဒီရက်ပိုင်းတွေ အတွင်းကစလို့ လုံခြုံရေး တင်းကျပ်မှုတွေ အတော်လေး စတင်နေပါပြီ။ လာမယ့် ကြာသပတေး ဇန်န၀ါရီ ၂၇ ရက်နေ့ကစလို့ နေပြည်တော်၊ ပျဉ်းမနားမြို့တွေမှာရှိတဲ့ စားသောက်ဆိုင်နဲ့ တခြားအရောင်းဆိုင်တွေ အားလုံးကို ညနေ ၆ နာရီနောက်ပိုင်း ပိတ်ဖို့ အာဏာပိုင်တွေက အကြောင်းကြားထားတယ်လို့ ပျဉ်းမနားက စားသောက်ဆိုင် ပိုင်ရှင်တဦးက ပြောပါတယ်။

“၂၇ ရက်နေ့ကစပြီး ညနေ ၆ နာရီ ပိတ်ရမယ်လို့ အကြောင်းကြားထားပါတယ်။ ပျဉ်းမနားဘက်ရော၊ နေပြည်တော် မြို့မဈေးတို့၊ သပြေကုန်းဈေးတို့ ပတ်ဝန်းကျင်မှာရှိတဲ့ ဆိုင်တွေအားလုံး။ ပြန်ဖွင့်ရမယ့် ရက်ကိုတော့ အကြောင်းကြားမယ်လို့ ပြောတယ်။ အခုထိ မပြောသေးတော့ လွှတ်တော်ပြီးမှပဲ ပြန်ဖွင့်ရမယ့် အခြေအနေပါပဲ။ နေပြည်တော်မှာက အဲဒီလို ဆိုင်ပိတ်ဆိုရင် ညမထွက်ရ အမိန့်လိုပဲ မထွက်ကြတာ ထုံးစံလို ဖြစ်နေပါပြီ။ တခုခု ပိတ်ဆိုတာနဲ့ နေပြည်တော်က လူတွေက ညမထွက်ရဲတော့ဘူး၊ မထွက်ကြတော့ဘူး။ အိမ်ထဲပဲ နေလိုက်ကြတာပဲ။ အဲဒီလို ထုံးစံဖြစ်နေပါပြီ။”

တခါ လွန်ခဲ့တဲ့ ရက်အနည်းငယ်ကစလို့ လုံခြုံရေးကားတွေ မြို့တွင်းလှည့်လည်မှုတွေ စတင်နေပြီ ဖြစ်သလို မြို့ဝင်မြို့ထွက် ဂိတ်တွေကိုလည်း အထူးစစ်ဆေးပြီး ညဘက်ဆို ဧည့်စာရင်းတွေ စစစ်နေပြီလို့ သူက ပြောပါတယ်။

“ရဲကားတစီးမှာ ရဲ ၃၀ လောက်ဆန့်တဲ့ကား ၄ စီးလောက်ရယ်၊ ရှေ့က ၀ါယာလက်ကားရယ်၊ ရဲမော်တော်ဆိုင်ကယ် ၂ စီး၊ ၃ စီးရယ်က ပြီးခဲ့တဲ့ ၄ ရက်လောက်ကစပြီး ည ၉ နာရီဆို မြို့ထဲမှာ စပတ်ပါတယ်။ မြို့ထဲမှာ အမှတ် ၁ ရဲစခန်းရှေ့က ထွက်တယ်။ ရာဇသင်္ဂဟလမ်းပေါ် တက်တယ်။ ပြီးတော့ ရာဇဌာနီလမ်းကိုသွား၊ ဟိုး နေပြည်တော် ကားဝင်းကို ပြန်၊ ပြီးတော့မှ အရှေ့ဘက်ကနေ ပျဉ်းမနားမြို့ထဲကို ပြန်ဝင်၊ ပျဉ်းမနားမြို့ထဲမှာ တပတ် ပတ်ပြီးတော့မှ နေပြည်တော် အမှတ် ၁ ရဲစခန်းကို ပြန်ဝင်သွားတာပေါ့။ ဧည့်စာရင်းကတော့ ရပ်ကွက်တိုင်းမှာ တော်တော်ကြီးကို ပိုက်စိတ်တိုက် စစ်နေပါတယ်။”

ဒီလို လုံခြုံရေး လှည့်ကင်းတွေ၊ တခါ ညနေ ၆ နာရီနောက်ပိုင်း ဆိုင်မဖွင့်ရ ဆိုတဲ့အတွက် မြို့ခံတွေဟာ ညဘက်မှာ အပြင်မထွက်ရဲကြတော့ဘဲ သွားလာမှုတွေ နည်းသွားကြပါတယ်။ ဒီလို အခြေအနေတွေကြောင့် ညပိုင်းဖွင့်ကြတဲ့ ကျူရှင်တွေ၊ စာကျက်ဝိုင်းတွေ ဒီရက်ပိုင်းတွေအတွင်း ပိတ်ထားမယ် ဆိုတာကြောင့် စာမေးပွဲ နီးလာပြီဖြစ်တဲ့ ၁၀ တန်းကျောင်းသားတွေ အခက်အခဲ ဖြစ်ကြရတယ်လို့ မြို့ခံတွေက ပြောပါတယ်။

လွှတ်တော်ကျင်းပမယ့် နေပြည်တော်မှာ အခုလို လုံခြုံရေး တင်းကျပ်နေသလို လွှတ်တော် ၃ ရပ်အတွက် တက်ကြမယ့် လွှတ်တော် ကိုယ်စားလှယ်တွေကိုလည်း ကန့်သတ်ချက်တွေ ထုတ်ထားပါတယ်။ လုံခြုံရေးအရ လွှတ်တော်တွင်း မယူရဆိုတဲ့ ပစ္စည်းတွေ စာရင်းကို လွှတ်တော်တက်ဖို့ ဖိတ်စာနဲ့ တခါတည်း ပူးတွဲ ပေးပို့ထားတာတွေ ရှိပါတယ်။ အခု လွှတ်တော်တက်ဖို့ နေပြည်တော်ကို ရောက်နေတဲ့ ကိုယ်စားလှယ် တချို့ထဲက အမျိုးသား ဒီမိုကရက်တစ် အင်အားစု (NDF) ပါတီရဲ့ ကိုယ်စားလှယ် ဒေါက်တာ မြတ်ဉာဏစိုးကတော့ သူနောက်ဆုံးသိရတဲ့ အခြေအနေကို အခုလို ပြောပါတယ်။

“အဓိကကတော့ လက်ကိုင်ဖုန်းပေါ့၊ ကွန်ပျူတာ၊ ပြီးတော့ လက်ဆွဲအိတ်၊ လွယ်အိတ်၊ ခေါင်းပေါင်းဘူး၊ ကျန်တာကတော့ တပ်မတော်သား ကိုယ်စားလှယ်တွေလည်း ပါတဲ့အခါကြတော့ လက်နက် မယူရဘူး၊ လက်နက် ခဲယမ်းမီးကျောက် အဲဒါတွေ မယူရဘူး။ ကန့်သတ်ချက်ကတော့ ကင်မရာပေါ့၊ အဲဒါပါပဲ။ အဲဒီ ပန်ကြားလွှာက ဖိတ်စာနဲ့အတူတူတွဲပြီး ပါတာပါ။ ဖိတ်စာနဲ့တကွပေါ့။ အထဲမှာ ပန်ကြားထားတာ ဖြစ်ပါတယ်။ ထပ်ပြီးတော့ ထပ်မံ ကန့်သတ်တာမျိုး မရှိပါဘူး။”

NDF ပါတီရဲ့ လွှတ်တော်ကိုယ်စားလှယ် ဒေါက်တာ မြတ်ဉာဏစိုး ပြောပြခဲ့တာ ဖြစ်ပါတယ်။

လာမယ့် ၃၁ ရက်နေ့ လွှတ်တော်ကျင်းပတဲ့အခါ သတင်းသမားတွေ သတင်းသွားယူခွင့် ရမလား၊ မရဘူးလားဆိုတဲ့ ကိစ္စကတော့ ဒီနေ့ထိ အတိအကျ မသိရသေးပါဘူး။ နိုင်ငံခြား သတင်းဌာနတွေနဲ့ နိုင်ငံခြား သတင်းဌာနတွေအတွက် အလုပ်လုပ်ပေးနေကြတဲ့ ပြည်တွင်းသတင်းထောက်တွေ စာရင်းကိုတော့ ပြန်ကြားရေးဌာနက မနက်ဖြန်လောက် အကြောင်းကြားနိုင်တယ်လို့ မျှော်လင့်နေကြပါတယ်။ ဒါပေမဲ့ ပြည်တွင်း သတင်းဂျာနယ်တွေ အတွက်တော့ အခုရက်ထိ စာရင်းတောင်းတာ၊ အကြောင်းကြားတာမျိုး မရှိသေးတာမို့ သတင်းသွားယူခွင့် ရှိမရှိ ဆိုတာတောင် မသိရသေးဘူးလို့ သတင်းထောက်တွေက ပြောပါတယ်။

sources: :VOA

GSM ဖုန်းများ ပြည်တွင်းနှင့် နိုင်ငံတကာသို့ အပြန်အလှန် သယ်ဆောင်အသုံးပြုနိုင်ရန် စတင်စမ်းသပ်


မြန်မာနိုင်ငံ အတွင်းတွင်သာ အသုံးပြုနိုင်သော GSM မိုဘိုင်းလ်တယ်လီဖုန်း SIM Card များကို နိုင်ငံတကာတွင်ရော နိုင်ငံတကာမှ GSM ဖုန်းလည်း မြန်မာနိုင်ငံသို့ပါ အပြန်အလှန် သယ်ဆောင် အသုံးပြုနိုင်သည့် International Roaming Call ဝန်ဆောင်မှုကို တရုတ်ပြည်သူ့သမ္မတနိုင်ငံ အခြေစိုက် ဆက်သွယ်ရေးကုမ္ပဏီ China Unicom Cooperation နှင့် မြန်မာ့ဆက်သွယ်ရေး လုပ်ငန်းတို့ နှစ်ဦးနှစ်ဖက် သဘောတူညီမှု အရ စတင်စမ်းသပ်နေပြီ ဖြစ်ကြောင်း China Unicom က တရားဝင်သတင်း ထုတ်ပြန်သည်။
၂၀၁၀ ပြည့်နှစ် ဒီဇင်ဘာလ ၂၂ ရက်နေ့က တရုတ်ပြည်သူ့ သမ္မတနိုင်ငံ ယူနန်ပြည်နယ်မြို့တော် ကူမင်းတွင် China Unicom Cooperation နှင့် မြန်မာ့ဆက်သွယ်ရေးလုပ်ငန်းတို့ အကြား သဘောတူညီမှု စာချုပ်တစ်ရပ် ရေးထိုးကြရာတွင် GSM ဖုန်းများ International Roaming ဝန်ဆောင်မှုခေါ် နိုင်ငံတကာသို့ GSM ဖုန်းလိုင်းမှတစ်ဆင့် အသံ Voice နှင့် အချက်အလက် သတင်းတို SMS ပေးပို့ခြင်းနှင့် လက်ခံခြင်းကို စတင်စမ်းသပ် အသုံးပြုရန် China Unicom ကတာဝန်ယူပေးမည် ဖြစ်ကြောင်း တရုတ်အစိုးရ အာဘော် China Daily က သတင်းဖော်ပြသည်။
အဆိုပါ သဘောတူညီမှုသည် မြန်မာ့ဆက်သွယ်ရေး လုပ်ငန်းအနေနှင့် International Roaming ဝန်ဆောင်မှုကို ပြည်ပနိုင်ငံ၏ ကုမ္ပဏီတစ်ခုထံ ပထမဦးဆုံးအကြိမ် စာချုပ်ဆိုအပ်နှံခြင်း ဖြစ်ပြီး China Unicom အနေနှင့်လည်း မြန်မာနိုင်ငံတွင် အဆိုပါ ဝန်ဆောင်မှုမျိုး ပထမဦးဆုံးအကြိမ် စီစဉ်ဆောင်ရွက်ပေးမည့် ကုမ္ပဏီ ဖြစ်လာသည်။ မြန်မာနိုင်ငံသည် ယူနန်ပြည်နယ်၏ အကြီးမားဆုံး နိုင်ငံခြားကုန်သွယ်ဖက် နိုင်ငံတစ်ခုဖြစ်ပြီး ယူနန်ပြည်နယ်သည်လည်း နံပါတ်တစ် ပို့ကုန်ဈေးကွက်နှင့် ဒုတိယမြောက် သွင်းကုန်ဈေးကွက်အဖြစ် တရုတ်-မြန်မာ နှစ်နိုင်ငံ ကုန်သွယ်မှုပမာဏ၏ ၅၀ ရာခိုင်နှုန်း ရှိနေသော ပြည်နယ်ဖြစ်သည်။
ယခင်က မြန်မာနိုင်ငံတွင် အသုံးပြုနေသော GSM မိုဘိုင်းလ်ဖုန်းများကို ပြည်ပနိုင်ငံများသို့ ယူဆောင်သွားရာတွင် သို့မဟုတ် မြန်မာနိုင်ငံသို့ အခြားနိုင်ငံများမှ GSM ဖုန်းများ ယူဆောင်လာရာတွင် သက်ဆိုင်ရာနိုင်ငံ၌ အသုံးပြုနေသည့် SIM Card နှင့် လဲလှယ် အသုံးပြုခဲ့ရသော်လည်း ယခုကဲ့သို့ International Roaming ဝန်ဆောင်မှု စတင်လိုက်သည့်အတွက် သက်ဆိုင်ရာ နိုင်ငံတွင် အသုံးပြုနိုင်သည့် သင်္ကေတ ကုတ်နံပါတ်ကို ညွှန်ကြားချက်အတိုင်း ရိုက်ထည့်လိုက်ရုံဖြင့် SIM Card လဲလှယ်စရာ မလိုဘဲ တိုက်ရိုက် အသုံးပြုနိုင်ပြီ ဖြစ်သည်။ မြန်မာနိုင်ငံ၌ GSM မိုဘိုင်းလ် တယ်လီဖုန်း စုစုပေါင်း ၄၈၅,၁၀၀ လိုင်း ငှားရမ်းအသုံးပြုလျက် ရှိကြောင်း နိုင်ငံပိုင် မီဒီယာများတွင် တရားဝင်ဖော်ပြ ထားသည်။

sources: :The Voice Weekly

Monday, January 24, 2011

NLD တရားဝင် ရပ်တည်ခွင့် နောက်ဆုံး လျှောက်လဲချက် ပြီးပြီ

ပြီးခဲ့တဲ့ နိုဝင်ဘာ ရွေးကောက်ပွဲမှာ ၀င်ရောက်ယှဉ်ပြိုင်ခြင်း မပြုဖို့ NLD ပါတီက ဆုံးဖြတ်ခဲ့ပြီးနောက်ပိုင်း စစ်အစိုးရက ထုတ်ပြန်ထားတဲ့ ဥပဒေတွေအရ ပါတီအနေနဲ့ နိုင်ငံရေးပါတီအဖြစ် တရားဝင် ရပ်တည်ပိုင်ခွင့် မရှိတော့သလို ဖြစ်သွားခဲ့တဲ့နောက်ပိုင်း ပါတီ တရားဝင် ရပ်တည်ပိုင်ခွင့် ရရေးအတွက် တရားစွဲဆိုထားခဲ့တာပါ။

အရင် စွဲဆိုချက်တွေကို တရားရုံးချုပ်က ပလပ်လိုက်ပေမဲ့ အခုနောက်ဆုံး နေပြည်တော် တရားရုံးချုပ်မှာ တင်သွင်းထားတဲ့ လျှောက်လဲချက်နဲ့ ပတ်သက်လို့တော့ ဒီကနေ့ နေပြည်တော် တရားရုံးချုပ်က နှစ်ဘက် ရှေ့နေတွေရဲ့ လျှောက်လဲချက်တွေကို ကြားနာခဲ့တဲ့အကြောင်း NLD ပါတီ ဗဟို ဥပဒေ အထောက်အကူပြု အဖွဲ့ဝင်လည်းဖြစ်၊ ဒီအမှုကို လိုက်ပါဆောင်ရွက်ပေးနေတဲ့ အကျိုးဆောင်ရှေ့နေ တဦးလည်းဖြစ်တဲ့ ဦးဉာဏ်ဝင်းက ပြောပြပါတယ်။
“ဒီနေ့မနက် ၁၀ နာရီမှာ နှစ်ဘက်ပေါ့၊ ကျနော်တို့ တဘက်ရယ်၊ အစိုးရဘက်က ရှေ့နေချုပ်ရုံးရယ်၊ လျှောက်လဲချက် ပေးပါတယ်။ ၁၂ နာရီဝန်းကျင်မှာ ပြီးပါတယ်။ ကျနော်တို့ဘက်ကတော့ ဆရာ ဦးကြည်ဝင်း ကိုယ်တိုင် လျှောက်လဲချက် ပေးပါတယ်။ အဲဒါကို အမိန့်ကျဖို့ရက် မရသေးပါဘူး။ ကျနော်ကတော့ Order Result ပေ့ါ၊ အမိန့်ချမှတ်ရန် သီးသန့်ထားသည်ဆိုတော့ ကျနော်တို့ အဲဒါ အမိန့်စောင့်ရဦးမယ်။ လျှောက်လဲချက်ပေးတဲ့ အဆင့်ပါပဲ။ ကိုယ့်ဘက်က လျှောက်လဲချက် ပေးတယ်၊ ဟိုဘက်က လျှောက်လဲချက် ပေးတယ်၊ အဲဒါပါပဲ။”
အစိုးရရှေ့နေတွေဘက်ကတော့ စစ်အစိုးရက ထုတ်ပြန်ထားတဲ့ ဥပဒေသစ်တွေကို ကိုးကားပြီး တင်ပြခဲ့တဲ့အကြောင်း ဦးဉာဏ်ဝင်းက ဆက်ပြောပြပါတယ်။
“သူတို့ကတော့ ဒီဥစ္စာ မှန်တယ်ပေါ့။ ဥပဒေအသစ် ထွက်နေပြီ၊ ဥပဒေအတိုင်းပဲ ဘာညာပေါ့ဗျာ။ ကျနော်တို့ကတော့ အသေးစိတ် ပြောပါတယ်။ ကျနော်တို့ပြောတဲ့ အသေးစိတ်ကိုလည်း ဟိုဘက်က အသေးစိတ်တော့ မတုံ့ပြန်ဘူး။ မတုံ့ပြန်ဘူးဆိုတာ သူတို့ Ready မဖြစ်တာလည်း ပါမှာပေါ့ဗျာ။ အကြမ်းဖျင်းအားဖြင့်တော့ အစိုးရဘက်က ဒါ မှန်တယ်လို့ ပြောတာပေါ့။ ကျနော်တို့ကတော့ လုံးဝ လွဲမှားနေတဲ့အကြောင်း ဥပဒေ အထောက်အထားနဲ့ ပြောတာပါ။”
အခု သူတို့ဘက်က လျှောက်လဲချက်ဟာ ဥပဒေလမ်းကြောင်းအရ မှန်ကန်တဲ့ လျှောက်လဲချက် ဖြစ်တာကြောင့် လျှောက်ထားချက်အပေါ် တရားရုံးက လက်ခံမယ်လို့ သူ့အနေနဲ့ ယုံကြည်တဲ့အကြောင်း ဦးဉာဏ်ဝင်းက ပြောပါတယ်။
“ကျနော့်အနေနဲ့တော့ ဥပဒေကြောင်းအရ ကောင်းတဲ့အတွက် ပယ်လိုက်တယ် ဆိုတဲ့အစား လက်ခံလိမ့်မယ်လို့ ကျနော်တို့ ယုံကြည်တယ်။”
NLD ဗဟို ဥပဒေ အထောက်အကူပြု အဖွဲ့ဝင် အကျိုးဆောင် ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။
နေပြည်တော် တရားရုံးက NLD ပါတီ တရားဝင် ရပ်တည်ခွင့် ရှိရေးအတွက် လက်ခံပြီး ဆုံးဖြတ်ချက် ချပေးလိုက်ရင် ပါတီအနေနဲ့ တရားဝင် နိုင်ငံရေးပါတီအဖြစ် ရပ်တည်ခွင့်ရှိမှာ ဖြစ်ပေမဲ့ တရားရုံးက ပယ်လိုက်ရင်တော့ NLD ပါတီဟာ တရားဝင် နိုင်ငံရေးပါတီအဖြစ် ဆက်လက်ရပ်တည်ခွင့် ရတော့မှာ မဟုတ်ပါဘူး။
စစ်အစိုးရက ထုတ်ပြန်ခဲ့တဲ့ ၂၀၁၀ ရွေးကောက်ပွဲဆိုင်ရာ ဥပဒေ၊ နည်းဥပဒေတွေအရ ရွေးကောက်ပွဲ မ၀င်ဖို့ ဆုံးဖြတ်ခဲ့တဲ့ NLD ပါတီ အနေနဲ့ အဲဒီ ဥပဒေတွေနဲ့ ငြိစွန်းပြီး တရားဝင် နိုင်ငံရေးပါတီအဖြစ် ဆက်လက်ရပ်တည်ခွင့် မရတော့သလို ဖြစ်ခဲ့ပေမဲ့ NLD ကတော့ အရင် ၁၉၉၀ ခုနှစ် ရွေးကောက်ပွဲမှာ တရားဝင် မှတ်ပုံတင်ထားပြီး ဖြစ်တဲ့အတွက် မှတ်ပုံထပ်တင်စရာ မလိုတော့ဘူးလို့ အစောပိုင်းက ပြောထားခဲ့ဖူးပါတယ်။

sources: :voa

Saturday, January 22, 2011

McWiLL Broadband Wireless Access လျှောက်ထားခြင်း

McWill Broadband Wireless Access ဝန်ဆောင်မှုကို အသုံးပြုလိုသော Customer များအတွက် လိုအပ်သည့် အချက်အလက်များနှင့် လျှောက်ထားနိုင်သည့် နေရာများမှာ အောက်ပါအတိုင်း ဖြစ်ပါသည်။
Internet
* Setup Fee - 500,000 Kyats
* Annual for Internet - 60,000 Kyats
Prepaid Charges
* 10,000 Kyats
* 30,000 Kyats
Service Plan
Speed 128 Kbps အတွက် ၁ မိနစ်လျှင် ၂ ကျပ်၊ 256 Kbps အတွက် ၁ မိနစ်လျှင် ၃ ကျပ်၊ 512 Kbps အတွက် ၁ မိနစ်လျှင် ၆ ကျပ်၊ 1M အတွက် ၁ မိနစ်လျှင် ၈ ကျပ် အသီးသီး ဖြစ်ပါသည်။
လိုအပ်သည့် ထောက်ခံချက်များမှာ
(၁) မှတ်ပုံတင်မိတ္တူ
(၂) သန်းခေါင်စာရင်း မိတ္တူ
(၃) ဓါတ်ပုံ (၂) ပုံ တို့ဖြစ်သည်။
Sales Office & Service Centre များမှာ နေပြည်တော် တိုင်းဒေသကြီး၌ နေပြည်တော် စာတိုက်ကြီး၊ ရန်ကုန်မြို့တွင် အမှတ် (၆၁၇)၊ ပြည်လမ်း၊ မာလာဆောင်ရှေ့၊ ကမာရွတ်မြို့နယ်၊ ဖုန်း- (၀၁) ၅၁၅၂၅၀၊ ၅၁၅၂၅၃၊ ဖက်(စ်) (၀၁) ၅၁၄၅၉၉ ၊ မန္တလေးမြို့တွင် အမှတ် (၄၄-ဘီ)၊ ၂၆ လမ်း၊ Swan Hotel ဝင်း၊ ဖုန်း- (၀၂) ၆၄၀၀၁၊ ၆၄၀၀၄၊ ဖက်(စ်) (၀၂) ၆၄၀၀၅ တို့ဖြစ်ပါသည်။
McWill အရောင်းစင်တာ (နေပြည်တော်)
အောက်ဖော်ပြပါ မြို့နယ်များတွင် အသုံးပြုလိုသည့် McWill Customer များသည် မိမိတို့ မြို့နယ်နှင့် သက်ဆိုင်သည့် အရောင်းစင်တာများတွင် McWill ပစ္စည်းများကို ဝယ်ယူ ရရှိနိုင်ပါသည်။
၁။ အရောင်းစင်တာ(၁)
(အမှတ်-ပ- ၁၆၈၊ သပြေကုန်းဈေး၊ နေပြည်တော်)
 ၁။ ဒက္ခိဏသီရိ မြို့နယ်
 ၂။ လယ်ဝေး မြို့နယ်
 ၃။ ဥတ္တသီရိ မြို့နယ်
 ၄။ ပုပ္ဗသီရိ မြို့နယ်
 ၅။ ပျဉ်းမနား မြို့နယ်
 ၆။ တပ်ကုန်း မြို့နယ်
 ၇။ ဇမ္ဗူသီရိ မြို့နယ်
 ၈။ ဇေယျာသီရိ မြို့နယ် တို့ဖြစ်ပါသည်။
McWill အင်တာနက် တယ်လီဖုန်းနှင့် McWill Prepaid Top-Up ကတ်များ ဝယ်ယူ ရရှိနိုင်မည့် ဆိုင်ခန်းနေရာများမှာ-
ရန်ကုန်မြို့တွင်
(၁) တိုက်အမှတ် (၄၅-၄၆)၊ ဗဟိုစည်အိမ်ရာ၊ ဝါးတန်းလမ်း၊ လမ်းမတော်မြို့နယ်၊ ဖုန်း- ၀၁-၂၂၉၂၃၄၊၂၁၄၆၂၈။
(၂) အမှတ် (၈၀)၊ ဗိုလ်အောင်ကျော်လမ်း၊ ကျောက်တံတားမြို့နယ်၊ ဖုန်း- ၀၁-၃၉၂၁၅၇၊ ၃၉၂၁၅၈။
(၃) Asia Light Super Market၊ ပုလဲကွန်ဒိုမီနီယံနှင့် လပြည့်ဝန်း ပလာဇာ၊ ဖုန်း၊ ၀၁- ၅၅၉၃၄၇၊ ၃၇၀၈၃၆ (Extး ၁၀၂) တို့ဖြစ်ပါသည်။
မန္တလေးမြို့တွင်
(၁) အမှတ် (တ-၇၊ စ-၅)၊ သိပ္ပံလမ်းနှင့် နှင်းဆီလမ်းထောင့်၊ ဖုန်း- ၀၂-၈၀၃၀၈၊ ၈၀၂၇၆။
(၂) အမှတ် (A-9)၊ လမ်း ၃၀၊ (၆၄x ၆၅ လမ်း)၊ ဖုန်း- ၀၉-၄၉၂၆၃၂၆၂ တို့ဖြစ်သည်။
နေပြည်တော်တွင်
(၁) ဒုတိယထပ်၊ Asia Light Super Market၊ သပြေကုန်းဈေး၊ ဖုန်း- ၀၆၇-၄၁၄၆၅၁-၃။
(၂) Asia Light Super Market၊ ပျဉ်းမနား၊ ဖုန်း- ၀၆၇- ၂၂၉၆၄၊ ၂၃၁၂၄၊ ၂၁၄၃၅။
(၃) အမှတ် (ပ- ၁၆၈) မြေညီထပ်၊ သပြေကုန်းဈေး။ ဖုန်း- ၀၉- ၄၉၂၆၃၂၆၇ တို့ဖြစ်သည်။

sources: :Yatanarpon

မြန်မာ့ဒီမိုကရေစီ အဆင့်မတိုး


ဒဏ်ခတ် အရေးယူထားတာတွေကို အမေရိကန်က လောလောဆယ်ရုပ်သိမ်းပေးဖို့ အစီအစဉ် မရှိသေးဘူးဆိုတဲ့ အကြောင်းပြချက်တွေထဲမှာ သိသာထင်ရှားတဲ့ ဒီမိုကရေစီရေး ပြုပြင်ပြောင်းလဲမှုတွေ မဖြစ်သေးတာက အဓိက အကြောင်းပြချက်တခုဖြစ်ပါတယ်။ အဲဒီအချက်ကို သက်သေပြု ထောက်ခံတဲ့ အစီရင်ခံစာတစောင် မကြာသေးခင်ကပဲ ထွက်လာတာမှာ မြန်မာနိုင်ငံရဲ့ ဒီမိုကရေစီညွှန်းကိန်းဟာ ၁၆၃ မှာရှိနေတာကို တွေ့ရပါတယ်။ နိုင်ငံပေါင်း ၁၆၇ နိုင်ငံရဲ့ ဒီမိုကရေစီအဆင့်အတန်းကို သုတေသန ပြုစုပြီး အစီရင်ခံစာထုတ်ပြန်ခဲ့တာကတော့ The Economist မဂ္ဂဇင်းရဲ့ သုတေသနအဖွဲ့ခွဲတခုဖြစ်တဲ့ The Economist Intelligence Unit (EIU) ဖြစ်ပါတယ်။ နိုင်ငံ ၁၆၇ နိုင်ငံရဲ့ ဒီမိုကရေစီအဆင့်အတန်းကို အမျိုးအစားတွေ ခွဲခြားသတ်မှတ်ထားတာမှာ ဒီမိုကရေစီ အပြည့်အ၀ရှိတဲ့နိုင်ငံတွေ၊ အပြစ်အနာအဆာ ရှိတဲ့ ဒီမိုကရေစီ ကျင့်သုံးတဲ့နိုင်ငံတွေ၊ ဒီမိုကရေစီနဲ့ တပါတီ ဒါမှမဟုတ် အာဏာရှင်စနစ် ရောထွေး ကျင့်သုံးတဲ့နိုင်ငံတွေ၊ အာဏာရှင်အစိုးရ အုပ်ချုပ်တဲ့နိုင်ငံတွေဆိုပြီး အတန်းအစားလေးခုနဲ့ ဖော်ပြထားပါတယ်။ မြန်မာနိုင်ငံကို တော့ အာဏာရှင်အစိုးရအုပ်ချုပ်တဲ့ နိုင်ငံတွေထဲမှာ ထည့်သွင်းထားပါတယ်။
ဒီမိုကရေစီအဆင့်အတန်းကို စံနှုန်းသတ်မှတ်ချက်ငါးခုနဲ့ တိုင်းတာပြီး ညွှန်းကိန်း သတ်မှတ်ထားတာ ဖြစ်ပြီးတော့ စုစုပေါင်းအမှတ် ကို ၁ ကနေ ၁၀ ထိ ပေးတာမှာ မြန်မာနိုင်ငံကတော့ ၁ ဒဿမ ၇၇ မှတ် ရပါတယ်။ မြန်မာနိုင်ငံမှာ ၂၀၀၈ ခုနှစ်က ဖွဲ့စည်းပုံ အခြေခံဥပဒေကို လူထုဆန္ဒခံယူပွဲလုပ်ပြီး အတည်ပြုပြဌာန်းခဲ့၊ ၂၀၁၀ ခုနှစ်မှာ ပါတီစုံ ဒီမိုကရေစီ အထွေထွေရွေးကောက်ပွဲတွေ ကျင်းပခဲ့ပြီးတော့ မြန်မာစစ်အစိုးရက သူတို့ရဲ့ ဒီမိုကရေစီရေး လမ်းပြမြေပုံ အဆင့်ခုနစ်ဆင့်ကို ဆက်တိုက်အကောင်အထည် ဖော်ခဲ့တယ်ဆိုပေမဲ့ အဲဒီဖြစ်ရပ်တွေက မြန်မာနိုင်ငံရဲ့ ဒီမိုကရေစီအဆင့်အတန်းမှာ ဘယ်လို အပြောင်းအလဲမှ မဖြစ်စေခဲ့ဘူးဆိုတဲ့ သဘောပါပဲ။ ၂၀၀၈ ခုနှစ်တုန်းကလည်း မြန်မာနိုင်ငံဟာ ဒီအဆင့်အတိုင်းပဲရှိခဲ့ပြီး နှစ်နှစ်အတွင်း ဒီမိုကရေစီအဆင့်အတန်း ဘာမှ အပြောင်းအလဲမရှိခဲ့ပါဘူး။ ထူးခြားချက်တခုအနေနဲ့ တွေ့ရတာကတော့ မြန်မာနိုင်ငံရဲ့ နိုင်ငံရေးယဉ်ကျေးမှု တိုင်းတာချက်ကို ရမှတ် ၅.၆၃ ပေးထားတာပါပဲ။ ဒါဟာ အစီရင်ခံစာထဲမှာပါတဲ့ နိုင်ငံအတော်များများနဲ့နှိုင်းယှဉ်ရင် အတော်လေးမြင့်တယ်လို့ ဆိုရမှာပါ။ နိုင်ငံရေးယဉ်ကျေးမှုဆိုတာကတော့ ပြည်သူလူထုရဲ့ နိုင်ငံရေးအသိရေချိန်အပါအ၀င် နိုင်ငံရေးအပေါ် ဘယ်လောက် တိမ်းညွှတ်မှုရှိတယ် ဆိုတာကို တိုင်းတာချက်ဖြစ်ပါတယ်။
မြန်မာနိုင်ငံထက် ဒီမိုကရေစီအဆင့်အတန်း နိမ့်ကျတဲ့နိုင်ငံက လေးနိုင်ငံပဲရှိပြီး အဲဒီနိုင်ငံတွေကတော့ ဥဇဘက်ကစ္စတန်၊ တာခ်မေနစ္စတန်၊ ချာ့ဒ်နဲ့ မြောက်ကိုရီးယားတို့ ဖြစ်ပါတယ်။ ဒီမိုကရေစီအပြည့်အ၀ရှိတဲ့ နိုင်ငံတွေထဲမှာ ထိပ်တန်းငါးနိုင်ငံကတော့ နော်ဝေး၊ အိုက်စ်လန်၊ ဒိန်းမတ်၊ ဆွီဒင်နဲ့ နယူးဇီလန်နိုင်ငံတို့ ဖြစ်ပါတယ်။
EIU အဖွဲ့ရဲ့ ဒီမိုကရေစီတိုင်းတာချက် စံနှုန်းအရဆိုရင် ကမ္ဘာ့လူဦးရေရဲ့ ထက်ဝက်ဟာ ဒီမိုကရေစီ အဆင့်အတန်းတမျိုးမျိုးမှာ နေထိုင်နေကြရတယ်ဆိုပေမဲ့ ၂၀၀၈ ခုနှစ်ကတည်းကနေဆိုရင် တကမ္ဘာလုံးမှာ ဒီမိုကရေစီအဆင့် ကျဆင်းလာနေတယ်လို့ ၂၀၁၀ ပြည့်နှစ်အတွက် ဒီမိုကရေစီညွှန်းကိန်း အစီရင်ခံစာမှာ ဖော်ပြထားပါတယ်။

sources: :VOA

Friday, January 21, 2011

စစ်ဗိုလ်အမတ် ၃၈၈ ဦး အမည်ထွက်လာ

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီးသန်းရွှေက ရွေးချယ်ထားသော စစ်သားအမတ် ၃၈၈ ဦး၏ အမည်နှင့် ရာထူးများကို ရွေးကောက်ပွဲ ကော်မရှင်က မနေ့က ထုတ်ပြန် လိုက်သည်။

ဗိုလ်မှူးချုပ်မှ ဗိုလ်ကြီးအထိပါပြီး ပြည်သူ့လွှတ်တော်အတွက် ၁၁ဝ ၊ အမျိုးသားလွှတ်တော် ၅၆ ဦး၊ တိုင်း/ပြည်နယ် လွှတ်တော် ၂၂၂ ဦး အသီးသီး ဖြစ်သည်။ ကြည်းတပ်မှ ၃၅၃ ဦးဖြင့် အများဆုံးဖြစ်ပြီး ရေတပ်မှ ၁၉ ဦးနှင့် လေတပ်မှ ၁၆ ဦး ပါဝင်သည်။

စာရင်းအရ ကရင်ပြည်နယ် လွှတ်တော် အမတ်အဖြစ် လက်ရှိ ကရင်ပြည်နယ် အေးချမ်းသာယာရေးနှင့် ဖွံ့ဖြိုးရေး ကောင်စီ ဥက္ကဋ္ဌ ဗိုလ်မှူးချုပ်ဇော်မင်းအား ခန့်အပ်ထားသည်ကို တွေ့ရသည်။ သူသည် Officer Training School - OTS အပတ်စဉ် ၅၆ မှ ဖြစ်ပြီး အရှေ့တောင်တိုင်း စစ်ဌာနချုပ် ဒုတိုင်းမှူး တာဝန် ထမ်းဆောင်ဖူးသည်။

ကချင်ပြည်နယ် လွှတ်တော်တွင် ရာထူးအကြီးဆုံးအဖြစ် ဗိုလ်မှူးကြီး သန်းအောင် OTS အပတ်စဉ် ၆၄၊ မွန်ပြည်နယ် ဗိုလ်မှူးကြီးဌေးမြင့်အောင် Officer Training Course-OTC အပတ်စဉ် ၁၂၊ ရှမ်းပြည်နယ်တွင် ဗိုလ်မှူးကြီးအောင်သူ Deference Service Academy-DSA အပတ်စဉ် ၂၄ တို့ ဖြစ်သည်။

ထို့ပြင် မကွေးတိုင်းဒေသကြီး လွှတ်တော်မှ ရာထူးအကြီးဆုံး ဗိုလ်မှူးကြီး အန့်ဇော်သည် OTC အပတ်စဉ် ၁ဝ၊ ပြည်သူ့လွှတ်တော်မှ ဗိုလ်မှူးကြီးတင့်ဆန်းသည် DSA အပတ်စဉ် ၂၆ မှဖြစ်ပြီး ရန်ကုန်တိုင်း ဗျူဟာမှူး၊ အမျိုးသား လွှတ်တော်မှ ဗိုလ်မှူးကြီး မောင်မောင်ထူးသည် OTC အပတ်စဉ် ၁၁ ဖြစ်သည်။

“စစ်တပ်က ရွေးကောက်ပွဲလဲ လုပ်ပြီးပြီ။ အခု သူတို့ လူတွေကို ဥပဒေပြု လွှတ်တော် တင်မကဘူး၊ အစိုးရအဖွဲ့မှာလဲ လက်ဝါးကြီး အုပ်နိုင်အောင် ကြံ့ဖွံ့အသင်းကနေ ပါတီလုပ်ပြီးတော့ နေရာယူလိုက်ပြီ။ စီးပွားရေး လုပ်ငန်းမှန်သမျှလဲ သူတို့တွေနဲ့ သူတို့ရဲ့ လက်ဝေခံတွေ မျှယူပြီးပြီ။ အဲဒီတော့ ဘာမှ မကျန်တော့ဘူးလေ” ဟု သြစတြေးလျ အခြေစိုက် စစ်ရေးလေ့လာသူ ဦးဌေးအောင်က ပြောသည်။

လွှတ်တော်ခေါ်ယူရန် ၁၁ ရက်အလိုတွင် ထုတ်ပြန်သည့် စာရင်းပါ တပ်မတော်သား အမတ်များ၏ မူလ တာဝန်သည် စစ်သားများဖြစ်ပြီး လွှတ်တော်ကျင်းပသည့် အချိန်၌သာ လွှတ်တော်အတွင်းသို့ ခေတ္တလာ၍ ကာကွယ်ရေး ဦးစီးချုပ်၏ အမိန့်အတိုင်း ဆောင်ရွက်ကြရမည် ဖြစ်သည်။ ထို့ပြင် ကာကွယ်ရေးဦးစီးချုပ်က သူအမည်စာရင်း တင်သွင်းထားသော စစ်သားအမတ် တဦးဦးကို အချိန်မရွေး “အစားထိုး ပြောင်းလဲနိုင်ခွင့်” လည်းရှိသည်။ အုပ်ချုပ်ရေး အသစ်တွင် နိုင်ငံရေးတာဝန်ယူမည့် နိုင်ငံဝန်ထမ်းများလည်း ဖြစ်သည်။ 

sources: www.mazzimaburmese.com

ဒေါ်အောင်ဆန်းစုကြည် အင်တာနက် ရပြီ

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ နေအိမ်တွင် အင်တာနက် တရားဝင် တပ်ဆင်ခွင့် ရပြီဟု သူ၏ လုံခြုံရေးအရာရှိ ဦးဝင်းထိန်က ကျိုဒို သတင်းဌာနကို ယနေ့ ပြောသည်။

အစိုးရ၏ အင်တာနက်ဌာန ရတနာပုံ တယ်လီပို့ ၀န်ထမ်းများက နေအိမ်သို့ လာရောက်ပြီး တပ်ဆင်ပေးခြင်းဖြစ်သည်ဟု ဆိုသည်။

မကြာသေးမီက ပေါ်ပေါက်လာသည့် ဆက်သွယ်ရေးဌာန၏ နောက်ဆုံးပေါ် အင်တာနက်လိုင်း ''McWill'' (MULTI Carrier Wireless Local Loop) ဖြစ်ကြောင်း၊ ဒေါ်အောင်ဆန်းစုကြည်အိမ်တွင် တပ်ဆင်သည့် အင်တာနက်လိုင်း နံပတ်မှာ ၀၀၀၀၁ ဖြစ်ကြောင်း၊ ထိုနံပါပတ်ကြောင့်  McWill အင်တာနက်ကို ပထမဆုံး တပ်ဆင်ခွင့် ရသူမှာ ဒေါ်အောင်ဆန်းစုကြည်ဖြစ်သည်ဟု အဓိပ္ပာယ် ရကြောင်း ဦးဝင်းထိန်က ပြောသည်။

ဒေါ်အောင်ဆန်းစုကြည် အင်တာနက် စမ်းသပ် သုံးစွဲခြင်း ရှိမရှိ မေးမြန်းရာ ယခု ချောင်းဆိုးသဖြင့် နေထိုင်မကောင်းကြောင်း၊ သက်သာလာမှ သုံးမည် ဖြစ်ကြောင်း ဦးဝင်းထိန်က ဖြေကြားသည်။
ပြီးခဲ့သည့်နှစ်က ထိန်းသိမ်းခံရမှုမှ ပြန်လွတ်လာစဉ် အင်တာနက် သုံးခွင့် လျှောက်လွှာတင်ခဲ့သော်လည်း စက်ပိုင်းဆိုင်ရာ အကြောင်းပြချက်ဖြင့် ငြင်းပယ်ခံရသည်။

McWill အင်တာနက်လိုင်းအတွက် ၆ သိန်း ၁ သောင်း (ဒေါ်လာ ၇၂၀ ခန့်)  ပေးသွင်းရသည်။ တနာရီအသုံးပြုခ ဒဿမ ၅ ဒေါ်လာခန့် ကျသင့်သည်ဟု ဆိုသည်။



sources: :Kyodo သတင်းဌာန

Thursday, January 20, 2011

သားသမီး ၂၀၀ ကျော် အမေ့ခြေရာယူ

  မန္တလေးမြို့တွင် မြန်မာနိုင်ငံ ‘အမေနေ့’ အထိမ်းအမှတ်အဖြစ် မိခင်ခြေရာကို သားသမီးများက ရယူကြရာ လူ ၂၀၀ ကျော်က မိခင်များနှင့်အတူ လာရောက်၍ ခြေရာယူခဲ့ကြောင်း ပွဲစီစဉ်သူများက ပြောသည်။


ယခုလ ၉ ရက်မှစ၍ မန္တလေးမြို့ သကျသီဟ (စကြာသီဟ)ဘုရားဝင်း ဝေဇယန္တာဓမ္မာရုံကြီး၌ မိခင်၏ ခြေဖဝါးကို ကျန်ရစ်မည့် သားသမီးများ ပူဇော်ထားရှိရန် ပိတ်စအဖြူပေါ်တွင် ခြေဖဝါးရာ ပြုလုပ်ကာ ရယူကြသည်။

“မိဘခြေဖဝါးမှာ ကပ်နေတဲ့ ဖုန်တွေ၊ သဲတွေကို အရင် ပြောင်အောင် ဖယ်ရှားလိုက်ပါတယ်။ ခြေဖဝါးကို ဆီနဲ့ နနွင်းမှုန့်နဲ့ ဖျော်ထားတဲ့ အရည်ကို သုတ်ပါတယ်။ ပြီးတော့မှ ခင်းထားတဲ့ ပိတ်စဖြူပေါ်မှာ ခြေစုံရပ်ပါတယ်။ ခြေရာထင်ရှားအောင် ခြေဖျား၊ ခြေဖဝါး၊ ဖနောင့်တွေကို သေချာဖိပေးတယ်။ ခြေရာပတ်လည်မှာ အမှတ်အသားလေးနဲ့ မှတ်ပါတယ်။ တချို့ကျ ဘောပင်နဲ့ မှတ်ထားတဲ့နေရာမှာ ပန်းစည်းကြိုးလေးနဲ့၊ ဒါမှမဟုတ် ရွှေချည်ထိုးလေးနဲ့ သပ်ရပ်ကြည်ညိုဖွယ်ဖြစ်အောင် လုပ်လိုက်ပါတယ်။ အဲဒါဆိုရင် မိဘရဲ့ခြေရာကို ပူဇော်လို့ ရသွားပါပြီ” ဟု အမေနေ့ ဖြစ်မြောက်ရေးအဖွဲ့ ဥက္ကဋ္ဌ စာရေးဆရာ တက္ကသိုလ်ဖုန်းမြင့်အောင်က မဇ္ဈိမကို ရှင်းပြသည်။


မန္တလေးအနီး စစ်ကိုင်းမြို့တွင် ရှေးကတည်းက မိဘများ အသက်အရွယ် ရလာသည့်အခါ မိဘခြေရာကို သားသမီးများက တောင်းခံရာမှ ယခုဓလေ့ စတင်ခဲ့သည်ဟု ဆိုသည်။ ဤအကြောင်းကို အမျိုးသားစာပေဆုရ စာရေးဆရာ မင်းသူရိန်က အမေ့ခြေရာနှင့် အခြားဆောင်းပါးများ ဟူ၍ စာအုပ်ထုတ်ဝေခဲ့ဖူးသည်။ အမေ့ခြေရာ အမည်ဖြင့် ရုပ်ရှင်ဇာတ်ကြီးကို ၁၉၉၇ ခုနှစ်တွင် ရိုက်ကူးပြသခဲ့ရာ သရုပ်ဆောင် မင်းသား ဒွေးက အကောင်းဆုံး အမျိုးသားဇာတ်ဆောင်ဆုနှင့် မင်းသမီးကြီး ဒေါ်ချိုပြုံးက အကောင်းဆုံး အမျိုးသမီး ဇာတ်ပို့ဆုတို့ဖြင့် အကယ်ဒမီ ဆွတ်ခူးခဲ့သည်။ ယင်းဇာတ်ကားကို ဒါရိုက်တာ ခင်မောင်ဦး၊ စိုးသိမ်းထဋ် ရိုက်ကူးခဲ့ခြင်း ဖြစ်သည်။

ယနေ့ ကျရောက်သည့် ၁၅ နှစ်မြောက် အမေနေ့ အခမ်းအနား ကုန်ကျစရိတ်အတွက် မန္တလေးရှိ KMC ပညာ့ရိပ်သာနှင့် ပုဂ္ဂလိက အလှူရှင်များက ထည့်ဝင်လှူဒါန်းခဲ့ပြီး ဝေဇယန္တာ ဓမ္မာရုံ၌ ကျင်းပသော နေ့လယ်ပိုင်း အခမ်းအနားတွင် လူ ၃ ထောင်ကျော် လာသည်။

“ဝေဇယန္တာ ဓမ္မာရုံကြီးလဲ ပြည့်သွားတယ်။ ဒီဘက် စကြာသီဟရဲ့ တောင်ဘက်အပေါက်ကနေ ဝင်သွားရတယ်။ ရှေ့မှာလဲ စာအုပ်ဆိုင်လေးတွေ ဈေးရောင်းတယ်။ စက်ဘီး၊ ဆိုင်ကယ်တွေကိုလဲ ဘုရားဂေါပက ကနေ အားလုံးကူညီပြီး အခမဲ့ အပ်ပေးတယ်။ အဲဒီဝင်းကြီးထဲလဲ ပြည့်တယ်” ဟု အခမ်းအနား တက်ခဲ့သူ ‘ထွန်းဦး’ စာအုပ်တိုက်ပိုင်ရှင် ဦးထွန်းဦးက မဇ္ဈိမကို ပြောသည်။


ယခုနှစ်တွင် ရုပ်ရှင်သရုပ်ဆောင်ဟောင်း ဒေါ်ဆွေဇင်ထိုက်က မိခင်ဖြစ်သူ၏ ချစ်ခင်ယုယစွာ ပြုစုပျိုးထောင်ခဲ့ပုံနှင့် ကိုယ်တိုင် မိခင်ဖြစ်လာသည့်အခါ သမီးဖြစ်သူကို စောင့်ရှောက်ပုံများကို အမေအကြောင်း ခေါင်းစဉ်ဖြင့် လည်းကောင်းနှင့် စာရေးဆရာ ချစ်ဦးညိုက အမေကို ချစ်မြတ်နိုးသည့် ဦးသန့်အကြောင်းကိုလည်းကောင်း ဟောပြောခဲ့ကြသည်။ မနှစ်က ဒါရိုက်တာ မောင်နေမျိုး၊ အဆိုတော် ရုပ်ရှင်သရုပ်ဆောင် ချိုပြုံးနှင့် ဘိုကလေးတင့်အောင်တို့ လာဟောခဲ့သည်။

ဟောပြောပွဲ အစီအစဉ်အပြင် ရှင်မဟာရဋ္ဌသာရ၊ ဦးသုခ၊ လူထုဒေါ်အမာ၊ မင်းသုဝဏ်၊ ဗန်းမော်တင်အောင်၊ သိန်းဖေမြင့်၊ မြသန်းစံတို့၏ စာများထဲမှ အမေနှင့် ပတ်သက်သည့် အကြောင်းအရာ ကောက်နုတ်ချက်များကို လက်ကမ်းစာစောင်အဖြစ် ဝေငှခဲ့သည်။

လွန်ခဲ့သော နှစ်ပေါင်း ၃ဝ ကျော်က လုပ်သားပြည်သူ့ နေ့စဉ်သတင်းစာပါ ဆရာကြီး ဦးသုခ၏ ‘ထိုတနေ့’ ဟူသော ဆောင်းပါးကို အကြောင်းပြု၍ ၁၉၉၇ ခုနှစ် (မြန်မာ သက္ကရာဇ် ၁၃၅၈ ခုနှစ် ပြာသိုလပြည့်နေ့) တွင် မြန်မာနိုင်ငံ၏ ပထမဆုံး အမေနေ့ကို ပရိယတ္တိ သာသနာ့ဗိမာန်တွင် ဦးသုခ၊ လူထုဒေါ်အမာစသည့် စာရေးဆရာကြီးများနှင့် စိတ်ပါဝင်စားသူများက စတင်ကျင်းပခဲ့သည်။

“ပြာသိုလဟာ အအေးမြဆုံးလ၊ ပြာသိုလပြည့်နေ့ဆိုတာ အအေးဆုံးပါပဲ။ ဒီတော့ မိခင်ရဲ့မေတ္တာ အေးမြတာနဲ့ နှိုင်းပြီးတော့ အမေနေ့ဆိုပြီး ဖြစ်ပေါ်လာတာပါပဲ။ မိခင်ကျေးဇူးသိတဲ့ သားသမီးတွေ များလာရင် လူမျိုးချစ်တဲ့ သားသမီးတွေ၊ နိုင်ငံချစ်တဲ့ သားသမီးတွေ များလာနိုင်တာမို့ ကျနော်တို့က အမေနေ့ကို ကျင်းပခြင်း ဖြစ်ပါတယ်” ဟု တက္ကသိုလ် ဖုန်းမြင့်အောင်က မဇ္ဈိမကို ရှင်းပြသည်။

အမေနေ့ အခမ်းအနားများကို မန္တလေးအပြင် မတ္တရာ၊ စစ်ကိုင်းတိုင်း ကသာ၊ ရွှေဘို၊ မုံရွာ၊ ကန့်ဘလူမြို့နယ် ချပ်သင်း၊ ရှမ်းပြည်နယ် လားရှိုးနှင့် ရန်ကုန် အပါအဝင် ဒေသ ၃ဝ ခန့်တွင် ကျင်းပခဲ့ကြသည်။

အမေအဖွဲ့အနေဖြင့် အမေနေ့ နှစ်စဉ်ကျင်းပခဲ့ကာ အဖေနေ့ကိုပါ တပေါင်းလပြည့်နေ့တွင် ကျင်းပခဲ့သည်မှာ ၂ ကြိမ် ရှိခဲ့ပြီ ဖြစ်သည်။

sources: :နယူးဒေလီ (မဇ္ဈိမ)

အွန်လိုင်းမှာ ဈေးဝယ်နိုင်တော့မယ်ဆိုပါလား

အိုင်တီ ပစ္စည်းမျိုးစုံမှ အခြေခံ စားကုန်များအထိ ရရှိနိုင်မည့် ကမ္ဘာ့အဆင့်မီ အွန်လိုင်းပေါ်တွင် ဈေးဝယ် ထွက်နိုင်တော့မည် ဖြစ်ကြောင်း သိရသည်။
အင်တာနက်မှ တစ်ဆင့် ကုန်ပစ္စည်း များကို မိမိစိတ်ကြိုက် ရွေးဝယ်နိုင်၊ လေ့လာနိုင် စသည့် အကျိုးကျေးဇူးကို ရရှိနိုင်မည့် ရောင်းသူနှင့် ဝယ်သူ အဆင်ပြေစေမည့် အွန်လိုင်း အရောင်းအဝယ် ဈေးကွက်တစ်ခုကို ၂၀၁၁ နှစ်လယ်တွင် စတင် ဆောင်ရွက်နိုင်အောင် IBiz Service Provider ကုမ္ပဏီမှ စီစဉ် ဆောင်ရွက်လျက်ရှိကြောင်း သိရသည်။
“ အပြင်မှာ ရှော့ပင်းထွက်သလို အွန်လိုင်းပေါ်မှာ ရှော့ပင်း ထွက်နိုင်အောင် နည်းပညာတွေကတော့ ကျွန်တော်တို့ ကုမ္ပဏီက ၉၀ ရာခိုင်နှုန်း အဆင်သင့် ဖြစ်နေပြီ။ အိုင်တီ ပစ္စည်းတွေကနေ ဆန်၊ ဆီတွေကိုပါ အွန်လိုင်းပေါ်မှာ ဝယ်ယူနိုင်အောင် ဆောင်ရွက်သွားမှာပါ။ ဘဏ်လုပ်ငန်းတွေနဲ့ ရောင်းချချင်တဲ့ လုပ်ငန်းရှင်တွေ လာရောက် ပူးပေါင်းဖို့လဲ ဖိတ်ခေါ်ပါတယ်။ ၂၀၁၁ နှစ်လယ်လောက်မှာ ဘဏ်လုပ်ငန်းတွေနဲ့ ပူးပေါင်းလို့ မရသေးရင် အွန်လိုင်းကနေ ဈေးဝယ်သူတွေကို အိမ်အရောက်ပို့ စနစ်နဲ့ စတင်လုပ်ဆောင်သွားမယ်။ နယ်က ဝယ်တဲ့သူတွေကိုတော့ ကားဂိတ် အရောက်ပို့စနစ်နဲ့ လုပ်သွားမယ်။ ဈေးဝယ်သူတွေက www.omyanmar.com မှာဝင်ပြီး ဝယ်လို့ရမယ် ”ဟု IBiz Service Provider ကုမ္ပဏီမှ founder ကိုဝင်းထွန်းက ပြောသည်။
အဆိုပါ ကုမ္ပဏီမှ အွန်လိုင်း ရှော့ပင်းမောကြီး တစ်ခု အောင်မြင်စွာ ဖြစ်ထွန်း လာစေရန်အတွက် ဇန်နဝါရီ ၁ ရက်မှ ၁၆ ရက်အထိ မြန်မာနိုင်ငံ၌ ပထမဆုံး အွန်လိုင်း ကုန်စည်ပြပွဲကြီးကို ကျင်းပခဲ့သည်။ အဆိုပါ ပြပွဲတွင် ကုမ္ပဏီပေါင်း ၃၂ ခု ပြသခဲ့ကြောင်း သိရသည်။ အဆိုပါ ပြပွဲ၏ ဖွင့်ပွဲ အခမ်းအနားကို မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်း ဒုတိယ ဥက္ကဋ္ဌ ဦးသောင်းတင်(KMD)နှင့် မြန်မာနိုင်ငံ ကွန်ပျူတာ ပညာရှင် ဦးဆန်းလွင် တို့က “ နိုင်ငံတကာမှာ အွန်လိုင်း ကုန်စည် ပြပွဲတွေနဲ့ Banking Payment System က အတူဒွန်တွဲလျက်ရှိတယ်။ Credit Card စနစ်ကို အသုံးပြုပြီး အရောင်းအဝယ် ပြုလုပ်ကြတယ်။ အဲဒီလို စနစ်ကို မြန်မာနိုင်ငံရှိ ဘဏ်တွေမှာ မကြာမီ ဆောင်ရွက်သွားဖို့ အစီအစဉ်ရှိကြောင်း ” ပြောကြားသွားသည်။
အွန်လိုင်း ရှော့ပင်းမောတစ်ခုအား ဖန်တီသွားမည့် IBiz Service Provider ကုမ္ပဏီမှာ ၂၀၀၉ နိုဝင်ဘာလမှ စတင်၍ အိုင်တီလောကသို့ ဝင်ရောက်ခဲ့ပြီး ကမ္ဘာ့ဖလား ဘောလုံးပြိုင်ပွဲ အတွင်း First Myanmar Online World Cup Prediction ဖြင့် အွန်လိုင်းပေါ်တွင် နာမည်ရခဲ့သော ကုမ္ပဏီတစ်ခုဖြစ်သည်။

sources: :Yangon Times

ပြည်သူ့စစ်မှုထမ်း ဥပဒေ လွှတ်တော်လုပ်ပိုင်ခွင့်ကို ထိပါး

မကြာခင် စတင် ခေါ်ယူတော့မယ့် လွှတ်တော်အသစ် မတိုင်ခင်လေးမှာ မြန်မာနိုင်ငံမှာ အရွယ်ရောက်သူတိုင်း စစ်မှုမထမ်းမနေရ ဆိုတဲ့ ဥပဒေကို စစ်အစိုးရက ထုတ်ပြန်လိုက်တာဟာ ဥပဒေပြု အာဏာကို ထိပါးရာရောက်တယ်လို့ NLD အမျိုးသား ဒီမိုကရေစီ အဖွဲ့ချုပ်က ပြောပါတယ်။ မကြာခင် လပိုင်းအတွင်း စစ်အစိုးရက ထုတ်ပြန်ခဲ့တဲ့ ဥပဒေတွေနဲ့ ပတ်သက်လို့ NLD က ဒီကနေ့ သဘောထား ကြေညာချက် ၂ စောင် ထုတ်ပြန်ခဲ့တဲ့အထဲမှာ အခုလို ဖော်ပြထားတာ ဖြစ်ပါတယ်။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။

ရွေးကောက်ပွဲပြီး နောက်ပိုင်း စစ်အစိုးရက ထုတ်ပြန်ခဲ့တဲ့ ဥပဒေ၊ နည်းဥပဒေတွေဟာ မကြာခင် ပေါ်ပေါက်လာတော့မယ့် လွှတ်တော်အသစ်ရဲ့ ဥပဒေပြု အာဏာကို ထိပါးရာ ရောက်စေတဲ့အတွက် NLD ဗဟိုဥပဒေ အထောက်အကူပြု အဖွဲ့က သဘောထား ကြေညာချက် ၂ စောင် ထုတ်ပြန် ကြေညာလိုက်တာလို့ NLD ဗဟိုအလုပ်အမှုဆောင် အဖွဲ့ဝင်လည်းဖြစ်၊ ဥပဒေ အထောက်အကူပြု အဖွဲ့ဝင်လည်းဖြစ်တဲ့ ဦးဉာဏ်ဝင်းက ပြောပြပါတယ်။

“NLD ရဲ့ သဘောထားက လွှတ်တော်ဆိုတာ ရွေးကောက်ပွဲတွေတောင် ပြီးသွားပြီ။ အဲတော့ လွှတ်တော်ရှိမယ်။ လွှတ်တော်က ဥပဒေပြုအာဏာ အမြင့်ဆုံး အာဏာပိုင်။ အဲဒီကို မရောက်ခင် ကြိုပြီးတော့ ထုတ်တာမျိုးက ဥပဒေပြု အာဏာကို ထိပါးရာ ရောက်တယ်လို့ ကျနော်တို့ အဲဒီလို သဘောထားပါတယ်။”

အထူးသဖြင့်တော့ အသက် ၁၈ နှစ်နဲ့ ၄၅ နှစ်အကြား အရွယ်ရောက်သူတိုင်း စစ်မှုမထမ်းမနေရ ဆိုတဲ့ ဥပဒေဟာ အများပြည်သူနဲ့ တိုက်ရိုက် သက်ဆိုင်နေတဲ့ကိစ္စ ဖြစ်တဲ့အတွက် အခုလို ဥပဒေ မထုတ်ပြန်ခင် ပြည်သူလူထုရဲ့ သဘောထားကို အရင်ကောက်ခံပြီး လွှတ်တော်အတွင်း အချေအတင် ဆွေးနွေးပြီးမှ ထုတ်ပြန်သင့်တဲ့ ဥပဒေမျိုး ဖြစ်တယ်လို့ ဆိုပါတယ်။

“ဒီဥစ္စာ ပြည်သူ့လွှတ်တော်က မကြာခင် ပေါ်ပေါက်တော့မှာ။ ပြည်သူ့လွှတ်တော်ကသာ ဥပဒေပြုအာဏာ ရှိတယ်။ ဒီပေါ်ပေါက်ခါနီးမှ အခုလို ထုတ်တာက မသင့်လျော်ဘူး။ ပြီးတော့ ပြည်သူ့စစ်မှုထမ်း ဥပဒေက ဆိုရင် ပြည်သူအများနဲ့ တိုက်ရိုက်သက်ဆိုင်တဲ့ ကိစ္စ၊ ဒီလိုကိစ္စမျိုးဟာ ပြည်သူတွေရဲ့ ဆန္ဒကို တိုက်ရိုက်ပဲဖြစ်ဖြစ်၊ သွယ်ဝိုက်ပြီးတော့ပဲ ဖြစ်ဖြစ်၊ ပြည်သူ့လွှတ်တော်မှာ အချေအတင် ဆွေးနွေးပြီးတော့မှ ထုတ်ပြန်သင့်တယ်လို့ ကျနော်တို့ အဲဒီလို သဘောထား ပေးတာပါ။”

NLD က ဒီကနေ့ ထုတ်ပြန်တဲ့ ပထမ ကြေညာချက်ထဲမှာတော့ စစ်အစိုးရက ၂၀၁၀ ခုနှစ် အောက်တိုဘာလအတွင်း ဥပဒေ၊ နည်းဥပဒေ ၂၆ ချက်ကို ထုတ်ပြန်ခဲ့ပေမဲ့ အဲဒီ ဥပဒေတွေကို အများပြည်သူ သိရှိနိုင်အောင် နေ့စဉ်ထုတ် သတင်းစာတွေကနေ ထုတ်ပြန်ပေးခြင်း မရှိတဲ့အတွက် အများပြည်သူတွေ သိရှိခွင့် မရခဲ့ဘဲ စာအုပ်အဖြစ် ထုတ်ဝေဖြန့်ချိမှသာ သိရှိခွင့် ရခဲ့တာ၊ နောက် အများပြည်သူ အားလုံးနဲ့ဆိုင်တဲ့ စစ်မှုမထမ်းမနေရ ဥပဒေကို ထုတ်ပြန်ခဲ့ပေမဲ့ အဲဒီ စစ်ဥပဒေတွေကို အများပြည်သူ သိရှိနိုင်အောင် ရောင်းချပေးခြင်း မရှိဘူးလို့ ဖော်ပြထားပါတယ်။

အခုလို ဥပဒေတွေ ကြိုတင် ထုတ်ပြန်တာဟာ မကြာခင် ပေါ်ပေါက်လာတော့မယ့် လွှတ်တော်အနေနဲ့ ဥပဒေပြုအာဏာ မရှိဘူးဆိုတာ ပေါ်လွင်နေပြီး ဒီဥပဒေတိုင်းကို လွှတ်တော်ကိုယ်စားလှယ်တွေက ရှုထောင့်ပေါင်းစုံက သုံးသပ် ဝေဖန်ပြီးမှသာ ထုတ်ပြန်သင့်တာကြောင့် အခုလို ဥပဒေတွေ ထုတ်ပြန်နေတာဟာ လုံးဝ မသင့်လျော်ဘူးလို့ ဆိုပါတယ်။

NLD က ထုတ်ပြန်တဲ့ ဒုတိယ ကြေညာချက်မှာတော့ ၂၀၁၀ ခုနှစ် နိုဝင်ဘာလ ၁၉ ရက်နေ့က ထုတ်ပြန်လိုက်တဲ့ ပြည်သူ့စစ်မှုထမ်း ဥပဒေနဲ့ ပတ်သက်လို့ NLD ရဲ့ သဘောထားကို ထုတ်ဖော် ပြောဆိုထားတာ ဖြစ်ပါတယ်။ မကြာခင် လွှတ်တော်အသစ်တရပ် ပေါ်ပေါက်လာတော့မှာ ဖြစ်တဲ့အတွက် လွှတ်တော်က ဥပဒေပြု အာဏာကို အဓိက ကျင့်သုံးရမယ်ဆိုတဲ့ မူနဲ့ ဆန့်ကျင်နေတယ်လို့ ထောက်ပြ ပြောဆိုထားပါတယ်။

ဒီဥပဒေကို နိုင်ငံတော် အေးချမ်းသာယာရေးနဲ့ ဖွံ့ဖြိုးရေး ကောင်စီက အမိန့်ကြော်ငြာစာအဖြစ် ထုတ်ပြန်တဲ့နေ့မှာ စတင် အာဏာတည်ရမယ်လို့ အဲဒီ ဥပဒေရဲ့ ပုဒ်မ ၁(ခ) မှာ ဖော်ပြထားတာကို ကြည့်ခြင်းအားဖြင့် လွှတ်တော်မှာ ဥပဒေပြုရေးအာဏာ အပြည့်အ၀ မရှိဘူး ဆိုတာကို ထောက်ခံနေသလို ဖြစ်နေတယ်လို့ ဆိုပါတယ်။

ဒါ့အပြင် စစ်မှုမထမ်းမနေရ ဥပဒေထဲမှာ ဆင့်ခေါ်ခွင့် ကင်းလွတ်သူများ ရှိတယ်လို့ ဖော်ပြထားတဲ့ အချက်ဟာလည်း ဒီဥပဒေ အတည်ဖြစ်လာပြီး နောက်ပိုင်း မသမာတဲ့ နည်းသုံးပြီး ကင်းလွတ်ခွင့် ပေးချင်သူကို ပေးလို့ရအောင် လမ်းဖွင့်ပေးထားသလို ဖြစ်နေတယ် စသဖြင့် ဒီကနေ့ ထုတ်ပြန်တဲ့ ကြေညာချက်မှာ ဖော်ပြထားပါတယ်။

လက်ရှိထုတ်ပြန်တဲ့ ဥပဒေပြု အာဏာတွေဟာ နိုင်ငံရေးနဲ့ ဆက်နွယ်နေပြီး NLD ဟာလည်း နိုင်ငံရေးပါတီ တခုအဖြစ် တည်ရှိနေတာကြောင့် အခုလို သဘောထား ထုတ်ပြန်တာ ဖြစ်တဲ့အကြောင်း ဗဟိုဥပဒေ အထောက်အကူပြု အဖွဲ့ဝင် ဦးဉာဏ်ဝင်းက ဆက်ပြောပြပါတယ်။

“NLD က အခုလက်ရှိ ရှိတဲ့ နိုင်ငံရေးပါတီ တရပ်၊ အဲတော့ ဥပဒေပြု အာဏာတို့၊ အာဏာကြီး ၃ ရပ်တို့ဆိုတာ နိုင်ငံရေးကိစ္စတွေပဲလေ။ အဲတော့ နိုင်ငံရေးကိစ္စ တခုကို သဘောထား ထုတ်ပြန်တဲ့ သဘောပါ။”

မြန်မာနိုင်ငံက အရွယ်ရောက်ပြီးသူ အမျိုးသား၊ အမျိုးသမီးတိုင်း စစ်မှုမထမ်းမနေရ ဥပဒေကို စစ်အစိုးရက နိုင်ငံတော် ပြန်တမ်းအဖြစ် ပြီးခဲ့တဲ့ ဒီဇင်ဘာလ ၁၇ ရက်နေ့က တရားဝင် ထုတ်ပြန်ခဲ့တာပါ။ အခု ထုတ်ပြန်ထားတဲ့ စစ်မှုမထမ်းမနေရ ဥပဒေထဲမှာ စစ်မှုထမ်းဖို့ ပျက်ကွက်သူတွေ အနေနဲ့ အများဆုံး ထောင်ဒဏ် ၅ နှစ် ပြစ်ဒဏ် ချမှတ်ခံရမယ်လို့ ဖော်ပြထားပါတယ်။

sources: :VOA

Tuesday, January 18, 2011

ကလေးတွေအတွက် အခမဲ့ ကျောင်းတကျောင်း NLD ဖွင့်လှစ်

အမျိုးသား ဒီမိုကရေစီအဖွဲ့ချုပ်နဲ့ လူငယ်ကွန်ယက် က ကမကထပြုပြီး အခမဲ့ ပညာဒါနကျောင်း တကျောင်းကို ဇန်နဝါရီလ ၁၇ ရက်နေ့ မနက်က လှိုင်သာယာမြို့နယ် ၁၄ ရပ်ကွက် မေခလမ်း၊ အမှတ် ၅၄၈၊ ဦးမင်းလွင်ရဲ့ နေအိမ်ခြံဝင်းအတွင်း မှာ ထူထောင်ဖွင့်လှစ်ခဲ့ကြောင်း သိရပါတယ်။

(Photo: AFP)
ဒေါ်အောင်ဆန်းစုကြည်၏ ၂၀ဝ၂ ခုနှစ် ဇွန်လ နယ်လှည့်ခရီးစဉ်တွင် မကွေးတိုင်းရှိ ကျောင်းတခုမှ ကျောင်းသူကျောင်းသား၊ လူငယ်လေးများနှင့် ချစ်ခင်ရင်းနှီးစွာ အမှတ်တရ ရိုက်ကူးထားသော မှတ်တမ်းဓာတ်ပုံ ဖြစ်ပါသည်။ နောက်တန်းအလယ်မှ အင်္ကျီပြာဝတ်ထားသူမှာ ဒေါ်အောင်ဆန်းစုကြည် ဖြစ်သည်။ (Photo: AFP)
ဆင်းရဲနွမ်းပါးပြီး ပညာသင်ကြားဖို့ အခက်အခဲရှိတဲ့ ကလေးသူငယ်တွေ အတွက် အဓိက ရည်ရွယ်ဖွင့်လှစ်တာ ဖြစ်ကြောင်း NLD ပြန်ကြားရေးတာဝန်ခံ ဦးအုံးကြိုင်က ပြောပါတယ်။

သူငယ်တန်းကနေ စတုတ္ထတန်းအထိ ကျောင်းသားကျောင်းသူ ၂ဝ လောက်ကို ပညာဒါန အခမဲ့ သင်ကြားပေးဖို့အတွက် ကျနော်တို့ “အမေ့အိမ်” ဆိုတဲ့နာမည်နဲ့ စာသင်ကျောင်းလေး တကျောင်း၊ ဒီနေ့ ဖွင့်ပွဲကျင်းပတယ်။ ဒုတိယ ဥက္ကဋ္ဌ ဦးတင်ဦး၊ ဗဟိုအလုပ်အမှုဆောင် အဖွဲ့ဝင် ဆရာဦးဝင်းတင်နဲ့ NLD ခေါင်းဆောင်တွေ၊ နောက် တခြား ပညာဒါန လုပ်ငန်းမှာ စိတ်ဝင်စားတဲ့ ကွန်ယက်အဖွဲ့က လူငယ်တွေ။ အဲဒီနားက ရပ်မိရပ်ဖတွေလည်း တက်ရောက်ကြတယ်

အခမ်းအနား တက်ရောက်သူတွေထဲမှာ NLD ဗဟိုကော်မတီဝင် တဦးဖြစ်တဲ့ မဖြူဖြူသင်းနဲ့ လူငယ်ကွန်ယက်မှာ ပါဝင် လုပ်ဆောင်နေတဲ့ ကိုဖြိုးမင်းသိန်းတို့လည်း ပါဝင်တယ်လို့ သိရပါတယ်။ ဒီ အတောအတွင်း အဲဒီ စာသင်ကျောင်းဟာ စည်းမျဉ်းတွေနဲ့ မကိုက်ညီတဲ့အတွက် ဖွင့်လှစ်ခြင်းမပြုဖို့ တားမြစ်တဲ့ စာတစောင်ကို ပညာရေးဝန်ကြီးဌာနာက လှိုင်သာယာ NLD အဖွဲ့ဝင် ဦးအေးဘို ဆီကို မနေ့က ပေးပို့ အကြောင်းကြားခဲ့တယ်လို့ ဦးအုံးကြိုင်က ဆက်ပြောပါတယ်။

ပညာရေးဝန်ကြီးဌာန၊ အမှတ် (၃) အခြေခံပညာ ဦးစီးဌာနက ညွှန်ကြားရေးမှူးချုပ် ကိုယ်စား ဒုတိယ ညွှန်ကြားရေးမှူး (ပညာ) ဦးကျော်ဝင်းမြင့်က မနေ့က ဦးမင်းလွင်ရယ်၊ ဦးဖြိုးမင်းသိန်းရယ်၊ ဦးအေးဘို ဆိုတဲ့ နာမည်တွေနဲ့ အဲဒီကျောင်းကို စာတစောင် ပို့ပါတယ်။ အဲဒီစာမှာ လူကြီးမင်း ပညာသင်ကြားမယ့် အစီအစဉ်ဟာ တဲ့၊ ဘာသာရပ် ကိုယ်ပိုင်သင်တန်း ဥပဒေနဲ့ လုပ်ထုံးလုပ်နည်းများအရ ကိုက်ညီမှု မရှိပါသဖြင့် ဖွင့်လှစ်သင်ကြားခွင့် မရှိပါကြောင်း အသိပေး အကြောင်းကြားပါတယ် တဲ့။ အဲဒီလို ပြောပါတယ်

ပညာရေး ဝန်ကြီးဌာနက ပေးပို့တဲ့ စာထဲမှာ ပညာသင်ကြားဖို့ အခက်အခဲရှိတဲ့ ကလေးတွေကို နီးရာ အစိုးရ စာသင်ကျောင်းတွေမှာ သင်ကြားနိုင်ရေး ကူညီ ဆောင်ရွက်ပေးပါမယ် လို့လည်း ဖော်ပြထားပါတယ်။ ဦးအေးဘို အနေနဲ့ ဒီကိစ္စကို ဖြေရှင်းဖို့ ပညာရေးဝန်ကြီးဌာန တာဝန်ရှိသူကို သွားရောက် တွေ့ဆုံမယ်လို့ သိရပါတယ်။

ဒီကျောင်းမှာ တာဝန်ယူ သင်ပြမယ့် စေတနာ ဆရာ၊ ဆရာမတွေကတော့ ဦးအေးဘို၊ ကိုဥာဏ်ဝင်းအောင်၊ ကိုညီညီမင်း၊ ကိုကျော်သူရ၊ မစပယ်၊ မခင်မြတ်သူ၊ မမြင့်မြင့်အေး စသူတို့ ဖြစ်တယ်လို့ သိရပါတယ်။

sources: : RFA

Sunday, January 16, 2011

IAEA က မြန်မာ နျူကလီယားကိစ္စ စာရေးအကြောင်းကြား

မြန်မာနိုင်ငံက နျူကလီယားသတင်း တွေနဲ့ ပတ်သက်ပြီး ကုလသမဂ္ဂ အပြည်ပြည်ဆိုင်ရာ အနုမြုစွမ်းအင်အဖွဲ့ IAEA က အချက်အလက် အသေးစိတ် ရရှိဖို့ မြန်မာ စစ်အစိုးရကို စာရေး အကြောင်းကြားလိုက်တယ်လို့ သိရပါတယ်။

(Image: RFA)
မြန်မာစစ်အစိုးရ၏ နေပြည်တော်တွင် မြောက်ကိုရီးယား ပညာရှင်များက မြေအောက် ဥမင်လိုဏ်ခေါင်းများ ဖောက်လုပ်ပေးသော သတင်းကို QQ.com တရုတ် သတင်းဝက်ဘ်ဆိုက်တွင် ဖော်ပြထားပုံ ဖြစ်ပါသည်။ (Image: RFA)
မြန်မာနိုင်ငံက နျူကလီယားနဲ့ ပတ်သက်တဲ့ လုပ်ငန်း အစီအစဉ်တွေနဲ့ ပတ်သက်လို့ ပြီးခဲ့တဲ့ ဇန်နဝါရီလ ၁၄ ရက် သောကြာနေ့က စာရေးသား ပေးပို့ခဲ့တာလို့ သြစတြီးယားနိုင်ငံ ဗီယင်နာမြို့တော် အခြေစိုက် IAEA နဲ့ နီးစပ်တဲ့ သံတမန်တွေကို ကိုးကားပြီး ရိုက်တာ သတင်းဌာနက ရေးသားပါတယ်။

မြန်မာ အစိုးရအနေနဲ့ သံသယဖြစ်စရာ နျူကလီယားနဲ့ ပတ်သက်တဲ့ ဆောင်ရွက်ချက်တွေ ရှိနေတယ်လို့ IAEA က သတင်းတွေ ရနေကြောင်း အမည်မဖော်လိုတဲ့ အဲဒီ သံအရာရှိက ပြောပါတယ်။ IAEA အနေနဲ့ မြန်မာပြည်ထဲကို ကိုယ်စားလှယ်အဖွဲ့ စေလွတ် စစ်ဆေးလိုတဲ့ သဘောထားလည်း ရှိနေတယ်လို့ သိရပါတယ်။ မြန်မာနိုင်ငံ အနေနဲ့ နျူကလီယားလက်နက် ထုတ်နိုင်တဲ့ အခြေအနေတော့ မရှိသေးဘူးလို့ အများစုက သုံးသပ်ထားပါတယ်။

မနှစ်က စက်တင်ဘာလမှာ IAEA က နျူကလီယား သတင်းတွေနဲ့ ပတ်သက်လို့ ဖြေရှင်းပေးဖို့ IAEA က တောင်းဆိုရာမှာ ဒါဟာ အခြေအမြစ်မရှိတဲ့ စွပ်စွဲချက်တွေ ဖြစ်တယ်လို့ မြန်မာ စစ်အစိုးရက ငြင်းဆိုခဲ့ပါတယ်။

မြန်မာနိုင်ငံဟာ နျူကလီယားလက်နက် မပြန့်ပွားရေးစာချုပ် အဖွဲ့ဝင်နိုင်ငံ ဖြစ်သလို IAEA အဖွဲ့နဲ့ ပူးပေါင်း ဆောင်ရွက်ရေးစာချုပ် ချုပ်ထားတဲ့ နိုင်ငံတနိုင်ငံလည်း ဖြစ်ပါတယ်။

sources: :RFA

Saturday, January 15, 2011

လမ်းပေါ်က အိမ်ခြေရာခြေမဲ့ သူတောင်းစား အသံကောင်းလွန်း၍ ရေဒီယိုနှင့် ရုပ်သံဌာနများမှ ကမ်းလှမ်းခံရပြီး ဒေါ်လာတစ်သန်းကျော် ရရှိမည်


အမေရိကန် ပြည်ထောင်စု အိုဟိုင်းယိုးပြည်နယ် ကိုလံဘတ်မြို့တွင် နှစ်ပေါင်းများစွာ အိမ်ခြေရာခြေမဲ့ကာ တောင်းစားနေရသည့် သူတောင်းစား တစ်ဦးဖြစ်သော တက်ဝီလျံသည် လမ်းပေါ်တွင် လိုက်တောင်းနေသော သူ၏အသံကြောင့် ရေဒီယိုနှင့် ရုပ်သံဌာနမှ ကမ်းလှမ်းမှုကို ရရှိပြီး အမေရိကန်ဒေါ်လာ တစ်သန်းကျော် ရရှိတော့မည် ဖြစ်ကြောင်း သိရသည်။
သူသည် မယုံကြည်နိုင်စရာ ကောင်းလောက်သည့် အသံမျိုးရှိပြီး သူ၏အသံမှာ အလွန်ငြင်သာ ချောမွေ့ကာ တောမီးကဲ့သို့ ကျယ်ပြန့်စွာ လွင့်ပျံ့သွားသည်ဟု ဆိုသည်။ သူသည် အင်တာနက် ဗီဒီယိုတစ်ခု၌ သူ၏ အစွမ်းအစကို ပြခဲ့ပြီးနောက် ယခုကဲ့သို့ ကမ်းလှမ်းမှုမျိုးကို ရရှိခဲ့ခြင်း ဖြစ်သည်။ လမ်းပေါ်မှ အိမ်ခြေရာခြေမဲ့ သူတောင်းစားမှာ ယခုအခါ MTV ၊ NFL နှင့် ESPN တို့ အပါအဝင် ရေဒီယိုနှင့် ရုပ်သံဌာန များစွာတို့က အစီအစဉ် ကြေညာသူအဖြစ် ခန့်ထားရန် အလုအယက် ကမ်းလှမ်းထားချက်များကို ရရှိထားကြောင်း သိရသည်။
sources: :ပြည်မြန်မာ

လူငယ်ကွန်ယက်များ ချိတ်ဆက်မှု အားနည်း

 မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ကွန်ယက်ဖွဲ့ရေး အယူအဆ ထွက်ပေါ်လာပြီးနောက်  လူငယ်ကွန်ယက်အချို့ ပေါ်လာသော်လည်း တခုနှင့် တခု ချိတ်ဆက်မှု အားနည်းနေသေးသည်ဟု ကွန်ယက်အဖွဲ့ဝင်များ က ဆိုသည်။

ပြည်တွင်း လူငယ်အစုအဖွဲ့များအနက် NLD လူငယ်၏ ဗမာတနိုင်ငံလုံးဆိုင်ရာ လူမှုရေး လူငယ်ကွန်ယက် The Whole Burma Social Youth Network SYN ၊ ကျောင်းသားခေါင်းဆောင် ကိုမျိုးရန်နောင်သိန်းနှင့် ပါတီအချို့မှ လူငယ်များ ပါဝင်သည့် အမျိုးသားလူငယ်ကွန်ယက် National Youth Network-NYN၊ ပြည်ပအခြေစိုက် မြန်မာနိုင်ငံသားများဆိုင်ရာ  နိုင်ငံတကာလူမှု ကွန်ယက် International Network for Burma တို့အကြား လက်တွေ့ ပူးပေါင်းဆောင်ရွက်ရာတွင် အားနည်းနေသည်။

SYN ကို ယခင်လ ၈ ရက်က NLD ပါတီဝင်မဟုတ်သူများနှင့် NLD လူငယ်များ စတင်ဖွဲ့စည်းခဲ့သော်လည်း ကျန်ကွန်ယက်များမှာမူ NLDခေါင်းဆောင် ဒေါ်အောင်ဆန်းစုကြည်နှင့် နိုင်ငံတဝန်းမှ လူငယ် ၂ဝဝ ကျော်တို့ ယခင်လ ၂၈ ရက်တွင် တွေ့ဆုံပြီးမှ ဖွဲ့စည်းကြကြောင်း ကွန်ယက်ခေါင်းဆောင်များထံမှ သိရသည်။

NLD ရန်ကုန်တိုင်းအကူအညီပေးရေးနှင့် NYN တို့အကြား လက်တွေ့ ပူးပေါင်းဆောင်ရွက်မှုမရှိသေးပဲ စိစစ်ဆဲဖြစ်ကြောင်း အဖွဲ့ဝင် ၁၅ ဦးပါ NLD ရန်ကုန်တိုင်းအကူအညီပေးရေး အဖွဲ့ဝင် ကိုမင်းဟန်က မဇ္ဈိမကို ပြောသည်။

“NYN နဲ့ ထိစပ်ထားတယ်ဆိုတဲ့ အနေအထားပဲရှိပါတယ်။ အဖွဲ့တခုကို သိတယ်ဆိုတဲ့ အနေအထားနဲ့ပဲ မခိုင်မာသေးဘူးလေ။ ဘေးကင်းခြင်း မကင်းခြင်းဆိုတာ ဂရုစိုက်ရအုံးမယ်လေ။ အာဏာပိုင်မှာလဲ လူငယ်ရှိတာပဲ။ လူငယ်ဆိုတိုင်း အကုန်ရောပြီး ဆက်ဆံလို့ရမယ် မထင်ဘူး” ဟု သူက ပြောသည်။

NLD ရန်ကုန်တိုင်းအကူအညီပေးရေးအနေဖြင့် SYN နှင့်ဆက်စပ်နေသည့် အဖွဲ့ငယ် ၇ ဖွဲ့ခန့်နှင့် သွေးအကူအညီပေးရေး ပူးပေါင်းဆောင်ရွက်ခြင်း၊ လူ့အခွင့်အရေးကြေညာချက် ကဲ့သို့ အများသိ သင့်သည့် ကြေညာစာတမ်းများဝေငှခြင်းတို့ လုပ်ကိုင်နေသည်။ SYN နှင့် ဆက်စပ်ထားသည့် အစုအဖွဲ့များတွင် “BG သွေးအလှူပေးရေး”၊ ဆင်းရဲသားများကို ဖန်မီးချောင်းများ လှူသည့် “Light for Public”၊ သွေးစစ်ပေးသည့် “အလင်းသစ်ဦးတည်ရာ” တို့ ပါဝင်ကြောင်း သိရသည်။

NLD လူငယ်အဖွဲ့နှင့် ဆွေးနွေးဆဲသာဖြစ်သည်ဟု ယခုလ ၆ ရက်က ဖွဲ့စည်းခဲ့သော အမျိုးသား လူငယ်ကွန်ယက် (NYN) ကလည်း ပြောသည်။

ကိုမျိုးရန်နောင်သိန်းက “ဆွေးနွေးနေဆဲပါ။ NLD လူငယ်တွေက ကျနော်တို့ လက်ဦးမှုယူတယ်လို့ ထင်ကြတယ်။ တကယ်က မဟုတ်ပါဘူး။ ကျနော်တို့ ဆီမှာ လူ့ဘောင်သစ်ပါတီ ဥက္ကဋ္ဌဟောင်း ကိုအောင်ဇေယျ၊ ကရုဏာလက်၊ ကရုဏာဖောင်ဒေးရှင်း တို့လဲ ပါပါတယ်” ဟု မဇ္ဈိမကို ပြောသည်။

ကိုမျိုးရန်နောင်သိန်းနှင့် ဒေါ်အောင်ဆန်းစုကြည်တို့ ယခုလ ၁၂ ရက်က တွေ့ဆုံစဉ် ဒေါ်အောင်ဆန်းစုကြည်က ကွန်ယက် ဖွဲ့စည်းရေးနှင့် ပတ်သက်ပြီး လူငယ်များထံမှ အမြင် သဘောထား မေးမြန်းထားသည်ဟု NYN ၏ facebook စာမျက်နှာပေါ်တွင် ဖော်ပြထားသည်။

“ကျနော်ကပြောပါတယ်၊ အမျိုးသား လူငယ်ကွန်ယက်နဲ့ ပတ်သက်ပြီး ဘာပြောချင်လဲ။ ကွန်ယက် ဘာကြောင့်လိုအပ်တာလဲပေါ့။ ကွန်ယက်ကို ဘယ်လိုကျယ်ပြန့်အောင် လုပ်မလဲပေါ့။ ဒီမေးခွန်းကို လူငယ်တွေ ဖြေပါတဲ့။ လောလောဆယ် ကျနော်တို့ ဖေ့ဘွတ်မှာ တင်ထားတယ်။ အီးမေလ်းဖွင့်ထားတယ်” ဟု မျိုးရန်နောင်သိန်းက ပြောသည်။

NLD ပါတီ၊ NYN တို့နှင့် ဆက်စပ်ထားသော်လည်း ပူးပေါင်းဆောင်ရွက်မှု အားနည်းနေသေးသည့် အခြားကွန်ယက်တခုမှာ ပြည်တွင်းမှ နှစ်ဦးအပါအဝင် အမေရိကန်၊ အိန္ဒိယ၊ ထိုင်း၊ ကနေဒါ၊ ဂျပန် နိုင်ငံအခြေစိုက် မြန်မာ စုစုပေါင်း ၂၉ ဦးပါသော မြန်မာနိုင်ငံသားများဆိုင်ရာနိုင်ငံတကာ လူမှုကွန်ယက် International Network for Burma ဖြစ်သည်။

“အခုတော့ သူတို့နဲ့ NYN နဲ့ အကြမ်းဖျဉ်းပဲ သဘောတူညီမှု ရသေးတယ်။ ဦးဇင်းတို့ သူတို့နဲ့ ပူးပေါင်းဆောင်ရွက်သွားမယ် မဆောင်ရွက်သေးဘူး ဆိုတာ တရားဝင်ထုတ်ပြန်ပါလိမ့်မယ်” ဟု ၂ဝဝ၇ သံဃာ့အရေးအခင်းတွင် ဖွဲ့စည်းခဲ့သည့် မြန်မာနိုင်ငံလုံးဆိုင်ရာသံဃာ့ကိုယ်စားလှယ်အဖွဲ့မှ နိုင်ငံတကာဆက်ဆံရေးတာဝန်ခံ အရှင်ထာဝရက ပြောသည်။

ယခင်လ ၃၁ ရက်က အမေရိကန် ဖို့ဝန်းမှ မြန်မာများအပါအဝင် လူ ၁ဝ ဦးခန့်က လူမှုကွန်ယက်ဖွဲ့ရန် အင်တာနက်မှတဆင့် ဒေါ်အောင်ဆန်းစုကြည်နှင့် တင်ပြဆွေးနွေးကာ နိုင်ငံတကာရောက် မြန်မာများထံမှ လူတယောက်ကို တဒေါ်လာ စုဆောင်းပြီး မြန်မာ့ဒီမိုကရေစီရေး ကူညီသွားရန် ရည်ရွယ်ကြောင်း သိရသည်။

ယခုလို NLD အပါအဝင် NLD ကို ဝန်းရံရေးနှင့် ဒီမိုကရေစီအရေးအတွက် ကွန်ယက်များ စတင် ပေါ်ပေါက်လာသကဲ့သို့ နိုဝင်ဘာ ရွေးကောက်ပွဲ အနိုင်ရ တိုင်းရင်းသားပါတီ ၅ ဖွဲ့ကလည်း အချင်းချင်း ပူးပေါင်းဆောင်ရွက်နိုင်ရန် မနက်ဖြန် ရန်ကုန်၌ တွေ့ဆုံကြမည် ဖြစ်သည်။

sources: : www.mazzimaburmese.com

Do and Don't Myanmar Internet users

ဒီစာအုပ်လေးက အင်တာနက်သုံဆွဲသူများ မသိမဖြစ်သိထားသင့်တဲ့ အသိပေးချက် ၈ ချက် ပါ။ အခု နောက်ပိုင်း blog တွေ၊ website တွေ၊ mail တွေကို အပျော်သဘော Hack လာကြတယ်။ ဒီစာနဲ့ ဒီစာအုပ်ကို တင်ရတာလည်း မိတ်ဆွေတစ်ယောက် သူ့ဂျီမေလ်း အဟတ်ခံရတာနဲ့ ပါတ်သတ်ပြီး နောက်ဆို ဘယ်လို အဟတ်မခံရအောင် ဘယ်လိုလုပ်ရမလဲ မေးလာလို့ပါ။ ဒီစာအုပ်လေးက တော်တော်လေး ပြည့်စုံအောင်ရေးပေးထားလို့ အဆင်ပြေမယ် ထင်ပါတယ်။ ဂျီမေးလ်ကို Hack တဲ့နည်းတွေက အများကြီးရှိပါတယ်။ နောက်တစ်ခုက ကိုယ်ဝင်နေကြ ဂျီမေးလ် Home page ဟုတ်ရဲ့လား စစ်ဆေးပြီးမှ ဝင်ပါ။ ဂျီမေးလ် Home page ပုံစံ အတိုင်း လုပ်ထားတဲ့ ဆိုဒ်တွေ အများကြီး ရှိပါတယ်။ မှားပြီး ဝင်မိရင်တော့ ကိုယ့်ရဲ့ လှိူ့ဝှက်နံပါတ်နဲ့ နံမည်ကို Hacker ဆီ လှမ်းပြီး အသိပေးလိုက် သလိုဖြစ်သွားမှာပါ။ လှိူ့ဝှက်နံပါတ် ကို စာနဲ့ ဂဏန်းနဲ့ တွဲ ပြီး အသုံးပြုပေးပါ။ လှိူ့ဝှက်နံပါတ်ကို Google က စိတ်မချရတော့ဖူး ပြောင်းပါလို့ မပြောမချင်း မပြောင်းပဲထားပါ။ ခက်တာကျနော်တို့ မြန်မာလူမျိုးတွေ Hacker ကြီးဖြစ်ချင်လာကြတယ်။ ဂျီမေးလ်လေးတစ်ခု Hack နိုင်တာနဲ့ Hacker လို့ထင်နေတယ်။ သူများနိုင်ငံမှာ Hacker တွေက စီးပွါးရေးအတွက်၊ လူအများ IT နည်းပညာ တိုးတက်ကောင်းမွန်ရေး အတွက် အသုံး ပြုနေကြတာပါ။
sources: : humanright-myanmar.com
Download

Friday, January 14, 2011

CPC ဂျာနယ်ကိုယ်စားပြု ကော်မတီမှ Eleven Media Group နုတ်ထွက်

Committee for Professional Conduct (CPC) ဂျာနယ်ကိုယ်စားပြု ကော်မတီမှ Eleven Media Group နုတ်ထွက်လိုက်ပြီ ဖြစ်ကြောင်း သိရှိရသည်။ 'မနေ့က အဲဒီ အစည်းအဝေး ပြီးပြီးချင်းပဲ ကျွန်တော်တို့ Eleven Media Group အနေနဲ့တိုင်ပင်ပြီး နုတ်ထွက်ဖို့ ဆုံးဖြတ်ခဲ့ပါတယ်။ နုတ်ထွက်စာကို အဲဒီနေ့က ချက်ချင်းပဲ စာပေစိစစ်ရေးကို ပို့လိုက်ပါတယ်'ဟု ဇန်န၀ါရီလ ၁၃ ရက်နေ့က ပြုလုပ်ခဲ့သော အစည်းအဝေးသို့ တက်ရောက်ခဲ့သူ ဒေါက်တာသိန်းမြင့် (Managing Editor) က ပြောပါသည်။
'ကျွန်တော်တို့ Eleven Media Group တည်ထောင်တာ ၁၀ နှစ်ကျော်ပါပြီ။ ဘယ်ဂျာနယ်လစ် အဖွဲ့အစည်းမှာမှ မပါခဲ့ပါဘူး။ ကျွန်တော်တို့ မူဝါဒ၊ ရပ်တည်ချက်နဲ့ တူညီမှု ရှိမှသာ ပူးပေါင်း ဆောင်ရွက်ခဲ့တာပါ။ ဒီအဖွဲ့ ဖွဲ့စည်းမယ်ဆိုတုန်းက စာနယ်ဇင်း ကျင့်ဝတ်တွေထိန်းဖို့၊ စာနယ်ဇင်း လွတ်လပ်ခွင့်နဲ့ တာဝန်ကို အကာအကွယ်ပေးနိုင်တဲ့အဖွဲ့အစည်းဖြစ်ဖို့ စတုတ္ထမဏ္ဍိုင် ပီပြင်ဖို့ Independent Body ဖြစ်မယ်ဆိုလို့ ပါဝင်ခဲ့တာပါ။ အခု ဖွဲ့စည်းပုံအရ ဒီလိုမဖြစ်နိုင်တော့လို့ နုတ်ထွက်လိုက်တာပါ။ မနေ့က အစည်းအဝေးမှာ ကျွန်တော်တို့ Eleven Media Group က ဒီအဖွဲ့မှာ ပါတဲ့သူတွေ အနေနဲ့ အောက်ဖော်ပြပါ အချက်ခြောက်ချက်နဲ့ ညီဖို့ လိုပါတယ်။ မညီရင် ကိုယ့်အသိစိတ်ဓာတ်နဲ့ကိုယ် စဉ်းစားကြဖို့ တင်ပြခဲ့ပါတယ်။ နေရာရလာရင် ကပ်ပါးရပ်ပါးလုပ်ပြီး အခွင့်အရေးယူဖို့ပဲ ကြည့်နေတဲ့သူတွေ၊ စာနယ်ဇင်းကျင့်ဝတ်ကို ဖောက်ဖျက်ပြီး အကျင့်သိက္ခာဆိုးနဲ့ ကျော်ကြားတဲ့သူတွေ ဒီအဖွဲ့ထဲမှာ များနေရင် ဒီအဖွဲ့အပေါ် အစိုးရရော၊ ပြည်သူလူထုပါ ယုံကြည်လေးစားမှုရှိမှာ မဟုတ်သလို ဒီအဖွဲ့ရဲ့ ရည်မှန်းချက်တွေလည်း အောင်မြင်မှာ မဟုတ်ပါဘူး။ ကျွန်တော်တို့ Eleven Media Group ဟာ ဘာသားယိမ်းလိုက် ရောယိမ်းလိုက် လုပ်တဲ့ သတင်းမီဒီယာ မဟုတ်ပါဘူး။ ဒါကြောင့် ဖွဲ့စည်းပုံကို မပြင်ရင် ဒီအဖွဲ့မှာ ပါဝင်မှာ မဟုတ်သလို၊ ဒီအဖွဲ့နဲ့လည်း ပူးပေါင်းဆောင်ရွက်မှာ မဟုတ်ပါဘူး'ဟု Eleven Medi Group ၏ CEO ဒေါက်တာသန်းထွဋ်အောင်က ပြောပါသည်။
CPC ကော်မတီတွင် ဥက္ကဋ္ဌအဖြစ် ဦးကိုကို (ကိုကို-စက်မှုတက္ကသိုလ်)၊ အတွင်းရေးမှူးအဖြစ် ဦးမျိုးမြင့်မောင် (ညွှန်ကြားရေးမှူး၊ စာပေစိစစ်ရေး)တို့ ဖြစ်ပြီး ဦးမြတ်ခိုင် အပါအ၀င် စာပေစာနယ်ဇင်းမှ ငါးဦး၊ ပြည်တွင်းဂျာနယ် ကိုယ်စားလှယ်များ အဖြစ် ဦးဝင်းငြိမ်း (အလင်းတန်းဂျာနယ်)၊ ဦးအောင်စိုးသူ(The First Music ဂျာနယ်)၊ ဦးယဉ်ကျော် (မှုခင်းသတင်းဂျာနယ်)၊ ဦးဇင်ယော်နီ (မနောမယ ဂျာနယ်)၊ ဒေါက်တာဇော်သန်း (Health Care ဂျာနယ်)၊ ဦးခင်မောင်ညို(ဘောဂဗေဒ) (ကမ္ဘာ့စီးပွားရေးဂျာနယ်)၊ ဦးကျော်မင်းဆွေ (The Voice ဂျာနယ်)၊ ဦးသန်းစိုး (အခွင့်အလမ်းဂျာနယ်)၊ ဦးဝေသာ (တတိုင်းမွှေးဂျာနယ်)၊ ဦးမြင့်ဆွေမြင့် (အင်အား အားကစားဂျာနယ်)၊ ဦးထွန်းထွန်းဦး (အိုလံပစ် အားကစားဂျာနယ်)၊ ဒေါ်ငြိမ်းငြိမ်းနိုင် (7 Day ဂျာနယ်)၊ ဦးချစ်မောင် (News Watch ဂျာနယ်)၊ ဒေါက်တာတင်ထွန်းဦး (ပြည်မြန်မာသတင်းဂျာနယ်)၊ ဒေါက်တာသိန်းမြင့် (Eleven Media Group)တို့ ဖြစ်ပါသည်။ ထို့ပြင် Freelance များထဲမှ ဦးကျော်ရင်မြင့်နှင့် ဦးရဲနိုင်မိုးတို့လည်း ပါဝင်သည်။
၎င်းကော်မတီတွင် ပါဝင်ရမည့် သူများ၏ အရည်အချင်းနှင့် ပတ်သက်၍ Eleven Media Group မှ CPC ကော်မတီသို့ တင်ပြချက်(၆)ချက်မှာ  .  .  .
  • စာနယ်ဇင်းကျင့်ဝတ်ကို နားလည်ပြီး ၎င်းကျင့်ဝတ်ကို အမှန်တကယ် လိုက်နာကျင့်သုံးခဲ့သော သမိုင်းကြောင်းရှိသူ ဖြစ်ရမည်။
  • ဂုဏ်သိက္ခာပိုင်းဆိုင်ရာ နာမည်ပျက် မရှိသူ၊ အကျင့်စာရိတ္တ ကောင်းမွန်ကြောင်း ဂုဏ်သတင်းရှိသူ ဖြစ်ရမည်။ ငွေကြေး အရှုပ်အရှင်း ကင်းသူ ဖြစ်ရမည်။
  • မိမိအလုပ်ပေါ် မိမိ မြတ်နိုးမှု ရှိပြီး မိမိတို့ စာနယ်ဇင်း လောကသားများ အပေါ် ကာကွယ်လိုစိတ် ရှိရမည်။
  • ညှိနှိုင်းမှုများ လုပ်ဆောင်ရာတွင် သဘောထား ပျော့ပျောင်းမှုများ ရှိသူ ဖြစ်ပြီး စာနယ်ဇင်းတို့၏ ရပိုင်ခွင့်၊ ကျင့်ဝတ် (Principle)ပေါ်၌ နားလည်ကာ အခိုင်အမာ ရပ်တည်နိုင်သူ ဖြစ်ရမည်။
  • ပုဂ္ဂိုလ်ရေးကို ရှေ့တန်းတင်၍ အုပ်စုဖွဲ့၊ ဂိုဏ်းဂဏဖွဲ့သူ မဖြစ်စေရ။
  • အစိုးရ၊ နိုင်ငံရေးပါတီများ၊ စီးပွားရေး လုပ်ငန်းရှင်များ၊ သံရုံး၊ NGOs မှ အမှီအခိုကင်းပြီး Sponsor အထောက်အပံ့ကို သွယ်ဝိုက် (သို့) တိုက်ရိုက်ရယူသူ မဖြစ်ရ။

Facebook ရပ်နားမည်ဆိုတဲ့သတင်း မဟုတ်ကြောင်း အတည်ပြုပြောကြား


Facebook ရဲ့ စီအီးအို မာ့(ခ်)ဇူကာဘာ့(ဂ်) က သူ့ရဲ့ စိတ်ဖိစီးရှုပ်ထွေးမှုတွေအားလုံး အဆုံးသတ်သွားပြီး အရင်မူလဘ၀ ပုံစံပြန်ရဖို့အတွက် Facebook ၀က်(ဘ်)ဆိုက်ကို မတ်လ ၁၅ ရက်နေ့မှာ ပိတ်လိုက်တော့မယ်ဆိုတဲ့ ကောလာဟလ သတင်း တစ်ခု ယခု ရက်သတ္တပတ်အကုန်မှ ထွက်ပေါ်ခဲ့ပါတယ်။
အဆိုပါ ကောလာဟလသတင်း မှားယွင်းပါတယ်လို့ Facebook ရဲ့ ကော်ပိုရိတ်ဆက်သွယ်ရေးဒါရိုက်တာ လယ်ရီယုက CNN ကို တရားဝင်အတည်ပြုပြောကြားခဲ့ပါတယ်။ လယ်ရီယုကို CNN က မတ်လ ၁၅ ရက်နေ့ Facebook ပိတ်မယ့်သတင်းကို အီးမေးလ်နဲ့ မေးမြန်းတဲ့အခါမှာ” အဖြေကတော့ မဟုတ်ပါဘူးပေါ့။ ကျေးဇူးပြုပြီး ဒီရူးသွပ်မိုက်မဲမှုကို နိဂုံးချုပ်ပေးပြီး ကျွန်တော်တို့ကို ကူညီပေးပါ" လို့ပြန်ဖြေ ခဲ့တဲ့အကြောင်းကို ဇန်န၀ါရီ ၁၀ရက်နေ့ စီအင်အင် သတင်းမှာဖေါ်ပြထားပါတယ်။

sources: :Yatanarpon

Mc Will ဖုန်းလျှောက်လွှာတင်ပြီး နှစ်ပတ်ခန့်ကြာမှ သုံးစွဲခွင့်ရမည်


မြို့ကြီးသုံးမြို့တွင် သုံးစွဲခွင့်ပေးမည့် ကျပ်ငါးသိန်းတန် အင်တာနက်ဖုန်းအမျိုးအစား Mc Will ဖုန်းလျှောက်လွှာများအား ရတနာပုံအိုင်စီတီပြပွဲတွင် စတင်ရောင်းချပေးခဲ့သော်လည်းလျှောက်လွှာတင်ပြီး နှစ်ပတ်ခန့်အကြာမှ ဖုန်းလိုင်းများ ဖွင့်လှစ်ပေးမည်ဖြစ်ကြောင်းမြန်မာ့ဆက်သွယ်ရေးလုပ်ငန်းမှ တာဝန်ရှိသူတစ်ဦးက ပြောသည်။
 ၂ဝဝ၈ ဘေဂျင်းအိုလံပစ်ပွဲတော် ကာလက တရုတ်နိုင်ငံတွင် သုံးစွဲခဲ့သော Mc Will(Multi Carrier Wireless Local Loop)Broad Band Data Auess System ဖုန်းကို မြန်မာနိုင်ငံတွင် နေပြည်တော် ကျောက်မျက်ရတနာ ပြပွဲသို့လာရောက်သည့် ကုန်သည်များအား စတင်ရောင်းချပေးခဲ့ ခြင်းဖြစ်သည်။ အဆိုပါ ဖုန်းများအား ရတနာပုံအိုင်စီတီ ပြပွဲတွင်သာမက ရန်ကုန်နှင့် မန္တလေးမြို့ရှိ ရတနာပုံတယ်လီပို့ရုံးခွဲများတွင် လျှောက်ထားနိုင်ပြီး၊ ရန်ကုန်၊ မန္တလေးနှင့် နေပြည်တော်မြို့များတွင် ထိုဖုန်းများကို ရယူနိုင်ပြီဖြစ်ကြောင်း ရတနာပုံတယ်လီပို့မှ တာဝန်ရှိသူ တစ်ဦးက ပြောကြားသည်။ “လောလောဆယ်တော့ သုံးလို့ရတဲ့မြို့တွေကို ရောင်းပေးနေပြီး  ဖုန်းလိုင်းတွေကိုတော့ မဖွင့်ပေးရသေးဘူး။ နောက်နှစ်ပတ်လောက် နေမှစပြီး ဖွင့်ပေးမယ်”ဟု မြန်မာ့ဆက်သွယ်ရေးလုပ်ငန်းမှ အင်ဂျင်နီယာချုပ် ဦးဇော်မင်းဦး ကပြောသည်။ Mc Will  ဖုန်းများအား စတင်ရောင်းချသည့် နေ့မှာပင် ပြပွဲအတွင်း လျှောက်လွှာ ၃ဝဝ ခန့် ရောင်းချခဲ့ရသည်။
 အဆိုပါ   ဖုန်းလျှောက်ထားသူများမှာ ဖုန်းလျှောက်ပြီးသည်နှင့် သုံးစွဲရမည်ဟု  ထင်ကြသဖြင့် မန္တလေးမှ ဒေသခံစီးပွားရေးလုပ်ငန်းရှင် အများအပြား လာရောက်လျှောက် ထားခဲ့ကြသည်။“လျှောက်လွှာတင်ပြီးမှပဲ သိရတယ်။ကျွန်တော်တို့ ဒီမှာရောက်နေတဲ့ လူအကုန်လုံးက ဒီဖုန်းကို ချက်ချင်းသုံးရမယ်ပဲ မှတ်နေကြတာ။အခုက ဘယ်လောက်နေမှ သုံးရမယ်ဆိုတာ သေချာမသိ ရဘူး”ဟု လာရောက်လျှောက်ထားသူ မန္တလေးမြို့မှ တည်းခိုခန်း ပိုင်ရှင်တစ်ဦးက ဆိုသည်။ထိုလျှောက်ထားသူများမှာ လျှောက်လွှာစိစစ်ပြီး ငွေတောင်းခံလွှာ ရသည့်အချိန်တွင် မိမိနေထိုင်ရာမြို့ရှိ ရတနာပုံတယ်လီပို့ရုံးခွဲများတွင် စက်ပစ္စည်းထုတ်ယူနိုင်ပြီး ကနဦးတပ်ဆင်ခ ကျပ်ငါးသိန်းနှင့်  အင်တာနက်အသုံးပြုခအတွက် တစ်နှစ်လျှင် ခြောက်သောင်းကျပ် ပေးသွင်းရမည်ဖြစ်သည်။ အင်တာနက်ဖုန်း၏ (Data Speed) တစ်စက္ကန့်လျှင် အချက်အလက် စီးဆင်းနှုန်းမှာ  512 Kbps မှ 2 Mbp အထိ အသုံးပြုနိုင်သည်ဟု ဆိုသည်။
သို့သော်  ဖုန်းရရှိသော ဧရိယာအတွင်း သုံးစွဲသူ အနည်းအများပေါ်မူတည်၍ မြန်နှုန်း ရရှိမည်ဖြစ်ကြောင်း သိရသည်။ လက်ရှိတွင်Mc Will ကွန်ရက်မှာ ရန်ကုန်၊ မန္တလေး၊ နေပြည်တော်သာမက ခန္တီး၊ ဟုမ္မလင်း၊ ဗန်းမော်၊ ပင်လယ်ဘူး၊ ကလေးဝ အစရှိသည့် မြို့များတွင်ပါ ဖြန့်ကြက်နိုင်ပြီ ဖြစ်သည်။ရတနာပုံတယ်လီပို့မှ ရောင်းချပေးသည့် Mc Will ဖုန်းကို (၉)ကြိမ်မြောက် အိုင်စီတီရက်သတ္တပတ်ပွဲတော်တွင် စတင်ရောင်းချပေးခဲ့ရာ ဝယ်ယူလိုသူအနေဖြင့် ကိုယ်တိုင် လျှောက်ထားရပြီး မှတ်ပုံတင်(သို့) သက်ဆိုင်သော ကတ်တစ်ခုခု၏ မိတ္တူပါ မှ ရောင်းချပေးသည်။
ပြပွဲတွင် ရန်ကုန်၊ မန္တလေး၊ နေပြည်တော် မြို့များအတွက် Mc Will အသုံးပြုခွင့်လျှောက်လွှာများအား တစ်စောင်လျှင် တစ်ထောင်ကျပ်နှုန်းဖြင့် တစ်ထိုင်တည်း လျှောက်ထားနိုင်ရန် စီစဉ်ထားသည်။သို့သော်လည်း မှတ်ပုံတင်မိတ္တူ တောင်းသည့်အတွက် လာရောက်လျှောက်ထားသူများ အခက်အခဲကြုံတွေ့ရကြောင်း ဖုန်းလျှောက်ထားသူများက ပြောသည်။

sources: :7Day News Journal

စစ်တပ်အင်အား ပိုမိုကြီးမားရေး အရန်တပ်ဖွဲ့ဥပဒေကိုပါ ပြဌာန်း

၂၀၁၀ခုနှစ် နိုဝင်ဘာလ ၄ ရက်နေ့ ရက်စွဲနဲ့ ထုတ်ပြန်တဲ့ အရွယ်ရောက်သူတိုင်း စစ်မှုမထမ်းမနေရ ပြဌာန်းချက်မှာ အရန်တပ်ဖွဲ့ဥပဒေကိုပါ စစ်အစိုးရက ထည့်သွင်းထားတယ်လို့ မြန်မာနိုင်ငံ ရှေ့နေများကောင်စီ အထွေထွေ အတွင်းရေးမှူး ဦးအောင်ထူးက ဇန်နဝါရီ ၁၂ ရက် မနေ့က ပြောကြားလိုက်ပါတယ်။

(Photo: AFP)
မြန်မာ စစ်အစိုးရ၏ တပ်မတော်တံဆိပ်ကို စစ်ဦးထုပ်တွင် တပ်ဆင်ထားပုံ ဖြစ်ပါသည်။ (Photo: AFP)
အရန်တပ်ဖွဲ့ဥပဒေအရ အငြိမ်းစား စစ်မှုထမ်းတွေကို ခံစားခွင့်အပြည့်နဲ့ စစ်တပ်ရဲ့ အရန်တပ်ဖွဲ့မှာ ငါးနှစ် ဆက်လက် တာဝန် ပေးအပ်ထားတာပါ။ ဒါကြောင့် အရန်တပ်ဖွဲ့ဆိုတာထက် အမြဲတမ်း စစ်တပ် ပုံသဏ္ဍာန်မျိုး ပိုပြီး အင်အားကြီးမားအောင် စစ်အစိုးရက ရည်ရွယ်တာ ဖြစ်တယ်လို့ ရှေ့နေ ဦးအောင်ထူးက ဆိုပါတယ်။
“ဘာကြောင့်လဲဆိုတော့ အရန်တပ်ဖွဲ့ဝင်တွေ အကုန်လုံးက တပ်မတော်သားတိုင်း လိုက်နာရတဲ့ ၁၉၅၉ တပ်မတော် အက်ဥပဒေကို လိုက်နာရမယ်၊ နောက် အရန်တပ်ဖွဲ့ ကုန်ကျစရိတ်တွေ အကုန်လုံးကို တိုင်းပြည် ဘဏ္ဍာငွေက ကျခံရမယ်၊ နောက် လက်ရှိ တပ်မတော်မှာ တာဝန်ထမ်းဆောင်နေတဲ့ ပုဂ္ဂိုလ်တွေဟာ လက်ရှိ တပ်မတော်က အငြိမ်းစားယူသည် ဖြစ်စေ၊ နုတ်ထွက်သွားသည် ဖြစ်စေ၊ အရန်တပ်ဖွဲ့မှာ ငါးနှစ် တာဝန်မထမ်းဆောင် မနေရ ထမ်းဆောင်ရမယ်။ အဲဒီ ငါးနှစ် ဟိုဖက်ကို ကျော်သွားဦးတော့၊ တပ်မတော် ကာကွယ်ရေး ဦးစီးချုပ်ကနေပြီးတော့ အဲဒီ ပုဂ္ဂိုလ်တွေကို တပ်ကထွက်သွားတဲ့ ပုဂ္ဂိုလ်တွေ၊ အငြိမ်းစား ယူသွားတဲ့ ပုဂ္ဂိုလ်တွေ အရန်တပ်ဖွဲ့ဝင်အဖြစ်နဲ့ ထပ်မံ ခန့်အပ်နိုင်တယ်ဆိုတဲ့ ပြဋ္ဌာန်းချက်တွေ ပါရှိတာကြောင့်မို့လို့ ဒီ အရန်တပ်ဖွဲ့ ဆိုသော်ငြားလည်းပဲ ဒီတပ်ဖွဲ့က တကဲ့ အရန်သဘောမဆောင်ပဲနဲ့ ပင်မတပ်မတော်ကြီးကိုသာ ကြီးထွားသည်ထက် ကြီးထွားအောင် လုပ်မဲ့အနေအထားကို ဖန်တီးမဲ့ ဥပဒေ ဖြစ်နေတာကို တွေ့ရတယ်။”
လွှတ်တော်ခေါ်ယူပြီး နောက်ပိုင်း လက်ရှိ စစ်ခေါင်းဆောင်တွေအနေနဲ့ အုပ်ချုပ်ရေးကဏ္ဍကနေ အပြင်ကို ရောက်သွားမဲ့ အခြေအနေအတွက် ကြိုတင်ပြီး ပြင်ဆင်တဲ့ သဘောလို့လည်း ဦးအောင်ထူးက ယူဆပါတယ်။ ဒါအပြင် စစ်တပ်အတွင်း အသက် ၆၀ ပြည့် ပင်စင် မဖြစ်မနေ ယူရမယ် ဆိုတဲ့ ဥပဒေမျိုး လွှတ်တော်ကနေ ပြဌာန်းနိုင်တဲ့ အလားအလာကို စစ်ဗိုလ်ချုပ်ကြီးတွေ ကြိုတင် အကာအကွယ်ယူတဲ့ သဘော ဖြစ်တယ်လို့လည်း ဆိုပါတယ်။
အခုပြဌာန်းလိုက်တဲ့ စစ်တပ်ပိုင်းဆိုင်ရာ ဥပဒေတွေဟာ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေ ပုဒ်မ ၄၀ တပ်မတော်ရဲ့အခန်းကဏ္ဍ ခေါင်းစဉ်အောက်မှာ ပါတဲ့ အချက်တွေပဲ ဖြစ်ပါတယ်။

sources: : RFA 

အကယ်ဒမီပေးပွဲ ၂၃ ရက်နေ့ ကျင်းပမည်

 ၂ဝဝ၉  ခုနှစ်အတွက် အကယ်ဒမီ ပေးပွဲခေါ် မြန်မာ့ရုပ်ရှင် ထူးချွန်ဆုပေးပွဲကို နေပြည်တော်တွင် ယခုလ ၂၃ ရက်နေ့တွင် ကျင်းပရန် ပြန်ကြားရေး ဝန်ကြီးဌာနက သတ်မှတ်လိုက်သည်။

MNENP
အကယ်ဒမီဆုပေးပွဲတွင် ရွေးချယ်ထားသော “မိုးညအိပ်မက်မြူ”ဇာတ်ကား
ဆု ရွေးချယ်ရန်အတွက် စာရင်းဝင်သည့် ဇာတ်ကားပေါင်း ၁၆ ကားရှိသည်။  ယမန်နှစ်က ပြုလုပ်ခဲ့သည့် ၂ဝဝ၈ ခုနှစ် ရုပ်ရှင် ထူးချွန်ဆုပေးပွဲတွင်မူ ဇာတ်ကား ၁၂ ကား သာရှိခဲ့ပြီး ယင်းအနက် ၈ ကားမှာ ဟာသဇာတ်လမ်းများ ဖြစ်သည်။

ဇာတ်ကား ၁၆ ကားမှာ “ယောက္ခမနှင့် တစ်ထောင့်တစ်ည၊ မိုးညအိပ်မက်မြူ၊ အချစ်ဟု အဓိပ္ပာယ်သက်ရောက်ခြင်း မရှိစေရ၊ ဟော့ရှော့ ၂၊ ချစ်လို့ စတာ၊ ဇော်က ကနေသည်၊ ချစ်ကံပွင့်နှင့် မချောလေးဆယ်၊ သူငယ်ချင်း ယောက္ခမ၊ မာမီရှိန်း၊ ပင်လယ်ကို ဖြတ်၍၊ ရှော့ခ်ရှိတဲ့ အချစ်များ၊ ဝါဆိုဖယောင်းတိုင်၊ အတည်ပေါက် နောက်တဲ့လူ၊ ကျောက်စက်ရေ၊ အတိတ်၏ အရိပ်၊ ကြိုးကြာတောင်ပံခတ်သံ ဇာတ်ကား တို့ဖြစ်သည်။

ယခုနှစ် အမျိုးသားသရုပ်ဆောင်ဆုအတွက် နေတိုးနှင့် မြင့်မြတ်တို့ ရေပန်းစားနေပြီး အမျိုးသမီးသရုပ်ဆောင်ဆု အတွက် အိန္ဒြာကျော်ဇင်၊ စိုးမြတ်သူဇာ၊  မေသန်းနုနှင့် သင်ဇာဝင့်ကျော်တို့ တစ်ပြေးနေသည်။

နှစ်တနှစ်ချင်းစီအလိုက် ရုပ်ရှင်ထူးချွန်ဆုပေးသည့် စနစ်ကို ၁၉၅၂ ခုနှစ်တွင် စတင်ပေးအပ်လာခဲ့ခြင်း ဖြစ်ပြီး ဆုရွေးချယ်ရေးအဖွဲ့က သတ်မှတ်ထားသည့် ဆုအမျိုးအစားများမှာ ဓာတ်ပုံဆု၊ အမျိုးသား သရုပ်ဆောင်ဆု၊ အမျိုးသမီး သရုပ်ဆောင်ဆု၊ အမျိုးသား ဇာတ်ပို့ဆု၊ အမျိုးသမီး ဇာတ်ပို့ဆု၊ တေးဂီတဆု၊ ဇာတ်ညွှန်းဆု၊ ဒါရိုက်တာဆု၊ တည်းဖြတ်ဆု၊ ဇာတ်ကားဆု၊ အသံပိုင်းဆိုင်ရာဆု တို့ဖြစ်ပြီး စုစုပေါင်း ၁၁ ဆု ဖြစ်သည်။

သို့သော် အချို့နှစ်များတွင် ဆုအားလုံးပေးခဲ့ခြင်းမရှိသလို ဆုအမျိုးအစားတခုအတွက် တဦးထက်ပို၍ ပေးခဲ့သည်များလဲ ရှိသည်။ ပြီးခဲ့သည့်နှစ် ဆုပေးပွဲတွင် ဇာတ်ကားဆု၊ ဒါရိုက်တာဆု၊ အမျိုးသား သရုပ်ဆောင်ဆု၊ အမျိုးသား ဇာတ်ပို့ဆု၊ အမျိုးသမီး သရုပ်ဆောင်ဆု၊ အမျိုးသမီး ဇာတ်ပို့ဆုနှင့် ဓာတ်ပုံဆု စသဖြင့် ၇ ဆု သာ ပေးခဲ့သည်။

ယခုနောက်ပိုင်းတွင် ထူးချွန်ဆုရွေးချယ်ရမည့် ကားများမှာ နည်းပါးသွားကြောင်း၊ ဇာတ်ကားများ၏ အရည်အသွေးပါ ကျဆင်းသွားကြောင်း ဝါရင့်ဒါရိုက်တာ အကယ်ဒမီပန်းချီစိုးမိုးက ပြောသည်။

“Best of the Year အနေနဲ့ပြောရင် ဘယ်လောက် မကောင်း၊ ကောင်းကောင်း မကောင်းတဲ့ထဲက အကောင်းဆုံး ရွေးပေးရမှာပဲ။ ဒါ Permanent Academic award မဟုတ်ဘူးလေ။ Permanent ဆိုတာက တကယ်ကောင်းခဲ့တဲ့ ကားမျိုးက Permanent ပေါ့။ အရင်က ဆရာဦးသုခတို့ ရတဲ့ကားမျိုးတွေ၊ ရွှေဒုံးဘီအောင် ရတဲ့ ကားမျိုးတွေ။ ဥပမာ ကိုယ်တို့ရတဲ့ “ငါ သူတပါး ယောကျာ်း” တို့ပေါ့။ အဲဒီလိုကားမျိုးတွေကျ တကယ့်ကို ပြိုင်လို့မရတော့ဘူးလေ။ ဒီဘက်ကျတော့ ကားတွေက Quality လည်း လျော့ကုန်တယ်လေ။ ပြီးတော့ သူက ကားထုတ်ကလည်း နည်းတယ်။ ကိုယ်တို့တုန်းက ကား ၁ဝဝ လောက် ပြိုင်ရတာကိုး” ဟု သူက မဇ္ဈိမကို ပြောသည်။

ရုပ်ရှင်ထူးချွန်ဆု ရွေးချယ်ရာတွင် အဓိကအနေဖြင့် ယဉ်ကျေးမှုနှင့် ပြည်သူ့အကျိုးပြုသော အချက်ကို ကြည့်၍ ရွေးချယ်ကြောင်း ပန်းချီစိုးမိုးက ပြောသည်။

“ယဉ်ကျေးမှုရယ်၊ အကျိုးပြုတာရယ်ကိုတော့ အခြေခံပါတယ်။ ယဉ်ကျေးမှုဆိုတာက ဥပမာ မြန်မာ့တိုင်းရင်းသား ယဉ်ကျေးမှုရယ်၊ လူသားအကျိုးပြုတာ။ ဥပမာ မိခင်မေတ္တာလည်း ပေးတာပဲ။ ဒရမ်မာလည်း ပေးတာပဲ။ အခုကတော့ နောက်ပိုင်းတော့ ကားထုတ်မရှိတော့ ရယ်စရာကားလည်း ပေးတာပဲ” ဟု သူက ပြောဆိုသည်။

ယခုနှစ် ရုပ်ရှင်ထူးချွန်ဆုပေးပွဲသို့ လာရောက်သတင်းယူမည့် ဂျာနယ်တိုက်များကို လျှောက်လွှာတင်သွင်းရန် အကြောင်းကြားခဲ့ပြီးဖြစ်သည်ဟု သိရသည်။

နေပြည်တော်ရှိ လဟာပြင်ဇာတ်ရုံ၌ ကျင်းပမည့် အကယ်ဒမီ ဆုပေးပွဲကို သတင်းယူမည့် သူများအနေဖြင့် ဗဟန်းမြို့နယ်ရှိ ရုပ်ရှင်မြှင့်တင်ရေးရုံး၌ စာရင်းပေးသွင်းရမည်ဖြစ်ပြီး သတင်းတိုက်တတိုက်ကို ၂ ဦး တက်ရောက်ခွင့် ရှိသည်။ 

“ဒီလူ တက်မယ်စာရင်းပေးရင် ဒီလူပဲ။ လူစားမထိုးရဘူး။ အမည်တို့၊ မိဘအမည်တို့၊ အသက်တို့၊ နိုင်ငံသား မှတ်ပုံတင်နံပါတ်တို့၊ ကိုယ် ကိုယ်စားပြုတဲ့ ဂျာနယ်တိုက်နာမည်တုိ့ ပေးရတယ်။ ကင်မရာပါမယ်ဆို ကင်မရာ အမျိုးအစား၊ နံပါတ် အကုန်အကုန် ပေးရတယ်။” ဟု အယ်ဒီတာတဦးက မဇ္ဈိမကို ပြောသည်။

“ဒီကိုတင်တဲ့ လျှောက်လွှာတွေကို နေပြည်တော် စစ်ဒေသရုံးကို တင်ရမယ်။ အဲဒီကနေ ဝင်ရောက်မယ့် သူတွေကို ကဒ်ထုတ်ပေးမှာ ဖြစ်ပါတယ်။ ကျနော်တို့ ဝန်ကြီးရုံးက ဒါကို လုပ်ပိုင်ခွင့် မရှိဘူး။ စစ်ဒေသရုံးက ကိုင်တာ” ဟု မြန်မာ့ရုပ်ရှင် မော်ကွန်းရုံး ဝန်ထမ်းတဦးက မဇ္ဈိမကို ပြောသည်။

ထူးချွန်ဆု ချီးမြှင့်သည့် သမိုင်းတွင် မင်းသား ရန်အောင်က ၆ ဆုနှင့် မင်းသမီးကြီး ဒေါ်မြင့်မြင့်ခင်က ၅ ဆု ဖြင့် အများဆုံး ရရှိထားကြသည်။

sources: : www.mazzimaburmese.com

Thursday, January 13, 2011

ကားခ တိုးမြှင့်မှုကြောင့် ကလေးမြို့ တက္ကသိုလ်ကျောင်းသားတွေ ဆန္ဒပြ


ကျောင်းကားခ တိုးမြှင့်မှုကို လက်မခံနိုင်၍ ကလေးမြို့ တက္ကသိုလ် ကျောင်းသားများ ငြိမ်းချမ်းစွာ ချီတက် ဆန္ဒပြနေကြစဉ်။ 
စစ်ကိုင်းတိုင်း ကလေးမြို့နယ်တွင်းက ကလေးတက္ကသိုလ်၊ စက်မှုတက္ကသိုလ်(ကလေး) နဲ့ ကွန်ပျူတာ တက္ကသိုလ်တွေက ကျောင်းသား ကျောင်းသူ ၁,၀၀၀ ကျော်ဟာ ကျောင်းကားခ တိုးမြှင့်ကောက်ခံတာကို လက်မခံနိုင်လို့ တောင်းဆို ဆန္ဒပြမှု တခုကို ပြုလုပ်ခဲ့ပါတယ်။ မနက် ၇ နာရီကျော်ကနေ နေ့လယ် ၂ နာရီကျော်ထိ ဆန္ဒပြခဲ့ပြီး တောင်းဆိုချက်တွေကို နောက်ဆုံးမှာ အာဏာပိုင်တွေက လိုက်လျောလိုက်တယ်လို့ ကြေညာတဲ့အခါ လူစုခွဲခဲ့ကြပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။

၂၀၁၀ ခုနှစ် မကုန်ခင်ကတည်းက ဒေသကွပ်ကဲရေး စစ်ဌာနချုပ် (ဒကစ) ကလေးက အာဏာပိုင်တွေဟာ ဒေသတွင်း တက္ကသိုလ်တွေက တက္ကသိုလ် ပါမောက္ခချုပ်တွေကို ခေါ်ယူပြီး ၂၀၁၁ ခုနှစ်ကစပြီး ကျောင်းကြိုပို့ ကားခများကို တိုးမြှင့်ကောက်ခံတော့မှာ ဖြစ်ကြောင်း အသိပေး ပြောကြားမှုတွေကို လုပ်ခဲ့ရာမှာ ပါမောက္ခချုပ်တွေက ကျောင်းသားတွေရဲ့ အခက်အခဲတွေကို တင်ပြခဲ့ပေမဲ့ အာဏာပိုင်တွေက ဂရုမစိုက် လျစ်လျူရှုခဲ့ရာကနေ ဇန်န၀ါရီလ ၁၂ ရက်နေ့က ကလေးမြို့မှာ ကျောင်းသား ကျောင်းသူ ၁,၀၀၀ ကျော် ဆန္ဒပြမှု ဖြစ်ပွားခဲ့ရတာပါ။

ကျောင်းကားခ တိုးမြှင့်ကောက်ခံမှုကို လျှော့ချပေးဖို့ အပါအ၀င် တောင်းဆိုချက်တွေကို လိုက်လျောစေဖို့အတွက် ကျောင်းသားတွေ စီတန်း ချီတက်ကြပုံကို မြို့ခံတဦးက အခုလို ပြောပြပါတယ်။

“ကျောင်းကြိုပို့ကားတွေကို အတက်နဲ့ အဆင်း အားလုံးကို တားပြီးတော့ လမ်းပိတ်ရပ်ပြီး ကားတွေလည်း မသွားခိုင်းတော့ဘူး။ ကျောင်းသားတွေ ဘူတာလမ်းခွဲကနေ ထောင်နဲ့ချီ ချီတက်လာမယ်ဆိုတာ စစ်တပ်က သတင်းရပြီးသား။ စစ်တပ်ကလည်း သတင်းကြိုရတော့ အဲဒီဒကစရှေ့မှာ တားပြီးတော့ အဆင်သင့် စောင့်နေတာပါ။”

ကလေးမြို့ တာဟန်းရပ်ကွက် ဗိုလ်ချုပ်လမ်းမပေါ်ကနေ စုဝေးပြီး ဒေသကွပ်ကဲရေး စစ်ဌာနချုပ်ရုံးကို ကျောင်းသားတွေ ရောက်သွားတဲ့အချိန်မှာ အ၀ါရောင်လိုင်းနဲ့ အနီရောင်လိုင်းတွေကို တားဆီးပြီး စစ်သားတွေက ကာဆီးထားခဲ့ပါတယ်။ အ၀ါရောင်လိုင်းနဲ့ အနီရောင်လိုင်းတွေကတော့ ထပ်ပြီး ရှေ့ဆက်မတိုးဖို့ သတိပေး တားမြစ်ချက်တွေ ဖြစ်ပါတယ်။ စစ်တပ်က ဒကစမှူးနဲ့ ဒုတိယ တာဝန်ရှိသူတွေ ခရီးထွက်နေတာမို့ သူတို့လက်အောက်က ဒုတိယဗိုလ်မှူးကြီး အဆင့်ရှိသူ အရာရှိတဦးက ဦးဆောင်ပြီး ဖြေရှင်းပေးခဲ့ရတယ်လို့ ဆိုပါတယ်။

“ကျောင်းသားတွေက စစ်တပ်နဲ့ ထိပ်တိုက်တွေ့တဲ့ အချိန်မှာ ကျောင်းသားတွေက ပြောတယ်၊ ကျနော်တို့ ကျောင်းသားတွေက စားဝတ်နေရေးလည်း ခက်ခဲတယ်၊ အခု ကားခတွေက နောက်တဆတက်တော့ တနေ့ကို ၄၀၀ ကုန်တယ်၊ ထမင်းစားစရာတောင် မရှိတော့ဘူး၊ အရင်တုန်းကလည်း ငတ်နေတာ၊ အခု ကားခတက်တော့ ကားခတောင် ပေးစရာ မရှိဘူး၊ ကျနော်တို့မှာ အားကိုးပြီး တောင်းဆိုစရာဆိုလို့ ဒကစမှူးပဲရှိတယ် ဆိုပြီး သွားပြောတာပါ။ ဒကစမှူးရဲ့ စကား ပြန်တုံ့ပြန်တာ မကြားရဘဲ မပြန်ဘူးလို့ အဲဒီလိုမျိုး သူတို့ ပြောတာပါ။”

ဆန္ဒပြ ကျောင်းသားတွေဟာ စစ်သားတွေ တန်းစီရပ်ထားတဲ့ နေရာထိ ချီတက်ခဲ့ကြပေမဲ့ စစ်တပ်ကတော့ လက်နက်မကိုင်ဘဲ တားဆီးမှုကို လုပ်ခဲ့တယ်လို့ ဆိုပါတယ်။ စစ်တပ်ဘက်က ပထမဦးဆုံး ကျောင်းသားတွေကို ပြောတာကတော့ ဘယ်သူက ဦးဆောင်ပြီး ဒီလို ဆန္ဒပြမှုကို လုပ်ခဲ့သလဲဆိုတဲ့ မေးခွန်းပါပဲ။ ကျောင်းသားတွေကတော့ အားလုံး ဦးဆောင်တယ်၊ အားလုံး မိမိဆန္ဒနဲ့ လာကြတယ်လို့ ဖြေကြတယ်လို့ ဆိုပါတယ်။ ကျောင်းသားတွေ တောင်းဆိုချက်ကတော့...

၁။ ကားခကို ကျပ် ၂၀၀ ကောက်ခံနေတာ အရင်နှုန်းထားအတိုင်း ကျပ် ၁၀၀ ကို ပြန်လည်လျှော့ချပေးဖို့၊

၂။ ကျောင်းသားဦးရေနဲ့အညီ ကျောင်းကား လုံလောက်စွာ စီစဉ်ပေးဖို့၊

၃။ ကျောင်းကားတွေကို အချိန်မှန် ပြေးဆွဲပေးဖို့၊

၎။ ကွန်ပျူတာတက္ကသိုလ် ကျောင်းကားတွေမှာ ခရီးသည်နဲ့ ကုန်စည်တွေ တင်ဆောင်ခွင့် မပြုဖို့ စတာတွေ တောင်းဆိုခဲ့တယ်လို့ ဆိုပါတယ်။

နောက်ဆုံးမှာ အာဏာပိုင်တွေဘက်က လိုက်လျောခဲ့ရပုံကိုလည်း အခုလို ပြောပါတယ်။

“သူတို့က ကျောင်းသားတွေ တင်ပြချက်ကို လက်ခံတယ်၊ အထက်ကို တင်ပြပေးမယ်၊ ခဏ စောင့်ဆိုင်းကြပါ ဆိုတော့ ကျောင်းသားတွေက အဲဒီနားမှာရှိတဲ့ အောင်ဆန်း ဘောလုံးကွင်းနားက လမ်းဘေးမှာ အားလုံး ငြိမ်သက် တိတ်ဆိတ်ပြီးတော့ ထိုင်စောင့်နေကြတယ်။ အဲဒီအချိန်မှာ သက်ဆိုင်ရာ တက္ကသိုလ်က ပါမောက္ခချုပ်တွေ၊ ကထိကတွေ၊ ဌာနမှူးတွေ ရောက်လာပြီး ဆွေးနွေးပွဲလုပ်တယ်။ စစ်တပ်ဘက်က အရာရှိတွေကလည်း အထက်ကို တင်ပြပြီး အဲဒီမှာ ဆွေးနွေးပွဲ လုပ်ကြတယ်။

“အာဏာပိုင်တွေဘက်က ကျောင်းသားတွေရဲ့ တောင်းဆိုချက် ၄ ချက်ကို လက်ခံတယ်လို့ အကြောင်းပြန်တဲ့ဟာကို ကလေး ၀ိဇ္ဇာ၊ သိပ္ပံ တက္ကသိုလ်က ပါမောက္ခချုပ်ကို ပြောခိုင်းတယ်။ ၀ိဇ္ဇာ၊ သိပ္ပံ တက္ကသိုလ်က ပါမောက္ခချုပ် ပြောတာက ဒီနေ့ဖြစ်တဲ့ ကျောင်းသားတွေရဲ့ တောင်းဆိုချက် အားလုံးဟာ မှန်ကန်ပါတယ်၊ ဖြစ်သင့်ဖြစ်ထိုက်ပါတယ်။ ဒါကြောင့် ဆရာတို့ကဖြစ်ဖြစ်၊ လူကြီးပိုင်းကပဲဖြစ်ဖြစ် လက်ခံပြီး သဘောတူပါတယ်လို့ ပြောလိုက်တော့ ကျောင်းသားအားလုံး ၀မ်းသာ ပျော်ရွှင်ပြီးတော့ လက်ခုပ်တွေတီးပြီး ပျော်ပျော်ရွှင်ရွှင် ဖြစ်သွားတာပေါ့ဗျာ။”

ဆန္ဒပြ ကျောင်းသားတွေဟာ အစပိုင်းမှာ လူဦးရေ ၇၀၀ ကျော်လောက် ရှိပေမဲ့ နောက်ဆုံးမှာ လူဦးရေ ၁,၀၀၀ ကျော်ထိ ဖြစ်သွားပြီး ကျောင်းသားထက် ကျောင်းသူဦးရေက ပိုများတယ်လို့ မြို့ခံတွေက ဆိုပါတယ်။ ဆန္ဒပြ ကျောင်းသားတွေရဲ့ နောက်ဆုံး တောင်းဆိုချက် တခုကတော့ သူတို့ ဆန္ဒပြတဲ့အတွက် ဘယ်ကျောင်းသားကိုမှ ကျောင်းကနေ ထုတ်ပယ်တာ၊ အရေးယူတာ မလုပ်ဖို့ကိုလည်း တောင်းဆိုခဲ့တယ်လို့ ဆိုပါတယ်။

အလားတူ ပြဿနာမျိုးတွေဟာ ရခိုင်ပြည်နယ်တွင်းက တက္ကသိုလ် ကျောင်းသားတွေမှာ ကြုံတွေ့ခဲ့ရသလို နယ်ကျောင်း အတော်များများမှာ ကြုံတွေ့နေရတာလည်း ဖြစ်ပါတယ်။

ဘတ်စ်ကားခ လျှော့ချရေး ကလေးမြို့မှာ ကျောင်းသားများ လမ်းလျှောက် အရေးဆို
2011-01-12 RFA

ကလေးမြို့မှာ ကျောင်းကားခတွေ ရုတ်တရက် မြှင့်တင်လိုက်တဲ့အတွက် တက္ကသိုလ် ကျောင်းသား ၃၀၀ ခန့်က အာဏာပိုင်တွေဆီမှာ ဇန်နဝါရီ ၁၂ ရက် ဒီကနေ့ မနက် အရေးဆို တင်ပြကြတယ်လို့ သတင်းရရှိပါတယ်။

ဇန်နဝါရီ ၁၀ ရက် ပြီးခဲ့တဲ့ တနင်္လာနေ့က ကလေးမြို့ BOC ဓာတ်ဆီဆိုင် မီးလောင်ပြီးတဲ့နောက် လောင်စာဆီ ဈေးနှုန်းတွေ မြင့်တက်သွားခဲ့ပြီး၊ ကျောင်း ဘတ်စ်ကားခတွေကိုလည်း အရင်က အသွားအပြန် ၁၀၀ ကျပ်ကနေ အခု အသွားအပြန် ၄၀၀ ကျပ်ထိ တိုးမြှင့် သတ်မှတ်လိုက်ပါတယ်။

ဒါကြောင့် ကလေးမြို့ရဲ့ မြို့ပြင်တွေမှာ တည်ဆောက်ထားတဲ့ GTC တက္ကသိုလ်၊ ကွန်ပျူတာ တက္ကသိုလ်နဲ့ ကလေးတက္ကသိုလ်က ကျောင်းသူ ကျောင်းသားတွေက ဒကစ (ဒေသဆိုင်ရာ ကွပ်ကဲမှု စစ်ဌာနချုပ်) ရုံးထိ ခရီးရှည် လမ်းလျှောက်ပြီး ဘတ်စ်ကားခတွေ လျှော့ပေးဖို့ အရေးဆိုခဲ့ကြတယ်လို့ ဒေသခံတဦးက RFA ကို ပြောပါတယ်။

“ကလေးတွေက ကားခ မတတ်နိုင်တဲ့ အခြေအနေ ဖြစ်သွားတဲ့အခါကျတော့ အဲဒီ တက္ကသိုလ်ကြီး သုံးခုကနေပြီး ကျောင်းသား ကျောင်းသူတွေက နှစ်ယောက်တတွဲ၊ သုံးယောက်တတွဲ လမ်းလျှောက် ချီတက်လာကြပြီးတော့ ဒကစ ရုံးရှေ့ကို သွားပြီးတော့ အရေးဆို တောင်းဆိုကြတာဗျ။ မနက် ၅ နာရီလောက်ကတည်းက ခြေလျင် လျှောက်ခဲ့ကြတာဗျ။ သူတို့ မိုင်ရှည်ကြီးပဲဗျ၊ လမ်းလျှောက်ကြတာ။”

အဲဒီလို ကျောင်းသားတွေ ညီညီညွတ်ညွတ်နဲ့ အရေးဆိုလိုက်တဲ့အတွက် သက်ဆိုင်ရာ အာဏာပိုင်တွေက ကျောင်းကားကို အသွား ၁၀၀ ကျပ်-အပြန် ၁၀၀ ကျပ်နှုန်း ဖြစ်အောင် ညှိနှိုင်း ဆောင်ရွက်ပေးလိုက်တဲ့အတွက် ကျောင်းသူ ကျောင်းသားတွေလည်း လက်ခံလိုက်ကြတယ်လို့ ပြောပါတယ်။

မနက် ၅ နာရီခန့်က စတင်ပြီး လမ်းပေါ်ထွက် အရေးဆို ဆန္ဒပြတာတာ တက္ကသိုလ် ကျောင်း ၃ ကျောင်း ပေါင်းရင် ၈၀၀ ခန့် ရှိတယ်လို့လည်း အိန္ဒိယအခြေစိုက် မဇ္ဈိမသတင်းဌာနက ရေးသားပါတယ်။

မြန်မာနိုင်ငံမှာ ၂၀၀၇ ခုနှစ်ကလည်း စစ်အစိုးရက လောင်စာဆီဈေးနှုန်းတွေ အဆမတန် တိုးမြှင့် သတ်မှတ် လိုက်တဲ့အတွက် ၈၈ မျိုးဆက် ကျောင်းသား ခေါင်းဆောင်တွေ လမ်းလျှောက် ဆန္ဒပြခဲ့ကြပါတယ်။ ပြီးခဲ့တဲ့နှစ်ကတော့ စစ်အစိုးရက လောင်စာဆီ ရောင်းချခွင့်ကို ပုဂ္ဂလိက လုပ်ပိုင်ခွင့် ပေးခဲ့ပါတယ်။
ဒါပေမဲ့ တင်သွင်းမှုနဲ့ သုံးစွဲမှု လုံလောက်အောင် မဆောင်ရွက်နိုင်သေးတဲ့အတွက် ဓာတ်ဆီကို လိုအပ်သလောက် မရောင်းပေးနိုင်သလို ပြင်ပမှာလည်း မှောင်ခိုဈေးနှုန်းနဲ့ ရောင်းဝယ်တဲ့စနစ် ဆက်လက် တည်ရှိနေပါသေးတယ်။


sources: :voa