Saturday, February 13, 2010

ဘ၀မတင့်တယ်သည့် နှင်းဆီခြံမှ ဥယျာဉ်မှူးများ


“ချစ်သူများနေ့ နီးလာပြီးဆိုရင် သာမန်အချိန်မှာ ရောင်းတဲ့ (၁) ဘတ်တန် နှင်းဆီတပွင့်ဟာ (၁၅) ဘတ်ကနေ (၂၀) အထိ ဈေးမြင့်တက်လာပေမယ့် နှင်းဆီခြံက ကျမတို့ အလုပ်သမားတွေရဲ့ လုပ်အားခကတော့ တနေ့ဘတ် (၈၀) ထက် ပိုမရဘူး၊ ကျမ အလုပ်လုပ်လာတာ (၅) နှစ်ရှိပြီ” ဟု ဆိုလာသူမှာ ပဲခူးတိုင်းအတွင်းရှိ ကျေးရွာတရွာမှ အလုပ်သမတဦး ဖြစ်ပါတယ်။

သူမဟာ ထိုင်းနိုင်ငံ တာ့ခ်ခရိုင်အတွင်းက နှင်းဆီမြို့နယ်လို့ အများသိထားတဲ့ ဖို့ဖမြို့နယ်အတွင်း ဧကထောင်ချီတဲ့ နှင်းဆီခြံတွေမှာ အလုပ်လုပ်ကိုင်နေကြတဲ့ မြန်မာအလုပ်သမား (၂) သောင်းလောက်ထဲက တဦးအပါအ၀င်ဖြစ်ပါတယ်။

“ဖို့ဖမြို့နယ်မှာ ကျမတို့ တခြံတည်းမှာပဲ တနေ့ အပွင့်ရေ (၁) သိန်းကျော်ထွက်တယ်။ ကျမတို့ လုပ်နေတဲ့ခြံမျိုး ဒီမြို့နယ်ထဲမှာ ဧက ထောင်ချီပြီးရှိတယ်။ ချစ်သူများနေ့ နီးလာပြီဆိုရင် ခါတော်မီပြီး သူဌေးကတော့ နှစ်စဉ် လုပ်ငန်းတိုးချဲ့နိုင်၊ ကားအသစ် ၀ယ်စီးနိုင်တယ်လေ။ ကျမတို့ အလုပ်သမားတွေရဲ့ ဘ၀ကတော့ လက်ရှိဘ၀ထက် သာတဲ့ အခြေအနေမျိုး လုံးဝမရှိခဲ့ဘူး” လို့ သူမက ပြောပြပါတယ်။

ဒီနယ်တ၀ိုက်က ခြံတိုင်းမှာ ယောက်ျား ဘတ် (၈၀)၊ မိန်းမ ဘတ် (၇၀) နှုန်းပဲရကြပေမယ့်လည်း သောင်းချီတဲ့ မြန်မာအလုပ်သမားတွေကတော့ မြန်မာပြည်ထက်စာရင် လုပ်ငန်းခွင် ပုံမှန်ရှိတဲ့အတွက် ဒီနေရာမှာပဲ ရုန်းကန်လှုပ်ရှားနေကြတာ ဖြစ်ပါတယ်။

ပဲခူးတိုင်းမှ လာရောက်လုပ်ကိုင်နေတဲ့ အလုပ်သမတဦးက “အခု ကျမရတဲ့ တနေ့ဘတ် (၇၀) ဟာ မြန်မာငွေနဲ့တွက်ရင် ကျပ် (၂) ထောင်ပဲရှိပါတယ်။ အောက်မှာလည်း နေ့စားလိုက်ရင် တနေ့ကျပ် (၂) ထောင်တော့ ရတယ်။ ဒါပေမယ့် အလုပ်က နေ့တိုင်းမရှိဘူး။ ကုန်ဈေးနှုန်းကလည်း ရတာနဲ့ ဘယ်လိုမှမကာမိဘူး။ ဒီမှာက ရတာနည်းပေမယ့် ပုံမှန်အလုပ်ရှိတော့ ကျမတို့လင်မယား (၂) ယောက်လုပ်တာ ကလေး (၄) ယောက်ကို ကျောင်းထားနိုင်တဲ့ စရိတ်ရတယ်။ ကျမတို့လင်မယားက အချိန်ပိုပါဆင်းတော့ တယောက်ကို တနေ့ (၉၅) ဘတ်လောက်ရပါတယ်။ မိသားစုနဲ့တော့ ခွဲနေရတာပေါ့လေ။ ကိုယ့်ဆီမှာသာ ဒီလိုအလုပ်ရှိရင် အိုးပစ်အိမ်ပစ်နဲ့ ဘယ်သူလာမှာလဲ” ဆိုပြီး ပြောပါတယ်။

နှင်းဆီခြံအလုပ်သမားတွေဟာ နံနက် (၇) နာရီကနေ ညနေ (၅) နာရီအထိ နေ့စဉ် လုပ်ငန်းခွင်ဝင်ရပြီး အမျိုးသမီးတွေက နှင်းဆီအထွက်ကောင်းဖို့ ပေါင်းသင်မြက်ရှင်းတာ၊ ပန်းတွေခူးတာ၊ ထုတ်ပိုးတာတွေ လုပ်ကြရပြီး အမျိုးသားတွေက ပန်းခင်း ဆေးဖြန်းတဲ့အလုပ်ကို အဓိကထား လုပ်ကိုင်ကြရပါတယ်။ ဒါ့အပြင် တနေ့တာ ထွက်တဲ့ပန်းတွေကို မွန်းလွဲပိုင်း သတ်မှတ်ချိန်အမီ ဘန်ကောက်တင်ပို့ဖို့လည်း လုပ်ကြရပါတယ်။

ဒီလိုလုပ်ဆောင်ကြရာမှာ နှင်းဆီခြံအလုပ်သမား အများစု ရင်ဆိုင်ကြရတာကတော့ ပိုးသတ်ဆေးပြဿနာပဲဖြစ်ပါတယ်။ ဒီပိုးသတ်ဆေး ဖြန်းတာက နှင်းဆီခြံရဲ့ အဓိက လုပ်ငန်းဖြစ်ပြီး တကယ်လည်း အန္တရာယ်ရှိတဲ့ အလုပ်ဖြစ်တဲ့အတွက် အခန့်မသင့်ရင် ဆေးမူးပြီး အလုပ်မဆင်းနိုင်တဲ့အထိ ဖြစ်လေ့ဖြစ်ထ ရှိပါတယ်။

ဒါကြောင့် နှင်းဆီခြံလုပ်သားတွေရဲ့ လုပ်ငန်းခွင်အခြေအနေတွေကို မြန်မာပြည်မှာ ဆယ်တန်းအောင်မြင်ခဲ့ပေမယ့် အခြေအနေအရ ဖခင်ဖြစ်သူနဲ့အတူ နှင်းဆီခြံမှာလာရောက် လုပ်ကိုင်နေတဲ့ မန္တလာသူ မသန်းသန်းက အခုလို ရှင်းပြခဲ့ပါတယ်။

“လိုအပ်ရင် ကျမတို့လည်း ဆေးဖြန်းရတာတွေရှိတယ်။ ဆေးဖြန်းတဲ့အချိန်မှာ ပိုးသတ်ဆေးကာကွယ်တဲ့ ၀တ်စုံနဲ့ လိုအပ်တာတွေကို သူဌေးက မပေးပါဘူး၊ ခေါင်းစွပ်နဲ့ ပုဆိုးကိုပဲသုံးပြီး အဆင်ပြေသလို ဆေးဖြန်းရတော့ တချို့ဆို ဆေးမူးပြီး အလုပ်ဆက်မလုပ်နိုင်ကြတော့ဘူး။ အဲလိုဖြစ်ရင် ပြစရာ ဆေးခန်းလည်း မရှိ၊ အလုပ်ရှင်ကလည်း တာဝန်မယူတော့ ကိုယ်ဝယ်ထားတဲ့ သကြားနဲ့ သံပုရာသီးဖျော်ပြီး ဆေးမူးပြေအောင် သောက်ရတယ်။ တချို့ မိသားစုများတဲ့သူတွေကျတော့ သကြားမရှိ သံပုရာသီး မ၀ယ်နိုင်တာနဲ့ တရက် အလုပ်နားလိုက်ရတာမျိုးလည်း ရှိတယ်။ ဆေးမူးလို့ အလုပ်မဆင်းနိုင်ရင် သူဌေးက နေ့တွက် လုပ်အားခ မပေးဘူး” လို့ အသေးစိတ်ပြောပြပါတယ်။

ဒီလို အန္တရာယ်ရှိတဲ့ ပိုးသတ်ဆေးနဲ့ နေ့စဉ်လုံးထွေးနေရပေမယ့်လည်း နှင်းဆီခြံမှာ လုပ်ကိုင်နေသူတွေဟာ နည်းမသွားတဲ့အပြင် နေ့စဉ်နဲ့အမျှ များသထက်များလာတယ်ဆိုတာ အလုပ်သမားတွေထံက သိရပါတယ်။

စိုက်ပျိုးရေးခွင်မှာ မြန်မာအလုပ်သမား အရေအတွက် များပြားရတာဟာ မဲဆောက်လို မြို့ပြအနေအထားမရှိဘဲ အိမ်လခ၊ မီးဖိုး၊ ရေဖိုး၊ ပေးဖို့မလိုတဲ့အပြင် ပုလိပ်ကြောက်ရမယ့်ဘေးက သက်သာပြီး အလုပ်သမားလက်မှတ်ပြုလုပ်ဖို့ မလိုဘဲ အလုပ်မရခင် ကာလအကြား အလွယ်တကူ ရပ်တည်နိုင်တဲ့အတွက်ကြောင့် ဖြစ်တယ်လို့ စိုက်ပျိုးရေးခွင်မှ ထိုင်းတိုက်နယ်သူကြီးတဦးက ပြောပါတယ်။

၎င်းက “ဗမာတွေကို တနေ့ဘတ် (၇၀-၈၀) နဲ့ ခိုင်းလို့ရတယ်။ လုပ်အားခလည်း အပြည့်အ၀ပေးဖို့ မလိုသလို အလုပ်သမား ခံစားခွင့်တွေလည်း ပေးဖို့မလိုဘူး။ ဒီနှုန်းမျိုးနဲ့ ဘယ်ထိုင်းမှ မလုပ်ဘူး။ အခုပေးတဲ့နှုန်းနဲ့ ဗမာအလုပ်သမားတွေကို ကြိုက်သလောက် ခေါ်ခိုင်းလို့ရတယ်။ ဒီနယ်မှာကတော့ ဗမာတွေမရှိရင် လုပ်ငန်းခွင်တွေအားလုံး ရပ်ဆိုင်းရမှာ သေချာတယ်” လို့ ဆိုပါတယ်။

နှင်းဆီခြံမှာ (၁၀) နှစ်သက်တမ်းရှိနေပြီဖြစ်တဲ့ အလုပ်ကြပ် ကိုစိန်ရဲ့အဆိုအရ နှင်းဆီခြံ တည်ထောင်စဉ်ကာလက သူ့အလုပ်ရှင်ဟာ မော်တော်ဆိုင်ကယ်တစီးသာရှိပြီး အလုပ်သမားတွေနဲ့ အတူနေ အတူစားခဲ့ရာက ဆယ်နှစ်အတွင်းမှာ မဲဆောက် ချင်းမိုင်နဲ့ ဘန်ကောက်မှာ ကိုယ်ပိုင်တိုက်တွေ ကားတွေနဲ့ ဖြစ်လာတဲ့အပြင် လုပ်ငန်းခွင်မှာဆိုလည်း လုပ်ငန်းသုံး ခြောက်ဘီးကားတွေသုံးပြီး တိုးတက်ကြီးပွား ချမ်းသာလာခဲ့ပါတယ်။

ဒီလိုမျက်မြင်ကိုယ်တွေ့ သူ့အလုပ်ရှင် ကြီးပွားလာတာကို ကိုစိန်က “ထိုင်းလူမျိုးတွေဟာ မြန်မာလူမျိုးတွေထက် ကံတရား ပိုကောင်းကြပြီး လုပ်ငန်းထူထောင်စမှာ အစိုးရနဲ့ပုဂ္ဂလိက ဘဏ်တွေကနေ အတိုးနှုန်းသက်သက်သာသာနဲ့ ငွေချေးခွင့်ရှိတယ်။ ဒီအခွင့်အရေးတွေကြောင့် လုပ်ငန်းရှင်တွေဟာ ကြီးပွားချမ်းသာသွားကြတယ်။ မြန်မာပြည်မှာလည်း အလားတူ အခွင့်အရေး ရရှိခဲ့မယ်ဆိုရင် မြန်မာတွေလည်း အများနည်းတူ တိုးတက်လာနိုင်တယ်” လို့ ထိုင်းအလုပ်ရှင်ကို အားကျ ပြောဆိုခဲ့ပါတယ်။

စိုက်ပျိုးရေးခွင်မှာ မြန်မာအလုပ်သမားအရေး လိုက်လံကူညီဆောင်ရွက်ပေးနေတဲ့ (JACBA) အဖွဲ့ရဲ့ ဥက္ကဋ္ဌ ဦးမိုးကြိုးကတော့ မြန်မာအလုပ်သမား (၂) သောင်းကျော်ဟာ လုပ်အားခနည်းတဲ့ကြားထဲက ဘာအကာအကွယ်မှမရှိဘဲ ပိုးသတ်ဆေးနဲ့အတူ အန္တရာယ်ကြားမှာ ဘ၀ကို ရုန်းကန်နေကြရတာဟာ မြန်မာစစ်အုပ်စုရဲ့ တာဝန်မဲ့မှုကို ထင်ရှားစေတာ ဖြစ်တယ်လို့ ထောက်ပြပြောဆိုပါတယ်။

“ပိုးသတ်ဆေးအန္တရာယ်က အခန့်မသင့်ရင် မျက်စိ၊ နား၊ နှာခေါင်း၊ ဦးခေါင်း၊ လက်တွေကို ချို့ယွင်းပျက်စီးနိုင်မှန်း သိရဲ့သားနဲ့ တနေ့ဘတ် (၇၀-၈၀) နဲ့ လုပ်နေကြရတာက ဗိုက်ပြဿနာကြောင့်ဖြစ်တယ်။ ဗိုက်ပြဿနာနဲ့ ၀မ်းခေါင်းအော်သံက တဆင့် ဒီလိုအနေအထားကို တွန်းပို့လိုက်တာပဲ” လို့ ကိုမိုးကြိုးက ပြောပါတယ်။

ဘယ်လိုပဲပြောပြော ဖို့ဖမြို့နယ်ရဲ့ အဓိကလုပ်ငန်းဖြစ်တဲ့ စိုက်ပျိုးရေးလုပ်ငန်းက စားကုန်သီးနှံစိုက်ပျိုးရေးနဲ့ ပန်းစိုက်ပျိုးရေး လုပ်ငန်းခွင်တွေမှာ မြန်မာအလုပ်သမား (၆) သောင်းလောက်ရှိပြီး (၂) သောင်းလောက်ဟာ နှင်းဆီနဲ့ အခြား ပန်းစိုက်ပျိုးခြံတွေမှာ လုပ်ကိုင်နေကြတာ တွေ့နိုင်ပါတယ်။

ပန်းတွေထဲမှာ ဘန်ကောက်မြို့ကို အများဆုံးတင်ပို့နေတဲ့ နှင်းဆီအပြင် ရွှေဒင်္ဂါးပန်းကိုလည်း ရေမွှေးနဲ့ ဆပ်ပြာ ထုတ်လုပ်ရာမှာ ကုန်ကြမ်းအဖြစ် အသုံးပြုဖို့ ပြည်ပကနေ ၀ယ်ယူမှုတွေ ရှိတယ်လို့လည်း ဘန်ကောက်ကို ပန်းတင်ပို့တဲ့ ပွဲစားတဦးက ပြောပြပါတယ်။

လွန်ခဲ့တဲ့ (၁၀) နှစ်ကစပြီး နိုင်ငံခြားကို နှင်းဆီပန်းတင်ပို့ဖို့ အခြေအနေပေးလာလို့ ခြံပိုင်ရှင်တွေဟာ စံချိန်မီပန်းတွေ စိုက်ပျိုးလာကြပြီး ခြံအသီးသီးက တနေ့ထွက်ရှိတဲ့ နှင်းဆီပန်း အပွင့်ရေဟာ (၁၅) သိန်းခန့် ပုံမှန်ရှိကြောင်း၊ ပန်းတွေကို ဘန်ကောက်ကို ပွဲရုံကတဆင့် တင်ပို့သူတွေ ရှိသလို မိမိအစီအစဉ်နဲ့ တင်ပို့သူတွေလည်း ရှိကြောင်း၊ ပုံမှန်ကာလမှာ တပွင့် (၁) ဘတ်ခန့်သာ ရှိတဲ့ နှင်းဆီပန်းတွေဟာ အနီရောင်၊ ပန်းရောင်၊ အဖြူရောင် စတဲ့ ပန်းအမျိုးအစားပေါ်မူတည်ပြီး ချစ်သူများနေ့မှာ ခြံပေါက်ဈေး တပွင့် (၁၅) ဘတ်ကနေ (၂၀) အထိ ရှိကြောင်း နှင်းဆီခြံပိုင်ရှင်တဦးက ပြောပါတယ်။

နိုင်ငံခြားပို့မယ့်ပန်းတွေဟာ အရည်အသွေးကောင်းမွန်ပြီး သတ်မှတ်စံနှုန်းရှိဖို့ လိုအပ်ပါတယ်။ မဲဆောက်အပါအ၀င် တာ့ခ်ခရိုင်အတွင်း ရောင်းနေတဲ့ နှင်းဆီပန်းတွေဟာ စံနှုန်းမမီလို့ ပယ်ထားတဲ့ ပန်းတွေဖြစ်တယ်လို့လည်း ပြောပါတယ်။

ဖေဖော်ဝါရီ (၁၄) ရက်နေ့ ကျရောက်မယ့် ချစ်သူများနေ့မှာ ရောင်းဖို့အတွက် စိုက်ခင်းထဲရှိ နှင်းဆီအငုံတွေကို တပတ်လောက် ကတည်းက ကြိုတင်ပြီး အစွမ်းကုန် မပွင့်နိုင်အောင် ဖော့စွပ်နဲ့ အပွင့်တိုင်းကို စွပ်ပေးရပြီး ချစ်သူများနေ့ မတိုင်မီ (၃) ရက်ခန့် အလိုကျမှ ဖော့စွပ်ထားတဲ့ ပန်းတွေကို အပွင့်ကြီးအောင် အပွင့်ကြီးဆေးတွေ ပက်ဖြန်းပေးရပါတယ်။

ဖော့စွပ်ထားတဲ့ ပန်းတွေရဲ့ ခြံထွက်ဈေးက တပွင့် (၁၅) ဘတ်ကနေ (၂၀) အထိ ဖြစ်ပြီး ထိုင်းနိုင်ငံအတွင်း ပန်းအလှပြင်ဆိုင်တွေမှာ ချစ်သူများနေ့ ရောင်းချတဲ့ ဈေးနှုန်းက တပွင့်ဘတ် (၃၀) ကနေ ဘတ် (၅၀) အထိရှိပါတယ်။

မဲဆောက်အပါအ၀င် တာ့ခ်ခရိုင်မှာ ထိုင်းအလုပ်သမားဝန်ကြီးဌာနက အလုပ်သမားတွေအတွက် တရားဝင် သတ်မှတ်ထားတဲ့ အနိမ့်ဆုံး တနေ့တာ လုပ်အားခက (၁၅၃) ဘတ်ဖြစ်ပေမယ့် ဒေသအတွင်း သတ်မှတ်လုပ်အားခ အပြည့်အ၀ပေးတဲ့ လုပ်ငန်းခွင် မရှိသလောက်ရှားပါးတယ်လို့ အလုပ်သမားအရေးဆောင်ရွက်နေတဲ့ အဖွဲ့တွေက ထောက်ပြပြောဆိုကြပါတယ်။

တကယ်တော့ နှင်းဆီခြံက အလုပ်သမားတွေဟာ နားရက်မရှိတဲ့အပြင် အခါကြီး ရက်ကြီးတွေနဲ့ ကမ္ဘာ့အလုပ်သမားနေ့လို ရက်မျိုးမှာတောင် အလုပ်နားခွင့်မရှိဘဲ နေ့စဉ်ပွင့်တဲ့ပန်းတွေကို ခူးပြီး ထုပ်ပိုးကြရတယ်လို့ အလုပ်ကြပ်တဦးက ပြောပါတယ်။

ချစ်သူများနေ့လို ခါတော်မီပြီး နှင်းဆီပန်းတွေ ဈေးမြှင့်ရောင်းကြတဲ့ ပန်းခြံပိုင်ရှင်နဲ့ ပန်းပွဲစားတွေ၊ လက်လီလက်ကား ရောင်းချသူတွေဟာ သိန်းသန်းချီပြီး အကျိုးအမြတ် ရရှိကြပေမယ့်လည်း ဒီပန်းတွေကို လှပတင့်တယ်စေဖို့ အဓိက ပြုစုပျိုးထောင်ပေးသူ ဥယျာဉ်မှူးတွေရဲ့ဘ၀ကတော့ အဖြည့်ခံသက်သက်မျှသာ ဆက်လက် တည်ရှိနေဦးမှာ ဖြစ်ပါတယ်။
ရဲရင့်
၁၃/ ဖေဖော်ဝါရီ ၂၀၁၀
မူရင်း ။ ။ http://www.khitpyaing.org/articles/2010/february/13210.php

အန်အယ်ဒီ ဒုဥက္ကဋ္ဌ ဦးတင်ဦး အခြေအနေ




ချင်းမိုင်၊ နယူးဒေလီ။ ။ အကျယ်ချုပ် ကျခံနေရသည့် အမျိုးသား ဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦး ယနေ့ ညနေပိုင်းတွင် ပြန်လည် လွတ်မြောက်လာမည် ဟူသည့် ထင်ကြေးပေးမှုများ ပေါ်ထွက်နေသည်။

ထိုကိစ္စနှင့် ပတ်သက်၍ လတ်တလော အခြေအနေကို မဇ္ဈိမက အန်အယ်ဒီ ဗဟိုအလုပ်အမှုဆောင် ကော်မတီဝင် အချို့ထံ ဆက်သွယ် မေးမြန်းထားသည်များကို တင်ပြလိုက်ပါသည်။

''ဗီအိုအေက ညနေ ၆ နာရီမှာ လွတ်မယ်လို့ ပြောတယ်။ သူတို့ ဘယ်က ရလဲတော့ မသိဘူး'' ဟု ဦးအုန်းကြိုင်က ပြောသည်။

''ကျနော်တို့ အခုသွားမလို့။ လွတ်ရင်လည်း ဝင်တွေ့မယ်၊ မလွတ်ရင်လည်း ကျနော်တို့ ပြန်ရမှာပေါ့။ သူ့ခြံကို သွားမလို့'' ဟု ဒေါက်တာဝင်းနိုင်က ပြောသည်။

“ကျနော် အတည်မပြုနိုင်သေးဘူး။ လွန်ခဲ့တဲ့ ၁၅ မိနစ်လောက်က အာဏာပိုင်တွေ အိမ်ထဲကို ဝင်သွားတယ်။ လူတွေကလည်း အိမ်ရှေ့မှာ စောင့်နေတယ်။ ဒီလောက်ပဲ သိသေးတယ်” ဟု ဦးဥာဏ်ဝင်းက ပြောသည်။

၈၄ နှစ် ဦးတင်ဦးသည် ယနေ့တွင် နေအိမ်အကျယ်ချုပ် သက်တမ်း ၆ နှစ်ပြည့်ပြီဖြစ်သဖြင့် ပြန်လည် လွတ်မြောက်လာမည်ဟု မျှော်လင့်ချက်များ အန်အယ်ဒီ ခေါင်းဆောင်များအကြား ဖြစ်ပေါ်နေသည်။

၂ဝဝ၃ ခုနှစ် မေလ ၃ဝ ရက်နေ့တွင် အန်အယ်ဒီ ပါတီ အထွေထွေအတွင်းရေးမှူး ဒေါ်အောင်ဆန်းစုကြည်နှင့် အထက်မြန်မာပြည် စည်းရုံးရေးခရီး ထွက်နေစဉ် စစ်ကိုင်းတိုင်း ဒီပဲယင်းမြို့အနီး ကျည်ရွာတွင် စစ်အစိုး လက်ကိုင်ဒုတ် လူအုပ်ကြီးက ဝိုင်းဝိုင်းရိုက်နှက်ပြီးနောက် ဖမ်းဆီးခံခဲ့ရသည်။

စတင်ဖမ်းဆီးစဉ်က အကျဉ်းချထားခဲ့သော်လည်း ၂ဝဝ၄ ခုနှစ် ဖေဖော်ဝါရီလ ၁၃ ရက်နေ့တွင် အကျယ်ချုပ်အဖြစ် ပြောင်းရွှေ့ချုပ်နှောင်ခံခဲ့ရသည်။

(မြန်မာစံတော်ချိန် ည ၇ နာရီ မေးမြန်းချက်)

''အိမ်ရှေ့တည့်တည့်မှာ ကျနော်တို့ ရောက်နေတယ်။ သတင်းထောက်တွေလည်း ရောက်နေတယ်။ အခု အချိန်အထိတော့ မလွှတ်သေးဘူး။ ကျနော်တို့ ဗဟို ပြန်ကြားရေးအဖွဲ့က ဦးတင်ဦး အိမ်ရှေ့မှာကို ထိုင်နေပြီ။ ဘာမှ လွှတ်တယ်လို့ မကြားသေးဘူး။ အထဲထဲ ဝင်လို့ မရသေးဘူး။ ခြံဝမှာ ရဲ ၄ ယောက် ချထားတယ်။ လုံခြုံရေးကားတွေတော့ မရှိဘူး။ ကျနော်တို့ မမြင်ရတဲ့ ဘက်တွေမှာတော့ ရှိမလား မသိဘူး။ ဒီနားမှာရှိတဲ့ ကားတွေကတော့ နိုင်ငံခြား သတင်းထောက်တွေရဲ့ ကားတွေပဲ။ CEC အဖွဲ့ဝင်တွေထဲက အဖိုးကြီးတွေလောက်ပဲ မလာနိုင်တာပါ။ ဖျတ်ဖျတ်လတ်လတ် သွားနိုင်လာနိုင်တဲ့သူ အားလုံး ရှိနေတယ်'' ဟု ဦးအုန်းကြိုင်က ပြောသည်။

(မြန်မာစံတော်ချိန် ၇ နာရီ ၂၅ မိနစ် ဆက်သွယ်မေးမြန်းချက်)

CEC အဖွဲ့ဝင် ဒေါက်တာဝင်းနိုင် ပြောဆိုချက်

''ကျနော်တို့ အိမ်ရှေ့မှာ ထိုင်နေကြတယ်။ လွတ်ရက်သင့်နေပြီဆိုတော့ သူတို့ အချိန်သင့်ရင်တော့ လွှတ်မှာပေါ့ဗျာ။ ကျနော်တို့ CEC ထဲကဆိုရင် ဦးခင်မောင်ဆွေ၊ ဒေါက်တာသန်းငြိမ်း၊ ဦးသိန်းညွန့်၊ ဦးအုန်းကြိုင်၊ ကျနော်၊ ဦးစိန်လှဦးပေါ့ဗျာ။ အားလုံးပေါင်း ၆ ယောက် ထိုင်နေကြတယ်။ သတင်းထောက်တွေလည်း အစိတ် (၂၅) လောက်ရှိတယ်၊ ရောက်နေကြတယ်။ ကျနော်တို့ ခြင်ကိုက်၊ ဖြုတ်ကိုက်ခံပြီး မှောင်ကြီးထဲမှာ စောင့်နေကြတယ်။ ဗိုက်ဆာပြီးတော့ ခြင်ကိုက်နေတာပေါ့ဗျာ။ အိမ်ရဲ့ လမ်းဒေါင့်မှာတော့ လူငယ်တွေကို တွေ့တယ်။ ဗဟန်းမြို့နယ် သံလွင်လမ်း အိမ်နံပါတ် ၃၀''

''အမိန့်ဖတ်တယ်လို့ သတင်းတွေ ထွက်လို့ ကျနော်တို့က လာတာ။ ဒီမှာ မှောင်ပြီးတော့ ဘာမှ မတွေ့ရဘူး။ မီးကလည်း မှိတ်တုတ် မှိတ်တုတ်ပေါ့ဗျာ''

မဇ္ဈိမသတင်းဌာန | စနေနေ့၊ ဖေဖေါ်ဝါရီလ ၁၃ ရက် ၂၀၁၀ ခုနှစ် ၁၈ နာရီ ၄၁ မိနစ်

သမီးနဲ့သားအတွက် ဗိုလ်ချုပ်ကဗျာ


ဖေဖော်ဝါရီ(၁၃)ဟာ
ဗိုလ်ချုပ်မွေးနေ့ပါ

ဒါဟာ..ကြည်နူးစွာရွတ်ဆိုခဲ့တဲ့
အဖေတို့ ငယ်ငယ်က ဗိုလ်ချုပ်ကဗျာ..။

စွယ်တော်နဲ့ကံ့ကော်ကို
စာဖွဲ့ရမယ့်အရွယ်မှာ
အဖေတို့ဆိုခဲ့ရတာက
သခင်အောင်ဆန်း နိုင်ငံတော်မှာ
သွေးစွန်းခဲ့ပြီ
အဖရေ..”
နှစ်နှစ်ဆယ်ကျော်ကြာခဲ့ပေမယ့်
ရင်နာနေဆဲသီချင်း...။

ဥသြသံ၊ ဓာတ်ပုံနဲ့ ကဗျာ
ဖျောက်ဖျက်ထားတာနဲ့
မေ့သွားကြမှာလားဆိုတာကို
လူငယ်တွေ ရဲရဲ ဖြေလိုက်တယ်.....
“ ဗိုလ်ချုပ်ပေးတဲ့ စစ်ပညာ
ပြည်သူတွေကိုသတ်ဖို့မဟုတ်ဖူး.....”


သမီးနဲ့သားတို့ခေတ်မှာ
“ ရာဇ၀င်လည်းရှိရမယ်
မော်ကွန်းလဲ ထိုးလောက်တဲ့
မြင့်မြတ်တဲ့ ဗိုလ်အောင်ဆန်းရယ် ”
ဆိုတဲ့
သီချင်း ကဗျာမျိုးတွေကို
ရင်ကော့ပြီး ဆိုနိုင်ဖို့....
အဖေတို့ သမိုင်းရေးကြမယ်.....။
(ကိုထက်)

ပြည်တွင်းစစ်သာ လောင်ကျွမ်းခဲ့သည့် ပြည်ထောင်စု



ချင်းမိုင် (မဇ္ဈိမ)။ ။ တောင်ပေါ်-မြေပြန့် တိုင်းရင်းသားများအကြား တန်းတူ အခွင့်အရေးရှိသည့် ပြည်ထောင်စုတခု တည်ဆောက်ရန် မျှော်မှန်းခဲ့သော ပင်လုံစာချုပ်သက်တမ်းသည် ယနေ့ဆိုလျှင် ၆၃ နှစ်ရှိပြီဖြစ်သည်။

သို့သော် လွတ်လပ်ရေး ခေါင်းဆောင်များ မျှော်မှန်းထားသည့် ပြည်ထောင်စုကြီးကို မတည်ဆောက်နိုင်သေးဘဲ ပြည်တွင်းစစ်မီးသာ လောင်ကျွမ်းခဲ့သည်မှာလည်း ယနေ့အထိ ဖြစ်သကဲ့သို့၊ လက်ရှိ အုပ်ချုပ်နေသည့် စစ်အစိုးရကလည်း ၂ဝဝ၈ ခုနှစ် ဖွဲ့စည်းပုံအခြေခံဥပဒေကို ဆုပ်ကိုင်၍ ယခုနှစ်တွင် ရွေးကောက်ပွဲပြီးလျှင် ကိုယ်ပိုင်အုပ်ချုပ်ခွင့် ရရှိတော့မည်ဟု တိုင်းရင်းသားများကို မက်လုံးပေးနေဆဲဖြစ်သည်။

အဆိုပါ ဖွဲ့စည်းပုံဥပဒေပါ အချက်အလက်များသည် ၁၉၄၇ ခုနှစ် ဖေဖော်ဝါရီ ၁၂ ရက်နေ့တွင် ပင်လုံ စာချုပ်ပါ သဘောတူညီချက်များနှင့် ကိုက်ညီမှုမရှိကြောင်း တိုင်းရင်းသားခေါင်းဆောင်အချို့နှင့် အန်အယ်ဒီက ပြောဆိုသည်။

ဇိုမီး အမျိုးသား ကွန်ဂရက် ZNC ဥက္ကဋ္ဌ ဦးပူကျင့်ရှင်းထန်က “ပြည်ထောင်စုဆိုတာမျိုးဟာ တိုင်းရင်းသား အားလုံး ခွဲခြားမှု မရှိဘဲ တန်းတူညီတူ ခံစားခွင့်၊ ၂ဝဝ၈ ဖွဲ့စည်းပုံမှာ တိုင်းရင်းသားတွေကို အကာအကွယ်ပေးတဲ့ ဥပဒေပုဒ်မ တခုမှ မရှိဘူးဆိုတော့ ပြည်ထောင်စုလို့ မခေါ်နိုင်ဘူး” ဟု မဇ္ဈိမကို ပြောသည်။

ဒီမိုကရေစီနိုင်ငံများတွင်မူ နိုင်ငံရေးလုပ်လိုသည့် တပ်မတော်သားများသည် စစ်ဖက်တာဝန်များမှ နုတ်ထွက်လေ့ ရှိသော်လည်း မြန်မာစစ်တပ်ကိုမူ “ယူနီဖောင်း” ဖြင့်ပင် နိုင်ငံရေး၌ ပါဝင်နိုင်ရန် အခွင့်အရေး ပေးထားခြင်းသည် အဆိုးဆုံး ဖြစ်သည်ဟုလည်း သူက ဆိုသည်။

၂ဝဝ၈ ခုနှစ် ဖွဲ့စည်းပုံဥပဒေပါ အခန်း ၆ အရ “အမျိုသားနိုင်ငံရေး ဦးဆောင်မှုအခန်းကဏ္ဍ” တွင် တပ်မတော်က ပါဝင်ထမ်းဆောင်နိုင်ရေးကို အစဉ်တစိုက် ဦးတည်သည်ဆိုသည့် အချက်ကို ထောက်ပြလိုက်ခြင်းလည်း ဖြစ်သည်။

ပြည်ပအခြေစိုက် တိုင်းရင်းသားလူမျိုးများကောင်စီ ENC တွဲဘက်အတွင်းရေးမှူး ဆလိုင်းရွှေခါးကလည်း တိုင်းရင်းသားများ လိုလားသော ပင်လုံစာချုပ် အပိုဒ် ၅ နှင့် ၇ ပါ ကိုယ်ပိုင်အုပ်ချုပ်ခွင့်၊ အခြေခံ တန်းတူ အခွင့်အရေးများသည် ၂ဝဝ၈ အခြေခံ ဖွဲ့စည်းပုံနှင့် ကိုက်ညီမှု မရှိကြောင်း ပြောသည်။

အန်အယ်ဒီ ပြောခွင့်ရ ဦးအုန်းကြိုင်ကမူ ဖဆပလခေတ်၊ ပါလီမန်ခေတ်၊ မဆလခေတ်၊ နဝတခေတ်နှင့် နအဖ စစ်အစိုးရ ယနေ့ထိ ပင်လုံစာချုပ်ကို အကောင်အထည်ဖော်ဆောင်ခြင်း မရှိကြောင်းနှင့် ၂ဝဝ၈ ဖွဲ့စည်းပုံတွင် ဒီမိုကရေစီ နည်းမကျသည့် အချက်များ ပါဝင်နေသဖြင့် ပြန်ပြင်ရမည်ဖြစ်ကြောင်း ပြောသည်။

“ပင်လုံစာချုပ်မှာက အချက် ၉ ချက် ပါတယ်လို့ သိရတယ်။ အဓိက တိုင်းရင်းသားတွေအားလုံး တန်းတူညီမှု ရှိရမယ်။ လွတ်လပ်စွာ ကိုးကွယ်ခွင့်၊ ပြည်နယ်/တိုင်းတွေမှာ ကိုယ်ပိုင်ဆုံးဖြတ်ပိုင်ခွင့် ရှိတယ်လို့ အကြမ်းအားဖြင့် သိပါတယ်” ဟု သူက ပြောသည်။

၁၉၄၇ ခုနှစ် ဖေဖော်ဝါရီလ ၁၂ ရက်နေ့၌ ဗိုလ်ချုပ်အောင်ဆန်းနှင့် ရှမ်း၊ ကချင်၊ ချင်း တိုင်းရင်းသား ခေါင်းဆောင်များအကြား ပြည်ထောင်စုကြီး တည်ဆောက်ရန် သဘောတူခဲ့ကြပြီး ရှမ်းပြည်နယ် ပင်လုံမြို့တွင် သမိုင်းဝင် ပင်လုံစာချုပ် လက်မှတ်ရေးထိုးခဲ့ကြသည်။

နအဖ အကြီးအကဲ ဗိုလ်ချုပ်မှူးကြီး သန်းရွှေကမူ ပြည်ထောင်စုနေ့ သဝဏ်လွှာအတွင်း၌ လွတ်လပ်ရေး ကြိုးပမ်းခဲ့သည့် ခေါင်းဆောင်များ၏ ကြိုးပမ်းမှုများကို အသိအမှတ်ပြု ဖော်ပြခြင်းမရှိဘဲ ရွေးကောက်ပွဲကို ယခုနှစ်အတွင်း ကျင်းပသွားမည့်အကြောင်းသာ အလေးပေး ထည့်သွင်းပြောဆိုခဲ့သည်။

မည်သို့ပင်ဆိုစေ စစ်တပ်ကြီးစိုးရေး လမ်းစဉ်လည်းဖြစ်ပြီး တိုင်းရင်းသား လူမျိုးများ၏ တန်းတူ အခွင့်အရေးကို ဖော်ဆောင်နိုင်စွမ်း မရှိသည့် ၂ဝဝ၈ ခုနှစ် ဖွဲ့စည်းပုံ ဥပဒေအတိုင်း ရွေးကောက်ပွဲ ကျင်းပရုံဖြင့် ပြည်တွင်းစစ်မီး ရပ်စဲမည်ဟု မျှော်လင့်စရာ အကြောင်းမရှိပါ။

တိုင်းရင်းသားလူမျိုးများ အခွင့်အရေး၊ ဒီမိုကရေစီရေးနှင့် လူ့အခွင့်အရေးကို လူတန်းစားတရပ်က သော်လည်းကောင်း၊ လူတစုကသော်လည်းကောင်း ချုပ်ကိုင်နေဦးမည်ဆိုပါက ပြည်ထောင်စု နိုင်ငံတော်ဟု အမည်ခံထားသည့် နိုင်ငံတော်ကြီးတွင် စစ်မီးလျှံများသာ တဟုန်းဟုန်း တောက်လောင်နေလိမ့်မည် ဖြစ်ကြောင်း ယနေ့ကျရောက်သည့် ၆၃ နှစ်မြောက် ပြည်ထောင်စုနေ့တွင် တင်ပြလိုက်ရပါသည်။

(ကိုဝိုင်း တည်းဖြတ်သည်။)