မြန်မာနိုင်ငံသို့ (၅) ရက်ကြာခရီးစဉ်အဖြစ် ရောက်ရှိနေသည့် ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တားနားသည် ရခိုင်ပြည်နယ် အနောက်မြောက်ပိုင်းရှိ စစ်တွေအကျဉ်းထောင်သို့ သွားရောက်လေ့လာခွင့် ရရှိခဲ့ပြီး နိုင်ငံရေး အကျဉ်းသားအချို့နှင့် တွေ့ဆုံခွင့်ရရှိခဲ့ကြောင်း သိရသည်။
အဆိုပါခရီးစဉ်သို့ လိုက်ပါသွားသူ ကုလသမဂ္ဂရုံး ရန်ကုန်ရှိ ပြန်ကြားရေးဌာနမှ ဦ်းအေးဝင်းက “စစ်တွေထောင်မှာ နိုင်ငံရေးအကျဉ်းသား (၄) ယောက်နဲ့ မစ္စတာကင်တားနား တွေ့ခဲ့ပါတယ်။ ဦးကြည်သန်း၊ ပြည့်ဖြိုးလှိုင်၊ ဇော်ထွန်းမြင့်နဲ့ ဦးဇင်းတပါးတို့ကို တွေ့ခွင့်ရခဲ့ပါတယ်” ဟု ခေတ်ပြိုင်သို့ ပြောကြားသည်။
စစ်တွေထောင်တွင် တွေ့ခွင့်ရခဲ့သူ ဦးကြည်သန်း (ခေါ်) ဦးသန်းတင်သည် အစာအိမ် အချဉ်ပေါက်သည့်ဝေဒနာ၊ အရေပြား ယားယံသည့်ဝေဒနာ ခံစားနေရသူတဦးဖြစ်ပြီး အသေးလေး (ခေါ်) ပြည့်ဖြိုးလှိုင်သည်လည်း တီဘီရောဂါကြောင့် ဆေးရုံတင်ခဲ့ရဖူးသူဖြစ်ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) AAPPB က ဆိုသည်။
မစ္စတာ ကင်တားနားသည် လာမည့်မတ်လ ကုလသမဂ္ဂ အစည်းအဝေးတွင် မြန်မာနိုင်ငံ၏ လူ့အခွင့်အရေးအခြေအနေ တိုးတက်ဖြစ်ထွန်းမှုများနှင့် ပတ်သက်၍ အစီရင်ခံ တင်ပြရန်ရှိပြီး နိုင်ငံရေးအကျဉ်းသားများအား လွှတ်ပေးရန် ၎င်း၏ခရီးစဉ် မစတင်မီ ရက်ပိုင်းတွင် စစ်အစိုးရအား တောင်းဆိုခဲ့သည်။
ရန်ကုန်မြို့မှ မိုင် (၆၀၀) ခန့်ဝေးကွာသော ဘူးသီးတောင် အကျဉ်းထောင်သို့လည်း လူ့အခွင့်အရေး ကိုယ်စားလှယ်သည် ယနေ့သွားရောက်ရန်ရှိသည့်အတွက် နိုင်ငံရေးအကျဉ်းသမားအချို့နှင့် တွေ့ခွင့်ရလိမ့်မည်ဟု AAPPB က မျှော်လင့်နေသည်။
AAPPB ၏ အတွင်းရေးမှူး ကိုတိတ်နိုင်က “ဘူးသီးတောင်ထောင်မှာ ၈၈ မျိုးဆက်ခေါင်းဆောင် ကိုဌေးကြွယ်တို့၊ တိုင်းရင်းသားခေါင်းဆောင် ဦးထွန်းညိုတို့လို အရေးပါတဲ့ နိုင်ငံရေးအကျဉ်းသားတွေနဲ့ တွေ့ခွင့်ရဖို့ မျှော်လင့်ပါတယ်။ သူတို့နဲ့ တွေ့ခွင့်ရခဲ့ရင်တော့ ထောင်တွင်းမှာ ဆုံးရှုံးနေတဲ့ အခွင့်အရေးတွေ၊ ပြီးတော့ ဥပဒေရေးရာလမ်းကြောင်းက ဘယ်လိုချိုးဖောက်ခံနေရသလဲ ဆိုတာတွေ ကင်တားနား ကြားရမှာပါ” ဟု ခေတ်ပြိုင်သို့ ပြောကြားသည်။
ဘူးသီးတောင်အကျဉ်းစခန်းရှိ နိုင်ငံရေးအကျဉ်းသား (၂၀) ကျော်အနက် စည်သူမောင် (လိပ်ခေါင်း)၊ ကိုဌေးကြွယ် (အစာအိမ်နာနှင့်သွေးတိုး)၊ ကိုအောင်ဇော်ဦး (နှလုံးရောဂါ)၊ မိုးနိုင်စိုး (ဆီးချို၊ ဒူလာရောဂါ)၊ အရှင် အိန္ဒရိယ (Nervous Tension) စသည့် ရောဂါဝေဒနာ ခံစားနေရသူများ ပါရှိသည်။
ကိုတိတ်နိုင်က “ကင်တားနား တွေ့ခွင့်ရတဲ့အပေါ် အကျဉ်းသားလွတ်မြောက်ရေးအတွက် လုပ်မပေးနိုင်ပေမယ့် အကျဉ်းထောင်ထဲက လူ့အခွင့်အရေး ချိုးဖောက်ခံနေရတဲ့ကိစ္စ တချို့တော့ အောင်မြင်မှု ရနိုင်မယ်လို့ထင်တယ်။ ပြီးတော့ စစ်အစိုးရက တောက်လျှောက် ငြင်းလာနေတဲ့ မြန်မာနိုင်ငံမှာ နိုင်ငံရေးအကျဉ်းသားမရှိဘူး ဆိုတဲ့ကိစ္စဟာလည်း ဒီလို နိုင်ငံတကာ လူ့အခွင့်အရေးအဖွဲ့အစည်းတွေရဲ့ ဖိအားပေးမှုအောက်မှာ တင်းခံလို့မရတော့ဘဲ အလိုလို လက်ခံလာမယ့် အခြေအနေကောင်းတွေ ဖြစ်လာမှာပါ” ဟု ပြောကြားသည်။
မြန်မာနိုင်ငံတွင် နိုင်ငံရေးအကျဉ်းသား (၂,၁၉၅) ဦးရှိပြီး ကျန်းမားရေး ချို့တဲ့နေသူ (၁၂၈) ဦးရှိကြောင်း AAPPB မှတ်တမ်းများအရ သိရသည်။
မစ္စတာ ကင်တားနားသည် ၎င်း၏ခရီးစဉ်အတွင်း အင်းစိန်အကျဉ်းထောင်သို့လည်း သွားရောက်မည်ဟု သိရသည်။
လူ့အခွင့်အရေး ကိုယ်စားလှယ်သည် ဖေဖော်ဝါရီ (၁၅) ရက်နေ့တွင် ရန်ကုန်မြို့သို့ ရောက်ရှိလာပြီးနောက် ကုလသမဂ္ဂ ဌာနေကိုယ်စားလှယ်ရုံး၌ ကိုယ်စားလှယ်များနှင့် နိုင်ငံခြားသံရုံးများမှ သံတမန်အဖွဲ့ဝင် (၃၆) ဦး၊ ဒေါ်အောင်ဆန်းစုကြည်၏ ရှေ့နေများ၊ ခရိုင်တရားသူကြီးများ၊ အထွေထွေအုပ်ချုပ်ရေး ဦးစီးဌာနမှ တာဝန်ရှိသူများနှင့် တွေ့ဆုံခဲ့သည်။
နောက်ဆုံးရက် သောကြာနေ့တွင် ဒေါ်အောင်ဆန်းစုကြည်နှင့် တွေ့ဆုံရန် စစ်အစိုးရထံ တင်ပြထားပြီး နေပြည်တော်ရှိ စစ်အစိုးရ ထိပ်ပိုင်းခေါင်းဆောင်အချို့နှင့် တွေ့ဆုံရန်ရှိသည်။
ဝီရ/ ၁၇ ဖေဖော်ဝါရီ ၂ဝ၁ဝ
မူရင်း ။ ။ ခေတ်ပြိုင်
ဒီအချက်ဟာ မကြာမီက အောက်ခြေစစ်မှုထမ်းတွေနဲ့ အစိုးရဝန်ထမ်းတွေကို လာစာငွေနှစ်သောင်း ဆောင်းပေးခဲ့တာနဲ့ ဆက်စပ်ပြီး နောက်ဆက်တွဲဖြစ်ပေါ်လာတာလို့ ဆိုနိုင်ပေမဲ့ တကယ်တော့ ဒီအကြောင်းအချက်တခုတည်းကြောင့် ဆန္ဒပြပွဲက ပိုပြင်းလာတာလို့ ပြောလို့မရပါဘူး။ မူလကပင် အလုပ်သမားတွေမှာ ခါးသီးလှတဲ့ အခြေအနေတွေက ရှိနေခဲ့ပြီး တစထက်တစ ပိုဆိုးရွားလာတာကို အခြေခံတယ်ဆိုရင် မှားမယ်မထင်ပါဘူး။ မြန်မာစစ်အစိုးရလက်အောက်မှာရှိတဲ့ အစိုးရပိုင်စက်ရုံတွေအပါအဝင် နိုင်ငံခြားဖက်စပ် စက်ရုံတွေမှာရော ပုဂ္ဂလိက စက်ရုံတွေမှာပါ အလုပ်သမားအခွင့်အရေးအတွက် ရပ်တည်ပေးမဲ့ အလုပ်သမားသမဂ္ဂဆိုတာမျိုး လုံးဝမရှိခဲ့တာမို့ မြန်မာစက်ရုံအလုပ်သမားတွေရဲ့ ဘဝဟာ အလုပ်ရှင်က ခိုင်းစေသမျှကို ရသမျှလုပ်အားခနဲ့ ကျေနပ်နေခဲ့ကြရတာပါ။ ပြီးတော့ အခြေခံလုပ်အားခံ အလွန်နဲနဲအပေါ်မှာ အိုတီကြေးလို့ အလုပ်သမားတွေခေါ်ဆိုတဲ့ အချိန်ပိုအားခကိုသာ အားထားပြီး စားဝတ်နေရေးကို ဖြေရှင်းနေကြရတာမို့ သူတို့ရဲ့ဘဝဟာ နေ့စဉ်နေ့တိုင်း ပိတ်ရက်မရှိ နံနက်မိုးလင်းက အိပ်ယာဝင်ချိန်အထိကို လုပ်ကိုင်နေကြရတာပါ။
