Sunday, September 5, 2010

စစ်အစုိုးရ၏ ၀ါဒဖြန့်ကားရိုက်သူပါဝင်သည့် စတိတ်ရှိုး ဆန်ဖရန်စစ္စကိုက ကန့်ကွက်ဆန္ဒပြ

ယမန်နေ့ညနေက အမေရိကန်၊ ကယ်လီဖိုးနီးယားပြည်၊ ဆန်ဖရန်ဘေးဧရိယာမှာ မြန်မာစတိတ်ရှိူးပွဲတခု ကျင်းပရာမှာ မြန်မာ့ဒီမိုကရေစီရေးလှုပ်ရှားသူများရဲ့ ကန့်ကွက်ဆန္ဒပြမှုနဲ့ ရင်ဆိုင်ခဲ့ကြရပါတယ်။
 မြန်မာစစ်အစုိုးရရဲ့ လုပ်ကြံဝါဒဖြန့်ဇာတ်ကားတွင် ပါဝင်ခဲ့တဲ့ ရုပ်ရှင်သရုပ်ဆောင်တဦးက အဲဒီစတိတ်ရှိူးမှာ တက်ရောက်ဖြော်ဖြေမှာဖြစ်လို့ ကန့်ကွက်ဆန္ဒပြတာ ဖြစ်တဲ့အပြင်  မြန်မာပြည်ဒီမိုကရေစီရေးလှုပ်ရှားမှုကြီးမှာ ပါဝင်ခဲ့ကြတဲ့ နိုင်ငံရေးဒုက္ခသည်အချို့ ကိုယ်တိုင်က အဲသည်သရုပ်ဆောင်ပါဝင်တဲ့ စတိတ်ရှိူးကို ဖြစ်မြောက်အောင် ၀ိုင်းဝန်းစီစဉ်ခဲ့တာကြောင့်လည်း အဓိကပါဝင်နေပါတယ်။
မြန်မာဒီမိုကရေစီရေး လှုပ်ရှားသူတွေ၊ မြန်မာ့အရေးစိတ်ဝင်စားသူ မြန်မာမဟုတ်သူတွေနဲ့ ဆန္ဒပြသူ ၅၀ ဦးလောက် ရှိပြီး စတ်ိတ်ရှိူးပွဲကို လူ ၄၀၀ ကျော် ၊ ၅၀၀ လောက် လာကြည့်ကြတယ်လို့ ခန့်မှန်းလို့ ရပါတယ်။ ဈေးရောင်းပွဲမှာ မြန်မာနိုင်ငံရေးဒုက္ခသည်များ တိုင်းရင်းသားများ အခြေချ နေထိုင်ရာ ဥက္ကလန်မြို့က မြန်မာတွေက အစားအသောက်တွေ ရောင်းချနေကြတယ်လို့ ဆန္ဒပြကန့်ကွက်ရန် ပွဲခင်းထဲရောက်ခဲ့တဲ့ တိုင်းရင်းသူအမျိုးသမီးက ပြောပြပါတယ်။ သူက လက်မှတ်မပါဘဲ ၀င်လာလို့ ပွဲစီစဉ်သူတွေထဲက တဦးက အပြင်ကို ပြန်ထွက်ခိုင်းလိုက်ပါတယ်။
ဆန္ဒပြပွဲ ရှိတယ်လို့ ကြိုတင်ပြီး ရဲကို အကြောင်းကြားထားတာကြောင့် ရဲတပ်ဖွဲ့နဲ့ တာဝန်ရှိ ၀န်ထမ်းတွေကို ရှင်းပြအပြီးမှာ ကန့်ကွက်ဆန္̔ဒပြသူတွေက ငြိမ်းချမ်းစွာနဲ့ လမ်းတဖက်ကနေ ဆိုင်းဘုတ်တွေ ပိုစတာတွေ ကိုင်စွဲပြီး ဆန္ဒပြကြပါတယ်။
ပွဲလာသူအချို့ကတော့ ကန့်ကွက်မယ့်သူတွေနဲ့ မိတ်ဆွေတွေ ဖြစ်နေတာကြောင့် နှုတ်ဆက်စကား ပြောကြတာ ရှိသလို၊ မြန်မာပြည်အရေး သတင်းပြတ်နေသူတွေကတော့ အံ့သြသွားတာကို တွေ့ရပါတယ်။ ကန့်ကွက်ခံရမှာ သိထားသူတွေထဲက အချို့ကတော့ ဆန္ဒပြသူတွေကို ပြန်လည်ပြီး ပြက်ရယ်ပြုတာမျိုးတွေ ရှိပါတယ်။ တော်တော်များများကတော့ အဲဒီကိစ္စကို အရေးစိုက်တဲ့ပုံ မရှိပါဘူး။ အဲသည်ပွဲကြည့်ပရိသတ်များ မြင်ကွင်းကို အင်တာနက်အယ်လဘန်တခုမှာ အခုလို တင်ထားတာ တွေ့နိုင်ပါတယ်။
 ( http://picasaweb.google.com/102663657999858151468/ThanShweSFriendsAttendingWyneSueKhaiTheinPwe# )



ရှေ့တပတ်မှာ အယ်လ်အေမှာ အဆိုပါ စတိတ်ရှိူး ကျင်းပဦးမှာ ဖြစ်ရာ အယ်လ်အေက မြန်မာ့အရေး လှုပ်ရှားသူများ၊ မြန်မာ့ဒီမိုကရေစီဘက်တော်သားများက ထိုပွဲမှာ သွားရောက် ကန့်ကွက်ဆန္ဒပြကြရန် စီစဉ်နေပြီ လို့ ပြောပါတယ်။ဒါအပြင် တပတ်အချိန်ကြိုတင် ရရှိထားတဲ့ အယ်လ်အေက မြန်မာ့အရေးလှုပ်ရှားသူတွေက ပွဲကြည့်ပရိသတ်တွေကိုယ်တိုင် နားလည်သဘောပေါက်ပြီး သပိတ်မှောက်လာကြဖို့အတွက်လည်း လိုက်လံရှင်းလင်း ပြောပြမယ်လို့လည်း စဉ်းစားထားတယ်လို့ ဆိုပါတယ်။
မိုးမခစာနယ်ဇင်းအဖွဲ့က ကားပေါ်မှာ မိုးမခစာနယ်ဇင်း ဆိုင်းဘုတ်အပြင် ကန့်ကွက်ဆန္ဒပြတဲ့ ဆိုင်းဘုတ်တွေ၊ ပိုစတာတွေ တင်ပြီး ရပ်ထားတာကို တွေ့နိုင်ပါတယ်။ 

ရင်းမြစ်။ ။မိုးမခ

မြန်မာတွေရဲ့ အစွမ်းအစ ယုံကြည် စိတ်ချတယ်

       ဆစ်ဒနီတက္ကသိုလ်မှာ မဟာဘွဲ့အတွက်ကျောင်းတက်နေတဲ့ ကျောင်းသူတစ်ယောက်ဆီက စာတစ်စောင်ရပါတယ်။ သူတို့ကျောင်းမှာကျင်းပတဲ့ အခမ်းအနားတစ်ခုမှာ နယူးဆောက်ဝေးပြည်နယ်က လွှတ်တော်အမတ် တစ်ယောက်နဲ့တွေ့ဆုံတဲ့အကြောင်း၊ အဲဒီအမျိုးသမီးအမတ်က ဆရာ့အိမ်ကိုရောက်ဖူးတဲ့အကြောင်း၊ ဆရာ့ကိုတော်တော်ခင်မင်ပုံရကြောင်း စတာတွေရေးထားပါတယ်။

ကျဉ်းသထက်ကျဉ်းလာတဲ့ကမ္ဘာ
    စာကိုဖတ်ပြီးတော့ ကမ္ဘာကြီးဟာ ကျဉ်းကျဉ်းကလေးပါလားဆိုတဲ့စကားကိုပဲ ရေရွတ်လိုက်မိတယ်။ အဲဒီအမျိုးသမီးအမတ်ဟာ လွန်ခဲ့တဲ့ သုံးလေးနှစ်လောက်က ရောက်လာပြီး စကားပြောဖူးတာဖြစ်တယ်။ နောက်ထပ် အဆက်အသွယ်မရှိပါဘူး။ တိုက်တိုက်ဆိုင်ဆိုင် မြန်မာကျောင်းသူတစ်ယောက်နဲ့ဆုံတွေ့ပြီး စကားပြောဖြစ်ကြရာက "ဘုံမိတ်ဆွေ" တစ်ယောက်အကြောင်းရောက်သွားပြီး သူတို့ချင်း ခင်မင်ရင်းနှီးသွားကြတာဖြစ်တယ်။ ကမ္ဘာကြီးဟာ တစ်နေ့တခြားကျဉ်းသထက်ကျဉ်းလာတယ်။ ငပလီကမ်းခြေကို ၁၀ ခေါက်ပြည့်အောင် ရောက်ဖူးသူရှားပေမယ့် ဘန်ကောက်၊ စင်ကာပူတို့ကို အိမ်ဦးနဲ့ကြမ်းပြင် ကူးလူးသွားလာနေကြသူတွေတော့ အများကြီးရှိတယ်။ တချို့များတစ်လတစ်ခေါက် ဈေးဝယ်ထွက်သတဲ့။

ဖိနပ်ဝယ်ဖို့သွားတာတဲ့
    တစ်နေ့ကဂျာနယ်တစ်စောင်မှာ ရုပ်ရှင်မင်းသားတစ်ယောက်နဲ့ မေးဖြေလုပ်ထားတာဖတ်မိတယ်။ အဲဒီမင်းသားက တစ်ခါတလေမှာ ဖိနပ်တစ်ရန်ဝယ်ချင်တာနဲ့လည်း ဘန်ကောက်ကိုထသွားလိုက်တယ်လို့ ပြောသွားတယ်။ ဒီခေတ်မှာ ဒါမျိုးတွေ မဆန်းတော့ဘူး။ တစ်ပတ်အတွင်း တစ်နေ့မပြတ်ထွက်နေတဲ့ ဂျာနယ်တွေထဲက ကြိုက်ရာတစ်စောင်ဆွဲလှန်ကြည့်လိုက်၊ ဖျော်ဖြေရေးနယ်ပယ်ကလူတွေ နိုင်ငံခြားဈေးဝယ်ထွက်တဲ့ သတင်းမပါတဲ့ ဂျာနယ်ကိုမရှိဘူးဆိုတာ တွေ့ရလိမ့်မယ်။ တချို့က ဈေးဝယ်ထွက်တာ မဟုတ်ဘူး။ အငြိမ့်ကဖို့သီချင်းဆိုဖို့ အင်္ဂလန်၊ အမေရိကန်၊ ဂျပန်၊ သြစတြေးလျတို့ကို သွားကြတာတဲ့။

ဝမ်းသာတယ်၊ အားပေးတယ်
    လူငယ်တွေ ခုလိုခရီးသွားကြတာ ကောင်းတယ်။ မျက်စိပွင့်၊ နားပွင့်တယ်။ အသိဥာဏ်ဗဟုသုတတွေ တိုးပွားလာစေတယ်။ ဒါကြောင့်ဝမ်းသာတယ်။ အားပေးတယ်။ ကိုယ့်အနားကလူတွေလည်း သွားလာနေကြတာပဲ။ တစ်ခုပဲရှိတယ်။ ပြန်လာရင်တော့ ရောက်ရောက်ချင်း ပူပူနွေးနွေး သူတို့နဲ့မတွေ့ချင်ဘူး။ ဘာကြောင့်လဲဆိုတော့ သူတို့ပြောစကားတွေ နားထောင်ပြီး ကိုယ်ပါသိမ်ငယ်စိတ်တွေဝင်ပြီး ၀မ်းနည်းသလိုခံစားရလို့ဖြစ်တယ်။ နေ့နဲ့ညမှားလောက်အောင် လင်းထိန်နေတဲ့ နေရာတွေကထွက်လာခဲ့တာဆိုတော့ ဒီကလေဆိပ်ရောက်တာနဲ့ စိတ်ပျက်သွားတာပဲဆိုတဲ့ စကားသံတွေလည်းမကြားချင်ဘူး။

ရှာမှရှားနိုင်ငံ
    ပြောသူတိုင်းက စေတနာကောင်းနဲ့ ပြောကြတာပါ။ သောက်ရေကိုတောင် နယ်နိမိတ်ချင်းဆက်နေတဲ့ နိုင်ငံက၀ယ်သောက်နေရတဲ့ နိုင်ငံသေးသေးလေးက ခြေဖျားတစ်ထောက်ထောက်၊ ခေါင်းတမော့မော့ ဖြစ်နေတာကိုကြည့်ပြီး မခံချည့်မခံသာဖြစ်လွန်းလို့ ပြောကြတာဖြစ်တယ်။ အဲဒီနိုင်ငံလေးမှာ သယံဇာတဆိုလို့ သဲတောင်ရှိတာမဟုတ်ဘူး။ ဘာမဆို နိုင်ငံခြားက၀ယ်ရတာ။ မြန်မာနိုင်ငံဆိုတာက ကမ္ဘာမှာရှာမှရှားဆိုလောက်တဲ့နိုင်ငံ။ စားနပ်ရိက္ခာဆိုလည်း ပူစရာမရှိဘူး။ ဆန်စပါး၊ ပဲ၊ ပြောင်း၊ နှမ်း၊ ၀ါ ဘယ်နေရာကြဲလိုက်ကြဲလိုက် အပင်တွေထွက်လာတယ်။ ၀တ်စရာအတွက်လည်း ပူစရာမရှိဘူး။ ၀ါချည်ထွက်တယ်။ ပိုးထွက်တယ်။ ရက်ကန်းစင်တွေရှိတယ်။ နေစရာအတွက် သစ်ဝါးဆိုတာလည်းပေါမှပေါ။

ပူစရာမလိုဘူး
    ဒါတင်ဘယ်ဟုတ်မှာလဲ။ ကမ္ဘာတစ်ခုလုံး သဲကြီးမဲကြီးလိုက်ရှာနေကြရတဲ့ ရေနံဓာတ်ငွေ့ သယံဇာတတွေနဲ့ ရွှေ၊ ငွေ၊ ခဲသတ္တုတွင်းတွေလည်း ကြွယ်ပိုးကြွယ်ဝရှိတယ်။ ကျောက်စိမ်း၊ ပတ္တမြား၊ နီလာစတဲ့ တွင်းထွက်ရတနာတွေကလည်း ကမ္ဘာကျော်ခဲ့တယ်။ လူသားလုပ်အားကလည်း အလုံအလောက်ရှိတယ်။ ဒီလောက်လိုလေသေးမရှိ ကြွယ်ဝတဲ့နိုင်ငံ ကမ္ဘာပေါ်မှာ ဘယ်နှနိုင်ငံရှိလို့လဲ။ ဘာမှပူစရာမလိုဘူး။ ၀မ်းနည်းစရာမလိုဘူး။

ကြွားတာမဟုတ်ဘူး
    စီးပွားရေးတိုးတက်အောင်လုပ်ဖို့ မြန်မာနိုင်ငံလိုနိုင်ငံမှာ ဘာမှမခက်ဘူး။ တက်ညီလက်ညီနဲ့ နည်းစနစ်တွေ မှန်မှန်ကန်ကန်နဲ့ ကြိုးစားလုပ်လိုက်ကြရင် ၁၀ နှစ်လောက်နဲ့ အာဆီယံနိုင်ငံတွေထဲမှာ ဒေါင်ဒေါင်မြည် ထိပ်သီးနေရာ ရောက်လာမှာသေချာပါတယ်။ ကြွားနေတာ မဟုတ်ဘူး။ တကယ်ယုံလို့ပြောတာ။ မြန်မာလူမျိုးရဲ့ ဥာဏ်ရည်အဆင့်ဟာ အာရှကဘယ်လူမျိုးနဲ့ယှဉ်ယှဉ်မညံ့ပါဘူး။ အာရှမှာထိပ်ဆုံးလို့ပြောနေကြတဲ့ နိုင်ငံတွေကဘွဲ့ရပြီး အရွယ်စုံယောက်ျား၊ မိန်းမအတော်များများကို ဆရာလုပ်ပြီး အင်္ဂလိပ်စာ သင်ကြားပေးခဲ့ဖူးလို့ ပြောတာဖြစ်ပါတယ်။

တန်းတက်ဆာဗေး
    စီးပွားရေးပြုပြင်ပြောင်းလဲဖို့က မခက်ဘူး။ ခက်တာက စိတ်ဓာတ်တွေ ပြုပြင်ပြောင်းလဲဖို့ဖြစ်တယ်။ ပြည်သူ့ဆိုင်ခေတ်နဲ့ တစ်ပါတီစနစ်အောက်မှာ အကြာကြီးနေခဲ့ရတဲ့ လူတိုင်းရဲ့စိတ်တွေဟာ "မလုပ်၊ မရှုပ်၊ မပြုတ်" ဆိုတဲ့စိတ်တွေနဲ့ ဘာအလုပ်လုပ်လုပ် "တန်းတက်ဆာဗေး"နဲ့လုပ်တဲ့ လုပ်နည်းလုပ်ဟန်တွေဟာ ခေါက်ရိုးကျိုးသလို ဖြစ်နေကြပြီ။ ဒီစိတ်တွေက မိဘကသားသမီးအထိ ကူးစက်သွားလေ့ရှိတယ်။ ၁၉၆၂ ခုနှစ်က မွေးဖွားခဲ့သူတစ်ယောက်ဟာ အခုဆိုရင် အသက် ၅၀ တန်းရောက်နေပြီ။ သူ့သားသမီးများတောင် အိမ်ထောင်ရက်သားကျပြီး ကလေးတွေရလောက်ပြီ။ ပထမမျိုးဆက်က ဒုတိယမျိုးဆက်၊ အခုဆို တတိယမျိုးဆက်ဖြစ်နေပြီ။

စိတ်ချတယ်
    ဒါကြောင့် လူတွေရဲ့ခေါင်းထဲမှာစွဲထင်နေတဲ့ စိတ်ဓာတ်တွေကို ပြုပြင်ပြောင်းလဲဖို့  သိပ်ခက်ပါတယ်။ အဲဒါကိုပဲစိုးရိမ်တယ်။ စီးပွားရေးအရ ဖွံ့ဖြိုးမှုနောက်ကျတာတော့ နည်းနည်းလေးမှ စိုးရိမ်ကြောင့်ကြမဖြစ်ပါဘူး။ မြန်မာတွေရဲ့ အစွမ်းအစကိုယုံကြည်စိတ်ချတယ်။




Written by လူထုစိန်ဝင်း  
ရင်းမြစ်။ ။www.first-11.com

တိုင်းရင်းသားအရေး ဒေါ်အောင်ဆန်းစုကြည် စိုးရိမ်

တိုင်းရင်းသား ငြိမ်းချမ်းရေးအဖွဲ့တွေနဲ့ စစ်အစိုးရကြား မပြေမလည် ဖြစ်နေတာကို ကြားသိရတဲ့ အတွက် စိတ်မကောင်းဖြစ်ရကြောင်း ဒေါ်အောင်ဆန်းစုကြည်က ပြောပါတယ်။ စနေနေ့ နေ့လယ်ပိုင်းက သူ့ရဲ့ အကျိုးဆောင်ရှေ့နေ အဖွဲ့ဝင်တွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်က အခုလို ပြောကြားလိုက်တာပါ။ အပြည့်အစုံကိုတော့ ဆက်သွယ်စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

နယ်ခြားစောင့်တပ် ဖွဲ့စည်းရေးအတွက် စစ်အစိုးရက အဓမ္မ ဖိအားပေး လုပ်ဆောင်နေတဲ့အပေါ် ငြိမ်းအဖွဲ့လို့ခေါ်တဲ့ အပစ်ရပ် တိုင်းရင်းသား လက်နက်ကိုင်အဖွဲ့တချို့က လက်မခံတဲ့အတွက် အဲဒီ တိုင်းရင်းသား လက်နက်ကိုင် အဖွဲ့အစည်းတွေနဲ့ စစ်အစိုးရကြား တင်းမာမှုတွေ ဖြစ်နေတဲ့အပေါ် စိတ်မကောင်းဖြစ်မိတဲ့အကြောင်း အကျိုးဆောင်ရှေ့နေကြီး ဦးဉာဏ်ဝင်းကတဆင့် ဒေါ်အောင်ဆန်းစုကြည်က ပြောလိုက်တာပါ။

“တိုင်းရင်းသား ငြိမ်းချမ်းရေးအဖွဲ့တွေ အဲဒီအဖွဲ့တွေဟာ အစိုးရနဲ့ မကျေမလည် ဖြစ်တာတွေ၊ ဒီသတင်းကို မီဒီယာတွေကနေ သူကြားတယ်။ သူကတော့ ဒါကို စိတ်မကောင်းဘူးတဲ့။ ဒီကိစ္စတွေဟာ နိုင်ငံရေးအရ ဖြေရှင်းမှသာ ရေရှည်အကျိုးရှိမယ်လို့ အဲဒီလို ပြောပါတယ်။”

ဒါ့အပြင် ရွေးကောက်ပွဲကာလအတွင်း မဲပေးတဲ့နေရာတွေမှာ ပြဋ္ဌာန်းထားတဲ့ ဥပဒေနဲ့ ကိုက်ညီခြင်းရှိမရှိ ပြည်သူအများစု သိရှိလာအောင် လုပ်ဆောင်ပေးဖို့ တာရှိဝန်ရှိတဲ့အကြောင်း ဒေါ်အောင်ဆန်းစုကြည်က ပြောတယ်လို့ ဦးဉာဏ်ဝင်းက ဆက်ပြောပြပါတယ်။

“နောက်တခုက ရွေးကောက်ပွဲ ကျင်းပတဲ့ကာလမှာ မဲပေးတာတွေက တရားဥပဒေနဲ့ ကိုက်ညီခြင်း ရှိမရှိ၊ ဒါတွေ ဥပဒေမှာက ဘယ်လိုပါတယ်၊ ဘယ်လို ပြဋ္ဌာန်းချက်တွေ ရှိတယ် ဆိုတာ ပြည်သူအများ သိဖို့လိုတယ်တဲ့။ အဲဒီတော့ ကိုယ့်အဖွဲ့အစည်း အနေနဲ့ ကိုယ်တတ်နိုင်သမျှ ဒါကို လုပ်ဖို့လိုပါတယ်တဲ့။ ရွေးကောက်ပွဲ ၀င်တဲ့ပါတီတွေက ပိုပြီးတော့တောင် တာဝန်ရှိပါတယ်လို့ အဲဒီလို ပြောပါတယ်။”

ကြိုတင်ဆန္ဒမဲတွေ ကောက်ယူပြီး အာဏာပိုင်တွေဖက်က အတင်းအကျပ် မဲပေးခိုင်းနေတဲ့ ကိစ္စဟာလည်း တရားမျှတမှု မရှိဘူးဆိုတာကို ဒေါ်အောင်ဆန်းစုကြည်က ထောက်ပြခဲ့တယ်လို့ ဦးဉာဏ်ဝင်းက ဆက်ပြောပြပါတယ်။

“လက်ရှိပြဌာန်းပြီးသား ဥပဒေထဲက တချို့အချက်တွေ၊ ဥပမာအားဖြင့်ဗျာ ကြိုတင်ဆန္ဒမဲ သတင်းတွေက ဖြစ်ဖြစ်နေတယ်။ ကြိုတင်ဆန္ဒမဲနဲ့ မမှန်တာလုပ်တယ်ပေါ့ဗျာ။ ကျနော်တို့ သိပ်တော့မသိပါဘူး။ အဲဒီတော့ ကြိုတင်ဆန္ဒမဲဆိုတောင်မှ အဲဒါက အဲဒီမဲပေးမယ့်ပုဂ္ဂိုလ်က မဲပေးလိုမှ ပေးလို့ရတယ်ဆိုတာ ဥပဒေမှာ တခါတည်းပါတယ်ဗျာ။ အဲဒါတွေကို ပြည်သူတွေ သိဖို့လိုတယ်တဲ့။ ခုနကလို အိမ်လာပြီး မဲပေးလိုက်ပါဆိုပြီး ဒီလို ပြောခွင့်မရှိဘူး။ ဒါမျိုးတွေကို ပြည်သူတွေ သိဖို့လိုတယ်လို့ နမူနာအားဖြင့် ပြောတာပါ။”

ဒေါ်အောင်ဆန်းစုကြည်ရဲ့ အကျိုးဆောင်ရှေ့နေလည်းဖြစ်၊ NLD ပြောခွင့်ရပုဂ္ဂိုလ်လည်းဖြစ်တဲ့ ဦးဉာဏ်ဝင်း ပြောပြခဲ့တာပါ။

အခြေခံဥပဒေမှာ ပြဌာန်းထားတဲ့ တရားမျှတမှု မရှိတဲ့အချက်တွေ၊ ရွေးကောက်ပွဲဆိုင်ရာ ဥပဒေတွေက တရားမျှတမှု မရှိတဲ့ အချက်တွေကို ပြည်သူတွေ သိရှိနိုင်ဖို့ တတ်နိုင်သလောက် ဥပဒေ ပညာပေးလုပ်ငန်းတွေ လုပ်ဆောင်ဖို့ လိုအပ်တဲ့အကြောင်း၊ အဲဒီလို မသိဘဲနဲ့ မဲဆန္ဒရှင်တွေက မဲပေးရင် အဓိပ္ပာယ်မရှိနိုင်ဘူးလို့ ပြီးခဲ့တဲ့ သြဂုတ်လ ၂၇ ရက်နေ့တုန်းကပဲ ဦးဉာဏ်ဝင်းကတဆင့် ဒေါ်အောင်ဆန်းစုကြည်က ပြောကြားခဲ့ပါတယ်။

NLD ကတော့ နိုဝင်ဘာလ ၇ ရက်နေ့မှာ ကျင်းပမယ့် စစ်အစိုးရရဲ့ ရွေးကောက်ပွဲကို သပိတ်မှောက်ဖို့အတွက် တရားဝင် ထုတ်ဖော် ပြောဆို ထားပြီးဖြစ်ပါတယ်။

ဦးဉာဏ်ဝင်းနဲ့အတူ တခြား အကျိုးဆောင် ရှေ့နေတွေဖြစ်ကြတဲ့ ဦးကြည်ဝင်းနဲ့ ဒေါ်ခင်ဌေးကြွယ်တို့ နှစ်ယောက်ဟာလည်း စနေနေ့ နေ့လယ် ၁ နာရီကနေ ၃ နာရီအထိ ဒေါ်အောင်ဆန်းစုကြည်ကို သွားရောက် တွေ့ဆုံခဲ့ကြတာဖြစ်ပါတယ်။

ရင်းမြစ်။ ။voanews.com

အရူးတစ်ယောက်ရဲ့  အတ္တ

ဘယ်ဘ၀ရယ်က ၀ဋ်ကြွေးကြောင့်
အိပ်မက်တွေက
ဒီလောက်အကျည်းတန်နေရတာလဲ
နေညိုချိန်ကံမကောင်းမှုတွေကို
ရေတွက်ကြည့်ရင်
အသက်ထက် နှစ်ဆရှိနေပြီ

ရင်ကွဲအောင် ချစ်နေမိခဲ့မှတော့
ရင်နာစရာလောက်နဲ့ 
မျက်ရည်မစို့ သင့်တော့ဘူးလေ
အပြောင်းအလဲဆိုတာ
ကိုယ်ပိုင်ခဲ့တဲ့အရာမှမဟုတ်ခဲ့တာပဲ

ချစ်သူရယ်
မလှပတဲ့အကြောင်းတရားတွေအတွက်
ကိုယ့်အတိတ်ကံကိုပဲ ကိုယ် အပြစ်တင်ပါတယ်
မင်းနဲ့ ပတ်သက်ရင်
အရူးထက်ပိုရူးတဲ့အရူးလေးကိုတော့
နေထွက်ချိန်တွေမှာ အောက်မေ့ပေးပြီး
နေ၀င်ချိန်တွေမှာ သတိရပေးပါဦးနော်..။

မိုးအိမ်