ယခုတလော ပေါတာကြီးသန်းရွှေတို့က ဥပဒေ၊ ဥပဒက်များ အဆက်မပြတ် ထုတ်ပြန် ကြေညာမှု ပြုနေသောကြောင့် ကျွန်ုပ်တို့ သတင်းသမားများကလည်း ကုန်ကြမ်းများ အဆက်မပြတ် ရရှိကာ၊ သတင်းတိုရှည်များ အဆက်မပြတ် ရေးသားခြင်းဖြင့် အဆက်မပြတ် အလုပ်ဖြစ်နေကြသည်။
ဤအတောအတွင်း moemaka.com မှ အယ်ဒီတာမင်းတို့ကလည်း လတ်တလော ရာသီစာသတင်းများ ရေးသားရာတွင် တတိယအုပ်စု၏ အသံကို ထည့်သွင်းရန် ကျွန်ုပ်အား တိုက်တွန်းသမှု ပြုလေသည်။
ခက်ပြီ။ တကယ်ခက်ပြီ။ အဟုတ်ခက်ချေပြီ။ တတိယအုပ်စု၏ အသံကို မည်သို့ ရနိုင်အံ့နည်း။ စာသင်ကျောင်းများ ပိတ်လိုက်ပြီ ဖြစ်သောကြောင့် တတိယတန်းကျောင်းသားများကို ရှာဖွေရေးမှာလည်း မလွယ်ကူပေ။ ကျွန်ုပ်က ကိုယ့်ကိုယ်ကိုယ် အထူးသတင်းထောက်ဟု သတ်မှတ်ထားသော်လည်း တတိယအုပ်စုအသံက ရှာလေ ခက်လေ ဖြစ်ချေပြီ။
ပထမ အုပ်စု နှင့် ဒုတိယအုပ်စု၏ အသံများက လွယ်သည်။ အင်တာဗျူးရမည့်သူ မရှား၊ အစိုးရ သတင်းစာ ရုပ်သံ မီဒီယာမှလည်း ကိုးကားနိုင်သည်။
နောက်ဆုံးတွင် ရန်ကုန်သား လုပ်ဖော်ကိုင်ဖက် မိတ်ဆွေ သတင်းထောက်တချို့က တတိယအုပ်စုနှင့် တွေ့ဆုံရေးမှာ မခက်ခဲကြောင်း ရှင်းပြပြီး နည်းပေးလမ်းပြ လုပ်ပေးသဖြင့် အဆင်ပြေသွားသည်။
လိုရင်း ပြောရလျှင် အယ်ဒီတာမင်းတို့ ချဉ်ခြင်းတပ်နေသည့် ထို တတိယအုပ်စုနှင့် အဆက်အသွယ် ရသည်။ မြန်မာ့ နိုင်ငံရေး ဇာတ်ခုံမှ တတိယအုပ်စုဝင်တဦး တနည်းဆိုရပါက မိတ္ထီလာမြို့မှ နာမည်ကျော် နိုင်ငံရေးသမားတဦးနှင့် ဗျူးခွင့် ရလေသည်။ ရေဒီယိုဌာန ဆက်သွယ်မေးမြန်းမှုများတွင် ရံဖန်ရံခါ ပါလာတတ်သည့် မိတ္ထီလာမှ ထိုပုဂ္ဂိုလ်နှင့် တွေ့ရန် ခရီးယာယီ ထွက်ရပြန်သည်။
သျှိသျှားဒေသ မိတ္ထီလာသို့ ကျွန်ုပ် ရောက်ချေပြီ။ သာယာသည့် နာမည်ကျော် မိတ္ထီလာ ကန်တော်ကြီးက မြို့အလှကို ဖော်ပြနေသည်။ မိတ္ထီလာ ကန်တော်အောက်တွင် ဘီယာသောက်ရင်း တတိယအုပ်စုဝင် နိုင်ငံရေးသမားနှင့် ကျွန်ုပ် စကား ပြောဖြစ်ကြလေသည်။ သူ၏ အမည်မှာ “ကိုတတိယ” ဖြစ်ချေသည်။
ကိုတတိယ – ညီလေးက ကိုယ့်ကို ဘာအကြောင်း မေးမလို့လဲ။
ကျွန်ုပ် – ဘာရယ်လို့တော့ မဟုတ်ပါဘူး။ အစ်ကို ပြောချင်တာကိုသာ ပြောထည့်လိုက်ပါ။ ကျွန်တော့် အယ်ဒီတာများက ဒီနေ့ နိုင်ငံရေး အခင်းအကျင်း ပွက်လောရိုက်နေချိန်မှာ တတိယအုပ်စုရဲ့ အမြင်ကို ကျွန်တော့်သတင်းထဲ ထည့်ရေးရမယ် တဲ့။ အဲဒီတော့ တခုခုသာ ပြောလိုက်စမ်းပါ။
ကိုတတိယ – တခုခု။
ကျွန်ုပ် – ဟာ … အဲဒီလိုတော့ မနောက်နဲ့လေ။ အစ်ကိုက မြန်မာ့နိုင်ငံရေးမှာ တတိယအုပ်စုဝင် ဘယ်လို ဖြစ်လာတာလဲ၊ အဲဒါ အရင် ပြောပါ။
ကိုတတိယ – အင်း … ကိုယ်ရေးကိုယ်တာ ကိစ္စတခုကြောင့် တရားစွဲခံရတဲ့ အချိန်မှာ ကိုယ်လည်း ထောင်ထဲ ထပ် မသွားချင်တော့တာနဲ့ ထောက်လှမ်းရေးကို ပြေးကပ်လိုက်ရတယ်။ ထောက်လှမ်းရေးက ကိုယ့်ကို အဲဒီအမှုမှာ အကာ အကွယ် ပေးတယ်၊ ကူညီတယ်။
(မည်သို့သောအမှုကို ထောက်လှမ်းရေးတို့က မည်သို့ ကယ်တင်လိုက်ခြင်းဖြစ်ကြောင်း ကိုတတိယက အသေးစိတ် ပြောပြသော်လည်း ရေးသားဖော်ပြခြင်း မပြုရန် ပြောလာသည်။)
ကျွန်ုပ် – သြော် ………………… ဒီလိုဆိုတော့လည်း ထောက်လှမ်းရေးနဲ့ ကိုတတိယနဲ့ အပြန်အလှန် ကူညီကြတာပေါ့ ဟုတ်လား။
ကိုတတိယ – ဟုတ်တယ်။ ကိုယ်လည်း တတိယအုပ်စုထဲ ရောက်သွားတာပဲ။ အရင်တုန်းက ကိုယ်လည်း NLD မှာ အပြတ် လှုပ်ရှားခဲ့တယ်လေ။ ထောင်လည်း ၂ ကြိမ် ကျခဲ့တယ်။ ရေဒီယိုတွေက အင်တာဗျူးရင် အလျဉ်းသင့်တိုင်း ဒါတွေ ထည့်ပြောရတာပေါ့ကွာ။ လူအထင်ကြီးအောင် ကိုယ်က ခေသူမဟုတ် ဘာညာသာရကာ နေကြာကွာစေ့ပေါ့။
ကျွန်ုပ် – NLD မှာ ဆက်နေရင်လည်း လူအထင်ကြီးခံမှာပဲ မဟုတ်လား။
ကိုတတိယ – NLD ထဲ ဆက်နေရင် အချိန်မရွေး ထောင်ထဲ ပြန်ရောက်မယ်။ ပြီးတော့ အဆဲ ခံရမယ်လေ။ မင်းတို့ကို မဲထည့်ထားတာ အနှစ် ၂၀ ကျော်ပြီ၊ ခုထိ ဒီမိုကရေစီ မရသေးဘူး၊ အဖြစ်မရှိဘူး၊ အသုံးမကျဘူး စသည်ဖြင့် အပြောခံရ အဆဲခံရမယ်။
ကျွန်ုပ် – အင်း ………………… ဒါလည်း ဟုတ်တာပဲ။ NLD ကိုရော ဘယ်လိုထင်သလဲ။
ကိုတတိယ – NLD ကနေ ခွာပြီး စင်အသစ်တခုကို ကူးလိုက်တဲ့အခါမယ် အဆင်ပြေသွားရော။ ဒီမိုကရေစီမရသေးတာ ကိုယ့်တာဝန် မဟုတ်တော့ဘူးပေါ့ကွာ။ ပြီးတော့ တတိယအုပ်စုတွေကပဲ ဒီမိုကရေစီကို မနက်ဖန် သဘက်ခါ ဖော်ဆောင်ပေးတော့ မလိုလို ယုံထင်ကြောင်ထင်ဖြစ်အောင် လေထွားကြတာပေါ့။ NLD ကိုရော ဘယ်လိုထင်သလဲ ဆိုတော့ ဒီတပတ်ထွက်လာမယ့် အသံ ဂျာနယ် အယ်ဒီတာ့ အာဘော်မှာ ရေးထားတဲ့အတိုင်း "နိုင်ငံတည်ဆောက်ရေးကို ကြိုးစားနေခြင်း မဟုတ်ဘဲ ရွှေဘ နည်းလမ်းဖြင့် သြဇာ ထူထောင် နောက်လိုက်စုနေသူများ" လို့ ပြောရမှာပေါ့။ ဒါ ကိုယ်တို့ရဲ့ မူပဲ။
ကျွန်ုပ် – ဒါဆို တတိယအုပ်စုလို့ ဆိုင်းဘုတ်တပ်ထားတာ ဘယ် သင့်လျော်မလဲ။ ဗိုလ်ချုပ်ကြီးတွေရဲ့ အလိုတော်ရိ အုပ်စု ဖြစ်နေပြီပဲ။
ကိုတတိယ – အလိုတော်ရိက နာမည်သာ ဆိုးတာ ၀င်ငွေကောင်းသဟ။ NLD မှာ ဆက်နေရင် စီးပွားရေးလည်း လုပ်လို့ရမှာ မဟုတ်ဘူး။ ဟိုခွေးမသား ထောက်လှမ်းရေးတွေက အနှောင့်အယှက် ပေးနေဦးမယ်။
ကျွန်ုပ် – သူတို့ကို ခွေးနဲ့တော့ မနှိုင်းပါနဲ့။ ခွေးတွေ သိက္ခာကျပါတယ်။
ဘီယာတန်ခိုးကြောင့်လားမသိ၊ ကျွန်ုပ်တို့၏ စကားဝိုင်းက အရှိန်ရနေသည်။ မိတ္ထီလာမှ ကိုတတိယသည် မြန်မာပြည်နိုင်ငံရေး ဖြစ်ကြောင်း ကုန်စင်ကို သိရှိထားသော်လည်း စစ်အစိုးရ ကောင်းကြောင်း ဓာတ်ပြားဟောင်းကို အထပ်ထပ် ဖွင့်ပြနေရခြင်းမှာ ဘ၀ ရပ်တည်ရေးအတွက် ဖြစ်သည် ဟူ၏။
ကိုတတိယ – စာနယ်ဇင်းသမားတွေ ဘယ်လို လှည့်ပတ်မေးမေး ကိုယ်တို့ကတော့ ရွေးကောက်ပွဲကို ၁၀၀ ရာခိုင်နှုန်း ပစ်စလက်ခတ် ထောက်ခံ ကြိုဆိုကြောင်း ပြောရမှာပဲ။ ဗိုလ်ချုပ်ကြီးတွေက ဖက်ဆစ်တို့ နာဇီတို့ထက် ဆိုးမှန်း ကိုယ်တို့ သိပေမယ့် သူတို့ကို သူတော်ကောင်းလိုလို ဘာလိုလို ပြောပေးရမှာပဲ။
ကျွန်ုပ် – အင်း ………………… လိမ်ရ၊ ပြောရတာက လွယ်ပါ့မလား။
ကိုတတိယ – ကမ္ဘာပေါ်က အလွယ်ဆုံး အလုပ်တွေထဲမှာ စကားပြောတဲ့အလုပ်က ထိပ်ဆုံးမှာ ရှိတယ်ကွ။ ကိုယ်လည်း နိုင်ငံရေး လုပ်လာတာ အနှစ် ၂၀ ကျော်ပြီ ဆိုတော့ အံတိုနေပြီ၊ ၀ါရင့်နေပြီ။
ကျွန်ုပ် – သဒ်ဖို့စ် လို့ ခေါ်တဲ့ တတိယအုပ်စုက ကြားနေရေး ၀ါဒ ………
ကိုတတိယ – အင်္ဂလိပ်လို မပြောစမ်းနဲ့ကွာ။ အသံထွက် မတိကျရင် T–u–r–d ဖြစ်နေဦးမယ်။ Turd ဆိုတာ မစင်တုံးကွ။ တော်ကြာ ငါတို့ တတိယအင်အားစုကို ချီးတုတ်အုပ်စုလို့ နာမည် ဖျက်နေကြဦးမယ်။
မြန်မာဘီယာ ၃ ပုလင်းအကုန်တွင် စကားဝိုင်းက ပို၍ပို၍ စိုပြေလာသည်၊ အာဝဇ္ဇန်း ရွှင်လာကြ၊ ပွင့်လင်းလာကြသည်။
ကျွန်ုပ် – တတိယအုပ်စုက အာဏာရှင်ဘက်လည်း မလိုက်ဘူး၊ ဒီမိုကရေစီအင်အားစုဘက်လည်း မလိုက်ဘူး။ ကြားနေရေး ၀ါဒကို ကျင့်သုံးတယ် လို့ ကြွေးကြော်ထားတဲ့ သဘောလား။
ကိုတတိယ – ကြားထဲမှာ နေတာလို့ ပြောလို့ ဘယ်ဖြစ်မလဲ။ ကိုယ်တို့လည်း အဲဒီလောက်တော့ မတုံး၊ မအ ပါဘူး။ ကြားနေတယ်လို့ ကြွေးကြော်လိုက်ရင် အချောင်သမား ဖြစ်ကြောင်း ၀န်ခံရာ ရောက်သွားမှာပေါ့။
ကျွန်ုပ် – ဒါဆို ဘယ်လို ကြွေးကြော်သလဲ။
ကိုတတိယ – ကိုယ်တို့က ရှေ့မတိုး နောက်မဆုတ် နိုင်ငံရေး အခြေအနေကို အဖြေတွေ ပေါ်ပေါက်လာအောင် ဖောက်ထွက်မယ့် အုပ်စုပေါ့ကွာ။ ဒါမှ လူအထင်ကြီးမှာပေါ့။
ကျွန်ုပ် – အင်း ………… ကျွန်တော်တောင် အထင်ကြီးချင်လာပြီ။ တတိယအုပ်စုထဲ ၀င်လိုက်ရင် ကောင်းမယ်ထင်တယ်။ ပြီးတော့ ရွေးကောက်ပွဲဝင်၊ လွှတ်တော်ကိုယ်စားလှယ်ဖြစ်၊ အာဏာတွေ ဘာတွေရ ……
ကျွန်ုပ် စကားကြောင့် ကိုတတိယ အားပါးတရ ရယ်မောလေ၏။ ဘီယာတန်ခိုးကြောင့်တော့ ဟုတ်ဟန်မတူ။
ကိုတတိယ – ၀ါး ဟားဟားဟား ဟားဟားဟား ဟားဟားဟား ……။
ကျွန်ုပ် – ဘာရယ်တာလဲဗျ၊ ကျွန်တော့်စကား ဘာမှားလို့လဲ။ အစ်ကိုတို့က ရွေးကောက်ပွဲ မ၀င်ဘူးလား။
ကိုတတိယ – ၀ါး ဟားဟားဟား ဟား …… ။ ရွေးကောက်ပွဲကတော့ မ၀င်ချင်လို့လည်း မရဘူး။ ဒါပေမယ့် တို့ကတော့ ရွေးကောက်ခံရမှာ မဟုတ်ဘူး။
ကျွန်ုပ် – လွယ်ပါတယ်၊ လူတွေကြိုက်ရင် မဲထည့်မှာပေါ့။ မကြိုက်ရင် မဲမထည့်ဘူးပေါ့။ လူကြိုက်အောင် နေပြ လုပ်ပြပေါ့ဗျ။
ကိုတတိယ – အဟိ၊ အဲဒါကြောင့် ကိုယ်က မင်းကို ဟားနေတာပေါ့ကွာ။ ရွေးကောက်ပွဲမှာ ဗိုလ်ချုပ်ကြီးအေးချမ်းသာယာရေးတို့ပဲ နိုင်မယ်ဆိုတာ မင်းတို့ မရိပ်မိကြဘူးလား။ မဲလိမ်မယ်၊ မဲခိုးမယ်၊ မသမာမှု မကောင်းမှု အကုန်လုပ်မယ် ကလိမ်ကျမယ်လေကွာ။
ကျွန်ုပ် – တတိယအင်အားစုကိုလည်း ဗိုလ်ချုပ်ကြီးတို့က ပစ်ထားမယ် မထင်ပါဘူး။
ကိုတတိယ – မှန်ပါတယ်၊ ကိုယ်တို့ကို ပစ်မထားပါဘူး၊ ပွဲစည်အောင် အဖော်ခေါ်ထားတဲ့ သဘောပါပဲ။ ဒါပါပဲ။ တို့ကလည်း နာမည်ကြီးအောင်၊ အချိန်ရှိခိုက် အိတ်ထဲ ထည့်လို့ရအောင် အောက်ကလိအာသံနဲ့ လေကန်ပြ၊ သံစုံ အော်ဟစ်ပြနေရတာပါကွာ။ တတိယအုပ်စုဆိုတာ ဒါပါပဲ။
ဤတွင် စကားဝိုင်း သိမ်းလိုက်ကြသည်၊ ဘီယာပုလင်းလည်း အတော်များသွားချေပြီ။ moemaka.com မှ အယ်ဒီတာမင်းတို့ ချဉ်ခြင်းတပ်နေသည့် တတိယအုပ်စုအကြောင်းကိုလည်း အလျဉ်းသင့်သလို ဖော်ပြ ရေးသားနိုင်ပေပြီ။ အယ်ဒီတာမင်းတို့ ကျေနပ် နှစ်သက်မည်ဟု မျှော်လင့်ရသည်။
နောင်တွင်လည်း အထူးသတင်းထောက်၊ ၀ါရင့်သတင်းထောက် ဖြစ်သူ ကျွန်ုပ်အား စတုတ္ထအုပ်စု၊ ပဉ္စမအုပ်စုတို့ အကြောင်းကို ရေးသား တို့ထိရန် ညွှန်ကြားလာပါက မိတ္ထီလာကန်တော်အောက်တွင် ဘီယာသောက်ပြီး စနည်းနာရန် ၀န်လေးမည် မဟုတ်ပေ။ ။
ရန်လိုကျွဲ
မတ် ၁၃၊ ၂၀၁၀
ရင်းမြစ်။ ။မိုးမခ
စကားဝိုင်းပြုလုပ်ရခြင်းနှင့် ပတ်သက်၍ "ရွေးကောက်ပွဲနဲ့ ပတ်သက်ပြီးတော့လည်းကောင်း၊ ၂၀၀၈ ဖွဲ့စည်းပုံအခြေခံဥပဒေနဲ့ ပတ်သက်ပြီးတော့လည်းကောင်း ဆက်စပ်ပြီးတော့ ဒီကနေ့ နိုင်ငံရေးအခင်းအကျင်း ပုံသဏ္ဍာန်နဲ့ ဒီစကားဝိုင်းကို ဖန်တီးပြီးတော့ နအဖအကို ပြန်လည်တိုက်ခိုက်နိုင်မယ့် လုပ်ငန်းစဉ်တွေ၊ လုပ်ရပ်တွေ ချမှတ်သွားဖို့ဆိုတဲ့ ရည်ရွယ်ချက်နဲ့ ကျနော်တို့ ဒီစကားဝိုင်းကို ဖန်တီးရခြင်းဖြစ်ပါတယ်။ အဲလိုလုပ်ခြင်းအားဖြင့် ကျနော်တို့ ရဲဘော်ရဲဘက် စက်မှုတက္ကသိုလ်ကျောင်းသား ကိုဖုန်းမော်ကို ဂုဏ်ပြုရာလည်း ရောက်တယ်လို့ ကျနော်တို့ ခံယူတယ်" ဟု စက်မှုတက္ကသိုလ် ကျောင်းသားဟောင်းတဦးဖြစ်သူ မန်းစိန်ဟန်က ပြောသည်။ 
