Thursday, September 30, 2010

နိုင်ငံတကာကျောင်းများ ရွေးကောက်ပွဲအတွင်း ပိတ်ထားရမည်

 မြန်မာပြည်ရှိ နိုင်ငံတကာ ကျောင်းများ (International School) များ အားလုံးကို နိုဝင်ဘာလ ၇ ရက်တွင် ကျင်းပမည့် ရွေးကောက်ပွဲ ကာလအတွင်း ပိတ်ထားရမည်ဟု ညွှန်ကြား ထားကြောင်း သိရသည်။

နိုင်ငံတကာ စာသင်ကျောင်းများ အတွက် ပြည်ပမှ ဆရာများခေါ်ယူ ငှားရမ်းမှုကိုလည်း ရွေးကောက်ပွဲ ကာလတွင် ပိတ်ပင် တားမြစ် ထားသည်ဟု ယင်းညွှန်ကြားချက်တွင် ပါဝင်ကြောင်း ရန်ကုန်မြို့ ရန်ကင်းမြို့နယ်ရှိ Myanmar International School မှ မမီးမီးက ပြောသည်။

ရန်ကုန်၊ မန္တလေးနှင့် မြန်မာနိုင်ငံမြို့ကြီးများရှိ နိုင်ငံတကာ စာသင်ကျောင်းများကို ရွေးကောက်ပွဲ ကျင်းပမည့် နိုဝင်ဘာလ ၇ ရက်နေ့ မတိုင်မီ ၂ ပတ်အလို၊ အောက်တိုဘာ နောက်ဆုံးပတ် ကတည်းက စတင်ပိတ်ထားရန် ညွှန်ကြားထားသည်ဟု မမီးမီးက ဆိုသည်။

“International School တွေက အောက်တိုဘာ လလယ်လောက်မှာ ပထမနှစ်ဝက် စာမေးပွဲ ဖြေပြီး တပတ်လောက် ကျောင်းပိတ်လေ့ရှိတယ်။ တချို့ မပိတ်တဲ့ ကျောင်းတွေလည်း ရှိတယ်။ ဒီနှစ်တော့ အောက်တိုဘာ လလယ်မှာ ပိတ်တဲ့ ကျောင်းတွေကို ရွေးကောက်ပွဲပြီးမှ ပြန်ဖွင့်ခိုင်းတယ်။ မပိတ်တဲ့ ကျောင်းတွေကို အောက်တိုဘာ နောက်ဆုံးအပတ်မှာ ပိတ်ခိုင်းတယ်” ဟု မမီးမီးက ပြောသည်။

နိုင်ငံခြားသား ဆရာများနှင့် ပတ်သက်၍မူ လက်ရှိ ရှိပြီးသား ဆရာများအတွက် ပြဿနာမရှိသော်လည်း ဆရာအသစ်များ ထပ်မံခေါ်ယူမည် ဆိုပါက ရွေးကောက်ပွဲပြီးမှသာ ခေါ်နိုင်တော့မည် ဖြစ်ကြောင်း သူက ဆက်ပြောသည်။

နိုင်ငံတကာ ကျောင်းများသည် နိုင်ငံတကာ သင်ရိုးညွှန်းတမ်းများအတိုင်း အချိန်ကိုက်ရေးဆွဲထား ခြင်းဖြစ်သောကြောင့် ယင်းကဲ့သို့ နှစ်ပတ်ခန့် ကျောင်းပိတ်ရသဖြင့် ကလေးများ စာသင်ကြားရေးကို အနှောင့် အယှက်ဖြစ်စေသည်ဟု Horizon နိုင်ငံတကာ ကျောင်းမှ ဆရာမတဦးက ပြောသည်။

“သင်ရိုးတွေက ဘယ်လမှာ ဘာတွေသင်ရမယ်ဆိုတာ သူ့ဘာသာသူ ရှိပြီးသား။ နိုင်ငံခြားမှာ စာမေးပွဲ ဖြေမယ့်ကလေးတွေလည်း အချိန်ကိုက်ဖြစ်အောင် သင်ရိုးကို ရေးထားတာ။ နှစ်စ ကတည်းက ကြိုပြောရင်တော့ ကြိုပြီးပြင်ဆင်လို့ ရတာပေါ့။ အနားနီးမှ ဆိုတော့ ကလေးတွေ ကသိကအောက်ဖြစ်ကုန်တယ်” ဟု သူက ဆိုသည်။

မြန်မာနိုင်ငံတွင် ၂၀၀၀ ပြည့်နှစ်နောက်ပိုင်း စတင်ေ ခတ်စားလာခဲ့သော နိုင်ငံတကာကျောင်းများသည် ယခုအခါ ပိုမို ရေပန်းစားလာခဲ့ပြီး ရန်ကုန်၊ မန္တလေးနှင့် တခြားမြို့ကြီးများတွင် စုစုပေါင်း ကျောင်း ၅၀ နီးပါးရှိလာပြီဖြစ်သည်။

ILBC၊ Horizon နှင့် International School Yangon တို့သည် မြန်မာနိုင်ငံတွင် ဈေးအကြီးဆုံး ကျောင်းများဖြစ်ကြပြီး ကျောင်းသား တယောက်အတွက် ကျောင်းစရိတ် ၁ နှစ်လျင် ကျပ်သိန်း ၃၀ ၀န်းကျင် ကုန်ကျသည်ဟု သိရသည်။

၂၀၀၅ ခုနှစ် နောက်ပိုင်းမှစတင်ပြီး တလလျင် ကျောင်းစရိတ် ကျပ် ၁ သိန်းဝန်းကျင်သာ ကုန်ကျသော ဈေးနှုန်းသက်သာသည့် ကျောင်းများလည်း ပေါ်ပေါက်လာခဲ့သည်။

သာမန်ထက် ၀င်ငွေရှိပြီး အစိုးရကျောင်းများ၏ ပညာသင်ကြားမှု အခြေအနေကို နားလည်သဘော ပေါက်သော မိဘများမှာ ဈေးနှုန်းသက် သာသည့် နိုင်ငံတကာကျောင်းများကို ရွေးချယ်လာကြသည်။

  ကြံ့ဖွံ့က နေပြည်တော် မဲရုံမှူးများကို ဖုန်း အခမဲ့ပေးနေ
ဧရာဝတီ  September 29, ဧရာဝတီ

 ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ဖွံ့ပါတီ) က ရွေးကောက်ပွဲတွင် နေပြည်တော်ရှိ မဲရုံမှူး၊ ဒုတိယမဲရုံမှူး ရာထူး အပါအ၀င် မဲရုံ ၀န်ထမ်းများ အဖြစ် တာဝန် ထမ်းဆောင်မည့် ပညာရေး ၀န်ထမ်းများနှင့် ရပ်ကွက်အာဏာပိုင်များကို ကျပ် ၁၅ သိန်းတန် ဖုန်းများ အခမဲ့ ချထားပေးလျက်ရှိကြောင်း သတင်းရရှိသည်။

နေပြည်တော် ခရိုင်အတွင်းရှိ မြို့နယ် ၈ ခုတွင် ကြံ့ဖွံ့ပါတီက မဲဆွယ်သည့်အနေဖြင့် ရပ်မိ၊ ရပ်ဘများ၊ ရွေးကောက်ပွဲ ကော်မရှင် အဖွဲ့ဝင်များကို ကျပ် ၁၅ သိန်းတန် CDMA 450 MHz ဖုန်းများ အခမဲ့ချထားပေးခဲ့ပြီး ယခုအခါ မဲရုံမှူး၊ ဒုတိယမဲရုံမှူး အပါအ၀င် မဲရုံဝန်ထမ်းအဖြစ် တာဝန် ထမ်းဆောင်မည့် သူများကိုပါ အဆိုပါ ဖုန်းများ ချထားပေးခြင်းဖြစ်ကြောင်း စုံစမ်း သိရှိသည်။

“မဲရုံးဝန်ထမ်းတွေအကုန်လုံး ၀၉၈၃ နံပါတ်နဲ့ စတဲ့ ၁၅ သိန်းတန် ဖုန်းတွေ ထုတ်ခွင့်ရတယ်။ ဖုန်းအတွက် ပိုက်ဆံ သွင်းစရာမလိုဘူး။ အခမဲ့ ရတာ။ ဖုန်းပြောခအတွက် ကျပ် ၅ သောင်းကြိုသွင်းရတယ်” ဟု မဲရုံဝန်ထမ်းအဖြစ် တာဝန် ထမ်းဆောင်ရမည့် နေပြည်တော် ရေဆင်းစိုက်ပျိုးရေး တက္ကသိုလ်မှ တာဝန်ရှိသူတဦးကပြောသည်။

မဲရုံဝန်ထမ်းများအဖြစ် တာဝန်ယူရမည့် ပညာရေးဝန်ထမ်းများနှင့် သက်ဆိုင်ရာ ရပ်ကွက်အာဏာပိုင် များသည် ခရိုင် ရွေးကောက်ပွဲ ကော်မရှင်က ပို့ချပေးလျက်ရှိသော သင်တန်းများ တက်ရောက်ရသည့်အပြင် ကြံ့ဖွံ့ပါတီက လွှတ်တော် ကိုယ်စားလှယ်လောင်းအဖြစ် အရွေးချယ်ခံမည့်၏ စစ်ဗိုလ်ချုပ်ကြီးများ လာရောက်ချိန်တွင်လည်း ကြိုဆိုရကြောင်း သိရသည်။

“မဲရုံမှူး လုပ်ရမယ်ဆိုပေမယ့် ပြည်ခိုင်ဖြိုးပါတီက ပြိုင်မယ့် လွှတ်တော်ကိုယ်စားလှယ်လောင်းတွေက အထက်လူကြီးတွေ ဖြစ်နေတော့ သူတို့လာရင်ကို အရိုအသေပေးနေရတယ်” ဟု နေပြည်တော်မှ ပညာရေးဝန်ထမ်း တဦးကပြောသည်။

နေပြည်တော်တွင် ကြံ့ဖွံ့ပါတီ၏ လွှတ်တော်ကိုယ်စားလှယ်လောင်း စစ်ဗိုလ်ချုပ်များနှင့်အတူ ယှဉ်ပြိုင် အရွေးချယ်ခံမည့်
တိုင်းရင်းသား စည်းလုံးညီညွတ်ရေးပါတီ (တစည) သည် မဲရုံတိုင်းတွင် မဲမသမာမှုများကို စောင့်ကြည့်မည့် မဲရုံ ကိုယ်စားလှယ် ထားရှိရန် အခက်အခဲ ဖြစ်နေသည်ဟုလည်း ကြားသိရသည်။

“နေပြည်တော်ခရိုင် မြို့နယ် ၈ မြို့နယ်မှာလည်း မဲရုံပေါင်း ရာချီရှိတယ်။ မဲရုံတိုင်းမှာ ကိုယ်စားလှယ်ထားဖို့ လူရှာမရဘူး။
မဲရုံကိုယ်စားလှယ် မထားနိုင်တဲ့ မဲရုံတွေမှာ မဲမသာမှုတွေဖြစ်နိုင်တယ်။ ရှိလည်း ရှိလာနိုင်တယ်” ဟု တစည ပါတီ တာဝန်ရှိသူ တဦးက ဆိုသည်။

နိုင်ငံရေးပါတီကြီး တခုမှ တာဝန်ရှိသူတဦးကလည်း ပါတီက ၀င်ရောက်ယှဉ်ပြိုင်မည့် လွှတ်တော်မဲဆန္ဒနယ်ရှိ မဲရုံတိုင်းတွင်
မဲရုံကိုယ်စားလှယ် ထားရှိရေးမှာ မဖြစ်နိုင်ကြောင်း၊ ရပ်ကွက် ၁ ခုတွင် အနည်းဆုံး မဲရုံ ၃၀ ခန့်ရှိပြီး မြို့နယ်တမြို့နယ်တွင် မဲရုံအရေအတွက် ရာဂဏန်း ရှိသည့်အတွက် မဲရုံတိုင်းကို စောင့်ကြည့်ရန်မဖြစ်နိုင်ကြောင်း ပြောသည်။

“မဲရုံမှူးတွေက သမာသမတ်ကျကျလုပ်ဖို့ မျှော်လင့်တယ်။ မဲရုံမှူးရဲ့ ဂုဏ်သိက္ခာကိုပဲ ယုံကြည်ရတော့မယ်။ မဲရုံမှူးတွေ မမှန်မကန် လုပ်ရင်တော့ မဲရုံကိုယ်စားလှယ် မထားနိုင်တဲ့ပါတီတွေ ရွေးကောက်ပွဲမှာ အရေးနိမ့်နိုင်တယ်” ဟု ၎င်းက ဆိုသည်။

ရန်ကုန်အခြေစိုက် သတင်းထောက်တဦးကမူ မဲရုံမှူးများကို လာဘ်ထိုးသည့် အနေဖြင့် ၁၅ သိန်းတန် ဖုန်းများ အခမဲ့ပေးခြင်းသည် ရွေးကောက်ပွဲတွင် မဲမသမာမှုများ ပြုလုပ်ရန် လာဘ်ထိုးခြင်း ဖြစ်နိုင်ကြောင်း သုံးသပ်သည်။

နေပြည်တော်ခရိုင်တွင် ဇေယျာသီရိမြို့နယ်၊ ဒက္ခိဏသီရိမြို့နယ်၊ ပုဗ္ဗသီရိ မြို့နယ်၊ ဥတ္တရသီရိမြို့နယ်၊
ဇမ္ဗူသီရိမြို့နယ်၊ တပ်ကုန်းမြို့နယ်၊ လယ်ဝေးမြို့နယ်နှင့် ပျဉ်းမနားမြို့နယ်ဟူ၍ စုစုပေါင်း ၈ မြို့နယ်ရှိသည်။

စစ်ရာထူးများမှ အငြိမ်းစားယူထားသော စစ်ဗိုလ်ချုပ်ဟောင်းကြီးများက နေပြည်တော်ခရိုင် မဲဆန္ဒနယ်များမှ ကြံ့ဖွံ့ ပါတီ ကိုယ်စားပြု ရွေးကောက်ပွဲဝင်ကြမည်ဖြစ်ရာ သူရဦးရွှေမန်းက ဇေယျာသီရိမြို့နယ်မှ လည်းကောင်း၊ လက်ရှိ ဝန်ကြီးချုပ် ဦးသိန်းစိန် က ဇမ္ဗူသီရိမြို့နယ်မှ လည်းကောင်း၊ သီဟသူရ ဦးတင်အောင်မြင့်ဦးက ပုဗ္ဗသီရိမြို့နယ်မှလည်းကောင်း၊ ဦးမြင့်လှိုင်က ဒက္ခိဏသီရိမြို့နယ်မှ လည်းကောင်း ပြည်သူ့လွှတ်တော် ကိုယ်စားလှယ်လောင်းများ အဖြစ် အရွေးချယ်ခံကြမည်ဖြစ်သည်။

ရင်းမြစ်။ ။ဧရာဝတီ

ကြံ့ဖွံ့နှင့် တစည မဲရုံကိုယ်စားလှယ် နေ့စားနှင့်ခေါ်

 ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) နှင့် တိုင်းရင်းသား စည်းလုံးညီညွတ်ရေး (တစည) ပါတီ တို့သည် ရွေးကောက်ပွဲ နေ့အတွက် မဲရုံကိုယ်စားလှယ်များ ထားရှိရန် အခကြေးငွေ ပေး၍ ခေါ်ယူ လျက်ရှိကြောင်း သိရသည်။

ကြံ့ဖွံ့ပါတီက ရန်ကုန်တိုင်း ဒေသကြီး အတွင်းရှိ မဲရုံများတွင် ကိုယ်စားလှယ် အဖြစ် ထားရှိရန် တဦးလျှင် ထမင်းကျွေးပြီး နေ့တွက်ခ ကျပ် ၇၀၀၀ ၊ တစညပါတီက ထမင်းကျွေးပြီး နေ့တွက်ခ ကျပ် ၅၀၀၀ နှုန်းဖြင့် အသီးသီး ခေါ်ယူလျက် ရှိကြောင်း သတင်းရရှိသည်။

“ကြံ့ဖွံ့ပါတီနဲ့ တစည ပါတီကတော့ ကျနော်တို့ ရပ်ကွက် တွေထဲမှာ အပြိုင် အဆိုင်ကို ခေါ်နေကြတာပဲ။ လူတွေက ကြံ့ဖွံ့ပါတီ ဆိုရင်တော့ အန္တရာယ် မရှိနိုင်ဘူးပေါ့။ ပိုက်ဆံလည်း ပိုရမယ်ပေါ့။ အဲဒီလို ဖြစ်နေတယ်”ဟု အင်းစိန် မြို့နယ်တွင် နေထိုင်သူ တဦးက ဧရာဝတီသို့ ပြောသည်။

ပါတီအများစုသည် ငွေကြေး အခက်အခဲနှင့် လူထု၏ အကြောက် တရားများကြောင့် မဲရုံကိုယ်စားလှယ် အဖြစ် လုပ်ပေးမည့် သူများ ရှာဖွေရန် ခက်ခဲနေချိန်တွင် အဆိုပါ အင်အားကြီး ပါတီနှစ်ခုက ငွေအင်အားသုံး၍ ခေါ်ယူနေခြင်း ဖြစ်ကြောင်း နိုင်ငံရေး ပါတီများထံမှ သိရှိရသည်။

ဒီမိုကရက်တစ်ပါတီ (မြန်မာ) မှ အထွေထွေ အတွင်းရေးမှူးချုပ် ဒေါ်သန်းသန်းနုက “ပါတီရဲ့ မဲရုံကိုယ်စားလှယ် လုပ်ပေးမယ့် သူက ရှိပါတယ်။ အားလုံး အပြည့်ထားနိုင်ဖို့တော့ ခက်နေတယ်။ လူတွေက ကြောက်ကြတယ်၊၊ နောက်တချက်က ဘတ်ဂျက် အရလည်း ကျမတို့က မဲရုံကိုယ်စားလှယ် တယောက်ကို ဘယ်လောက်ဆိုပြီး ပေးနိုင်မှာ မဟုတ်ဘူး”ဟု ပြောသည်။

နိုင်ငံရေးပါတီ တချို့အတွက် မဲရုံကိုယ်စားလှယ်လောင်းများအဖြစ် အခမဲ့လုပ်ပေးမည့်သူများ ရှိသော်လည်း ကြံ့ဖွံ့ပါတီဝင်များ ကို စိုးရွံ့နေကြကြောင်း ခေတ်သစ်ပြည်သူ့ပါတီ ဥက္ကဋ္ဌ ဦးထွန်းအောင်ကျော်ကလည်း ဆိုသည်။

“လူတွေက ကြံ့ဖွံ့တို့ စွမ်းအားရှင်တို့နဲ့ ပြဿနာဖြစ်မှာ စိုးရိမ်ကြတယ်။ ကျနော်တို့ကတော့ စပြီး စုဆောင်းနေပြီ။ ရသလောက် တော့ ထားမှာပါ။ အားလုံး အပြည့်အစုံထားနိုင်ဖို့ကတော့ မပြောနိုင်သေးပါဘူး”ဟု ဦးထွန်းအောင်ကျော်က ပြောသည်။

ရွေးကောက်ပွဲဝင်မည့် ပါတီပေါင်း ၃၇ ပါတီမှ ကိုယ်စားလှယ်လောင်းများနှင့် တသီးပုဂ္ဂလ ကိုယ်စားလှယ်ပေါင်း ၁၀၀ ကျော် ၀င်ရောက်မည်ဖြစ်ကြောင်း သိရှိရသည်။

သို့သော်လည်း နိုင်ငံရေးပါတီအများစုမှာ အကြောင်းကြောင်းကြောင့် မဲရုံကိုယ်စားလှယ် ထားနိုင်ကြမည် မဟုတ်ဘဲ ကြံ့ဖွံ့ပါတီ နှင့် တစညပါတီတို့ကသာ မဲရုံကိုယ်စားလှယ် လိုသလောက်ထားနိုင်မည့် အနေအထားမျိုးဖြစ်ကြောင်း သိရသည်။

“ကြံ့ဖွံ့ပါတီက မဲရုံကိုယ်စားလှယ်လောင်းတင်မကဘူး၊ သူတို့ပါတီဝင်တွေကိုတော့ စက်တင်ဘာလ ၂၀ ရက်နေ့စပြီး ပါတီရုံး လာတဲ့သူတွေကို တနေ့ ကျပ် ၂၀၀၀ နှုန်းနဲ့ စပေးနေပြီ။ ပြီးတော့ မဲရုံနဲ့ပတ်သက်တဲ့ သင်တန်းလည်း စပေးနေပြီ”ဟု မရမ်းကုန်း မြို့နယ်တွင် နေထိုင်သူတဦးက ပြောသည်။

ရန်ကုန်တိုင်း ကြံ့ဖွံ့ပါတီ စည်းရုံးရေးတာဝန်ခံ ဦးသာဝင်းက ၄င်းတို့ပါတီအနေဖြင့် မဲရုံကိုယ်စားလှယ် ထားရှိရန်အတွက် စီစဉ် ပြီးဖြစ်ကြောင်း၊ စားရေးသောက်ရေးအတွက်လည်း စီစဉ်ပေးထားကြောင်း သိရသည်။

ရင်းမြစ်။ ။ဧရာဝတီ

နိုင်ငံတကာဝေဖန်ချက်ကို ကုလသမဂ္ဂမှာ စစ်အစိုးရဝန်ကြီး တုံ့ပြန်

မြန်မာ့ရွေးကောက်ပွဲတွေဟာ လွတ်လပ်ပြီး တရားမျှတမှာ မဟုတ်ဘူးလို့ နိုင်ငံတကာ အသိုင်းအဝိုင်းက ပြစ်တင် ဝေဖန်နေတာတွေကို မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်း က ကုလသမဂ္ဂ အထွေထွေညီလာခံမှာ ငြင်းဆိုလိုက်ပါတယ်။ လာမဲ့ နိုဝင်ဘာ ၇ ရက်မှာ ကျင်းပမဲ့ ရွေးကောက်ပွဲမှာ တိုင်းရင်းသားပါတီတွေ အပါအဝင် နိုင်ငံရေးပါတီပေါင်း ၃၇ ပါတီ ယှဉ်ပြိုင်မှာ ဖြစ်လို့ ဒါဟာ အားလုံး ပါဝင်ခွင့် ပေးထားတာ ဖြစ်ကြောင်းနဲ့ ရွေးကောက်ပွဲတွေကို စနစ်တကျနဲ့ အောင်မြင်အောင် ဆောင်ရွက်သွားနိုင်မယ်လို့ ယုံကြည်ထားကြောင်း မြန်မာစစ်အစိုးရ နိုင်ငံခြားရေး ဝန်ကြီး ဦးဉာဏ်ဝင်းက အခုလို ပြောဆိုသွားတာ ဖြစ်ပါတယ်။

၆၅ ကြိမ်မြောက် ကုလသမဂ္ဂ အထွေထွေ ညီလာခံတွင် မြန်မာ စစ်အစိုးရ၏ နိုင်ငံခြားရေးဝန်ကြီး ဦးဉာဏ်ဝင်း စက်တင်ဘာ ၂၈ ရက်က မိန့်ခွန်းပြောကြားနေပုံ ဖြစ်ပါသည်။ (Photo: AFP)
“ကိုယ်စားလှယ်ပေါင်း သုံးထောင်ကျော် ဝင်ရောက် ယှဉ်ပြိုင် အရွေးချယ်ခံမှာ ဖြစ်ပါတယ်။ ဒီ ယှဉ်ပြိုင်မှု ပမာဏကို ကြည့်ရင် ရွေးကောက်ပွဲဟာ အားလုံး ပါဝင်မှု ရှိတယ်ဆိုတာ ထင်ရှားပါတယ်။ နိုင်ငံရေး ပါတီများအနေနဲ့ သူတို့ရဲ့ မဲဆွယ် စည်းရုံးမှု လုပ်ငန်းစဉ်များကို စတင် ဆောင်ရွက်နေပြီ ဖြစ်ပါတယ်။ ပြည်သူများအနေနဲ့ သူတို့အတွက် ပိုမို အကျိုးပြုမဲ့ ကိုယ်စားလှယ်လောင်းတွေကို စိတ်ကြိုက် ရွေးဖို့ ဒီမိုကရေစီ အခွင့်အလမ်းများ ရရှိကြမှာ ဖြစ်ပါတယ်။”
ဒါ့အပြင် ရွေးကောက်ပွဲတွေကို လွတ်လပ်ပြီး တရားမျှတအောင်ဆောင်ရွက်ပေးမှာဖြစ်ပြီး၊ ရွေးကောက်ပွဲအပြီး ပေါ်ထွက်လာမဲ့ အစိုးရကိုင်စွဲမဲ့ မူဝါဒကိုလည်း စစ်အစိုးရနိုင်ငံခြားရေးဝန်ကြီးက အခုလို ထည့်သွင်းပြောဆိုခဲ့ပါတယ်။
“ရွေးကောက်ပွဲ အပြီးမှာ ပေါ်ထွန်းလာမဲ့ အစိုးရသစ်ဟာလည်း ကမ္ဘာ့နိုင်ငံအားလုံးနဲ့ ချစ်ကြည် ရင်းနှီးမှုကို ပိုမို ခိုင်မာအောင် ထိန်းသိမ်း မြှင့်တင်ပြီးတော့ ကုလသမဂ္ဂနဲ့လည်း အတူတကွ ပိုမို နီးကပ်စွာ ပူးပေါင်း ဆောင်ရွက်သွားမဲ့ မူဝါဒကို ဆက်လက် ကိုင်စွဲသွားမှာ ဖြစ်ပါတယ်။”
လက်ရှိ တာဝန် ထမ်းဆောင်နေတဲ့ နိုင်ငံခြားရေးဝန်ကြီးက နောင်တက်လာမဲ့ အစိုးရရဲ့ မူဝါဒကို အခုလို ပြောဆိုသွားတာနဲ့ ပတ်သက်လို့ ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရရဲ့ နိုင်ငံခြားရေးဝန်ကြီး ဦးဘိုလှတင့်က အခုလို ဝေဖန်ပြောဆိုပါတယ်။
“နောင်တက်လာမဲ့ အစိုးရကိစ္စကို သူဘာမှ ပြောစရာ အကြောင်းမရှိဘူး။ နောင်တက်လာမဲ့ အစိုးရက ဒါ မျှော်လင့်တယ်ပဲ ပြောရမှာပဲလေ။ ဆိုတော့ သူက နောင်တက်လာမဲ့ အစိုးရ ဒီလိုဖြစ်တယ်ဆိုတော့ သူတို့ ကိုယ်တိုင်ပဲ အစိုးရ ဆက်လုပ်မှာပဲ ဆိုတဲ့ သဘောထားက သူတို့ ဆုံးဖြတ်ပိုင်ခွင့် အာဏာက သူတို့ လက်ထဲမှာပဲ ရှိနေတယ်ဆိုတဲ့ ပုံစံကို ဒါက သူက စစ်ဗိုလ်ချုပ်တွေရဲ့ သဘောထားကို indirectly  ဖော်ပြတာပါပဲ။”
ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကို လွှတ်မပေးပဲ ကျင်းပမဲ့ ရွေးကောက်ပွဲဟာ ယုံကြည်ရမဲ့ ရွေးကောက်ပွဲ ဖြစ်မှာ မဟုတ်ဘူးလို့ ကုလသမဂ္ဂ အတွင်းရေးမှူးချုပ် ကြီးမှူးကျင်းပခဲ့တဲ့  မြန်မာ့ မိတ်ဆွေများ နိုင်ငံများ ဆွေးနွေးပွဲက ပြီးခဲ့တဲ့ တနင်္လာနေ့မှာ ပြောဆိုခဲ့ပါတယ်။ အဲဒီအဖွဲ့မှာ အမေရိကန်နဲ့ ဗြိတိန်နိုင်ငံ ပါဝင်သလို တရုတ်၊ အိန္ဒိယ၊ ထိုင်း၊ စင်ကာပူနဲ့ အင်ဒိုနီးရှားတို့လည်း ပါဝင်ပါတယ်။

သတင်း။ ။RFA

မူးယစ်ဆေးဝါး မှောင်ခိုများ ရွေးကောက်ပွဲ ၀င်မည်

တရုတ်၊ ထိုင်း - မြန်မာ နယ်စပ် ဒေသများတွင် မူးယစ်ဆေးဝါး မှောင်ခို ရောင်းဝယ် နေသူများကို ရွေးကောက်ပွဲတွင် အမတ်များ အဖြစ် ၀င်ရောက် အရွေးခံရန် စစ်အစိုးရက ထောက်ခံမှု ပေးထားကြောင်း ကချင်နှင့် ရှမ်း သုတေသီများက ပြောဆိုသည်။

burmese-policewomanစစ်အစိုးရ နောက်ခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ အမတ်လောင်းများ အဖြစ် ၀င်ရောက် အရွေးခံမည့် ဦးမြင့်လွင်နှင့် ဦးကျော်မြင့် တို့သည် ရှမ်းပြည်နယ် အတွင်း မူးယစ်ဆေးဝါး ရောင်းဝယ် ဖောက်ကား မှုများတွင် ပါဝင် ပတ်သက် နေကြောင်း ထိုင်းနိုင်ငံ ဘန်ကောက်မြို့ နိုင်ငံခြား သတင်းထောက်များ အသင်း ( FCCT) ၌ ယနေ့ ပြုလုပ်သည့် သတင်းစာ ရှင်းလင်းပွဲတွင် သုတေသီများက ဆိုသည်။

“ဘိန်းကုန်သည်၊ ဘိန်းရာဇာ တွေထဲက ဦးကျော်မြင့်က နမ့်ခမ်းမှာ၊ ဦးမြင့်လွင်နဲ့ ဦးထီခွန်မြတ်က ကွတ်ခိုင်မှာ၊ ဦးကျင်မိုင်က မူဆယ်မှာ၊ သူတို့ အားလုံး ကြံ့ဖွံ့ပါတီကနေ ရွေးကောက်ပွဲဝင်ကြမယ်။ ရှမ်းပြည်နယ်မှာ ဘိန်းစိုက်ပျိုးနေတဲ့ ဒေသ အတော် များများဟာ စစ်အစိုးရ ထိန်းချုပ်ထားတဲ့ ဒေသတွေပါပဲ” ဟု ရှမ်း သုတေသီနှင့် သတင်းစာသမား တဦးဖြစ်သူ ဦးခွန်စိုင်းက ပြောသည်။

ယခင်က ဘိန်းကို ရှမ်းပြည်နယ်တွင် ၀တပ်ဖွဲ့ ဝင်များနှင့် ငြိမ်းချမ်းရေးအဖွဲ့ များက အဓိက စိုက်ပျိုးထုတ်လုပ် ခဲ့သော်လည်း ယခုနောက်ပိုင်းတွင် စစ်အစိုးရ ဖွဲ့ စည်းပေးထားသော ပြည်သူ့စစ်များက ပိုမို စိုက်ပျိုးထုတ်လုပ်လာကြကြောင်း၊ မူးယစ်ဆေးဝါး ရောင်းဝယ်ဖောက်ကားမှုတွင် စစ်တပ်၏ ပါဝင်ပတ်သက်မှုသည် “၀” ပြည် သွေးစည်းညီညွတ်ရေး တပ်မတော် (UWSA) ၏ ပါဝင်ပတ်သက်မှုထက် ၂ ဆ ပိုများကြောင်းလည်း ၎င်းက ဆိုသည်။

ဆက်လက်၍ ဦးခွန်စိုင်းက မူးယစ်ဆေးဝါးများသည် ၀ ဒေသမှ ၀င်ရောက် လာသည့် ပုံစံမျိုး အထင်မှားစေရန် မူးယစ်ဆေးဝါး ရောင်းဝယ်သူ များက ဟန်ဆောင်ကြကြောင်း၊ UWSA ၏ တုံ့ပြန်မှုကို ကြောက်ရွံ့သည့်အတွက် ယင်းရောင်းဝယ်ဖောက်ကားသူများက အခက်အခဲ အတားအဆီးများကို အလွယ်တကူ ဖြတ်ကျော်နိုင်ကြကြောင်း ပြောသည်။

ကုလသမဂ္ဂ မူးယစ်ဆေးဝါးနှင့် ရာဇဝတ်မှု ဆိုင်ရာရုံး၏ အထောက်အပံ့ဖြင့် ၁၀ စုနှစ် တခုကြာ မူးယစ်ဆေးဝါး တိုက်ဖျက်ရေး လုပ်ငန်းများကို လုပ်ဆောင်နေသော်လည်း မူးယစ်ဆေးဝါး စိုက်ပျိုးထုတ်လုပ်မှုသည် ပြည်နယ်အတွင်း ပိုမို များပြား လာကြောင်း ရှမ်းပြည်နယ် မူးယစ်ဆေးဝါးစောင့်ကြည့်ရေး ပြုလုပ်နေသည့် စာစောင်တစောင်က ဆိုသည်။

ရှမ်းပြည်နယ်တွင် တပ်ရင်းပေါင်း ၁၅၀ အထိ ထပ်မံတိုးချဲ့ထားသော်လည်း ပြည်နယ်ရှိ မြို့နယ် ၅၅ ခုအနက် ၄၆ မြို့နယ်တွင် ဘိန်းစိုက်ပျိုးမှု ပိုမို တိုးပွားလာကြောင်း၊ တလ လစာ ၂၀၀၀၀ ကျပ်ခန့် ၀င်ငွေရှိသော မြန်မာစစ်သားများအနေဖြင့် ဘိန်း စိုက်ပျိုးရေးလုပ်ငန်းမှ အကောက်အခွန်များ ရယူပြီး ထိုင်းနိုင်ငံအတွင်းသို့ မူးယစ်ဆေးဝါးများ တင်သွင်းသည့် လုပ်ငန်းများတွင် ပါဝင် ပတ်သက်မှုရှိနေကြောင်း ထိုင်းနိုင်ငံ မူးယစ်ဆေးဝါး ထိန်းချုပ်ရေး ဘုတ်အဖွဲ့က ဆိုသည်။

“ပလောင် အမျိုးသား ၈၀ ရာခိုင်နှုန်းလောက် ဘိန်းကို သုံးစွဲတယ်။ ၁၄ နှစ် ၁၅ နှစ်အထက် လူငယ်အားလုံးလိုလို စွဲနေတယ်” ဟု ပလောင်အမျိုးသမီး အစည်းအရုံးမှ လွေးအေးနန်းက ဆိုသည်။

ရှမ်းပြည်နယ်ရှိ မူးယစ်ဆေးဝါးကုန်ကူးမှုများတွင် စစ်တပ်မှ ပါဝင် ပတ်သက်မှုများနှင့် ပတ်သက်၍ မကြာသေးမီက ပလောင် အမျိုးသမီး အဖွဲ့က ထုတ်ဝေသည့် သတင်းမှတ်တမ်းတွင် ထောက်ပြထားသည်။

ကချင်ပြည် ဒီမိုကရေစီသစ် တပ်မတော် (NDAK) ၏ ခေါင်းဆောင်ဟောင်း ဦးဇခုန်တိန်ယိန်း ကလည်း ကချင်ပြည်နယ်တွင် တသီးပုဂ္ဂလ ကိုယ်စားလှယ်အဖြစ် ၀င်ရောက် ယှဉ်ပြိုင်မည် ဖြစ်ကြောင်း၊ မြန်မာနိုင်ငံတွင် ကချင်ပြည်နယ်သည် ဘိန်းသုံးစွဲမှု အမြင့်မားဆုံး ပြည်နယ်ဖြစ်ကြောင်း ကချင် သတင်းဌာန၏ အယ်ဒီတာ လဖိုင် နော်ဒင်းက ဆိုသည်။

“ရွှေမှော်၊ ကျောက်မှော် သစ်ထုတ်လုပ်ရေးမှာ လုပ်တဲ့လူတိုင်းက ဘိန်းကို သုံးစွဲကြတယ်။ ဘိန်းစားတာက အောက်ပြည်မှာ ကွမ်းဝါးသလိုပဲ ယဉ်ကျေးမှု တရပ်လို ဖြစ်လာတယ်” ဟု ၎င်းက ပြောသည်။

၂၀၀၄ ခုနှစ် နောက်ပိုင်း ကချင်ပြည်နယ်၏ ပညာတတ်များ မွေးထုတ်ရာ မြစ်ကြီးနား တက္ကသိုလ်တွင် ဘိန်းကို လွတ်လပ်စွာ ၀ယ်ယူနိုင်ကြောင်း၊ မူးယစ်ဆေးစွဲနေသည့် ကျောင်းသား ၃၀၀၀ ခန့် ရှိနေကြောင်း ကချင်ပြည်နယ်ရှိ ဘာသာရေး အဖွဲ့အစည်းများက ခန့်မှန်းထားသည်ဟု သိရသည်။

“၂၀၀၄ ခုနှစ် နောက်ပိုင်းမှာ ပြင်သစ်နိုင်ငံ အခြေစိုက် နယ်စည်းမခြား ဆရာဝန်များအဖွဲ့က မြစ်ကြီးနားတက္ကသိုလ်ရဲ့ အိမ်သာတွေထဲမှာ ဘိန်းထိုးပြီးတဲ့ ဆေးထိုးအပ်တွေကို ထည့်ဖို့ နေရာလေးတွေ စီစဉ်ပေးတယ်။ အဲဒီလောက်အထိ အခြေအနေ ဆိုးရွား လာတယ်” ဟု လဖိုင် နော်ဒင်းက ဆိုသည်။

တိုင်းရင်းသားလက်နက်ကိုင်များအနေဖြင့် စစ်အစိုးရကို ပြန်လည်တိုက်ခိုက်ရန်အတွက် လက်နက်များ ၀ယ်ယူနိုင်ရန်  မူးယစ်ဆေးဝါးရောင်းဝယ် ဖောက်ကားမှုတွင် ပါဝင်လာကြောင်းလည်း သိရသည်။

ရင်းမြစ်။ ။ဧရာဝတီ

Saturday, September 25, 2010

ဒေါ်အောင်ဆန်းစုကြည် မဲပေးခွင့်ရပြီ

  ဒေါ်အောင်ဆန်းစုကြည်ကို လာမည့် ရွေးကောက်ပွဲတွင် မဲပေးခွင့်ပြုသည့် စာရင်းကို ဗဟန်းမြို့နယ် အရှေ့ ရွှေတောင်ကြား ရပ်ကွက် ကော်မရှင် ရုံးတွင် ဖော်ပြထားကြောင်း သိရသည်။

ကော်မရှင်ရုံးရှိ မဲပေးပိုင်ခွင့်ရှိသူများ စာရင်းတွင် ဒေါ်အောင်ဆန်းစုကြည်နှင့် အတူ နေအိမ် အကျယ်ချုပ်ကျခံနေရသည့် ဒေါ် ခင်ခင် ၀င်းနှင့် သမီးဖြစ်သူ မ၀င်းမမတို့လည်း ပါဝင်ကြောင်း ရပ်ကွက်ကော်မရှင်ရုံးသို့ သွားရောက် ကြည့်ခဲ့သူတဦးက ဧရာဝတီသို့ ပြော သည်။

“အရင်ရက်က မရှိဘူး၊ ဒီနေ့ သွားကြည့်တော့ စာရွက် တရွက်နဲ့ ဒေါ်အောင်ဆန်း စုကြည်တို့ နာမည်တွေက သီးသန့် ကပ်ထားတာ” ဟု ၎င်းက ဆိုသည်။

ထိုစာရွက်တွင် နေအိမ် အကျယ်ချုပ် ကျခံနေရသည့် စစ်ထောက်လှမ်းရေး အကြီး အကဲဟောင်း ဗိုလ်ချုပ်ကြီး ခင်ညွန့်၏သား ဒေါက်တာ ရဲနိုင်ဝင်း၏ နာမည်လည်း ပါဝင်ကြောင်း၊ ၎င်းတို့ ၄ ဦးကို စာရွက် တရွက်ဖြင့် သီးသန့် ကပ်ပေးထားခြင်း ဖြစ်ကြောင်း ရပ်ကွက် ကော်မရှင်ရုံးသို့ သွားရောက် ကြည့်ခဲ့သူက ဆက်လက် ပြောသည်။

ဒေါ်အောင်ဆန်း စုကြည်၏ မဲပေးခွင့်ရှိသူ နံပါတ်မှာ ၂၈၃၃ ဖြစ်ပြီး ဒေါက်တာ ရဲနိုင်ဝင်း မှာ ၂၈၃၆ ဖြစ်သည်။

ရွေးကောက်ပွဲတွင် မဲပေးနိုင်သူများ စာရင်းကို ရွေးကောက်ပွဲ ကော်မရှင်က ပြီးခဲ့သည့် စက်တင်ဘာ ၂၀ ရက်နေ့က ထုတ်ပြန်ခဲ့ခြင်း ဖြစ်သည်။

ရန်ကုန်တိုင်း ရွေးကောက်ပွဲ ကော်မရှင်ရုံးမှ တာဝန်ရှိသူ တဦးကမူ မဲပေးခွင့်ရှိသူများ စာရင်းတွင် ဒေါ်အောင်ဆန်းစုကြည် ပါဝင် ကြောင်း၊ စတင်ဖော်ပြစဉ်က လူပေါင်း ၄၀၀ သာ ဖော်ပြနိုင်သည့် အတွက် မပါဝင်ခြင်း ဖြစ်ကြောင်း ဧရာဝတီသို့ ပြောသည်။

မဲပေးခွင့်ရှိသူ စာရင်းတွင် ဒေါ်အောင်ဆန်းစုကြည် ပါဝင်သည်ဟု ဆိုသော်လည်း ဒေါ်အောင်ဆန်းစုကြည် အပါအ၀င် ၎င်းတို့ ၄ ဦး သာ သီးသန့်ကပ်ထားသည့် အတွက် နောက်ဆက်တွဲ စာရင်းသာ ဖြစ်နိုင်ကြောင်း သွားရောက်ကြည့်ရှု့ခဲ့သူ ဆိုသည်။

စက်တင်ဘာ ၂၀ ရက်နေ့ ထုတ် AP သတင်းတွင်မူ ဒေါ်အောင်ဆန်းစုကြည် အပါအ၀င် အတူနေသူ ဒေါ်ခင်ခင်ဝင်းနှင့် သမီးဖြစ်သူ မ၀င်းမမတို့ မဲပေးခွင့် စာရင်းတွင် မပါဝင်ဟု ဖော်ပြထားသည်။

ယခုနှစ် ရွေးကောက်ပွဲသည် ၁၉၉၀ တွင်ကျင်းပခဲ့သည့် အထွေထွေရွေးကောက်ပွဲအပြီး နှစ်ပေါင်း ၂၀ အတွင်း ကျင်းပမည့် ပထမဆုံး ရွေးကောက်ပွဲဖြစ်သည်။

ဒေါ်အောင်ဆန်းစုကြည် ဦးဆောင်သည့် အမျိုးသား ဒီမိုကရေစီအဖွဲ့ချုပ်(NLD) က ၁၉၉၀ ရွေးကောက်ပွဲတွင် အနိုင်ရခဲ့သော်လည်း စစ်အစိုးရက အသိအမှတ်မပြုခဲ့သည့်အပြင် ဒေါ်အောင်ဆန်းစုကြည် ကိုလည်း ပြီးခဲ့သည့် ၂၁ နှစ်တာ ကာလ အတွင်း ၁၅ နှစ်ခန့် နေအိမ် အကျယ်ချုပ် ချထားခဲ့သည်။


ယခုနှစ် မတ်လတွင် အစိုးရက ထုတ်ပြန်ခဲ့သော ရွေးကောက်ပွဲ ဥပဒေများ၌ ပြစ်ဒဏ် ကျခံနေရသူများသည် ရွေးကောက်ပွဲ တွင် ဝင်ရောက်ယှဉ်ပြိုင်ခွင့် မရှိကြောင်း၊ မဲပေးပိုင်ခွင့် မရှိကြောင်း ပြဌာန်းထားသည်။

လာမည့် ရွေးကောက်ပွဲသည် ၁၉၆၂ ခုနှစ်မှ စတင်ခဲ့သည့် စစ်အာဏာရှင် စနစ်ကို ဆက်လက် အသက်သွင်းမည့် ရွေးကောက်ပွဲ  သာဖြစ်သည်ဟု လေ့လာသူများက ပြောဆိုကြောင်းလည်း AP သတင်းတွင် ပါရှိသည်။

ဒေါ်အောင်ဆန်းစုကြည်သည် နေအိမ်အကျယ်ချုပ်မှ လွတ်မြောက်ရန် ၃ လ အလို ၂၀၀၉ ခုနှစ် သြဂုတ် ၁၁ ရက်နေ့တွင် အမေရိကန် နိုင်ငံသား ဂျွန် ဝီလျံ ယက်ထော နေအိမ်အတွင်းသို့ ဝင်ရောက်မှုဖြင့် နေအိမ်အကျယ်ချုပ် ဥပဒေကို ချိုးဖောက်သည် ဟု ဆိုကာ ထောင်ဒဏ် ၃ နှစ် ထပ်မံ ချမှတ်ခံခဲ့ရသည်။ ထို့နောက် စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ အမိန့် ဖြင့် နေအိမ် အကျယ်ချုပ် ၁၈ လ သို့ လျှော့ချခဲ့သည်။

စစ်အစိုးရက ၁၉၈၈ တွင် အာဏာရယူပြီးနောက် ၁၉၇၄ အခြေခံဥပဒေကို ၂၀၀၈ အခြေခံ ဥပဒေဖြင့် အစားထိုးခဲ့သည်။ သို့သော် ဒေါ်အောင်ဆန်းစုကြည်ကို စွဲဆိုရာတွင်မူ အခြေခံဥပဒေဟောင်းကို အသုံးပြုထားသဖြင့် တရားမဝင်ဟု အမေရိကန် နိုင်ငံ ဝါရှင်တန် မြ်ို့အခြေစိုက် Freedom Now ဥပဒေ ရေးရာ အဖွဲ့က ယခုလ ၁၅ ရက်နေ့တွင် ပြောဆိုထားသည်။

မြန်မာ အစိုးရ၏ တည်ဆဲ ဥပဒေများအရ ၂၀၁၀ ခုနှစ် နိုဝင်ဘာလ ၁၃ ရက်နေ့တွင် ဒေါ်အောင်ဆန်းစုကြည် လွတ်မြောက် ရမည် ဖြစ်ကြောင်းလည်း Freedom Now က ကြေညာချက် ထုတ်ပြန်ထားသည်။

သတင်း။ ။ဧရာဝတီ

Friday, September 24, 2010

ရင့်ကျက်လွတ်လပ်စိတ်နဲ့ ယုံကြည်ခြင်း

       လူတိုင်းလူတိုင်းမှာ ယုံကြည်တာ တခုတော့ ရှိတတ်ကြတယ်။ အချို့ဆိုရင် နှစ်ခု၊ သုံးခုလောက်ကို ရှိတတ်ကြတယ်။ ကိုယ့်ကိုယ်ကိုယ် ပြန်ဆန်းစစ်ကြည်ပါ။ ငါ ဘာကိုယုံသလဲ၊ ဘာတွေကို ယုံသလဲဆိုတာကို။ လူတိုင်းနီးပါးလောက် ဘာသာတရားကို ယုံကြည်တယ်။ အများစုက ကိုးကွယ်တယ်။ လူတချို့ဟာ ဝါဒတခုခုကို ယုံကြည်တယ်၊ တချို့က ကိုးကွယ်တယ်။ တချို့က အနုပညာ၊ တချို့က သုတေသန၊ တချို့က နိုင်ငံရေး။ ဒီနေရာမှာ ဝါသနာပါတာနဲ့ ယုံကြည်တာဟာ ဆက်စပ်နေတတ်ပါတယ်။ ငယ်ငယ်က ဖတ်ဖူးတဲ့ ဝတ္ထုတပုဒ်မှာ ငါ့ဘဝတခုလုံး အနုပညာထဲ မြှုပ်နှံထားတယ် ဆိုတဲ့ စာကြောင်းလေး ပါတာကို မှတ်မိနေတယ်။ ဘဝတခုလုံးကို မြှုပ်ပြီး ဝါသနာပါတာဟာ ယုံကြည်တာလို့ပြောရင် သဘောတူနိုင်မလား။

ကျနော့် အမြင်နဲ့ပြောရရင် ယုံကြည်ခြင်းဆိုတာ ကိုယ့်စိတ်မှာ မှန်တယ်လို့ သတ်မှတ်လက်ခံပြီး စွဲစွဲလမ်းလမ်း လုပ်ကိုင်ဆောင်ရွက်၊ ကျင့်သုံး အကောင်အထည်ဖေါ်တာကို ခေါ်တယ်လို့ထင်တယ်။ ကိုယ်နဲ့ တခြားလူ တဦးချင်းတွေနဲ့ တူရင်တူမယ်၊ တူချင်မှလည်းတူမယ်၊ ဒါပေမဲ့ ကိုယ့်စိတ်ထဲမှာ ဟုတ်တယ် မှန်တယ်၊ လုပ်ရမယ်၊ လုပ်ကို လုပ်ရမယ်လို့ စွဲမှတ်နေတာမျိုးပါ။ ကိုယ့်ယုံကြည်မှုဟာ အနည်းဆုံးတော့ ကိုယ့်အတွက် စိတ်ကျေနပ် နှစ်သက်မှုရဖို့ လိုအပ်ပါတယ်။ တဆင့်ချင်းပြောရရင် ကိုယ့်မိသားစုနဲ့ မိတ်ဆွေ သူငယ်ချင်းတွေ အတွက်၊ ကိုယ့်လူ့အဖွဲ့အစည်းအတွက်၊ ကမ္ဘာလောကကြီးအတွက် စိတ်ကျေနပ်နှစ်သက်မှု (စိတ်ချမ်းသာမှု) ရအောင်လုပ်နိုင်ရင် ပိုမကောင်းပေဘူးလား။

ငယ်တဲ့အရွယ်ယုံလွယ်လွယ်

ကျနော်တို့ ကလေးဘဝတုန်းက ဘယ်ပုံ ဘယ်နည်းနဲ့ယုံခဲ့ကြသလဲဆိုတာ အခုအရွယ်ရောက်လာတဲ့အခါ ပြန်လှည့်ကြည့်ရင် မြင်ရပါပြီ။ “ဟောဒါက ဖေဖေ၊ ဒါက မေမေ၊ သူက မမ၊ သူက ကိုကို” စသည်ဖြင့် ကြီးတဲ့သူ တွေက ပြောသမျှကို သိတတ်စ အရွယ်ကတည်းက ယုံမှတ်ခဲ့ကြတာ၊ မှတ်မိအောင် အထပ်ထပ်အခါခါ ပြောတော့(သင်တော့) ယုံခဲ့တာတွေ အများကြီး။ ငယ်သေးတော့ ကိုယ့်ထက်ကြီးတဲ့သူတွေ (ဘယ်သူမဆို) က ပြောသမျှကို အမှန်ထင်ပြီး ယုံခဲ့တာ။ “မကိုင်နဲ့ ပူလိမ့်မယ်” ဆိုလည်း ယုံလိုက်တာပဲ။ “ဒေဝေါကြီး ကိုက်လိမ့်မယ် မလုပ်နဲ့” ဆိုပြီး ခြောက်လှန့် ဟန့်တားရင်လည်း ကြောက်ကြောက်နဲ့ ထပ်မလုပ်ရဲဘူး။ “ဒီနေရာက ညဆို သရဲခြောက်တယ်” လို့ပြောရင်လည်း သရဲဆိုတာ ချိုနဲ့ အမြီးနဲ့လား၊ အထက်အောက် ဆင်တူ ဝတ်ထားသူလား ဆိုတာ မြင်ဖူးတာလည်း မဟုတ်ဘဲနဲ့ ကြောက်ခဲ့ကြတာပါပဲ။

ကစားဖေါ်၊ ကစားဖက် သူငယ်ချင်းတွေက ပြောရင်လည်း ယုံလိုက်တာပဲ။ အစ်ကို အရွယ် အစ်မအရွယ်က ပြောလိုက်ရင်လည်း ယုံလိုက်တာပဲ။ လမ်းထဲရပ်ကွက်ထဲက ဦးလေးအရွယ်၊ အဒေါ်အရွယ်တွေက ပြောရင်လည်း ယုံလိုက်တာပဲ။ ကျောင်းနေတော့လည်း ဆရာ၊ ဆရာမတွေကပြောရင် ပိုတောင် ယုံသေးတယ်။ အဲဒီအရွယ်မှာ မိဘတွေစကားထက် ဆရာရဲ့စကားက ပိုအောင်တယ်။ ကိုယ်သဘောကျတဲ့ ကိုယ်ခင်တဲ့ လူတွေပြောတာဆိုပြီး ပိုပြီးတော့တောင် ယုံလိုက်သေးတာ။

ကျနော့်ရဲ့ ငယ်ဘဝက ယုံကြည်ပုံတွေဟာ အဲဒီလို စခဲ့တာ။ မှားသလား မှန်သလား မခွဲခြားတတ်သေးတဲ့ အရွယ်မို့ ပြောတဲ့သူတွေရဲ့ စကားဟာ တကယ့်ကိုယ်တွေ့ ဟုတ်လား၊ မဟုတ်ဘူးလား ဆိုတာလည်း မသိ၊ တကယ့်ကို စနစ်တကျ လေ့လာပြီး ပြောတာဟုတ် မဟုတ်လည်း မသိ၊ ယုတ္တိရှိမရှိ၊ သဘာဝကျမကျ၊ အယူသီးတာ ဟုတ်မဟုတ် ပါးစပ်ထဲ တွေ့ကရာ ပြောလိုက်တာလား ဆိုတာလည်း ခွဲခြားပြီးမသိ။ မှတ်မိခဲ့တာကတော့ လူကြီးတွေပြောသမျှ ဝေဖန်သုံသပ်မှု မရှိဘဲ အလုံးစုံ ယုံကြည်ခဲ့တာပါ။

ဝေဖန်သုံးသပ်ရအောင်လည်း ကိုယ်က ချာတိတ်၊ ငချွတ် အတွေ့အကြုံ ဆိုတာလည်းမရှိ၊ ဝေဖန်သုံးသပ်တယ်ဆိုတဲ့ စကားလုံးလည်း မကြားဖူး၊ ကြားဖူး၊ မြင်ဖူးရင်တောင် အဓိပ္ပာယ် ဆိုလိုချက်ကို သိနိုင်မယ့်အရွယ်မှ မဟုတ်တာ။ ဒီတော့လည်း အယုံလွယ်ခဲ့တာ ဘာဆန်းတာမှတ်လို့။

သိသမျှလေးကို အမှန်ထင်

ဒီလိုနဲ့ အရွယ်ရောက်လာပြီး လူပျိုပေါက်ကလေး ဖြစ်လာပြီပေါ့၊ ကိုးတန်း၊ ဆယ်တန်းလောက် ရောက်တော့ ဟိုနည်းနည်း ဒီနည်းနည်းနဲ့ စာလေးပေးလေး မတောက်တခေါက် ဖတ်ဖူးလာတယ်။ ဒီအခါမှာ ငယ်ငယ်တုန်းက ယုံခဲ့တာတွေကို ပြန်စဉ်းစားကြည့်ပြီး လက်ခံနိုင်တဲ့ဟာကို ဆက်ပြီး ယုံတယ်။

ကိုယ်လက်မခံနိုင်တဲ့ဟာဆိုရင် မယုံတော့ဘူး ဖြစ်လာတယ်။ အဲဒီ အရွယ်တုန်းကတော့ သူများနဲ့ မတူတဲ့ စဉ်းစားပုံမျိုး ကြည့်ပုံ မြင်ပုံမျိုး ဆိုရင် သိပ်သဘောကျတာ၊ ကိုယ်တိုင်ကိုက စိတ်ထဲမှာ ထူးခြားချင်တာ သူများနဲ့ မတူချင်တာ၊ ကိုးလိုးကန့်လန့် လုပ်ချင်နေတာကိုး။ အဲဒီ စိတ်နဲ့ စာတွေဖတ်၊ ကိုယ့်လိုလူတွေ တဖြည်းဖြည်းတွေ့လာ၊ ကိုယ်ဖတ်ထားတာတွေ ကိုယ့်အမြင်တွေကို သူတို့တတွေနဲ့ ပြောကြ၊ ဆွေးနွေးကြ၊ ငြင်းခုန်ကြနဲ့ အသက်က ငယ်လည်းငယ်၊ စိတ်ဓာတ်ကလည်း တက်ကြွနေတဲ့အချိန်ဆိုတော့ ကိုယ့်သူငယ်ချင်းအချင်း သဘောတူလိုက်ကြတာကိုပဲ အမှန်တရားလို့ ထင်လိုက်ကြတာပါ။

ဆယ့်ခြောက်နှစ် ဝန်းကျင်လောက်ကနေစပြီး အမှန်တရားဆိုတာကို ရှာလိုက်ရတာ ရှာရင်းရှာရင်းနဲ့ လူငယ်သဘာဝအတိုင်း အစဉ်အလာတွေ ဆန့်ကျင်ချင်တာ၊ လူ့အဖွဲ့အစည်း အပေါ် မကျေနပ်တာ၊ အယူအဆ ဒဿနသစ်ကို ရှာကြည့်ချင်တာ၊ ကိုယ့်ဒဿနနဲ့ လောက လူ့အဖွဲ့အစည်းကို ပြောင်းလဲပစ်ချင်တာ၊ အများအကျိုးကို ထမ်းရွက်ချင်တာ၊ ခြစားနေတဲ့ စာရိတ္တတွေကို ပယ်ဖျောက်ပစ်ချင်တာ၊ ဘဝပန်းတိုင်ကို ချမှတ်ဖြစ်တာ၊ ဝါသနာပါတာကိုပဲ တစိုက်မတ်မတ် လုပ်ချင်တာ အစရှိသဖြင့် ရင်ထဲ ဖြစ်တည်မှုတွေ အများကြီး ရှိလာတော့တာပါပဲ။

ကြီးလာတော့လည်း ယုံတာပါပဲ

ဒီလိုနဲ့ အရွယ်ရောက်လာ ရည်းစားထားကြ အိမ်ထောင်ကျကြ၊ သားသမီးတွေ မွေးလာကြနဲ့ လူ့ဘဝရဲ့ ဖြစ်ရိုး ဖြစ်စဉ်အတိုင်း ဖြစ်ခဲ့ကြတယ်။ မိသားစုထဲမှာ ဆွေမျိုးအသိုင်းအဝန်းကြားမှာ ကိုယ်က ပြောရဆိုရ ညွှန်ပြရမယ့် နေရာကို ရောက်မှန်းမသိရောက်လာကြတယ်။ ငယ်ငယ်တုန်းကလို သူများ ပြောတာကို ယုံပြီး အဲဒီ ဗဟုသုတလောက် အသိတရားလောက်နဲ့ ငယ်တဲ့လူတွေကို ပြောလို့ သင့်ပါရဲ့လား။ အဲဒီအဆင့်နေရာမှာ လူတွေရဲ့ အမျိုးအစားတွေ ကွဲလာပါတော့တယ်။

ပထမ တမျိုးကတော့ ဘာမှ လေ့လာ ဆည်းပူးခြင်းလည်းမရှိ ဝေဖန်ပိုင်းခြားချင်တဲ့ သဘောထား အမြင်လည်း မရှိတဲ့ ပုဂ္ဂိုလ်တွေ။ အဲဒီ သူတွေဟာ ငယ်ငယ်တုန်းကလိုပဲ သူများပြောတာကို ယုံပြီး ယုံတဲ့အတိုင်း ပြန်ပြော တတ်သူတွေ ဖြစ်လာကြတယ်။ သူတို့ကို ပြောတဲ့လူက တလွဲတချော်တွေ အမှားအယွင်းတွေ ပြောလို့လည်း ပြောမှန်းမသိဘဲ အဲဒီစကားတွေကို တရားလိုမှတ်ပြီး ကျင့်သုံးကြသူတွေပါပဲ။ ကိုယ့်ပတ်ဝန်းကျင်မှာ ရှာရင် တွေ့နိုင်ပါတယ်။

ဒုတိယ အမျိုးအစားကတော့ စာတော့ အတန်အသင့်ဖတ်တယ်၊ အတန်းပညာလည်း ဘွဲ့ရသူ ဖြစ်ချင် ဖြစ်မယ်။ ဝတ်ပုံစားပုံ နေပုံထိုင်ပုံကလည်း ခေတ်မီသူ ဖြစ်ချင်ဖြစ်မယ်။ ဒါပေမဲ့ အဲဒီ ပုဂ္ဂိုလ်တွေက သူတို့ဖတ်တာ လေ့လာတာ နားထောင်တာတွေကို ဆင်ခြင်သုံးသပ်တာမျိုး မလုပ်ဘဲ သိရင် သိတဲ့အတိုင်း ကြားရင် ကြားတဲ့ အတိုင်း စာထဲတွေ့ရင် တွေ့တဲ့အတိုင်း လက်ခံယုံကြည်လိုက်ကြတဲ့သူမျိုးတွေ။

အဲဒီလို လူမျိုးတွေကလည်း ပထမ အမျိုးအစားနဲ့ သိပ်ကွာတဲ့သူတွေ မဟုတ်ဘူး။ ပညာတတ်တာ၊ ရာထူးရှိတာ ပိုက်ဆံရှိတာပဲ ကွာတယ်။ စဉ်းစားပုံ ကြည့်မြင်ပုံတွေက အစဉ်အလာအတိုင်း စာအုပ်ကြီးအတိုင်း ရှေးရိုးစွဲပုံစံနဲ့ ဘိုးတော်ဆိုလည်း ကိုးကွယ်လိုက်တာပဲ။ နတ်ကနားပွဲဆိုလည်း ပေးလိုက်တာပဲ။

ဗေဒင်ဆရာက ဘာလုပ်ညာလုပ်ဆိုလည်း လုပ်လိုက်တာပဲ။ ဒီလိုလူစားတွေကိုလည်း ကိုယ့်ပတ်ဝန်းကျင်မှာ ရှာတွေ့နိုင်ပါတယ်။

တတိယ အမျိုးအစားကတော့ ဖတ်မယ်၊ မှတ်မယ် လေ့လာမယ်၊ မြင်တာ ကြားတာ သိတာတွေကို ဝေဖန် သုံးသပ်မယ်။ ခွဲခြမ်းစိတ်ဖြာမယ် နှိုင်းယှဉ်စဉ်းစားမယ်။ လက်တွေ့ စမ်းသပ်လို့ရရင် လက်တွေ့ လုပ်ကြည့်မယ်။ ရှိနေတဲ့ အခြေအနေနဲ့ စပ်ဟပ်ကြည့်မယ်။

ဘယ်လို ပုဂ္ဂိုလ်မျိုး ပြောတာပဲဖြစ်ဖြစ် အလွယ်တကူ လက်မခံဘဲ ဝေဖန် သုံးသပ်ပြီး အခြေအနေနဲ့ ကိုယ့်သဘောထားနဲ့ ကိုက်ညီမှ လက်ခံမယ်ဆိုတဲ့ ပုဂ္ဂိုလ်မျိုးတွေ။ အဲဒီလို လူမျိုးတွေဟာ သူတို့ရဲ့ ပတ်ဝန်းကျင် အသိုင်းအဝန်းမှာ လူထူးလူဆန်းအနေနဲ့ အကြည့်ခံရနိုင်တယ်။ ပုဒ်ထီး ပုဒ်မ တပ်ပြီး ကဲ့ရဲ့ရှုတ်ချခံရတတ်တယ်။ လူ့ဂွစာ တယောက်အနေမျိုး သတ်မှတ်ခံရတတ်တယ်။ သူက အစဉ်အလာ ကြည့်ပုံ၊ မြင်ပုံ၊ တွေးပုံ၊ လက်ခံကျင့်သုံပုံတွေနဲ့ ကွဲလွဲနေတာကိုး။

စတုတ္ထ အမျိုးအစားကတော့ ယေဘုယျ ကြည့်လိုက်ရင်တတိယ အမျိုးအစားလို့ ထင်စရာရှိတယ်။ လေ့လာမှု၊ သုံးသပ်ဝေဖန်မှု၊ အများကြည့်သလို မကြည့်မှု၊ အခြေအနေနဲ့ စပ်ဟပ်ကြည့်ပြီးမှ လက်ခံမှု ဘယ်သူတွေက ဘယ်လိုပဲပြောပြော စဉ်းစားပြီးမှ ငါယုံကြည်လက်ခံမယ်ဆိုတဲ့ လူမျိုးတွေပါပဲ။ ဒါပေမဲ့ အဲဒီလို လူတွေမှာ သူတို့ လုံးဝယုံကြည်လက်ခံလိုက်တဲ့ ပုဂ္ဂိုလ်ရဲ့ စကားဆိုရင် တရားလို သဘောထားပြီး သာမန်လူတွေ ဘာသာတရားကို ကိုးကွယ်သလိုမျိုး ကိုးကွယ်လိုက်တာ။ “ဝေဖန်ရင် အပြစ်ရှိတယ်၊ အကုသိုလ်ဖြစ်မယ်၊ အဝီစိ ငရဲအိုးထဲ ဇောက်ထိုးကျမယ်” ဆိုတဲ့ စဉ်းစားပုံမျိုးနဲ့ ကိုးကွယ်ကြသူမျိုးတွေ။

“ခင်ဗျားက သူ့လောက်သိလို့ တတ်လို့လား၊ သူ့လောက် သြဇာတိက္ကမ ရှိလို့လား” ဆိုတဲ့ စကားတွေနဲ့ ဆိုင်းဘုတ်အမျိုးမျိုးကပ်ပြီး တိုက်ခိုက် ရှုံ့ ချတတ်သူတွေ။ သူတို့တွေကို လေ့လာကြည့်ရင် ပြောင်းလဲရွေ့လျားနေတဲ့ အခြေအနေကို လိုက်မီအောင်၊ သိနားလည်အောင် မကြိုးစားဘဲ “လှေနံဓားထစ်”တွေ ဖြစ်နေတာကို တွေ့နိုင်မယ်။ စာအုပ်တအုပ် စာတမျိုးပဲဖတ်ပြီး ကိုးကွယ်နေတဲ့ စာအုပ်ကြီးသမားတွေ ဖြစ်နေတာကို တွေ့ရမယ်။ အဲဒီလို လူမျိုးတွေလည်း ကိုယ့်ပတ်ဝန်းကျင်မှာ ရှာတွေ့နိုင်ပါတယ်။

ပဉ္စမ အမျိုးအစားကတော့ လေ့လာမှု၊ သုံးသပ်မှုတွေမှာ တတိယ၊ စတုတ္ထအမျိုးအစားနဲ့ ခပ်ဆင်ဆင် တူပါတယ်။ ဒါပေမဲ့ ပြောင်းလဲနေတဲ့ အခြေအနေနဲ့ စပ်ဟပ်ကြည်လိုက်တဲ့အချိန်မှာ ကိုယ့်ရဲ့မူလ အမြင်ပေါ်ကနေ ကြည့်တာမျိုးမဟုတ်တော့ဘူး။ ကိုယ်မြင်သိ ယုံကြည်မှုကို အခြေအနေနဲ့ ကိုက်ညီအောင် အလျှော့အတင်းလုပ်တာ၊ လတ်တလော ဒဿန အမြှုပ်ထမှုကို စူးစမ်းသုံးသပ်ပြီး နောက်ကွယ်က လက်ကို ရှာဖွေတာ၊ တချိန်တည်းပဲ အပြိုင်ရှိနေတဲ့ ဘက်ကိုပါ လေ့လာသုံးသပ်တာမျိုး မရှိတော့ဘဲနဲ့ အမြှုပ်ပလုံစီထနေတဲ့ ဒဿန ရေမြောင်းထဲကို လွှားခနဲ ခုန်ဆင်းသွားတဲ့ ပုဂ္ဂိုလ်မျိုးပါ။ အမြှုပ်ထနေတဲ့ မြောင်းထဲမှာ မျှောလိုက်ရင်း မြောင်းပေါ်က မြင်မြင်သမျှကို ပုတ်ခတ်တိုက်ခိုက်တော့တာပါပဲ။

အထူးသဖြင့် မူလက ကိုယ်ရပ်တည်ခဲ့တဲ့ ဘောင်ပေါ်က လူတွေကို၊ အယူအဆတွေကို၊ သဘောထားနဲ့ လုပ်ကိုင်ဆောင်ရွက်ပုံတွေကို ခါးခါးသီးသီး ပြင်းပြင်းထန်ထန် ထိုးနှက်တိုက်ခိုက်ဆဲရေးရင်း မြောင်းရဲ့နောက် ဘောင်တဖက်ကို လက်ကမ်းပေးနေတာမျိုးပါ။ “ကယ်လှည့်ပါ ခေါ်လှည့်ပါ ခင်ဗျားတို့ဘက်မှာ နေပါရစေ” ပေါ့။ နဂိုတည်းက ဒီရေမြောင်းမှာ ဟိုဘက်ဒီဘက် ဘောင်နှစ်ခုတည်း ရှိနေမှန်း သိပြီးသား ဖြစ်ပေမယ့် နာကျင်မှုနောက်က နောင်တတရားတွေ၊ ကိုယ်ကျိုးစီးပွားတွေက အဲဒီပုဂ္ဂိုလ်မျိုးကို ဆွဲခေါ်သွား တာပါ။

သမိုင်းမှာ အမြင်၊ အယူအဆ၊ ဒဿနတခုခု အခြေတကျ မဖြစ်သေးတဲ့ကာလ၊ အမြှုပ်မသေသေးတဲ့ အချိန်မျိုးတွေမှာ ဒဿန သူရဲကောင်းလိုလို အမြင်အယူအဆသစ် ရှာဖွေတွေ့ရှိတဲ့ လူစွမ်းကောင်းလိုလို ပုဂ္ဂိုလ်မျိုးတွေ ရှိခဲ့ဖူးပါတယ်။ ပွဲပြီးတော့ အဲဒီမီးလည်း သေသွားတတ်တာပါပဲ။

ကျော်ရဲသလား ကျော်သင့်သလား

နိုင်ငံခြားသားတွေကို မြန်မာစာသင်ပေးနေတဲ့ ဆရာမတယောက်နဲ့ တွေ့ဖူးတယ်။ စကားပြောကြရင်း သူစာသင်ပေးနေတဲ့ ဥရောပနိုင်ငံတခုက ကျောင်းသူကို ဗုဒ္ဓဘာသာစာပေတွေထဲက မြန်မာစာတွေကို ရွေးပြီး သင်ပေးတဲ့အကြောင်း အဲဒီဆရာမကပြောတော့ ကျနော်က “ကိုယ့်ဘာသာထဲရောက်အောင် စည်းရုံးသိမ်းသွင်း တဲ့ အဓိပ္ပါယ်မျိုး ရောက်မနေဘူးလား” လို့ပြောမိတယ်။ အဲဒီတော့ ဆရာမက ဘာပြန်ပြောတယ်မှတ်လဲ “ပြဿနာ မရှိပါဘူး သူက ဘာသာမဲ့ပါ” တဲ့။

ဥရောပတို့ အမေရိကတို့လို ဒေသတွေမှာ သူတို့ လူ့အဖွဲ့အစည်းထဲမှာ ဘာသာမဲ့ဆိုတာ အထူးအဆန်း မဟုတ်ဘူး။ အခုမှ ရှိတာလည်း မဟုတ်ဘူး။ ရှိနေခဲ့ကြတာကြာပြီ။ ဒါကလည်း ယုံကြည်မှုတခုပဲ မဟုတ်ဘူးလား။ စိတ်ဝင်စားစရာကောင်းတာက လူတယောက်အနေနဲ့ အစဉ်အလာ ယုံကြည်ကိုးကွယ်မှု မဟုတ်တဲ့ ယုံကြည်မှုတခုကို ပြောင်းလိုက်တဲ့ စိတ်ရုန်းကန်မှု ဖြစ်စဉ်ပါ။

အတွေးအမြင် အယူအဆ ပြောင်းလဲတတ်ခြင်းနဲ့ ပတ်သက်ပြီး ဆရာကြီး ရွှေဥဒေါင်းက “တသက်တာ မှတ်တမ်းနှင့် အတွေးအခေါ်များ” စာအုပ်တနေရာမှာ-

“ဝါဒ အဆန်းအသစ်တခု ပေါ်ပေါက်လာသည့်အခါ ရာခိုင်နှုန်းတော်တော်များသည့် လူသတ္တဝါများသည် စဉ်းစားဖို့ အတော်ပျင်းရိကြ၏။ နက်နဲသော အခြင်းအရာ တခုကိုစဉ်းစားရခြင်းအလုပ်သည် ဦးနှောက်ရှုပ်သည် ဟုဆိုကြ၏။ စဉ်းစားရသောအလုပ်၌ ဝါသနာပါသူ အနည်းငယ်တို့အဖို့မှာလည်း အမှန်သို့ မရောက်စေနိုင်သည့် အတားအဆီးများ ရှိနေပြန်လေသည်။ ယင်းအတားအဆီးများမှာ (၁) မိရိုးဖလာ အစဉ်အလာကို မဖယ်နိုင်ခြင်း (၂) သဘာဝကျမကျကို ဆုံးဖြတ်တတ်သည့် ဥာဏ်မျိုးနုံ့နဲ့ခြင်း၊ (၃) မိမိ၏ အလိုဆန္ဒနှင့် ဆန့်ကျင်ဘက် ဖြစ်နေသည့်သဘောတရား တခုကို လက်မခံလိုခြင်း တို့ဖြစ်လေသည်။” (စာ - ၂၂၈)

လို့ရေးထားပါတယ်။ လူ့ သဘာဝမှာ ဖြစ်လေ့ဖြစ်ထရှိတာတွေကို အတားအဆီး ဆိုတဲ့ ရှုထောင့်က ကြည့်ထားတာပါ။ အဲဒီ အတားအဆီးကို ကျော်ဖြတ်နိုင်ရင် ဝါဒအသစ် ယုံကြည်မှု အသစ်ကို လက်ခံသွား နိုင်တယ်ဆိုတဲ့ အမြင်ပါ။ ဒီသဘောထားပုံဟာ ရေးထားတာကြာခဲ့ပြီဖြစ်ပေမယ့် အခုထိ သစ်နေသေးတဲ့ မရိုးသေးတဲ့ အကဲဖြတ်ချက်လည်း ဖြစ်ပါတယ်။

ရင့်ကျက်မှုအပေါ်မှာ လွတ်လပ်ခြင်း

ဒီဆောင်းပါးရဲ့ အစပိုင်းမှာ ပြောခဲ့သလို ယုံကြည်ခြင်းဆိုတာဟာ ကိုယ့်စိတ်ထဲမှာ မှန်တယ်လို့ သတ်မှတ် လက်ခံပြီး စွဲစွဲလမ်းလမ်း လုပ်ကိုင်ဆောင်ရွက် ကျင့်သုံး အကောင်အထည်ဖေါ်တာကို ခေါ်တယ်လို့ ထင်မိပါတယ်။ အဲဒါဟာ ဘာသာတရားလည်း ဖြစ်နိုင်တယ်။ အမြင်အယူအဆလည်း ဖြစ်နိုင်တယ်။ ဘာကိုပဲ ယုံကြည်ယုံကြည် အဲဒီယုံကြည်မှုဟာ အယူသီးမှု တရားသေဖြစ်မှု၊ ဘောင်ကျဉ်းမှုတွေ မဖြစ်ဖို့ လိုအပ်မယ်လို့ ယူဆပါတယ်။ ဆိုလိုချင်တာက ရင့်ကျက်တည်ငြိမ်တဲ့ စိတ်နေ စိတ်ထားပေါ် အခြေခံတဲ့ လွတ်လပ်မှုမျိုးရှိဖို့ လိုအပ်တယ်ဆိုတာကိုပါ။

သဘာဝမကျတာ၊ အကြောင်းအကျိုး မညီညွတ်တာ၊ လက်တွေ့ဘဝနဲ့ မကိုက်ညီတာ၊ မလိုအပ်တဲ့ စည်းကမ်း သတ်မှတ်ချက်တွေ ရှိနေတာ၊ ပိုင်းခြားဝေဖန် အသိဥာဏ်ကို သုံးခွင့်မရတာ၊ တွေးခေါ်မှု ရေပုပ်အိုင်ဖြစ်နေတာတွေကို သတ္တိရှိရှိ ဆန့်ကျင်ပြီး ကိုယ့်ဖန်တီးစဉ်းစားနိုင်စွမ်းအပေါ် အခြေခံတဲ့ ရွေးချယ်ပိုင်ခွင့် ရှိနေဖို့ လိုအပ်ပါတယ်။ ဒါမှပဲ ယုံကြည်မှုမှာ လွတ်လပ်မှာပါ။ သူများက ယုံလိုက်ဆိုလို့ လက်ခံ ယုံကြည်လိုက်တာဟာ အသိဥာဏ်ပိုင်းမှာ ကျွန်ခံခြင်းတမျိုးလို့တောင် ဆိုကြပါတယ်။

ဆရာတော် ဦးဇောတိကရဲ့ “လွတ်လပ်သောစိတ်” ဆိုတဲ့စာအုပ်မှာ ဆရာတော်က

“သဘောထားမတူတဲ့သူတွေ ရှိနေမှပိုပြီး ထောင့်စေ့အောင် စဉ်းစားနိုင်မယ်၊ ဒါမှ အကောင်းဆုံး အဖြေကိုရမယ်။ အသိအမြင်တွေ တိုးလာတဲ့အခါမှာ အရင်တုန်းက သိထားတာတွေမှာ လွဲနေတာ မပြည့်စုံတာတွေကို မှန်အောင် ပြည့်စုံအောင် ပြင်ရမှာပဲ။ ငါတို့ သိထားတာဟာ နည်းနည်းမှ မလွဲဘူး။ ပြည့်စုံတယ်၊ ပြင်ဖို့လည်း မလိုဘူးလို့ မျက်စိမှိတ်ပြီးပြောနေတဲ့သူဟာ အမှန်တရားကို တန်ဖိုးမထားတဲ့သူ၊ လွတ်လပ်မှုကို တန်ဖိုး မထားတဲ့သူ၊ လွတ်လပ်မှုမရှိသူဖြစ်တယ်။ ဒီလူတွေဟာ သူတပါးကို လွတ်လပ်မှုမရှိအောင် လုပ်တယ်၊ အဆင်မပြေမှုတွေ ဖြစ်အောင် လုပ်တယ်” (စာ ၁၄၅)

လို့ဆိုထားပါတယ်။ လွတ်လပ်တဲ့လူ ဆိုတာနဲ့ ပတ်သက်လို့ ပြောတဲ့နေရာမှာ ကိုယ့်ကိုယ်ကိုယ် ငါ ဘယ်လို လူလဲဆိုတာ သိတဲ့လူမျိုးဆိုပြီး ညွှန်းပါတယ်။

“ကိုယ့်ကိုကိုယ် ဘယ်သူလဲဆိုတာကို သိတဲ့လူဟာ သူများလုပ်တာကို လိုက် မလုပ်ဘူး၊ သူလုပ်ချင်တာကို လုပ်တယ်။ သူ့မှာ ကိုယ်ပိုင် အယူအဆဆိုတာရှိတယ်။ ကိုယ်ပိုင်ခံယူချက်ဆိုတာရှိတယ်။ သူ့မှာ ရေရှည် ရည်မှန်းချက်ရှိတယ်။ အစီအစဉ်ရှိတယ်။ သူဟာ လမ်းပျောက်နေတဲ့သူမဟုတ်ဘူး၊ လမ်းမရှိတဲ့နေရာမှာ လမ်းထွင်ပြီးသွားနေတဲ့သူဖြစ်တယ်” (စာ -၂၂၁)

လို့ ဆရာတော် ဦးဇောတိကက ရေးထားပါတယ်၊ဒါဟာလည်း အတွေးရုန်းကန်မှုကနေ ရလာတဲ့ ဆရာတော်ရဲ့ အယူအဆ အသီးအပွင့်တွေလို့ ဆိုရမှာပါ။ ကိုယ်ပိုင်အယူအဆနဲ့ ရေရှည်ရည်မှန်းချက်ရှိပြီး အဲဒီ အခြေခံကနေ လွတ်လွတ်လပ်လပ် စဉ်းစား ယုံကြည်တတ် သူမျိုးကို ဆိုလိုတာပါ။ ဝါဒ သက်စေ့ပြောင်းတတ်တဲ့ အဘိဓမ္မာ သက်တန့် ရောင်စုံပေါ်မှာ ဆော့ကစားချင်တဲ့ လေယူရာတိမ်းယိမ်းနွဲ့ ခံယူကျင့်သုံးတတ်တဲ့ သူတွေကို ဆိုလိုနေတာ မဟုတ်ဘူးလို့ ထင်ပါတယ်။

ပန်းခင်းရဲ့ ကျက်သရေ

လူတိုင်း လူတိုင်းမှာ ကိုယ်ယုံကြည်တာ တခုတော့ ရှိတတ်ကြစမြဲပါ၊ အဲဒီ ယုံကြည်မှုဟာ ကလေးဘဝ ကတည်းကစခဲ့ပြီး အသက်အရွယ် အတွေ့အကြုံ လေ့လာမှု ဆင်ခြင်သုံးသပ်မှု ကျင်လည်ရတဲ့ ဝန်းကျင် အစရှိတဲ့ အခြေအနေတွေပေါ်မူတည်ပြီး တဖြည်းဖြည်း တရွေ့ရွေ့နဲ့ တိုးတက် ရင့်ကျက်လာကြပါတယ်။ တဖြည်းဖြည်း တရွေ့ရွေ့နဲ့ ပြောင်းလဲသွားပြီး ရင့်ကျက်လာတာမျိုးလည်း ဖြစ်တတ်ပါတယ်။ တချို့ကတော့ တရားသေ အယူသီးမှုတွေနဲ့ ရှေးရိုးစွဲတိုင်း မပြောင်းမလဲ ရပ်တည်နေတာမျိုးလည်း ရှိကြပါတယ်။ တချို့ကျတော့လည်း ယုံကြည်မှုတွေကို ဖက်ရှင် ဒီဇိုင်းသမားတယောက်လို အမျိုးမျိုးတီထွင်ပြီး ပြောင်းလဲ ဝတ်ဆင်ကြတာမျိုးလည်း တွေ့ရတတ်ပါတယ်။

ဘယ်လို အခြေအနေတွေပြောင်းပြောင်း ဘာကိုပဲ ယုံကြည်ယုံကြည် ယုံကြည်မှု အခြေခံအပေါ်မှာ ပျော့ပျောင်း လွတ်လပ်မှုရှိရှိ တွေးခေါ်ဆင်ခြင်တာ၊ လက်ခံ ကျင့်သုံးတာမျိုး ဖြစ်ဖို့လိုပါတယ်။ ယုံကြည်တာနဲ့ကွဲပြား ခြားနားတဲ့ ယုံကြည်မှုတွေလည်း ကိုယ့်လိုမဟုတ်တဲ့ တခြားသူတွေဆီမှာ ရှိနေနိုင်တယ်၊ ရှိနေကြတယ်ဆိုတာ အသိအမှတ်ပြုထားဖို့လည်း လိုအပ်ပါသေးတယ်။ ကိုယ့်ရဲ့ လွတ်လပ်တဲ့စိတ်နဲ့ ယုံကြည်မှုဟာ သူ့ရဲ့ယုံကြည်မှု ကိုလည်း လွတ်လပ်စေချင်တဲ့ စေတနာရှိနေသင့်တယ်လို့ ယူဆပါတယ်။ တဦးရဲ့ လွတ်လပ်မှုဟာ တခြားတဦးဦးကို ကန့်သတ်ချုပ်ချယ်မှုမဖြစ်စေဘဲ ရောင်စုံပန်းခင်းထဲက ပန်းတပွင့်ချင်းစီ လှပနေမှု ရနံ့သင်းပျံ့ နေမှုဟာ ပန်းခင်းတခင်းလုံးရဲ့ ဂုဏ်ကျက်သရေကို တိုးဖြည့်ပေးနေတာမျိုးပဲ ဖြစ်သင့်တယ်လို့ ယုံကြည် မိပါတယ်။


နောင်ကျော်  

ရည်ညွှန်းကိုးကား
၁။ ရွှေဥဒေါင်း တသက်တာမှတ်တမ်းနှင့် အတွေးအခေါ်များ
၂။ ဆရာတော်ဦးဇောတိက၊ လွတ်လပ်သောစိတ်
ရွက်နုဝေ (မေ ၊ ၂ဝဝ၇) 

ရင်းမြစ်။ ။ mazzimaburmese.com       

မဲဆွယ်မည့် နိုင်ငံရေးပါတီများ လွတ်လပ်စွာပြောဆိုခွင့် ပိတ်ပင်ခံရ

ရွေးကောက်ပွဲဝင်မတိုင်ခင် ရုပ်မြင်သံကြားနဲ့ ရေဒီယိုကတဆင့် နိုင်ငံရေးပါတီတွေ မဲဆွယ်မဲ့ကိစ္စမှာ ရွေးကောက်ပွဲကော်မရှင်က ကန့်သတ်ချုပ်ချယ်မှုတွေ ရှိနေကြောင်း နိုင်ငံရေးပါတီ ခေါင်းဆောင်တွေက ပြောပါတယ်။
(Photo: RFA)
ဒီမိုကရက်တစ်ပါတီ-မြန်မာပြည်၏ ဥက္ကဋ္ဌ ဦးသုဝေ ဖြစ်ပါသည်။ (Photo: RFA)
နိုင်ငံရေးပါတီတွေအနေနဲ့ လူထုကို စည်းရုံးမဲဆွယ်ရာမှာ မိမိတို့ ပါတီမူဝါဒတွေအပြင် လက်ရှိ ဖြစ်ပျက်နေတဲ့ နိုင်ငံရေး အခြေအနေတွေကို ပြည်သူတွေ သိအောင် တင်ပြနိုင်ဖို့ ရေးသား ပြင်ဆင်ထားပေမဲ့ နေပြည်တော် ရွေးကောက်ပွဲကော်မရှင်က ဖြုတ်တာ ပယ်တာတွေ လုပ်နေကြောင်း သိရပါတယ်။ ဝါရင့်နိုင်ငံရေးသမား ဦးသုဝေ ဦးဆောင်တဲ့ ဒီမိုကရက်ပါတီ (မြန်မာပြည်) က အစိုးရပိုင် ရုပ်သံ ၊ ရေဒီယိုကတဆင့် ၁၅ မိနစ်စာ သူတို့ ဟောပြောမဲ့စကားတွေကို ရွေးကောက်ပွဲ ကော်မရှင်ထံ တင်ပြခဲ့ပေမဲ့ ၊ လက်ရှိအစိုးရကို ဝေဖန်မှုတွေ ပါနေတာကြောင့် ပြန်လည် ပြင်ဆင်ပေးဖို့အတွက် ဒီမိုကရက်ပါတီ ဥက္ကဋ္ဌ ဦးသုဝေကို နေပြည်တော် ရွေးကောက်ပွဲ ကော်မရှင်က ဆင့်ခေါ်ခဲ့ကြောင်း ဒီမိုကရက်ပါတီ ခေါင်းဆောင်တဦးဖြစ်သူ ဒေါ်ချိုချိုကျော်ငြိမ်းက RFA ကို ပြောပါတယ်။
စာသားများမှာ အနှောင့်အသွား မလွတ်တာတွေ ပါနေလို့ ပြန်ပြင်ရေးပြီး ကော်မရှင်က ခွင့်ပြုမယ်ဆိုရင် ရေဒီယိုမှာ ပြောလို့ရမယ်ဆိုပြီး အကြောင်းကြားလို့ ဦးသုဝေ ချက်ချင်း ပြန်သွားကြောင်း ပြောပါတယ်။
UDP လို့ ခေါ်တဲ့ ပြည်ထောင်စု ဒီမိုကရေစီပါတီကတော့ သူတို့ပါတီက ပြည်သူကိုတင်ပြမဲ့ ဟောပြောချက်တွေကို ရွေးကောက်ပွဲကော်မရှင်ထံ တင်ပြထားပြီး ၊ ပြင်တာဖြုတ်တာမျိုး လုပ်လာရင်တော့ UDP ပါတီအနေနဲ့ ရုပ်သံ ၊ ရေဒီယိုကတဆင့် ဟောပြောတော့မှာ မဟုတ်ဘူးလို့ UDP ပါတီ ဥက္ကဋ္ဌ ဦးသိန်းဌေးက ပြောပါတယ်။
ဥပဒေထုတ်ပြီး ချုပ်ကိုင်ထားတာတွေ အများကြီး ရှိနေပြီး သူတို့ ပြောချင်တဲ့ အချက်တွေကို စိစစ်ရေး လုပ်မယ်ဆိုရင် မပြောတော့ဘူးဆိုတဲ့အကြောင်း ဦးသိန်းဌေးက RFA ကို ပြောပါတယ်။
နိုင်ငံရေးပါတီတွေအနေနဲ့ အစိုးရပိုင်မီဒီယာတွေကတဆင့် ၁၅ မိနစ်စာ ဟောပြောခွင့် ရမယ်လို့ စက်တင်ဘာ ၁၅ ရက်နေ့မှာ ကြေညာခဲ့ပြီး ၊ အဲဒီလိုကြေညာချိန်မှာ စည်းကမ်းကန့်သတ်ချက်တွေ အများအပြား ပါဝင်တယ်လို့ နိုင်ငံရေးပါတီတွေက ပြောဆိုကြပါတယ်။ 

သတင်း။ ။RFA

ရခိုင်ပြည်နယ်တွင် ဆင်ဖြူ ထပ်မံ ဖမ်းဆီးမိ

ရခိုင်ပြည်နယ် မြောက်ပိုင်း မောင်းတောမြို့နယ် သစ်တောဦးစီးဌာန၊ နယ်စပ်ဒေသ စစ်ဆေးရေးနှင့် ကွပ်ကဲရေး (နစက) အဖွဲ့တို့က ဆင်ဖြူ တကောင်ကို မကြာသေးမီက ထပ်မံဖမ်းဆီး ရမိကြောင်း သိရှိရသည်။

“သစ်တောဌာနရယ် နယ်စပ်က တပ်တွေပူးပေါင်းပြီးတော့ ဖမ်းလိုက်တာပါ၊ ဖမ်းမိတာလည်း မောင်းတော အပိုင် ငါးခူရဆိုတဲ့ ကျေးရွာအုပ်စုနားမှာပါ၊ ၁၉ ရက်နေ့က ဖမ်းထားတာလို့ပြောတယ်၊ အခုဖမ်းထားတာက အထီး ဖြစ်ပါတယ်”ဟု ကုလားတန် သတင်းဌာနမှ အယ်ဒီတာ ကိုတင်စိုးက ဧရာဝတီသို့ပြောသည်။

white-elephantယခု ဖမ်းဆီး ရမိသည့် ဆင်ဖြူနှင့် ပတ်သက်ပြီး အသေးစိတ် အချက် အလက်များကို သက်ဆိုင်ရာက သတင်း ထုတ်ပြန်ခြင်း မပြုသေးဘဲ မောင်းတော မြို့နယ် ငါးခူရ ကျေးရွာအုပ်စုရှိ သစ်တော စခန်းတွင် ယာယီ ထိန်းသိမ်း ထားကြောင်း၊ ယင်းဆင်ဖြူနှင့် အတူထားရန် အတွက် မောင်းတော မြို့ရှိ နစက စခန်းမှ ဆင် ၄ ကောင်ကိုလည်း ပို့ဆောင် ထားကြောင်း သိရှိရသည်။

အနောက် ပိုင်းတိုင်း စစ်ဌာနချုပ် တိုင်းမှူးသစ် ဗိုလ်မှူးချုပ် စိုးသိန်း ကလည်း ဆင်ဖြူတော်ကို ကြည့်ရှုရန် အတွက် ပြီးခဲ့သည့် အင်္ဂါနေ့တွင် မောင်းတောမြို့သို့ ရောက်ရှိကြောင်း၊ နေပြည်တော်မှ အဆင့်မြင့်အရာရှိတဦးလည်း ရောက်ရှိနေကြောင်း ကုလားတန် သတင်းဌာန အယ်ဒီတာက ဆိုသည်။

၎င်းက“တိုင်းမှူး အသစ်ကလည်း ဒီဆင်ဖြူတော်ကို ကြည့်ဖို့အတွက် သက်သက်ကိုပဲ မောင်တောကို လာတယ်၊ သူ မောင်းတော ကို ရောက်တဲ့နေ့ ၁၂ နာရီလောက်မှာပဲ နေပြည်တော်က အရာရှိကြီးတယောက် ရဟတ်ယာဉ်နဲ့ ရောက်လာ တယ်၊ ဘယ်သူလဲ ဆိုတာကိုတော့ ဘယ်သူမှမပြောနိုင်ဘူး၊ ရောက်ပြီး နှစ်နာရီလောက်ကြာတော့ တိုင်းမှူးနဲ့ ဆင်ဖြူကို သွားကြည့်ကြတယ်”ဟု ပြောသည်။

ယင်း အရာရှိကြီး မောင်းတောသို့ ရောက်ရှိပြီးနောက် လုံခြုံရေးကိုလည်း အထူးတင်းကျပ်ထားကြောင်း၊ ၎င်း တည်းခိုနေ သည့် မောင်းတောမြို့မှ နစက စခန်းကိုလည်း မည်သူ့ကိုမှ ဝင်ခွင့်မပြုကြောင်း သိရှိရသည်။

ယခုအကြိမ် ဖမ်းဆီးရမိသည့် ဆင်ဖြူအပါအဝင် ရခိုင်ပြည်နယ်မှ ဆင်ဖြူ ၅ ကောင် ဖမ်းဆီးရမိခဲ့ပြီး နောက်ဆုံးအကြိမ် ဖမ်းဆီးရမိခဲ့သည့် ဆင်ဖြူမှာ ယခုနှစ် ဇွန်လ ၂၆ ရက်နေ့တွင် ဖြစ်သည်။

ဗိုလ်ချုပ်ကြီးဟောင်း ခင်ညွန့် လက်ထက်တွင် ဆင်ဖြူ ၃ ကောင်ဖမ်းဆီးရမိခဲ့ပြီး ၎င်းဆင်ဖြူများကို ၂၀၀၀ ပြည့်နှစ်၊ ဇန်န၀ါရီလ ၂၀ ရက်နေ့တွင် ရခိုင်ပြည်နယ်၊ ရသေ့တောင် မြို့နယ်၊ စေတီပြင်ကျေးရွာအုပ်စု၊ အထက်နန်းရာကျေးရွာအနီးမှ လည်းကောင်း၊ ၂၀၀၂ ခုနှစ် ဧပြီလ ၅ ရက်နေ့တွင် ရခိုင်ပြည်နယ်၊ မောင်းတောမြို့နယ်အတွင်းမှ လည်းကောင်း၊ ၂၀၀၂ ခုနှစ် ဒီဇင်ဘာလတွင် ရခိုင်ပြည်နယ်၊ ကိုင်းကြီးကျေးရွာဟောင်း အနီးမှလည်းကောင်း အသီးသီး ဖမ်းဆီးရရှိခဲ့သည်။

ယခုအကြိမ် ဆင်ဖြူဖမ်းမိခြင်းသည် စစ်အစိုးရက နိုဝင်ဘာလ ၇ ရက်နေ့တွင် ကျင်းပမည့် ရွေးကောက်ပွဲအတွက် နိမိတ် ကောင်း ဖြစ်သည်ဟု မောင်းတောမြို့မှ အစိုးရအရာရှိတဦးက ပြောဆိုကြောင်း ကုလားတန် သတင်းစာမျက်နှာတွင် ဖော်ပြ ထားသည်။

ရင်းမြစ်။ ။ဧရာဝတီ

Thursday, September 23, 2010

ပါတီဟောပြောချိန် ဇယားထုတ်ပေး

ရန်ကုန် (မဇ္ဈိမ) ။     ။ နိုင်ငံရေးပါတီများ ရေဒီယိုနှင့် ရုပ်မြင်သံကြား အစီအစဉ်တို့တွင် ဆင်ဆာ ခွင့်ပြုချက်ရ အကြောင်းအရာများ အလှည့်ကျ ဟောပြောတင်ပြမှု အချိန်ဇယားကို ပြည်ထောင်စု ရွေးကောက်ပွဲ ကော်မရှင်က ထုတ်ပြန်ပေးလိုက်သည်။

၃၇ ပါတီ မူဝါဒ လုပ်ငန်းစဉ်များ ဟောပြောတင်ပြခွင့် ရပါက နေပြည်တော် မြန်မာ့အသံတွင် ရိုက်ကူးရန် အချိန်စာရင်းကိုလည်း တနင်္လာနေ့က ထုတ်ပြန်ပေးသည်။

ဟောပြောမည့် အကြောင်းအရာများ တင်ပြရန် ယခုရက်ပိုင်းအတွင်း ပါတီလူကြီးများ နေပြည်တော် သွားကြပြီဖြစ်ကြောင်း ပါတီ အသိုင်းအဝိုင်းက သိရသည်။

စစ်အစိုးရ မြန်မာ့ရုပ်မြင်သံကြားနှင့် အသံလွှင့်ဌာနများက ပါတီများကို ရေဒီယိုနှင့် ရုပ်မြင်သံကြားတို့မှ ၁၅ မိနစ်စာ
မဲဆွယ် ဟောပြောခွင့် ပြုမည်ကြေညာရာတွင် ကန့်သက်ချက် များလွန်းကြောင်း နိုင်ငံရေးပါတီ အများစုက ပြောသည်။

Wednesday, September 22, 2010

အစိုးရဗုဒ္ဓဘာသာနှင့် ပြည်သူ့ဗုဒ္ဓဘာသာ

 လွန်ခဲ့သော ဇူလိုင်လနှောင်းပိုင်း၌ ဗိုလ်ချုပ်မှူးကြီး သန်းရွှေမိသားစုနှင့် နောက်လိုက်များ အိန္ဒိယသို့ (၅) ရက် ဘုရားဖူးသွားခဲ့ပြီးနောက် မကြာမီ စက်တင်ဘာလအစောပိုင်းတွင် တရုတ်ပြည်သို့ (၅) ရက် ဘုရားဖူးသွားပြန်သည်။ လူဦးရေ သန်း (၅၀) ရှိသော မြန်မာသည် သန်း (၁,၁၀၀) ရှိသော အိန္ဒိယနှင့် သန်း (၁, ၃၀၀) ရှိသည့် တရုတ်ကို အညီအမျှ (၅) ရက်စီ ဂါရ၀ပြုလိုက်ခြင်းပင်ဖြစ်သည်။ မြန်မာပြည်တွင် ဘုရားရုပ်ထုပေါင်း သိန်းချီရှိနေပြီး ဘုရားရုပ်ထုအသစ်များကို အမြဲတမ်း ထုလုပ်လျက်ရှိနေသော်လည်း ဗိုလ်ချုပ်မှူးကြီးသည် အိန္ဒိယဘုရားနှင့် တရုတ်ဘုရားကို ပို၍ အထင်ကြီးပုံရသည်။ တရုတ်ပြည်မှ စွယ်တော်ကိုပင့်၍ မြန်မာပြည်တွင် အလှူငွေကောက်ခံသည့်အပြင် တရုတ်စွယ်တော်ကို အတုလုပ်၍ ရန်ကုန်၌ ကိုးကွယ်ထား၏။ ကြပ်ပြေး၌လည်း ရွှေတိဂုံစေတီအတုကို ကိုးကွယ်နေ၏။ သံဃာနှင့် အရပ်သားများကို သတ်ဖြတ်၍ ဒုက္ခသည်ကူညီရေးကို ပိတ်ပင်တားမြစ်သော ဗိုလ်ချုပ်မှူးကြီးသည် ဘုရားတည်၍ ရုပ်ထုကိုးကွယ်ကာ အိန္ဒိယသို့ ဘုရားဖူးရုံဖြင့် အကုသိုလ်များ ကွယ်ပျောက်သွားလိမ့်မည်ဟု ယုံကြည်နေပုံရသည်။ ဗုဒ္ဓဘာသာအတုကို ကိုးကွယ်သူက ဒီမိုကရေစီအတုကို ထုတ်လုပ်လိုက်ခြင်းဖြစ်၏။

ဗိုလ်ချုပ်မှူးကြီး၏ အတုအယောင်ဆောင် ဘာသာရေး၊ နိုင်ငံရေးလုပ်ငန်းများကို မဟာသံဃာ့နာယကများကလည်း ထောက်ခံအားပေးကြ၏။ အင်္ဂလိပ်ကိုလိုနီခေတ်၌လည်း သံဃာ့နာယကများသည် ကိုလိုနီအစိုးရ အကြိုက်လိုက်လုပ်ခဲ့သည်။ အကျဉ်းထောင်ထဲ၌ သင်္ကန်းမ၀တ်ရမချင်း သေသည်အထိ အစာငတ်ခံရန် ဆရာတော် ဦးဝိစာရ သန္နိဋ္ဌာန်ချခြင်းသည် ၀ိနည်းဒေသနာနှင့် ဆန့်ကျင်ကြောင်း ကိုလိုနီအစိုးရ၏ ဘွဲ့တံဆိပ်တော်ရ မဟာနာယက သံဃာများက ဆုံးဖြတ်ခဲ့သည်ကို အစိုးရသတင်းစာတွင် ထည့်သွင်းဖော်ပြ၍ ဦးဝိစာရကို သိက္ခာချရန် ကြိုးစားသေး၏။ ထို့ကြောင့် ဦးဝိစာရ၏ အစာငတ်ခံတိုက်ပွဲသည် ၀ိနည်းဒေသနာတော်နှင့် ညီညွတ်ကြောင်း သံဃသာမဂ္ဂီအဖွဲ့ချုပ်က ကျမ်းဂန်အကိုးအကားဖြင့် ရှင်းပြသော စာတမ်းများကို ကျေးလက်တောရွာအထိ ဝေငှရသည်။ ဦးဝိစာရသည် သာသနာအတွက် အသက်စွန့်သည်ဖြစ်၍ သာမန်ပုထုဇဉ်များ ပြုနိုင်ခဲသောအမှုကို ပြုသည်ဖြစ်၍ ၀ိနည်းနှင့် ညီသည်ဟုဆို၏။ ထိုစဉ်မှစ၍ အစိုးရသံဃာနှင့် ပြည်သူ့သံဃာဟူ၍ သံဃာနှစ်မျိုးနှစ်စား ကွဲပြားသွားခြင်းဖြစ်၏။

သမိုင်းအစဉ်အလာအရ သံဃာ့သာမဂ္ဂီအဖွဲ့သည် ပြည်သူ့သံဃာအဖွဲ့ဖြစ်သည်။ ကိုလိုနီခေတ်ကို သံဃာ့သာမဂ္ဂီ သုံးသပ်ထားပုံသည် အလွန်စိတ်ဝင်းစားဖွယ်ကောင်း၏။ မြန်မာပြည်၌ ဆင်းရဲမွဲတေ၍ အသိဉာဏ်ပညာနှင့် အကျင့်သီလ ခေါင်းပါးနေသည်ကို ဒုက္ခသစ္စာဟု အဓိပ္ပာယ်ဖွင့်ဆိုသည်။ တိုင်းပြည် ဆင်းရဲရသည့်အကြောင်းရင်း သမုဒယသစ္စာကို ရှာဖွေရာ၌ လူတစုက တိုင်းပြည်ကို ခွစီး၍ သွေးစုတ်ခြယ်လှယ်မှုနှင့် အစိုးရ၏ လိမ်လည်လှည့်ဖြားမှုကို တွေ့ရ၏။ အာဏာရှင်အောက်မှ တိုင်းပြည်လွတ်မြောက်မှသာ နိရောဓသစ္စာကို တွေ့ရမည်ဆိုသည်။ လွတ်မြောက်စေမည့် မဂ္ဂသစ္စာနည်းလမ်းများသည် ကန့်ကွက်ဆန္ဒပြနည်းနှင့် သပိတ်မှောက်နည်းအမျိုးမျိုးဖြစ်သည်ဟုဆို၏။ ပြည်ညှဉ်းမင်းမခံနိုင် ဆိုသည့်မူကို လက်ကိုင်ထား၍ လူထုအင်အားသုံးနည်း၊ လွတ်လပ်ရေး၊ ဘာသာရေး၊ ပညာရေး၌ အမြင်မှန်ရအောင် ဟောကြားနည်းနှင့် အမျိုးသမီးများ နိုင်ငံရေးစိတ်ဝင်စားအောင် အားပေးနည်းများကို သုံးရမည်ဟုဆို၏။ အာဏာရှင်လူတစု ကြီးစိုးသော တိုင်းပြည်၏ ထွက်ရပ်လမ်းသည် သံဃာ့သာမဂ္ဂီက ရှင်းပြထားသော လောကီရေးရာ သစ္စာလေးပါးတရားပင်ဖြစ်ပေသည်။

ဗုဒ္ဓဘာသာအများစု နေထိုင်သောတိုင်းပြည်တွင် ပြည်သူဒုက္ခရောက်နေသည်ကို ဗုဒ္ဓဘာသာအဖွဲ့အစည်းနှင့် သံဃာများက အလေးအနက်မထားဘဲ လျစ်လျူရှုနေသဖြင့် ဗုဒ္ဓဘာသာကို ယုံကြည်သူ နည်းပါးသွားကြောင်း တောင်ကိုရီးယားနိုင်ငံက သက်သေပြနေသည်။ တောင်ကိုရီးယားဗုဒ္ဓဘာသာသမိုင်းဟာ နှစ်ပေါင်း (၁,၇၀၀)  ရှိပြီဖြစ်သဖြင့် အလွန်အခြေခိုင်မည့်ပုံ ပေါ်နေ၏။ ဒုတိယကမ္ဘာစစ်ပြီးချိန်၌ တောင်ကိုရီးယားလူဦးရေ (၉၉) ရာခိုင်နှုန်းသည် ဗုဒ္ဓဘာသာများဖြစ်ကြပြီး (၁) ရာခိုင်နှုန်းကသာ ခရစ်ယာန်ဘာသာဝင်ဖြစ်သည်။ ယခုအခါ လူဦးရေ (၅၀) ရာခိုင်နှုန်းသည် ခရစ်ယာန်ဘာသာဝင်များ ဖြစ်နေကြပြီး ဗုဒ္ဓဘာသာဦးရေသည် (၁၅) ရာခိုင်နှုန်းသာ ကျန်ရှိတော့၏။

ဤသို့ဖြစ်ရသည့် အကြောင်းရင်းသည် ဗုဒ္ဓ၀ါဒနှင့်ရော ခရစ်ယာန်ဝါဒနှင့်ရော မသက်ဆိုင်ပါ။ လူမှုရေးပြဿနာကို ကိုင်တွယ်ဖြေရှင်းရာ၌ ဗုဒ္ဓဘာသာဝင်နှင့် ခရစ်ဘာသာဝင်တို့ အမြင်ချင်း ကွဲပြားခြားနားသည့်အပေါ်တွင် အခြေခံပါသည်။ ဒုတိယကမ္ဘာစစ် ပြီးဆုံးပြီး မကြာမီ တောင်နှင့်မြောက်ကိုရီးယား စစ်ဖြစ်သည့်အတွက် တိုင်းသူပြည်သားများ ဆင်းရဲဒုက္ခရောက်ရသည်။ လူမှုစီးပွားရေး ဒုက္ခပင်လယ်ဝေနေသည်ကို တည်ငြိမ်အေးချမ်းပြီး လောကီအရေးကို ဂရုမစိုက်သည့် ဗုဒ္ဓဘာသာက အကူအညီမပေးနိုင်ပါ။ ခရစ်ယာန်ဘာသာဝင်ကသာ လက်တွေ့ထွက်ပေါက်ပေးနိုင်ပါသည်။ ကွန်မြူနစ်သြဇာမလွှမ်းမိုးအောင် တောင်ကိုရီးယားကို အမေရိကန်က စီးပွားရေးထောက်ပံ့ရာမှာ ခရစ်ယာန်သာသနာပြု အဖွဲ့အစည်းများကတဆင့် ပေးသည်။ ထို့ကြောင့် ပြည်သူလူထုသည် ခရစ်ယာန်သာသနာပြုကို ကယ်တင်ရှင်အဖြစ် မြင်လာကြသည်။ အတတ်ပညာ၊ ဆေးဝါးနဲ့ လူမှုစီးပွားရေး အကူအညီပေးနိုင်သော ခရစ်ယာန်ဘာသာကို တိုးတက်မှုအဖြစ် သတ်မှတ်လာကြ၏။ ဒီနည်းအတိုင်း ချင်းတိုင်းရင်းသားများ ခရစ်ယာန်ဘာသာဝင် ဖြစ်ကုန်ကြသည်။ ဖိနှိပ်ခံရသူများကိုလည်း ခရစ်ယာန်ဘုရားကျောင်း ကူညီ၏။

ဗုဒ္ဓဘာသာအဖွဲ့အစည်းများသည် ခေတ်ပညာမတတ်သည့်အတွက် ခေတ်၏ ပြဿနာကို မည်သို့ဖြေရှင်းရမှန်း မသိကြပါ။ တနည်းဆိုပါက မတရားသည့်အစိုးရကို ကိုရီးယားဗုဒ္ဓဘာသာသည် မည်သို့ ကိုင်တွယ်ရမည်ကို မသိပါ။ ဤအတောအတွင်း အိမ်ထောင်ပြုသော ဂျပန်ဂိုဏ်းနှင့် အိမ်ထောင်မပြုရသော ကိုရီးယားဂိုဏ်း ပဋိပက္ခဖြစ်မှု၊ ဘုန်းကြီးအချင်းချင်း ကျောင်းလု၍ ရိုက်နှက်ထိုးကြိတ်မှု စသည့် အကြမ်းဖက်မှုများကြောင့် ဗုဒ္ဓဘာသာဘုန်းကြီးများ သိက္ခာကျလာသည်။ ဗုဒ္ဓဘာသာဘုန်းကြီး သိက္ခာကျလေ ခရစ်ယာန်ဘာသာကို ယုံကြည်ကိုးကွယ်သူ များလာလေလေဖြစ်လာသည်။

ယခုအခါ၌ လောင်းကစားသောဘုန်းကြီး၊ ပစ္စည်းစုသောဘုန်းကြီး၊ အကြမ်းဖက်သောဘုန်းကြီး စသည်များကို ဖယ်ရှားနိုင်ရန် ဗုဒ္ဓဘာသာပြုပြင်ရေး လုပ်နေသည်ဟူ၏။ ဗုဒ္ဓဘာသာဝင်အချင်းချင်း လက်တွဲ၍ လူ့အဖွဲ့အစည်းအတွက် ကောင်းရာကောင်းကြောင်း ဆောင်ရွက်သော စီမံကိန်းများကို အကောင်အထည်ဖော်နေပြီဟူ၏။ ကျက်သရေရှိသော ဗုဒ္ဓဘာသာ အဖွဲ့အစည်းဆိုသည်မှာ ရွှေစေတီနှင့် ရွှေကျောင်းတော် တည်ဆောက်ခြင်းမဟုတ်ဘဲ သံဃာ၊ သီလရှင်နဲ့ လူပုဂ္ဂိုလ်အားလုံး မာန်မာနကို ချိုးနှိမ်ပြီး နိဝါတတရားနှင့်အညီ တိုင်းပြည်တည်ဆောင်ခြင်းဖြစ်သည်ဟု ကိုရီးယား ပြုပြင်ရေးသမားများက မြင်သည်။

သံဃာနှင့် ပြည်သူသည် ကျွန်းကိုင်းမှီ ကိုင်းကျွန်းမှီဆိုသကဲ့သို့ တဦးနဲ့တဦး အပြန်အလှန်အကျိုးပြုကာ ရပ်တည်နေကြသောကြောင့် လူမှုစီးပွားရေးပြဿနာ၊ တိုင်းရင်းသားလူမျိုးစုပြဿနာ၊ သဘာဝပတ်ဝန်းကျင် ပျက်စီးသည့်ပြဿနာ စသည်များကို လက်တွဲဖြေရှင်းမှသာ သာယာစိုပြေနိုင်မည်ဟုလည်း ကိုရီးယား ဗုဒ္ဓဘာသာပြုပြင်ရေးသမားများက ယူဆ၏။ ထိုကြောင့် ရှေးဟောင်းစည်းကမ်းကိုသာ လိုက်နာပြီး လူ့ဘ၀တိုးတက်ရှင်သန်ရေးကို လျစ်လျူရှုခြင်းသည် တာဝန်မဲ့ရာကျသည် ဟုဆိုသည်။ ဤသည်မှာ အစိုးရလိုလားသော ဗုဒ္ဓဘာသာနှင့် ပြည်သူလိုလားသော ဗုဒ္ဓဘာသာ၏ ကွာခြားချက်ဖြစ်၏။

ပစ္စည်းမက်လွန်းသည့် ကိုရီးယားဗုဒ္ဓဘာသာဝင်ကို အမေရိကန်ဘုန်းတော်ကြီး ဗောဓိဘိက္ခုက တရားချရသည်။ ပစ္စည်းဥစ္စာအာဏာကို မက်မောနေ၍ ပျော်ရွှင်မှု အစစ်အမှန်ကို ရမည်မဟုတ်ဘဲ လောဘဒေါသမောဟကို ထိန်းသိမ်းပြီး လူလူချင်း စာနာထောက်ထားနိုင်မှ စစ်မှန်သော ပျော်ရွှင်မှု ရနိုင်သည်ကို ဟောကြားရသည်။ အာဏာနှင့် ဥစ္စာပစ္စည်းပိုင်ဆိုင်မှုကို အဓိကထားသော အာဏာရှင်ဝါဒကို ဗုဒ္ဓ၀ါဒနဲ့ ခရစ်ယာန်ဝါဒက ဆန့်ကျင်ကြောင်း ဟောကြားသည်။ လက်ရှိဘ၀ကို တိုးတက်ကောင်းမွန်အောင် လုပ်ပေးနိုင်သော ဗုဒ္ဓဘာသာကျင့်စဉ်ကသာ ဗုဒ္ဓဘာသာကို မြှင့်တင်နိုင်လိမ့်မည်ဟု ပြုပြင်ရေးသမားများက ယုံကြည်ကြပေသည်။

ရင်းမြစ်။ ။ခေတ်ပြိုင်

Tuesday, September 21, 2010

ဗြိတိသျှ အရာရှိများ NLD ဒုတိယ ဥက္ကဋ္ဌ ဦးတင်ဦးကို တွေ့ဆုံ

NLD ပါတီ ကိုစစ်အစိုးရက ဖျက်သိမ်းတယ်လို့ ကြေညာခဲ့တာနဲ့ ပတ်သက်ပြီး ပါတီရဲ့ ရှေ့လုပ်ငန်းစဉ်ကို ဗြိတိသျှ နိုင်ငံခြားရေး ဝန်ကြီးဌာနနဲ့ ဗြိတိသျှ သံရုံးအရာရှိတွေက ဒီကနေ့ ပါတီဒုတိယ ဥက္ကဋ္ဌ ဦးတင်ဦးကို လာရောက်တွေ့ဆုံပြီး မေးမြန်းတယ်လို သိရပါတယ်။

အမျိုးသား ဒီမိုကရေစီအဖွဲ့ချုပ် ဒုတိယ ဥက္ကဋ္ဌ၊ ဗိုလ်ချုပ်ကြီးဟောင်း သူရ ဦးတင်ဦးကို ရန်ကုန်မြို့၊ ဗဟန်းမြို့နယ်၊ ရွှေဂုံတိုင်ရှိ ဌာနချုပ်ရုံးတွင် တွေ့ရပုံ ဖြစ်ပါသည်။(Photo: RFA)
ဒီကနေ့ မွန်းလွဲပိုင်းက ဗြိတိသျှ နိုင်ငံခြားရေးဝန်ကြီးဌာန အာရှပစိဖိတ်ဒေသ ဆိုင်ရာ ဒုတိယ အကြီးအကဲ Karen Maddocke နဲ့ သံရုံးအရာရှိတဦးတို့ ဦးတင်ဦးရဲ့ နေအိမ်ကို လာရောက်ခဲ့တာပါ။ ဦးတင်ဦးနဲ့ အတူ ဦးနိုင်းနိုင်းနဲ့ ဦးဉာဏ်ဝင်းတို့ ရှိနေကြတယ်လို့ သိရပါတယ်။
မေးမြန်းချက်နဲ့ ပတ်သက်ပြီး ဦးတင်ဦးက ခုလို ဖြေကြားခဲ့တယ်လို့ ပြောပါတယ်။
“ကျွန်တော်တို့ကတော့ ပါတီက ဖျက်သိမ်းတယ်ကို မမှတ်ယူဘူး။ ဒါကြောင့်မို့လို့ လုပ်စရာ ကိုင်စရာ ရှိတာကိုလည်းပဲ စည်းကမ်းနည်းလမ်း ဥပဒေဘောင်ထဲက ကျွန်တော်တို့ လုပ်နိုင်တာတွေ ကိုင်နိုင်တာတွေကို နိုင်ငံရေးတော့ ကောက်လုပ်နေတာပဲ၊ ခင်ဗျား မြင်တဲ့အတိုင်းပဲလို့။ အဖွဲ့တွေလည်း နယ်သွားကြ ပြုကြ လုပ်ကြ ကိုင်ကြ။ ဒီလိုပဲ ရှင်းဟယ် လင်းဟယ်၊ မသိတာတွေ မေးရင်လည်း ဒီက ဖြေဟယ်ကြားဟယ်ပေါ့ဗျာလို့။ အဲဒါ လုပ်နေတာပဲလို့။”
“ဒါတင်မကသေးဘူး၊ ကျွန်တော်တို့လည်းပဲ ဒီရှိနေတဲ့ CEC ထဲက လုပ်နိုင်တဲ့ လူငယ်တွေကို ထမ်းမှန်းပြီးတော့ မြေတောင်မြှောက်ပေးရင်းနဲ့ နောက်ထပ် ကျွန်တော်တို့ရဲ့ ဂျင်နရေးရှင်းသစ်ပေါ့ဗျာ။ အဲလို အတွေ့အကြုံရအောင် နယ်တွေ သွားကြ ဆင်းကြ လုပ်နေကြတာပဲလို့။”
လာရောက်တွေ့ဆုံသူကလည်း ဗြိတိန်နိုင်ငံအနေနဲ့ NLD ပါတီ အပေါ် စာနာမှုရှိ ကြောင်း ပံ့ပိုးဆောင်ရွက်စရာ ရှိတာတွေကို ဆက်လက် ဆောင်ရွက်ပေးမှာ ဖြစ်တယ်လို့ ပြောဆိုခဲ့တယ်လို့ သိရပါတယ်၊ မနက်ဖြန် စက်တင်ဘာလ ၂၂ ရက်နေ့မှာလည်း အမေရိကန်သံရုံးက လာရောက် တွေ့ဆုံဖို့ ရှိတယ်လို့ စုံစမ်းသိရှိရပါတယ်။
NLD ပါတီ ဒုတိယဥက္ကဋ္ဌ ဦးတင်ဦးဟာ မျက်လုံး ခွဲစိတ်ကုသခံဖို့ စင်ကာပူနိုင်ငံကို စက်တင်ဘာလ ၂၈ ရက်နေ့မှာ သွားရောက်ဖို့ အစီအစဉ်ရှိတယ်လို့ သိရပါတယ်။

သတင်း။ ။RFA

Monday, September 20, 2010

ဒေါ်အောင်ဆန်းစုကြည် မဲပေးခွင့် မရ

စစ်အစိုးရက ယနေ့ထုတ်ပြန်လိုက်သော မဲဆန္ဒ ပေးပိုင်ခွင့်ရှိသူများ စာရင်းတွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ပါဝင်ခြင်းမရှိကြောင်း သိရှိရသည်။

နိုဝင်ဘာ ၇ ရက်နေ့တွင် ကျင်းပမည့် ရွေးကောက်ပွဲ၌ စစ်အစိုးရက ဒေါ်အောင်ဆန်းစုကြည် ပါဝင်ခြင်းမရှိနိုင်ရန် ဥပဒေ အမျိုးမျိုးကို ထုတ်ပြန်ခဲ့ကြောင်း၊ ယနေ့ ထုတ်ပြန်လိုက်သော မဲဆန္ဒပေးပိုင်ခွင့်ရှိသူများ စာရင်းအရ နိုဗဲလ်ဆုရှင် ဒေါ်အောင်ဆန်းစုကြည်သည် ဝင်ရောက်ယှဉ်ပြိုင်ခွင့်သာမကဘဲ မဲပေးခွင့်ပါ ရရှိတော့မည် မဟုတ်ကြောင်း အေပီ သတင်း တွင် ဖော်ပြထားသည်။ 

ယခုနှစ် ရွေးကောက်ပွဲသည် ၁၉၉၀ တွင်ကျင်းပခဲ့သည့် အထွေထွေရွေးကောက်ပွဲအပြီး နှစ်ပေါင်း ၂၀ အတွင်း ကျင်းပမည့် ပထမဆုံး ရွေးကောက်ပွဲဖြစ်သည်။

ဒေါ်အောင်ဆန်းစုကြည် ဦးဆောင်သည့် အမျိုးသား ဒီမိုကရေစီအဖွဲ့ချုပ်(NLD) က ၁၉၉၀ ရွေးကောက်ပွဲတွင် အနိုင် ရခဲ့ သော်လည်း စစ်အစိုးရက အသိအမှတ်မပြုခဲ့သည့်အပြင် ဒေါ်အောင်ဆန်းစုကြည် ကိုလည်း ပြီးခဲ့သည့် ၂၁ နှစ်တာ ကာလ အတွင်း ၁၅ နှစ်ခန့် နေအိမ်အကျယ်ချုပ် ချထားခဲ့သည်။

ယခုနှစ် မတ်လတွင် အစိုးရက ထုတ်ပြန်ခဲ့သော ရွေးကောက်ပွဲဥပဒေများ၌ ပြစ်ဒဏ် ကျခံနေရသူများသည် ရွေးကောက်ပွဲ တွင် ဝင်ရောက်ယှဉ်ပြိုင်ခွင့် မရှိကြောင်း၊ မဲပေးပိုင်ခွင့် မရှိကြောင်း ပြဌာန်းထားသည်။

လာမည့် ရွေးကောက်ပွဲသည် ၁၉၆၂ ခုနှစ်မှ စတင်ခဲ့သည့် စစ်အာဏာရှင် စနစ်ကို ဆက်လက် အသက်သွင်းမည့် ရွေးကောက်ပွဲသာဖြစ်သည်ဟု လေ့လာသူများက ပြောဆိုကြောင်းလည်း အေပီ သတင်းတွင် ပါရှိသည်။

ဒေါ်အောင်ဆန်းစုကြည်သည် နေအိမ်အကျယ်ချုပ်မှ လွတ်မြောက်ရန် ၃ လ အလို ၂၀၀၉ ခုနှစ် သြဂုတ် ၁၁ ရက်နေ့တွင် အမေရိကန် နိုင်ငံသား ဂျွန် ဝီလျံ ယက်ထော နေအိမ်အတွင်းသို့ ဝင်ရောက်မှုဖြင့် နေအိမ်အကျယ်ချုပ် ဥပဒေကို ချိုးဖောက် သည်ဟုဆိုကာ ထောင်ဒဏ် ၃ နှစ် ထပ်မံ ချမှတ်ခံခဲ့ရသည်။ ထို့နောက် စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ အမိန့် ဖြင့် နေအိမ်အကျယ်ချုပ် ၁၈ လ သို့ လျှော့ချခဲ့သည်။

စစ်အစိုးရက ၁၉၈၈ တွင် အာဏာရယူပြီးနောက် ၁၉၇၄ အခြေခံဥပဒေကို ၂၀၀၈ အခြေခံ ဥပဒေဖြင့် အစားထိုးခဲ့သည်။ သို့သော် ဒေါ်အောင်ဆန်းစုကြည်ကို စွဲဆိုရာတွင်မူ အခြေခံဥပဒေဟောင်းကို အသုံးပြုထားသဖြင့် တရားမဝင်ဟု အမေရိ ကန် နိုင်ငံ ဝါရှင်တန်မြ်ို့ အခြေစိုက် Freedom Now ဥပဒေ ရေးရာအဖွဲ့က ယခုလ ၁၅ ရက်နေ့တွင် ပြောဆိုထားသည်။

မြန်မာ အစိုးရ၏ တည်ဆဲ ဥပဒေများအရ ၂၀၁၀ ခုနှစ် နိုဝင်ဘာလ ၁၃ ရက်နေ့တွင် ဒေါ်အောင်ဆန်းစုကြည် လွတ်မြောက် ရမည် ဖြစ်ကြောင်းလည်း Freedom Now က ကြေညာချက် ထုတ်ပြန်ထားသည်။

ရင်းမြစ်။ ။ဧရာဝတီ

ဆန္ဒမဲပေးပိုင်ခွင့် ရှိသူများ၏ မဲစာရင်းကို စက်တင်ဘာလ ၂၀ ရက်နေ့ တွင် ကြေညာမည်


ဆန္ဒမဲပေးပိုင်ခွင့်ရှိသူများ၏ မဲစာရင်းကို စက်တင်ဘာလ ၂၀ ရက် နေ့တွင် ကြေညာမည်ဖြစ်ကြောင်း သတင်းရရှိပါသည်။
    သက်ဆိုင်ရာကော်မရှင် အဖွဲ့ခွဲသည် မဲဆန္ဒနယ်အလိုက် ဆန္ဒမဲ ပေးပိုင်ခွင့်ရှိသူများ၏ အမည်စာရင်း ကို ရွေးကောက်ပွဲမတိုင်မီ သတ်မှတ်ထားသည့်အတိုင်း ကြိုတင်ကြေညာ ရမည်ဖြစ်ကြောင်း သိရသည်။

    "ဆန္ဒမဲပေးပိုင်ခွင့်ရှိသူတစ်ဦး ဟာ သက်ဆိုင်ရာမဲစာရင်းမှာ မိမိရဲ့အမည် ပါဝင်ခြင်းမရှိခဲ့လို့ရှိရင် သက်ဆိုင်ရာရပ်ကွက် သို့မဟုတ် ကျေးရွာအုပ်စုကော်မရှင် အဖွဲ့ခွဲ့သို့ မိမိရဲ့အမည်ကို ထည့်သွင်းပေးဖို့ သတ်မှတ်ထားတဲ့အတိုင်း တောင်းဆိုလွှာကို တင်သွင်းနိုင်ပါတယ်။ သက်ဆိုင်ရာရပ်ကွက် သို့မဟုတ် ကျေးရွာ အုပ်စုကော်မရှင်အဖွဲ့ခွဲက အမည်စာရင်း ထည့်သွင်းပေးခြင်း မရှိခဲ့လို့ရှိရင် သတ်မှတ်ထားတဲ့အတိုင်း မြို့နယ်ကော်မရှင်အဖွဲ့ခွဲသို့ အယူခံခွင့် ရှိပါတယ်"ဟု နိုင်ငံရေးလေ့လာ သုံးသပ်သူတစ်ဦးက ပြောကြားခဲ့သည်။

    လွှတ်တော် ကိုယ်စားလှယ်များ ကို ရွေးကောက်တင်မြှောက်ရန် မဲဆန္ဒနယ် အသီးသီးအတွက် ဆန္ဒမဲ ပေးပိုင်ခွင့်ရှိသူများ၏ မဲစာရင်းများ ကို သတ်မှတ်ထားသည့်အတိုင်း မြို့နယ်ကော်မရှင်အဖွဲ့ခွဲများနှင့် ရပ်ကွက် သို့မဟုတ် ကျေးရွာ အုပ်စုကော်မရှင် အဖွဲ့ခွဲတို့က ပြုစုရမည်ဖြစ်သည်။

    ၂၀၁၀ ပြည့်နှစ် မတ်လ ၈ ရက် ရက်စွဲဖြင့် ထုတ်ပြန်သော ပြည်သူ့လွှတ်တော် ရွေးကောက်ပွဲဥပဒေ၊ အမျိုးသားလွှတ်တော်ရွေးကောက်ပွဲ ဥပဒေ၊ တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် ရွေး ကောက်ပွဲဥပဒေတို့တွင် ပါရှိသည့် အခန်း(၄) ဆန္ဒမဲပေးပိုင်ခွင့်ရှိသူများ တွင် 'အောက်ပါအရည်အချင်းများ နှင့် ပြည့်စုံသူများသည် အမျိုးသား၊ အမျိုးသမီးမရွေး၊ ဘာသာမရွေး ရွေးကောက်ပွဲတွင် ဆန္ဒမဲပေးပိုင်ခွင့် ရှိသည် -

    (က) ရွေးကောက်ပွဲ စတင် ကျင်းပသည့်နေ့တွင် အသက် ၁၈ နှစ်ပြည့်ပြီး ဤဥပဒေပါ ပြဋ္ဌာန်း ချက်များနှင့် မဆန့်ကျင်သော နိုင်ငံသား၊ ဧည့်နိုင်ငံသား၊ နိုင်ငံသားပြု ခွင့်ရသူ သို့မဟုတ် ယာယီသက်သေခံ လက်မှတ်ကိုင်ဆောင်ထားသူ၊

    (ခ) 'သက်ဆိုင်ရာ မဲဆန္ဒနယ် ၏မဲစာရင်းတွင် ပါဝင်သူ' ဟု ဖော် ပြထားသည်။

    ပြည်ထောင်စု တစ်ဝန်းလုံးတွင် ၂၀၀၈ ခုနှစ် မေလက လူဦးရေ ၅၇ သန်းကျော်ရှိကြောင်းနှင့် ဆန္ဒမဲ ပေးပိုင်ခွင့်ရှိသူ ဦးရေ ၂၇ သန်း ကျော်ရှိ ကြောင်း တရားဝင်ထုတ်ပြန်ချက်များအရ သိရသည်။

    ထို့ပြင် အကြောင်းကြောင်းကြောင့် ပြည်ပသို့ရောက်ရှိနေသူ မြန်မာနိုင်ငံသားများမှာ သန်းကျော် ရှိကြောင်းလည်း သိရသည်။

ရင်းမြစ်။ ။ www.first-11.com

Sunday, September 19, 2010

NLD ကို အရေးယူနိုင်ဖွယ် ခြိမ်းခြောက်ရေးသား

ရွေးကောက်ပွဲမှာ မဲမပေးဘဲ သပိတ်မှောက်ဖို့ စည်းရုံး လှုံ့ဆော်တာဟာ လက်ရှိ ရွေးကောက်ပွဲ ဥပဒေအရ ပြစ်မှုမြောက်ပြီး ထောင်ဒဏ် ငွေဒဏ်နှစ်ရပ်စလုံးနဲ့ အရေးယူ အပြစ်ပေးလို့ရတယ်လို့ မြန်မာအစိုးရပိုင် သတင်းစာမှာ 18 ရက်နေ့ကရေးသားဖော်ပြခဲ့ပါတယ်။ ရွေးကောက်ပွဲကို သပိတ်မှောက်မယ်လို့ ပြောထားတဲ့ အမျိုးသား ဒီမိုကရေစီအဖွဲ့ချုပ်ကို အဓိက ပစ်မှတ်ထားပြီး ရေးသားတာဖြစ်တယ်လို့ ယူဆရပါတယ်။ ရွေးကောက်ပွဲမှာ မဲပေးတာ မဲမပေးတာဟာ ရွေးကောက်ပွဲဆိုင်ရာ အခွင့်အရေး ဆိုပြီး ပြဌာန်းထားပေမဲ့လို့ ရွေးကောက်ပွဲမှာ မဲမပေးဖို့ စည်းရုံးလှုံ့ဆော်မယ်ဆိုရင် မဲဆန္ဒရှင်တွေရဲ့ အခွင့်အရေး လွတ်လပ်စွာ သုံးစွဲလို့ မရအောင် မလျော်သြဇာသုံးပြီး ဆောင်ရွက်တာဖြစ်တယ်လို့ ရေးပါတယ်။
ဒီအတိုင်းဆိုရင် လက်ရှိ ရွေးကောက်ပွဲ ဥပဒေအရ အရေးယူ အပြစ်ပေးလို့ ရတယ်လို့ ဖော်ပြထားပါတယ်။ အမျိုးသားဒီမိုကရေစီအဖွဲ့ချုပ် ပြောခွင့်ရသူ ဦးဉာဏ်ဝင်းကတော့ သူတို့အမြင်မှာတော့ ရွေးကောက်ပွဲကို သပိတ်မှောက်တာဟာ ဥပဒေကို ချိုးဖောက်တာမဟုတ်ဘူးလို့ ပြောပါတယ်။
“ကျနော်တို့ပြောတာတော့ ညီတယ်ဗျ။ သူပြောချင်တဲ့ စကားလုံးကို ကျနော်တို့ လုံးဝ မပြောဘူး။ ကျနော်တို့ ပြောတာက မဲပေးနိင်တယ်၊ မဲမပေးလည်း နေနိုင်တယ်။ boycott လုပ်တာ ကျနော်တို့ ကိုယ့်လူနဲ့ကိုယ် လုပ်တာ၊ ကိုယ့် ထောက်ခံသူတွေနဲ့ ကိုယ် လုပ်တာ။ ဘာဥပဒေမှ ချိုးဖောက်တာ မရှိဘူး။”
အထိမ်းသိမ်းခံရတဲ့ မြန်မာ့ဒီမိုကရေစီခေါင်းဆာင် ဒေါ်အောင်ဆန်းစုကြည် ကတော့ ရွေးကောက်ပွဲမှာ မဲပေးခွင့်ရှိသလို၊ မဲမပေးဘဲ နေနိုင်ခွင့် ရှိတယ်လို့ သူနဲ့တွေ့ဆုံခဲ့တဲ့ ဦးဉာဏ်ဝင်းကတဆင့် လူထုကို စကားပါးခဲ့ပါတယ်။ ဒီနောက်မှာတော့ အမျိုးသား ဒီမိုကရေစီအဖွဲ့ချုပ် ခေါင်းဆောင်တွေဟာ နယ်အရပ်ရပ်ကို ဆင်းပြီး ရွေးကောက်ပွဲ သပိတ်မှောက်ရေး အစီအစဉ်တွေကို လှုပ်ရှား ဆောင်ရွက်လျက်ရှိပါတယ်။
နောက်တချက်ကတော့ အမျိုးသား ဒီမိုကရေစီ အဖွဲ့ချုပ်ဟာ ပါတီပျက်ပြယ်မှု မရှိသးဘူးလို့ ပြောဆိုနေတာတွေဟာ ဥပဒေပါ ပြဌာန်းချက်တွေကို မျက်ကွယ်ပြုပြီးတော့ လူထု ထင်ယောင်ထင်မှား ဖြစ်အောင် လုပ်ဆောင်တာလို့ ဥပဒေလေ့လာသူ တဦးဆိုတဲ့ စာရေးသူက ဒီကနေ့ အစိုးရသတင်းစာတွေမှာ ရေးထားပါတယ်။ စစ်အစိုးရသတင်းစာပါ ဆောင်းပါးတွေဟာ စစ်အစိုးရရဲ့ သဘောထား ကြေညာချက်တော့ မဟုတ်ပေမဲ့ ဒီဆောင်းပါးတွေဟာ စစ်အစိုးရရဲ့ သဘောကို ထင်ဟပ်လေ့ရှိတယ်လို့ လေ့လာသူတွေက ပြောပါတယ်။

သတင်း။ ။VOA

Saturday, September 18, 2010

ယခုရွေးကောက်ပွဲသည် သမိုင်းမှတ်တိုင်တစ်ခုမျှသာဟုဆို

မြန်မာနိုင်ငံတွင်အနှစ်၂၀ကာလအတွင်းပထမဆုံးကျင်းပတော့မည့်ရွေးကောက်ပွဲသည်ဒီမိုကရေစီ ပြန်လည်ထူထောင်ရေးခရီးတွင်မှတ်တိုင်တစ်ခုမျှသာဖြစ်သည်ဟုရန်ကုန်အခြေစိုက်ဒီမိုကရေစီနှင့် ငြိမ်းချမ်းရေးပါတီမှအကြီးတန်းပါတီဝင်တစ်ဦးကပြောကြားသည်။
"အရေးကြီးဆုံးအချက်က ဒီရွေးကောက်ပွဲဟာ ဒီမိုကရေစီပြန်လည် ရရှိရေးအတွက် နောက်ဆုံးပန်းတိုင် မဟုတ်ဘူးဆိုတာပါပဲ။ ဒီ ရွေး ကောက်ပွဲကို သမိုင်းမှတ်တိုင်တစ်ခုအဖြစ်ပဲ ကျွန်တော်တို့ သဘော ထားပါတယ်"ဟု ပါတီဗဟို အလုပ်အမှုဆောင်ကော်မတီဝင် ဦးမျိုးညွန့်က မြန်မာတိုင်း(မ်)ကို လွန်ခဲ့သောရက်သတ္တပတ် အတွင်းက ပြောကြားသည်။
"ဒီရွေးကောက်ပွဲမှာ ၀င်မပြိုင်ရင် ဒီမိုကရေစီ နောက်တစ်လှမ်း ဆုတ်သွားရုံရှိမှာပဲ။ ကနဦး ခြေလှမ်းမျှသာဖြစ်ပေမယ့် ဒီမိုကရေစီပန်းတိုင် ကိုသွားဖို့ တစ်ခုတည်းသောလမ်းပါ။ အင်န် အယ်လ်ဒီနဲ့ ကျွန်တော်တို့ရဲ့ အဓိက ခြားနားချက်က ဒါပါပဲ"ဟု ၎င်းကပြောသည်။
နိုဝင်ဘာ ၇ ရက်ရွေးကောက်ပွဲတွင် ယင်းတို့ ပါတီကကိုယ်စားလှယ်လောင်း ကိုးဦးသာ ပါဝင် ယှဉ်ပြိုင်နိုင်မည်ဖြစ်ရာ အများစုမှာ ရန်ကုန်တိုင်း ဒေသကြီးအတွင်း ပြည်သူ့လွှတ်တော် မဲဆန္ဒနယ် များ၌ ပါဝင်ယှဉ်ပြိုင်ကြမည်ဖြစ်သည်။
"အစတုန်းကတော့ တိုင်းဒေသကြီး ခုနစ်ခုမှာ ကိုယ်စားလှယ်လောင်း သုံးဦး စီနဲ့ စုစုပေါင်း ၂၁ ဦး ပါဝင်ယှဉ်ပြိုင်ဖို့ စီစဉ်ခဲ့တာပါပဲ။ လက်တွေ့မှာ ငွေရေး ကြေးရေးက မပြေလည်၊ အချိန်က မလုံ လောက်တော့ ရန်ကုန်၊ ပဲခူးနဲ့ စစ်ကိုင်းတိုင်း ဒေသကြီးတွေမှာ စုစုပေါင်း ကိုးဦးပဲ ယှဉ်ပြိုင်ဖို့ ဆုံးဖြတ်ခဲ့ရပါတယ်"ဟု ဦးမျိုးညွန့်က ပြောသည်။
တာမွေမြို့နယ်၊ ပြည်သူ့လွှတ်တော် ကိုယ်စား လှယ်အဖြစ် ၀င်ရောက်ယှဉ်ပြိုင်မည့် ပါတီ အတွင်းရေးမှူး ဦးသန်းထွန်းက ၎င်း၏ အဓိက ရည်ရွယ်ချက်မှာ မမျှမတဖြစ်နေသည့် တရားရေး စနစ်ကို ပိုမိုမျှတလာအောင် ပြုပြင်ရေးပင်ဖြစ်သည်ဟု ဆိုသည်။
ဦးသန်းထွန်းသည် မြန်မာနိုင်ငံရဲတပ်ဖွဲ့တွင် ၁၀ နှစ်ကြာ အမှုထမ်းခဲ့သူဖြစ်ပြီး ၁၉၈၉ တွင် အနားယူကာ ဧည့်လမ်းညွှန်လုပ်နေ ခဲ့သည်။
"ကျွန်တော့မိတ်ဆွေတွေက ကျွန်တော့ကို မဲထည့်ကြမယ်လို့ ပြောကြတယ်။ ဒီ/ငြိမ်းလို ပါတီတွေဟာ မြန်မာ့နိုင်ငံရေးကို ပြောင်းလဲ ပစ်နိုင်ပြီး ဒီမိုကရေစီ ကို ဖော်ဆောင်နိုင်ကြလိမ့်မယ်လို့ ကျွန်တော်ယုံကြည်တယ်။ ဒီမိုကရေစီကိုသာ လိုလားတယ်။ လူအများဆန္ဒ ကလည်း ဒီလိုပဲရှိ မယ်လို့ ကျွန်တော် ယုံကြည်ပါတယ်။ ကျွန်တော် တို့အားလုံး ငြိမ်းချမ်းရေးနဲ့ လူ့အခွင့်အရေးကို မြတ်နိုးကြတယ်"ဟု ဦးသန်းထွန်းက ပြောသည်။
ဦးမျိုးညွန့်က ၎င်းတို့၏ပါတီသည် ယခင် ၀န်ကြီးချုပ်ဟောင်းဦးနု တည်ထောင်ခဲ့သော ဒီမိုကရေစီနှင့် ငြိမ်းချမ်းရေးအဖွဲ့ချုပ်နှင့် နက် ရှိုင်းသောဆက်ဆံရေးရှိသည်ဟု ပြောသည်။
ဦးနု၏ပါတီသည် ၁၉၉၀ ပြည့်နှစ် ရွေးကောက် ပွဲတွင် ကိုယ်စားလှယ်တစ်နေရာမျှမရရှိဘဲ ရှုံးနိမ့်ကာ နောက်ပိုင်းတွင် ပါတီမှတ်ပုံတင် ပျက်သွားခဲ့ရပြီး ဒီမိုကရေစီနှင့် ငြိမ်းချမ်းရေး အဖွဲ့ချုပ်ပါတီဝင်များသည် နိုင်ငံရေးလှုပ်ရှားမှုများ ဆက်လက်လုပ် နေခဲ့ကြကြောင်း ဦးမျိုးညွန့် က ဆိုသည်။

သတင်း...Myanmar Time

Friday, September 17, 2010

ပေါက်ခေါင်းက အမျိုးသမီးကိုယ်စားလှယ်လောင်းရဲ့အသံ

News Pic
ပေါက်ခေါင်းမြို့နယ် ပြည်သူ့လွှတ်တော်ကိုယ်စားလှယ်လောင်း ဒေါ်အေးအေးဝင်း(ခေါ်)မစုက တက်ရောက်လာသည့်လူထုအား ဟောပြောနေစဉ်။
ဓာတ်ပုံ-ဟိန်းလတ်အောင်
သစ်သားဂိုဒေါင်အကြီးစားလို့ မှတ်ထင်ရတဲ့ ကဇာတ်ရုံကြီးထဲက လူ ၅၀ လောက်ရဲ့ရှေ့ ဇာတ်စင်ပေါ်မှာ လူရှစ်ယောက်တန်းစီပြီး ထိုင်နေတယ်။
သူတို့ရဲ့အနောက်ဘက်မှာ 'ပြည်ထောင်စု မြန်မာနိုင်ငံ အမျိုးသား နိုင်ငံရေးအဖွဲ့ချုပ် လူထု တွေ့ဆုံဟောပြောပွဲ'ဆိုတဲ့ အနီရောင်စာတန်း တစ်ခု ရှိနေတယ်။
အခမ်းအနားအစီအစဉ်အနည်းငယ်အပြီးမှာ မြန်မာအင်္ကျီအဖြူ၊ ထမီ အညိုကို ၀တ်ဆင်ထားတဲ့ အသားဖြူဖြူ အမျိုးသမီးတစ်ဦးက စင်မြင့် အရှေ့ ပိုင်းကို ထွက်လာပြီး စကားစပြောပါတယ်။
သူက ပဲခူးတိုင်းဒေသကြီး ပေါက် ခေါင်းမြို့နယ်က ပြည်သူ့လွှတ်တော် အမတ်လောင်း ဒေါ်အေး အေးဝင်း (ခေါ်) မစုပဲ ဖြစ်ပါတယ်။
"ပေါက်ခေါင်းမြို့နယ်မှာ ဘယ်သူမှ လွှတ်တော် ကိုယ်စားလှယ်လောင်း အဖြစ် ထွက်မလာဘူးဆိုရင် ကျွန်မတို့ အများကြီး နစ်နာသွားမှာပါ"လို့ ရွေးကောက်ပွဲဝင်ရဖို့ သူဆုံးဖြတ်ခဲ့ရပုံကို မာန် အပြည့် ဌာန်အပြည့်နဲ့ ပြောတယ်။
ပေါက်ခေါင်းမြို့နယ် ပြည်သူ့လွှတ်တော် ရွေးကောက်ပွဲမှာ သူနဲ့အတူ ယှဉ်ပြိုင်ကြမှာက ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနဲ့ တိုင်းရင်းသားစည်းလုံးညီညွတ်ရေးပါတီတို့ပဲ ဖြစ်ပါတယ်။
"ပြည်သူရဲ့ဆန္ဒတွေ၊ လိုအပ်ချက်တွေ၊ အကျိုး စီးပွားတွေကို ကိုယ်စားလှယ်လောင်းတွေရဲ့ လက်ထဲကို ပုံပေးလိုက်သလို ဖြစ်မှာပါ။
"ကျွန်မတို့ ကိုယ်စားလှယ်လောင်းတွေ ရွေး ကောက်ပွဲဝင်ဖို့ ငွေငါးသိန်းပေးရတယ်။ အဲဒီ ငွေငါးသိန်းက သူများတွေအတွက် လွယ်ချင်လွယ်မယ်။ ကျွန်မအတွက်ကတော့ နဖူးကချွေး ခြေမ ကျအောင် ရှာဖွေထားရတဲ့ပိုက်ဆံပါ။ ဒီလို ဟောပြောပွဲတွေလုပ်ဖို့ အကုန်အကျခံတာကလည်း ကျွန်မရဲ့ ချွေးနှဲစာနဲ့ လုပ်ခဲ့တာပါ။ ကျွန်မ ဒီလို အလုပ်ကို တစ်ဆုပ်တစ်လုပ်နဲ့ ရှာခဲ့ရတဲ့ ပိုက်ဆံကို အများပြည်သူအတွက်သုံးတာပါ။ ဒါကို ပေါက်ခေါင်းမြို့နယ်က ပြည်သူတွေက နားမလည်ဘူးလို့ပဲ ကျွန်မယူဆတယ်။
"အခုကြည့်လေ၊ ဒီလိုမျိုးဟောပြောပွဲတွေ အမြို့မြို့အနယ်နယ်မှာ လုပ်ခဲ့ပေမယ့် ဟောဒီ ပေါက်ခေါင်းမြို့မှာ တက်တဲ့လူထုက အနည်းဆုံးပဲ။ အဲဒါ ကျွန်မ စိတ်မကောင်းပါဘူး။ အဓိကက ကျွန်မကို မကျေနပ်တာလား။ ကျွန်မကို မကြိုက်တာလား။ ဒါဆိုလည်း ကျွန်မ လူစားလဲပေးလိုက်မယ်၊ ဖြစ်တယ်။
"ဒါပေမယ့် အားလုံးကို နားလည်စေချင်တာက ပေါက်ခေါင်းမြို့မှာရှိတဲ့ ပြည်သူလူထုတွေရဲ့ အကျိုးစီးပွား၊ ပြည်သူလူထုတွေဖြစ် ချင်တဲ့ ဆန္ဒတွေ၊ ပြည်သူလူထုတွေရဲ့လိုအပ်ချက်တွေကို အကောင်အထည်ဖော်ပေးချင်လို့သာ ကျွန်မက အရှေ့ကို မားမားမတ်မတ် ထွက်ပြီးရပ်လိုက်တာပါ။ အဲဒီအတွက်ကိုလည်း နားလည်ပေးစေချင်တယ်"လို့ ပြောနေတဲ့ ဒေါ်အေးအေးဝင်းရဲ့အသံက လေးမျက်နှာ ဘုရား ကဇာတ်ရုံ စပီကာကနေ ဟိန်းထွက်နေတယ်။
"ဒါပေမယ့် ကိုယ်ကိုယ်တိုင်လည်း မလုပ်နိုင် ဘူး။ သူများလုပ်တာကိုလည်း အားမပေးဘူး ဆိုတဲ့ ဟိုဘက်လည်းမဟုတ် ဒီဘက်လည်း မဟုတ် ကိုးရိုးကားရားတော့ မနေကြပါနဲ့"လို့ ပေါက်ခေါင်းပြည်သူတွေကို သူက တိုက်တွန်း လိုက်တယ်။
"ကျွန်မသူငယ်ချင်းတွေက ကျွန်မကို ပြော တယ်။ ဒီဥစ္စာကြီးက ဘာပဲဖြစ်ဖြစ် ရှုံးမယ်မှန်း သိရဲ့သားနဲ့ လုပ်တယ်ဆိုတာ။ ဒါပေမယ့် ကျွန်မ ပြောမယ် ရှုံးတယ်ဆိုတာ ဘယ်လိုမျိုးမှ ရှုံးမှာလဲ။ ကျွန်မကိုသာ မဲပေးမယ်ဆိုရင် ကျွန်မရှုံးနိုင်စရာ အကြောင်းမရှိပါဘူး"ဆိုတဲ့ ဒေါ်အေးအေးဝင်းရဲ့ ပြောစကားက ပရိသတ်တွေရဲ့ လက်ခုပ်သံတွေကို ရယူနိုင်လိုက်ပါတယ်။
"ဒီမိုကရေစီရချင်တယ်ဆိုတာ ကျွန်မ တစ်ယောက်တည်း လုပ်နေလို့မရပါဘူး။ အခု ပေါက်ခေါင်းမြို့နယ်အတိုင်းအတာအရပြောမယ် ဆိုရင် ပေါက်ခေါင်းမြို့နယ်က ပြည်သူလူထုတွေ အကုန်လုံးအပေါ်မှာ တာဝန်ရှိပါတယ်။ ၁၈ နှစ် ပြည့်တဲ့လူတိုင်းမှာ ဒီမိုကရေစီရဖို့ တာဝန်ရှိပါတယ်"
လက်ခုပ်သံတွေ နောက်တစ်ခေါက်။
ပြည်သူ့လွှတ်တော်ကိုယ်စားလှယ်လောင်းအဖြစ် အများရှေ့ကို ထွက်ရပ်လာတဲ့ အသက် ၄၅ နှစ်အရွယ် ဒေါ်အေးအေးဝင်းက သူဟာ ငယ်ငယ်ကတည်းက မဟုတ်မခံစိတ်ရှိသူဖြစ်ပေမယ့် ဒီလိုလူရှေ့မှာ မော်မော်ကြွားကြွား မနေခဲ့ဘူး၊ အင်္ကျီအရောင်တောက်တောက် တောင် မ၀တ်ခဲ့ဘူးလို့ ဆိုပါတယ်။
"ဒါပေမယ့် ကျွန်မဒီတာဝန်တွေကို ထမ်းဆောင် ပြီးတော့ ပြည်သူ့လွှတ်တော် ကိုယ်စားလှယ် လောင်းအဖြစ် မားမားမတ်မတ် အရွေး ခံမယ်။ အဲဒါကို လှိုက်လှိုက်လှဲလှဲ အားပေးဖို့လိုတယ်။ အခုဆိုရင် ဘာပဲပြောပြော ကျွန်မကိုသာပဲ ပြည်သူလူထုက 'ငါတို့အကျိုးစီးပွား အတွက် မိန်းကလေးတန်မဲ့ ရှေ့ကိုထွက်ပြီးရပ်လာတဲ့ ပြည်သူ့လွှတ်တော်ကိုယ်စားလှယ်လောင်းကို ပြည်သူ့လွှတ်တော် ကိုယ်စား လှယ်အစစ်ဖြစ် သွားအောင် အားပေးမယ်လို့ သန္နိဋ္ဌာန်ချထားကြ ပါလို့ ကျွန်မက နှိုးဆော်ချင်ပါတယ်"လို့ ဒေါ်အေးအေးဝင်းက တက်ရောက်လာတဲ့ပရိသတ်ကို ပြောပါတယ်။
တကယ်လို့များ ပေါက်ခေါင်းမြို့နယ်ရဲ့ ပြည်သူ့ လွှတ်တော်ကိုယ်စားလှယ်ဖြစ်လာခဲ့ရင် ပြည်သူတွေအတွက် သူက ဘာလုပ်ပေးမှာလဲ ဆိုတာလည်း စိတ်ဝင်စားစရာပါ။
"အကုန်လုံးကတော့ တန်းတူလိုအပ်နေတာပဲ။ ကျောင်းသားလည်းလိုအပ်နေတယ်၊ တောင်သူကလည်း လိုအပ်နေတယ်။ လုပ်ငန်းရှင် တွေလည်း လိုအပ်နေတယ်။ အကုန်လုံးအတွက် လုပ်ပေးချင်နေတာပါပဲ။ အဲဒီအချိန်မှာ တွေ့ရတဲ့အခက်အခဲကို အရင်ဆုံးဖြေရှင်း ပေးရမှာပဲလေ။ ဘယ်လူတန်းစားက အရင်ဆုံးပေါ်လာမယ်ဆိုတာ မသိဘူးလေ"လို့ ဟောပြောပွဲအပြီး စင်မြင့်ပေါ်က အဆင်းမှာပဲ မြန်မာတိုင်း(မ်)ကို သူက ဖြေကြားခဲ့ပါတယ်။
စည်းရုံးရေးစရိတ်ကိုတော့ ပြည်သူ့ပါတီဖြစ်တဲ့အတွက် ပြည်သူဆီကပဲ ပြန်ပြီးကောက်ခံဖို့ စိတ်ကူးထားတယ်ဆိုတဲ့ ဒေါ်အေး အေးဝင်းက "ဒီမိုကရေစီ တကယ်ရချင်ရင် တကယ်ပူးပေါင်း ဆောင်ရွက်ပါ"လို့ ပြည်သူတွေကို ပြောချင်ပါတယ်တဲ့။
၁၉၈၈ ခုနှစ်မှာ တက္ကသိုလ် ဓာတုဗေဒဂုဏ်ထူးတန်း ကျောင်းသူတစ်ဦးဖြစ်ခဲ့တဲ့ ဒေါ်အေးအေးဝင်းက အဖြစ်အပျက်တွေဟာ သူ့ရဲ့မျက်စိရှေ့မှာပဲ ဖြစ်သွားခဲ့တယ်လို့ ဆိုပါတယ်။
"ကိုယ့်မြို့ ကိုယ်ပြန်လာတော့လည်း အုပ်ချုပ်တဲ့ အစိုးရပျက်ပြားသွားတဲ့ အချိန်ဆိုတော့ အစ်မတို့ကျောင်းသားတွေကပဲ မြို့ရဲ့ အုပ်ချုပ်ရေး ကိုလုပ်ခဲ့ရတယ်။ အဲဒီလူတွေအားလုံးထဲမှာ အခု အစ်မတစ်ယောက်ပဲ ရှိတော့တယ်"လို့ သူက ပြောပြတယ်။
အခုအချိန်မှာ နိုင်ငံရေးကို သေချာမလေ့လာ သူတွေသာ နိုင်ငံရေးကို ကြောက်ကြတယ်လို့ အထည်ဆိုင်စီးပွားရေးလုပ်ငန်း လုပ်ကိုင်တဲ့ ဒေါ်အေးအေးဝင်းက ပြောပါတယ်။
စက်တင်ဘာလ ၁၁ ရက်နေ့က ပဲခူးတိုင်း ဒေသကြီးအနောက်ပိုင်း ပေါက်ခေါင်းမြို့နယ်မှာ ကျင်းပတဲ့ ပြည်ထောင်စုမြန်မာနိုင်ငံ အမျိုးသား နိုင်ငံရေးအဖွဲ့ချုပ်ရဲ့ လူထုတွေ့ဆုံပွဲကို တက် ရောက်လာသူတစ်ဦးဖြစ်တဲ့ ဦးသန်းအောင်က သူဟာပါတီဝင်မဟုတ် သေးပေမယ့် ဟောပြောပွဲ ရှိတယ်ဆိုလို့ လာနားထောင်တာလို့ မြန်မာတိုင်း(မ်)ကို ပြောပြပါတယ်။
"သူတို့ပြောတာဆိုတာတွေ နားထောင်ကြည့်ချင်လို့။ အခု နားထောင်ကြည့်ရတာတော့ ကောင်းပါတယ်။ တခြားပါတီတွေ ပြောတာဆို တာတော့ နားမထောင်ကြည့်ရသေးဘူး။ ဒါ ပထမဆုံးပဲ"လို့ ဇီးကုန်းမြို့နယ်ကလာတဲ့ ဦးသန်းအောင်က ပြောပါတယ်။
"ကြံ့ခိုင်ရေးနဲ့ တစည ၀င်ပြိုင်မယ်ဆိုတာတော့ သိတယ်။ နိုင်ငံအတွက် ကောင်းတဲ့အလုပ်တွေ လုပ်စေချင်တာပါ။ လူမှုရေး၊ စီးပွားရေး၊ ဘာသာရေးပေါ့။ ဒါမျိုးတွေ ကောင်းဖို့ပေါ့။"

Myanmar Time 

ရွေးကောက်ပွဲကို မကြိုက်ပေမဲ့ နောက်ပိုင်း အပြောင်းအလဲ မျှော်လင့်

မြန်မာစစ်အစိုးရနဲ့ တွေ့ဆုံဆွေးနွေးရေး အမေရိကန် အစိုးရရဲ့ လမ်းစဉ်ဟာ စိတ်ပျက်စရာတွေသာ ဖြစ်ခဲ့ပေမဲ့ ဒါဟာ ရေရှည် လုပ်ဆောင်သွားရမယ့် လမ်းစဉ်ပဲ ဖြစ်တယ်လို့ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) က ပြောလိုက်ပါတယ်။ ၀ါရှင်တန်ဒီစီ မြို့တော်မှာ ကြာသပတေးနေ့ မွန်းလွဲပိုင်းက လုပ်ခဲ့တဲ့ အာရှ၊ ပစိဖိတ်ဒေသဆိုင်ရာ အမေရိကန်ရဲ့ နောက်ထပ် ခြေလှမ်းများ ဆိုတဲ့ ဆွေးနွေးပွဲမှာ မစ္စတာ ကမ်းဘဲလ်က ပြောသွားတာ ဖြစ်ပါတယ်။ အပြည့်အစုံကို ဦးကျော်ဇံသာက တင်ပြပေးထားပါတယ်။

အမေရိကန် ပြည်ထောင်စုဟာ အစတုန်းက အာရှနဲ့ ပတ်သက်ရင် အရှေ့မြောက် အာရှဒေသကိုသာ ပိုပြီးတော့ အာရုံစူးစိုက်ခဲ့ပေမဲ့ သမ္မတ အိုဘားမား အစိုးရ တက်လာပြီးနောက် အရှေ့တောင်အာရှ အရေးကိုလည်း အလေးပေး စဉ်းစားလာခဲ့ပါတယ်။ ဒီအထဲမှာ မြန်မာနိုင်ငံ အရေးကိုလည်း အထူး ဦးစားပေးပြီး မြန်မာနဲ့ ပတ်သက်တဲ့ မူဝါဒအတွက် သက်ဆိုင် ပတ်သက်နေတဲ့ ပုဂ္ဂိုလ်တွေ၊ အင်အားစုတွေ၊ ကျွမ်းကျင်သူတွေ၊ ဒေသတွင်း နိုင်ငံတွေ၊ အစိုးရတွေနဲ့ ဆွေးနွေး ညှိနှိုင်းခဲ့တယ်လို့ ဆိုပါတယ်။

အဲဒီလို ဆွေးနွေး သုံးသပ်ပြီးတော့မှ ပိတ်ဆို့ အရေးယူမှု သက်သက်ရော၊ လိုက်လျောဆက်ဆံရေးပါ အလုပ်မဖြစ်ဘူး ဆိုတာကို တွေ့ရှိခဲ့ရတဲ့အတွက် တွေ့ဆုံဆွေးနွေးမယ်ဆိုတဲ့ မူဝါဒကို ရွေးချယ်ခဲ့တာပါ။ ဒါပေမဲ့ ဒီ တွေ့ဆုံဆွေးနွေးရေး လမ်းစဉ်ဟာလည်း အခုချိန်ထိ စိတ်ပျက်စရာတွေနဲ့ပဲ ကြုံတွေ့နေရတယ်ဆိုတာ မစ္စတာ ကာ့တ် ကမ်းဘဲလ် (Kurt Campbell) က အခုလို ၀န်ခံသွားပါတယ်။

“ဒီနေ့အချိန်ထိ တွေ့ဆုံဆွေးနွေးရေးဟာ စိတ်ပျက်ဖို့ ကောင်းတယ်လို့ ပြောရင် မမှားဘူးလို့ ကျနော် ထင်ပါတယ်။ ခက်ခဲတဲ့ စိန်ခေါ်မှုတွေနဲ့လည်း ရင်ဆိုင်နေရပါတယ်။ ဒေါ်အောင်ဆန်းစုကြည်ကိစ္စ၊ နိုင်ငံရေး အကျဉ်းသားတွေကိစ္စ၊ ရွေးကောက်ပွဲ မတိုင်ခင် ပြည်တွင်းမှာပဲ အချင်းချင်း တွေ့ဆုံဆွေးနွေးကြဖို့ ကိစ္စ၊ မြောက်ကိုရီးယားနဲ့ သံသယ ဖြစ်စရာကောင်းတဲ့ ဆက်ဆံရေးနဲ့ ပတ်သက်ပြီးတော့ အာမခံချက်ပေးဖို့ ကိစ္စတွေအတွက် တိုးတက်မှု တစုံတရာ ဖြစ်ထွန်းအောင် ကျနော်တို့ အားထုတ်ခဲ့ပါတယ်။

“ဒီကိစ္စရပ်တွေ အားလုံးမှာ စိတ်ပျက်ခဲ့ရတယ်လို့ ပြောရမှာပါ။ ဒါပေမဲ့ အစတုန်းက ကျနော်တို့ ပြောခဲ့သလိုပါ၊ ဒါဟာ ရေတိုမူဝါဒ မဟုတ်ပါဘူး၊ ရေရှည် လုပ်ဆောင်ကြရမယ့် ကိစ္စ ဖြစ်ပါတယ်။”

ဒါပေမဲ့ သူတို့ရဲ့ ဒီမူဝါဒဟာ အောင်မြင်ရမယ်လို့တော့ အလွန်အကျွံ ကတိမပေးလိုဘူး၊ အဆင့်တိုင်း အဆင့်တိုင်းမှာ ဘယ်လို အခြေအနေတွေ ရှိနေတယ် ဆိုတာကိုလည်း ပွင့်ပွင့်လင်းလင်း ပြောသွားမှာ ဖြစ်တယ်လို့လည်း ဆိုပါတယ်။ ပြီးတော့ သူတို့ရဲ့ မူဝါဒသစ်ကို ဒေါ်အောင်ဆန်းစုကြည်ကလည်း သဘောတူ လက်ခံတယ်လို့ ပြောပါတယ်။

နောက်တချက်ကတော့ နိုဝင်ဘာ ၇ ရက် ကျင်းပမယ့် ရွေးကောက်ပွဲကို မစ္စတာ ကမ်းဘဲလ်က ဒါဟာ နိုင်ငံတကာက လက်ခံနိုင်တဲ့ကိစ္စ မဟုတ်ဘူး၊ တရားမမျှတတဲ့ လုပ်ရပ်သာ ဖြစ်မယ်လို့လည်း ယတိပြတ် ပြောသွားပါတယ်။

“ဒီနေ့ တွေ့မြင်နေရသမျှ ပြောရရင် နိုဝင်ဘာ ရွေးကောက်ပွဲဟာ နိုင်ငံတကာ တရားဝင် အသိအမှတ် ပြုမှုနဲ့ ကင်းမဲ့နေပါတယ်။ လေ့လာစောင့်ကြည့်သူ လုံးဝမရှိ၊ နိုင်ငံတကာက အသိအမှတ် ပြုနိုင်တဲ့ လုပ်ရပ်လည်း တချက်မှ မရှိပါဘူး။”

အဲဒီလို ရွေးကောက်ပွဲဟာ နိုင်ငံတကာက လက်ခံနိုင်စရာ မရှိတဲ့ ရွေးကောက်ပွဲလို့ ဆိုပေမဲ့လည်း ရွေးကောက်ပွဲ နောက်ပိုင်းမှာ မြန်မာ့နိုင်ငံရေး အခင်းအကျင်း ပြောင်းလာနိုင်မယ့် အရေးကိုလည်း မစ္စတာ ကာ့တ် ကမ်းဘဲလ်က မျှော်လင့်နေတဲ့ သဘောမျိုး ပြောသွားပါသေးတယ်။

“ရွေးကောက်ပွဲ ကာလမှာတော့ မြန်မာ့နိုင်ငံရေး ဇာတ်ခုံမှာ ဇာတ်ကောင်သစ်တွေ၊ အာဏာဆက်ဆံရေး ပုံစံသစ်တွေ၊ နိုင်ငံတွင်း အခြေခံ အဆောက်အဦး အသစ်တွေ ပေါ်ထွက်ကောင်း ထွက်လာနိုင်ပါတယ်။ ဒါကြောင့် ကျနော်တို့ အနေနဲ့ ဘာလုပ်နိုင်မလဲ ဆိုတာ အဆင်သင့် ဖြစ်နေဖို့ လိုမယ် ထင်ပါတယ်။ ဒီ့အတွက် ဒေသတွင်းက ကျနော်တို့ မိတ်ဆွေတွေနဲ့ နီးနီးကပ်ကပ် ဆွေးနွေး ညှိနှိုင်းနေပါတယ်။ အဆင်သင့် တံခါးဖွင့်ထားပါတယ်။”

တကယ်တော့ မစ္စတာ ကာ့တ် ကမ်းဘဲလ်ရဲ့ ဒီနေ့ ပြောကြားချက်ဟာ အဓိကအားဖြင့်တော့ မြန်မာနိုင်ငံ စစ်အစိုးရနဲ့ ဆက်ဆံရေးဟာ အောင်မြင်မှု မရှိပေမဲ့ စိတ်မလျှော့သေးဘူး၊ သည်းခံပြီး စောင့်ဆိုင်းနေဦးမယ် ဆိုတဲ့ သဘောကို ပြောကြားလိုက်တာ ဖြစ်ပါတယ်။ အခုအချိန်မှာ မြန်မာနိုင်ငံ စစ်အစိုးရဟာ အမျိုးသား ဒီမိုကရေစီ အဖွဲ့ချုပ်ကို တရားဝင် နိုင်ငံရေးပါတီ အဖြစ် ရပ်တည်ခွင့်တောင်မှ မပေးတော့တဲ့ အခြေအနေအထိ လုပ်လာပြီ ဖြစ်ပါတယ်။

ဒါကြောင့် ဒီလို အချိန်မျိုးမှာ အမေရိကန် အစိုးရရဲ့ မူဝါဒဟာ တစုံတရာ ပြောင်းလဲလာလေမလား ဆိုပြီးတော့ မြန်မာ့ဒီမိုကရေစီရေး လှုပ်ရှားသူတွေဘက်က မျှော်လင့် စောင့်စားနေကြတဲ့ အချိန်ဆိုရင် မှားမယ်မဟုတ်ပါဘူး။

ရင်းမြစ်။ ။ VOA

Thursday, September 16, 2010

ဘယ်ကိုသွားမှာလဲ


     ပြီးခဲ့သော ဆယ်စုနှစ်ကာလများမှ စတင်ကာ ရေစီးကြောင်းတစ်ခုသဖွယ် ဖြစ်လာခဲ့သည့် နိုင်ငံရပ်ခြားသို့ သွားရောက်အလုပ်လုပ်ကိုင်ခြင်း၊ ပညာသွားရောက်သင်ယူခြင်းများမှာ  လူငယ်၊ လူလတ်ပိုင်းများအကြား၌  ဘ၀တိုးတက်ရာ ထွက်ပေါက်တစ်ခုအနေဖြင့် ရေပန်စားနေဆဲ ဖြစ်ပါသည်။
         ထိုကဲ့သို့ ရေပန်းစားနေဆဲဖြစ်သော်လည်း လက်ရှိအချိန်၌မူ နိုင်ငံခြားသို့ သွားရောက်ပညာသင်ယူခြင်းနှင့် အလုပ်လုပ်ရန်အတွက် ထွက်ခွာခြင်းတို့မှာ ယခင်အချိန်များနှင့် နှိုင်းယှဉ်ပါက အခက်အခဲများ ပိုမိုရင်ဆိုင်လာရကြောင်း သိရပါသည်။ မြန်မာလူငယ်အများစုသွားရောက်ကြသည့် နိုင်ငံများမှ ပြည်ဝင်ခွင့်ဆိုင်ရာကိစ္စရပ်များ၊ နေထိုင်ခွင့်ဆိုင်ရာကိစ္စရပ်များ အစရှိသည်တို့ကို တင်းကြပ်မှုများ ပြုလုပ်လာကြသည့်နည်းတူ နိုင်ငံအသီးသီး၌ သွားရောက်နေထိုင် ပညာသင်ယူ အလုပ်လုပ်ကိုင်နေကြသူအများစုမှာ နေထိုင်ရာနိုင်ငံများတွင် ရင်ဆိုင်ရသော အခက်အခဲများကို ထုတ်ဖော်ပြောဆိုမှုများရှိလာပါသည်။
        လက်ရှိအချိန်တွင် နိုင်ငံရပ်ခြားသို့သွားရောက်ရာတွင် ငွေကြေးတတ်နိုင်ချမ်းသာသူများထက် ငွေကြေးမပြည့်စုံပဲ ဘ၀ကြီးပွားတိုးတက်လို၍ သွားရောက်ကြသောသူများအတွက်မူ နိုင်ငံရပ်ခြားတွင် ရင်ဆိုင်ရမည့်အခြေအနေများက စိန်ခေါ်မှုတစ်ရပ်ဖြစ်လာကြောင်းလည်း သိရသည်။
          "မလေးရှားမှာ ကြုံတွေ့ခဲ့ရတဲ့ အခက်အခဲတွေကတော့အများကြီးပါပဲ၊ စက်ရုံတွေအလုပ်ရုံတွေကပေးတဲ့ လစာတွေကို အေးဂျင့်ကဖြတ်ယူထားတာတွေ၊ လစာငွေပုံမှန်ရှင်းပေရမယ့် အချိန်မှာ ရက်တွေအများကြီးကျော်ပြီးမှ ရှင်းတာတွေ၊ မြန်မာပြည်ကအေးဂျင့်တွေကပြတဲ့ Demand Letter မှာပါတဲ့အတိုင်း သက်တမ်း ၂ နှစ်ပြည့်တဲ့အထိ စက်ရုံတစ်ခုတည်းမှာပဲ လုပ်ရမယ်ဆိုတာကို တစ်နှစ်တည်းလုပ်ပြီး  Work Permit သက်တမ်းတိုးတော့မှ စားသောက်ဆိုင်၊ ဟိုတယ်တို့လိုနေရာတွေမှာ သန့်ရှင်းရေးဝင်လုပ်ခိုင်းတာတွေ၊ စက်ရုံမှာအလုပ်လုပ်နေစဉ်အတွင်းမှာပဲ ရသင့်ရထိုက်တဲ့လုပ်အားခတွေ၊ အခွင့်အရေးတွေမရတာတွေ အများကြီးရှိပါတယ်"ဟု မလေးရှား နိုင်ငံတွင်(၅)နှစ်ကြာ သွားရောက်အလုပ်လုပ်ခဲ့ပြီး နေရပ်သို့ပြန်ရောက်လာသူ ကိုဇော်ဝင်းကပြောပြခဲ့ပါသည်။

စင်ကာပူနိုင်ငံနှင့် မလေးရှား၊ ထိုင်းအစရှိသော ဒေသတွင်းနိုင်ငံများသို့ မြန်မာအများစုက ပုံစံမျိုးစုံဖြင့် သွားရောက်ထွက်ခွာနေကြသည့် နည်းတူ ဒူဘိုင်း၊ ကာတာအစရှိသော အရှေ့အလယ်ပိုင်း နိုင်ငံများသို့ လည်း ထွက်ခွာလျက်ရှိနေပါသည်။ သို့သော် အဆိုပါနိုင်ငံများတွင် မြန်မာလူငယ်အများစု လုပ်ကိုင်ရသည့် အလုပ်များမှာ  .  .  .

        "အဆင်မပြေလှပါဘူး။ တရားမ၀င်နိုင်ငံခြားသား အလုပ်သမားတွေများတဲ့ နိုင်ငံဖြစ်လို့ နည်းနည်းတော့ လှုပ်သာ၊ ရှားသာရှိပါတယ်။ ၀င်ငွေကတော့ အောက်ကြေးပါပဲ။ ငွေရေးကြေးရေး အတိုင်းအတာအရ မစုဆောင်းမိပေမယ့် လုပ်ငန်းအတွေ့အကြုံကတော့ ယူတတ်ရင် ယူတတ်သလို ရပါတယ်။ ကျွန်တော့်အဖို့ စုဆောင်းမိတာကလည်း လုပ်ငန်းအတွေ့အကြုံပါပဲ။ ဒီကိုလာဖို့ပြင်နေတယ်ဆိုရင်တော့ ဘာသာစကားနဲ့ နည်းပညာကျွမ်းကျင်မှု၊ စူးစမ်းလေ့လာသင်ယူလိုစိတ်နဲ့ ရိုးသားပွင့်လင်းပေမယ့် လူရည်လည်မှုတို့အပြင် ဒဏ်ခံနိုင်ရည်တို့ကို တတ်နိုင်သလောက်များများ သယ်ဆောင်ကြစေလိုပါတယ်"ဟု ကိုပြည့်ဖြိုးဝင်းက ပြောပြပါသည်။
          မလေးရှာနိုင်ငံနည်းတူ မြန်မာအများစု သွားရောက်ကြသည့် နိုင်ငံများထဲတွင် စင်ကာပူနိုင်ငံလည်း အပါအ၀င်ဖြစ်ပါသည်။ နည်းပညာနှင့် အင်ဂျင်နီယာဘာသာရပ်များကို ကျွမ်းကျင်သူများအတွက် အလုပ်အကိုင်ပေါများခြင်း၊ နိုင်ငံတကာပညာရေးဝန်ဆောင်မှုများ၏ ဆွဲဆောင်မှုများအပြင် ပညာသင်ယူပြီး အလုပ်လုပ်ကိုင်နိုင်ခြင်း၊ ပညာရေးကို ခုတုံးလုပ်ပြီး အလုပ်လုပ်ကိုင်နိုင်ခြင်း၊ အမြဲတန်းနေထိုင်ခွင့်ပီအာရရှိရန် အခွင့်အလမ်းစသည့်အချက်များကြောင့် စင်ကာပူနိုင်ငံသို့ သွားရောက်မှုများနေခြင်း ဖြစ်ပါသည်။           "စင်ကာပူမှာ မြန်မာတွေအတွက် အရင်ကထက်စာရင် အလုပ်ရဖို့ ပိုခက်လာတယ်။ အစိုးရပေါ်လစီအပြောင်းအလဲကြောင့်လည်း ဖြစ်ပါတယ်။ နိုင်ငံခြားသားတွေဝင်လာတာကို ကန့်သတ်ပြီး စင်ကာပူနိုင်ငံသားတွေကို အလုပ်အကိုင်ရရှိရေး ဦးစားပေးဖို့ အွန်လိုင်းမှာဆူဆူညံညံ ဆွေးနွေးလာတာတွေလည်း ရှိပါတယ်။ လွှတ်တော်မှာလည်း တော်တော်ပြောကြတယ်။ လတ်တလောအနေနဲ့ စင်ကာပူက ပေါ်လီဒီပလိုမာ၊ ဘွဲ့လွန်ဒီပလိုမာ၊ ဒီဂရီတွေရတဲ့ ကျောင်းသားတွေ အမြဲတန်းနေထိုင်ခွင့် ပီအာလျှောက်ရင် Reject  ဖြစ်နေပါတယ်။ ပီအာမိဘနှစ်ပါးက မွေးလာတဲ့ ကလေးတွေကိုလည်း ပီအာချမပေးတာတွေ တွေ့ရပါတယ်။ အခုတလောမှာတော့ အစိုးရက သီးသန့်ဌာနတစ်ခုဖွင့်ပြီး လူဝင်မှုကြီးကြပ်ရေးတွေကို စိစိစစ်စစ်ကိုင်တွယ်သွားမယ်လို့ ပြောထားတယ်။ ဒါတွေအပြင် အလုပ်ရှင်က အလုပ်ခန့်ပေမယ့်  S Pass နဲ့ EP (Employment-Pass) လျှောက်တဲ့အခါမှာ ချမပေးတာတွေလည်း တွေ့ရပါတယ်။ WP (Work Permit) သမားတွေကတော့ သိပ်မထိခိုက်ဘူးလို့ ထင်ရပါတယ်။ အလယ်အလတ်ရာထူးတွေမှာ ပိုထိခိုက်တာပါ။ ဒီလိုတင်းကြပ်မှုတွေက စင်ကာပူရွေးကောက်ပွဲ မတိုင်ခင်အထိရှိနေဦးမယ်လို့ ယူဆရပါတယ်"ဟု စင်ကာပူနိုင်ငံတွင် နေထိုင်လျက်ရှိနေသော မပန်ဒိုရာက ပြောပြပါသည်။
          "စင်ကာပူမှာ ကျောင်းလာတက်တာမဟုတ်ဘဲ တိုက်ရိုက်အလုပ်လုပ်ဖို့ လာမယ်ဆိုရင် လိုအပ်တဲ့ အတွေ့အကြုံနဲ့ အလုပ်သဘာဝတွေကို မေးမြန်းလေ့လာပြီးမှ လာသင့်တယ်။ အထူးသဖြင့် အင်္ဂလိပ်စကားကို သွက်သွက်လက်လက် ပြောတတ်နိုင်ရင် အကျိုးရှိပါတယ်။ နိုင်ငံခြားသားတွေထဲမှာ မြန်မာတွေက အင်္ဂလိပ်စာတော်တော်ညံ့တယ်လို့ စလုံးတွေက သဘောထားကြပါတယ်။ ဒီကြားထဲ ပွဲစားနဲ့အလုပ်တွေ ရိုက်စားပြီးတော့ တစ်လ၊ နှစ်လလောက်အလုပ်ခန့်ပြီး ဆက်မခန့်တော့တာတွေလည်း ရှိပါတယ်။ ကျောင်းလာတက်မယ့်သူတွေ အတွက်ကတော့ ကျောင်းလခတွေက ဈေးတက်လာတယ်။  ကျောင်းပြီးတဲ့အခါ ပီအာရဖို့တော့ မသေချာဘူးဆိုတာကို သဘောပေါက်ထားပြီးမှ တက်သင့်၊ မတက်သင့်ဆုံးဖြတ်သင့်ပါတယ်။ ကိုယ်တက်မယ့် ကျောင်းမျိုးက ဘယ်လိုကျောင်းမျိုးလဲ၊ ဘယ်လောက်အသိအမှတ်ပြုတဲ့ Certificate ပေးမှာလဲဆိုတာ သေသေချာချာ လေ့လာပြီးမှ လာသင့်ပါတယ်။ ဆွယ်တဲ့သူက ဆွယ်တိုင်းပါမသွားဖို့လိုပါတယ်"ဟု မပန်ဒိုရာက ဆက်လက်ပြောပြသည်။

    မြန်မာလူမျိုးတွေအများစု လက်ရှိထွက်ခွာနေကြတဲ့ နိုင်ငံစုံကတော့ ၀င်ခွင့်ကန့်သတ်ချက်တွေကို နည်းမျိုးစုံနဲ့ ပိတ်ပင်ထားတယ်။ ဖွင့်ထားတဲ့လမ်းတွေဆိုတာကလည်း သူတို့နိုင်ငံကို ၀င်ငွေတိုးစေပြီး ဂျီဒီပီမြင့်စေမယ့်  .  .  .
          စင်ကာပူနိုင်ငံနှင့် မလေးရှား၊ ထိုင်းအစရှိသောဒေသတွင်းနိုင်ငံများသို့ မြန်မာအများစုက ပုံစံမျိုးစုံဖြင့် သွားရောက်ထွက်ခွာနေကြသည့်နည်းတူ ဒူဘိုင်း၊ ကာတာအစရှိသော အရှေ့အလယ်ပိုင်းနိုင်ငံများသို့လည်း ထွက်ခွာလျက်ရှိနေပါသည်။ သို့သော် အဆိုပါနိုင်ငံများတွင် မြန်မာလူငယ်အများစုလုပ်ကိုင်ရသည့် အလုပ်များမှာ အရောင်းဝန်ထမ်းအလုပ်များ၊ အလုပ်ကြမ်းများသာများခြင်းကြောင့် အလုပ်ရှင်များ၏ ခေါင်းပုံဖြတ်မှုများနှင့် ယဉ်ကျေးမှုဓလေ့စရိုက် ကွာဟမှုများကလည်း အခက်အခဲရှိနေကြောင်း သိရသည်။
         "ဒူဘိုင်းမှာတော့ မြန်မာတွေနဲ့ ဖားလို့ခေါ်တဲ့ ဖိလစ်ပိုင်တွေအများဆုံးရှိပါတယ်။ နေတတ်ရင်တော့ အဆင်ပြေတယ်လို့ ပြောနိုင်ပါတယ်။မိန်းကလေးတွေရဲ့ လုံခြုံမှုကလည်း ကာယကံရှင်တွေအပေါ်မှာ အများကြီးသက်ရောက်မှုရှိနေပါတယ်။ ဥပမာဆိုရင် သောကြာနေ့ဆိုရင် ဒူဘိုင်းမှာ ကလပ်တွေကို ၀င်ကြေးအခမဲ့နဲ့ ၀င်ခွင့်ရအောင်လုပ်ပေးထားတာတွေ ရှိပါတယ်။ ဒီအခါမှာ စိတ်ညစ်လို့ဖြစ်ဖြစ်၊အဆင်မပြေလို့ဖြစ်ဖြစ်၊ ပျော်ချင်လို့ပဲဖြစ်ဖြစ် ကလပ်မှာမူးရူးပြီး အချိန်မတော်ပြန်လာမယ်ဆိုရင် အန္တရာယ်ရှိနိုင်ပါတယ်။ ရေရှည်နေဖို့ကတော့ အခက်အခဲရှိနိုင်ပါတယ်။ ယဉ်ကျေးမှုအခြေခံတွေကအစ ကွာဟချက်တွေရှိနေတာအပြင် လုပ်ရတဲ့အလုပ်ကလည်း အရောင်းဝန်ထမ်းပုံစံမျိုးဆိုတော့ ခိုင်မာမှုတော့ မရှိနိုင်ပါဘူး။ ၀င်ငွေက အထိုက်အလျောက် ကောင်းတယ်ဆိုပေမယ့် အလုပ်ရဖို့ပေးရတဲ့ပွဲစားခနဲ့ မဖြစ်မနေအသုံးစရိတ်ကို ဖယ်လိုက်ရင် သိပ်စုမိတဲ့အနေအထားမရှိပါဘူး"ဟု ဒူဘိုင်းတွင် နေထိုင်လျက်ရှိသော မြန်မာအမျိုးသမီးငယ်တစ်ဦးက ပြောပြသည်။

         ကာတာကဲ့သို့သော နိုင်ငံများတွင်မူ ဆောက်လုပ်ရေးလုပ်ငန်းခွင် အစရှိသောနေရာများတွင် အလုပ်ကြမ်းများကို လုပ်ကိုင်နေသည့် မြန်မာအများစုရှိနေကာ ပွဲစားများ၏ လိမ်လည်မှုကိုခံခဲ့ရသူများနှင့် အလုပ်ရှင်၏ ခေါင်းပုံဖြတ်မှုကို ခံထားရသူများစွာ ရှိနေကြောင်း သိရသည်။
         "ဒီကို ထွက်လာတုန်းကတော့ အေဂျင်စီက ဘာအလုပ်လုပ်ရမယ် ဆိုတာမပြောဘူး။ ၀င်ငွေကောင်းမယ်၊ ပြည်တွင်းက ထွက်ရလွယ်မယ်။ ဗီဇာအမြန်ကျမယ်ဆိုတာကိုပြောပြီး စာချုပ်ချုပ်လိုက်တာပဲ။ ဒီကိုရောက်ရော ထင်မထားတဲ့ အလုပ်နေရာတွေမှာ အလုပ်ကြမ်းလုပ်ရတယ်။ မလုပ်နိုင်လို့ ထွက်မယ်ပြောတော့ စာချုပ်ကိုင်ပြီး ခြိမ်းခြောက်တာခံရတယ်။ အလုပ်ချိန်ကလည်း ရှစ်နာရီကျော်ရင် အချိန်ပိုခပေးမယ်ဆိုပြီး လက်တွေ့မှာတော့ မပေးဘူး။ သက်ဆိုင်ရာ အဖွဲ့အစည်းတွေကို တိုင်လိုက်ရင်လည်း အလုပ်ရှင်က လူငှားပြီး ရိုက်ခိုင်းတာတွေရှိတယ်။ အဆိုးဆုံးအချက်ကတော့ အလုပ်ရှင်က Passport ကိုသိမ်းထားပြီး သူလိုသလို အကြပ်ကိုင်တာပဲ။ ဒီကိုရောက်ပြီး အဆင်ပြေတဲ့သူတွေ ရှိချင်ရှိမှာပေါ့။ ကျွန်တော်သိသမျှတော့ အဆင်မပြေတဲ့သူတွေများပါတယ်။ ရွေးစရာမရှိတော့လည်း ကျိတ်မှိတ်ပြီး ဆက်လုပ်နေကြရတာပေါ့"ဟု ကာတာနိုင်ငံတွင် အလုပ်လုပ်ကိုင်လျက်ရှိသော ကိုအောင်ထိုက်က ပြောပြပါသည်။
         လုပ်သားဈေးကွက်ဖြစ်ထွန်းမှုအပေါ် တည်မှီပြီး နိုင်ငံအသီးသီးသို့ ထွက်ခွာလေ့ရှိသည့် မြန်မာလူငယ်များမှာ စင်ကာပူ၊ မလေးရှား၊ ထိုင်း နှင့် အရှေ့အလယ်ပိုင်းဈေးကွက်များအထိ သွားရောက်ရန် ပြင်ဆင်ခဲ့သော်လည်း အဆင်မပြေမှု၊ အခက်အခဲများကသာ များနေခဲ့ခြင်းကြောင့် ပါပူအာနယူးဂီနီအစရှိသော နိုင်ငံငယ်များနှင့် အာဖရိကတိုက်ရှိ နိုင်ငံငယ်များသို့ပါ အလုပ်လုပ်ကိုင်ရန်အတွက် သွားရောက်ခြင်းများရှိလာကြောင်း သိရပါသည်။
         "ပွဲစားခကလည်း အများကြီး မပေးရဘူး။ လစာကလည်း အမေရိကန်ဒေါ်လာ ၈၀၀ ကျော်ရမယ်။ စူပါမားကတ်မှာ ရာထူးကောင်းတစ်နေရာရမယ်ဆိုတာနဲ့ ပါပူအာနယူးဂီနီကို ရောက်လာခဲ့တာပါ။ အေဂျင်စီက ပြောထားတဲ့ အလုပ်ရပါတယ်။ လခလည်းပြောထားသလို ရပါတယ်။ ရာထူးကလည်း ပြောထားတဲ့ ရာထူးပါ ပဲ။ ဒါပေမယ့် စရောက်ပြီးတဲ့နေ့မှာပဲ ထိတ်လန့်စရာတွေနဲ့ စတွေ့ရပါ တယ်။ စူပါမားကက်ကို ဖောက်ထွင်းခံရပါတယ်။ လုံခြုံရေးနှစ်ယောက် အသတ်ခံရပါတယ်။ ဒါက ပထမဆုံး တွေ့ရတာပါ။ နောက်ပိုင်းတော့ မြို့ထဲသွားရင် ဘေးမှာအစောင့်မပါပဲ သွားလို့ မရဘူး။ လုယက်ခံရတာရှိနေသလို အချိန်မရွေး အသတ်ခံရနိုင်တဲ့ ဘေးအန္တရာယ်ကလည်း ရှိနေပါတယ်။ အဲဒီတော့အားနေရင် အပြင်မထွက်ရဲဘူး။ အလုပ်ကပေးထားတဲ့ အခန်းထဲမှာပဲနေနေရတယ်။ စာချုပ်ပြည့်တဲ့ ထိတော့နေရမှာပေါ့။ ဒီနိုင်ငံက ဓနသဟာယထဲပါနေတော့ ဒီမှာထိုင်သင့်သလိုနေပြီး အင်္ဂလန်သွားဖို့ လွယ်တော့ သည်းခံနေလိုက်ပြီး အင်္ဂလန်ဘက်ကူးမယ်လို့ စဉ်းစားထားတယ်"ဟု ပါပူအာနယူးဂီနီနိုင်ငံရှိ စူပါမားကက်တစ်ခု၌ အလုပ်လုပ်ကိုင်နေသူ ကိုရဲခေါင်က ပြောပြပါသည်။
         အလုပ်လုပ်ကိုင်ရန်သီးသန့်ဖြင့် နိုင်ငံရပ်ခြားသို့ သွားရောက်နေကြသူအများစုမှာ အဆင်မပြေမှုများ၊ ပြဿနာမျိုးစုံဖြင့် ကြုံတွေ့ရမှုများ ရှိနေသည့်နည်းတူ ပညာရေးဆိုင်ရာ ကိစ္စရပ်များဖြင့် ထွက်ခွာရန် ပြင်ဆင်ကြသူများတွင်လည်း အခက်အခဲများ ရှိနေကြောင်း သိရသည်။
            မြန်မာလူငယ်အများစုသွား ရောက်ရန် စိတ်ဝင်စားချက်ရှိနေသည့် အင်္ဂလန်နိုင်ငံတွင်မူ Tier 4 Points စနစ်အရ ကျောင်းသားဗီဇာပြောင်းလဲပြီးသည့် ၂၀၀၉ ခုနှစ်မှစတင်ကာ ယူကေကျောင်းများသို့ တက်ရောက်လိုသော ကျောင်းသားများရှိလာခဲ့သည်။ သို့ရာတွင် မြန်မာကျောင်းသားများအနေဖြင့် အမှန်တကယ် ကျောင်းတက်ရောက်လိုသောပမာဏမှာ အနည်းငယ်သာရှိပြီး အလုပ်ရလိုသည့် ဦးတည်ချက်များကြောင့်  အင်္ဂလန်သို့ ရောက်ရှိပြီး အဆင်မပြေမှုများရှိခဲ့ကြောင်း သိရသည်။          ယင်းဖြစ်ရပ်များအပြင် အင်္ဂလန်သို့ ရောက်ရှိပြီးမှ ဘာသာစကားကျွမ်းကျင်မှု အားနည်းချက်များရှိနေခြင်းကြောင့် ယခုအခါအင်္ဂလန်နိုင်ငံ၏ ကျောင်းသားဗီဇာသာမက မှီခိုလိုက်ပါမည့် သူများ၏ အင်္ဂလိပ်စာ လိုအပ်ချက်များကိုလည်း ယခင်ကထက် ပြောင်းလဲကန့်သတ်ခဲ့ကြောင်း UK Border Agency ကထုတ်ပြန်လိုက်ခြင်းက သွားရောက်လိုသူများအတွက် အခက်အခဲတစ်ခုဖြစ်လာစေခဲ့သည်။
         သြစတြေးလျနိုင်ငံတွင်မူ  ၂၀၀၉ နှစ်ကုန်ပိုင်းနှင့် ၂၀၁၀ ပြည့်နှစ်မှ စတင်ကာ ယင်းနိုင်ငံ၏ ကျွမ်းကျင်လုပ်သား လိုအပ်ချက်စာရင်းကို အွန်လိုင်းတွင် ကြည့်ရှုကာ မည်သည့်အဖွဲ့အစည်း၊ သြစတြေးလျ၏ ပြည်နယ်အသီးသီး၌ လက်ရှိနေထိုင်သူများ၏ ထောက်ခံမှုတစ်စုံတစ်ရာမပါဝင်ဘဲ ပီအာလျှောက်ထားကြရသည့် စနစ်စတင်ခဲ့ပါသည်။ သို့သော် Skilled Occupation Lists အရနှစ်စဉ် အပြောင်းအလဲရှိနေသည့်အတွက် မြန်မာလူငယ်များ၏ အရည်အသွေးသည် ယခုနှစ်အတွက် သြစတြေးလျနိုင်ငံ၏ အလုပ်သမားလိုအပ်ချက်ဖြစ်နေသော်လည်း နောင်နှစ်များတွင် လိုအပ်ချက်ပြည့် သွားနိုင်ခြင်းကြောင့် ယင်းစနစ်မှာ အကန့်အသတ်များနှင့် ရှိနေခဲ့သည်။
         "အဲဒီလို သြစတြေးလျရဲ့ တိုက်ရိုက်ဗီဇာနဲ့ သူ့နိုင်ငံမှာနေထိုင်ခွင့်ရဖို့ မြန်မာတွေ လျှောက်ကြတဲ့အခါ Processing ကာလကို တော်တော်အချိန်ယူရတယ်။ ဒီနှစ်မှာ ကိုယ်ရထားတဲ့ဘွဲ့နဲ့ ကျွမ်းကျင်မှုက သူ့နိုင်ငံ၊ ပြည်နယ်ရဲ့ လိုအပ်ချက်ဖြစ်နေပေမယ့် နောက်နှစ်မှာ ဖြစ်ချင်မှဖြစ်မယ်။ သြစတြေးလျကိုသွားဖို့ မိဘမျိုးရိုးပိုက်ဆံတတ်နိုင်တဲ့သူမှသာ တော်ရုံသွားနိုင်တယ်။ ပြီးတော့ ကျောင်းသားဗီဇာဆိုရင်လည်း ကန့်သတ်ချက်တွေ အများကြီးပဲ။ အဓိကက မြန်မာတွေအရမ်းတော်လို့ သြစတြေးလျသွားချင်တာတောင် ငွေမရှိရင်သွားဖို့မလွယ်ဘူး"ဟု သြစတြေးလျပညာရေးနှင့်ပတ်သက်၍ လေ့လာသူတစ်ဦးက ဆိုပါသည်။
         ထို့ပြင် သြစတြေးလျနိုင်ငံ၏ အင်္ဂလိပ်စာလိုအပ်ချက်ထပ်မံတိုးမြှင့်ခြင်း၊ ဆေးတက္ကသိုလ်တက်ရောက်ပြီးသော ကျောင်းသားများ Internship ဆင်းခွင့်မရှိခြင်းကြောင့် မြန်မာကျောင်းသားအချို့ဘွဲ့မရဘဲ ပြန်လာရသည့် ဖြစ်ရပ်များလည်း ရှိခဲ့သည်ဟု သိရသည်။
         သို့သော် အမေရိကန်နိုင်ငံ၏ အစိုးရမဟုတ်သောအဖွဲ့အစည်းများ၊ အင်န်ဂျီအိုများမှပေးသည့် ပညာသင်စကောလားရှစ်များရယူ၍ ပညာသင်ရင်း အခြေချနေထိုင်ရန် ကြိုးပမ်းကြသည့် လူငယ်များလည်းရှိနေသည်။
         "အမေရိကန်ကို သွားကြတဲ့အခါ ဟိုဘက်မှာရှိနေပြီးသား ကိုယ့်ရဲ့ဆွေမျိုးနီးစပ်ကတစ်ဆင့် သွားတာမျိုးပဲ ပိုများကြတယ်။ အခုစကောလားရှစ်လျှောက်ပြီးသွားမယ်ဆိုတဲ့ သူတောင်မှ အနည်းလေး သိန်းတစ်ရာနီးပါးလောက်ကုန်တယ်။ ဒါတောင် ဟိုဘက်ကကျောင်းက ခိုင်မာမှုမရှိဘူးဆိုရင် ဗီဇာရဖို့ မသေချာဘူး"ဟု အမေရိကန်နိုင်ငံရှိ ကောလိပ်တစ်ခုသို့ SAT ဖြေဆိုကာ စကောလားရှစ်လျှောက်ထားဖူးသူ လူငယ်တစ်ဦးက ပြောပြခဲ့ပါသည်။
         အမေရိကန်ဒီဗီ( Diversity Visa Lottery)လျှောက်ထားမှု ဖြစ်စဉ်များတွင်လည်း ဒီဗီရရှိပြီး အမှန်တကယ် သွားရောက်နိုင်သူဦးရေမှာ လူနည်းစုပင်ဖြစ်ကာ အချို့မှာဒီဗီရရှိပြီးသော်လည်း သံရုံးအင်တာဗျူး ၀င်ရောက်ဖြေကြားစဉ် အင်္ဂလိပ်စာလိုအပ်ချက် ပြည့်မီမှုမရှိသည့်အတွက် ထွက်ခွာခွင့် မရရှိခြင်းအပြင် မိမိ၏ကိုယ်ရေးရာဇ၀င်မှတ်တမ်း မှန်ကန်စွာဖြည့်စွက်ထားခြင်း မရှိသူများကိုလည်း သွားရောက်ခွင့်ပိတ်ပင်ထားကြောင်း သိရှိရပါသည်။
         အမေရိကန်ဒီဗီရရှိသူ အများစုမှာလည်းအမေရိကန်နိုင်ငံတွင် အခြေချထားသူဆွေမျိုးများရှိထားမှသာ အဆင်ပြေနိုင်မည့် အခြေအနေတစ်ရပ်ရှိနေပြီး ထိုသို့မရှိထားပါက နေထိုင်ရန်နှင့် အလုပ်ရရှိရန်စသည့် အချက်များမှာ မလွယ်ကူနိုင်ကြောင်း သိရပါသည်။
         ထို့ပြင် ဂျပန်နိုင်ငံသည်လည်း လူဝင်မှုကြီးကြပ်ရေးမူဝါဒအရ ယင်းနိုင်ငံသို့သွားရောက်လျှင် ဂျပန်စာအရည်အသွေးတတ်မြောက်မှုအဆင့် ၂ ရှိမှသာ တက္ကသိုလ်အများစုက လက်ခံကြသည့်အတွက် ထိုနိုင်ငံသို့ ထွက်ခွာမှုမှာ ပုံမှန်အနေအထားမျှဖြစ်ပြီး ကျောင်းတက်ရောက်ပြီးသူများသည်လည်း ဂျပန်နိုင်ငံတွင်သာ အခြေချနေထိုင်သွားကြသူများသာဖြစ်ကြောင်း သိရှိရသည်။
         "မြန်မာလူမျိုးတွေအများစု လက်ရှိထွက်ခွာနေကြတဲ့ နိုင်ငံစုံကတော့ ၀င်ခွင့်ကန့်သတ်ချက်တွေကို နည်းမျိုးစုံနဲ့ ပိတ်ပင်ထားတယ်။ ဖွင့်ထားတဲ့လမ်းတွေဆိုတာကလည်း သူတို့ နိုင်ငံကိုဝင်ငွေတိုးစေပြီး ဂျီဒီပီမြင့်စေမယ့် ပညာရေးဈေးကွက်တွေပဲဖြစ်တယ်။ မြန်မာပြည်ဈေးကွက်မှာ ကျောင်းတွေချပြပြီး လာဖို့ဖိတ်ခေါ်တယ်။ ပြီးတော့ အလုပ်မပေးနိုင်ဘူး။ ကျောင်းတက်ပြီး ပြန်ကြသူတွေလည်းရှိတယ်။ အဓိကက ကိုယ်သွားမယ့်နိုင်ငံရဲ့လူဝင်မှုကြီးကြပ်ရေး မူဝါဒအပြောင်းအလဲကို သေချာနားလည်ထားပြီးမှ သွားတာကောင်းပါတယ်"ဟု နိုင်ငံတကာပညာရေးရာ ကျွမ်းကျင်သူတစ်ဦးက ထောက်ပြခဲ့သည်။
         "ဖွံ့ဖြိုးဆဲနိုင်ငံတွေတင်မက ဒေသတွင်းနိုင်ငံတွေမှာလည်း အခြားသောပြည်ပနိုင်ငံတွေကို ထွက်ခွာပြီး ရွှေ့ပြောင်းအခြေချနေထိုင်ကြတဲ့ ပြဿနာတွေရှိနေပါတယ်။ ဆင်းရဲသူက ချမ်းသာသူဆီ ခိုလှုံချင်ကြသလိုပါပဲ။ အဓိကက ပညာရေးဆိုတဲ့ခေါင်းစဉ်အောက်မှာ ခုတုံးလုပ်ပြီး ပညာသင်ဖို့ထက် အလုပ်ကိုပဲဦးတည်ပြီး ထွက်ခွာသွားကြမယ်ဆို ရေရှည်မှာကိုယ့်လူမျိုးတွေရဲ့ အရည်အသွေးတွေ နိမ့်ကျသွားစေနိုင်တယ်။ ကျောင်းတက်ပြီး ပြည်ပကို ထွက်မယ်ဆိုရင်လည်း ကိုယ့်ရဲ့ Career Planကို သေချာချပြီးမှသွားသင့်ပါတယ်"ဟု နိုင်ငံတကာပညာရေးအတိုင်ပင်ခံ ဦးအောင်ကျော်ဆန်းက ပြောပြခဲ့သည်။
         သို့သော် လက်ရှိအခြေအနေအရ နိုင်ငံရပ်ခြားသို့ သွားရောက်ခြင်းသည် လူအများစု၏ ထွက်ပေါက်အတွက် မျှော်လင့်ချက်တစ်ရပ်ဖြစ်လာခြင်းက အရေးပါသော အချက်တစ်ခု ဖြစ်နေခဲ့သည်။
         ပညာရေးကိစ္စရပ်များဖြင့် သွားရောက်ကြသူများမှာ ပညာသင်ယူပြီးနောက် အလုပ်ရှာဖွေကာ သက်ဆိုင်ရာနိုင်ငံ၌ပင် အခြေကျနေထိုင်ရန် ရွေးချယ်လာသူများရှိလာသည်။ ရရှိရာအလုပ်ကို လက်ခံပြီး အခက်အခဲများကြားမှ နိုင်ငံရပ်ခြားတွင် နေထိုင်လိုသူများလည်း ရှိလာပါသည်။ ပြီးခဲ့သည့် နှစ်အတွင်းက ရရှိခဲ့သော စစ်တမ်းတစ်ခုအရ ပြည်ပ၌ရောက်ရှိနေသူ မြန်မာလူမျိုးအရေအတွက် လေးသန်းနှင့် အထက်တွင်ရှိနေသည် ဆိုခြင်းကလည်း နိုင်ငံရပ်ခြားသို့ သွားရောက်မှုများ တိုးတက်နေခြင်းကို ပြဆိုခဲ့ပါသည်။
         နိုင်ငံရပ်ခြားသို့ ထွက်ခွာမှုတိုးတက်နေသော်လည်း နိုင်ငံရပ်ခြားတွင် နေထိုင်ကြသူအများစုမှာ အဆင်မပြေမှုများ၊ အခက်အခဲများနှင့် ရင်ဆိုင်နေရသည့်အတွက် ဆက်လက်ထွက်မည့်သူများအတွက်မှာမူ မည်သည့်နိုင်ငံ သွားရမည်ဆိုသည်ကို ဆုံးဖြတ်ရခက်လာကြောင်း သိရှိရပါသည်။

မြန်မာအများစုသွားရောက်ရာ နိုင်ငံများနှင့် ပညာရေးဖြစ်စဉ်ပြောင်းလဲမှုများ
စင်ကာပူ
  • ၂၀၀၀ ပြည့်နှစ်မှ စတင်ကာစင်ကာပူပေါ်လီသို့ သွားရောက်သူဦးရေသိသာစွာ များလာပြီး မြန်မာအများစု စင်ကာပူ၏ အမြဲတမ်းနေထိုင်ခွင့်ရရှိလာကြ။
  • ၂၀၀၃ ခုနှစ်ပိုင်းမှ စတင်ပြီး စင်ကာပူရှိ ပုဂ္ဂလိကကျောင်းများမှ မြန်မာပညာရေး အေဂျင်စီများနှင့်ပူးပေါင်းကာ နိုင်ငံတကာပညာရေးဈေးကွက် ၀င်ရောက်။
  • ၂၀၀၆ မှ ၂၀၀၈ ခုနှစ်များတွင် စင်ကာပူသို့ အလည်အပတ်၊ အလုပ်ရှာဖွေသူများ သိသာစွာတိုးလာပြီး S Pass၊ PR နှင့် Employment Pass များဖြင့် နေထိုင်ခွင့်များ မြန်မာလူငယ်အများစုရရှိ။
  • ၂၀၀၈ ခုနှစ်၊ နှစ်ကုန်ပိုင်း ကမ္ဘာ့စီးပွားရေးပျက်ကပ်ဖြစ်ပွားချိန်မှစ၍ ကုမ္ပဏီများမှ နိုင်ငံခြားသား အလုပ်သမားဦးရေ လျှော့ချမှုများကြောင့် မြန်မာအလုပ်သမားများ နေရပ်သို့ပြန်လာရ။
  • ၂၀၀၉ ခုနှစ်မှစတင်ကာ Internship ဆင်းပြီးထားသော မြန်မာကျောင်းသားများ အလုပ်ရှာဖွေရာ တွင်ခက်ခဲမှုများနှင့် ကြုံလာရ။
  • ၂၀၀၉ နှစ်ကုန်ပိုင်းနှင့် ၂၀၁၀ ပိုင်းမှစတင်၍ စင်ကာပူလူဝင်မှုကြီးကြပ်ရေးမှ နိုင်ငံခြားသားများ၏ နေထိုင်ခွင့် များနှင့် ပတ်သက်၍ ကန့်သတ်မှုများစတင်။
  • ၂၀၁၀ နှစ်စပိုင်းမှ စတင်ကာ S pass ၊ ပီအာပေးမှုကန့်သတ်လိုက်ပြီး စင်ကာပူအစိုးရပေါ်လီကျောင်းဆင်းများပင် အလုပ်အကိုင်ရရှိမှုကြန့်ကြာခြင်း၊ S Pass ဖြင့် လုပ်ကိုင်ရခြင်းများရှိပြီး ပီအာပေးခြင်း အကန့်အသတ်များလာ။
  • ၂၀၁၀ ပြည့်နှစ် စက်တင်ဘာလတွင် နိုင်ငံခြားသားများ၏ အရည်အသွေး ပိုင်းဆိုင်ရာများအား စစ်ဆေးအကဲဖြတ်ပြီးအလုပ်အကိုင်ပေးရေးအတွက် စင်ကာပူလူဝင်မှုကြီးကြပ်ရေးမှ Talent and Division ဟူ၍ မူဝါဒသစ်များဖြင့် ကိုင်တွယ်သွားမည်ဖြစ်ကြောင်းသိရ။
  • ၂၀၁၀ ပြည့်နှစ် စက်တင်ဘာ ၆ ရက်နေ့က စင်ကာပူဝါရင့်ဝန်ကြီးဂိုချောက်တောင်က စင်ကာပူ ပီအာရရှိထားသူများထဲမှ ၁၀ ရာခိုင်နှုန်း (၅၀၀၀၀၀ ရှိပါက ၅၀၀၀၀) အနေဖြင့် စင်ကာပူနိုင်ငံသားအဖြစ်ခံယူမည်ဆိုပါက စင်ကာပူ နိုင်ငံအတွက် အထောက်အကူဖြစ်စေမည်ဖြစ်ကြောင်း ပြောဆိုခဲ့။ ထိုစကားထွက်ပေါ်ခဲ့ပြီးနောက် စင်ကာပူပီအာရရှိထားသူ မြန်မာအများစုမှာ စင်ကာပူနိုင်ငံသားအဖြစ်ခံယူရန် ဆန္ဒမရှိကြောင်းပြောဆိုခဲ့ကြ။ 
 မလေးရှား
  • ၂၀၀၀ ပြည့်နှစ်မှ စတင်ကာ မလေးရှားပညာရေးဈေးကွက်စတင်။
  • ၂၀၀၅ ခုနှစ်မှစ၍ အင်ဂျင်နီယာ၊ အိုင်တီဘာသာရပ်များဖြင့် သွားရောက် သူအနည်းငယ်များလာခဲ့ပြီး မလေးရှားတွင် အခြေချနေထိုင်လိုခြင်းထက် နိုင်ငံကြီးတစ်ခုခုသို့ ကူးပြောင်းအခြေချလိုခြင်း၊ စင်ကာပူတွင် အလုပ်ကူးပြောင်း လျှောက်ထားလိုခြင်းများဖြင့်သာ သွားရောက်မှုများ။
  • ယခုအချိန်ထိ မလေးရှားသည် မြန်မာကျောင်းသားများသွားရောက်လိုကြ သော အခြားသောနိုင်ငံများထက် ကျောင်းသားဗီဇာရရန် အလွယ်ကူဆုံးနှင့် ကုန်ကျစရိတ်အသက်သာဆုံးနိုင်ငံဖြစ်နေဆဲ။

အင်္ဂလန်
  • ၂၀၀၉ ခုနှစ်မတ်လမှ စတင်ကာ Tier 4 Points စနစ်ဖြင့် UK Border Agency မှ ကျောင်းသားဗီဇာပြောင်းလဲမှုတစ်ရပ်စတင်ခဲ့ခြင်းကြောင့် ကန့်သတ်ချက်ပြည့်မီမှုရှိသူတိုင်းအင်္ဂလန်သို့ ကျောင်းတက် ရောက်ခွင့်ရရှိခဲ့ကြပြီး မြန်မာ အများစု ထိုအချိန်မှ စတင်ကာ အင်္ဂလန်သို့ထွက်ခွာမှု သိသာစွာများပြားလာခဲ့ကြ။
  • ၂၀၁၀ ပြည့်နှစ် စပိုင်းမှစတင်၍ အင်္ဂလန်သို့ အီးယူနိုင်ငံမှမဟုတ်ကြသော နိုင်ငံတကာကျောင်းသားများ ၀င်ရောက်မှုများလာခြင်းကို UK Border Agency မှ အင်္ဂလိပ်စာဝင်ခွင့်အကန့်အသတ်များစတင်ထားရှိလာ။

သြစတြေးလျ
  • သြစတြေးလျတက္ကသိုလ်၊ ကောလိပ်များသို့ ၀င်ခွင့်ရရန် အင်္ဂလိပ်စာလိုအပ်ချက် IELTS ၅.၅ နှင့်အထက် အနည်းဆုံးရှိထားရမည်ဖြစ်ပြီး ၂၀၀၃ ခုနှစ်မှ စတင်ကာဈေးကွက်တစ်ခုအနေဖြင့် လူသိများလာ။
  • ၂၀၁၀ တွင် သြစတြေးလျ လူဝင်မှုကြီးကြပ်ရေးမှ အင်္ဂလိပ်စာလိုအပ်ချက်များတိုးမြှင့်မှုစတင်ရှိလာခဲ့ပြီး နိုင်ငံခြားသားဝင်ရောက်မှုကို ကန့်သတ်ခဲ့။
  • မြန်မာအများစုကျောင်းသားဗီဇာဖြင့်သွားပြီး အများစုပီအာအဖြစ်ပြောင်းလဲ လျှောက်ထားမှုရှိကြ။

ဟောင်ကောင်နှင့် ဖိလစ်ပိုင်
  • ၂၀၀၇-၂၀၀၈ခုနှစ်နောက်ပိုင်းမှစတင်ကာ ဟောင်ကောင်တက္ကသိုလ်များမှ ဆေးကောလိပ်၊ ဆေးကျောင်းများ၊ ဖိလစ်ပိုင်ဆေးကျောင်းများသို့ တက်ရောက်နိုင်ရန် ဈေးကွက်စတင်လာခဲ့။
  • ၂၀၀၈ခုနှစ်မှစတင်၍လည်း ဖိလစ်ပိုင်လေယာဉ်မှူးနှင့် လေကြောင်းပညာရပ် လေ့လာနိုင်ရန် ပညာရေးဈေးကွက်ရှိလာခဲ့သော်လည်း အမှန်တကယ် တက်ရောက်နိုင်မှုပမာဏမှာ လူနည်းစုမျှသာဖြစ်ခဲ့။

ဂျာမနီနှင့် နော်ဝေ
  • ၂၀၀၉ ခုနှစ်နှစ်လယ်ပိုင်းမှစတင်ကာ ဂျာမနီတက္ကသိုလ်၊ နော်ဝေတက္ကသိုလ်များ မှဈေးကွက်စတင်လာခဲ့ပြီး ယင်းနိုင်ငံများသို့တက်ရောက်သူများမိခင်နိုင်ငံတွင်း ပြန်လာရမည်ဖြစ်သည်ဟု လျှောက်ထားစဉ် မှပင်ကြေညာချက်များထားရှိခဲ့။
  • ဘာသာစကားတတ်မြောက်မှုအဆင့်မှာ အင်္ဂလိပ်စာလိုအပ်ချက်အပြင် ယင်းနိုင်ငံများ၌ သုံးစွဲရမည့် ဘာသာစကားကိုပါ တတ်မြောက်ရမည်ဟု ထုတ်ပြန်ပြီး ဗီဇာရရှိမှုခက်ခဲသည့်အတွက် လူနည်း စုသာစိတ်ဝင်စားမှုရှိခဲ့။

ဂျပန်
  • မြန်မာနိုင်ငံ၏ ပညာရေးဈေးကွက်တွင် ရေရှည်ရပ်တည်မှုရှိနေသည့် နိုင်ငံတကာပညာရေးဈေးကွက်ဟု ယူဆရပြီး ဂျပန်ဘာသာစကားစိတ်ဝင်စား၍ ယင်းနိုင်ငံ၌ အခြေချနေထိုင်လိုသူများသာသွားရောက်မှုရှိခဲ့။
  • မြန်မာကျောင်းသားများအား တိုကျိုမြို့ပေါ်ရှိကျောင်းများထက် အခြားကျိုတိုနှင့် မြို့နယ်များ၌ ပိုမိုတွေ့ရတတ်ပြီး ဂျပန်လူဝင်မှုကြီးကြပ်ရေးမှ ကျောင်းပြီးပါက တရားဝင်နှစ်ရှည်နေထိုင်ခွင့်ဟူ၍ ပေးထားခြင်းမရှိသေး။

ကိုရီးယား
  • တရားဝင်အလုပ်လုပ်ကိုင်ခွင့်အဖြစ် ၂၀၀၇-၂၀၀၈ မှစတင်ကာ ကိုရီးယားဘာသာစကား ကျွမ်းကျင်မှု အဆင့်မီသူတိုင်းအား အီးပီအက်စ်စာမေးပွဲဖြေဆို၍ ကိုရီးယားနိုင်ငံရှိစက်ရုံများသို့ လုပ်ငန်းခွင်ဝင်ရောက်ခွင့်ရရှိခဲ့။
  • ၂၀၀၉ ခုနှစ်မှစတင်ကာအဆိုပါအစီအစဉ်ဖြင့် ကိုရီးယားသွားရန် စောင့်ဆိုင်း သူ ထောင်ဂဏန်းအထိပင်ရှိလာပြီး ဆက်လက်ခေါ်ယူမှုမရှိသေး။
  • ကိုရီးယားအစိုးရမှ ယဉ်ကျေးမှုဖလှယ်ရေး သဘောဆောင်သည့်လူငယ်ဖွံ့ဖြိုး ရေးအစီအစဉ်များဖြင့် ကိုရီးယားဘာသာစကားတတ်ကျွမ်းသူများအား ကိုရီးယားတက္ကသိုလ်များ၌ ပညာသင်စေရန် စကောလားရှစ်ပံ့ပိုးမှုအစီအစဉ် များအား ၂၀၀၆ ခုနှစ်မှပင် မြန်မာလူငယ်များဖြင့် ရင်းနှီးမှုပိုမိုခဲ့။

 
အခက်အခဲများ ကြုံတွေ့ရပါက အကူအညီတောင်းခံနိုင်သော ဖုန်းနံပါတ်များ
ပြည်ထောင်စု မြန်မာနိုင်ငံတော်သံရုံး(ထိုင်း)    ၆၆၂ ၂၃၃၂၂၃၇ 
 ၆၆၂ ၂၃၄၄၆၈၉
နိုင်ငံဖြတ်ကျော်မှုခင်းဌာန   ၀၆၇ ၄၁၂၁၃၉ 
လူကုန်ကူးမှုတားဆီးနှိမ်နင်းရေး(အထူးအဖွဲ့)အဖွဲ့ရုံး    ၀၈၇ ၅၂၅၉၇၈၃ (ထိုင်း) 
 ၀၅၈ ၅၀၂၆၈ (မြ၀တီ)
လူကုန်ကူးမှုတားဆီးနှိမ်နင်းရေး(အထူးအဖွဲ့)အဖွဲ့ရုံး     ၀၈၁ ၂၈၇၃၀၁၆ (တာချီလိတ်)
လူကုန်ကူးမှုတားဆီးနှိမ်နင်းရေး(အထူးအဖွဲ့)အဖွဲ့ရုံး      ၀၈၁ ၀၉၀၁၅၄၅ (ကော့သောင်း)
အလုပ်သမားဝန်ကြီးဌာန     ၀၆၇ ၄၀၄၃၄၆၊ ၀၆၇ ၄၀၄၃၄၇
UNIPA    ၀၁ ၂၅၄၈၅၂ (မြန်မာ)
 ၀၈၁ ၄၅၆၅၅၆၀ (ထိုင်း)
World Vision    ၀၅၇ ၇၉၂၉၀ (သံဖြူဇရပ်) 
 ၀၅၈ ၂၁၇၃၁ (ဘားအံ)
 ၀၈၄ ၅၁၆၅၇ (တာချီလိတ်)
 ၀၈၄ ၂၂၈၆၀ (ကျိုင်းတုံ)
 ၀၉၅ ၅၁၃၁၆ (ကော့သောင်း)
FXB    ၀၁ ၅၁၂၁၇၈ (ရန်ကုန်) 
 ၀၅၇ ၂၆၈၉၆ (မော်လမြိုင်)
LPN   ၀၃၄ ၄၃၄၇၂၆ (ထိုင်း)
Immediate Danger Call   ၁၃၀၀ (ထိုင်း) 
Thai Royal Police    ၁၉၁ (ထိုင်း) 

 

ရင်းမြစ်။ ။www.first-11.com

ဘန်ကီမွန်း စိုးရိမ်နေရုံနဲ့ မြန်မာ့အရေးမပြေလည်နိုင် ဟု NLD တုံ့ပြန်


ကုလသမဂ္ဂ အဖွဲ့အစည်း အနေနဲ့ မြန်မာ့အရေးနဲ့ ပတ်သက်လာရင် စိုးရိမ်တယ်ဆိုတဲ့ အပြောမျိုးတွေ လုပ်နေရုံနဲ့တော့ မထိရောက်နိုင်ဘူးလို့ NLD ပါတီ ခေါင်းဆောင်တဦးဖြစ်တဲ့ ဦးဝင်းတင်က တုံ့ပြန်လိုက်ပါတယ်။ ကုလသမဂ္ဂကို ဘာကြောင့်များ အခုလို စိတ်ပျက်နေရသလဲ ဆိုတာကို ဆက်သွယ်မေးမြန်းထားတဲ့ ကိုကျော်အောင်လွင်က တင်ပြပေးထားပါတယ်။

၁၉၉၀ ခုနှစ် ရွေးကောက်ပွဲမှာ အနိုင်ရခဲ့တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီ အပါအ၀င် နိုင်ငံရေးပါတီ ၁၀ ခုကို တရားဝင် အဖွဲ့အစည်းအဖြစ်က ဖျက်သိမ်းလိုက်တာနဲ့ ပတ်သက်ပြီး ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) က စိုးရိမ်မကင်း ဖြစ်ရတဲ့အကြောင်း ပြောနေရုံနဲ့တော့ မြန်မာ့အရေး ပြဿနာတွေက ပြေလည်နိုင်မှာ မဟုတ်ဘူးလို့ NLD ပါတီရဲ့ ဗဟိုအလုပ်အမှုဆောင် ကော်မတီဝင် ဦးဝင်းတင်က ဝေဖန် တုံ့ပြန်လိုက်ပါတယ်။

“မစ္စတာ ဘန်ကီမွန်းက မြန်မာပြည်အရေးနဲ့ ပတ်သက်ပြီးတော့ စိုးရိမ်တယ်၊ စိုးရိမ်တယ် ဆိုတော့ ဒီလိုပဲ ဆက်ပြီး စိုးရိမ်နေမယ်ဆိုရင် ရှေ့လျှောက်လည်း စိုးရိမ်စရာတွေ အများကြီး ပေါ်လိမ့်မယ်။ အဲဒီအတိုင်းဆိုရင်တော့ မစ္စတာ ဘန်ကီမွန်း ကြာရင်တော့ နှလုံးရောဂါ ဖြစ်တော့မှာပဲ။ အဲဒီလိုဆိုရင် ကျနော် အခု တက်ပြီးတော့ ဆေးကုသနေတဲ့ အာရှတော်ဝင် နှလုံးအထူးကု ဆေးရုံများ ရောက်လာမလားလို့ ကျနော်က အဲဒီလိုတောင် တွေးနေမိတယ်ဗျာ။”

ဦးဝင်းတင်ဟာ ကျန်းမာရေး အားနည်းနေလို့ ရန်ကုန်မြို့ ပုဂ္ဂလိက ဆေးရုံတခုမှာ ဆေးဝါးကုသမှု ခံယူနေရတာပါ။ ကုလသမဂ္ဂ အတွင်းရေးမှူးချုပ်ဟာ မြန်မာ့အရေးနဲ့ ပတ်သက်လာရင် အလုပ်မပါတဲ့ ပြောဆိုမှုတွေနဲ့ လုပ်နေလို့ကတော့ အဆင်ပြေလာနိုင်မှာ မဟုတ်ဘူးလို့လည်း ဦးဝင်းတင်က ထောက်ပြပါတယ်။

“အနိမ့်ဆုံးအဆင့်ကတော့ အလုပ်လုပ်ဖို့ပါပဲ။ ထိရောက်တဲ့ အရေးယူ ဆောင်ရွက်မှုတခု လုပ်ပေးဖို့ပဲ။ အလုပ်ပါတဲ့ ဝေဖန်ပြောဆိုချက်တွေ၊ သုံးသပ်ချက်တွေ လုပ်ပါ။ နောက်ဆက်တွဲ အလုပ်ပါတာတွေ လုပ်ပါ။ အရေးအကြီးဆုံးကတော့ ဒီစစ်အစိုးရကို နိုင်ငံတကာ တရားရုံးမှာ စွဲတင်နိုင်ဖို့အတွက် စုံစမ်းရေး ကော်မရှင်ဖွဲ့ဖို့ အဆိုတင်ထားတာ ရှိတယ်။ ဒီအဆိုကို ကုလသမဂ္ဂ လုံခြုံရေးကောင်စီမှာ တင်သွင်းဖို့နဲ့ လုံခြုံရေးကောင်စီ အတွင်းမှာ ဖြတ်သန်းနိုင်ဖို့အတွက် ကြိုးပမ်းပေးဖို့၊ ဒါတခုပေါ့ဗျာ။

“သို့မဟုတ်ရင်လည်း အတွင်းရေးမှူးချုပ် အနေနဲ့ ဒီကိစ္စကို သူ့ရဲ့ သြဇာပိုင်နက် အတွင်းကနေ ညှိနှိုင်းပြီး ထိထိရောက်ရောက် ဆောင်ရွက်သင့်တယ်လို့ ကျနော် အဲဒီလိုပဲ ထင်ပါတယ်။”

ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းကိုယ်တိုင် မြန်မာပြည်ကို လာရောက်ခဲ့ဖူးပြီး စစ်အစိုးရ ခေါင်းဆောင်တချို့နဲ့လည်း တွေ့ဆုံခဲ့ဖူးပါတယ်။ အတွင်းရေးမှူးချုပ်ရဲ့ မြန်မာပြည်ဆိုင်ရာ အထူးကိုယ်စားလှယ်တွေဟာလည်း မြန်မာပြည်ကို အကြိမ်ကြိမ်သွားပြီး မပြေမလည် ဖြစ်နေတဲ့ နိုင်ငံရေး ပြဿနာတွေကို ကြားဝင် စေ့စပ်မှုတွေ လုပ်ဆောင်ခဲ့ကြတယ် ဆိုပေမဲ့လည်း သိသာတဲ့ တိုးတက်ဖြစ်ထွန်းမှုတွေ ပေါ်ပေါက်မလာခဲ့ပါဘူး။

အခုကျင်းပမယ့် ရွေးကောက်ပွဲမှာလည်း ပါဝင်သင့်တဲ့ နိုင်ငံရေး အင်အားစုတွေ အားလုံး ပါဝင်နိုင်ရေး ဖန်တီးပေးဖို့ စစ်အစိုးရကို ကုလသမဂ္ဂဘက်က အကြိမ်ကြိမ် တိုက်တွန်းနေပေမဲ့လည်း အဓိကကျတဲ့ နိုင်ငံရေး အင်အားစုတွေ မပါဝင်ဘဲ ဖြစ်နေပါတယ်။ ကုလသမဂ္ဂရဲ့ မြန်မာ့အရေး တိုက်တွန်း ပြောဆိုမှုတွေဟာ ထိရောက်မှု မရှိဘူးဆိုပြီး အားမလို အားမရ ဖြစ်နေကြတာက အတိုက်အခံ နိုင်ငံရေး အင်အားစုတွေတင် မကပါဘူး။ မြန်မာပြည်သူတွေထဲမှာလည်း တော်တော်များများက ကုလသမဂ္ဂရဲ့ ဆောင်ရွက်မှုတွေကို ဘ၀င်မကျဘဲ ဖြစ်နေတာပါ။

ကုလသမဂ္ဂ အတွင်းရေးမှူးချုပ်တွေ၊ အတွင်းရေးမှူးချုပ်ရဲ့ မြန်မာပြည်ဆိုင်ရာ အထူးကိုယ်စားလှယ်တွေသာ တယောက်ပြီးတယောက် ပြောင်းလဲသွားကြပေမဲ့ မြန်မာ့ပြဿနာတွေက မပြောင်းလဲဘဲ ရှိနေတဲ့အပေါ် ကုလသမဂ္ဂရဲ့ ထိထိရောက်ရောက် မဆောင်ရွက်တာကြောင့်လို့ အပြစ်တင် ဝေဖန်မှုတွေကလည်း မြန်မာ့နိုင်ငံရေး လောကမှာ မကြာခဏ ဆိုသလို ထွက်ပေါ်နေတတ်ပါတယ်။

ရင်းမြစ်။ ။VOA

ကျတော်တို.စားခဲ.သော စားသောက်ဆိုင် ရဲ. မီနူး အသစ်လေးများ

ကျနော်မွန်လေး တို. သူငယ်ချင်တွေစုပြီးတော့ ရန်ကုန်မြို.ထဲက စားသောက်ဆိုင်တစ်ဆိုင်ကိုသွားလေသည်။ဆိုင်ရောက်တော. menu လေးတွေက အသစ်လေးတွေ

ပေထားတဲ့ နာမည်က မင်းသမီးနာမည် အဆိုတော်နာမည်တွေချည်း ပဲ ဖြစ်နေတယ် ။

အရင်ဆုံးမှာတဲ.သူ က

ပိုင်မင်း ။ ။ ကြည် လဲ.လဲ. ဦး တစ်ပွဲ မှာလိုက်တယ် ၊၊ ကြက်ပေါင်ကြော် တစ်ပွဲရောက်လာတယ် ။


မျိုးဇော်ထက် ။ ။ နန္ဒာလှိုင် တစ်ပွဲ ၊ ကြက် ရင်မုံ သား တစ်ပွဲ လာချပေးတယ် ။ဒီကောင်က ရင်မုံသားမြင်တာနဲ. ဆွဲမယ် ကစ်မယ် လုပ်နေတာ ။

ကိုဇော် ။ ။ ခိုင်သင်ကြည် တစ်ပွဲ ၊ ကြက် အ ဆီ ဗူး တစ် ပွဲ လာချပေးတယ် ။ ဒီလူကစကားအရမ်းများတဲ.လူ ၊သူမှာတာနဲ. ကွတ်တိပဲ ၊


သူ ရိန် ။ ။ ချမ်း ချမ်းတစ်ပွဲ ၊ အသားစနည်းနည်း လေနဲ. ကြက်အရိုးကြော်တစ် ပွဲ လာချပေးတယ် ၊ဒီကောင်က မလေရှားမှာကတည်က ကြက်အရိုးပဲစားတယ် ။

ဘိုထွန်း ။ ။ မိုးဟေကို တစ်ပွဲ ၊ ကြက်ကောင်လုံး ကြော်တစ် ပွဲ လာချပေးတယ် ။

ကိုပြည်. ။ ။ ဒီကောင်မှာလိုက်တာအခုထိမေ၇ာက်သေးဘူး ၊ waiter ကို မေကြည်.တော. အထူး special လုပ်ပေးနေတယ်တဲ. ၊ special ဆိုတော. ကျန်တဲ.ကောင်တွေ သိပ်မကြည်ချင်ဘူး။ တော်ကြာနေ waiter ရောက်လာပြီး ၊ စားပွဲအောက် ကို တစ်ခုခု ချ လိုက်တယ် ၊ ပြီးမှ ပန်းကန်ပြားအပြည်.နဲ.လိပ်ပြာ တစ်ကောင်စာပွဲပေါ်တင်လိုက်တယ် ။ ကိုပြည်. က မေး လိုက်တယ် ဒါကြီ က ဘာလဲ

waiter ။ ။ အကို မှာတဲ. အေး မြတ်သူ လေ ။

ကိုပြည်. ။ ။ ဟင်

မွန်လေး ။ ။ ကျနော်က waiter ကို မေးလိုက်တယ် ၊ ညီလေးအစ်ကို. အတွက်ရော

waiter ။ ။ အစ်ကို အတွက်က စားပွဲ အောက်မှာလေ

မွန် လေး ။ ။ ဘာ ကွ မင်းမိုက်ရိုင်လှ ချည်လား ကွ ၊ ငါမှာတာ အေသင်းချိုဆွေ ကွ ။ စားပွဲအောက်ကိုငုံကြည်.တော.အိုလေးတစ်လုံး

waiter ။ ။ အေလေ အဲ ဒါ အစ်ကို မှာတဲ. အေသင်းချိုဆွေ ရဲ. ပေါက်တဲ. အိုး လေ ။

( တစ်ခါတစ်လေ လည်း ဘ၀အမောတွေ ကြားမှာ ဒါလေးတွေလဲ လိုအပ်ပါတယ် ... မေးလ်မှပေးပို့လာသူ အားကျေးဇူးတင်ပါတယ်ဗျာ..)

ရေကြီးရေလျံမှုများ ဓာတ်ပုံရိုက်ခြင်းနှင့် ပတ်သက်၍ မကွေးမြို့နယ် မြို့နယ်မှူးရုံးမှ ကင်မရာ သိမ်းဆည်းပြီး ခံဝန်လက်မှတ် ရေးထိုးခိုင်းသည်ကို မထိုးသောကြောင့် Weekly Eleven သတင်းဂျာနယ်၏ မကွေးသတင်းထောက်အား ခေတ္တ ထိန်းသိမ်းထား

   Weekly Eleven သတင်းဂျာနယ်၏ မကွေးသတင်းထောက် ကိုအောင်သူငြိမ်း ၂၈ နှစ်အား ရေကြီးရေလျှံမှု ဖြစ်စဉ်၊ သစ်ပင်ပြိုလဲခြင်း ဖြစ်စဉ်တို့ကို ဓာတ်ပုံရိုက်ခြင်းနှင့် ပတ်သက်၍ ကင်မရာသိမ်းဆည်းပြီး ခံဝန်လက်မှတ် ရေးထိုးခိုင်းသည်ကို ခံဝန်မထိုးသောကြောင့် အဆိုပါ သတင်းထောက်အား မကွေးမြို့ အမှတ်(၁) မြို့နယ်ရဲတပ်ဖွဲ့စခန်းဝင်းအတွင်းရှိ မြို့နယ်မှူးရုံးတွင် ခေတ္တခေါ်ယူ ထိန်းသိမ်းထားသည်။

        မကွေးမြို့တွင် စက်တင်ဘာလ ၁၃ ရက်နေ့၊ ညနေပိုင်း၌ မိုးသည်းထန်စွာ ရွာသွန်းမှုနှင့်အတူ နေရာအချို့တွင် ရေကြီးရေလျှံမှု ဖြစ်ပွားခဲ့ပြီး၊ မကွေး အ.ထ.က(၁)ကျောင်းနှင့် ဆက်သွယ်ရေး ရုံးအနီးရှိ သစ်ပင်တစ်ပင်သည်လည်း မိုးအရှိန်ကြောင့် အမြစ်မှ ပြိုလဲခဲ့သည်။ ယင်းဖြစ်စဉ်များကို မကွေးမြို့ရှိ Weekly Eleven သတင်းထောက်သည်(စက်တင်ဘာလဆန်းမှ အစမ်းခန့်အဖြစ် အသစ်ခန့်အပ်ထားသော သတင်းထောက် ဖြစ်သည်) သတင်းဓာတ်ပုံများ လိုက်လံရိုက်ကူးခဲ့သည်။ ထိုသို့ ရိုက်ကူးမှုနှင့် ပတ်သက်၍ အဆိုပါ သတင်းထောက်အား သက်ဆိုင်ရာ ရဲတပ်ဖွဲ့ တာဝန်ရှိသူ အချို့က တွေ့ရှိမေးမြန်းပြီး ပထမတွင် ကင်မရာပါပုံများကို ဖျက်ခိုင်းသလို၊ ကင်မရာအား သိမ်းဆည်းသွားကာ နောက်နေ့တွင် မြို့နယ်မှုရုံးသို့ လာရောက်ရန် ပြောကြားခဲ့သည်ဟု သိရသည်။

         အဆိုပါ သတင်းထောက်သည် စက်တင်ဘာလ ၁၄ ရက်နေ့တွင် မြို့နယ်မှူးရုံးသို့ သက်ဆိုင်ရာ ရ.ယ.က တာဝန်ရှိသူ တစ်ဦးနှင့် သွားရောက် တွေ့ဆုံရာ မြို့နယ်မှူးက နောက်နောင် ယခုကဲ့သို့ မပြုလုပ်တော့ပါ ဆိုသည့် ခံဝန်ချက်အား ရ.ယ.က သက်သေ နှစ်ဦးဖြင့် လက်မှတ်ထိုးရန် ပြောကြားခဲ့သည်။ ထို့အတွက် ရ.ယ.က သက်သေတစ်ဦး လိုအပ်နေသေးသလို၊ ဂျာနယ်တိုက်သို့ အကြောင်းပြန်ကြားရန် ပြန်လည်ထွက်ခွာခဲ့ကြောင်း၊ ယင်းနောက် ခံဝန်လက်မှတ် မထိုးနိုင်ကြောင်း ပြန်လည် အကြောင်းပြန်ခဲ့သော်လည်း ထိုအချိန်တွင် မြို့နယ်မှူးမှာ အဆိုပါ ရုံးတွင် ရှိမနေတော့ကြောင်း သိရသည်။ စက်တင်ဘာလ ၁၅ ရက်နေ့တွင် ထပ်မံသွားရောက်ခဲ့ရရာ အချက် ၄ ချက်ပါ ခံဝန်လက်မှတ် မထိုးပါက မကွေးသတင်းထောက် ကိုအောင်သူငြိမ်းကို မြို့နယ်မှူးရုံးမှ ပြန်လည်မထွက်ခွာရန် တားမြစ်ထားသည်မှာ ယခု သတင်းရေးသားချိန်အထိ ဖြစ်သည်(စက်တင်ဘာလ ၁၅ ရက် ည ၈ နာရီခွဲအထိ)။ Eleven Media Group ရန်ကုန်ရုံးချုပ်မှ မကွေးမြို့နယ် ရဲတပ်ဖွဲ့မှူးရုံးသို့ ဆက်သွယ်မေးမြန်းသော်လည်း တာဝန်မှူး ရဲတပ်ဖွဲ့ဝင် အချို့နှင့်သာ တွေ့ရပြီး ယင်းဖြစ်စဉ်နဲ့ပတ်သက်၍ တာဝန်ရှိသူများနှင့် တွေ့ဆုံခွင့်မရဘဲ တိတိကျကျ စုံစမ်းနိုင်ခြင်း မရှိပါ။

        'ဖြစ်စဉ်က မိုးရွာလို့ ရေလျှံတာကို သတင်းဓာတ်ပုံရိုက် သတင်းယူတဲ့ လုပ်ရိုးလုပ်စဉ် တစ်ခုပါပဲ။ ဒါနဲ့ပတ်သက်လို့ ဒီလောက်အထိ အကျယ်ချဲ့ဖို့ လိုမယ်မထင်ပါဘူး။ အခုဖြစ်စဉ်နဲ့ဆို မကွေးမှာဖြစ်တာ ဒုတိယအကြိမ်ပါ။ ပထမတစ်ကြိမ်တုန်းကလည်း မကွေးမှာ ခန့်ထားတဲ့ နယ်သတင်းထောက်နဲ့ ပတ်သက်ပြီး ဖြစ်စဉ်တစ်ခု ဖြစ်ခဲ့ဖူးပါတယ်။ အခု ဖြစ်စဉ်နဲ့တော့ မတူပါဘူး။ ရဲစခန်းမှာ (၂)ရက် အချုပ်ခံခဲ့ရပါတယ်။ တကယ်တော့ နယ်တွေမှာ သတင်းထောက်ရရှိဖို့ အင်မတန် ခက်ခဲပါတယ်။  အခု ကိစ္စမှာတော့ ဒီသတင်းထောက်ဟာ မကြာခင်ကမှ အစမ်းခန့်အနေနဲ့ ခန့်ထားရတဲ့သူပါ။ ဖြစ်စဉ်အရလည်း သတင်းထောက်အနေနဲ့ ရာသီဥတုသတင်း ဖြစ်စဉ်တစ်ခုကို သတင်းရယူ ဓာတ်ပုံရိုက်ကူးတာကလွဲလို့ ဘာမှ အပြစ်ကျူးလွန်ထားတာ မရှိပါဘူး။ ကင်မရာသိမ်းတဲ့ အချိန်မှာလည်း သူတို့ကို ပေးလိုက်တာပါပဲ။ ဒါပေမယ့် ငယ်တဲ့အမှု ပပျောက်စေအောင် လုပ်ရမှာကို လက်ခံနိုင်စရာ မရှိတဲ့ ခံဝန်တွေ ထိုးခိုင်းပြီး မထိုးရင် ပြန်လို့မရဘူးဆိုတဲ့ အနေအထားကတော့ မဖြစ်သင့်ပါဘူး။ ခံဝန်ကလည်း နောက်နောင် ဒီလိုမလုပ်ပါဘူး ဆိုတာမျိုးတွေက သတင်းထောက် တစ်ယောက်အတွက် ဘယ်လိုမှ ထိုးစရာ အကြောင်းမရှိပါဘူး။ သတင်းထောက်ကတော့ သတင်းယူရမယ့် တာဝန်ရှိပါတယ်။ သတင်းဓာတ်ပုံ ရိုက်ရမယ့် တာဝန်ရှိပါတယ်။ အခုလိုမျိုး ကိစ္စတွေများလာရင် နောက်နောင်နယ်တွေမှာ သတင်းယူရတာ၊ သတင်းထောက်တွေ ရပ်တည်ရတာ မလွယ်ပါဘူး။ ဒါမျိုးတွေများလာရင် သတင်းထောက် လုပ်ရဲကြမှာတောင် မဟုတ်ဘူး။ ကျွန်တော်တို့နိုင်ငံရဲ့ လက်ရှိ အပြောင်းအလဲကာလမှာ သတင်းမီဒီယာတွေရဲ့ အခန်းကဏ္ဍဟာ အရေးပါပါတယ်။ ဘယ်လို ကိစ္စမျိုးကိုမဆို ဆင်ခြင်တုံတရားနဲ့ ခွဲခြားကိုင်တွယ်ဖို့ လိုမယ်ထင်ပါတယ်။ နေပြည်တော်၊ ရန်ကုန်၊ မန္တလေးနဲ့ အခြား မြို့တွေမှာဆိုရင် ဒါဟာ သာမန် သတင်းကိစ္စ တစ်ခုပါပဲ။ ဒါပေမယ့် မကွေးမှာတော့ သတင်းနဲ့ ပတ်သက်ရင် Sensitive ဖြစ်နေတယ်လို့ ထင်ပါတယ်။ တိုင်းဒေသကြီး မြို့တော်တစ်ခုအနေနဲ့ ဒါမျိုးက လုံးဝမဖြစ်သင့်ပါဘူး။ အဲဒီအတွက် ကန့်ကွက်ပါတယ်။ မနက်ဖြန်မှာ အကြီးတန်း အယ်ဒီတာတစ်ယောက် မကွေးကို စေလွှတ်သွားမှာပါ။ နောက်ရက်မှာလည်း အခုလိုပဲ ဆက်ထိန်းသိမ်းထားမယ်ဆိုရင် ဥပဒေ နည်းလမ်းတွေအတိုင်း ဥပဒေကြောင်းအရပဲ ဆက်လက်တုံ့ပြန် ဆောင်ရွက်သွားမှာပါ'ဟု Weekly Eleven တာဝန်ခံအယ်ဒီတာ ကိုဝေဖြိုးက ပြောပါသည်။ မကွေးမြို့နယ် ရဲတပ်ဖွဲ့မှူးရုံး၏ မြို့နယ်မှူးမှာ ဒုရဲမှူး ကြည်ဝင်း ဖြစ်ကြောင်း သိရသည်။


ရင်းမြစ်။ ။ www.first-11.com