Tuesday, March 2, 2010

အုန်းသီး၊ မျောက်နှင့် တခါသေဖူး ပျဉ်ဖိုး နားလည် သင့်သူများ



မြန်မာနိုင်ငံရေး လေလှိုင်းမှာ ခုတလော ငြင်းခုံနေတာကတော့ ၂၀၁၀-ရွေးကောက်ပွဲကို ၀င်ရေး၊ မ၀င်ရေးပါပဲ။ ရွေးကောက်ပွဲကို ၀င်ရေး-ဘက်က ပြင်ထားတဲ့ သူတွေကတော့ မြန်မာနိုင်ငံကို “ဝေလေလေ ရေရှည်ဆွဲနေတဲ့ ကာလ” တခုက ရုန်းထွက်ချင်လို့-လို့ ဆိုပါတယ်။
ရွေးကောက်ပွဲ မ၀င်ရေး-ဘက်ကတော့ ၂၀၀၈ အခြေခံ ဥပေဒေနဲ့ ရွေးကောက်ပွဲကျင်းပပြီး နိုင်ခဲ့ရင်တောင် ၂၀၀၈ အခြေခံဥပဒေ အရ စစ်တပ်ဗိုလ်ကျမှု ခံရမှာ ဖြစ်တဲ့ အတွက် ၂၀၁၀-ရွေးကောက်ပွဲ ၀င်မယ့်သူတွေကို သစ္စာဖောက်လို့ တောင်မြင်ကြ၊ ပြော နေကြတာ ကြားကြရမှာပါ။
ဒီလူတွေ နှစ်ဖက်ကြားမှာ နေတဲ့ ပြည်သူတွေကတော့ တောင်ဟုတ်နိုးနိုး။မြောက်ဟုတ်နိုးနိုး ဖြစ်နေကြပါတယ်။ပြည်သူတွေ အနေ နဲ့  အလွယ်ဆုံး မြင်နိုင်အောင် သမိုင်းထဲက သာဓကတွေ ထုတ်တတ်ရင်၊ ကြည့်မြင်တွေး ကြမယ်ဆိုရင် အလွယ် တကူ မြင်နိုင် သိနိုင်ကြမှာမို့  ပြည်သူတွေ စဉ်းစားဖို့ သမိုင်းထဲက ဖြစ်ရပ်တချို့ ကို ရွေးထုတ်ပြလိုက် ပါရစေ။

၁၉၈၈ အရေးအခင်းကာလမှာ သမ္မတအဖြစ် လပိုင်း တက်လာခဲ့တဲ့ သမ္မတဦးမောင်မောင်က ၂ လ အတွင်း ရွေး ကောက်ပွဲ ကျင်းပပေးမယ်၊နိုင်တဲ့ ပါတီကို အာဏာလွှဲပေးမယ် ဆိုတုန်းက နိုင်ငံရေးသမားတွေ ဘာပြောခဲ့ကြသလဲ။
အချိန်တိုအတွင်းမှာ နိုင်ငံရေးပါတီ ဖွဲ့ဖို့  မဖြစ်နိုင်ဘူး။ ရွေးကောက်ပွဲပြင်ဖို့ မဖြစ်နိုင်ဘူးလို့ ငြင်းခဲ့ပယ်ခဲ့ကြပါတယ်။ ဒါပေမယ့် တ ချို့သောပု၈္ဂိုလ်တွေကတော့ ဦးမောင်မောင် ရွေးကောက်ပွဲကို လက်ခံခဲ့ရင် ခုလောက် စစ်တပ်က ညစ်ပတ် နေတာ ခံရချင်မှ ခံရ နိုင်မယ်။ အဲဒီတုန်းက နအဖ စစ်တပ်ဘက်မှာ ကျောထောက်နောက်ခံ အားနည်းနေချိန်မှာ ကိုယ့် ဘက်က ကျောထောက်နိုင်ငံ များများ အားကိုယူပြီး လုပ်နိုင်ခဲ့ရင်၊ ခုချိန်ဆို ဒို့ နိုင်ငံ အခြေအနေ ဆိုးလက်က လွတ် လောက်ပြီလို့  တွေးသူတွေ ရှိနေခဲ့ကြ ပါတယ်။

နောက် စစ်တပ်က အာဏာ သိမ်းပြီးတော့ ၁၉၉၀ မေမှာ ရွေးကောက်ပွဲ လုပ်မယ်ဆိုပြန်တော့ ဒါဟာ တရားမျှတတဲ့ ရွေးကောက် ပွဲ မဖြစ်နိုင်ဘူး။ ရွေးကောက်ပွဲ မှာ ညစ်ပတ်နိုင်တယ်။ တစည-ဘက်က စစ်တပ်ပါမယ်။ တစည- မနိုင် နိုင်အောင်လုပ်မယ်လို့ ဝေဖန်ခဲ့ကြပြန်ပါတယ်။ တကယ်တန်း ရွေးကောက်ပွဲ လုပ်ပြန် တော့ အင်န်အယ်လ်ဒီလဲ နိုင်ရော-ဘာဖြစ်ကြသလဲ၊ စစ်တပ်က တရားမျှပါတယ်ပြောသလို ၊နိုင်ငံတကာကလည်း တရားမျှပါတယ်ပြောခဲ့ကြပါ တယ်။ ကိုယ်က လက်ရှိလဲ အနိုင်ရထားတော့ အတိုက်အခံတွေက တရားမျှပါတယ်လို့ ပြောင်း၊ပြောခဲ့ကြပြန် ပါတယ်။
နောက် ဘာတွေ ဆက်ခဲ့ကြပါသလဲ၊ငွေရောင်ပိတ်ကားပေါ်မှာ မြင်ကြတဲ့ အတိုင်းပါဘဲ။ စင်ပြိုင်အစိုးရ ဖွဲ့ ချင်သူက ဖွဲ့  ချင်ကြ။ စစ်တပ်က ဖော်ဆောင်ပေးမယ့် ညီလာခံမှာ တရားဝင်အစိုးရ ဖွဲ့ ချင်သူက ဖွဲ့ချင်ကြ။ ပြည်ပထွက်ပြီး စင်ပြိုင် အစိုးရ ဖွဲ့ကြနဲ့ ဖြစ် ခဲ့ကြပါတယ်။
ဒါဘာကိုပြသလဲဆိုတော့ ရွေးကောက်ပွဲကို အာဏာမလွှဲဖူးလို့ သိရက်နဲ့ ရွေးကောက်ပွဲ ၀င်ဖို့ ဆုံးဖြတ်ခဲ့ကြတဲ့ တာဝန်ရှိ လူကြီး တွေကို အပြစ်ပုံ၊ အပြစ်မြင်ချင်သူတွေက မြင်ခဲ့ကြပါတယ်။ တချို့ကတော့ အင်အယ်လ်ဒီ-မဲနိုင်တာဟာ မြန်မာတွေ ခေါက်ရိုးကျိုး နေပြီဖြစ်တဲ့ ပုံပြင်တခုထဲက“မျောက် အုန်းသီးရတဲ့ အဖြစ်မျိုး”နဲ့ နှိုင်းယှဉ် မြင်ကြတာလဲရှိ ပါတယ်။ မျောက်အုန်းသီးရတော့ ဘာ ဖြစ်သလဲ။ ကိုယ်လဲ ခွဲမစားတတ်၊ သူများလဲ မပေးချင်၊ ဘယ်သူမှ လဲ ယုံမှတ် ပေါင်းသင်းပြီး စပ်တူ လုပ်ကိုင် မစားသောက်ချင်နဲ့ နောက်ဆုံး ဥစ္စာရူး ဘ၀ရောက်ရတဲ့ အဆင့်ပါ။
မြန်မာ နိုင်ငံရေးသမားတွေဟာ ကိုယ့်ခြေပေါ် ကိုယ်ရပ်ပြီး နိုင်ငံရေး ကစားချင်ကြ၊ မြန်မာပြည်ကို တည်ဆောက်ဖို့ ကြိုးစားခဲ့ကြ ပါတယ်။ တရုတ် ကို မယုံကြည်တဲ့ ဦးကြည်မောင်က မဲနိုင်ပြီးစမှာ တရုတ်သံအမတ် လက်ဆွဲ နှုတ် ဆက်လာတာကို မတုန့် ပြန်လို့ အင်အယ်လ် ဒီပါတီတွင်းမှာ ဘာတွေ ဖြစ်ခဲ့ကြသလဲ။ တချို့က အမေရိကန် ၊ ဗြိတိန်နဲ့ အနောက်ကမ္ဘာကို မြန်မာ့ နိုင်ငံရေး ထဲက ပယ်ထုတ်ပြီး မြန်မာ့ နိုင်ငံရေးကို ကစားချင်တဲ့ လူတွေကလည်း တရုတ် နယ်စပ်၊ ထိုင်းနယ်စပ်၊ အိန္ဒိယနယ်စပ်နဲ့ ရေဒီယို လေလှိုင်းတွေကနေ“ သခွတ်ပင်က မီးတကျည်ကျည်” လုပ်ခဲ့ကြ ပါတယ်။


နအဖကတော့ လက်ရှိမြင်နေတဲ့ အတိုင်း သူ့အာဏာမြဲရေးအတွက် ၀ဲယာ-၀ါဒ မှန်သမျှ အရှေ့-အနောက် ၂ ဘက်စလုံး ကို လှေနံ ၂-ဘက်နင်းပြီး သူ့ဘက်ပါအောင်လုပ်နိုင်ခဲ့ပါတယ်။ ပြီးတော့ ဗီတိုအာဏာနဲ့ တက်လာသမျှကို ဆရာတွေ အာကိုးနဲ့ ပယ်ချအောင် လုပ်နိုင်ခဲ့ပါတယ်။ဒါကလည်း နအဖ ထွင်တဲ့ နည်းသစ်မဟုတ်ပါ။ ရှေးမင်းတွေတုန်းကလည်း တပြည်က ကျူးကျော်လာခဲ့လို့ ကိုယ့်ဘက်မှာ အင်အားနည်းခဲ့ရင် မိတ်ဆွေနိုင်ငံတွေ အကူအညီနဲ့ ဖြေရှင်းခဲ့ရတာ သမိုင်းမှာ သာဓက နမူနာတွေ အ များအပြား ပါ။  သမိုင်းဆိုတာ လိမ်ညာလို့ ရကောင်းတဲ့ အရာ မဟုတ်ပါ။
ဒါတွေဟာ ရိုးရိုးလေးနဲ့ မြင်နိုင်တဲ့ သမိုင်းထဲက မြင်ကွင်းတွေပါ။

ဒီနေ့  ကမ္ဘာ့ နိုင်ငံတွေ ဖြစ်ရပ်တွေနဲ့ သမိုင်းရေစီးကြောင်းကို ပြစ်ပယ်ပြီး အလုပ် မလုပ်ရင် `“ပိုးသာကုန် မောင်ပုံ၊ စောင်းမတတ်” ဆိုသလို “နေမြင့်လေ အရူးရင့်လေ” ဖြစ်ဖို့ ကသာ များနေပါတယ်။ အိမ်နီးနားချင်း နိုင်ငံတွေ ဘယ်နိုင်ငံ တွေနဲ့ ပေါင်းသင်းပြီး ဘယ်လို တိုးတက်အောင်လုပ်နေကြသလဲ။ ဘယ်နိုင်ငံကတော့ ဘယ်သူ့  အင်အားကို မဟာမိတ် ယူပြီး သူ့နိုင်ငံ ပြောင်းအောင်၊ တိုးတက်အောင် ဘယ်လို လုပ်သွားခဲ့ကြသလဲဆိုတာ မြန်မာ့ နို်င်ငံရေး သမားတွေ လေ့လာ လုပ်ကိုင်ဖို့ မုချ လိုမှာ အမှန်ပါ။ “ရေစီးကြောင်း ပြောင်းပြန်ဆန်- ငါ့အမှန်နဲ့ကိုယ်၊ရွက်လွှင့်ရေဆန်” လုပ်နေကြရင် တိုင်း ပြည်ပိုပြီး နာဖို့သာရှိပါတယ်။

အခုလည်း ရွေးကောက်ပွဲ ၀င်ရေး မ၀င်ရေး ငြင်းခုန်နေမယ့်အစား ၁၉၉၀ မှာ နိုင်ခဲ့တယ်။ ဒါပေမယ့် အာဏာကို ရအောင် ညစ် ညဏ်များလှတဲ့ နအဖနဲ့ အပြိုင် မယူနိုင်ခဲ့ကြဘူး၊ ဘာတွေ လိုအပ်ခဲ့ကြလို့လဲ။ ညစ်ပတ်တဲ့ လူကတော့ ဘယ်ဘ၀ရောက်ရောက် ညစ်ပတ်ဦးမှာပါပဲ။ ညစ်ပတ်တဲ့ လူဆိုတာကလည်း ခုမှ ရှိလာတာပေါ်လာတဲ့ လူထူးလူဆန်း မဟုတ်ပါဘူး။ ဟိုးရှေး မင်း အဆက် ဆက်အတွေကတည်းခဲ့ ရှိခဲ့တာမိုလို့ တချို့ ကိစ္စတွေမှာ တိုင်းသူ ပြည်သားတွေ စစ်ပွဲမှာ မလိုအပ်ဘဲ မသေကြအောင် ညဏ်ချင်း ယှဉ်နိုင်ကြဖို့ ၊မင်လောင်းတို့  တတ်အပ်တဲ့ အဌာရသ “၁၈” ရပ်မှာ မာယာ ဆိုတဲ့ လှည့် ဖျားခြင်း ပညာရပ် ရှိခဲ့တယ်ဆိုတာ မမေ့ ကြဖို့ လိုပါတယ်။
ခုလည်း သူ့ထွက်ပေါက်အဖြစ် နိုင်ငံပိုင် သေချာပေါက်မြတ်မယ့် စီးပွါးရေး လုပ်ငန်းကြီးတွေနဲ့ ၊အကွက်ကောင်းမှန်သမျှ လက်ဝါး ရိုက်ပြီး သူ့လူတွေနဲ့ စားကွက်တွေ ဖန်တီးကာရှေ့ ရေးအတွက်ပြင်နေတာ နေ့စဉ် ဖတ်ရမြင်နေရပါပြီ။ တချိန်က အင်ဒိုနီးရှားမှာ စစ်ခေါင်းဆောင် “ဆူဟာတို” လုပ်သလို လုပ်နေပါပြီ။ ၂၀၁၀ ရွေးကောက်ပွဲက နအဖ က လုပ်မှာ သေချာ ပါတယ်။ ဘယ်သူ ပါပါ-မပါပါ လုပ်ကို လုပ်မှာပါ။

ဒီနေ့ အင်အားကြီး နိုင်ငံကြီးတွေ ကို ကြည့်ရင် လက်ရှိ ရုရှားသမ္မတ က“ဆိုဗီယက်ခေတ်”ကို ပြန်လွမ်းမနေပဲ ပြောင်း လွယ်ပြင် လွယ် နိုင်ငံရေး၊စီးပွါးရေး စနစ်ဘက်ပြောင်းဖို့ ထုတ်ဖော်ပြောဆိုလာနေပါပြီ။“လက်ဝဲနို်င်ငံရေးမှာ အရင်းရှင်နဲ့ တွဲရင် သစ္စာ ဖောက်” လို့ ဘယ်လိုပဲပြောပြော တရုတ်ကတော့ အရင်းရှင်အနောက်ကမ္ဘာနဲ့ရော။ရန်သူတော် အမေရိကန် နဲ့ပါ လက်တွဲ စီးပွါး လုပ်ရင်း လင်မယားလို တကျက်ကျက် ဖြစ်နေပေမယ့် စီးပွါးရေးက တရိပ်ရိပ် တက်လာနေပါတယ်။
အမေရိကန်ကရော တရုတ် ဘာပြောပြော၊ ထိုင်ဝမ်ကို လက်နက်ရောင်းစရာရှိတာ ဆက်ရောင်းနေတယ်၊ဘုန်းတော်ကြီး ဒရိုင် လားမားကို တရုတ်ဘယ်လို ကန့် ကွက်၊ကန့် ကွက် တွေ့ စရာရှိတာတွေ့၊ လုပ်စရာရှိတာ လုပ်နေကြတာပါ။
 

မြန်မာ့ နိုင်ငံရေးသမားတွေလည်း လုပ်သင့် လုပ်ထိုက်တာ လုပ်သင့်တဲ့ အချိန်ရောက်ပြီ ဆိုတာထက် ကျော်တောင် နေပါပြီ။ နိုင်ငံရေးကျမ်းစာအုပ်ထဲက သီအိုရီစကားတွေ ပြောနေရမယ့် အချိန် မဟုတ်တော့ပါဘူး။ ပြည်သူတွေ နားလည်နိုင်စွမ်း မရှိတဲ့ လေလုံးကြီးတွေနဲ့ ကိုယ်ရည်သွေးနေရမယ့် အချိန် မဟုတ်တော့ပါဘူး။ အတိုက်အခံ (ခေါ်) ဒီမိုကရေစီ လှုပ်ရှားသူတွေဘက်က အချိန်ကုန်ခံပြီး ရွေးကောက်ပွဲ ၀င်ရေး၊မ၀င်ရေး ငြင်းခုန်နေမယ့်အစား၊ ၁၉၉၀ ရွေးကောက်ပွဲ ရလာဒ်ကို ဘာဖြစ်လို့ အသုံးမချ နိုင်ခဲ့ကြသလဲ။ ဘာတွေ အားနည်းခဲ့ကြသလဲ၊ ဘာတွေ ပြင်ဆင် အင်အား ဖြည့်ရမယ်ဆိုတာတွေ ဆွေးနွေးကြရင်၊ ၂၀၁၀-မှာ ယုံကြည်သူ ကိုယ့်ဘက်သားတွေ ၀င်ခဲ့လို့ ၊နိုင်ခဲ့လို့ရှိရင် ဘာတွေ လုပ်သင့်တယ်၊ ဘာတွေ ပြင်သင့်တယ်ဆိုတာတွေ ဆွေးနွေး တာက အချိန်မကုန်-အကျိုးတရား ဖြစ်ထွန်း စေမှာလို့ ပြည်သူတွေ မြင်ကြမှာပါ။“ရန်ကြွေး မှန်သမျှ ခြေမှုန်းကြ၊အမြင်မတူသမျှ ဆန့် ကျင်ကြ” လုပ်နေမှာထက်၊ ကိုယ့်လက်ထဲ အာဏာ အမြန် ရပြီး ပြည်သူ့ဘ၀ ကယ်တင်ရေး ဘယ်ဟာ အရေးကြီးတယ်ဆို တာ တွေးတတ်တဲ့ နိုင်ငံရေး သမားတိုင်းလည်း မြင်ကြမှာပါ။
ပြည်သူတွေဘက်ကတော့ လက်ရှိနှိပ်စက်နေတဲ့ နအဖ ဘက်တော်သားတွေထက် ဒေါ်စုနဲ့ ဘက်တော်သားတွေကိုပဲ မဲပေး အနိုင် ပေးဦးမှာသေချာပါတယ်။  နအဖ စစ်တပ်ကတော့ ဘယ်လိုညစ်ပေမယ့် အုန်းသီးတော့ ကိုယ့်လူတွေ ဘက်က အနိုင်ရဖို့ ရာနှုန်း များနေမှာ၊ မြေကြီး လက်ခတ်မလွဲ လို့တောင် ခန့် မှန်း နိုင်တဲ့ အခြေအနေအဆင့်ပါ။
 

အင်အယ်လ်ဒီက လူကြီမင်းများက ရွေးကောက်ပွဲ ၀င်ဖို့ ၊ခုတခါ ပြန် ဆုံးဖြတ်ခဲ့ကြဦးမယ်ဆိုရင် ပြည်သူတွေကတော့ အင်န်အယ် လ်ဒီကို အားပေးမှာ အမှန်ပါ။ကိုင်း-ဒီတကြိမ် အုန်းသီး ထပ်ရခဲ့မယ်ဆိုရင် ဘာလုပ်ကြမလဲ။ ဘာတွေ ပြင်ထားပြီးကြ။ဆွေးနွေး တိုင်ပင်ပြီးကြပြီ လဲ။
နှစ်ပေါင်း ထောင်ချီကြာချင်ကြာပလေ့စေ၊ ဘယ်သူမှ လာမရှုပ်နဲ့ ၊ ကိုယ့်နည်း ကိုယ့်ဟန်နဲ့ပဲ ချီတက်ကြမလား၊ တိုင်းပြည်နဲ့ လူမျိုး ရှေ့ ရေးအတွက် ကိုယ်တိုင်ပဲ ခွဲခြမ်း အသုံးချကြ မလား။
ဗီယက်နမ်လို၊စင်္ကာပူလို၊ထိုင်းတို့လို ပြည်ပနိုင်ငံအကူအညီနဲ့ ပူးပေါင်းလက်တွဲပြီး၊သူများအကူအညီနဲ့ ခွဲခြမ်း အသုံးပြု နိုင်မလား။
မျက်လုံးလေး ကလည် ကလည်နဲ့ တောင်မယုံ၊မြောက်မယုံ၊ တွေ့သမျှ မြင်သမျှ မည်းမည်းမှန်သမျှ လန့် ကြောက်-ရန်သူ ထင်နေ ရဦးမှာပဲလား ။
ဆင်ခြင်တော်မူကြပါကုန်။
တခါသေဖူး ပျဉ်ဖိုး နားလည်ဖို့ လိုတာ အမှန်ပါ။
 
ဖိုးသောကြာ(၂၆။၂။၂၀၁၀)

တောင်သူလယ်သမားနေ့တွင် လယ်သမား အခွင့်အရေးများ တောင်းဆို


မြန်မာ ပြည်တွင်းရှိ တောင်သူ လယ်သမားများသည် တောင်သူ လယ်သမား ရပိုင်ခွင့်နှင့် အခွင့်အရေးများ ဆုံးရှူံးနေရသည်ဟု ရန်ကုန်တိုင်း အခြေစိုက် တောင်သူ လယ်သမားများ ကူညီရေးအဖွဲ့ တဖွဲ့ဖြစ်သော “စာခြောက်ရုပ်” အဖွဲ့က ပြောဆိုလိုက်သည်။

အာဏာပိုင်များက လယ်သမားများအား စီမံချက်ဖြင့် သတ်မှတ်သီးနှံများ စိုက်ပျိုးစေခြင်း၊ လယ်ယာမြေ သိမ်းဆည်းခြင်းနှင့် ခြိမ်းခြောက်ခြင်းများရှိနေပြီး သီးနှံအထွက်တိုးရေးအတွက် လုံလောက်သည့် အထောက်အကူများလည်း မရရှိကြကြောင်း အဆိုပါ အဖွဲ့က ဆိုသည်။

“စီမံချက် သီးနှံ စိုက်ခိုင်းတယ် ဆိုတာတွေက ကြီးကြီးမားမား အောင်မြင်တာမရှိဘူး။ ဒီကြားထဲ တောင်သူတွေကို အဆင့်မမီတဲ့ မြေသြဇာတွေ၊ မျိုးတွေ အတင်းဝယ်ခိုင်းတယ်။ စီမံချက် ဧရိယာနဲ့ မလွတ်လို့ဆိုပြီး လယ်မြေ ဧကတွေ အများကြီး သိမ်းဆည်း ခံရတယ်။ အစားလည်းပြန်မရဘူး။ နောက်၊ ဆည်ရေကလည်း မရတော့ အရင်လို နှစ်သီးစား၊ သုံးသီးစားတွေ စိုက်မရကြဘူး” ဟု စာခြောက်ရုပ် အဖွဲ့ဝင် ကိုရင်အေးက ဧရာဝတီသို့ပြောသည်။

တောင်သူ လယ်သမားများအနေဖြင့် စိုက်ပျိုးရေးတွင် လိုအပ်သည့် နည်းပညာ အထောက်အကူ၊ စစ်မှန်၍ ဈေးနှုန်းချိုသာသော ပိုးသတ်ဆေးနှင့် မြေသြဇာများ၊ ထွက်နှုန်းကောင်း မျိုးစေ့များ လိုအပ်နေသည်ဟု သူကဆိုသည်။

သူကဆက်လက်၍ “ကျနော်တို့ တောင်သူလယ်သမားတွေရဲ့ ရပိုင်ခွင့်၊ ပြောရေးဆိုခွင့်၊ လယ်လုပ်သူ လယ်ပိုင်ဆိုင်ခွင့်၊ ပေါင်နှံခွင့်၊ ရောင်းချခွင့် စတဲ့ အခွင့်အရေးတွေအတွက် အထက်ကို တင်ပြမယ်။ လယ်မြေ သိမ်းခံရတာတွေနဲ့ ပတ်သက်ပြီး ILOကို တင်ပြသွားမယ်” ဟု ပြောသည်။

တောင်သူ လယ်သမားများအနေဖြင့် လုံလောက်သည့် စိုက်ပျိုးစရိတ် ချေးငွေများ မရရှိကြသကဲ့သို့ လယ်သမားများအတွက် ထားရှိသော ဆုကြေးငွေများကိုလည်း ခံစားခွင့်မရှိကြကြောင်း ရန်ကုန်တောင်ပိုင်းခရိုင် ခရမ်းမြို့နယ်မှ လယ်သမားများက ဆိုသည်။

“ကျနော်တို့မှာ တဧကကို ကျပ် ၁ သောင်းပဲ ရတော့ ၁၀ ဧက သမားဆိုရင် ၁ သိန်းပေါ့။ အဲ့ဒီ ငွေ ၁ သိန်းက ဘာမှ လုပ်မရဘူး။ နောက် ငွေချေးတဲ့အခါ ဆုကြေးဆိုပြီး ၁ သိန်းငွေချေးရတဲ့သူတွေကို တလ ၅၀၀၀ ကျပ်နှုန်း ငွေစုဖို့ဆိုပြီး ဖြတ်တယ်။ အဲဒီငွေတွေက အခု ဘယ်မှာလဲ မသိဘူး။ ဘာမှလည်း မခံစားရဘူး” ဟု လယ်သမားတဦးက ပြောသည်။

အာဏာပိုင်များက တောင်သူလယ်သမားများအား စီမံချက် သီးနှံများ စိုက်ပျိုးစေသော်လည်း စစ်မှန်သည့် ပိုးသတ်ဆေး၊ မြေသြဇာနှင့် နည်းပညာ အကူအညီများကို မှန်ကန်စွာပေးခြင်း မရှိကြောင်း တောင်သူများကဆိုသည်။

သုံးခွမြို့နယ်မှ လယ်သမားတဦးကလည်း “ကျနော်တို့ လယ်သမားတွေမှာ သူတို့ခိုင်းတာကို လုပ်တာခံနေရတယ်။ ဘယ်သူကမှ လာ အာမခံချက် မပေးဘူး။ အောက်ခြေမှာ ဖြစ်နေတာတွေကလည်း တမျိုးဆိုတော့ ကျနော်တို့ လယ်သမားတွေက အကုန် ကြောက်နေရတယ်။ မည်းမည်းမြင် အကုန်ကြောက်နေရတဲ့ လယ်သမား ဘဝ ရောက်နေတာ” ဟု ပြောသည်။

မြန်မာနိုင်ငံသည် စိုက်ပျိုးရေးကို အဓိကထားသော နိုင်ငံဖြစ်ပြီး နိုင်ငံတ၀န်းတွင် စုစုပေါင်း စိုက်ပျိုးမြေဧက ၂၉ ဒဿမ ၃၂ သန်း ရှိနေပြီဖြစ်ကြောင်း ယနေ့ထုတ် မြန်မာ့အလင်းသတင်းစာက ဖော်ပြထားသည်။

ယနေ့ကျရောက်သော တောင်သူလယ်သမားနေ့ အထိမ်းအမှတ် ထုတ်ပြန်သည့် သ၀ဏ်လွှာတွင် ဗိုလ်ချုပ်မှူးကြီးသန်းရွှေက “တောင်သူလယ်သမားကြီးများသည် ရွေးကောက်ပွဲကာလတွင် ကိုယ်စားလှယ်များကို ရွေးချယ်ပေးကြရမည်ဖြစ်ပြီး နိုင်ငံဖွံ့ဖြိုးရေးကို နှောင့်ယှက်မည့်သူများကို ဖယ်ရှားကြရမည်” ဟု ပြောကြားထားသည်ကို မြန်မာ့အလင်း သတင်းစာက ဖော်ပြထားသည်။

ထို့အပြင် နိုင်ငံတော်အစိုးရ အနေဖြင့် တောင်သူလယ်သမားများ ဘဝ မြင့်မားရေးအတွက် ကျန်းမာရေး၊ ပညာရေး၊ စီးပွားရေး မြင့်မားစေရန် မျိုးစေ့များ၊ မြေသြဇာများ ဖြန့်ဖြူးပေးခြင်းနှင့် စိုက်ပျိုးရေအလုံအလောက် ရရှိရေး အတွက် ဆည်မြောင်း တာတမံများ လုပ်ဆောင်ပေးနေသည်ဟုလည်း သဝဏ်လွှာက ဆိုသည်။

တောင်သူလယ်သမားများသည် မြန်မာ့နိုင်ငံရေး သမိုင်းစဉ်တလျှောက်တွင် အခန်းကဏ္ဍအသီးသီး၌ ပါဝင်ခဲ့ကြသောကြောင့် စစ်မှန်သော ဒီမိုကရေစီစနစ်နှင့် အေးချမ်းသာယာသော နိုင်ငံဖြစ်ပေါ်ရေးအတွက် လာမည့် ကိုယ်စားလှယ်လောင်းများကို ရွေးချယ်ပေးကြရမည်ဟု အဆိုပါ သ၀ဏ်လွှာတွင် ပြောထားသည်။

ရန်ကုန်တိုင်းအတွင်းရှိ တောင်သူလယ်သမားများကမူ စစ်အစိုးရက ကျင်းပမည့် ရွေးကောက်ပွဲအပြီးတွင် စစ်အစိုးရအလိုကျ အဖွဲ့အစည်းများသာ အာဏာရရှိပြီး ဖိနှိပ်မှုများ ပိုမိုများပြားလာမည်ကို ပူပန်နေကြကြောင်း ကြားသိရသည်။

“ကျနော်တို့ အများစုကတော့ အရင်းရှင်အစိုးရဖြစ်သွားပြီး ကျနော်တို့ရဲ့ ပဲတွေ၊ ဆန်တွေ၊ သီးနှံတွေကို ဈေးတွေ ခေါင်းပုံဖြတ် တာတွေ၊ အခုထက်မက စီမံကိန်း သီးနှံ စိုက်ခိုင်းမှာတွေကို စိုးရိမ်တယ်” ဟု သာစည်မြို့နယ်မှ လယ်သမား တဦးက ဆိုသည်။

စစ်အစိုးရ ဆောက်လုပ်လျက်ရှိသော အစိုးရပိုင် အဆောက်အအုံများ၊ စက်ရုံများ၊ လမ်းများ၊ စစ်တပ် ဧရိယာ တိုးချဲ့မှုများ စသည်တို့ကြောင့် တောင်သူတို့၏ လယ်မြေများ သိမ်းဆည်းခံရလေ့ရှိရာ လယ်ယာမြေ အစားပြန်ရရှိရေးအတွက် တောင်းဆိုသော တောင်သူ လယ်သမားများ၊ ကူညီပေးသူများကို အာဏာပိုင်များက ဖမ်းဆီးအကျဉ်းချခြင်းများ ပြုလုပ်လေ့ရှိသည်။

Tuesday, 02 March 2010 19:20 ဇာနည်မာန် 
ဧရာဝတီ

ဒေါ်အောင်ဆန်းစုကြည်၏အယူခံ ပယ်ချခံရမှု ဥရောပသမဂ္ဂ ကြေညာချက်ထုတ်

    နေအိမ်အကျယ်ချုပ်ကျခံနေရသည့် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က အယူခံတင်သွင်းထားသော ပြစ်မှုဆိုင်ရာ ပြင်ဆင်မှု လျှောက်လဲချက်အား ဗဟိုတရားရုံးချုပ်မှ ပယ်ချလိုက်သည့်အပေါ် အထူးစိတ်မကောင်းဖြစ်မိကြောင်း ဥရောပသမဂ္ဂ (အီးယူ) နိုင်ငံခြားရေးရာဌာန၏ ပြောခွင့်ရသူ ကက်သရင်း အက်ရ်ှတန်က ပြောကြားလိုက်သည်။

ထိုသို့ တရားရုံးချုပ်မှ ဒေါ်အောင်ဆန်းစုကြည်၏ အယူခံအားပယ်ချခဲ့ခြင်းသည် အစိုးရနှင့် အတိုက်အခံပါတီတို့အကြား အလျင်အမြန်လိုအပ်နေသည့် အမျိုးသားရင်ကြားစေ့ရေးနှင့် ရေရှည် တည်ငြိမ်အေးချမ်းရေးအတွက် နိုင်ငံရေးအရ အားလုံးပါဝင်နိုင်သော တွေ့ဆုံဆွေးနွေးမှုဖြစ်မြောက်ရေး အလားအလာများကို ပျက်စီးသွားစေသည်ဟု ကက်သရင်း အက်ရ်ှတန်က ယမန်နေ့၌ ကြေညာချက် ထုတ်ပြန်ပြောဆိုလိုက်ခြင်းဖြစ်သည်။

မြန်မာနိုင်ငံ၌ ယခုနှစ်အတွင်း ရွေးကောက်ပွဲလုပ်ရန် စီစဉ်ထားရာတွင် အာဏာပိုင်များအနေဖြင့် နိုင်ငံတကာက တောင်းဆို ထားသည့်အတိုင်း ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများအား လွှတ်ပေးပြီး နိုင်ငံရေးလုပ်ငန်းစဉ်တွင် ပါဝင်ခွင့်ပေးရန် လိုအပ်ကြောင်းလည်း ဥရောပကော်မရှင်၏ ဒုတိယအကြီးအကဲလည်းဖြစ်သူ ကက်သရင်း အက်ရ်ှတန်က တောင်းဆိုလိုက်သည်။

ဒေါ်အောင်ဆန်းစုကြည်၏အမှု နောက်ဆုံး အထူးအယူခံတင်သွင်းရာတွင် စစ်အစိုးရအာဏာပိုင်များက ဒေါ်အောင်ဆန်းစုကြည်အား လွှတ်ပေးရန် တရားဥပဒေလမ်းကြောင်းအရ ပြောင်းလဲလုပ်ဆောင်နိုင်သည့် အခွင့်အရေးတခု ရှိနေသေးသည်ဟုလည်း ၎င်းက ပြောကြားသည်။

မြန်မာနိုင်ငံနှင့် ပြည်သူလူထု၏ အနာဂတ်ကောင်းစားရေးအတွက် ရှေးရှုကာ ထိုအခွင့်အရေးကို ရယူရန် စစ်အစိုးရ အာဏာပိုင်များအား ဥရောပသမဂ္ဂ နိုင်ငံခြားရေးရာဌာန၏ ပြောခွင့်ရသူက ပြင်းပြင်းထန်ထန် တိုက်တွန်းပြောကြား လိုက်သည်။

ထိုသို့ ဒေါ်အောင်ဆန်းစုကြည်၏အမှု အယူခံပယ်ချချက်အပေါ် နိုင်ငံတကာ လူ့အခွင့်အရေးအဖွဲ့ချုပ်နှင့် အာဆီယံ စင်ပြိုင် အဖွဲ့တို့ကလည်း ပြစ်တင်ရှုတ်ချခဲ့ပြီး ဒေါ်အောင်ဆန်းစုကြည်ကို ချက်ချင်းလွှတ်ပေးရန် ယမန်နေ့က တောင်းဆိုခဲ့သည်။

 NEJ/ ၂ မတ် ၂ဝ၁ဝ

ငါ ဟစ်ပ်ဟော့ ဆိုရရင် ကောင်းမလား


(ဒီကဗျာကို အသံထွက်ဖတ်ပါ။)

ငါပြောချင်နေတာ တော်တော်များ
ငါ ဟစ်ပ်ဟော့ဆိုရရင် ကောင်းမလားတွေး။

လူငယ်တွေကလည်း အချစ်အကြောင်းတွေချည်းပဲပြော...
ငါကလည်း နည်းနည်း ဆရာကြီး လုပ်ချင်နေတာနဲ့မော။
သူတို့ အိုင်ဒီယာ ပြောနေတာတွေလည်း သဘောမကျ...
မယ်လိုဒီ မဖန်ဆင်းနိုင်တဲ့ ငါ့လက်သံအစုတ်အပြတ်ကိုလည်း ဒေါပွ။
ရေးတဲ့ကဗျာတွေ မဂ္ဂဇင်း မရွေးတာလည်း တဒုက္ခ
နောက်ဆုံးတော့ ဘလော့ဂါ လုပ်ရတာပဲ မုချ....။
လမ်းရိုးဟောင်းကိုလည်း
မလိုက်ချင်ဘူး။
အဆန်းထွင်ချင်တဲ့ ဥာဉ်နဲ့ပဲ
ငါ့မှာရူး။
တော်လှန်ရေးနတ်ကလည်း ပူးသေး
ကလေးကလားတွေကြားထဲ
ကူးဝင်ကာ ပေါက်ကွဲမယ်...
ကိုယ့်ကိုယ်ကို ထင်တလုံးနဲ့ ကိုယ်ပြောချင်တာကို ကိုယ်ပြောမယ်။
ကိုယ့်ဒုက္ခကို တသသနဲ့ ရင်ဖွင့်တာကိုပဲ ဂုဏ်လုပ်ဆဲ။

ရိုးသားမှုကို တရွတ်ဆွဲ ကံအမြဲလွဲနေရတဲ့ ဘ၀
ချစ်သူကလည်း အထင်သေးရဲ့ ......
တံခါးတွေပိတ်ထား... ဘာမှ အစွမ်းပြခွင့်မရ
မိဘတွေကလည်း သက်ပြင်းချ
ပါရမီ မရှိလှတဲ့ ရပ်ကွက်ကလည်း
သူ့လို မမိုက်ကြနဲ့တဲ့ ဥပမာပြ ...
(အင်း....) ဂြိုဟ်သားတယောက်ပမာ ငါ့ဘ၀..
ငါပြောချင်နေတာကလည်း ဘယ်နေရာမှာ ပြောရပါ့...။

ကဗျာလေးရေးမိပါတယ်... လေးလုံးစပ် မဟုတ်ဖူးတဲ့ ရှုံ့ချ..
နိုင်ငံရေး ၀င်ဆွေးနွေးမိပါတယ်... အတိုက်အခံဆိုရင် နည်းနည်းမှ မဝေဖန်ရတဲ့ ပယ်ချ...
စာတိုလေးရေးမိပါတယ်... ရပ်တည်ချက် မရှိဖူးတဲ့ အုပ်စုလိုက် တွယ်ကြ...
ဘလော့မှာ တကုတ်ကုတ်ရေးမိပါတယ်... အရေမရ အဖတ်မရတဲ့ အလကား....။

ငါ့မှာ.....
မိုက္ကရိုဖုန်း လိုတယ်။
စင်မြင့်ကနားလိုတယ်။
သူများတကာ ဖျားသွားစေဖို့
စာသားတွေလည်း လိုတယ်။
ငါ့အစွမ်းရဲ့ ချီးမွမ်းခန်းလည်း
တခန်းတနားလေး ကြားချင်သေးတယ်..

ငါ့အတွက်လည်း ထွက်ပေါက်ဖြစ်...
ဒေါသတွေလည်း မြစ်မျောပစ်
အိပ်ပျော်နေတဲ့ ခေတ်ကိုလည်း
ထစ်ချုံးဖောက်ခွဲ လိုက်ချင်သေးတယ်။

ငါ့ကဗျာတွေက ကာရန်မဲ့
ငါ့စာသားတွေက “မာရု” လိုရင့်သီးခဲ့
မီးလောင်ပြင်က အပင်လို ခပ်ရိုင်းရိုင်းကြီးပြင်းခဲ့...
သဘာဝအတိုင်း အရိုးရင့်
ငါကိုယ်တိုင်က ဒေါသဆင့်
ခံစားမှု အရိုင်းထည်က
ငါ့ရင်နဲ့အပြည့် တိုးမြင့်။

လက်ညှိုးထိုးပြီး ပြောချင်
ရင့်ရင့်သီးသီး ပြောချင်
ပျက်စီးနေတဲ့ စနစ်ဆိုတဲ့
ခေတ်ကိုချည်း ပုံမချဘဲ
လူတွေပျက်နေတာလည်း ပြောချင်။

ငါက ငြိမ်းချမ်းရေးအကြောင်းလည်း ပြောချင်
အချစ်အကြောင်းလည်း ပြောချင်
သဘာဝပတ်ဝန်းကျင်၊ အမှန်တရားနဲ့ ရှင်သန်ခြင်းအကြောင်း
တရားမျှတမှုနဲ့ လွတ်လပ်မှု အကြောင်း၊
ခေတ်နောက်ကျနေတဲ့ လူအဟောင်းတွေကိုလည်း ပြောချင်။
နားမထောင်ရင် နားရွက်ဆွဲ
မနေနိုင်အောင်ပဲ ပြောချင်
သည်းခံနိုင်လွန်းတဲ့ လူတွေကိုလည်း
ဘုရားမဖြစ်နိုင်ကြောင်း ပြောချင်။
၂၁ ရာစု လူသားတွေအတွက်
ကမ္ဘာဦးတရားလည်း ဟောချင်။

(အင်း....) ရင့်သီးနေတဲ့ ငါ့ကဗျာတွေ
အချိုသတ်ဖို့
စိတ်ကောက်နေတဲ့ ချစ်သူလေးအတွက်
လိုအပ်လို့...
ကံကိုယုံနေတဲ့ သည်လူသားတွေ
တရားချဖို့
ဟောသည်ကောင် ယောဟန်အောင်က ပြောချင်နေတာများ
ငါ ဟစ်ပ်ဟော့ဆိုရရင် ကောင်းမလား။ ။

ယောဟန်အောင်

[မူရင်း - yaw-han-aung.blogspot.com]

နအဖ ငြင်းပယ်ထားသည့် တောင်းဆိုချက်များ ထပ်မံတင်ပြ၍ ဝတပ်ဖွဲ့ တုံ့ပြန်


ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့က ၎င်းတို့၏တောင်းဆိုချက် (၉) ချက်ကို နအဖက ပယ်ချနေသည့်ကြားကပင် လိုက်လျောပေးရန် ယမန်နေ့က ထပ်မံတောင်းဆိုလိုက်သည်။
နယ်ခြားစောင့်တပ်ဖွဲ့စည်းရေးအတွက် အကြောင်းပြန်ရန် နောက်ဆုံးသတ်မှတ်ရက်ဖြစ်သည့် ယမန်နေ့၌ ဝတပ်ဖွဲ့က ယင်းသို့ တောင်းဆိုလိုက်ခြင်းဖြစ်သည်။
နယ်ခြားစောင့်တပ်ဖွဲ့စည်းရေးကို မူအားဖြင့် လက်ခံကြောင်း၊ သို့သော် ဒေသငြိမ်းချမ်းရေးနှင့် ဖွံ့ဖြိုးတိုးတက်ရေး အကျိုးစီးပွားအတွက် ယမန်နှစ်၊ နိုဝင်ဘာ (၁၄) ရက်က တန့်ယန်းမြို့တွင် တင်ပြထားသည့် တောင်းဆိုချက် (၉) ချက်ကို လိုက်လျောပေးပါက နယ်ခြားစောင့်တပ်ကို လက်ခံသွားမည်ဖြစ်ကြောင်း ဝတပ်ဖွဲ့က အကြောင်းပြန်ခဲ့သည်ဟု ဝခေါင်းဆောင်များနှင့် နီးစပ်သူတဦးက ပြောသည်။
၎င်းက “ပြီးခဲ့တဲ့ နိုဝင်ဘာ တန့်ယန်းမှာ တောင်းဆိုထားတဲ့ (၉) ချက်ကိုပဲ ကြိုက်သည်ဖြစ်စေ၊ မကြိုက်သည်ဖြစ်စေ ထပ်ပြီးတောင်းဆိုရမယ်ဆိုတဲ့ ဆုံးဖြတ်ချက်အတိုင်း နေပြည်တော်ကို တင်လိုက်တယ်၊ ဟိုကတော့ ဘာမှမပြောဘူး။ ဘာဖြစ်လာမလဲ စောင့်ကြည့်ရမှာပေါ့” ဟု ပြောသည်။
မိုင်းပေါက်နှင့် မိုင်းဖြန်အား မိုင်းပေါက်မြို့နယ်အဖြစ် သတ်မှတ်ကာ ဝကိုယ်ပိုင်အုပ်ချုပ်ခွင့်ရ တိုင်းဒေသကြီးအတွင်း (၆) မြို့နယ် အစား (၇) မြို့နယ်အဖြစ် ဖွဲ့စည်းသွားရေး၊ ထိုင်း-မြန်မာနယ်စပ်ရှိ ဝတပ်ဖွဲ့များအခြေစိုက်ရာ ဝမ်ဟုန်စစ်ဒေသအား ဝအုပ်ချုပ်ခွင့်ရဒေသ ဖွဲ့စည်းရေး၊ ဝမ်ဟုန်နှင့် ပန်ဆန်းဟူ၍ စစ်ဒေသခွဲ (၂) ခု သတ်မှတ်ကာ စစ်ဒေသမှူးနှင့် စစ်ဦးစီးမှူးကို ဝတပ်ဖွဲ့က တာဝန်ယူရေး၊ ဒု-စစ်ဒေသမှူးနှင့် ဒု-စစ်ဦးစီးမှူးဟူ၍ (၂) ဦးစီ ထားရှိမည်ဖြစ်ပြီး (၁) ဦးစီကို နအဖဘက်က တာဝန်ယူရေး၊ တပ်ရင်းအဆင့်တွင် ဝတပ်ဖွဲ့ဝင်များဖြင့်သာ ဖွဲ့စည်းရေးဟူ၍ တောင်းဆိုထားသည်။
ထို့အပြင် ကျန်းမာရေး၊ သင်တန်းနှင့် ထောက်ပံ့ရေးကိစ္စအား နအဖဘက်က တာဝန်ယူရေး၊ နယ်ခြားစောင့်တပ်ဖွဲ့တွင် မပါဝင်တော့သည့် တပ်ဖွဲ့ဝင်များအား ပင်စင်လစာ (၅) နှစ်စာအတွက် တလုံးတခဲတည်း ပေးရေး၊ မိဘမဲ့ကလေးများနှင့် စစ်ပွဲများကြောင့် ကိုယ်လက်အင်္ဂါ ဆုံးရှုံးခဲ့ရသည့် ဒုက္ခိတများအား နအဖဘက်က ကူညီထောက်ပံ့ရေး၊ အသွင်ကူးပြောင်းပြီး နောက်ပိုင်း တရားဥပဒေချိုးဖောက်ခြင်း မရှိတော့လျှင် ယခင်က ဥပဒေချိုးဖောက်ခဲ့သူများနှင့် မည်သည့်အဖွဲ့တွင် ပါဝင်ခဲ့သူများကိုမဆို လွတ်ငြိမ်းချမ်းသာခွင့်နှင့် ၎င်းတို့၏အသက်အိုးအိမ်စည်းစိမ်ကို လုံခြုံမှုအာမခံချက်ပေးရန် စသည့်အချက်များကို ထည့်သွင်းတောင်းဆိုထားသည်။
၂ဝဝ၈ ဖွဲ့စည်းပုံအခြေခံဥပဒေအရ ဝတပ်ဖွဲ့၏ နယ်မြေများတောင်းဆိုမှုမှာ မဖြစ်နိုင်တော့ကြောင်း ယမန်နှစ် နိုဝင်ဘာနှင့် ယခုနှစ် ဖေဖော်ဝါရီတွင် တွေ့ဆုံစဉ်၌ နအဖဘက်က ပြောဆိုထားခဲ့သည်ဟု အဆိုပါ ဝခေါင်းဆောင်များနှင့် နီးစပ်သူက ပြောသည်။
၎င်းက “၂ဝဝ၈ ဖွဲ့စည်းပုံကို မြန်မာတပြည်လုံးက တခဲနက်ထောက်ခံထားပြီးသားပေါ့။ ဖွဲ့စည်းပုံကို ပြန်ပြင်လို့ မရတော့ဘူး ဆိုတဲ့အချက်နဲ့ ပယ်ချထားပြီးသား။ အဲဒါကို ထပ်တောင်းတယ်ဆိုတော့ ဝအနေနဲ့ နယ်ခြားစောင့်တပ်လုပ်ဖို့ အဆင်သင့် မဖြစ်သေးဘူးဆိုတာ ပြန်ပြောလိုက်တဲ့သဘောပဲ” ဟု ပြောသည်။
ဝတပ်ဖွဲ့ခေါင်းဆောင် ပေါက်ယူချန်အား တွေ့ဆုံဆွေးနွေးလိုကြောင်း နအဖဘက်က အကြိမ်ကြိမ် ကမ်းလှမ်းမှုကို ပယ်ချခဲ့ရာမှ ပြီးခဲ့သည့် ဖေဖော်ဝါရီ (၂၆) ရက်တွင် ရှမ်းပြည်မြောက်ပိုင်း၊ တန့်ယန်းမြို့၌ ပေါက်ယူချန်း ဦးဆောင်သည့် ဝကိုယ်စားလှယ်အဖွဲ့နှင့် စစ်ဘက်ရေးရာ လုံခြုံရေးအဖွဲ့အရာရှိချုပ် ဒု-ဗိုလ်ချုပ်ကြီး ရဲမြင့်တို့ တွေ့ဆုံစဉ် ဝ၏တောင်းဆိုမှုကို နအဖဘက်က ငြင်းပယ်ပြီးနောက် ယခုကဲ့သို့ ပြန်လည်တုံ့ပြန်လိုက်ခြင်းဖြစ်သည်။

ခေတ်ပြိုင်