Friday, July 30, 2010

ငါ့သား... မင်း လူလားမြောက်ပြီ

၁။ မင်းရဲ့ အခန်းကျဉ်းကို
ခြေသံပြင်းပြင်း မာန်တင်းတဲ့မျက်နှာနဲ့
သော့ပိတ်ရန် လာသူကို
ကရုဏာရှေ့ထား
ကျေးဇူးစကား ဆိုနိုင်ခဲ့ရင်
ငါ့သား... မင်း လူလားမြောက်ပြီ။

၂။ တလောကလုံး အမှောင်ဖုံးတဲ့အခါ
သူရဲကောင်းတို့ရဲ့ ဂုဏ်တော်
သီဆို ပူဇော်ရင်း
အလင်းသစ်နဲ့ နံနက်ခင်းကို
မင်း မျှော်လင့်နိုင်ခဲ့ရင်
ငါ့သား... မင်း လူလားမြောက်ပြီ။

၃။ ဗလငါးတန် အင်အားထူး ထက်
မင်းရဲ့ ခန္တီအင်အား ပိုကြီးမားကြောင်း
ပြသနိုင်ခဲ့ရင်
ငါ့သား... မင်း လူလားမြောက်ပြီ။

၎။ အဆိပ်မြားတန်းလန်းနဲ့ ပျံသန်းခဲ့ရတဲ့
အဖိုးတို့ အဖေတို့ကို ဂါရ၀ပြုရင်း
အဆိပ်မြားတွေပေါ်က ပျံသန်းနိုင်ခဲ့ရင်
ငါ့သား... မင်း လူလားမြောက်ပြီ။

၅။ စွန့်ပစ်အမှိုက်စတွေနဲ့
သဘာဝအလှကို
ရေးဆွဲနိုင်ခဲ့ရင်
ငါ့သား... မင်း လူလားမြောက်ပြီ။

၆။ အကြပ်အတည်း ဆိုတာ
အခွင့်အလန်းသစ်ရဲ့ လမ်းစဆိုတာ
မင်း သိလာတဲ့အခါ
ငါ့သား... မင်း လူလားမြောက်ပြီ။

၇။ လက်ထိပ်သံ တချွင်ချွင်
သံခြေကျဉ်းသံ တချွမ်ချွမ်
သံစဉ်သီကုံး
စစ်မုန်းကဗျာ
ဂါထာသီချင်း
ရေးသွင်းနိုင်လျှင်
ငါ့သား... မင်း လူလားမြောက်ပြီ။ ။

(သံတိုင်နောက်က ကဗျာများ အစီအစဉ်အဖြစ် တင်ဆက်တာဖြစ်တယ်။ ထောင်ထဲက တေးကဗျာသံဟာ အပြင်မှာ အတားအဆီးမဲ့ နေရာဒေသအနှံ့ ပဲ့တင်ထပ်ပါလိမ့်မယ်)

သားဦး

Thursday, July 29, 2010

ဘာတွေကိုယုံကြည်ကြသလဲဟေ့

စစ်ပွဲပြီးစ မြို့ပျက်ကြီးလိုတဲ့လား
ဘာပြောကောင်းမလဲ ဒီထက်တောင်ပိုသေး...

ယုံကြည်ခြင်းဟာ တောင်ပံမပါတဲ့ငှက်လိုမျိုး
ပေါ့ပေါ့ပါးပါး လမ်းသလား
ပြီးတော့…ဇောက်ထိုး မိုးမျှော်နေပုံများ
ဟိုဒင်းနဲ့ ဟိုဝှာ နောက်ဖေးလမ်းကြားမှာ စပ်ကျထားတဲ့သားလို...

ငိုစား ရယ်စား စာသားလေး နဲနဲလှတယ် ဆိုရင်ပဲ
ပဲ့ပဲ့ပါသွားတဲ့ ခင်ဗျားတို့ရဲ့ ဦးနှောက်တွေက
မြှုပ်ထားတဲ့အကွက်ထဲကို မြုပ်ဝင်သွားလိုက်
လှုပ်ထားတဲ့လုပ်ကွက်ထဲကို ပြုတ်ကျသွားလိုက်နဲ့....

အတည့်ကို အစောင်းမြင်ပြီး
အဟောင်းကို အကောင်းဖြစ်အောင်ပြင်ဖို့ကျတော့
အကျိုးလိုအဆော့သန်ပြီး အကန်းလိုအမော့မြန်နေကြပြန်လေရော..

ဖားပြုတ်ကိုက်တာက တရုတ်ရိုက်တာထက် နာတယ်တဲ့လား...
ကိုယ့်ဒူးတောင် ကိုယ်မယုံနိုင်ဘဲ
ဘယ်ဖဲကို ဘယ်ပွဲမှာ ဘယ်လိုချိုးပြီးကစားကစား
တစ် ကိုး ကင်းနဲ့ အဖြစ်ဆိုးခြင်းတွေပဲ ထွေခင်းနေရဦးမယ်...

ဘာပဲလုပ်လုပ်
ကိုယ့်အသက်ကို ကိုယ်ပြန်ရေတွက်ကြည့်
ခြုံဆိုရင်လည်း ရင့်နေပြီ အပင်ဆိုရင်လည်း မြင့်နေပြီ….

အရာရာကို ချင့်ပြီးယုံဖို့လိုသလို
ကိုယ်ကျင့်တရားလည်း လုံခြုံဖို့လိုအပ်တယ်.....

ကဲ…
ဘာတွေကို ယုံကြည်ရမလဲဟေ့
ဘာတွေကို ယုံကြည်ကြသလဲဟေ့......။ ။

ဆောင်းယွန်းလ
ဇူလိုင် ၂၈၊ ၂၀၁၀

ရင်းမြစ်။ ။မိုးမခ

Tuesday, July 27, 2010

ငွေချေးလိုပါက ကြံ့ဖွံ့ပါတီ ၀င်ရကြောင်း မင်္ဂလာဈေးမှ ဆိုင်ရှင်များ ပြော

မီးသင့်မင်္ဂလာဈေး ဈေးဆိုင်များမှ ဆိုင်ရှင်များသည် ချေးငွေ ရလိုပါက ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသို့ ၀င်ရကြောင်း မင်္ဂလာဈေးမှ ဈေးသူဈေးသားများက ပြောသည်။

ပြီးခဲ့သည့် မေ (၂၄) ရက်နေ့တွင် မီးလောင်ခဲ့သော ရန်ကုန်တိုင်း၊ မင်္ဂလာတောင်ညွန့်မြို့နယ် မင်္ဂလာဈေးဆိုင်ခန်း ပိုင်ရှင်များကို ကြံ့ဖွံ့ပါတီ (USDP) က ယခုအခါ ချေးငွေ သိန်းပေါင်း ကျပ် (၁၀,၀၀၀) နီးပါး ချေးပေးပြီးဖြစ်ကြောင်း အဆိုပါဈေး သာယာရေးကော်မတီမှ သိရသည်။

ထိုသို့ငွေထုတ်ချေးရန်အတွက် ပြီးခဲ့သည့်ဇွန်လမှ စာရင်းများ ကောက်ခံရယူခဲ့ခြင်းဖြစ်ကြောင်း၊ ငွေချေးရန် လျှောက်လွှာတွင် မြို့တော်ဝန် ဦးအောင်သိန်းလင်း၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဟု လိပ်မူလျှောက်ထားရခြင်းဖြစ်ကြောင်း ယင်းဈေးကော်မတီမှ တာဝန်ရှိသူက ပြောသည်။

မင်္ဂလာဈေး မီးလောင်ရာ၌ ဆိုင်ခန်းမီးထဲပါသွားသူတဦးက “လျှောက်လွှာမှာ လိုချင်တဲ့ပမာဏကို ရေးရပါတယ်။ ဈေးအုပ်ချုပ်ရေးရုံးခန်းမှာပါ။ ကျမက သိန်း (၂၀၀) ချေးလိုက်တယ်။ အိမ်ခန်းကို အပေါင်ထားတာပါ။ အခုတော့ကျပါပြီ၊ ကြံ့ဖွံ့ပါတီဝင်တော့ လုပ်ရပါတယ်” ဟု ပြောသည်။

ချေးငွေများကို ရန်ကုန်မြို့တော်စည်ပင်ဘဏ်က ဘဏ်၏ဘဏ်ထုံးလုပ်နည်းများနှင့်အညီ ငွေထုတ်ချေးပေးကြောင်း၊ ချေးငွေအတိုးနှုန်းမှာ အစိုးရ စီးပွားရေးဘဏ်များက နှုန်းအတိုင်း (၁) ကျပ်ခွဲပေးရမည်ဖြစ်ကြောင်း ရန်ကုန်စည်ပင်မှ အရာထမ်းတဦးက ပြောသည်။

မင်္ဂလာဈေးတွင် မီးသင့်ခဲ့သော ဆိုင်ခန်း စုစုပေါင်း (၇၉၉) ခန်းရှိကြောင်း၊ ယခုအခါ ငွေချေးသူဦးရေ (၈၀) နီးပါးခန့်ရှိကြောင်း ဈေးကော်မတီ စာရင်းများအရ သိရသည်။

ကြံ့ဖွံ့ပါတီသို့ မ၀င်လိုသူ ဆေးအရောင်းဆိုင်တဆိုင်မှ ပိုင်ရှင်ဖြစ်သူကမူ “ကျနော်တို့က လေးထပ်က ဆိုင်ခန်းပိုင်ရှင်တွေပါ။ မီးသင့်လို့ စိတ်ညစ်ရတဲ့အထဲမှာ ပါတီပါ ၀င်ရမယ်လုပ်လာတော့ အစိုးရကို နဂိုကမှမကြိုက်ရတဲ့အထဲ ငွေမရလည်းနေပေါ့ဗျာ၊ မချေးဘူးလို့ မချေးဘဲနေလိုက်တယ်” ဟု ပြောသည်။

ကြံ့ဖွံ့ပါတီသည် ကြံ့ဖွံ့အသင်းကို အသွင်ပြောင်းကာ ပြည်ထောင်စု ရွေးကောက်ပွဲကော်မရှင်တွင် ပြီးခဲ့သည့် ဧပြီ (၂၉ ) ရက်၌ မှတ်ပုံတင်ခွင့်လျှောက်ထားခဲ့ရာ ဇွန် (၈) ရက်တွင် ပါတီမှတ်ပုံတင်ခွင့်ကျခဲ့ပြီးဖြစ်ကာ နအဖစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်က ဦးသိန်းစိန်အဖြစ် ပြောင်းလဲပြီး ပါတီဥက္ကဋ္ဌအဖြစ် နေရာယူထားသည်။


ရင်းမြစ်။ ။ခေတ်ပြိုင်

မလိမ့်တပတ်နည်းလမ်းများဖြင့် ကြံ့ဖွံ့စည်းရုံးရေး လုပ်ဆောင်နေ

စစ်အစိုးရ၏ အမာခံ နိုင်ငံရေး အဖွဲ့ဖြစ်တဲ့ ကြံ့ခိုင်ဖွံ့ဖြိုးရေး ပါတီက ရန်ကုန်မြို့ ရပ်ကွက် တချို့မှာ မလိမ့်တပတ် နည်းလမ်းတွေနဲ့ ပါတီဝင် လိုက်လံ စုဆောင်းနေတယ်လို့ ရန်ကုန်မြို့ခံတွေက ပြောဆိုကြပါတယ်။

မလိမ့်တပတ်နည်းလမ်းလို့ ဆိုတာတွေကတော့ ရပ်ကွက် အုပ်ချုပ်ရေး အဖွဲ့ဝင် (ရယက) တွေပါ ပါဝင်တဲ့ ကြံ့ဖွံ့ စည်းရုံးရေးမှူးတွေဟာ မဲစာရင်းလိုက်လံကောက်တဲ့ ပုံစံမျိုးနဲ့ တစ်အိမ်တက်ဆင်း အသက် ၁၈နှစ် ပြည့်ပြီးသူ စာရင်း လိုက်ကောက်ရင်း လျှောက်လွှာပုံစံလိုမျိုးမှာ လက်မှတ်ပါ ထိုးခိုင်းပြီး ကြံ့ဖွံ့ပါတီဝင် အဖြစ် လိုက်လံစုဆောင်းနေတဲ့ အဖြစ်အပျက်ကို ဆိုလိုတာပါ။

ရွေးကောက်ပွဲ အတွက် မဲပေးရမယ့် စာရင်း လိုက်ကောက်ခံတယ်လို့ ထင်မှတ်ပြီး လက်မှတ် ထိုးပေးလိုက်သူများ ရှိသလို တချို့သူတွေက ရှင်းရှင်း လင်းလင်း မေးမြန်းတော့မှ လက်မှတ် စုဆောင်းတာဟာ ကြံ့ဖွံ့ပါတီ အတွက် ဖြစ်မှန်း ရိပ်မိကြတယ်လို့ သင်္ဃန်းကျွန်းမှာ နေထိုင်သူ တဦးက ပြောပြပါတယ်။

မနှစ်ကတည်းကစပြီး မြန်မာတနိုင်ငံလုံး မဲစာရင်း တကြိမ်မက ကောက်ခံပြီးပေမယ့် ယခုလို လက်မှတ် ထိုးခိုင်းတာမျိုး မရှိခဲ့တာကြောင့် တချို့မြို့ခံတွေက မေးမြန်း စုံစမ်းပြီး သိရတာလို့ ပြောတာပါ။

တချို့ မြို့နယ်တွေမှာတော့ မြို့နယ် ကြံ့ဖွံ့ စည်းရုံးရေး အဖွဲ့ဝင်တွေ ဆင်းလာပြီး တအိမ်တက်ဆင်း ကြံ့ဖွံ့ ပါတီ ဝင်ဖို့ တည့်ပြောပြီး စည်းရုံးသလို အခုလို မလိမ့်တပတ်နည်းနဲ့ ပါတီဝင် စုဆောင်းနေတာလည်း ရှိတယ်လို့ ရန်ကုန်မြို့ခံတွေက ပြောပါတယ်။

ပါတီဝင်ဖို့ စည်းရုံးတဲ့ အခါ စည်းရုံးခံရတဲ့ သူတွေ နေထိုင်ရာလမ်းတွေ ပြင်ပေးမယ်လို့ ပြောဆိုပြီး ပါတီဝင်အောင် စည်းရုံးတာမျိုးကို ကျယ်ကျယ် ပြန့်ပြန့် လုပ်နေတယ်လို့ မြောက်ဒဂုံမှာ နေထိုင်သူ တဦးက မိုးမခကို ပြောပါတယ်။

“ကျွန်တော့် အသိတဦးကို မြို့နယ်နဲ့ ရယကတွေ အိမ်လာပြီး ပါတီဝင်ဖို့ ၊ သူတို့ပါတီက သူတို့အိမ်ရှေ့က ရွှံ့တွေ ဗွက်တွေဖြစ်နေတဲ့လမ်းကို ပြင်ပေးမယ် ဆိုပြီး လာစည်းရုံးတယ်။ သူက တကယ် ပြင်ပေးမှာလား၊ ပြင်ပေးရင်ဝင်ဖို့ သဘောတူလိုက်မယ်။ နောက်တော့မှ မပြင်ဘူး ဆိုရင်တော့ ပြန်ထွက်မှာနော် ဆိုပြီး ပြောလိုက်တယ် တဲ့” လို့ သူက ပြောပါတယ်။

ရန်ကုန်မြို့မှာ မပြင်ဆင်ဘဲ ပစ်ထားတဲ့ လမ်းသွယ်၊ ကျောက်သား မခင်းဘဲ မြေကြီးနဲ့ အုတ်ကျိုးတွေ ကိုယ်ထူကိုယ်ထ ဖြည့်ခင်းနေရတဲ့ လမ်းသွယ်ပေါင်း ရာနဲ့ချီ ရှိခဲ့ရာက မကြာမီက ရွေးကောက်ပွဲနဲ့ ကြံ့ဖွံ့အသင်း၊ ပါတီ စည်းရုံးရေးတွေ လုပ်တဲ့ အခါမှာမှ မြို့တော်စည်ပင်ရဲ့ အသုံးစရိတ်နဲ့ ကြံ့ဖွံ့ ဆိုင်းဘုတ် တင်ပြီး လမ်းတွေကို ကတ္တရာ၊ ကွန်ကရစ်ခင်းတာ လုပ်ကိုင်လာတာ တွေ့မြင်နေရပါတယ်။

ရန်ကုန်မြို့မှာ နေထိုင်သူ အိမ်တွေ စီးပွားရေး လုပ်ငန်းတွေဆီက ကောက်ယူထားတဲ့ စည်ပင်သာယာ အခွန် အမျိုးမျိုးကို သုံးပြီး လမ်းခင်းတာ၊ သန့်ရှင်းရေး နဲ့ ရေပေးဝေရေး အတွက် လုပ်ကိုင်တာဟာ မြို့တော်စည်ပင်က ပုံမှန် လုပ်ရမယ့် အလုပ်ပဲလို့ မြို့ခံ အများအပြားက ထောက်ပြပါတယ်။

ဒါပေမယ့် ကြံ့ဖွံ့ပါတီ အရေးပါတဲ့ တာဝန် ယူထားတဲ့ မြို့တော်ဝန် ဦးအောင်သိန်းလင်းက အခုလို စည်ပင် ဝင်ငွေကို ပါတီအကျိုး သုံးစွဲနေတာဟာ ရွေးကောက်ပွဲ ဥပဒေနဲ့ မညီကြောင်း နိုင်ငံရေးပါတီ တချို့က ဝေဖန်ပြောဆိုခဲ့တာကိုလည်း ပြည်ပအခြေစိုက် မြန်မာသတင်းဌာနတွေမှာ ဖော်ပြခဲ့ကြပါတယ်။

သို့ပေမယ့် ယခုအချိန်ထိ စည်ပင်သာယာရေး ကော်မတီနဲ့ ကြံ့ဖွံ့ပါတီ စည်းရုံးရေး လုပ်ငန်းတွေဟာ ရောထွေးနေတုန်းပဲလို့ ရန်ကုန်မြို့ခံ တဦးက ဝေဖန် ပြောဆိုပါတယ်။

` ကြံ့ဖွံ့ အသင်းကို ယခုလ ၁၆ ရက်နေ့မှာ ဖျက်သိမ်းလိုက်ပြီလို့ နေပြည်တော်မှ ကြံ့ဖွံ့တာဝန်ခံတဦးက ဘီဘီစီကို ပြောဆိုခဲ့ပြီး ရန်ကုန်မြို့က ကြံ့ဖွံ့အသင်း ဆိုင်းဘုတ်တွေကိုလည်း ဖြုတ်သိမ်းပြီး ဖြစ်တာ တွေ့ရပါတယ်။ ကြံ့ဖွံ့ အသင်းပိုင် ရံပုံငွေ၊ စီးပွားရေး လုပ်ငန်းတွေကို ကြံ့ဖွံ့ ပါတီက ဆက်ခံမယ် ဆိုတဲ့ သတင်းတွေလည်း ထွက်ပေါ်နေပေမယ့် ဒီအချက်တွေနဲ့ ပတ်သက်ပြီး တရားဝင် ရှင်းလင်း ဖြေကြားခြင်းမျိုး မရှိသေးပါဘူး။
၂ဝ၁ဝ မှာ ပြုလုပ်မယ် ဆိုတဲ့ ရွေးကောက်ပွဲမှာ နအဖ စစ်အစိုးရကို အဓိက ကိုယ်စားပြုမယ့် ပါတီ အနေနဲ့ ကြံ့ဖွံ့ပါတီကိုသာ ဖွဲ့စည်းခဲ့ပြီး ယခုနှစ် ဧပြီလ ၂၉ ရက်နေ့မှာ လက်ရှိ ဝန်ကြီးချုပ် ဦးသိန်းစိန် အပါအဝင် ဝန်ကြီး၊ ဒုဝန်ကြီး ၂၇ ဦးနာမည်နဲ့ ပါတီ မှတ်ပုံတင် လျှောက်ထားခဲ့တာ ဖြစ်ပါတယ်။

ရင်းမြစ်။ ။မိုးမခ

Monday, July 26, 2010

Aunty Suu's Photo



Sunday, July 25, 2010

စစ်အစိုးရ အကြီးအကဲ အိန္ဒိယ ခရီးစဉ်အစ ဗုဒ္ဓဂါယာ ရောက်ရှိ

ဗိုလ်ချုပ်မှူးကြီး သန်းရွှေ ဦးဆောင်တဲ့ အိန္ဒိယနိုင်ငံ ခရီးစဉ်တွင်းမှာ မြန်မာနိုင်ငံတွင်း ဒီမိုကရေစီ ပြုပြင်ပြောင်းလဲရေးတွေကို အမြန် အကောင်အထည် ဖော်ဖို့နဲ့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ လွှတ်ပေးဖို့ ကိစ္စတွေကို အိန္ဒိယ ခေါင်းဆောင်တွေ အနေနဲ့ အထူးအလေးထား ဖိအားပေးဖို့အတွက် အိန္ဒိယ ပါလီမန်အမတ် တချို့က ၀န်ကြီးချုပ်ထံကို စာရေး တောင်းဆိုကြပါတယ်။ ၅ ရက်ကြာ ခရီးစဉ်တွင်း ၂ နိုင်ငံကြား စီးပွားရေး ကိစ္စတွေကိုသာ ဦးစားပေး ဆွေးနွေးကြလိမ့်မယ်လို့ သုံးသပ်ကြသလို အိန္ဒိယရောက် မြန်မာ့အရေး လှုပ်ရှားသူတွေကလည်း ကန့်ကွက် ဆန္ဒပြပွဲတွေ ပြုလုပ်နေကြပါတယ်။ ဒီအခြေအနေ အပြည့်အစုံကို မသင်းသီရိက တင်ပြပေးထားပါတယ်။

ဒီမိုကရေစီ ပြောင်းလဲရေးတွေကို လျစ်လျူရှုနေတဲ့၊ လူ့အခွင့်အရေးတွေကို အကြီးအကျယ် ချိုးဖောက်နေတဲ့ စစ်အစိုးရရဲ့ အိန္ဒိယ ခရီးစဉ်ကို ကန့်ကွက်နေတဲ့ကြားကပဲ မြန်မာစစ်ခေါင်းဆောင် ဗိုလ်ချုပ်မှူးကြီးကတော့ အိန္ဒိယနိုင်ငံကို ခရီးထွက်သွားပါပြီ။ ဗိုလ်ချုပ်မှူးကြီး သန်းရွှေနဲ့ အဖွဲ့ ဒီကနေ့ ဗုဒ္ဓဂါယာကို မနက်ပိုင်းမှာ ရောက်လာတယ်လို့ အိန္ဒိယနိုင်ငံထုတ် သတင်းတွေမှာ ဖော်ပြထားပြီး မနက်ဖြန်ထိ ဗုဒ္ဓဂါယာမှာနေပြီး နယူးဒေလီဘက် ခရီးဆက်ကာ အိန္ဒိယ ၀န်ကြီးချုပ်နဲ့ တွေ့ဆုံမှာ ဖြစ်တယ်လို့ သတင်းတွေက ဆိုပါတယ်။

အိန္ဒိယ သမ္မတ ပရာတီဘာ ပါတေးလ် (Pratibha Patil) ရဲ့ ဖိတ်ကြားချက်အရ ၅ ရက်ကြာနေမယ့် ဗိုလ်ချုပ်မှူးကြီး သန်းရွှေရဲ့ ခရီးစဉ်အတွင်းမှာ လက်ရှိ လူ့အခွင့်အရေးနဲ့ မြန်မာ့နိုင်ငံရေး ပြဿနာပေါ် ဖိအားပေး ပြောဆိုဖို့ IPFDB ခေါ် အိန္ဒိယ ပါလီမန်များရဲ့ မြန်မာ့ဒီမိုကရေစီရေးရာ အဖွဲ့က ပါလီမန်အမတ် တချို့က ၀န်ကြီးချုပ် မန်းမိုဟန်ဆင်းဂ် (Manmohan Singh) ထံကို စာရေး တောင်းဆိုထားတယ်လို့ Smajwadi ပါတီက အမတ် ဘီဘီ တီဝါရီ (BB. Tiwari) က ပြောပါတယ်။

“မြန်မာနိုင်ငံတွင်းမှာ ဖြစ်နေတဲ့ လူ့အခွင့်အရေး ချိုးဖောက်မှုတွေ၊ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ လွှတ်ပေးရေးကိစ္စ၊ အများလက်မခံတဲ့ ၂၀၀၈ ဖွဲ့စည်းပုံ အခြေခံဥပဒေအရ အတင်း အတည်ပြု လုပ်ဖို့ ကြိုးစားနေတဲ့ ၂၀၁၀ ရွေးကောက်ပွဲ ကိစ္စတွေကိုပါ ၀န်ကြီးချုပ် အနေနဲ့ ဖိအားပေး ပြောဆိုဖို့ အဓိက စာပို့ထားတာပါ။ ၂ နိုင်ငံ စီးပွားရေး ကိစ္စတွေကိုသာ ဦးစားပေးအဆင့်မှာ ဆွေးနွေးဖို့ တွေ့နေရပြီး နိုင်ငံရေး အကြောင်းအရာ တချို့ကို ပြောဆိုလိမ့်မယ်လို့ ထင်ရပါတယ်။ ဒီမိုကရေစီစနစ် ထွန်းကားတယ်ဆိုတဲ့ အိန္ဒိယနိုင်ငံ အနေနဲ့ အခုလို ဒီမိုကရေစီနဲ့ လူ့အခွင့်အရေး မရှိတဲ့ နိုင်ငံတနိုင်ငံရဲ့ ခေါင်းဆောင် သူတို့ဆီကိုလာတဲ့ ခရီးမှာ အထူးအလေးပေး ပြောဆိုသင့်တယ်လို့ ကျနော်တို့ ထင်ပါတယ်။”

Smajwadi ပါတီက အမတ် ဘီဘီ တီဝါရီ ပြောပြခဲ့တာ ဖြစ်ပါတယ်။

ဒီကနေ့ ဗုဒ္ဓဂါယာကို ရောက်ပြီး အဲဒီမှာရှိတဲ့ မြန်မာ ဘုန်းကြီးကျောင်းကိုလည်း ဗိုလ်ချုပ်မှူးကြီး သန်းရွှေနဲ့အဖွဲ့ သွားရောက်ခဲ့တယ်လို့လည်း ပြောပါတယ်။ လမ်းတလျှောက် လုံခြုံရေး အထူးချထားတာ မတွေ့ရပေမဲ့ လမ်းတလျှောက်မှာတော့ ဗိုလ်ချုပ်မှူးကြီးကို ကန့်ကွက်တဲ့ ပိုစတာတွေ ကပ်ထားတာမျိုး တွေ့ရတယ်လုိ့ အိန္ဒိယမှာနေပြီး မြန်မာ့ဒီမိုကရေစီရေး လှုပ်ရှားနေတဲ့ ကိုငွေတိုးက ပြောပြပါတယ်။

“ဒီလောက်ကြီး လုံခြုံရေးက တင်းတင်းကျပ်ကျပ် ထူးပြီး ချထားတာမျိုး မတွေ့ရဘူး။ ဗုဒ္ဓဂါယာကို ရောက်ပြီလို့တော့ ပြောလို့ရပါတယ်။ ဒီနေ့တရက် နေဦးမယ်လို့တော့ ကြားတယ်။ ဆန္ဒပြ ကန့်ကွက်တာလည်း မရှိပါဘူး။ ပိုစတာ ကမ်ပိန်းတခု လုပ်ထားတာပဲ ရှိပါတယ်။ ဒါတွေကလည်း ချက်ချင်း ရှေ့ကကပ်၊ နောက်ကခွာ ဆိုတာမျိုးပေါ့၊ သိပ်ပြီး ကျယ်ကျယ်ပြန့်ပြန့်ကြီးတော့ မလုပ်ဖြစ်ပါဘူး။ Photo Document လောက်ပဲ ရတာပေါ့။”

မြန်မာ့ဒီမိုကရေစီရေး လှုပ်ရှားနေတဲ့ ကိုငွေတိုး ပြောပြခဲ့တာ ဖြစ်ပါတယ်။

ဗိုလ်ချုပ်မှူးကြီး သန်းရွှေ လာမယ်ဆိုကတည်းက မြန်မာ့အရေး လှုပ်ရှားသူတွေ၊ မြန်မာ့အရေး အားပေး ထောက်ခံသူတွေက နယူးဒေလီဘက်မှာ ဆန္ဒပြပွဲတွေ ဆက်တိုက် ပြုလုပ်နေကြပါတယ်။

အရင်က အိန္ဒိယနိုင်ငံဟာ မြန်မာ့ ဒီမိုကရေစီရေး လှုပ်ရှားမှုတွေကို အားပေး ထောက်ခံ ပြောဆိုနေပေမဲ့ နောက်ပိုင်းမှာတော့ စီးပွားရေး ရင်းနှီးမြှုပ်နှံမှုတွေကိုသာ အလေးပေးလာတာ တွေ့ရတယ်လို့ အိန္ဒိယနိုင်ငံက မြန်မာ့အရေး လှုပ်ရှားသူ ကိုကင်မ်က သုံးသပ်ပါတယ်။

“အဓိက ပြောမယ်ဆိုရင် အိန္ဒိယနိုင်ငံက ဒီဒေသမှာ Power Balance ထိန်းချုပ်ဖို့အတွက် သူက ကြိုးစားနေတယ်။ သူတို့တွက်တာတော့ တရုတ်က မြန်မာပြည်မှာ တော်တော်များများ လွှမ်းမိုးထားတယ်။ အဲဒါကြောင့် သူတို့က တန်ပြန်ပြီး လုပ်ရမယ်လို့ ပေါ်လစီရှိတယ်။ ရှိတဲ့အတိုင်းပဲ အဓိက သူတို့ အရေးတကြီး ဆောင်ရွက်နေတာ ကုလားတန် ပရောဂျက် ဖြစ်ပါတယ်။ အဲဒီပရောဂျက် အကောင်အထည်ဖော်ရင် မြန်မာနိုင်ငံ အနောက်ဘက်ပိုင်းကို အိန္ဒိယအနေနဲ့ စီးပွားရေးအရ တစုံတခု လွှမ်းမိုးနိုင်မယ်လို့ ထင်ပါတယ်။ စီးပွားရေးအရပေါ့၊ ဒီဘက် ဘင်္ဂလားဒေ့ရ်ှနဲ့ နီးတယ်ဆိုတော့။ အဲဒါကြောင့် လွှမ်းမိုးနိုင်မယ်လို့ သူတို့ ယုံကြည် ယူဆပြီးတော့ နအဖကို တိုက်တွန်းနေတာ ကြာပါပြီ။”

အိန္ဒိယ အစိုးရဟာ ၂၀၀၇ ရွှေဝါရောင် တော်လှန်ရေး ဖြစ်ခဲ့ပြီး တပတ်အတွင်းမှာကိုပဲ မြန်မာစစ်အစိုးရနဲ့ ရေနံတွင်းကိစ္စ သဘောတူညီချက် စာချုပ် ချုပ်ဆိုခဲ့သလို သွင်းကုန်၊ ထုတ်ကုန် လုပ်ငန်းတွေလည်း တိုးမြှင့်ခဲ့ပြီး တယ်လီဖုန်း ဆက်သွယ်ရေး ကိစ္စကိုလည်း အိန္ဒိယ အစိုးရဘက်က အကူအညီ ပေးနေတာတွေလည်း ရှိပါတယ်။

ဗိုလ်ချုပ်မှူးကြီး သန်းရွှေရဲ့ အိန္ဒိယ ခရီးစဉ်ဟာ ဒါ ဒုတိယအကြိမ်ဖြစ်ပြီး ၂၀၀၄ ခုနှစ်က တခါ လာရောက်ခဲ့ဖူးပါတယ်။ သူ့ရဲ့ခရီးစဉ်တွင်းမှာ မိသားစုဝင်တွေနဲ့အတူ အရေးကြီးတဲ့ စစ်အစိုးရ ခေါင်းဆောင်တွေလည်း ပါဝင်သလို မြန်မာ့စီးပွားရေး လောကထဲက အရေးပါတဲ့ ပုဂ္ဂလိက လုပ်ငန်းရှင်ကြီး တချို့လည်း အတူလိုက်ပါလာကြတာ ဖြစ်ပါတယ်။

ရင်းမြစ်။ ။http://www1.voanews.com/burm

ရွေးကောက်ပွဲအပေါ် လူထု ယုံကြည် မျှော်လင့်မှု နည်းပါး

ရန်ကုန်အခြေစိုက် ဂျာနယ်တချို့၏ နိုင်ငံရေး ကဏ္ဍ စာမျက်နှာများ

နအဖ စစ်အစိုးရက ယခုနှစ် အတွင်း ကျင်းပမည်ဟု ဆိုထားသည့် ရွေးကောက်ပွဲကို ပြည်သူတို့က လွတ်လပ်မှုနှင့် တရားမျှတမှု ရှိမည်ဟု မမျှော်လင့် သကဲ့သို့ စိတ်ဝင်စားမှုလည်း နည်းပါးလျက် ရှိသည်ကို တွေ့ရသည်။

စိတ်ဝင်စားမှု နည်းရခြင်း အကြောင်းများတွင် ၂၀၁၀ ရွေးကောက်ပွဲကြောင့် တိုင်းပြည် အတွက် အပြောင်းအလဲ ဖြစ်လိမ့်မည်ဟု ယုံကြည်မှု မရှိခြင်း၊ လူထု ထောက်ခံမှု ရသည့် NLD ဒီပါတီ ရွေးကောက်ပွဲ မ၀င်ခြင်း၊ ပါတီများ လွတ်လပ်စွာ စည်းရုံး လုပ်ဆောင်ခွင့် မရခြင်းတို့ ပါဝင် သည်ကို တွေ့ရသည်။

ရန်ကုန်မြို့ ဗိုလ်တထောင်မြို့နယ်တွင် ဂျာနယ်ရောင်းသူ တစ်ဦးက “နိုင်ငံရေး ဂျာနယ်တွေ ဆိုပြီး ထွက်နေကြတာပါ။ ကျွန်တော်လည်း ဖတ်ပါတယ်။ ဒါပေမယ့် ဂဃနဏ နားမလည်ဘူး၊ ပြည်သူ့ အကျိုးပြုပါတီက ဘယ်ပါတီ ဖြစ်မယ် ဆိုတာ ကြည့်ရမှာပေါ့၊ ဒါပေမယ့် အခုချိန်ထိ ဘယ်ပါတီက ဘာလုပ်နေလဲ ချမပြရတဲ့ အတွက် ဘယ်ပါတီ ကောင်းမှန်း မသိရဘူး။ ရွေးကောက်ပွဲနေ့ သိဖို့ မပြောနဲ့ ပါတီတွေ အကြောင်းတောင် တစ်ခုချင်း သေချာ မသိတော့ ဒီရွေးကောက်ပွဲ အပေါ် သိပ် စိတ်မ၀င်စားတော့ဘူး” ဟု ပြောသည်။

ဂျာနယ်များတွင် နိုင်ငံရေး ပါတီ ခေါင်းဆောင်များ၏ ကိုယ်ရေးအကျဉ်း၊ ပါတီ ရည်ရွယ်ချက်၊ လက်ရှိ စည်းရုံးရေး အခြေအနေတို့ကို ရွေးကောက်ပွဲ ဥပဒေ ထွက်ပေါ်လာပြီး သီတင်း ၂ ပတ်ကျော် အကြာမှ စတင် ဖော်ပြခွင့် ပြုခဲ့သည်။ သို့သော်လည်း စာပေ စိစစ်ရေးက မကြာခဏ ဖြတ်တောက်၊ ဖြုတ်ပယ် သဖြင့် နိုင်ငံရေးပါတီများနှင့် သတင်းဂျာနယ်များ အကြား နားလည်မှု လွဲမှားရသည့် အဖြစ်များပင် ရှိသည်ဟု ဂျာနယ် အယ်ဒီတာများက ပြောဆိုသည်။

ရန်ကုန်မြို့ခံအချို့ကလည်း ရွေးကောက်ပွဲတွင် မဲမပေးရန် ဆုံးဖြတ်ထားသည်ကိုလည်း တွေ့ရသည်။

မြောက်ဒဂုံမြို့နယ်တွင် အသုပ်စုံ ရောင်းသူ အမျိုးသမီးတဦးက “ရွေးကောက်ပွဲက ဒေါ်အောင်ဆန်းစုကြည်တို့ ပါတီ ၀င်မပြိုင်ဘူး ဆိုတော့ ကိုယ်က မဲသွားမထည့်ရုံပဲ။ ကျွန်မက အရင်ကတည်းက NLD ကို အားပေးပြီးသားလေ၊ ကိုယ်ကြိုက်တဲ့ ပါတီ မပါတော့ ဒီရွေးကောက်ပွဲ အပေါ် အယုံအကြည် မရှိဘူး၊ သူတို့လုပ်ချင်တာလုပ်၊ ဒါကို ကိုယ်က ခေါင်းရှုပ်ခံပြီး ဘယ်ပါတီ ကောင်းလဲ မရွေးချင်တော့ဘူး။ ကျွန်မတို့ အခြေခံ လူတန်းစားတွေ လိုချင်တာက အခြေခံ လူတန်းစား အပေါ် ဦးစားပေး နားလည်မယ့် ပါတီမျိုးလေ၊ အခုဟာက အရေအတွက်ပဲ ရှိတယ်။ အရည်အချင်း မရှိဘူးလို့ မြင်တယ်” ဟု ပြောသည်။

စမ်းချောင်းမြို့နယ်မှ အိမ်ရှင်မ တစ်ဦးကမူ “ကျွန်မတို့က အိမ်ရှင်မ ဆိုတော့ ကုန်ဈေးနှုန်းပဲ စိတ်ဝင်စားတယ်။ နိုင်ငံရေးကိုလည်း နားမလည်ဘူး။ သိလည်း မသိဘူး၊ ဒါပေမယ့် ဒီနိုင်ငံသား ဖြစ်နေတော့ ၂၀၁၀ ရွေးကောက်ပွဲ ဆိုတာတော့ သိပါတယ်။ ကုန်ဈေးနှုန်း ကျမယ်၊ စားဝတ်နေရေး ပြေလည်မယ်၊ ကျွန်မ ကလေးတွေကို ပညာ ကောင်းကောင်း သင်ပေးနိုင်ဖို့ပဲ မျှော်လင့်မိတယ်၊ ၂၀၁၀ ရွေးကောက်ပွဲ ပြီးရင် ပြောင်းလဲလာမလား ဆိုတဲ့ မျှော်လင့်ချက်တော့ ရှိပါတယ်။ ရွေဝါရောင် ၂၀၀၇ သံဃာ့ လှုပ်ရှားမှုတုန်းကလည်း ကျွန်မ ကိုယ်တိုင် လမ်း ၀င်လျှောက်ခဲ့ပါတယ်။ ဒါလည်း ကုန်ဈေးနှုန်း ကျဖို့ လှုပ်ရှားမှုက စခဲ့တာ ဆိုတော့ ကျွန်မ စိတ်ဝင်စားတာပါ” ဟု ပြောသည်။

ရွေးကောက်ပွဲ ဥပဒေ ထုတ်ပြန်ပြီး ၄ လ ခွဲခန့် အကြာတွင် ရွေးကောက်ပွဲ ကော်မရှင်သို့ ဖွဲ့စည်း တည်ထောင်ခွင့် ပြုရန် လျှောက်ထားသည့် နိုင်ငံရေး ပါတီပေါင်း ၄၅ ပါတီ ရှိခဲ့သည်။ ၁၉၉၀ ပြည့်နှစ်တွင် အပြတ်အသတ်မဲဖြင့် အနိုင်ရခဲ့သော ဒေါ်အောင်ဆန်းစုကြည် ဦးဆောင်သည့် NLD ပါတီကမူ ရွေးကောက်ပွဲတွင် ၀င်ရောက် ယှဉ်ပြိုင်ခြင်း မပြုရန် ဆုံးဖြတ်ခဲ့သည်။

စစ်အစိုးရအဖွဲ့၏ နိုင်ငံရေးပါတီ ဖြစ်သည့် ကြံ့ခိုင် ဖွံ့ဖြိုးရေး ပါတီကို ဧပြီလကုန်တွင် ဖွဲ့စည်း မှတ်ပုံတင်ခွင့် လျှောက်ခဲ့ပြီး လက်ရှိ အစိုးရ အဖွဲ့ တာဝန်ယူထားသူ ၀န်ကြီးချုပ်၊ ၀န်ကြီးများ၊ ဒုဝန်ကြီးများနှင့် ဌာနဆိုင်ရာ အရာရှိကြီးများဖြင့် ဖွဲ့စည်းခဲ့သော်လည်း ယခုအချိန်ထိ သတင်း မီဒီယာနှင့် တွေ့ဆုံခြင်း မရှိသေးပေ။

၂၀၀၈ ခုနှစ်တွင် အတည်ပြုခဲ့သည့် အခြေခံ ဥပဒေကို ပြင်ဆင်ပေးရန်၊ တရား မျှတမှု မရှိသည့် ရွေးကောက်ပွဲ ဥပဒေများကြောင့် NLD အနေဖြင့် ရွေးကောက်ပွဲ မ၀င်ရန် ဆုံးဖြတ်ခဲ့ပြီး နိုင်ငံတကာ အသိုင်းအ၀ိုင်းကလည်း ၂၀၁၀ ရွေးကောက်ပွဲတွင် အားလုံးကို ပါဝင်ခွင့် ရှိရန်၊ တရားမျှတမှု ရှိစေရန် မြန်မာ စစ်အစိုးရကို ဝေဘန် တိုက်တွန်းနေသည်ကို တွေ့ရသည်။

ယခုရက်ပိုင်းအတွင်း ကျင်းပ ပြီးစီးသွားခဲ့သည့် အာဆီယံ နိုင်ငံခြားရေး ၀န်ကြီး အဆင့် စည်းဝေးပွဲတွင် မြန်မာ ကိုယ်စားလှယ် ၀န်ကြီး ဦးဥာဏ်ဝင်းအား ရွေးကောက်ပွဲနှင့် ပတ်သက်ပြီး ၀ိုင်းဝန်း ပြောဆိုမှုများမှာ နားလျှံထွက်လောက်အောင် ဖြစ်သည်ဟု အေဂျင်စီသတင်း ဖော်ပြချက်များအရ သိရသည်။

ခင်နှင်းလွင်၊ ရန်ကုန်
ဇူလိုင်၂၅၊ ၂၀၁၀

ရင်းမြစ်။ ။မိုးမခ

Friday, July 23, 2010

အသင်းလုပ်ငန်းစဉ်အတိုင်း လုပ်ကိုင်မည်ဟု ကြံ့ဖွံ့ပါတီ ပြော

ရန်ကုန် (မဇ္ဈိမ) ။ ။ ကြံ့ခိုင်ဖွံ့ဖြိုးအသင်း လုပ်ငန်းစဉ်များအတိုင်း ဆက်လက်လုပ်ကိုင်သွားမည်ဟု ရန်ကုန်တိုင်း ကြံ့ခိုင်ဖွံ့ဖြိုးပါတီ စည်းရုံးရေးအဖွဲ့ဝင်တဦးက ပြောဆိုသည်။

ကြံ့ဖွံ့အသင်း၏ ပညာရေး၊ လူမှုရေး၊ ကျန်းမာရေး၊ စီးပွားရေးနှင့် နိုင်ငံရေး စသည့် လုပ်ငန်းစဉ် ၅ ရပ် အတိုင်းပင် ပါတီအနေဖြင့် လုပ်ကိုင်သွားမည်ဟု ပြောဆိုခြင်း ဖြစ်သည်။

’’အရင်က ပြည်ခိုင်ဖြိုးအသင်းပေါ့။ အဲဒါကို အခု ပါတီပြောင်းလိုက်တယ်။ ပါတီပြောင်းပေမယ့် အသင်းအနေနဲ့ လုပ်ခဲ့တဲ့ လုပ်ငန်းတွေကိုပဲ ဆက်လုပ်သွားမှာပါ။ ဒါက ကျနော်တို့ အကြီးအကဲ ညွှန်ကြားတဲ့အတိုင်းပါပဲ’’ ဟု သူက ပြောသည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းကို ပါတီအသွင်ပြောင်းကာ ပြည်ထောင်စု ရွေးကောက်ပွဲ ကော်မရှင်သို့ လျှောက်ထားခဲ့ရာ ပြီးခဲ့သည့်လ ၈ ရက်နေ့တွင် မှတ်ပုံတင်ခွင့် ချပေးခဲ့သည်။

စစ်တပ်အကြီးအကဲ ဗိုလ်ချုပ်မှူးကြီးသန်းရွှေ နာယကအဖြစ် ကြီးမှူးသည့် ကြံ့ဖွံ့အသင်းကို ၁၉၉၃ ခု စက်တင်ဘာလတွင် လူမှုရေးအသင်းဟူ၍ ဖွဲ့စည်းခဲ့ကာ အသင်းဝင် ၂၄ သန်းကျော် ရှိကြောင်း စစ်အစိုးရ ထုတ်ဖော်ကြေညာခဲ့သည်။

ဝန်ကြီး၏ ပြောဆိုချက်ကို အလုပ်သမားအရေး လှုပ်ရှားသူများ သတိဖြင့် ကြိုဆို

ချင်းမိုင် (မဇ္ဈိမ) ။ ။ စစ်အစိုးရ နိုင်ငံခြားရေး ဒုဝန်ကြီး ဦးမောင်မြင့်က ထိုင်းနိုင်ငံ အလုပ်သမား ဝန်ကြီးနှင့် ထိုင်းနိုင်ငံ၌ တွေ့ဆုံစဉ် တရားမဝင် မြန်မာအလုပ်သမားများကို ဖမ်းဆီးတရားစွဲဆိုခြင်း မပြုရန် ထည့်သွင်းဆွေးနွေးခဲ့မှုအပေါ် အလုပ်သမားရေး လှုပ်ရှားနေသူများနှင့် အလုပ်သမား များက သတိဖြင့် ကြိုဆိုလိုက်ကြသည်။

မြန်မာဝန်ကြီးက ထိုင်းနိုင်ငံ ပရက်ချာချီရီကန်မြို့ Anantara Hotel တွင် ယခုလ ၁၅ ရက်နေ့၌ ကျင်းပသော နှစ်နိုင်ငံ ဝန်ကြီးများအဆင့် အစည်းအဝေးတွင် အလုပ်သမားသစ်များ အချိန်မီစေ လွှတ်နိုင်ရေး၊ တရားမဝင် မြန်မာအလုပ်သမားများကို ဖမ်းဆီးတရားစွဲဆိုမှုမပြုရေး၊ အလုပ်သမား လက်မှတ် မှတ်ပုံတင်ကာလ တိုးမြှင့်ပေးရေးတို့ကို ဆွေးနွေးခဲ့သည့်အပေါ် ကြိုဆိုလိုက်ကြခြင်း ဖြစ်သည်။

ယင်းအစည်းအဝေးသို့ ဒုဝန်ကြီး ဦးမောင်မြင့်နှင့်အတူ အဖွဲ့ဝင် ၅ ဦးသည် ထိုင်း အလုပ်သမား ဝန်ကြီး မစ္စတာ ချလမ်ချိုင်းဆရီအွန်၏ ဖိတ်ကြားချက်အရ ဝန်ကြီးအဆင့်နှင့် အဆင့်မြင့်အရာရှိများ အစည်းအဝေးများ တက်ရောက်ရန် ထိုင်းနိုင်ငံသို့ ယခုလ ၁၄-၁၆ အထိ သွားရောက်ခဲ့သည်။

“ဒါအတွက်တော့ ကြိုဆိုပါတယ်။ ဘာလို့လဲဆိုတော့ ဒါဟာ ပထမဆုံးအကြိမ် ကိုယ့်နိုင်ငံသားတွေ အပေါ် အနည်းအကျဉ်း ပြန်အသိအမှတ်ပြုလာတဲ့ သဘောပါ။ အရင်ကဆို နိုင်ငံစွန့်ခွာသွားသူတွေ ဆိုပြီး မျိုးစုံ အနိုင်ကျင့်နေတာပါ” ဟု ပြည်ထောင်စု မြန်မာနိုင်ငံ ညွှန့်ပေါင်းအစိုးရ NCGUB မှ ရွှေ့ပြောင်း အလုပ်သမားရေးရာဌာန တာဝန်ခံ ကိုသက်ခိုင်က မဇ္ဈိမကို ပြောသည်။

“အခုလို ဆွေးနွေးမှုကို ကြိုဆိုပါတယ်။ ဒါပေမဲ့ မြန်မာအစိုးရ လုပ်ဆောင်နေတာတွေက အရမ်းရှုပ် ထွေးလွန်းပါတယ်။ ဒီထက်ပိုပြီး ပိုကောင်းအောင် လုပ်ဆောင် ပေးသင့်ပါတယ်။ အခွန်အခ ကိစ္စ တွေ၊ နောက်ပြီးကျနော်တို့ ရှိတဲ့ နေရာတွေမှာ ရုံးခွဲတွေ ဖွင့်လွှင့်ပြီး နယ်စပ်ပတ်စပို့ လုပ်ငန်းတွေကို ဒီထက်အဆပေါင်းများစွာ မြန်ဆန်အောင် လုပ်ဆောင့်သင့်ပါတယ်” ဟု ရွှေ့ပြောင်းအလုပ်သမား ကိုဇေယျာက မဇ္ဈိမကို ပြောသည်။

ရွှေ့ပြောင်း အလုပ်သမားတဦးဖြစ်သူ ကိုကျော်သူကလည်း နှစ်နိုင်ငံအစိုးရများ ညှိနှိုင်းနေမှု အတွက် ဝမ်းသာကြောင်း ပြောဆိုကာ၊ ယာယီနိုင်ငံကူးလက်မှတ်ကို အခကြေးငွေ၊ အခွန်အခ သက်သာစွာဖြင့် မြန်မာဘက်ခြမ်းတွင်သာမက ရွှေ့ပြောင်းအလုပ်သမားများရှိသည့် ထိုင်းမြို့များတွင်ပါ လွယ်လင့်တကူ ပြုလုပ်နိုင်ရန် ဆောင်ရွက်ပေးစေလိုကြောင်းနှင့် ဥပဒေအရ အာမခံပေးခြင်းနှင့် ကျန်းမာရေးဆိုင်ရာ စောင့်ရှောက်မှုများ တိုးမြှင့်လုပ်ဆောင်ပေးရန်လည်း ညှိနှိုင်းပေးစေလိုကြောင်း ပြောသည်။

တရားမဝင် ရွှေ့ပြောင်းအလုပ်သမားများ တရားဝင်ဖြစ်စေရန်နှင့် လူကုန်ကူးမှုများ ပပျောက်စေရန် ရည်ရွယ်ပြီး ယာယီနိုင်ငံကူး လက်မှတ်များကို ထိုင်း-မြန်မာ နယ်စပ်များတွင် ယခင်နှစ်ဆန်းမှ စတင်ထုတ်ပေးနေသည်။

ထိုင်းနိုင်ငံ၌ တရားမဝင် လာရောက်အလုပ်လုပ်နေကြသည့် မြန်မာ၊ လာအိုနှင့် ကမ္ဘောဒီးယား ရွှေ့ပြောင်းအလုပ်သမားများကို အထူးဌာနတခု ဖွင့်လှစ်ပြီး “နှိမ်နှင်းဖမ်းဆီးရန်နှင့် တရားစွဲဆိုရန်” ထိုင်းဝန်ကြီးချုပ် အဖိဆစ်ဝေ့ချာချီဝက ဇွန်လ ၂ ရက်နေ့၌ လက်မှတ်ထိုး ထုတ်ပြန်လိုက်ပြီးနောက် ယနေ့ထိ နေ့စဉ် ဖမ်းဆီးမှုများရှိနေကြောင်း မြန်မာနိုင်ငံ ဒီမိုကရေစီရရှိရေး ထိုင်းလှုပ်ရှားမှု ကော်မတီ TACDB မြန်မာအပိုင်း ဒါရိုက်တာ ဦးမြင့်ဝေက ပြောသည်။

မြန်မာနိုင်ငံခြားရေး ဒုဝန်ကြီးက ယင်းသို့ တင်ပြတောင်းဆိုထားမှုများနှင့် ပတ်သက်၍မူ ပြည်ထဲရေး ဌာနအပါအဝင် သက်ဆိုင်ရာဌာနအချို့နှင့် ဆွေးနွေးညှိနှိုင်းရဦးမည်ဟု ထိုင်းအလုပ်သမားဝန်ကြီး ဌာနက BBC မြန်မာပိုင်း အစီအစဉ်ကို ပြောကြားခဲ့သည်။

ထိုင်းနိုင်ငံရှိ မြန်မာရွှေ့ပြောင်းလုပ်သား ၂ သန်းကျော်အနက် ၉ သိန်းခန့်သာ တရားဝင် နေထိုင်ခွင့် ရှိသူများဖြစ်သည်ဟု လူ့အခွင့်အရေး လှုပ်ရှားသူများနှင့် အလုပ်သမားအဖွဲ့များက ခန့်မှန်းကြသည်။ ထို ၉ သိန်းအနက် ယခုနှစ် မေလ ၂၆ ရက်နေ့အထိ နိုင်ငံကူးလက်မှတ် ထုတ်ပေးပြီးသူ ဦးရေမှာ ၉ဝ၉၁၈ သာ ရှိသေးကြောင်း စစ်အစိုးရ၏ တရားဝင် ကိန်းဂဏန်းအရ သိရသည်။

Thursday, July 22, 2010

လိုင်စင်မဲ့ကား အခွန်ကောက်ဖို့ အဖွဲ့ဖွဲ့ပြီ မူလဈေးထက် ဆယ်ဆကျော် မြင့်တက် လာမည်

ထိုင်းနိုင်ငံမှာ တဆင့်ဝင်ရောက်လာသည့် ဂျပန်တစ်ပတ်ရစ် လိုင်စင်မဲ့ကားများအား အခွန်ကောက်ရန် ဌါနဆိုင်ရာ ၅ ခု ပါရှိသည့်အဖွဲ့ဖွဲ့ပြီဟု အစိုးရအရာရှိများနှင့် နိးစပ်သည့် ကားဝယ်ရောင်းများက ပြောဆိုသည်။
အဆိုပါ ၅ ဌါနပါသည့် အဖွဲ့တွင် ပြည်ထဲရေး ၀န်ကြီးဌါနလက်အောက်မှ ရဲနှင့် အထွေထွေအုပ်ချုပ်ရေး ဦးစီးဌါန၊ ဘဏ္ဍာအခွန်ဝန်ကြီးဌါန လက်အောက်မှ ပြည်တွင်းအခွန်ဦးစီးနှင့် အကောက်ခွန်ဦးစီးဌါန နှင့် ပို့ဆောင်ရေး ၀န်ကြီးဌါနလက်အောက်မှ ကညန ကုန်းလမ်းညွှန်ကြားမှု ဦးစီးဌါနတို့ ဖြစ်သည်ဟုသိရသည်။
အဆိုပါ အဖွဲ့ ၅ ဖွဲ့မှ လိုင်စင်မဲ့ကားအား အထက်ပါ အဖွဲ့ငါးဖွဲ့မှ သီးခြားစီ တန်ဖိုးဖြတ်ပြီး ရာဖြတ်တန်ဖိုး ၅ ခုကို ၅ ဖြင့်စားပြီး ပေးဆောင်စေမည်ဟုလည်း ကညနမှ အရာရှိတစ်ဦးက ပြောသည်။ လိုင်စင်မဲ့ကား တစီးကို စတင်စစ်ဆေးသည်နှင့် ရှေးဦးစွာ အထူးယာဉ်စစ်ခ အနေဖြင့် ကျပ်ငွေ ၁၅ သိန်း ၆သောင်း ၅ ထောင်ကျပ် (ဒေါ်လာ ၁ ထောင် ကျော်) ပေးသွင်းရမည် ဖြစ်ပြီး အဆိုပါ ၁၅သိန်း ၆ သောင်း ၅ ထောင်ထဲတွင် အထူးယာဉ်စစ်ခ ၁၀ သိန်း၊ လိုင်စင်မဲ့ ယာဉ်စစ်ခ ၅ သိန်း နှင့် ကညန ဟိုလိုဂရမ်၊ (ရောင်ပြန် လိုဂိုအမှတ်တံဆိပ်) ဘီးခွန်စာရွက်၊ လိုင်စင်စာအုပ် အစရှိသည့် စာရွက်စာတမ်းခကို ကျပ် ၁ သောင်းခွဲ တို့ ဖြစ်သည်ဟု အဆိုပါ အရာရှိက ရှင်းပြသည်။
ထို့ကြောင့် ကားမော်ဒယ် အမျိုးအစားတစ်မျိုးအား မည်မျှ အခွန်ကျသင့်မည်ကို ယခုအခါ အတိအကျ မပြောဆိုနိုင်သေးကြောင်းလည်း သူကပြောသည်။ ထိုသို့ကားမော်ဒယ် နှင့် အမျိုးအစားအပေါ် မူတည်ပြီး သတ်သတ်မှတ်မှတ် အခွန်နှုန်းထားများ မချမှတ်ထားခြင်းသည် စစ်အစိုးရ အရာရှိကြီးများ၊ ဗိုလ်ချုပ်များနှင့် ဒေသအာဏာပိုင်များ ပိုင်ဆိုင်သည့် ကားများအား အခွန်နှုန်းထား သက်သာစွာဖြင့် လိုင်စင်ဆောင်ခွင့်ပေးမည့် သဘောများလား ဟုလည်း ကားဝယ်ရောင်းလောကမှ သံသယရှိနေကြသည်။
ယခုလို လိုင်စင်မဲ့ကားများအား လိုင်စင်ထုတ်ပေးမည့် အစီအစဉ်ကို သက်ဆိုင်ရာ ပြည်နယ် တိုင်းအလိုက်လုပ်ဆောင်မည် ဟုလည်းသိရပြီး ထုတ်ပေးမည့် လိုင်စင်မှာ တနိုင်ငံလုံး စီးနင်းနိုင်သည့် လိုင်စင်ဖြစ်ပြီး စက်မှုဇုန်ထုတ် လိုင်စင်ဖြစ်သည့် ၈../.. စသည့် လိုင်စင်မျိုးမဟုတ်ပဲ ရောက်ရှိဆဲ အက္ခရာနှင့် ပေါင်းခြင်း ၁၀၊ ၁၃ ဂဏန်းများ မပါဝင်ပဲ ထုတ်ပေးမည်ဟုလည်း ကညန အရာရှိကပြောသည်။
ယခု အစီအစဉ်ကို စတင်မည့်ရက်မှာ ယခုအချိန်ထိ သိရှိရသည့် အချက်အလက်များအရ
သြဂုတ်လ ၂ ရက်နေ့ဟု သတ်မှတ်ထားပြီး အဆိုပါရက်မတိုင်မီ အပြောင်းအလဲ အမိန့်မလာပါက စတင်ဖြစ်လိမ့်မည်ဟု လည်း အဆိုပါ အရာရှိက ဖြည့်စွက်ပြောဆိုသည်။
ယခုလို လိုင်စင်မဲ့ကားများအား အခွန်ဆောင်ခွင့်ပေးမည့် အစီအစဉ် ထွက်ပေါ်လာသော်လည်း မြန်မာနိုင်ငံတွင် ကား၏ တန်ဖိုးရင်း သိန်း ၄၀ (ဒေါ်လာ ၄ ထောင် ခန့်) သာ ရှိသည့် ၂၀၀၀ ခုနှစ်မိုဒယ် တိုယိုတာဗင်ကားတစ်စီးအား အနည်းဆုံး ကျပ်သိန်း ၃၀၀မှ ၅၀၀ (ဒေါ်လာ ၃ သောင်းမှ ၅ သောင်း) အထိပေးဆောင်ရဖွယ် ရှိသည့်အတွက် သဘာဝကျသည့် နှုန်းထားများ မဟုတ်သေးဟု စီးပွားရေး သတင်းအယ်ဒီတာတဦးက ကောက်ချက်ချသည်။
သူက
“မြန်မာနိုင်ငံက လူထုအနေနဲ့ တယ်လီဖုန်းအတွက်၊ မော်တော်ကားအတွက် ဆိုင်ကယ်အတွက် လိုင်စင်ကြေးက သိန်းဆယ်ဂဏန်းကနေ ရာဂဏန်းအထိ ပေးဆောင်နေကြရတာဟာ စီးပွားရေးကဏ္ဍ မတိုးတက်နိုင်အောင် ဆွဲချထားသလိုပါပဲ။ လုပ်ငန်းတစ်ခုရဲ့ အရင်းအနှီးအတွက် ကားတွေ၊ တယ်လီဖုန်းတွေမှာ ငွေအမြောက် အများသုံးနေကြရတော့ ကုန်ထုတ်လုပ်မှုအပိုင်း စက်ကိရိယာအပိုင်းတွေမှာ ငွေသုံးဖို့ လျော့နည်းကုန်တာ စီးပွားရေး အတွက် မကောင်းဘူး။ စစ်အစိုးရကတော့
သူတို့က အဲဒီလိုင်စင်တွေကို ဆုပ်ကိုင်ထားပြီး လိုအပ်တဲ့ ငွေကိုအဲဒီဟာ ရောင်းစားတဲ့နည်းနဲ့ အုပ်ချုပ်နေတာ၊ ကမ္ဘာမှာ မြန်မာပြည်လောက် ကားဈေးကြီးတဲ့ နိုင်ငံ၊ တယ်လီဖုန်းဈေးကြီးတဲ့နိုင်ငံ၊ အင်တာနက်လိုင်း ဈေးကြီးတဲ့နိုင်ငံမရှိသေးဘူး၊ ဒါတွေက စီးပွားရေးကို အထောက်အကူပြုတဲ့ အခြေခံ အဆောက်အဦတွေပါ”
ဟုဝေဘန်ပြောဆိုသည်။
ရန်ကုန်မှ စီးပွားရေး လေ့လာသူ လုပ်ငန်းရှင်တစ်ဦးကမူ ယခု လိုင်စင်မဲ့ကားများအား လိုင်စင်ဆောင်ခွင့်ပြုခြင်း၏ အဓိက ရည်ရွယ်ချက်မှာ အစိုးရငွေလိုသည့် အကြောင်းကြောင့် ဖြစ်သည်ဟု ဆိုပြီး ကားဝယ်မည့်သူများထဲတွင် နယ်အသီးသီးမှ ကိုယ်ပိုင်စီးပွားရေး လုပ်ကိုင်သူများ၊ ကုန်သည်ပွဲစားနှင့် လာဘ်လာဘ ရရှိထားသည့် အစိုးရဌါနဆိုင်ရာ အရာရှိများ၊ စစ်အရာရှိငယ်များ ပါဝင်လိမ့်မည်ဟုလည်း ရန်ကုန် အခြေစိုက် လုပ်ငန်းရှင်တဦးကပြောသည်။
လွန်ခဲ့သည့် လပိုင်းကလေးက ပြီးဆုံးသွားသည့် လိုင်စင်မဲ့ဆိုင်ကယ် အခွန်ဆောင်ခွင့်နှင့် နှိုင်းစာလျင် စစ်အစိုးရအနေဖြင့် ယခုရရှိမည့် ငွေပမာဏမှာ အဆပေါင်းရာနှင့်ချီများလိမ့်မည်ဟု စီးပွားရေးလုပ်ငန်းရှင်များက ခန့်မှန်းထားကြပြီး ယခုနောက်ပိုင်း နအဖ အစိုးရအနေဖြင့် အစိုးရလိုငွေကို ဖြည့်ဆည်းရာတွင် ငွေစက္ကူလိုသလောက် ရိုက်နှိပ်သည့် နည်းလမ်းထက် လူထုထံမှ အခွန်အကောက် ခေါင်းစဉ်သစ်များ၊ လက်ရှိနှုန်းထားကို မြှင့်တင်သည့်နည်းလမ်းများဖြင့် ရယူနေသည်ဟုလည်း အဆိုပါလုပ်ငန်းရှင်များက ပြောသည်။
၂၀၀၅ ခုနှစ်ဆန်းက မြန်မာနိုင်ငံတစ်နိုင်ငံလုံးတွင် လိုင်စင်မဲ့ကားများအား အပ်နှံရန် သတိပေးချက် ထုတ်ကာ သိမ်းယူခဲ့ဖူးပြီး မအပ်နှံပါက လက်ဝယ်ထားရှိသူကိုပါ ဥပဒေအရ ဖမ်းဆီးအရေးယူမည်ဟု ထိုစဉ်က ခြိမ်းခြောက်ခဲ့သည်။ တစ်နိုင်ငံလုံး ကားအစီးရေ ၁သောင်းခွဲကျော် အပ်နှံခဲ့သည်ဟု ၂၀၀၆ ခုနှစ်အစပိုင်းတွင် ပြုလုပ်သည့် သတင်းစာရှင်းလင်းပွဲ၌ ရဲချုပ် ဗိုလ်မှူးချုပ် ခင်ရီက ပြောဆိုခဲ့သည်။ ထိုသို့ သိမ်းဆည်းခဲ့သည့် ကားများအား လွန်ခဲ့သည့် နှစ်နှစ်အတွင်း ပြန်လည်လေလံ တင်ခဲ့ရာ ကျပ်ငွေ ဘီလျံရာထောင်ချီ ရရှိခဲ့သည်။
မြန်မာနိုင်ငံ လိုင်စင်မဲ့ကား လောကတွင် ခေတ်စားနေသည့် ၂၀၀၀ ခုနှစ်မိုဒယ် မတ်ခ်တူး ဆလွန်းကား အား ဂျပန် နိုင်ငံ တစ်ပတ်ရစ်ကား ၀က်ဆိုက်တွင် ဒေါ်လာ ၃၅၅၀ (ကျပ် ၃၅ သိန်းခန့်) ရောင်းဈေးဖြင့် တွေ့ရစဉ်။ အဆိုပါကားအမျိုးအစားကို လိုင်စင်ဝင်ပြီးပါက ပြင်ပဈေးကွကတွင် ကျပ်သိန်း ၇၀၀ မှ ၁၀၀၀ (ဒေါ်လာ ၇ သောင်းမှ ၁ သိန်း) အကြားရှိမည် ဖြစ်သည်။


မြန်မာနိုင်ငံ လိုင်စင်မဲ့ကားဈေးကွက်တွင် ကျပ် သိန်း ၁၅၀ (ဒေါ်လာ ၁ သောင်းခွဲ) ၀န်းကျင်ရှိသည့် ဟိုင်းလပ်စ်ဆာ့ဖ် ကားတစ်စီး ၊ ဂျပန်တစ်ပတ်ရစ် ဈေးကွက်တွင် ကျပ် ၆၇ သိန်း (ဒေါ်လာ ၆ ထောင် ကျော်မျှသာ ) ၀န်းကျင်သာရှိသည်ကိုတွေ့ရသည်။
လိုင်စင်မဲ့ကားဈေးကွက်တွင် ရွှေငါး အဖြစ်လူသိများသည့် မတ် အိတ်စ် (ten ) တိုယိုတာ ဆလွန်းကား ၊ ၂၀၀၆ ခုနှစ်မိုဒယ် ၊ ထိုင်း-မြန်မာ နယ်စပ်ဈေးနှုန်း ကျပ် သိန်း ၁၅၀ (ဒေါ်လာ ၁ သောင်းခွဲ) ၀န်းကျင်ရှိပြီး လိုင်စင်ဆောင်ပြီးနောက်တွင် သိန်းတစ်ထောင်ကျော် (ဒေါ်လာ ၁ သိန်း) ရှိမည်ဟု ခန့်မှန်းရသည်။

ဝင်းမြတ်၊ ရန်ကုန်
ရင်းမြစ်။ ။မိုးမခ

မိတ်ဆွေများအားတောင်းပန်ခြင်း

ကျနော် ပထမဆုံး ပြောချင်တာကတော့ ကျနော့်ဘလော့ကို ကျနော် မ၀င်နိုင်တဲ့ အကြောင်းလေးပါပဲ ။ ပိတ္တာ တို့နေတဲ့ တိုင်းပြည်ဆိုတော့ သိတဲ့ အတိုင်း ပိတ်ကြ ဆို့ကြ ဆိုတော့ ကျနော်လည်း တက်လိုက် ပြုတ်ကျလိုက် ဖြစ်နေတာ အတော်ကြာခဲ့ပါပြီ..။ တိတိကျကျ ပြောရရင် ကျနော် ဘလော့ မတင်နိုင်ခဲ့တာ 6.6.2010 တည်းကဆိုတော့ တစ်လ ကျော်ကျော်လောက်ကို ကြာသွားခဲ့ပါတယ် ..။ ဒီနေ့တော့ ဟိုရှာ သည်ရှာ လုပ်ရင်း တက်လို့ရတဲ့ လမ်းစလေးတွေ့လို့
တက်လာလိုက်တာ အောင်မြင်စွာ ရောက်ရှိခဲ့ပါတော့တယ်..။ ပညာ တိုးစေသော ပိတ္တာ များအား ကျေးဇူးတင်ပါကြောင်း ပြောကြားရင်း....




လေးစားစွာဖြင့်
ခေတ်သစ်