Thursday, October 28, 2010

ဗိုလ်ချုပ်မှူးကြီး သန်းရွှေ သမ္မတ မလုပ်ဘူးလား

ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ (ကြံ့ဖွံ့ပါတီ) အနိုင်ရလျှင် ဗိုလ်ချုပ်မှူးကြီး သန်းရွှေ နှင့် ဒု ဗိုလ်ချုပ်မှူးကြီး မောင်အေးတို့ကို ပါတီဝင် မဟုတ်သည့် အတွက် သမ္မတလောင်း စာရင်း တင်သွင်းရန် သေချာမည် မဟုတ် ကြောင်း ကြံ့ဖွံ့ပါတီ အတွင်းရေးမှူး ဦးဌေးဦးက ယမန်နေ့တွင် ပြုလုပ်သည့် သတင်းစာရှင်းလင်းပွဲတွင် ပြောဆိုလိုက်သည်။

Myanmar's-military-junta-leader,-General-Than-Shwe
ဗိုလ်ချုပ်မှူးကြီး သန်းရွှေ (ဓာတ်ပုံ - Getty Images)
ဦးဌေးဦးက“ဗိုလ်ချုပ်မှူးကြီးက နိုင်ငံတော်အပေါ်မှာ အတော်သံယောဇဉ်ရှိပါတယ်။ တိုးတက်ဖို့လည်း အမြဲတွေးတောနေတာပါ။ ဒါကြောင့်လည်း ဒီလို တိုးတက်မှုတွေ ဆောင်ရွက်မယ့် အဖွဲ့အစည်းကို ထူထောင်တာပါ။ ဒါပေမယ့် သူမပါပါဘူး”ဟု ဆိုသည်။

ထို့အပြင် ကြံ့ဖွံ့ပါတီ အနိုင်ရခဲ့လျှင် တင်သွင်းမည့် သမ္မတလောင်း စာရင်းကို လျာထားပြီး ဖြစ်ကြောင်းလည်း သိရသည်။

လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာန ၀န်ကြီး ဦးဌေးဦးသည် ဗိုလ်ချုပ်ဟောင်းတဦးဖြစ်ပြီး ပြည်သူ့လွှတ်တော် ကိုယ်စားလှယ်လောင်းအဖြစ် ၎င်း၏ ဇာတိဖြစ်သည့် ဧရာဝတီတိုင်း ဟင်္သာတမြို့နယ်မှ ၀င်ရောက် အရွေးခံမည်ဖြစ်သည်။

အဆိုပါ သတင်းစာရှင်းလင်းပွဲကို ရန်ကုန်မြို့ တက္ကသိုလ်ရိပ်သာလမ်းရှိ ကြံ့ဖွံ့ပါတီ ရုံးတွင်ပြုလုပ်ခဲ့ခြင်းဖြစ်ပြီး  ရန်ကုန်မြို့တော် ၀န် ဦးအောင်သိန်းလင်းလည်း တက်ရောက်ခဲ့သည်ဟု သိရသည်။

မြို့တော်ဝန် ဦးအောင်သိန်းလင်းသည် ပြည်တွင်းပြည်ပမှ စာနယ်ဇင်းသမားများ၏ မေးခွန်းများကို မချေမငံ တုံ့ပြန်သည့် အတွက် ဦးဌေးဦးမှသာ တာဝန်ယူဖြေကြားခဲ့သည်ဟု တက်ရောက်ခဲ့သည့် စာနယ်ဇင်းသမားတဦးက ပြောသည်။

ရန်ကုန်မြို့တွင် ခင်းပေးနေသည့် လမ်းများနှင့် ပတ်သက်၍ မြို့တော်စည်ပင်က ပြုလုပ်ပေးခြင်းလား၊ ပါတီမှ ခင်းပေးနေခြင်း လား ဆိုသည့် မေးခွန်းကို မြို့တော်စည်ပင်မှ ခင်းပေးနေခြင်းသာဖြစ်သည်ဟု ဦးဌေးဦးက ဖြေကြားခဲ့သော်လည်း ဦးအောင်သိန်းလင်းက ဖြေကြားရန် ငြင်းဆိုခဲ့သည်။

ဦးအောင်သိန်းလင်းသည် ဗိုလ်မှူးချုပ်ဟောင်းတဦးဖြစ်ပြီး ရန်ကုန်တိုင်း တောင်ဥက္ကလာပမြို့နယ်မှ ပြည်သူ့လွှတ်တော် ကိုယ်စားလှယ်လောင်း အဖြစ် ၀င်ရောက်အရွေးခံမည် ဖြစ်သည်။

ကြံ့ဖွံ့ပါတီသည် ယခင်က လူမှုရေးအသင်းအဖြစ် ရပ်တည်ခဲ့သော်လည်း ယခုနှစ် ဧပြီလ ၂၉ ရက်နေ့မှစ၍ နိုင်ငံရေးပါတီ အဖြစ် ပြည်ထောင်စု ရွေးကောက်ပွဲ ကော်မရှင်တွင် မှတ်ပုံတင်ခဲ့သည်။

ကြံ့ဖွံ့ပါတီ၏ လက်ရှိ သုံးစွဲနေသည့် ရန်ပုံငွေနှင့် ပတ်သက်၍လည်း ဥပဒေနှင့် ငြိစွန်းနိုင်သည့်အတွက် အစိုးရထံမှ ထောက်ပံ့ ကြေး မယူပါကြောင်း၊ ယခင်ကတည်းက ပါတီ တည်ထောင်ရန် ရည်ရွယ်ချက်ရှိသည့်အတွက် မည်သည့် ငွေကြေး အထောက် အပံ့ကိုမျှ မယူခဲ့ကြောင်း ဦးဌေးဦးက ပြောသည်။

အကယ်၍ ကြံ့ဖွံ့ပါတီ အနိုင်ရခဲ့ပါက စာနယ်ဇင်းလွတ်လပ်ခွင့်ကို ဒို့တာဝန်အရေး သုံးပါးနှင့် မဆန့်ကျင်သရွေ့ လွတ်လပ်ခွင့် ပေးမည်ဖြစ်ကြောင်း၊ သို့သော်လည်း စာနယ်ဇင်းများအနေဖြင့် တိုင်းပြည်နှင့် လူမျိုးအတွက် စေတနာထားရန် လိုအပ်ကြောင်း ၎င်းက ဆက်လက် ပြောကြားသည်။

လက်ရှိ အနေအထားအရ ကြံ့ဖွံ့ပါတီသည် မဲဆန္ဒနယ် ၅၂ နေရာတွင် ပြိုင်ဘက်ပါတီများ မရှိသည့်အတွက် အနိုင်ရရန် သေချာပြီး ဖြစ်သည်။

သတင်းစာရှင်းလင်းပွဲသည် အချိန် ၃နာရီကျော်ကြာပြီး ညနေ ၄ နာရီ မိနစ် ၃၀ တွင် ပြီးဆုံးခဲ့သည်။

ရင်းမြစ်။ ဧရာဝတီ

ကိုယ့်ပုဆိန်ကို သွေးကြပါစို့



တစ်ခါက ထင်းခုတ်သမား လူငယ်တစ်ဦး တောင်တက်ပြီး ထင်းခုတ်လေသည်။ မကြာမီ
ထင်းခုတ်သမား အဘိုးအိုတစ်ဦးလည်း ရောက်လာခဲ့သည်။ ထင်းများကို ခုတ်ကြရင်း
ညနေစောင်းချိန်တွင် အဘိုးအို ခုတ်ပြီးသောထင်းအရေအတွက်မှာ လူငယ်ထက်
ပိုများနေခဲ့သည်။ အဘိုးအိုမှာ နောက်ကျမှ ရောက်လာပြီး သူ့ထက်
ထင်းပိုများနေသည်ကို သတိပြုမိသောလူငယ်က နောက်ရက်တွင် စောစောထပြီး
ထင်းခုတ်ထွက်ရန် ဆုံးဖြတ်လိုက်သည်။

နောက်တစ်နေ့တွင် လူငယ်မှာ အဘိုးအိုထက် စောပြီး ထင်းခုတ်ရန် ထွက်ခဲ့သည်။
စိတ်ထဲတွင် အဘိုးအိုထက် ထင်းပိုရမည်ဟုလည်း တွေးနေမိသည်။ သို့သော်
အလုပ်သိမ်းချိန်တွင် အဘိုးအို၏ ထင်းမှာ သူ့ထက် ပိုများနေသည်ကို
တွေ့ပြန်သည်။ သို့နှင့် လေး၊ ငါးရက်ဆက်တိုက် တောင်ပေါ်သို့ စောစီးစွာ
ရောက်နှင့်နေပြီး မိုးချုပ်နေ၀င်မှ အိမ်ပြန်ခဲ့သော်လည်း သူ၏ထင်းမှာ
အဘိုးအိုထက် အမြဲတမ်းလိုလိုပင် နည်းနေခဲ့သည်။

ခြောက်ရက်မြောက်နေ့တွင် သူသည် မအောင့်နိုင်တော့သည့်အဆုံး အဘိုးအိုအား
မေးမြန်းခဲ့သည်။
“ အဘိုး.... ကျွန်တော်က အဘိုးထက် အားသန်တယ်... အဘိုးထက် စောပြီး
တောင်ပေါ်ရောက်အောင် လာခဲ့တယ်.. နောက်ကျမှ အိမ်ပြန်တယ်။ ဒါပေမယ့်
ကျွန်တော်ခုတ်ရတဲ့ ထင်းက အဘိုးထက် နည်းနေခဲ့တယ်... ဘာကြောင့်လဲ”

“ဒီိလို လူလေးရဲ့... အဘိုးက ထင်းခုတ်ပြီး အိမ်ပြန်ရောက်တိုင်း အဘိုးရဲ့
ပုဆိန်ကို အမြဲသွေးတယ်။ လူလေးက မသွေးခဲ့ဘူး။ ထင်းခုတ်ပြီး ဒီအတိုင်း
ပစ်ထားခဲ့တယ်။ အဘိုးက အသက်ကြီးပြီ။ နောက်ကျမှ တောင်ပေါ်ရောက်သလို လူလေးထက်
စောပြီး အလုပ်သိမ်း ခဲ့တယ်။ ဒါပေမယ့် အဘိုးရဲ့ ပုဆိန်က လူလေးပုဆိန်ထက်
ထက်မြက်နေတဲ့အတွက် အဘိုး လေး ငါးချက်ခုတ်လို့ ပြတ်တဲ့ သစ်ပင်ကို လူလေးက
ဆယ်ချက်လောက် ခုတ်ယူရတယ်... ဒါကြောင့် လူလေးရဲ့ ထင်းတွေ နည်းနေတာပါ”

ပုံပြင်လေးကတော့ ဒါပါပဲ။

အလုပ်ထဲက လုပ်ဖော်ကိုင်ဖက်တွေကို ဟောပြောပွဲတွေ သွားနားထောင်ဖို့၊
အချိန်ပိုရင် ကိုယ့်ဝါသနာပါရာ၊ လေ့လာနေတဲ့ ပညာရပ်ဆိုင်ရာ သင်တန်းတွေ
တက်ဖို့ ကျွန်တော် အမြဲ တိုက်တွန်းတတ်ပါတယ်။ အများစုက “အလုပ်ပင်ပန်းရတဲ့
ကြားထဲ သင်တန်းတွေ ဟောပြောပွဲတွေ တက်ဖို့ အချိန်မရှိဘူး” လို့
ညည်းပြကြပါတယ်။

“ထင်းပဲခုတ်နေပြီး ပုဆိန်သွေးဖို့ မေ့နေကြရင် အလုပ်အပြည့် လုပ်ပြီး
ရလဒ်တစ်ဝက်ပဲ ခံစားရမယ် ဆိုတာကို တစ်ချိန်ချိန်ကျရင် သိလာလိမ့်မယ်”

လူ့ဘ၀လမ်းတစ်လျောက်မှာ ရှင်သန်ကြီးပြင်းဖို့ ကြိုးစားနေသလို တစ်ဖက်ကလည်း
ကိုယ့်ပညာ ဗဟုသုတတွေကို မြှင့်တင်ယူရမှာ ဖြစ်ပါတယ်။ အရင်ခေတ်တုန်းကတော့
ထင်းခုတ်ပြီး အသက်မွေးဝမ်းလို့ ရပေမယ့် ပြောင်းလဲနေတဲ့ ဒီခေတ်မှာ
ထင်းပဲခုတ်နေလို့ မလုံလောက်တော့ဘူး။ တစ်ဖက်က ထင်းခုတ်ရင်း တစ်ဖက်ကလဲ
ပုဆိန်ကို သွေးနေသင့်ပါတယ်။ နို့မဟုတ်ရင် ခေတ်နောက် မလိုက်နိုင်တဲ့
ကိုယ့်ကို အဲဒီခေတ်ကပဲ ပယ်ထုတ်ဖယ်ရှားသွားမှာ ဖြစ်ပါတယ်။

တတ်သလောက် အင်္ဂလိပ်စာလေးနဲ့ ဘာသာပြန်လုပ်စားနေတဲ့ ကျွန်တော့်အတွက်
ဒီပုံပြင်လေးက အိပ်ရာက လန့်နှိုးလိုက်သလို ဖြစ်သွားစေခဲ့ပါတယ်။
ဘော်ဒါရောင်းရင်းများ၊ လုပ်ဖော်ကိုင်ဖက် သူငယ်ချင်းများအတွက်လည်း
ဒီပုံပြင်လေးက တစ်ခုခု ပေးသွားနိုင်မယ်လို့ မျှော်လင့်ပါတယ်။
ကျွန်တော်ကတော့ အင်္ဂလိပ်စာကို ဒီထက်ပို လေ့လာနိုင်မယ့်၊ သင်ပေးနိုင်မယ့်
သင်တန်းများ ထပ်တက်ပြီး သွေးသစ်လောင်းဖို့ ပြင်နေပါပြီ။

ဒီက မိတ်ဆွေများရော.. ဘယ်လို စီစဉ်ထားပါသလဲ၊ ကိုယ့်ကိုကိုယ် တတ်လှပြီ
ထင်ရင်တော့ သူများက တစ်ချက်တည်းနဲ့ ခုတ်လို့ ပြီးသွားတဲ့ သစ်ပင်ကို
ကိုယ့်ကျမှ နဖူးကချွေးခြေမ ကျအောင် အချက်ပေါင်း လေးငါးဆယ်မက ခုတ်မှ
ရမယ်ဆိုရင်တော့ ထူးအိမ်သင်သီချင်းထဲကလို နည်းနည်းလေးတော့ လွဲနေပြီ
ပေါ့ဗျာ။

ဒီတော့ သင်တန်းချည်းတက်ပြီး တက်သမျှ မလေ့ကျင့်ဘဲ၊ ပြန်မေ့နေရင်ရော
..ဆိုရင်တော့ အဲဒါ ကိုယ့်သမိုင်း ဖြစ်သွားပြီလို့ပဲ ဆိုပါရစေ။ ဒီနေရာမှာ
တရုတ်ပညာရှိကြီး ကွန်ဖြူးရှပ်စ်ရဲ့ စကားတစ်ခွန်း လက်ဆောင်ပါးချင်ပါတယ်။

"လက်တွေ့မပါတဲ့ ပညာဟာ အသုံးမ၀င်သလို၊ ပညာမပါတဲ့ လက်တွေ့ဟာလဲ အန္တရာယ်များတယ်"

အဲဒီလိုပဲ။ ကျွန်တော်တို့ဟာ ကိုယ်သိသလောက်၊ အတွေ့အကြုံလေးနဲ့ပဲ
ပြဿနာတိုင်းကို ဖြေရှင်းလို့ မရနိုင်ပါဘူး။ လိုအပ်ရင် သင်တန်းတွေတက်
ပညာယူ လေ့လာရတော့မှာ ဖြစ်ပါတယ်။ ဒီတော့ နေ့တိုင်းနေ့တိုင်း ဒီအလုပ်တွေ
ကုန်းရုန်းလုပ်ရင်း ဒီနေရာမှာပဲ ရပ်တန့်နေတော့မှာလား၊ ကိုယ့်ဘ၀ကို
ဒီထက်မြင့်မြင့် ပျံသန်းနိုင်ဖို့ အချိန်လေး အခွင့်အရေးလေး
မပေးနိုင်ဘူးလား..။ တစ်ချက်တည်း ခုတ်လို့ ပြတ်မယ့် နေရာမှာ
အချက်ပေါင်းများစွာ ခုတ်ရင်း အချိန်ကုန်၊ လူပန်းနဲ့ ဘ၀ကို အောက်ကျ၊
နောက်ကျ ဖြတ်သန်းသွားမလား။ ကျွန်တော်တို့ ပုဆိန်တွေ သွေးကြပါစို့ဗျာ။

ဗိုလ်ချုပ်အောင်ဆန်း၏ ကိုယ်ရံတော်ဟောင်း ရွေးကောက်ပွဲဝင်မည်

ဗိုလ်ချုပ်အောင်ဆန်းရဲ့ သက်တော်စောင့် တာဝန်ယူခဲ့ဖူးသူ ဗိုလ်ကြီးဟောင်း ဦးထွန်းစိန်ဟာ နိုဝင်ဘာ ၇ ရက်နေ့ ကျင်းပမဲ့ ရွေးကောက်ပွဲမှာ အသက်အကြီးဆုံး လွှတ်တော် ကိုယ်စားလှယ်လောင်း အဖြစ် NDF အမျိုးသားဒီမိုကရေစီ အင်အားစု ပါတီကို ကိုယ်စားပြုပြီး မန္တလေးတိုင်း စဥ့်ကိုင်မြို့နယ် ကနေ ပါဝင် ယှဉ်ပြိုင်မှာ ဖြစ်ပါတယ်။
(Photo: AFP)
ဒေါ်အောင်ဆန်းစုကြည် ဦးဆောင်သော အမျိ်ုးသား ဒီမိုကရေစီ အဖွဲ့ချုပ်မှ ခွဲထွက်ကာ ရွေးကောက်ပွဲ ဝင်ရောက်ရန် ရည်ရွယ် ဖွဲ့စည်းခဲ့သော အမျိုးသား ဒီမိုကရေစီ အင်အားစု (NDF) ပါတီ၏ မန္တလေးရုံးခွဲ ဖွင့်ပွဲကို သြဂုတ်လ ၁၉ ရက်နေ့က ကျင်းပနေပုံ ဖြစ်ပါသည်။ (Photo: AFP)
ဦးထွန်းစိန်ဟာ မြန်မာ့ဒီမိုကရေစီ ခေါင်းဆောင် ဖြစ်လာမဲ့ ဒေါ်အောင်ဆန်းစုကြည်ကို ဂျပန်ခေတ်အတွင်း ကလေးအရွယ်က ထိန်းခဲ့ဖူးသူလည်း ဖြစ်တယ်လို့ ဆိုပါတယ်။
ကိုလိုနီခေတ်ကတည်းက ကိန်းအောင်းလာခဲ့တဲ့ နိုင်ငံရေး နိုးကြား တက်ကြွစိတ်နဲ့အတူ အသက်အရွယ် ကြီးရင့်နေပြီ ဖြစ်ပေမဲ့ မြန်မာပြည်သူတွေ ဒီမိုကရေစီနဲ့ လူ့အခွင့်အရေး ရရှိအောင် ဆောင်ရွက်ပေးဖို့ ရည်ရွယ်ပြီး ရွေးကောက်ပွဲ ဝင်ဖို့ ဆုံးဖြတ်တာလို့ သူက ပြောပါတယ်။

ရင်းမြစ်။ ။RFA

အာဆီယံနိုင်ငံတချို့ မြန်မာ့ရွေးကောက်ပွဲ ဝေဖန်

ဗီယက်နမ်နိုင်ငံ ဟနွိုင်းမြို့မှာ အခုအပတ်အတွင်း ကျင်းပမယ့် အာဆီယံ ထိပ်သီးဆွေးနွေးပွဲ မတိုင်ခင် ဒီကနေ့မှာ အာဆီယံ နိုင်ငံခြားရေး ၀န်ကြီးတွေ တွေ့ဆုံ စည်းဝေးခဲ့ပါတယ်။ ဒီအစည်းအဝေးဟာ ဒေသအတွင်း ပူးပေါင်းဆောင်ရွက်မှုကို အဓိကထား ဆွေးနွေးတာ ဖြစ်ပေမဲ့ မြန်မာနိုင်ငံ ရွေးကောက်ပွဲ ကိစ္စကိုလည်း ပြောဆိုခဲ့ကြပုံ ရပါတယ်။ ဗီယက်နမ်နိုင်ငံ ဟနွိုင်းက အာဆီယံ ထိပ်သီးဆွေးနွေးပွဲ ကျင်းပရာ နေရာကို ရောက်ရှိနေတဲ့ ဗွီအိုအေ သတင်းထောက် ဒန်နီယယ် ရှာ့ဖ် (Daniel Schearf) သတင်းရေးသား ပေးပို့ထားတာကို ကိုသားညွန့်ဦးက တင်ပြပေးထားပါတယ်။
အာဆီယံ အရှေ့တောင်အာရှ နိုင်ငံများ အသင်းဝင် ဘရူနိုင်း၊ မြန်မာ၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ ဖိလစ်ပိုင်၊ စင်ကာပူ၊ ထိုင်း၊ ဗီယက်နမ် ၁၀ နိုင်ငံ နိုင်ငံခြားရေး ၀န်ကြီးတွေဟာ ဒီကနေ့ ဗုဒ္ဓဟူးနေ့ ဟနွိုင်းမြို့မှာ တွေ့ဆုံခဲ့ကြတာပါ။
အစည်းအဝေးအတွင်း အခြား ဒေသတွင်း ကိစ္စတွေအပြင် နှစ် ၂၀ အတွင်း ပထမဆုံးအကြိမ် လုပ်မယ့် မြန်မာနိုင်ငံ ရွေးကောက်ပွဲ ပြင်ဆင်မှု ကိစ္စတွေကိုလည်း ဆွေးနွေးခဲ့ကြပုံ ရပါတယ်။ ဒီရွေးကောက်ပွဲဟာ စစ်တပ်က အာဏာကို ခိုင်ခိုင်မာမာ ဆက်ချုပ်ကိုင်နိုင်ဖို့ လုပ်တဲ့ ရွေးကောက်ပွဲ ဖြစ်တယ်လို့ လေ့လာသူတွေက ဝေဖန်ထားပါတယ်။ ဒီရွေးကောက်ပွဲဟာ အခု နိုဝင်ဘာ ၇ ရက်နေ့မှာ လုပ်မှာပါ။
အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂ၀ါ (Marty Natalegawa) ကတော့ ဒီရွေးကောက်ပွဲကို ပိုပြီးတော့ အများက လက်ခံ ယုံကြည်နိုင်အောင် လုပ်သွားဖို့ မြန်မာအစိုးရကို တွန်းအားပေးနေပါတယ်လို့ သတင်းထောက်တွေကို ပြောပါတယ်။ မြန်မာစစ်ခေါင်းဆောင်တွေ အနေနဲ့လည်း ဒီလို ဆောင်ရွက်နိုင်ဖို့ အချိန်မနှောင်းသေးပါဘူးလို့ ပြောပါတယ်။
အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂ၀ါ။
AP
အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂ၀ါ။ ဧပြီ ၁၊ ၂၀၁၀။
“မြန်မာနိုင်ငံ ကျနော်တို့ လုပ်ဖော်ကိုင်ဘက်တွေနဲ့ ပြောဖြစ် ဆိုဖြစ်ပါတယ်။ ကျနော်တို့ အနေနဲ့ကတော့ အခု နောက်ဆုံးအဆင့်မှာတောင် အဆိုးမြင်မှု မရှိပါဘူး။ ဒီ မြန်မာနိုင်ငံ ရွေးကောက်ပွဲဟာ ရှေ့ဆက် အခက်အခဲတွေ ပိုပြီး ကြုံရမှာထက်၊ အဖြေတစုံတရာ ဖြစ်လာနိုင်ဖို့ ကျနော်တို့အားလုံး ပူးပေါင်း ဆောင်ရွက်သွားနိုင်ပါတယ်။”
ဒီရွေးကောက်ပွဲကို အများက လက်ခံ ယုံကြည်နိုင်ဖို့ ရွေးကောက်ပွဲကို လေ့လာသူတွေ စေလွှတ်လိုတယ်လို့ အာဆီယံက ကမ်းလှမ်းခဲ့ပါတယ်။ ဒါပေမဲ့လည်း မြန်မာ အာဏာပိုင်တွေကတော့ အဲဒီ နိုင်ငံခြားက ရွေးကောက်ပွဲ လေ့လာသူတွေကိုရော၊ ပြင်ပ သတင်းမီဒီယာတွေကိုပါ မြန်မာနိုင်ငံတွင်း လာရောက်ခွင့် မပေးပါဘူး။
ရွေးကောက်ပွဲကို မျှမျှတတ လုပ်မှာပါလို့တော့ မြန်မာ နိုင်ငံခြားရေးဝန်ကြီး ဦးဉာဏ်ဝင်းက ဗီယက်နမ်မှာ မြန်မာသတင်းထောက် တဦးကို အခုလို ဖြေကြားသွားပါတယ်။
“ဘာမှ တဖက်သတ် ဖြစ်စရာအကြောင်း မရှိဘူး။ ဒီဥစ္စာက လူထုရဲ့ အဆုံးအဖြတ်။”
ဖွဲ့စည်းပုံအရဆိုရင် အခု ရွေးကောက်ပွဲအပြီး ပါလီမန်ထဲမှာလည်း စစ်တပ်က လေးပုံတပုံ အလိုအလျောက် ပါဝင် ကိုယ်စားပြုမှာပါ။ တဘက်မှာ အတိုက်အခံ နိုင်ငံရေး ပါတီတွေကို ကန့်သတ်မှုတွေ လုပ်ထားသလို အစွန်အဖျား တိုင်းရင်းသား ဒေသတွေမှာလည်း လွတ်လပ်မျှတတဲ့ ရွေးကောက်ပွဲ ကျင်းပနိုင်မှာ မဟုတ်တာကြောင့် ရွေးကောက်ပွဲတွေ လုပ်မှာ မဟုတ်ဘူးလို့ ရွေးကောက်ပွဲ အာဏာပိုင်တွေက ကြေညာထားပါတယ်။
အာဆီယံနိုင်ငံတွေ ကြားထဲမှာ ဖိလစ်ပိုင် နိုင်ငံကတော့ သဘောထား တင်းတင်းမာမာ ရှိပါတယ်။ အခုလုပ်မယ့် မြန်မာရွေးကောက်ပွဲကို အများက လက်ခံယုံကြည်နိုင်မယ့်ပုံ မရှိဘူးလို့ ဖိလစ်ပိုင် နိုင်ငံခြားရေးဝန်ကြီး အယ်လ်ဘာတို ရိုမူလို (Alberto Romulo) က သတင်းထောက်တွေကို ပြောပါတယ်။
“ဒေါ်အောင်ဆန်းစုကြည်နဲ့ အခြားသူတွေ မပါဝင်တဲ့ ဒီရွေးကောက်ပွဲဟာ အများက လက်ခံ ယုံကြည်နိုင်တဲ့ ရွေးကောက်ပွဲ ဖြစ်ပါ့မလားဗျာ။ သူတို့ကို အပြင်ကနေ စောင့်ကြည့်ခွင့်ပေးရုံ မဟုတ်ပါဘူး၊ သူတို့ ပါကို ပါမှ ဖြစ်မှာပါ။”
AIPMC ခေါ် မြန်မာ့အရေး အာဆီယံ လွှတ်တော်အမတ်များ အဖွဲ့ကတော့ အခု မြန်မာရွေးကောက်ပွဲ ရလဒ်ကို လက်မခံဖို့ အာဆီယံ နိုင်ငံတွေကို တိုက်တွန်းနေပါတယ်။ အာဆီယံ အနေနဲ့ မြန်မာအစိုးရရဲ့ လှည့်ဖျားမှုကို ထပ်မခံရဖို့ လိုတယ်လို့ AIPMC အဖွဲ့ ပြောခွင့်ရသူ အဂွန်း ပူထရီ အက်စ်ထရစ်ဒ် (Agung Putri Astrid) က ပြောပါတယ်။
“မြန်မာဘက်က အရူးလုပ်နေတာကို အာဆီယံက ဆက်ပြီး လက်ခံမနေသင့်တော့ပါဘူး။ ဒီရွေးကောက်ပွဲက တကယ့်ရွေးကောက်ပွဲမှ မဟုတ်တာ။ စစ်အစိုးရ အာဏာ ဆက်ပြီး ချုပ်ကိုင်နိုင်စေဖို့အတွက် အရေခွံ လဲထားတာမို့ မြန်မာတနိုင်ငံလုံးမှာ စစ်အာဏာ ဆက်ပြီး တည်မြဲနေဖို့ပဲ ရှိပါတယ်။”
အခုကျင်းပမယ့် အာဆီယံ ထိပ်သီး အစည်းအဝေးပြီးရင် တဆက်တည်း အရှေ့အာရှ ထိပ်သီး ဆွေးနွေးပွဲ ကျင်းပမှာပါ။ အဲဒီအတွက် အမေရိကန် နိုင်ငံခြားရေးဝန်ကြီး ကလင်တန် ရောက်နေသလို အာဆီယံနဲ့ ကုလသမဂ္ဂ ဆွေးနွေးပွဲအတွက် ကုလသမဂ္ဂ အတွင်းရေးမှူးချုပ် ဘန်ကီမွန်းလည်း ဗီယက်နမ်နိုင်ငံကို ရောက်ရှိမှာ ဖြစ်ပါတယ်။ မစ္စတာဘန်ဟာ မြန်မာအစိုးရ ၀န်ကြီးချုပ် ဦးသိန်းစိန်နဲ့လည်း သီးခြား တွေ့ဆုံဖို့ အစီအစဉ် ရှိပါတယ်။ မစ္စတာဘန်ကတော့ ရွေးကောက်ပွဲ မတိုင်ခင်မှာ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို လွှတ်ပေးဖို့ မြန်မာစစ်အစိုးရကို တောင်းဆိုထားပါတယ်။

ရင်းမြစ်။ ။VOA