သင်သည် သင့်ကံကိုဝေမျှပေးသင့်သည် ။ တစ်စုံတစ်ဦးကသင့်ကို တစ်သျှီလင်ပေးလျှင် ကလေးငယ် တစ်ယောက်ကို နှစ်ပဲနီပေးလိုက်ပါ။ တကယ်လို့ မြင်းလောင်းလို့ ငါးပေါင်နိုင်လျှင် သင့်ညီမကို တစ်သျှီလင် ပေးလိုက်ပါ။ ထိုသို့မျှဝေမှုပြုသင့်သည်။
ထိုသို့ မျှဝေပေးကမ်းခြင်းသည် သင်အတွက်ပင်ဖြစ်သည်။ နိဗ္ဗန်ရောက်အောင် စရံသက်ခြင်းလည်းမဟုတ်၊ ငရဲမကျအောင် လာဘ်ထိုးမှုတစ်ရပ်လည်း မဟုတ်ချေ။ အောင်မြင်မှုနှင့်စိတ်ချမ်းမြေ့မှုနှစ်ရပ်လုံး ရရှိနိုင်သော တစ်ခုတည်းသောနည်းပင် ဖြစ်သည်။
ပထမလေ့လာဆည်းပူပါ ။ ထိုနောက် သင်ကြားပို့ချ ပေးပါ။ ပထမပိုင်ဆိုင်ရယူ နိုင်အောင် ကြိုးစားပါ။ ထိုနောက့်ပေးကမ်းမျှဝေလှူဒါန်းမှု ပြုပါ။
၎င်းသည် ဘ၀၏ ဥပဒေတစ်ရပ်ပင်ဖြစ်သည်။လူ့သဘာဝ၏ နိယာမပင်ဖြစ်သည်။ ထိုအချက်သည် ဥပဒေပြု ပုဂ္ဂိုလ်များ ပြောင်းလဲစေနိုင်ခြင်း မရှိသော နိယာမအချက်ပင်ဖြစ်သည်။
အန်ဒြူးကာနေဂျီကဲ့သို့ ပေါင်သန်းခြောက်ဆယ်မျှကို ပေးကမ်းလှူဒါန်းပစ်နိုင်သူ ရှားပါးလှသည်။ တကယ်ဆိုလျှင် လူတိုင်းလူတိုင်းသည် တစ်နေ့တာကာလ၏ မိနစ်နှစ်ဆယ်မျှကို ပေးကမ်း လှူဒါန်းနိုင်ပါသည်။ လူတိုင်းလူတိုင်းသည် တစ်ယောက်ကို တစ်ယောက် ကူညီနိုင်သည်။
အဓိကအချက်မှာ သင်သည် ချက်ချင်းလက်ငင်းပင် ခေါင်းဆောင်တစ်ဦး ဆရာသမားတစ်ဦး ဖြစ်ရန် လိုအပ်သည်။ သင်အလွန်အမင်း် ချမ်းသာကြွယ်ဝ လျှင် အလွန်အမင်ပညာရှိသည့် အချိန်အထိ စောင့်ဆိုင်းနေရန် မလိုချေ။ ချက်ချင်း အထက်ပါ အကြံပေးစကားအတိုင်း လက်ရှိအချေအနေတွင် ပြုလုပ်နိုင်ပါသည်။
သင့်လက်ထဲတွင် ပေါင်တစ်ရာရှိလျက် မည်သူကိုမျှ ပေးကမ်းကူညီခြင်းမပြုပါလျှင် ပေါင်တစ်သန်းမျှ ပိုင်ဆိုင်သော အခါတွင်လည်း သင်မည်သူကိုမျှ ပေးကမ်းလှူဒါန်းကူညီမည်မဟုတ်ချေ။
အတိအကျဆိုရလျှင် ချမ်းသာသူများ ပေးကမ်းလှူဒါန်းသည့် ငွေကြေးပမာဏထက် ဆင်းရဲသားများ ပေးကမ်းလှူဒါန်းသည့် ငွေကြေးပမာဏရာခိုင်နှုန်းက ပိုပြီးများပြားသည်။ ဆင်းရဲသားများသည် ချမ်းသာသူများ ထက် တစ်ယောက်ကိုတစ်ယောက်ပိုပြီး ကူညီသည်။ ဆင်းရဲသားရပ်ကွက်တွင် နေထိုင်ဖူးသူတိုင်း ထိုအချက်ကိုသိသည်။
စိတ်ပိုင်း၊ စာရိတ္တပိုင်းနှင့် ရုပ်ပိုင်းကျမ်းမာရေးအပိုင်းတို့သည် စွမ်းအင်ဝင်၊ စွမ်းအင်ထွက်နိယာမကို လိုက်နာသကဲသို့ပင် ငွေကြေးအ၀င်အထွက် ဆီလျှော်ညီညွတ်ရန် ပေးကမ်းမှုပြုပါ။
စာနာထောက်ထားမှုနှင့် ဓနအင်းအားသည် ဒွန်တွဲသွားရသည် ။ ထိုအချက်ကို သတိပြုသင့်သည် ။ ထိုသို့ ဒွန်တွဲမှုမရှိလျှင် အကျိုးမဲ့မှုသာကြုံရမည်။ထီးစွန့်နန်းစွန့်အမုန်းခံပြီးပြည်ပရောက်သွားသော ကိုင်ဇာဘုရင်
အဖြစ်ကြုံရပေမည်။
သင်၏ပညာနှင့်ဥစ္စာဓနများ တဖြည်းဖြည်းခိုင်မာကြွယ်ဝလာချိန်တွင် သင့်စိတ်နှလုံးကို နူးနူးညံ့ညံ့ ထားနိုင်ပါလျှင် သင်၏အောင်မြင်မှုသည် သင့်ကိုဒုက္ခပေးမည် မဟုတ်ချေ။
သို့သော် သင်သည် ကင်းထောက်လူငယ်၏ စိတ်ဓာတ်မျိုး အမြဲဆောင်ပြီး နေ့စဉ်နေ့တိုင်းပင်ကောင်း ကောင်းမှုတစ်ခုခု ပြုလုပ်နိုင်ပါလျှင် သင့်အတွက် ရန်သူနည်းပြီး၊ လိုလားသူများလာလိမ့်မည်။
သင်၏လုပ်သက်အစတွင် သင့်ကိုယ်သင် ပြင်းပြင်းထန်ထန် ပြတ်ပြတ်သားသား မေးမြန်းသင့်သော မေးခွန်းမှာ- "ငါသည်ပညာဥာဏ်ဥစ္စာ စည်းစိမ်သြဇာ အာဏာတို့နှင့် ထိုက်တန်သူဟုတ်ပါ၇ဲ့လား၊ ထိုသို့ပညာ သြဇာ၊ စည်းစိမ်အာဏာ ရှိလာသောအခါတွင် ငါသည် သဘောသက္ကာယကောင်းမွန်သော နတ်တမန် ဖြစ်မည် လား၊ ဆိုးရွားလှသောဘီလူးသဘက် ဖြစ်မည်လား၊ ငါ၏အကောင်းမြင်စိတ်ကို ဖွံ့ဖြိုးစေမည်လား ၊ ငါ့ကိုယ်ငါ ကမ္ဘာ၏ အန္တရာယ်ကြီး တစ်ခုဖြစ်စေမည်လား" ဟုပင်ဖြစ်သည်။
အောင်မြင်မှုသည် အင်မတန်ကြောက်စရာကောင်း၏ ။ ထိုအချက်ကို ဒွိဟပွားပါလျှင် သူဌေးသူကြွယ်တို့ စုဝေးသော ကလပ်တစ်ခုသို့သွားလျှင် မာကြောခတ်ထန်သော မျက်နှာများကိုကြည့်ပါ ။ထိုသူတို့၏ ပါးလွှာ သော နှုတ်ခမ်းများ မာကြောသော မျက်နှာများကိုကြည့်ပါ။
အိမ်တစ်အိမ်၏ ပျော်ရွှင်ချမ်းမြေ့စရာ အချက်များ အကြင်နာတရား၊ မေတ္တာတရားခေါင်းပါးနေကြသော သူကြွယ်ကြီးမျာ အိမ်ကိုကြည့်ပါ။
ဖခင်ဖြစ်သူသည် ငွေအကြောင်းသာ စဉ်းစားသည်။ မအေဖြစ်သူသည် ခေတ်မီဖက်ရှင်ဆင်ယင်ရေးကိုသာ စဉ်းစားသည်။ ကလေးများ အားကစားနည်းပေါင်းစုံ ကစားရန်သာကြံဆတွေးတောနေတတ်သည်။တစ်ယောက်ကို တစ်ယောက် သံယောဇဉ်မရှိ အေါ်ရးမထားကြချေ ။ ကမ္ဘာတစ်လွှားသူကြွယ်တို့အိမ်ကြီးများတွင်းမှာလည်း ထိုသို့ပင်ကျီးအာသီးအသွင် ပေါက်နေသည်။
ထိုသို့သော အိမ်များတွင် ကလေးများပျက်စီးလေ့ရှိသည်။ နောက်ဆုံးတွင် ထိုကလေးများသည်မိဖများ ခေါင်းမှ ထိုအိမ်ထောင်စုတည်းဟူသော အသိုက်အမြုံကို ခပ်လွယ်လွယ် ဖြိုကွဲပစ်လိုက်ကြလေတော့သည်။
ကလေးများသည် တာဝန်မဲ့ကြီးပြင်းလာကြရသည်။ အစေခံများ၏ အလုပ်အကျွေးပြုစုမှုကို တစိုက်မတ် မတ် ပြုလုပ်ပေးခြင်းကို ခံယူပြီးအ၇ည်အချင်းမဲ့လာကြသည်။ လူတို့၏ အကျိုးကိုဆောင်ရွက်ရကောင်းမှန်း မသိတတ်၊သင်ကြားနားမလည်တတ်ကြချေ။ သူတစ်ပါးကို ကူညီရကောင်းမှန်းနားမလည်တတ်ကြချေ။ နောက်ဆုံး တွင်စရိုက်ပျက်များသက်သက်ဖြစ်လာကြသည်။လူတို့၏အကျိုးကိုဆောင်ရွက်ရကောင်းမှန်းနားမလည်တတ်ကြ
ချေ။နောက်ဆုံးတွင်စရိုက်ပျက်များ သက်သက်ဖြစ်လာကြရသည်။
အရင်းရှင်များသည်ချမ်းသာကြွယ်ဝလာသည်နှင့်အမျှ စာနာထောက်ထားမှုဆုံးရှုံးရလေ့ရှိသောကြောင့်
လူတို့၏မနှစ်မြို့မှုကို ခံရသည်မှာ မဆန်းချေ။
အန်ဒြူးကာနေဂျီ က တစ်ချိန်ကပြောခဲ့ဖူးသည်။ ရယ်မောလေ့ရှိသော သန်းကြွယ်သူဋ္ဌေးများအင်မတန်ရှား
ပါလှသည် ။ ထိုသူတို့သည် ငွေရှာမှုခရီးစဉ်တွင် ပျော်ရွှင်မှု၊ ကြင်နာမှုကို စတေးဆုံးရှုံးရသည်။
လောကကြီးအပေါ် အမြင်မမှန်ခြင်း အတ္တသာကြီးထွားနေခြင်းတို့ကို ရှောင်ရှားကာ မိမိ၏ စည်းစိမ်
ချမ်းသာတိုးပွား လာသည်နှင့်အမျှ မိတ်ဆွေ များကို ခိုင်ခိုင်မြဲမြဲ ဆက်လက်ဖက်တွယ်ထားပြီး လူပီသစွာ
ချမ်းသာကြွယ်ဝနိုင်အောင်ကြိုးစားရန်လိုအပ်ပါသည်။
မိမိထက်နိမ့်သော လူတစ်ယောက်ကြိူးစားပမ်းစားတက်လာသည့်အဖြစ်ကို တွေ့ပါလျှင် ထိုသူကို လက်
ကမ်းခေါ်ရမည်။ သို့သော် အကူအညီမဲ့သူနှင့် ကိုယ်ထူကိုယ်ထ ကြိူးပမ်းနေသူတို့ကိုသာ ကူညီသင့်သည်။ ထို
လူသားနှစ်မျိုးမှလွဲပြီး အခြားလူစားများကို ကူညီရန်မလိုချေ။
ပျင်းရိနေသူများ ၊ အချိန်ဖြုန်းနေသူများ ၊ ညည်းတွားနေသူများ ၊ရေသာခို လိုက်ချင်နေသူများကို မည်သည့်နည်းနှင့်မျှ မကူညီသင့်ပေ။ မထိုက်တန်သောသူများကို ကူညီရန်မလိုချေ။
သို့သော် သာမာန်လူအများစုသည် စိတ်ဓာတ်မှန်ကန်တတ်ကြပြီး ကူညီ သင့်သူများဖြစ်သည်။ ထောင်ပေါင်းများစွာသောလူများသည် ကိုယ့်လမ်းကို ပြေပြေပြစ်ပြစ် လျှောက်နိုင်ရန်အတွက် အနည်းအပါးသာ
အကူအညီလိုအပ်သူများဖြစ်သည်။
နှလုံးသားကို နွေးနွေးထွေးထွေးထားပါ ။ အကူအညီ ပေးပါ ။ ကျေးဇူးသိတတ်မှုကို ပြန်လည်မမျှော်လင့်
ပါနှင့်။ သိတတ်မှုအနည်းအပါးသာ ရကောင်းရမည်။ များများစားစားမရနိုင်ပါ။
လူတစ်ယောက်၏ အခက်အခဲ ကို ကျော်လွှားနိုင်အောင် အကူအညီပေးလိုက်လျှင် မကြာမီ သင့်ကျေးဇူးကို မေ့လျှော့သွားတတ်သည် ။ ထိုသို့မေ့လျှော့သွားလည်း ဘာဖြစ်မည်နည်း။ သင်သည် သူ့ကို ကောင်းမှု ပြုခဲ့ချေပြီ။ ထိုလုပ်ရပ်သည် အင်မတန်ကောင်းသောလုပ်ရပ်မဟုတ်ပါလား ။
ရယူခြင်းထက်ပေးဆပ်ခြင်းက ပိုပြီး မြတ်သည်။ ငွေအနည်းအပါး ကို မျှဝေခြင်းမပြုပါလျှင် ငွေ၏တန်ဖိုး
တွင် မည်သို့တန်းဖိုးရှိပါမည်နည်း။ ထပ်ဆင့်သင်ကြားပို့ချမှု မပြုပါလျှင် အသိပညာ သည် ကာလရှည်ကြာစွာ
မည်သို့ အကျိုးရှိမည်နည်း။ တစ်ပါးသူကို ကူညီ ပံ့ပိုးမှု မပြုပါလျှင် အင်အားရှိနေခြင်းသည် အပိုပင်ဖြစ်မည်။
လူသားထုသည် ကြိုးမျှင်တိုလေးပေါင်းများစွာကျစ်ထားသော ကြိုးတစ်ချောင်းပင်ဖြစ်သည်။ ကျနော်တို့အားလုံးသည် ကြိုးတစ်မျှင်စီသာဖြစ်သည်။ ကြိုးတစ်ချောင်းကို မည်သည့်အချက်က ခိုင်ခံ့စေသနည်း။
တင်းတင်းကျစ်ထားသော ကြိုးမျှင်ရှည်များပင်ဖြစ်သည်။ သင်သည် ကြိုးမျှင်ရှည်ကြီးတစ်ချောင်းဖြစ်နေပြီး သင်၏
လောက အဖော်ကြိုးမျှင် သေးများနှင့် တင်းတင်းရစ်နေပါလျှင် သင်သည် လူသားထုကြိုးကို ပိုပြီး ခိုင်ခန့်အောင်
ဆောင်ရွက်နိုင်သည် ။
အကယ်လို့ သင်သည် မကျစ်ထားသော ကြိုးတိုတစ်မျှင်သာဖြစ်နေလျှင် လေနှင့်လွှင့်ပါပြီး အမှိုက်ပုံထဲ
ရောက်ရန်သာရှိသည် ။
ကူညီပါ ။ သင်ကြားပို့ချပေးပါ ။ ပေးကမ်းစွန့်ကြဲပါ ။ မေတ္တာထားနိုင်ခြင်းကာ လူပီသခြင်းပင်ဖြစ်သည်။
ကရုဏာထားနိုင်ခြင်းကား ဘုရား၏ အလိုတော်အတိုင်းပင်ဖြစ်ပါသည်။
မှတ်ချက် ။။ ဆရာဦးမိုးမြင့် B.Sc ၏ လူ့ဘ၀၏ အောင်မြင်ခြင်းနှင့်ပျော်ရွှင်ခြင်းစာအုပ်မှ
