Sunday, November 28, 2010

ဦးခင်ညွှန့် ဗီဒီယိုဖိုင်အပေါ် အမျိုးမျိုး ဝေဖန်သုံးသပ်

နိုင်ငံတော်ဝန်ကြီးချုပ်၊ ဗိုလ်ချုပ်ကြီးဟောင်းနှင့် စစ်ထောက်လှမ်းရေး အကြီးအကဲဟောင်း ဦးခင်ညွန့်ကို ရဲချုပ် ဗိုလ်မှူးချုပ် ခင်ရီက လာရောက်တွေ့ဆုံပြီး ခေါ်ထုတ်သွားသည့် ဗီဒီယိုကလစ်သည် အင်တာနက်တွင် ပျံ့နှံ့နေပြီး မြန်မာ့အရေး စောင့်ကြည့်လေ့လာသူများ အနေဖြင့် အမျိုးမျိုး သုံးသပ်လျက်ရှိကြောင်း သိရှိရသည်။

ds-ts-kn ရဲချုပ် ခင်ရီ ဦးဆောင်သည့် ရဲအရာရှိများနှင့် ဦးခင်ညွန့်တို့ တွေ့ဆုံဆွေးနွေးသည့် ဗီဒီယိုဖိုင်သည် ၁၆ မိနစ်ကျော် ရှည်လျားသော်လည်း အသံဖိုင် ပါဝင်ခြင်း မရှိပေ။ အဆိုပါ ဗီဒီယိုဖိုင်သည် လူမှုကွန်ယက် ဝက်ဘ်ဆိုက် တခုဖြစ်သည့် Facebook တွင် ယမန်နေ့ ညနေမှစ၍ ပျံ့နှံ့နေခြင်းဖြစ်သည်။

ဦးခင်ညွန့်သည် ယခုအချိန်တွင် အသက် ၇၀ ကျော်ရှိပြီး စစ်အစိုးရလက်ထက်တွင် ပထမဆုံးသော နိုင်ငံတော်ဝန်ကြီးချုပ် ဖြစ်ခဲ့သည်။ ထိပ်သီးပိုင်း ရာထူးများအတွင်း အာဏာပြိုင်ဆိုင်မှုများကြောင့် ၂၀၀၄ ခုနှစ်တွင် ရာထူးမှ ဖယ်ရှားခံရပြီး နေအိမ်အကျယ်ချုပ်ဖြင့် ထိန်းသိမ်းခံခဲ့ရသည်။

စစ်ထောက်လှမ်းရေးဟောင်း ဦးခင်ညွန့်ကို နေပြည်တော်သို့ ခေါ်ယူပြီး တိုင်းရင်းသား လက်နက်ကိုင်အဖွဲ့များနှင့် ဆွေးနွေးစေမည်ဟု ယခုနှစ်အတွင်း ကောလာဟလသတင်းများ ထွက်ပေါ်ဖူးသည်။

ရဲချုပ်ခင်ရီက ဦးခင်ညွန့်ကို အလေးပြုနေဆဲဖြစ်ကြောင်း ဗီဒီယိုဖိုင်တွင် တွေ့ရသည်။ ဦးခင်ညွန့်က ၎င်း၏ အိမ်ရှေ့တံခါးကို ကိုယ်တိုင်ဖွင့်ပေးခဲ့ပြီး ရဲချုပ်နှင့် မိနစ်အနည်းငယ်ခန့် ဆွေးနွေးကြသည်။ ရဲချုပ် ခင်ရီက ဦးခင်ညွန့်နှင့် ဇနီးဖြစ်သူ ဒေါက်တာ ဒေါ်ခင်ဝင်းရွှေတို့ကို တစုံတခု ရှင်းပြပြောဆိုပြီးနောက် ၎င်းတို့ ဇနီးမောင်နှံက မြေးဖြစ်သူများကို နှုတ်ဆက်ကြောင်း တွေ့ရသည်။

ဦးခင်ညွန့်နှင့် ဇနီးဖြစ်သူကို နေရာမှန်းဆ၍ မရသော နေရာတနေရာသို့ ခေါ်ဆောင်သွားပြီး ဦးခင်ညွန့်က ရဲချုပ်ခင်ရီနှင့် အဖွဲ့ကို တစုံတရာ ပြောဆိုနေကြောင်း တွေ့ရသည်။ နောက်ခံအနေအထားအရ ဦးခင်ညွန့်၏ နဂိုမူလ နေထိုင်သည့်အိမ် မဟုတ်ကြောင်း ခန့်မှန်းရသည်။

စစ်တပ်အသိုင်းအဝိုင်းမှ အမည်မဖော်လိုသူတဦးက “ဒါက ထူးဆန်းနေပါတယ်။ ဘာလို့လဲဆိုတော့ ရာထူးက ဖယ်ရှားခံထားရတဲ့ သူတယောက်ကို လက်ရှိတာဝန်ထမ်းဆောင်နေဆဲ အရာရှိက ဘယ်တော့မှ အလေးပြုလေ့မရှိဘူး” ဟု ဆိုသည်။

အမေရိကန်နိုင်ငံတွင် စစ်သံမှူးအဖြစ် တာဝန်ထမ်းဆောင်ခဲ့ဖူးသည့် ဗိုလ်မှူးဟောင်း ဦးအောင်လင်းထွဋ်က “အရာရှိကြီးတွေနဲ့ လျှို့ဝှက်ဆွေးနွေးဖို့ ဦးခင်ညွန့်ကို သိပ်မကြာသေးခင်ကပဲ တပ်မတော် ဧည့်ဂေဟာကို ခေါ်သွားဟန်တူပါတယ်” ဟု ၎င်း၏ အမြင်ကို ပြောသည်။

ယခုကဲ့သို့ ဗီဒီယိုဖိုင် ပျံ့နှံ့နေရခြင်း အကြောင်းအရင်းကို မည်သူကမှ အတိအကျ မသိရှိဘဲ မကြာသေးမီက နေအိမ်အကျယ်ချုပ်မှ လွတ်မြောက်လာသည့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် ပတ်သက်မှုရှိနိုင်ကြောင်း ပြောဆိုမှုများလည်း ပေါ်ထွက်လာသည်။

စစ်တပ် အသိုင်းအဝိုင်းကမူ နိုဝင်ဘာလ ၇ ရက်ရွေးကောက်ပွဲ နေ့ကတည်းကပင် ဦးခင်ညွန့်ကို လွှတ်ပေးခဲ့သည် ဟုလည်း ပြောဆိုကြသော်လည်း အတည်ပြုနိုင်ခြင်း မရှိပေ။

ဦးခင်ညွန့်ကို စတင်ထိန်းသိမ်းခဲ့ချိန်မှ စ၍ အပြင်သို့ ၄ ကြိမ်ထွက်ခဲ့ကြောင်း၊ နောက်ဆုံးအကြိမ် အပြင်ထွက်မှုမှာ ဝန်ကြီးဟောင်းတဦးဖြစ်သူ ဗိုလ်မှူးချုပ် တင့်ဆွေ ဇနီး၏ ဈာပနသို့ သွားရောက်ခဲ့ခြင်းဖြစ်ကြောင်း တွေ့ရသည်။

စစ်ထောက်လှမ်းရေး အကြီးအကဲဟောင်း ဦးခင်ညွန့်သည် တချိန်က အာဏာအရှိဆုံး ပုဂ္ဂိုလ်တဦး ဖြစ်ခဲ့ပြီး ၁၉၉၀ နှစ်များ၌ “ဝ” သွေးစည်းညီညွတ်ရေး တပ်မတော် (UWSA)၊ ကချင်လွတ်လပ်ရေးတပ်မတော် (KIA) တို့နှင့် အပစ်အခတ်ရပ်စဲရေး ကိစ္စများတွင် အဓိက ကျသူတဦး ဖြစ်ခဲ့သည်။

ဦးခင်ညွန့်နှင့် ၎င်း၏ စစ်ထောက်လှမ်းရေးအဖွဲ့များ ဖယ်ရှားခံရပြီးနောက် ယခုလက်ရှိအခြေအနေတွင် စစ်အစိုးရနှင့် တိုင်းရင်းသား အပစ်ရပ် အဖွဲ့များအကြား ဆက်ဆံရေး အကြီးအကျယ်တင်းမာနေကြောင်း တွေ့ရှိရသည်။

ဦးခင်ညွန့်သည် နိုင်ငံတကာနှင့် ဆက်ဆံရေး၌ ထိုးဖောက်နိုင်သည့် ပုဂ္ဂိုလ်အဖြစ် သတ်မှတ်ခံရခဲ့ပြီး စင်္ကာပူဝန်ကြီးချုပ် ဟောင်း လီကွမ်ယုကလည်း ဦးခင်ညွန့်ကို မြန်မာ စစ်အစိုးရ အရာရှိများအနက် အထက်မြက်ဆုံးဟု ချီးမွမ်းခဲ့ဖူးသည်။

ဦးခင်ညွန့်၏ ဇနီး ဒေါက်တာ ဒေါ်ခင်ဝင်းရွှေ၏ အကိုတော်စပ်သူ ဒေါက်တာသန်းငြိမ်းက ယခုပျံ့နှံ့နေသည့် ဗီဒီယိုဖိုင် နှင့်ပတ်သက်၍ မည်သို့မျှ နားမလည်ကြောင်း၊ ဦးခင်ညွန့်၏ မိသားစုနှင့်လည်း အဆက်အသွယ်မရှိသဖြင့် ယခု ဖြစ်ပျက်နေသည့် ကိစ္စများကို မသိရှိကြောင်း ဧရာဝတီသို့ ပြောသည်။

ဦးခင်ညွန့် အာဏာရှိနေစဉ်မှ ၂၀၀၈ အကုန်ပိုင်းအထိ ဒေါက်တာသန်းငြိမ်းသည် နိုင်ငံရေးအကျဉ်းသားအဖြစ် အကျဉ်းကျ ခံနေခဲ့ရပြီး ရွေးကောက်ပွဲ ဝင်ရောက်ယှဉ်ပြိုင်ခဲ့သည့် အမျိုးသားဒီမိုကရေစီအင်အားစု (NDF) ၏ လက်ရှိ ဥက္ကဋ္ဌ ဖြစ်သည်။

နိုင်ငံရေးအကဲခတ်များက ယခုတကြိမ် ဦးခင်ညွန့်ကို ဗိုလ်ချုပ်မှူးကြီးသန်းရွှေက တိုင်းရင်းသားလက်နက်ကိုင်များနှင့် ညှိနှိုင်းရေးတွင်သာ အသုံးချရုံမကဘဲ အတိုက်အခံခေါင်းဆောင် ဒေါ်အောင်ဆန်းစုကြည်နှင့် ဆွေးနွေးရာတွင်ပါ အသုံးချမည်ဟု ခန့်မှန်း ပြောဆိုကြသည်။

ဦးခင်ညွန့်သည် ၂၀၀၃ ခုနှစ်တွင် နိုင်ငံတော်ဝန်ကြီးချုပ် ဖြစ်လာပြီးနောက် ပါတီစုံဒီမိုကရေစီ နိုင်ငံတော်သစ်ဆီသို့ ဟုဆိုကာ လမ်းပြမြေပုံ ၇ ချက်ကို ချမှတ်ခဲ့သည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ တွဲဘက်အတွင်းရေးမှူး ကိုဘိုကြည်က “ဦးခင်ညွန့် ထောင်ချခဲ့တဲ့သူတွေ မနည်းပါဘူး။ တချို့ဆိုရင် ၁၉၈၉ လောက်ကတည်းက အခုချိန်ထိ ထောင်ထဲမှာ ရှိနေကြတုန်းပဲ။ ဒါပေမယ့် အခုလိုမျိုး ဝမ်းနည်းစရာကိစ္စကိုတော့ ကျနော်တို့လည်း မမြင်ချင်ပါဘူး၊ သူ့ကိုမှ မဟုတ်ဘူး၊ ဗိုလ်ချုပ်မှူးကြီး သန်းရွှေကိုလည်း အခုလိုမျိုး အခြေအနေမျိုးမှာ မတွေ့မြင်ချင်ပါဘူး” ဟု ဧရာဝတီသို့ ပြောသည်။

ဦးခင်ညွန့်ကို အဂတိလိုက်စားမှုများဖြင့် ၂၀၀၄ ခုနှစ်တွင် အင်းစိန်ထောင်တွင်း အထူးတရားရုံး၌ စစ်အစိုးရက ထောင်ဒဏ် ၄၄ နှစ် ချမှတ်ခဲ့သော်လည်း နေအိမ်အကျယ်ချုပ်အဖြစ်သာ ချုပ်နှောင်ထားခဲ့သည်။

မှတ်ချက်။ ။ ဧရာဝတီမှ ဖြစ်ပါသည်။ ဗွီဒီယို ဖိုင်လေးကို ကြည့်ချင်သူများအတွက်တော့   Facebook | Videos Posted by Stone Age: ခင်ညွန့် ဘာတွေဖြစ်နြေ...

Thursday, November 25, 2010

သားအမိနှစ်ဦး ဘုရားဖူး


ဒေါ်အောင်ဆန်းစုကြည် နှင့် ရန်ကုန်တွင် ရောက်နေသည့် သူ၏ သားငယ် ကိုထိန်လင်း (ကင်မ်အဲရစ်) တို့ ယနေ့ နံနက်ပိုင်းက ရွှေတိဂုံတွင် တွေ့ရပုံများ (photos: AP) 

အိန္ဒိယရဲ့ မြန်မာနဲ့ဆက်ဆံရေးအပေါ် ဒေါ်အောင်ဆန်းစုကြည် ဝေဖန်

အိန္ဒိယနိုင်ငံဟာ ဒီမိုကရေစီရေး ကြိုးပမ်းမှုတွေအပေါ် အားပေးထောက်ခံ တာမျိုး မရှိတဲ့အတွက် စိတ်မကောင်း ဖြစ်ရတယ်လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြား လိုက်ပါတယ်။ အိန္ဒိယနိုင်ငံ နယူးဒေလီမြို့ မှာ ထုတ်ဝေတဲ့  India Express သတင်းစာနဲ့ တွေ့ဆုံမေးမြန်း ရာမှာ အခုလို ဖြေကြားတာဖြစ်တယ်လို့ သတင်းစာက ဒီကနေ့မှာ ရေးသားပါတယ်။

Photo: RFA
့မြန်မာ့ ဒီမိုကရေစီရေးအတွက် India မှ ပါဝင် လှုပ်ရှားရန် တိုက်တွန်းတောင်းဆိုသော India နိုင်ငံမှ ဆန္ဒပြပွဲ တခုကို တွေ့ရပုံ။
အိန္ဒိယအစိုးရရဲ့  မြန်မာနိုင်ငံအပေါ်ထားတဲ့ သဘောထားကြောင့် စိတ်မကောင်း ဖြစ်မိကြောင်း၊ မဟတ္တမ ဂန္ဒီကြီး နဲ့  ဂျဝါဟလာနေရူးတို့ရဲ့  အစဉ်အလာ ကြီးခဲ့တဲ့ အိန္ဒိယနိုင်ငံဟာ ဒီလမ်းစဉ်နဲ့ မိမိတို့  ဒီမိုကရေစီအရေး လှုပ်ရှားမှု ဖက်ကနေ ရပ်တည်လိမ့်မယ်လို့ ထင်မြင်ခဲ့ကြောင်း ဒေါ်အောင်ဆန်းစုကြည် က ပြောကြားထားပါတယ်။ ဒါ့အပြင် အိန္ဒိယအနေနဲ့  စစ်အစိုးရ ဗိုလ်ချုပ်ကြီးတွေနဲ့  ဆက်ဆံရေး ထားရှိတာကို မကန့် ကွက်ကြောင်၊ ဒါပေမယ့် မိမိတို့နဲ့လည်း ဆက်ဆံမယ်လို့ မျှော်လင့်ကြောင်း ဒေါ်အောင်ဆန်းစုကြည်က ပြောပါတယ်။ ဒေါ်အောင်ဆန်းစုကြည်က သူ့အနေနဲ့  အင်တာနက်လိုင်း ရရှိဖို့  အာဏာပိုင်တွေဆီ လျှောက်ထားကြောင်း၊ Facebook နဲ့ Twitter စတဲ့ အင်တာနက် လူမူ ကွန်ယက်တွေကနေ အားပေး ထောက်ခံသူတွေနဲ့ အဆက်အသွယ်ရှိဖို့  မျှော်လင့်နေတယ်လို့လည်း ပြောကြောင်း သတင်းစာက ရေးသားထားပါတယ်။

ရင်းမြစ်။ ။RFA

Wednesday, November 24, 2010

ပြည်သူတွေ လုပ်ရဲကိုင်ရဲ ရှိလာတာ တွေ့ရကြောင်း ဒေါ်အောင်ဆန်းစုကြည် ပြောကြား

ပြည်သူတွေဟာ အရင်က နဲ့မတူဘဲ နိုင်ငံရေး ကိစ္စတွေမှာ လုပ်ရဲကိုင်ရဲ ရှိလာတယ်လို့ RFA နဲ့ ဆက်သွယ် မေးမြန်းခန်းမှာ ဒေါ်အောင်ဆန်းစုကြည်က ပြောပါတယ်။ ပါတီ ရပ်တည်ခွင့် တရားဝင်လာအောင် ဆက်လက် ကြိုးပမ်းသွားမယ့် အကြောင်း၊ ပြည်သူ အများရဲ့ ထောက်ခံမှု ရလာအောင် ဆက်လက် ကြိုးပမ်းရမှာ ဖြစ်သလို တဖက်မှာ အရင် နေအိမ် အကျယ်ချုပ် လွတ်မြောက်စဉ် တွေတုန်းကလို မတူဘဲ လူငယ်တွေ အများကြီး နိုင်ငံရေးမှာ တက်တက်ကြွကြွ ပါဝင်လာတာ တွေ့ရကြောင်း ဒေါ်အောင်ဆန်းစုကြည်က ပြောပါတယ်။

နေအိမ် အကျယ်ချုပ်က လွတ်မြောက်လာပြီး နောက်တရက် နိုဝင်ဘာလ ၁၄ ရက်နေ့ တွင် အမျိုးသား ဒီမိုကရေစီအဖွဲ့ချုပ်ရုံးရှေ့ ဒေါ်အောင်ဆန်းစုကြည် လူထုကို မိန့်ခွန်း ပြောဆိုနေစဉ်။ ဓါတ်ပုံ - RFA
NLD ပါတီ ဆက်လက် ရပ်တည်ခွင့်နဲ့ ပတ်သက်ပြီး ပါတီ အထွေထွေ အတွင်းရေးမှူးအနေနဲ့ ဒေါ်အောင်ဆန်းစုကြည်က စစ်အစိုးရကို တရားစွဲဆို အမှုဖွင့်ခဲ့ရာမှာ အမူကို ဗဟို တရားရုံးချုပ်က လက်ခံကြားနာခဲ့ပေမဲ့ ဆက်လက် ကြားနာဖို့ကို မနေ့က ပယ်ချခဲ့ပါတယ်။

ရင်းမြစ်။ ။ RFA

မိခင်ဖြစ်သူ ဒေါ်အောင်ဆန်းစုကြည်နှင့် တွေ့ဆုံရန် သားငယ် ကိုထိန်လင်း(ခ)ကင်မ်အဲရစ် မြန်မာနိုင်ငံသို့ ရောက်ရှိလာ


ဒေါ်အောင်ဆန်းစုကြည်နှင့် သားဖြစ်သူ ကိုထိန်လင်း(ခ)ကင်မ်အဲရစ်အား ရန်ကုန်အပြည်ပြည်ဆိုင်ရာ လေဆိပ်တွင် နိုဝင်ဘာလ ၂၃ ရက်နေ့က တွေ့ရစဉ်
ဒေါ်အောင်ဆန်းစုကြည်နှင့် သားဖြစ်သူ ကိုထိန်လင်း(ခ)ကင်မ်အဲရစ်အား ရန်ကုန်အပြည်ပြည်ဆိုင်ရာ လေဆိပ်တွင်
နိုဝင်ဘာလ ၂၃ ရက်နေ့က တွေ့ရစဉ်
   မိခင်ဖြစ်သူ ဒေါ်အောင်ဆန်းစုကြည်နှင့် တွေ့ဆုံရန် သားငယ် ကိုထိန်လင်း (ခ) ကင်မ်အဲရစ်သည် မြန်မာနိုင်ငံသို့ နိုဝင်ဘာလ ၂၃ ရက် နေ့ နံနက်ပိုင်းက လေကြောင်းခရီးဖြင့် ရောက်ရှိလာခဲ့ကြောင်း သတင်းရရှိပါသည်။  
    ကိုထိန်လင်း မြန်မာနိုင်ငံသို့ ရောက်ရှိလာမှုကို မိခင်ဖြစ်သူ ဒေါ်အောင်ဆန်းစုကြည်က ရန်ကုန်အပြည်ပြည်ဆိုင်ရာ လေဆိပ်သို့ သွားရောက်ကြိုဆိုခဲ့သည်။ သားအမိနှစ်ဦး ယခုတွေ့ဆုံမှုမှာ ၁၀ နှစ်အတွင်း ပထမဆုံးအကြိမ်ဖြစ်ပြီး ၂၀၀၀ ပြည့်နှစ် ဒီဇင်ဘာလက နောက်ဆုံး တွေ့ဆုံခွင့်ရခဲ့ကြောင်း သိရသည်။
    အသက် ၃၃ နှစ်အရွယ်ရှိပြီ ဖြစ်သည့် ကိုထိန်လင်း (ခ) ကင်မ်အဲ ရစ်သည် ဒေါ်အောင်ဆန်းစုကြည် ၏သားနှစ်ယောက်အနက် အငယ်ဆုံးသားဖြစ်ပြီး ဗြိတိန်နိုင်ငံတွင် နေထိုင်လျက်ရှိကြောင်း သိရသည်။
   ၎င်းသည် မြန်မာနိုင်ငံတွင် နေထိုင်ခွင့် နှစ်ပတ်ရရှိခဲ့ကြောင်း သတင်း ဖော်ပြချက်များအရ သိရသည်။
   သားကြီးဖြစ်သူ ကိုမြင့်ဆန်းအောင် (ခ) အလက်ဇန်းဒါးအဲရစ် အသက်(၃၈)နှစ်မှာ အမေရိကန်ပြည်ထောင်စုတွင် နေထိုင်လျက်ရှိသည်ဟု သတင်းဖော်ပြချက်များအရ သိရသည်။    
   သားငယ် မြန်မာနိုင်ငံသို့ ရောက်ရှိလာမှုနှင့် ပတ်သက်၍ ဒေါ်အောင်ဆန်းစုကြည်က အရမ်းဝမ်းသာမိကြောင်း သတင်းထောက်များ ကို ရန်ကုန်အပြည်ပြည်ဆိုင်ရာ လေဆိပ်၌ ပြောကြားခဲ့ကြောင်း သတင်း ဖော်ပြချက်များအရ သိရသည်။
  ဒေါ်အောင်ဆန်းစုကြည်သည် နိုဝင်ဘာလ ၁၃ ရက်နေ့က နေအိမ် အကျယ်ချုပ်မှ ပြန်လည် လွတ်မြောက်လာပြီး ၁၀ ရက်အကြာတွင် သားဖြစ်သူ ကိုထိန်လင်း (ခ) ကင်မ်အဲရစ်နှင့် ယခုကဲ့သို့ ပြန်လည်တွေ့ ဆုံခွင့်ရရှိခဲ့ခြင်း ဖြစ်သည်။

www.first-11.com

Sunday, November 21, 2010

အင်တာနက်ဆိုင်များ CCTV ကင်မရာ တပ်ရန် ညွှန်ကြား

ရန်ကုန် မြို့တော်ခန်းမ အနီးရှိ အင်တာနက်ဆိုင် တခုတွင် ဗုံးများတွေ့ရှိ ပြီးနောက် အင်တာနက် ဆိုင်များတွင် CCTV ကင်မရာများ တပ်ဆင်ရန် အာဏာပိုင်များက ညွန်ကြား ထားကြောင်း အင်တာနက်ဆိုင်များက ပြောသည်။

MM-Internet-Cafe-(arterimalaysia.com) ပြီးခဲ့သောရက်ပိုင်းအတွင်းမှ စတင်၍ ထိုသို့ညွန်ကြားထားခြင်းဖြစ်ပြီး တပ်ဆင်ထားခြင်းရှိမရှိ လာရောက်စစ်ဆေးမည်ဟု သက် ဆိုင်ရာမြို့နယ် အာဏာပိုင်များက ပြောထားကြောင်း ရန်ကုန်မြို့တွင်းနှင့် အလုံမြို့နယ်ရှိ အင်တာနက် ဆိုင်ပိုင်ရှင်များ က ပြောဆို သည်။

“ဗုံးတွေ့လို့ဆိုပြီးတော့ CCTV တပ်ဖို့လာပြောထားတယ်။ လာစစ်မယ်လို့ပြောထားတော့ တပ်ရမှာပေါ့။ အခုထိတော့ မတပ်သေး ဘူး”ဟု ရန်ကုန်မြို့တွင်း ပန်းဆိုးတန်းလမ်းရှိ အင်တာနက်ဆိုင် တာဝန်ခံတဦးက ပြောသည်။

ထိုသို့အင်တာနက်ဆိုင်များတွင် CCTV တပ်ဆင်ရန် ညွန်ကြားမှုကြောင့် အင်တာနက်ဆိုင်ဝန်ထမ်းများက လာရောက်သုံးစွဲသူများ ကို အင်တာနက် စာမျက်နှာများမှ ကူးယူခြင်း(Downloading)၊ စာမျက်နှာပေါ်သို့တင်ခြင်း(Uploading)များကို သတိထားကြရန် ပြောဆိုမှုများရှိကြောင်း အင်တာနက်သုံးစွဲသူများက ပြောပြသည်။

“အခု CCTV ကင်မရာ တပ်ခိုင်းထားတယ်။ ဒါကြောင့် Download၊ Upload လုပ်ရင် သတိထားဖို့၊ နိုင်ငံရေးနဲ့ ပတ်သက်တာတွေ မလုပ်ဖို့ သတိလာပေးတယ်”ဟု အလုံမြို့နယ်ရှိ အင်တာနက်ဆိုင် တဆိုင်တွင် သုံးစွဲခဲ့သူတဦးက ဆိုသည်။

တချို့ဆိုင်များတွင် ထိုကဲ့သို့သတိပေးမှုများရှိသော်လည်း ဆိုင်အများစုတွင်မှု ထူးခြားမှုများ မတွေ့ရကြောင်း၊ တချို့ဆိုင်များတွင် လုံခြုံရေးအတွက်ဟုဆိုကာ မူလကတည်းကပင် CCTV ကင်မရာများ တပ်ဆင်ထားမှု ရှိကြောင်း သိရသည်။

အင်တာနက် သုံးစွဲရာတွင် ပုဂ္ဂိုလ်ရေးလုံခြုံမှုသည် အရေးပါရာ လုံခြုံရေးအတွက် CCTV ကင်မရာတပ်ဆင်သော်လည်း ပုဂ္ဂိုလ်ရေး လုံခြုံမှုကို ထိခိုက်သော စောင့်ကြည့်မှုမျိုးကိုမူ လက်ခံနိုင်ဖွယ်ရာမရှိကြောင်း အင်တာနက်သုံးစွဲသူတချို့ကပြောသည်။

“လုံခြုံရေးအတွက် ကင်မရာတပ်တယ်ဆိုပေမယ့် လိုအပ်သလောက်ပဲ တပ်ခိုင်းစေချင်တယ်။ တချို့ဆိုင်တွေဆို မလိုအပ်ဘဲ အများကြီး တပ်ထားတယ်။ သုံးစွဲသူတွေ အတွက်စိတ်ထဲမှာ မလုံခြုံဘူး”ဟု အင်တာနက် ပုံမှန်သုံးစွဲလေ့ရှိသော တက္ကသိုလ် ကျောင်းသား တဦးက ဆိုသည်။

ရန်ုကုန်မြို့တော်ခန်းမ အနီးရှိ အင်တာနက်ဆိုင် တဆိုင်တွင် ဗုံးတွေ့ရှိခဲ့ကြောင်း ပြည်ပ သတင်း မီဒီယာ များတွင် ပြီးခဲ့သော ရက်ပိုင်းက ဖော်ပြခဲ့သည်။

ယမန်နေ့ထုတ် စစ်အစိုးရ မြန်မာ့အလင်း သတင်းစာတွင်လည်း နိုဝင်ဘာ ၇ ရက်နေ့ ညနေပိုင်းက ရန်ကုန်မြို့ ကျောက်တံတား မြို့နယ်ရှိ City Star ဟိုတယ် အောက်ထပ်ရှိ Star Net အင်တာနက် ဆိုင်၌ ချိန်ကိုက်မိုင်း ၄ လုံး တွေ့ရှိကြောင်း၊ ဘေးအန္တရာယ် ကင်းရှင်း ရန်အချိန်မီ ဖယ်ရှား နိုင်ခဲ့ကြောင်း၊ မသကာင်္ဖွယ်တွေ့ရှိပါက တာဝန်ရှိသူများထံသတင်းပို့ရန် နှိုးဆော်ကြောင်း ဖော်ပြ ထားသည်။

ဧရာဝတီ

Saturday, November 20, 2010

First Eleven ဂျာနယ် နှစ်ပတ်ပိတ်ခံရ

“ စုလွတ်ပြီ၊ စည်းလုံးခြင်းနှင့် မျှော်လင့်ချက် ပန်းတိုင်ကို တက်လှမ်းကြစို့ ” ဟု အဓိပ္ပာယ်ရသော စာသားကို ဖော်ပြသည့် First Eleven ဂျာနယ်ကို စာပေစိစစ်ရေးက နှစ်ပတ်ပိတ် လိုက်ကြောင်း ဂျာနယ် အသိုင်းအ၀ိုင်း၌ သတင်းများထွက်ပေါ်နေသည်။

ယင်းသတင်းနှင့် ပတ်သက်၍ First Eleven ဂျာနယ်က ၀န်ခံ အတည်ပြုချက် မပေးသေးပါ။

နိုဝင်ဘာ ၁၃ ရက်နေ့ထုတ် First Eleven ဘောလုံးဂျာနယ်တွင် ဒေါ်အောင်ဆန်းစုကြည် လွတ်မြောက်သည်နှင့် ပတ်သက်၍ မင်နီစာလုံးများဖြင့် ဘောလုံးအကြောင်းအရာကြားတွင် ဖော်ပြခဲ့သည်။

SUNDERLAND FREEZE CHELSE UNITED STUNNED BY VILLA & ARSENAL ADVANCE TO GRAB THEIR HOPE ဟု ဘောလုံး အကြောင်းအရာကြားတွင် သိသာထင်ရှားစေရန် စကားလုံးများကို မင်နီအရောင်ဖျော့ဖြင့် ဖော်ပြခဲ့သည်။

“စိစစ်ရေးက မသိဘူး။ ခွင့်ပြုလိုက်ပြီးနောက်မှ လူတွေ အပြောများတာကြောင့် ဒီလို အဓိပ္ပာယ်ရတဲ့ဟာ ပေါ်အောင်လုပ်ထား တာ သိသွားတာ။ စာစစ်မှူးတွေကလည်း မမြင်ဘူး။ မိတ္တူဆွဲပြီး မူကြမ်းတင်ရတာဆိုတော့ အရောင်မပါဘူး။ စာစစ်မှူးတွေပါ မမြင်ရဘူးလားဆိုပြီး ခေါ်ဆူတယ်။ ဒီအတွက် Eleven Media Group ကို အရေးယူသွားမယ်ဆိုပြီး ပြောထားတယ်။ နောက် ဆက်တွဲကတော့ ဘယ်လိုဖြစ်လာမလဲမသိသေးဘူး” ဟု စာပေစိစစ်ရေးမှ စာစစ်မှူးတဦးက ပြောသည်။

စာပေစိစစ်ရေးမှ ထွက်ရှိနေသော ဂျာနယ်များတွင် စီးပွားရေး၊ လူမှုရေးအကြောင်းအရာများနှင့် ပတ်သက်၍ ငြိစွန်းသည့် သ တင်း များပါရှိပါက ၂ ပတ်ပိတ်ခြင်း၊ ၁ ပတ် ပိတ်ခြင်း စသဖြင့် ပြုလုပ်သည်များရှိသော်လည်း ယခုဖြစ်ရပ်သည် ဒေါ်အောင် ဆန်းစုကြည်လွတ်မြောက်သည့်အပေါ် လူထုကို လှုံ့ဆော်သည့် အဓိပ္ပာယ်ရသောကြောင့် မည်သို့ အရေးယူမည်ကိုမှု မသိရှိ ရသေးဟု ၎င်းက ပြောသည်။ 

ပြည်တွင်းဂျာနယ်များအနက် Eleven Media Group မှ ထုတ်ဝေသော Weekly Eleven သတင်း ဂျာနယ်သည် ပရိသတ် ၀ယ်ယူ ဖတ်ရှုမှု အများဆုံးဖြစ်သည့်အပြင် ရွေးကောက်ပွဲ မတိုင်မီ အကြိုကာလ သတင်းများ၊ ရွေးကောက်ပွဲ ကျင်းပသည့်နေ့ အနယ်နယ် အရပ်ရပ်ရှိ မဲ မသမာမှုများ၊ မဲဆန္ဒရှင်များ၏ အမြင်များကို အချိန်အလိုက် ဖော်ပြပေးနေသည့် တခုတည်းသော ပြည်တွင်းထုတ် ဂျာနယ်ဖြစ်သည်။

“ဂျာနယ်တွေရဲ့ ကိုယ်ပိုင်အင်တာနက် စာမျက်နှာတွေထဲမှာ Weekly က သတင်းတွေ တက်တာမြန်တယ်၊ တခြားဂျာနယ် တွေ လို မဟုတ်ဘဲ အမှန်ကို အမှန်အတိုင်းတင်ပြရဲတယ်။ ဒီအချက်တွေကြောင့် အာဏာပိုင်တွေကတော့ သိပ်ကြည်မှာ မဟုတ် ဘူး။ ရွေးကောက်ပွဲ မသမာမှု သတင်းတွေ အင်တာနက်စာမျက်နှာမှာ တင်ကတည်းက ပြောချင်နေပေမယ့် ဂျာနယ်လို စိစစ် ရေး မလိုတော့ လူကြီးတွေကလည်း သိပ်မပြောသေးဘဲကြည့်နေတာ။ အခုက အဲဒါတွေပါ ပေါင်းသွားတာပေါ့။ အာဏာပိုင် တွေ ဘက်ကလည်း ဆက်လွှတ်ပေးလိုက်ရင် တခြားဂျာနယ်တွေပါ ဒီလို လုပ်လာမှာကိုလည်း စိုးရိမ်ပုံရတယ်။ ဂျာနယ်ကတာ ၀န် ရှိသူတွေလည်း တော်တော်ပြာနေပြီ” ဟု Weekly Eleven ဂျာနယ်နှင့် နီးစပ်သူ အယ်ဒီတာတဦး ကပြောသည်။

နိုဝင်ဘာ ၈ ရက်နေ့ကလည်း Weekly Eleven ဂျာနယ် အင်တာနက် စာမျက်ပေါ်ရှိ ရွေးကောက်ပွဲ သတင်း ကဏ္ဍကို ဖြုတ်ချ ခဲ့သည်။

အဆိုပါ ကိစ္စရပ်နှင့်ပတ်သက်၍ အင်တာနက်စာမျက်နှာများပေါ်တွင် ပျံ့နှံ့နေသကဲ့သို့ ပြည်တွင်း ဂျာနယ်အသိုင်းအ၀န်းတွင် လည်း ဝေဖန်ပြောဆိုနေကြပြီး Weely Eleven ဂျာနယ်၏ စာဖတ်ပရိသတ်များကလည်း စိုးရိမ်နေကြသည်ဟု သိရသည်။

“ပြည်တွင်းမီဒီယာတခုအနေနဲ့ ဒီလိုလုပ်တဲ့အပေါ်မှာ အားပေးထားကြတာတွေအများကြီးပဲ။ Facebook လို ဆိုရှယ်ဆိုက် တွေ မှာဆိုလည်း အကုန်ပျံ့နေတယ်။ ချီးကျုးထားတာတွေလည်းတွေ့ရတယ်။ သတ္တိရှိရှိဖော်ပြလိုက်တာက မီဒီယာရဲ့ရပ်တည်မှု ဆိုပေမယ့် အာဏာပိုင်တွေဆိုတာကလည်း မထင်ရင် မထင်သလို လုပ်တတ်တာဆိုတော့ တဘက်မှာ ဆိုးကျိုးတွေဖြစ်လာမှာ စိုးရိမ်ကြတာပေါ့”ဟု လူငယ်စာဖတ်ပရိသတ်တဦးက ပြောသည်။

ယခု တပတ်ထုတ် Weekly Eleven ၊ The Voice ၊ 7 Day၊ Flower News ဂျာနယ်များတွင် ဒေါ်အောင်ဆန်းစုကြည် လွတ်  မြောက်သည့် သတင်းများနှင့် ဓာတ်ပုံများ ပါရှိသည့် ဂျာနယ်များရောင်းအားကောင်းခဲ့သည့်အပြင် ဒေါ်အောင်ဆန်းစုကြည် ပုံပါ မျက်နှာဖုံး စာရွက်ကို  တစောင် ၁၀၀ ကျပ် ဖြင့် မိတ္တူကူးရောင်းချသည့် ဈေးကွက်မှာပါ အရောင်းသွက်ခဲ့သည်ဟု သိရသည်။

အဆိုပါ ဖြစ်ရပ်များကို ကြည့်မည်ဆိုပါက မြန်မာပြည်စာဖတ်ပရိသတ် ပြည်သူလူထုသည် လွတ်လပ်သည့် မီဒီယာဖြစ် ပေါ် လာမှုကို လိုလားပြီး ၊ သတင်းဂျာနယ်များတွင် ဘက်ညီမျှပြီး မှန်ကန်သည့် သတင်းတင်ပြမှုများ ၊ စိစစ်ရေးဖြတ်တောက်မှု နည်းပါးသည့် သတင်းဂျာနယ်များကို ဖတ်ရှုလိုမှု ဆန္ဒပိုရှိကြောင်း စာရေးဆရာကြီးတဦးက သုံးသပ်ပြောဆိုလိုက်သည်။

The Voice ဂျာနယ်၏ အင်တာနက်စာမျက်နှာတွင် ဒေါ်အောင်ဆန်းစုကြည် လွတ်မြောက်သည့်နေ့က သတင်းဓာတ်ပုံ များ ဖော်ပြခဲ့သော်လည်း ယနေ့ ဖြုတ်ချလိုက်သည်။

စာပေစိစစ်ရေးက ပိတ်ပင်မှုများပြုသော်လည်း သတင်းဂျာနယ်များသည် Facebook နှင့် ၎င်းတို့ပိုင် ဝက်ဘ်ဆိုက် များကို အသုံးပြုကာ ဒေါ်အောင်ဆန်းစုကြည် သတင်းနှင့် ဓာတ်ပုံများကို အချိန်နှင့် တပြေးညီ တင်ပြခဲ့သည့်အတွက် ပြည်တွင်းပြည်ပ မြန်မာများအကြားတွင် အဆိုပါ ပြည်တွင်းသတင်း ဝက်ဘ်ဆိုက်များ ရေပန်း စားလာကြောင်း သိရှိရသည်။

နယ်စည်းမခြား သတင်းထောက်များအဖွဲ့ (RSF) မှ ထုတ်ပြန်သည့် မှတ်တမ်းများအရ မြန်မာနိုင်ငံ၏ သတင်း လွတ်လပ်ခွင့် အဆင့်သည် ၁၇၈ နိုင်ငံအနက် ၁၇၄ နေရာတွင်ရှိပြီး သတင်းလွတ်လပ်ခွင့် မရှိဆုံး ၅ နိုင်ငံတွင် တနိုင်ငံအဖြစ် ပါဝင်သည်။

ရင်းမြစ်။ ဧရာဝတီ

Thursday, November 18, 2010

နိုင်ငံတကာရှိ သူငယ်ချင်းအားလုံးသို့

သိသိ မသိသိ မြင်ဖူးဖူး၊ မမြင်ဖူးဖူး၊ ကျနော်တို့အတွက် အရေးမကြီးပါဘူး၊ အားလုံး မြန်မာပြည်လွတ်မြောက်ရေး ကွန်ယက်ထဲမှာ သူငယ်ချင်းတွေလို့ ကျနော်ခံယူထားပါတယ်။
ကျနော်တို့ အားလုံး မြန်မာနိုင်ငံတော်ကို တိုးတက်စေချင်ကြတယ်။ အရှေ့တောင်အာရှ နိုင်ငံအလယ်မှာ ဒုက္ခပင်လယ်ဝေနေပြီး အများ နှာခေါင်းရှုံ့တဲ့ နိုင်ငံအဖြစ်က လွတ်မြောက်စေချင်ကြတယ်။ ဘေးအိမ်နီးချင်းတွေက ကျနော်တို့နိုင်ငံ သယံဇာတတွေ အတင်းနှိုက်ယူနေတာ မခံချိမခံသာနဲ့ တက်ခေါက်နေရတဲ့အဖြစ်က လွတ်မြောက်ချင်ကြတယ်။ အထူးသဖြင့် နိုင်ငံပျောက်၊ လူမျိုးပျောက်နေတဲ့ အဖြစ်တွေက လွတ်မြောက်ချင်ကြတယ်။  မြန်မာပြည်ကို တနည်းနည်းနဲ့ ကူညီချင်ကြတယ်၊ စိတ်သဘောထားတွေ အတူတူပါပဲ။
အဲတော့ဗျာ …
ကျနော်တို့အားလုံး မြန်မြန် ချိတ်ဆက်နိုင်ပြီး ပြည်တွင်းက  လူငယ်တွေလည်း ၀င်ရောက် ရေးသားနိုင်မယ့် ဒေါ်အောင်ဆန်းစုကြည်လည်း တက်ရောက် ဖတ်နိုင်မယ့်၊ ပါတီကလူငယ်တွေလည်း တက်ရောက်ဖတ်နိုင်မယ့် post လေးတခုကို  လုပ်ပေးစေချင်ပါတယ်။
နည်းပညာပိုင်းကျွမ်းကျင်သူ လူငယ်များ စကာင်္ပူမှာ အများဆုံးနေထိုင်နေတယ်လို့ ကျနော်ထင်ပါတယ်။ ကျနော်နားထောင်တဲ့ ဒေါ်အောင်ဆန်းစုကြည်မိန့်ခွန်းထဲမှာ နည်းပညာနဲ့ ပတ်သက်ပြီး ရိုးသားစွာပြောသွားတဲ့ သူ့စကားလေးကို ကြိုက်ပါတယ်။
(ကင်မရာဖုန်းလေးကိုပြောတော့ ပါးစပ်ကို ဘယ်နေရာက ထားရမလဲ မသိဘူးတဲ့ …)
ကျနော်တို့လည်း ကိုယ့်အချင်းချင်း ထိန်ဝှက်စရာ မလိုပါဘူး၊ တတ်သိနားလည်သူက ကွန်ယက်လေးဖြစ်ဖို့၊ အထူးသဖြင့် ကျနော်တို့ နိုင်ငံတကာက ပြည်သူတွေရဲ့ အသံတွေ အထဲကို ပို့နိုင်ဖို့ အိုင်တီကျွမ်းကျင်သူများကို အကောင်းဆုံး ကြိုးစားပေးကြပါလို့ ကျနော် မေတ္တာရပ်ခံအပ်ပါတယ်။ ကျွမ်းကျင်နားလည်သူတွေက လုပ်ပေးနိုင်လိမ့်မယ်လို့ ကျနော်မျှော်လင့်ပါတယ်ဗျာ။
(ပြည်တွင်းကသူတွေ ကျော်ခွကြည့်ဖို့လည်း အိုင်တီဆရာလေးများပဲ တတ်ကျွမ်းမှာပါ)
ကျနော်တို့ အဲဒီကွန်ယက်လေးမှာ အချင်းချင်း အငြင်းပွားဖို့ မဟုတ်ဘူးနော်။ ပြည်သူ့အသံလေးတွေပို့ဖို့ပါ။
ဘာလို့လဲ ဆိုတော့ ဧရာဝတီဘလော့်လေးမှာ အထဲက သတင်းထောက်လူငယ်လေးတဦး ရင်ဖွင့်သွားတာ ကျနော်ကြိုက်တယ်။ ဒေါ်အောင်ဆန်းစုကြည်ကို ၀ိုင်းရံပေးနေတဲ့သူတွေက မောက်မာစွာ ဆက်ဆံတာကို ပြောပြသွားတာလေးပါ။ ကျနော်အမြင်ကတော့ သူတို့ဘက်ကလည်း ပူပန်မှုတွေ စိုးရိမ်မှုတွေ မယုံကြည်မှုလေးတွေ ရှိချင် ရှိနေမှာလေ။ ဒီပဲယင်းမှာ ကံကောင်းလို့  ဒေါ်စု မသေခဲ့တာ မဟုတ်လား။ တဘက်နဲ့ တဘက် နားလည်မှု မလွဲစေချင်ဘူး။
 ၈၈ တုန်းကလည်း မင်းမဲ့စရိုက်အသွင်ဖန်တီးပြီး အလေ့အကျင့် အတွေ့အကြုံမရှိတဲ့ ကျနော်တို့ပြည်သူတွေ ခံလိုက်ရတာကိုလည်း မမေ့စေချင်ဘူး။
အဲတော့ဗျာ …
မိုးမခထဲက ကိုပေါအသံ လို့ ကျနော်တို့ အားလုံး ရင်ဖွင့်လို့ရမယ့် နေရာလေးတခုတော့ လိုနေပြီဗျာ။ အပြင်ကလူတွေ (အင်တာနက်တွေ လျှောက်တက်လို့ ရလို့) အထဲကို သတိပေးလို့ ရတာလေးတွေ ပေးလို့ရတယ်ဗျာ။
ဥပမာ - ဒေါ်အောင်ဆန်းစုကြည် ရုံးကို လာတဲ့နေ့က ပြည်သူတွေ အရမ်းတိုးတာ ကြောက်စရာကောင်းတယ်။ ဂျင်ဂလိ (၈၈လက်နက်) နဲ့ ထိုးလိုက်လို့ ရတယ်။ ပြည်သူတွေထဲကပါ ထပ်ဆင့် ရံပေးသင့်တာမျိုးပေါ့။
ကျနော်တို့နိုင်ငံမှာ ပါတီမ၀င်လည်း VOLUNTEER လုပ်ပေးနိုင်တဲ့ဟာတွေ လူငယ်တွေ ၀ိုင်းရံပေးနိုင်တာမျိုးလေးတွေ ပြောပြပေးဖို့ အဲလိုမျိုးလေးပေါ့ဗျာ။
ကျနော့် စာရှည်သွားတယ်။ ခွင့်လွှတ်ပါ။ နားလည်ပေးနိုင်မယ် ထင်ပါတယ်။ ကျနော်တို့ ကြီးငယ်မဟူ မျိုးဆက်တွေ လက်ချင်းချိတ်ဖို့ပါ။
အနှစ်သာရပြည့်ဝတဲ့ ဖက်ဒရယ်ပြည်ထောင်စုနိုင်ငံတော်သစ်ဆီသို့
အားလုံးကို လေးစားစွာဖြင့်
ဖိုးဇီဝ

Wednesday, November 17, 2010

ဒေါ်အောင်ဆန်းစုကြည်အပေါ် စစ်အစိုးရ၏ တုံ့ပြန်ပြုမူပုံ အမေရိကန်စောင့်ကြည့်

ဒေါ်အောင်ဆန်းစုကြည် လွတ်မြောက် လာပြီးတဲ့နောက် မြန်မာစစ်အစိုးရရဲ့ ရှေ့ခြေလှမ်းကို မျက်ခြည်မပြတ် စောင့်ကြည့်နေမှာ ဖြစ်တယ်လို့ အမေရိကန် နိုင်ငံခြားရေးဌာန ပြောခွင့်ရသူ Mr. Philip Crowley က နိုဝင်ဘာ ၁၅ ရက် တနင်္လာနေ့ သတင်းစာရှင်းလင်းပွဲမှာ ပြောဆိုခဲ့ပါတယ်။

(Photo: AFP)
အမျိုးသား ဒီမိုကရေစီ အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည် ပါတီတာဝန်များကို ပြန်လည်စတင်သော နိုဝင်ဘာ ၁၅ ရက်က ဌာနချုပ်ရုံးတွင် သတင်းစာရှင်းလင်းပွဲ ပြုလုပ်နေပုံ ဖြစ်ပါသည်။ (Photo: AFP)
ရွေးကောက်ပွဲအပြီး ဒေါ်အောင်ဆန်းစုကြည် လွတ်မြောက်လာပြီးတဲ့နောက် အမေရိကန်ပြည်ထောင်စုရဲ့ မြန်မာပြည် မူဝါဒ အပြောင်းအလဲ ရှိမရှိမေးမြန်းရာမှာ Mr. Crowley က “မြန်မာပြည်နဲ့ပတ်သက်ပြီး မဟာဗျူဟာတရပ်ရှိပါတယ်၊ မြန်မာပြည်နဲ့ ဆက်လက် ထိတွေ့ဆက်ဆံသွားမယ်၊ စီးပွားရေး ပိတ်ဆို့အရေးယူမှုကလည်း ဆက်ရှိနေပါမယ်။”
“မြန်မာပြည်မှာ ကျနော်တို့ မြင်ချင်တာတွေ ရှိပါတယ်၊ တကယ့် အရပ်ဖက် လူ့ဘောင်တရပ် ပေါ်ထွန်းလာတာ မြင်ချင်ပါတယ်၊ ကျယ်ပြန့်တဲ့ နိုင်ငံရေးဖြစ်စဉ်တွေကို မြင်ချင်ပါတယ်၊ ဒေါ်အောင်ဆန်းစုကြည်ကို ကြိုဆိုကြတဲ့ လူထုကြီးကို ကြည့်လိုက်ရင် မြန်မာပြည်သူတွေဟာ အပြောင်းအလဲကို ဘယ်လောက် လိုချင်နေတယ် ဆိုတာ မြင်သာပါတယ်၊ ဒေါ်အောင်ဆန်းစုကြည်ကိုလွှတ်ပေးလိုက်ပြီး စစ်အစိုးရဘာလုပ်မလဲဆိုတာ ကျနော်တို့ အသေအချာ စောင့်ကြည့်နေမှာဖြစ်ပါတယ်” လို့ ပြောဆိုခဲ့ပါတယ်။

ရင်းမြစ်။ ။RFA

တိုင်းရင်းသားခေါင်းဆောင်များနှင့် ဒေါ်အောင်ဆန်းစုကြည် ပင်လုံညီလာခံကိစ္စ ဆွေးနွေး

ဒေါ်အောင်ဆန်းစုကြည်ကို တိုင်းရင်းသားခေါင်းဆောင်တွေ ပထမဆုံးအကြိမ် နိုဝင်ဘာ ၁၆ ရက် ဒီကနေ့ တွေ့ဆုံနှုတ်ဆက်ပြီး ဒုတိယအကြိမ် ပင်လုံညီလာခံ ကျင်းပပြုလုပ်နိုင်ရေး တင်ပြခဲ့တယ်လို့ သိရပါတယ်။

(Photo: AFP)
မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် (ရှေ့ဆုံး) အကျယ်ချုပ်မှ လွတ်မြောက်သည့် နိုဝင်ဘာ ၁၃ ရက်က စောင့်မျှော်နေသော လူထုကို နှုတ်ဆက်ရန် နေအိမ်ခြံဝသို့ သွားရောက်နေပုံ ဖြစ်ပါသည်။ (Photo: AFP)
ဒေါ်အောင်ဆန်းစုကြည်ကို မိမိတို့ အနေနဲ့ ပဏာမ တွေ့ဆုံတာဖြစ်ပြီး ဒုတိယအကြိမ် ပင်လုံညီလာခံ ကျင်းပနိုင်ရေး ဘာကြောင့် လိုအပ်တယ်ဆိုတာ အချက်ငါးချက်ကို ကိုးကား တင်ပြခဲ့တာလို့ ဇိုမီ အမျိုးသား ကွန်ဂရက်က ဥက္ကဋ္ဌ ဦးပူကျင်ရှင်းထန်က ခုလို ပြောပါတယ်။
“တမျိုးနဲ့တမျိုး မယုံသင်္ကာမရှိအောင် စိတ်ထဲမှာ ရှိသမျှကို ဖော်ဆောင်ပြီးတော့မှ ဆွေးနွေးနိုင်ဖို့ အခွင့်အရေးရှိမှ ဖြစ်မယ်ဆိုတဲ့ အနေမျိုးနဲ့ ဒါလုပ်တယ်။ အဲဒီဥစ္စာကို ခင်ဗျားလည်း လက်ခံတဲ့အပြင်၊ ဒီဥစ္စာကို ၂၁ ရာစု ပင်လုံညီလာခံမျိုး ဖြစ်အောင်ဆိုတာ ဆိုတော့ ကျွန်တော်တို့ ထင်တာထက် ပိုပြီးတော့ ကျယ်ပြန့်အောင် လက်ခံသွားတယ်လို့ ကျွန်တော်တို့ သဘောပေါက်တဲ့အတွက်ကြောင့် အဲဒါလည်းပဲ ဝမ်းသာပါတယ်ဆိုတာ။”
ဒေါ်အောင်ဆန်းစုကြည်က ဒုတိယအကြိမ် ပင်လုံညီလာခံ ကျင်းပရေးနဲ့ ပတ်သက်ပြီး ၂၁ ရာစုနဲ့ ကိုက်ညီတဲ့ ပင်လုံညီလာခံ ကျင်းပသင့်တယ်လို့ တနင်္ဂနွေနေ့က သတင်းစာရှင်းပွဲမှာ ပြောဆိုခဲ့ပါတယ်။ ဒီကနေ့ အစည်းအဝေးကို တက်ရောက်တဲ့ UNLD အဖွဲ့က ၉၀ ခုနှစ် ရွေးချယ်တင်မြှောက်ခံ အမတ် ဦးထောင်ခိုထန်းကလည်း ခုလိုပြောပါတယ်။
“၂၁ ရာစု ပင်လုံညီလာခံ ကျင်းပမယ်ဆိုတဲ့ဟာက သူက သဘောတူတယ်၊ ဘယ်လိုလုပ်မလဲ လုပ်နည်းလုပ်ဟန်တော့ စဉ်းစားရမယ်တဲ့။ ဒါကြောင့်မို့ ကျွန်တော်တို့က ဒီဟာက ကျွန်တော်တို့ တိုင်းရင်းသားတွေရဲ့ လိုအပ်ချက်ဖြစ်တယ်။ နောက် မြေပေါ်မြေအောက် နိုင်ငံရေးပါတီ အုပ်စုတွေကလည်း ဒီဟာတွေကို အကုန်လုံးက ထောက်ခံတဲ့အခါကျတော့ ဒီဟာက မရှိမဖြစ် လိုအပ်တဲ့ ဒုတိယ ပင်လုံညီလာခံ ဖြစ်တယ်ဆိုတာ ဒေါ်အောင်ဆန်းစုကြည်က လက်ခံတယ်။ အကောင်အထည် မပေါ်ပေါ်အောင် ဖော်မယ်ဆိုတဲ့သဘော တွေ့ရတဲ့အခါကျ ကျွန်တော်တို့ တော်တော်လေးကို အားရပါတယ်။”
အစည်းအဝေးကို ဒေါ်အောင်ဆန်းစုကြည်၊ ဦးတင်ဦး၊ ဦးဝင်းတင်၊ ဦးသန်းထွန်း၊ ဦးလှဖေ တို့ တက်ရောက်ကြသလို တိုင်းရင်းသားတွေဖက်က ဦးပူကျင်ရှင်းထန်၊ ဦးထောင်ခိုထန်း၊ နိုင်ငွေသိန်း၊ နိုင်ထွန်းသိန်း၊ ဦးသာဘန်း၊ ဦးရွှေကြူးနဲ့ ဦးစိုင်းတင်လှိုင်တို့ တက်ရောက်ကြတာပါ။
ဒုတိယအကြိမ် ပင်လုံညီလာခံကျင်းပရေးနဲ့ ပတ်သက်ပြီး အသေးစိတ်တိုင်ပင်မှုတွေ ဆက်လက် လုပ်ဆောင်သွားဖို့ ရှိတယ်လို့ သိရပါတယ်။

ရင်းမြစ်။ ။RFA

ဒေါ်အောင်ဆန်းစုကြည် လူငယ်များနှင့် တွေ့ဆုံမည်

ချင်းမိုင်(မဇ္စျိမ) ။     ။  အမျိုးသား ဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်က တိုင်းနှင့်ပြည်နယ်အသီးသီးမှ လူငယ်များကိုခေါ်ယူပြီး တွေ့ဆုံဆွေးနွေးမှုတခု ကျင်းပပြုလုပ်ရန် လုပ်ငန်းဖော်ဆောင်ရေး လူငယ်ခေါင်းဆောင်များအား ယနေ့ညွန်ကြားခဲ့ကြောင်း သိရသည်။

ပါတီလူငယ်တာဝန်ခံလည်းဖြစ်သည့် ဒေါ်အောင်ဆန်းစုကြည်က  ယနေ့မွန်းလွဲ ၁ နာရီတွင် အမျိုးသား ဒီမိုကရေစီအဖွဲ့ချုပ် ရုံးသို့ရောက်ရှိလာပြီး  တိုင်းနှင့်ပြည်နယ်အသီးသီးမှ လူငယ်အကူအညီပေးရေး အဖွဲ့များနှင့် နိုဝင်ဘာ ၂၂ ရက်နေ့တွင် တွေ့ဆုံဆွေးနွေးနိုင်ရန် ညွန်ကြားခဲ့သည်။

ရန်ကုန်တိုင်း ဗဟိုလူငယ်လုပ်ငန်းဖော်ဆောင်ရေးမှ ကိုအေးထွန်း၊ ကိုမြင့်ဌေး၊ ကိုမျိုးညွန့်၊ ကိုဘမောင်၊ မန္တလေးတိုင်းမှ ကိုလှဦး၊ စစ်ကိုင်းတိုင်းမှ ကိုဌေးငွေ၊ တနင်္သာရီတိုင်းမှ ကိုအောင်စိုး၊ ကချင်ပြည်နယ်မှ ကိုသင်းဇော်နှင့် ဗဟိုကော်မတီအဖွဲ့ဝင် မဖြူဖြူသင်းတို့နှင့် နာရီဝက်ကြာ တွေ့ဆုံစဉ် ညွန်ကြားခဲ့ခြင်း ဖြစ်သည်။

“လူငယ်တွေအပေါ်မှာထားတဲ့ အန်တီ့ သဘောထားတွေ သေသေချာချာ မြင်လိုက်ရတယ်။ လူငယ်ထုအားလုံး ပါဝင်လာမှုအတွက်ကိုလည်း စိတ်အားထက်တန်မှု ရှိတယ်။ လူငယ်တာဝန်ခံ မရှိတဲ့အချိန်မှာ ဆုံးဖြတ်ချက် ချရတာ အခက်အခဲရှိခဲ့တယ်။ လုပ်ရကိုင်ရတာ ပွင့်လင်းမှုမရှိဘူး။ လွတ်လပ်မှု မရှိတာတွေ ဖြစ်ခဲ့တာတွေရှိတယ်”ဟု NLD ဗဟိုကော်မတီအဖွဲ့ဝင်လည်းဖြစ်၊ ဗဟိုလူငယ်ဖော်ဆောင်ရေးအဖွဲ့ဝင် တဦးလည်းဖြစ်သူ မဖြူဖြူသင်းက မဇ္စျိမကိုပြောသည်။

အသက် ၁၈ နှစ်အထက်မှ ၃၅ နှစ်အောက် လူငယ်များ သာမက အသက် ၁၂ နှစ် အထက် လူငယ်များကိုလည်း စုစည်းနိုင်ရန် ညွန်ကြားခဲ့သည်ဟု မဖြူဖြူသင်းကဆိုသည်။

မြန်မာတနိုင်ငံလုံးတွင် ဗဟိုလူငယ်လုပ်ငန်းဖော်ဆောင်ရေး အဖွဲ့ဝင် တိုင်းနှင့်ပြည်နယ် အသီးသီးမှ လူငယ် ခေါင်းဆောင် ၈ ဦးရှိပြီး ယင်းတို့မှတဆင့် လူငယ်အကူအညီပေးရေး ခေါင်းဆောင် ၁၄ ဦးကိုလည်း ဖွဲ့စည်းထားပြီး ဖြစ်သည်။

ဒေါ်အောင်ဆန်းစုကြည်၏ ညွန်ကြားချက်အရ လာမည့် နိုဝင်ဘာလ ၂၂ ရက်နေ့တွင် တိုင်းနှင့် ပြည်နယ် အသီးသီးမှ လူငယ်များနှင့်စည်းဝေးပွဲ ကျင်းပရန် စီစဉ်မည်ဖြစ်ကြောင်း ယနေ့တွေ့ဆုံမှုတွင် ပါဝင်သူ လူငယ်လုပ်ငန်း ဖော်ဆောင်ရေးမှ လုံခြုံရေးနှင့် စည်းကမ်းထိန်းသိမ်းရေးတာဝန်ခံ ကိုဘမောင်က ပြောသည်။

“အခုလောလောဆယ် လူငယ်တွေနဲ့ တွေ့ဆုံပြောတယ်။ ကျနော်တို့အနေနဲ့တွေ့ဆုံရတာ ထိပ်တိုက်တွေ့ဆုံရတာ ဝမ်းသာတယ်။ အန်တီလုပ်ဆောင်မဲ့ အပေါ်မှာ ကျနော်တို့ နောက်ကနေ ဆောင်ရွက်သွားမှာပါ”ဟု မဇ္စျိမကို ပြောသည်။

တိုင်းနှင့် ပြည်နယ် အသီးသီးမှ လူငယ်အကူအညီပေးရေး တာဝန်ခံများကို လာမည့် နိုဝင်ဘာ ၂၂ ရက်နေ့တွင် ဒေါ်အောင်ဆန်းစုကြည်နှင့် တွေ့ဆုံပွဲသို့ တက်ရောက်ရန် အကြောင်းကြားထားပြီး ဖြစ်ကြောင်း လူငယ်လုပ်ငန်းဖော်ဆောင်ရေးမှ တတိယတာဝန်ခံ  ကိုအေးထွန်းက ပြောသည်။

ယခုနှစ် မတ်လမှ စတင်၍ NLD လူငယ်များ တိုးချဲ့ဖွဲ့စည်းခဲ့ရာ တနိုင်ငံလုံးမှမြို့နယ်များတွင် လူငယ်လုပ်ငန်း ဖော်ဆောင်ရေးအဖွဲ့များကို ဖွဲ့စည်းနိုင်ပြီး ဖြစ်ကြောင်း သိရသည်။

မနက်ဖြန် နေ့လည် ၂ နာရီတွင် ဒေါ်အောင်ဆန်းစုကြည်သည် တောင်ဒဂုံမြို့နယ်ရှိ အိတ်ခ်ျ်အိုင်ဗီ -အေအိုင်ဒီအက်စ် ဝေဒနာရှင်များ နေထိုင်ရာ နေအိမ်သို့ သွားရောက် တွေ့ဆုံမည် အားပေးမည် ဖြစ်ကြောင်း မဖြူဖြူသင်းက ပြောပြခဲ့သည်။

Saturday, November 13, 2010

ဒေါ်အောင်ဆန်းစုကြည် လွတ်ပြီ

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်ကို နေအိမ် အကျယ်ချုပ် ချထားရာမှ စစ်အစိုးရက ယနေ့ ညနေ ၅ နာရီ ၀န်းကျင်တွင် ပြန်လွှတ်ပေးလိုက်ပြီ ဖြစ်သည်။

ရန်ကုန်မြို့ တက္ကသိုလ် ရိပ်သာလမ်းရှိ ဒေါ်အောင်ဆန်းစုကြည်၏ နေအိမ် ခြံရှေ့တွင်လည်း လာရောက် စောင့်ဆိုင်းနေသော လူအုပ်မှာ ထောင်နှင့်ချီ၍ များပြားသည့်အတွက် အမျိုးသား ဒီမိုကရေစီ အဖွဲ့ချုပ်(NLD) ရှေ့နေ ဦးဉာဏ်ဝင်း က စနစ်တကျ ဖြစ်ရန် မေတ္တာရပ်ခံကြောင်း ဒေါ်အောင်ဆန်းစုကြည် ၏ အိမ်အနီး ရောက်နေသူများက ပြောသည်။

aung_san_suu_kyi_nov-01ဒေါ်အောင်ဆန်းစုကြည်သည် အင်္ကျီ လက်ရှည် ခရမ်းရောင် ဖျော့ဖျော့ကို ၀တ်ဆင်ထားကြောင်း၊ လာရောက်စောင့်ဆိုင်းသည့် လူထုထဲမှ ၎င်းအား သစ်ခွပန်းများပေး၍ ကြိုဆိုကြကြောင်း၊ ဒေါ်အောင်ဆန်းစုကြည် က ခြံဝသို့ ထွက်၍ လူထုကို နှုတ်ဆက် ကြောင်းလည်း သိရသည်။ ထို့နောက် ဒေါ်အောင်ဆန်းစုကြည်က ပထမဆုံး လူထုကို နှုတ်ဆက်စကားစ၍ ပြောကြားသည်ဟု နားထောင်နေသူ ဧရာဝတီ သတင်းထောက် တဦးက ပြန်ပြောပြသည်။

“မတွေ့တာကြာပြီဆိုတော့ ပြောစရာတွေ အများကြီးရှိတယ်၊ အဲဒါတွေ အားလုံး ကြားချင်ရင် မနက်ဖြန် ရုံးကို ၁၂ နာရီ လာခဲ့ အသံချဲ့စက်နဲ့ ပြောမယ်”ဟု လူထုကို ဒေါ်အောင်ဆန်းစုကြည် က ပြောရာ လူထုက တခဲနက် အားပေးကြကြောင်း သိရသည်။

ယနေ့ ညနေပိုင်းတွင် ဒေါ်အောင်ဆန်းစုကြည် လွတ်ပြီ ဆိုသည်နှင့် လာရောက် စောင့်ဆိုင်းသည့် လူအုပ်ကြီးက “ဒေါ်အောင်ဆန်းစုကြည် ကျန်းမာပါစေ”ဟု အော်ဟစ်၍ ၎င်း၏ ခြံရှေ့ကို ပြေးလာကြ ကြောင်း၊ လူအများစုမှာ ငိုကြပြီး တချို့ကလည်း ဘ၀မှာ အပျော်ဆုံးပဲဟု ပြောဆိုကြကြောင်း မျက်မြင်များက ပြောသည်။

ဒေါ်အောင်ဆန်းစုကြည် အိမ်အနီးရောက်ရှိနေသော ပြည်ထောင်စု ဒီမိုကရေစီပါတီ(UDP) ဥက္ကဌ ဟောင်း ဦးဖြိုးမင်းသိန်းက“လူထု ခေါင်းဆောင် တယောက် လွတ်မြောက်လာတဲ့အတွက် အတိုင်းမသိ ၀မ်းသာပါတယ်”ဟု ဧရာဝတီသို့ ပြောဆိုသည်။

ဒေါ်အောင်ဆန်းစုကြည် လွတ်မြောက်မှုကို လာရောက် စောင့်မျှော်နေသော အမျိုးသမီး တဦးကလည်း“လင်တွေ သားတွေတောင် မေ့သွားတယ်”ဟု ပြောသည်။

ဒေါ်အောင်ဆန်းစုကြည်၏ ရှေ့နေ ဦးဉာဏ်ဝင်းက“ဥပဒေကြောင်းအရ ဆက်လက်ထိန်းသိမ်းလို့ မရပါဘူး၊ ဘာဖြစ်လို့လည်း ဆိုတော့ ဒေါ်အောင်ဆန်းစုကြည်ဟာ နိုင်ငံရေးအမှုနဲ့ ကျခံနေရတာ မဟုတ်ဘူး၊ ရာဇ၀တ်မှုနဲ့ကျခံနေရတာ ဖြစ်တယ်၊ အကယ်၍ မလွတ်ခဲ့ဘူးဆိုရင်တော့ ဥပဒေစိုးမိုးမှု မရှိဘူးဆိုတာကို ပြသတာပဲ”ဟု ဧရာဝတီသို့ ပြောသည်။

ရှေ့နေကြီး ဦးအောင်သိန်းကလည်း“အုပ်ချုပ်ရေးအာဏာနဲ့ ထောင်ချပြီးပြီ၊ အုပ်ချုပ်ရေးအာဏာနဲ့ ထိန်းသိမ်းထားတဲ့ အချိန်မှာ ထိန်းသိမ်းတဲ့ ဥပဒေကို ဖောက်ဖျက် တယ် ဆိုပြီး တရားရုံးပေါ်မှာ တရားစွဲ ပြစ်ဒဏ်ချပြီးပြီ၊ ပြစ်ဒဏ်ချတဲ့ အပေါ်မှာ အုပ်ချုပ်ရေး အာဏာအရ ဗိုလ်ချုပ်မှူးကြီး သန်းရွှေ က တ၀က် ပြစ်ဒဏ်ပဲချဖို့ ပြောထားတယ်၊ အဲဒီ တ၀က်ကိုလည်း ကောင်းမွန်စွာ နေရင် စောလွှတ်မယ်လို့ ပြောထားတာ၊ အခု အဲဒီ တ၀က်က ပြည့်ပြီ၊ လတ်တလောမှာ နောက်ထပ် ထပ်တိုးစရာတော့ မပေါ်နိုင်ဘူး၊ သေချာပေါက် လွှတ်ရ တော့မယ်”ဟု ပြောကြားထားသည်။

ယနေ့တွင် ဒေါ်အောင်ဆန်းစုကြည် အိမ်အနီး ၀န်းကျင်နှင့် ရန်ကုန်မြို့ ဗဟန်းမြို့နယ်ရှိ NLD ရုံးချုပ်ရှေ့တွင် သတင်းထောက်များ ၊ နိုင်ငံခြားသားများ အပါအ၀င် လာရောက်သည့် လူထုမှာ ထောင်ဂဏန်းနှင့်ချီ များပြားလာ၍ အဓိကရုဏ်း နှိမ်နင်းသည့် လုံထိန်း တပ်ဖွဲ့ဝင်များ ရောက်ရှိလာပြီး တားဆီးမှုများ ပြုလုပ်သောကြောင့် ယင်းလူအုပ်ကို NLD မှ အခြေအနေ ထိန်းသိမ်းခဲ့ရကြောင်း သိရသည်။

ယနေ့ နံနက်ပိုင်းက NLD ရုံးချုပ်သို့ ပြင်သစ် သံရုံး၊ ဗြိတိသျှ သံရုံး၊ သြစတြေးလျ သံရုံး စသည့် သံရုံးများမှ အနောက်တိုင်း သံ တမန်များ၊ တိုင်းရင်းသား ခေါင်းဆောင်များ၊ ၂၀၁၀ ရွေးကောက်ပွဲ ၀င်ခဲ့သည့် ကိုယ်စားလှယ်လောင်းများလည်း လာရောက် ခဲ့သည်။

ဒေါ်အောင်ဆန်းစုကြည်သည် ၂၀၀၉ ခုနှစ် မေလအတွင်း နေအိမ်အကျယ်ချုပ် ၆ နှစ်ပြည့်ခါနီး အချိန်တွင် ၎င်း၏နေအိမ်တွင်းသို့ အမေရိကန်နိုင်ငံသား ဂျွန် ၀ီလျံ ယက်ထော ၀င်ရောက်ခဲ့ရာ နေအိမ် အကျယ်ချုပ်ဖောက်ဖျက်မှုဖြင့် သြဂုတ်လတွင် ထောင်ဒဏ် ၃ နှစ်ချမှတ်ခံခဲ့ရပြီးနောက် ဗိုလ်ချုပ်မှူးကြီးအမိန့်ဖြင့် နေအိမ် အကျယ် ချုပ် ၁၈ လသို့ ပြောင်းလဲ ကျခံစေခဲ့ခြင်း ဖြစ်သည်။

ဒေါ်အောင်ဆန်းစုကြည် ကျခံနေရသည့် နေအိမ်အကျယ်ချုပ် ၁၈ လ သည် ယနေ့ ပြည့်ပြီ ဖြစ်သည်။

ထို့ကြောင့် ယနေ့ ဒေါ်အောင်ဆန်းစုကြည်ကို လာရောက်စောင့်ဆိုင်းနေသည့် လူအုပ်ကြီးက “ဒေါ်အောင်ဆန်းစုကြည် ကျန်းမာပါစေ” “ ဒေါ်အောင်ဆန်းစုကြည်ကို ချက်ချင်း လွှတ်”ဟူသော ကြွေးကြော်သံများကို ကြွေးကြော် ခဲ့ကြသည်။

ဒေါ်အောင်ဆန်းစုကြည်သည် ၁၉၈၈ခု စက်တင်ဘာ ၂၇ ရက် အမျိုးသား ဒီမိုကရေစီအဖွဲ့ချုပ်(NLD)ပါတီ တည်ထောင် ရာတွင် ခေါင်းဆောင် တဦးအဖြစ် ပါဝင်ခဲ့သူဖြစ်သည်။

၎င်းသည် ၁၉၈၉ ခုနှစ် ဇူလိုင်လ ၂၀ ရက်နေ့တွင် ရန်ကုန်မြို့ရှိ နေအိမ်တွင် နေအိမ်အကျယ်ချုပ် ချခံခဲ့ရပြီး ၁၉၉၅ ခုနှစ် ဇူလိုင်လ ၁၀ ရက်နေ့တွင် ပြန်လည် လွတ်မြောက်လာသည်။ ၂၀၀၀ ခုနှစ် စက်တင်ဘာလ ၂၃ ရက်နေ့တွင် ဒေါ်အောင်ဆန်း စုကြည်သည် ထပ်မံ၍ နေအိမ်အကျယ်ချုပ် ၁၉ လ ထိန်းသိမ်းခံခဲ့ရပြီး ၂၀၀၂ ခုနှစ် မေလ ၆ ရက်နေ့တွင် ပြန်လည် လွတ်မြောက် လာခဲ့သည်။

၂၀၀၂ ခုနှစ် မေလက ဒေါ်အောင်ဆန်းစုကြည်သည် နေအိမ်အကျယ်ချုပ်မှ လွတ်မြောက်လာစဉ် နိုင်ငံအနှံ့ ခရီးထွက်ပြီး လူထု တရားပွဲများကို ကျင်းပခဲ့ရာ ၂၀၀၃ ခုနှစ် မေလ၌ စစ်ကိုင်းတိုင်း ဒီပဲယင်းဒေသတွင် ဒေါ်အောင်ဆန်းစုကြည်၏ ယာဉ်တန်းကို စစ်အစိုးရ ကျောထောက်နောက်ခံပြုထား သူများက တားဆီး ရိုက်နှက်ပြီးနောက်ပိုင်း နေအိမ် အကျယ်ချုပ် ချမှတ်ခံခဲ့ရသည်။

ဒေါ်အောင်ဆန်းစုကြည်သည် ၂၀၀၇ ခုနှစ် မေလ ၂၅ ရက်နေ့တွင် ထပ်မံ၍ နေအိမ်အကျယ်ချုပ် ၁ နှစ် တိုးခံခဲ့ရသည်။ စစ်အစိုးရ က ဆက်လက်ပြီး၂၀၀၈ ခုနှစ် မေလ ၂၇ ရက်နေ့တွင် ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်း ၁ နှစ် ထပ်မံ တိုး ခဲ့ပြန်သည်။

၂၀၀၉ ခုနှစ် မေလအတွင်း ဒေါ်အောင်ဆန်းစုကြည်သည် နေအိမ်အကျယ်ချုပ် ၆ နှစ်ပြည့်ခါနီး အချိန်တွင် ၎င်း၏နေအိမ်တွင်းသို့ အမေရိကန်နိုင်ငံသား ဂျွန် ၀ီလျံ ယက်ထော ၀င်ရောက်ခဲ့ရာ နေအိမ် အကျယ်ချုပ်ဖောက်ဖျက်မှုဖြင့် သြဂုတ်လတွင် ထောင်ဒဏ် ၃ နှစ်ချမှတ်ခံခဲ့ရပြီးနောက် ဗိုလ်ချုပ်မှူးကြီးအမိန့်ဖြင့် နေအိမ် အကျယ် ချုပ် ၁၈ လသို့ ပြောင်းလဲ ကျခံစေခဲ့ခြင်း ဖြစ်သည်။

လွန်ခဲ့သော နှစ်ပေါင်း ၂၂ နှစ်တာကာလ အတွင်း ဒေါ်အောင်ဆန်းစုကြည်ကို စစ်အစိုးရက ၁၅ နှစ်ကျော်ကြာ နေအိမ် အကျယ် ချုပ်ဖြင့် ထိန်းသိမ်းထားခဲ့သည်။

ဧရာဝတီ

Friday, November 12, 2010

ဒေါ်အောင်ဆန်းစုကြည် နာရီပိုင်းအတွင်း လွတ်မည်ဟုပြော

ဒေါ်အောင်ဆန်းစုကြည် ယနေ့ညနေတွင် လွတ်မည်ဟု အမျိုးသား ဒီမိုကရေစီ အဖွဲ့ချုပ် (NLD) ရုံးချုပ်မှ အဖွဲ့ဝင်များက ပြောသည်။

ရန်ကုန်ရှိ NLD ရုံးချုပ်တွင် ရောက်ရှိနေသော တောင်ငူမြို့နယ် NLD လွှတ်တော်ကိုယ်စားလှယ် ဦးအောင်စိုးမြင့်က “ဒီနေ့မနက် ဒေါ်အောင်ဆန်းစုကြည်လည်း လက်မှတ်ထိုးပြီးပြီ။ ညနေ ၄ နာရီလောက်တော့ ထွက်မယ်” ဟု ဧရာဝတီသို့ ပြောသည်။

supporters-aung-san-suu-kyi-apဒေါ်အောင်ဆန်းစုကြည်၏ တက္ကသိုလ်ရိပ်သာလမ်း နေအိမ်ရှေ့တွင် လူအများစောင့်ဆိုင်းနေကြကြောင်း၊ ဒေါ်အောင်ဆန်းစုကြည် လွတ်မြောက်ပြီးနောက် ညနေပိုင်းတွင် သတင်းစာရှင်းလင်းပွဲ လုပ်ဖွယ် ရှိကြောင်းလည်း သိရသည်။

NLD အဖွဲ့ဝင်များက ဒေါ်အောင်ဆန်းစုကြည် လွတ်မြောက်လာလျှင် “We Stand With Aung San Suu Kyi” ဆိုသည့် စာတန်းပါတီရှပ်များကို ၀တ်ဆင်၍ ရုံးချုပ်ရှေ့တွင် ကြိုဆိုရန် စောင့်စားနေကြောင်း သိရှိရသည်။

ဒေါ်အောင်ဆန်းစုကြည်ကို လွှတ်ပေးရန် ဗိုလ်ချုပ်မှူးကြီး သန်းရွှေ ကိုယ်တိုင် ယနေ့လက်မှတ်ထိုးသည်ဟု ရန်ကုန်မြို့မှ လာသော သတင်းများက ဆိုသည်။

မွန်းလွဲ ၁၂ နာရီတွင် လွှတ်မိန့်စာကို ၎င်း၏နေအိမ်သို့ တာဝန်ရှိသူများက သွားရောက်ဖတ်ပြခဲ့သည်ဟု သတင်းများ ထွက်ပေါ်လာကြောင်း ရန်ကုန်မြို့ခံ သတင်းသမားတဦးကပြောသည်။

ယနေ့တွင် NLD လူငယ်များက ဒေါ်အောင်ဆန်းစုကြည်ကို ကြိုဆိုသည့်အနေဖြင့် ရန်ကုန်မြို့ရှိ ဆေးရုံကြီးများတွင် သွေးလှူဒါန်းကြကြောင်း သိရသည်။

NLD ရုံးချုပ်တွင် လူ ၅၀၀ ခန့် စုရုံးရောက်ရှိနေပြီး ရုံးချုပ်အနီးတွင် လုံခြုံရေး တင်းကျပ်ထားကြောင်း NLD ခေါင်းဆောင်တဦးဖြစ်သူ ဦးဝင်းတင်က ပြောသည်။

ရင်းမြစ်။ ။ဧရာဝတီ

Thursday, November 11, 2010

အာဆီယံနှင့် ကမ္ဘာကြီး ရင်ဆိုင်နေရသော စိန်ခေါ်မှုတစ်ရပ်မှာ မြန်မာနိုင်ငံတွင် ဒီမိုကရေစီဖြစ်ထွန်းရေးဖြစ်ကြောင်း အိုဘားမားပြောကြား၊ မြန်မာ့ဒီမိုကရေစီရေးတွင် အင်ဒိုနီရှား၏ အခန်းကဏ္ဍကို မျှော်လင့်နေဟုဆို

    အာရှနိုင်ငံများသို့ ခရီးထွက်နေသော အမေရိကန်သမ္မတ ဘာရက်အိုဘားမားသည် အိန္ဒိယသို့ရောက်ရှိခိုက် မြန်မာရွေးကောက်ပွဲကို ဝေဖန်ခဲ့ပြီးနောက် အင်ဒိုနီးရှားသို့ ရောက်ရှိလာသောအခါတွင်လည်း မြန်မာ့ဒီမိုကရေစီအရေးကိုထပ်မံ ထည့်သွင်းပြောကြားခဲ့သည်ဟု သိရသည်။ အိုဘားမားက အာဆီယံနှင့် ကမ္ဘာကြီးရင်ဆိုင်နေရသော စိန်ခေါ်မှုတစ်ရပ်မှာ မြန်မာနိုင်ငံတွင် ဒီမိုကရေစီဖြစ်ထွန်းရေးပင်ဖြစ်ကြောင်း အိုဘားမားက သုံးသပ်ခဲ့သည်။

        နိုဝင်ဘာလ ၉ ရက်နေ့က အင်ဒိုနီးရှားသမ္မတ ဆူဆီလိုဘမ်ဘန်းယူဒိုယိုနိုနှင့် အစည်းအဝေးအပြီး  ပူးတွဲသတင်းစာရှင်းလင်းပွဲတွင် အိုဘားမားက ၂၀၁၁ တွင် အာဆီယံ ဥက္ကဋ္ဌဖြစ်လာမည့် အင်ဒိုနီးရှား၏ မြန်မာပြည်ဒီမိုကရေစီအရေးတွင် ပါဝင်မည့် အခန်းကဏ္ဍကို အမေရိကန်ပြည်ထောင်စုက စောင့်မျှော်နေကြောင်း ပြောကြားခဲ့ခြင်းဖြစ်သည်။

        "အာဆီယံနဲ့ကမ္ဘာကြီးမှာ ရင်ဆိုင်နေရတဲ့ စိန်ခေါ်မှုတွေထဲက တစ်ရပ်က မြန်မာပါပဲ။ မြန်မာနိုင်ငံနဲ့ အခွင့်အရေးဆိုင်ရာ ကိစ္စရပ်တွေမှာ ကာကွယ်ပေးဖို့ အင်ဒိုနီးရှားက ဘယ်အခန်းကဏ္ဍက ရပ်တည်မယ်ဆိုတာ ကျွန်တော်စောင့်မျှော်နေပါတယ်"ဟု အိုဘားမားကပြောကြားခဲ့သည်။

        "မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲဖို့နဲ့ လူ့အခွင့်အရေး ကာကွယ်ပေးမှု သေချာစေဖို့ ဆက်လက်လှုံ့ဆော်တိုက်တွန်းရပါမယ်" ဟုအိုဘားမားကပြောကြားခဲ့သည်။

        မြန်မာနိုင်ငံ ဆက်လျှောက်ရမည့်အဓိကခြေလှမ်းတစ်ရပ်မှာ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားအားလုံးကို လွှတ်ပေးရေးဖြစ်ကြောင်း အိုဘားမားက သုံးသပ်သည်။ ယူဒိုယိုနိုကမူ မြန်မာနိုင်ငံတွင် ဒီမိုကရေစီဖော်ဆောင်ရေး အောင်မြင်မည်ဟု ဆက်လက်ယုံကြည်ဆဲဖြစ်ကြောင်း ပြောကြားခဲ့သည်။

Ref; AFP, Waiting To See Indonesia’s Role For Myanmar Democratisation

Wednesday, November 10, 2010

“NLD မှန်ပါတယ်” ဟု ဦးနေမျိုးဝေပြော


မတူကွဲပြားခြင်းနှင့် ငြိမ်းချမ်းရေး ပါတီ ခေါင်းဆောင် ဦးနေမျိုးဝေက NLD ပါတီက ရွေးကောက်ပွဲ သပိတ်မှောက်ရန် ပြောစဉ် နားမထောင်မိကြောင်း၊ ကြံ့ဖွံ့ပါတီနှင့် ရွေးကောက်ပွဲ ကော်မရှင်ကိုလည်း ယခုလောက် မတရား လုပ်လိမ့်မည် မထင်မိကြောင်း၊ NLD မှန်ကန်ကြောင်း၊ ၎င်းတို့အနေနှင့် တစုံတခု ပြောခွင့်ရမည် ထင်သောကြောင့် ရွေးကောက်ပွဲ ဝင်မိကြောင်း၊ ယခုအခါ လွှတ်တော်တွင် ပြောခွင့်မရတော့သဖြင့် အပြင်ကသာ ပြောရမည်ဖြစ်ကြောင်းနှင့် “NLD မှန်ပါတယ်” ဟု 
RFA သတင်းဌာနသို့ ပြောသွားသည်။ 

Sunday, November 7, 2010

အမျိုးသား ဒီမိုကရေစီ အင်အားစုပါတီမှ မဲရုံကိုယ်စားလှယ်အား ပြည်ခိုင်ဖြိုးပါတီမှ ဓာတ်ပုံရိုက်သဖြင့် ရွေးကောက်ပွဲ ကော်မရှင်ထံသို့ တိုင်ကြားထားကြောင်း သိရ

 မြစ်ကြီးနားမြို့ပေါ်ရှိ ဧရာမဲရုံတွင် အမျိုးသားဒီမိုကရေစီ အင်အားစုပါတီ၏ မဲရုံကိုယ်စားလှယ်အဖြစ် တာဝန်ယူထားသူအား ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ပုဂ္ဂိုလ်တစ်ဦးက ဓာတ်ပုံရိုက်ယူသဖြင့် အဆိုပါ မဲရုံကိုယ်စားလှယ်က ရပ်ကွက်ရွေးကောက်ပွဲ ကော်မရှင်ထံသို့ တိုင်ကြားခဲ့ကြောင်း သိရသည်။ ရပ်ကွက်ကော်မရှင်ကလည်း အဆိုပါတိုင်ကြားမှုအား မြို့နယ် ရွေးကောက်ပွဲကော်မရှင်သို့ ဆက်လက် တိုင်ကြားခဲ့သည်ဟု သိရပါသည်။
     အမျိုးသား ဒီမိုကရေစီ အင်အားစုပါတီမှ တာဝန်ရှိသူတစ်ဦးက" မြစ်ကြီးနားမြို့ပေါ်မှာ မဲရုံပေါင်း ၁၀၀ကျော် ရှိပါတယ်။ အဲဒီအထဲက မှ မဲရုံ ၃၀မှာ ကျွန်တော်တို့ မဲရုံကိုယ်စားလှယ်တွေ စောင့်ကြည့်လျက် ရှိပါတယ်။ မဲပေးမှုတွေ ပြီးဆုံးသွားလို့ ဆန္ဒမဲလက်မှတ်တွေကို ရေတွက်တဲ့အခါမှာ သက်ဆိုင်ရာ မဲရုံမှူးတွေ၊ ရယကအဖွဲ့ဝင်တွေ၊ ပါတီတွေက မဲရုံကိုယ်စားလှယ်တွေနဲ့ အများပြည်သူရဲ့ရှေ့မှာ ရေတွက်ရပါမယ်။ ဒီလိုမဟုတ်ဘဲ ရလဒ်တွေကို အများပြည်သူ အရှေ့မှာ ရေတွက်ချင်းမရှိဘဲ ထုတ်ပြန်ခဲ့ရင်တော့ ကန့်ကွက်သွားမှာပါ"ဟု ပြောဆိုခဲ့သည်။
     မြစ်ကြီးနားမြို့မှ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ တာဝန်ရှိသူတစ်ဦးကမူ" ဆန္ဒမဲလက်မှတ်တွေကို မဲရုံမှူးတွေ၊ ရယကအဖွဲ့ ၀င်တွေနဲ့ ပါတီကိုယ်စားလှယ်တွေ အရှေ့မှာ ရေတွက်ရမယ်ဆိုတာ သိထားပြီးဖြစ်ပေမဲ့ အများပြည်သူပါ၊ မပါကတော့ မသိရသေးပါဘူး"ဟု ပြောကြားခဲ့သည်။

www.first-11.com

မဲရေတွက်ချိန်တွင် စောင့်ကြည့်ကြရန် ပြည်သူများကို လွှတ်တော်ကိုယ်စားလှယ်လောင်းများ ပန်ကြား

နိုဝင်ဘာလ (၇)ရက်နေ့ ယနေ့တွင် ပြုလုပ်လျက်ရှိသော ပါတီစုံ ဒီမိုကရေစီ အထွေထွေ ရွေးကောက်ပွဲ၌ မဲရုံ၌ မဲရေတွက်ချိန်တွင် စောင့်ကြည့်ကြရန် ပြည်သူများကို လွှတ်တော် ကိုယ်စားလှယ်လောင်းများက ပန်ကြားခဲ့ကြပါသည်။
''ဒီမိုကရေစီတံခါးကို တွန်းဖွင့်မဲ့ ပြည်သူတွေ အနေနဲ့ မဲရုံပိတ်ချိန် မဲရေတွက်မှုမှာ စောင့်ကြည့်ဖို့ဆိုတာ ဒီနေ့အတွက် အဓိကကျတဲ့ တာဝန်ကြီးတစ်ရပ်လို့ ပြောချင်ပါတယ်။ ပုဇွန်တောင်မြို့နယ်မှာ မဲရုံ (၆၂)ရုံ ရှိပါတယ်။
ကျွန်တော်ကတော့ မဲရုံကိုယ် စားလှယ် တစ်ယောက်မှ မထားပါဘူး။ ဘာဖြစ်လို့လဲဆိုရင် ကျွန်တော်က ကျောင်းဆရာ လုပ်ခဲ့ဖူးတော့ ကျွန်တော်နဲ့ သိကျွမ်းတဲ့ မိတ်ဆွေတွေ ပညာရေး ၀န်ထမ်းတွေ အကုန်လုံးက မဲရုံတွေမှာ တာဝန်ကျနေပါတယ်။ လာရောက် မဲပေးတဲ့သူတွေက ကျွန်တော် ထင်ထားတာထက် တော်တော်ကိုများပါတယ်။ No Vote တွေကြောင့် မဲရုံမှူးတွေ အိပ်ငိုက်နေမယ်လို့ ကျွန်တော် ထင်ထားတာပါ။ အခုတော့ ကျွန်တော်ကိုယ်တိုင် တန်းစီပြီး မဲထည့်ခဲ့ရပါတယ်''ဟု ပုဇွန်တောင်မြို့နယ်၊ ပြည်သူ့လွှတ်တော် ကိုယ်စားလှယ်လောင်း ဦးရန်ကျော် က ပြောကြားခဲ့ပါသည်။
''ဒါပြည်သူတွေရဲ့ ဆန္ဒဖြစ်တဲ့ အသည်းကြားက မဲတစ်ပြားပါ။ မလေလွင့်ဖို့ အဆုံးရှုံး မခံဖို့ကို ပေးတဲ့ မဲက ကိုယ်ပေးတဲ့သူအတွက် မဟုတ်ဘဲ၊ တစ်ခြားတစ်ဘက်ကို ပြောင်းမသွားဖို့ မဲရုံတွေကိုသွားပြီး မဲရေတွက်တာ ပြည်သူတွေ စောင့်ကြည့်ပေးပါလို့ မေတ္တာရပ်ခံလိုပါတယ်။ ပြည်သူတွေအနေနဲ့ မဲပေးရုံနဲ့ တာဝန်ပြီးဆုံးပြီလို့ မယူဆစေချင်ပါဘူး။ တန်ဖိုးရှိတဲ့ မဲတွေ မဆုံးရှုံးဖို့ပါ။ မဲရုံတွေကို ပြည်သူတွေ လွတ်လွတ်လပ်လပ် သွားလို့ရပါတယ်။ ရေတွက်တာကို စောင့်ကြည့်ဖို့ (၁၀)ဦး လက်မှတ်ထိုးရမှာ ဖြစ်ပါတယ်။ အဲဒီတာဝန်ကို ပြည်သူတွေ ထမ်းဆောင်ပေးကြပါလို့ မေတ္တာ ရပ်ခံချင်ပါတယ်''ဟု အမျိုးသားလွှတ်တော် ကိုယ်စားလှယ်လောင်း ဒေါက်တာမြတ်ဉာဏစိုးက ပြောပြခဲ့သည်။
''ပြည်သူတွေ အနေနဲ့ ကိုယ်ပေးခဲ့တဲ့ မဲတန်ဖိုးကို သိရဖို့ မဲရုံတွေမှာ ရေတွက်ပြီးချိန်အထိ စောင့်ကြည့်စေချင်ပါတယ်။ ဒါမှ ရေတွက်ပြီးချိန်မှာ ကိုယ်ပေးခဲ့တဲ့မဲ ဘယ်လောက် အရာရောက်သလဲဆိုတာ သိရမှာပါ။ အခု ရန်ကင်း ၁၂ နဲ့ ၁၁ ရပ်ကွက်မှာ ပြည်သူတွေ အများအပြား မဲလာပေးတာ ပေးတဲ့သူ များလွန်းလို့ တန်းစီကြရပါတယ်။ ကျွန်တော်ကိုယ်တိုင်တောင် မဲပေးဖို့ မသွားသေးပါဘူး။ ပြည်သူတွေကို ဦးစားပေးချင်လို့ပါ။ ပြည်သူတွေ တော်တော်များများ မဲပေးပြီး နေ့ခင်းလောက်မှ မဲသွားပေးပါ မယ်။ ကျွန်တော်ပြောချင်တာက No Vote အစီအစဉ် မအောင်မြင်ဘူး ဆိုတာပါ''ဟု ရန်ကင်းမြို့နယ် ပြည်သူ့လွှတ်တော် ကိုယ်စားလှယ်လောင်း ဦးမျိုးသန့်က ပြောကြားခဲ့ပါသည်။
အမျိုးသားလွှတ်တော် ကိုယ်စားလှယ်လောင်း ဒေါ်ခင်ဝိုင်းကြည် ကလည်း ''ကျွန်မ ၀င်ပြိုင်တာ မဲဆန္ဒနယ် သုံးနယ်မှာပါ။သုံးခုစလုံးမှာ မဲရုံကိုယ်စားလှယ် မထားပါဘူး။ ဘာလို့လဲဆိုတော့ ကျွန်မကို ယုံကြည်တဲ့ ပြည်သူတွေကို ကျွန်မကလည်း ယုံ ကြည်လို့ပါ။ ဒါကြောင့် ကျွန်မကို ယုံကြည်တဲ့ ပြည်သူတွေက မေတ္တာထားပြီး ကျွန်မကိုယ်စား မဲရုံတွေမှာ ဂရုတစိုက် ၀ိုင်းဝန်းကူညီ စောင့်ကြည်ပေးမယ်ဆိုတာ ယုံကြည်ပါတယ်။ ပြည်သူတွေက စောင့်ကြည့်ပေးဖို့ကိုလည်း ကျွန်မအနေနဲ့ အထူးပဲ မေတ္တာရပ်ခံအပ်ပါတယ်။ အခုဆိုရင် ကျွန်မမှာ ကိုယ်စားလှယ်မရှိလို့ မဲရုံတွေကို ကျွန်မကိုယ်တိုင်သွားပြီး မဲရုံမှူးတွေ အပါအ၀င် ရွေးကောက်ပွဲမှာ တာဝန်ရှိသူတွေကိုလည်း မေတ္တာရပ်ခံထားပါတယ်''ဟု ပြောကြားခဲ့သည်။
''မဲရုံတွေ ပိတ်ပြီးတဲ့ အခါမှာ မဲဆန္ဒရှင်တွေ အနေနဲ့ မဲရေတွက်မှုကို ကိုယ်တိုင် သွားကြည့်ခွင့် ရှိတယ်။ အဲဒါကို သွားကြည့်မှလည်း ကိုယ်ပေးထားတဲ့မဲ တန်ဖိုးရှိမရှိဆိုတာ သိနိုင်မယ်။ မကြောက်မရွံ့နဲ့ သွားရောက် ကြည့်ရှုဖို့ စောင့်ကြည့်ပေးဖို့ ပန်ကြား ချင်ပါတယ်။ အခု ကျွန်တော်သိထားသလောက် တာမွေမြို့နယ်မှာ မဲရုံပေါင်း ၁၉၉ ရုံ ရှိပါတယ်။ ကျွန်တော့်ဆီက သွားကြည့်နိုင်တာ ၁၅ ရုံပဲ ရှိတယ်။ ဒါကြောင့် ကျန်တဲ့ မဲရုံတွေကို ပြည်သူတွေ ကြည့်ပေးဖို့ မေတ္တာရပ်ခံချင်ပါတယ်'' ဟု ပြည်သူ့လွှတ်တော် ကိုယ်စားလှယ်လောင်း ဦးသိန်းတင်အောင်က ပြောကြားခဲ့သည်။
ပြည်သူ့လွှတ်တော် ကိုယ်စားလှယ်လောင်း ဦးသုဝေကလည်း ''ကျွန်တော်ကတော့ မဲရုံကိုယ်စားလှယ် အပြည့်အ၀ မထားနိုင်ပါဘူး။ ထားနိုင်တဲ့ နေရာမှာလည်း မဲရုံမှူးတွေက ပြောပါတယ်။ မဲရေတွက်မှုကို ကြည့်လို့ရပါတယ်။ ဒါပေမယ့်လို့ ရေတွက်လို့ ရတဲ့ အဖြေတွေကို တယ်လီဖုန်းနဲ့ ပြန်ပြီး သတင်းမပေးပို့ရဘူးလို့ ဆိုပါတယ်။ ဒါ့ကြောင့် ပြည်သူတွေ အနေနဲ့မဲရုံမှာ မဲရေတွက်မှုကို စောင့်ကြည့်ပေးဖို့ မေတ္တာရပ်ခံလိုပါတယ်''ဟု ပြောကြားခဲ့ပါသည်။

www.first-11.com

ဗိုလ်ချုပ်မှူးကြီးသန်းရွှေ ဇေယျာသီရိမြို့နယ်တွင် မဲပေးခဲ့

ဗိုလ်ချုပ်မှူးကြီး သန်းရွှေသည် ယနေ့ နံနက်က နေပြည်တော် ခရိုင် ဇေယျာသီရိ မြို့နယ်တွင် မဲပေးသွားခဲ့ကြောင်း သတင်းရရှိသည်။

ဇေယျာသီရိ မြို့နယ်သည် နအဖ ခေါင်းဆောင် တဦးဖြစ်သည့် သူရ ဦးရွှေမန်း ကြံ့ဖွံ့ပါတီ ပြည်သူ့လွှတ်တော် ကိုယ်စားလှယ် အဖြစ် ဝင်ရောက်ယှဉ်ပြိုင်သည့် နယ်မြေဖြစ်သည်။ ထိုနယ်မြေတွင် ၎င်းနှင့် ယှဉ်ပြိုင်မည့်သူအဖြစ် တစည ပါတီမှ ဦးချစ်စိန်သာ ရှိသည်ဟု သိရသည်။

Myanmar's-military-junta-leader,-General-Than-Shweအဆိုပါ ဒေသတွင် မဲပေးနိုင်သူ ဦးရေ၏ ၆၂ ရာခိုင်နှုန်း မဲလာပေးသည်ဟု တာဝန်ရှိသူများက သတင်းထောက်များ၏ မေးမြန်းချက်ကို ဖြေကြားခဲ့သည်။

သို့ရာတွင် လေ့လာသူ သတင်းထောက်များ၏ အဆိုအရ နေပြည်တော် ခရိုင် ၈ မြို့နယ်တွင် မဲပေးနိုင်သူ၏ ၅၀ ရာခိုင်နှုန်းခန့်သာ မဲပေးနိုင်သည်ဟု သိရသည်။

နေပြည်တော် ဒေသ၌ မဲပေးကြရာတွင် ပယ်မဲ များနိုင်ကြောင်းလည်း လေ့လာသူတို့က ခန့်မှန်းကြသည်။

“လူတွေက မဲ ဘယ်လို ပေးရမယ်ဆိုတာ နားမလည်ကြဘူး။ အဲဒီတော့ ပယ်မဲ များနိုင်တယ်” ဟု ဒေသခံ လေ့လာသူ တဦးက ပြောသည်။

ဇေယျာသီရိ၊ ပုဗ္ဗသီရိ၊ ဥတ္တရသီရိ၊ ဇမ္ဗူသီရိ၊ ဒက္ခိဏသီရိ၊ ပျဉ်းမနား၊ တပ်ကုန်း၊ လယ်ဝေး စုစုပေါင်းမြို့နယ် ၈ ခုပါဝင်သော နေပြည်တော်ခရိုင်တွင် မဲပေးနိုင်သူလူဦးရေ ၆ သိန်း ကျော်နေထိုင်ကြောင်း ပြည်ထောင်စု ရွေးကောက်ပွဲ ကော်မရှင်၏ ထုတ်ပြန်ချက်အရ သိရသည်။

နေပြည်တော်တွင် စစ်ရာထူးများမှ အငြိမ်းစား ယူထားသည့် ဗိုလ်ချုပ်ကြီးများ ယှဉ်ပြိုင်ကြရာ သူရဦးရွှေမန်းက ဇေယျာသီရိမြို့နယ်၊ ဦးသိန်းစိန်က ဇမ္ဗူသီရိမြို့နယ်၊ သီဟသူရ ဦးတင်အောင် မြင့်ဦးက ပုဗ္ဗသီရိမြို့နယ်၊ ဦးမြင့်လှိုင်က ဒက္ခိဏသီရိမြို့နယ် တို့တွင် ကြံ့ဖွံ့ပါတီ၏ ပြည်သူ့လွှတ်တော် ကိုယ်စားလှယ် လောင်းများ ဖြစ်ကြသည်။

အဆိုပါ ဒေသတွင် ပြည်သူ့လွှတ်တော်အ မတ် ၁၉ ဦး၊ အမျိုးသား လွှတ်တော်အမတ် ၆ ဦး ၀င်ရောက် ယှဉ်ပြိုင်မည် ဖြစ်ပြီး ကြံ့ဖွံ့ပါတီက ၁၀ ဦး၊ တစည ပါတီမှ ၁၀ ဦး၊ အမျိုးသား နိုင်ငံရေး မဟာမိတ်အဖွဲ့က ၁ ဦး၊ ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ်မှ ၂ ဦး၊ တသီးပုဂ္ဂလ လွှတ်တော် အမတ်လောင်း ၂ ဦးတို့ ပါဝင်ယှဉ်ပြိုင်မည် ဖြစ်ကာ ကြံ့ဖွံ့ပါတီနှင့် တသီးပုဂ္ဂလ အမတ်လောင်းများသာ စည်းရုံးလှုပ်ရှားမှု အားကောင်းခဲ့ကြောင်း သိရသည်။

ရင်းမြစ်။ ။ဧရာဝတီ

Thursday, November 4, 2010

ဗျိုင်းနားဘုရင်

ကျနော်တို့နိုင်ငံမှာ ဘာပဲဖြစ်ဖြစ် (တရားသည်ဖြစ်စေ၊မတရားသည်ဖြစ်စေ) ရွေးကောက်ပွဲကတော့ကျင်းပတော့မှာပါ ။ ပြည်သူတွေက တော့ ဗျိုင်းနားဘုရင်လိုမျိုးမဖြစ်ပါစေနဲ့လို့ ဆုတောင်းနေရုံမှတပါးမတတ်နိုင်ပါဘူးလို့ပြောကြပါတယ် ..။
တစ်ခါတုန်းကပေါ့ .......
မင်းလောင်းပေါ်မယ် လို့တစ်တိုင်းပြည်လုံး ပြောနေကြလေရဲ့..။ မင်းလောင်းဖြစ်မယ့်သူဟာ အရှေ့ အရပ်က ဗျိုင်းကြီးက လာပြီးနားတဲ့သူ ဖြစ်မယ်လို့ တစ်တိုင်းတစ်ပြည်လုံးပြောနေကြတယ်။ အဲဒီတော့လူတိုင်းလူတိုင်းဟာ ကိုယ့်ပေါ် ဗျိုင်းနားပါစေလို့ ဆုတောင်းရင်း ဘယ်သူ့အပေါ်များနားမလဲဆိုတာလည်း သိချင်တော့ လမ်းတွေပေါ်ရောက်နေကြတာပေါ့..။ အဲဒီထဲမှာ ဆင်းရဲသား သားအဖ နှစ်ယောက်လည်း ပါတာပေါ့ ..။
  သား ဖြစ်သူက အဖေ ... တကယ်လို့ ဗျိုင်း က အဖေ့ အပေါ်နားလို့ အဖေများ ဘုရင်ဖြစ်ခဲ့ရင် ဘာလုပ်မလဲ..။
   အဲဒီလို သားဖြစ်သူက မေးတော့ သူ့အဖေက ငါသာ ဘုရင်ဖြစ်လို့ကတော့ တိုင်းပြည် ကောင်းစားအောင်
ဘာတွေလုပ်မယ် ။ ဘယ်လိုလုပ်ပေးမယ် စသည်ဖြင့်ပြောတာပေါ့ဗျာ။
အဖေ ဖြစ်သူက ငါ့သား တကယ်လို့ မင်းကိုများ ဗျိုင်းနားလို့ မင်းဘုရင်ဖြစ်ရင်ရော လို့ 
မေးလိုက်တော့ သားဖြစ်သူက ကျနော်သာ ဘုရင်ဖြစ်လို့ကတော့ တိုင်းပြည် ကမောက်ကမ ဖြစ်အောင် ကို လုပ်ပစ်လိုက်မယ် လို့ပြောလိုက်ပါတယ်....။
 ဒီလို နဲ့ အရှေ့ အရပ်က ဗျိုင်း ကြီး ရောက်လာပြီပေါ့ဗျာ ..။ ကံဆိုးစွာပဲ ဗျိုင်းကြီး က ခုန ဆင်းရဲ သား သားအဖ နှစ်ယောက်ဆီ ကိုပျံလာပြီး သားဖြစ်သူကို နားလိုက်ပါတော့တယ်ဗျာ...။
ဒီလိုနဲ့ ဗျိုင်းနား ဘုရင်ကြီး တိုင်းခန်းလှည့်လည် လာတော့တာပေါ့ဗျာ ။ လမ်းမှာ တွေ့သမျှ ကမောက်ကမ တွေ ဖန်တီးပါတော့တယ်.....။
တစ်နေရာ အရောက် သူဋ္ဌေး တစ်ဦး အိမ်ကိုရောက်တော့ သူဋ္ဌေးကြီးကိုမေးတာပေါ့ ။ ခင်ဗျား ဒီတိုက်ကြီးနဲ့ နေတာ ဘယ်လောက်ကြာပြီလဲ ။ ဒီတော့ သူဋ္ဌေးကြီးက ကျနော်တို့ ဘိုးစဉ် ဘောင်ဆက် ချမ်းသာတော့ ဒီတိုက်ကြီးနဲ့ မွေးကတည်းက နေလာတာပါလို့ ပြောလိုက်သတဲ့..။ ဒီတော့ ဗျိုင်းနား ဘုရင်က ခင်ဗျား တိုက်နဲ့ နေတာ ကြာပြီ ဆိုတော့ သွား တဲပေါ် ဆင်း ။ နောက် မကြာခင်ကမှ လက်ထပ်ထားတဲ့ လင်မယား ကိုတွေ့ပါလေရောဗျာ ..။ အဲဒီတော့ မင်းတို့ လက်ထက်တာ မကြာသေးဘူးမဟုတ်လား ...။ အဲဒီတော့ မင်းတို့ က မကြာသေးတော့ မင်းမိန်းမ နဲ့ ဟိုက အိမ်ထောင်ကျတာ ကြာတဲ့ မိန်းမနဲ့ လဲ ..။ အင်း ဒီလို
ကမောက်ကမတွေ ဖန်တီးရင်း သူကြီး အိမ်ကို ရောက်သွားပါတော့တယ် ..။ အဲဒီရွာက သူကြီး က ရွာထဲ
က အရူးမလေး ကို မတရား ကျင့်ထားတော့ အရူးမလေး က ကိုယ်ဝန်ရ နေတာပေါ့ ။။ အရူး မလေး လည်း
သူ့ကိုယ်ဝန် သူကြီးနဲ့ ရတာဖြစ်တယ်လို့ လိုက်ပြောတာပေါ့ . ..။ ဒါကို ဘုရင် ရောက်တော့ ကြားတာပေါ့။
ဘုရင် က အရူးမ ကိုခေါ်ပြီး နင် မဟုတ် က ဟုတ်က ပြောတယ်ဆိုပြီး ရိုက်ခိုင်းတာပေါ့ ..။
အဲတော့မှ အရူးမလေး က ငိုပြီး ဘုရင်ကို ပြန်ပြောလိုက်တာကတော့ ... သူဘုရင်ဖြစ်မှပဲ မှန်တာပြောရင် အရိုက်ခံရတော့တယ်..... တဲ့ဗျာ...။

အဲလိုမျိုး ကမောက်ကမ အမတ်တွေ နဲ့ တိုင်းပြည်ကြီးကတော့ ..................။

Tuesday, November 2, 2010

နိုင်ငံရေး လှုပ်ရှားမှုကြောင့် မဟာမိတ်အဖွဲ့မှ NGO တချို့ ထုတ်ပယ်ခံရ

ရွေးကောက်ပွဲမှာ တသီးပုဂ္ဂလ အနေနဲ့ ပါဝင်ယှဉ်ပြိုင်မယ့် မင်္ဂလာမြန်မာ လူမှုရေးအသင်း ဦးဆောင်သူတွေ ဖြစ်တဲ့ ဒေါက်တာ ဖုန်းဝင်းနဲ့ ဒေါ်ယူဇာမော်ထွန်းတို့ကို NGO ၁၇ ခု ပူးပေါင်း ဖွဲ့စည်းထားတဲ့ ဒီရေတော ပြန်လည်ထူထောင်ရေး ပူးပေါင်းလုပ်ဆောင်မှု အဖွဲ့က အဖွဲ့ဝင်အဖြစ် ရပ်ဆိုင်းလိုက်ပါတယ်။ အသင်းဖွဲ့စည်းခဲ့တုန်းက နိုင်ငံရေး မလုပ်ရဆိုတဲ့ စည်းကမ်း မပါခဲ့ဘဲ အခု ရွေးကောက်ပွဲကာလ ရောက်မှ ဒီစည်းကမ်းကို ထည့်ပြီး အသင်းကထုတ်တာ ဖြစ်တယ်လို့ ဒေါက်တာ ဖုန်းဝင်းက တုံ့ပြန်ပါတယ်။ အပြည့်အစုံကို မသိင်္ဂီထိုက်က တင်ပြပေးထားပါတယ်။
တသီးပုဂ္ဂလ ကိုယ်စားလှယ်လောင်း ဒေါက်တာ ဖုန်းဝင်းနဲ့ ဒေါ်ယူဇာမော်ထွန်းတို့ကို နိုင်ငံရေး လုပ်ဆောင်တဲ့အတွက် ဒီရေတော ပြန်လည်ထူထောင်ရေး ပူးပေါင်းလုပ်ဆောင်မှု အဖွဲ့မှာ ပါဝင်တဲ့ တခြား NGO အဖွဲ့တွေက အများသဘောတူညီမှုနဲ့ အဖွဲ့ကနေ ထုတ်လိုက်ပါတယ်။ သင်းဖွဲ့စည်းမျဉ်းမှာ အဖွဲ့ဝင်တွေ နိုင်ငံရေး မလုပ်ရဆိုတာ မပါပေမဲ့ အခု ပြည်ထဲရေး ၀န်ကြီးဌာနက ညွှန်ကြားချက်ကို သဘောတူတဲ့ အနေနဲ့ ထုတ်လိုက်တာလို့ ဒီအဖွဲ့မှာပါတဲ့ FREDA အဖွဲ့က ဦးအုန်းက အခုလို ပြောပြပါတယ်။
“NGO ဆိုတာဟာ နိုင်ငံရေး ကင်းရမယ်လို့ အစိုးရရဲ့မူကိုလည်း ကျနော်တို့ လက်ခံတဲ့ သဘောနဲ့ အများရဲ့ သဘောတူညီမှုနဲ့ နိုင်ငံရေးမလုပ်ရ ဆိုပြီးတော့ ဆုံးဖြတ်တယ်။ နိုင်ငံရေး လုပ်တဲ့အတွက် အသင်းက ထုတ်လိုက်တယ်။ ထုတ်ပစ်လိုက်တာ ပုဂ္ဂိုလ်ရေးတင် မကဘူး၊ သူတို့အသင်းပါ ထုတ်ပစ်လိုက်တာ။ မင်္ဂလာမြန်မာရော၊ MDF Myanmar Development Foundation နှစ်ခုစလုံး ကျနော်တို့ အဲဒီအထဲက ပယ်လိုက်တဲ့ သဘောပါ။”
ဒီရေတော ပြန်လည်ထူထောင်ရေး နက်ဝပ်ခ် (MERN) ဘယ်လို ပေါ်ပေါက်လာတာလဲ ဆိုတာ ဒေါက်တာ ဖုန်းဝင်းက အခုလို ရှင်းပြပါတယ်။
“နာဂစ်ဖြစ်ပြီးတဲ့ အချိန်မှာ ကျနော်က စပြီးတော့ Organize လုပ်တယ်။ Mangrove ပြန်စိုက်ဖို့ ဆိုပြီးတော့။ Mangrove ပြန်လုပ်မယ်ဆိုတော့ ကျနော်တို့ တယောက်တည်းကို ကူညီရင်လည်း နိုင်ငံခြားသား အဖွဲ့အစည်းတွေ အနေနဲ့ ဘက်လိုက်ရာ ကျမယ်ပေါ့။ INGO တွေ၊ UN တွေနဲ့ လုပ်တယ်ဆိုရင် မကောင်းဘူး ဆိုပြီးတော့ ကျနော်တို့က အဖွဲ့တဖွဲ့ ဖွဲ့လိုက်မယ်ဆိုပြီး ဖွဲ့လိုက်တယ်။ တရားမ၀င် အဖွဲ့ပေါ့ဗျာ၊ မှတ်ပုံလည်း တင်ထားတာ မဟုတ်ပါဘူး။ Mangrove and Environmental Rehabilitation Network ဆိုပြီးတော့ အဲဒီအဖွဲ့ကို ဖွဲ့လိုက်တယ်။”
လူမှုရေး အသင်းအဖွဲ့တွေ အနေနဲ့ နိုင်ငံရေးနဲ့ ကင်းရှင်းရမယ်ဆိုတာ ပြည်ထဲရေး ၀န်ကြီးဌာနက ညွှန်ကြားထားပါတယ်။ ဒါပေမဲ့ ရွေးကောက်ပွဲ နီးလာတဲ့ အချိန်မှာ ပြည်တွင်းက ကုန်သည်စက်မှုအဖွဲ့၊ ဟိုတယ်ခရီးအဖွဲ့တွေ အပါအ၀င် လူမှုရေး အသင်းအဖွဲ့တွေက နိုင်ငံရေး မလုပ်ရဆိုတဲ့ သင်းဖွဲ့စည်းမျဉ်းကို ပယ်ဖျက်ပြီး လုပ်ငန်းရှင်အချို့ ရွေးကောက်ပွဲ ၀င်ကြပါတယ်။ ဒါပေမဲ့ အခု ဒီရေတော ပြန်လည်ထူထောင်ရေး နက်ဝပ်ခ်မှာတော့ အရင်က နိုင်ငံရေး မလုပ်ရဆိုတဲ့ စည်းမျဉ်း မထည့်ခဲ့ပါဘူးလို့ ဦးအုန်းက ပြောပြပါတယ်။
“Mangrove Environment Network ကျတော့ တချို့ကတော့လည်း နိုင်ငံရေး လုပ်ချင်တဲ့ဆန္ဒ ရှိလို့လား၊ သို့မဟုတ် အမှတ်တမဲ့ ဖြစ်သွားလို့လား မသိဘူး၊ နိုင်ငံရေးမလုပ်ရဆိုတဲ့ Charter မှာ မပါဘူး။”
ဒီနက်ဝပ်ခ်မှာ သူတို့တင် နိုင်ငံရေးလုပ်တာ မဟုတ်ဘူးလို့ တသီးပုဂ္ဂလ ကိုယ်စားလှယ်လောင်း ဒေါက်တာ ဖုန်းဝင်းက ပြန်လည် တုံ့ပြန်ပါတယ်။
“နိုင်ငံရေး သင်တန်းတွေ ပေးနေတဲ့ Egrass က ထောင်ထားတဲ့ NAG နဲ့ ECO Dev ကိုကျတော့ အရေးမယူဘူးဗျာ။ ကျနော်တို့ကိုယ်တိုင်က သူတို့ လုပ်ခွင့်ရှိလို့ လုပ်တယ်လို့ပဲ သဘောထားတယ်။ ရှင်းရှင်းပြောရင် Majority နဲ့ အနိုင်ကျင့်တာပေါ့ဗျာ။ သူတို့ ဒီမိုကရေစီကို Practice လုပ်တာ မှားတယ်လို့ ကျနော်က ယူဆတယ်။ ဒီဟာတွေက Charter ကို ပြင်တာဗျာ။”
ဒီရေတော ပြန်လည်ထူထောင်ရေး နက်ဝပ်ခ်ကို နာဂစ်မုန်တိုင်းအပြီးမှာ NGO ၁၇ ခု ပါဝင် ဖွဲ့စည်းထားပါတယ်။ အခုချိန်မှာတော့ နိုင်ငံတကာ အလှူရှင်တွေဆီက အမေရိကန် ဒေါ်လာ ၁၀ သိန်းနီးပါးနဲ့ ဒီရေတော ပြန်လည်ထူထောင်ရေး လုပ်ငန်းတွေ လုပ်ဆောင်နေတာပါ။ အခုလို အဖွဲ့ကနေ ရွေးကောက်ပွဲနီးတဲ့ အချိန်မှာ ထုတ်လိုက်တာကို တရားဥပဒေအရ ရင်ဆိုင်ဖို့ စဉ်းစားနေတယ်လို့ ဒေါက်တာ ဖုန်းဝင်းက ပြောကြားပါတယ်။

ရင်းမြစ်။ ။VOA

အင်တာနက်သုံးဖို့ ငါ ဧဝရက်တောင်ကိုတက်မယ်


မနက်ခင်းတိုင်းမှာ မျက်နှာသစ်ဖို့ လိုသလို
မနက်ခင်းတိုင်းမှာ အင်တာနက်ဖွင့်ဖို့ လိုတယ်
ဆန်ဈေး၊ ဆီဈေး၊ ကြက်ဥဈေးက စလို့ ဂျက်ဖိုက်တာတွေ ဈေးနှုန်းထိ
(မဝယ်နိုင်တောင်မှ) သိထားမှ တန်ကာကျမယ်။
နေ့ စဉ် ထမင်းစားဖို့  လိုသလို
နေ့ စဉ် အင်တာနက်ဖွင့်ဖို့  လိုတယ်
ညီအကို မောင်နှမ သူငယ်ချင်းတွေ၊
ဒါမှမဟုတ် သူစိမ်းတွေနဲ့ ဆက်သွယ်ဖို့  အင်တာနက်ရှိရင် လွယ်ကူတယ်။
ဧဝရက်တောင်မှာတောင် အင်တာနက် ရနေပြီတဲ့ ချစ်သူရေ
ဒါဆို တို့ ဗမာပြည်က
ဧဝရက်တောင်ထက် မတ်စောက် ခက်ခဲတဲ့နေရာလား
စစ်နဲ့ ငြိမ်းချမ်းရေးအတွက် အင်တာနက် လိုတယ်။
ချစ်သူရေ
တောင်ကြီး ဖဝါးအောက်
မှောက်ရက်လဲရင်လဲ ပြန်ထ
မဖြစ်မနေ အင်တာနက်သုံးရဖို့ 
ငါ---- ဧဝရက်တောင်ပေါ် တက်မယ်။     

လင်းနွေးအိမ်
အောက်တိုဘာ ၂၉ ရက် ၂၀၁၀
မိုးမခ