မြန်မာ့ အနာဂတ်မျိုးဆက် အန္တရာယ်ရှိနေ ဟု ITUC ပြော

နယူးဒေလီ (မဇ္ဈိမ)။ ။ ပညာရေးတွင် ရင်းနှီးမြှုပ်နှံမှု မရှိခြင်းကြောင့် သန်းနှင့်ချီသော ကျောင်းသားများ ကျောင်းမှ ထွက်ကြရပြီး အနာဂတ် မျိုးဆက်သည် `အန္တရာယ်တွင်း´ သို့ ကျရောက်နေသည်ဟု နိုင်ငံတကာ အလုပ်သမားသမဂ္ဂ အဖွဲ့ကြီးတခုက ပြောဆိုလိုက်သည်။

တကမ္ဘာလုံးမှ အလုပ်သမားများ၏ ကွန်ရက် အဖွဲ့အစည်းကြီးဖြစ်သော နိုင်ငံတကာ အလုပ်သမား သမဂ္ဂများ ကွန်ဖက်ဒရေးရှင်း (ITUC) က မကြာသေးမီက ထုတ်ပြန်လိုက်သော `မြန်မာကလေးများ-မျိုးဆက်တဆက် စတေးခံရခြင်း´ ဆိုသည့် အစီရင်ခံစာတွင် စစ်အစိုးရက ပညာရေးနှင့် ကျန်းမာရေးတွင် ရင်းနှီးမြှုပ်နှံရန် ရည်ရွယ်ချက် မရှိသောကြောင့် မြန်မာ့အနာဂတ်မျိုးဆက်မှာ အန္တရာယ်တွင်းသို့ ကျရောက်နေသည်ဟု ရေးသားထားသည်။

စစ်အစိုးရသည် စုစုပေါင်း ပြည်တွင်းထွက်ကုန် (GDP) ၏ ၄၀ % ကို စစ်ရေးအတွက် အသုံးပြုနေပြီး ပညာရေးအတွက် ၀.၉ % နှင့် ကျန်းမာရေးအတွက် ၀.၅ % သာ အသီးသီးအသုံးပြုသည်ဟု ထိုအစီရင်ခံစာက ဆိုသည်။

''စစ်အစိုးရက ပညာရေးအတွက် မဖြစ်စလောက်မျှသာ အသုံးပြုနေပြီး အစိုးရဘတ်ဂျက်၏ အများစုကို စစ်တပ်အတွက် အသုံးပြုနေသမျှ ကာလပတ်လုံး ဗိုလ်ချုပ်ကြီးများသည် မြန်မာပြည်သူများအတွက်၎င်း၊ အနာဂတ် မျိုးဆက်များအတွက်၎င်း ထည့်သွင်းစဉ်းစားသည်ဟု ယုံကြည်ရန် အကြောင်းမရှိပါ'' ဟု အဆိုပါ စာအုပ်ကို ရေးသားသူ Samuel Grumiau က မဇ္ဈိမကို ပြောသည်။

မြန်မာပြည်သူများသည် သူတို့ကလေးများ၏ ပညာရေးကို အစဉ်အမြဲ အလွန်တန်ဖိုးထားသော်လည်း ပညာရေးတွင် ရင်းနှီးမြှုပ်နှံမှုချို့တဲ့ခြင်း၏ အကျိုးဆက်အဖြစ် ပေါ်ပေါက်လာသော ပညာသင်ကာလမပြီးဆုံးမီ ကျောင်းထွက်ရသူများ၏ နှုံးထား အလွန်မြင့်မားလာခြင်းကြောင့် စာမတတ်သည့် အနာဂတ်မျိုးဆက်ကို မွေးထုတ်ပေးနေသည်ဟု Grumiau က ပြောသည်။

ပညာရေးတွင် ရင်းနှီးမြှုပ်နှံမှု မရှိခြင်း၊ လူနေမှုအဆင့်အတန်း နိမ့်ကျခြင်း၊ စီးပွားရေးအခြေအနေ ပျက်စီးယိုယွင်းခြင်း၊ ကလေးအလုပ်သမားများ ရှိနေခြင်းတို့ကြောင့် မြန်မာနိုင်ငံရှိ သန်းပေါင်းများစွာသော ကလေးများသည် ကျောင်းကို သွားရမည့်အစား အလုပ်ခွင်ထဲသို့သာ ရောက်ကုန်ကြသည်ဟု အစီရင်ခံစာက ဆိုသည်။

မြန်မာနိုင်ငံရှိ ကျောင်းမတက်နိုင်သည့်၊ ကျောင်းတက်ရန် မတတ်နိုင်သည့် သန်းပေါင်းများစွာသော ကလေးများသည် ကလေးလုပ်သားများအဖြစ်သာ ဘဝဆုံးကြရသည်ဟု Grumiau က ဆိုသည်။ အချို့သော အဆိုးရွားဆုံး ဖြစ်ရပ်များတွင်မူ အဆိုပါ ကလေးအလုပ်သမားများသည် သူတောင်းစားဘဝ၊ ပြည့်တန်ဆာဘဝ ရောက်ကြရပြီး အချို့မှာ အလွန်အန္တရာယ်များသော လုပ်ငန်းခွင်များတွင် အလုပ်လုပ်နေကြရသည်ဟု ပြောသည်။

''ထောင်ပေါင်းများစွာသော အဆိုပါ ကလေးများမှာ မြန်မာစစ်တပ် အပါအဝင် အမျိုးမျိုးသော လက်နက်ကိုင် အဖွဲ့အစည်းများအတွင်းသို့ သိမ်းသွင်းစုဆောင်းခြင်း ခံကြရသည်'' ဟု သူက ဆက်လက်ပြောဆိုသည်။

''ပညာရေးနဲ့ လူထုစားဝတ်နေရေးကို မြှင့်တင်ရမှာ အစိုးရရဲ့ တာဝန်ဖြစ်တာကြောင့် စစ်အစိုးရက အာဏာကို ဆက်လက်ကိုင်စွဲထားဖို့ ပိုင်းဖြတ်ချက်ချထားခြင်းဟာ ကလေးအလုပ်သမားကိစ္စနဲ့ တိုက်ရိုက်ဆက်စပ်နေတယ်'' ဟုလည်း ဘရပ်ဆဲလ်မြို့မှ Grumiau က မဇ္ဈိမကို ပြောသည်။

အလုပ်သမားများမှာ အလုပ်သမားအဖွဲ့အစည်းများ မရှိခြင်းကြောင့် လုပ်ခလစာ တိုးမြှင့်ရရှိရေးအတွက် အလုပ်ရှင်များနှင့် ညှိနှိုင်းရန်၊ တောင်းဆိုရန် အခွင့်အရေး မရဟုလည်း သူက ပြောသည်။ ထို့ကြောင့် လုပ်ခလစာ အလွန်အမင်း နိမ့်ကျခြင်းများ ပေါ်ပေါက်လာပြီး မိသားစုစားဝတ်နေရေးအတွက် မိဘများက သူတို့ကလေးများကို အလုပ်ခွင်ထဲသို့ သွတ်သွင်းကြရသည်ဟုလည်း သူက ပြောသည်။

ဥပမာအားဖြင့် ဆရာများ၏ လုပ်ခလစာမှာ မငတ်ရုံတမယ်သာရှိသဖြင့် အပိုဝင်ငွေရှာသည့်အနေနှင့် ကလေးများကို ကိုယ်ပိုင်ကျူရှင်ဟူ၍ သင်တန်းများ ပေးကြရသည်။ ကလေးများက ထိုသင်တန်းများအတွက် သင်တန်းကြေး သပ်သပ်ပေးကြရသည်။ ပိုက်ဆံတတ်နိုင်သော ကလေးများက ကျူရှင်တက်ပြီး စာမေးပွဲတွင် အမှတ်ကောင်းကောင်း ရကြသည်။ မတတ်နိုင်သူတို့မှာ စာမေးပွဲကျကြပြီး ကျောင်းမှထွက်ကာ အလုပ်ထဲဝင်ရသည့် အခြေအနေ ရောက်ကုန်ကြသည်။

''ဒီစနစ်က စာမေးပွဲအောင်လက်မှတ်တွေ ရောင်းနေသလိုပဲ။ ကျနော်နဲ့ တွေ့ဆုံခဲ့တဲ့ ဆရာတွေက ဒီစနစ်အပေါ် အရမ်းဝမ်းနည်း စိတ်ပျက်ကြတယ်။ သူတို့လစာ သင့်တော်မျှတရုံလေးလောက် ရမယ်ဆိုရင်တောင် ဒါမျိုး ဘယ်တော့မှ ကျူရှင်ပေးစားကြမှာ မဟုတ်ဘူး'' ဟု Grumaiu က ပြောသည်။

ITUC အစီရင်ခံစာအရ မြန်မာနိုင်ငံ စုစုပေါင်းလူဦးရေ ၅၇ သန်း၏ ၂၅ % မှာ အသက် ၁၄ နှစ်အောက် ဖြစ်ကြပြီး၊ ၄ဝ % မှာ ၁၈ နှစ်အောက် ဖြစ်ကြသည်။ အသက် ၅ နှစ် မှ ၁၃ နှစ်အကြား ကလေး အနည်းဆုံး ၄ သန်းသည် ၂ဝဝ၆ ခုနှစ်အတွင်း ကျောင်းတက်ခြင်း မရှိကြဟု ခန့်မှန်းဖော်ပြထားသည်။

မြန်မာနိုင်ငံမှ စစ်အစိုးရအဆက်ဆက်၏ စီးပွားရေးမူဝါဒများကြောင့် တိုင်းပြည်မှာ ဆင်းရဲတွင်းနက်ခဲ့ရသည်။ လူဦးရေ စုစုပေါင်း၏ ၉၅ % ကျော်မှာ တနေ့လျှင် တဒေါ်လာအောက်သာ ဝင်ငွေရှိကြပြီး ၉ဝ % မှာ တနေ့လျှင် ၆၅ ဆင့်သာ ဝင်ငွေရှိကြသည်ဟု အစီရင်ခံစာက ဆိုသည်။

စာတွေ့အရ မြန်မာနိုင်ငံတွင် ၄ တန်းအထိ (မူလတန်းပြီးဆုံးသည်အထိ) အခမဲ့ မသင်မနေရ ပညာရေး ဥပဒေအရ ရှိသည်ဟု ဆိုသော်လည်း ဆင်းရဲမွဲတေမှုအဆင့်အောက်ရှိ မိဘအများစုမှာ မိသားစု စားဝတ်နေရေးအတွက် ကလေးများ၏ လုပ်အားနှင့် လုပ်ခလစာကို မှီခိုနေရသည့် အခြေအနေတွင် ရှိနေသည်ဟု အစီရင်ခံစာက ဆိုသည်။

ကလေးလုပ်သားများမှာ အလုပ်မျိုးစုံ လုပ်ကြရသည်။ အမှိုက်ပုံတွင် အမှိုက်ကောက်ခြင်းများ၊ လက်ဖက်ရည်ဆိုင်နှင့် စားသောက်ဆိုင်များတွင် စားပွဲထိုးလုပ်ခြင်း၊ လယ်ယာလုပ်ငန်းခွင်တွင် ခိုင်းစေခြင်း၊ အိမ်ဖော်လုပ်ခြင်း၊ အသေးစား စက်မှုလက်မှု လုပ်ငန်းများတွင် လုပ်ကိုင်ခြင်း၊ သတ္တုတွင်းများတွင် လုပ်ကိုင်ခြင်း စသဖြင့် အလုပ်မျိုးစုံ လုပ်ကိုင်ကြရသည်။ အချို့ဆိုလျှင် ပြည့်တန်ဆာအဖြစ်ပင် လုပ်ကိုင်ကြရသည်ဟု အစီရင်ခံစာက ရေးသားထားသည်။

ထို့ပြင် ကလေးများမှာ အာဏာပိုင်များ၏ အဓမ္မလုပ်အားပေး ခိုင်းစေခြင်းကိုလည်း မကြာခဏ ခံကြရသည်ဟု အစီရင်ခံစာက ဆိုသည်။ အထူးသဖြင့် အလုပ်လုပ်နိုင်မည့် လူကြီးများ မရှိသည့်အချိန်တွင် သူတို့ကို ခေါ်ယူခိုင်းစေသည်ဟု ပြောသည်။ ထို့ပြင် သူတို့ကို စစ်စခန်းများတွင် ကလေးစစ်သားများအဖြစ်လည်း စုဆောင်းခေါ်ယူထားသည်ဟု ပြောသည်။

မြန်မာနိုင်ငံတွင် ကလေးစစ်သားခန့်မှန်းခြေ ၇ဝဝဝဝ ကျော် ရှိသည်။ သို့သော် နယူးယောက်အခြေစိုက် လူ့အခွင့်အရေး စောင့်ကြည့်ရေးအဖွဲ့ကြီး (HRW) ကမူ စစ်အစိုးရက သတင်းစီးဆင်းမှုကို မလွယ်ကူအောင် လုပ်ထားသဖြင့် ကလေးစစ်သား အရေအတွက်ကို အတိအကျ မခန့်မှန်းနိုင် အမြဲပင် ကွဲလွဲနေမည်သာဖြစ်သည်ဟု ပြောဆိုသည်။

''အရေးကြီးတဲ့အချက်က စစ်တပ်ထဲကို ကလေးစစ်သားတွေ စုဆောင်းသိမ်းသွင်းနေတာ ရှိနေတုန်းပဲဆိုတဲ့ အချက်ပဲ ဖြစ်ပါတယ်'' ဟု HRW ၏ မြန်မာ့ရေးရာ သုတေသီ ဒေးဗစ်စကော့ မက်သီဆန် (David Scott Mathieson) က အစောပိုင်းတွင် မဇ္ဈိမကို ပြောသည်။

မြန်မာ့အနာဂတ်မျိုးဆက်ကို ကယ်ဆယ်ရန် တခုတည်းသော နည်းလမ်းမှာ အလုပ်သမားသမဂ္ဂ အခွင့်အရေးများ အပါအဝင် ဒီမိုကရေစီနှင့် လူ့အခွင့်အရေးများ ပြန်လည်ရရှိအောင် ပြုလုပ်ရေးပင်ဖြစ်သည်ဟု Grumiau က ပြောသည်။

''ဒီမိုကရေစီ အစိုးရတရပ်ကတော့ ပညာရေးအတွက် လုံလောက်သင့်တော်တဲ့ ဘတ်ဂျက်ကို ကလေးတွေအတွက် နိုင်ငံရဲ့ အနာဂတ်အတွက် ရင်းနှီးမြှုပ်နှံတာတွေ လုပ်မှာပဲ'' ဟု သူက ပြောသည်။ ''မြန်မာအလုပ်သမားတွေမှာ အလုပ်ရှင်တွေနဲ့ ညှိနှိုင်းအရေးဆိုနိုင်တဲ့ အခွင့်အရေးတွေရှိလာရင် သူတို့လုပ်ခလစာ ကောင်းကောင်းရလာမှာပဲဟုလည်း သူက ဆက်လက်ပြောဆိုသည်။

သို့သော် စစ်အစိုးရက သူတို့အာဏာကို လက်မလွှတ်ဘဲ ဆက်လက်ကိုင်စွဲထားရန် ပိုင်းဖြတ်ထားခြင်းကြောင့် နိုင်ငံတွင်း အပြောင်းအလဲများ ဖြစ်ပေါ်လာရေးအတွက် နိုင်ငံတကာ အသိုင်းအဝိုင်းက စီးပွားရေးနှင့် နိုင်ငံရေးဖိအားများ ဆက်ပေးဖို့လိုသည်ဟုလည်း Grumiau က ပြောသည်။

နိုင်ငံတကာ အသိုင်းအဝိုင်းအနေနှင့် ''ILO ၏ အဓမ္မလုပ်အားပေးနှင့် ကလေးစစ်သားများ စစ်တပ်တွင်းသို့ စုဆောင်းသိမ်းသွင်းသည့် ကိစ္စများကို ဆန့်ကျင်တိုက်ဖျက်နေသည့် လုပ်ငန်းများတွင်လည်း ထောက်ခံအားပေးမှု ပြုသင့်သည်။ ဒေသတွင်းမှ အင်အားကြီးနိုင်ငံများ (တရုတ်၊ အိန္ဒိယ၊ ထိုင်း အပါအဝင်) တို့က စစ်မှန်သော ဖိအားများပေးမှသာ ဗိုလ်ချုပ်ကြီးများအပေါ် အန္တရာယ်ကျရောက်လာပြီး သူတို့၏ ဆိုးရွားမှားယွင်းသော မူဝါဒများကို ပြန်လည်စဉ်းစားလာစေလိမ့်မည်'' ဟု သူက ဆက်လက်ပြောဆိုသည်။
(www.mizzimaburmese.com မှကူးယူဖော်ပြပါသည်။)

ဆုတောင်း

အမိမြန်မာပြည်ကို (လူနည်းစုမှအပ) အမျိုးချစ်သူအားလုံးက တိုးတက်စေချင်သည် ။
လူ့အခွင့်အရေး ရစေချင်သည်။ ဒီမိုကရေစီ ထွန်းကားစေချင်သည်။ သို့သော်
ကျွန်တော်တို့တွင် ဒီမိုကရေစီ စံနှုန်းများ နည်းပါးနေသည်ကို တွေ့မြင်နေရသည်။
ကားဝယ်မည်ဟု စိတ်ကူးထားလျှင် ကားမောင်းတတ်ထားဖို့တော့လိုပါသည်။
ဒီမိုကရေစီ ကိုလိုချင်ပါလျှင် ဒီမိုကရေစီ အမူအကျင့်များကို မွေးမြူထားဖို့လိုပါသည်။
မကြာခင်က ဖြစ်ပျက်ခဲ့သော ပဲခူးမြို့ အကြောင်းကို BBC (မြန်မာပိုင်း)မှ သတင်းတင်ဆက်ခဲ့ပါသည်။
သံဃာ တစ်ပါးက ပန်းကုံးစွပ်သောကြောင့် ရဲက ဖမ်းသည် ဟု ဆိုခဲ့ပါသည်။
ထိုသတင်းကြောင့် BBC(မြန်မာပိုင်း)အား အချို့ အင်တာနက် သတင်းစာမျက်နှာများရှိ C-Box များတွင် ကြမ်းတမ်းစွာ
ဆဲဆိုထားသည်ကို ၀မ်းနည်းဖွယ်ရာ တွေ့ရပါသည်။ အချို့က ကိုယ့်ပေါင်ကိုယ်လှန်ထောင်းသလို
ဖြစ်နေသဖြင့် မလွှင့်သင့်ကြောင်းရေးထားသည်ကိုပါ ၀မ်းနည်းဖွယ် ဖတ်လိုက်ရပါသည်။
ငါမကောင်းလျှင် ငါ့ကိုရေးရမည် ၊ ငါ့မိဖုရားမကောင်းလျှင် ငါ့မိဖုရား ကိုရေးရပါမည်။
ဒါမှ တကယ့် အမှန်တရားကို ပြည်သူများ သိရှိနိုင်ပါမည်။ ပြည်သူများ၏ အားထားရာ အစစ်အမှန်
ဖြစ်လာပါမည်။ အတိုက်အခံ ဖြစ်စေ ၊ အစိုးရ ဖြစ်စေ မကောင်းလျှင် မကောင်းကြောင်းကို ရေးရပါမည်။
ငါမကောင်းတာကိုချန်ထားပြီး သူများမကောင်းကြောင်းကိုသာရေးနေလျှင် အားထားရာ ဖြစ်လာနိုင်မည်
မဟုတ်ပါ။ တစ်ယောက်အားနှင့် ယူသော်မရ အများအားဖြင့်ယူမှ ရမည်ဖြစ်သော ဒီမိုကရေစီ အရေးတော်ပုံ
ကြီးတွင် အားလုံး ကျရာ အခန်းမှ တာဝန်ကျေကျေ ပါဝင်နိုင်ပါစေ။

“ပြည်သူ့ သူရဲကောင်းအမျိုးသမီး ရည်မှန်းချက်များ ရှင်းပြခြင်း” ဟူသော ခေါင်းစဉ်ဖြင့် အောင်ဆန်းစုကြည်နှင့် ခရင်သာပါ (Karan Thapar) တို့၏ တွေ့ဆုံမေးမြန်းခန

မေး။ ရန်ကုန်နဲ့ မြန်မာနိုင်ငံရဲ့ လက်ရှိအခြေအနေတွေက အတော်ကလေး ရှုတ်ထွေးနေပါတယ်။ တိုင်းပြည်ရဲ့
အခြေအနေကို ဘယ်လိုရှိတယ်လို့ ဆိုနိုင်မလဲ။
ဖြေ။ အခြေအနေကတော့ ခန့်မှန်းနိုင်တဲ့အတိုင်း တော်တော်ကြီးကို တင်းမာနေပါတယ်။ အစိုးရယန္တရားဟာ
တိုင်းပြည်နေရာအများအပြားမှာ ရပ်တန့်သွားသလောက်ဖြစ်နေပါပြီ။ ဒါပေမဲ့ ဒီအခက်အခဲကို
ကျော်လွှားဘို့ ပြည်သူတွေက လုပ်စရာရှိတာတွေ လုပ်နေကြပါတယ်။ ဆန္ဒပြပွဲတွေကို စနစ်တကျ
ကျင်းပနေပါတယ်။ ရပ်ကွက်လုံခြုံရေးကိုလည်း အရပ်သားကင်းစောင့်အဖွဲ‹တွေက တာဝန်ယူနေပါတယ်။
စည်းကမ်းစနစ်ရှိကြဘို့အတွက်လည်း ပြည်သူတွေက ရှေ့တန်းက လှုပ်ရှားနေကြပါတယ်။
မေး။ မကြာခင် ရက်ပိုင်းတွေမှာ ခင်ဗျားဟာ အခုဖြစ်နေတဲ့ ပြည်သူ့လပ်ရှားမမှာ အဓိကခေါင်းဆောင်အဖြစ်နဲ့
ပေါ်ထွက်လာပါတယ်။ ဘာအတွက် တိုက်နေတာပါလဲ။ ခင်ဗျားရဲ့ ရည်မှန်းချက်တွေကို ဘယ်လိုဖော်ပြမလဲ။
ဖြေ။ ဒီမိုကရေစီရဘို့ မြန်မာပြည်မှာ ကြိုးပမ်းနေကြတဲ့ ပြည်သူအများထဲမှာ ကျမတယောက်လည်း ပါပါတယ်။
နောက်ထပ် အသေအပျောက် အကြမ်းဖက်မတွေ မရှိတော့ဘဲ ပြည်သူတွေ ဒီမိုကရေစီရအောင် ကျမ
ကူညီဘို့ ရည်ရွယ်ပါတယ်။
မေး။ “ဒုတိယမြောက် မြန်မာ့လွတ်လပ်ရေး ကြိုးပမ်းမှု” လုပ်ဖို့လိုကြောင်း မကြာခင်ကပဲ
ခင်ဗျားပြောသွားပါတယ်။ အဲဒါ တိတိကျကျ ဘာကိုဆိုလိုတာပါလဲ။
ဖြေ။ ပြည်သူလူထုကို လူ‹အခွင့်အရေးအပြည့်အဝ ခံစားခွင့်မပေးတဲ့ နိုင်ငံရေးစနစ်ဟာ ပြည့်ဝတဲ့လွတ်လပ်ရေးရဲ့အမြင့်ဆုံးမျှော်မှန်းချက်နဲ့ ဆန်ှုကျင်နေပါတယ်။ ဒါကြောင့်မို့လို့ အခုလို မြန်မာပြည်သူလူထုကဒီမိုကရေစီတောင်းဆိုနေတာဟာ သူတို့ရဲ့ ဒုတိယအကြိမ်လွတ်လပ်ရေးကြိုးပမ်းမဖြစ်တယ်လို့ကျမပြောတာ ဖြစ်ပါတယ်။
မေး။ ပါတီစုံရွေးကောက်ပွဲကိစ္စနဲ့ပတ်သက်ပြီး လူထုဆန္ဒကောက်ယူပွဲလုပ်မယ်၊ မလုပ်ဖူးဆိုတာ ဆုံးဖြတ်ဖို့
စက်တင်ဘာလ ၁၂ ရက်နေ့ ၁၉၈၈ မှာ အထူးပါတီညီလာခံကျင်းပမယ်လို့ သမတမောင်မောင်က
ကမ်းလှမ်းထားတာကို ခင်ဗျား ဘယ်လိုပြန်ကြားမလဲ။
ဖြေ။ လွန်ခဲ့တဲ့လက ပထမဆုံး စပြီး အဆိုðပစဉ်တုန်းက အာဏာရပါတီကသာ လူထုဆန္ဒကောက်ယူပွဲလုပ်ဖို့
သဘောတူခဲ့ရင် ပြည်သူလူထုက ကျေးဇူးတင်စွာနဲ့ လက်ခံလိုက်မှာဖြစ်ပါတယ်။ ဒါပေမဲ့ အခုတော့
အဲဒီကိစ္စဟာ အရေးမပါတော့ပါဘူး။ “သိပ်နောက်ကျပြီး သိပ်နဲနေတယ်” ဆိုတဲ့ စကားလိုဖြစ်နေပါပြီ။
ပြည်သူတွေက ဆန္ဒပြပြီးတော့ ပါတီစုံဒီမိုကရေစီ လိုချင်တယ်ဆိုတာကို နဲနဲလေးမှ
သံသယရှိစရာမလိုအောင် ပြသပြီးပါပြီ။ အဲဒီတော့ လူထုဆန္ဒကောက်ယူပွဲဆိုတာ လုံးဝ အပိုဖြစ်နေမှာပါပဲ၊
မလိုတော့ပါဘူး။
မေး။ အဲဒီလိုဆိုရင် ပြည်သူလူထုကို လက်ရှိအစိုးရ ပြုတ်ကျသွားတဲ့အထိ ဆက်လက်တောင်းဆိုဖို့ကို ခင်ဗျားက
ဆိုလိုပါသလား။
ဖြေ။ ဒီကိစ္စက အစိုးရကို ဖြုတ်ချဖို့ပဲ မဟုတ်ပါဘူး။ ကျမရဲ့ လိုလားချက်နဲ့လည်း မဆိုင်ပါဘူး။ ပြည်သူလူထုဟာ
သူတို့လိုလားတဲ့ နိုင်ငံရေးစနစ်ကို မရမခြင်း ဆက်လက်တောင်းဆိုနေကြမှာပါပဲ။
မေး။ လူထုလပ်ရှားမှုတွေဟာ ယေဘုယျအားဖြင့် အလိုအလျောက် မစည်းရုံးရဘဲ ဖြစ်ပေါ်နေတာမို့
မြန်မာပြည်မှာ ဥပဒေစည်းကမ်းမရှိ၊ ထိန်းချုပ်မယ့်အာဏာပိုင်လည်း မရှိဘဲနဲ့ မင်းမဲ့အခြေအနေ
ရောက်သွားမှာကို ခင်ဗျား စိတ်မပူဘူးလား။
ဖြေ။ ဟုတ်ပါတယ်၊ ဒီလပ်ရှားမဟာ ပြည်သူလူထုက စိတ်ပျက်လွန်းလို့ အလိုအလျောက်ဆန္ဒပြကြတာက
စတင်ခဲ့ပေမဲ့ အခုတော့ တနေ့ထက်တနေ့ စနစ်တကျ စည်းစည်းလုံးလုံး ဖြစ်လာပါပြီ။ ပြည်သူလူထုဟာ
အခု ရပ်ကွက်လုံခြုံရေးအစီအစဉ်တွေ လုပ်နေပါတယ်။ စနစ်တကျ သပိတ်တွေမှောက်ဖို့၊ ဆန္ဒပြကြဖို့လည်း
စီစဉ်နေပါတယ်။ ဒီတော့ စိုးရိမ်မတွေ ပိုနေစရာ မလိုပါဘူး။
မေး။ စစ်တပ်ဆီက ဘယ်လိုအကူအညီရမယ်လို့ မျှော်လင့်ထားပါသလဲ။
ဖြေ။ စစ်တပ်ဆီက အကူအညီရဖို့ ကျမ မမျှော်လင့်ပါဘူး။ သြဂုတ်လ ၂၅ ရက်နေ့က ကျမ ပြောသွားတာက
တပ်မတော်နဲ့ ပြည်သူအကြားမှာ သဘောကွဲလွဲမှု မရှိသင့်ဘူးဆိုတာပါပဲ။ တပ်မတော်ဟာ ပြည်သူလူထုက
လေးစားပြီး ယုံကြည်ရတဲ့အင်အားတစု ဖြစ်သင့်ပါတယ်။ တပ်မတော်ဟာ သူ့သိက္ခာသူ
ထိန်းသိမ်းဖို့အတွက်နဲ့ တိုင်းပြည်ကောင်းဖို့အတွက် နိုင်ငံရေးမှာ မပါသင့်ပါဘူးလို့ ကျမ အခိုင်အမာ
ယုံကြည်ပါတယ်။
မေး။ အကယ်၍ ဒီအစိုးရကျဆင်းသွားရင် သူ့နေရာမှာ ဘယ်သူက ယူမှာလဲ။ ဘယ်လိုအကူးအပြောင်း
အစီအစဉ်မျိုးတွေ ဖြစ်နိုင်ပါသလဲ။
ဖြေ။ ပြည်သူက ယုံကြည်တဲ့ ကြားဖြတ်ယာယီအစိုးရဟာ တိုင်းပြည်ကို တည်ငြိမ်အောင် ပြန်လုပ်နိုင်မှာဖြစ်ပြီး
လွတ်လပ်ပြီး တရားမျှတတဲ့ ရွေးကောက်ပွဲကျင်းပဖို့ အခြေအနေတွေက ဖန်တီးပေးနိုင်မှာဖြစ်ပါတယ်။
မေး။ အဲဒီအကူးအပြောင်းကာလမှာ ခင်ဗျား ဘယ်နေရာက ပါဝင်ဖို့ ရှိပါသလဲ။
ဖြေ။ ကျမအနေနဲ့ အထူးသီးသန့်နေရာက ပါဝင်ဖို့ မရှိပါဘူး။ ဘယ်လိုဖြစ်လာမလဲဆိုတာကို
စောင့်ကြည့်ပြီးတော့ ငြိမ်းချမ်းစွာ အကူးအပြောင်း လုပ်နိုင်အောင် ကျမ ဘယ်လိုအတတ်နိုင်ဆုံး
အကူအညီပေးရမယ်ဆိုတာပဲ ရှိပါတယ်။
မေး။ ကဲ အနာဂတ်ကို ကြည့်ရအောင်၊ အင်း၊ တကယ်တော့ အနာဂတ်ဆိုတာကလည်း သိပ်ဝေးတော့မယ်
မဟုတ်ပါဘူး။ ပါတီစုံဒီမိုကရေစီဖြစ်ပေါ်လာမယ်ဆိုရင် မြန်မာပြည်မှာကလည်း ဘာပါတီမှ
ရှိတာမဟုတ်ပါဘူး။ ဘယ်လိုပါတီမျိုးတွေ ပေါ်ပေါက်လာတာကို မြင်ချင်ပါသလဲ။
ဖြေ။ အကောင်းဆုံးကတော့ ဒီမိုကရေစီစနစ်ကို ထိန်းသိမ်းဖို‹အတွက် ရည်စူးအဓိဌာန်ðပထားတဲ့၊ စွမ်းရည်ရှိပြီး
ရိုးသားဖြောင့်မတ်တဲ့ပုဂ္ဂိုလ်တွေ ဦးဆောင်တဲ့ပါတီတွေကို မြင်ချင်ပါတယ်။
မေး။ ခင်ဗျားကရော ပါတီထူထောင်မှာလား။
ဖြေ။ ရှောင်ရှားလို့ ရမယ်ဆိုရင်တော့ မထူထောင်ချင်ပါဘူး။
မေး။ နိုင်ငံရေးလောကမှာ ဇောက်ချပြီးလုပ်ဖို့စိတ်ကူးပါသလား။ လုပ်မယ်ဆိုရင် နိုင်ငံရေးသမားတဦးအဖြစ်နဲ့
ခင်ဗျားရဲ့ ပင်ကိုယ်အရည်အသွေးနဲ့ ကျွမ်းကျင်မှုကိုရော ဘယ်လိုသုံးသပ်ပါမလဲ။
ဖြေ။ နိုင်ငံရေးထဲမှာ နစ်မွန်းနေရမယ့် ဘဝမျိုးဟာ ကျမအတွက် မက်ဖွယ်ရာမဟုတ်ပါဘူး။ အခု
လောလောဆယ်မှာ ကျမအဖေရဲ့ နာမည်ကြောင့်၎င်း၊ ကျမကလည်း နေရာလုဖို့
စိတ်မဝင်စားတာကြောင့်တကြောင်း ကျမဟာ ပေါင်းစည်းညီညွတ်အောင် လုပ်ပေးတဲ့
အင်အားတခုအနေနဲ့သာ ပါဝင်နေတာဖြစ်ပါတယ်။
မေး။ အဲဒီလိုဆိုရင် ခင်ဗျား ဘယ်သူ့ကို အနာဂတ်ခေါင်းဆောင်အဖြစ် ထောက်ခံမှာလဲ။
အပြောင်းအလဲကာလမှာ ဦးဆောင်ဖို‹ပေါ့လေ။
ဖြေ။ ဒီမေးခွန်းကို ဖြေရမယ်ဆိုရင် ကျမ အတတ်နိုင်ဆုံး ရှောင်ကျဉ်နေတဲ့ နိုင်ငံရေးမျိုးမှာ ပါဝင်လာတဲ့သဘော
ဖြစ်နေပါလိမ့်မယ်။
မေး။ ခင်ဗျားအနေနဲ့ ဒါမှမဟုတ်လည်း အနာဂတ်အစိုးရအနေနဲ့ပညာတတ်မြန်မာတွေ တိုင်းပြည်ကို
ပြန်လာရအောင် ဘယ်လိုလုပ်မလဲ။ ဒါမှမဟုတ် ဘယ်လိုပြောပြမလဲ။
ဖြေ။ ပြည်သူတွေကို သူတို့ရဲ့ ကျွမ်းကျင်မစွမ်းရည်တွေကို အသုံးချခွင့် အလုံအလောက်ပေးတဲ့
ဒီမိုကရေစီအစိုးရဟာ မြန်မာတွေအများကြီး တိုင်းပြည်ကို ပြန်လာအောင် ဆွဲဆောင်မှာ သေချာပါတယ်။
ဒါပေမဲ့ ပြည်တွင်းမှာရှိနေတဲ့ အတတ်ပညာနဲ့ကျွမ်းကျင်မှုများကို လျှော့တွက်တာဟာ မမှန်ကန်ပါဘူး။
ဖိနှိပ်ချုပ်ချယ်တဲ့ နိုင်ငံရေးနဲ့ စီးပွားရေးစနစ်ကို ဖယ်ရှားလိုက်မယ်ဆိုရင် မိမိတို့အရည်အချင်းကို
အခုထက်ထိ ပြသခွင့်မရသေးတဲ့ လုပ်နိုင်ကိုင်နိုင်တဲ့ လူတွေ အများကြီးပေါ်လာမှာပါ။
မေး။ ဒီမိုကရက်တစ်မြန်မာနိုင်ငံအနေနဲ့ ပြင်ပကမဘာနဲ့ ဘယ်လိုဆက်သွယ်ရေးမျိုးကို ကျင့်သုံးမှာပါလဲ။
ဖြေ။ မြန်မာနိုင်ငံဟာ အမြဲတမ်း ဘက်မလိုက်လမ်းစဉ်ကို ကျင့်သုံးတာမို့ ဒီအတိုင်းပဲ
ဆက်လက်ကျင့်သုံးသင့်ပါတယ်။ ဒါပေမဲ့ ပြင်ပကမဘာနဲ့ ဆက်ဆံရာမှာ ပိုပြီးပွင့်လင်းတဲ့ သဘောထားနဲ့
ဆက်ဆံရမှာဖြစ်ပါတယ်။
မေး။ မြန်မာတွေအနေနဲ့ ရှေးရိုးစဉ်ဆက်ကတည်းက အရေးတကြီး စိုးရိမ်ခဲ့ကြတာက သူတို့ရဲ့ယဉ်ကျေးမှုနဲ့
ဘာသာယုံကြည်မှု သန့်စင်ရေးကို ထိန်းသိမ်းဖို့ဖြစ်တယ်။ ဒါဟာ ခင်ဗျားအတွက်ရော အရေးကြီးပါသလား။
ဖြေ။ ကိုယ့်ယဉ်ကျေးမှုနဲ့ ဘာသာယုံကြည်မှုကို ထိန်းသိမ်းပေးဖို့ လူမျိုးတိုင်းအတွက် အရေးကြီးတယ်လို့
ထင်ပါတယ်။ တချိန်တည်းမှာပဲ သတိထားရမှာက တိုးတက်တဲ့နိုင်ငံဆိုတာဟာ အချိန်ကာလနဲ့အတူ
တိုးတက်လပ်ရှားသင့်တယ်။ တယူသန်အစွဲနဲ့ အမြင်ကျဉ်းမြောင်းတဲ့ သဘောထားတွေကို
ရှောင်သင့်တယ်ဆိုတာပါပဲ။
မေး။ ခင်ဗျားရဲ့ ဖခင်ဟာ သမိုင်းစဉ်အရ မြန်မာ့တပ်မတော်နဲ‹ တွဲဖက်လာခဲ့တာမို့ အနာဂတ်
ဒီမိုကရက်တစ်မြန်မာနိုင်ငံမှာ စစ်တပ်ဟာ ဘယ်လိုနေရာက ပါသင့်တယ်လို့ ခင်ဗျား ထင်ပါသလဲ။
မြန်မာနိုင်ငံလို တိုင်းပြည်မှာ စစ်တပ်က နိုင်ငံရေးမှာ နေရာယူဖို့ ဥပဒေစည်းမျဉ်းတွေလုပ်ဖို့ လိုတယ်လို့
ယူဆပါသလား။
ဖြေ။ တပ်မတော်ဟာ နိုင်ငံရေးမှာ မပါရဘူးလို့ ကျမအဖေက ပြောခဲ့ပါတယ်။ အဲဒီအယူအဆကို ကျမ
လုံးလုံးလျားလျား ထောက်ခံပါတယ်။
( ဒေါ်အောင်ဆန်းစုကြည်၏ ကြောက်ရွံ့ခြင်းမှ လွတ်ကင်းရေး စာအုပ်မှ)

''ဗိုလ်ချုပ်အောင်ဆန်း၏ ဘဝဖြစ်စဉ်နေ့ စွဲများ''

ဗိုလ်ချုပ်အောင်ဆန်းသည် သူ့ကျွန်မခံလိုသူ ဦးမင်းရောင်၏မြေးဖြစ်၍ ရှေ့နေကြီး
ဦးဖာနှင့် ဒေါ်စုတို့၏သားဖြစ်သည်။
၁၉၁၅။ ။ ဖေဖေါ်ဝါရီလ ၁၃ ရက်၊ ၁၂၇၆ တပေါင်းလဆန်း ၁ရက် စနေနေ့ တွင်
မကွေးတိုင်းနတ်မေါက်မြို့ ၌ဖွားမြင်သည်။ဗေဒင် ဆရာကဇာတာတွင် ထိန်လင်းဟု
အမည်ရေးသော်လည်း အကိုဖြစ်သူအောင်သန်းနှင့်လိုက်ဖက်ရန် အောင်ဆန်းဟုခေါ်
တွင်ခဲ့ သည်။
၁၉၂၂။ ။ အသက်(၇) နှစ်တွင်နတ်မောက်မြို့ ဆရာတော်ဦးသောဘိတထံတွင်
ကျောင်းနေခဲ့ သည်။
၁၉၂၈။ ။ ရေနံချောင်းအမျိုးသားအထက်တန်းကျောင်းသို့ ပြောင်းနေခဲ့သည်။
၁၉၃ဝ။ ။သတ္တမတန်းအောင်ကာ ဦးရွှေရိုး စကောလားရှစ်ရသည်၊ တစ်လ ၁ဝ
ဖြင့်သုံးနှစ်စာစကောလားရှစ်ရခဲ့ သည်။
၁၉၃၂။ ။ရေနံချောင်း အမျိုးသားအထက်တန်းကျောင်းမှ အထက်တန်းအောင်ကာ
ရန်ကုန်တက္တသိုလ်ရောက်သည်။
၁၉၃၄။ ။ဥပစာတန်းအောင်သည်(စာမေးပွဲခုံအမှတ်၂၃၁)။ တကသအမှူဆောင်
ရွေးကောက်ပွဲရှုံးနိမ့်သည်။
၁၉၃၅-၃၆ ။ ။တကသအမှူဆောင်ရွေးကောက်ပွဲဝင်ရာ အရွေးခံရသည်။ အိုးဝေ
မဂ္ဂဇင်း အယ်ဒီတာအဖြစ်ဆောင်ရွက်သည်။ထိုသို့ ဆောင်ရွက်စဉ် အိုးဝေမဂ္ဂဇင်း၌
'ခွေးသရမ်းကြီးလွတ်နေသည်'ံဆောင်းပါးရေးသူကို
ထုတ်ဖေါ်မပြော၍တက္တသိုလ်မှထုတ်ပယ်ခံရသည်။
၁၉၃၆။ ။တကသ ဒုဥက္တဌရွေးချယ်ခံရသည်၊ ရန်ကုန်မြို့ ဂျူဘလီဟောခန်းမ၌
ကျင်းပသော ဗမာနိုင်ငံလုံးဆိုင်ရာ ကျောင်းသားများညီလာခံတွင်မိန့်ခွန်းပြောကြား
သည်။
၁၉၃၇။ ။အင်္ဂလိပ်စာပေ၊ ဥရောပရာဇဝင်၊ နိုင်ငံရေးဗေဒဘာသာရပ်များဖြင့်
ဝိဇ္ဇာတန်းအောင်မြင်သည်။
၁၉၃၇-၃၈ ။တကသဒုဥက္ကဌအဖြစ်ဆောင်ရွက်ပြီး ဗမာနိုင်ငံလုံးဆိုင်ရာကျောင်းသား
များသမဂ္ဂ ဥက္ကဌအဖြစ်လည်းဆောင်ရွက်သည်။
၁၉၃၇။ ။ရန်ကုန်တက္ကသိုလ် ပဲခူးဆောင် သဟာရနှင့်စာဖတ်အသင်း ဥက္ကဌအဖြစ်
ဆောင်ရွက်သည်၊ပဲခူးဆောင်အခန်းအမှတ်(၁၁၃)တွင်နေခဲ့သည်။
၁၉၃၈။ ။ဥပဒေသင်ကြားနေရာမှ၎င်း၊ ဗမာနိုင်ငံလုံးဆိုင်ရာကျောင်းသားများ သမဂ္ဂ
ဥက္ကဌနေရာမှ၎င်း နှုတ်ထွက်သည်။
အင်္ဂလိပ်ဘာသာဖြင့်ထုတ်ဝေသော နယူးဘားမား သတင်းစာအယ်ဒီတာအဖွဲ့တွင်
ခေတ္တဝင်ရောက်လုပ်ကိုင်သည်။ ပထမဦးဆုံးတက္ကသိုလ်ကျောင်းသားကိုယ်စားလှယ်
တက္ကသိုလ်ကောင်စီဝင်အဖြစ် တင်မြှောက်ခြင်းခံရသည်။ အောက်တိုဘာလတွင်
သခင်ကိုယ်တော်မှိုင်းဦးဆောင်သော တို့ဗမာအစည်းအရုံးသို့ ဝင်ရောက်သည်။
၁၉၃၈-၃၉ ။ တကသဥက္ကဌအဖြစ်ဆောင်ရွက်သည်။
၁၉၃၉။ ။ဇန်နဝါရီလတွင် ရန်ကုန်အရေးတကြီးလုံခြုံရေးအက်ဥပဒေဖြင့် (၁၅) ရက်
ဖမ်းဆီးထောင်ချခံရသည်။ ဖေဖေါ်ဝါရီလ(၂၅)ရက်နေ့ သန်းခေါင်ကျော် ၂နာရီခွဲ
တွင်ကျင်းပသော ဗမာနိုင်ငံလုံးဆိုင်ရာ ကျောင်းသားများသမဂ္ဂ အသင်းအလုပ်
အမှူဆောင်အစည်းအဝေးသို့ တက်ရောက်သည်။
ဖေဖေါ်ဝါရီလ ၂၆ရက် ညနေ၅နာရီင်္ခွဲတွင် ဗမာပြည်နန်းရင်းဝန်၊ မြို့မိမြို့ဖ အဖွဲ့ဝင်
လူကြီးများနှင့် ကျောင်းသားခေါင်းဆောင်များ (ကျောင်းသားသပိတ်အရေးနှင့်
စပ်လျဉ်း၍) တွေ့ဆုံဆွေးနွေးသည့် အစည်းအဝေးသို့ တက်ရောက်သည်။ ဧပြီ ၆
ရက်မှ ၉ ရက်အထိကျင်းပသော မော်လမြိုင်ညီလာခံတွင် အတွင်းရေးမှူး အဖြစ်
တာဝန်ခံ ဆောင်ရွက်သည်။ သြဂုတ်လ၁၃ ရက်နေ့တွင် ရန်ကုန်ရေကျော်ရပ်
တို့ဗမာအစည်းအရုံးတည်ရာဌာန၌ သခင်အောင်ဆန်း၊ သခင်လှဖေ၊ ကိုသိန်းဖေ၊
ကိုဗဟိန်း၊ မစ္စတာဒတ္တားတို့သည် တို့ဗမာအစည်းအရုံးအတွင်းတွင် ကွန်မြူနစ်အဖွဲ့
လေးတရပ် စတင်ဖွဲ့ စည်းသည်။ သြဂုတ်လ ၁၅ ရက်နေ့ တွင်ရန်ကုန်အရှေ့ ပိုင်း
၄၉လမ်းအိမ်နံပါတ် ၁၈၈တွင် ဗမာပြည်ကွန်မြူနစ်ပါတီကိုလျို့ ဝှက်စွာတည်ထောင်
ဖွဲ့စည်းပြီး သခင်အောင်ဆန်းက အထွေထွေအတွင်းရေးမှူးအဖြစ် တာဝန်ယူ
ခဲ့သည်။ စက်တင်ဘာ ၁ ရက်တွင် ဒေါက်တာဘမော်အိမ်၌ကျင်းပသော အစည်း
အဝေး၌ ထွက်ရပ်ဂိုဏ်း၏ အတွင်းရေးမှူးအဖြစ် တင်မြှောက်ခြင်းခံရသည်။
နိုဝင်ဘာ ၁၈ ရက်နေ့တွင် မြေအောက်တော်လှန်ရေးဗဟိုအဖွဲ့ကို စတင်တည်ထောင်
ကာ သခင်အောင်ဆန်းအား ပြည်ပခေါင်းဆောင်အဖြစ် တင်မြှောက်ကြသည်။
၁၉၃၉ ဒီဇင်ဘာလမှ ၁၉၄ဝ ဇန်နဝါရီလ အတွင်းဗမာတစ် ပြည်လုံးသို့
တရားလှည့်လည်ဟောပြောခဲ့သည်။
၁၉၄ဝ။ ။ မတ်လ ၂၂ ရက်နေ့ အိန္ဒိယနိုင်ငံ ရမ်းဂါးမြို့တွင်ကျင်းပသော
အိန္ဒိယအမျိုးသား ကွန်ဂရက်ညီလာခံသို့ သခင်သန်းထွန်း၊ သခင်ခင်အောင်၊
သခင်တင်မောင်၊သခင်ဆင်ဂူပတား၊ကိုထွန်းရှိန်(ဗိုလ်ရန်နိုင်)၊ကိုဗဟိန်း တို့နှင့်အတူ
တက်ရောက်ခဲ့ကာ မေလ ၅ ရက်၌ ရန်ကုန်ပြန်ရောက်သည်။ ဇွန်လ ၂၉ ရက်တွက်
ဟင်္သတခရိုင် ရာဇဝတ်ဝန်မစ္စတာဇေးဗီးယားက ဇွန်လ ၁ ရက်နေ့ ဇလွန်မြို့ ၌
ချင်းတောင်အကြောင်းဟောပြောမှုဖြင့် သခင်အောင်ဆန်းကိုဖမ်းရန် ၅ ကျပ်တန်
ဝရမ်းကိုထုတ်ခဲ့ သည်။ သြဂုတ်လ ၈ ရက်နေ့ တွင် သခင်လှမြိုင်နှင့် အတူ ဟိုင်လီ
အမည်ရှိသင်္ဘောဖြင့် ဗမာပြည်မှ တရုပ်ပြည်သို့ လျို့ဝှက်စွာထွက်ခွာခဲ့ကြသည်။
သြဂုတ်လ ၂၄ ရက်နေ့တွင် တရုပ်ပြည် အမွိုင်သို့ ရောက်ရှိကာ ထိုမှတဆင့်
နိုဝင်ဘာ ၁၂ ရက်နေ့တွင် ဂျပန်ပြည် တိုကျိုမြို့သို့ ရောက်ရှိခဲ့သည်။
၁၉၄၁။ ။ မတ်လ ၃ ရက်နေ့တွင် ဗမာပြည်သို့ပြန်လာပြီး မတ်လ၉ ရက်နေ့၌
ရဲဘော်သုံးကျိပ်ထဲမှ ပထမအသုတ်လူငယ်တစ်စုကို တပါတည်းခေါ်ယူပြီး ဂျပန်
ပြည်သို့ လျို့ဝှက်စွာပြန်လည်ထွက်ခွာခဲ့သည်။ မတ်လ ၂၇ ရက်နေ့တွင် ဂျပန်ပြည်
တိုကျိုမြို့သို့ ပြန်လည်ဆိုက်ရောက်ခဲ့သည်။ ထိုနှစ်နိုဝင်ဘာလ ဝရမ်းပြေးနေစဉ်
တက္ကသိုလ်အုတ်ချုပ်ရေးအဖွဲ့မှ နှုတ်ထွက်သည်။ ဒီဇင်ဘာ ၂၇ ၊ ၁၉၄၁ စနေနေ့ ည
၁ နာရီအချိန်တွင် ယိုးဒယား ပြည်ဘန်ကောက်မြို့ရှိ မျိုးချစ်ပုဂ္ဂိုလ်ကြီးဦးလွန်း
ဖေ၏နေအိမ်တွင် ဘီအိုင်အေ ခေါ် ဗမာ့လွတ်လပ်ရေးတပ်မတော်ကို စတင်ဖွဲ့ စည်း
ပြီး လက်မောင်းသွေးဖေါက်သောက်ကြသည်။
၁၉၄၂။ ။ ဇန်နဝါရီလ ၁ ရက် တွင် အင်္ဂလိပ်အစိုးရက သခင်အောင်ဆန်းကို
ဘားမားလစ် ခေါ် အင်္ဂလိပ်အစိုးရ ၏ရန်သူတော်စာရင်းတွင် အ
မှတ်စဉ် ၅ အဖြစ်ကြေညာခဲ့သည်။ ဇူလိုင်လတွင် ဗိုလ်မှူးကြီးရာထူးဖြင့် ဗမာ့ကာ
ကွယ်ရေးတပ်မတော် စစ်သေနာပတိအဖြစ်ဆောင်ရွက်သည်။ သြဂုတ်လ ၁ ရက်
တွက် ဘီအိုင်အေ ဗမာ့လွတ်လပ်ရေးတပ်မတော်မှ ဘီဒီအေ ဗမာ့ကာကွယ်ရေး
တပ်မတော်အဖြစ်သို့ ပြောင်းလဲရာတွင် ဗိုလ်မှူးကြီးရာထူးဖြင့် ဘီဒီအေတပ်မတော်
၏သေနာပတိဖြစ်လာသည်။ စက်တင်ဘာလ ၆ ရက်တွင် ဒေါ်ခင်ကြည်နှင့်
လက်ထပ်သည်။ လက်ထပ်ပွဲကို ဆေးရုံ ယခုစစ်ရုံးချုပ်ပေါ်၌ပင် ကျင်းပသည်။
နိုဝင်ဘာလ ၈ ရက်တွင် မြို့တော်ခန်းမ၌ကျင်းပသော ခေတ်သစ်ဆရာဖြစ်သင်တန်း
တွင် သေနင်္ဂဗျူဟာစစ်ပညာ အကြောင်းဟောပြောသည်။
၁၉၄၃။ ။ မတ်လတွင် ဗိုလ်ချုပ်ရာထူးသို့ တိုးမြှင့်ခြင်းခံရသည်။ မတ်လ ၁၇
ရက်တွင် ဒေါက်တာဘမော်နှင့်အတူ ဂျပန်ပြည် တိုကျိုမြို့သို့ ဖိတ်ကြားခြင်းခံရပြီး
၁၉၄၃ မတ်လ ၂၂ တွင် ဂျပန်အင်ပါယာ၏ ဘွဲ့ထူးဂုဏ်ထူးတံဆိပ်
ဖြင့် ချီးမြှင့်ခြင်းခံရသည်။ သြဂုတ်လ ၁ ရက်တွင် ဗမာ့
တပ်မတော် စစ်ဦးစီး သေနာပတိ ရာထူးအပြင် စစ်ဝန်ကြီးအဖြစ်ဆောင်ရွက်သည်။
ဂျပန်အစိုးရ၏( First Class Order Of The Sacred Treadsure) ချီးမြှင့်
ခြင်းခံရသည်။ အောက်တိုဘာ ၂ ရက်တွင် ဦးဝိစာရကြေးရုပ်နှင့် ကျောက်တိုင်
ဖွင့်ပွဲတွင် မိန့်ခွန်းပြောကြားသည်။
၁၉၄၄။ ။ သြဂုတ်လ ၄ ရက်တွင် ဗိုလ်ချုပ်အောင်ဆန်းခေါင်းဆောင်ပြီး ဖက်ဆစ်
တိုက်ဖျက်ရေးနှင့်ပြည်သူ့လွတ်လပ်ရေးအဖွဲ့ချုပ်ကြီး (ဖဆပလ)ကို ပဲခူးမြို့ ဗမာ့
တပ်မတော် တိုင်း ၄ စခန်း၌ လျို့ဝှက်စွာ ဖွဲ့စည်းခဲ့သည်။ ထိုသို့ဖွဲ့စည်းရာ၌
ဗိုလ်ချုပ်အောင်ဆန်းသည် ဖဆပလ ဗဟိုဦးစည်းအဖွဲ့တွင်၎င်း၊ ဖဆပလ ဗဟို
စစ်ကောင်စီတွင်၎င်း၊ စစ်ရေးခေါင်းဆောင်အဖြစ် တင်မြှောက်ခြင်းခံရသည်။
သြဂုတ်လ ၂၃ ရက် ဗုဒ္ဇဟူးနေ့တွင် ရန်ကုန်မြို့ပတ်လမ်းနှင့် ဦးထွန်းမြင့်
လမ်းထောင့်ရှိ စစ်ဝန်ကြီးဗိုလ်ချုပ် အောင်ဆန်း၏နေအိမ်၌ ဗမာ့တပ်မတော်
ဗမာပြည်ကွန်မြူနစ်ပါတီနှင့် ပြည်သူ့အရေးတော်ပုံပါတီတို့ ပါဝင်ဖွဲ့စည်းသော
ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ချုပ်ကို ပြန်လည်ဖွဲ့ စည်းသည်။
စက်တင်ဘာ ၃ ရက်တွင် ဗိုလ်မှူးကြီး စောကြာဒိုး၊ ဗိုလ်ကြီး စောစံဘိုးသင်၊
ဗိုလ်မှူးရဲထွတ်၊ ဗိုလ်ချုပ်ကတော်ဒေါ်ခင်ကြည်နှင့်အတူ မြောင်းမြမြို့သို့ ရောက်လာ
ကြသည်။ စက်တင်ဘာလ ၇ ရက်တွင် ဗိုလ်မှူးကြီးစောကြာဒိုး၊ ဗိုလ်ကြီး
စောစံဘိုးသင်၊ ဒုဗိုလ် သိန်းဆေ၊ွ ဗိုလ်မှူးကြီးဇေယျ၊ ဗိုလ်မှူးရဲထွတ် တို့ နှင့်အတူ
ပုသိမ်ခရိုင် ကန်ကြီးထောင့်ရွာသို့ ခရီးထွက်ကြသည်။
၁၉၄၅။ ။ မတ်လ ၁၇ ရက်တွင် ရန်သူကိုတိုက်ခိုက်ရန်အတွက် တပ်မတော်
ကိုဦးဆောင်၍ စစ်မြေပြင်သို့ထွက်ခဲ့သည် ။ မတ်လ ၂၇ ရက်နေ့တွင် ဖက်စစ်
ဂျပန်များကို စတင်တော်လှန်သည်။ မေလ ၁၆ ရက်တွင် ဗိုလ်ချုပ်စလင်းနှင့်
ပထမဦးဆုံးအကြိမ် တွေ့ဆုံသည်။ ဇွန်လ ၂ဝ ရက်တွင် အင်္ဂလိပ်စစ်သင်္ဘော
ကမ်ဘာလင် (H.M.S. Cumberland) ပေါ်၌ အခြားနိုင်ငံရေး ခေါင်းဆောင်
များနှင့်အတူ ဘုရင်ခံ ဆာဒေါ်မန်စမစ်နှင့် တွေ့ဆုံဆွေးနွေးသည်။ သြဂုတ်လ ၁၉
ရက် နေသူရိမ်အစည်းအဝေးတွင် မိန့်ခွန်းပြောကြားသည်။ သြဂုတ်လ ၂၉ ရက်
မြို့တော်ခန်းမ၌ကျင်းပသည့် အရှေ့အနောက်အသင်း
တွင်အင်္ဂလိပ်ဘာသာဖြင့် ဟောပြောခဲ့သည်။ စက်တင်ဘာလ ၄
ရက်တွင် အရှေ့တောင်အာရှဆိုင်ရာသေနာပတိ လော့မောင့်ဘက်တန်နှင့် ဗမာ့
တပ်မတော် ဆက်လက်တည်တံ့ရေးအတွက် ဆွေးနွေးရန် သခင်သန်းထွန်း၊ ဗိုလ်
လင်္ကျာ၊ ဗိုလ်နေဝင်း၊ ဦးဘဖေတို့နှင့်အတူ သီဟိုကျွန်း ဂန္ဇီ မြို့သို့သွားသည်။
၁၉၄၆။ ။ဇန်နဝါရီ ၂ဝ ရက်တွင် ရွှေတိဂုံ အလယ်ပစ္စယံ၌ကျင်းပသော နိုင်ငံလုံး
ဆိုင်ရာ ဖဆပလ ညီလာခံတွင် ဖဆပလဥက္ကဌအဖြစ် တင်မြှောက်ခံရသည်။ မတ်လ
၎ ရက်တွင် သခင်မြ၊ ဟင်္သာတဦးမြ၊ ဦးအောင်စံဖေတို့နှင့်အတူ ရန်ကုန်မှ ရခိုင်သို့
ခရီးထွက်သည်။ မတ်လ ၆ ရက်တွင် တောင်ကုတ်ရောက်သည်။ မတ်လ ၇
ရက်တွင် တောင်ကုတ်၌ တရားဟောသည်။ မတ်လ ၁ဝ ရက်တွင် စစ်တွေကို
ရောက်ပြီး၊ မတ်လ ၁၁ ရက်နေ့၌ စစ်တွေမြို့ တွင် တရားဟောသည်။ မတ်လ ၂၆
ရက်တွင် စထရင်း ဟော်တယ်၌အိန္ဒိယခေါင်းဆောင် ပဏ္ဍစ် နေရူး နှင့် ၃
နာရီကြာဆွေးနွေးသည်။ မေလ၂၈ ရက် ညနေ ၄ နာရီ အချိန်၌ ပြည်သူ့
ရဲဘော်တပ်ဖွဲ့အားလုံးကို လောင်းဝစ် လမ်းဌာနချုပ် အဖွဲ့ တည်ရာဌာန၌ သြဝါဒ
မိန့်ခွန်းပေးသည်။ စက်တင်ဘာ ၂၆ ရက်တွင် ဘုရင်ခံ၏အမှူဆောင်ကောင်စီ၌
ဒုသဘာပတိ အဖြစ်ရာထူးလက်ခံ၍ အစိုးရ အဖွဲ့ အသစ် ကိုဖွဲ့ သည်၊ နိုဝင်ဘာလ
၂ ရက် မြစ်ကြီးနားရှိ တိုင်းရင်းသား ကချင်စစ်တပ် ကိုစစ်ဆေးသည်၊ နိုဝင်ဘာလ
၁၄ ရက်မှ နိုဝင်ဘာလ ၃ဝ ရက်နေ့အထိ အထက်ဗမာပြည်သို့ ခရီးထွက်
သည်။ ဒီဇင်ဘာလ ၂၃ ရက်နေ့တွင် ကယားပြည်နယ် လွယ်ကော်မြို့၌
ကျင်းပသည့် ကရင်အမျိုးသား နှစ်သစ်ကူးပွဲတော်သို့ တက်ရောက်သည်။
ဒီဇင်ဘာလ ၂၄ ရက်နေ့ နံနက်တွင် တောင်ကြီးမြို့ညောင်ရွှေဟော်၌ စော်ဘွားများ
နှင့်ပထမဆုံးအကြိမ် ဆွေးနွေးသည်။
၁၉၄၇။ ။ ဇန်နဝါရီလ ၂ ရက်တွင် သခင်မြ၊ ဦးတင်ထွတ်တို့နှင့်အတူ ဘိလပ်သို့
သွားသည်။ ဇန်နဝါရီ ၅ ၇က်နေ့ ညနေ ၅ နာရီ ၁ဝမိနစ်အချိန်တွင် ဒေလီရေဒီယိုမှ
ဗမာပြည်သို့ဟူသော မှာကြားချက်မိန့်ခွန်းကိုအသံလွင့်သည်။ အေရှညီညွတ်ရေးသို့
ဟူသော ဗိုလ်ချုပ် အသံသွင်းမိန့်ခွန်းကိုလည်း ထိုနေ့ည ၈ နာရီခွဲအချိန်တွင်
ဒေလီရေဒီယိုမှ အသံလွင့်သည်။ ဇန်နဝါရီလ ၁၃ ရက်တွင် ဗိုလ်ချုပ်အောင်ဆန်း
ဦးဆောင်သော ကိုယ်စားလှယ်အဖွဲ့နှင့် ဗြိတိသျှဝန်ကြီးချုပ်အက်တလီ ခေါင်း
ဆောင်သော ဗြိတိသျှကိုယ်စားလှယ်အဖွဲ့တို့ ဆွေးနွေးပွဲကို လန်ဒန်မြို့ အမှတ် ၁ဝ
ဒေါင်းနင်းလမ်းရှိ ဗြိတိသျှ ဝန်ကြီးချုပ်ဂေဟာ၌ ကျင်းပသည်။ ဇန်နဝါရီလ ၂၈
ရက်တွင် အောင်ဆန်းအက်တလီစာချုပ်အား လက်မှတ်ထိုးသည်။ ဖေဖော်ဝါရီလ ၂
ရက်နေ့ ရန်ကုန်ပြန်ရောက်သည်။ ဖေဖေါ်ဝါရီလ ၈ ရက်နေ့ ရှမ်းပြည်တောင်ပိုင်း
ပင်လုံမြို့သို့ သွားရောက်သည်။ ဖေဖေါ်ဝါရီလ ၁၂ ရက်နေ့ ပင်လုံစာချုပ်လက်မှတ်
ရေးထိုးသည်။ ဖေဖေါ်ဝါရီလ ၂၈ ရက်နေ့ မြို့တော်ခန်းမတွင် ကျင်းပသော
မြို့တော်ဝန်၏ဧည့်ခံပွဲ၌ မိန့်ခွန်းပြောကြားသည်။ မတ်လ ၁ဝ ရက်နေ့တွင်
ဗမာပြည် အင်္ဂလိပ်ကုန်သည်ကြီးများ အသင်းနှစ်ပါတ်လည်နေ့တွင် မိန့်ခွန်း
ပြောကြားသည်။ မတ်လ ၁၅ ရက်မှ မတ်လ ၁၇ ရက်နေ့အထိ လေကြောင်းခရီးဖြင့်
မြိတ်၊ထားဝယ်၊မော်လမြိုင်မြို့များသို့ ခရီးထွက်သည်။ မတ်လ ၁၇ ရက်နေ့ညနေ ၄
နာရီအချိန်တွင် မော်လမြိုင်မြို့ ဘုရင်မပန်းခြံ၌ မိန့်ခွန်းပြောကြားသည်။မတ်လ ၂ဝ
ရက်နေ့တွင် ကျောက်ဆည်နှင့်မန္တလေးမြို့များတွင် တရားဟောသည်။ မတ်လ ၂၁
စစ်ကိုင်းမြို့တွင် တရားဟောသည်။ မတ်လ ၂၃ ရက် ညောင်ဦးမြို့တွင် တရား
ဟောသည်။ မတ်လ ၂၄ ရက် မကွေးမြို့တွင် တရားဟောသည်။ မတ်လ၂၅ ရက်
နတ်မောက်မြို့တွင် တရားဟောသည်။ မတ်လ ၂၇ ရက် အာလံ (အောင်လံ)
တွင်တရားဟောသည်။ ထိုနေ့တွင်ပင် ရန်ကုန်ပြန်ရောက်သည်။ ဧပြီလ ၁ ရက်တွင်
လေယဉ်ဖြင့်စစ်တွေသို့ ခရီးထွက်သည်။ ထိုညနေတွင် ရေတပ်မတော်မှ စစ်သင်္ဘော
ဖြင့် မြေပုံမြို့သို့ ခရီးဆက်သည်။ ဧပြီလ ၂ ရက်နေ့ တွင်စစ်တွေမှ ရန်ကုန်သို့
လေယာဉ်ဖြင့်ပြန်လာသည်။ ဧပြီလ ၄ ရက်တွင် အုတ်တွင်း တောင်ငူ ပျဉ်းမနား
မြို့များတွင် တရားဟောသည်။ ဧပြီလ ၅ ရက်တွင် ပျော်ဘွယ်၊ တပ်ကုန်း
ရမည်းသင်းမြို့များတွင် တရားဟောသည်။ ဧပြီလ ၉ ရက်နေ့ ညနေ ၆ နာရီတွင်
ဇနီးဖြစ်သူ ဒေါ်ခင်ကြည်နှင့်အတူ မဲရုံများသို့ လိုက်လံစစ်ဆေးသည်။ရွေးကောက်ပွဲ
ကျင်းပရာတွင် ဗိုလ်ချုပ်ဦးဆောင်သော ဖဆပလအဖွဲ့သည် မဲအပြတ်အသတ်ဖြင့်
အနိုင်ရရှိသည်။ ဧပြီလ ၁၂ ရက်နေ့ နေ့လယ် ၂ နာရီတွင် ဗီယက်နမ်
နိုင်ငံကိုယ်စားလှယ် ပါမောက္ခရန်ပင်လော့နှင့်တွေ့ ဆုံသည်။ ဧပြီလ ၁၇ ရက် နေ့
လယ် ၁ နာရီတွင် ကန်တော်ကြီးစောင်းအိုရီယန့်ကလပ်၌ ယိုးဒယား အစိုးရနှင့်
ဗီယက်နမ်အစိုးရ ကိုယ်စားလှယ်တော်များ ဧည့်ခံပွဲတက်ရောက်ပြီး မိန့် ခွန်း
ပြောကြားသည်။ဧပြီလ ၁၈ ရက်နေ့ တွင် နှစ်သစ်ကူးမိန့် ခွန်းပြောကြားသည်။
ဧပြီလ ၂၈ရက်နေ့ မန္တလေးသို့ လာသည်။မေလ ၄ ရက်နေ့ တွင် ဗိုလ်ချုပ်နေအိမ်
၌ ဖဆပလ ကိုယ်စားလှယ်များ ဆိုရှယ်လစ်ကိုယ်စားလှယ်များ၊ ပရသဖ
ကိုယ်စားလှယ်များနှင့် တွေ့ ဆုံဆွေးနွေးပြီး နယ်များတွင် ပြည်သူ့ ရဲဘော်
နှင့်ဆိုရှယ်လစ်များ မသင့်တင့်သည့်ကိစ္စများဖြေရှင်းပေးသည်။ မေလ ၆ရက်နေ့ ည
၈ နာရီတွင် ပြည်လမ်း ပဲခူး ကလပ်၌ မျက်နှာဖြူကုန်သည်ကြီးများ နှင့်
ဆွေးနွေးသည်။ မေလ ၈ ရက်နေ့ ညနေ ၄ နာရီအချိန်တွင် ပသျူး အစိုးရ
ကိုယ်စားလှယ်များဖြစ်သည့် ဒေါက်တာ ဘဟာနုဒင်နှင့် မစ္စတာဂျာဇန်ဇူလေမန် တို့
ကို လက်ဖက်ရည်ပွဲနှင့်ဧည့်ခံသည်။ မေလ၁ဝရက်နေ့ ညနေ ၃ နာရီအချိန်တွင်
သတင်းစာဆရာများကို အရေးပေါ်အစည်းအဝေးခေါ်ယူပြီး ဦးဘဖေကို ဝန်ကြီးအဖွဲ့
မှထုတ်ပယ်သည့်ကိစ္စနှင့်စပ်လျဉ်း၍ ရှင်းလင်းတင်ပြသည်။ မေလ ၁၂ ရက်နေ့ ည
၈နာရီတွင် အမေရိကန်သံအမတ် မစ္စတာ ပက်ကာ ၏နေအိမ်၌ကျင်းပသည့်
ညစာစားပွဲသို့ တက်ရောက်သည်။ မေလ ၁၇ ရက်နေ့တွင် ယိုးဒယားဘုရင်
၏ဆွေတော်မျိုးတော်ဖြစ်သော မင်းသမီး ချန်ဘောနှင့် သမီးတော် အာစီ မင်းသမီး
တို့ကို တာဝါလိန်းနေအိမ်၌ ညစာဖြင့်ဧည့်ခံကျွေးမွေးသည်။ မေလ ၁၉ ရက်နေ့
တွင် ဖဆပလ ပဏာမ ညီလာခံကျင်းပသည်။ မေလ ၂၅ ရက်နေ့ တွင် ဗြိတိသျ
ရေတပ်မှ စစ်သင်္ဘောH.M.S FALE(ယခုစစ်ရေယာဉ် မေယု) အား
ရေတပ်လက်ထောက်ဗိုလ်ချုပ် မစ်ချယ်က လွဲပြောင်းပေးသည်ကို အဆိုပါ သင်္ဘော
ပေါ်၌ပင် လက်ခံသည်။ မေလ၃ဝ ရက်နေ့တွင် သတင်းစာကွန်ဖရန့် ပြုလုပ်သည်။
ဇွန်လ ၁၆ ရက်နေ့တွင် တိုင်းပြုပြည်ပြု လွှတ်တော် အစည်းအဝေး၌ အခြေခံ
ဥပဒေနှင့်ပါတ်သက်သည့် လမ်းညွှန်ပြဌာန်းချက်ကိုတင်သွင်းသည်။ ဇူလိုင်လ
၇ ရက်နေ့တွင် ဗမာပြည်ရှိ အိန္ဒိယ ပဋိညာဉ်ခံ ဝန်ထမ်းများ (ှု.ဃ.ှ)နှင့် တွေ့ ဆုံ
ဆွေးနွေးသည်။ ဇူလိုင်လ ၁၃ ရက် တနင်္ဂနွေနေ့ မြို့တော်ခန်းမမှနေ၍ လူထုသို့
မိန့်ခွန်းပြောကြားသည်။ (နောက်ဆုံးပြောကြားခဲ့သော မိန့်ခွန်း ဖြစ်သည်)။
ဇူလိုင်လ ၁၉ ရက် စနေနေ့ နံက် ၁ဝ နာရီ ၃၇ မိနစ် အချိန်တွင်
မသမာသူလူတစ်စု၏ လုပ်ကြံမှုကြောင့်ကျဆုံးခဲ့ သည်။