Friday, April 2, 2010

ဒေါ်အောင်ဆန်းစုကြည်၏ အခြေခံရပ်တည်ချက်

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က မိမိရဲ့ အခြေ ခံ နိုင်ငံရေးရပ်တည်ချက်နဲ့ ဝါဒသဘောထားကို ၂၀၀၉ ခုနှစ် အောက် တိုဘာလအတွင်းမှာ ပြင်ပသို့ အမှာစကားပါးလိုက်ရာမှာ အောက်ဖော်ပြ ပါ မိန့်ခွန်းသုံးခုအတိုင်းဖြစ်တယ်လို့ ပြောလိုက်ပါတယ်။

အဲဒီ မိန့်ခွန်း ဆောင်းပါးတွေကတော့…

၁။ "လွတ်လပ်မှုကိုဘဲ ကျမတို့လိုချင်တယ်" Parade မဂ္ဂဇင်း၊ မတ်လ ၉ ရက် ၂၀၀၃

၂။ "ကျမတို့ လွတ်လပ်မှုကိုမြှင့်တင်ဖို့ သင်တို့ရဲ့လွတ်လပ်မှုကို အသုံးချကြပါ" NewYorkTimes သတင်းစာ၊ ဖေဖော်ဝါရီ ၄ ရက် ၁၉၉၇ (ဝါရှင်တန်မြို့တော် အမေရိကန်တက္ကသိုလ် ဂုဏ်ထူးဆောင်ပါရဂူဘွဲ့ လက်ခံမိန့်ခွန်း)

၃။ နေရူးဆု လက်ခံမိန့်ခွန်း၊ နယူးဒေလီ၊ အိန္ဒိယနိုင်ငံ၊ ၁၉၉၃

(၁)
လွတ်လပ်မှုကိုပဲ ကျမတို့လိုချင်တယ်

မြန်မာနိုင်ငံတဝန်း ခရီးသွားလာရင်း ကျမက လူတွေကို ဘာလို့ဒီမိုကရေစီ လိုချင်တာလဲ လို့ မေးကြည့်မိပါတယ်။ မကြာခဏဆိုသလို အကြားရဆုံးအဖြေကတော့ ကျနော်တို့ ကျမတို့ လွတ်မြောက်ချင်လို့ဆိုတာ ပါပဲ။ သူတို့ အကျယ် ချဲ့ပြီးမပြောရဘဲ သူတို့ဘာပြော တယ်ဆိုတာ ကျမ နားလည်ပါတယ်။ သူတို့ရဲ့ကံကြမ္မာကို သူတို့ကိုယ်တိုင် ပုံဖော်ဆုံး ဖြတ်ခွင့်မရှိဘဲ ဖိနှိပ်ခံနေရတာကနေ လွတ်မြောက်ချင်ကြပါတယ်။ လက်နက်အင်အားပေါ် အခြေပြုတဲ့ အမိန့်တွေနဲ့ ထင်ရာစိုင်းမှုတွေအောက် ရောက်နေရတဲ့၊ သူတို့ရဲ့ နိစ္စဓူဝကြုံ တွေ့နေရတဲ့ အဖြစ်တွေကို မလိုချင်ကြတော့ပါဘူး။

လူငယ်တွေကို ကျမက လွတ်လပ်ခြင်းဆိုတာဘာလဲလို့ မေးကြည့်တဲ့အခါ သူတို့က သူတို့ စိတ်ထဲရှိတာတွေကို ရှိတဲ့အတိုင်း ရင်ဖွင့် ပြောပြချင်တာလို့ ဆိုပါတယ်။ သူတို့ အသိ ဉာဏ်ပညာစိန်ခေါ်မှုကို ဖြည့်ဆည်းမပေးနိုင်တဲ့ ပညာရေးစနစ်အပေါ် မကျေနပ်ချက်တွေ ကို သူတို့ ထုတ်ဖော်ပြောလိုကြပါတယ်။ ဝေဖန်၊ ဆွေးနွေး၊ ငြင်းခုံနိုင်သူတွေဖြစ်ပြီး စုရုံး၊ သီဆို၊ အော်ဟစ်၊ သြဘာပေးနိုင်ဖို့ ထောင်သောင်းသိန်းမက စုဝေးနိုင်သူတွေ ဖြစ်လို ကြပါတယ်။ မြန်မာနိုင်ငံက လူငယ်တွေဟာ ကျယ်ပြန့်လွန်းတဲ့ မျှော်လင့်ချက်တွေနဲ့ အံမ ခန်းမှုတွေပြည့်နေတဲ့ လူငယ်ဘဝရဲ့ နိုးကြားတက်ကြွတဲ့အရွယ်တွေကို အပြည့်အဝပိုင် ဆိုင်ချင်တယ်။ မရေရာမှုတွေ၊ ကြီးကျယ်မှုတွေနဲ့ စိတ်ကူးယဉ်မှုတွေ၊ တောက်ပခမ်းနား မှုနဲ့ ဖီလာဆန့်ကျင်မှုတွေ ကြမ်းတမ်းခက်ထန်မှုနဲ့ သိမ်မွေ့မှုတွေ တန်းစီပြည့်နေတဲ့ လူငယ် ဘာဝကို အပြည့်အဝရယူလို ကြပါတယ်။

မြန်မာ အမျိုးသမီးတွေအနေနဲ့ရော ဘာတွေအလိုရှိပါသလဲ။ ကုန်ဈေးနှုန်းကြီးမြင့်မှုရဲ့ ဖိစီးမှုဒဏ်ကြောင့် အားဆုတ်ငြီးငွေ့လောက် အောင် အိမ်မှုထိန်းသိမ်းနေရတဲ့ဘဝက လွတ်မြောက်ချင်ကြပါတယ်။ လွတ်လပ်စွာတွေးတော ကြံဆမိလို့ ခင်ပွန်းဖြစ်သူ အပြစ်ပေးအ ရေးယူခံရမလား ဒါမှမဟုတ် ကလေးတွေများ ဘဝရဲ့အခွင့်အလမ်းတွေ ဆုံးပါးသွားမလားဆိုတဲ့ စိုးရိမ်ကြောင့်ကြမှုတွေက ကင်းလွတ် ချင်ကြပါတယ်။ မိသားစုကို ထောက်ပံ့နိုင်အောင် ခန္ဓာကိုယ် ရင်းနေရတဲ့ဘဝက လွတ်မြောက်ဖို့ တောင့်တနေကြတဲ့ အမျိုးသမီးတွေ လည်း တော်တော်များများ (အများကြီးကို) ရှိပါတယ်။

ကျမ တွေ့ဆုံခဲ့တဲ့ လယ်သမားယာသမားတွေဆိုရင် သူတို့ဆန္ဒအတိုင်း စိုက်ပျိုးထွန်ယက်ချင်ကြတယ်။ မတော်မတရားဈေးနှိမ်ခံရပြီး အစိုးရကို မရောင်းမနေရ ခြိမ်းခြောက်ခံရတာမျိုးတွေက ကင်းလွတ်ပြီး သူတို့ထွက်ကုန်တွေကို ကိုယ့်ဆန္ဒနဲ့ကိုယ် ဈေးကွက်တင်ရောင်း ချလိုကြပါတယ်။ သူတို့ဟာ နိစ္စဓူဝ မြေနဲ့ဖက်ပြီး ဘဝကို ရုန်းကန်ရပ်တည်သူ တွေပါ။ ဒီလိုကြမ်းတမ်းတဲ့ ဘဝတွေအပေါ်မှာ ကျိုး ကြောင်းမဆီလျော်တဲ့အမိန့်တွေနဲ့ နားလည်ရခက်တဲ့ အာဏာပိုင်တွေကြောင့် နောက်ထပ်ဝန်ထုပ်ဝန်ပိုး မလိုချင်ကြတော့ပါဘူး။

ဒါနဲ့ အမျိုးသားဒီမိုကရေစီအဖွဲ့ချုပ်အဖွဲ့ဝင် ကျမတို့ရောလို့မေးစရာရှိပါတယ်။ ဘာလို့ ကျမတို့တတွေ တိုင်းပြည်လွတ်မြောက်ဖို့ ခက် ခက်ခဲခဲလုပ်ကိုင်နေပါသလဲ။ ဒီလိုလုပ်ကိုင်နေတာဟာ ဒီမိုကရေစီအပေါ် မရေမရာနဲ့ အကောင်းမြင်မျှော်လင့်ပြီး ထင်ရာလုပ်ကိုင်နေ တာ မဟုတ်ပါဘူး။ ဒီမိုကရေစီဆိုတာ သူရဲ့တောက်ပမှုကို ကြာရှည်ထိန်းနိုင်အောင် အမြဲတစေအရောင်တင်ပေးရတဲ့ ရတနာတပါး ဖြစ်တယ်ဆိုတာ ကျမတို့သိပါတယ်။ ပျက်စီးဆုံးရှုံးတာ၊ အခိုးခံရတာတွေမဖြစ်အောင်ကာကွယ်ဖို့ ဒီမိုကရေစီကို မျက်ခြည်မပြတ် စောင့် ကြပ်ကြည့်ရှုနေရပါလိမ့်မယ်။

လွတ်လပ်တဲ့ မြန်မာပြည်ကသာ လူ့ဂုဏ်သိက္ခာကို တန်ဖိုးထားလေးစားတဲ့နိုင်ငံ တည်ထောင်နိုင်မှာမို့ လွတ်မြောက်ရေးအတွက်ကို ကျမတို့တတွေ ပင်ပင်ပန်းပန်ကြိုးစားနေကြတာ ဖြစ်ပါတယ်။

တိုင်းပြည်တဝှန်း လှည့်လည်သွားတဲ့အခါ လူတွေက ကျမ နေအိမ်အကျယ်ချုပ်နဲ့ နေရတဲ့အချိန်တွေ၊ ပထမအကြိမ် ခြောက်နှစ်နဲ့ ဒုတိ ယအကြိမ် ဆယ့်ကိုးလနေရတာမှာ ဘယ်လိုခံစားရသလဲလို့ မေးကြပါတယ်။ မိသားစု မိတ်ဆွေအပေါင်းအသင်းတွေနဲ့ ခွဲခွာပြီး ကျမ ဘယ်လိုနေခဲ့သလဲပေါ့။ ဒီအာဏာရှင်နိုင်ငံမှာ ယုံကြည်ချက်အတွက် အကျဉ်းချခံရသူကသာ အမှန်တကယ်လွတ်လပ်သူဖြစ်နေတာ ဂွကျလှတယ်လို့ ကျမပြာချင်ပါတယ်။ မှန်ပါတယ်။ ကျမတို့ဟာ ကျမတို့ရဲ့သာမန်ဘဝလွတ်လပ်ခွင့်တွေကို ပေးဆပ်ထားရတယ်။ ဒါပေ မဲ့ လူသားဘဝရဲ့ တန်ဖိုးအရှိဆုံး ဖြစ်တဲ့ ယုံကြည်ချက်အမှန်တရားအပေါ် ကျမတို့ ကြံ့ကြံ့ခံရပ်နေခဲ့ကြပါတယ်။

ဒီမှာ ပြည်သူလူထုအတွက် ကျမ အလိုချင်ဆုံးကတော့ စစ်မှန်တဲ့ လွတ်လပ်ခွင့်အောက်မှာ လုံလုံခြုံခြုံနေရဖို့နဲ့ စစ်မှန်တဲ့လုံခြုံမှု အောက်မှာ လွတ်လွတ်လပ်လပ်နေနိုင်ဖို့ပါပဲ။ ကြောက်ရွံ့မှုရဲ့ နုံးချည့်သေးသိမ်စေတဲ့ အနှောင်အဖွဲ့တွေ ကိုဖယ်ရှားပြီး မြန်မာပြည် သူတွေဟာ လွတ်လပ်တဲ့လူသားတွေအဖြစ် ခေါင်းမော့ဂုဏ်ယူနိုင်သူတွေ ဖြစ်လာမှာကို ကျမတွေ့မြင် လိုပါတယ်။ ကျမတို့အားလုံး အ တွက် ပိုပြီးပျော်ဖို့ကောင်းတဲ့၊ လုံခြုံမှုလည်းပိုရှိတဲ့ လူ့ဘောင်ဘဝ တည်ဆောက်ဖို့ စည်းစည်းလုံးလုံး ပျော်ပျော်ရွှင်ရွှင် ကြိုးပမ်းကြတာ ကို ကျမတွေ့မြင်လိုပါတယ်။

အထူးသဖြင့် လူငယ်တွေဟာ ကိုယ့်ကိုယ်ကိုယုံကြည်မှုအပြည့်နဲ့ အနာဂတ်ကိုတက်လှမ်းပြီး တန်ဖိုးရှိတဲ့ စိတ်ဓာတ်တွေ မြင့်မြင့်မား မားနဲ့ စိန်ခေါ်မှုအားလုံးကိုရင်ဆိုင်တာ ကျမတွေ့မြင်လိုပါတယ်။ "ဒီတိုင်းပြည်ဟာ ဒီမြေကို ချစ်သူ၊ ဒီမြေမှာနေ၊ ဒီမြေမှာသေခဲ့သူအား လုံးအတွက် ထိုက်တန်တဲ့တိုင်းပြည်အဖြစ် ဘိုးဘွားအမွေအနှစ်အတွက် ဂုဏ်ယူရပြီ" လို့လည်း ကျမပြောပြချင်ပါတယ်။ ဒါတွေဟာ စိတ်ကူးယဉ်အိပ်မက်တွေ မဟုတ်ပါဘူး။ ဒါတွေဟာ ပြည်သူလူထုရဲ့ဆန္ဒသာ နောက်ဆုံးမှာ အောင်ပွဲမုချရရမယ်ဆိုတဲ့ ခိုင်မာတဲ့ယုံ ကြည်မှုနဲ့ ကျမတို့အားလုံး နှစ်နဲ့ချီကြိုးပမ်း လုပ်ဆောင်နေတာတွေရဲ့ ပကတိဦးတည်ရာပဲဖြစ်ပါတယ်။

(ဝါရှင်တန်ပို့စ် သတင်းစာနှင့်တွဲထွက်သည့် ၂၀၀၃ ခုနှစ် မတ်လ ၉ ရက်နေ့ထုတ် Parade သတင်းစုံမဂ္ဂဇင်းတွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ရေးသားသည့် All We Want is Our Freedom ဆောင်းပါးကို ထိုက်သူနိုင် ဘာသာပြန်ဆို တင်ပြထားသည်။)



(၂)
ကျမတို့လွတ်လပ်မှုကို မြှင့်တင်ဖို့ သင်တို့ရဲ့လွတ်လပ်မှုကိုအသုံးချကြပါ
ကျမတို့ မြန်မာနိုင်ငံမှာ ဒီမိုကရေစီအရေး ကြိုးပမ်းဆောင်ရွက်နေသူတွေဟာ ဖိနှိပ်ချုပ် ချယ်မှုများလွန်းတဲ့ လူ့အဖွဲ့ အစည်းမှာ သူ့ကျွန်အဖြစ် အေးအေးဆေးဆေးနေမယ့်အစား အခြေခံလူ့အခွင့်အရေးအတွက် ရပ်တည်တိုက်ပွဲဝင်ဖို့ ကိုယ့်ဘဝကိုယ် ရွေးချယ်ကြပါ တယ်။ ကျမတို့ရဲ့ တော်လှန်ရေးဟာ တရားမျှတမှုနဲ့ စာနာနားလည်မှုအပေါ် အရင်းခံတဲ့ ယုံကြည်မှုရှိမှသာလျှင်ဖြစ်မယ့် အကြမ်းမဖက်လှုပ် ရှားမှုတရပ်သာ ဖြစ်ပါတယ်။

လူဆိုတာ မိမိကောင်းစားရေးကိုသာ အဓိကထားတဲ့ စီးပွားရေးအကျိုးအမြတ်ကိုသာ ရှေး ရှုတတ်သူ သတ္တဝါသာ ဖြစ်တယ်လို့ တချို့က ဆိုကောင်းဆိုပါလိမ့်မယ်။ ဒါပေမယ့် မိမိ ယုံကြည်ချက်နဲ့ စိတ်ဓာတ်ခွန်အားတွေကို စွဲကိုင်ပြီး ပြင်းထန်လှတဲ့ အပြစ်ပေးအရေး ယူမှုတွေ ကို ရဲရဲဝံ့ဝံ့ရင်ဆိုင်ဖို့ ပြင်ဆင်ထားတဲ့ အမျိုးသား၊ အမျိုးသမီးတွေလည်း ဒုနဲ့ဒေး ရှိသေးတယ်ဆိုတာကိုကြည့်ယင် အဲဒီအဆိုဟာ သေးသိမ်ကျဉ်းမြောင်းလှတယ်ဆိုတာ သိ ပါလိမ့်မယ်။ ဒီလိုအမျိုးကောင်းသမီး၊ အမျိုးကောင်းသားတွေ ကျမတို့နိုင်ငံမှာ မြောက် များစွာရှိနေသေးတာကြောင့် ကျမ လွန်စွာအားတက်မိပါတယ်။

မြန်မာနိုင်ငံမှာ ကျောင်းသား၊ ကျောင်းသူတွေရဲ့ တက်တက်ကြွကြွပါဝင်လှုပ်ရှားမှုတွေကြောင့် တော်လှန်ပြောင်းလဲမှုတွေ ပေါ်ပေါက် လာတတ်တဲ့ နိုင်ငံရေးယဉ်ကျေးမှုတရပ်ရှိတယ်လို့ အများကလက်ခံထားကြပါတယ်။ ရန်ကုန်တက္ကသိုလ်ကနေ သူတို့ရဲ့ နိုင်ငံရေးဘဝ ကို အစပြုခဲ့တဲ့ ကျမအဖေ ဗိုလ်ချုပ်အောင်ဆန်း အပါအဝင် ငယ်ရွယ်နုနယ်တဲ့ ခေါင်းဆောင်များကြောင့် ကျမတို့နိုင်ငံရဲ့ လွတ်လပ် ရေးကြိုးပမ်းလှုပ်ရှားမှုဟာ အောင်ပွဲခံခဲ့ရပါတယ်။

ဒီလို ထူးထူးခြားခြား ရဲရင့်တက်ကြွတဲ့ ဆန့်ကျင်အာခံလိုစိတ်တွေနဲ့ သြဇာတိက္ကမကြီးမားလှတဲ့ အတိုက်အခံ အဖွဲ့အစည်းမျိုးကို ဘယ် လိုအာဏာရှင်အစိုးရမဆို ပစ်မှတ်ထားချေမှုန်းမှာ အသေအချာပါဘဲ။ ၁၉၆၂ ခုနှစ်ကတည်းက အာဏာရလာတဲ့ မြန်မာစစ်အစိုးရက တော့ အာဏာရပြီးသိပ်မကြာခင် ရန်ကုန်တက္ကသိုလ်ကျောင်းသားသမဂ္ဂ အဆောက်အဦကို ဖျက်ဆီးခဲ့တဲ့အပြင် ကျောင်းသားတွေ အ သင်းအပင်းဖွဲ့စည်းခွင့်ကိုပါ တရားမ၀င်ကြောင်း ဆုံးဖြတ်ခဲ့ပါတယ်။

၁၉၈၈ ခုနှစ်မှာတော့ အရပ်သားအရေခြုံထားတဲ့ စစ်အစိုးရတပိုင်း မြန်မာ့ဆိုရှယ်လစ်လမ်းစဉ်ပါတီရဲ့ အုပ်ချုပ်မှု ကို မြန်မာပြည်သူတွေ ဆန့်ကျင်အာခံခဲ့ပါတော့တယ်။ တတိုင်းတပြည်လုံးမှာဖြစ်ပွားနေတဲ့ ဆန္ဒပြပွဲတွေကို ထိပ်ဆုံးကနေ ဦးဆောင်နေတဲ့သူတွေကတော့ ကျောင်းသား ကျောင်းသူတွေဖြစ်ပြီး သူတို့ရဲ့ အဓိကတောင်းဆိုချက် တွေထဲက တခုကတော့ ကျောင်းသားသမဂ္ဂဖွဲ့စည်းခွင့်ပဲ ဖြစ်ပါ တယ်။

ဒီအတွက် စစ်အာဏာရှင်တွေတုံ့ပြန်လိုက်တဲ့အဖြေကတော့ သူတို့ကို ပစ်သတ်လိုက်ကြတာပါပဲ။ ရှစ်နှစ်ကျော် ကြာလာတဲ့အထိ မြန် မာပြည်ကကျောင်းသား ကျောင်းသူတွေဟာ မိမိတို့အကျိုးဖြည့်ဆီးပေးပြီး မိမိတို့ အမှန်တကယ်လိုချင်တောင့်တလှတဲ့ ကျောင်းသား အဖွဲ့အစည်းမျိုးကို မတည်ထောင်နိုင်သေးပါဘူး။

အခု သိပ်မကြာလှသေးတဲ့ ဒီဇင်ဘာလကတောင်မှ ကျောင်းသားသမဂ္ဂဖွဲ့စည်းရေးကိုတောင်းဆိုတဲ့ ကျောင်းသားဆန္ဒပြပွဲတရပ် ပေါ် ပေါက်ခဲ့ပြီး အဲဒီ ဆန္ဒပြပွဲတောင်းဆိုချက်တွေ လျစ်လျုရှုခံခဲ့ရပါတယ်။ အဲဒီဆန္ဒပြပွဲမှာ ပါဝင်သူတွေကို အင်အားသုံးဖြိုခွဲခဲ့ပြီး ကျမရဲ့ ပါတီဖြစ်တဲ့ အမျိုးသားဒီမိုကရေစီအဖွဲ့ချုပ်က လူငယ်ပါတီဝင်တွေကို အဆိုပါဆန္ဒပြပွဲ စီစဉ်ရာမှာ ပါဝင်တယ်ဆိုတဲ့စွပ်စွဲချက်နဲ့ ဖမ်းခဲ့ပါ တယ်။ ကျမကိုလည်း ကျောင်းသားတွေနဲ့ တွေ့ဆုံဆွေးနွေးခဲ့တယ်ဆိုပြီး စွပ်စွဲခဲ့ပါသေးတယ်။

နိုင်ငံရေးသမားတွေနဲ့ ကျောင်းသားတွေ တွေဆုံဆွေးနွေးတာဟာ အစိုးရကို ပုန်ကန်ခြားနားတယ်လို့ အမှန်တကယ်သာ ယူဆနေမယ် ဆိုယင် ကျမတို့နိုင်ငံမှာ ဝမ်းနည်းစိတ်မကောင်းစရာတွေ ထပ်ပြီးပေါ်ပေါက်လာတော့မှာ ဖြစ်ပါတယ်။ ကျမပါတီဟာ ကျောင်းသားတွေ ရဲ့မျှော်မှန်းချက်တွေကို စာနာထောက်ခံကြောင်း ဘယ်တုံးကမှာ လျှို့ဝှက် မထားခဲ့ပါဘူး။ ကျမတို့ဟာ မတူညီတဲ့မျိုးဆက်တွေအကြား နီးစပ်အောင် ကြိုးပမ်းနေပြီး ဒီလိုကြိုးပမ်းခြင်းအားဖြင့် ကျမတို့ရဲ့ရည်ရွယ်ချက်တွေနဲ့ အားထုတ်မှုတွေ ဆက်လက်ရှင်သန်တည်တန့်ပြီး ကျမတို့တိုင်းပြည်ရဲ့ အသွေးအသားထဲ ပေါင်းစည်းယှက်နွယ်သွားအောင် ဖြစ်ပါတယ်။

ကျမတို့ဟာ ကိုယ့်ထက်အဆမတန် သာလွန်တဲ့အင်အားတွေကို အံတုယင်း၊ စစ်အာဏာနဲ့ အစိုးရဗျူရိုကရက်ယန္တရား ပေါင်းစည်းထား တဲ့အားကို ဆန့်ကျင်အာခံယင်း တခါတလေမှာ သံသယတွေ ဝင်လာတတ်ပါတယ်။ ဘယ်လို သံသယမျိုးလဲဆိုတော့ လက်ရှိအမိန့် အာဏာတွေဟာ အမြဲတမ်းမပျက်မသုဉ်း တည်ရှိမယ့်အရာတွေဘဲလို့ ယုံကြည်နေသူတွေရဲ့ သံသယတွေပါပဲ။ လက်ရှိအခြေအနေကို ပဲ လက်ခံလိုက်တာဟာ အသင့်လျှော်ဆုံးဖြစ်မယ်လို့ နားလည်ယုံကြည်ထားသူတွေ အများကြီးရှိနေတာ အံ့သြစရာပါပဲ။

ကျမတို့ဟာ ပြောင်းလဲဖို့လိုတဲ့ကိစ္စတွေကို ပြောင်းလဲဖို့စွမ်းအားအပေါ် ယုံကြည်မှုရှိပေမဲ့ အာဏာရှင်စနစ်ကနေ လစ်ဘရယ်ဒီမိုကရေစီ ကို ကူးပြောင်းဖို့သွားတဲ့ ခရီးလမ်းဟာ လွယ်လိမ့်မယ်၊ ဒါမှမဟုတ် ဒီမိုကရေစီအစိုးရလက်ထက်မှာ ကျမတို့ရဲ့ပြဿနာတွေအားလုံး ပြေပျောက်သွားလိမ့်မယ်လို့ ဘယ်တုန်းကမှ ထင်ယောင်မှားခဲ့တာမျိုး မရှိပါဘူး။ ရှေ့မှာ ကျမတို့အတွက် ကြီးမားလှတဲ့စိန်ခေါ်မှုတွေ စောင့်နေတယ်ဆိုတာ ကျမတို့သိသလို တည်ငြိမ်တဲ့ ဒီမိုကရေစီ လူ့အဖွဲ့အစည်းတရပ် တည်ထောင်ဖို့အတွက် ကျမတို့ရဲ့ လှုပ်ရှားရုန်း ကန်မှုဟာ ကျမတို့ရဲ့ ဘဝသက်တမ်းမက ကြာမြင့်ကောင်း ကြာမြင့်လိမ့်မယ်ဆိုတာ ကြိုတင်မှန်းဆထားပါတယ်။

ဒါပေမဲ့ ဒီလို လှုပ်ရှားရုန်းကန်ရာမှာ ကျမတို့ဟာ အထီးကျန်မဟုတ်ဘူးဆိုတာ နားလည်ပါတယ်။ လွတ်လပ်မှုနဲ့ တရားမျှတမှု ရှာဖွေရာ မှာ ကျမတို့ကိုဂရုဏာသက်သူတွေ ကမ္ဘာနဲ့အဝှန်း ရှိနေပါတယ်။ လူမျိုး၊ ဘာသာ၊ အသားအရောင်မရွေး နေရာတိုင်းက ခံစားတွေး တောတတ်တဲ့ လူသားတွေအနေနဲ့ အဓိပ္ပာယ်ရှိတဲ့ ဖြစ်တည်မှုကို လိုလားတောင့်တတာဟာ ရုပ်ဝတ္ထုပစ္စည်းတပ်မက်မှု သက်သက် ထက် အဆပေါင်းများစွာသာလွန်ပါတယ်။ နိုင်ငံရေးအခွင့်အရေးတွေ အပြည့်အဝရှိတဲ့ လူ့အဖွဲ့အစည်းမှာ နေထိုင်ခွင့်ရနေတဲ့ ကံ ကောင်းလှသူတွေအနေနဲ့ ဆင်းရဲဒုက္ခတွေ ပြည့်နှက်နေတဲ့ ကျမတို့ကမ္ဘာကြီးရဲ့ အခြားနေရာတွေက ကံမကောင်းအကြောင်းမလှသူ တွေကို ကူညီဖို့ အင်မတန်လိုအပ်လှပါတယ်။

ကျမတို့လှုပ်ရှားရုန်းကန်မှုရဲ့ တစိတ်တပိုင်းကတော့ နိုင်ငံတကာအသိုင်းအဝိုင်းအနေနဲ့ကျမတို့ ဆင်းရဲမွဲတေနေရတာဟာ လုံလောက် တဲ့ ရင်းမြစ်နဲ့ ရင်းနှီးမြှုပ်နှံမှုတွေ ရှားပါးလွန်းလို့မဟုတ်ဘဲ အုပ်ချုပ်မှုကောင်းကောင်း ပေါ်ထွန်းစေတဲ့ အခြေခံအဆောက်အအုံတွေနဲ့ အလေ့အကျင့်တွေ နည်းပါးလွန်းလို့သာဖြစ်တယ် ဆိုတာကို သိမြင်နားလည်စေခြင်း ပါပဲ။

ဖိနှိပ်လွန်းတဲ့ အစိုးရတွေနဲ့ဆက်ဆံဖို့ နောက်တွန့်စိုးရွံ့ခြင်းမရှိတဲ့ နိုင်ငံစုံစီးပွားရေးလုပ်ငန်းကြီးတွေ အများအပြား ရှိနေပါတယ်။ သူတို့ အနေနဲ့ မြန်မာ့စီးပွားရေးမှာ ပါဝင်ပတ်သက်ဖို့ လာရောက်ရတာဟာ ဒီမိုကရေစီလုပ်ငန်းစဉ်ကို အကူအညီဖြစ်စေဖို့သာ ဖြစ်တယ်လို့ အ ကြောင်းပြလေ့ရှိပါတယ်။

ဒါပေမဲ့ နိုင်ငံရေးအာဏာနဲ့စီးပွားရေးကို လက်ဝါးကြီးအုပ်၊ ချမ်းသာပြီးသားလူတစုကိုသာ ပိုမိုချမ်းသာစေတဲ့ ရင်းနှီးမြှုပ်နှံမှုတွေဟာ ဒီမို ကရေစီစနစ်အတွက် အခြေခံအုတ်မြစ်တွေဖြစ်တဲ့ လွတ်လပ်မှုနဲ့တရားမျှတမှုကို ဖော်ဆောင်ပေးနိုင်မှာ မဟုတ်ပါဘူး။

ဒါကြောင့် အတွေးအခေါ်လွတ်လပ်မှုနဲ့ လူသားဆန်တဲ့စိတ်ကူးစံတွေကို မြှင့်တင်ပေးနိုင်မယ့် စွမ်းအားဖြန့်ကျက်ဖို့ စိတ်ဝင်စားသူ ဘယ် သူမဆို မြန်မာစစ်အစိုးရနဲ့ စီးပွားရေးလုပ်ဆောင်နေတဲ့ ကုမ္ပဏီတွေကို ပြတ်ပြတ်သားသား ဆန့်ကျင်ရပ်တည်သွားပါလို့ တိုက်တွန်း ချင်ပါတယ်။ ကျေးဇူးပြု၍ ကျမတို့ရဲ့လွတ်လပ်မှုကို မြှင့်တင်ဖို့ ရှင်တို့ရဲ့လွတ်လပ်မှုကို အသုံးချပေးပါလို့ တောင်းပန်ပါရစေ။

(ဝါရှင်တန်မြို့တော် အမေရိကန်တက္ကသိုလ် ဂုဏ်ထူးဆောင်ပါရဂူဘွဲ့လက်ခံမိန့်ခွန်းကို အခြေခံသည့် New York Times နှင့်
International Herald Tribune သတင်းစာဆောင်းပါး၊ ဖေဖော်ဝါရီ ၄ ရက် ၁၉၉၇)

(၃)
ဂျာဝါဟာလားလ်နေရူး ဆုချီးမြှင့်ပွဲသို့ ပေးပို့သည့် ဒေါ်အောင်ဆန်းစုကြည်၏ ဆုလက်ခံမိန့်ခွန်း နယူးဒေလီ၊ အိန္ဒိယနိုင်ငံ၊ ၁၉၉၃

သမတကြီး၊ ဒုသမတကြီး၊ ဝန်ကြီးချုပ်၊ နေရူးဆုကော်မတီဝင်များ၊ သံတမန်များ၊
ဂုဏ်သရေရှိဧည့်သည်တော်များနှင့် မိတ်ဆွေမျာရှင့် ...

ဒီဆုပေးပွဲ အခါသမယဟာ ခံစားချက်အမျိုးမျိုးကို ပေါ်ပေါက်စေပါတယ်။ ကျမကို အိန္ဒိယနိုင်ငံက လူပေါင်းများစွာနဲ့ သံယောဇဉ်တွယ်မိစေတဲ့၊ အားကောင်းတဲ့ ချစ်ကြည် ရင်းနှီးမှုနှောင်ကြိုးတွေ ဘုံနိုင်ငံရေးစိတ်ကူးစံတွေ ရှိပါတယ်။ ကျမဘဝမှာ အိန္ဒိယနိုင်ငံ အကြောင်း၊ "ပန်ဒစ်ကြီး" လို့ ကျမတို့မိသားစုကအမြဲခေါ်တဲ့ ပန်ဒစ်နေရူးအကြောင်း ရင်းနှီးကျွမ်းဝင်မဖြစ်ခဲ့တဲ့ အချိန်ကာလဆိုတာ မရှိခဲ့ပါဘူး။ သူ့ကိုအမှတ်တရနဲ့ ထူ ထောင်ထားတဲ့ နိုင်ငံတကာနားလည်မှု ဆုတံဆိပ်ချီးမြှင့်ခံရတာဟာ ကျမအတွက် ဂုဏ် ယူဝမ်းသာစရာ ဖြစ်ပါတယ်။

တဖက်ကကြည့်ရင် ဒီဆုကို ကျမ လူတဦးချင်းအနေနဲ့ ရတာမဟုတ်ဘဲ မြန်မာနိုင်ငံ ဒီမိုကရေစီလှုပ်ရှားမှုရဲ့ ကိုယ်စားလှယ်တယောက် အဖြစ်ရတာကို ကောင်းကောင်း သ ဘောပေါက်ပါတယ်။ အဲဒါကြောင့် ကျမမှာ လူသားပီသတဲ့ မေတ္တာကရုဏာစိတ်နဲ့ ကျေးဇူးတင်ဝမ်း မြောက်စိတ် ပြည့်လျှံသွားမိပါတယ်။ ကမ္ဘာတလွှားမှာ လူ့ဂုဏ်သိက္ခာ တိုးတက်မြင့်မားရေးအတွက် ထူးထူးချွန်ချွန် အကျိုးဆောင်ခဲ့သူတွေကို ချီးမြှင့်တဲ့ ဘွဲ့ ထူးဂုဏ်ထူးတွေလက်ခံဖို့ ကျမ အရွေးချယ်ခံရတိုင်း အဲသလိုစိတ်မျိုး ဖြစ်ပေါ်တတ်ပါတယ်။ ကျမရဲ့ တိုင်းပြည်မှာတော့ နိုင်ငံတကာ အသိအမှတ်ပြု စောင့်ရှောက်မခံရဘဲ ကျမတို့ပြည်သူလူထုကို လုံခြုံပြီးသိက္ခာရှိတဲ့ ဘဝရပ်တည်မှု အာမခံချက်ပေးမယ့် အခြေခံမူတွေ ရပိုင်ခွင့်တွေရဖို့အတွက် မိမိတို့ရဲ့ဘဝနဲ့ မိမိတို့ရဲ့လွတ်လပ်မှုသာမက မိမိတို့အသက်တွေတောင် စွန့်လွှတ်စွန့်စားနေသူ အမျိုးသား အမျိုးသမီးတွေ အများကြီးရှိနေပါတယ်။ ဒီသတ္တိပြောင်တဲ့ အမျိုးသား အမျိုးသမီးတွေရဲ့တိုက်ပွဲကို မီးမောင်းထိုးပြဖို့ အခွင့်အလမ်း ရတဲ့အတွက် ကျမကျေးဇူးတင်ပါတယ်။ လူသားနွယ်တရပ်လုံးအတွင်းမှာ သူတို့တတွေကိုယ်စား နိုင်ငံတကာနား လည်မှုဆိုင်ရာ နေရူး အမှတ်တရဆု လက်ခံခွင့်ရတဲ့အတွက်လည်း ကျမကျေးဇူးတင်ပါတယ်။

ကျမဟာ လွတ်လပ်တဲ့ ဒီမိုကရေစီမြန်မာနိုင်ငံ ပေါ်ထွန်းရေးအတွက် အင်မတန့်ကို စွန့်လွှတ်စတေးခဲ့သူတွေကို ဦးညွတ်ဂုဏ်ပြုချင်တဲ့ ဆန္ဒ ပြင်းပြနေသလို အိန္ဒိယနိုင်ငံနဲ့ ကျမရဲ့နှောင်ကြိုးတွေကို တဖန်ပြန်ထူထောင် အချောကိုင်ဖို့လည်း ဆန္ဒပြင်းပြနေတဲ့အတွက် ဒီက နေ့ လူကိုယ်တိုင်လာရောက်ပြီး ဆုလက်ခံချင်ခဲ့ပါတယ်။ ဒါပေမဲ့ အခြေအနေမပေးလို့ မဖြစ်နိုင်တဲ့အတွက် ကျမရဲ့ကိုယ်စားအဖြစ် အင် မတန်ချစ်ခင်တဲ့ မိသားစုမိတ်ဆွေလည်းဖြစ်၊ "ဂုဏ်ထူးဆောင်" ဒေါ်လေးလည်းဖြစ်သူကို ထိုက်ထိုက်တန်တန် ရွေးချယ်ခဲ့ပါတယ်။ သူ မဟာ ကုလသမဂ္ဂအတွင်းရေးမှူးရုံးရဲ့ ပထမဆုံးမြန်မာလူမျိုး ရုံးအဖွဲ့ဝင်ဖြစ်ပြီး နိုင်ငံတကာနားလည်ရေးအတွက် ထက်ထက်သန်သန် ဆော်သြခဲ့ လက်တွေ့ကျင့်သုံးခဲ့သူ ဖြစ်ပါတယ်။ သူမဟာ ကျမကိုယ်စား ဆုချီးမြှင့်ပွဲနဲ့ထိုက်သင့်တဲ့ ဂုဏ်ကြက်သရေအပြည့်နဲ့ ဆု လက်ခံမယ် ဆိုတာ ကျမ ယုံကြည်ပါတယ်။

နိုင်ငံတကာနားလည်မှုရှိရေးအတွက် ပန်ဒစ်နေရူးရဲ့ အကျိုးပြုချက်တွေက သူ့ဘဝတသက်တာအတွင်း ကမ္ဘာ့ဇာတ်ခုံပေါ်မှာ သူပါဝင် ကပြခဲ့တဲ့ အခန်းထက် ကျော်လွန်ပြီး ထွေပြားတဲ့ယဉ်ကျေးမှုဓလေ့တွေကြား၊ အမျိုးမျိုးအဖုံဖုံ သော သဘောတရားဝါဒရေးရာတွေကြား ကွာဟချက်ကို ကျဉ်းမြောင်းလျော့ကျစေခဲ့ပါတယ်။ ရုပ်ဝတ္ထုစွမ်းပကား ပိုလို့ ပိုလို့တွင်ကျယ်လာတဲ့ကမ္ဘာကြီးမှာ တလောကလုံးဆိုင်ရာ လူသားတန်ဖိုးစံတွေ ထူထောင်နိုင်ဖို့ တိုက်ပွဲဝင်ရုန်းကန်နေကြတဲ့ ပြည်သူလူအများကို နေရူးဝိညာဉ်က အားပေးအကျိုးပြုနေပါတယ်။

ကျမအချုပ်အနှောင်ခံနေရတဲ့ နှစ်ကာလတွေအတွင်းမှာ မဟတ္တမဂန်ဒီနဲ့ ပန်ဒစ်နေရူးတို့ရဲ့ စကားတွေ စာတွေဟာ အစဉ်တစိုက် စိတ် ဓာတ်မြှင့်တင် အားပေးနေခဲ့ပါတယ်။ ဒီကြီးကျယ်မြင့်မြတ်လှတဲ့ အိန္ဒိယအမျိုးသားနှစ်ယောက်ကို ကျမအလေးစားအကြည်ညိုဆုံး ရှေ့ဆောင်လမ်းပြတွေ၊ ဆရာသမားတွေ၊ မိတ်ဆွေတွေစာရင်းထဲ ထည့်ထားပါတယ်။ ကျမ ပြင်ပကမ္ဘာနဲ့ အဆက်ဖြတ်ခံခဲ့ရတဲ့ ခြောက် နှစ်တာကာလတလျှောက်လုံး ကျမအိမ်ရှေ့ခန်းမမှာ ပန်ဒစ်ကြီးကိုယ်တိုင်ရေး အထုပ္ပတ္တိထဲက ထာဝရရှင်သန်နေမယ့်စကားတွေကို ကောက်နှုတ်ပြီး ပိတ်ကားချပ်ပေါ် ရေးကူးချိတ်ဆွဲထားပါတယ်။ ဒီစကားတွေဟာ ကျမအပေါ် နက်နက်ရှိုင်းရှိုင်း စွဲထင်နေတဲ့အတွက် အဲဒီထဲကတပိုဒ်ကို ကိုးကားပါရစေ။

တရားဥပဒေစိုးမိုးရေးနှင့် ငြိမ်ဝပ်ပိပြားရေးတို့သည် အိန္ဒိယနိုင်ငံကို ဗြိတိသျှအုပ်စိုးမှု၏ ဂုဏ်ယူဖွယ်အောင်မြင်ချက်များထဲ ပါဝင်သည် ဟု ကျနော်တို့ကို သင်ကြားခဲ့သည်။ ကျနော်၏ကိုယ်ပိုင်အသိစိတ်အရ ယင်းတရားဥပဒေစိုးမိုးရေးနှင့် ငြိမ်ဝပ်ပိပြားရေးကို လုံးဝလို လားထောက်ခံပါသည်။ ကျနော်သည် စည်းကမ်းရှိရှိနေထိုင်ခြင်းကို နှစ်သက်ပြီး မင်းမဲ့ဝါဒ၊ စည်းကမ်းမဲ့ ဗရုတ်သုက္ခဖြစ်မှုနှင့် စွမ်း ဆောင်ရည်မဲ့မှုကို မနှစ်ခြိုက်ပါ။ သို့ရာတွင် ခါးသီးသောအတွေ့အကြုံကြောင့် ပြည်သူလူထုအပေါ် နိုင်ငံတော်အစိုးရများက ချမှတ် သည့် တရားဥပဒေစိုးမိုးရေးနှင့် ငြိမ်ဝပ်ပိပြားရေး၏ တန်ဖိုးကို ကျနော်သံသယဖြစ်မိပါသည်။ တခါတရံတွင် ယင်းတန်ဖိုးအတွက် ပေး ဆောင်ရသည့် စရိတ်မှာလွန်ကျူးလှပြီး တရားဥပဒေစိုးမိုးရေးဟူသည်မှာ ကြီးစိုးလွှမ်းမိုးနေသည့် ဂိုဏ်းတရပ်၏ ဆန္ဒသဘောထားသာ ဖြစ်ပြီး ငြိမ်ဝပ်ပိပြားရေးဟူသည်မှာလည်း အသွေးအသားထဲအထိ စိမ့်ဝင်နေသည့် ကြောက်ရွံ့မှု၏လွန့်တုန့်ချက် reflex သာ ဖြစ် သည်။ တခါတရံတွင် တရားဥပဒေစိုးမိုးရေးနှင့် ငြိမ်ဝပ်ပိပြားရေးဟု ခေါ်ဆိုကြသည့်အရာမှာ လက်တွေ့တွင် တရားဥပဒေနှင့်ငြိမ်ဝပ် ပိပြားခြင်း ကင်းမဲ့မှုဟု ပို၍သင့်တော်စွာခေါ်ဝေါ်နိုင်ပေသည်။ အပြန့်အနှံ့ဖြစ်နေသည့် ကြောက်ရွံ့မှုအပေါ် အခြေခံထားသော မည် သည့်အောင်မြင်မှုမဆို နှစ်လိုဖွယ်ရာဖြစ်နိုင်ရန်ခဲယဉ်းလှပြီး နိုင်ငံတော်အစိုးရ၏ အကြပ်ကိုင်ခြိမ်းခြောက်မှုယန္တရားပေါ် အခြေခံထား ကာ ယင်းယန္တရားနှင့် ခွဲခြားမတည်ရှိနိုင်သော 'ငြိမ်ဝပ်ပိပြားရေး' ဆိုသည်မှာလည်း အရပ်ဖက်အုပ်စိုးမှုထက် စစ်ဖက်သိမ်းပိုက်စိုးမိုးမှု နှင့် ပိုတူနေပါသည်။ ကဗျာဆရာကြီး ကဠဏ၏ သက်တမ်းထောင်ချီရှိပြီဖြစ်သည့် ရာဇတရံဂဏိ အမည်ရှိ ကက်ရ်ှမီးယား ရာဇဝင် ဇာတ်တော်ကြီးထဲတွင် မင်းနှင့်နိုင်ငံတော်အစိုးရတို့က စောင့်ထိန်းရန်တာဝန်ရှိသော ဓမ္မ (မှန်သောတရား) နှင့် အဘယ (အကြောက် အရွံ့မဲ့မှု) တို့ကို တရားဥပဒေစိုးမိုးရေးနှင့် ငြိမ်ဝပ်ပိပြားရေး အဓိပ္ပာယ်ဖြင့် ထပ်တလဲလဲသုံးနှုန်းထားသည်ကို တွေ့ရှိရသည်။ တရား ဥပဒေ စိုးမိုးရေးဆိုသည်မှာ တရားဥပဒေ မည်ကာမတ္တထက်သာလွန်သလို ငြိမ်ဝပ်ပိပြားရေး ဆိုသည်မှာလည်း ပြည်သူပြည်သားများ အနေဖြင့် အကြောက်အရွံ့မဲ့ခြင်းကို ဆိုလိုခဲ့သည်။ ကြောက်ရွံ့ထိတ်လန့်နေသော ပြည်သူလူထုအပေါ် 'ငြိမ်ဝပ်ပိပြားမှု' သက်ရောက် စေခြင်းထက် အကြောက်အရွံ့မဲ့မှုကို ပျိုးထောင်စိမ့်ဝင်စေသည့်စိတ်ကူးက အများကြီးပို၍ နှစ်လိုဖွယ်ပါ တကား။

အဲဒီအပိုဒ်မှာ ပန်ဒစ်နေရူး ဖော်ပြထားတဲ့ ခံစားချက်တွေဟာ ကျမရဲ့ခံစားချက်တွေနဲ့ လုံးဝတထပ်တည်း ဖြစ်ပါတယ်။ သူနဲ့ကျမ တူ ညီတာတွေ အများကြီးရှိတယ်လို့ မကြာခဏဆိုသလို ကျမခံစားမိပြီး အမေနဲ့အတူ အိန္ဒိယမှာ ကျမနေတဲ့ကာလတွေတုံးက ပန် ဒစ်ကြီးနဲ့ ပိုရင်းနှီးအောင်လုပ်နိုင်တဲ့အခွင့်အလမ်း မယူမိခဲ့တာကို နောင်တရမိပါတယ်။ အဲဒီတုံးကတော့ သူ့ကို ကျမမိဖတွေရဲ့ မိတ် ဆွေတယောက်အဖြစ်လောက်ပဲ သဘောထားမိခဲ့ပြီး တနေ့ကျရင် ကျမကိုယ်တိုင်ရဲ့မိတ်ဆွေအဖြစ် သဘောထားမိမှာကို တခါမှ မစဉ်း စားမိခဲ့ပါဘူး။

ပန်ဒစ်နေရူးဟာ လူမျိုးရေးနဲ့ အသားအရောင်တံတိုင်းတွေ မျိုးဆက်တံတိုင်းတွေကို သူ့ရဲ့ နွေးထွေးတဲ့ လူသားဆန်မှု မေတ္တာကရုဏာ ဓာတ်နဲ့ မကြာခဏဖြတ်ကျော်ခဲ့ပါတယ်။ ကျမအဖေဟာ မြန်မာပြည်လွတ်လပ်ရေးအတွက် လန်ဒန်ကိုသွားဆွေးနွေးတဲ့အခါ ဒေလီမှာ ခဏနားပြီး ပန်ဒစ်နေရူးနဲ့ တခြားအိန္ဒိယခေါင်းဆောင်တွေနဲ့ ဆွေးနွေးခဲ့ပါတယ်။ ပန်ဒစ်ကြီးဟာ သူ့ထက် (၂၆) နှစ်ငယ်တဲ့ ကျမအဖေ အပေါ် ဖခင်စိတ် ချက်ချင်းပြခဲ့ပါတယ်။ အဖေ့ရဲ့ နွမ်းဖတ်ဖတ် ပါးလှပ်လှပ် ချည်ယူနီဖောင်းကို ကြင်နာတဲ့မျက်လုံးနဲ့ ဝေဖန်ပိုင်းခြားပြီး အဲဒီ အဝတ်အစားနဲ့ အလုပ်ဖြစ်မှာမဟုတ်ဘူးလို့ ဆုံးဖြတ်ခဲ့ပါတယ်။ ပန်ဒစ်ကြီးက အပ်ချုပ်ဆရာတွေကို ပုံစံကျကျ ထူထူထဲထဲ သိုး မွှေးယူနီဖောင်း လေး-ငါးထည် အမြန်ချုပ်ပေးဖို့ စီစဉ်ခဲ့ပါတယ်။ အင်္ဂလန်နိုင်ငံဟာ အဲဒီတုံးက တသက်မှာမကြုံဖူးအောင်အေးတဲ့ ဆောင်းရာသီကိုတွေ့နေရတာ ကြားရတဲ့အတွက် ပန်ဒစ်ကြီးက အပေါ်ဝတ်ရုံအနွေးထည်ကြီး (ဂရိတ်ကုတ်) တထည်ကိုလည်း တနေ ရာကဆွဲပေးခဲ့ပါတယ်။ ကျမအဖေရဲ့ လူသိများတဲ့ဓာတ်ပုံတပုံမှာ သူ့အတွက်အတော်လေးကြီးနေတဲ့ အဲဒီ ဂရိတ်ကုတ်ကြီးထဲ မြုပ်ဝင် နေတာကို ပြထားပါတယ်။

၁၉၆၀ မှာ ကျမအမေ အိန္ဒိယနိုင်ငံဆိုင်ရာသံအမတ် ခန့်အပ်ခံရတဲ့အခါ ပန်ဒစ်နေရူးက ရင်းရင်းနှီးနှီး နွေးနွေးထွေးထွေး စောင့်ရှောက် ခဲ့ပါတယ်။ အများပြည်သူပွဲလမ်းသဘင်တွေမှာဆိုရင်လည်း အမေ့ကိုတမင်ရွေးပြီး နေကောင်း ကျန်းမာလား မေးလေ့ရှိခဲ့ပါတယ်။ ဒီလို လူသားဆန်တဲ့ နွေးထွေးမှုအမူအရာမျိုးတွေနဲ့ ပန်ဒစ်နေရူးဟာ လူမျိုးမရွေး ဘာသာမရွေး ပြည်သူပြည်သားတွေရဲ့ စိတ်နှလုံးကို ရယူ နိုင်ခဲ့တာဖြစ်ပါတယ်။ ဒါ့အပြင် သူ့ရဲ့ဒီမိုကရေစီ ယုံကြည်ချက် နိုင်ငံတကာ့ဝါဒယုံကြည်ချက်တွေကို လက်မခံသူတွေကတောင် သူ့ ဉာဏ်ပညာနဲ့ ရိုးဖြောင့်မှုကြောင့် လေးစားသွားကြ ပါတယ်။

ဒီမိုကရေစီနိုင်ငံရေးစနစ်ဟာ ကျမတို့ရဲ့ ခြောက်ပစ်မကင်းကမ္ဘာကြီးကို ဖိစီးနှိပ်စက်နေတဲ့ ပြဿနာတပုံတခေါင်းအတွက် အကောင်း ဆုံးဖြေရှင်းချက်တွေ ပေးစွမ်းနိုင်တယ်လို့ ယုံကြည်ကြတဲ့ ကျမတို့အဖို့ ပန်ဒစ်နေရူးနဲ့ အိန္ဒိယနိုင်ငံတို့ရဲ့ အောင်မြင်မှုတွေက အင်မတန့် ကို အားဖြစ်စေပါတယ်။ ဒီအိန္ဒိယတိုက်ငယ်ဟာ လူမျိုးတွေ၊ ဘာသာစကားတွေနဲ့ အယူဝါဒတွေ အများကြီးရှိနေတဲ့တိုက်ငယ် ဖြစ် တယ်၊ ဒီနိုင်ငံဟာ တုန်လှုပ်ခြောက်ခြားစရာကောင်းလှတဲ့ လူမျိုးရေး-ဘာသာရေးအဓိကရုဏ်း၊ အစွန်းရောက်ဝါဒနဲ့ အကြမ်းဖက်မှုတွေ ကြောင့် အနေအထားတွေ ဖရိုဖရဲဖြစ်သွားပြီး လပိုင်းအတွင်းမှာ ကံကြမ္မာနဲ့ချိန်းဆိုချက်အတိုင်း ရင်ကော့ခေါင်းမော့ပြီး ရှေ့တက်လှမ်း သွားခဲ့တဲ့ နိုင်ငံဖြစ်တယ်၊ လူသားရဲ့ ဝမ်းတွင်းပါဂုဏ်သိက္ခာကို လေးစားပြီး လွတ်လပ်ဖို့နဲ့ ကိုယ့်ဖာသာကိုယ်အုပ်ချုပ်ဖို့ ထိုက်တန်တဲ့ သတ္တဝါအဖြစ် တန်ဖိုးထားတဲ့စနစ်က မထိန်းချုပ်နိုင်တဲ့ပြဿနာမရှိဘူးဆိုတာကို ဒီကမ္ဘာ့အကြီးဆုံး ဒီမိုကရေစီနိုင်ငံကြီးက အကောင်း ဆုံး သက်သေပြနေ ပါတယ်။ ကျမတို့ နိုင်ငံလည်း မဝေးတော့တဲ့တနေ့မှာ ပြည်သူလူထုရဲ့ဆန္ဒသဘောထားက ရှေ့ဆောင်လမ်းပြပြီး ဓမ္မနဲ့ အဘယတို့စိုးမိုးတဲ့ ဒီမိုကရေစီနိုင်ငံ ဖြစ်လာလိမ့်မယ်လို့ မြန်မာပြည်သူအများတကာ့ အများစုကြီးက နှစ်နှစ်ကာကာမျှော်လင့်နေ ပါတယ်။

အိန္ဒိယနိုင်ငံနဲ့ မြန်မာနိုင်ငံတို့ဟာ နယ်မြေချင်းစပ်နေရုံမကပါဘူး။ မြန်မာ့ယဉ်ကျေးမှုရဲ့ ကျောရိုးဖြစ်တဲ့ ဗုဒ္ဓဘာသာဟာ အိန္ဒိယမြေပေါ် က ထွက်ပေါ်လာတာ ဖြစ်ပါတယ်။ ကျမတို့ခေတ်ကာလရဲ့ ဧရာမနည်းပညာတိုးတက်မှုတွေကြောင့် ကမ္ဘာကြီးဟာ ပိုပြီးသေးငယ်လာ ပေမဲ့ ပိုရှုပ်ထွေးပြီး အင်မတန်အန္တရာယ်ကြီးနိုင်စရာ ဖြစ်လာပါတယ်။ ဒီလိုကမ္ဘာကြီးမှာ ဗုဒ္ဓဝါဒကသင်ကြားပေးတဲ့ မေတ္တာ၊ ကရုဏာ၊ သည်းခံခွင့်လွှတ်မှုနဲ့ မိမိကိုယ်မိမိထိန်းချုပ်မှုတို့ဟာ တန်ဖိုးရှိလှတဲ့ အရည်အသွေးတွေ ဖြစ်ပါတယ်။ လူမျိုးအားလုံး လူအားလုံးကို ဘုံ လူသားနွယ်ဖြစ်မှုက စည်းနှောင်ထားတာကို အသိအမှတ်ပြုဖို့၊ တယောက်ကိုတယောက် ပိုနားလည်စေတဲ့ အရည်အသွေးတွေကို မြေ တောင်မြှောက်ပေးဖို့ တခါမှမကြုံဖူးအောင်ကို လိုအပ်နေပါပြီ။ သူတို့ရဲ့အမြော်အမြင်ကျယ်ပြောမှုနဲ့ တစိမ်းတရံစာနှလုံးသားတွေကို သိမ်းကျုံးယူနိုင်ခဲ့တဲ့ မဟတ္တမဂန္ဒီနဲ့ ပန်ဒစ်နေရူးတို့လို ကြီးကျယ်မြင့်မားမှု တခါမှမကြုံဖူးအောင်ကို လိုအပ်နေပါပြီ။

ဒီကနေ့ အိန္ဒိယနိုင်ငံဟာ သူ့ရဲ့ကြီးမြတ်တဲ့ခေါင်းဆောင်ကြီးတွေရဲ့ အစဉ်အလာအတိုင်း ဆက်လက်လျှောက်လှမ်းနေပါတယ်။ ကျမရဲ့ နှလုံးသားနဲ့ အင်မတန့်ကိုရင်းနှီးလှတဲ့ ဒီနိုင်ငံကနေ နိုင်ငံတကာ့နားလည်မှုဆိုင်ရာဆု လက်ခံယူဖို့ ရွေးချယ်ခံရတာဟာ တကယ့်ကို ဂုဏ်ယူစရာ ဖြစ်ပါတယ်။ သမတကြီးနဲ့ နေရူးဆုကော်မတီဝင်များရှင့်၊ ကျမရဲ့တိုင်းပြည်၊ ကျမရဲ့ပြည်သူတွေနဲ့ ကျမကိုယ်တိုင်ကို ဂုဏ်ပြုတဲ့အတွက် ကျေးဇူးတင် ပါတယ်။

(ဒေါ်သန်းအေးက သမတကြီး ဒေါက်တာရှန်ကာဒါယားရှားမ ထံမှ ဒေါ်စုကိုယ်စား ဆုလက်ခံယူခဲ့သည်။)
ဘာသာပြန်... ဂါမဏိ၊ ထိုက်သူနိုင် နှင့် အမည်မသိသေးသူ တဦးဖြစ်ပါသည်။ 
 ရင်းမြစ်။ ။နေ့သစ် 

အာဆီယံ ခေါင်းဆောင်တွေ မြန်မာ့ ရွေးကောက်ပွဲအရေး ဆွေးနွေးဖွယ်ရှိ



မြန်မာစစ်အစိုးရက ဒီနှစ်ထဲ ရွေးကောက်ပွဲတွေ ကျင်းပပေးဖို့ ရှိနေတယ် ဆိုပေမဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် အတိုက်အခံ နိုင်ငံရေး အင်အားစုတွေ ပါဝင်ခွင့်မရှိ ဖြစ်နေတဲ့ အခြေအနေတွေနဲ့ ပတ်သက်လို့ အရှေ့တောင်အာရှ နိုင်ငံများအသင်း (အာဆီယံ) နိုင်ငံခြားရေး ၀န်ကြီးတွေ ဆွေးနွေးကြဖို့ ရှိနေပါတယ်။
ရှေ့လာမယ့် သီတင်းပတ်ထဲ ဗီယက်နမ်နိုင်ငံ ဟနွိုင်မြို့မှာ အာဆီယံ ၀န်ကြီးတွေ တွေ့ဆုံပြီး ဒေသတွင်း ကိစ္စတွေ ဆွေးနွေးရာမှာ မြန်မာနိုင်ငံ အခြေအနေတွေကိုပါ ထည့်သွင်း ပြောဆိုဖို့ ရှိနေတဲ့အကြောင်း အသင်းကြီးရဲ့ နိုင်ငံခြားရေးရာဌာန ညွှန်ကြားရေးမှူးချုပ်ကို ကိုးကားပြီး ထိုင်းနိုင်ငံထုတ် ဘန်ကောက်ပို့စ် သတင်းစာက ဒီကနေ့ပဲ ဖော်ပြလိုက်တာပါ။
ဒီဆွေးနွေးမှုတွေကနေ မြန်မာနိုင်ငံဆိုင်ရာ ထုတ်ပြန် ကြေညာချက်တစောင် ထွက်ပေါ်လာနိုင်မယ်လို့ မျှော်လင့်ရကြောင်းလည်း သတင်းက ဖော်ပြခဲ့တာပါ။
မြန်မာစစ်အစိုးရက ရွေးကောက်ပွဲဆိုင်ရာ ဥပဒေတွေ ထုတ်ပြန်ရာမှာ ပြစ်ဒဏ် စီရင်ခံနေရသူတွေ နိုင်ငံရေးပါတီတွေမှာ ပါဝင်ခွင့်ကို တားမြစ်ခဲ့တာမို့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား ၂,၀၀၀ ကျော်လောက် နိုင်ငံရေး လုပ်ငန်းစဉ်တွေမှာ ပါဝင်ခွင့် မရှိနိုင်တဲ့ အခြေအနေမျိုးနဲ့ ကြုံနေရတာပါ။
ဒီအတွက်လည်း အဓိက နိုင်ငံရေး ပါတီကြီး တခုဖြစ်တဲ့ အမျိုးသားဒီမိုကရေစီ အဖွဲ့ချုပ် (NLD) က ရွေးကောက်ပွဲအတွက် ပါတီ မှတ်ပုံတင်ခြင်း မပြုဘို့ တနင်္လာနေ့တုန်းကပဲ တခဲနက် ဆုံးဖြတ်ခဲ့တာလည်း ဖြစ်ပါတယ်။
ဒီလို အခြေအနေတွေအောက် ကျင်းပဖို့ ရှိနေတဲ့ ရွေးကောက်ပွဲနဲ့ ပတ်သက်လို့ အာဆီယံအသင်းဝင် နိုင်ငံတခုဖြစ်တဲ့ အင်ဒိုနီးရှားနိုင်ငံက တချိန်က အာဏာရှင် လက်အောက်က ရုန်းထွက်လာတဲ့ နိုင်ငံတခုအဖြစ် စိုးရိမ်မကင်း ဖြစ်ရကြောင်း ပြသမှုတွေ ရှိနေပါတယ်။
ဒါပေမဲ့လည်း အင်ဒိုနီးရှားနဲ့ မြန်မာနိုင်ငံကြား တူညီမှုတချို့ ရှိပေမဲ့ ကွဲလွဲတဲ့ သဘာဝတွေလည်း ရှိနေတာမို့ မြန်မာစစ်အစိုးရ အနေနဲ့ ဘာတွေလုပ်သင့်တယ်၊ ကိုင်သင့်တယ် ဆိုတာမျိုး ပြောဆိုလိုတဲ့ ဆန္ဒတော့ မရှိဘူးလို့ ၂ ရက်ကြာ မြန်မာနိုင်ငံ ခရီးစဉ်က ပြန်ရောက်လာတဲ့ အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါ (Marty Natalegawa) က ဂျကာတာမြို့မှာ သတင်းထောက်တွေကို ဒီကနေ့ပဲ ပြောဆိုလိုက်ပါတယ်။

ရင်းမြစ်။ ။http://www.voanews.com/burmese/2010-04-01-voa3.cfm

ဗိုလ်အောင်ကျော် ဆိပ်ကမ်း ဦးပိုင်သို့လွှဲ

 
ဗိုလ်အောင်ကျော် ဆိပ်ကမ်းနှင့် ဆိပ်ကမ်း ၀န်ဆောင်မှုများကို ပြီးခဲ့သည့် တပတ်က မြန်မာ့ စီးပွားရေး ဦးပိုင် လီမိတက်မှ တရားဝင် လွှဲပြောင်းရယူ လိုက်ပြီး ဆိပ်ကမ်း ရှင်းလင်းရေး လုပ်ငန်းများ စတင် ဆောင်ရွက်နေကြောင်း သိရသည်။

ပန်းဆိုးတန်းနှင့် ဗိုလ်တထောင် ဆိပ်ကမ်းအကြား ကုန်တင်ကုန်ချ ဆိပ်ကမ်းတခု မြင်ကွင်း (ဓာတ်ပုံ - ဧရာဝတီ)
ဗိုလ်အောင်ကျော် ဆိပ်ကမ်း အပါအဝင် ဆိပ်ကမ်းများနှင့် ယင်းတို့၏ ဆိပ်ကမ်း ၀န်ဆောင်မှု လုပ်ငန်းများကို ပုဂ္ဂလိက လုပ်ငန်း ရှင်များသို့ လွှဲပြောင်း ပေးမည်ဟု မတ်လ အတွင်းက နိုင်ငံပိုင် သတင်းစာများတွင် ဖော်ပြ ပြီးနောက် ပထမဆုံး အဖြစ် ဗိုလ်အောင်ကျော် ဆိပ်ကမ်းကို စတင် လွှဲပြောင်း ပေးလိုက်ခြင်း ဖြစ်သည်။

ဦးပိုင် လီမိတက်တွင် ဆိပ်ကမ်း လုပ်ငန်း ကျွမ်းကျွင်သူ ၀န်ထမ်းများ မရှိသေး သောကြောင့် လက်ရှိ ၀န်ထမ်းများကို ဆက်လက် ခန့်ထားမည် ဖြစ်ပြီး လစာတိုးပေး ရန်လည်း စီစဉ်နေသည်ဟု ကြားရကြောင်း ဗိုလ်အောင်ကျော်ဆိပ်ကမ်းမှ ၀န်ထမ်းတဦးက ဧရာဝတီသို့ ပြောသည်။

ပို့ကုန် လုပ်ငန်းရှင်တဦးက “အားလုံးလွှဲယူတာ မဟုတ်သေးပါဘူး၊ လောလောဆယ်တော့ တွဲလုပ်နေတဲ့သဘောပါ၊ ဦးပိုင်က ၀န်ထမ်းတွေ ကျွမ်းကျင်သွားရင်တော့ အပြည့်အ၀ လွှဲပါလိမ့်မယ်'' ဟု ပြောသည်။

မြန်မာ့ စီးပွားရေး ဦးပိုင် လီမိတက်က လွှဲပြောင်း ရယူလိုက်သည့် ဗိုလ်အောင်ကျော်ဆိပ်ကမ်းတွင် တံတားအမှတ် ၁၊ ၂ နှင့် ၃ တို့ ပါဝင်ပြီး စုစုပေါင်း ၄၅၇ မီတာ ရှည်သည်။

ဦးပိုင်က လွှဲပြောင်း ယူလိုက်ပြီးနောက် စည်းကမ်းချက်များ ပြောင်းခြင်း၊ ဝန်ဆောင်ခ တိုးကောက်ခြင်း စသည့် အပြောင်းအလဲများ ထပ်ဖြစ်လာမည်ကို စိုးရိမ်နေရသည်ဟု လုပ်ငန်းရှင်တဦးက ဆိုသည်။

“ကျနော်တို့ ပို့ကုန် သွင်းကုန် လုပ်ငန်းရှင်တွေကတော့ ဘယ်သူနဲ့ လုပ်ရလုပ်ရ ပြဿနာမရှိပါဘူး၊ ဆိပ်ကမ်းလုပ်ငန်းတွေ သွက်လက် မြန်ဆန်မယ်၊ မျှတတဲ့ ဝန်ဆောင်မှုဖြစ်ရင် ပြီးတာပါပဲ”ဟု ယင်းလုပ်ငန်းရှင်က ပြောသည်။

ဦးပိုင်က လွှဲပြောင်းယူလိုက်သော်လည်း ဆိပ်ကမ်းလုပ်ငန်းများ စွမ်းအားပြည့် ဆောင်ရွက်နိုင် ရေး ကော်မတီ၏ ကြီးကြပ် ကိုင်တွယ်မှုအတိုင်း သွင်းကုန် ထုတ်ကုန်ပစ္စည်းများကို စည်းကမ်းချက်များနှင့်အညီ စစ်ဆေးမှုများ ပုံမှန်ပြုလုပ်နေကြောင်း  ဆိပ်ကမ်းအသိုင်းအ၀ိုင်းက ပြောသည်။

မြန်မာ့သွင်းကုန် ထုတ်ကုန် လုပ်ငန်း၏ ၉၀ ရာခိုင်နှုန်းကို ဝန်ဆောင်မှု ပေးနေသည့် အလုံဆိပ်ကမ်းနှင့် သီလ၀ါ ဆိပ်ကမ်းကို လော်စစ်ဟန်၏သား ဦးထွန်းမြင့်နိုင် ပိုင်သည့် အေးရှားဝေါ ကုမ္ပဏီနှင့် ဟောင်ကောင် အခြေစိုက် Myanmar International Terminal Thilawa ကုမ္ပဏီတို့က အသီးသီး လုပ်ကိုင် နေကြသည်။

မြန်မာ့ စီးပွားရေးဦးပိုင် လီမိတက်သည် သယ်ယူပို့ဆောင်ရေး လုပ်ငန်း၊ သင်္ဘောလိုင်း လုပ်ငန်း၊ ဆိပ်ကမ်းလုပ်ငန်းများ အပါအ၀င် ပြည်သူပိုင်လုပ်ငန်း အများအပြားဖြင့် စစ်တပ်ရန်ပုံငွေ ရှာပေးနေသော စီးပွားရေး အစုအဖွဲ့ဖြစ်သည်။
ရင်းမြစ်။ ။http://www.irrawaddy.org/bur/index.php/news/1-news/2930-2010-04-02-11-53-26

ကော်မရှင် ဥက္ကဋ္ဌကို ဥရောပသမဂ္ဂ နာမည်ပျက်စာရင်းသွင်း

ချင်းမိုင်။      ။ မြန်မာနိုင်ငံ ရွေးကောက်ပွဲ ကော်မရှင် ဥက္ကဋ္ဌနှင့် အဖွဲ့ဝင်တဦးသည် ဥရောပ သမဂ္ဂ EU ၏ နာမည်ပျက် စာရင်းတွင်ပါရှိကြောင်း မဇ္ဈိမက စုံစမ်းသိရသည်။

၎င်းတို့မှာ ရွေးကောက်ပွဲ ကော်မရှင် ဥက္ကဋ္ဌဖြစ်သူ နိုင်ငံတော် ဒုတိယ တရားသူကြီးချုပ် ဦးသိန်းစိုးနှင့် ကော်မရှင်အဖွဲ့ဝင် တရားရုံးချုပ် တရားသူကြီး ဒေါက်တာတင်အောင်အေးတို့ဖြစ်ကြောင်း ဖြစ်သည်။

ထိုစာရင်းတွင် ပါဝင်နေသဖြင့် ၎င်းတို့သည် EU အဖွဲ့ဝင် နိုင်ငံများသို့ သွားရောက်ခွင့်ကို ပိတ်ပင်ခံထားရကာ၊ ၎င်းတို့ပိုင်ဆိုင်မှု မှန်သမျှကိုပါ အရေးယူပိတ်ပင်တားပြီး၊ ဥရောပအခြေစိုက် ဘဏ္ဍာရေး အဖွဲ့အစည်းများကို အသုံးပြု၍ ငွေကြေးလွှဲပြောင်းပေးပို့ခြင်းလည်း ပြုလုပ်နိုင်မည် မဟုတ်ပေ။

အတိုက်ခံခေါင်းဆောင် ဒေါ်အောင်ဆန်းစုကြည်အား ၂ဝဝ၉ ခုနှစ် သြဂုတ်လ၌ ပြစ်ဒဏ် ၁၈ လဖြင့် နေအိမ်တွင် အထိန်းသိမ်းမိန့် ချမှတ်ပြီးနောက် အဆိုပါ တရားသူကြီး နှစ်ဦး အပါအဝင် တရားသူကြီးအဖွဲ့မှ ထိပ်ပိုင်းအရာရှိများအား EU အမည်ပျက် စာရင်းတွင် ထည့်သွင်းခဲ့ခြင်း ဖြစ်သည်။

ဒေါ်အောင်ဆန်းစုကြည်၏ အခြေခံ အခွင့်အရေးကို ပြင်းထန်စွာ ချိုးဖောက်သည့်အနေဖြင့် မတရားပြစ်ဒဏ် ချမှတ်ရာတွင် ပါဝင်ခဲ့သည့် တရားသူကြီးအဖွဲ့မှ အဖွဲ့ဝင်များအား အမည်ပျက် စာရင်းတွင် ထည့်သွင်းခဲ့ခြင်းဖြစ်ကြောင်း EU က ပြောကြားခဲ့သည်။  ထိုသို့ အရေးယူ ပိတ်ပင်ခြင်းသည် ဆီလျော်သော ပြစ်ဒဏ် ချမှတ်မှုဖြစ်သည်ဟုလည်း EU က ပြောဆိုခဲ့သေးသည်။

၎င်းတို့နှစ်ဦးအပြင် စ်အစိုးရထဲမှ အဓိက ကျသူများအပြင် စစ်အစိုးရနှင့် အလွန်နီးစပ်သော စီးပွားရေး လုပ်ငန်းရှင် ဦးတေဇလည်းလည်း EU သတ်မှတ်ထားသည့် နာမည်ပျက်စာရင်းတွင် ပါဝင်လျက်ရှိသည်။

ဒုတိယ တရားသူကြီးချုပ် ဦးသိန်းစိုးသည် မြန်မာစစ်တပ်တွင် ဗိုလ်ချုပ်တဦး ဖြစ်ခဲ့ပြီး၊ စစ်ဥပဒေချုပ်အဖြစ် တာဝန်ထမ်းဆောင်ခဲ့သူ ဖြစ်သည်။ ထို့အပြင် ၂ဝဝ၃ ခုနှစ်တွင် ဝန်ကြီးချုပ်ဟောင်း ဗိုလ်ချုပ်ခင်ညွန့် ခေါင်းဆောင်သည့် အမျိုးသားညီလာခံတွင် တာဝန်ထမ်းဆောင်ရန် ခန့်အပ်ခြင်း ခံခဲ့ရသည်။

၂ဝဝ၇ ခုနှစ် အောက်တိုဘာလတွင် ဒေါက်တာ တင်အောင်အေးအား နိုင်ငံတော် ဖွဲ့စည်းပုံ အခြေခံဥပဒေ မူကြမ်း ရေးဆွဲရေး ကော်မရှင်တွင် စစ်အစိုးရက တာဝန်ထမ်းဆောင်စေခဲ့သည်။

အခြေခံဥပဒေ ရေးဆွဲရေး ကော်မတီ၏ သတင်းထုတ်ပြန်ချက် တရပ်တွင် ဒေါက်တာ တင်အောင်အေးသည် ဥပဒေပညာရပ် မာစတာဘွဲ့နှင့် ဒေါက်တာ ဘွဲ့အား ဂျာမဏီနိုင်ငံမှ ရရှိခဲ့ကြောင်း ဖော်ပြထားသည်။

မာယာပင်လယ်ထဲမှာ လွတ်တဲ့ငါး


သူတို့ … ပြောပြောနေကြတဲ့
လွတ်လွတ်လပ်လပ် ကမ္ဘာထဲမှာ
လွတ်လွတ်ပြီး..လပ်လပ်နေတဲ့
အပေါက်အကွက် အပြောက်အစက်တွေနဲ့....


အနာဂတ်ကို
စာကလေးဗေဒင်တွက်သလို
နှစ်လုံးထီတွက်သလို
တရက်ချင်း တွက်ချက်နေကြတဲ့
သူတို့ဟာ….

အတိတ်နေ့ခင်းတွေဆီက
အပြီးမသတ်နိုင်ခဲ့ကြသေးတဲ့
ပန်းချီကားတချပ်အပေါ်မှာ
တာဝန်ကျေစွာ အိပ်ပျော်နေကြရှာတဲ့
သူတို့ဟာ….

ပစ္စုပ္ပန်ရဲ့
နေ့ခင်း..ငုတ်တုပ်ကြီးထဲ
နှာစေး အေးခဲပြီး
ငရဲရထားကို ဘဝတပတ်စီးဖို့
တကုပ်ကုပ် အလုပ်ရှုပ်နေကြတဲ့
သူတို့ဟာ…

မသေချာတဲ့
မိုးလေဝသတိုင်းထွာမှု အတုတွေနဲ့
ဗဟုသုတ အကျိုးအပဲ့တွေကို
ရောပြွမ်းချိုးဖဲ့ စားသောက်နေကြသူတွေ
အနည်ထိုင်ရာ ရပ်ကွပ်ကမ္ဘာထဲမှာ
သူတို့ဟာ….

အလင်းမသိ ပြတင်းမရှိတဲ့
အမှောင်ခန်း ကျဉ်းကြပ်ကြပ်ထဲ
ဘာ့ကြောင့်..
လေဝင်လေထွက် နဲပါးနေရသလဲဆိုတဲ့အကြောင်း
ဦးခေါင်းသုံးလုံးဖြစ်တဲ့ အချိန်ထိ

တယောက်ပခုံးထက် တယောက်တက်ဖိလို့
စဉ်းစားနေကြရင်း
သူတို့ဟာ.....

သူတို့ရဲ့..
အပြင်းစား မောဟရောင်စုံတို့က
သူတို့ယမ်းပုံထဲမှာပဲ မီးပြန်ရဲနေခဲ့ရပေါ့...

သူတို့ဟာ…
လမ်းကြိုလမ်းကြား
ပလက်ဖောင်းမှားတွေပေါ်မှာ ပျက်နေခဲ့ကြတဲ့
သူတို့ရဲ့..
မီးကျိုးမောင်းပျက်
စိတ်ဓာတ် အသစ်စက်စက်တွေကို
လူအလစ်မှာ ကောက်ယူတပ်ဆင်ထားခဲ့ကြလို့..
သူတို့ကောင်းကင်ယံတမ်းချင်း ပန်းခင်းထဲ
ထူးမခြားနားပတ်ပျိုး ဒေဝဒတ်မိုးမဲတွေကတော့
ပစ္စလက္ခ ရွာလို့ကောင်းနေတုန်းပဲပေါ့.....

တတိယလှိုင်းလုံးတွေထဲမှာ
လွတ်ထွက်နေတဲ့ ငါးဟာ
သူတို့အတိုင်းအထွာအရတော့ ကြီးမြတ်လှပေါ့တဲ့....

တဘဝခင်းလုံးစာ လွတ်ထွက်နေရတဲ့
မာယာပင်လယ်ထဲက ငါးတကောင်က
ဟောဒီ နှစ်တနှစ်ရဲ့ အခင်းအကျင်းထဲရောက်မှ
သူတို့အတွက်
ဒိုင်နိုဆောတကောင်ထက်တောင်
ပိုလို့…ကြီးမားနေခဲ့ပြန်တယ်ဆိုပဲ...။             ။ 


ဆောင်းယွန်းလ

မောင်းသူမဲ့လေယာဉ် စီမံကိန်းအတွက် အင်ဂျင်နီယာ မရှိ

မြန်မာ့ တပ်မတော်၏ မောင်းသူမဲ့ လေယာဉ် တည်ဆောက်ရေး စီမံကိန်းမှာ တနှစ် ကြာပြီ ဖြစ်သော်လည်း ထိန်းချုပ် ဆောင်ရွက်သည့် ကွန်ပျုတာ အစီအစဉ် မရေးဆွဲနိုင် သေးသဖြင့် ကြန့်ကြာ နေကြောင်း သိရသည်။

ပြီးခဲ့သည့်နှစ် အောက်တိုဘာလက တရုတ်နိုင်ငံ၊ ဘေဂျင်းမြို့ စစ်ရေးပြ အခမ်းအနား တခုတွင် တွေ့ရသည့် မောင်းသူမဲ့ လေယာဉ်များ (eng.chinamil.com.cn)
မောင်းသူမဲ့ လေယာဉ် (Unmanned Aerial Vehicle - UAV) တည်ဆောက် ရေးကို ဗိုလ်ချုပ်မှူးကြီး၏ သားမက် တော်စပ်သူ ဗိုလ်မှူးချုပ် သိန်းနိုင်က စီစဉ် ဆောင်ရွက် နေကြောင်း တပ်မတော် (လေ) အသိုင်း အ၀န်းက ပြောသည်။

လေယာဉ် ကိုယ်ထည် တည်ဆောက်မည့် ဌာနတွင် လိုအပ်သည့် နည်းပညာနှင့် ထိုနည်းပညာများကို ထိန်းချုပ်သည့် စနစ်ဆိုင်ရာ ကျွမ်းကျင်သည့် အင်ဂျင်နီယာများ လိုအပ်နေကြောင်း လေတပ် အင်ဂျင်နီယာ ဌာနမှ အရာရှိ တဦးက ဆိုသည်။

“တရုတ်ကုမ္ပဏီတခုက UAV ပရိုဂရမ် ရောင်းချမယ် ဆိုတာနဲ့ လက်ခံလိုက်ပြီး စမ်းလုပ်မယ် ဖြစ်ကြတာ။ သူတို့က ရေးနည်း မပေးဘူး” ဟု သူက ပြောသည်။

လိုအပ်သည့် ပညာရှင် ရရှိရန် အခက်အခဲ ဖြစ်နေကြောင်း၊ ပြည်ပမှ ပညာသင်ပြီး ပြန်လာသည့် စစ်အရာရှိများထဲတွင်လည်း မောင်းသူမဲ့ လေယာဉ် ထိန်းချုပ်ရေး စနစ်များနှင့် ပတ်သက်ပြီး လေ့လာ သင်ယူခဲ့သူ မရှိသေးကြောင်း သူက ရှင်းပြသည်။

လေတပ် အင်ဂျင်နီယာတဦးကလည်း “ဌာနထဲက ကွန်ပျူတာနဲ့ နီးစပ်သူစာရင်း ကောက်ယူပြီး  ဗိုလ်ကြီးတယောက် ခေါင်းဆောင်တဲ့ အင်ဂျင်နီယာ အရာရှိငယ် ၅ ယောက်ကို အရပ်ဘက်မှာ နည်းပညာပိုင်းဆိုင်ရာ သင်တန်း တချို့ တက်ခိုင်းခဲ့တယ်” ဟု ပြောသည်။

ပြီးခဲ့သည့်နှစ် အတွင်း  လေတပ်ရှိ  အင်ဂျင်နီယာ အရာရှိများက  လေယာဉ်ကိုယ်ထည် တည်ဆောက်မည့် အဆောက်အအုံ ဆောက်လုပ် ပြီးစီးခဲ့သည်။

တပ်မတော် (လေ)တွင် လေယာဉ် ထုတ်လုပ်၊ ပြင်ဆင်ရေး ဌာနချုပ်ဟု  အမည် ပေးထားသည့် ဌာနမှ အင်ဂျင်နီယာများက လက်ရှိ အသုံးပြုနေသည့် လေယာဉ်များကို အသေးစား ပြင်ဆင်မှုများ လုပ်နိုင်ကြောင်း၊ ဤသို့သော အခြေအနေတွင် UAV စီမံကိန်းကို စတင်ခဲ့ခြင်း ဖြစ်ကြောင်း   တပ်မတော်(လေ) မှ အငြိမ်းစား အရာရှိတဦးက ဆိုသည်။

“ဒီစီမံကိန်းကို လေသူရဲ ဒုဗိုလ်မှူးကြီး တဦးကို  ခေါင်းဆောင်ခိုင်းပြီး လေသူရဲနဲ့ အင်ဂျင်နီယာ အရာရှိ အယောက် ၃၀ နီးပါး စုဖွဲ့ထားတယ်” ဟု သူက ပြောသည်။

မြန်မာ့တပ်မတော်က တည်ဆောက်မည့် မောင်းသူမဲ့ လေယာဉ်၏ အရွယ်အစားကို မသိရသေးပေ။

မန္တလေးတိုင်း၊ မိတ္ထီလာမြို့ရှိ မြန်မာနိုင်ငံ လေကြောင်းနှင့် အာကာသပညာ တက္ကသိုလ်တွင်လည်း မောင်းသူမဲ့လေယာဉ်ငယ် တည်ဆောက်နေသည်ဟု ထိုကျောင်း၏ အင်တာနက် စာမျက်နှာတွင် ဖော်ပြထားချက်အရ သိရသည်။

အရွယ်အစား မျိုးစုံ ရှိသည့် မောင်းသူမဲ့ လေယာဉ်များကို နယ်ပယ်အသီးသီးတွင် ရည်ရွယ်ချက် အမျိုးမျိုးဖြင့် အသုံးပြုနေကြသည်။

စစ်ဘက်တွင် အသုံးပြုသည့် မောင်းသူမဲ့ လေယာဉ်များမှာ ထောက်လှမ်းရေး နှင့် တိုက်ခိုက်ရေးလုပ်ငန်းများအတွက် ဖြစ်သည်။

ထောက်လှမ်းရေး လေယာဉ်ငယ်တွင် တပ်ဆင်ထားသည့် ကင်မရာက မြေပြင်စခန်းသို့ ပုံရိပ်များ တိုက်ရိုက် ပေးပို့နိုင်သည်။

တိုက်ခိုက်ရေး လေယာဉ်များက အရွယ်အစား ပိုမို ကြီးမားသည်။ ပါကစ္စတန် စစ်မြေပြင်တွင် အမေရိကန်စစ်တပ်က ပြီးခဲ့သည့် ၂ နှစ်အတွင်း မောင်းသူမဲ့ လေယာဉ်များကို အသုံးပြုပြီး အကြိမ် ၁၀၀ နီးပါး တိုက်ခိုက်မှုများ ပြုလုပ်ခဲ့ကြောင်း တနင်္လာနေ့က ထုတ်ပြန်သည့် AFP သတင်းတပုဒ်တွင် ဖော်ပြထားသည်။

ရင်းမြစ်။ ။ဧရာဝတီ

ထိုင်းနိုင်ငံက မြန်မာစစ်အစိုးရကို ဖိအားပေးမည်



မြန်မာနိုင်ငံ၌ ပြုလုပ်မည့်ရွေးကောက်ပွဲတွင် နိုင်ငံရေးအတိုက်အခံအားလုံးနှင့် တိုင်းရင်းသားလူမျိုးစုများကိုပါ ပါဝင်ခွင့်ပေးရေးအတွက် ထိုင်းနိုင်ငံအနေဖြင့် မြန်မာစစ်အစိုးရအား ဖိအားပေးပြောဆိုသွားမည်ဟု ထိုင်းနိုင်ငံခြားရေးဝန်ကြီးက ပြောကြားလိုက်သည်။

မြန်မာနိုင်ငံမှ ရွေးကောက်ပွဲတွင် ပါဝင်သင့်သူအားလုံး ပါဝင်နိုင်ရေးနှင့် အမျိုးသားပြန်လည်သင့်မြတ်ရေးကိစ္စတို့အတွက် စိုးရိမ်ပူပန်ဖြစ်မိကြောင်း ထိုင်းနိုင်ငံခြားရေးဝန်ကြီး ကဆစ်ဖိရုန်က အေပီသတင်းဌာနသို့ ယမန်နေ့က ပြောကြားခဲ့သည်။

ပြီးခဲ့သည့်မတ် (၂၃) ရက်တွင် နေအိမ်အကျယ်ချုပ်ကျခံနေရသည့် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ခေါင်းဆောင် ဒေါ်အောင်ဆန်းစုကြည်က နအဖ၏ မတရားသည့် ဥပဒေဖြင့် မှတ်ပုံတင်ခြင်းကို လက်ခံမည်မဟုတ်ကြောင်း ထုတ်ဖော်ပြောကြားခဲ့သည်။

မတ် (၂၉) ရက်တွင် အန်အယ်လ်ဒီပါတီက နအဖထုတ်ပြန်ထားသည့် ရွေးကောက်ပွဲဆိုင်ရာ ဥပဒေများသည် တရားမျှတမှု မရှိသဖြင့် ပါတီကို ထပ်မံမှတ်ပုံတင်တော့မည် မဟုတ်ကြောင်း ဆုံးဖြတ်ချက်ကို ကြေညာခဲ့သည်။

ယင်းဆုံးဖြတ်ချက်ကို ထိုင်းနိုင်ငံခြားရေးဝန်ကြီး မစ္စတာ ကဆစ်က အန်အယ်လ်ဒီအနေဖြင့် ၎င်းတို့ကိစ္စကို ကိုယ်ပိုင်ဆုံးဖြတ် ရွေးချယ်ပိုင်ခွင့်ရှိကြောင်း၊ “ဒီလိုဆုံးဖြတ်တာကို ကျနော် ဂုဏ်ယူလေးစားပါတယ်” ဟု ပြောကြားခဲ့ကြောင်း သတင်းတွင် ဖော်ပြထားသည်။

စစ်အစိုးရက ခွဲခြားကန့်သတ်ချက်များပါသည့် ရွေးကောက်ပွဲဥပဒေ ထုတ်ပြန်ခဲ့ပြီးသည့်နောက် ယခုကဲ့သို့ အန်အယ်လ်ဒီက ဆုံးဖြတ်လိုက်ခြင်းဖြစ်ကြောင်း၊ ရွေးကောက်ပွဲဥပဒေသည် စစ်ခေါင်းဆောင်များအတွက်သာ လွတ်ငြိမ်းချမ်းသာခွင့် ပေးထားပြီး ကျန်သည့် နိုင်ငံရေးအတိုက်အခံများအတွက်မူ ထည့်သွင်းမထားသည့်အတွက် ဥပဒေကို အညီအမျှ ထုတ်ပြန်သင့်ကြောင်း ၎င်းက ပြောကြားသည်။

နိုင်ငံရေးအရကြည့်မည်ဆိုပါက နိုင်ငံရေးဖြစ်စဉ်တခုတွင် မြန်မာ့လူမှုအသိုင်းအ၀ိုင်းအားလုံး ပါဝင်နိုင်ခွင့်ရှိစေရန် အထွေထွေလွတ်ငြိမ်းချမ်းသာခွင့် ပေးရမည်ဖြစ်သည်ဟုလည်း မစ္စတာကဆစ်က ပြောကြားလိုက်သည်။

မဲခေါင်မြစ်ဝှမ်းဒေသဆိုင်ရာ ကော်မရှင်အဖွဲ့၏ (၂) ရက်ကြာ အစည်းအဝေးသို့ တက်ရောက်ရန်ရှိသည့် မြန်မာနိုင်ငံခြားရေးဝန်ကြီးနှင့် တွေ့ဆုံရာတွင် ရွေးကောက်ပွဲ၌ အားလုံးပါဝင်နိုင်ရေးကိစ္စကို ထိုင်းနိုင်ငံအနေဖြင့် တင်ပြဆွေးနွေးမည်ဟု သိရသည်။

အဆိုပါကိစ္စကို ဗီယက်နမ်နိုင်ငံ ဟနွိုင်မြို့တော်တွင် ရှေ့လာမည့်ဗုဒ္ဓဟူးနေ့၌ ကျင်းပမည့် အာဆီယံနိုင်ငံခြားရေးဝန်ကြီးများ အစည်းအဝေးတွင်လည်း ထိုင်းဝန်ကြီးချုပ် မစ္စတာအဖိဆစ်က မြန်မာစစ်ခေါင်းဆောင်များနှင့် တွေ့ဆုံရာတွင် တင်ပြမည်ဟု ထိုင်းနိုင်ငံခြားရေးဝန်ကြီးက ပြောကြားကြောင်း သိရသည်။

မတ်လ (၃၀) ရက်နေ့က မြန်မာနိုင်ငံသို့ သွားရောက်ခဲ့သည့် အင်ဒိုနီးရှားနိုင်ငံခြားရေးဝန်ကြီး မစ္စတာမာတီ နာတာလီဂါဝါကလည်း အင်ဒိုနီးရှားနိုင်ငံအနေဖြင့် မြန်မာနိုင်ငံတွင် ကျင်းပရန်ရှိသည့် ရွေးကောက်ပွဲသည် တရားမျှတ လွတ်လပ်ပြီး ပါဝင်သင့်သူအားလုံး ပါဝင်သည့် ရွေးကောက်ပွဲဖြစ်စေလိုကြောင်း မြန်မာနိုင်ငံမှ မထွက်ခွာခင် သတင်းထောက်များနှင့်တွေ့ဆုံရာတွင် ပြောကြားခဲ့သည်။

“ဒီစကားလုံးတွေက ကျနော်ပြောကြားတဲ့စကားလုံးတွေ မဟုတ်ပါဘူး။ ဒါတွေဟာ မြန်မာအစိုးရကိုယ်တိုင်က ပြောကြားခဲ့တာပါ” ဟု ၎င်းက ပြောဆိုသည်။

အဆိုပါ ဖော်ပြချက်များသည် စစ်မှန်သည့် ဒီမိုကရေစီနည်းကျကျ ပြုလုပ်သည့် ရွေးကောက်ပွဲများအတွက် လုပ်ဆောင်ရမည့် အလွန်အရေးကြီးသည့် အချက်များဖြစ်သည်ဟုလည်း ၎င်းက ပြောဆိုခဲ့သည်။

အင်ဒိုနီးရှားနိုင်ငံမှ ရွေးကောက်ပွဲအတွေ့အကြုံများအရ သိရှိသည့်အချက်မှာ နိုင်ငံတော်ပြန်လည်တည်ဆောက်ရေး လုပ်ငန်းစဉ်နှင့် ဒီမိုကရေစီဖော်ဆောင်ရေး လုပ်ငန်းစဉ်များတွင် ပါဝင်သင့်သူများအားလုံး ပါဝင်ရမည်ဖြစ်ပြီး မည်သူကိုမျှ ဘေးဖယ်မထားသင့်ကြောင်း သတင်းထောက်များကို အင်ဒိုနီးရှားနိုင်ငံကြားရေးဝန်ကြီးက ပြောကြားခဲ့ကြောင်း သိရသည်။

ရင်းမြစ်။ ။ခေတ်ပြိုင်