Thursday, April 22, 2010

လက်တွေ့ကျသော ပြောင်းလဲရေးဖြစ်စဉ်ကို ရှာဖွေကြရာဝယ်

လွန်ခဲ့သည့် နှစ်အနည်းငယ်အတွင်းလောက်မှ စတင်၍ ရေဒီယို၊ အင်တာနက်၊ အီးမေးလ် အစရှိသည့် လူထုဆက်သွယ်ရေး သတင်းမီဒီယာများမှတဆင့် နိုင်ငံရေးပညာရှင်များ၊ လူငယ်ခေါင်းဆောင်များ၊ အမျိုးသမီးခေါင်းဆောင်များနှင့် လူထုလူတန်းစားအသီးသီးမှ ပြည်သူလူထုအသံအချို့ကို လေ့လာမှတ်သားရင်းဖြင့် စာရေးသူ၏ ခေါင်းထဲသို့ နိုင်ငံရေးစကားစုနှစ်ရပ် အပြိုင်အဆိုင်ဝင်ရောက်လာခဲ့သည်။

ဤသည်တို့မှာကား မြန်မာနိုင်ငံရေးသမိုင်း တဆစ်ချိုးပြောင်းလဲရေးလား (သို့) တိုင်းပြည် တိုးတက်ပြောင်း လဲရေးလား ဆိုသည်များပင်။


Pho Thar Htooအထူးသဖြင့် ပညာရှင်အများစု ပါဝင်ဆွေးနွေးကြသော ဆွေးနွေးပွဲစကားဝိုင်းများတွင် နအဖ စစ်အစိုးရမှ ဦးဆောင်ပြီး ကမကထပြုလုပ်မည့် ၂ဝ၁ဝ ရွေးကောက်ပွဲ (ပြည်တွင်းနိုင်ငံရေးအင်အားစုများ ပြောသော အသုံးအနှုန်းအရ တပ်မတော်စပွန်ဆာ ဒီမိုကရေစီပြောင်းလဲရေးဖြစ်စဉ်) မှာ မြန်မာ့နိုင်ငံရေးသမိုင်းကို တစ်ဆစ်ချိုးပြောင်းလဲသွားနိုင်မလားဆိုသည့် မေးခွန်းကို မကြာခဆိုသလို မေးမြန်းကြ၊ တုန့်ပြန်ပြောဆိုသူများကလည်း ရှုထောင့်အမျိုးမျိုးမှ သုံးသပ်ပြီး ကိုယ့်ယူဆချက်များကို တင်ပြနေကြသည်ကို သတိချပ်မိလာခဲ့သည်။ ကွယ်လွန်သွားပြီဖြစ်သော အဆိုတော် ဦးစိုင်းထီးဆိုင်၏ သီချင်းစာသားလေးအတိုင်း ဆိုရပါမူ မေးရန်လွယ်ပေမယ့် အဖြေခက် ဆိုသည့်အတိုင်း ဖြစ်လေမလားတော့ မပြောတတ်။

အမှန်စင်စစ် မြန်မာနိုင်ငံရေးသမိုင်း တစ်ဆစ်ချိုးပြောင်းရေးနှင့် တိုင်းပြည် တိုးတက်ပြောင်းလဲရေးဆိုသည်မှာ ဝေါဟာရသဘောအရ တူသလိုလိုရှိသော်လည်း လေးလေးနက်နက် လေ့လာကြည့်သည့်အခါ အသွင်သဏ္ဌာန်ရော၊ အနှစ်သာအရပါ ခြားနားပေသည်။ ၎င်းကို ရှင်းပါအံ့။

အမည်မဖော်လိုသူ နိုင်ငံရေးပညာရှင်တစ်ဦးမှ စစ်အစိုးရပိုင် သတင်းမီဒီယာတစ်ခု၏ တွေ့ဆုံမေးမြန်းခန်း တစ်ခုတွင် မြန်မာ့နိုင်ငံရေးပြဿနာကို ဖြေရှင်းရာတွင် ရွေးကောက်ပွဲမှတစ်ပါး အခြား Alternative (ရွေးချယ်မှု) မရှိဟု ဆိုလာသည်။ တစ်ချိန်တည်းမှာပင် ၎င်းက ယခုလက်ရှိ ၂ဝ၁ဝ ရွေးကောက်ပွဲမှာ ဆိုခဲ့ပါအတိုင်း တပ်မတော်စပွန်ဆာ ဒီမိုကရေစီပြောင်းလဲရေးဖြစ်စဉ်ဖြစ်သောကြောင့် Universal Democracy Norms (အပြည်ပြည်ဆိုင်ရာ ဒီမိုကရေစီစံနှုန်းများ) ဖြင့် ချိန်ထိုး၍မရနိုင်ကြောင်း သုံးသပ်တင်ပြခဲ့ပြီး၊ နိဂုံးချုပ်ပြောဆိုရာတွင် ၁၉၄၈ ခုနှစ် လွတ်လပ်ရေးရပြီးကာလတွင် ဝန်ကြီးချုပ်ဦးဆောင် ဒီမိုကရေစီစနစ်ကို ကျင့်သုံးခဲ့ကြောင်း၊ ၁၉၆၂ ခုနှစ်တွင် ဦးနေဝင်း ဦးဆောင်သည့် စစ်ဗိုလ်ချုပ်များ အာဏာသိမ်းပြီးသည့်နောက်ပိုင်း မြန်မာဆိုရှယ်လစ်လမ်းစဉ်ပါတီ ဦးဆောင်သည့် တစ်ပါတီစနစ် အစိုးရခေတ်ကို ဖြတ်သန်းခဲ့ပါကြောင်း၊ ယခုအချိန်တွင်လည်း ၂ဝဝ၈ခုနှစ် ဖွဲ့စည်းပုံအခြေခံဥပဒေပါ ပြဌာန်းချက်များနှင့်အညီ ရွေးကောက်ပွဲများပြုလုပ်ပြီး စစ်တပ်တမတ်သား အစိုးရ ပြောင်းလဲအောင် ပုံဖော်ခြင်းမှာ မြန်မာ့နိုင်ငံရေးသမိုင်းကို တစ်ဆစ်ချိုး အပြောင်းအလဲ ဖြစ်စေမှာဖြစ်ကြောင်း သုံးသပ်နိဂုံးချုပ်ခဲ့သည်။ မသေချာသည်မှာ အဆိုပါပညာရှင်သည် ပညာရှိ သတိဖြစ်ခဲကြောင့်လား၊ အစိုးရပိုင် သတင်းမီဒီယာဖြစ်၍ အကြိုက်လိုက်ပြောရသည်လားဆိုသည်မှာ ကိုယ်တိုင်သာ သိပေလိမ့်မည်။ သေချာသည်ကတော့ ပညာရှင်ကြီးမှာ မြန်မာနိုင်ငံရေးသမိုင်း အပြောင်းအလဲကို ဦးစားပေး ရှေ့တန်းတင် သုံးသပ်သွားခြင်းသာ ဖြစ်ပေသည်။ တိုင်းပြည်ပြောင်းလဲရေးနှင့် ပြည်သူလူထုများ၏ ပကတိ လူမှုနိုင်ငံရေးကိစ္စအဝဝကို ဖယ်ထုတ်ချဉ်းကပ် စဉ်းစားသွားပုံရသည်။
ဆိုခဲ့ပါအတိုင်း ၁၉၄၈ခုနှစ် ဝန်ကြီးချုပ် ဦးနု ဦးဆောင်းသည့် ပါလီမန်ဒီမိုကရေစီလက်ထက်တွင် မြန်မာနိုင်ငံ၏ တိုးတက်မှုသည် အခြား အိမ်နီးချင်း အာရှနိုင်ငံများနှင့် နှိုင်းယှဉ်လျှင် များစွာ ဖွံ့ဖြိုးခဲ့သော်လည်း ၁၉၆၂ ခုနှစ် ဗိုလ်ချုပ်ကြီးနေဝင်း စစ်အာဏာသိမ်းပြီးနောက်ပိုင်းမှ နဝတ (နိုင်ငံတော် ငြိမ်ဝပ်ပိပြားမှုတည်ဆောက်ရေးအဖွဲ့)၊ ယခု နအဖ (နိုင်ငံတော်အေးချမ်းသာယာရေးနှင့်ဖွံ့ဖြိုးရေကောင်စီ) စစ်အာဏာရှင်စနစ်ကို ပုံသဏ္ဍာန်အမျိုးမျိုးဖြင့် ကျင့်သုံးခဲ့သည့် ခေတ်ကာလတစ်လျှောက်တွင် တိုင်းပြည်တိုးတက်ပြောင်းလဲဖို့ဝေးစွ ပြည်သူတွေဘဝ ထမင်းနပ်မှန်မှန် စားရအောင်ပင် မနည်းရုံးကန်နေကြရသည့် အခြေအနေသို့ ရောက်ရှိနေပြီဖြစ်ပေသည်။ ဒါ့အပြင် ခေတ်အဆက်ဆက် စစ်အာဏာရှင်စနစ်ကို ကျင့်သုံးချုပ်ကိုင်ခဲ့ကြသည့် စစ်ဗိုလ်ချုပ်များ၏ ဖိနှိပ်ရက်စက်မှုကြောင့် နယ်စပ်ဒေသတလျှောက်ရှိ တိုင်းရင်းသားပြည်သူများအပါအဝင် ပြည်သူတစ်ရပ်လုံးမှာ စစ်ဖိနပ်အောက် ပြားပြားမှောက်ခဲ့ရသည်။ သက်သေသာဓကများအားဖြင့် နိုင်ငံတဝှမ်းအကျဉ်းထောင်များ၌ ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားများ တိုးပွားလာခြင်း၊ နယ်စပ်တလျှောက်ရှိ ဒုက္ခသည်စခန်းများတွင် အိုးပစ်အိမ်ပစ် ထွက်ပြေးတိမ်းရှောင်ခဲ့ကြရသော ပြည်သူများ၊ တောထဲတောင်ထဲတွင် ယခုအချိန်ထိ အိမ်ယာမဲ့ ထွက်ပြေးတိမ်းရှောင်နေကြရသော ဒုက္ခသည် ပြည်သူများမှာ နေ့စဉ်ရက်ဆက်ဆိုသလို တိုးပွားနေပြီး ယခုဆိုလျှင် တစ်ချိန်က နာမည်ကောင်းရခဲ့သော ရန်ကုန်မြို့တော်ကြီးပင်လျှင် နေရာအနှံ့အပြား၌ လက်နက်ကိုင် လုံခြုံရေးဝန်ထမ်းများဖြင့် အကျဉ်းထောင်ကြီးတစ်ခုအလား ဖြစ်နေပေပြီ။

မြန်မာနိုင်ငံရေးသမိုင်း တဆစ်ချိုးပြောင်းလဲခဲ့ဖူးပါသည်။ သို့သော် တိုင်းပြည်တိုးတက်မှု နှောင်းနှေးခဲ့ရသည့်အပြင် ပညာရေး၊ ကျန်းမာရေး အစရှိသော လူမှုစီးပွားကိစ္စအဝဝမှာ တရက်ထက်တရက် ထိုးကျနိမ့်ဆင်းလျက် ရှိသည်ကို အပြည်ပြည်ဆိုင်ရာ စာရင်းဇယားများက ထောက်ပြလျှက်ရှိသည်။

သို့ဆိုလျှင် မြန်မာနိုင်ငံရေးသမိုင်း တဆစ်ချိုးပြောင်းလဲရေးကို လုပ်သင့်ပါသလား။ တိုင်းပြည်ပြောင်းလဲရေးကို ဦးစားပေး ဆောင်ရွက်သင့်ပါသလား။

မြန်မာနိုင်ငံရေးသမိုင်း ပြောင်းလဲရေးမှာ လွယ်ကူပါသည်။ လက်ရှိ နအဖစစ်အစိုးရမှ ခင်းပေးသော ၂ဝ၁ဝ ရွေးကောက်ပွဲလမ်းကို မျက်စိစုံမှိတ်၍ လျှောက်လိုက်ရုံဖြင့် ရောက်နိုင်ပါသည်။

တိုင်းပြည် တိုးတက်ပြောင်းလဲရေးဖြစ်စဉ်မှာတော့ ဤမျှ မလွယ်ကူပေ။ ပြည်ထောင်စုမြန်မာနိုင်ငံ၏ တိုင်းပြည် တိုးတက်ပြောင်းလဲရေး ဖြစ်စဉ်ကို အမှန်တကယ် ဦးစားပေးလုပ်လိုပါလျှင် အောက်ပါ အခြေခံအကြောင်းရင်း ၄ ရပ်ကို မဖြစ်မနေ ထည့်သွင်းလုပ်ဆောင်ရမည်ဖြစ်သည်။ ထိုသို့မဟုတ်ပါက စစ်မှန်သော ငြိမ်းချမ်းရေးနှင့် တိုင်းပြည်ဖွံ့ဖြိုးတိုးတက်ရေးကို မည်သည့်အခါတွင်မျှ ရနိုင်မည်မဟုတ်ပေ။

ယင်းလေးရပ်မှာ -

(က) ဖယ်ထုတ်၍မရသော နယ်ပယ်
(ခ) မှတ်ကျောက်တင်ခံနိုင်သော ရွေးကောက်ပွဲ
(ဂ) လက်တွေ့လုပ်ဆောင်ရမည့် တရားဥပဒေစိုးမိုးရေး လုပ်ငန်းစဉ်နှင့်
(ဃ) လူထုအခြေပြုလူ့အဖွဲ့အစည်းများ အင်တိုက်အားတိုက်နှင့် ပူးပေါင်းပါဝင်ဆောင်ရွက်မှုတို့ ဖြစ်သည်။
(က) ဖယ်ထုတ်၍ မရသော နယ်ပယ်

ယနေ့ မြန်မာ့နိုင်ငံရေးပြဿနာကို ရွေးကောက်ပွဲနည်းဖြင့် ဖြေရှင်းရာတွင် ဖယ်ထုတ်၍မရသော အဓိက နယ်ပယ် နှစ်ရပ်ရှိသည်။ ထိုအရာများမှာ တိုင်းရင်းသား နိုင်ငံရေးအဖွဲ့အစည်းများနှင့် အမျိုးသားဒီမိုကရေစီအဖွဲ့ချုပ် ပါဝင်နိုင်ရေးဖြစ်သည်။ ဤသည်မှာ မြန်မာနိုင်ငံ၏ နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းရန် လိုအပ်သော အခြေခံအကြောင်းအရင်းဖြစ်သည်။ နအဖ စစ်အစိုးရသည် နယ်ပယ်နှစ်ရပ်လုံးကို မြန်မာနိုင်ငံရေးလောကမှ ဖယ်ထုတ်နိုင်ရန်အတွက် ကြိုးပမ်းမှုသာဓကအဖြစ် ၂ဝ၁ဝ ခုနှစ်၊ မတ်လ (၈) ရက်နေ့တွင် အထွေထွေရွေးကောက်ပွဲဆိုင်ရာ ဥပဒေများကို ပြဌာန်းလိုက်ပြီဖြစ်သည်။

(ခ) မှတ်ကျောက်တင်ခံနိုင်သော ရွေးကောက်ပွဲ

ဒီမိုကရေစီတိုင်းပြည်တစ်ခု၏ အထွေထွေရွေးကောက်ပွဲများကို တိုင်းတာရာတွင် မည်မျှ လွတ်လပ်သည်၊ မည်မျှ မျှတသည်ကို ကြည့်၍ တိုင်းတာကြသည်။ ယခု နအဖ စစ်အစိုးရက ပြုလုပ်ကျင်းပမည့် ရွေးကောက်ပွဲမှာ လုပ်ဖြစ်သည်/မလုပ်ဖြစ်သည်ကိုထား၊ အခုလက်ရှိအခြေအနေမှာပင် စည်းကားသော မြို့ကြီးများတွင် လုံးခြုံရေး တင်းကြပ်မှုများ၊ ရွေးကောက်ပွဲဆိုင်ရာ သတင်းအချက်အလက်များကို အထူးသိရှိစေနိုင်မည့် လူထုဆက်သွယ်ရေး ယန္တရားဖြစ်သော သတင်းမီဒီယာများကို ပိတ်ပင်တားဆီးထားခြင်း၊ နိုင်ငံရေးယုံကြည်ချက်ကြောင့် အကျဉ်းကျခံနေရသည့် နိုင်ငံရေးအကျဉ်းသားများကို ဆက်လက်ထောင်ချထားခြင်း၊ တိုင်းရင်းသား လက်နက်ကိုင်အဖွဲ့စည်းများနှင့် နိုင်ငံရေးပါတီများကို မတရားအသင်းများအဖြစ် အတင်းအဓမ္မ ကြေညာပြီး ရွေးကောက်ပွဲပါဝင်ယှဉ်ပြိုင်နိုင်မှုကို ပစ်ပယ်ရန် ကြိုးပမ်းလျှက်ရှိသည်။ ထို့ကြောင့် နအဖစစ်အစိုးရ ပြုလုပ်မည့် ၂ဝ၁ဝ ရွေးကောက်ပွဲသည် မှတ်ကျောက်တင်ခံနိုင်သော ရွေးကောက်ပွဲဖြစ်ရန် အလှမ်းကွာဝေးလျှက်ရှိသည်။

(ဂ) လက်တွေ့လုပ်ဆောင်ရမည့် တရားဥပဒေစိုးမိုးရေး လုပ်ငန်းစဉ်

အပြစ်ရှိသူကို အပြစ်ပေးအရေးယူခြင်းနှင့် အပြစ်မရှိသူကို ဥပဒေများ သတ်မှတ်ပြဌာန်းပြီး အကာအကွယ် ပေးခြင်းသည် တရားဥပဒေစိုးမိုးရေး၏ အခြေခံအင်္ဂါရပ်တခု ဖြစ်သည်။

ယနေ့လက်ရှိ မြန်မာနိုင်ငံအတွင်း ဖြစ်ပွားနေသော လူ့အခွင့်အရေး ချိုးဖောက်မှုများသည် ရိုးရိုး သာမန် လူ့အခွင့်အရေးချိုးဖောက်မှုများမဟုတ်ဘဲ နိုင်ငံတကာအဆင့်ရှိ ပြစ်မှုကြီးများအဖြစ်သို့ ရောက်ရှိနေပြီဆိုလျှင် မည်သူမျှ ငြင်းချက်ထုတ်လိမ့်မည်မဟုတ်ပေ။ သို့ဆိုလျှင် ယင်းမှုခင်းကြီးများကို တရားဥပဒေစိုးမိုးရေး ရှုထောင့်မှ အဖြေထုတ်ရန် လိုအပ်လာပေသည်။ ယင်းမှာ မဖြစ်မနေ ကိုင်တွယ်ဖြေရှင်းရမည့် အခြေခံလုပ်ငန်းစဉ်ဖြစ်သည်။

တချိန်တည်းမှာပင် မြန်မာနိုင်ငံ၏ လက်ရှိ တည်ဆဲဥပဒေများသည် မတရား ထုတ်ပြန်ထားသော ဥပဒေများဖြစ်ပြီး ယင်းဥပဒေများဖြင့် ရှမ်းတိုင်းရင်းသား ခေါင်းဆောင်များ၊ ရှစ်ဆယ့်ရှစ် ကျောင်းသားခေါင်းဆောင်များ၊ လူ့အခွင့်အရေး လှုပ်ရှားသူများကို မတရားဖမ်းဆီးပြီး နှစ်ရှည်ထောင်ဒဏ်များ ချမှတ်ထားပြီးဖြစ်သည်။ ထိုကြောင့် နအဖစစ်ခေါင်းဆောင်များအနေဖြင့် တိုင်းပြည်တိုးတက်ပြောင်းလဲရေးကို အမှန်တကယ် လိုလားပါက မတရားသော လက်ရှိ တည်ဆဲဥပဒေများကို ဖျက်သိမ်း၍ ယင်းဥပဒေများဖြင့် ပြစ်ဒဏ်ချမှတ်ထားသော သူများကို ချွင်းချက်မရှိ လွှတ်ပေးရမည်ဖြစ်သည်။

အခြားသော လူမှုစီးပွားရေး အဆောက်အအုံများကို တည်ဆောက်ရာတွင်လည်း တရားဥပဒေစိုးမိုးရေး အခြေခံရှိမှာသာ လူတစ်ဦးချင်းစီ၏ ဖွံ့ဖြိုးတိုးတက်မှုရော၊ လူမှုအဖွဲ့အစည်း၏ ဖွံ့ဖြိုးတိုးတက်မှုကိုပါ ရှာဖွေ သွားနိုင်မည်ဖြစ်သည်။

(ဃ) လူထုအခြေပြု လူ့အဖွဲ့အစည်းများ အင်တိုက်အားတိုက်နှင့် ပူးပေါင်းပါဝင်ဆောင်ရွက်မှု

ဒီမိုကရေစီစနစ်ကို လက်ခံကျင့်သုံးသော နိုင်ငံများတွင် Civil Society Organization  ဟုခေါ်သော လူထုအခြေပြု လူ့အဖွဲ့အစည်းများအား အစိုးရမလုပ်နိုင်သည့် လူထု၏ အခြေခံလိုအပ်ချက်များကို အင်တိုက်အားတိုက် ဖြည့်ဆည်းနိုင်ရန်အတွက် ဖွဲ့စည်းတည်ထောင်ပြီး လုပ်ကိုင်လျှက်ရှိကြသည်။ ယင်းအဖွဲ့အစည်းများသည် သက်ဆိုင်ရာ အခန်းကဏ္ဍများအလိုက် ပြည်သူတစ်ဦးချင်း၏ သဘောဆန္ဒအလျောက် ဝင်ရောက်ခြင်းဖြင့် ဖွဲ့စည်းထားသောကြောင့် တိုင်းပြည်၏ ပြန်လည်တည်ဆောက်ရေး လုပ်ငန်းစဉ်များကို လူထုကိုယ်တိုင် လုပ်ကိုင်နိုင်သည့် အခြေအနေကို ဖန်တီးတည်ဆောက်ခြင်းပင် ဖြစ်သည်။

လူထုအခြေပြု လူ့အဖွဲ့အစည်းများဟုဆိုရာတွင် လွတ်လပ်သော သတင်းအေဂျင်စီများ၊ သဘာဝပတ်ဝန်းကျင်ဆိုင်ရာ အဖွဲ့အစည်းများ၊ အမျိုးသမီးအဖွဲ့အစည်းများ၊ လူငယ်အဖွဲ့အစည်းများ၊ အလုပ်သမား၊ ဆရာဝန်၊ ရှေ့နေ၊ တောင်သူလယ်သမား စသည့် လူမှုစီးပွား ကိစ္စအဝဝနှင့် တိုက်ရိုက် သက်ဆိုင်သည့် အဖွဲ့အစည်းများဖြစ်ပြီး ၎င်းတို့၏ အခြေခံ လိုအပ်ချက်များကို ၎င်းတို့ကိုယ်တိုင် ရှာဖွေတည်ဆောက်ခွင့် ပေးထားကာ ဒီမိုကရက်တစ်အစိုးရများ၏ မူဝါဒလမ်းစဉ်များကို ဝိုင်းဝန်းအကောင်အထည်ဖော် တည်ဆောက်ခြင်းအားဖြင့် တိုင်းပြည်၏ တိုးတက်မှုစံနှုန်းများ မြင့်မားလာမည်ဖြစ်သည်။ ဤသည်ကို လွန်ခဲ့သော ဆယ်စုနှစ် တစ်ခုနှစ်ခုအတွင်း အလျှင်အမြန် တိုးတက်လာသော အရှေ့တောင်အာရှ နိုင်ငံများက သက်သေထူလျှက်ရှိသည်။

နိဂုံးချုပ်အားဖြင့် ဆိုရပါမူ ယနေ့လက်ရှိ မြန်မာနိုင်ငံကို မတရားသဖြင့် အုပ်ချုပ်လျက်ရှိသော နအဖ စစ်အာဏာရှင်တစ်စုသည် ၎င်းတို့အာဏာ တည်မြဲရေးနှင့် မြန်မာနိုင်ငံရေးသမိုင်း အလှည့်အပြောင်းကို ဖန်တီးပြီး စစ်အာဏာရှင်စနစ်ကို အခြားပုံစံတမျိုးဖြင့် အမည်ပြောင်းအုပ်ချုပ်နိုင်မည့် အခြေအနေတရပ်ကို လိုအပ်သလို ဖန်တီးခြင်းသာဖြစ်ပြီး အမှန်တကယ် လိုအပ်သည့် ပြည်တွင်းငြိမ်းချမ်းရေးနှင့် တိုင်းပြည်တိုးတက်ပြောင်းလဲရေးကို လုံးဝ လျစ်လျူရှု လျက်ရှိပါကြောင်း။    ။

ရင်းမြစ်။ ။ရိုးမ-၃

ရန်ကုန်သင်္ကြန်ဗုံးကွဲမှု သေဆုံးသူ ၄၀ ကျော်ပြီ။ ရွှေတိဂုံ လုံခြုံရေး အထူး တင်းကြပ်လျက်ရှိ


ဘားမားပါပါရာဇီသတင်း

၂၀၁၀ သင်္ကြန်အကြတ်နေ့ ကန်တော်ကြီးပတ်လမ်းပေါ်ရှိ X20 မဏ္ဏပ် အနီးတွင် ဗုံးပေါက်ကွဲမှုဖြစ်ပွားပြီးနောက် ရန်ကုန်မြို့တွင်း ရှာဖွေရေးစီမံချက်ကို အပူတပြင်း လုပ်ဆောင်လျှက်ရှိသည်။ အဆိုပါ ဗုံးပေါက်ကွဲမှုကြောင့် အမျိုးသား ၅ ဦးနှင့် အမျိုးသမီး ၃ ဦး သေဆုံးပြီး လူပေါင်း ၁၇၀ ကျော် ဒဏ်ရာပြင်းထန်စွာ ရရှိခဲ့သည်ဟု နအဖက သတင်းဖော်ပြခဲ့သည်။
ဗုံးပေါက်ကွဲမှုကြောင့် အမှန်တကယ် သေဆုံးသူဦးရေမှာ ၄၅ ဦး ရှိပြီး၊ရန်ကုန်ဆေးရုံကြီး (ဦးနှောက်နှင့်အာရုံကြော ဌာန)တွင် အတွင်းလူနာအဖြစ် ၈ ဦး၊ ဒဏ်ရာရသူဦးရေမှာ ၂၀၀ ကျော်ရှိကြောင်း ရန်ကုန် ဆေးရုံကြီး (၅/၆) တွင် တာဝန်ထမ်းဆောင်နေသော ဆရာဝန်လောင်းတဦးမှ ပြောကြားခဲ့ပါသည်။
        နအဖအစိုးရ၏ အမှတ် (၄) စစ်ဒေသမှုးဗိုလ်မှုးကြီး အုံးချိုအား စင်္ကာပူနိုင်ငံရှိ ဆေးရုံ သို့ သွားရောက် ဆေးကုသခွင့်ပြုလိုက်ပြီဖြစ်ကြောင်းကြားသိရပါသည်။
ဗုံးပေါက်ကွဲမှု၏ အဓိက သံသယ တရားခံမှာ နအဖစစ်အစိုးရ၏ ခေါင်းဆောင် ဗိုလ်ချုပ်မှုးကြီး သန်းရွှေ၏ မြေးဖိုးလပြည့်(ခ) နေရွှေသွေးအောင် ဖြစ်သည်ဟု ယူဆနေကြပြီး ၊ သူ မကျေနပ်သော ဗိုလ်ချုပ်သားများကို လုပ်ကြံခြင်းဖြစ်ကြောင်း အတွင်းသတင်းအဖြစ် ပြောဆိုနေကြသည်။
နအဖ စစ်အစိုးရက ယင်းဗုံးပေါက်ကွဲမှုသတင်းကို ပြည်တွင်း မီဒီယာဂျာနယ်များတွင် အကျယ်တ၀င့်ဖော်ပြရန် ညွှန်ကြားနေကြောင်း၊ဂျာနယ်မျက်နှာဖုံးများ၌ပင် ကြီးမားစွာ ဖော်ပြခိုင်း နေကြောင်း၊ ဤပေါက်ကွဲမှုသည် မိမိတို့နှင့်မသက်ဆိုင်၊ မိမိတို့တွင်တာဝန်မရှိ ၊ မိမိတို့၏လုပ်ကြံခြင်း မဟုတ်ကြောင်း သိသာစေရန် နအဖစစ်အစိုးရ၏ ကာကွယ်မှုတစ်ရပ်ပင်ဖြစ်ကြောင်း ပြည်သူများအကြား ပြောဆိုဝေဖန်လျှက်ရှိပါသည်။
ရန်ကုန်မြို့နေရာအနှံ့အပြားတွင်လည်း ရှာဖွေရေးလုပ်ငန်းများကို ပြင်းပြင်းထန်ထန် လုပ်ဆောင်နေပြီး၊ဗုံးဖေါက်ခွဲသူအား ဖမ်းဆီးမိပါက ဆုငွေ ၁၀ သိန်းဆုချမည်ဆိုသည့် ကြော်ငြာစာများကိုလည်း လမ်းဆုံလမ်းခွများတွင် ရယကများ ၊ စွမ်းအားရှင်များက လိုက်ကပ်နေကြောင်း မျက်မြင်သက်သေများကပြောကြားခဲ့ပါသည်။
        ဗုဒ္ဓဘာသာဝင်များ၏ အထွဋ်အမြတ်ဖြစ်သော လေးဆူဓါတ်ပုံ ရွှေတိဂုံစေတီတော်မြတ်ကြီးပေါ်သို့ လာရောက်ကြသူ ဘုရားဖူးပြည်သူများကိုလည်း မုခ်ဦးအပေါက်ဝများမှနေ၍ နအဖလက်အောက်ခံ လုံခြုံရေးများ ၊ အရပ်ဝတ် စရဖ ထောက်လှမ်းရေးများမှ အိတ်သွန်ဖာမှောက် သဲသဲမဲမဲ ရှာဖွေစစ်ဆေးလျှက် ရှိပါသည်။ 
 
ရင်းမြစ်။ ။မိုးမခ

ဗုံးကွဲမှု ဓာတ်ပုံရိုက်သူများ လွှတ်ပေးရန် မီဒီယာအဖွဲ့များ တောင်းဆို

အိုကလားဟိုးမားမြို့ (မဇ္ဈိမ)။      ။  ရန်ကုန်မြို့ ကန်တော်ကြီးရှိ ရေကစားမဏ္ဍပ်တွင် ဗုံးများပေါက်ကွဲသည့် ဖြစ်ရပ်အား ဓာတ်ပုံရိုက်သဖြင့် အဖမ်းခံခဲ့ရသော သတင်းသမားနှင့် သူ၏ သားအား ချက်ချင်း လွှတ်ပေးရန် သတင်းမီဒီယာစောင့်ကြည့်လေ့လာရေးအဖွဲ့များက တောင်းဆိုလိုက်ကြသည်။

သင်္ကြန်အတက်နေ့တွင် လူအများအပြား သေဆုံးဒဏ်ရာ ရရှိစေခဲ့သော ဗုံးကွဲမှုအပြီး နှစ်ရက်အကြာ ယခုလ ၁၇ ရက်နေ့တွင် ၅၅ နှစ်အရွယ် ဦးဇေယျနှင့် ကိုစည်သူဇေယျအား အာဏာပိုင်များက ဖမ်းဆီးခဲ့သည်ကို ပြင်သစ်အခြေစိုက် နယ်စည်းမခြား သတင်းထောက်များအဖွဲ့ (RSF) နှင့် ပြည်ပအခြေစိုက် မြန်မာသတင်းသမဂ္ဂ BMA က ယမန်နေ့တွင် ကြေညာချက်ထုတ်ကာ တောင်းဆိုခြင်း ဖြစ်သည်။

“တကယ်လို့ ဗုံးပေါက်ကွဲမှု ဖြစ်ပွားခဲ့တဲ့ နေရာကို ဓာတ်ပုံရိုက်ခဲ့လို့ အဖမ်းခံခဲ့ရတာဆိုရင် အခုချက်ချင်း လွှတ်ပေးဖို့ တောင်းဆိုပါတယ်” ဟု ထိုအဖွဲ့အစည်းနှစ်ခုက ပြောကြားသည်။

ဦးဇေယျတို့သားအဖသည် ကန်တော်ကြီး X2O ရေကစားမဏ္ဍပ်၌ ဗုံးပေါက်ကွဲမှုအား ဓာတ်ပုံရိုက်ခဲ့သဖြင့် ယခုလို အဖမ်းခံရသည်ဟု ယူဆရကြောင်း RSF နှင့် BMA ပြောသည်။

အာဏာပိုင်များအနေနှင့် အကြမ်းဖက်မှု၏ တရားခံကို ရှာဖွေဖော်ထုတ်ရန် တာဝန်ရှိသဖြင့် တရားမျှတသည့် နည်းလမ်းမျိုးစုံ အသုံးပြုနိုင်သော်လည်း သတင်းရယူ စုဆောင်းသူများအား ဖမ်းဆီခြင်းဖြင့် ပစ်မှတ်လွဲချော်သော တရားလက်လွတ် ပြုမူမှုမျိုးကို ရှောင်ရှားသင့်သည်ဟုလည်း ပါရှိသည်။

ယခုလ ၁၅ ရက်နေ့က ရန်ကုန်တိုင်း မင်္ဂလာတောင်ညွန့်မြို့နယ်ရှိ သင်္ကြန်မဏ္ဍပ်တခုတွင် လက်ပစ်ဗုံးဖြင့် တိုက်ခိုက်မှုဟု အာဏာပိုင်များက ယူဆနေသော ဗုံးပေါက်ကွဲမှု ၃ ခု ဖြစ်ပွားခဲ့ရာ လူ ၉ ဦးခန့် သေဆုံးခဲ့ပြီး ၁၇ဝ ကျော် ဒဏ်ရာရရှိခဲ့သည်။

RSF နှင့် BMA မှ ရရှိခဲ့သော သတင်းများအရ ဦးဇေယျသည် နိုင်ငံရေး အကျဉ်းသားဟောင်းတဦး ဖြစ်ခဲ့သဖြင့် ရဲအဖွဲ့က ပစ်မှတ်ထားခဲ့ခြင်းဖြစ်ကြောင်း သိရသည်။

ဦးဇေယျ၏ ကလောင်အမည်မှာ သားကြီးမောင်ဇေယျဖြစ်ပြီး၊ ၎င်းသည် နာမည်ကျော် စာရေးဆရာ လင်းယုန်မောင်မောင်၏ သားလည်း ဖြစ်သည်။

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) ၂ဝ ရက်နေ့တွင် ထုတ်ပြန်ခဲ့သည့် ကြေညာချက်ထဲ၌ စစ်အစိုးရအနေဖြင့် အတိတ်က ပြုမူသကဲ့သို့ မကြာသေးခင်က ဗုံးပေါက်ကွဲမှုများကို အကြောင်းပြ အမြတ်ထုတ်ကာ အစိုးရအပေါ် နိုင်ငံရေးအရ ဆန့်ကျင်ဝေဖန်သူများအား ပိုိမိုဖိနှိပ်လာမည်ကို စိုးရိမ်မကင်း ဖြစ်မိကြောင်း ဖော်ပြထားသည်။

“မြန်မာနိုင်ငံတွင် နအဖ သည် နိုင်ငံရေးအရ ဆန့်ကျင်ဝေဖန်သူများနှင့် ဒီမိုကရေစီအရေး လှုပ်ရှားသူများအား ၎င်းတို့ ပြုလုပ်ကျူးလွန်ခြင်း မရှိခဲ့သည့် ပြစ်မှုများအတွက် လက်ညှိုးထိုး အပြစ်ပုံချကာ အရေးယူနိုင်သည့် အမြစ်တွယ်နေသော မှားယွင်းသည့် ပြစ်ဒဏ်စီရင် အကျဉ်းကျမှုစနစ်ကြီး ရှိနေပေသည်” ဟု ကြေညာချက်တွင်ဖော်ပြထားသည်။

သီးခြားဗုံးပေါက်ကွဲမှုမှာ စစ်အစိုးရနှင့်နီးစပ်သော အေးရှားဝေါကုမ္ပဏီက ဆောက်လုပ်နေသည့် ကချင်ပြည်နယ် မြစ်ဆုံရေကာတာ စီမံကိန်းတွင် ဖြစ်သည်။ သို့သော် ထိုဗုံးပေါက်ကွဲမှုကြောင့် ဒဏ်ရာရသူ အနည်းငယ် ရှိခဲ့သော်လည်း သေဆုံးသူ မရှိပါ။

မြန်မာအစိုးရနှင့် ထိတွေ့ဆက်ဆံမှု အမေရိကန် ဆက်လုပ်မည်

မြန်မာစစ်အစိုးရနဲ့ ထိတွေ့ဆက်ဆံရေး မူဝါဒကို ရုတ်တရက် ပြောင်းလဲဖို့ အလားအလာ မရှိသေးဘူးလို့ အမေရိကန် အစိုးရက ပြောလိုက်ပါတယ်။ ဗုဒ္ဓဟူးနေ့ အမေရိကန် နိုင်ငံခြားရေးဌာနမှာ ပုံမှန်ပြုလုပ်တဲ့ သတင်းစာ ရှင်းလင်းပွဲမှာ အမေရိကန် နိုင်ငံခြားရေးရုံး ပြောခွင့်ရသူ ပီ.ဂျေ ခရော်လီ (P.J Crowley) က အခုလို ပြောလိုက်တာ ဖြစ်ပါတယ်။ တနှစ်အတွင်းမှာ ဖြစ်ပေါ်လာတာ မဟုတ်တဲ့ မြန်မာနိုင်ငံရဲ့ စိန်ခေါ်မှုတွေကိုလည်း တနှစ်တည်းမှာပဲ ဖြေရှင်းလို့ မရဘူးလို့ ပြောခဲ့တာနဲ့ ပတ်သက်လို့ ဦးကျော်ဇံသာက တင်ပြပေးထားပါတယ်။

မြောက်ကိုရီးယားဟာ မြန်မာနိုင်ငံကို ပြီးခဲ့တဲ့ အပတ်က လက်နက်တချို့ တင်ပို့ခဲ့တယ်ဆိုပြီး အစီရင်ခံစာတစောင် ပေါ်ထွက်လာပါတယ်။ အဲဒီကိစ္စကို သိပါသလားလို့ သတင်းထောက် တယောက်က မေးခဲ့တာ ဖြစ်ပါတယ်။ မစ္စတာ ခရော်လီကတော့ အဲဒီ အစီရင်ခံစာကို သေချာ မလေ့လာရသေးဘူးလို့ ဆိုပါတယ်။ အဲဒီအစီရင်ခံစာဆိုတာ ဘယ်ကထုတ်တဲ့ အစီရင်ခံစာလဲ၊ ဘာအစီရင်ခံစာလဲ ဆိုတာကိုတော့ မေးတဲ့ သတင်းထောက်ကလည်း မပြောသလို နိုင်ငံခြားရေးဌာန ပြောခွင့်ရပုဂ္ဂိုလ် မစ္စတာ ခရော်လီကလည်း ပြောကြားခြင်း မရှိပါဘူး။

သို့သော်လည်း မြောက်ကိုရီးယားနဲ့ မြန်မာနိုင်ငံတို့ဟာ လက်နက်အရောင်းအ၀ယ် ရှိနေတဲ့အတွက် စိုးရိမ်မကင်း ဖြစ်တယ်လို့တော့ မစ္စတာ ခရော်လီက အခုလို ပြောသွားခဲ့ပါတယ်။

“အဲဒီအစီရင်ခံစာကို ကျနော်တို့ ဆန်းစစ်လေ့လာခြင်း မရှိဘဲနဲ့တော့ ကျနော်တို့အနေနဲ့ ဒီအချက်ကို မှတ်သားထားရုံပဲ လုပ်နိုင်ပါလိမ့်မယ်။ ဒါပေမဲ့ သိကြတဲ့ အတိုင်းပါပဲ၊ မြန်မာနိုင်ငံ အပါအ၀င် နိုင်ငံတွေ အားလုံးဟာ မြောက်ကိုရီးယားနဲ့ ဆက်ဆံတဲ့အခါ အထူးသတိထားပြီး ပွင့်လင်း မြင်သာအောင် လုပ်ဆောင်ကြဖို့ တာဝန်ရှိပါတယ်။

“ပြီးတော့ မြောက်ကိုရီးယားနဲ့ မြန်မာ နှစ်နိုင်ငံအကြား စစ်ရေး ဆက်နွယ်မှုတွေ ရှိနေတာကိုလည်း ကျနော်တို့ စိုးရိမ်မကင်း ဖြစ်နေတာ အတော်ကြာခဲ့ပါပြီ။ မြန်မာအပါအ၀င် ကုလသမဂ္ဂ အဖွဲ့ဝင် နိုင်ငံတွေ အားလုံးဟာ လုံခြုံရေး ကောင်စီရဲ့ ဆုံးဖြတ်ချက် ၁၇၁၈ နဲ့ ၁၈၇၄ တို့ကို လိုက်နာ စောင့်ထိန်းကြဖို့လည်း မျှော်လင့်ပါတယ်။”

ကုလသမဂ္ဂ လုံခြုံရေးကောင်စီ ဆုံးဖြတ်ချက် အမှတ် ၁၇၁၈ နဲ့ ၁၈၇၄ ဆိုတာတွေဟာ စစ်လက်နက် ပစ္စည်းနဲ့ လောင်စာတွေကို မြောက်ကိုရီးယားကို မတင်ပို့ရဘူး၊ မြောက်ကိုရီးယားနဲ့ အရောင်းအ၀ယ် မလုပ်ရဘူး၊ ဒီပစ္စည်းတွေ တင်ဆောင်လာတယ်လို့ ယူဆရတဲ့ သင်္ဘောတွေကို တက်ရောက်ပြီး ရှာဖွေစစ်ဆေးခွင့် ရှိတယ်ဆိုပြီး ပြဋ္ဌာန်းထားတဲ့ ပြဋ္ဌာန်းချက်တွေ ဖြစ်ပါတယ်။

နောက်တခါ မြန်မာဘက်က ပြုပြင်ပြောင်းလဲမှုတွေ မလုပ်တဲ့အတွက် မြန်မာနိုင်ငံအပေါ် လက်ရှိကျင့်သုံးနေတဲ့ အမေရိကန် အစိုးရရဲ့ မူဝါဒကို ပြန်လည်သုံးသပ်ဖို့ အထက်လွှတ်တော် အမတ်တွေက နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကို မေတ္တာရပ်ခံ နေကြပါတယ်။ ဒီမူဝါဒသစ်ဟာ အလုပ်မဖြစ်တဲ့အတွက် သုံးသပ်ရမယ့်အချိန် ရောက်ပြီလား ဆိုတာနဲ့ ပတ်သက်လို့လည်း မစ္စတာ ခရော်လီက အခုလို ဖြေကြားသွားပါတယ်။

“ပြောရမယ်ဆိုရင်တော့ မြန်မာနိုင်ငံ ပြဿနာက တနှစ်အတွင်း ဖန်တီးခဲ့တဲ့ ပြဿနာ မဟုတ်ပါဘူး။ ဆိုတော့ တနှစ်တည်း ဖြေရှင်းလို့ ရနိုင်မှာလည်း မဟုတ်ပါဘူး။ ကျနော်တို့ဟာ မြန်မာနိုင်ငံဆိုင်ရာ မူဝါဒကို အနုလုံ ပဋိလုံ သုံးသပ်ပြီးမှ ထိတွေ့ဆက်ဆံရေး မူဝါဒကို ပြောင်းလဲ ကျင့်သုံးခဲ့တာပါ။ ဒီလို ပြောင်းလဲခဲ့ရတာဟာ ပွင့်ပွင့်လင်းလင်း ပြောရရင် ဒဏ်ခတ်အရေးယူမှု တခုတည်းနဲ့ ဘာရလဒ်မှ ပေါ်ထွက်မလာလို့ပါပဲ။

“ကျနော်တို့ဟာ မြန်မာအစိုးရနဲ့ အဆင့်မြင့် ဆွေးနွေးမှုတွေ လုပ်ပြီး အကျိုးစီးပွား ဖြစ်ထွန်းရေးနဲ့ စိုးရိမ်ပူပန်စရာတွေကို ကျယ်ကျယ်ပြန့်ပြန့်နဲ့ ရှည်ရှည်လျားလျား ဆွေးနွေးခဲ့ကြပါတယ်။ ဒီဆွေးနွေးမှုတွေကို ဆက်လက် လုပ်ကြရဦးမှာပါ။ ဒါပေမဲ့ ကျနော်တို့ ပြောခဲ့သလိုပါပဲ၊ မြန်မာအစိုးရရဲ့ မကြခင်က လုပ်ရပ်တချို့ကြောင့် ကျနော်တို့ စိတ်ပျက်ခဲ့ရပါတယ်။ အထူးသဖြင့် ရွေးကောက်ပွဲ ဥပဒေတွေနဲ့ ပတ်သက်ပြီး စိတ်ပျက်ခဲ့ရတာပါ။

“မြန်မာနိုင်ငံမှာ စိန်ခေါ်မှုတွေ အများကြီး ရှိနေပါတယ်။ ဒါတွေကို သူတို့ ပြည်တွင်းမှာ ဖြေရှင်းကြရပါလိမ့်မယ်။ မြန်မာ့လူ့အဖွဲ့အစည်း အစိတ်အပိုင်း အမျိုးမျိုးနဲ့ ကျယ်ကျယ်ပြန့်ပြန့် ဆွေးနွေးကြရပါလိမ့်မယ်။ နိုင်ငံရေး ဖြစ်စဉ်မှာ ပါဝင်ခွင့် ရှိသူတွေ၊ ပါဝင်နိုင်သူတွေ ပိုများလာအောင် ဖွင့်ပေးရပါလိမ့်မယ်။”

အမေရိကန် အထက်လွှတ်တော်က ရီပတ်ဘလီကန်အမတ်တွေ ဖြစ်တဲ့ ဂျက်ဂရက်တို့၊ မစ်ခ်ျ မက်ကော်နယ်လ်တို့လို ပုဂ္ဂိုလ်တွေက မြန်မာနိုင်ငံ အပေါ်မှာ အမေရိကန် အစိုးရ လက်ရှိကျင့်သုံးနေတဲ့ မူဝါဒကို ပြန်လည်သုံးသပ်သင့်ပြီ ဆိုပြီး မကြာခဏ မေတ္တာရပ်ခံနေကြတာလည်း ဖြစ်ပါတယ်။

ရင်းမြစ်။ ။http://www.voanews.com/burmese/2010-04-22-voa1.cfm?rss=topstories

အမျိုးသားစာဆိုကြီး သခင်ကိုယ်တော်မှိုင်း ခေါင်းချရာနေအိမ် ကန်ထရိုက်တိုက် ဆောက်မည်



လျပ်တပြက်ဂျာနယ် ဧပြီ ၉ ထုတ် စာစောင်တွင် အထက်ပါပုံအတိုင်း ဖော်ပြထားရာ မိသားစုဝင်များက နှစ်ပေါင်း ၈၀ ကြာပြီဖြစ်သည့် ပြိုပျက်နေသော မူလအိမ်ဟောင်းကို ဖျက်၍ ၆ ထပ်တိုက် ဆောက်ရန် စီစဉ်နေပြီဖြစ်ကြောင်း သိရှိရသည်။
ရန်ကုန်မြို့၊ စမ်းချောင်းမြို့နယ်၊ ချမ်းသာလမ်းရှိ တထပ်ပျဉ်ထောင်အိမ်ငယ်သည် မြန်မာပြည်အမျိုးသားရေး လှုပ်ရှားမှု၊ ပြည်တွင်းငြိမ်းချမ်းရေး လှုပ်ရှားမှု၏ အမျိုးသားစာဆိုကြီး ဖြစ်သော ဆရာကြီးသခင်ကိုယ်တော်မှိုင်း (၁၈၇၆ - ၁၉၆၄) နောက်ဆုံးခေါင်းချခဲ့ရာ နေအိမ်ဖြစ်သည်။ ၎င်းအိမ်တွင် နေထိုင်သူ မြေး ဒေါ်မြမြအေးက အဆိုပါ ဂျာနယ်သို့ ပြောကြားရာတွင် ကျန်ရစ်သူမိသားစုများ နေထိုင်ရန်ပင် မဖြစ်သည့်အတွက် ယခုလိုစီစဉ်သည်ဟု ဆိုသည်။ ဆရာကြီး၏ သမီးကြီး ဒေါ်မြရီ၏ သားသမီး ၃ ဦး (ဆရာကြီး၏ မြေးများ) နှင့် ဆိုင်သည်ဟု ပြောထားသည်ကိုတွေ့ရသည်။ တိုက်ခန်းတခန်း ရမည်ဟု သိရသည်။
ဆရာကြီး၏ ဂူဗိမာန်ထိန်းသိမ်းရေး ကော်မီတီ၊ ဆရာကြီးနှင့် ပတ်သက်သည့် သမိုင်းမော်ကွန်းများ စောင့်ရှောက်ထိန်းသိမ်းလိုသူများအနေနှင့် ဆရာကြီးနှင့် ပတ်သက်သည့် နေအိမ်မြေကို အမှတ်တရ စောင့်ရှောက်ရန် မည်သို့ သဘောထားသည်ကို မိုးမခက စုံစမ်း၍ မရသေးပါ။
ဆရာကြီးသည် သီပေါမင်းပါတော်မူသည့်နှစ် (၁၈၈၅) မတိုင်မီက မွေးဖွားခဲ့ပြီး မြန်မာပြည်ကြီး၏ ကိုလိုနီ၊ ဖက်ဆစ် နှင့် အာဏာရှင်အောက် လွတ်မြောက်ရေး တိုက်ပွဲများကို တောက်လျောက် ရင်ဆိုင်ဖြတ်သန်းခဲ့သူ ဖြစ်သည်။ မြန်မာပြည်၏ လွတ်လပ်ရေးဖခင်၊ တပ်မတော်ဖခင်၊ ဒေါ်အောင်ဆန်းစုကြည်ဖခင် - သခင်အောင်ဆန်း (ဗိုလ်ချုပ်အောင်ဆန်း)ကို အစဉ်အမြဲထောက်ခံပြီး စာပေကလောင်နှင့် အမျိုးသားရေးတာဝန်ကို ထမ်းဆောင်ခဲ့သူ စာဆိုကြီး ဖြစ်သည်။ ၁၉၆၂ နောက်ပိုင်း စစ်တပ်က ပါလီမာန်စနစ်ကို ဖျက်သိမ်းပြီး အာဏာသိမ်းထားချိန် ပြည်တွင်းငြိမ်းချမ်းရေး လှုပ်ရှားမှုများအတွက် စိတ်ထက်သန်စွာ မြှပ်နှံလုပ်ကိုင်နေစဉ် ငြိမ်းချမ်းရေးဆွေးနွေးပွဲ ပျက်သုဉ်းသွားသည်ကို ကြားသိပြီးနောက် ၁၉၆၄ တွင် ကွယ်လွန်ခဲ့သည်။ ဆရာကြီး၏ ဂူဗိမာန်ထိန်းသိမ်းရေးကော်မီတီတွင် မြန်မာပြည်၏ ထင်ရှားသော စာပေနှင့် စာနယ်ဇင်းသမားကြီးများက တာဝန်ယူ ဆောင်ရွက်ခဲ့ကြသည်။
          ဓာတ်ပုံမှာ မူလပျဉ်ထောင်အိမ်ဟောင်းကို ဖြုတ်ချပြီး ကန်ထရိုက်တိုက်ဆောက်ရန် ရှင်းလင်းထားသည့် မြေနေရာ ဖြစ်သည်။ (ဓာတ်ပုံ - ဇေမှိုင်း၏ မိတ်ဆွေများ)
 
မိုးမခအထောက်တော် ၀၀၃

 

လွတ်လပ်ပြီး တရားမျှတတဲ့ ရွေးကောက်ပွဲ ကျင်းပဖို့ မြန်မာစစ်အစိုးရကို ဂျပန်၊ မလေးရှား တိုက်တွန်း

မြန်မာနိုင်ငံမှာ ဒီနှစ်ထဲ ကျင်းပဖို့ ပြင်ဆင်နေတဲ့ ရွေးကောက်ပွဲဟာ လွတ်လပ် တရားမျှတပြီး ဒေါ်အောင်ဆန်းစုကြည် အပါအ၀င် သက်ဆိုင်ရာ အဖွဲ့အစည်း အသီးသီးက ပါဝင်နိုင်ဖို့ ဂျပန်နဲ့ မလေးရှား ခေါင်းဆောင်တွေက ဒီနေ့ ပူးတွဲ ကြေညာချက် ထုတ်ပြန် တောင်းဆိုလိုက်ပါတယ်။ မလေးရှား ၀န်ကြီးချုပ်ရဲ့ ၃ ရက်ကြာ ဂျပန်နိုင်ငံ ခရီးစဉ်အတွင်း နှစ်နိုင်ငံ ဆက်ဆံရေးမှာ အလေးထားတဲ့ ကိစ္စရပ်တွေနဲ့ ပတ်သက်လို့ မြန်မာနိုင်ငံ အကြောင်းကိုလည်း ထည့်သွင်း ဆွေးနွေး တိုက်တွန်းခဲ့ကြတာ ဖြစ်ပါတယ်။ အပြည့်အစုံကို ဆက်သွယ်မေးမြန်းထားတဲ့ ဒေါ်ခင်မျိုးသက်က တင်ပြပေးထားပါတယ်။
မလေးရှား ၀န်ကြီးချုပ် နာဂျစ် ရာဇတ် (Najib Razak) က သူ့ရဲ့ ပထမဆုံး ဂျပန်နိုင်ငံ ခရီးစဉ်အဖြစ် တနင်္ဂနွေနေ့မှာ သွားရောက်ခဲ့ပြီး ဂျပန်ဝန်ကြီးချုပ် ယူကီအို ဟတိုယာမ (Yukio Hatoyama) နဲ့ တွေ့ဆုံ ဆွေးနွေးခဲ့ပါတယ်။ နှစ်နိုင်ငံ အရေးကိစ္စတွေအပြင် မြန်မာနိုင်ငံ အရေးကိုပါ ဆွေးနွေးခဲ့ကြပြီး ဆွေးနွေးပွဲအပြီး ကြေညာချက်တစောင် ထုတ်ပြန်ခဲ့တယ်လို့ ဂျပန် နိုင်ငံခြားရေး ၀န်ကြီးဌာန ပြောခွင့်ရ မစ္စတာ ဆိုးဘားရှိမ ဟိတနိုဘူးက ပြောပါတယ်။
“နှစ်နိုင်ငံ ခေါင်းဆောင်တွေက မြန်မာနိုင်ငံမှာ အမျိုးသား ပြန်လည်သင့်မြတ်ရေး ရှိဖို့ အရေးကြီးတာကို ထောက်ပြခဲ့ကြပြီး ဒီနှစ်ထဲ ကျင်းပဖို့ ပြင်နေတဲ့ ရွေးကောက်ပွဲဟာ တရားမျှတမှုနဲ့ လွတ်လပ်မှုရှိဖို့ အပြင် အဖွဲ့အစည်း အသီးသီးက ပါဝင်နိုင်မယ်လို့ မျှော်လင့်ထားကြပါတယ်။ ဒါမှလည်း မြန်မာနိုင်ငံမှာ တည်ငြိမ်မှုနဲ့ ဖွံ့ဖြိုးတိုးတက်မှုတွေ ရှိလာမှာပါ။”
မြန်မာနိုင်ငံရဲ့ လက်ရှိအနေအထားဟာ တည်ငြိမ်မှု မရှိဘူးလို့ အာရှ ခေါင်းဆောင်တွေနဲ့ တကွ နိုင်ငံတကာကပါ လက်ခံထားကြပါတယ်။ ဒါ့အပြင် မြန်မာနိုင်ငံမှာ ဒီနှစ်ထဲ ကျင်းပဖို့ ပြင်နေတဲ့ ရွေးကောက်ပွဲအတွက် မြန်မာစစ်အစိုးရ ထုတ်ပြန်ခဲ့တဲ့ ရွေးကောက်ပွဲဆိုင်ရာ ဥပဒေတွေဟာ နိုင်ငံရေး ပါတီတွေအတွက် အကန့်အသတ်၊ အချုပ်အချယ်တွေ များပြီး တရားမျှတမှု မရှိတာမို့ အမျိုးသား ဒီမိုကရေစီ အဖွဲ့ချုပ် ပါတီက မှတ်ပုံမတင်ဘူးလို့ တုံ့ပြန်ထားပါတယ်။ နိုင်ငံတကာကလည်း ဒီဥပဒေတွေအတွက် ၀ိုင်းဝန်း ဝေဖန်မှုတွေ ရှိနေပါတယ်။
ဂျပန်အစိုးရ အနေနဲ့ မြန်မာနိုင်ငံမှာ ကျင်းပမယ့် ရွေးကောက်ပွဲမှာ အဖွဲ့အစည်း အားလုံး ပါဝင်စေဖို့အတွက် အထူးလိုလားတဲ့ အပြင် ဒီလို ပါဝင်လာအောင် လုပ်ဆောင်ပေးဖို့လည်း မြန်မာအစိုးရကို ပန်ကြားနေတယ်လို့ ပြောပါတယ်။ ဒါကြောင့် ရွေးကောက်ပွဲ မတိုင်ခင်မှာ ဒေါ်အောင်ဆန်းစုကြည်နဲ့တကွ နိုင်ငံရေး အကျဉ်းသား အားလုံးကို ပြန်ပြီး လွှတ်ပေးဖို့ တောင်းဆိုတယ်လို့လည်း ပြောပါတယ်။ ဒါ့အပြင် ဂျပန်နိုင်ငံခြားရေး ၀န်ကြီးဌာန ပြောခွင့်ရ ပုဂ္ဂိုလ်က…
“ဒေါ်အောင်ဆန်းစုကြည်နဲ့ ပတ်သက်ပြီးတော့လည်း ကျနော်တို့ ဂျပန်နိုင်ငံနဲ့ ဂျပန်အစိုးရတို့ဟာ သူ့ရဲ့ အခြေအနေကို အနီးကပ် စောင့်ကြည့်နေကြပါတယ်။ ကျနော်တို့ရဲ့ ရပ်တည်ချက်ကတော့ သူနဲ့တကွ မြန်မာနိုင်ငံထဲက သက်ဆိုင်ရာ အဖွဲ့အစည်း အားလုံး ပါဝင်တဲ့ ရွေးကောက်ပွဲ ဖြစ်လာဖို့ မြင်ချင်ပါတယ်။” လို့ ပြောသွားပါတယ်။
မလေးရှားနဲ့ ဂျပန် နှစ်နိုင်ငံ ခေါင်းဆောင်တွေရဲ့ ပူးတွဲ ကြေညာချက်ထဲမှာလည်း ဒါကိုပဲ အဓိကထား ဖော်ပြထားတယ်လို့ ဆိုပါတယ်။
ကုလသမဂ္ဂ လုံခြုံရေးကောင်စီမှာ ဧပြီလကစပြီး အလှည့်ကျ ဥက္ကဋ္ဌအဖြစ် တာဝန်ယူတဲ့ ကုလသမဂ္ဂဆိုင်ရာ ဂျပန်သံအမတ်ကြီး ယူကီအို တကဆုက ဒီရွေးကောက်ပွဲမှာ အုပ်စုအားလုံး မပါဝင်နိုင်ရင် နိုင်ငံတကာက လက်ခံနိုင်တဲ့ အနေအထားမျိုး ဖြစ်မှာ မဟုတ်ဘူးလို့ သတိပေးခဲ့ပါတယ်။ ဒါ့အပြင် မြန်မာအစိုးရက ဒေါ်အောင်ဆန်းစုကြည် အပါအ၀င် တခြား ပါသင့် ပါထိုက်သူတွေ ရွေးကောက်ပွဲမှာ ပါဝင်ယှဉ်ပြိုင်ခွင့် မပေးရင် ဂျပန်အစိုးရဘက်က မြန်မာနိုင်ငံအတွက် ပေးနေတဲ့ အကူအညီတွေကို ရပ်တန့်မယ်လို့ မတ်လကုန်က ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါက ဂျပန်နိုင်ငံဆိုင်ရာ မြန်မာသံအမတ်ကြီး ဦးလှမြင့်က တဆင့် ပြောကြားခဲ့ပါတယ်။
ဒါကြောင့် ဂျပန်အစိုးရ အနေနဲ့ မြန်မာနိုင်ငံအတွက် ကူညီထောက်ပံ့မှု ဆိုင်ရာ လက်ရှိသဘောထားကို မေးကြည့်တဲ့ အခါမှာတော့…
“မြန်မာနိုင်ငံအတွက် ကျနော်တို့ ပေးနေတဲ့ ထောက်ပံ့ ကူညီမှုတွေကို သတိကြီးကြီးထားပြီး အကန့်အသတ်နဲ့ ဆက်ပေးဖို့ ရှိပါတယ်။ ဒါပေမဲ့ အခြေခံအားဖြင့် ပြောရရင် ဒီထောက်ပံ့ ကူညီမှုတွေကို ရပ်ထားပါတယ်။ ဆက်ပေးမယ် ဆိုရင်လည်း ချွင်းချက်တော့ ရှိပါတယ်။ ဒီထောက်ပံ့ ကူညီမှုတွေဟာ NGO တွေကတဆင့် ဒါမှမဟုတ် လူသားချင်း စာနာမှုဆိုင်ရာ အကူအညီကို လိုအပ်နေတဲ့ လူတွေရဲ့လက်ထဲ ရောက်တဲ့ ကိစ္စမျိုးတွေပဲ ဖြစ်မှာပါ။” လို့ ဂျပန် နိုင်ငံခြားရေး ၀န်ကြီးဌာန ပြောခွင့်ရ မစ္စတာ ဆိုးဘားရှိမ ဟိတနိုဘူးက ပြောသွားတာ ဖြစ်ပါတယ်။

ရင်းမြစ်။ ။http://www.voanews.com