Friday, April 30, 2010

“နှာစေးမပစ်လိုက်ကြစေလိုပါ”

နိုင်ငံရေးကိုစိတ်ဝင်စားပြီး နိုင်ငံရေးအသိပညာရှိတဲ့သူတွေ၊ အမှန်တရား၊ တရားမျှတမှု၊ လူ့အခွင့်အရေး၊ ဒီမိုကရေစီရေးကို လိုလား တောင့်တ တက်ကြွလှုပ်ရှားသူတွေနဲ့ နိုင်ငံရေးအတွေ့အကြုံရင့်ကျက်သူ ဝါရှိသူတွေအနေနဲ့ ကိုယ်ကကိုယ့်ဆန္ဒအလျှောက် ကိုယ့်အ မြင်ကိုယ့်အတွေးကို ဖော်ထုတ်ပြောဆိုတာပဲဖြစ်ဖြစ် သတင်းစာနယ်ဇင်းတွေက မေးမြန်းလာလို့ အဖြေပေးပြောဆိုရတဲ့အခါပဲဖြစ်ဖြစ် သတိကြီးကြီးထားသင့်တယ်လို့ ထင်ပါတယ်။ နိုင်ငံရေးအသိပညာရှိသူတွေအတွက်က စဉ်းစားတွေးခေါ် အချက်အလက်ရှာဖွေ လေ့ လာ အကဲဖြတ်လို့ရနိုင်ပေမယ့် နိုင်ငံရေးအသိပညာ ဘဝအရ အခြေအနေအရ အားနည်းသူ မရှိသူတွေဖြစ်တဲ့ သာမန်အခြေခံပြည်သူ လူထုကြီးကို အမှားအမှန်ရွေးချယ်ဆုံးဖြတ်ဖို့ ခက်ခဲသွားစေတဲ့ တွေဝေသွားစေနိုင်တဲ့ အပြောအဆိုမျိုးကိုတော့ အထူးသဖြင့် ခုလို မြန် မာနိုင်ငံအတွက် အရေးကြီးတဲ့အခြေအနေမျိုးမှာသတိထား ရှောင်ရှားသင့်တယ်လို့ ယူဆပါတယ်။

ဒီဆောင်းပါးကို ရေးဖြစ်ဖို့ စေ့ဆော်ပေးလိုက်တာကတော့ ဒီဗွီဘီ အင်တာနက်စာမျက်နှာမှာ 12th April 2010 နေ့စွဲနဲ့ ဖော်ပြထားတဲ့ “ရွေးကောက်ပွဲပညာပေးရေးလုပ်မှ ဖြစ်မည်ဟု အမျိုးသားရေး ဦးဝင်းနိုင် ကပြောဆို” ဆိုတဲ့ သတင်းတိုလေးပါ။ ပြည်ပအခြေစိုက်စာ နယ်ဇင်းဆရာနှစ်ဦးရဲ့ ဆောင်းပါးနှစ်ပုဒ်ကိုလည်း ပြီးခဲ့တဲ့ရက်ပိုင်းအတွင်းမှာ ဖတ်လိုက်ရပါသေးတယ်။ ပြည်ပအခြေစိုက်ဖြစ်တဲ့အ တွက် ပြည်တွင်းက အခြေခံပြည်သူလူထုကြီးအတွက် သက်ရောက်မှုသိပ်မရှိနိုင်တဲ့အတွက် ဆောင်းပါးရေးဖို့အထိ စိတ်မပါခဲ့ပါဘူး။ ကျနော် အထက်မှာတင်ပြခဲ့တဲ့ သတင်းကတော့ မတော်တဆ ပြည်တွင်းစာနယ်ဇင်းတစောင်စောင်က ဖော်ပြခွင့်ရလို့ ဖော်ပြလိုက် မယ်ဆိုရင် သာမန်အခြေခံပြည်သူလူထုအတွက် မကောင်းတဲ့သက်ရောက်မှုရှိနိုင်တဲ့အတွက် ရေးဖြစ်သွားတာပါ။ အဲဒီ သတင်းအရ ပြည်သူလူထုကို ရွေးကောက်ပွဲ ပညာပေးရေးလုပ်မှဖြစ်မယ်လို့ အမျိုးသားရေး ဦးဝင်းနိုင်ကပြောတာကတော့ ပြသနာမရှိပါဘူး။ ပညာ ပေးရေးလုပ်တာကကောင်းပါတယ်။ ဒါပေမယ့် ဘယ်လိုပညာတွေကိုပေးမှာပါလဲ။ ပြည်တွင်းနိုင်ငံရေး အခြေအနေကို နားလည်သိမှီ သူတွေရော ပြည်သူလူထုကြီးက ယုံကြည်အပ်နှံထားတဲ့ အမျိုးသားဒီမိုကရေစီအဖွဲ့ချုပ်ကရော စစ်အစိုးရထုတ်ပြန်ကြေငြာလိုက်တဲ့ ရွေးကောက်ပွဲဆိုင်ရာဥပဒေတွေဟာဘာ၊ ၂ဝ၁ဝ ရွေးကောက်ပွဲဟာ ဘာ ဆိုတာကို ပြတ်ပြတ်သားသား သိမြင်နားလည် သဘော ပေါက်ပြီးဖြစ်သလို ပြည်သူလူထုကိုလည်း သူတို့ရဲ့ထင်မြင်ချက်နဲ့သဘောထားကို ပြတ်ပြတ်သားသား ရှင်းရှင်းလင်းလင်း ဖော်ပြပြော ဆိုပြီးဖြစ်ပါတယ်။

ကုလသမဂ္ဂ အထွေထွေအတွင်းရေးမှူးချုပ်နဲ့ ကမ္ဘာ့နိုင်ငံအတော်များများက အစိုးရတာဝန်ရှိပုဂ္ဂိုလ်တွေ သံတမန်တွေကလည်း စစ်အ စိုးရရဲ့ ရွေးကောက်ပွဲဥပဒေဟာ ဒီမိုကရေစီ အခြေခံမူတွေနဲ့မကိုက်ညီဘူး တရားမျှတမှုမရှိဘူးလို့ ဝေဖန်ပြောဆိုထားခဲ့ကြပြီး ဖြစ်ပါ တယ်။ အမျိုးသားဒီမိုကရေစီအဖွဲ့ချုပ်ခေါင်းဆောင်နဲ့ လူထုဒီမိုကရေစီခေါင်းဆောင် ဒေါ်အောင်ဆန်းစုကြည်၊ ဗဟိုအလုပ်အမှုဆောင် ကော်မတီဝင်နဲ့ စာရေးဆရာ သတင်းစာဆရာကြီးဦးဝင်းတင် တို့ကလည်းသူတို့ရဲ့ သဘောထားအမြင်ကို လူထုကိုဖော်ထုတ်ပြောဆို ပြီးဖြစ်ပါတယ်။ လူထုကိုရွေးကောက်ပွဲကို ဆန့်ကျင်ဖို့ မဲမပေးဖို့ပြောရမှာပဲလို့ ပြောပြီးဖြစ်ပါတယ်။ စစ်အစိုးရရဲ့ရွေးကောက်ပွဲဥပဒေဟာ တရားမျှတမှုမရှိဘူး၊ ထပ်လုပ်မယ့် ၂ဝ၁ဝ ရွေးကောက်ပွဲဆိုတာ ဘာကိုဦးတည်ရည်ရွယ်တယ် စတဲ့မှန်ကန်တဲ့ နိုင်ငံရေးအသိပညာကို ပေးကြရပါလိမ့်မယ်။ ပေးဖို့လည်းတာဝန်ရှိပါတယ်။

ခု အမျိုးသားရေးဦးဝင်းနိုင် ပြောလိုက်တာက “ကျနော်တို့က ရွေးကောက်ပွဲ ထောက်ခံတာ မထောက်ခံတာ ကျနော်တို့ဘာမှပြော စရာ မလိုဘူး။ တကယ်လို့ ရွေးကောက်ပွဲမဖြစ်ရင်လည်း ကျနော်တို့ပြောစရာမရှိဘူး။ ဖြစ်ရင် တိုင်းပြည်အတွက်အကောင်းဆုံးဖြစ်မလဲ၊ အ ဆိုးဆုံးထဲက အကောင်းဆုံးဖြစ်နိုင်တဲ့နည်းလမ်းတွေကို ကျနော်တို့က ရှာကြံပြီးပေးတာပါ။ ၂ဝဝ၈ ဖွဲ့စည်းပုံအခြေခံဥပဒေ ပြည်သူ့ ဆန္ဒ မဲပေးကြတုံးက ဒါမျိုး ကျနော်တို့မရလိုက်ဘူး။ အဲတော့ လူထုဟာသိပ်နာတယ်။ အဲဒါကြောင့်မို့ ကျနော်တို့က တကယ်လို့ဖြစ်လာရင် ကျနော်တို့က လုပ်ပေးမယ်။ ကျနော်တို့ ထောက်ခံခြင်းမထောက်ခံခြင်းသည် ကျနော်တို့ အလုပ်မဟုတ်ဘူး” လို့ပြောလိုက်တာပါ။ စစ် အစိုးရရဲ့ ၂ဝဝ၈ အခြေခံဥပဒေနဲ့ ထုတ်ပြန်လိုက်တဲ့ ရွေးကောက်ပွဲဥပဒေအရ ကျနော်တို့ရဲ့ ပြည်သူလူထုဟာ ဘာအကောင်းဆုံးရ နိုင်မယ်လို့ ဦးဝင်းနိုင် ထင်ပါသလဲ။ ဦးဝင်းနိုင်အနေနဲ့ တရားမျှတမှု မရှိ ဒီမိုကရေစီ နည်းလမ်းမကျတဲ့ ရွေးကောက်ပွဲဥပဒေနဲ့ ကျင်းပ ပေးမယ့် ၂ဝ၁ဝ ရွေးကောက်ပွဲဆိုတာကို ထောက်ခံတယ် မထောက်ခံဘူးဆိုတာလောက်ကိုတောင် ပြည်သူလူထုကို ထုတ်ဖော်ပြော ဆိုဖို့ အနည်းဆုံးတာဝန်ရှိတယ်လို့ မယူဆတော့ပါဘူးလား။ ဒါတော့မတရားဘူး ဒါတော့တရားတယ်ဆိုတာ ပြည်သူလူထုကိုပြောဖို့ တာ ဝန်ရှိတယ်လို့မထင်တော့ ပါဘူးလား။ သိပ်မကြာခင်ကပြောခဲ့တဲ့ ဒီမိုကရေစီရမယ်လို့လည်းမထင်တော့ဘူး၊ နိုင်ငံရေးဆက်မ လုပ်တော့ဘူး ဆိုတာကတော့ကိုယ့်ရဲ့ ကိုယ်ပိုင်အယူအဆ ဆုံးဖြတ်ချက်ပါ။ အဲဒီလိုထင်တာတွေ ဆုံးဖြတ်တာတွေအတွက် ပြောစရာ အကြောင်းမရှိပါဘူး။ ပြည်သူလူထုအတွက်လည်း ပြဿနာမရှိပါဘူး။

ဘာဒီမိုကရေစီကိုမှ မပေး ဘာစည်းမျဉ်းဥပဒေကိုမှ လေးစားလိုက်နာမှုမရှိ၊ ဘယ်သူဝေဖန်ပြောဆိုတောင်းဆိုတာတွေကိုမှ ဂရုမစိုက် ဘဲ သူတို့စစ်အာဏာတည်မြဲရေးအတွက် ဘာပဲလုပ်ရလုပ်ရဆိုတဲ့ အစိုးရမျိုးဆီက ဟောပြောခွင့် ပညာပေးခွင့်တောင်းကြည့်မယ်ဆို တာဟာ အသိတရားရှိရာရောကျပါသလား။ ၂ဝဝ၈ ခုနှစ် စစ်အခြေခံဥပဒေနဲ့ စစ်အာဏာရှင်စနစ်နဲ့ တတိုင်းပြည်လုံးကို တရားဝင် ကျွန်ပြုခွင့်ရအောင်လုပ်မယ့် ၂ဝ၁ဝ ခုနှစ် ရွေးကောက်ပွဲက မြန်မာပြည်သူလူထုအတွက် အကောင်းဆုံးတခုခုရနိုင်စရာများ ရှိပါသေး သ လား။ အမှန် အမှား တရား မတရား သိထားတဲ့သူတယောက်ဟာ အမှန်တရားဘက်ကရပ်တည်ဖို့ အမှန်တရားအတွက်ခုခံပြောဆို ဖို့ တာဝန်မရှိပါဘူးလား။ အထူးသဖြင့် အသက်အရွယ်ရလာပြီဖြစ်တဲ့ နိုင်ငံရေးသမားကြီးတွေကို သေသည်အထိ သမိုင်းကြောင်း ကောင်းစေချင်ပါတယ်။ အမှန်တရားဟာ ပြည်သူလူထုနဲ့ အတူရှိနေပါတယ်။ ပြည်သူလူထုဘက်က ရပ်တည်တာဟာ အမှန်တရား ဘက်က ရပ်တည်တာပါပဲ။ အမှန်တရားကိုရဲရဲထောက်ခံ၊ မတရားမှုကိုရဲရဲဆန့်ကျင်သွားမယ်ဆိုရင် သမိုင်းကြောင်းဟာ လှပနေမှာ အ သေအချာပဲ ဖြစ်ပါတယ်။

အဓမ္မဟာ ဓမ္မကို ထာဝရ အနိုင်ရ အောင်ပွဲခံ သွားရိုးမရှိပါဘူး။

စိုးနေလင်း

ရင်းမြစ်။ ။နေ့သစ်

နအဖကို NLDတရားစွဲ၊ တရားရုံးချုပ် လက်ခံ

နိုင်ငံရေး ပါတီများ မှတ်ပုံတင်ခြင်း ဥပဒေသစ်က အမျိုးသား ဒီမိုကရေစီ အဖွဲ့ချုပ် (NLD) ၏ တရားဝင် ရပ်တည်မှုကို ပယ်ဖျက်ခြင်း အပေါ် ဒေါ်အောင်ဆန်း စုကြည်က နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီကို ယမန်နေ့က တရားစွဲဆိုထားရာ ဗဟို တရားရုံးချုပ်က လက်ခံ ဆောင်ရွက်နေသည်ဟု  ယနေ့ အကြောင်း ပြန်ကြားခဲ့သည်။

ရန်ကုန်မြို့မှ NLD အဖွဲ့ဝင်များ (ဓာတ်ပုံ - AP)
NLD သည် ၁၉၈၈ ခုနှစ်တွင် နိုင်ငံရေးပါတီ အဖြစ် တရားဝင် မှတ်ပုံတင်ခဲ့ပြီး ၁၉၉၀ ရွေးကောက်ပွဲတွင် အနိုင်ရခဲ့သည့် ပါတီ ဖြစ်သည်။ ယခု ပြန်လည် မှတ်ပုံမတင်ပါက  နိုင်ငံရေး ပါတီ အဖြစ်မှ ပယ်ဖျက်မည်ဟု မတ်လတွင် ပြဋ္ဌာန်းလိုက်သည့် ဥပဒေသည်  NLD  အပေါ် အကျိုး သက်ရောက်မှု မရှိကြောင်း တားမြစ်မိန့် ထုတ်ပေးရန် ဒေါ်အောင်ဆန်းစုကြည်က ဗဟိုတရားရုံးကို ဦးတိုက် လျှောက်ထားခဲ့ခြင်း ဖြစ်သည်ဟု ဆိုသည်။

“တရားရုံးချုပ် ဒုတိယ ညွှန်ကြားရေးမှူးက သူတို့ ဆက်လုပ်နေပါတယ်၊ အကျိုးအကြောင်းကို တယ်လီဖုန်းနဲ့ ဖြစ်ဖြစ် စာနဲ့ ဖြစ်ဖြစ် ဆက်သွယ်ပါ့မယ် ပြောပေမယ့် ဘယ်အချိန်မှာ အကြောင်း ပြန်မယ် ဆိုတာတော့ အတိအကျ မပြောဘူး” ဟု NLD ပြောခွင့်ရ ပုဂ္ဂိုလ် ဦးဉာဏ်ဝင်းက ရှင်းပြသည်။

NLD ၏ နောက်ထပ် တရားစွဲဆိုချက် တခုမှာ ၁၉၉၀ ရွေးကောက်ပွဲတွင် အနိုင်ရသည့် ပြည်သူ့ လွှတ်တော် ကိုယ်စားလှယ်များ၏ တရားဝင် ရပ်တည်ခွင့်ကို ရွေးကောက်ပွဲ ဥပဒေက ပယ်ဖျက်ခဲ့ခြင်းနှင့် သက်ဆိုင်သည်ဟု ဦးဉာဏ်ဝင်းက ပြောသည်။

“ပြည်သူ့လွှတ်တော် ရွေးကောက်ပွဲ ဥပဒေသစ်ရဲ့ ပုဒ်မ ၉၁ က ၁၉၉၀ ရွေးကောက်ပွဲ ရလဒ်ကို ပယ်ဖျက်လိုက်တဲ့ အတွက် သူတို့တွေရဲ့ တရားဝင် ရပ်တည်ခွင့်ကို ထိခိုက်သွားစေတယ်။ ဒါကြောင့်  ပြည်သူ့ လွှတ်တော် ခေါ်ယူပေးဖို့ တရားမ အမှု စွဲခဲ့တာပါ” ဟု ဦးဉာဏ်ဝင်းက ပြောသည်။

ရှေ့နေ ဦးကြည်ဝင်း၊ ဒေါ်ခင်ဌေးကြွယ်နှင့် ဦးကျော်ဟိုးတို့က ရန်ကုန်မြို့ရှိ ဗဟိုတရားရုံးချုပ်တွင် အဆိုပါ အမှု ၂ မှုကို ယမန်နေ့ နံနက် ၁၀ နာရီက  သွားရောက် လျှောက်ထားခဲ့ခြင်း ဖြစ်သည်။

NLD သည် ရွေးကောက်ပွဲ ကော်မရှင်တွင်  မှတ်ပုံ မတင်ရန် မတ်လ ၂၉ ရက်နေ့က ဆုံးဖြတ်ချက် ချခဲ့သည်။

ရင်းမြစ်။ ။ဧရာဝတီ

ကြံ့ခိုင်ရေး ပါတီ လာပြီ


မိုးမခအထောက်တော် အမှတ် ၀၀၂
ယမန်နေ့က ဖွင့်ပွဲတခုတွင် တွေ့ရသည့် ၀န်ကြီးချုပ် ဦးသိန်းစိန်။ ယခင်က စစ်ယူနီဖောင်းဖြင့်သာ တွေ့ရလေ့ရှိသည့် သူ့ကို ယခုအခါ အရပ်ဝတ်ဖြင့်သာ တွေ့နေရသည်။ (ဓာတ်ပုံ-SPDC)
ဝန်ကြီးချုပ် ဦးသိန်းစိန် အပါအ၀င် ၂၇ ဦးက နိုင်ငံရေးပါတီ ဖွဲ့ရန် ကြာသပတေးနေ့တွင် ရွေးကောက်ပွဲ ကော်မရှင်သို့ မှတ်ပုံတင်လိုက်ကြောင်း ယနေ့ထုတ် သတင်းစာများတွင် ရေးထားသည်။ ၀န်ကြီးချုပ်၏ ပါတီ အမည်မှာ ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ဖြစ်သည်။
 
ပါတီ၏ အမည်သည် ဗိုလ်ချုပ်ကြီးတို့ ဖွဲ့စည်းထားသည့် ကြံ့ခိုင်ရေးအသင်း အမည်နှင့် ဆင်တူနေသည်။ ပါတီဖွဲ့ရန် လျှောက်လွှာတင်သည့် ၂၇ ဦး အမည်ကို မသိရသေးပါ။
 
ပြီးခဲ့သည့် ရက်ပိုင်းအတွင်း ၀န်ကြီးရာထူးများ ယူထားသည့် စစ်ဗိုလ်ချုပ် ၂၀ ၀န်းကျင်သည် မြန်မာ့တပ်မတော်မှ ထွက်ပြီး အရပ်ဝတ်ဖြင့် ဆက်လက် တာဝန်ထမ်းဆောင်မည့်သတင်း ထွက်ပေါ်ခဲ့သည်။ စစ်အစိုးရက ထိုပုဂ္ဂိုလ်များ အမည်စာရင်းကို ထုတ်ပြန်ခြင်း မရှိပေ။
 
အရပ်ဝတ်လဲလိုက်သည့် ထိုပုဂ္ဂိုလ်များသည် ကြံ့ခိုင်ရေး ပါတီ ဖွဲ့ရန် လျှောက်လွှာတင်သူများ ဖြစ်ဖွယ်ရှိကြောင်း အများက ယူဆနေကြသည်။
 
စစ်အစိုးရက ထိုအပြောင်းအလဲများကို ကြေညာခြင်း မရှိသဖြင့် နိုင်ငံရေး စိတ်ဝင်စားသူများက နေ့စဉ်ထုတ် သတင်းစာများကို ဖတ်ရှုပြီး ခန့်မှန်း လေ့လာနေကြသည်။
 
ယနေ့ထုတ် သတင်းစာများတွင် စစ်ယူနီဖောင်းချွတ်လိုက်သူ တဦး၏ အမည်ကို တွေ့ရသည်။ ထိုပုဂ္ဂိုလ်မှာ ရန်ကုန်မြို့တော်ဝန် ဦးအောင်သိန်းလင်း ဖြစ်သည်။ စစ်တပ်ရာထူး စွန့်လွှတ်ခြင်း မပြုမီက သူ၏ ရာထူးမှာ ဗိုလ်မှူးချုပ် ဖြစ်သည်။ 
 
ရင်းမြစ်။ ။မိုးမခ

ဒေါ်စု နေအိမ်ပြင်ခွင့် ရပြီ

    
နယူးဒေလီ (မဇ္ဈိမ)။     ။ အကိုဖြစ်သူ ဦးအောင်ဆန်းဦးက တားဝရမ်းထုတ်ခဲ့သဖြင့် နေအိမ်ပြုပြင်မှု ၄ လကျော် ရပ်ဆိုင်းခဲ့ရသည့် ဒေါ်အောင်ဆန်းစုကြည်၏ နေအိမ်အား မြို့တော်စည်ပင်က ပြင်ဆင်ခွင့် ပြန်လည်ခွင့်ပြုလိုက်သည်။

အိမ်ပြင်ဆင်ရေး ကိုယ်စားလှယ် ဦးထင်ကျော်အား ရန်ကုန်မြို့တော် စည်ပင်သာယာရေး ကော်မတီက ယမန်နေ့က အမိန့်စာထုတ်ပေးလိုက်ခြင်းဖြစ်ရာ ရန်ကုန်မြို့ တက္ကသိုလ်ရိပ်သာလမ်း အမှတ် ၅၄ နေအိမ်ကို ဆက်လက်ပြင်ဆင်တော့မည်ဖြစ်သည်။

“အင်းယားကန်ဘက်က ဝင်းထရံတွေကို ဝါးကပ်တွေ ပြန်ကပ်တာ ပြီးသွားပါပြီ။ အလုပ်သမားတွေ စတင် အလုပ်လုပ်နိုင်ဖို့အတွက် သက်ဆိုင်ရာ လုံခြုံရေးကို တင်ပြထားပါတယ်။ အဲဒါကတော့ မရသေးဘူး။ ခေါင်မိုးတွေကတော့ ကြာပြီဆိုတော့ အက်ကွဲနေတဲ့အတွက် လဲရမယ်” ဟု ဒေါ်အောင်ဆန်းစုကြည်၏ ရှေ့နေ ဦးဥာဏ်ဝင်းက ပြောသည်။

ဦးထင်ကျော်နှင့် ဆောက်လုပ်ရေး အင်ဂျင်နီယာများသည် ဒေါ်အောင်ဆန်းစုကြည်နှင့် တွေ့ဆုံခွင့်ပြုရန် အထူးရဲသတင်းတပ်ဖွဲ့ထံ စာရေးတင်ထားကြောင်း ပါတီသတင်းရပ်ကွက်က ပြောသည်။

၂ဝဝ၈ ခုနှစ် မေလဆန်းအတွင်းက တိုက်ခတ်ခဲ့သည့် နာဂစ်မုန်တိုင်းကြောင့် နေအိမ်ခေါင်မိုး အုတ်ကြွတ်ပြားများ ကျိုးပဲ့ပျက်စီးခဲ့သဖြင့် မြို့တော်စည်ပင်က ပြီးခဲ့သည့်နှစ် နိုဝင်ဘာလလယ်မှစ၍ ယခုလအတွင်း အပြီးသတ် ပြုပြင်ရန် ခွင့်ပြုခဲ့သည်။

သို့သော် အိမ်အမွေဆိုင် အငြင်းပွားခဲ့သော ဦးအောင်ဆန်းဦးက သူ၏ ခွင့်ပြုချက် မပါရှိဘဲ ပြုပြင်သည်ဟုဆိုကာ စည်ပင်သို့ ကန့်ကွက်ရာမှ ဒီဇင်ဘာလ ၂၃ ရက်နေ့တွင် အိမ်ပြင်မှု ရပ်နားခဲ့ရသည်။ ယခုလ ၆ ရက်နေ့တွင်မူ ဦးအောင်ဆန်းဦး၏ တားဝရမ်း လျှောက်ထားမှုအား တိုင်းတရားရုံးက ပယ်ချပစ်ခဲ့သည်။

ဒေါ်အောင်ဆန်းစုကြည်၏ မိခင် ဒေါ်ခင်ကြည်သည် ၁၉၆ဝ ခုနှစ်တွင် အိန္ဒိယနိုင်ငံ၌ မြန်မာသံအမတ်ကြီးအဖြစ် တာဝန်ထမ်းဆောင်နေစဉ် မြန်မာဝန်ကြီးချုပ် ဦးနုက ကိုလိုနီခေတ်ကတည်းက တည်ဆောက်ခဲ့သည့် ယခုနေအိမ်ကို ပေးအပ်ခဲ့သည်။

ဒေါ်အောင်ဆန်းစုကြည်သည် မြန်မာပြည်သို့ ပြန်ရောက်လာသည့် ၁၉၈၈ ခုနှစ်ကတည်းက ဗဟန်းမြို့နယ် တက္ကသိုလ်ရိပ်သာလမ်းရှိ ယခုနေအိမ်၌ပင် နေထိုင်ခဲ့သည်။

နအဖ နိုင်ငံရေးပါတီ ထောင်

နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေ နာယကအဖြစ် တာဝန်ယူထားသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းက ယမန်နေ့တွင် တရားဝင် နိုင်ငံရေးပါတီအဖြစ် ပြောင်းလဲလိုက်ပြီး ယင်းပါတီကို စစ်အစိုးရ ၀န်ကြီးချုပ် ဦးသိန်းစိန်က ဦးဆောင်သည်။

ယမန်နေ့တွင် နိုင်ငံပိုင်သတင်းဌာနများက ကြံ့ဖွံ့ကို ပါတီပြောင်းကြောင်း ကြေညာခဲ့ပြီးနောက် လာမည့် ရွေးကောက်ပွဲတွင် ၀င်ရောက်ယှဉ်ပြိုင်ရန်အတွက် နိုင်ငံရေးပါတီအဖြစ် လျှောက်ထားကြောင်း “ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ လျှောက်ထားသူ ဦးသိန်းစိန်ပါ (၂၇) ဦး” ဟု ယနေ့ စစ်အစိုးရအာဘော် နိုင်ငံပိုင် သတင်းစာများမှတဆင့် ရွေးကောက်ပွဲ ကော်မရှင်က ထုတ်ပြန်သည်။

၂၀၁၀ ရွေးကောက်ပွဲအတွက် ပြင်ဆင်နေသည့် နိုင်ငံရေးပါတီ (၂၅) ခုတွင် ကိုယ်စားလှယ် (၂၇) ဦးဖြင့် အင်အားအကောင်းဆုံး ပါတီအဖြစ် ရပ်တည်နေသည်။ ရွေးကောက်ပွဲရက် အတိအကျ မသတ်မှတ်ထားသည့် ရွေးကောက်ပွဲဥပဒေအရ နိုင်ငံရေးပါတီ မှတ်ပုံတင်ခွင့်ကို လာမည့် မေလ (၆) ရက် နောက်ဆုံးနေ့ သတ်မှတ်ထားရာ စစ်အစိုးရက သတ်မှတ်ရက် ကုန်ခါနီးတွင် မှတ်ပုံတင်လိုက်ခြင်းဖြစ်သည်။

ကြံ့ဖွံ့အသင်းနာယကကြီးဖြစ်သူ ဗိုလ်ချုပ်မှူးကြီး သန်းရွှေ မိန့်ကြားသော သြ၀ါဒများအား မိမိတို့ လုပ်ငန်းလမ်းညွှန်အဖြစ် ခံယူလိုက်နာကျင့်သုံးရေးဟူ၍ ပါတီမူဝါဒ ချမှတ်ထားသည်။

ကြံ့ဖွံ့ပါတီဥက္ကဋ္ဌအဖြစ် လက်ရှိ နအဖစစ်အစိုးရ ၀န်ကြီးချုပ် ဦးသိန်းစိန်က တာဝန်ယူပြီး စစ်အစိုးရ အဖွဲ့ဝင်ဝန်ကြီးများ၊ ဒု-၀န်ကြီးများနှင့် မြို့တော်ဝန်များက ပါတီအမှုဆောင်များအဖြစ် ကြံ့ဖွံ့ဖွဲ့စည်းပုံအတိုင်း တာဝန်ယူလိုက်သည်။

နအဖစစ်အစိုးရ ၀န်ကြီးချုပ် ဦးသိန်းစိန် အပါအ၀င် စစ်အစိုးရအဖွဲ့ဝင် ၀န်ကြီးများ စုစုပေါင်း (၂၇) ဦးက ယခုလ (၂၆) ရက်တွင် စစ်တပ်ရာထူးများမှ နုတ်ထွက်ပြီးနောက် ယခုကဲ့သို့ နိုင်ငံရေးပါတီ ထူထောင်ကြောင်း ကြေညာလိုက်ခြင်းလည်း ဖြစ်သည်။

ယခု ပါတီအဖြစ် အသွင်ပြောင်းလိုက်သည့် ကြံ့ဖွံ့အသင်းကို ဗိုလ်ချုပ်မှူးကြီး သန်းရွှေ၊ ဒု-ဗိုလ်ချုပ်မှူးကြီး မောင်အေး၊ နအဖ ၀န်ကြီးချုပ် ဦးသိန်းစိန် (ဗိုလ်ချုပ်ကြီး)၊ ဗိုလ်ချုပ်ကြီး သူရရွှေမန်း၊ အတွင်းရေးမှူး (၁) ဗိုလ်ချုပ်ကြီး သီဟသူရ တင်အောင်မြင့်ဦး တို့က နာယကအဖြစ် တာဝန်ယူထားကြသည်။

အသင်းနာယကအဖွဲ့ဝင်တဦးဖြစ်သည့် နအဖ၀န်ကြီးချုပ် ဗိုလ်ချုပ်ကြီး သိန်းစိန်က စစ်တပ်ရာထူးမှ နုတ်ထွက်ပြီး အသွင်ပြောင်း ကြံ့ဖွံ့ပါတီဥက္ကဋ္ဌအဖြစ် တာဝန်ယူလိုက်ခြင်းဖြစ်သည်။

လယ်ဆည်ဝန်ကြီး ဦးဌေးဦး (ဗိုလ်ချုပ်) က အသင်း အထွေထွေအတွင်းရေးမှူး၊ တွဲဖက်အထွေထွေအတွင်းရေးမှူးအဖြစ် အမှတ် (၁) လျှပ်စစ်ဝန်ကြီး ဦးဇော်မင်း (ဗိုလ်မှူးချုပ်)၊ အတွင်းရေးမှူး အဖွဲ့ဝင်များအဖြစ် သိပ္ပံနှင့်နည်းပညာဝန်ကြီး ဦးသောင်း၊ သမ၀ါယမ၀န်ကြီး ဦးတင်ထွဋ် (ဗိုလ်ချုပ်)၊ စက်မှူ (၁) ၀န်ကြီး ဦးအောင်သောင်း၊ ဆက်သွယ်ရေးဝန်ကြီး ဦးသိန်းဇော် (ဗိုလ်မှူးချုပ်)၊ ပြန်ကြားရေးဝန်ကြီး ဦးကျော်ဆန်း (ဗိုလ်မှူးချုပ်) တို့ဖြစ်သည်။

ကျန် နအဖစစ်အစိုးရအဖွဲ့ဝင် ၀န်ကြီးများနှင့် ဒု-၀န်ကြီးများ၊ မြို့တော်ဝန်တို့ကို အလုပ်အမှုဆောင်အဖွဲ့ဝင်များအဖြစ် တာဝန်ယူထားသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းကို ၁၉၉၃ ခုနှစ် စက်တင်ဘာလ စစ်အစိုးရ စိတ်ကြိုက်ရွေးချယ်သူများနှင့် ကျင်းပသည့် အမျိုးသားညီလာခံစတင်ချိန်တွင် ဖွဲ့စည်းခဲ့ခြင်းဖြစ်သည်။

ယင်းညီလာခံမှ ထွက်ပေါ်လာသည့် ၂၀၀၈ ဖွဲ့စည်းပုံအခြေခံဥပဒေ ထွက်ပေါ်လာပြီးချိန်မှစပြီး ကြံ့ဖွံ့အသင်းအမှုဆောင်များ အဖြစ် တာဝန်ယူထားသည့် နအဖစစ်အစိုးရ အဖွဲ့ဝင်များက ပြည်သူလူထုအတွင်း စည်းရုံးရေးလုပ်ငန်းများ လုပ်ဆောင်နေသည်။ ၂၀၀၉ ခုနှစ်တွင် စည်းရုံးရေးလုပ်ငန်းများ လူသိရှင်ကြား ထင်ထင်ပေါ်ပေါ် လုပ်ဆောင်လာပြီး စက်မှု (၁) ၀န်ကြီး ဦးအောင်သောင်းနှင့် ပြန်ကြားရေးဝန်ကြီး ဗိုလ်မှူးချုပ် ကျော်ဆန်းတို့ တက်တက်ကြွကြွ စည်းရုံးရေးဆင်းခဲ့သည်။

ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်းက ကြံ့ဖွံ့စီးပွားရေးလုပ်ငန်းများကို ဦးဆောင် ဆောင်ရွက်လာပြီး မြို့တော် စည်ပင်လုပ်ငန်းများကို ကြံ့ဖွံ့စာတန်းထိုးပြီး လုပ်ဆောင်နေသည်။

လက်ရှိ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းမှ နိုင်ငံရေးပါတီအဖြစ် အသွင်ပြောင်းလိုက်ချိန်တွင် ပြည်နယ်နှင့် တိုင်းအဆင့် အသင်း (၁၇) သင်း၊ ခရိုင်အဆင့် အသင်း (၆၆) သင်း၊ မြို့နယ် အသင်း (၃၂၀)၊ ရပ်ကွက်၊ ကျေးရွာအုပ်စု အသင်း (၁၅,၄၂၁) သင်းရှိနေပြီဟု ကြံ့ဖွံ့စာရင်းများအရ သိရသည်။

ရင်းမြစ်။ ။ခေတ်ပြိုင်

Thursday, April 29, 2010

NLD အလံ သုံးလျှင် ဦးခင်မောင်ဆွေ ကန့်ကွက်မည်

   
နယူးဒေလီ (မဇ္ဈိမ)။     ။ မေလ ၆ ရက်နေ့နောက်ပိုင်း NLD လူမှုရေးလုပ်ငန်း လုပ်ကိုင်သည့်အခါ ပါတီအမည်နှင့် အလံအား ဆက်လက်သုံးစွဲပါက ကန့်ကွက်သွားမည်ဟု NLD ခေါင်းဆောင်တဦးဖြစ်သူ ဦးခင်မောင်ဆွေက ပြောသည်။

“တိုင်တာတွေ လုပ်မှာ မဟုတ်ပါဘူး။ နိုင်ငံရေး သဘောအရ  သဘောမတူလို့ ကန့်ကွက်သွားမှာပါ။ ကျန်တာကို ကော်မရှင်က လုပ်သွားမယ့် သဘောပါ။ ကျနော်တို့ စွက်ဖက်စရာ အကြောင်းမရှိပါဘူး” ဟု ဦးခင်မောင်ဆွေက မဇ္ဈိမကို ပြောသည်။

“၈၈ ခုနှစ်က ဒီမိုကရေစီတိုက်ပွဲကို ဂုဏ်ပြုပြီးတော့ ကျောင်းသားတွေရဲ့ ခွပ်ခေါင်းအမှတ်လက္ခဏာကို အခုမှ လာပြီးတော့ကာ လူမှုရေးတွေအတွက် သုံးမယ်၊ ပတ်ဝန်းကျင် ထိန်းသိမ်းရေးအတွက် သုံးမယ်ဆိုလို့ရှိရင် လက်မခံဘူးဆိုတာကို အတိအလင်း ကန့်ကွက်ခဲ့ပါတယ်” ဟု သူက ဆက်ပြောသည်။

ယခုလ ၂၆ ရက်နေ့ CEC အစည်းအဝေးတွင် ပါတီဆိုင်းဘုတ်နှင့် အလံကို ဆက်လက်ထားရှိရေး၊ မထားရှိရေးနှင့် ပတ်သက်၍ ဆွေးနွေးကြရာ သဘောတူညီမှုမရဘဲ အဆုံးသတ်ခဲ့သည်။

အခြားသော ဗဟိုအလုပ်မှုဆောင်ဝင် တဦးဖြစ်သူ ဦးဝင်းတင်ကမူ “ပါတီကို ဖျက်သိမ်းတယ်၊ ပျက်ပြယ်တယ်လို့ ယူဆလို့ရှိရင် ပါတီနာမည် ဆက်သုံးခွင့် မရှိတော့ဘူး။ မရှိလည်း လုပ်လို့ ရတာပဲ။ တခြား တိုင်းရင်းသားပါတီတွေဖြစ်တဲ့ ရခိုင်အမျိုးသား ဒီမိုကရေစီအဖွဲ့ချုပ်၊ ချင်းအမျိုးသားများပါတီတို့ဟာ ဖျက်သိမ်းခံရတာ နှစ်ပေါင်း ၁၄-၅ နှစ် မကတော့ဘူး။ ဒီလိုပဲ လုပ်နေကြတာ” ဟု ပြောသည်။

ဦးခင်မောင်ဆွေက ခွပ်ဒေါင်းပုံ NLD အလံနှင့် အမည်ကို နိုင်ငံရေးလုပ်ငန်းလုပ်လျှင်တော့ မကန့်ကွက်ဟု ပြောသည်။

ပါတီကို ပြန်လည်၍ မှတ်ပုံတင်ရေး၊ မတင်ရေးနှင့်ပတ်သက်၍ ပြီးခဲ့သည့်လ ၂၉ ရက်နေ့တွင် NLD ဗဟိုအလုပ်အမှုဆောင် အဖွဲ့ဝင်များနှင့် တိုင်း/ပြည်နယ် ဗဟိုဦးစီးအဖွဲ့ဝင်များ အစည်းအဝေးက မှတ်ပုံမတင်ရန် တညီတညွတ်ထဲ ဆုံးဖြတ်ခဲ့ကြသည်။

ထို့နောက် ပါတီမှတ်ပုံတင်ရမည့် နောက်ဆုံးရက်ဖြစ်သည့် လာမည့်လ ၆ ရက်နေ့ နောက်ရက်မှ စတင်ကာ လူမှုရေးလုပ်ငန်းများ လုပ်ကိုင်သွားမည်ဟု NLD က ပြောဆိုခဲ့သည်။

Wednesday, April 28, 2010

ဗိုလ်ချုပ်ကြီးကို ၀န်ကြီးချုပ် ဦးသိန်းစိန်အဖြစ် နအဖ ပွဲထုတ်

နအဖစစ်အစိုးရက ဗိုလ်ချုပ်ကြီးသိန်းစိန် စစ်တပ်မှနုတ်ထွက်ပြီး အရပ်သားအဖြစ် ၀န်ကြီးချုပ် ဦးသိန်းစိန်ဟု ယနေ့ထုတ် နိုင်ငံပိုင်သတင်းစာများမှတဆင့် ဖော်ထုတ်ပြောကြားလိုက်သည်။

နအဖစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နှင့် ၀န်ကြီး (၂၂) ဦးတို့သည် လာမည့်ရွေးကောက်ပွဲအတွက် စစ်ရာထူးများမှ နုတ်ထွက်ကြောင်း ပြည်ပသတင်းဌာနများက ယမန်နေ့တွင် ရေးသားဖော်ပြခဲ့ကြပြီးနောက် စစ်အစိုးရက ယခုကဲ့သို့ ဗိုလ်ချုပ်ကြီး သိန်းစိန်မှ ဦးသိန်းစိန်အဖြစ် ပြောင်းလဲလိုက်ကြောင်း တရားဝင် ဖော်ပြလိုက်ခြင်းဖြစ်သည်။

“အရပ်ဘက် ပြောင်းတာကတော့ အဓိက ရွေးကောက်ပွဲ ၀င်ပြိုင်ဖို့ပေါ့နော်။ ရွေးကောက်ပွဲမှာ သိန်းစိန်က စစ်တပ်က ဖွဲ့မယ့်ပါတီမှာ ဥက္ကဋ္ဌ လုပ်ရဖို့များတာကိုး။ အဲဒီအတွက် ကြိုပြင်တာပါ” ဟု စစ်ရေးနိုင်ငံရေး လေ့လာသူ ဦးဝင်းမင်းက ပြောသည်။



ကြံ့ဖွံ့ နာယကအဖွဲ့ဝင်ဖြစ်သော ဗိုလ်ချုပ်ကြီးသိန်းစိန် ရာထူးမှ အနားယူပြီးနောက်ပိုင်းတွင် စစ်တပ် နိုင်ငံရေးပါတီတခု ဖွဲ့စည်းရန်ရှိနေသည်ဟုလည်း ဦးဝင်းမင်းက ပြောသည်။

“မေလလောက်ဆိုရင် သူတို့ ပါတီဖွဲ့မယ့် သဘောရှိတယ်။ မေလ (၆) ရက်နေ့ အန်အယ်လ်ဒီက စာရင်းမသွင်းဘူးဆိုလို့ရှိရင် သူတို့လိုချင်တဲ့ပုံစံ သူတို့ လုပ်တော့မှာပေါ့နော်။ အဲဒီအတွက် အဆင်သင့်ဖြစ်အောင် ဦးသိန်းစိန် ဆိုပြီးတော့ စစ်တပ်က နားလိုက်တာပေါ့နော်။ အဲဒီအတွက် ပြင်တာပါ” ဟု ၎င်းက ပြောသည်။

၂၀၀၈ ဖွဲ့စည်းပုံဥပဒေအရ စစ်တပ်မှ လွှတ်တော်သုံးရပ်တွင် အမတ်နေရာ (၂၅) ရာခိုင်နှုန်းစီ ရယူမည်ဟု အတိအလင်း ဆိုထားသည့်အပြင် ယခု ရွေးကောက်ပွဲဝင်ရန် စစ်ဗိုလ်ချုပ်များက အရပ်သားအဖြစ် ထပ်မံ အသွင်ပြောင်းလာခြင်းဖြစ်သည်။

“ကြံ့ဖွံ့က ပါတီပြောင်းဖွဲ့မှာပဲ။ အခုလဲ ကြံ့ဖွံ့အမှုဆောင် ၀န်ကြီးတွေ အကုန်စစ်တပ်က ထွက်လာတာပဲ။ စစ်တပ်က ထွက်တာပဲ ပါပြီး ၀န်ကြီးနေရာက ထွက်မထွက်၊ ရွေးကောက်ပွဲ ဘယ်လို ၀င်မလဲဆိုတာတော့ မသိသေးဘူးပေါ့ဗျာ။ ဒါပေမယ့် နယ်တွေ ခွဲပေးပြီးသွားပြီလို့တော့ ကြားတယ်” ဟု ပြည်တွင်းမှ သတင်းဂျာနယ် အယ်ဒီတာတဦးက ပြောသည်။

နအဖ ပြုလုပ်မည့်ရွေးကောက်ပွဲကို အဓိက အတိုက်အခံပါတီ အန်အယ်လ်ဒီအပါအ၀င် ၁၉၉၀ ပြည့်နှစ် ရွေးကောက်ပွဲအနိုင်ရ တိုင်းရင်းသားပါတီများကလည်း ၀င်ရောက်ယှဉ်ပြိုင်ခြင်း မပြုဟု ယတိပြတ် ကြေညာထားပြီးနောက် စစ်အစိုးရရွေးကောက်ပွဲ ၀င်ရောက်ရန် ပါတီမှတ်ပုံတင် လျှောက်ထားသည့်အဖွဲ့ပေါင်း (၂၅) ဖွဲ့ရှိပြီဖြစ်သည်။ ယင်းအဖွဲ့များအနက် (၅) ဖွဲ့ကို နိုင်ငံရေးပါတီ တည်ထောင်ခွင့်ပြုလိုက်ပြီဖြစ်ပြီး ကျန် (၄) ပါတီမှာ နိုင်ငံရေးပါတီအဖြစ် ဆက်လက်လျှောက်ထားသည့် ပါတီများဖြစ်သည်။

နအဖ၏ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းကို ပါတီအဖြစ် အသွင်မပြောင်းသေးသော်လည်း ယခုအခါ ကြံ့ဖွံ့အသင်းတွင် ပါရှိသည့် အမှုဆောင်များက စစ်တပ်ရာထူးမှ အနားယူလိုက်ခြင်းဖြစ်သည်။

ရင်းမြစ်။ ။ခေတ်ပြိုင်

Tuesday, April 27, 2010

တရားဥပဒေစိုးမိုးမှုနဲ့ စီဗယ်လ်လေဘာတီးစ်

     
တရားဥပဒေစိုးမိုးမှု မရှိရင် လူမှုလွတ်လပ်မှုအခွင့်အရေးများ (Civil Liberties) ဘယ်တော့မှ ပေါ်လာမှာ မဟုတ်သလို ဒီမိုကရေစီရဲ့ အနှစ်သာရကိုလည်း ဘယ်တော့မှ တွေ့နိုင်မှာ မဟုတ်ပါဘူး။...

တရားဥပဒေစိုးမိုးမှု မရှိရင် လူမှုလွတ်လပ်မှုအခွင့်အရေးများ (Civil Liberties) ဘယ်တော့မှ ပေါ်လာမှာ မဟုတ်သလို ဒီမိုကရေစီရဲ့ အနှစ်သာရကိုလည်း ဘယ်တော့မှ တွေ့နိုင်မှာ မဟုတ်ပါဘူး။ တိတိကျကျဆိုရင် အရပ်သားလူ့အဖွဲ့စည်း (Civil Society) ကို အကာအကွယ်ပေးရမယ့် ရဲ၊ အစိုးရရှေ့နေ၊ တရားသူကြီးတွေက စစ်အာဏာရှင်တွေ အလိုကျ အမိန့်နာခံပြီး၊ တရားရုံးတွေက လူတစုရဲ့ အသုံးချခံ လက်ကိုင်ဒုတ်ဘဝ ရောက်နေသမျှ ကာလပတ်လုံး ဘယ်တော့မှ တရားဥပဒေစိုးမိုးမှု ရှိလာမှာ မဟုတ်ပါဘူး။

အဲဒီလို တရားဥပဒေစိုးမိုးမှု မရှိတဲ့ အခြေအနေမျိုးမှာ တမတ်သားလေးပဲရရ၊ တပဲသားလေးပဲရရ ပါတီထောင်ပြီး အမတ်ဝင်ရွေးမယ်လို့ စိတ်ကူးရှိနေတဲ့ သူတွေဟာ ကံကောင်းလို့ အရွေးချယ်ခံရရင်တောင် လွှတ်တော်ထဲ မရောက်ခင်မှာ ထောင်နန်းစံရမယ် ဒါမှမဟုတ် အကြောင်းအမျိုးမျိုးပြပြီး ရွေးကောက်ပွဲကော်မရှင်ရဲ့ လုပ်ပိုင်ခွင့် ဘောင်ထဲကနေ အမတ်အဖြစ်က ရုပ်သိမ်းခံရအောင်လုပ်ဖို့က သေချာသလောက်ပါပဲ။

ဘာကြောင့်သေချာနေရသလဲဆိုရင် ၂ဝ၁ဝ မတ်လက ထုတ်ပြန်ထားတဲ့ နိုင်ငံရေးပါတီများ မှတ်ပုံတင်ရေးဥပဒေရဲ့ ပုဒ်မ၂ဝ (က) အရ ရွေးကောက်ပွဲကော်မရှင်ရဲ့ ဆုံးဖြတ်ချက်သည် အပြီးအပြတ် ဖြစ်စေမည်။ (ခ) မည်သည့် တရားရုံးတွင်မှ တရားစွဲဆိုပိုင်ခွင့် မရှိစေရ။ လို့ ထည့်သွင်းဖော်ပြထားတာဟာ ရွေးကောက်ပွဲကော်မရှင်ရဲ့ လုပ်ပိုင်ခွင့်တွေကို အလွန်အကျွံ ပေးရာရောက်နေတာမို့ ဥပဒေအရ ဘယ်လိုမှ ခုခံချေပခွင့်၊ စောဒကတက်ခွင့် မရှိဘူးဆိုတာ ထင်ရှားနေပါတယ်။

“တရားဥပဒေစိုးမိုးမှုတွေ ဘာတွေ နားမလည်ဘူး၊ ငါတို့လုပ်ချင်ရာ လုပ်မယ်၊ ဘယ်သူ့ကိုမှ ဂရုမစိုက်ဘူး။ အမြင်ကပ်တဲ့ သူတိုင်းကို အချိန်မရွေး၊ နေရာမရွေး၊ အမှုမျိုးစုံနဲ့ ထောင်ကျအောင် လုပ်လို့ရတယ်” ဆိုတာကို ဒီရက်ပိုင်းမှာ ဗကသ ခေါင်းဆောင် ကိုကျော်ကိုကို ထပ်ခါတလဲလဲ တရားစွဲခံနေရတာက သက်သေပြနေပါတယ်။

၂ဝဝ၇ မျိုးဆက် ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် - ဗကသ ဥက္ကဋ္ဌ ကိုကျော်ကိုကိုက နိုင်ငံတော် ငြိမ်ဝပ်ပိပြားမှုကို ပျက်ပြားအောင် လုပ်ဆောင်တယ်ဆိုတဲ့ စွပ်စွဲချက်နဲ့  ၂ဝ၁ဝ ခုနှစ် ဧပြီလ ၇ ရက်နေ့မှာ ကျောက်တံတား တရားရုံးက နောက်ထပ်အခါခါ တရားစွဲဆိုတယ်ဆိုတဲ့ သတင်းကိုကြားလိုက်ရတော့ ဗကသ ခေါင်းဆောင် ကိုကျော်ကိုကိုနဲ့ ကိုဥာဏ်လင်းအောင်တို့ကို ၂ဝဝ၇ ခုနှစ် စက်တင်ဘာလအတွင်းက သံဃာလှုပ်ရှားမှုမှာ ပါဝင်ပတ်သက်နေတယ်ဆိုတဲ့ အကြောင်းပြချက်နဲ့ ၂ဝဝ၈ ခုနှစ် မတ်လ ၁၇ ရက်နေ့က စတင်ဖမ်းဆီးခဲ့ပြီး မရမ်းကုန်းတရားရုံးမှာ ဗီဒီယိုအက်ဥပဒေပုဒ်မ ၃၂ (ခ) နဲ့ ၂ဝဝ၈ ခုနှစ် စက်တင်ဘာလက စတင်ရုံးထုတ်ခဲ့တာကို ပြန်ပြောင်းသတိရစေခဲ့ပါတယ်။

မရမ်းကုန်းမြို့နယ် တရားရုံးမှာ တပတ်တကြိမ် ရုံးထုတ်ခဲ့ပေမယ့် ၉ ကြိမ်၊ ၃ လလောက် ရုံးထုတ်ခဲ့ပြီး လုံးဝ စစ်ဆေးမေးမြန်းခြင်း မလုပ်ခဲ့ဘဲ မင်္ဂလာတောင်ညွန့်မြို့နယ် တရားရုံးကို ပြောင်းရွှေ့ခဲ့ပါတယ်။ စတင်ဖမ်းဆီးခဲ့တဲ့ အချိန်ကနေ ၁ဝ နှစ်နီးပါး ကြာမြင့်လာခဲ့တဲ့ ဒီဇင်ဘာလ ၂၁ ရက်နေ့ကျမှ မင်္ဂလာတောင်ညွန့်မြို့နယ် တရားရုံးက မြို့နယ်တရားသူကြီး ဦးတင်လတ်ရှေ့မှာ အမှုမှာ ပါဝင်ခဲ့တဲ့ သက်သေ ၆ ယောက်စလုံးကို တနေ့ထဲနဲ့ အပြီးစစ်ဆေးခဲ့ပါတယ်။

ရှာဖွေသိမ်းဆည်းရမိခဲ့တယ်ဆိုတဲ့ VCD အချပ်ထဲမှာ ဗိုလ်မှူးချုပ်ကျော်ဇောရဲ့ ကိုယ်ရေးအတ္ထုပတ္တိနဲ့ ဒီမိုကရေစီ အဓိပ္ပာယ်ဖွင့်ဆိုချက်တွေ ပါနေတာမို့ ဗီဒီယိုဥပဒေ ပုဒ်မ ၃၃ (ခ) နဲ့ တရားစွဲဆိုခဲ့တာပါ။

ဗီဒီယိုအက်ဥပဒေ ပုဒ်မ ၃၃ (ခ) ရဲ့ အဓိပ္ပာယ်ဖွင့်ဆိုချက်မှာ စီးပွားရေးအလို့ငှာ ရိုက်ကူး၊ ထုတ်လုပ်ဖြန့်ချိ၊ ငှားရမ်း၊ ပြသခဲ့တယ်ဆိုတဲ့ အထောက်အထား တခုခုနဲ့ ငြိစွန်းမှသာ ဥပဒေအရ ပြစ်မှုမြောက်တယ်လို့ ယူဆနိုင်မှာ ဖြစ်ပေမယ့်၊ ရိုက်ကူးခဲ့တယ်၊ ထုတ်လုပ်ဖြန့်ချိခဲ့တယ်၊ ပြသခဲ့တယ်ဆိုတဲ့ အထောက်အထားတွေ တစုံတရာ မပြနိုင်ဘဲ အရေးယူအပြစ်ပေးပိုင်ခွင့် မရှိပါဘူး။ တကယ်လို့ ရိုက်ကူးခဲ့တယ်၊ ထုတ်လုပ်ဖြန့်ချိခဲ့တယ် ဆိုရင်တောင် ဒါဟာ စီးပွားရေးအလို့ငှာ ရိုက်ကူးထုတ်လုပ် ဖြန့်ချိပြသတာ ဟုတ်၊ မဟုတ် ဥပဒေပြဿနာ ပေါ်လာပြီး ထပ်မံအငြင်းပွားရဦးမှာ ဖြစ်ပါတယ်။

ပြစ်ဒဏ်ချမှတ်တဲ့အခါမှာလည်း ထောင်ဒဏ် ၃ နှစ်သော်လည်းကောင်း၊ ဒဏ်ငွေ ကျပ် ၁ဝဝဝဝ သော်လည်းကောင်း၊ ပြစ်ဒဏ် ၂ မျိုးစလုံးသော်လည်းကောင်း ချမှတ်နိုင်သည်လို့ ပြဋ္ဌာန်းထားပေမယ့် ဆင်ဆာမဲ့ ဗီဒီယိုအခွေတခွေ လက်ဝယ်တွေ့ရှိတယ်ဆိုရုံနဲ့ မညှာမတာ ထောင်ဒဏ် ၃ နှစ် ပြစ်ဒဏ်ချမှတ်ခဲ့ပါတယ်။ ဒီအဖြစ်အပျက်ကို သုံးသပ်ကြည့်ရင် ဒါဟာ နိုင်ငံရေးနဲ့ ဆက်စပ်ပတ်သက်နေတယ်ဆိုတဲ့ ပုဂ္ဂိုလ်တဦးဦးကို နိုင်ငံရေးအမှုနဲ့ တရားမစွဲဘဲ အခြားအမှုတခုခုနဲ့ အချိန်မရွေး ထောင်ချလို့ ရတယ်ဆိုတာကို သက်သေပြလိုက်တာပါပဲ။

မင်္ဂလာတောင်ညွန့်မြို့နယ် တရားသူကြီး ဦးတင်လတ်ဟာ ကျောင်းသားခေါင်းဆောင် ကိုကျော်ကိုကို မတိုင်ခင်တုန်းကလည်း ရွှေတောင်ကျောင်းတိုက်ဝင်းအတွင်းက ပြည်ကျော်ကျောင်း ကျောင်းထိုင်ဆရာတော် ဦးပဏ္ဍဝံသကို ရုပ်ရှင်သရုပ်ဆောင် ဒါရိုက်တာ ဦးဇာဂနာ ဓာတ်ပုံ လက်ဝယ်တွေ့တယ်၊ ဗဟန်းမြို့နယ် သိပံ္ပကျောင်းတိုက်ဝင်းအတွင်းမှာ ကျင်းပတဲ့ ၈၈၈၈ နှစ်ပတ်လည် ၁၉ နှစ်ပြည့် ဆွမ်းကပ်လှူပွဲကို ၈၈ မျိုးဆက် ကျောင်းသားခေါင်းဆောင်တွေ ဖြစ်ကြတဲ့ ကိုမင်းကိုနိုင်နဲ့ ကျောင်းသားခေါင်းဆောင်တွေနဲ့အတူ တက်ရောက်ခဲ့တယ်ဆိုတာ အမှုမှာ ပေါ်ပေါက်နေတဲ့အတွက် နိုင်ငံရေးနဲ့ စပ်ဆက်ပတ်သက်နေတာကြောင့်မို့ အငြှိုးအတေးထားပြီး နိုင်ငံရေးအမှုနဲ့ တရားမစွဲဘဲ ရုပ်ရှင်သရုပ်ဆောင်တယောက်ရဲ့ ဝစ်လစ်စလစ်ခွေ ဘုန်းကြီးမွေ့ယာအောက်က တွေ့လို့ဆိုပြီး ထောင်ဒဏ် ၃ နှစ် ချမှတ်ခဲ့ဖူးတဲ့ တရားသူကြီးတဦးလည်း ဖြစ်ပါတယ်။

နိုင်ငံရေးနဲ့ ဆက်စပ်ပတ်သက်နေတဲ့ ဘုန်းတော်ကြီးတွေကို နိုင်ငံရေးအမှုနဲ့ တရားမစွဲဘဲ သေးသိမ်အောင် အဲဒီဆင်ဆာမဲ့ ဗီဒီယိုအခွေ ဘုန်းတော်ကြီးရဲ့ မွေ့ယာအောက်က တွေ့တယ်လို့ တရားရုံးမှာ သက်သေအားလုံးက တညီတညွတ်ထဲ ထွက်ဆိုစွပ်စွဲခဲ့ကြပေမယ့် အမှုမှာ ပေါ်ပေါက်တာက မြန်မာနိုင်ငံမှာ ဘုန်းတော်ကြီးတွေဟာ ဝိနည်းတော်အရ မွေ့ယာနဲ့ မကျိန်းစက်ဘူးဆိုတာကြောင့် မွေ့ယာအောက်မှာ ဗီစီဒီအချပ်နဲ့ လောင်းကစား လုပ်တယ်ဆိုတဲ့ ငွေ ၅ သိန်းကျော်ကို တွေ့ရှိခဲ့တယ်ဆိုတာ ဘယ်လိုမှကို ယုတ္တိမရှိတဲ့ စွပ်စွဲချက်တွေ ဖြစ်နေတယ်ဆိုတာကို သိလျက်နဲ့ အဲဒီတရားသူကြီး ဦးတင်လတ်ဟာ ဆင်ခြင်တုံတရား ကင်းမဲ့စွာ ၃ နှစ် ပြစ်ဒဏ်ချမှတ်ခဲ့ဖူးသူပါ။

စွပ်စွဲခံရတယ့် ဦးဇင်းဦးပဏ္ဍဝံသဟာ ၁၉၉ဝ ခုနှစ် ပထမအကြိမ် ပတ္ထနိက္ကုဇနကံဆောင်စဉ်တုန်းက  အခမ်းအနားမှူးအဖြစ် ဆောင်ရွက်ခဲ့ပြီး၊ ထောင် ၇ နှစ် ကျခံခဲ့ရဘူးသူမို့၊ အခုတကြိမ် ၂ဝဝ၇ ခုနှစ် ဖြစ်တဲ့အခါမှာ နည်းပေးလမ်းပြ လုပ်တယ်ဆိုတဲ့ စွပ်စွဲချက်နဲ့ ဖမ်းဆီးခံခဲ့ရတာပါ။ အမှုမှာ ဆရာတော် ဦးပဏ္ဍဝံသ ကျောင်းထိုင်တဲ့ ပြည်ကျော်ကျောင်းကို စတင်ဖမ်းဆီးခဲ့တဲ့ နေ့ကစပြီး ချိတ်ပိတ်ထားခဲ့တယ်ဆိုတာ ပေါ်ပေါက်ပါတယ်။

အမှုမှာ အကြောင်းချင်းရာ ပြဿနာပေါ်ပေါက်တဲ့ မွေ့ယာနဲ့ သီတင်းသုံးခြင်း ရှိမရှိ သိရှိစေဖို့ အခင်းဖြစ်နေရာကို တရားသူကြီးကိုယ်တိုင် သွားရောက်ကြည့်ရှုပြီးမှ ဝိနည်းနဲ့မညီဘဲ မွေ့ယာနဲ့ သီတင်းသုံးခြင်း မရှိရင် အမှုမှ အပြီးပြတ်လွှတ်ပေးဖို့ လျှောက်ထားတောင်းဆိုခဲ့ပေမယ့် သွားရောက်ကြည့်ရှုခြင်း မရှိဘဲ အပြစ်ပေးခဲ့တာကိုကြည့်ရင် တရားသူကြီးတွေဟာ ရဲကသာ ဖမ်းခဲ့၊ တရားစွဲဆိုခဲ့ရင် အမှုမှာ သက်သေအထောက်အထား ရှိရှိ၊ မရှိရှိ ပြစ်ဒဏ်ချမှတ်လေ့ရှိတယ်ဆိုတာ ပေါ်ပေါက်နေပါတယ်။

မွေ့ယာနဲ့ သီတင်းသုံးတယ်၊ ဖျာနဲ့သာ သီတင်းသုံးတယ်ဆိုတဲ့ ပြဿနာကို အမှုမှာ အကြီးအကျယ် အငြင်းပွားနေရသလဲဆိုရင် ဗီစီဒီဓာတ်ပြားအချပ်ဟာ ဖျာအောက်မှာသာ ထားပြီး သီတင်းသုံးခဲ့တယ်ဆိုရင် ဘယ်လောက်ကောင်းတဲ့ ဗီစီဒီအချပ်ဖြစ်ဖြစ် အစင်းရာတွေထင်ပြီး ဖွင့်မရဘဲ ဘာအခွေမှန်းကို သိစရာအကြောင်း မရှိပါဘူး။ မွေ့ယာအောက်မှာ ထားပြီး သီတင်းသုံးတယ်ဆိုရင်တော့ ဖွင့်ကြည့်လို့ရနိုင်တဲ့ စီဒီအချပ် ဖြစ်ကောင်းဖြစ်နိုင်ပါတယ်။ ပိုဆိုးတာက မွေ့ယာအောက်ကနေ တွေ့ရှိခဲ့ပါတယ်ဆိုတဲ့ ငွေကျပ် ၅ သိန်းနီးပါးကို လောင်းကစားငွေအဖြစ် သိမ်းဆည်းခဲ့တယ် ဆိုတာပါပဲ။

အဘယ်ဆင်ခြင်တုံတရားနည်းတဲ့သူမှ ဖျာအောက်မှာ ငွေ ၅ သိန်းကျော် ထားပြီး သီတင်းသုံးမှာ မဟုတ်ဘူး။ ဒါကြောင့် အာဏာရှိတဲ့သူ တဦးဦးနဲ့ ဆွေမျိုးနီးစပ်တော်စပ်မနေရင်၊ တံစိုးလက်ဆောင် ပေးမထားရင် တရားသူကြီးတွေဟာ ဥပဒေနဲ့အညီ စီရင်ဆုံးဖြတ်ဖို့ ဝန်လေးနေကြတာ အစဉ်အလာဖြစ်နေပါပြီ။

ဥပဒေအတိုင်း စီရင်ဆုံးဖြတ်ပြီး ပြစ်မှုမထင်ရှားလို့ လွှတ်ပေးလိုက်မယ်ဆိုရင် အထက်ကို ဘာကြောင့်လွှတ်ပေးရသလဲဆိုတဲ့ ထုချေလွှာတင်ကြရတာမို့ ငွေမရတဲ့ အမှုတွေမှာ အလုပ်ရှုပ်ခံပြီး ထုချေလွှာ တင်လေ့မရှိကြပါဘူး။ နိုင်ငံရေးနဲ့ပတ်သက်တဲ့ အမှုဆိုရင်တော့ အများဆုံး ပြစ်ဒဏ်ချမှတ်လေ့ရှိပြီး လွတ်တဲ့အမှုဆိုတာ မရှိသလောက်ကို ရှားပါတယ်။ နိုင်ငံရေးအမှုတွေထဲမှာ တမှုတော့ ရှားရှားပါးပါး ရှိပါတယ်။ အဲဒါက ၂ဝဝ၇ ကျောင်းသားခေါင်းဆောင် ကိုဒီငြိမ်းလင်းကို သင်းဖွဲ့ဥပဒေ ပုဒ်မ ၆ နဲ့ ဒဂုံမြို့နယ် တရားရုံးမှာ တရားစွဲဆိုခဲ့တဲ့ အမှုမှာ ပြစ်မှုမထင်ရှားသဖြင့် အပြီးအပြတ် လွှတ်ပေးလိုက်သည်ဆိုတဲ့အမိန့် ရှားရှားပါးပါး ချခဲ့တာပါ။ ကာယကံရှင် မိသားစုမှာတော့ တရက်ကလေးသာပဲ ဝမ်းသာရရှာတာပါ။ နောက်တနေ့မှာတော့ နောက်ထပ် တရားရုံးတရုံးဖြစ်တဲ့ ဒဂုံမြို့သစ်တောင်ပိုင်း မြို့နယ်တရားရုံးက သင်းဖွဲ့ဥပဒေ ပုဒ်မ ၆ နဲ့ပဲ တရားထပ်စွဲထားတယ်ဆိုတာ ကြားလိုက်ရတော့တာပါပဲ။

တကယ်တော့ ၁၉၉၆ ခုနှစ်က ပြဋ္ဌာန်းထားတဲ့ ရုပ်မြင်သံကြားနဲ့ ဗီဒီယိုဥပဒေမှာ ဆင်ဆာမဲ့ ဗီစီဒီအချပ် လက်ဝယ်တွေ့ရှိလျှင် ထောင်ဒဏ် ၃ နှစ်ဆိုတာ မပါပါဘူး။

၁၉၉၆ ခုနှစ်မှာ ပြဋ္ဌာန်းတဲ့ တယ်လီဗေးရှင်းနဲ့ ဗီဒီယိုဥပဒေဆိုတာ မူးယစ်ဆေးဝါးဥပဒေလို လူ့အဖွဲ့စည်းကို တိုက်ရိုက်ထိခိုက်နိုင်တဲ့ ရာဇဝတ်မှုမျိုး မဟုတ်ပါဘူး။ တိုးတက်လာတဲ့ လူ့အဖွဲ့အစည်းမှာ မင်္ဂလာဆောင်၊ ရှင်ပြု အခမ်းနားတို့လို အခမ်းနားမျိုးတွေမှာ ကိုယ့်မိသားစု၊ ဆွေမျိုးချင်း အမှတ်တရ ရိုက်ကူးကြတဲ့ အခါမျိုးတွေမှာ ဘယ်သူမှ ဆင်ဆာအဖွဲ့ကိုတင်ပြီး ခွင့်ပြုချက် တောင်းမနေကြပါဘူး။ ဥပဒေအရ တောင်းဖို့လည်း မလိုပါဘူး။

ဗိုလ်ချုပ်မှူးကြီးသန်းရွှေသမီး မင်္ဂလာဆောင်အခွေကို တနိုင်ငံလုံးနီးပါး ကြည့်ဖူးကြမှာပါ။ ဒါတောင် ဗိုလ်ချုပ်မှူးကြီးကိုယ်တိုင် ခွင့်ပြုချက် တောင်းခံခဲ့မှာ မဟုတ်ပါဘူး။ “ငါက … တိုင်းပြည်မှာ အကြီးဆုံးပဲ။ ဘယ်သူ့ဆီမှ ခွင့်ပြုချက် တောင်းစရာမလိုဘူး။ ငါ့သဘောနဲ့ငါ လုပ်ချင်ရာ လုပ်မယ်” ဆိုတာမျိုး တရားဥပဒေစိုးမိုးတဲ့ နိုင်ငံမှာ မရရပါဘူး။ နိုင်ငံသားအားလုံး တပြေးညီထဲ သာတူညီမျှ အခွင့်အရေးရပြီး၊ ပြဋ္ဌာန်းဥပဒေတွေကို လေးစားလိုက်နာတဲ့ လူ့အဖွဲ့အစည်း ပေါ်ပေါက်လာမှသာ ဥပဒေစိုးမိုးမှု ရှိလာမှာ ဖြစ်ပါတယ်။

ဥပဒေကို လေးစားလိုက်နာဖို့ကလည်း ပြည်သူကို ကိုယ်စားပြုတဲ့ ဥပဒေပြုအဖွဲ့က ပြည်သူလူထု အကျိုးစီးပွားကို ကာကွယ်ပေးမယ့် ဥပဒေတွေ ပြဋ္ဌာန်းထားမှာသာ ပြည်သူလူထုတရပ်လုံးက လေးစားလိုက်နာကြမှာ ဖြစ်ပါတယ်။ ပုံ၊ ဗိုလ်ချုပ်မှူးကြီးသန်းရွှေဆိုပြီး ကိုယ့်ကိုယ်ကို ကာကွယ်တဲ့ ဥပဒေပြဋ္ဌာန်းထားမှတော့ ဥပဒေစိုးမိုးမှုဆိုတာ ဘယ်လိုမှ ပေါ်ပေါက်လာမှာ မဟုတ်ပါဘူး။

ပြည်သူလူထုက ရွေးချယ်တင်မြှောက်ထားတဲ့ ဥပဒေပြုလွှတ်တော်က ထုတ်ပြန်ထားတဲ့ ဥပဒေမျိုးမဟုတ်ဘဲ လူတဦးက အချိန်မရွေး ဥပဒေထုတ်ပြန်လိုက်၊ သူကပဲ အရင်က ပြဋ္ဌာန်းထားတဲ့ ဥပဒေတွေကို လိုသလို ဖျက်လိုက် လုပ်နိုင်နေသရွေ့ ဘယ်တော့မှ တရားဥပဒေစိုးမိုးမှု ပေါ်ပေါက်လာမှာ မဟုတ်ပါဘူး။

ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်ကို ကိုကျော်ကိုကိုက ဦးဆောင်ပြီး၊ ၂ဝဝ၇ ခုနှစ်အတွင်း ဖွဲ့စည်းခဲ့စဉ်က ပါဝင်ခဲ့တယ်လို့ တရားရုံးတွေပေါ်မှာ အတိအကျ စွပ်စွဲပြီး အသက် ၁၈ နှစ် မပြည့်သေးတဲ့ ပထမနှစ် သင်္ချာကျောင်းသား ကိုရဲမြတ်ဟိန်း အပါအဝင် ကိုဒီငြိမ်းလင်း၊ ကိုစည်သူမောင်၊ ကိုရဲမင်းဦး၊ မဟန်နီဦး၊ ကိုကြည်ဖြူတို့ကို ၂ဝဝ၈ ခုနှစ်အတွင်းက သင်းဖွဲ့ဥပဒေ ပုဒ်မ ၆ နဲ့ ရာဇသတ်ကြီးပုဒ်မ ၁၄၃၊ ၁၄၄၊ ၁၄၅၊ ၁၄၇၊ ၂၉၅၊ ၂၉၅ (က)၊ ၅ဝ၅ (ခ) တို့နဲ့ တရားရုံးပေါင်းများစွာက ထောင်ဒဏ်များစွာ ချမှတ်ပြီးခဲ့ပါပြီ။

အဲဒီအချိန်တုန်းကတည်းက ဘာကြောင့်များ ကိုကျော်ကိုကိုအပေါ် တရားမစွဲခဲ့ဘဲ၊ အခု ၂ဝ၁ဝ ခုနှစ်ကျမှ တောင်ကြီးထောင်ကနေ ပြန်ခေါ်ပြီး၊ ၅ဝ၅ (ခ) နဲ့ ပုဒ်မ ၆ တို့နဲ့ တရားထပ်စွဲရသလဲဆိုရင် တရားဥပဒေစိုးမိုးမှု မရှိဘူးဆိုတာကို သက်သေပြလိုက်တာပါပဲ။ အဲဒီလို တရားဥပဒေစိုးမိုးမှု ကင်းမဲ့နေတာကြောင့် လူမှုလွတ်လပ်မှု အခွင့်အရေးတွေလည်း ပျောက်ကွယ်နေတဲ့ ရွေးကောက်ပွဲဟာ တရားမျှတမှု ဘယ်တော့မှ ပေါ်ပေါက်လာမှာ မဟုတ်သလို၊ ရွေးကောက်ပွဲအောင်နိုင်ပြီး အစိုးရဖွဲ့နိုင်ဖို့ဝေးစွ၊ လွှတ်တော်တွေထဲမှာ တပဲသား အတိုက်အခံ၊ တရွေးသား အတိုက်အခံတောင် မရှိရအောင် စီစဉ်ထားတဲ့ ရွေးကောက်ပွဲဖြစ်ကြောင်း သုံးသပ်ရင်း နိဂုံးချုပ်အပ်ပါတယ်။

နိုင်ငံရေးအမှုလိုက်ရှေ့နေကြီး 
Tuesday, 27 April 2010 14:56
ရင်းမြစ်။ ။http://burmese.mizzimamedia.com

ဥရောပသမဂ္ဂ ပိတ်ဆို့အရေးယူမှု ဦးဝင်းတင်ကြိုဆို

ချင်းမိုင် (မဇ္ဈိမ) ။     ။ ဥရောပသမဂ္ဂက မြန်မာနိုင်ငံ ပိတ်ဆို့အရေးယူဒဏ်ခတ်မှုကို တနှစ်ထပ်တိုးလိုက်ခြင်းအား ကြိုဆို သော်လည်း အားမရကြောင်း အမျိုးသားဒီမိုကရေစီအဖွဲ့ချုပ် ထိပ်ပိုင်းခေါင်းဆောင်ဖြစ်သူ ဦးဝင်းတင်က ပြောသည်။

“ဆထက်တံပိုး တိုးပြီးတော့ ဖိအားပေးတာ လိုချင်တယ်လို့ ကျနော်တို့က ပြောနေတဲ့အချိန်မှာ တဘက်က သူတို့ (အာဏာပိုင်) နဲ့ သွားဆွေးနွေးမယ်ဆိုတော့ ကျနော်တို့ အားမလို အားမရ ဖြစ်ရတယ် ” ဟု ဗဟိုအလုပ်မှုဆောင်ဖြစ်သူ ဦးဝင်းတင်က ပြောသည်။

မြန်မာ့နိုင်ငံရေးနှင့် လူ့အခွင့်အရေး အခြေအနေများ တိုးတက်မှု မရှိသဖြင့် ပိတ်ဆို့မှုများကို တနှစ် ထပ်တိုးကြောင်း လူဇင်ဘတ်နိုင်ငံတွင် ယမန်နေ့က EU နိုင်ငံခြားရေးဝန်ကြီးများ၏ အစည်းဝေး ဆုံးဖြတ်ချက်များထဲ၌ စစ်အစိုးရနှင့် တွေ့ဆုံရန် ကိုယ်စားလှယ်တဖွဲ့ စေလွှတ်ရေးလည်း ပါဝင်သည်။

အနောက်နိုင်ငံများ အနေဖြင့် ဗီဒိုအာဏာပိုင် တရုတ်၊ ရုရှ ကဲ့သို့ နိုင်ငံကြီးများကို စည်းရုံးချဉ်းကပ် ၍ လုံခြုံရေးကောင်စီမှတဆင့် နိုင်ငံတကာ လက်နက်ပိတ်ဆို့မှု၊ ပြင်းထန်သည့် သံတမန်ရေး ဖိအား ပေးမှုများ ဆောင်ရွက်စေလိုသည်ဟု ဦးဝင်းတင်က ပြောသည်။

EU က ၁၉၉၆ ခုနှစ်မှစ၍ မြန်မာနိုင်ငံသို့ လက်နက်မတင်ပို့ရန်၊ စစ်အစိုးရအဖွဲ့ဝင်များနှင့် မိသားစု များ၊ သူတို့နှင့် နီးစပ်သည့် အင်အားစုများအား ပြည်ဝင်ခွင့်ပိတ်ခြင်း၊ လူသားချင်းစာနာမှု အထောက်အကူမှလွဲ၍ အခြားအကူအညီများကို ရပ်ဆဲထားခြင်း၊ စစ်အစိုးရအရာရှိကြီးများ၏ ပြည်ပဘဏ်စာရင်းများကို ထိန်းချုပ်ခြင်း၊ သံတမန်ဆက်ဆံရေး ကန့်သတ်ခြင်း တို့ကို ချမှတ်ထား သည်။

ဒေါ်အောင်ဆန်းစုကြည်အား တရားဆွဲဆို၍ ပြစ်ဒဏ်ချမှတ်ခဲ့သည့် တရားသူကြီးများကိုလည်း ပိတ်ဆို့မှုများတွင် ယမန်နှစ်က ထည့်သွင်းခဲ့ပြီး ဒေါ်အောင်ဆန်းစုကြည်အပါအဝင် နိုင်ငံရေး အကျဉ်းသားများကို ချွင်းချက်မရှိ လွှတ်ပေးရန်လည်း EU က တောင်းဆိုထားသည်။

အနောက်နိုင်ငံများ၏ ပိတ်ဆို့မှုများအား ၂ဝဝ၆ ခုမှစ၍ ယခုအထိ ဆန့်ကျင်လှုပ်ရှားနေသည့် ၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံ) ပါတီ ဥက္ကဌ ဦးအေးလွင်ကမူ EU ၏ ပိတ်ဆို့မှုသည် လက်တွေ့မကျဟုဆိုသည်။

“ဒီမိုကရေစီဘက်ကို သွားနေတဲ့ အချိန်မှာ မြန်မာနိုင်ငံသားတွေရဲ့ နိုင်ငံရေး၊ စီးပွားရေး၊ လူမှုရေး အခွင့် အလမ်းတွေကို အသိမှတ်ပြုမှု မရှိတဲ့ လုပ်ဟန်တခုလို့ပဲ ပြောပါမယ်” ဟု သူက မဇ္ဈိမကို ပြောသည်။

EU ၏ ထုတ်ပြန်ချက်တွင် နအဖ၏ ဥပဒေများအရ ကျင်းပမည့် ရွေးကောက်ပွဲသည် တရားမျှတမှု ရှိမည်မဟုတ်ကြောင်း ထည့်သွင်းထားခြင်းသည် (NLD နှင့် အဖျက်သိမ်းခံ တိုင်းရင်းသားပါတီများ) ၏ လိုလားချက်နှင့် မညီသောကြောင့် ယင်းသို့ပြောခြင်းဖြစ်သည်ဟုလည်း သူကသုံးသပ်သည်။

ပိတ်ဆို့မှုများသည် စစ်အစိုးရကိုသာမက ပြည်သူများကိုလည်း ထိခိုက်နေပြီး မြန်မာနိုင်ငံနှင့် ပြည် သူများအပေါ် စာနာကြောင်း ပြသရာရောက်စေရန် ပိတ်ဆို့မှုများကို အမြန်ရုတ်သိမ်းပေးသင့်သည် ဟုလည်း ဆက်ပြောသည်။

“ထုနဲ့ထည်နဲ့ လုပ်ငန်းတွေမှာ ရင်းနှီးမြှုတ်နှံမှုတွေ မလုပ်နိုင်တော့ဘူးပေါ့ဗျာ။ အဲဒါ အနုတ် လက္ခ ဏာပေါ့။ မိသားစုတခုမှာ အိမ်ထောင်ဦးစီးကို နလန်မထူအောင် လုပ်ထားရင် သူ့ မိသားစုကို မထိ ခိုက်ဘဲ နေမလားဗျာ” ဟု သူကပြောသည်။

ဦးဝင်းတင်ကမူ ပြည်သူများလည်း ထိခိုက်သည်ကို လက်ခံသော်လည်း စစ်အစိုးရထိပ်ပိုင်း အပါ အဝင် နီးစပ်သူများကို ပိုထိခိုက်စေသည်ဟုဆိုသည်။ “မီးလောင်နေတဲ့ အိမ်ကို ရေနဲ့ပက်ရုံ တင် မဟုတ်ဘူးဗျ။ တခါတလေကျတော့လည်း ခေါင်မိုးတို့ ထရံတို့ ဆွဲခွာရတာမျိုးလည်း ရှိတာပေါ့ဗျာ” ဟု သူကဆိုသည်။

မြန်မာ့အရေးကို နိုင်ငံတကာ၌ စည်းရုံးလှုံ့ဆော်နေသည့် ဗြိတိန်နိုင်ငံ လန်ဒန်အခြေစိုက် ဘားမား ကန်ပိန်း (ယူကေ) အဖွဲ့ကြီးကလည်း EU ဆုံးဖြတ်ချက်ကို ကြိုဆိုလိုက်ပြီး ပိတ်ဆို့မှုများကို ရုတ် သိမ်းပါက စစ်အစိုးရအား လွတ်လွတ်လပ်လပ် လူ့အခွင့်အရေး ချိုးဖောက်ခွင့်ပြုသကဲ့သို့ဖြစ် သွား မည်ဟုယူဆသည်။

EU ၏ ထုတ်ပြန်ချက်၌ ကုလလူ့အခွင့်အရေးကောင်စီသို့ တင်ပြသော မြန်မာနိုင်ငံလူ့အခွင့်အရေး ဆိုင်ရာကုလအထူးသံ မစ္စတာကွင်တားနား၏ အစီရင်ခံစာကို ကြိုဆိုပြီး ကုလ အထူးသံနှင့် ပူးပေါင်းဆောင်ရွက်ရန်ကိုလည်း တိုက်တွန်းထားသည်။ အစီရင်ခံစာအတွင်း၌ စစ်အစိုးရ၏ စစ်ရာဇဝတ်မှုများအတွက် ကော်မရှင်တခုဖွဲ့၍ စုံစမ်းစစ်ဆေးသွားရန် ကုလသမဂ္ဂကို အကြံပြုထားသည်။

စစ်ဗိုလ်ချုပ်တွေ အရပ်ဝတ်လဲပြီ

ဝန်ကြီးချုပ် ဗိုလ်ချုပ်ကြီး သိန်းစိန်နဲ့ ၀န်ကြီး အနည်းဆုံး ၁၇ ယောက်တို့ဟာ စစ်ရာထူးတွေကနေ အနားယူလိုက်ကြပြီ ဖြစ်ပါတယ်။ အခုလို စစ်ရာထူးက အနားယူလိုက်တာဟာ လာမယ့် ရွေးကောက်ပွဲမှာ ပါဝင်ယှဉ်ပြိုင်ကြမယ့် ခြေလှမ်း ဖြစ်တယ်လို့ စစ်တပ် သတင်းရပ်ကွက်က ပြောပါတယ်။ အနားယူကြတဲ့ အထဲမှာ ဗိုလ်ချုပ်ဌေးဦးလည်း ပါဝင်ပါတယ်။

စစ်ယူနီဖောင်းကနေ အရပ်ဝတ် ပြောင်းဝတ်တာသာဖြစ်ပြီး အခု အစိုးရအဖွဲ့ ရာထူးတွေကတော့ ဒီအတိုင်းပဲ ဖြစ်ပါတယ်လို့ အမည်မဖော်လိုသူ အစိုးရ အရာရှိတယောက်က ပြောပါတယ်။

အစိုးရ သတင်းမီဒီယာတွေကတော့ ဒီသတင်းကို အတည်ပြု ဖော်ပြတာ မတွေ့ရသေးပါဘူး။ စစ်ရာထူးတွေကနေ အနားယူတဲ့ သတင်းတွေ လာပါဦးမယ်၊ ဒါက ပထမအသုတ် ဖြစ်ပါတယ်လို့ သတင်းပေးသူက ဆိုပါတယ်။

စစ်ထွက် ပုဂ္ဂိုလ်တွေနဲ့ ဖွဲ့စည်းထားတဲ့ နိုင်ငံရေးပါတီ တရပ်ကို မကြာမီ မှတ်ပုံတင်မယ်လို့ အများက မျှော်လင့်ထားကြပါတယ်။

စစ်တပ်လိုလားတဲ့ အစိုးရတရပ်ဟာ ရွေးကောက်ပွဲနဲ့ ထွက်ပေါ်လာပြီး ဗိုလ်ချုပ်ကြီးတွေရဲ့ အာဏာချုပ်ကိုင်မှုကို ပိုမို ခိုင်မာစေလိမ့်မယ်လို့ ရွေးကောက်ပွဲကို ဝေဖန်သူတွေက ပြောကြပါတယ်။

ဒီနှစ်နှောင်းပိုင်းမှာ ကျင်းပမယ်လို့ ယူဆရတဲ့ ရွေးကောက်ပွဲတွေမှာ ဒေါ်အောင်ဆန်းစုကြည်ကို ပါဝင်ခွင့် မပေးတဲ့အတွက် နိုင်ငံတကာ အသိုက်အ၀န်းကလည်း စစ်အစိုးရကို ဝေဖန်နေကြပါတယ်။

တကယ်လို့ အမျိုးသား ဒီမိုကရေစီ အဖွဲ့ချုပ် အနေနဲ့ ရွေးကောက်ပွဲဝင်ဖို့ ပါတီမှတ်ပုံတင်မယ် ဆိုရင် ခေါင်းဆောင် ဒေါ်အောင်ဆန်းစုကြည်ကို ထုတ်ပစ်ရမယ်လို့ ရွေးကောက်ပွဲ ဥပဒေတွေက ပြဋ္ဌာန်းထားပါတယ်။ ဒါကြောင့် NLD ပါတီက ပါတီအဖြစ် မှတ်ပုံမတင်တော့ဘဲ ရွေးကောက်ပွဲကို သပိတ်မှောက်မယ်လို့ ပြောပါတယ်။

ရင်းမြစ်။ ။ http://www.voanews.com/burmese/2010-04-27-voa1.cfm

ဝန်ကြီးချုပ် သိန်းစိန် ခေါင်းဆောင်သည့် ကြံ့ဖွံ့ နိုင်ငံရေးပါတီ ထောင်ပြီ

စစ်အစိုးရ ကျောထောက် နောက်ခံပြုထားသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေး အသင်း(ကြံ့ဖွံ့)ကို လာမည့်ရွေးကောက်ပွဲ တွင် ၀င်ရောက်ယှဉ်ပြိုင်ရန်အတွက် ပြီးခဲ့သည့် သောကြာနေ့က နိုင်ငံရေးပါတီ အဖြစ် ဖွဲ့စည်းလိုက်ကြောင်း သိရသည်။

အဆိုပါ ဖွဲ့စည်းမည့် ပါတီတွင် ၀န်ကြီးချုပ် ဗိုလ်ချုပ်ကြီး သိန်းစိန်ကို ပါတီဥက္ကဋ္ဌအဖြစ် ခန့်အပ်ကြောင်း ကြံ့ဖွံ့နှင့် နီးစပ်သူ တဦးက ဧရာဝတီသို့ ပြောသည်။

“အဲ့ဒီနေ့ ညနေ ၄ နာရီလောက်ကမှ ပါတီအဖြစ်ပြောင်းမယ်၊ ၀န်ကြီးချုပ်ကို အဲ့ဒီလို ခန့်တယ်ဆိုတာ နေပြည်တော်ကနေ ဆုံးဖြတ် ချက်ချတာ၊ အလုပ်သမားဝန်ကြီး ဗိုလ်ချုပ်အောင်ကြည်လည်း မင်္ဂလာတောင်ညွန့်မြို့နယ်ကနေ ၀င်မယ်ပြောတယ်”ဟု ၎င်းက ဆိုသည်။

ယင်း ကြံ့ဖွံ့အဖွဲ့ တည်ထောင်မည့် ပါတီ အမည်ကို မသိရှိရသေးသော်လည်း ရွေးကောက်ပွဲကော်မရှင်တွင် မကြာမီ မှတ်ပုံတင် မည်ဖြစ်ကြောင်း၊ စစ်အစိုးရက ကြံ့ဖွံ့အဖွဲ့ကိုသာမက တခြားသော စစ်ဘက် ဆိုင်ရာ အရာရှိကြီးများနှင့် စီးပွားရေးလုပ်ငန်းရှင်ကြီး များကိုလည်း ရွေးကောက်ပွဲဝင်ရန် စီစဉ်ထားကြောင်း အဆိုပါ နီးစပ်သူ က ပြောသည်။

လက်ရှိ ကြံ့ဖွံ့အဖွဲ့တွင် ဥက္ကဋ္ဌ ခန့်အပ်ထားခြင်းမရှိဘဲ အတွင်းရေးမှူးအဖြစ် လယ်ယာစိုက်ပျိုးရေး နှင့် ဆည်မြောင်းဝန်ကြီး ဗိုလ်ချုပ်ဌေးဦးက တာဝန်ယူ လုပ်ကိုင်နေသည်။

ကြံ့ဖွံ့သည် ဗိုလ်ချုပ်မှူးကြီး သန်းရွှေ ကာကွယ်ရေးဦးစီးချုပ် ဖြစ်လာပြီး နောက်တနှစ် ၁၉၉၃ ခုနှစ်တွင် ပေါ်ပေါက်လာခြင်း ဖြစ် သည်။ တရားဝင် ထုတ်ပြန်ချက်များအရ အသင်းဝင် ၂၄ သန်း ရှိသည်ဟု ဆိုသည်။ စစ်ခေါင်းဆောင်များသည် ကြံ့ဖွံ့ ၏ နာယက အဖွဲ့ဝင်များ ဖြစ်ကြသည်။

နေပြည်တော်ရှိ စစ်ဘက်ဆိုင်ရာအရာရှိ တဦးကလည်း စစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန် နှင့် ဌာနဆိုင်ရာ ၀န်ကြီးများ၊ ဒုတိယ၀န်ကြီးများသည် လက်ရှိစစ်ဘက်ဆိုင်ရာ ရာထူးများမှ ယမန်နေ့က နုတ်ထွက်ကြောင်း ဧရာဝတီသို့ ပြောသည်။

“အားလုံးပေါင်း ၂၃ ယောက်လောက် စစ်ဘက်ရာထူးတွေက အနားယူကြတယ်၊ ဒါပေမယ့် လက်ရှိရာထူးတွေမှာတော့ ဆက် အလုပ် လုပ်နေမှာပါ”ဟု အဆိုပါ စစ်အရာရှိက ပြောဆိုသည်။

စစ်ဘက်ဆိုင်ရာ ရာထူးများမှ အနားယူသူများတွင် ဗိုလ်ချုပ်မှူးကြီးသန်းရွှေနှင့် နီးစပ်သည့် လယ်ယာ စိုက်ပျိုးရေးနှင့် ဆည်မြောင်း ၀န်ကြီး ဗိုလ်ချုပ် ဌေးဦး အပါအ၀င် ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်မှူးချုပ် ဘုန်းဆွေလည်း ပါဝင်ကြောင်း နေပြည်တော် မှလာသော သတင်းများကလည်း ဆိုသည်။

ယမန်နေ့က နေပြည်တော်တွင် ပြုလုပ်သည့် မဟာဗောဓိပင်ပျို စိုက်ပျိုးသည့် အခမ်းအနားတွင်မူ နိုင်ငံတော်ဝန်ကြီးချုပ် ဗိုလ်ချုပ်ကြီး သိန်းစိန် ဟု ယနေ့ထုတ် မြန်မာ့အလင်း သတင်းစာတွင် ဖော်ပြထားသည်။

လာမည့်ရွေးကောက်ပွဲကို အမျိုးသားဒီမိုကရေစီအဖွဲ့ချုပ် (NLD) အပါအ၀င် ၁၉၉၀ ခုနှစ်ရွေးကောက်ပွဲတွင် အနိုင်ရရှိခဲ့သည့် တိုင်းရင်းသားပါတီများ ၀င်ရောက်ယှဉ်ပြိုင်ရန် ငြင်းဆိုထားသည်။

ရင်းမြစ်။ ။ဧရာဝတီ

တိုက်ဆိုင်လှတဲ့ ပေါက်ကွဲမှုတွေ


နအဖရဲ့ ၂၀၁၀ ခုနှစ် ရွေးကောက်ပွဲဟာ မြန်မာပြည်နိုင်ငံရေးမှာ အပြောင်းအလဲတွေ ဖြစ်ပေါ်စေမယ်လို့ တွက်ခဲ့ကြ၊
တွက်ထားကြသူတွေ မနည်းပါဘူး။ အခုတော့ ဖြစ်ပေါ်လာတဲ့ အပြောင်းအလဲတွေဟာ မြန်လည်းမြန်၊ ပုံသဏ္ဌာန်တွေလည်း
စုံ၊ စိတ်ဝင်စားစရာကောင်းလှပါတယ်။ နအဖဟာ နယ်စပ်တွေကို ဖိအားပေးနေတုန်း ရန်ကုန်မြို့လယ်ခေါင်မှာ ဗုံးတွေကွဲ
ပါတယ်။ မြန်မာပြည်ရဲ့ အရှေ့ဖျားဆုံး တရုတ်-မြန်မာ၊ ထိုင်း-မြန်မာနယ်စပ်တွေကို တပ်တွေပို့နေတုန်း အနောက်ဖျားက ရခိုင်ပြည်နယ်မှာ ဗုံးတွေကွဲပြန်ပါတယ်။ ဒီဗုံးကွဲမှုတွေရဲ့ အနှံ့အပြားဖြစ်မှုနဲ့ အရေအတွက်ဟာ သိပ်ထူးခြားနေပါတယ်။ အချိန်
ကာလအရပြောရရင်လည်း မြန်မာပြည်နိုင်ငံရေးရဲ့ တကယ့်အကွေ့အချိုးကာလ၊ အရေးကြီးကာလဖြစ်နေပါတယ်။

နောက်ထူးခြားတာတချက်က ဘယ်မှာမှ လက်သည်မပေါ်၊ သဲလွန်စလေးတောင်မှ မရတာပါ။ နအဖရဲ့ အုပ်ချုပ်ရေး
ယန္တရားနဲ့ ထောက်လှမ်းရေးအဖွဲ့မျိုးစုံတို့ဟာ ရွေးကောက်ပွဲအတွက် အလုပ်ရှုပ်နေကြလို့လား၊ အမျိုးသားဒီမိုကရေစီ
အဖွဲ့ချုပ်နဲ့ အပစ်ရပ်အဖွဲ့တွေအပေါ် ဆင်နွှဲတော့မယ့် နောက်ဆုံးနှိပ်ကွပ်ပွဲကြီးအတွက် အသားကုန်လုံးပန်းနေကြလို့လား။
ဘာကြောင့်ပဲဖြစ်ဖြစ် နအဖအစိုးရ အုပ်စိုးမှုယန္တရားရဲ့ ယိုပေါက် ဟာကွက်တွေကို အထင်အရှားမြင်တွေ့နေရတာကတော့
အမှန်ပါပဲ။ လာမယ့်ရွေးကောက်ပွဲအမီ နအဖကို အပြတ်ဖားနေကြရတဲ့ “ဆောင်းပါးရှင်” ဆိုသူတွေမှာတော့ ဒီပေါက်ကွဲမှုတွေနဲ့ ပတ်သက်ပြီး ဘယ်သူ့ဘယ်လို တွယ်ရမယ်မှန်းမသိဖြစ်နေပြီး အသားလွတ် ရမ်းသမ်းချနေရတဲ့အခြေအနေ
ဆိုက်နေပါတယ်။

တချို့ကတော့လည်း “သူခိုးလိမ္မာမျက်နှာကြီးမို့” လက်သည်မပေါ်တာ၊ ရဲတွေက တက်တက်ကြွကြွ မရှာဖွေတာလို့ ပြောနေကြပါတယ်။ ဘာမဆိုဖြစ်နိုင်တဲ့ အနေအထားမို့ ဒါလည်း စဉ်းစားစရာအဖြစ် သတ်မှတ်သင့်ပါတယ်။

တကယ်တော့ နအဖကို ဆန့်ကျင်တာပဲဖြစ်ဖြစ်၊ အချင်းချင်းတွယ်ကြတာပဲဖြစ်ဖြစ်၊ ပြည်သူလူထုကို ထိခိုက်သေကျေ
စေတဲ့အထိ ဖြစ်တာကတော့ မကောင်းတာအမှန်ပါပဲ။ ဒါမျိုးကို တော်လှန်ရေးမဆန်တဲ့ လုပ်ရပ်လို့ပဲ သတ်မှတ်ရမှာပါ။ အားမပေးသင့်ပါဘူး။

ဒါပေမယ့် ရက်စက်ရှည်ကြာတဲ့ အုပ်စိုးမှုတခုကို မခံနိုင်လွန်းလို့ ဖြစ်တဲ့နည်းနဲ့ ဆန့်ကျင်တဲ့လူတွေကိုတော့ နားလည်ဖို့ လိုပါတယ်။ နိုင်ငံတိုင်းလိုလိုမှာ အမျိုးသားတော်လှန်ရေး၊ လူတန်းစားတော်လှန်ရေး စတာတွေ ဖြစ်လာတယ်ဆိုရင်၊ အထူးသဖြင့် အစပိုင်းမှာ ဒီလိုပဲ တဦးချင်းစွန့်စား လုပ်ကြတဲ့၊ မဆိုင်သူတွေကို ထိခိုက်စေတဲ့ လုပ်ရပ်တွေ ပေါ်လာလေ့ရှိကြတယ်ဆိုတာကို သတိပြုဖို့လိုပါတယ်။ အယူအဆ မကြည်လင်တာကြောင့်မို့ မင်းလောင်းပုံစံနဲ့ အင်္ဂလိပ်ကို ထ’ချကြတာကို မြန်မာပြည်ရဲ့ မဝေးလှတဲ့ သမိုင်းမှာ လှမ်းတွေ့နိုင်ပါတယ်။ ကျေးလက်တွေမှာ ဓားပြဂိုဏ်းလိုလို၊ သူပုန်အဖွဲ့လိုလိုဆိုတာတွေကလည်း ဒီသဘောပါပဲ။ မြန်မာပြည်က ‘ရော်ဘင်ဟု’ တွေဟာ ခေတ်မီနိုင်ငံရေး အတွေးအခေါ် မတပ်ဆင်နိုင်တဲ့ လယ်သမား သူပုန်တွေသာ ဖြစ်ပါတယ်။ သူတို့ရဲ့လုပ်ရပ်တွေမှာ လွန်ကျွံတယ်လို့ ထင်မြင်စရာရှိတာ၊ မဆိုင်သူကို ထိခိုက်တာတွေ ပါလာတတ်ပါတယ်။ နိုင်ငံရေးအားနည်းသေးလို့သာ ဖြစ်ပါတယ်။

ရုရှနိုင်ငံမှာ ဘော်ရှီဗစ်တွေရဲ့ တော်လှန်ရေးမတိုင်မီ အနားခစ္စလို့ခေါ်တဲ့ လုပ်ကြံရေးဂိုဏ်းက အရင်ပေါ်လာတာပါ။ လီနင်ရဲ့အစ်ကိုကိုယ်တိုင် အဲဒီအထဲမှာပါခဲ့ပြီး ဖမ်းမိလို့ ကွပ်မျက်တာလည်း ခံခဲ့ရပါတယ်။

မြန်မာပြည်မှာတော့ ၁၃၀၀ ပြည့် အရေးတော်ပုံနောက်ပိုင်းမှာကိုပဲ နဂါးနက်ဂိုဏ်းဆိုတာ ပေါ်ခဲ့ပါတယ်။ အဲဒီဂိုဏ်းဟာ ပေါ်ကာစတုန်းက လုပ်ကြံရေးဂိုဏ်းတမျိုးသာဖြစ်ပါတယ်။ ဒါပေမယ့် အဲဒီဂိုဏ်းသားတွေဟာ နောက်ပိုင်းမှာ တော်လှန်တဲ့ အတွေးအခေါ်တွေ၊ အသိတွေနဲ့ ပေါင်းစပ်မိတော့ ရာသက်ပန်တော်လှန်ရေးသမားတွေဖြစ်လာပြီး တော်လှန်ရေးထဲမှာပဲ ကျဆုံးသွားကြပါတယ်။ အလားတူပဲ လက်နက်ကိုင်တော်လှန်ရေး ထဲကို ပြောင်းလဲပါဝင်လာကြတဲ့ ဓားပြတွေ၊ ‘ရော်ဘင်ဟု’ တွေ အများကြီးရှိခဲ့ပါတယ်။ ဒီနေ့လို တိုင်းပြည်ရဲ့ စီးပွားရေးက အောက်ဆုံးရောက်နေ၊ ကြံ့ဖွံ့လို နအဖရဲ့ လူမိုက်တွေက နေရာတကာမှာ ရမ်းကားအနိုင်ကျင့်နေ၊ ဒီကြားထဲမှာ နအဖရဲ့ ဒီမိုကရေစီကြောင့် မှန်ကန်တဲ့နိုင်ငံရေး အတွေးအခေါ်တွေကို ဖြန့်ချိခွင့်မရဖြစ်နေတဲ့ အခြေအနေမှာ နည်းမျိုးပေါင်းစုံသော ဆန့်ကျင်မှုတွေ ပေါ်ပေါက်လာတာဟာ သဘာဝကျတယ်လို့ပဲ ဆိုရမှာပါ။

ဒီလိုနာကြည်းပေါက်ကွဲမှုတွေကို နည်းမှန်လမ်းမှန်ရောက်အောင် တည့်မတ်ပေးဖို့ဟာ အင်မတန်မှအရေးကြီးတယ်ဆိုတာကို အထူးပြောနေစရာမလိုပါဘူး။ သူတို့လုပ်တဲ့နည်းဟာ မအောင်မြင်နိုင်ဘူး၊ မကောင်းတဲ့ဆိုးကျိုးတွေ ဖြစ်စေ နိုင်တယ်ဆိုတာတွေ ထောက်ပြရပါမယ်။ နအဖကို ရွံမုန်းနာကြည်းတယ်၊ ဖြုတ်ချရမယ်ဆိုတဲ့ သာမန်စဉ်းစားတွေးခေါ်နည်းလောက်နဲ့ မလုံလောက်တော့ဘူးဆိုတာ ရှင်းနေပါတယ်။ မှန်ကန်တဲ့အတွေးအခေါ်ကို လူထုဆီ ပို့ဖို့ဆိုတာဟာ အပြောလွယ်သလောက် လက်တွေ့မှာ မလွယ်လှပါဘူး။ အထူးသဖြင့် မြန်မာပြည်လူဦးရေရဲ့ (၈၀) ရာခိုင်နှုန်းကျော်ဖြစ်တဲ့ ကျေးလက်လူထုဆီကို ပို့ဖို့ဖြစ်ပါတယ်။

တကယ်က ဒီအရေးတော်ပုံမှာ လယ်သမားတွေပါလာဖို့ဟာ အင်မတန်မှ အခရာကျပါတယ်။ သူတို့ပါလာမှ ပွဲက
ပြတ်မှာပါ။ ဒါပေမယ့် ဒီနေ့အခြေအနေမှာ လယ်သမားတွေကို စည်းရုံးဖို့ဆိုတာ တယ်လွယ်လှတာ မဟုတ်ပါဘူး။ သူတို့ဆီကို
ကားစီးသွား ပြောချင်တာပြော၊ တောထမင်း တောဟင်းစားပြီး ပြန်လာရုံနဲ့ မရပါဘူး။ အချိန်ယူလုပ်ရမယ့်အလုပ်ဖြစ်
ပါတယ်။ သူတို့အကြားမှာ အကြာကြီးနေလို့ရအောင် ဘယ်လိုလုပ်မလဲ။ ရအဖတွေ၊ ကြံ့ဖွံ့တွေမသိအောင် ဘယ်လို
ဝပ်မလဲ စတဲ့လက်တွေ့ပြဿနာတွေကို ဖြေရှင်းရပါမယ်။ မြို့ပြနဲ့ ကျေးလက်ပေါင်းစည်းတဲ့ လှုပ်ရှားမှုတွေ ဘယ်လိုဖော်
ထုတ်မလဲ စဉ်းစာအဖြေရှာကြရပါမယ်။ ဒါဆိုရင် တိုက်ပွဲခွင်လည်းကျယ်လာ၊ နည်းသဏ္ဌာန်တွေလည်းစုံလာ၊ လူထုထောက်ခံမှုလည်း ပိုရလာမှာ ဖြစ်ပါတယ်။

နောက်ပြီး လယ်သမားသားသမီးအများစုဖြစ်တဲ့ သံဃာတွေ၊ စစ်သားတွေရဲ့အသည်းနှလုံးကိုလည်း ဖမ်းစားနိုင်မှာဖြစ်
ပါတယ်။

ရဲဘော်ဖိုးသံချောင်း
ရင်းမြစ်။ ။ခေတ်ပြိုင်

Monday, April 26, 2010

ဗိုလ်ချုပ်မှူးကြီး ဆင်ဖြူတော်စီး

ဗိုလ်ချုပ်မှူးကြီးသန်းရွှေ အပါအ၀င် ထိပ်တန်းစစ်ခေါင်းဆောင် ၅ ဦး အသုံးပြုသည့် သီးသန့် လေယာဉ် ၂ စီးကို ဗေဒင်အရ “ဆင်ဖြူတော်” ဟု အမည်သတ်မှတ် ခေါ်ဝေါ်နေရကြောင်း သတင်းရရှိသည်။

အဆိုပါ လေယာဉ် ၂ စီးကို ဆေးအဖြူရောင် ခြယ်ထားပြီး ATR 72-500 အမျိုးအစား လေယာဉ်များ ဖြစ်ကြောင်း၊ ထိုလေယာဉ် ၂ စီးကို ဗိုလ်ချုပ်မှူးကြီးသန်းရွှေ၊ ဒုတိယဗိုလ်ချုပ်မှူးကြီးမောင်အေး၊ ဗိုလ်ချုပ်ကြီးသူရရွှေမန်း၊ ၀န်ကြီးချုပ် ဗိုလ်ချုပ်ကြီးသိန်းစိန်နှင့် အတွင်းရေးမှူး ၁ ဗိုလ်ချုပ်ကြီး သီဟသူရတင်အောင်မြင့်ဦးတို့ ၅ ဦးသာ စီးနင်းခွင့်ရကြောင်း ပို့ဆောင်ရေးဝန်ကြီးဌာနမှ သိရသည်။

thanshwe_flight
ဗိုလ်ချုပ်မှူးကြီးသန်းရွှေ သီရိလင်္ကာနိုင်ငံ ကိုလံဘိုမြို့သို့ ၂၀၀၉ နိုဝင်ဘာ ၁၂ ရက်နေ့က အလည်အပတ် သွားစဉ် (ဓာတ်ပုံ - Reuters)
“လေယာဉ် ၂ စီးစလုံးကို ဆင်ဖြူတော် ဆိုတဲ့ နာမည်သုံးဖို့ ဗိုလ်ချုပ်မှူးကြီးကိုယ်တိုင် အမိန့်ပေး ထားတာလို့ သိရတယ်။ ဒီလေယာဉ်တွေက ခေါင်းဆောင် ၅ ဦးနဲ့ ဗိုလ်ချုပ်မှူးကြီး မိသားစု ခရီးထွက်ဖို့ပဲ သုံးရတဲ့ လေယာဉ် အသစ်တွေပါ” ဟု မင်္ဂလာဒုံလေတပ်နယ်မှ စစ်အရာရှိကြီးများနှင့် နီးစပ်သူတဦးက ဆိုသည်။

အဆိုပါ လေယာဉ်များကို ပို့ဆောင်ရေးဝန်ကြီးဌာန၊ မြန်မာ့လေကြောင်းက တာဝန်ခံ ၀ယ်ယူ ပေးထားရပြီး မင်္ဂလာဒုံလေတပ် အထူးလေယာဉ် ထိန်းသိမ်းဆောင်တွင် လုံခြုံရေး တင်းကျပ်စွာဖြင့် ထိန်းသိမ်းစောင့်ရှောက် ထားရကြောင်း သိရသည်။

၂၀၀၉ ခုနှစ် နိုဝင်ဘာလအတွင်းက ဗိုလ်ချုပ်မှူးကြီး သန်းရွှေ သီရိလင်္ကာနိုင်ငံသို့ သွားရောက်စဉ်ကမူ မြန်မာ့လေကြောင်းလိုင်းပိုင် MAI လေယာဉ်ဖြင့် သွားခဲ့ကြောင်း ဓာတ်ပုံမှတ်တမ်းများအရ တွေ့ရသည်။

လေယာဉ်များကို “ဆင်ဖြူတော်” ဟု ခေါ်ဝေါ်သုံးစွဲရခြင်းသည် ယတြာချေခြင်းဖြစ်ပြီး အတိုက်အခံ ရန်စွယ် အပေါင်းကို အောင်နိုင်စေခြင်း အတိတ်ဖြင့် ခေါ်ဝေါ်အသုံးပြု ခြင်းဖြစ်သည်ဟု ရန်ကုန်ရှိ နာမည်ကျော် ဗေဒင်ဆရာတဦးက သုံးသပ်သည်။

“ရှေးမြန်မာ ဘုရင်မင်းတွေ ဘုန်းတန်ခိုးကြီးလာရင် ဆင်ဖြူတော် အလိုလိုပေါ်ရတယ်။ ဒါမှမဟုတ် အိမ်နီးချင်းတိုင်းပြည်တွေက ဆင်ဖြူတော် ဆက်သရတယ်။ ဆင်ဖြူတော် စီးရတဲ့ ဘုရင်တွေက ရန်စွယ်အပေါင်းကို အောင်နိုင်တယ် ဆိုတဲ့ သက်သေ သာဓကတွေ မြန်မာရာဇ၀င် သမိုင်းတွေမှာ အထင်အရှားရှိတယ်။ ဒါကြောင့် ဒီနာမည်ကို ဗေဒင်သဘောနဲ့ ပေးထားတာ” ဟု ၎င်းက ပြောသည်။

ဗိုလ်ချုပ်မှူးကြီးသန်းရွှေ မိသားစုသည် နက္ခတ်ဗေဒင်လက္ခဏာ ယုံကြည်မှုလွန်ကဲရုံမက မိသားစု ဆွေမျိုးများအကြား ထီးသုံး၊ နန်းသုံးစကားများကို ပြောဆို ခေါ်ဝေါ်သုံးစွဲကြသည်ဆိုသော သတင်းများလည်း ထွက်ပေါ်လျက်ရှိသည်။

စစ်အစိုးရက ၂၀၀၉ ခုနှစ်အတွင်းတွင် ငါးထောင်တန်ငွေစက္ကူအသစ် ထုတ်ဝေခဲ့ရာ “ဆင်ဖြူ တော်” တံဆိပ်ကို ငွေစက္ကူသစ်၏ အမှတ်အသား အဖြစ်သုံးစွဲခဲ့ခြင်း၊ ၂၀၀၅ ခုနှစ်တွင် စစ်အစိုးရ အုပ်ချုပ်ရေးယန္တရားကို ပျဉ်းမနား၊ ကြပ်ပြေးသို့ ပြောင်းရွှေ့ အခြေစိုက်ခဲ့ရာ၌ မြို့တော်သစ်ကို နေပြည်တော် ဟု တရားဝင် သတ်မှတ် သုံးစွဲစေခဲ့ခြင်းများတွင် ဗေဒင်နက္ခတ် သဘောတရားများ အဓိက ပါဝင်နေသည်ကို တွေ့မြင်နိုင်ကြောင်း ရန်ကုန် ဗေဒင်ဆရာ အသိုင်းအဝန်းက သုံးသပ်သည်။

စစ်အစိုးရ ခေါင်းဆောင်ကြီးများသည် ဗေဒင်နက္ခတ်ကျွမ်းကျင်သည့် ပုဏ္ဏားများကို ၎င်းတို့၏ နေအိမ်များသို့ခေါ်၍ အပတ်စဉ် ဗေဒင်တွက်ချက် ယတြာချေခိုင်းကြောင်း နေပြည်တော် စစ်ဘက်အသိုင်းအ၀န်းမှ သတင်းရရှိသည်။

ထောက်လှမ်းရေး ခေါင်းဆောင်ဟောင်း ဗိုလ်ချုပ်ကြီးခင်ညွန့် အာဏာရှိစဉ်ကလည်း ဆင်ဖြူတော် ရှာဖွေကာ ဘွဲ့များ ပေးအပ်ပြီး အင်းစိန်မြို့နယ် မင်းဓမ္မကုန်းတော်ပေါ်တွင် တည်ထားသော လောကချမ်းသာ အဘယလာဘမုနိ ဘုရားကြီး ဘေးတွင် အဆောင် ဆောက်လုပ် မွေးမြူခဲ့သည်။

ရင်းမြစ်။ ။ဧရာဝတီ

ခြေနှစ်ဖက်မရှိသူတောင် ဧ၀ရတ်တောင်ရောက်အောင် တက်နိုင်သေးတာပဲ





Written by လူထုစိန်ဝင်း   
        တစ်နှစ်ကူးခဲ့ပြန်ပြီ။ ရိုးရာပြက္ခဒိန်အလိုအရ ကူးခဲ့ရပေမယ့် နှစ်သစ်ကူးပြောင်းခြင်းဆိုတဲ့ သင်္ကြန်ပွဲတော်ရဲ့ အမှတ်အသားသင်္ကေတဖြစ်တဲ့ သင်္ကြန်မိုးမရွာခဲ့လို့ ပိတောက်တွေမပွင့်နိုင်ကြဘူး။ ပိတောက်မဲ့ သင်္ကြန်ဆိုတဲ့ ထူးခြားချက်ကလွဲပြီး တခြားထူးခြားပြောင်းလဲမှုမျိုးတော့ ဘာတစ်ခုမှမတွေ့ရဘူး။ကြားမြဲတွေကြားရ
        မနက်မိုးလင်းလို့ မျက်စိနှစ်လုံး ဖွင့်လိုက်တာနဲ့ မင်္ဂလာမရှိတဲ့အသံတွေကို ကြားမြဲကြားရတယ်။ အီရတ်နဲ့အာဖဂန်နစ္စတန်မှာ ဗုံးဒဏ်စက်သေနတ်ဒဏ်ကြောင့် အရပ်သူအရပ်သားတွေ၊ ကလေးငယ်တွေ သေကျေကြရ တဲ့သတင်း၊တရုတ်ပြည်မှာ ငလျင်ကြီးလှုပ်လို့ အကြီးအကျယ်ပျက်စီးဆုံးရှုံးပြီး လူတွေသေကြရတဲ့သတင်း၊ အိန္ဒိယမှာမုန်တိုင်းဝင်မွှေလို့ ဒုက္ခရောက်ရတဲ့သတင်း၊ အိုက်စလန်နိုင်ငံ မီးတောင်ပေါက်ကွဲမှုကြောင့် ဥရောပလေကြောင်း ခရီးစဉ်အားလုံး ရပ်ခိုင်းထားရလို့ လူသန်းပေါင်းများစွာ သောင်တင်နေကြရတဲ့သတင်းစတဲ့စတဲ့ အမင်္ဂလာ သတင်းတွေချည့်ပါပဲ။
အနီးဆုံးနေရာက အနိဋ္ဌာရုံ
        ဒီကြားထဲကိုယ်နဲ့အနီးကပ်ဆုံး နေရာမှာ အနိဋ္ဌာရုံမြင်ကွင်းကြီးတစ်ခုက ဗြုန်းကနဲထပြီး ပေါ်ပေါက်လာခဲ့ရသေးတယ်။ သင်္ကြန်အကြတ်နေ့ ကန်တော်ကြီး ရေကစားမဏ္ဍပ်တစ်ခုရှေ့ ဗုံးပေါက်ကွဲမှုကြီးပါ။ လူရှစ်ယောက် သေဆုံးပြီး ၁၇၀ ဦး ထိ ခိုက်ဒဏ်ရာရသွားခဲ့ကြတယ်လို့ သတင်းစာမှာဖတ်ရတယ်။ အကြတ်နေ့ နေ့ခင်းသုံးနာရီခွဲလောက်မှာ ပူလွန်းလို့ကြမ်းပြင်ပေါ်ဖျာခင်းပြီး လှဲရင်းနဲ့ ဟောဟဲလိုက်နေစဉ်မှာ မန္တလေးက ဖုန်းလှမ်းဆက်တယ်။ ဗုံးကွဲတာ သိပြီးပလားတဲ့။ မသိ သေးဘူးဆိုတော့ အယ်လ်ဂျာဇီးရာ မှာတင်နေတယ်၊ ဖွင့်ကြည့်လိုက်လို့ ပြောတာနဲ့ ဖွင့်ကြည့်လိုက်တယ်။ ဟုတ်တယ်။ စာတန်းထိုးပြတဲ့သတင်းမှာက လူပေါင်း ၂၄ ယောက် သေဆုံးပြီး ၇၀ ကျော်ဒဏ်ရာရတယ်လို့ ဖော်ပြထားတယ်။ တော်တော်ကြီး စိတ်ထဲမှာ နောက်ကျိသွားတယ်။

နှစ်သစ်ကိုမျှော်လင့်ချက်သစ်တွေ၊ အားမာန်သစ်တွေနဲ့ ကြိုဆိုလျက်ပါပဲ။ ဘာကြောင့်လဲဆိုတော့ အမှောင်မိုက်ဆုံးဆိုတဲ့ သန်းခေါင်အချိန် ကုန်ဆုံးလွန်မြောက်သွားတာနဲ့ တစ်ပြိုင်နက် နေ့သစ်တစ်ခုစတင်ဖို့အတွက် အမှောင်တိုက်ကြီးထဲကနေပြီး ရောင်နီကလေး စတင်ပေါ်ထွက်လာမြဲဖြစ် လို့ပါ။
ကမ်းကုန်အောင်ယုတ်မာ
        မြန်မာလူမျိုးတို့ရဲ့ ငြိမ်းချမ်းခြင်း၊ အေးမြခြင်းသင်္ကေတဖြစ်တဲ့ သင်္ကြန်ပွဲတော်လို အခါသမယမျိုးမှာ  အစဉ်အလာအတိုင်း ပျော်ပါးမြူးတူးနေကြတဲ့ လူငယ်လူရွယ်တွေကြားထဲမှာမှ ဗုံးခွဲရတယ်လို့။ ဒါဟာ ကမ်းကုန်အောင် ယုတ်မာတဲ့လုပ်ရပ် ဖြစ်တယ်။ ဘယ်လိုအကြောင်းပြချက်မျိုးနဲ့မှ တရားတယ်လို့ မဆိုနိုင်ပါဘူး။ ဘယ်အဖွဲ့အစည်းနဲ့ဘယ်ပုဂ္ဂိုလ်မျိုးကပဲလုပ်လုပ် ဒီလုပ်ရပ်ဟာ ခွင့်မလွတ်နိုင်တဲ့ ရက်စက်ကြမ်းကြုတ်မှုကြီးပဲ ဖြစ်တယ်။ လုပ်သူတွေရဲ့ ရည်ရွယ်ချက်ကတော့ လူတွေ အထိတ်တလန့်နဲ့ ချောက်ချောက်ချားချားဖြစ်ကုန်အောင် လုပ်တဲ့သဘော ဖြစ်ပါလိမ့်မယ်။
ဘိန်းစားသတ္တိ
        သူတို့ရည်ရွယ်သလို ဖြစ်မလာပါဘူး။ နောက်ရက် သင်္ကြန်အတက်နေ့မှာ ရေပက်ကစားမြဲကစားနေကြတာပါပဲ။ ဗုံးခွဲသူတွေကို လူတွေက စက်ဆုပ်ရွံရှာ မုန်းတီးစိတ်တွေပဲ ဖြစ်နေကြပါတယ်။ ဒီလုပ်ရပ်မျိုးကို ဘယ်သူကမှတော်လိုက်တာလို့ ချီး ကျူးမှာမဟုတ်ပါဘူး။ ချီးကျူးရမယ့်ကိစ္စမျိုးလည်း မဟုတ်ပါဘူး။ ဆေးဖိုးပြတ်နေတဲ့ ဆေးသမားတစ်ယောက်ကို ပိုက်ဆံပေးခိုင်းရင် ဖြစ်နေတာမျိုးပဲ။ ဘာသတ္တိမှမလိုပါဘူး။ ဘိန်းစားသတ္တိလောက် ရှိရင်ဖြစ်ပါတယ်။ တရားခံဘယ်သူဘယ်ဝါ မသိပေမယ့် ဒီမိုကရေစီရဲ့ ရန်သူဖြစ်တယ်ဆိုတာတော့ အသေအချာပြောရဲတယ်။ ဘာကြောင့်လဲဆိုတော့ ဒီလုပ်ရပ်မျိုးတွေကြောင့် ဒီမိုကရေစီပန်းတိုင်နဲ့ ဝေးသထက်ဝေးသွားစရာ အကြောင်းသာရှိလို့ဖြစ်တယ်။
တောင့်တတဲ့ချိုးကူသံ
        ဒီနေ့ မြန်မာပြည်သူတစ်ရပ်လုံး လိုလားတောင့်တနေတဲ့ အသံက ချိုးကူသံဖြစ်တယ်။ ဗုံးသံ၊ သေနတ်သံ မဟုတ်ဘူး။ နှစ်ပေါင်းခြောက်ဆယ်ကျော် ဗုံးသံ၊ သေနတ်သံတွေကြားနေရတာ စိတ်ပျက်လှပါပြီ။ ငြိမ်းချမ်းရေးကို လိုချင်လှပါပြီ။ ငြိမ်းချမ်းရေး သင်္ကေတ သင်္ကြန်ပွဲတော်အခါသမယမှာ အရပ်သူအရပ်သားတွေကို ပစ်မှတ်ထားပြီး ဗုံးခွဲတိုက်ခိုက်လိုက်တာဟာ ပြည်သူလူထုရဲ့ဆန္ဒစစ် ဆန္ဒမှန်တွေ ကိုရိုက်ချိုးဖျက်ဆီးပစ်လိုက်ခြင်း ဖြစ်တယ်။ ပြည်သူကိုစော်ကားသူ၊ ပြည် သူကိုသတ်ဖြတ်သူဟာ ဘယ်တော့မှ သက်ဆိုးမရှည်ပါဘူး။တစ်နေ့မှာ ပြည်သူကဒဏ်ခတ်တာခံရမှာ မလွဲမသွေပါပဲ။
ပြည်သူကိုတန်ဖိုးထားလို့
        ဂျပန်တော်လှန်ရေးကာလတုန်းက တော်လှန်ရေးတပ်သားများ ရန်သူကိုတိုက်တဲ့အခါမှာ ဘယ်တော့မှ ရွာတွေထဲကနေပြီး တိုက်ခိုက်လေ့မရှိပါဘူး။ အရပ်သူ၊ အရပ်သားများ ထိခိုက်မှာစိုးတဲ့အတွက်နဲ့ ရန်သူဂျပန်တပ်ကရွာကို မီးလောင်တိုက်သွင်းပစ် မှာစိုးတဲ့အတွက်ကြောင့်ပါ။ တိုက်စရာရှိရင် ရွာနဲ့ဝေးတဲ့နေရာက စောင့်ပြီးတိုက်ပါတယ်။ ပြည်သူလူထုကို အဲဒီလိုတန်ဖိုးထားတဲ့အတွက် ပြည်သူလူထုကလည်း တော်လှန်ရေးတပ်သားတွေကို တန်ဖိုးထားပြီးကာကွယ်စောင့်ရှောက်ကြ၊ ၀ိုင်းဝန်းကူညီကြ တာဖြစ်တယ်။ ပြည်သူနဲ့တစ်သားတည်းရှိလို့ ဖက်ဆစ်တော်လှန်ရေး တိုက်ပွဲတွေနဲ့ နယ်ချဲ့ဆန့်ကျင်ရေးတိုက်ပွဲတွေ အဆင့်ဆင့်အောင်ပွဲခံပြီး လွတ်လပ်ရေးရယူနိုင်ခဲ့ကြတာ ဖြစ်တယ်။
မျှော်လင့်ချက်သစ်တွေနဲ့
        အခုတော့ ပြည်သူတွေရဲ့အသက်ကို ဖက်ရွက်တစ်ရွက်လောက်မှ တန်ဖိုးမထားကြတော့ပါလား။ စိတ်ပျက်စရာကောင်းလိုက်တာ။ အကြမ်းဖက် ရက်စက်ကြမ်းကြုတ်မှုတွေကို စိတ်ပျက်တာပါ။ အနာဂတ်မျှော်လင့်ချက်တွေ ပျက်သွားတာမဟုတ်ပါဘူး။ နှစ်သစ်ကို မျှော်လင့်ချက်သစ်တွေ၊ အားမာန်သစ်တွေနဲ့ ကြိုဆိုလျက်ပါပဲ။ ဘာကြောင့်လဲဆိုတော့ အမှောင်မိုက်ဆုံးဆိုတဲ့ သန်းခေါင်အချိန် ကုန်ဆုံးလွန်မြောက်သွားတာနဲ့ တစ်ပြိုင်နက် နေ့သစ်တစ်ခုစတင်ဖို့ အတွက် အမှောင်တိုက်ကြီးထဲကနေပြီး ရောင်နီကလေး စတင်ပေါ်ထွက်လာမြဲဖြစ်လို့ပါ။
ပြဿနာရှိမှနည်းလမ်းရှာ
        ဒီဗုံးခွဲတိုက်ခိုက်မှုကြောင့် ရွှေပြည်တော်သို့သွားရာလမ်းခရီးမှာ အဖျက်အဆီးတွေရှိတယ်၊ ဒီမိုကရေစီကိုမလိုလားတဲ့ သူတွေရှိတယ်ဆိုတာကို မျက်ဝါးထင်ထင် သိမြင်လိုက်ကြရပြီဖြစ်တယ်။ အဲဒီတော့ ပြည်သူတစ်ရပ်လုံး သတိကြီးစွာထားနေကြ တော့မှာ သေချာတယ်။ လူ့သဘာဝက ဘာမှမဖြစ်ရင် ဘာမှဂရုမစိုက်ဘဲ ပေါ့ပေါ့လျော့လျော့နေလေ့ရှိတယ်။ ပြဿနာတစ်ခု၊ အခက်အခဲတစ်ခု ရင်ဆိုင်ကြုံတွေ့လိုက်ရမှ ပြဿနာဖြေရှင်းဖို့ တွေးတောကြံဆတတ်ကြတယ်။ သာမန်အသိဉာဏ် (common sense) လောက်ရှိသူဆိုရင်တောင်ရှေ့မှာ တားဆီးနေတဲ့ကျောက်တုံးကြီးကို ခေါင်းနဲ့ဝင်ဆောင့်မှာမဟုတ်ပါဘူး။ ကျောက်တုံးကြီးကိုဖယ်ရှားပစ်ဖို့ နည်းလမ်းရှာမှာသေချာပါတယ်။
        နည်းလမ်းဆိုတာ ရှာရင်တွေ့ပါတယ်။ မတွေ့ဘဲနေကိုမနေပါဘူး။ အရေးကြီးတာက ဦးတည်ချက်ပန်းတိုင် တိကျခိုင်မာပြတ်သားဖို့နဲ့ ရောက်အောင်သွားမယ်ဆိုတဲ့ သန္နိဋ္ဌာန်စွဲစွဲမြဲမြဲရှိဖို့သာ ဖြစ်တယ်။ဒီအချက်နှစ်ချက်နဲ့ ပြည့်စုံရင်ဘယ်လိုအတားအဆီး၊ အနှောင့်အယှက်မျိုးကိုမှ ကြောက်စရာ မလိုပါဘူး။အဖျက်အင်အားကြီးမားလေလေ သူ့ကိုတန်ပြန်တဲ့စွမ်းအားတွေလည်း ကြီးမားလာလေလေဖြစ်တယ် ဆိုတာနိယာမပဲ။ မကြောက်နဲ့၊ စိတ်မပျက်နဲ့၊ သန္နိဋ္ဌာန်စွဲမြဲခိုင်မာရင် မကျော်ဖြတ်နိုင်တဲ့အခက်အခဲ၊ အတား အဆီးဆိုတာမရှိဘူး။ ခြေနှစ်ဖက်စလုံးမရှိတဲ့သူတောင် ဧ၀ရတ်တောင်ထိပ်ကို ရောက်အောင်တက်နိုင်သေးတာ ပဲမဟုတ်ဘူးလား။

ရင်းမြစ်။ ။www.first-11.com

အကူညီလေးပေးစေချင်ပါတယ်

A Myanmar passport was picked up by a Myanmar girl named Poe Poe.
Passport Owner : Moe Thu Thu Win

Date of Birth: 7/11/1986
Passport No. A105895
Arrived to Singaproe as short visit on : 4/4/2010

Her myanmar IC card and White Card is still inside passport.

Pls contact to : 97249555 – Poe Poe and 97761462 – Aye Yu

Pls spread the message to all of your friends so that someone is able to
find the owner.

မိုးသူသူဝင်း ၏ ပတ်စ်ပို့ ကို ပို့ပို့ မှ ကောက်ရထားပါသည်။

ပတ်စ်ပို့နံပါတ် - A105895
မွေးနေ့သက္ကရာဇ် - 7/11/1986
စင်ကာပူသို့ 4/4/2010 တွင်ရောက်ရှိ။
၎င်း၏ နိုင်ငံသားစိစစ်ရေးကဒ်ပြားနှင့် White Card မှာ
ပတ်စ်ပို့အတွင်းတွင်ထည့်ထား၏။
ပတ်စ်ပို့ နှင့် White Card သည် နိုင်ငံခြားရောက်နေသူတစ်ဦးအဖို့ အသက်တမျှအရေးကြီးပါ၏။
မိတ်ဆွေ -
ဤmailကို သင့်မိတ်ဆွေများထံ ပို့ပေးပါလေ။
မိုးသူသူဝင်း နှင့် အဆက်အသွယ်ရလျှင် ဖုံးနံပါတ် - ပို့ပို့ - 97249555
သို့မဟုတ် အေးယု - 97761462 သို့ ဆက်သွယ်ပါ
မေလ်ပို့ ပေး ။လက်ဆင့်ကမ်း ကြော်ငြာပေးလိုက်ကြပါ ....

ဟတ်ကြီး ရေအား လျှပ်စစ်စီမံကိန်းအတွက် ထိုင်းနှင့် တရုတ်ကုမ္ပဏီ တို့နှင့်သဘောတူလက်မှတ်ထိုး

ကရင်ပြည်နယ် ထိုင်းမြန်မာနယ်စပ်အနီး သံလွင်မြစ်ပေါ်တွင် တည်ဆောက်မည့် ဟတ်ကြီးရေအားလျှပ်စစ် စီမံကိန်းအတွက် နားလည်မှု စာချွန်လွှာကို မြန်မာ ထိုင်းနိုင်ငံနှင့် တရုတ်ရေအားလျှပ်စစ်ဆောက်လုပ်ရေး ကုမ္ပဏီတို့ စနေနေ့က လက်မှတ်ရေးထိုးကြသည်ဟု အစိုးရပိုင် သတင်းစာဖေါ်ပြချက် အရသိရှိရသည်။
မကြာမီစတင် ဆောက်လုပ်မည့် ဟတ်ကြီးရေအားလျှပ်စစ် စီမံကိန်းအတွက် မြန်မာနိုင်ငံဘက်မှ အမှတ် (၁) လျှပ်စစ်စွမ်းအား ၀န်ကြီးဌါန ၀န်ကြီး၊ ထိုင်းနိုင်ငံ EGAT international Co.Ltd နှင့် တရုတ်နိုင်ငံမှ Sino Hydro Corporation Limited တို့ နေပြည်တော်တွင် သုံးပွင့်ဆိုင် နားလည်မှု စာချွန်လွှာကိုလက်မှတ် ရေးထိုးခဲ့ခြင်းဖြစ်သည်။
           အဆိုပါလက်မှတ်ရေး ထိုးသည့်သတင်းကိုသာ ဖေါ်ပြပြီး မည်မျှပမာဏရှိသည့် လျှပ်စစ်ဓါတ်အားထုတ်လုပ်မည်၊ ရင်းနှီးမြှပ်နှံမှု ပမာဏ ၊ ထွက်ရှိလာမည့် ဓါတ်အားကို ထိုင်းနိုင်ငံနှင့် မည်သို့ခွဲဝေသုံးစွဲမည် ဆိုသည့် အချက်အလက် တခုမျှ ဖေါ်ပြထားခြင်းမရှိသည်ကို တွေ့ရှိရသည်။
ဟတ်ကြီး ရေအားလျှပ်စစ်စီမံကိန်းလေ့လာ တိုင်းထွာမှုများကို ၂၀၀၅/ ၂၀၀၆ ခုနှစ်များဆီကတည်းက စတင်ခဲ့ပြီး သဘာဝပတ်ဝန်းကျင် ထိန်းသိမ်းရေးရှုထောင့်  ၊ အဆိုပါဒေသရှိဒေသခံများ၏ နေထိုင် အသက်မွေးဝမ်းကျောင်းမှု ပျက်စီးရမည့်အရေး၊ အဓမ္မအလုပ် စေခိုင်းမည့် အန္တရာယ်နှင့် ကျေးရွာများရွေ့ပြောင်းခိုင်းမည့် အန္တရာယ်တို့ကြောင့် ထိုင်းအခြေစိုက် မြန်မာ အဖွဲ့အစည်းအချို့နှင့် ထိုင်းသဘာဝ ပတ်ဝန်းကျင်ထိန်းသိမ်းရေး အဖွဲ့များက ပြန်လည်စဉ်းစားရန် ထိုင်းအစိုးရသို့ အကြိမ်ကြိမ် မေတ္တာရပ်ခံ တောင်းဆိုခဲ့သော်လည်း မအောင်မြင်ပဲ ယခုကဲ့သို့ တည်ဆောက်ရေး လုပ်ငန်းစတင်ရန် လက်မှတ်ရေးထိုး ခဲ့ကြခြင်းဖြစ်သည်။
ဟတ်ကြီးရေအားလျှပ်စစ် စီမံကိန်းမှ လျှပ်စစ်ဓါတ်အား ၁.၃၅ ဂီဂါဝပ် ထွက်ရှိမည်ဟု ခန့်မှန်းထားပြီး လာမည့် ၂၀၁၅/ ၁၆ ခုနှစ်တွင် လျှပ်စစ်ဓါတ်အားထုတ်လုပ်နိုင်မည်ဟု ခန့်မှန်းထားသည်။
            Sino Hydro Corporation Limited မှာ တရုတ်နိုင်ငံ  အကြီးဆုံး ရေအားလျှပ်စစ် ဆောက်လုပ်ရေး ကုမ္ပဏီနှစ်ခု အနက်တခုဖြစ်ပြီး ရေအားလျှပ်စစ် ဆောက်လုပ်ရေး လုပ်ငန်းများကို အိမ်နီးချင်း လာအို၊ ကမ္ဘောဒီယား နိုင်ငံများတွင်သာမက အာဖရိကနိုင်ငံအများအပြားတွင်လည်း လုပ်ကိုင်လျက်ရှိသည့် ကုမ္ပဏီဖြစ်သည်။

ရင်းမြစ်။ ။မိုးမခ

နိုင်ငံရေးမှုဖြင့် လူငယ် ၇ ဦးကို ရဲက ဖမ်းဆီး

ချင်းမိုင် (မဇ္ဈိမ)။     ။ ရန်ကုန်မြို့ လှည်းတန်း ဘူတာအနီးရှိ တိုက်ခန်းတခုထဲနေ လူငယ် ၇ ဦးကို နိုင်ငံရေး လှုပ်ရှားသည်ဟု သံသယဖြင့် ရဲက ဖမ်းဆီးသွားသလို နောက်ထပ် ဖမ်းဆီးမှုများလုပ်ရန် ရှာဖွေနေသေးသည်ဟု အိမ်နီးချင်းများ အပြောအရ သိရသည်။

အမှတ် ၂၉ ၊ မြေညီထပ်၊ ၁ လမ်း၊ ကွမ်းခြံမြောက်ပိုင်း ၄ ရပ်ကွက်ကို သောကြာနေ့အလွန် စနေနေ့ နေ့ကူးပြီခါစ အချိန်တွင် ရဲများက လာရောက် ဖမ်းဆီးသွားခြင်း ဖြစ်သည်။

လက်နက် တပ်ဆင်ထားသော ရဲ ၆၀ ခန့် ဖမ်းဆီးမှုတွင် ပါဝင်ပြီး မိုဘိုင်းတယ်လီဖုန်း ၃ လုံးကို သိမ်းယူသွားကာ အခန်းကိုလည်း ချိတ်ပိတ်လိုက်ကြသည်။

ရန်ကုန်တိုင်း ရဲနှင့် ကမာရွတ် မြို့နယ် ရဲစခန်းတို့က နိုင်ငံရေးမှုကြောင့် ဖမ်းဆီးရပါသည်ဟု အတည်ပြု ပြောကြားသော်လည်း အထက်လူကြီးများ အမှုကို ကိုင်တွယ်နေမှုနှင့် သတင်းထုတ်ပြန်ခွင့်မရှိ ဟုဆိုကာ အသေးစိတ် ဖြေကြားရန် ငြင်းဆန်သည်။

”အိပ်နေတဲ့ အချိန်ဆိုတော့ တချို့ကလည်း စွတ်ကျယ်နဲ့၊ တချို့ကလည်း ဘောင်းဘီတိုတွေနဲ့ ပါသွားတယ်” ဟု အိမ်နီးချင်း တဦးက မဇ္ဈိမသို့ ပြောသည်။

အဖမ်းခံရသူများမှာ ကိုဗိုလ်ဗိုလ်သိန်း၊ ကိုသောင်းထိုက်ဦး၊ ကိုတင်ထွန်း၊ ကိုစိုးမိုးကျော်၊ ကိုစောယဉ်ရှင်၊ ကိုသော်ဇင်နှင့် ကိုအောင်အောင်တို့ ဖြစ်ကြသည်။

ရဲက နောက်ထပ် လူဖမ်းပွဲအတွက် စုံစမ်းစစ်ဆေးမှုများ ဆက်လက်ပြုနေရာ အနည်းဆုံး တဦးကို သဲကြီးမဲကြီး ရှာနေသည်ဟု သိရသည်။ ရဲက ရှာဖွေနေသူတွင် ကိုကျော်မောင်ဦးဆိုသူ ပါဝင်သည်ဟု သိရသည်။

ရပ်ကွက် အာဏာပိုင်များနှင့် နီးစပ်သော အိမ်နီးချင်းများ ပြန်ပြောပြချက်အရ အဖမ်းခံရသူများမှာ အသက် ၂၀ ကျော်များနှင့် အသက် ၃၀ ပတ်ဝန်းကျင်များဖြစ်ကြပြီး  ယခင် သီတင်းပတ်ကတည်းက ရဲက စောင့်ကြည့်မှုများ ပြုလုပ်ခဲ့သည်ဟု ဆိုသည်။

”သူတို့ ဒီရပ်ကွက်ထဲ နေတာကြာပြီး၊ ရပ်ကွကထဲ ခိုက်ရန် ဖြစ်ပွားတာတော့ မကြားဖူးဘူး”ဟု အိမ်နီးချင်းတဦးက ပြောသည်။

သင်္ကြန်တွင်း ရန်ကုန်မြို့ ကန်တော်ကြီး X2O ရေကစားမဏ္ဍပ်ရှေ့ ပေါက်ကွဲမှုသုံးခု ဆက်တိုက် ဖြစ်ပွားပြီးနောက် ရဲ၏ ခေါ်ယူစစ်ဆေးမှုများနှင့် ဖမ်းဆီးမှုသတင်းများ ထွက်ပေါ်လာနေသည်။

သတင်းထောက် ဦးဇေယျနှင့် သူ၏သားဖြစ်သူ ကိုစည်သူဇေယျတို့ကို ပေါက်ကွဲမှု ဖြစ်ပွားသော နေရာများကို ဓာတ်ပုံရိုက်မှုဖြင့် ဧပြီ ၁၇ ရက်နေ့က ဖမ်းဆီးခဲ့သည်။

စုံစမ်း စစ်ဆေးမှုများ ပြုလုပ်ရာတွင် ပါဝင်ခဲ့သော စစ်အင်ဂျင်နီယာ တဦး အပြောအရ လူအုပ်ထဲ လက်ပစ်ဗုံး သုံးလုံး ပစ်သွင်းခံခဲ့ရခြင်း ဖြစ်သည်ဟု ဆိုသော ပေါက်ကွဲမှုများကြောင့် စစ်ဘက် အရာရှိများနှင့် ပြည်ထဲရေးအောက်ရှိ ရဲနှင့် လုံခြုံရေးဝန်ထမ်းများ၊ ကြံ့ခိုင်ဖွံ့ဖြိုးရေး အသင်းဝင်များ အပါအဝင် လူ ၁၀ ဦးသေဆုံးကာ ၁၇၀ ခန့် ဒဏ်ရာ ရရှိခဲ့သည်။

စစ်တပ်ရေးတဲ့ ဖွဲ့စည်းပုံကြောင့် ထိုင်းနိုင်ငံရေး မတည်ငြိမ်ဟု ဒေါ်စု ဝေဖန်

နေအိမ်မှာ အကျယ်ချုပ်နဲ့ ဖမ်းဆီးထိန်းသိမ်း ခံထားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က လက်ရှိ ထိုင်းနိုင်ငံရဲ့ နိုင်ငံရေး ပြဿနာကို ကြည့်ပြီး စစ်တပ်က ရေးဆွဲထားတဲ့ ဖွဲ့စည်းပုံ အခြေခံဥပဒေအရ အုပ်ချုပ်နေတာကြောင့် ရေရှည်မှာ ပြဿနာတွေ မပြေလည်နိုင်ဘူးလို့ ပြောဆိုလိုက်ပါတယ်။ ဒေါ်အောင်ဆန်းစုကြည်ရဲ့ အကျိုးဆောင်ရှေ့နေကြီး ဦးဉာဏ်ဝင်းနဲ့ မနေ့က တွေ့ဆုံချိန် အဲဒီလို ပြောဆိုလိုက်တာပါ။ အပြည့်အစုံကို မနန္ဒာချမ်းက တင်ပြပေးထားပါတယ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က စစ်တပ်က ရေးဆွဲထားတဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေဟာ ရေရှည်မှာ တိုင်းပြည်ရဲ့ ပြဿနာကို မပြေလည်စေဘူးလို့ သူ့ရဲ့ အကျိုးဆောင် ရှေ့နေကြီး ဦးဉာဏ်ဝင်းနဲ့ တွေ့ဆုံချိန်မှာ မနေ့က ပြောဆိုခဲ့တာပါ။ ထိုင်းနိုင်ငံမှာ အဂတိလိုက်စားမှုနဲ့ ၀န်ကြီးချုပ်ဟောင်း တပ်ခ်ဆင် ရှင်နာဝပ် (Thaksin Shinawatra) ကို ဖြုတ်ချပြီး စစ်တပ်က အာဏာသိမ်း ရေးဆွဲခဲ့တဲ့ ဖွဲ့စည်းပုံ အခြေခံဥပဒေကြောင့် လက်ရှိ ထိုင်းနိုင်ငံမှာ နိုင်ငံရေး ပဋိပက္ခတွေ ဖြစ်ပေါ်နေတာ ဖြစ်တဲ့အကြောင်း၊ ဒီပြဿနာရဲ့ အရင်းခံဟာ စစ်တပ်က ရေးဆွဲခဲ့တဲ့ မခိုင်မာတဲ့ ဖွဲ့စည်းပုံ အခြေခံဥပဒေကြောင့် ဖြစ်တယ်လို့ ဒေါ်အောင်ဆန်းစုကြည်က ပြောဆိုတဲ့အကြောင်း ရှေ့နေကြီး ဦးဉာဏ်ဝင်းက အခုလို ပြောပြခဲ့ပါတယ်။

“သူက အဲဒါနဲ့ ပတ်သက်ပြီးတော့ အခု ဒီမှာလည်း စစ်တပ်က ကြီးကြပ် ဆောင်ရွက်တဲ့ ဖွဲ့စည်းပုံ အခြေခံဥပဒေအရ ရွေးကောက်ပွဲ ပြုလုပ်တော့မှာ။ ထိုင်းနိုင်ငံမှာ ဆိုရင်လည်း အခုဖြစ်နေတဲ့ အခြေအနေတွေရဲ့ အခြေခံက စစ်တပ်က ပြုလုပ်တဲ့ ဖွဲ့စည်းပုံ အခြေခံဥပဒေပဲလို့ အဲဒီလိုသဘောနဲ့ သူ ပြောပြတယ်။”

မြန်မာနိုင်ငံမှာလည်း ရွေးကောက်ပွဲကို ဘယ်တော့ကျင်းပပေးမယ် ဆိုတဲ့ တရားဝင်ရက် အတိအကျကို စစ်အစိုးရဘက်က မသတ်မှတ်ရသေးပေမဲ့ စစ်အစိုးရက ရေးဆွဲထားတဲ့ ၂၀၀၈ ဖွဲ့စည်းပုံ အခြေခံဥပဒေပေါ် မူတည်ပြီးတော့ ရွေးကောက်ပွဲကို မကြာခင် ကျင်းပတော့မှာပါ။ ဒီလို ကျင်းပဖို့အတွက်လည်း ရွေးကောက်ပွဲ ၀င်ကြမယ့် နိုင်ငံရေးပါတီတွေ အနေနဲ့ ပါတီမှတ်ပုံတင်တာတွေ၊ ကိုယ်စားလှယ်လောင်း အမည်စာရင်း သွင်းတာတွေနဲ့ ပါတီစည်းရုံးရေးအတွက် ပြင်ဆင်မှုတွေကို လုပ်ဆောင်နေကြပါပြီ။ လောလောဆယ်မှာ ရွေးကောက်ပွဲအတွက် ပါတီမှတ်ပုံတင်တဲ့ အဖွဲ့ပေါင်း ၁၉ ဖွဲ့အထိရှိပြီး အဲဒီထဲက ၅ ဖွဲ့ကိုတော့ အသိအမှတ်ပြု လက်ခံထားပြီး ဖြစ်တယ်လို့ စစ်အစိုးရပိုင် သတင်းစာတွေမှာ ဖော်ပြထားပါတယ်။

ဒီအပေါ်မှာလည်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က တိုင်းပြည်အတွက် အမှန်တကယ် အဓိပ္ပာယ်ပြည့်ဝတဲ့ ရွေးကောက်ပွဲ ဖြစ်ဖို့ရာအတွက် မဲပေးကြမယ့် မဲဆန္ဒရှင် ပြည်သူတွေ အနေနဲ့ စစ်အစိုးရက ရေးဆွဲထားတဲ့ ၂၀၀၈ ဖွဲ့စည်းပုံ အခြေခံဥပဒေကို သေသေချာချာ ဂဃနဏ သိရှိအောင် ကြိုးစားဖို့ လိုအပ်တယ်လို့ ပြောဆိုခဲ့တဲ့ အကြောင်းလည်း ဦးဉာဏ်ဝင်းက အခုလို ဆက်ပြောပြခဲ့ပါတယ်။

“သူက ရွေးကောက်ပွဲနဲ့ ပတ်သက်ပြီးတော့ မဲဆန္ဒရှင် တယောက်က ရွေးကောက်ပွဲ လုပ်ရတဲ့အကြောင်း၊ ရွေးကောက်ပွဲရဲ့ အခြေခံ ၂၀၀၈ ဖွဲ့စည်းပုံ အခြေခံဥပဒေ၊ အဲဒါတွေကို သိရှိအောင် ကြိုးစားသင့်တယ်။ အကယ်၍ သိရှိဖို့ အခွင့်အရေး မရဘူး၊ မသိရှိဘူးဆိုရင် အဲဒီမဲဆန္ဒရှင်ရဲ့ မဲပေးမှုဟာလည်း ဘာမှ အဓိပ္ပာယ်ရှိမှာ မဟုတ်ဘူးလို့ ပြောပါတယ်။”

NLD အမျိုးသား ဒီမိုကရေစီ အဖွဲ့ချုပ်ဟာ ၁၉၉၀ ရွေးကောက်ပွဲမှာ မဲအပြတ်အသတ် အနိုင်ရခဲ့တဲ့ တရားဝင် နိုင်ငံရေး ပါတီကြီး ဖြစ်ပေမဲ့ ဒီ ၂၀၁၀ ရွေးကောက်ပွဲမှာ မှတ်ပုံမတင်တာကြောင့် လက်ရှိ ပြဋ္ဌာန်းထားတဲ့ စစ်အစိုးရရဲ့ ရွေးကောက်ပွဲဆိုင်ရာ ဥပဒေအရ မေလ ၇ ရက်နေ့ နောက်ပိုင်း တရားဝင် ဆက်လက်ရပ်တည်နိုင်ခြင်း မရှိတော့ပါဘူး။ တကယ်လို့သာ ပါတီကို ဖျက်သိမ်းရမယ်ဆိုရင် မိမိတို့ဘာသာ ဖျက်သိမ်းပေးမှာ မဟုတ်သလို ပါတီဆိုင်းဘုတ်တွေ၊ ပါတီအလံတွေကိုလည်း ဖြုတ်သိမ်းမှာ မဟုတ်ဘူးလို့ ဒေါ်အောင်ဆန်းစုကြည်က သူ့သဘောထားကို ပြောဆိုတဲ့ အကြောင်းလည်း ဦးဉာဏ်ဝင်းက အခုလို ဆက်ပြောပြပါတယ်။

“ရုံးတွေက ဆိုင်းဘုတ်တွေ ဘာတွေကတော့ ကိုယ့်ဆိုင်းဘုတ် ကိုယ် မချနိုင်ဘူး၊ ဒီလို ပါတီကို ပျက်ပြယ်စေတယ် ဆိုတာလည်း တပ်မတော် အစိုးရကလုပ်တဲ့ ဥပဒေပဲ၊ အဲတော့ သူ့အနေနဲ့တော့ ကိုယ့်ဆိုင်းဘုတ် ကိုယ် ဖြုတ်တာမျိုး ဘယ်တော့မှ လုပ်မှာမဟုတ်ဘူး။ ရုံးတွင်းပစ္စည်း ဘာညာကိစ္စကတော့ ကိုယ့်ဟာကိုယ် ထိန်းသိမ်းထားမယ်။ အဖွဲ့ချုပ်ဆိုရင်လည်း ဒေါ်အောင်ဆန်းစုကြည် အနေနဲ့ သူ ပြန်လွတ်မြောက်လာမှ၊ ပြန်လွတ်မြောက်ဖို့ နိုဝင်ဘာကိုလည်း မျှော်လင့်တယ်ပေါ့ဗျာ၊ အဲဒီကျရင် သူ ပြန်လည် စိစစ်မယ်။ ဒီသဘော ပြောပါတယ်။”

ဒါကတော့ ဒေါ်အောင်ဆန်းစုကြည်နဲ့ မနေ့က တွေ့ဆုံခွင့်ရခဲ့တဲ့ အကျိုးဆောင် ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။

NLD အနေနဲ့ အခုလာမယ့် မေလ ၇ ရက်နေ့ ကျော်သွားတာနဲ့ ဥပဒေအရ အလိုအလျောက် ပါတီပျက်ပြယ်ချိန်မှာ ရှိထားတဲ့ အစုအဖွဲ့တွေနဲ့ လူထုအကျိုးပြု လုပ်ငန်းတွေ၊ လူမှုကယ်ဆယ်ရေး လုပ်ငန်းတွေကို ဆက်လက် လုပ်ဆောင်သွားမှာ ဖြစ်သလို တဘက်မှာလည်း နိုင်ငံရေးအရ NLD ရဲ့ မူနဲ့အညီ ဆက်လက်ရပ်တည်နေမှာ ဖြစ်တယ်လို့ ပြောဆိုခဲ့ပါတယ်။

ရင်းမြစ်။ ။http://www.voanews.com/burmese/2010-04-25-voa3.cfm?rss=topstories

Sunday, April 25, 2010

ရွေးကောက်ပွဲ မ၀င်ပေမဲ့ NLD ရုံးချုပ် ပိတ်ဖို့မရှိ

အမျိုးသားဒီမိုကရေစီ အဖွဲ့ချုပ် (NLD) အနေနဲ့ ၂၀၁၀ ရွေးကောက်ပွဲ ဥပဒေအရ နိုင်ငံရေးပါတီအဖြစ် မှတ်ပုံမတင်ဘူး ဆိုပေမဲ့ ပါတီရုံးကို ပိတ်မှာ မဟုတ်သလို ပါတီအလံ၊ ပါတီဆိုင်းဘုတ်ကိုလည်း မိမိဘာသာ ဖျက်သိမ်းပေးမှာ မဟုတ်ဘူးလို့ ပါတီခေါင်းဆောင်တချို့က ပြောလိုက်ပါတယ်။ အပြည့်အစုံကို ဆက်သွယ်မေးမြန်းပြီး ကိုသားညွန့်ဦးက တင်ပြပေးထားပါတယ်။

အမျိုးသားဒီမိုကရေစီ အဖွဲ့ချုပ် အနေနဲ့ ဥပဒေအရ ပါတီတည်ရှိမှု ပျက်ပြယ်သွားမယ်ဆိုရင် အခြေအနေတွေကို ကိုင်တွယ်နိုင်အောင် စီမံခန့်ခွဲမှုဆိုင်ရာ အုပ်ချုပ်ရေး အဖွဲ့တရပ် ဖွဲ့ထားပါတယ်။ ဒါပေမဲ့လည်း NLD အနေနဲ့ သူ့ရဲ့ အဖွဲ့တည်ရှိမှုကိုတော့ မိမိဘာသာ ဖျက်သိမ်းပေးမှာ မဟုတ်ဘူးလို့ အဖွဲ့ချုပ် ခေါင်းဆောင်တဦးဖြစ်တဲ့ ဦးဝင်းတင်က ပြောပါတယ်။

“ကျနော်တို့က နိုင်ငံရေးပါတီ၊ ဖျက်သိမ်းမယ်၊ မဖျက်သိမ်းဘူးဆိုတာ သူတို့အပေါ်မှာသာ တည်တယ်၊ ကျနော်တို့နဲ့ ဘာမှမဆိုင်ဘူး။ ကျနော်တို့ ကိုယ့်ဘာသာလည်း ဘာမှ ဖျက်သိမ်းမပေးဘူး။ အလံချခြင်းတို့၊ ဆိုင်းဘုတ်ဖြုတ်ခြင်းတို့ ဘာမှမလုပ်ဘူး။ ကျနော်တို့လုပ်ငန်း ကျနော်တို့ လုပ်မယ်။ ဒါက ဒေါ်စုရဲ့ အမြင် သဘောထားတွေနဲ့လည်း ထင်ဟပ်ပြီးတော့ ဖြစ်တာလို့ ပြောချင်ပါတယ်။”

ဥပဒေ ကျွမ်းကျင်သူတဦးဖြစ်တဲ့ NLD ပြောခွင့်ရသူ ဦးဉာဏ်ဝင်းကလည်း လက်ရှိ ဥပဒေအတိုင်းဆိုရင် ပါတီ မှတ်ပုံမတင်ရင် အလိုအလျောက် ပျက်ပြယ်တဲ့ သဘောပဲရှိပြီး အစုအဖွဲ့ ဆက်တည်ရှိနေမှုအပေါ် အရေးယူရမယ်ဆိုတဲ့ ဥပဒေ ဖော်ပြချက်မျိုး ဘာမှမတွေ့ရဘူးလို့ ပြောပါတယ်။

“ကျနော်တို့ ပြင်ဆင်မှု မလုပ်ဘူးဗျ၊ လုပ်စရာ မလိုဘူးလို့ ကျနော်တို့က သတ်မှတ်ထားတာ။ ဥပဒေအရ အလိုအလျောက် Cancel ဖြစ်တော့လည်း အလိုအလျောက် ဖြစ်ပေါ့။ ကျနော်တို့က ဒီအတွက် လိုက်လုပ်ပေးစရာ မရှိဘူး။”

အကယ်၍များ မေလ ၇ ရက်နေ့မှာ သူတို့က သူ့ဥပဒေအရ အလိုအလျောက် Cancel ဖြစ်တယ်၊ ပါတီဆိုင်းဘုတ်တွေ တင်ခွင့်မပေးဘူး၊ အလံတွေ တင်ခွင့်မပေးဘူး၊ ရုံးတွေ ဖွင့်ခွင့်မပေးတော့ဘူး ဆိုရင်ရော အန်ကယ်တို့ ဘာများ စဉ်းစားမှုရှိပါလဲ။

“အဲဒီလို ခွင့်မပေးဖို့ကိစ္စ ဘယ်ဥပဒေမှာမှ ကျနော်တော့ မတွေ့ဘူးဗျ။”

ဥပဒေမှာက ဘယ်လိုဆိုထားလဲခင်ဗျ၊ အကယ်၍ မေလ ၇ ရက်နေ့ကျရင် နိုင်ငံရေးပါတီ တရပ်အနေနဲ့ မရှိတော့ဘူးလို့ သဘော မသက်ရောက်နေဘူးလား။

“သက်ရောက်ပါတယ်။”

သက်ရောက်နေတော့ အဲဒါ သူတို့အနေနဲ့ တခြား Action တွေဘာတွေ လုပ်ရမယ်ဆိုတဲ့ ရည်ညွှန်းချက်တွေရော မရှိဘူးလားခင်ဗျ။

“အဲဒီရည်ညွှန်းချက်တွေလည်း ဥပဒေမှာ မရှိဘူး။”

ဦးဝင်းတင်ကတော့ အခုလက်ရှိ ရွေးကောက်ပွဲ ဥပဒေရော၊ ၂၀၀၈ ဖွဲ့စည်းပုံပါ ဥပဒေတွေဟာ မတရားတဲ့ ဥပဒေတွေ ဖြစ်တဲ့အတွက် သူတို့ရပ်တည်ချက် လုပ်ရပ်တွေကို ဒီဥပဒေတွေနဲ့ စံနှုန်းထား သတ်မှတ်တာမျိုး လက်မခံနိုင်ဘူးလို့ ဆိုပါတယ်။

“ကျနော်တို့ကတော့ ဥပဒေဘောင်အတွင်းမှာ ဆိုတာ ဘာလဲဆိုတော့ ကျနော်တို့က တရားဥပဒေ ဘောင်အတွင်းမှာ ရှိတယ်၊ ရပ်တည်တယ်။ ဒါပေမဲ့ ရွေးကောက်ပွဲ ၀င်မယ်တို့၊ ပါတီ မှတ်ပုံတင်မယ်ဆိုတဲ့ လူတွေရဲ့ ဥပဒေဘောင်အတွင်း ဆိုတာက ၂၀၀၈ ဥပဒေဘောင်အတွင်း၊ ၂၀၀၈ အခြေခံ ဥပဒေကနေ ချတဲ့ ဘောင်အတွင်း ဖြစ်မယ်။ ကျနော်တို့ကတော့ တရားဥပဒေ ဘောင်အတွင်းမှာ ရှိတယ်။ တရားမျှတခြင်း၊ လွတ်လပ်ခြင်းဆိုတဲ့ ဘောင်အတွင်းမှာ ရှိတယ်လို့ ကျနော်က ယူဆတယ်။”

အန်ကယ်တို့အနေနဲ့ အလံမချဘူး၊ ဆိုင်းဘုတ်ကိုလည်း မဖြုတ်ဘူး၊ ဒီအတိုင်းထားမယ်ဆိုရင် ၁၉၈၉ ခုနှစ်တုန်းက အန်ကယ်တို့ တကယ်တမ်း ကြွေးကြော်ပြီး လှုပ်ရှားခဲ့ကြတဲ့ မတရားတဲ့ ဥပဒေတွေကို ဆန့်ကျင်ရေးဆိုတဲ့ လမ်းကြောင်းပေါ်ကို ရောက်မသွားနိုင်ဘူးလား ခင်ဗျ။

“မတရားတဲ့ ဥပဒေတွေကတော့ ရှိနေပြီ။ ဒေါ်စုကနေပြီးတော့ ဒီဥပဒေတွေ ထွက်ကတည်းက ပြောခဲ့တဲ့စကား ၂ ခွန်း ရှိပါတယ်။ ဒီဥပဒေတွေက မတရားဘူး၊ မတရားဘူးဆိုရင် ကျနော်တို့က မတရားတဲ့ အမိန့်အာဏာ ဟူသမျှ ဖီဆန်ကြဆိုတဲ့ သဘောထား၊ လမ်းကြောင်း လုပ်ငန်းစဉ်ဟာ ကျနော်တို့ ရှိနေတဲ့ သို့မဟုတ် ဒီလမ်းစဉ်အတိုင်းပဲ ဆက်ပြီးတော့ ကိုင်စွဲဦးမယ်လို့ ဆုံးဖြတ်ရင် အထွေအထူး စဉ်းစားစရာ မလိုတော့ဘူး။ ဘာဖြစ်လို့လဲဆိုတော့ ဒီဥပဒေတွေက မတရားတဲ့ ဥပဒေတွေ ဖြစ်နေတာကိုး။

“သို့သော် ကျနော်တို့က အဲဒီဟာကို လုပ်ငန်းစဉ်အနေနဲ့ ကိုင်စွဲသေးသလား၊ ကိုင်စွဲလို့ ရသေးသလား၊ ကိုင်စွဲဦးမလား ဆိုတာကတော့လည်း အဓိက ဖြစ်နေပြန်တယ်ပေါ့ဗျာ။ ဘာဖြစ်လို့လဲဆိုတော့ ၀ိညာဉ်အားဖြင့်တော့ ကျနော်တို့ထဲမှာ ဒီအနှစ် ၂၀ ကာလပတ်လုံး ရှိခဲ့တယ်။ သို့သော် အဲဒါကို ကျနော်တို့ လှုပ်ရှားမှု အနေနဲ့ ကိုင်စွဲမလား၊ မကိုင်စွဲဘူးလား ဆိုတာကတော့ အဆင့်တဆင့်ဖြစ်မယ်၊ သို့မဟုတ်လည်း ကဏ္ဍသစ်တခု ဖြစ်ကောင်း ဖြစ်လိမ့်မယ်လို့ ကျနော် အဲဒီလိုပဲ ပြောချင်ပါတယ်။”

NLD အနေနဲ့ မေလ ၇ ရက်ကျော်လို့ ဥပဒေအရ အလိုအလျောက် ပါတီပျက်ပြယ်ချိန်မှာ ရှိထားတဲ့ အစုအဖွဲ့တွေနဲ့ လူထုအကျိုးပြုလုပ်ငန်း၊ လူမှုကယ်ဆယ်ရေး လုပ်ငန်းတွေကို လုပ်သွားမယ်လို့ ဆိုသလို တဘက်မှာလည်း နိုင်ငံရေးအရ ဆက်ရှိနေဦးမယ်လို့ ပြောပါတယ်။ ဒါပေမဲ့ ဒီအစုအဖွဲ့တွေနဲ့ နိုင်ငံရေးအရ ဘယ်လို ရပ်တည်လှုပ်ရှားမလဲ ဆိုတဲ့ အစီအစဉ် အသေးစိတ် အတိအကျကိုတော့ ပါတီခေါင်းဆောင်ပိုင်း ကြားမှာ သဘောထား ကျထားပုံ မရသေးပါဘူး။

ရင်းမြစ်။ ။http://www.voanews.com/burmese/2010-04-22-voa4.cfm

Saturday, April 24, 2010

နအဖလက်ချက်မှတပါး အခြားမရှိ


“သင်္ကြန်အကြတ်နေ့ X20 မဏ္ဍပ်ရှေ့မှာ ဖောက်ခွဲတဲ့ ရည်ရွယ်ချက်မှာ-
၁။ NLD နဲ့ အခြား ဒီမိုကရေစီ ပါတီတွေ၊ ဒီမိုကရေစီအင်အားစုတွေကို နာမည်ဖျက်ရေး
၂။ ငြိမ်းချမ်းရေး နိုဘယ်ဆုရှင် ပြည်သူ့အချစ်တော် ဒေါ်အောင်ဆန်းစုကြည်ရဲ့ အခန်းကဏ္ဍ မှေးမှိန်သွားရေး
၃။ ဒီမိုကရေစီ အင်အားစုများနဲ့ ပြည်သူများအကြား အထင်လွဲမှားစေရေး
၎။ ဒီမိုကရေစီ အင်အားစုများအပေါ် နိုင်ငံတကာက အကြမ်းဖက်သမားအဖြစ် အထင်လွဲမှားစေရေး…. တို့ဖြစ်ပါတယ်။ …”


နအဖလက်ချက်မှတပါး အခြားမရှိဆိုတာဟာ ၂၀၁၀- ၄ လ ၁၅ ရက် သင်္ကြန်အကြတ်နေ့ X20 မဏ္ဍပ်ရှေ့ ပေါက်ကွဲမှုအပါအ၀င် ရန်ကုန်နယ်နိမိတ်အတွင်း ပေါက်ကွဲမှုများဟာ နအဖ လက်ချက်သာ ဖြစ်တယ်လို့ ဆိုလိုခြင်း ဖြစ်ပါတယ်။
ယခင်ရန်ကုန်မြို့
ရန်ကုန်မြို့ဟာ ဟိုးနှစ်ပေါင်းများစွာ နိုင်ငံရေး အစိုးရအဆက်ဆက် ကတည်းက အလွန်စည်းကားသန့်ရှင်းသပ်ရပ်တဲ့ မြို့တော် ဖြစ်ပါတယ်။ ရန်ကုန်မြို့ဟာ အစိုးရရုံးစိုက်ရာ ကုလသမဂ္ဂရုံးစိုက်ရာ နိုင်ငံတကာ သံရုံးများစိုက်ရာ မြို့ဖြစ်တဲ့အပြင် ပြည်တွင်းပြည်ပကုန်သွယ်ရေးဆိုင်ရာ စီးပွားရေး အချက်အချာကျတဲ့ မြို့လည်း ဖြစ်ပါတယ်။
ပြည်သူအများထံမှ ကောက်ခံရရှိတဲ့ အခွန်တော်ငွေတွေနဲ့ ရှင်သန်နေရတဲ့ အစိုးရအဖွဲ့အစည်းများကလည်း ပြည်သူများရဲ့ အသက်အိုးအိမ် စည်းစိမ်များကို ကာကွယ်စောင့်ရှောက်ပေးရမယ့် တာဝန်ရှိသလို တာဝန်ကျေပွန်အောင်လည်း ထမ်းဆောင်ခဲ့ကြပါတယ်။ ပြည်ပရန်နဲ့ လက်နက်ကိုင်သောင်းကျန်းသူများရဲ့ ရန်ကို ကာကွယ်ပေးဖို့ အစိုးရက ဖွဲ့စည်းထားတဲ့ တပ်မတော်ကလည်း သူတို့တာဝန်ကို ကျေပွန်အောင် ထမ်းဆောင်ခဲ့လို့ အစိုးရနဲ့ပြည်သူ တပ်မတော်နဲ့ပြည်သူများဟာ အစဉ်ကြည်ဖြူလျက်ရှိကြပါတယ်။ ပူပင်ကြောင့်ကြမှုဆိုတာလည်း မရှိကြပါ။
ယခုရန်ကုန်မြို့
န၀တ၊ နအဖ ခေတ်ရောက်လာတဲ့အခါ ရန်ကုန်မြို့ဟာ မြို့အင်္ဂါရပ်နဲ့ မညီတော့ဘဲ တောရွာဇနပုဒ် အဆင့်လောက်သာ ရှိပါတော့တယ်။ အခုဆိုရင် ဒုစရိုက်မြို့လို ဖြစ်နေပါပြီ။
ရန်ကုန်မြို့နယ်အတွင်းရှိ မြို့နယ်တိုင်း ရပ်ကွက်တိုင်းမှာ ဒုစရိုက်မှုတွေ၊ရာဇ၀တ်မှုတွေဟာ နေ့စဉ်နဲ့အမျှ ဖြစ်ပွားလျက်ရှိပါတယ်။ ဒါ့အပြင် မကြာခဏ ဗုံးပေါက်ကွဲမှုတွေ ဖြစ်ပေါ်လျက်ရှိပါတယ်။ ဒါကြောင့် ရန်ကုန်သားတွေဟာ နေ့စဉ်နဲ့အမျှ ကြောင့်ကြပူပန်မှုတွေ စိုးရိမ်မှုတွေနဲ့ ရင်ဆိုင်နေကြရပါတယ်။
ရန်ကုန်မြို့တည်ရှိမှု
ရန်ကုန်မြို့ဟာ -
၁။ ထိုင်း အိန္ဒိယ၊ တရုတ်၊ ဘင်္ဂလားဒေ့ရှ် နိုင်ငံတွေနဲ့ ထိစပ်နေတဲ့ နယ်စပ်မြို့ မဟုတ်တာရယ်
၂။ ရန်ကုန်မြို့ဝင်ပေါက်တွေ အားလုံးကို လုံခြုံရေးတပ်ဖွဲ့တွေက နေ့ညမပြတ်စောင့်ကြပ်နေတာရယ်
၃။ ရန်ကုန်နယ်နိမိတ်အတွင်းရှိ မြို့နယ်တိုင်း ရပ်ကွက်တိုင်းမှာ ထောက်လှန်းရေး၊ ရဲ၊ မယက၊ ရယက၊ ကြံ့ဖွတ်၊ စွမ်းအားရှင်တွေက ရပ်ကွက်ထဲဝင်လာတဲ့ သူစိမ်းမှန်သမျှကို နေ့ညမလွတ်တမ်း စောင့်ဖမ်းနေတာရယ်….
စတာတွေကြောင့် ရန်ကုန်မြို့အတွင်းကို ဘယ်နယ်ခြား၊ပယ်ခြားက လူစိမ်းမှ မလာရောက်နိုင်သလို ဘာလက်နက်မှလည်း မ၀င်နိုင်ပါ။ ရန်ကုန်မြို့သူမြို့သားတွေမှာ ဓားမတိုမှလွဲလို့ ဘာလက်နက်မှ မရှိပါ။ ဗုံးတို့၊ သေနတ်တို့ဆိုတာတော့ ဝေလာဝေးပါ။
ရန်ကုန်မြို့နေလူထုဟာ နအဖရဲ့ လုံခြုံရေးတပ်တွေ ထူထပ်စွာ ချထားနေပါလျက် သူပုန်သူကန်တွေလည်း မ၀င်နိုင်ပါလျက် ရန်ကုန်မြို့သားတွေမှာလည်း ဘာလက်နက်မှ မရှိပါလျက်နဲ့ ဘာကို စိုးရိမ်ကြောင့်ကြ နေကြတာလဲလို့ ဆန်းစစ်ကြည့်တဲ့အခါ မကြာခဏ ပေါက်ကွဲလေ့ရှိတဲ့ ဗုံးတွေကြောင့် ဖြစ်ကြောင်း တွေ့ရှိရပါတယ်။
ရန်ကုန်နေလူထုမှာလည်း ဒီလှိုဗုံးမျိုးမရှိ၊ နယ်ခြားက ဘယ်သူကမှ ၀င်မလာနိုင်လို့ ဘာဗုံးမှလည်း မရှိ။ အဲဒီတော့ ရန်ကုန်မှာ မကြာခဏပေါက်နေတဲ့ ဗုံးတွေဟာ ဘယ်ကထွက်လာသလဲလို့ ဆန်းစစ်ကြည့်ရင် ‘ရွှေသမင်ဘယ်ကထွက်၊ မင်းကြီးတာကထွက်’ ဆိုတဲ့အတိုင်း နအဖဆီက ထွက်လာတဲ့ဗုံးတွေ ဖြစ်နေပြီဆိုတာ သေချာပေါက် တွက်လို့ရပါပြီ။ ဒီလိုဆိုရင် သင်္ကြန်အကြတ် ၂၀၁၀၊ ၄ လ ၁၅ ရက်နေ့က X20 မဏ္ဍပ်ရှေ့မှာ ပေါက်ကွဲတဲ့ ဗုံးသုံးလုံးဟာ နအဖခွဲတဲ့ ဗုံးတွေဖြစ်နေပြီဆိုတာ သေချာနေပါပြီ။ အဲဒီဗုံးခွဲမှုမှာ လူ ၁၀ ယောက်သေ၊ ၁၇၀ ကျော် ဒဏ်ရာရတဲ့ ရာဇ၀တ်မှု တရားခံဟာ နအဖပါပဲ။
ဒါကြောင့် ရန်ကုန်နယ်နိမိတ်အတွင်း ပေါက်ကွဲတဲ့ဗုံးတွေဟာ နအဖ လက်ချက်မှတပါး အခြားမရှိ ဖြစ်နေပါတယ်။
နအဖရဲ့ရည်ရွယ်ချက်က ဘာလဲ
နအဖရဲ့ တခုတည်းသော ရည်ရွယ်ချက်မှာ ရာသက်ပန် အကြွင်းမဲ့ အာဏာရှင်ဖြစ်ရေး ဖြစ်ပါတယ်။
နအဖ အာဏာရှင်တွေဟာ အကြွင်းမဲ့ အာဏာရှင် ဖြစ်ရေးအတွက် ၂၀၁၀ ရွေးကောက်ပွဲကို ဗန်းပြပြီး လုပ်နေတာဖြစ်တယ်။ ဥပမာ-
၁။ NLD အပါအ၀င်နိုင်ငံရေးပါတီတွေ တခုမကျန်ဖျက်သိမ်းရေး
၂။ တိုင်းရင်းသားလက်နက်ကိုင် အဖွဲ့အစည်းတွေ ပျက်သုဉ်းရေး
၃။ အဲလိုလုပ်ပြီးမှ ၂၀၁၀ ရွေးကောက်ပွဲနဲ့ အောင်ပွဲခံပြီး ရာသက်ပန် အာဏာတည်မြဲရေး ဖြစ်တယ်။
သင်္ကြန်အကြတ်နေ့ X20 မဏ္ဍပ်ရှေ့မှာ ဖောက်ခွဲတဲ့ ရည်ရွယ်ချက်မှာ-
၁။ NLD နဲ့ အခြား ဒီမိုကရေစီ ပါတီတွေ၊ ဒီမိုကရေစီအင်အားစုတွေကို နာမည်ဖျက်ရေး
၂။ ငြိမ်းချမ်းရေး နိုဘယ်ဆုရှင် ပြည်သူ့အချစ်တော် ဒေါ်အောင်ဆန်းစုကြည်ရဲ့ အခန်းကဏ္ဍ မှေးမှိန်သွားရေး
၃။ ဒီမိုကရေစီ အင်အားစုများနဲ့ ပြည်သူများအကြား အထင်လွဲမှားစေရေး
၎။ ဒီမိုကရေစီ အင်အားစုများအပေါ် နိုင်ငံတကာက အကြမ်းဖက်သမားအဖြစ် အထင်လွဲမှားစေရေး…. တို့ဖြစ်ပါတယ်။
နအဖရဲ့ သမားရိုးကျကောက်ကျစ်နည်း
(က) စစ်အာဏာရှင်တွေဟာ အာဏာတည်မြဲရေးအတွက် လိမ်ညာကောက်ကျစ်နည်းတွေကို ရေလဲ သုံးလေ့ရှိပါတယ်။ အထိမ်းအမှတ်ပွဲ တခုခု သို့မဟုတ် နှစ်စဉ်ကျင်းပမြဲ ပွဲတော်တခုခု ရောက်ခါနီးတိုင်း အဖျက်သမားရန်ကြောင့်ဟု အကြောင်းပြပြီး လုံခြုံရေးအင်အားတိုးမြှင့်ချထား၊ ပြီးတော့မှ သူတို့ဘာသာ ဗုံးခွဲပြီး ကေအန်ယူ၊ အေဘီအက်ဒီအက်ဖ်၊ အန်န် စီယူပီ၊ အန်စီဂျီယူပီ စတဲ့ အဖွဲ့တခုခုရဲ့ လက်ချက်လို့စွပ်စွဲ၊ တရားခံကို မကြာမီဖော်ထုတ်မယ်လို့ ယုတ္တိရှိအောင် လိမ်ညာကာ ကြေညာ၊အစွပ်စွဲခံရတဲ့ အဖွဲ့တွေက ပြန်ငြင်းဆို၊ မကြာမီ ဘယ်နှစ်ယောက် ဖမ်းမိထားပြီလို့သာ သတင်းစာမှာကြေညာပေမယ့် ဖမ်းမိတဲ့ တရားခံရဲ့ဓာတ်ပုံ ဖော်ပြခြင်းမရှိ၊ဓာတ်ပုံ မပါတာကို ထောက်တော့ နအဖက ကြီးမားတဲ့ အစဉ်အလာအတိုင်း လိမ်ညာနေပြီဆိုတာ ထင်ရှားပါတယ်။
နအဖလက်ချက်မှတပါး အခြားမရှိတဲ့ လူသတ်မှုကြီးများ
(က) အက်စ်တူး ဗိုလ်ချုပ်တင်ဦးကို လုပ်ကြံမှုများ
၁၉၉၆ ခု၊ ဒီဇင်ဘာလကုန်ပိုင်း ကမ္ဘာအေးစေတီအနီးရှိ ပန်းအိုးအတွင်းက ပေါက်တဲ့ဗုံးကို ကေအင်န်ယူနဲ့၊ အေဘီအက်စ်ဒီအက်ဖ် တို့လက်ချက်လို့ စွပ်စွဲတယ်။ အဲဒီနှစ်ဖွဲ့က သူတို့လုပ်တာ မဟုတ်ဘူးလို့ ငြင်းဆိုတယ်။ နောက်မကြာမီမှာပဲ ကမ္ဘာအေးစေတီအနီး အမှိုက်ပုံထဲမှာ တစ်ကြိမ် ဗုံးပေါက်တယ်။ အဲဒီ နှစ်ကြိမ်စလုံးဟာ အက်စ်တူး တင်ဦးထွက်ခွါသွားပြီးမှ ပေါက်ကွဲတဲ့ ဗုံးတွေ ဖြစ်တယ်။
၁၉၉၇ ဧပြီလဆန်းမှာ တတိယအကြိမ် အက်စ်တူး တင်ဦးအိမ်မှာ စာအိပ်ဗုံးပေါက်ကွဲစဉ်က ဗိုလ်တင်ဦးရဲ့သမီး လဲ့လဲ့ဦးဟာ ဓားစာခံအဖြစ် သေဆုံးခဲ့ရတယ်။ အဲဒီစာအိပ်ဗုံးကို စီအာဒီဘီက ဂျပန်နိုင်ငံကနေ ပို့တဲ့ဗုံးဖြစ်သယောင် လိမ်ညာစွပ်စွဲခဲ့တယ်။ ဒါပေမယ့် ဂျပန်စာတိုက်ဌာနက အဲဒီစာအိပ်ဗုံးဟာ သူတို့ဆီက ထွက်သွားတဲ့ စာအိပ်ဗုံးမဟုတ်ဘူးလို့ အခိုင်အမာ ငြင်းဆိ်ုတဲ့အတွက် နအဖ အရှက်ကွဲခဲ့ရတယ်။ အမှန်စင်စစ်က အက်စ်တူး တင်ဦးကို လုပ်ကြံဖို့ နအဖလက်ပါးစေတစ်ဦးက စာပို့သမားဟန်ဆောင်ပြီး စာအိပ်ဗုံးကို ဝေပေးသွားတာ ဖြစ်တယ်လို့ နောက်ပိုင်းတွင် သတင်းတွေ ထွက်ပေါ်လာတာ တွေ့ရပါတယ်။
ကမ္ဘာအေးစေတီမှာ ပေါက်ကွဲတဲ့ ဗုံးနှစ်လုံး၊ အက်စ်တူးတင်ဦးအိမ်မှာ ပေါက်ကွဲတဲ့ ဗုံးတစ်လုံး ပေါင်း ဗုံးသုံးလုံးဟာ နအဖအတွင်း အာဏာလွန်ဆွဲပွဲမှ အက်စ်တူးတင်ဦးကို မလိုလားတဲ့ဘက်က လုပ်ကြံတယ်ဆိုတာ ခုလောက်ဆို သိလောက်ပါပြီ။ ပိုထင်ရှားစေတဲ့ စတုတ္ထအကြိမ်လုပ်ကြံမှုက သက်သေပြနေပါတယ်။
၂၀၀၁- ၂- ၁၉ ရက်နေ့ မော်လမြိုင်က ဖားအံအသွား စစ်အရာရှိမောင်းတဲ့ ရုရှားလုပ် စစ်ရဟတ်ယာဉ် MI-17 Helicoptor ပေါ်မှာ အချင်းချင်း ပစ်ခတ်ရင်း အက်စ်တူး တင်ဦး သေဆုံးခြင်းက သက်သေခံနေပါတယ်။ စစ်အရာရှိကြီးငယ် ၂၀ ကျော် သေဆုံးတာဟာ နအဖချင်းရဲ့ လက်ချက်ဖြစ်ပေမယ့် စစ်အစိုးရက ရာသီဥတု ဆိုးဝါးမှုကြောင့် ရဟတ်ယာဉ်ပျက်ကျတာလို့ လိမ်ညာကာ ကြေညာခဲ့ပါတယ်။
(ခ) ဒီပဲယင်းလုပ်ကြံမှု
၂၀၀၃ ခု၊ မေလ ၃၀ ရက်နေ့ ညနေက ဖြစ်ပွားတဲ့ ဒီပဲယင်း သတ်ဖြတ်မှုဟာလည်း နအဖလက်ချက်ပါပဲ။ အဲဒီနေ့ညက ဒေါ်အောင်ဆန်းစုကြည်နဲ့ အတူသွားသူများထဲမှ လူအချို့နှင့် ဒေါ်စုကို လာကြိုသူ စုစုပေါင်း ၂၈၂ ယောက် အသတ်ခံရပြီး ရာနဲ့ချီပြီး ဒဏ်ရာရတဲ့ ဒီပဲယင်းလုပ်ကြံသတ်ဖြတ်မှုဟာ (ဒီပဲယင်းလုပ်ကြံမှု အရေးယူဆောင်ရွက်ရေးကော်မတီ၏ ဒုတိယအကြိမ် ပဏာမအစီအရင်ခံစာ) နအဖဥက္ကဋ္ဌ ဗိုလ်ချုပ်မှူးကြီး သန်းရွှေကိုယ်တိုင် လှို့ဝှက်ညွှန်ကြားပြီး ဗိုလ်ချုပ်စိုးဝင်း (ယခုကွယ်လွန်သူ ၀န်ကြီးချုပ် ဗိုလ်ချုပ်ကြီး စိုးဝင်း) က အနီးကပ် ကြီးကြပ်တဲ့ လူသတ်ပွဲကြီးဖြစ်တယ်။ ဒါပေမယ့် ဒေါ်စုကို ထောက်ခံသူများနဲ့ ဒေါ်စုကို ဆန့်ကျင်သူများအုပ်စု နှစ်ခု ခိုက်ရန်ဖြစ်ပွားတာလို့ စစ်အစိုးက လိမ်ညာကာ ကြေညာခဲ့ပါတယ်။
ဒါဟာလည်း နအဖလက်ချက်မှတပါး အခြားမရှိတဲ့ လူသတ်မှုကြီးပါပဲ။
(ဂ) တက္ကသိုလ်ရိပ်သာလမ်း ၅ လောင်းပြိုင်လူသတ်မှု
၂၀၀၈ ခု၊ မတ်လ ၃ ရက်နေ့ ညနေက ဖြစ်ပွားတဲ့ ရန်ကုန်မြို့ တက္ကသိုလ်ရိပ်သာလမ်းက ၅ လောင်းပြိုင်လူသတ်မှုဟာလည်း နအဖလက်ချက်ပါပဲ။ အသတ်ခံရတဲ့အိမ်ဟာ အစိုးရ စိမ်းလဲ့ကန်သာ ဧည့်ဂေဟာနဲ့ ဒေါ်အောင်ဆန်းစုကြည် အိမ်အကြားမှာဖြစ်ပြီး လက်နက်ကိုင် လုံခြုံရေးတွေ အမြဲ အပြည့်ချထားတဲ့ နေရာဖြစ်တယ်။ ဒီလမ်းဟာ ဘက်စ်ကားလိုင်းတွေ ဖြတ်သန်းသွားလာခွင့်ပိတ်ထားတဲ့လမ်း၊ ကိုယ်ပိုင်ကားတွေတောင် သွားချင်တိုင်း သွားလို့မရတဲ့လမ်း။ လက်နက်ပါသူမပြောနဲ့ လက်နက်မပါတဲ့ သာမန်လူတွေ သွားတာတောင်မှ စစ်ဆေးရေးဂိတ်တွေကို ဖြတ်ပြီးမှ သွားရတဲ့လမ်းဖြစ်လို့ ဒီ ၅ လောင်းပြိုင် သတ်တဲ့ တရားခံဟာ သာမန်အရပ်သူ၊ အရပ်သားတွေ မဖြစ်နိုင်သလို မိသားစု ၀င်တွေထဲကလည်း လုံးဝမဖြစ်နိုင်။ အဲဒီတော့ ဒီ ၅ လောင်းပြိုင် လူသတ်မှုဟာ နအဖလက်ချက်မှတပါး အခြား ဘယ်သူမှ မရှိပါ။
လူသတ်သမားတွေက အသံတိတ် (၉မမ) ပစ္စတိုသုံးပြီး သွေးအေးအေးနဲ့ ပစ်သတ်သွားတယ်လို့ ဆိုတယ်။ သေသူတွေကတော့ မြန်မာပြည်မှာ အချမ်းသာဆုံးစာရင်းဝင် ကျောက်သူဋ္ဌေးကြီး မိုးကုတ်ဦးမြမောင်ရဲ့ သမီး ဒေါ်စန်းစန်းမြမိသားစု ၅ ယောက် ဖြစ်ပါတယ်။
နအဖ သတင်းစာတွေမှာ ရာဇ၀တ်မှုတွေကို နေ့ချင်းညချင်းဖော်ထုတ်နိုင်တယ်၊ဖမ်းဆီးနိုင်တယ် လို့ မကြာခဏ ဖော်ပြပါတယ်။ ရဲချုပ် ဗိုလ်ချုပ်ခင်ရီကလည်း လူသတ်တရားခံအစစ်ကို မိဖို့ အသေအခြာ စစ်ဆေးနေပါတယ် လို့ ပြောပါတယ်။ (ဒီဗွီဘီ ၃၊ ဂျူလိုင်၊ ၂၀၀၈) ဒါပေမယ့် ဒီနေ့အထိ သုံးနှစ်ကျော်လာပြီ။ ဘာသဲလွန်စမှ မပေါ်သေးတာကို ထောက်တော့ ဒီ ငါးလောင်းပြိုင်လူသတ်မှုဟာ နအဖလက်ချက် ဖြစ်နေလို့ပေါ့။ သာမန်အမှုဆို နေ့ချင်းညချင်း ဖမ်းမိပါတယ်။
ပိုသေချာပြီ နအဖလက်ချက်
ယနေ့မြန်မာ (Burmatoday) ဆီဝင်လာတဲ့ “ငါးလောင်းပြိုင်လူသတ်မှုနဲ့ ပတ်သက်တဲ့ အီးမေးတစ်စောင်အရ- ငါးလောင်းပြိုင်လူသတ်မှုတရားခံတွေဟာ ထိုင်းလူမျိုး ခြောက်ဦးနဲ့ ၀လူမျိုး တစ်ဦးကို ဗိုလ်ချုပ်မှူးကြီး သန်းရွှေရဲ့သားက ငှါးရမ်းသတ်ဖြတ်ခိုင်းတာဖြစ်ကြောင်း၊ သတ်ရခြင်းရဲ့ အကြောင်းရင်းက ဗိုလ်သန်းရွှေရဲ့သမီး သန္တာရွှေရဲ့ မင်္ဂလာဆောင်မှာ (အသတ်ခံရသူ) ဒေါ်စန်းစန်းမြဆီက ငှါးရမ်းထားတဲ့ စိန်တွေကို ပြန်မပေးလို့ ဒေါ်ကြိုင်ကြိုင်နဲ့ စကားများရာက ဗိုလ်သန်းရွှေရဲ့သားက လူရမ်းကားတွေကို ငှါးရမ်း သတ်ဖြတ်ခိုင်းတာ ဖြစ်ကြောင်း ဖော်ပြထားတာ တွေ့ရပါတယ်။ (ယနေ့မြန်မာ ၉ - ၂၆ - ၂၀၀၈)
အဲဒီနောက် ဒီဗွီဘီက ရတယ်ဆိုတဲ့ အီးမေးတစ်ပုဒ်မှာလည်း- သေဆုံးသူမိသားစုဟာ ဗိုလ်ချုပ်မှူးကြီးသန်းရွှေရဲ့သမီး မင်္ဂလာဆောင်အတွက် စိန်လက်ဝတ်ရတနာတွေ ငှါးပြီးပြန်မပေးလို့တောင်းရာက အသတ်ခံရတာလို့လည်း ပါရှိပါတယ်။ (“ငါးလောင်းပြိုင်လူသတ်မှု ၁ နှစ်ခွဲကျော်ကြာသည်အထိ မပေါ်သေး” ဟူသောခေါင်းစဉ်ဖြင့် ဒီဗွီဘီ ၁၉ - ၁၀ - ၂၀၀၉ တွင် ဖော်ပြထားသည့် သတင်းဖြစ်ပါသည်။)
တဖန် ဒီဗွီဘီရဲ့ အခြားသတင်းတစ်ပုဒ်မှာ- ဒီအမှုမှာ ထိပ်ပိုင်း စစ်ဗိုလ်ချုပ် မိသားစုဝင်တွေ ပါဝင်ပတ်သက်နေတာမှို့ ပြည်ထဲရေးဝန်ကြီးကိုယ်တိုင် မဆုံးဖြတ်နိုင်ဘဲ ဗိုလ်ချုပ်မှူးကြီး သန်းရွှေထံ ပေးပို့လိုက်ရတယ်လို့လည်း ဆိုထားပါတယ်။ (ဒီဗွီဘီ ဂျူလိုင် ၃ - ၂၀၀၈)
ပိုသေချာတဲ့ စာပေစိစစ်ရေးရဲ့ညွှန်ကြားချက်
တက္ကသိုလ်ရိပ်သာလမ်း ငါးလောင်းပြိုင်လူသတ်မှုဟာ နအဖလက်ချက်ဆိုတာ တိကျမှန်ကန်အောင် စာပေစိစစ်ရေးရဲ့ ညွှန်ကြားချက်ကလည်း သက်သေပြနေပါတယ်။ ၎င်းညွှန်ကြားချက်အရ- ပြည်တွင်းပုဂ္ဂလိက ဂျာနယ်များအနေဖြင့် ယခုအမှုနှင့်ပတ်သက်၍ သတင်းရေးသားပါက အစိုးရပိုင် သတင်းစာများတွင် ရေးသားဖော်ပြသည်ထက် ပိုမိုဖော်ပြခြင်းမပြုရန် စာပေစိစစ်ရေးက ညွှန်ကြားထားတယ် လို့လည်း သိရပါတယ်။ (ခေတ်ပြိုင် ၁၄ - ၃ - ၂၀၀၈)
အထက်ဖော်ပြပါ ၂၀၁၀ - ၄ - ၁၅ သင်္ကြန်အကြတ်နေ့က ပေါက်ကွဲပြီး လူအများ သေကြေဒဏ်ရာရတဲ့ ရာဇ၀တ်မှုဟာ ရက်သတ္တ နှစ်ပတ်ပြည့်တော့မယ်။ ဘာသဲလွန်စမှ မပေါ်သေးပါ။ အရင်က ဖြစ်ပျက်ခဲ့တဲ့ နအဖ အက်စ်တူး ဗိုလ်ချုပ်တင်ဦးလုပ်ကြံခံရမှု၊ ဒီပဲယင်းမှာ လူပေါင်း ၂၈၂ ယောက် အသတ်ခံရမှု၊ တက္ကသိုလ်ရိပ်သာလမ်းက ငါးလောင်းပြိုင် လူသတ်မှု၊ စတဲ့ရာဇ၀တ်မှုတွေဟာ ဒီနေ့အထိ ဘာသဲလွန်စမှ မပေါ်သေးပါ။
သာမန်အားဖြင့် ရာဇ၀တ်မှုများကို နအဖက နေ့ချင်းညချင်း ဖော်ထုတ်နိုင်ခဲ့ပါတယ်။ ဒါပေမယ့် အထက်ဖော်ပြပါ လူသတ်မှုကြီးတွေဟာ ဒီနေ့အထိ် လက်သည် တရားခံမပေါ်သေးတာကို ထောက်တော့ ဒီပြစ်မှုကြီးတွေမှာ နအဖအာဏာရှင်ကြီးတွေကိုယ်တိုင် ကျူးလွန်၊ သို့မဟုတ် ပါဝင်ပတ်သက်နေတယ်ဆိုတာ ထင်ရှားနေပါပြီ။
ဒါကြောင့် လက်သည်တရားခံမပေါ်တဲ့ ရန်ကုန်နယ်နိမိတ်အတွင်းက ဖြစ်ပွားတဲ့ ရာဇ၀တ်မှုတွေဟာ နအဖလက်ချက်မှတပါး အခြားမရှိ ကြောင်း အများပြည်သူများ သိကြစေရန် တင်ပြအပ်ပါကြောင်း။

ရွှေပြည်စိုး
ရင်းမြစ်။ ။မိုးမခ

အာဏာရှင်အောက်က ရုန်းထွက်ဖို့ အလားအလာ အကောင်းဆုံးအချိန်

အမေရိကန်ပြည်ထောင်စု ကယ်လီဖိုးနီးယားပြည်နယ်က ရီပါပလစ်ကန် ကွန်ဂရက်စ်လွှတ်တော်အမတ် ဒေနာ ရိုရာဘာကာ (Dana Rohrabacher) က အခုအချိန်ဟာ မြန်မာပြည်သူတွေ ဒီမိုကရေစီအင်အားစုတွေ၊ တိုင်းရင်းသားတွေနဲ့ မျိုးချစ် တပ်မတော်သားတွေ ညီညီညွတ်ညွတ်နဲ့ စစ်အာဏာရှင်စနစ်အောက်ကနေ ရုန်းထွက်ဖို့ အကောင်းဆုံး အချိန်ဖြစ်တယ်လို့ ပြောကြားလိုက်ပါတယ်။

မြန်မာအရေးနဲ့ပတ်သက်ပြီးတော့ ကွန်ဂရက်စ်လွှတ်တော်မှာ သူပြောကြားတဲ့မိန့်ခန်းနဲ့ပတ်သက်ပြီး ဗွီအိုအေ မြန်မာပိုင်းက ဆက်သွယ်မေးမြန်းချက်ကို ဖြေကြားရာမှာ သူက အခုလို ပြောကြားသွားတာဖြစ်ပါတယ်။ အထက်က ပြောကြားခဲ့သလိုပဲ မြန်မာပြည်သူတွေ၊ ဒီမိုကရေစီအင်အားစုတွေနဲ့ မျိုးချစ်တပ်မတော်သားတွေ ပူးပေါင်းကြရင် လျှပ်တပြတ်အတွင်းမှာ အောင်မြင်မယ်လို့ မစ္စတာ ရိုရာဘာကာ က ဆိုထားတဲ့အတွက် ဒါဟာ အပြောလွယ်သလောက် လုပ်ရခက်မယ့်ကိစ္စ၊ "easier said than done" ဖြစ်မနေဘူးလား ဆိုတဲ့ ဗွီအိုအေ မြန်မာပိုင်းရဲ့ အမေးကိုတော့ သူက အခုလို စပြီးတောဖြေပါတယ်။

"ကျနော့်အနေနဲ့ အမေရိကန်နိုင်ငံခြားရေး မူဝါဒချမှတ်ရာမှာ ထဲထဲဝင်ဝင် ပါဝင်ပတ်သက်လာခဲ့ပြီး မြန်မာ့အရေးကို မြန်မာပြည်သူတွေရဲ့ အကျပ်အတည်းကို သတိထားစောင့်ကြည့်လာခဲ့တဲ့ ၂၁ နှစ်အတွင်းမှာ အခုချိန်ဟာ မြန်မာပြည်သူတွေ သူတို့ကိုယ်သူတို့ လွတ်မြောက်အောင်လုပ်ဖို့၊ အာဏာရှင်စနစ်အောက်က လွတ်မြောက်အောင်လုပ်ဖို့အတွက်ရော၊ တရုတ်တို့ရဲ့ ကျွန်အဖြစ် ကျရောက်နိုင်တဲ့ အန္တရာယ်က လွတ်မြောက်အောင် လုပ်ဖို့အတွက်ပါ အခွင့်အလမ်း အကောင်းဆုံး အချိန် ဖြစ်ပါတယ်။"

အခုချိန်ဟာ အခွင့်အသာဆုံးလို့ဆိုရလောက်အောင် အရင်ကနဲ့ ဘာများကွာခြားနေလို့လဲ ဆိုတဲ့မေးခွန်းကိုတော့ လွှတ်တော်အမတ် ဒေနာရိုရာဘာကာ က အခုလို ဖြေကြားသွားပြန်ပါတယ်။

"ကျနော်တို့ဟာ အခု ပွင့်နေတဲ့တံခါးဝတခုကို ရောက်ရှိနေပါတယ်။ မင်းဆိုးမင်းညစ်စနစ်ကို ဆန့်ကျင်တဲ့ မြန်မာပြည်က အဖွဲ့အစည်းအမျိုးမျိုးတို့ဟာ ဒေါ်အောင်ဆန်းစုကြည်နဲ့ တခြားသူတွေ ဦးဆောင်တဲ့မြန်မာတွေ တိုင်းရင်းသားအုပ်စုတွေဟာ စည်းစည်းလုံးလုံး ညီညီညွတ်ညွတ်နဲ့ ပူးပေါင်းဆောင်ရွက်ရမယ့်အချိန်ပါ။ ပြည်သူတွေရဲ့ ဆင်းရဲဒုက္ခဟာ အခုလောက် ဘယ်တုန်းကမှ မဆိုးခဲ့ပါဘူး။ စစ်တပ်အတွင်းမှာရှိတဲ့ မျိုးချစ်တပ်မတော်သားတွေအနေနဲ့လည်း ချစားပျက်စီးနေတဲ့ အစိုးရ၊ တရုတ်လို ပြည်ပနိုင်ငံမျိုးရဲ့ လက်အောက်ခံလုပ်ချင်နေတဲ့ အစိုးရရဲ့ စစ်တပ်ဖြစ်နေတာထက် လူထုရဲ့ ချစ်ခင်လေးစားမှုကို ရရှိတဲ့ ပြည်သူ့ဝန်ထမ်း တပ်မတော်ဖြစ်မြောက်ရေးကို လိုလားတောင့်တနေကြပါတယ်။"

အမေရိကန်အောက်လွှတ်တော်အမတ် ဒေနာရိုရာ ဘာကာ ပြောသွားတာဖြစ်ပါတယ်။

ရင်းမြစ်။ ။http://www.voanews.com/burmese/2010-04-24-voa1.cfm?rss=topstories

Friday, April 23, 2010

ပါတီမှတ်ပုံ မတင်ဘဲ စည်းရုံးရေး ဆင်းမှုများရှိနေ

  ပါတီမှတ်ပုံ မတင်သေးသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (ကြံ့ဖွံ့) သည် အစိုးရက ပြဋ္ဌာန်း ထားသည့် ရွေးကောက်ပွဲ ဥပဒေ၊ နည်းဥပဒေများနှင့် ဆန့်ကျင်လျက် စည်းရုံးရေး လုပ်ငန်းများ လုပ်ဆောင်နေကြောင်း သိရသည်။

စည်းရုံးရေးလုပ်ရာတွင် ကြံ့ဖွံ့နှင့် အတူ ပါတီထောင်ခွင့် မကျသေးသော တိုင်းရင်းသား စည်းလုံးညီညွတ်ရေး ပါတီ (တစည) သည်လည်း ပါဝင်သည်။

၁၉၉၀ တွင် ရွေးကောက်ပွဲ ဝင်ခဲ့ဖူးသည့် တည်ဆဲပါတီ ၁၀ ခုအနက် ပြန်လည် မှတ်ပုံတင်သော ပါတီ ၃ ခုတွင် တစညလည်း ပါဝင်သည်။ တခြားပါတီဟောင်း နှစ်ခုမှာ ပြည်ထောင်စု ကရင် အမျိုးသားများ အဖွဲ့ချုပ်နှင့်  မြို (ခေါ်) ခမီ အမျိုးသား ညီညွတ် ရေး အဖွဲ့ (မ၊ ခ၊ မ၊ ည၊ ဖ) တို့ ဖြစ်သည်။

“ရပ်ကွက်တွေထဲ လိုက်ပြီးတော့ သူတို့ တစညနဲ့ ကြံ့ဖွံ့တွေ စည်းရုံးရေး ဆင်းနေတယ်ကြားတယ်လေ၊ သူတို့ ပါတီထဲ ပါမလား ဆိုပြီး လိုက်ပြီး စာရင်းတွေ ကောက်နေတယ်၊ အန်ကယ်တို့ကတော့ ကိုယ့်ဟာကိုယ် လုပ်ကိုင် ရှာဖွေ စားသောက်နေ ကြတာ၊ ဘယ်ပါတီ၊ ဘယ်နိုင်ငံရေးကိုမှ စိတ်မဝင်စားဘူးလို့ ပြောလိုက်တယ်”ဟု ဒဂုံမြို့သစ် တောင်ပိုင်းမှ အငြိမ်းစား ကျောင်းဆရာ တဦးက ပြောသည်။

နိုင်ငံရေးပါတီများ မှတ်ပုံတင်ခြင်း ဥပဒေ၊ အခန်း (၂)၊ ပုဒ်မ ၃ (ခ) အရ ကော်မရှင်က စိစစ်၍ ခွင့်ပြုပြီး ပါတီထောင်ခွင့် ရမှသာ စည်းရုံးခွင့် ရမည်ဖြစ်သည်။ ယင်း ဥပဒေပြဋ္ဌာန်းချက်နှင့်အညီ ခွင့်ပြုလိုက်သော ပါတီမှာ နှစ်ခုသာ ရှိသေးသည်။

ဦးရဲထွန်း၏ ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ် နှင့် ဦးအေးလွင်၏ ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ)တို့ကို နိုင်ငံရေးပါတီ တည်ထောင်ခွင့် ပြုကြောင်း ဧပြီ ၂၂ ရက်နေ့တွင် ကော်မရှင်က ကြေညာ သည်။

ရွေးကောက်ပွဲ နည်းဥပဒေ ပုဒ်မ ၅ (စ) အရ ပြည်ထောင်စု တဝန်းလုံး စည်းရုံးရေးဆင်းမည့် ပါတီဖြစ်ပါက နိုင်ငံရေးပါတီ အဖြစ် မှတ်ပုံတင်ခွင့် ပြုသည့်နေ့မှစ၍ ရက်ပေါင်း ၉၀ အတွင်း ပါတီဝင်ဦးရေ အနည်းဆုံး တထောင်၊ တိုင်းဒေသကြီး သို့မဟုတ် ပြည်နယ်တွင် စည်းရုံးမည့် ပါတီ ဖြစ်ပါက ပါတီဝင်ဦးရေ အနည်းဆုံး ငါးရာ စုဆောင်း ရမည်ဟု ပြဋ္ဌာန်းထားသည်။

ဦးအေးလွင်က“လူတထောင်တို့၊ ငါးရာတို့ တင်ရမှာဆိုတော့ လူစုဆောင်းရေး လုပ်ရတာပေါ့၊ အဲဒီအခါကျတော့ ပါတီ ထူထောင်ရေး ကိစ္စမှာလည်း လူစုဆောင်းပြီးလုပ်မှ ရမယ့် အခြေအနေ ဖြစ်နေတာကိုး၊ ဒါကိုပဲ စည်းရုံးရေးလို့ ပြောရင်လည်း  ပြောလို့ ရမယ်”ဟု ဆိုသည်။

ဒီမိုကရက်တစ်ပါတီ (မြန်မာပြည်) မှ ဦးသုဝေကလည်း“သူတို့ တစည၊ ကြံ့ဖွံ့ တို့ကတော့ လုပ်နိုင်တာပေါ့၊ အစိုးရက ခွင့်ပြု ထားတာကိုး၊ ကိုယ်တွေက ကိုယ့်ဟာကိုယ် စုပြီး လုပ်ရတာ၊ ဒါပေမယ့် သူတို့လောက် မလုပ်နိုင်ဘူး”ဟု ဧရာဝတီသို့ ပြော သည်။

ပါတီ ဖွဲ့ခွင့် မရှိသေးသဖြင့် ကိုယ့်နည်းကိုယ့်ဟန်ဖြင့် မသိမသာ စည်းရုံးမှုများကို မြို့နယ်များ၌ ဒီမိုကရက်တစ် ပါတီက ပြုလုပ်နေကြောင်းလည်း ဦးသုဝေက ဆိုသည်။

လပွတ္တာမြို့ခံ တဦးကလည်း“ဒီမှာ စည်းရုံးရေး ဆင်းနေတာကတော့ တစည ရယ်၊ ကြံ့ခိုင်ရေး ရယ် ရှိတယ်၊ တခြားအဖွဲ့ အစည်းတွေတော့ မရှိဘူး၊ ပါတီ မှတ်ပုံ တင်မထားဘဲ အခုလို စည်းရုံးရေး ဆင်းတာကတော့ သူတို့က အစိုးရနဲ့ နီးစပ်တဲ့ အဖွဲ့အစည်းတွေ၊ အစိုးရနောက်ခံ အဖွဲ့အစည်းတွေပဲလေ”ဟု ပြောသည်။

ကြံ့ဖွံ့သည် ၁၉၉၃ ခုနှစ်တွင် ပြည်ထဲရေးဝန်ကြီးဌာန၌ လူမှုရေးအဖွဲ့အစည်းအဖြစ် မှတ်ပုံတင်ခဲ့ပြီး စတင်ဖွဲ့စည်းစဉ်က နိုင်ငံ ရေး နှင့် မပတ်သက်ဟု ဆိုခဲ့သော်လည်း နောက်ပိုင်းတွင် နအဖ၏ နိုင်ငံရေးမူဝါဒများကို အကောင်အထည် ဖော်လာခဲ့သည်။

ရန်ကုန်တိုင်းနှင့် ဧရာဝတီတိုင်းတို့တွင် ကြံ့ဖွံ့သည် လမ်းခင်းခြင်း၊ ငွေချေးခြင်း၊ ဆေးပေးခန်း ဆောက်လုပ်ခြင်းများဖြင့် စည်းရုံး ရေး ဆင်းနေသည်။ ဖြိုးစေတနာ အမည်ရှိ အခမဲ့ဆေးခန်းများကို ရန်ကုန်တိုင်း အတွင်းရှိ မြို့နယ် အများအပြားတွင် ဖွင့်လှစ် နိုင်ရန် ကြံ့ဖွံ့က စီစဉ်နေကြောင်း သိရသည်။

“တချို့နေရာတွေမှာ ကြံ့ခိုင်ရေးတို့၊ တစညတို့ စည်းရုံးရေး ဆင်းနေတယ်ဆိုတာ ကြားရတယ်ဗျာ၊ အဲဒါကတော့ သူတို့ နည်းနည်း ဆန္ဒစောနေတယ်လို့ ကျနော် မြင်တယ်”ဟု ဦးအေးလွင်က ပြောသည်။

ပြီးခဲ့သည့် ဇန်နဝါရီ လဆန်းပိုင်းတွင် ကြံ့ဖွံ့နှင့် တစည တို့ ပူးပေါင်း၍ ရခိုင်ပြည်နယ်၊ မောင်းတောမြို့နယ်ရှိ ရိုဟင်ဂျာများကို ဆန်၊ အဝတ်အစားများ ပေးခြင်း၊ မှတ်ပုံတင်ကတ် ထုတ်ပေးမည်ဟု ပြောဆို စည်းရုံးခြင်းများ ရှိကြောင်း သိရသည်။

ကြံ့ဖွံ့နှင့် တစညတို့၏ စည်းရုံးရေး လှုပ်ရှားမှုများသည် ရွေးကောက်ပွဲ ဥပဒေ၊ နည်းဥပဒေများကို ဆန့်ကျင် ဖောက်ဖျက်ရာ ကျသော်လည်း ရွေးကောက်ပွဲ ကော်မရှင်က စုံစမ်း အရေးယူခြင်းရှိကြောင်း မကြားသိရသေးပေ။

ပါတီများသည် ရက် ၉၀ အတွင်း သတ်မှတ် ပါတီဝင်ဦးရေ ပြည့်မီရန် မစည်းရုံးနိုင်ပါက မှတ်ပုံတင်ခြင်း နည်းဥပဒေ၊ အခန်း (၃)၊ အပိုဒ် ၁၃ (ဂ) အရ ရွေးကောက်ပွဲ ကော်မရှင်က ယင်းပါတီအား ဖျက်သိမ်းခွင့်ရှိသည်။

ကော်မရှင်သို့ ပါတီ မှတ်ပုံတင်ခွင့် လျှောက်ထားသော ပါတီသစ် ၁၆ ခုနှင့် ပြန်လည် မှတ်ပုံတင်သော ပါတီဟောင်း ၃ ခု စုစုပေါင်း ပါတီ ၁၉ ခုရှိပြီဖြစ်သည်။

ရင်းမြစ်။ ။ဧရာဝတီ

နေပြည်တော်၌ စစ်တပ်အဆင့်မြင့် အရာရှိများ သွားလာခွင့် ကန့်သတ်

နေပြည်တော် စစ်ဌာနချုပ် နယ်မြေနှင့် ဆက်စပ်နယ်မြေ အတွင်း ပြီးခဲ့သည့် ဧပြီ ၁၇ ရက်နေ့က စတင်၍ လုံခြုံ ရေး တိုးမြှင့်ထားပြီး စစ်တပ် အဆင့်မြင့် အရာရှိကြီးများ၏ နေပြည်တော်သို့ လာရောက်သည့် ခရီးစဉ်များ ကန့်သတ် ထားကြောင်း သိရသည်။

ကန့်သတ်မှုမှာ တိုင်း စစ်ဌာနချုပ်များ၏ တိုင်းမှူးအဆင့် ဗိုလ်ချုပ်များနှင့် တပ်မမှူး အဆင့်ရှိ ဗိုလ်မှူးချုပ်များ၏ ခရီးစဉ်များဖြစ်ကြောင်း နေပြည်တော် စစ်ဌာနချုပ်မှ လာသော သတင်းများက ဆိုသည်။

စစ်အစိုးရ မြို့တော်သစ် နေပြည်တော်တွင် ပြီးခဲ့သည့် မတ်လ ကုန်ပိုင်းက တွေ့ရသော ဆောက်လုပ်နေဆဲ လွှတ်တော် အဆောက်အအုံ (ဓာတ်ပုံ - Reuters)
ယင်းတိုင်းမှူးနှင့် တပ်မမှူးအဆင့်ရှိ အရာရှိကြီးများနေဖြင့် နေပြည်တော်သို့ လာရောက်မည့် အကြောင်းကို ကြိုတင် သတင်း ပေးပို့ရမည်ဖြစ်ပြီး သွားရောက်တွေ့ဆုံမည့် အရာရှိကြီးများ၏ ခွင့်ပြုချက်လည်း လိုအပ် သည်ဟု တပ်မတော် စစ်ရုံးချုပ် ရုံးစိုက်ရာ နေပြည်တော်တိုင်း စစ်ဌာနချုပ်မှ အရှာရှိတဦးက ပြောဆိုသည်။

“ဧပြီ ၁၇ ရက်နေ့က ကက(ကြည်း)ကနေ တိုင်းစစ်ဌာနချုပ်နဲ့ တပ်မဌာနချုပ်တွေကို ညွှန်ကြားချက်ပို့ထားပါ တယ်၊ ဘယ်တိုင်းမှူး ဘယ်တပ်မမှူးမှ ခွင့်ပြုချက်မပါဘဲ စစ်ရုံးချုပ်ရှိတဲ့ နေပြည်တော်တိုင်း စစ်ဌာနချုပ်ကို လာစရာ မလိုဘူးလို့ ညွှန်ကြားထားတယ်”ဟု ၎င်းက ဧရာဝတီ သို့ ပြောသည်။

နေပြည်တော်သို့ လာရောက်သည့် တိုင်းမှူး ဗိုလ်ချုပ်များနှင့် တပ်မမှူး ဗိုလ်မှူးချုပ်များ၏ တည်းခိုရာနေရာကို လည်း ကြိုတင် သတင်းပေးပို့ရမည်ဖြစ်ပြီး ကာကွယ်ရေး ၀န်ကြီးဌာန စစ်ရုံးချုပ်ရှိ ကက(ကြည်း)၏ ညွှန်ကြား ချက် ရရှိမှ တည်းခိုနေထိုင်ရမည်ဖြစ်သည်ဟုလည်း ယင်းစစ်ဌာနချုပ် အရာရှိက ပြောဆိုသည်။

တိုင်းမှူးနှင့် တပ်မမှူးများ၏ နေပြည်တော်ခရီးစဉ်အတွင်း လုံခြုံရေးအရ လိုက်ပါမည့်သူများနှင့် ရုံးအဖွဲ့ကို လည်း ခရီးစဉ်မတိုင်ခင် ၄ ရက်ခန့် ကြိုတင်သတင်းပို့ပေးရန်နှင့် ခွင့်ပြုချက်ရပြီးမှ ဆက်လက်ဆောင်ရွက်ရ  မည်ဖြစ်ကြောင်း သိရသည်။

“အဓိက ကတော့ လက်နက်ခဲယမ်း ယူဆောင်လာတာကို ကန့်သတ်ဖို့ပဲဖြစ်ပါတယ်၊ ကက(ကြည်း)က အကြောင်း အမျိုးမျိုးကြောင့် နေပြည်တော်ကို လာရောက်မယ့် အရာရှိတွေရဲ့ လက်နက်ခဲယမ်းများ ယူဆောင်တာကို နဂို ကထက် တင်းကျပ်လိုက်တာဖြစ်တယ်”ဟု အထက်ပါ အရာရှိက  ဆက်ပြောသည်။

အဆိုပါ ကက(ကြည်း)၏ တိုင်းမှူး၊ တပ်မမှူးများကို နေပြည်တော်သို့ ခရီးသွားလာခွင့် ကန့်သတ်ခြင်းနှင့် လုံခြုံရေး အတွက် အတူပါလာသည့် အရာရှိများ၏ လက်နက်ခဲယမ်းများ ကန့်သတ်ခြင်းသည် စစ်ရုံးအတွင်း ပစ်ခတ်မှုများ ဖြစ်လာမည်ကို စိုးရိမ်မှုကြောင့် ဖြစ်ကြောင်း စစ်ဘက်လေ့လာသူများက သုံးသပ်သည်။

ပြီးခဲ့သည့် ဧပြီလ ၁၅ ရက်နေ့(သင်္ကြန် အကြတ်နေ့)က ရန်ကုန်မြို့ မင်္ဂလာ တောင်ညွန့်မြို့နယ် ကန်တော် ကြီး အနီးရှိ X2O ရေကစား မဏ္ဍပ်ရှေ့တွင် ဗုံးသုံးလုံး ပေါက်ကွဲမှုကြောင့် ရန်ကုန်တိုင်း အမှတ်(၄) စစ်ဒေသ မှူး ဗိုလ်မှူးကြီး အုံးချိုနှင့် မြို့နယ်အဆင့် အရာရှိများအပါအ၀င် လူ ၁၇၀ ဒဏ်ရာရရှိပြီး အငြိမ်းစား ဗိုလ်ကြီး တဦးဖြစ်သည့် မင်္ဂလာတောင်ညွှန့်မြို့နယ် စည်ပင်သာယာ အုပ်ချုပ်ရေးမှူး ဦးသန့်စင်သိမ်း အပါအ၀င် ယနေ့ အထိ ၁၀ ဦး သေဆုံးခဲ့ကြောင်း ရန်ကုန်မြို့က အပတ်စဉ်ထုတ် ဂျာနယ်များတွင် ဖေါ်ပြသည်။

ယင်းဧပြီ ၁၅ ရက်နေ့ တရက်တည်းတွင်ပင် နေပြည်တော်ရှိ Asia World ကုမ္ပဏီပိုင် မြတ်တော်ဝင် ဟိုတယ် တွင်လည်း ဗုံးတွေ့ရှိကြောင်း ဟိုတယ် တာဝန်ရှိသူတဦးက ပြောသည်။

ရင်းမြစ်။ ။ဧရာဝတီ