Sunday, February 28, 2010

ငါတို့လက်များ၊ ငါတို့သွေးများနှင့် ခွပ်ဒေါင်းအားမာန်



(၁)
စက်တင်ဘာအရေးအခင်း.... တဲ့
စစ်တွေမြို့နယ်ကစ
တစ်နိုင်ငံလုံးအုံကြွခဲ့။
န.အ.ဖ ရဲ့
တစ်အိမ်တစ်ယောက် အတင်းအကျပ်လိုက်စု
လူထုဆန္ဒဖော်ထုတ်ပွဲအတု..... မဟုတ်ဘူး
မြန်မာပြည်သူတွေရဲ့
အမျိုးသားရေးစိတ်ဓါတ်ကိုယ်စီနဲ့
တာဝန်သိသိပြသခဲ့ကြတဲ့
ဒီမိုကရေစီတောင်းဆိုပွဲကြီးဖြစ်တယ်။
(၂)
သံဃာတွေ
သီလရှင်တွေဟာ
ငါတို့အတွက်
မြန်မာပြည်ကြီးအတွက်
အသက်ကိုစတေး
ကျင့်ဝတ်ကိုချိုးဖောက်
ရဲရဲတောက်လမ်းလျှောက်ခဲ့ကြ
ခြေဖ၀ါးကွဲအက်တဲ့အထိ။
ဘယ်သူတွေကြည့်နေရက်မလဲ
သံဃာနဲ့ပြည်သူအတူဆင်နွှဲ
ရာဇ၀င်ရဲ့ပွဲတော်အသစ်
အချစ်ကိုခဏဖယ်
မိသားစုကိုဘေးချိတ်
ပညာရေးကိုခေါက်သိမ်း
အလုပ်ကိုထားရစ်
မဆုတ်မနစ်တဲ့ဇွဲသတ္တိနဲ့
ငါတို့တွေ ချီတက်လာပါပြီ။

(၃)
ငါတို့အထဲမှာ
မုတ်ဆိတ်ဖားဖားနဲ့ဗလီဆရာတွေ
လက်ဝါးကပ်တိုင်နဲ့ဖာသာကြီးတွေ
မဟာယနနဲ့ ထေရ၀ါဒ
အစ္စလာမ်နဲ့ ခရစ်ယာန်
အပြန်အလှန်ဖေးမကူတွဲ
ဗမာ့ဒီမိုကရေစီတိုက်ပွဲကို
မခွဲအတူတောင်းဆိုနေကြရဲ့။
အင်္ကျီဗလာနဲ့သူဖုန်းစား
ဟန်းဖုန်းအသစ်နဲ့သူဌေးသား
ရော့ခ်ကာနဲ့ရက်ပ်ပါ
လူကြီးနဲ့လူငယ်
ကျောင်းသားနဲ့လက်လုပ်လက်စား
မိန်းမနဲ့ယောက်ျား
ရင်ဘောင်တန်းလို့ တသားတည်းဖြစ်တယ်။
တိုင်းရင်းသားလူမျိုးပေါင်းစုံရဲ့
ညီညွတ်မှုပြယုဂ်အမှန်
အာဏာရှင်ကိုတွန်းလှန်ကြဖို့
ငါတို့တွေချီလာပါပြီ။

(၄)
၈၈ မျိုးဆက်ကျောင်းသားနဲ့
၂၀၀၇ မျိုးဆက်ကျောင်းသားတို့
စုပေါင်းအားနဲ့လွှင့်ထူ
ခွပ်ဒေါင်းအလံတလူလူ
တို့ပြည်သူတွေလွတ်လပ်ဖို့
တို့နိုင်ငံတော်လွတ်လပ်ဖို့
အသက်ကိုပဓါနမထား
ရှေ့ဆုံးကလျှောက်သွားကြပြီ။
ရန်ကုန်မြို့ရဲ့
အိမ်အသွယ်သွယ်၊ လမ်းအသွယ်သွယ်
တိုက်ခန်း၊ ဆိုင်ခန်းအသွယ်သွယ်က
မျိုးချစ်ပြည်သူအသီးသီးရဲ့
လက်ခုပ်တီးသံ တဖြောင်းဖြောင်း
ဗြောင်းဆန်အောင်ဟစ်ကြွေးအားပေး
ငါ့တို့သွေးတွေ စည်းခဲ့ပြီ
ငါတို့သွေးတွေ စည်းခဲ့ပါပြီ။

(၅)
အစိမ်းရောင်ယူနီဖောင်းနဲ့ အရိုင်းကောင်တွေ
ရွံရှာစက်ဆုပ်ဖွယ်လုံထိန်းရဲတွေရဲ့
နံပါတ်တုတ်နဲ့ဒိုင်းချပ်
သေနတ်နဲ့ လက်ပစ်ဗုံးတွေက
ပြည်သူရဲ့အမုန်းကို
မျက်လုံးချင်းမဆိုင်ရဲကြဘူး။
ငြိမ်းချမ်းစွာ
ငါတို့ဆန္ဒပြတယ်
သံဃာတို့ရဲ့အေးမြသာယာသော
မေတ္တာပို့သံ တညံညံ
ဘ၀ဂ်အထိလျှံတက်
မိုးအုံ့တဲ့ နေ့ရက်တွေမှာ...
ရန်ကုန်မြို့ရဲ့ ပေတစ်ရာလမ်းမတွေဟာ
" အရှေ့အရပ်၌ရှိသော......." အစချီကာ
ခြေသံတွေနဲ့ သိမ့်သိမ့်တုန်ခါပေါ့။
မာန်ဟုန်ပြင်းစွာ
ငါတို့တွေ ချီလာခဲ့ကြ။

(၆)
ရိုင်ဖယ်ကြီးတကားကား
ယူနီဖောင်းတလွှားလွှားနဲ့
ဝီစကီပုလင်း ခါးကြားထိုး
ခွေးမျိုးခွေးနွယ် ခွေးစစ်သားတွေ
လည်ပတ် အနီ၊ အ၀ါ၊ အပြာများပတ်
ဘုရားပေါ်မှာ မားမားရပ်လို့
သတ်ဖို့ ဖြတ်ဖို့ စောင့်နေကြရဲ့။
ငါတို့ ဆက်လျှောက်တယ်
ငါတို့ ဆက်ကြွေးကြော်တယ်
ဒီမိုကရေစီအရေးအတွက်
အသက်ကို အလေးမထား
ငါတို့၏ လက်ခုပ်သံများ
ကမ္ဘာအနှံကကြားစေသား။

(၇)
"လက်ညိုးညွှန်ရာ
သွေးချောင်းစီးစေသတည်း"
ဘုရင်ရူးကြီး 'သန်းရွှေ'
တချက်လွှတ် စေခိုင်းချက်မှာ
ငါတို့တွေ လဲပြိုခဲ့ကြ။
လမ်းမပေါ်......
ရဟန်းတော်တို့
စစ်သားများအား ရှိခိုးကြပြီ...
ဆူးလေကောင်းကင်မှာ လျှပ်ပန်းတွေလက်
မေတ္တာပို့သံတစ်ဝက်မဆုံးမီ
သံဃာတို့ခေါင်း ဟက်တက်ကွဲရ
ရဟန်းတို့သွေး မြေသို့ခ ။
သေနတ်သံ တဒိန်းဒိန်း
မိုးကြိုးပစ်သံ တဂျိန်းဂျိန်းနဲ့အတူ
မငြှိမ်းနိုင်တဲ့ လက်ခုပ်သံတွေ
ဝေါခနဲ ပျံတက်ကြ

"လူအချင်းချင်းသတ်ဖြတ်ခြင်း ကင်းရှင်းကြပါစေ...
တို့မေတ္တာစွမ်း ကမ္ဘာလွှမ်း ငြိမ်းချမ်းကြပါစေ...
သံဃာသတ်တဲ့မိစ္ဆာတွေ မိုးကြိုးပစ်လို့သေပါစေ..."
.......... စသဖြင့်

"ကမ္ဘာမကြေ".....သီချင်းကို ပြိုင်တူသီဆို
ဒဏ်ရာကို လက်နဲ့အုပ်ကွယ်
သွေးအိုင်အလယ်အားတင်းရပ်
နိုင်ငံအတွက် အသက်ပေးမယ်
ဆယ်ပြန်မကသေရဲတယ်
မျိုးဆက်သစ်ငါတို့လူငယ်။

(၈)
မြင့်မြတ်စွာ
ကျဆုံးသွားကြပါတဲ့
ငါတို့ရဲ့သူရဲကောင်းတွေဟာ
မြန်မာပြည်သူအားလုံးရဲ့ရင်ထဲ
အမြဲရှိနေမှာပါ။
သူတို့ဟာ
သေနတ်ပြောင်းဝရှေ.မှာ
ရင်ကော့ကာအံကိုကြိတ်
အမျိုးသားရေးစိတ်ဓါတ်ပြည့်ဝစွာ
အသေခံတိုက်ပွဲဝင်ခဲ့ကြရှာပေါ့။
သင်တို့အား
ကျန်ရစ်သူငါတို့သည်
ရင်ထဲမှအမျှ ဝေပါ၏။
လူသေသော်လည်း
သမိုင်းမသေသောသင်တို့အား
မဆုံးနိုင်သောလက်များဖြင့်
အလေးအမြတ်ပြုပါ၏။
(၉)
သွေးတွေ
သွေးတွေ......
ဘယ်တော့မှမခြောက်ဘူး
ငါတို့မျက်ရည်တွေလည်း
ဘယ်တော့မှမခမ်းဘူး
ငါတို့လက်ခုပ်သံတွေဟာလည်း
မမောနိုင် မပမ်းနိုင်ဆက်တီးနေဦးမှာပါပဲ။
ရှူံးနိမ့်ခြင်းကို
အလိုမတူဘဲရရှိခဲ့တဲ့
ငါတို့ဟာ....
မုသာဝါဒ နအဖမိစ္ဆာတွေအပေါ်
နာကျည်းအံကြိတ်ကြ...ရွံရှာမုန်းတီးကြ
လက်သီးကို ကျစ်ကျစ်ပါအောင်ဆုပ်
စစ်အစိုးရပြုတ်ကျဖို့ အရေးပဲ
ငါတို့အတွေးထဲ
တ၀ဲလည်လည် ရှိတော့တယ်။
မြန်မာပြည်သူတွေရဲ့ ရင်ထဲမှာ
သင်းတို့အတွက် နေရာမရှိတာ
ကမ္ဘာသိအောင် ငါတို့ပြသခဲ့ကြပြီ
ငါတို့ရဲ့ တွဲလက်တွေ
မြဲသထက် ပိုမြဲခဲ့ကြပြီ
...................................
.....................................
.........................................။
(၁၀)
ကမ္ဘာကြေသော်လည်း
ဥဒါန်းကား မကြေခဲ့ချေပြီ....။ ။

(ရွှေမင်းအေး)

“သဘာဝတ္ထ”

 အဲဒီ သဲပြင်ပူပူထဲမှာ

ရေဂါလံသန်းငါးဆယ်ကျော်သွန်ချခဲ့ကြပြီးပြီ။

သဲပြင်ပေါ်မှာတံတားအစင်းစင်းက အခန့်သား

သွားပါများလည်းခရီးမပေါက်ကြ

ကရွတ်ကင်းလျှောက် အခေါက်ခေါက်

လွင့်မြောက်မိုးပျံပူဘောင်းများသာ

ရေတွင်းဝကောင်းကင်မှာ။

အနှောင်းမသေချာခဲ့သောမြစ်တို့
တချို့ကျဉ်း တချို့ကော

လောကပါလတောပြုန်းရာ
မြင်းခွာသံတို့ ပြုတ်ကွာပြန့်ကျဲ

ဒဏ်ရာသည်းသော ကြယ်စင်များသာ

ပင်လယ်ပြင်ကိုတွယ်ဖွဲ့ဆဲ။

စလောင်းရွဲ့ရွဲ့ကို တောင်းဆိုနေတဲ့အိုး

နိုး… ဆိုတဲ့ ငြင်းပယ်ခြင်းအလှ

မြားသွားထက်ရှချွန်မြ

အံဝင်ခွင်ကျ…

သိပ်သည်းဆကိုတင်းကျစ်လေ။

မေ့မပစ်လိုက်ကြလေနဲ့…

ဒီရေမြင့်သစ်ရဲ့တော်လဲရိုက်ခတ်သံဟာ

ကျောက်သားနံရံ အမှောင်တံတိုင်း

(အားလုံးကို)

ပိုင်းပိုင်းခြေဖျက်နိုင်ပေလိမ့်မယ်။ ။


                                    

စိုးနေလင်း

Sunday, February 28, 2010

မြန်မာပြည်သူ လေးသန်းကျော်ကို WHO က A(H1N1) ကာကွယ်ဆေးအခမဲ့ထိုးနှံပေးမည်

ရန်ကုန် ၊  ဖေဖော်ဝါရီ   ၂၃
    မြန်မာနိုင်ငံတွင်  ကမ္ဘာ့လူတုပ်ကွေးရောဂါကူးစက် ဖြစ်ပွားမှုနှုန်ူ မြန်ဆန်လာချိန် ကမ္ဘာ့ကျန်မာရေးအဖွဲ့ (WHO) က မြန်မာပြည်သူလေးသန်းကျော်ကို A(H1N1) ကာကွယ်ဆေး အခမဲ့ထိုးပေးမည်ဖြစ်ရာ ပထမအသုပ် အဖြစ် ကာကွယ်ဆေး အလုံးရေကိုးသိန်း ယခုဖေဖော်ဝါရီလကုန်တွင် ရောက်ရှိမည်ဖြစ်ကြောင်း မြန်မာနိုင်ငံ ဆိုင်ရာ WHO အဖွဲ့မှ National Consultant ဒေါက်တာမျိုးလွင်က ပြောကြားသည်။
    ၂၀၁၀ ခုနစ်နှစ်ဆန်းပိုင်းမှ စတင်ပြီးမြန်မာနိုင်ငံနေရာအနှံ့အပြားတွင် ကမ္ဘာ့တုပ်ကွေးရောဂါကူးစက် ပြန့်ပွားမှု များပြားလာပြီး ချင်းပြည်နယ် တီးတိန်မြို့နယ် ၊ ရှမ်းပြည်နယ် ကျောက်မဲမြိုံ့နယ် ၊ ရန်ကုန်တိုင်းအတွင်းရှိ ဗဟန်းမြို့နယ်၊ တာမွေမြို့နယ် ၊ ဒဂုံမြို့သစ်မြောက်ပိုင်း နှင့် အရှေ့ပိုင်း၊ ရွှေပြည်သာ မြို့နယ် ၊ လှိုင်သာယာမြို့နယ်
မှော်ဘီမြို့နယ် တို့တွင် ရောဂါကူးစက် ဖြစ်ပွားမှုများပြားလာကြောင်း၊ ဖေဖော်ဝါရီ ၂၃  ရက်နေ့ထိ ရောဂါကူးခံ ရသူ ၅၆  ဦးရှိနေပြီ ဖြစ်ကြောင်း ကျန်းမာရေးဌာနက တရားဝင် ထုတ်ပြန်ထားသည်။
     ထိုသို့ ရောဂါကူးစက်ပြန့်ပွားမှု များရှိခြင်းကြောင့်  WHO က မြန်မာနိုင်ငံတွင် အေလူတုပ်ကွေးရောဂါ ကာကွယ်ဆေးများ ထိုးနှံရန်လှူဒါန်းခြင်းဖြစ်ပြီး ပထမအသုတ်အဖြစ် ဆေးကိုးသိန်းနှင့်  ဒုတိယအသုတ်အဖြစ် ဆေးသုံးသန်းခွဲကျော် ပေးပို့ လှူဒါန်းမည်ဖြစ်ကြောင်း ဒေါက်တာမျိုးလွင်က ပြောကြားသည်။
    ပထမအသုတ်အဖြစ် ဆေးကိုးသိန်း ဒီလကုန်ရင် ရောက်မယ်။ ဒုတိယအသုတ်အဖြစ် ဆေးသုံးသန်းခွဲ ရောက်မယ်ဟု ၄င်းကဆိုသည်။
    ယင်းဆေးဝါးများကို ကျန်းမာရေးဝန်ကြီးဌာနသို့ တိုက်ရိုက်လှူဒါန်းမည်ဖြစ်ပြီး ရောဂါကူးစက်ခံရရန် နီးစပ်သောသူများကို ဦးစားပေးထိုးနှံပေးမည် ဖြစ်ကြောင်း ၄င်း၏အဆိုအရ သိရှိရသည်။
    ရောဂါကူးစက်ခံရဖို့ ရာခိုင်နှုန်းများတဲ့ ကျန်းမာရေးဝန်ထမ်းတွေ ၊ ကိုယ်ဝန်ဆောင်တွေနဲ့ ကလေးတွေကို အဓိက ဦးစားပေးထိုးနှံပေးသွားဖို့ ရှိပါတယ်။ ဆေးထိုးနှံတာတွေကို ကျန်းမာရေးဝန်ကြီးဌာနက လုပ်ဆောင်မှာပါ  .ဟု ဒေါက်တာမျိုးလွင်က ဆက်လက်ရှင်းပြသည်။
    ကျန်းမာရေးဝန်ကြီးဌာန ကျန်းမာရေးဦးစီးဌာနမှ တာဝန်ရှိသူ တစ်ဦးကလည်း မတ်လဆန်းမှ စတင်ပြီး အေတုပ်ကွေးရောဂါ ကာကွယ်ဆေးများ ထိုးနှံမည်ဖြစ်ကြောင်း အတည်ပြုပြောကြားသည်။
    အဆိုပါ အေတုပ်ကွေးရောဂါ ကာကွယ်ဆေးသည် တစ်ကြိမ်ထိုးပြီးလျှင် တစ်နှစ်တိတိေ၇ာဂါကူးစက် ခံရ မှုကို ကာကွယ်နိုင်ကြောင်း ဒေါက်တာမျိုးလွင်က ရှင်းပြသည်။
    မြန်မာနိုင်ငံတွင် ၂၀၀၉ အတွင်းက အေလူတုပ်ကွေးရောဂါကူးစကခံရသူ ၆၉ ဦးရှိခဲ့ပြီး ယခု ၂၀၁၀ နှစ်ဆန်းပိုင်း ဖေဖော်ဝါရီလ ၂၃ ရက်နေ့ထိ ရောဂါကူးစက်ခံရသူ ၅၆ဦး ရှိနေပြီဖြစ်သည့်အတွက် အေလူတုပ်ကွေး ရောဂါကူးစက်ခ့ရသူ စုစုပေါင်း၁၁၅ဦး ရှိနေပြီဖြစ်ကြောင်း နိုင်ငံပိုင်သတင်းစာများတွင် ဖော်ပြချက်အရ သိရှိရသည်။
မူရင်း ။  ။ The Voice Journal