Friday, March 5, 2010

ဥပဒေထောက်ကူ ဥက္ကဋ္ဌ အဖြစ် ဦးတင်ဦး ပြန်လည်တာဝန်ယူ

 နယူးဒေလီ (မဇ္ဈိမ)။      ။ အမျိုးသား ဒီမိုကရေစီ အဖွဲ့ချုပ် ဒုဥက္ကဋ္ဌ ဦးတင်ဦးသည် ပါတီ ဗဟိုဥပဒေ အထောက်အကူပြုအဖွဲ့ ဥက္ကဋ္ဌ တာဝန်ကို ယမန်နေ့မှ စတင်၍ ပြန်လည်ထမ်းဆောင်ပြီဖြစ်သည်။

“ကျနော်က အကျယ်ချုပ်ကျနေပေမယ့် မီဒီယာတွေ ကျေးဇူးကြောင့် ပါတီဝင်တွေကို အာဏာပိုင်တွေက တရားစွဲ၊ ပြစ်ဒဏ်ချနေတာတချို့တွေမှာ ဥပဒေနဲ့ အညီမဟုတ်တာတွေ ကြားနေရတယ်။ အခု ဥပဒေ အထောက်အကူပြုအဖွဲ့ ဥက္ကဋ္ဌအဖြစ် ပြန်လည်တာဝန်ယူရပြီဆိုတော့ အဲလိုအခြေအနေတွေ နည်းပါးသွားအောင် ကြိုးစားဆောင်ရွက်သွားမှာပါ” ဟု ပါတီ ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။

အဖွဲ့နှင့် ကင်းကွာနေသည့် ၆ နှစ်တာ ကာလအတွင်း ကျန်အဖွဲ့ဝင်များက တာဝန်ကျေပွန်စွာ ထမ်းဆောင်နေသည်ကို တွေ့ရသဖြင့် ဝမ်းသာကျေနပ်မိသည်ဟု သူက ဆက်ပြောသည်။

ပါတီ ပြောခွင့်ရပုဂ္ဂိုလ် ရှေ့နေ ဦးဥာဏ်ဝင်းက “ဥပဒေ အထောက်အကူပြုအဖွဲ့မှာ ဥက္ကဋ္ဌ ပြန်ရောက်လာပြီဆိုတော့ ကျနော်တို့ အရမ်းအားတက်ပါတယ်။ သူ့မှာက အရင်ကတည်းက အတွေ့အကြုံတွေ အများကြီးရှိတဲ့ အခါကျတော့ အကြံဥာဏ်ကောင်းတွေ ပေးနိုင်ပါတယ်” ဟု ပြောသည်။

အဖွဲ့အနေဖြင့် လက်ရှိလိုက်လံဆောင်ရွက်ပေးနေဆဲ အမှုပေါင်း ၁၅ဝ ခန့်ရှိပြီး ရှေ့ဆက်၍ ပြည်နယ်/တိုင်းများက တောင်းခံလာသည့် ဥပဒေရေးရာ အကူအညီများ ပိုမိုပေးအပ်သွားမည်ဟု ဦးတင်ဦးက ဆိုသည်။

ဥပဒေ အထောက်အကူပြုအဖွဲ့သည် ပါတီ ဗဟိုအလုပ်မှုဆောင် ကော်မတီသို့ ဥပဒေရေးရာ အကြံပေးခြင်းနှင့် နိုင်ငံရေးမှုဖြင့် တရားစွဲဆိုခံရသူ ပါတီဝင်များနှင့် ပါတီဝင်မဟုတ်သူများကို အခမဲ့ ရှေ့နေလိုက်ပါဆောင်ရွက်ပေးခြင်းတို့ လုပ်ဆောင်သည့် အန်အယ်ဒီပါတီ လက်အောက်ခံ အဖွဲ့ခွဲတခု ဖြစ်သည်။

ဥပဒေပြု အထောက်အကူပြုအဖွဲ့ကို လွန်ခဲ့သည့် ဆယ်စုနှစ်တခုကျော်က ပါတီ ဒုဥက္ကဋ္ဌ ဦးတင်ဦး၏ အဆိုပြုချက်အရ ဖွဲ့စည်းခဲ့ခြင်း ဖြစ်သည်။

စတင်ဖွဲ့စည်းကတည်းက ဦးတင်ဦးသည် ဥက္ကဋ္ဌအဖြစ် ဆောင်ရွက်ခဲ့ပြီး နေအိမ်အကျယ်ချုပ် ထိန်းသိမ်းခံခဲ့ရပြီးနောက် ပါတီ ဥက္ကဋ္ဌ ဦးအောင်ရွှေက ယာယီ ဥက္ကဋ္ဌ အဖြစ် ဆက်လက်တာဝန်ယူခဲ့သည်။

ကျန်းမာရေးအခြေအနေကြောင့် ယာယီဥက္ကဋ္ဌက တာဝန်ထမ်းဆောင်နိုင်ခြင်း မရှိသဖြင့် ပါတီ အထွေထွေ အတွင်းရေးမှူး ဒေါ်အောင်ဆန်းစုကြည်၏ အကြံပေးမှုဖြင့် ပါတီဝင် မဟုတ်သော်လည်း ၁ဝ စုနှစ်တခုကျော်ကြာ အဖွဲ့ချုပ်၏ ဥပဒေရေးရာ ကိစ္စများတွင် ပါဝင်ဆောင်ရွက်ခဲ့သူ ရှေ့နေကြီး ဦးကြည်ဝင်းကို ပြီးခဲ့သည့်နှစ် နိုဝင်ဘာလ ၂၁ ရက်နေ့တွင် ဒုဥက္ကဋ္ဌ အဖြစ် ခန့်အပ်ခဲ့သည်။

ဥပဒေရေးရာ အထောက်အကူပြု အဖွဲ့တွင် ဦးတင်ဦး၊ ဦးကြည်ဝင်း၊ ဦးဥာဏ်ဝင်း၊ ဦးသိန်းညွန့်၊ ဦးအောင်သိန်း၊ ဦးဝင်းမြင့်၊ ဦးထွန်းထွန်းဟိန်၊ ဦးမြင့်သောင်းနှင့် ဒေါ်ခင်ဌေးကြွယ် အပါအဝင် အဖွဲ့ဝင် ၁ဝ ဦး ပါဝင်ဖွဲ့စည်းထားသည်။

ဆလိုင်းဟံသာစန်း | သောကြာနေ့၊ မတ်လ ၀၅ ရက် ၂၀၁၀ ခုနှစ် ၁၈ နာရီ ၅၀ မိနစ်

ရုရှားနှင့် တရုတ်က မြန်မာကို လေယာဉ်များရောင်း


ရုရှားနှင့် တရုတ် နိုင်ငံတို့က ၂၀၁၀ ခုနှစ်အတွင်း အရပ်ဘက်သုံး ခရီးသည်တင် လေယာဉ်နှင့် ကုန်တင် လေယာဉ်များ မြန်မာ နိုင်ငံသို့ ရောင်းချမည် ဖြစ်ကြောင်း သတင်း ဌာနများက ဖော်ပြသည်။


ရုရှားလုပ် Antonov-148 ခရီးသည်တင် လေယာဉ်နှင့် တရုတ် ကော်ပိုရေးရှင်းက MA 60 ကုန်တင် လေယာဉ်
ရုရှားမှ ယူနိုက်တက် လေယာဉ် ကော်ပိုရေးရှင်း (United Aircraft Corporation – UCA) က Antonov-148 (An-148) နှစ်စီးနှင့် တရုတ်အမျိုးသား လေကြောင်းနည်းပညာ သွင်းကုန် ထုတ်ကုန် ကော်ပိုရေးရှင်း (China National Aero-Technology Import and Export Corporation – CATIC) က MA 60 ကုန်တင် လေယာဉ် သုံးစီးတို့ကို ယခုနှစ်အတွင်း မြန်မာသို့ ရောင်းချမည်ဟု ရုရှားမှ အီတာတာစ် သတင်းဌာနှင့် Flightglobal ဝက်ဘ်ဆိုဒ်တို့က အသီးသီးဖော်ပြသည်။

An-148 သည် ခရီးတိုပြေးအမျိုးအစားဖြစ်ပြီး ခရီးသည် ၉၀ ဆံ့သည်။ အများဆုံး ပျံသန်းနိုင်သည့်နှုန်းမှာ ကီလိုမီတာ ၅,၀၀၀ ဖြစ်ပြီး အမြန်နှုန်းမှာ တနာရီလျှင် ၈၂၀ မှ ၈၇၀ ကီလိုမီတာ ဖြစ်သည်။ An-148 တစီး၏ ခန့်မှန်းတန်ဖိုးမှာ အမေရိကန်ဒေါ်လာ သန်း၂၀ ခန့် ဖြစ်သည်။ ထို ရုရှားကော်ပိုရေးရှင်းမှပင် အီရန်နှင့် ကျူးဘားတို့က An-148 များ မှာယူဖူးသည်။

၂၀၀၉ ခုနှစ်အတွင်း ရုရှားက မြန်မာသို့ ယူရိုသန်း ၄၀၀ (အမေရိကန်ဒေါ်လာ သန်း ၅၇၀) နီးပါး တန်ဖိုးရှိမည့် MiG-29 ဂျက်တိုက်လေယာဉ် အစီး ၂၀ ရောင်းချမည့် စာချုပ်တရပ် ချုပ်ဆိုခဲ့သည်။

ယခုနှစ် စက်တင်ဘာတွင် မြန်မာသည် တရုတ် ကော်ပိုရေးရှင်းမှ လေယာဉ်များ ရရှိမည်ဖြစ်ပြီး တရုတ်အစိုးရ၏ ချေးငွေ အစီအစဉ် အကူအညီဖြင့် ဝယ်ယူမည်ဖြစ်သည်ဟု Xi'an Aircraft Industrial Corporation ကို ကိုးကား၍ Flightglobal ဝက်ဘ်ဆိုဒ်က ဖော်ပြသည်။ မြန်မာနိုင်ငံတွင် အိုဟောင်းနေပြီဖြစ်သော ဖော်ကာ F27 များကို သုံးနေရဆဲ ဖြစ်ကြောင်းလည်း   ဖော်ပြထားသည်။

Friday, 05 March 2010 18:19 ဧရာဝတီ

စစ်အုပ်စုများရဲ့ ဥစ္စာဓနစုဆောင်းပွဲ


အခုတလော မြန်မာပြည်မှာ လူအများစိတ်ဝင်စားခြင်းခံနေရတဲ့ ကိစ္စတခုကတော့ နအဖဗိုလ်ချုပ်တွေဟာ
ပြည်တွင်း-ပြည်ပ ဘယ်သူ့ကိုမှ၊ ဘယ်ကိုမှ တရားဝင်ကြေညာအသိပေးခြင်းမရှိဘဲ နိုင်ငံပိုင်ဓနများကို ပုဂ္ဂလိကပိုင်အဖြစ်ပြောင်းလဲပစ်နေတဲ့ ကိစ္စပဲဖြစ်ပါတယ်။ တနေ့ပြီးတနေ့ ဘယ်လုပ်ငန်းကိုဖြင့် ဘယ်သူဌေးလက်အပ်လိုက်ပြီ၊ အဲဒီသူဌေးက ဘယ်ဗိုလ်ချုပ်နဲ့နီးစပ်တယ်၊ ဘယ်ဗိုလ်ချုပ်ကိုယ်စားလုပ်နေတာ စတဲ့သတင်းမျိုးတွေကိုလည်း ဒင်းတို့ပါးစပ်က
ကြားရတာမဟုတ်ဘဲ ဟိုကတစ၊ ဒီကတစနဲ့ ဆက်တိုက်ကြားနေကြရပါတယ်။

ဘာဥပဒေနဲ့၊ ဘာကော်မရှင်ရဲ့ဦးစီးမှုနဲ့လုပ်တယ်ဆိုတာကိုလည်း ဘယ်သူကမှမပြောသလို၊ ဘယ်သူကမှလည်းမသိရပါဘူး။ သူခိုးဓားပြတွေ တိုက်ရာပါပစ္စည်းခွဲယူကြသလို တကယ့်ကို လက်သိပ်ထိုးလုပ်နေကြတာဟာ ဗမာပြည်သမိုင်းမှာ မဆလလက်ထက် ၁၉၆၄ ခုနှစ်တုန်းက ပြည်သူပိုင်သိမ်းတယ်ဆိုတာရဲ့နောက်မှာ အကြီးမားဆုံးပိုင်ဆိုင်မှု လက်ပြောင်းလက်လွှဲလုပ်မှုကြီးပဲ ဖြစ်ပါတယ်။

ဒီနေရာမှာ သမိုင်းရဲ့ ဟာသကွက်လိုဟာတခုကို ထောက်ပြလိုပါတယ်။ အဲဒါကတော့ မဆလစစ်အစိုးရဟာ ဆိုရှယ်လစ်စကားလုံးတွေ လေကြီးဟစ်ကျယ်ပြောပြီး “ပြည်သူပိုင်သိမ်းတယ်” ဆိုတဲ့ ပုဂ္ဂလိကပိုင်ဆိုင်တွေ၊ လုပ်ငန်းတွေကို စစ်အုပ်စုပိုင်လုပ်ခဲ့ပါတယ်။ သူတို့အပြောက ဒါဟာဝိသမလောဘသမားတွေရဲ့ လက်ကနေ ဆိုရှယ်လစ်အရင်းအနှီးစုဆောင်းတာဖြစ်ပါသတဲ့။ ဒါပေမယ့် လက်တွေ့မှာတော့ တိုင်းပြည်ဟာ ကမ္ဘာ့အဆင်းရဲဆုံးနိုင်ငံစာရင်းဝင်သွားပြီး သူတို့တစုသာ ချမ်းသာသွား ကြပါတယ်။ သူတို့နေရာကိုဆက်ခံတဲ့ နအဖစစ်အုပ်စုကတော့ ဈေးကွက်စီးပွားရေး တည်ဆောက်တယ်ဆိုပြီး အရင်းအနှီးခွဲဝေတာတွေ လုပ်ပြန်ပါတယ်။ တိုင်းပြည်ဟာ မွဲသထက်မွဲ သူတို့နဲ့အပေါင်းပါတွေသာ ချမ်းသာသထက်ချမ်းသာလာတာကို မျက်မြင်တွေ့နေရပါတယ်။ တိုင်းပြည်မွဲရေးနဲ့ ကိုယ်ချမ်းသာရေးဆီကို ချီတက်ရာ လမ်းကြောင်းများ သိချင်ရင် မြန်မာပြည်က စစ်အာဏာရှင်များဆီသာ သွားမေးပေတော့လို့ ပြောရမလိုပါ။

ဒီအဖြစ်အပျက်တွေထဲကနေ သမိုင်းရဲ့ သင်ခန်းစာတခုဆွဲထုတ်ပါဆိုရင် စစ်အာဏာရှင်တွေဟာ သူတို့အိတ်ထဲကို ထည့်ဖို့ဆိုရင် ဘာကြွေးကြော်သံကိုမဆို ကြွေးကြော်မယ်၊ တဖက်လှည့်နဲ့ပြန်ပြောရရင် သူတို့တတွေဘယ်လိုပဲ ကြွေးကြော်-ကြွေးကြော် လက်တွေ့ကျတော့ တိုင်းပြည်ရဲ့ ဓနဥစ္စာတွေကို သူတို့အိတ်ထဲထည့်တာပဲလို့ ပြောရပါမယ်။ သူတို့ထဲက စိတ်မလုံတဲ့လူ တချို့ကတော့ သူတို့လို တိုင်းပြည်အတွက် လုပ်နေသူတွေအဖို့ အကျိုးကျေးဇူး တစုံတရာ ခံစားသင့်ပါတယ်လို့ ဆင်ခြေပေးကြပါတယ်။ သူတို့စားတာ စားသင့်ပါတယ်၊ ခိုးတာ ခိုးသင့်ပါတယ်လို့ တိုက်ရိုက်မပြောရုံ တမယ်ပါပဲ။

မဆလလက်ထက် စစ်အုပ်စုနည်း စစ်အုပ်စုဟန် ဆိုရှယ်လစ်စနစ်ကာလတုန်းကတော့ တရုတ်ကုလားနဲ့ ပြည်တွင်းပြည်ပ လုပ်ငန်းရှင်အားလုံးဟာ ၀ိသမလောဘသမား အရင်းရှင်တွေဖြစ်ခဲ့ပါတယ်။ ဒါကြောင့် လုပ်ငန်းမှန်သမျှ၊ ဆိုင်မှန်သမျှကို သိမ်းယူခဲ့ပါတယ်။ ဒါကြောင့်မို့ ဆင့်ဥစ္စာခွေးမချီနိုင်ဖြစ်ခဲ့တဲ့ ကိစ္စတွေ အများကြီးပေါ်ခဲ့ပါတယ်။

အခု နအဖနည်းနအဖဟန် ဒီမိုကရေစီနဲ့ ဈေးကွက်စီးပွားရေးမှာကျတော့ နအဖဗိုလ်ချုပ်တွေဟာ မဆလဗိုလ်ချုပ်တွေအတွေ့အကြုံနည်းလို့ ဒုက္ခရောက်ခဲ့တာတွေကို သင်ခန်းစာထုတ်ယူထားလိုက်ကြပါတယ်။ ကွမ်းယာဆိုင်ကို ပြည်သူပိုင်
သိမ်းလိုက်လို့ အလုပ်ရှုပ်ရတာမျိုး သူတို့က အဖြစ်မခံတော့ပါဘူး။ နောက်ပြီး ဗိုလ်နေ၀င်းတို့က ဆိုရှယ်လစ်စကားတွေပြော၊ နယ်ချဲ့ဆန့်ကျင်ရေး မီးရှူးမီးပန်းတွေဖောက်လွှတ်နေလို့ ပြည်ပအရင်းအနှီးနဲ့ဝေးခဲ့တာမျိုးကိုလည်း သူတို့က ရှောင်ရှား
ပါတယ်။ ကောင်းတဲ့ အလားအလာရှိတဲ့လုပ်ငန်းကိုမှ ကိုယ့်အိတ်ထဲထည့်ပါတယ်။ မကောင်းရင် ပြည်သူပိုင်အဖြစ် ချန်ထားပါတယ်။ နောက်ပြီး ကိုယ့်အတွက်သာအကျိုးရှိမယ်၊ စားကွက်ရှိမယ်ဆိုရင် န၀တ၊ နအဖစစ်ဗိုလ်တွေဟာ အရှေ့ကဖြစ်ဖြစ်၊ အနောက်ကဖြစ်ဖြစ် ဘယ်ကမဆို အရင်းအနှီးမှန်သမျှကို လက်ခံပါတယ်။ အဓိကကျတာက သူတို့ထိပ်သီးတွေအတွက် ခံစားခွင့်ပါဖို့ပါပဲ။

ထောက်ပြသင့်တဲ့ စစ်အုပ်စုတွေရဲ့ အဓိက၀င်ငွေလမ်းကြောင်း နောက်တခုကတော့ နယ်စပ်တွေကလာတဲ့ဝင်ငွေ လမ်းကြောင်းပါ။ မြန်မာပြည်မှာ နယ်စပ်ဒေသကို စစ်တပ်ကချုပ်ကိုင်ခဲ့တာဟာ ၁၉၄၈ ခုနှစ်ကစလို့ အစဉ်အလာတခုလိုဖြစ်နေခဲ့ပါတယ်။ ပြည်တွင်းစစ်ရှိနေတော့ သူတို့မှာ အကြောင်းပြလို့ ပိုကောင်းသလို ဖြစ်နေပါတယ်။ ဒီကြားထဲ တရုတ်ဖြူ ကူမင်တန်ကျူးကျော်မှုလိုဟာမျိုးကလည်း ဖြစ်ပေါ်ခဲ့တော့ နယ်စပ်ဒေသနဲ့ ပြည်နယ်တွေဟာ စစ်ဗိုလ်တွေရဲ့ စားကွက်ချည့်
ဖြစ်ခဲ့တယ်မဟုတ်ပါလား။ နောက်ပြီး အဲဒီစားကွက်တွေအတွက်ပဲ သူတို့ချင်း စားခွက်လုကြ၊ ဂိုဏ်းအုပ်စုဖွဲ့ကြတာတွေလည်း ပေါ်ခဲ့ပါတယ်။ ၁၉၅၀ စုနှစ်များရဲ့ နောက်ပိုင်းတုန်းက ရှမ်းပြည်နယ်ထဲမှာ ထောက်လှမ်းရေးဗိုလ်မှူးကိုင်နိုကို သတ်ပစ်ခဲ့တာ၊ ၁၉၇၀ စုနှစ်များတုန်းက အိန္ဒိယ-မြန်မာနယ်စပ်မှာ တာဝန်ကျတဲ့ သူရညွန့်တင်ကို ရုံးတင်တရားစွဲတာ စတာတွေဟာ အဲဒီလိုဂိုဏ်းအုပ်စုနဲ့ စားခွက်ပြဿနာတွေကြောင့်ပါပဲ။ ဒီလိုနဲ့ အဲဒီတုန်းက တိုင်းမှူးတွေနဲ့ စစ်ဒေသထိပ်သီးတွေဟာ
နယ်ခံအာဏာရှိသူတွေနဲ့ လုံးမိကြတာလည်းရှိ၊ အညှိုးအတေးတွေ ပေါ်ပေါက်တာလည်းရှိ ဆိုတာမျိုး ဖြစ်ခဲ့ပါတယ်။ တဖက်မှာကျတော့ သူတို့တပ်တွေရဲ့လုပ်ရပ်တွေကြောင့် တိုင်းရင်းသားလူမျိုးစုတွေက လူမျိုးရေးအရ နာကြည်းတာတွေဖြစ်ပေါ်လာခဲ့ပါတယ်။ ဒီလိုနဲ့ ဗိုလ်အောင်ကြီးတို့ လက်ထက်ကစလို့ စစ်အုပ်စုထိပ်သီးတွေနဲ့ နယ်စပ်က ဘိန်းရာဇာတွေ ရေစက်ဆုံခဲ့ကြတာပါပဲ။

ဒါပေမယ့် တရုတ်-မြန်မာနယ်စပ်မှာ ဗကပပေါ်လာတော့ စစ်အုပ်စုထိပ်သီးတွေအဖို့ စားကျက်တွေပျောက်ကုန်ကြပါတယ်။သူတို့ရဲ့ ရောင်းရင်းအပေါင်းအသင်း နယ်ခံထိပ်သီးတွေ၊ ဘိန်းရာဇာတွေလည်း “လက်မဲ့တွေ” ဖြစ်ကုန်ကြပါတယ်။ ဒိနောက်၁၉၈၉ ခုနှစ်မှာ ဗကပထဲက ခွဲထွက်မှုတွေပေါ်တော့မှ စစ်အုပ်စုထိပ်သီးတွေဟာ သူတို့ရဲ့စီးပွားရေး “အောင်မြေ” ကို ပြန်နင်း
နိုင်ခဲ့ပါတယ်။ မဆလထိပ်သီးတွေဆုံးရှုံးခဲ့တဲ့ အခွင့်အရေးတွေကို န၀တ၊ နအဖထိပ်သီးတွေရခဲ့ပါတယ်။ ရတာမှ အတိုးနဲ့ရတာလို့တောင် ပြောနိုင်ပါတယ်။ ဒါတွေကို အားလုံးသိပြီးမို့ အထူးရေးဖို့မလိုတော့ပါဘူး။ ဒီနေ့ နယ်စပ်ဒေသက အပစ်ရပ်အဖွဲ့တွေနဲ့ နယ်ခြားစောင့်တပ်လုပ်ရေးကိစ္စမှာ နအဖဗိုလ်ချုပ်တွေ စပ်ပူစပ်လောင်ဖြစ်နေကြတာမှာ ဒီစားကျက်ကြီးပြန်ပျောက်သွားမှာစိုးနေတဲ့ အကြောင်းရင်းလည်းပါပါတယ်။ သူတို့အဖို့က တကယ့်ကို အဆီနဲ့ဝင်းဝင်းပါ။

ကိုယ့်အတွက် အရင်းအနှီးစုဆောင်းရာမှာ နအဖနဲ့မဆလ မတူတဲ့ နောက်အချက်တချက်ကတော့ ဗိုလ်နေ၀င်းတို့ဟာအထက်မှာပြောခဲ့သလို ပြည်တွင်းကလုပ်ငန်းရှင်တွေ၊ ငွေရှင်ကြေးရှင်တွေကို ရန်လုပ် ဒုက္ခပေးခဲ့ပေမယ့် ဗိုလ်သန်းရွှေတို့ကတော့ အဲဒီလိုလူတွေအထဲက သူတို့အသုံးချမယ့်လူတွေကို ရှာဖွေမွေးမြူပါတယ်။ ဒီဖြစ်စဉ်ထဲမှာပဲ ဗိုလ်ချုပ်တွေကဘိန်းဘုရင်တွေရဲ့ ငွေကိုခ၀ါချပေး။ တခါ ဘိန်းဘုရင်တွေက ဗိုလ်ချုပ်တွေရဲ့ ငွေတွေကို ပြန်ခ၀ါချပေးဆိုတာမျိုးတွေလည်း
ဖြတ်သန်းခဲ့ကြပါတယ်။ နောက်ပြီး ဗိုလ်ချုပ်တွေကိုယ်စား နာမည်ခံစီးပွားရေးလုပ်ငန်းထောင်ပေးမယ့် လူတွေကိုလည်းစိစစ်မွေးမြူတာလုပ်ပါတယ်။ စစ်အုပ်စုရဲ့လက်ဝေခံလူတန်းစားတရပ် ထပ်မွေးယူတာပါ။ မွေးတာမှ လိုအပ်ရင် သမီးပေး၊တူမပေးလို့တောင် မွေးယူကြပါတယ်။

အခု ရွေးကောက်ပွဲမတိုင်မီ ဗိုလ်သန်းရွှေတို့ထိပ်သီးတွေ အလုအယက်ဖြစ်နေကြတာဟာ ဆိုရှယ်လစ်စစ်ဗိုလ်အုပ်စုက စခဲ့တဲ့ မြန်မာပြည်စစ်အုပ်စု အဆက်ဆက်တွေရဲ့ တွေးခေါ်လုပ်ကိုင်နည်းရဲ့ အဆက်တွေသာဖြစ်ပါတယ်။ ၁၉၅၈ ခုနှစ်အာဏာသိမ်းမှုကနေ ပေါ်ထွက်ခဲ့တဲ့ ဗိုလ်မောင်မောင်၊ ဗိုလ်အောင်ကြီးတို့ရဲ့ဘီအီးဒီစီပိုင်ကြယ်ငါးပွင့်လိုင်းကို အခု နအဖရဲ့ ဦးပိုင်က ယူတော့မယ်လို့ သတင်းထွက်လာတာ ကြားရတော့ “ဟိုအရင် ပဒုမုတ္တရာဘုရားလက်ထက်က ---------------- ဟာ
ငါဘုရားလက်ထက်မှာ ဒေ၀ဒတ်ဖြစ်လာတယ်” ဆိုတဲ့ ဇာတ်ပေါင်းစကားမျိုးကို ပြန်ကြားလိုက်ရသလိုပါပဲ။

ရဲဘော်ဖိုးသံချောင်း
၅/ မတ် ၂၀၁၀

သရုပ်ဆောင်နှင့် ဒါရိုက်တာ


 မြန်မာ့ နိုင်ငံရေးသည် ၁၉၈၈ အရေးတော်ပုံကြီးအပြီးနောက်ပုိုင်း နိုင်ငံရေးဇာတ်ခုံပေါ်တွင် လက်ရှိအခြေအနေ၌ ဗိုလ်ချုပ်မှူးကြီး သန်းရွှေသည် ဒါရိုက်တာ အဖြစ် ဦးဆောင်ကာ မောင်းနှင်နေသလို သူသည်ပင်လျှင် သရုပ်ဆောင် နေရာမှ ကပြနေသည်ကို မြင် ကြရသည်။
၂၀၀၃ ခုနှစ်ရှေ့ ပိုင်းကမူ ဗိုလ်ချုပ်မှူးကြီး သန်းရွှေနှင့် ဗိုလ်ချုပ်ကြီး ခင်ညွန့်  တို့ ၂ ဦးတွင် မည်သူက ဒါရိုက်တာ၊မည်သူက ရှေ့  ထွက် သရုပ်ဆောင်မင်းသားဟု ခွဲခြားမရဖြစ်ခဲ့ကြသည်။ထိုအခြေအနေမှ ရုတ်တရက် ဖြုတ်ထုတ်သတ် လမ်းစဉ်ဖြင့် ဗိုလ်သန်းရွှေ က လက်သီးပုန်း ထိုးလိုက်ရာ ဗိုလ်ခင်ညွန့်  နိုင်ငံရေးဇာတ်ခုံမှ ဂျွမ်းပြန်ကျကာ သရုပ်ဆောင် ဒါရိုက်တာ အဖြစ် ဗိုလ်သန်းရွှေ ပီပြင်စွာ ထွက်ပေါ်လာခဲ့သည်။
 ဗိုလ်ချုပ်မှူးကြီး သန်းရွှေနှင့်  ဗိုလ်ချုပ်ကြီး ခင်ညွန့် 

တဖက်အတိုက်အခံများဘက်တွင်မူ ပြည်တွင်း အတိုက်အခံခေါင်းဆောင်မှာ  ဒေါ်အောင်ဆန်းစုကြည်ဖြစ်သည်ဟု တညီတညွတ် တည်း၊ အဓိကသရုပ်ဆောင်အဖြစ် သတ်မှတ်ထားကြသည်။
 ဒါရိုက်တာအဖြစ် အတိုက်အခံလောကတွင်မည်သူနည်း။
တချိန်က ဦးအောင်ကြီးက ဒေါ်စုဘေးတွင် ကွန်မြူနစ်တို့ ၀န်းရံနေ သည်ဟု ကြွေးကျော်ကာ ပါတီခွဲထွက်သွားခဲ့သည်။ ထို့ကြောင့် ပြည်သူတို့က ဒေါ်စုသည်“ဒါရိုက်တာလော”၊ သူမဘေး တွင် ၀န်ရံနေသော `“စစ်ဗိုလ်ဟောင်းများ။တတ်သိပညာရှင်များနှင့် ဦးအောင်ကြီးစွပ်စွဲသော အုပ်စုမှသူများ” တို့သည် အဖွဲ့တွင် ဒါရိုက်တာလော ဟုတွေးထင် ခဲ့ကြသည်။

နအဖ စစ်အစိုးရကဗိုလ်ချုပ်အောင်ဆန်းရေးဆွဲခဲ့သော ၁၉၄၇ ဥပဒေကိုရည်ညွှန်း၍၄င်း။၁၉၉၀ ရွေးကောက်ပွဲစည်းမျဉ်း တွင်၎င်း၊ ၂၀၀၈ ဖွဲ့စည်းပုံအခြေခံဥပဒေတို့တွင် ရေးသားမှာ ပြည်ပနိုင်ငံတခုခုတွင် ခင်ပွန်း၊ ဇနီး၊သားသမီး တဦးဦး ပြည်ပနိုင်ငံသား ခံယူ ထားလျှင် ရွေးကောက် ပွဲတွင် ကိုယ်စားလှယ်အဖြစ်ရွေးချယ်ခံပိုင်ခွင့်မရှိဟု ဒေါ်အောင်ဆန်း စုကြည်ကို ပင်မသရုပ်ဆောင် နေရာ မှ ကန့် သတ် ဖယ်ထုတ်ထားသည်ကိုတွေ့ ရသည်။
တရားမ၀င်သတင်းများအရ ဒေါ်အောင်ဆန်းစုကြည်အား အင်အယ်လ်ဒီ ပါတီ ဦးဆောင်အဖွဲ့မှ ထုတ်ပယ်ရန် ဖိအား ပေးမှုများရှိခဲ့ သည်ဆိုသော်လည်း ပါတီတွင်းစည်းလုံးမှုကြောင့် သူမသည်ပင်လျှင် ပါတီ အထွေထွေ အတွင်းရေးမှူး နေရာတွင် အကျဉ်းကျခံ နေရစေကာမူ ဆက်လက်တည်မြဲနေသည်ကိုတွေ့ ရသည်။
သို့သော် နအဖ စစ်အစိုးရက ၂၀၀၃ ခုနှစ်တွင် ဒီပဲယင်း အရေးအခင်းဖန်တီးကာ နေအိမ်အကျယ်ချုပ်ချထားပြီး ပင်မ သရုပ် ဆောင် နေရာမှ ထပ်မံဖယ်ထုတ်ပြန်သည်။ သို့သော်နိုင်ငံတကာ ဖိအားပေးမှုကြောင့် ဆက်သွယ်ရေးဝန်ကြီး ဦးအောင်ကြည်နှင့် တွေ့ ဆုံမှုကို တီဗွီဖန်သားပြင်တွင် ကြိုကျားကြိုကျား မြင်ကြရသည်။
 
ယခုအခါ မြန်မာ နိုင်ငံမှာ ၂၀၁၀ ရွေးကောက်ပွဲကြီး ကျင်းပပေးမည်ဟု နအဖ စစ်အစိုးရက ဆိုလိုက်သောအခါ ဦးဝင်းတင် က ရွှေဂုံတိုင် ကြေငြာစာတမ်းကို ဆုပ်ကိုင်၍ ၂၀၁၀ ရွေးကောက်ပွဲ မ၀င်ရန် ထုတ်ဖော်ပြောဆိုသည်။ ဦးဝင်းတင်အဆိုကို ပြည်တွင်း ပြည်ပမှ ၀ိုင်းဝန်း ထောက်ခံသံတွေ လေလှိုင်းမှာ ဆူညံစွာ ကြားလာရသဖြင့် ဦးဝင်းတင်သည် အင်အယ်လ်ဒီပါတီ ၏ ဒါရိုက်တာ ကြီး ပေလော။
 
ဦးဝင်းတင်
သို့သော်လည်း အဝေးရောက်စင်ပြိုင်အစိုးရ ၀န်ကြီး ဒေါက်တာ စိန်ဝင်းကမူ“ ပြည်တွင်း အင်လ်ဒီမူအရ သွားနေပါ တယ်။” ဟု ၂၀၀၅ ခုနှစ် နော်ဝေနိုင်ငံ အော်စလိုမြို့တွင် ဒီဗွီဘီရုပ်မြင်သံကြားစတင်ထုတ်လွှင့်ခြင်း အခန်းအနားတွင် ထုတ်ဖော်ပြော ဆိုခဲ့ သည်။
၂၇။၂။၂၀၁၀ နေ့က ထိုင်းနိုင်ငံချင်းမိုင်မြို့တွင် ပြုလုပ်သော သတင်းသမဂ္ဂညီလာခံတွင်မူ အင်စီယူဘီမှ အတွင်းရေးမှူး ဦးမောင် မောင် က မိမိတို့အနေနှင့် ၂၀၁၀ ရွေးကောက်ပွဲ မ၀င်ရန် မသင့်ဟုဆုံးဖြတ်သော်လည်း။အင်စီဂျီယူဘီနှင့် တိုင်းရင်းသားအဖွဲ့ အချိုက ပြည်တွင်း အင်လ်ဒီနှင့် ဒေါ်စု ဆုံးဖြတ်ချက်အတိုင်း သွားမည်ဟုသိရကြောင်း ထုတ်ဖော် ပြောဆိုသည်။
အင်အယ်လ်ဒီပါတီ ရွေးကောက်ပွဲဝင်သင့်-မ၀င်သင့် အရေးသည် ဒေါ်အောင်ဆန်းစုကြည် အဆုံးအဖြတ်အပေါ်တွင်  မူတည် သည် ဟု အင်အယ်လ်ဒီပြောခွင့်ရ ဦးခင်မောင်ဆွေက ထုတ်ဖော်ပြောဆိုပြန်သည်။
မကြာမီက လွတ်လာသော ဦးတင်ဦးကမူ `“ဒေါ်အောင်ဆန်းစုကြည်၏ အရိပ်ကို ခို၍ အင်အယ်လ်ဒီ တာဝန်များကို ထမ်းဆောင် နေသည်ဟု ပြောဆိုသည်။
 ဦးတင်ဦး

ခေတ်ပြိုင် အင်တာနက်စာမျက်နှာတွင် ကလောင်ရှင်`“ရွှေအိုးစည်က ဒေါ်စုက ရွေးကောက်ပွဲ ၀င်မည် မ၀င်မည် မပြောဘဲနှင့် “ဦးမောင်မောင်မြင့် စင်တင်ပေးမှုဖြင့် ဦးသုဝေနှင့် ဒေါက်တာခင်ဇော်ဝင်း တို့က ဟ-ချင်သူက ဟသလို၊ ဖွချင်သည့် ဗွီအိုအေမှ ဦးကျော်ဇံသာနှင့် ဦးသန်းလွင်ထွန်းတို့က ဖွပေးနေသည်ဟု ထုတ်ဖော်ရေးသားသည်။
 
ဤသည်တို့ကို ထောက်ရှု၍ ဒေါ်အောင်ဆန်းစုကြည်သည် အတိုက်အခံတို့၏ ဒါရိုက်တာဟု ယူဆရတော့မည်ဖြစ်သည်။ ဦးတင်းဝင်၏ ရွေးကောက်ပွဲ မ၀င်သင့် အဆုံးအဖြတ်နှင့် ဒေါ်စု အဆုံးအဖြတ်သည် တထပ်တည်း ကျမည်လော။ ကွဲလွဲခဲ့လျှင် ပြည်သူတို့နှင့်ပြည်တွင်း- ပြည်ပ အတိုက်အခံတို့က မည်သူ့ အဆုံးအဖြတ်ကို ထောက်ခံကြမည်နည်း။

ပြည်ပ အဝေးရာက် စင်ပြိုင်အစိုးရ ၀န်ကြီးချုပ် ဒေါက်တာ စိန်ဝင်း
 
ဒါရိုက်တာ၊ သရုပ်ဆောင်နှင့် ဇာတ်ညွှန်းကောင်းလျှင် ရလာဒ်ကောင်းမည်ဟု ထွက်ရနိုင်စရာအကြောင်းရှိသည်။
နိုင်ငံတကာနှင့် ပြည်ပအတိုက်အခံများ၊ အင်လ်ဒီပါတီကိုယ်တိုင်ကပါ ဒေါ်စုကိုလွှတ်ပေး၍ သရုပ်ဆောင် ဒါရိုက်တာ အဖြစ်မြင်လို သည်။အဆက်အပြတ်တောင်းဆိုနေကြသည်။ ဖြစ်နိုင်ပါမည်လော။
ဦးသုဝေနှင့် (မဇ္ဈိမ)သတင်းဌာနတို့  တွေ့ဆုံဆွေးနွေးမှုနှင့်ပတ်သက်၍ ၂၆။၂။၂၀၁၀ နေ့က မေးမြန်းရာတွင် ပြန်လည်ဖြေကြား ချက်မှာ ---
ဦးသုဝေ

ဘာက အထစ်အငေါ့ ဖြစ်နေသလဲလို့ ဆိုလို့ရှိရင် လူပုဂ္ဂိုလ် အထစ်အငေါ့ပဲလို့ ကျနော်တော့ ထင်တယ်။ ဘာဖြစ်လို့လဲလို့ဆိုတော့ ဒေါ်အောင်ဆန်းစုကြည်နဲ့ တွေ့ဖို့တော့ တောင်းဆိုတဲ့နေရာမှာ သူတို့က ပြောဆိုနေတယ်။ ဒေါ်အောင်ဆန်းစုကြည်ကို မလိုချင်ဘူး ပေါ့နော်။
 ဒါပေမဲ့ NLD နဲ့ တွေ့ဆုံမယ်ဆိုပြီးတော့ သူတို့ ချဉ်းကပ်တယ်၊ ဒီအစိုးရက။ ဒါပေမဲ့ NLD အဖွဲ့ကလည်းပဲ၊ သူတို့က ဘာပြန်ဖြေလဲ ဆိုတော့ NLD အဖွဲ့ကို ခေါင်းဆောင်မှာက ဒေါ်စု၊ ခင်ဗျားတို့ ဒေါ်စုနဲ့ပဲ ဆွေးနွေးပါ။ ဒါမှမဟုတ်ရင် ဆွေးနွေးတဲ့ အဖွဲ့မှာ ဒေါ်စုကို ခေါင်းဆောင်ပေးပါ။ သူတို့က ဆွေးနွေးချင်တယ်ပေါ့နော်။ ဟိုကနေပြီးတော့ ကမ်းလှမ်းတဲ့အခါမှာ။ ဒီအစိုးရကလည်း ဘာလဲဆို တော့  ဒေါ်စုကို မလိုချင်တာ။ သူပါနေလို့ကို မဆွေးနွေးတာ။” ဟုဖြေကြားထားသည်။

ထိုကြောင့် ဒေါ်အောင်ဆန်းစုကြည်သည် အကယ်၍ သရုပ်ဆောင်အဖြစ်ရော၊ ဒါရိုက်တာ အဖြစ်ပါ နေခွင့်မရခဲ့လျှင် အင်အယ်လ် ဒီ တွင် အစားထိုးရန် လူမရှိတော့ပြီလော။ ဘာဆက်လုပ်ကြမည်နည်း။
မြန်မာပြည်အားအမြန်ကယ်တင်ရန် ဒေါ်အောင်ဆန်းစုကြည်ကဲ့သို ဒါရိုက်တာဖြစ်စေ၊သရုပ်ဆောင်ဖြစ်စေ ထပ်ပေါ်ရန် အကြောင်း မရှိတော့ပြီလော။

 ပြည်တွင်းတွင်၎င်း၊ ပြည်ပ နိုင်ငံရေးလောကတွင်၎င်း အရည်အချင်းရှိကြပါလျှက် ဒေါ်စု နေရာတွင် ပေါ်ခွင့် ပေးနိုင်ဦးမည်လော။ အရည်အချင်းရှိကြသူများကရော ဒေါ်စုနေရာတွင် ၀င်လာမည်ဆိုပါက အင်လ်ဒီက လက်ခံနိုင်ပါ မည် လော။တိုင်းပြည်အတွက် အင်အယ်လ်ဒီ ဘာဆက်လုပ်မည်နည်း။ဒေါ်စု ဗဟိုပြု၍ ပြည်တွင်း-ပြည်ပ နိုင်ငံရေးသမားတို့ ၊တိုက်ပွဲပုံဖော်နေခြင်း အပြင် အခြား နည်းလမ်းမရှိပြီလော။

ဒေါ်စုနှင့်  နအဖ-စစ်ဗိုလ်ချုပ်တို့ ပုဂ္ဂိုလ်ရေးရာ ပြဿနာ အကြားတွင် မြန်မာပြည်သည် “ဂျာအေး သူ့အမေရိုက် ဇာတ်လမ်း” ဘယ်လောက်ကြာအောင် ထပ်ကကြဦးမည် လော။
 
ဖိုးသောကြာ(၄။၂။၂၀၁၀)
ဟစ်တိုင်

အမေရိကန်ပြည်မှာ မြန်မာ (Burmese) တို့ စာရင်းပေါက်စေဖို့ သန်းခေါင်စာရင်းကို ဖြည့်ကြစို့



အမေရိကန်ပြည်ထောင်စုမှာ ၁၀ နှစ် တကြိမ် လူဦးရေစာရင်း ကောက်သည်။ မြန်မာလိုဆိုရင် သန်းခေါင်စာရင်းဖြစ်သည်။ သန်းခေါင်စာရင်းက လူဦးရေနှင့် ပထ၀ီဒေသအလိုက် ပြန့်နှံနေပုံကို စာရင်းပြုပြီး တိုင်းပြည်၏ အစိုးရစီမံကိန်းများ၊ အကူအညီများ၊ အုပ်ချုပ်ရေး၊ နိုင်ငံရေးကိစ္စများကို စီမံပြင်ဆင် ဆုံးဖြတ်ခြင်း ဖြစ်သည်။
ယခု ၂၀၁၀ သန်းခေါင်စာရင်းတွင် အမေရိကန်ရောက် မြန်မာတိုင်းရင်းသားအားလုံးက ၀ိုင်းဝန်းစာရင်းသွင်းခြင်းကို တညီတညွတ် လုပ်ကြလျင် မြန်မာပြည်က ပြောင်းရွှေ့နေထိုင်သော မြန်မာပြည်သားများစာရင်းကို အစိုးရက အရေအတွက်၊ ပထ၀ီဒေသအလိုက် သိရှိပြီး အခြား တရုတ်၊ အိန္ဒိယ၊ ဂျပန်၊ ဟာဝိုင်အီ၊ ကိုရီးယား၊ ဂွာမာနိယန်၊ ဖိလိပိုင်၊ ဗီယက်နမ်၊ စသည့် အာရှသားများကဲ့သို့ ခံစားခွင့်၊ လုပ်ပိုင်ခွင့်၊ အရည်အတွက်သတ်မှတ်ပေးခြင်း ခံစားရနေသလိုမျိူး မြန်မာ (Burmese) တို့အတွက်ပါ စာရင်းပေါက်မည် ဖြစ်သည်။ အရည်အတွက် မပြောပလောက်လျင် လွန်ခဲ့သည့် ၁၀ နှစ် ကကဲ့သို့ မြန်မာတို့အတွက် လူမျိုးနေရာတွင် - Other Asian (အခြားအာရှသား) အဖြစ်ကနေ တက်လာတော့မည် မဟုတ်ပေ။
ယခုမတ်လ ၁၀ ရက်မှ ၁၅ ရက်အတွင်းတွင် စာတိုက်မှတဆင့် သန်းခေါင်စာရင်းဖြည့်ရန် ဖောင် ကို အမေရိကန်အစိုးရက အိမ်လိပ်စာများအားလုံးထံ ပေးပို့မည် ဖြစ်သည်။ စာရင်းပြုစုခြင်း သက်သက်ဖြစ်သဖြင့် ကျနော်တို့၏ ကိုယ်ရေးကိုယ်တာများ၊ တရားဝင် နေထိုင်မှုများကို စပ်စုမေးမြန်းခြင်းလည်း လုပ်မည် မဟုတ်ချေ။ မေးခွန်း ၁၀ ခု သာ ပါမည်ဖြစ်ပြီး သည်နေရာက http://2010.census.gov/2010census/pdf/LAG_Burmese.pdf အစိုးရ၏ လမ်းညွှန်ကို ရယူပြီး ဖတ်ရှုပြင်ဆင်ထားနိုင်သည်။ သည်နေရာမှာ အမေရိကန်အစိုးရ၏ မြန်မာဘာသာနှင့် ရှင်းလင်းချက်ကို ကြည့်နိုင်သည်။ http://2010.census.gov/2010census/language/burmese.php
အမေရိကန်ပြည်ထောင်စုတွင် အကြောင်းအမျိုးဖြင့် ရောက်ရှိနေထိုင်ကြသူ မြန်မာပြည်သား အားလုံးတို့အနေနှင့် တစုတစည်းတည်းသော လူမျိုးတခုအဖြစ် ပထမဦးဆုံးအကြိမ်အဖြစ် သန်းခေါင်စာရင်းမှာ အောင်မြင်စွာ စာရင်းပေါက်စေဖို့ မေးခွန်း နံပါတ် (၉) တွင် Burmese လို့ ဖြည့်စွက်ကြပါစို့ ဟု တိုက်တွန်းလိုက်ပါသည်။
ဗိုလိုဆိုရင်တော့ - Proud to be a BURMESE and be counted in the US census 2010 ပေါ့ခင်ဗျား။    

မိုးမခ မေတ္တာစာ
မတ် ၅၊ ၂၀၁၀

မြန်မာဆန်ပြန်ပို့သည့် ဂါနာအာဏာပိုင်တို့ တရားစွဲခံရ


မြန်မာဆန်များ အရည်အသွေး မပြည့်မီကြောင်း မမှန်မကန် ထုတ်ပြန် ကြေညာခဲ့သည့် ဂါနာနိုင်ငံ အစား အသောက်နှင့် ဆေးဝါး ကွပ်ကဲရေး အဖွဲ့ (FDB) ကို ဆန်တင်ပို့ခဲ့သော သင်္ဘောကုမ္ပဏီက တရားစွဲထားကြောင်း ရန်ကုန်မှ စာနယ်ဇင်းသမား တဦးက ပြောသည်။

ရန်ကုန်မြို့မှ ဆန် လက်လီ လက်ကား ရောင်းချသည့် ဆိုင်တဆိုင် (ဓာတ်ပုံ - ကိုခိုင်/ဧရာဝတီ)
ဆန်တင်ပို့သည့် စကာင်္ပူနိုင်ငံ အခြေစိုက် Universal Navigation Pte Ltd (UNPL) ကုမ္ပဏီက FDB ကို ဂါနာနိုင်ငံ တရားရုံး တခုတွင် တရားစွဲဆိုထားကြောင်း UNPL ကုမ္ပဏီ၏ ရန်ကုန်ရုံးခွဲက ရှင်းလင်း  ပြောကြားခဲ့သည်ဟု သိရသည်။

“အဲ့ဒီ စွပ်စွဲချက်ဟာ ကုမ္ပဏီကို အသရေဖျက်တာ ဆိုပြီး တရားစွဲတာ၊ အခြေအနေ ကောင်းတယ်လို့ ကုမ္ပဏီက ရှင်းပြတယ်” ဟု ၎င်းက ပြောသည်။

ဂါနာနိုင်ငံကို အကျိုးအကြေ ၂၅ ရာခိုင်နှုန်း ပါဝင်သည့် ဧည့်မထဆန် တန်ချိန် ၁၆၅၀၀ ကို ရောင်းချခဲ့ခြင်း ဖြစ်ပြီး၊ ဂါနာတွင် အဓိကရုဏ်း ဖြစ်နေသည့် အတွက် အိမ်နီးချင်း ဆီရာလီယွန်နိုင်ငံတွင် ဆန် တန်ချိန် ၅၀၀၀ ရောင်းချခဲ့ကြောင်း၊ ကျန်ဆန်များကို ဂါနာ ဆိပ်ကမ်းတခုတွင် ချရန် စီစဉ်နေစဉ် တာဝန်ရှိသူများက တားမြစ်ခြင်း ဖြစ်သည်ဟု UNPL တာဝန်ရှိသူများက ရှင်းလင်းကြောင်း အဆိုပါ စာနယ်ဇင်းသမားက ပြောသည်။

တရားစွဲဆိုထားမှုနှင့် ပတ်သက်၍ ၎င်းကုမ္ပဏီသို့ ဧရာဝတီက ဆက်သွယ် မေးမြန်းသော်လည်း တာဝန်ရှိသူက ဖြေကြားရန် ငြင်းဆိုခဲ့သည်။

ဇန်န၀ါရီလ ၇ ရက်နေ့ထုတ် ဂါနာသတင်းစာများတွင်မူ MV Stefanis အမည်ရှိ သင်္ဘောဖြင့် ရောက်လာသည့် ဆန်များကို  ဆိပ်ကမ်းတွင် ချထားရာ စားသုံးရန် မသင့်လျော်ကြောင်း FDB က စစ်ဆေးတွေ့ရှိရသဖြင့် သဘောင်္ပေါ်သို့ ပြန်လည် တင်ဆောင်ရန် အမိန့် ပေးခဲ့သည်ဟု ဖော်ပြထားကြသည်။

ရန်ကုန်မြို့ထုတ် ဂျာနယ်တချို့တွင် ထိုဆန်များမှာ တန်ချိန် တသောင်းကျော် ရှိသည်ဟု ရေးသားကြပြီး ဂါနာနိုင်ငံ သတင်းဌာနများကမူ အိတ်ရေ တသောင်းကျော်ဟု ရေးသားထားကြသည်။

ဂါနာမှ ပြန်ရောက်လာသည့် ဆန်များနှင့် ပတ်သက်ပြီး အစိုးရ သတင်းစာများတွင် ဖော်ပြခြင်း မရှိသေးပေ။

ထိုဆန်များမှာ ရေစိုဆန်များဖြစ်သည်ဟု ရန်ကုန်မှ ဆန်လုပ်ငန်းရှင်များက ဧရာဝတီကို ပြောသည်။

ပြီးခဲ့သည့်နှစ် သြဂုတ်လက ထိုဆန်များကို ရန်ကုန် ဆိပ်ကမ်းတွင် အတင်အချ ပြုလုပ်စဉ် မိုး သုံးကြိမ်ခန့် မိလိုက်သည့် အတွက် ရေစိုသွားခြင်း ဖြစ်နိုင်ကြောင်း၊ သဘောင်္ကုမ္ပဏီတွင်သာ တာဝန်ရှိသည်ဟု ထင်မြင်ကြောင်း မြန်မာနိုင်ငံ ဆန်စက် လုပ်ငန်းရှင်များ အသင်းမှ ဦးဝင်းအေးဖေက ပြောသည်။

ပြည်ပသို့ တင်ပို့ရာတွင် ဆန် အရည် အသွေး၊ တင်မည့် သင်္ဘော၏ အခြေအနေကို အသေအချာ စစ်ဆေးရန် လိုအပ်သည်ဟု ဦးဝင်းအေးဖေက ထောက်ပြသည်။ ကုန်သေတ္တာများဖြင့် တင်ပို့သည့် စနစ်ကို အသုံးမပြုနိုင်လျှင် ရေရှည်တွင် ဈေးကွက် ထိခိုက်မည်ဟု ဆိုသည်။

မြန်မာနိုင်ငံ ဆန်စပါး ကုန်သည်ကြီးများ အသင်း၊ စီးပွားရေးနှင့် ကူးသန်း ရောင်းဝယ်ရေး ၀န်ကြီးဌာန တို့မှ တာဝန်ရှိသူများက ရေစိုဆန် ရောင်းချခဲ့သည့် ကုမ္ပဏီနှင့် ဆန်ပွဲရုံတချို့ကို ခေါ်ယူ သတိပေးခဲ့ကြောင်း ရန်ကုန် ဘုရင့်နောင် ပွဲရုံတန်းမှ ဆန်လုပ်ငန်းရှင် တဦးက ပြောသည်။

“ပွဲရုံတွေကို စစ်ဆေးပြီးတော့ လုပ်ငန်း လုပ်ခွင့်၊ တင်သွင်းခွင့်တွေ ပိတ်မယ်။ ဆန်တွေကို အစားပြန်ပေးရမယ် ပြောတယ်” ဟု သူက ပြောသည်။

ထိုအဖြစ်အပျက်များကြောင့်  ပုဂ္ဂလိက ကုမ္ပဏီများက ပြည်ပသို့ ဆန်တင်ပို့မှု ခေတ္တ ရပ်ထားကြောင်း၊  မြန်မာ့ စီးပွားရေး ဦးပိုင် လီမိတက်ကသာ တဦးတည်း တင်ပို့ကြောင်း သူက ဆက်လက် ပြောပြသည်။

၂၀၀၉-၂၀၁၀ ဘဏ္ဍာရေးနှစ်တွင် ပြည်ပသို့ ဆန်တန်ချိန် တသန်းကျော် တင်ပို့ရာတွင် ၆၀ ရာခိုင်နှုန်းကျော်မှာ အာဖရိက နိုင်ငံများသို့ တင်ပို့နေခြင်း ဖြစ်ကြောင်း၊ အာရှဈေးကွက်တွင် ဖိလစ်ပိုင်၊ ဘင်္ဂလားဒေ့ရှ်၊ မလေးရှားနိုင်ငံများသို့ တင်ပို့ရပြီး၊ ဥရောပ နိုင်ငံများသို့လည်း တင်ပို့ရကြောင်း စီးပွား/ကူးသန်း ၀န်ကြီးဌာန ထုတ်ပြန်ချက်များအရ သိရသည်။

အကျိုးအကြေ ၂၅ ရာခိုင်နှုန်း ပါဝင်သည့် ဧည်မထ၊ ငစိန်၊ မီးဒုံး အမျိုးအစား ဆန်များကို အများဆုံး တင်ပို့သည်ဟု ဆိုသည်။

Friday, 05 March 2010 11:21 ရန်ပိုင် 
ရင်းမြစ် ။  ။ ဧရာဝတီ

တရုတ်ပါတီကြီး နဲ့ မြန်မာပါတီကြီး


နေပြည်တော် ကြံ့ဖွံ့ဌာနချုပ်က ဒိုင်ယာလော့
တရုတ်ပါတီကြီး နဲ့ မြန်မာပါတီကြီး
တရုတ်ကွန်မြူနစ်ပါတီက လူကြီးတယောက် ကြံ့ဖွံ့အသင်းနဲ့ မြန်မာပြည်မှာ တွေ့တယ်လို့ ဒီကနေ့ သတင်းစာတွေရဲ့ မျက်နှာဖုံးမှာ ရေးပါတယ်။ တွေ့တော့ ဘာဖြစ်လဲ၊ ဘာတွေ ပြောကြလဲ ဆိုတာတော့ မသိချင်ပါနဲ့ဗျာ။ ထုံးစံအတိုင်း ရေးမထားပါဘူး။ အာဏာရှင်တွေထုတ်တဲ့ သတင်းစာဆိုမှတော့ လူစာရင်းတွေပဲ တွေ့ရမှာပါ။
နိုင်ငံခေါင်းဆောင်များ အလည်အပတ်ခရီးစဉ် သဘောမျိုးမဟုတ်ဘဲ နိုင်ငံရေးပါတီ ၂ ခု တွေ့တဲ့ပုံစံ ဖြစ်နေပါတယ်။ ကြံ့ဖွံ့အသင်းကြီးက အပြည်ပြည်ဆိုင်ရာ ပါတီကြီးများနဲ့ သို့ကလို တွေ့နေတာ ကြာပါပြီ။
နိုင်ငံရေးသမားများ မြန်မာ့အသံသွားကြမလား
မီဒီယာ ရွှေခေတ် ဖြစ်နေပြီ ထင်ပါရဲ့။
နေပြည်တော်မှာ ရှိတဲ့ မြန်မာ့အသံနဲ့တီဗီမှာလည်း လူလိုပါသတဲ့။ ဒီကနေ့ ကြေးမုံ စာမျက်နှာ ၁၁ မှာ ပါပါတယ်။ နိုင်ငံရေးသမား အလုပ်မလျှောက်ရ ဆိုပြီး စည်းကမ်းချက်ထဲ ရေးမထားဘူးခင်ဗျ။ ဘွဲ့ရပြီးသား ဖြစ်ရမယ်၊ ၅ နှစ်ဆက်တိုက် လုပ်ရမယ်၊ အအေးခန်းထဲ လုပ်ရမယ့် ကျန်းမာရေး ရှိရမယ်လို့တော့ ရေးထားတယ်။
        ဆယ်တန်းအောင်လက်မှတ်က မြန်မာပြည်မှာ အရမ်း၊ အရမ်း အရေးကြီးပုံ ရပါတယ်။ "အသက်အထောက်အထားအတွက် အခြေခံပညာ အထက်တန်း အောင်လက်မှတ် မိတ္တူ" ကို လျှောက်လွှာနဲ့ တွဲပို့ရမယ်လို့ အလုပ်ခေါ်စာ ကြော်ငြာမှာ ရေးထားလို့ပါ။
ကြော်ငြာ
မီးလောင်ရင် ပြည်သူတွေမှာ တာဝန်ရှိသတဲ့
ဟိုတနေ့ (မတ် ၃ရက်နေ့)က ကြေးမုံ မျက်နှာဖုံးမှာလည်း မျက်လုံးပြူးစရာ ညွှန်ကြားချက်တွေ တွေ့ရသဗျ။ မီးမလောင်မီ ပြည်သူတို့၏တာဝန် ဆိုတဲ့ ခေါင်းစဉ်နဲ့ပါ။
မီးလောင်ရင် အုံပြီး ပြုံပြီး မကြည့်နဲ့၊ လမ်းပိတ်တတ်တယ် မီးသတ်ကား ၀င်လို့ မရဘူး ဆိုပြီး ညွှန်ကြားတာတော့ မပါပါဘူး။
အချက် ၁၀ ချက်ရှိတဲ့ထဲက နောက်ဆုံးအချက်က မျက်လုံးပြူးစရာပါ။ "မီးသတ်ယာဉ်များ အစဉ် ကောင်းမွန်စေရေးအတွက် လှူဒါန်း ပံ့ပိုးပေးကြပါ" ဆိုပဲ။
အစိုးရက ပိုက်ဆံတွေ ဘယ်နေရာမှာ သွားသုံးပါလိမ့်။ အစိုးရမွဲသွားပြီ ထင်ပါရဲ့။ စစ်ရေးအသုံးစရိတ် ကြီးတာကြောင့်တော့ မဟုတ်ဘူး ထင်တယ်။ မြန်မာ့တပ်မတော်ကတောင် အရပ်သားတွေရဲ့ မော်တော်ယာဉ်တွေ ချောဆွဲပြီး သုံးနေရတာ မဟုတ်လား။ အင်း - အစိုးရမှာ တကယ် ဘတ်ဂျက် မရှိဘူး ထင်ပါရဲ့။
အဝေးကြည့်မှန်ပြောင်း
မေ ၅၊ ၂၀၁၀

ပြိုင်တူတွန်းဖို့ လိုသေးသည်


၂၀၁၀ ဖေဖော်ဝါရီ (၂၄၊ ၂၅၊ ၂၆) ရက်တွေမှာ ကျင်းပခဲ့တဲ့ သတ္တမအကြိမ်မြောက် မြန်မာသတင်းသမဂ္ဂညီလာခံ ပြီးဆုံးသွားပါပြီ။

မြန်မာသတင်းသမဂ္ဂ သတ္တမအကြိမ်ညီလာခံမှာ ထူးခြားချက်တချို့ကို တွေ့ရပါတယ်။ ပထမနေ့မှာ သတင်းစာဆရာကြီး လူထုစိန်ဝင်းနဲ့ ဆရာဦးဝင်းဖေတို့ရဲ့ ဗွီဒီယိုအမှာစကားများ၊ ဒုတိယနေ့မှာ ဆရာမောင်စွမ်းရည်ရဲ့ ဗွီဒီယိုအမှာစကား၊ တတိယနေ့မှာ ၀ါရင့်ဂီတပညာရှင် ဒေါ်မာမာအေးရဲ့ ဗွီဒီယိုအမှာစကား စသည်တို့ကို ညီလာခံမှာ တင်ဆက်နိုင်ခဲ့ပါတယ်။ ရှေ့မျိုးဆက်နဲ့ နောက်မျိုးဆက်တို့ရဲ့ အပြန်အလှန် အားပြုချိတ်ဆက်မှု စေတနာဆက်ထုံးကို ဖော်ပြတဲ့အစီအစဉ်လို့ ဆိုနိုင်ပါတယ်။

တခါ ဒီနှစ် ‘ကင်ဂျီနာဂအိ’ အမှတ်တရဆုကလည်း တနည်းတဖုံ ထူးခြားပါတယ်။ အမှန်က နှစ်စဉ် ထိုက်တန်တဲ့ သတင်းသမားတဦးကို ရွေးချယ်ဆုပေးဖို့ဖြစ်ပေမယ့် လက်ရှိအခြေအနေအရ ထောင်နှစ်ရှည်ချမှတ်ခံရတဲ့ သတင်းထောက်က (၂) ယောက်မက တွေ့ရပါတယ်။ အဲဒီထဲကမှ ကိုဝင်းမော် ထောင်ဒဏ် (၁၇) နှစ်နဲ့ မလှလှဝင်း ထောင်ဒဏ် (၂၇) နှစ်တို့ကို အင်တာနက်မှာ ဆန္ဒမဲပေးရွေးချယ်ခဲ့တာ ဖြစ်ပါတယ်။ ကင်ဂျီနာဂအိရဲ့ မိခင်သတင်းဌာနဖြစ်တဲ့ ‘အေပီအက်ဖ်’ ကလည်း (၂) ဦးလုံးကို ဆုပေးသင့်ကြောင်း သဘောတူတဲ့အတွက် ဒီနှစ်ညီလာခံမှာ ဘ၀နဲ့ရင်းပြီး သတင်းယူခဲ့ကြတဲ့ ကိုဝင်းမော်နဲ့ မလှလှဝင်းတို့ကို ထိုက်ထိုက်တန်တန် ဆုချီးမြှင့်နိုင်ခဲ့ပါတယ်။

ဒါ့အပြင် ၂၀၀၇ ရွှေဝါရောင်အရေးတော်ပုံက အစပြုလို့ လူထုသတင်းသမားတွေအဖြစ် တာဝန်ကျေခဲ့ကြတဲ့ မြန်မာဘလော့ဂါတွေရဲ့ အခန်းကဏ္ဍကို အားပေးမြှင့်တင်လိုတဲ့အတွက် အကောင်းဆုံး ‘မြန်မာဘလော့ (၁၀) ခု’ ကိုလည်း အင်တာနက်မှာပဲ မဲပေးရွေးချယ်တဲ့စနစ်နဲ့ ရွေးချယ်ပြီး ဆုချီးမြှင့်ခဲ့ပါတယ်။ ဘလော့ဂါဆုတွေကို နယ်စည်းမခြား သတင်းသမားများအဖွဲ့ (Reporters San Frontiers) က တာဝန်ယူချီးမြှင့်ခဲ့တာ ဖြစ်ပါတယ်။

ဒီနှစ်ရဲ့နောက်ထူးခြားချက်တခုက ရွေးကောက်ပွဲနဲ့ စပ်လျဉ်းတဲ့ စိတ်ဝင်စားမှု သြဇာသက်ရောက်လွန်းနေတဲ့အချက်ပါပဲ။ သတင်းသမဂ္ဂ ညီလာခံအပေါ်လည်း ရွေးကောက်ပွဲသြဇာလွှမ်းမိုးမှု ကြီးမားတာတွေ့ရပါတယ်။ နိုင်ငံတကာ သတင်းစာဆရာတွေဖြစ်ကြတဲ့ လာရီဂျေဂင် (Larry Jagan) နဲ့ မာရ၀န်း မာကန်မာကာ (Marwaan Marcan-Marker) တို့က ၂၀၁၀ ခုနှစ်မှာ ဖြစ်လာစရာရှိတဲ့ မြန်မာ့ရွေးကောက်ပွဲရဲ့ အခြေအနေနဲ့ အလားအလာတွေကို နိုင်ငံတကာရွေးကောက်ပွဲများနဲ့ နှိုင်းယှဉ်တင်ပြကြပါတယ်။

ဒီ့အပြင် ‘အာရှ ရွေးကောက်ပွဲလွတ်လပ်မှု စောင့်ကြည့်ရေးကွန်ရက်’ (ANFREL) ကိုယ်စား အီချာဆူပရီယာဒီ (Ichal Supriayadi) နဲ့ ဘီဒယတ်ဒတ်စ် (Bidhayak Das) တို့ကလည်း ညီလာခံတက်လာတဲ့ မြန်မာသတင်းစာဆရာများကို ‘ရွေးကောက်ပွဲ စောင့်ကြည့်လေ့လာရေး နည်းနာများ’ နဲ့ မိတ်ဆက်ပေးပါတယ်။ တခါ ‘ထိုင်းနိုင်ငံသတင်းစာဆရာများအသင်း’ (TJA) ကိုယ်စားလှယ် ချာဗရွန်လင်ပတ္တမာပနီ (Chavarong Limpattamapanee) က ထိုင်းသတင်းမီဒီယာများအနေဖြင့် မြန်မာ့ရွေးကောက်ပွဲကို ကမ္ဘာကသိအောင် စောင့်ကြည့်သတင်းပေးပို့ကာ အကူအညီပေးနိုင်ပုံကို တင်ပြပါတယ်။ ‘အရှေ့တောင်အာရှသတင်းစာမဟာမိတ်အဖွဲ့’ (SEAPA) ကိုယ်စားလှယ် မစ္စကူလချဒါ ချိုင်ပီပတ် (Ms.Kulachada Chaipipat) က မြန်မာ့ရွေးကောက်ပွဲကို စောင့်ကြည့်သတင်းဖော်ပြကြမည့် အရှေ့တောင်အာရှဒေသအတွင်းရှိ သတင်းစာနဲ့ သတင်းမီဒီယာအဖွဲ့အစည်းများရဲ့ အခန်းကဏ္ဍအရေးပါပုံကို တင်ပြပါတယ်။

ရွေးကောက်ပွဲအတွေ့အကြုံနဲ့ ပတ်သက်ပြီး ဇင်ဘာဘွေနိုင်ငံက သတင်းစာသမား (၂) ဦးဖြစ်တဲ့ မစ္စဂယ်ရီဂျက်ဆင် (Ms.Jerry Jackson) နဲ့ မစ္စ၀ိုင်အိုလက်ဂွန်ဒါ (Violet Gonda) တို့ကလည်း သူတို့နိုင်ငံရဲ့ ရွေးကောက်ပွဲကာလ သတင်းရယူပေးပို့ပုံတွေ လာရောက်တင်ပြ ဆွေးနွေးခဲ့ပါသေးတယ်။ ထူးထူးခြားခြား သူတို့ကဏ္ဍကို မြန်မာသတင်းသမားတွေ တော်တော်စိတ်ဝင်တစား ဆွေးနွေးမေးမြန်းကြတာ တွေ့ရပါတယ်။ နိုင်ငံတကာသတင်းသမားများရဲ့ ရွေးကောက်ပွဲသတင်းယူ အတွေ့အကြုံတွေကို မြန်မာသတင်းသမားတွေ သိရှိမှတ်သားစရာ မျှဝေတာဖြစ်လို့ တန်ဖိုးရှိတဲ့ ဗဟုသုတတွေဖြစ်ပါတယ်။ မြန်မာသတင်းသမားတွေ သိရှိလိုတဲ့ အချက်များကိုလည်း အပြန်အလှန် ဆွေးနွေးခွင့် မေးမြန်းခွင့်တွေရရှိတဲ့အတွက် အကျိုးများတယ်လို့ ဆိုရမှာပါပဲ။

သတင်းလောကသားတွေ အပါအ၀င် လူအများ စိတ်ဝင်စားမှုအရှိဆုံးလို့ပြောရမယ့် အစီအစဉ်ကတော့ ညီလာခံ ဒုတိယနေ့ရဲ့ မွန်းလွဲပိုင်း အစီအစဉ်ဖြစ်တဲ့ “မြန်မာ့နိုင်ငံရေးနဲ့ ၂၀၁၀ အထွေထွေရွေးကောက်ပွဲ ဆွေးနွေးခန်း” ဖြစ်ပါတယ်။ အစီအစဉ်ကို တာဝန်ယူ တင်ဆက်သူက ဗွီအိုအေ ရုပ်သံအဖွဲ့ဖြစ်ပါတယ်။ ဦးကျော်ဇံသာက ကြီးကြပ်သူအဖြစ် ဆောင်ရွက်ပါတယ်။ ပါဝင်ဆွေးနွေးသူတွေကတော့ ဒီမိုကရေစီပါတီခေါင်းဆောင် ဦးသုဝေ၊ ပြည်တွင်း NGO တခုမှာ တာဝန်ထမ်းနေတဲ့ ဒေါက်တာခင်ဇော်ဝင်း၊ မြန်မာသတင်းသမဂ္ဂဥက္ကဋ္ဌ ဦးမောင်မောင်မြင့်၊ ဦးမောင်မောင် (NCUB) တို့ဖြစ်ပါတယ်။

ပါဝင်ဆွေးနွေးကြသူတွေရဲ့ ၂၀၁၀ ရွေးကောက်ပွဲအပေါ် အမြင်တွေကို ဦးကျော်ဇံသာက မေးမြန်းဖော်ထုတ်ပါတယ်။ သူတို့အမြင်တွေကို ပရိသတ်က ဝေဖန်ဆွေးနွေးပါတယ်။ ညီလာခံခန်းမထဲမှာတင်မက မြန်မာနိုင်ငံအတွင်းနဲ့ နိုင်ငံတကာအထိ ဂယက်ရိုက်ခတ်သွားစေခဲ့တဲ့ ဆွေးနွေးဝိုင်းလို့ ဆိုလောက်ပါတယ်။ အမြင်အယူအဆတွေနဲ့ ပတ်သက်လို့ သဘောကွဲလွဲမှုတွေ ကြီးကြီးမားမား ရှိခဲ့တာကတော့ အမှန်ပါပဲ။ မြန်မာသတင်းသမဂ္ဂက ညီလာခံခန်းမကို (၂) နာရီခန့် အသုံးပြုခွင့်ပေးခဲ့ပြီး ဗွီအိုအေသတင်းဌာနက ဒီဆွေးနွေးခန်းဖြစ်မြောက်အောင် ကမကထလုပ်ခဲ့တာဖြစ်ပါတယ်။ ဗွီအိုအေရဲ့ ရည်ရွယ်ချက်က လွတ်လပ်စွာပြောဆိုခွင့်နဲ့ ပတ်သက်တဲ့ နယ်ပယ်အ၀န်းအ၀ိုင်းကို ချဲ့ထွင်ကြည့်လိုက်တဲ့သဘောလို့ ဆိုနိုင်ပါတယ်။

နောက် ပရိသတ်စိတ်ဝင်စားမှုရှိတဲ့ အခန်းကဏ္ဍတွေကတော့ ‘တိုင်းရင်းသားမီဒီယာ၏ အခန်းကဏ္ဍ’ (နိုင်ကဆော့မွန်)၊ ‘မီဒီယာနှင့် လိင်ခွဲခြားမှုပြဿနာ’ (ဒေါ်တင်တင်ညို)၊ ‘မီဒီယာကျင့်ဝတ်နှင့် ဆရာဝန်ကျင့်ဝတ်’ (ဒေါက်တာထင်ဇော်)၊ ‘အာဏာရှင်အောက်က မြန်မာ့ကာတွန်းလောက’ (ရဲခေါင်မဲမောင်)၊ ‘ရာစုနှစ်ဝက်အတွင်း မြန်မာကဗျာနာကျင်မှု’ (ကဗျာဆရာ ငြိမ်းဝေ)၊ ‘လူ့အခွင့်အရေး၊ အမျိုးသမီးနှင့် ကလေးအခွင့်အရေးကာကွယ်ရာ၌ မီဒီယာ၏ အခန်းကဏ္ဍ’ (ဦးအောင်မျိုးမင်း)၊ ‘စာနယ်ဇင်းသမား လုပ်ချင်၏၊ အမှန်တရားကို ဆုပ်ကိုင်ရဲဝံ့ မရဲဝံ့’ (စာရေးဆရာ စိုးနေလင်း) အစရှိတဲ့ အကြောင်းအရာများ ဖြစ်ပါတယ်။ ဒါ့အပြင် ‘မြန်မာအွန်လိုင်းမီဒီယာများ၏ လုံခြုံမှုနှင့် ဖြစ်လာနိုင်သည့် အွန်လိုင်းတိုက်ခိုက်မှုများ’ (အိုင်တီပညာရှင်တဦး)၊ ‘မြန်မာအွန်လိုင်း မီဒီယာများနှင့် ဧရာယူနီကုဒ်စနစ်’ (ဦးမင်းကျော်)၊ ‘ကွန်ပြူတာ၊ မာလ်တီမီဒီယာနှင့် နည်းပညာများ’ (မစ္စတာ ဘားမား)၊ ‘မြန်မာဘလော့ဂါများနှင့် မြန်မာမီဒီယာ’ (ဦးမင်းဒင်) တို့ တင်ပြဆွေးနွေးကြတဲ့ ကွန်ပြူတာနည်းပညာဆိုင်ရာ အခန်းကဏ္ဍတွေကိုလည်း ပရိသတ် စိတ်ဝင်စားတာ တွေ့ရပါတယ်။

ဒီနှစ်ညီလာခံ အထိမ်းအမှတ်အနေနဲ့ မြန်မာသတင်းသမဂ္ဂက စာအုပ် (၃) အုပ် ထုတ်ဝေနိုင်ခဲ့ပါတယ်။ အဲဒီစာအုပ်တွေကတော့ ဆရာလူထုစိန်ဝင်းရဲ့ ‘လူထုရနံ့စာစုများ’၊ ကာတွန်းဝင်းထွန်း ခေါ် Mr Burma ရဲ့ ‘ဒါ ဗမာပြည်’၊ မြန်မာသတင်းသမဂ္ဂ အဖွဲ့သားများ စုစည်းတင်ပြတဲ့ ‘ရွေးကောက်ပွဲနှင့် သတင်းထောက်မှတ်စု’ စာအုပ်တွေ ဖြစ်ပါတယ်။ တအုပ်ကို စောင်ရေ (၅၀၀) စီ ထုတ်ဝေပြီး အခမဲ့ဖြန့်ဝေခဲ့ပါတယ်။ ပုံနှိပ်ထုတ်ဝေမှု ကုန်ကျစရိတ်ကို National Endowment for Democracy (NED) က ကူညီပံ့ပိုးခဲ့ပါတယ်။

မြန်မာသတင်းသမဂ္ဂ အလုပ်အဖွဲ့အနေနဲ့ တနှစ်မှာတခါ ညီလာခံကျင်းပနိုင်ရေးအတွက် စိတ်ဖိစီးမှုတွေ အတော်များများကို ရင်ဆိုင်ပြီး လုံးပန်းခဲ့ကြရတယ်ဆိုရင် မမှားပါဘူး။ ကမ္ဘာ့နိုင်ငံ (၁၁) နိုင်ငံလောက်မှာ ပျံ့နှံ့ရောက်ရှိနေကြတဲ့ မိတ်ဆွေရောင်းရင်း ရဲဘော်ရဲဘက် လုပ်ဖော်ကိုင်ဖက်တွေ အချင်းချင်း ပြန်ဆုံနိုင်အောင်၊ အမြင်တွေ ဖလှယ်နိုင်အောင် စုစည်းညီညွတ်မှု ရအောင်လုပ်တဲ့ ညီလာခံလို့ ယေဘုယျအားဖြင့် ဆိုနိုင်ပါတယ်။ ညီလာခံပြီးချိန်မှာတော့ ထုံးစံအတိုင်း ဝေဖန်သံတွေ ထောင့်အသီးသီးက ထွက်လာပါတယ်။

ယေဘုယျအားဖြင့်တော့ ဝေဖန်ရေးလုပ်တာ ကောင်းပါတယ်။ ကြိုဆိုရမှာဖြစ်ပါတယ်။ ဒါပေမယ့် ဝေဖန်သူရဲ့ စိတ်ရင်းစေတနာ မှန်ကန်ဖို့ကလည်း အထူးအရေးကြီးပါတယ်။ ဒီ့ထက်ပိုအရေးကြီးတာက အဖွဲ့အစည်း ဖွံ့ဖြိုးတိုးတက်ရေးအတွက် ဝေဖန်ရေးလည်းလုပ်၊ လက်တွေ့ကျတဲ့ ပါဝင်ပံ့ပိုးမှုတွေလည်း လုပ်ကြမယ်ဆိုရင်တော့ ပိုပြီးဆီလျော်မယ်ထင်ပါတယ်။ အနည်းဆုံး သမဂ္ဂအဖွဲ့ဝင်အဖြစ် မှတ်ပုံတင်ကြ၊ နိုင်ငံအခြေအနေအလိုက် အနည်းဆုံး သတ်မှတ်ထားတဲ့ အဖွဲ့ဝင်ကြေးလည်း ထည့်ဝင်ကြမယ်ဆိုရင် “မြန်မာသတင်းသမဂ္ဂ” ဟာ အတော်အတန် အားကောင်းတဲ့ အဖွဲ့ဖြစ်လာဖို့ရှိပါတယ်။

(၇) နှစ်သားဖြစ်လာတဲ့အထိ မြန်မာသတင်းသမဂ္ဂဟာ ဖွံ့ဖြိုးသင့်သလောက် ဖွံ့ဖြိုးလာခြင်းမရှိဘူးလို့ ဝေဖန်ရင်လည်း မှန်နေတာကြောင့် ခံရမှာပါပဲ။ ဒါပေမယ့် စေတနာမှန်တဲ့ ဝေဖန်ရေးဆိုရင်တော့ တဖက်သတ် အပြစ်ဖို့တာမျိုး မလုပ်သင့်ဘူးလို့ ထင်ပါတယ်။ အဆိုးအကောင်းကို မျှမျှတတ မီးမောင်းထိုးပြပြီး ရလဒ်ကောင်းရှိရင်လည်း အသိအမှတ်ပြုဖို့ လိုပါတယ်။ ပြုပြင်စရာတွေ့ရင်လည်း အကျိုးသင့် အကြောင်းသင့် အကြံပြုသင့်ပါတယ်။

မြန်မာသတင်းသမဂ္ဂအဖွဲ့မှာ ရုံးခန်းမရှိပါ။ လစာနဲ့ အမြဲခန့်ဝန်ထမ်းမရှိပါ။ မြန်မာသတင်းသမဂ္ဂမှာ ပါဝင်ဆောင်ရွက်နေကြသူ များဟာ တယောက်တနိုင်ငံစီမှာ နေကြသူတွေဖြစ်ပြီး အင်တာနက်ကောင်းမှုကြောင့် စုပေါင်းစဉ်းစား အမြင်ဖလှယ်၊ စုပေါင်းတိုင်ပင် လုပ်ငန်းစဉ်ရေးဆွဲ၊ စုပေါင်းတာဝန်ယူ စသည်ဖြင့် စေတနာ့ဝန်ထမ်း ဆောင်ရွက်နေကြတာ ဖြစ်ပါတယ်။ ငွေကြေးအကျိုးရလဒ် တခုခုကို မြော်မြင်ပြီး ပါဝင်လုပ်ဆောင်နေကြတာမျိုး မဟုတ်ပါ။ ဒီမိုကရေစီနိုင်ငံ ထူထောင်မယ်ဆိုရင် စတုတ္ထမဏ္ဍိုင် ကြံ့ခိုင်ဖို့လိုပါတယ်။

ဒါကြောင့် မြန်မာနိုင်ငံမှာ သတင်းလွတ်လပ်ခွင့် ပိုမိုတိုးတက်ရရှိလာရေး၊ မြန်မာသတင်းမီဒီယာနယ်ပယ်မှာ တာဝန်ထမ်းနေကြတဲ့ သတင်းလောကသားတွေရဲ့ အခြေခံရပိုင်ခွင့်တွေ တိုးတက်ရရှိရေး၊ မြန်မာသတင်းသမားများနဲ့ သတင်းလုပ်ငန်းများရဲ့ အရည်အသွေး ခေတ်မီတိုးတက်မြင့်မားရေး၊ နိုင်ငံတကာသတင်းမီဒီယာဆိုင်ရာ အဖွဲ့အစည်းများနဲ့ မြန်မာသတင်း လောကသားတို့ ပိုမိုထိတွေ့ ဆက်သွယ်နိုင်ရေး၊ နိုင်ငံတကာသတင်းစာလွတ်လပ်ခွင့် လှုပ်ရှားမှုတွေမှာ မြန်မာသတင်းသမားတွေလည်း ပူးပေါင်းပါဝင်နိုင်ရေး အစရှိတဲ့ ရည်မှန်းချက်တွေနဲ့ မည်သည့်လာဘ်လာဘကိုမျှ မမြော်မြင်ဘဲ ဆောင်ရွက်နေကြတာ ဖြစ်ပါတယ်။

နှစ်စဉ် မြန်မာသတင်းသမဂ္ဂညီလာခံတိုင်းမှာ အဖွဲ့ဝင်ကြေးများ ထည့်ဝင်ပြီး အဖွဲ့ဝင်အဖြစ် မှတ်ပုံတင်ကြဖို့ အမြဲနှိုးဆော်ခဲ့ပါတယ်။ ဒါပေမယ့် အဖွဲ့ဝင်ကြေး ထည့်ဝင်မှတ်ပုံတင်သူ အရေအတွက်ဟာ မျှော်မှန်းသလောက် ဖြစ်မလာခဲ့ပါဘူး။ ညီလာခံ နီးလာရင်တော့ ညီလာခံတက်ချင်သူတွေ ဖိတ်စာမရလို့ မေးလာသူတွေကတော့ ဒုနဲ့ဒေးလို့ ပြောနိုင်ပါတယ်။ မြန်မာသတင်းသမဂ္ဂကတော့ လက်လှမ်းမီသလောက် မြန်မာမီဒီယာသမားတွေ ကျန်နေရစ်တာမျိုး မဖြစ်ရအောင် ဂရုစိုက်ဖိတ်လေ့ရှိပါတယ်။ ဒါကြောင့် နိုင်ငံ (၁၁) နိုင်ငံက မြန်မာသတင်းသမား (၁၅၀) ထက်မနည်းကို ဖိတ်ကြားခဲ့ပါတယ်။ ခရီးစရိတ်သိပ်ကြီးလို့ မတတ်သာဘဲ ချန်ခဲ့ရသူတချို့တော့ ရှိပါတယ်။

နောက်တချက်က ညီလာခံအပိတ်နေ့မှာ အဖွဲ့ဝင်တွေ စုံစုံညီညီ အစည်းအဝေးတက်ရောက်ကြဖို့ တင်ကြိုအသိပေး ဆော်သြခဲ့ပေမယ့်လည်း တက်တက်ကြွကြွ တက်ရောက်လာတာ မတွေ့ရပါဘူး။ တကယ်တော့ အပြင်မှာ တာဝန်မဲ့ အပြစ်တင်မယ့်အစား အစည်းအဝေးတက်လာပြီး ပွင့်ပွင့်လင်းလင်း ဝေဖန်ထောက်ပြတာမျိုးက ပိုပြီး အပြုသဘော ဆောင်ပါတယ်။ ဒါ့အပြင် အလုပ်အမှုဆောင်အဖွဲ့ ပြန်လည်ဖွဲ့စည်းရေးအတွက် ဒီမိုကရေစီနည်းကျ မဲဆန္ဒပေး ရွေးချယ်ရာမှာလည်း ကိုယ်တိုင်ပါဝင်ရမှာ ဖြစ်ပါတယ်။ လက်ရှိအလုပ်အမှုဆောင်တွေ လုပ်ပုံကိုင်ပုံကို အားမရရင် ကိုယ်တိုင်ပါဝင် လုပ်ဆောင်နိုင်ခွင့်ရှိပါတယ်။ အဲဒီလို လုပ်ချင်ကိုင်ချင်စိတ်ရှိတဲ့ တက်ကြွတဲ့ အမှုဆောင်အသစ်တွေ မြန်မာသတင်းသမဂ္ဂအတွက် လိုပါတယ်။

ဝေဖန်ရေးလည်း လုပ်မယ်၊ ကိုယ်တိုင်လည်း ၀င်လုပ်ကြည့်မယ်ဆိုရင် အားနည်းချက် အားသာချက် အခွင့်အလမ်းနဲ့ အလားအလာတွေကို ကိုယ်တိုင်မြင်လာ သိလာမှာဖြစ်ပါတယ်။ ဒါကြောင့် အပြင်ကနေ ထင်ကြေးနဲ့ ဝေဖန်နေတာမျိုးထက် အတွင်းစည်းထဲကို အဖွဲ့ဝင်အဖြစ် ၀င်ပါပြီး အလုပ်လုပ်ရင်း ဝေဖန်အကြံပေးကြမယ်ဆိုရင် မြန်မာသတင်းသမဂ္ဂဟာ လက်ရှိအခြေအနေထက် ပိုမိုဖွံ့ဖြိုးလာမယ်ထင်ပါတယ်။

ဒါပေမယ့် ၀မ်းနည်းဖို့ကောင်းတာက ဒီနှစ် မြန်မာသတင်းသမဂ္ဂအစီရင်ခံစာ တင်ပြချိန်၊ သမဂ္ဂဖွဲ့စည်းပုံဆိုင်ရာ ဆွေးနွေးချိန်၊ အမှုဆောင်သစ် ရွေးကောက်တင်မြှောက်ကြရမယ့်အချိန်မှာ အစည်းအဝေးတက်သူ တဒါဇင်တောင် မပြည့်တော့ပါဘူး။ ညီလာခံစရိတ်နဲ့ ထိုင်းနိုင်ငံ ချင်းမိုင်မြို့ကို ညီလာခံတက်ဖို့ ရောက်လာခဲ့ကြတာပါပဲ။ ဒါပေမယ့် ရောက်တုန်းရောက်ခိုက် ကိုယ်အာရုံကျရာ နေရာဒေသ၊ လူပုဂ္ဂိုလ်တို့ဆီကို သွားလိုစိတ်က ညီလာခံကိစ္စအပေါ် လွှမ်းမိုးသွားပုံရပါတယ်။ ဒီတော့ ညီလာခံမှာတင်ပြတဲ့ မြန်မာသတင်းသမဂ္ဂအစီရင်ခံစာကို နားမထောင်ဖြစ်သူက အများစုဖြစ်သွားပါတယ်။ သတင်းသမဂ္ဂရဲ့ တနှစ်တာခရီးအတွင်း ကောင်းကျိုးဆိုးပြစ်တွေကို ဝေဖန်သူမရှိ ဖြစ်သွားပါတယ်။

အများစု ညီလာခံပြင်ပရောက်နေတော့ သူတို့ရဲ့ ပြောဆိုဝေဖန် ဆွေးနွေးပိုင်ခွင့်တွေ ဆုံးရှုံးသွားပါတယ်။ ဒီဆုံးရှုံးမှုဟာ လူပုဂ္ဂိုလ်တဦးတယောက်ရဲ့ ဆုံးရှုံးမှုမျှသာမကပါဘူး။ အဖွဲ့အစည်းအတွက် မြန်မာသတင်းလောကအတွက် ဆုံးရှုံးမှုလို့လည်း ပြောနိုင်ပါတယ်။ ပထမဆုံးရှုံးမှုက ညီလာခံမှာ ဒီမိုကရေစီကျင့်စဉ်အရ အမှုဆောင်အဖွဲ့သစ်ရွေးချယ်ဖို့ အခွင့်အရေး ရရှိပါလျက်နဲ့ မကျင့်သုံးလိုက်နိုင်ဘူး။ ဒုတိယဆုံးရှုံးမှုက ညီလာခံကနေ လုပ်ငန်းလမ်းညွှန်မှုအစီအစဉ် အချိန်ဇယား စသည်ဖြင့် မချမှတ်နိုင်ဘူး။ ဒီဆုံးရှုံးမှုတွေကို ကာကွယ်နိုင်ခဲ့ရင် အဖွဲ့အစည်းဟာ လက်ရှိအခြေအနေထက် ပိုမိုသွက်လက် ထက်မြက်လာစရာရှိတယ်လို့ ယုံကြည်ပါတယ်။ ၂၀၁၀ ခုနှစ်မှာ အမျိုးသားရေးအတွက် ပိုပြီး စည်းကိုက်ဝါးကိုက်လည်း အလုပ်လာနိုင်ကြမှာဖြစ်ပါတယ်။

ဒါကြောင့် သတ္တမအကြိမ် မြန်မာသတင်းသမဂ္ဂညီလာခံရဲ့ အားအနည်းဆုံးအချက်ကို ထောက်ပြပါဆိုရင် ဒီမိုကရေစီနည်းကျ အလုပ်အမှုဆောင်အဖွဲ့သစ်ကို ညီလာခံမှာ ရွေးချယ်တင်မြှောက်မှု မလုပ်နိုင်တဲ့ အချက်ကို ထောက်ပြရမှာပါပဲ။ “ပြိုင်တူတွန်းလျှင် ရွေ့နိုင်ပါသည်” လို့ ပြောတတ်ကြပေမယ့် ယခုထိ ပြိုင်တူတွန်းဖို့ ပျက်ကွက်နေကြတုန်းပါပဲ။ မြန်မာသတင်းလောကသားအားလုံးမှာ တာဝန်ရှိတယ်လို့ ခံစားနားလည်မိပါတယ်။ ။

 ဇင်လင်း
၎/ မတ် ၂၀၁၀
(ခေတ်ပြိုင်)

ခင်ဗျား စဉ်းစားဖို့ လိုနေပြီ


သဘာဝဘေးတဲ့လား
ဒီလို ဖြေသိမ့်ရပေါင်း ဘယ်နှစ်ခါ
သက်ပြင်းချကြရဦးမှာလဲ
သဘာဝပတ်ဝန်းကျင် ပျက်စီးစပြုနေတဲ့
ယမ်းငွေ့တွေ မွှန်ထူနေတဲ့
နူကလီးယားကမ္ဘာကို
စိန်ခေါ် သတိပေးမှုတွေဆိုရင်
ကမ္ဘာ့ပြည်သူတွေ အပေါ်
ရက်စက်ရာ ရောက်နေပြီဆိုတာ
လောကကြီးရေ
ခင်များ စဉ်းစားဖို့လိုနေပြီ။

ဆူနာမီ နဲ့အတူလွင့်စင်သွားတဲ့ ဝိဉာဉ်တွေရဲ့
အရိုးတွေတောင် သမုဒ္ဒရာကြမ်းပြင်မှာ
အနည်မထိုင်သေးဘူး...
တင်ကျန်ရစ်တဲ့ ရုပ်အလောင်းတချို့တောင်
ပိုင်ရှင်လက် ပြန်မအပ်နိုင်သေးဘူး...
နာဂစ် လေရူး အလစ်ဝင်မွှေ့သွားလိုက်တာ
မြစ်ဝကျွန်းပေါ်မှာ အလောင်းတွေ
မြင်မကောင်း ရှုမကောင်းနဲ့
မေ့လို့တောင်မရနိုင်သေးဘူး... ခြောက်ခြားတုန်း
သဘာဝဘေးနဲ့အတူ မသမာဘေး ထပ်ဆင့်တော့
မြစ်ဝကျွန်းပေါဟာ
မဝရေစာနဲ့ နပ်မှန်ရုံ
အမိုးအကာလေ ရှိရုံတောင် နေသားမကျနိုင်သေးဘူး ...
2010 နှစ်ဦးရဲ့ ကြမ်းကြမ်းတမ်းတမ်း ဘီလူးဝင်စီးသလို
အငြိုးနဲ့ဆွဲခါလိုက်လို့
ဟေတီကျွန်းလေး
အုတ်ခဲကျိုးတွေကြား ဘဝပေါင်းများစွာ ပျောက်ဆုံးလို့မှ
ပူပူနွေးနွေး...
မိမဲ့ဖမဲ့
အိုးမဲ့အိမ်မဲ့
အခြေမဲ့ အနေမဲ့
ကျန်ရစ်သူတွေရဲ့ အနာဂတ်တွေ
အစပြန်ရှာလို့မှ မရနိုင်သေးဘူး...
နိုင်ငံတကာလက်တွေနဲ့ တွဲထူလို့မှ
ပြန်မထနိုင်သေးဘူး...
2012 ခြိမ်းခြောက်မှုတွေ ယုံတင်လို့မှ
ရင်ထိတ်မပြေသေးဘူး...
သဘာဝဆိုတဲ့ တရားကြီးက နောက်တကြိမ်
သွက်သွက်ခါအောင် ရှုးပြန်ပြီ
ငလျင်တဲ့ဗျာ
ငရဲပြည်ကများ လာလေရော့သလား
ချီလီပြည်သူတွေ ပူလောင်နေရပြီ။

စိတ်မကောင်းစရာ အပြိုအပျက်တွေကြား
ဘယ်သူများ အသတ်ရှင်ကျန်နေရစ်မလဲလို့ ဆန္ဒတွေနဲ့
ရှာဖွေကယ်ဆယ်နေတဲ့ မျက်လုံးတွေထဲမှာ
ပြည့်လျှံနေတဲ့ ကရုဏာတရားကို ပါးပြင်ပေါ်
ယိုစီးမလာအောင်
မျက်တောင် အကြိမ်ကြိမ်ခတ် ထိန်ထားရသလို...
နိုင်ငံတကာသမ္မတတွေရဲ့ ဝမ်းနည်းကြောင်းသဝဏ်လွှာ တွေလောက်
မခမ်းနားနိုင်တဲ့ မြစ်ဝကျွန်းပေါ်က စာနာစိတ်တွေလို...
ကမ္ဘာ့ပြည်သူချင်း လူသိရှင်ကြားမဖြစ်နိုင်ပေမယ့်
ထပ်တူထပ်မျှပါပဲ။

လောကကြီးရေ
နောက်တကြိမ် အဖြစ်မခံနိုင်ဘူး
ယမ်းညှော်နံတဲ့ အီရန်နဲ့ မြောက်ကိုးရီးယား တားမလား
အီရတ်စစ်ပွဲ ရပ်မလား
မြစ်ဆုံ ရေကာတာ စီမံကိန်းကို ဖျက်မလား
စဉ်းစား …
သဘာဝရဲ့ သယံဇာတကို ပြည်သူတွေ
မခံစားရပေမယ့်
သဘာဝရဲ့ ဘေးကိုတော့ ပြည်သူတွေပဲ
ရင်စည်းခံကြရတယ်ဆိုတာ
ခင်များတို့စဉ်းစားဖို့တော့လိုနေပြီ။  ။

(ချီလီပြည်သူများနဲ့ထပ်တူဝမ်းနည်းနေရကြောင်း.....)
 
ကျော်သူမိုးမြင့်
မတ် ၃၊ ၂၀၁၀