Tuesday, May 31, 2011

ပုဂ္ဂလိကကျောင်း၊ ကျူရှင်နှင့် စည်းကမ်း


ပုဂ္ဂလိက ပညာရေး ဝန်ဆောင်မှု လုပ်ငန်းများ၊ ကိုယ်ပိုင်ကျောင်းနှင့် ဘာသာရပ်ဆိုင်ရာ ကိုယ်ပိုင်သင်တန်း (ကျူရှင်) များအတွက် ဥပဒေ ပြဋ္ဌာန်းမည်ဆိုပါက သင်ရိုးညွှန်းတမ်းနှင့် အစိုးရစစ် ပုံစံများဖြင့် ထိန်းချုပ်မည့်စနစ်များ ထည့်သွင်းသင့်ကြောင်း ရန်ကုန်တက္ကသိုလ် တွဲဘက်ပါမောက္ခဟောင်း ဦးလှထွန်း (မြန်မာစာ) က တိုက်တွန်းလိုက်သည်။

လွန်ခဲ့သည့် သီတင်းပတ်အတွင်း နေပြည်တော်တွင် ကျင်းပခဲ့သော ပညာရေး မြှင့်တင်ရေးဆိုင်ရာ အစည်းအဝေးတွင် ဒုတိယသမ္မတ ဒေါက်တာ စိုင်းမောက်ခမ်းက ပုဂ္ဂလိကကျောင်း ဥပဒေပြဋ္ဌာန်းမည် ဖြစ်ကြောင်း ပြောကြားခဲ့မှုအပေါ်
ပြောဆိုလိုက်ခြင်း ဖြစ်သည်။

နာဂသိန်မြန်မာစာ အမည်ဖြင့် ရန်ကုန်မြို့၌ ကျူရှင်သင်ကြားပေးနေသူ ဦးလှထွန်းသည် ပညာရေးဝန်ထမ်း လုပ်သက် နှစ်ပေါင်း ၄ဝ ကျော်ရှိပြီဖြစ်ပြီး ၁၉၆၄ ခုနှစ်မှစ၍ မူလတန်းတန်းပြအဖြစ် စတင်လုပ်ကိုင်ခဲ့သူ ဖြစ်သည်။ မူလတန်းပြ ဆရာအဖြစ် ၁၂ နှစ်ခန့် တာဝန်ထမ်းဆောင်ခဲ့ပြီး ဒေသကောလိပ် နည်းပြနှင့် တွဲဘက်ပါမောက္ခအထိ လုပ်ဆောင်ခဲ့ပြီး အနားယူခဲ့သည်။

ရန်ကုန်မြို့ တခုတည်းတွင် မှတ်ပုံတင်ထားသည့် ပုဂ္ဂလိက ပညာရေးဝန်ဆောင်မှု လုပ်ငန်းများ၊ ကိုယ်ပိုင်ကျောင်းနှင့် ဘာသာရပ်ဆိုင်ရာ ကိုယ်ပိုင်သင်တန်း (ကျူရှင်) အရေအတွက် ၃ဝဝ နီးပါးခန့် ရှိကြောင်း ရန်ကုန်လမ်းညွှန်စာအုပ် စာချုပ်ပါ မှတ်တမ်းအရ သိရသည်။

မှတ်ပုံမတင်ထားသည့် ကျောင်း အရေအတွက်များလည်း ဒီ့ထက်မက ရှိနိုင်သေးကြောင်း ကျူရှင်ဆရာများက ခန့်မှန်းထားကြသည်။

မြန်မာနိုင်ငံတွင် ကျူရှင် ဖြစ်ပေါ်လာပုံ၊ ကျူရှင်များ ဖွံ့ဖြိုးလာမှု၊ ပုဂ္ဂလိကကျောင်း၏ အကျိုးအပြစ်၊ စာမေးပွဲတွင် ကျူရှင်နှင့် အထောက်အကူပြု စာတမ်းများ၊ ဥပဒေပြဋ္ဌာန်းပါက ထည့်သွင်းသင့်သည့် အချက်များနှင့် ပတ်သက်၍ ဦးလှထွန်းကို မဇ္ဈိမသတင်းထောက် ထွန်းထွန်းက မေးမြန်း တင်ပြထားပါသည်။


မြန်မာပြည်မှာ ကျူရှင်ဆိုတာတွေက ဘယ်တုန်းက စပြီး ပေါ်ပေါက်လာတာပါလဲ ဆရာ။

“ကျနော်သိတာတော့ ၅၇ လောက် ကတည်းက၊ ၅၇ လောက် ကတည်းကပေါ့လေ။ ရန်ကုန်တို့၊ မန္တလေးတို့မှာ Private (ပုဂ္ဂလိက) ကျောင်းကြီးတွေ ရှိပါတယ်။ ကျနော်က မန္တလေး သိတာများတော့ မန္တလေးအခြေခံ ပြောရလို့ရှိရင် မန္တလေးက ရွှေမန်းရှိတယ်။ ရွှေမန်း၊ တိုင်းချစ်။ ရွှေမန်း၊ တိုင်းချစ်ပြီးတော့ အရှေ့ပွဲကုန်း၊ အနောက်ပွဲကုန်း။ နောက် ရတနာပုံ၊ နောက် နေပြည်တော်။ နောက် သျှန်၊ နောက် ပညာ့ဗိမာန်။ အဲဒီလိုကျောင်းကြီးတွေက အကြီးအကျယ် ကျောင်းကြီးတွေပဲ။ ဘော်ဒါကျောင်းသားကို ၂ဝဝ၊ ၃ဝဝ။ နေ့ကျောင်းသားရောဆို ၁ဝဝဝ လောက်ရှိတဲ့ ကျောင်းကြီးတွေ”

“အဲဒီတုန်းက ကျောင်းကြီးတွေက အောင်မြင်ပါတယ်ခင်ဗျ။ အဲဒီလို သုံးဘာသာ၊ လေးဘာသာတွေ ဂုဏ်ထူးတွေ ထွက်ကြပါတယ်။ သူတို့ထိန်းထားတာကတော့ သင်ရိုးညွှန်းတန်းနဲ့ အစိုးရစစ် စာမေးပွဲနဲ့ အဲဒီ Private ကျောင်းကြီးတွေကို ထိန်းထားတာ”

“ဆရာဝန်တွေနဲ့ ကျနော်တို့ ကျောင်းဆရာတွေ အနေနဲ့ ဆရာဝန်ကြီးတွေ၊ သမားတော်ကြီးတွေ ယူလိုက်တာမှ ငွေက သောက်သောက်လဲလေ။ အဲဒီကျတော့ သူ လိမ်မစားဘဲနဲ့ သူ့ပညာနဲ့ သူ ပိုတဲ့အချိန် သုံးတာမျိုးကတော့ အဲဒါမျိုးကလည်း ခွင့်ပေးသင့်တယ်ခင်ဗျ”
“ရန်ကုန်မှာဆိုရင် ကျနော် ရောက်တဲ့အချိန်လောက်က
 ကျောင်းသားတွေ ကိုယ်တိုင်က ကျောင်းသင်တာတင်
အားမရဘူးလို ဖြစ်လာပြီးတော့ သူတို့ကြိုက်တဲ့
ဆရာတွေကို သူတို့အိမ်မှာ ခေါ်သင်တာကနေ မဆလ
(မြန်မာ့ဆိုရှယ်လစ် လမ်းစဉ်ပါတီ) ခေတ်မှာ အဲဒီလို ကျူရှင်တွေ ပြန်စလာပါတယ်။ ပြည်သူပိုင် သိမ်းလိုက်တာက ၆၄ ပါခင်ဗျ။ ၆၄ နဲ့ ၆၅ ပြည်သူပိုင် သိမ်းလိုက်တာပါ”

“Private ကျောင်းကြီးတွေကို၊ ဟို Mission School လည်း ပါတာပေါ့။ အင်္ဂလိပ်မက်သရစ်တို့၊ စိန်ဖလိုးတို့၊ သြဂတ်စတင်းတို့ အပါအဝင်ပေါ့။ အစိုးရက အကုန်သိမ်းပစ်လိုက်တာ။ သိမ်းပစ်လိုက်ပြီးတဲ့ နောက်ပိုင်းမှာ
 ကျောင်းမှာတင် သင်တာတင် အားမရတဲ့ ကျောင်းသား၊ ကျောင်းသူအချို့က သူတို့ကြိုက်တဲ့ ဆရာတွေကို အိမ်မှာ ခေါ်သင်တာကနေစပြီး အိမ်ကျူရှင်ဝိုင်းလေတွေ စခဲ့တာ။ အဲဒီလို စခဲ့တာကတော့ အများဆုံးကတော့ ဒဂုံ (၁) လို့ ကျနော် နားလည်ထားပါတယ်”

နိုင်ငံတကာမှကော ကျူရှင်ဆိုတဲ့ သင်ကြားမှုမျိုး ရှိပါသလားဆရာ။

“သင်ကြားမှုကတော့ ရှိတယ်ခင်ဗျ။ တကယ်တတ်ရင် တကယ်သင်တယ်၊ ပိုက်ဆံကောင်းကောင်း ရတယ်။ ကျနော်တို့လို တလစာ ယူရတာမျိုး မဟုတ်ဘူး။ သူက သင်ကြားချိန် တချိန် တနာရီဆိုရင် ဘယ်နှဒေါ်လာ ဆိုတာမျိုး ရှိတယ်ခင်ဗျ”

အခု မြန်မာပြည်မှာ ကျူရှင်တွေ များလာတာ တွေ့ရပါတယ်။ ဒါ ဘာကြောင့်လို့များ ထင်ပါသလဲ။

“ကျနော် များလာတယ်လို့ ထင်တာကတော့ အစိုးရကျောင်းတွေမှာ ဆရာမလုံလောက်တဲ့ ပြဿနာတို့၊ နောက် သင်ကြားရေးက အားမကောင်းတဲ့ ပြဿနာတို့ကြောင့် ပေါ်လာတာပေါ့။ သို့သော်လည်း အားကောင်းတဲ့ အစိုးရ SAT တွေ ဘာတွေ ရှိပါတယ်”

ကျူရှင်ရဲ့ ဖွံ့ဖြိုးမှုနဲ့ ခိုင်မာမှုက ဘယ်လောက်တောင် ရှိနေပြီလဲ။

“အခု ဘော်ဒါကျောင်းတွေ အနေနဲ့ကတော့ သေချာလုပ်တဲ့သူတွေ ရှိသလိုပဲ ပြောထားတဲ့အတိုင်း ဝန်ဆောင်မှု မပေးတဲ့ ကျောင်းတွေလည်း ကျနော်တို့ ကြားနေရပါတယ်ခင်ဗျ။ အဲဒီတော့ ကောင်းတဲ့ ကျောင်းလည်း
 ကောင်းပါတယ်။ ပြောတဲ့ဝန်ဆောင်မှု အပြည့်မပေးဘဲနဲ့ ကလေးတွေ ပစ္စလက္ခ၊ တချို့ နယ်က ကလေးတွေ ဖြစ်ရတာတွေလည်း ကျနော်တို့ ကြုံခဲ့ရပါတယ်”

ကျူရှင်တွေ ရှိလာတဲ့အတွက် အကျိုး၊ အပြစ်တွေက ဘာတွေ ဖြစ်နိုင်သလဲ။

“အဲဒီလိုပေါ်လာတာကတော့ အခုက အပြိုင်တွေ များလာတဲ့အခါကျတော့ တကယ့်ကို ကြိုးစားလာရတဲ့ သဘောရှိတယ်။ တကယ်မကြိုးစားလို့ ရှိရင်လည်းပဲ လူမရဘူး။ ကြိုးစားတဲ့ ကျောင်းတွေက ရပြီး၊ သူတို့နာမည် ထိန်းနိုင်ဖုိ့အတွက်လည်း အဘက်ဘက်က လိုလေသေးမရှိအောင် ကြိုးစားလာတာတော့ တွေ့ရပါတယ်ခင်ဗျ”

“အခုက ကျောင်းစစ်အနေနဲ့ အောင်ချက်ကောင်းရေး လုပ်ပစ်လိုက်တော့ ၁ဝ တန်းရောက်လာတဲ့အခါမှာ ရှစ်တန်း၊ ကိုးတန်းက ပိုင်ခဲ့ရမယ့် အခြေခံတွေက ပါမလာဘူး။ အဲဒီတော့ ကျောင်းသားတွေရဲ့ Level က တဖြည်းဖြည်း နိမ့်၊ နိမ့် နိမ့်လာတယ်။ ဒါ ကျနော် လက်တွေ့သင်တဲ့ အတွေ့အကြုံအရ သိတာပါ”
“Side Effect ရှိနိုင်တာကတော့ ပညာရေးဌာနက
 နေပြီးတော့ ဒီကျောင်းတွေကို ဘယ်လိုထိန်းချုပ်မလဲ၊ ပညာရေးစံတွေနဲ့လည်း နိုင်ငံတော်က သတ်မှတ်ထားတဲ့
 ပညာရေး Level မီအောင် ဘယ်လိုထိန်းမလဲ၊ အစိုးရစစ်
စာမေးပွဲနဲ့ပဲ ထိန်းမှာလား၊ သင်ရိုးညွှန်းတမ်းတွေကို
ထိန်းမှာလား၊ ဒါမှမဟုတ် စိစစ်ကြီးကြပ်တဲ့ အဖွဲ့နဲ့ ထိန်းတာမျိုး လုပ်မှာလားဆိုတာ အဲဒါက ကျနော်တို့ မပြောနိုင်သေးဘူးခင်ဗျ”

အခု ကျောင်းသားတွေက ကျောင်းထက် ကျူရှင်မှာ ပိုအချိန်ပေးနေရတာ တွေ့ရတယ်။ ဒီတော့ ကျောင်းမှာ ပိုပြီး အချိန်ပေး လေ့လာနိုင်အောင် ဘာတွေ လုပ်ပေးရမလဲ။

“ဘယ်လိုမျိုး လုပ်ပေးရမလဲဆိုတော့ ဆရာ၊ ဆရာမတွေ အနေနဲ့လည်း ကြိုးစားပြီး လုပ်နေတာပဲ။ နောက်တခုကတော့ ဘာလဲဆိုတော့ မဆလခေတ်က ထွက်ဖူးတယ်လေ။ ကျူရှင်သင်လို့ရှိရင် ထောင် ၃ နှစ်နဲ့ ဒဏ်ငွေ ၃ဝဝဝဝ လား၊ ၂ဝဝဝဝ လား အဲဒါမျိုး။ ဆရာဝန်တွေနဲ့ ကျနော်တို့ ကျောင်းဆရာတွေအနေနဲ့ ဆရာဝန်ကြီးတွေ၊ သမားတော်ကြီးတွေ ယူလိုက်တာမှ ငွေက သောက်သောက်လဲလေ။ အဲဒီကျတော့ သူ လိမ်မစားဘဲနဲ့ သူ့ပညာနဲ့ သူ ပိုတဲ့အချိန် သုံးတာမျိုးကတော့ အဲဒါမျိုးကလည်း ခွင့်ပေးသင့်တယ်ခင်ဗျ”

အခု ပုဂ္ဂလိကကျောင်းတွေ၊ ကျူရှင်တွေ ရှိတယ်ဆိုတော့ နောက်ကော ဘယ်လိုအမျိုးအစားတွေ ရှိသေးလဲ။

“International School ဆိုတာတွေပေါ့။ အဲဒီ့မှာ ဘာပြဿနာ တက်လဲဆိုတော့ ဗမာစာကို မသင်ခဲ့ဘူး။ Grade XIII ရောက်တဲ့ အခါကျတော့မှ ဇွတ်သင်တာမျိုး လုပ်တော့ ၁ဝ နှစ်လောက် သင်ရမယ့် ဗမာစာ လုံးဝ မသင်ခဲ့တော့ အဲဒီကလေးတွေ တော်တော် ဒုက္ခရောက်ပါတယ် ခင်ဗျ။ ဒါကြောင့် တချို့ International School ဆိုတာတွေက ဗမာစာကို အလေးထားတဲ့ ကျောင်းလည်း ရှိပါတယ်။ အလေးမထားတဲ့ ကျောင်းတွေလည်း အခုထိ ရှိပါတယ်။ နောက်တခုက ကျနော် သိတာလေး ပြောပါမယ်”

“နိုင်ငံခြား ကိန်းဘရစ် တက္ကသိုလ်က ဆိုရင် GCE Level ဗမာစာ ရှိပါတယ်ခင်ဗျ။ တော်တော် အဆင့်အတန်း မြင့်ပါတယ်။ အဲဒီကိန်းဘရစ် တက္ကသိုလ်က ဗမာစာ ပါမောက္ခထုတ်တဲ့ နမူနာမေးခွန်းကို ကျနော် တွေ့လို့ ပြောတာပါ။ နိုင်ငံခြားမှာလည်း ဗမာစာလိုတယ်ဆိုတာ မသိဘူးခင်ဗျ… ဒီက”

စာမေးပွဲတွေနီးရင် ကြိုတင် ခန့်မှန်းမေးခွန်းလွှာတွေ၊ အထူးထုတ်တွေ ထွက်လေ့ရှိပါတယ်။ ဒါတွေက ကျောင်းသားတွေအတွက် တကယ်လိုအပ်လား၊ အသုံးတည့်နေလား ဆရာ။

“အရင် ဝန်ကြီးဦးချမ်းငြိမ်း မတိုင်ခင်တုန်းက တရားဝင် ကျောင်းသင်ဘာသာရပ် အထောက်အကူပြု စာအုပ်တွေ ထုတ်ခွင့်ပေးတယ်။ ဦးချမ်းငြိမ်း လက်ထက်မှာကျတော့ ဘာဖြစ်လဲဆိုတော့ ကျနော်တို့ တက္ကသိုလ်တွေက လမ်းညွှန်ထုတ်တယ်။ ဂျာနယ်တွေလေ။ မြန်မာစာ ဂျာနယ်တွေ၊ ဓာတုဗေဒ ဂျာနယ်တွေက အလွန် အထောက်အကူပြုခဲ့ပြီး လက်တွေ့သင်ကြားနေတဲ့ SAT ဆရာ၊ ဆရာမတွေ အပေါ်မှာလည်း နည်းနာ နိဿယတွေ သူတို့ ရပြီးတော့ အလွန် အထောက်အကူ ဖြစ်တာပေါ့။ အဲဒါတွေလည်း ထုတ်ခွင့်မပေးဘူး”

“နောက် တရားဝင် ပြင်ပက ကျွမ်းကျင်ပညာရှင်တွေ ရေးတဲ့ဟာလည်း ထုတ်ခွင့်မပေးတော့၊ ထုတ်ချင်သလို ထုတ်ဆိုတဲ့ အခါကျတော့ ကြားပေါက်တွေက ဝင်လာတဲ့ အဆင့်အတန်းမမီတဲ့ စာအုပ်တွေလည်း ရှိပါတယ်ခင်ဗျ။ မီတဲ့စာအုပ်တွေလည်း ရှိပါတယ်။ အဲဒီတော့ သင်ကြားမှု အထောက်အကူဆိုတာ ခေတ်အဆက်ဆက် လိုအပ်ခဲ့တာပါဗျ။ ကျနော်တို့ ပါလီမန်ခေတ်၊ ဦးနုတို့ ခေတ်ကတည်းက လိုအပ်ခဲ့တာပါ။ နောက် တော်လှန်ရေး
 ကောင်စီခေတ်လည်း ခွင့်ပြုခဲ့တာပဲ။ မဆလခေတ်လည်း ခွင့်ပြုခဲ့တာပဲ။ ဒီ နအဖ အစောပိုင်း ခေတ်လည်း ခွင့်ပြုခဲ့တယ်။ အဲဒီ ချမ်းငြိမ်း လက်ထက်ကျမှ အကုန်လုံး ပိတ်လိုက်တဲ့အခါမှာ အဲဒီ့ထုတ်ဝေတဲ့ လိုင်းက အကုန်လုံး ဂုဏ်သိက္ခာနဲ့ မဟုတ်ပဲနဲ့ လုပ်ချင်သလို လုပ်ကြတဲ့အခါမှာ အညံ့စား စာအုပ်တွေလည်း ထွက်လာပါတယ်ခင်ဗျ”

မြန်မာပြည်က ထိပ်တန်းစာရင်းဝင် ကလေးတွေက ငွေကုန်ကြေးကျခံပြီး ကျူရှင်တတ်ခဲ့တဲ့ ကလေးတွေက များပါတယ်။ ဒီတော့ ကျူရှင်မတက်နိုင်တဲ့ ကလေးတွေကိုကော အစိုးရက ဘယ်လိုကူညီသင့်တယ် ထင်ပါသလဲ။

 “ဆင်းရဲတဲ့ ကျောင်းသားတွေမှာ ပညာ အပြည့်အဝ သင်နိုင်ဖို့ဆိုတာဟာ အစိုးရ
 ကျောင်းတွေမှာ အင်နဲ့အားနဲ့ သင်ထောက်ကူ ပစ္စည်း ပြည့်ပြည့်စုံစုံ၊ ဆရာအားကောင်း
 ကောင်းနဲ့ သင်နိုင်ဖို့ အရေးကြီးပါတယ် ”
“အစိုးရကျောင်းတွေမှာလည်း အခုက အောင်ချက်မြင့်မားရေး ရည်မှန်းချက်ဆိုပြီးတော့ တက္ကသိုလ်က ပါမောက္ခကြီးတွေ
 ခေါ်ပြီးတော့၊ ဘာသာရပ်ဆိုင်ရာနဲ့ ပတ်သက်ပြီးတော့ ပင့်ဖိတ်ပြီး ဟောပြောစေတာမျိုး လုပ်တယ်။ နောက်ပြီးတော့ အချိန်ပိုတွေနဲ့ စာကျက်ချိန်တွေလုပ်တဲ့ ကျောင်းတွေလည်း လုပ်တာမျိုး ရှိပါတယ်။ သူတို့ဟာ သူတို့ သီးခြားဝိုင်းတက်တာကလည်း သူ့ဟာသူ ရှိပြီးသားပေါ့။ အများစုကတော့ ကျနော်တို့ ချမ်းသာတဲ့သူက၊ ပြည့်စုံတဲ့သူက ဆရာကောင်းကောင်း၊ ပိုက်ဆံကောင်းကောင်း ပေးပြီး သင်နိုင်တာပေါ့။ အများစုကတော့ ကျနော်တို့ ရွက်ကြမ်းရေကျို မြို့နယ်မှာ ဖွင့်ထားတဲ့ သင်တန်းကျောင်းလေးတွေကို နှုန်းကလည်း မျိုးစုံပေါ့ဗျာ။ ၂၅ဝဝဝ ခွဲလောက်ကနေပြီးတော့ သိန်းဂဏန်းအထိ ရှိတာကိုး”

“အဲဒီတော့ အဲဒါတော့ ကျနော်တို့ ဆင်းရဲချမ်းသာ ကွာဟနေသမျှ ကာလပတ်လုံး ဒီအခြေအနေကတော့ ကြုံတွေ့ရမယ့်သဘော ရှိတာပေါ့။ ဆင်းရဲတဲ့ ကျောင်းသားတွေမှာ ပညာအပြည့်အဝ သင်နိုင်ဖို့ဆိုတာဟာ အစိုးရကျောင်းတွေမှာ အင်နဲ့အားနဲ့ သင်ထောက်ကူ ပစ္စည်း ပြည့်ပြည့်စုံစုံ၊ ဆရာအားကောင်းကောင်းနဲ့ သင်နိုင်ဖို့ အရေးကြီးပါတယ်”

“ကျနော်တို့မှာ ကိုယ့်မေဂျာ မဟုတ်ဘဲနဲ့ ဥပမာဆိုပါစို့။ ဗမာစာကနေပြီး ပထဝီသင်တာ၊ ပထဝီကနေ သင်္ချာ သင်ရတာမျိုး။ တခါ ဘိုင်အိုဆရာမကနေ သမိုင်းသင်ရတာမျိုး။ အဲဒီလို အခက်အခဲတွေလည်း ရှိပါတယ်ခင်ဗျ”

အခု အစိုးရက ပုဂ္ဂလိကကျောင်းတွေ၊ ကျူရှင်တွေအတွက် ဥပဒေပြဋ္ဌာန်းတော့မယ်ဆိုတော့ ဆရာအနေနဲ့ ဘယ်လိုအချက်တွေ ပါဝင်စေချင်ပါသလဲ။

“ကျနော်ပြောချင်တာကတော့ Private ကျောင်းတွေကို ဘယ်လိုမူနဲ့ ဘောင်နဲ့ ထိန်းချုပ်မလဲ။ သင်ရိုးညွှန်းတမ်းနဲ့ ထိန်းတာမျိုးလည်း ပါရမယ်။ အစိုးရစစ်နဲ့ ထိန်းတာမျိုးလည်း ပါရမယ်။ နောက်တခုက တော့ဗျာ… ကျနော်သိတာ မဆလ ခေတ်မှာ ကောင်းခဲ့တာ တခုရှိတာက စတုတ္ထတန်းကို မြို့နယ်စစ် လုပ်ပါတယ်။ ရှစ်တန်းကို တိုင်းစစ် လုပ်ပါတယ်။ အဲဒါလေးက အရေးကြီးပါတယ်နော်။ ဘာလို့ အရေးကြီးသလဲ ဆိုတော့ အဲဒီ့တုန်းက မြို့နယ် ထူးချွန် ၁ဝ ယောက် လေးတန်းမှာ ရွေးလိုက်တယ်ပေါ့ဗျာ။ ဆုပေးတယ်။ ရှစ်တန်းမှာလည်း အဲဒီလို ထူးချွန်တဲ့ ခြောက်ယောက်လောက်ကို ၁ဝ တန်း ခြောက်ဘာသာ တန်းသွားတာ”

“အဲဒီ ရှစ်တန်းနဲ့ လေးတန်းကို မြို့နယ်စစ်၊ တိုင်းစစ်ကနေပြီးတော့ ကျောင်းစစ် လုပ်ပစ်လိုက်တဲ့ အချိန်မှာ ကလေးတွေလည်း အထူးသဖြင့် ရှစ်တန်းအရွယ်တွေက State ပြောင်းတဲ့ အရွယ်မှာ အဲဒီကျောင်းစစ်နဲ့ တက်လာတဲ့ ကျောင်းသားတွေရဲ့ ပညာရေး Level က အရင်တုန်းက ရှစ်တန်းအစိုးရစစ် လုပ်တုန်းကလို အခြေခံ မခိုင်မာတော့ဘူး။ အဲဒီလို ဖြစ်သွားတယ်”

“အခု ပညာသင်ဆုလည်း ပေးမယ်ဆိုရင် လေးတန်းကို မြို့နယ်စစ်၊ ရှစ်တန်းကို တိုင်းစစ်လောက် လုပ်မှ။ ပညာသင်ဆု အရင်တုန်းကဟာမျိုး လုပ်မယ်ဆိုရင် အဲဒါနဲ့ ထိန်းမှ။ အခုက ကျောင်းစစ်အနေနဲ့ အောင်ချက်ကောင်းရေး လုပ်ပစ်လိုက်တော့ ၁ဝ တန်းရောက်လာတဲ့အခါမှာ ရှစ်တန်း၊ ကိုးတန်းက ပိုင်ခဲ့ရမယ့် အခြေခံတွေက ပါမလာဘူး။ အဲဒီတော့ ကျောင်းသားတွေရဲ့ Level က တဖြည်းဖြည်း နိမ့်၊ နိမ့် နိမ့်လာတယ်။ ဒါ ကျနော် လက်တွေ့သင်တဲ့ အတွေ့အကြုံအရ သိတာပါ”

“ကျနော် အကြံပေးချင်တာကတော့ လေးတန်းကို မြို့နယ်စစ်၊ ရှစ်တန်းကို တိုင်းစစ်လုပ်။ အဲဒီမှာ ကျနော်တို့ ပညာသင်ဆု ရွေးလို့လည်း အဆင်ပြေမယ်။ ကျောင်းသားတွေကိုလည်း အခြေခံခိုင်တဲ့ ကျောင်းသားတွေ ဖြစ်အောင် အဲဒီ တိုင်းစစ်ဆိုတာ ထိန်းပြီးတော့ ပေးလိုက်ရင် အခုအခြေအနေထက် ကောင်းသွားမယ်လို့ ကျနော် ထင်ပါတယ်”

(တွဲဘက်ပါမောက္ခဟောင်း ဦးလှထွန်းနှင့် အင်တာဗျူး)
  sources: :www.mizzimaburmese.com

Thursday, May 26, 2011

အကျဉ်းသားများ အစာငတ်ခံဆန္ဒပြမှု ကုလ အနီးကပ်စောင့်ကြည့်

အင်းစိန်အကျဉ်းထောင်တွင်း အစာငတ်ခံ ဆန္ဒပြနေတဲ့ နိုင်ငံရေးအကျဉ်းသား ၂၃ ဦးရဲ့အခြေအနေကို ကုလသမဂ္ဂက အနီးကပ် စောင့်ကြည့်နေတယ်လို့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ ကင်တားနားက RFA ကို ပြောပါတယ်။

(Photo: AAPP)
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ တောမတ်စ် ကင်တားနား (အလယ်) ထိုင်း-မြန်မာနယ်စပ်၊ မဲဆောက်မြို့ရှိ နိုင်ငံရေးအကျဉ်းသားများ ကူညီ စောင့်ရှောက်ရေးအသင်း ပြခန်းသို့ ၂၀၀၉ ခုနှစ်က သွားရောက်လေ့လာစဉ် မှတ်တမ်းပုံ ဖြစ်ပါသည်။ (Photo: AAPP)
နိုင်ငံရေး အကျဉ်းသားတွေ ဆန္ဒပြနေတဲ့သတင်း ကျနော်ရထားပါတယ်။ အခြေအနေတွေကိုလည်း အနီးကပ် စောင့်ကြည့်နေပြီး ကောင်းမွန် တိုးတက်လာဖို့ မြန်မာအစိုးရနဲ့ အဆက်အသွယ်ရအောင် ကြိုးစားနေပါတယ်လို့ မစ္စတာ ကင်တားနားက ပြောပါတယ်။ အစာငတ်ခံ ဆန္ဒပြနေသူတွေကို ထောင်အာဏာပိုင်တွေဖက်က အကြမ်းဖက် ဖိနှိပ်ဖြိုခွဲမှာ၊ ဝေးလံတဲ့ ထောင်တွေဆီကို ပြောင်းရွှေ့ပစ်မှာ စတာတွေကို သူ့အနေနဲ့ စိုးရိမ်မိတယ်လို့ မစ္စတာ ကင်တားနားက ဆိုပါတယ်။
အင်းစိန်ထောင်မှာ ဆန္ဒပြနေတဲ့ ကိစ္စနဲ့ ပတ်သက်ပြီး နိုင်ငံရေး အကျဉ်းသား မိသားစုဝင်တွေကလည်း ရန်ကုန်မြို့ ကမ္ဘာ့ကြက်ခြေနီအသင်း (ICRC) ရုံးမှာ သက်ဆိုင်ရာ တာဝန်ရှိသူတွေနဲ့ ဒီကနေ့ တွေ့ဆုံခဲ့ပါတယ်။ ဆန္ဒပြ နိုင်ငံရေးအကျဉ်းသားတွေ ကိစ္စကို ICRC အနေနဲ့ ကြားဝင်ညှိနှိုင်း ဆောင်ရွက်ပေးဖို့ အဓိကတင်ပြခဲ့တဲ့ အကြောင်း တွေ့ဆုံပွဲမှာ ပါဝင်ခဲ့တဲ့ နိုင်ငံရေးအကျဉ်းသားများ လွတ်မြောက်ရေး ဦးဆောင်လှုပ်ရှားနေသူ ၈၈ မျိုးဆက် ကျောင်းသားခေါင်းဆောင် ကိုဖြိုးမင်းသိန်းက ပြောပါတယ်။
“ကျွန်တော်တို့ ဆွေးနွေးတဲ့ အဓိက ရည်ရွယ်ချက်က အခု ဖြစ်နေတဲ့ ၂၂ ယောက်နဲ့ နောက်တိုး တယောက်ပေါ့ဗျာ၊ အဲဒီလူတွေကို အရေးယူဖို့ တခုအနေနဲ့ လုပ်မယ်ဆိုရင်တောင် လူသားချင်းစာနာတဲ့ အရေးယူမှုမျိုးပဲ သူတို့ဖက်က လုပ်သင့်တယ်။ ဒီလူတွေကို စိုးရိမ်မိတယ်ဆိုတဲ့ အင်ဖော်မေးရှင်းမျိုး အာဏာပိုင်ကို ပြောမယ်ဆိုရင် အာဏာပိုင်ဖက်က သတိထားရမယ်ပေါ့ဗျာ။ ဘာဖြစ်လို့လဲဆိုရင် နိုင်ငံတကာက စောင့်ကြည့်နေတယ်ဆိုရင် နည်းနည်း သတိထားပြီး လုပ်မယ်ပေါ့။ နို့မို့ဆိုရင် လက်လွတ်စပယ် လုပ်မယ်ဆိုရင် ကျွန်တော်တို့ လူတွေ သေဆုံးသွားမှာကို ကျွန်တော်တို့ စိုးရိမ်မိတယ်ပေါ့။ အဲဒီ အကြောင်းလေးပါ။ ကျွန်တော်တို့ ပြောတဲ့အပိုင်းကလေ။”
နိုင်ငံရေးအကျဉ်းသားတွေ အစာငတ်ခံ ဆန္ဒပြနေတာ လေးရက်မြောက်သွားပြီ ဖြစ်ပေမဲ့ သူတို့ တောင်းဆိုထားတဲ့ အချက်တွေကို အာဏာပိုင်တွေဖက်က မလိုက်လျောတဲ့အပြင် ထောင်ပြောင်းရွှေ့တာ အပါအဝင် နည်းမျိုးစုံနဲ့ ဖြိုခွဲဖို့ ပြင်ဆင်နေတဲ့အကြောင်း အင်းစိန်ထောင်နဲ့ နီးစပ်တဲ့ သတင်းရပ်ကွက်အရ သိရပါတယ်။ 
sources: : RFA

Wednesday, May 25, 2011

လိင်ပိုင်းဆိုင်ရာ အကြမ်းဖက်မှု အဆုံးသတ်ရေး ကြိုးပမ်းကြဖို့ ဒေါ်စု တိုက်တွန်း


အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေဟာ လူ့အဖွဲ့အစည်းတရပ်ကို ခွဲခြားပစ်လိုက်တာပဲလို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မြန်မာနိုင်ငံက ဖြစ်ရပ်တွေကို ထောက်ပြပြီး ပြောသွားပါတယ်။ ကနေဒါနိုင်ငံ ကွေးဗက်မြို့မှာ ပြုလုပ်နေတဲ့ အမျိုးသမီးများအပေါ် အကြမ်းဖက်မှု အဆုံးသတ်ရေး နိုင်ငံတကာ ညီလာခံကို ပေးပို့တဲ့ ဗွီဒီယို မိန့်ခွန်းထဲမှာ ထည့်သွင်း ပြောသွားတာပါ။ အပြည့်အစုံကို ကိုသားညွန့်ဦးက တင်ပြထားပါတယ်။
မေလ ၂၃ ရက်နေ့ကနေ ၂၅ ရက်နေ့အထိ ကျင်းပနေတဲ့ ဒီ နိုင်ငံတကာ ညီလာခံကို ကမ္ဘာအ၀ှမ်းက ပညာရှင်တွေ၊ အမျိုးသမီးရေး လှုပ်ရှားသူတွေ၊ ငြိမ်းချမ်းရေး လှုပ်ရှားသူတွေ တက်ရောက်နေပြီး ဖွင့်ပွဲ အစနေ့မှာပဲ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ ဗွီဒီယိုမိန့်ခွန်းကို ပြသခဲ့ပါတယ်။ မြန်မာနိုင်ငံတွင်းမှာ လက်နက်ကိုင် အဖွဲ့အစည်းတွေဟာ အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုကို စစ်လက်နက်သဖွယ် အသုံးပြုနေတယ်လို့ ဒေါ်အောင်ဆန်းစုကြည်က ပြောပါတယ်။ ဒီလိုဖြစ်ရပ် တခုချင်းဟာ လူ့အဖွဲ့အစည်းကို ခွဲခြားပစ်လိုက်တာပါပဲလို့ ဒေါ်အောင်ဆန်းစုကြည်က အဲဒီမိန့်ခွန်းမှာ ပြောသွားပါတယ်။
“ကျမတို့နိုင်ငံမှာတော့ ငြိမ်းချမ်းစွာ နေထိုင်လိုသူတွေ၊ အခြေခံ လူ့အခွင့်အရေး ရပိုင်ခွင့်တွေ လိုလားတဲ့ အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုကို စစ်လက်နက်သဖွယ် အသုံးပြုနေပါတယ်။ အထူးသဖြင့်တော့ တိုင်းရင်းသား လူမျိုးစု ဒေသတွေမှာပါ။ တိုင်းရင်းသား လူမျိုးစုတွေကို ခြိမ်းခြောက် အကျပ်ကိုင်ဖို့ လက်နက်ကိုင် အဖွဲ့အစည်းတွေက ဒါကို စစ်လက်နက်သဖွယ် အသုံးပြုပါတယ်။
“ကျမ ယူဆတာကတော့ အခုလို အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှု တခုတိုင်းဟာ ကျမတို့ တိုင်းပြည်အတွင်းမှာရှိတဲ့ ပြည်သူတွေ၊ လူ့အဖွဲ့အစည်းတွေ၊ တိုင်းရင်းသား လူမျိုးတွေ၊ လက်နက်ကိုင် အဖွဲ့အစည်းတွေ အကြားမှာ ခွဲခြားပစ်လိုက်ပါတယ်။ ဒါကြောင့် ဒါတွေကို လုံးဝ အဆုံးသတ်ပစ်ဖို့ ကျမတို့ လုပ်နိုင်သလောက် လုပ်ကြရပါလိမ့်မယ်။”
အမျိုးသမီးတွေအပေါ် အကြမ်းဖက်တယ်ဆိုတဲ့ နေရာမှာ လိင်ပိုင်းဆိုင်ရာ အကြမ်းဖက်တာမျိုး၊ ရုပ်ပိုင်းဆိုင်ရာ အကြမ်းဖက်မှုတွေဟာ အဆိုးဆုံး ဖြစ်ပေမဲ့ အမျိုးသမီးတွေအပေါ် စိတ်ပိုင်းဆိုင်ရာ ချိုးနှိမ်မှုဟာလည်း အကြမ်းဖက်မှု မြောက်တယ်လို့ ဒေါ်အောင်ဆန်းစုကြည်က ပြောသွားပါတယ်။
“အမျိုးသမီးများအပေါ် အကြမ်းဖက်မှုဟာ ကမ္ဘာအ၀ှမ်းမှာ ဖြစ်နေတာပါ။ ဒီလို အကြမ်းဖက်တဲ့ နေရာမှာ ပုံစံအမျိုးမျိုး ရှိပါတယ်။ ရုပ်ပိုင်းဆိုင်ရာ စော်ကား အကြမ်းဖက်တာမျိုး သက်သက် မဟုတ်ပါဘူး၊ အမျိုးသမီးတွေ စိတ်ဓာတ် ဖိစီးလာအောင် လုပ်တာမျိုး၊ အမျိုးသမီးတွေရဲ့ အသိဉာဏ်ကို ချိုးနှိမ် စော်ကားတာမျိုး၊ အမျိုးသမီးတွေကို ခွဲခြားတတ်တဲ့ လူမှုအသိုင်းအ၀ိုင်း တခုလုံးရဲ့ အကြမ်းဖက်မှုမျိုးတွေ ရှိပါတယ်။”
အမျိုးသမီးတွေရဲ့ ယုံကြည်ချက် စိတ်ဓာတ်ကို ချိုးနှိမ်တယ်ဆိုတဲ့ နေရာမှာတော့ မြန်မာနိုင်ငံက အမျိုးသမီး နိုင်ငံရေး အကျဉ်းသားတွေ ကိစ္စကိုပါ ထည့်သွင်း ပြောသွားပါတယ်။ ရာနဲ့ချီတဲ့ ဒီအမျိုးသမီးတွေဟာ မိမိတို့ ယုံကြည်ချက်ကို ဆုပ်ကိုင်မိလို့ အခုလို အကျဉ်းချခံနေကြရတယ်လို့ ဒေါ်အောင်ဆန်းစုကြည်က ပြောသွားပါတယ်။
“သူတို့အားလုံးဟာ ဒီမိုကရေစီနဲ့ လူ့အခွင့်အရေးအတွက် ကြိုးပမ်းနေသူတွေ ဖြစ်ပါတယ်။ သူတို့ရဲ့ ယုံကြည်မှုအတိုင်း ဆောင်ရွက်နေကြသူတွေပါ။ ဒီအမျိုးသမီးတွေ အမြန်ဆုံး ပြန်လည် လွတ်မြောက်လာဖို့ အားလုံး တတ်စွမ်းသမျှ လုပ်ဆောင်ပေးစေချင်ပါတယ်။ ကျမတို့ဟာ မြန်မာပြည်ကြီး ငြိမ်းချမ်းစေချင်ပါတယ်။ ကမ္ဘာကြီးလည်း ငြိမ်းချမ်းစေချင်ပါတယ်။”
အမျိုးသမီးများအပေါ် အကြမ်းဖက်မှုကို စဉ်းစားတဲ့ အခါမှာ ကျူးလွန်တဲ့လူရော နစ်နာခံစားရသူ အမျိုးသမီးများပါ တကယ်တော့ သားကောင်တွေ ဖြစ်ကြတယ်လို့ ဒေါ်အောင်ဆန်းစုကြည်က ပြောပါတယ်။ ဒီအတွက်လည်း အမျိုးသမီးများအပေါ် အကြမ်းဖက်မှု အဆုံးသတ်နိုင်ဖို့ဆိုရင် အမျိုးသမီးတွေကိုတင် မဟုတ်ဘဲ အမျိုးသားတွေကိုပါ ပညာပေးရေး လုပ်ရမယ်လို့ ပြောပါတယ်။
“အမျိုးသားတွေကို မှန်မှန်ကန်ကန် ပညာပေးမယ်၊ အမျိုးသမီးတွေကိုလည်း မှန်မှန်ကန်ကန် ကိုယ့်ကိုယ်ကို ယုံကြည်မှု ပြည့်လာအောင် အရည်အသွေး မြှင့်တင်ပေးမယ်ဆိုရင် လူ့အဖွဲ့အစည်း တရပ်မှာ တကယ့်ကို လက်တွဲဘက်တွေ ဖြစ်လာပြီး ကမ္ဘာကြီးဟာလည်း မှန်ကန်တဲ့ဘက်ကို ရောက်လာပါလိမ့်မယ်။”
အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှု အဆုံးသတ်ရေး နိုင်ငံတကာ ညီလာခံကို Nobel Women Initiative အဖွဲ့ကြီးက ဦးဆောင်ပြုလုပ်တာဖြစ်ပြီး ဒါဟာ တတိယအကြိမ်မြောက်လို့ သိရပါတယ်။ အထူးသဖြင့်တော့ စစ်ပွဲတွေ၊ ပဋိပက္ခတွေအတွင်း အကြမ်းဖက်ခံနေရတဲ့ အမျိုးသမီးတွေ အခြေအနေကို အဓိက မီးမောင်းထိုး ဆွေးနွေးကြတဲ့ အစည်းအဝေး ဖြစ်ပါတယ်။

sources: :www.voanews.com

Tuesday, May 24, 2011

အစာငတ်ခံ ဆန္ဒပြသူတွေကို စစ်ခွေးတိုက်ပို့


အင်းစိန်ထောင်ထဲမှာ အကျဉ်းသားတွေရဲ့ ရပိုင်ခွင့်တွေ တောင်းဆိုနေတဲ့ နိုင်ငံရေး အကျဉ်းသားတွေထဲက ၆ ယောက်ကို စစ်ခွေးတိုက်ကို ပို့လိုက်ပြီလို့ နိုင်ငံရေး အကျဉ်းသား အကျိုးဆောင် ကွန်ရက်အဖွဲ့က ပြောပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။
မေလ ၂၁ ရက်နေ့ကစပြီး အင်းစိန်ထောင် အမျိုးသားဆောင်က နိုင်ငံရေး အကျဉ်းသားတွေဟာ အကျဉ်းသားတွေ ရပိုင်ခွင့် အခွင့်အရေး ၆ ချက်ကို တောင်းဆိုပြီး မေလ ၂၂ ရက်နေ့ကစပြီး အစာငတ်ခံ ဆန္ဒပြခဲ့တာပါ။ အခုအခါမှာတော့ နိုင်ငံရေး အကျဉ်းသားတွေထဲက ဦးဆောင်သူလို့ ယူဆရသူ ၆ ဦးကို စစ်ခွေးတိုက်ကို ပို့ဆောင်လိုက်ပြီလို့ ဆိုပါတယ်။ နိုင်ငံရေး အကျဉ်းသားများ အကျိုးဆောင် ကွန်ရက်အဖွဲ့က ကိုအောင်ထွန်းဇော်က အခုလို ပြောပြပါတယ်။
“ဒီနေ့ ထောင်ဝင်စာ သွားတွေ့ပြီး ပြန်လာတဲ့ မိသားစုတစု ပြောတာက ကိုညီညီထွန်း အပါအ၀င် ကိုဉာဏ်ထွန်းလင်းတို့နဲ့ စုစုပေါင်း ၆ ယောက်လောက် စစ်ခွေးတိုက်ကို မနေ့ ညနေက ပို့လိုက်တယ်လို့ ကြားတယ်။ ၂၃ ရက်နေ့ ညနေပိုင်းမှာ သူတို့ကို စစ်ခွေးတိုက် ပို့လိုက်တယ်တဲ့။ ကျန်ခဲ့တဲ့သူတွေက အဆောင်မှာ ဆက်ပြီးတော့ တိုက်ပွဲဝင်နေကြတယ်။ ၆ ယောက်ကိုတော့ ခွဲပြီးတော့ စစ်ခွေးတိုက်ကို ပို့လိုက်ပြီ။ အခြေအနေကတော့ တောင်းဆိုထားတဲ့ဟာတွေ ဘာမှ မပြန်ကြားသေးဘူးတဲ့၊ အာဏာပိုင်ဘက်က။ အဲဒါ ဒီမနက် ထောင်ဝင်စာ သွားတွေ့ပြီး ပြန်လာတဲ့ အုပ်စုက ထွက်လာတဲ့ သတင်းပေါ့။
“ပြီးတော့ လောလောဆယ် အဲဒီ အစာငတ်ခံ တိုက်ပွဲဝင်နေတဲ့ လူဦးရေထဲမှာ ပါတဲ့ နိုင်ငံရေး အကျဉ်းသားတွေရဲ့ အိမ်တွေက ထောင်ဝင်စာနဲ့ အစားအစာ ပေးခွင့်ကို ပိတ်ပင်လိုက်တယ်။ အမျိုးသမီးဆောင်က ၇ ယောက် ဆက်ပြီးတော့ လုပ်နေတယ်။ အမျိုးသမီးဆောင် မိသားစုတွေလည်း တွေ့ခွင့်မရဘူး။ နိုင်ငံရေး အကျဉ်းသူက ၄ ယောက်၊ ရိုးရိုး အကျဉ်းသူက ၃ ယောက်၊ အဲဒါ ၇ ဆောင်မှာ လုပ်နေတဲ့လူတွေ။”
အကျဉ်းကျနေစဉ် စာပေလေ့လာခြင်း၊ ဘာသာစကား လေ့လာခြင်းတွေကို အထောက်အကူ ပြုစေရန် စာရေးကိရိယာတွေကို ခွင့်ပြုဖို့၊ စာအုပ်တွေကို လွယ်ကူစွာ ဖတ်ရှုခွင့် ရဖို့နဲ့ မိသားစုနဲ့ လွတ်လပ်စွာ တွေ့ခွင့်ရဖို့ အပါအ၀င် အချက် ၆ ချက်ကို နိုင်ငံရေး အကျဉ်းသားတွေက တောင်းဆိုခဲ့တာပါ။ အင်းစိန်ထောင် အဆောင် ၂၊ ၃၊ ၄၊ ၅ မှာရှိတဲ့ နိုင်ငံရေး အကျဉ်းသားတွေဖြစ်တဲ့ ကိုညီညီထွန်း၊ ကိုဇော်ထွန်းနိုင်၊ ဦးရေ၀တ၊ ကိုရဲမြတ်ဟိန်း၊ ဦးဝိလာသ၊ ကိုဇင်မင်းရှိန်၊ ကိုမျိုးမင်းသူ၊ ကိုသက်နိုင်ဦး၊ ကိုသော်ဇင်၊ ကိုကောင်းမြတ်လှိုင်၊ ကိုကိုအောင်၊ ကိုဉာဏ်ထွန်းလင်း၊ စောအယ်ထူး၊ စောနိုဘယ် အပါအ၀င် ၂၂ ဦးတို့ဟာ မေလ ၂၁ ရက်နေ့ကစပြီး ဆန္ဒပြခဲ့ကြတာ ဖြစ်ပါတယ်။
အကျဉ်းသားတွေကို အခုလို စစ်ခွေးတိုက် ပို့တာနဲ့ ပတ်သက်ပြီး နိုင်ငံရေး အကျဉ်းသားများ ကူညီစောင့်ရှောက်ရေး အသင်းရဲ့ တွဲဖက်အတွင်းရေးမှူး ကိုဘိုကြည်ကတော့ နှိပ်စက်ညှဉ်းပန်းမှုတွေ လုပ်မှာ ဖြစ်တဲ့အတွက် စိုးရိမ်စရာကောင်းတဲ့ အခြေအနေရှိကြောင်း အခုလို ပြောသွားပါတယ်။
“ဆန္ဒပြနေတဲ့သူတွေထဲက တချို့ကို စစ်ခွေးတိုက်ကို ပြောင်းတယ်လို့ ကျနော်တို့လည်း ကြားသိရပါတယ်။ ဒီဟာနဲ့ ပတ်သက်ပြီး ကျနော်တို့ တော်တော်စိုးရိမ်တယ်။ ဘာဖြစ်လို့လဲဆိုတော့ စစ်ခွေးတိုက် ဆိုတာက အကျဉ်းသားတွေကို နှိပ်စက်တဲ့နေရာ ဖြစ်နေတယ်။ ဒါကြောင့် ဒီလူတွေကို သူတို့တောင်းဆိုချက် မလိုက်လျောဘဲနဲ့ သူတို့ကို ပြစ်ဒဏ်ပေးမှာ၊ နှိပ်စက်မှာကို ကျနော်တို့ အတော်လေး စိုးရိမ်မိပါတယ်။
“သူတို့ရဲ့ တောင်းဆိုချက်တွေက အာဏာပိုင်တွေကိုရော၊ လက်ရှိ အုပ်ချုပ်နေတဲ့ သူတွေကိုရော ထိခိုက်တဲ့ တောင်းဆိုချက်တွေ တခုမှ မပါပါဘူး။ သူတို့အတွက် အဓိက လိုအပ်တဲ့ စားရေး သောက်ရေးတို့၊ ကျန်းမာရေးနဲ့ ပတ်သက်တာ၊ အသိပညာနဲ့ ပတ်သက်တဲ့ တောင်းဆိုချက်တွေပဲ ဖြစ်ပါတယ်။ ဒါတွေက အကျဉ်းထောင် အာဏာပိုင်က လွယ်လွယ်ကူကူနဲ့ လိုက်လျော ဖြေရှင်းလို့ ရနိုင်တဲ့ ကိစ္စတွေ ဖြစ်ပါတယ်။ ဒါကို လွယ်လွယ်ကူကူနဲ့ လိုက်လျော ဖြေရှင်းတာ မဟုတ်ဘဲနဲ့ ဒီလိုမျိုး စစ်ခွေးတိုက်ကိုပို့တယ်၊ နောက် ပြစ်ဒဏ်ပေးမယ် ဆိုရင်တော့ ဒါ အကျဉ်းထောင် အာဏာပိုင်တွေဘက်က တော်တော် မတရားတဲ့လုပ်ရပ် ဖြစ်ပါတယ်။”
အလားတူ US Campaign for Burma ခေါ် အမေရိကန် အခြေစိုက် မြန်မာ့အရေး လုပ်နေတဲ့ အဖွဲ့ကလည်း နိုင်ငံရေး အကျဉ်းသားတွေကို နိုင်ငံတကာက နီးနီးကပ်ကပ် စောင့်ကြည့်ဖို့ ကြေညာချက်ထုတ်ပြီး တိုက်တွန်းထားပါတယ်။
မြန်မာအစိုးရကတော့ မေလ ၁၆ ရက်နေ့က လွတ်ငြိမ်းချမ်းသာခွင့် အမိန့်ကို ထုတ်ပြန်ပြီး အကျဉ်းသားပေါင်း ၁၄,၆၀၀ ကို ပြန်လွှတ်ရာမှာ နိုင်ငံရေး အကျဉ်းသား ၅၀ ကျော်သာ ပြန်လွှတ်ပေးခဲ့ပါတယ်။ ဒီလို အခြေအနေတွေကြောင့် အင်းစိန်ထောင်တွင်းက နိုင်ငံရေး အကျဉ်းသူ ၄ ဦး အပါအ၀င် အမျိုးသမီး ၇ ဦးက အစာငတ်ခံ ဆန္ဒပြမှုကို လုပ်ခဲ့ကြတာလည်း ဖြစ်ပါတယ်။
မြန်မာနိုင်ငံမှာ နိုင်ငံရေး အကျဉ်းသား ၂,၂၀၀ ကျော်ရှိပြီး ကုလသမဂ္ဂ အပါအ၀င် နိုင်ငံတကာက ပြန်လွှတ်ပေးဖို့အတွက် တောင်းဆိုနေတာလည်း ဖြစ်ပါတယ်။ မြန်မာအစိုးရကတော့ မြန်မာနိုင်ငံမှာ နိုင်ငံရေး အကျဉ်းသား မရှိဘူးဆိုပြီး ငြင်းဆိုထားပါတယ်။
မြန်မာအစိုးရရဲ့ မေလ ၁၆ ရက်နေ့က လွတ်ငြိမ်းချမ်းသာခွင့်နဲ့ ပတ်သက်ပြီး နိုင်ငံရေး အကျဉ်းသားတွေကို ပြန်လွှတ်ပေးတာဟာ လွတ်ငြိမ်းချမ်းသာခွင့် မဟုတ်ဘူး၊ အမျိုးသား ပြန်လည်သင့်မြတ်ရေးကို ရှေ့ရှုတဲ့သဘော မတွေ့ရဘူးဆိုပြီး ကုလသမဂ္ဂရဲ့ မြန်မာပြည်ဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) ကလည်း ပြောဆိုထားပါတယ်။

sources: :www.voanews.com

Sunday, May 22, 2011

အငှားချထားတဲ့ စစ်တပ်ရန်ပုံငွေ ဆိုင်ခန်းတွေ ပြန်ပေးဖို့ ခြိမ်းခြောက်

မန္တလေး မဟာအောင်မြေမြို့နယ်၊ မန္တလေး တက္ကသိုလ်အနီ်း၊ ၇၃ လမ်း ၃၇-၃၈ လမ်းကြားက ငွေစာရင်းနဲ့ မှတ်တမ်းရုံး နံဘေးမှာ ၁၉၈၅ ခုနှစ် ကတည်းက တရားဝင် နေထိုင်လာကြတဲ့ လူနေ ဆိုင်ခန်း ၂ဝ ခန့်ကို တိုင်းစစ်ဌာနချုပ်က ၃ ရက် အတွင်း ပြောင်းရွှေ့ဖို့နဲ့ မပြောင်းရင် အင်အားသုံး အရေးယူမယ့်အကြောင်း ခြိမ်းခြောက်ခဲ့တယ်လို့ သိရပါတယ်။

အခြိမ်းခြောက်ခံရသူ ကာယကံရှင် တဦးကတော့ ဒီဆိုင်ခန်းတွေမှာ နှစ်ပေါင်းများစွာ သူတို့ တရားဝင် နေထိုင်ခဲ့တာ ဖြစ်ကြောင်း RFA ကို ပြောပြပါတယ်။

“ကျနော်တို့ကလည်း ရန်ပုံငွေကို ပုံမှန် သွင်းပေးခဲ့တယ်။ နောက်ထပ် တကြိမ်လည်း တပ်ရန်ပုံငွေပြီးတော့ စစ်ဦးစီးချုပ်ရုံးကို ဘဏ်ကနေ ကျနော်တို့ရဲ့ လခတွေကို လွှဲပေးခဲ့ရတယ်။ စုဆောင်းရေးတပ် လက်ထက် ရောက်တဲ့အချိန်မှာ အဲဒီလိုဖြစ်သွားတာ။ အခု ဒီနှစ်ပိုင်းကျမှ ကျနော်တို့ကို ဖယ်ခိုင်းတယ်ပေါ့”

အဲဒီနေရာတွေဟာ အမှတ် (၇၆) ခြေလျင်တပ်ရင်း ရှိစဉ်က တပ်-စည်ပင်သာယာက တရားဝင် ခွင့်ပြုချက်နဲ့ အခွန်ဆောင် နေထိုင်လာတာ ဖြစ်ပြီး စစ်တပ်အဆက်ဆက်မှာ ဘာပြဿနာမှ မရှိဘဲ အခု မှတ်တမ်းရုံး ရောက်ရှိလာမှ စတင် ဖယ်ခိုင်းခဲ့တာလို့ သိရပါတယ်။ ကာယကံရှင် အိမ်ရှင် တဦးက အခုလို ပြောပြပါတယ်။

“၁၈ ရက်နေ့မှာ ဒု-တိုင်းမှူးက လာပြီး ဖယ်ခိုင်းတယ်။ ၁၉ ရက်နေ့ကျတော့ ဒု-တိုင်းမှူးကြီးက အကုန်လုံးကို တင်ပြပါလို့ ပြောပြီး ကျနော်တို့ကို နန်းတွင်းကို ခေါ်သွားတယ်။ ပြီးတော့ လပခ မြေစာရင်းဌာနက ဒုတိယဗိုလ်မှူးကြီး သက်ထွန်းက သူကိုယ်တိုင်ပြောတယ်။ ကျနော်တို့ကို သုံးရက်အတွင်း ဖယ်ပေးကြပေါ့။ မဖယ်ပေးရင် လူကို အရေးယူမယ်၊ အင်အားသုံးမယ်လို့ ပြောတယ်။ စစ်တပ်နဲ့ အမှု ရင်ဆိုင်မယ်ဆိုရင် မဖယ်နဲ့ လို့လည်း ပြောတယ်။ ပြီးတော့ ဥပဒေနဲ့ လုပ်လုပ် ဘာနဲ့ လုပ်လုပ် ခင်ဗျားတို့ ရှုံးမှာပဲ လို့လည်း ပြောတယ်။ မရွှေ့လို့ရှိရင် ဘူဒိုဇာနဲ့ ထိုးမယ်လို့ ခြိမ်းခြောက်တယ်”

အခုလို ရွှေ့ပြောင်းခိုင်းရာမှာ နေရာ အစားထိုး စီစဉ်ပေးတာလည်း မရှိဘူးလို့ သိရပါတယ်။

sources: :http://www.rfa.org/burmese/news/forced-eviction-in-mandalay-05212011115720.html

လွှတ်တော်အမတ် ဖြစ်လိုသည့် Hip Hop အဆိုတော် ရသ မြန်မာ့နိုင်ငံရေးကို လေ့လာနေ

 
ခေတ်ပေါ်အဆိုတော်များနှင့်အတူ တွေ့ရသည့် ရသ (စက်ဝိုင်းထဲမှ)။ ပြီးခဲ့သည့် ရက်ပိုင်းအတွင်း ထောင်မှ လွတ်လာသူ အဆိုတော်ကို ဇေယျာသော်ကို ကြိုဆိုနှုတ်ဆက်စဉ်က ရိုက်ကူးထားခြင်း ဖြစ်သည်။ (ဓာတ်ပုံ-ဧရာဝတီ)
စကားအဆက်မပြတ်ပြောဟန်ဖြင့် သီချင်းရွတ်ဆိုတတ်သည့် Hip Hop အဆိုတော်က စကားအဆက်မပြတ် ပြောဆိုရသည့် နိုင်ငံရေးသမားဘ၀ကိုလည်း နှစ်သက်နေသည်။
၂၀၁၅ ရွေးကောက်ပွဲတွင် ၀င်ရောက်ယှဉ်ပြိုင်ရန် လေ့လာ ပြင်ဆင်နေသည်ဟူသော Hip Hop အဆိုတော် ရသ၏ ပြောဆိုချက်ကို ရန်ကုန်အခြေစိုက် Envoy ဂျာနယ်တွင် ကြာသပတေးနေ့က ဖော်ပြထားသည်။
"လိုအပ်ချက်ရှိလို့၊ လိုအပ်တယ် ထင်လို့၊ လူငယ်တွေ အလုပ်လုပ်သင့်တယ် ထင်လို့ ကျွန်တော် ဆုံးဖြတ်ချက် ချလိုက်တာပါ" ဟု Hip Hop အဆိုတော် ရသက ပြောသည်။
လူငယ်အများစု ခပ်ကင်းကင်းနေတတ်သည့် မြန်မာ့နိုင်ငံရေးလောကသို့ ၀င်ရောက်မည့် အဆိုတော် ရသက သမိုင်း၊ အခြေခံဥပဒေတို့ကို လေ့လာနေသည်ဟု ဆိုသည်။
အဆိုတော် ရသသည် ယမန်နှစ်က ပြုလုပ်ခဲ့သည့် ရွေးကောက်ပွဲတွင် စည်းရုံးရေး လုပ်ငန်းများ ဆောင်ရွက်ခဲ့သည်။ NDF ပါတီ ကိုယ်စားပြုပြီးဝင်ပြိုင်ခဲ့သည့် ဦးသိန်းညွန့်၏ လက်ထောက်တဦးအဖြစ် ဆောင်ရွက်ခဲ့ခြင်း ဖြစ်သည်။
ရသသည် ဆို၊ က၊ ရေး၊ တီး ပြိုင်ပွဲများတွင် မွန်ပြည်နယ်ကိုယ်စားပြုပြီး ယှဉ်ပြိုင်ခဲ့သည်။ သူ၏ ခေတ်ပေါ် Hip Hop သီချင်းများကိုလည်း ယနေ့ခေတ် လူငယ်အများအပြားက နှစ်သက်နေကြသည်။ 
 sources: :မိုးမခ

Monday, May 16, 2011

ကရင်ပြည်နယ် ငြိမ်းချမ်းရေးအတွက် ရွေးကောက်ပွဲဝင်ပါတီ စတင်ဆောင်ရွက်

ကရင်ပြည်နယ်အတွင်း အပစ်အခတ် ရပ်စဲရေးနဲ့ စစ်ကြောင့် အိုးအိမ်စွန့်ခွာ ထွက်ပြေးနေရသူတွေ နေရပ် ပြန်လာ ရေးအတွက် ပါဝင်ဆောင်ရွက်ဖို့ ဖလုံ-စဝေါ်ဒီမိုကရက်တစ်ပါတီက ဦးသိန်းစိန်အစိုးရ ကို တင်ပြထားတယ်လို့ သိရပါတယ်။

(Photo: Free Burma Rangers)
နအဖစစ်တပ်၏ လိုက်လံ တိုက်ခိုက်မှုကြောင့် အိုးအိမ်ကို စွန့်၍ ထွက်ပြေးနေကြရသော ကရင်ဒုက္ခသည်များကို တောတွင်းတနေရာမှာ တွေ့ရပုံဖြစ်ပါသည်။
ဒီဆောင်ရွက်ချက်ဟာ ကရင် ငြိမ်းချမ်းရေးကော်မတီရဲ့ ပန်ကြားချက်အရ လက်နက်ကိုင် ကရင် တိုင်းရင်းသား အဖွဲ့အစည်းတွေနဲ့ အစိုးရအကြား တွေ့ဆုံဆွေးနွေးရေး ဖြစ်ဖို့ ဖလုံ-စဝေါ်ပါတီ က ကြိုးစား ဆောင်ရွက်နေတာ ဖြစ်တယ်လို့ ပါတီရဲ့ လွှတ်တော်ကိုယ်စားလှယ် နန်းစေးဝါက ပြောပါတယ်။

“ငြိမ်းချမ်းရေး ကော်မတီဘက်ကတော့ ဒီလုပ်ငန်းတွေ အကောင်အထည်ဖော်ဖို့ အဆင်သင့် ဖြစ်နေပါပြီပေါ့။ ကျမတို့တွေကို ဒီဘက်က နိုင်ငံတော်နဲ့ လုပ်ငန်း အကောင်အထည်ဖော်ဖို့ တာဝန်ပေးပါတယ်။ အထူးသဖြင့် ဦးစောသိန်းအောင်နဲ့ ကျမ ဒေါ်နန်းစေးဝါကို ပေါ့နော်”

ကရင် ငြိမ်းချမ်းရေးကော်မတီကို ဘာသာရေးဆိုင်ရာ အကြီးအကဲတွေနဲ့ ဒေသခံမြို့မိမြိုဖ ကရင် တိုင်းရင်းသား ၉ ဦးနဲ့ ဖွဲ့စည်းထားတာ ဖြစ်ပါတယ်။

မကြာသေးခင်က ကျင်းပ ပြီးစီးခဲ့တဲ့ လွှတ်တော် အစည်းအဝေးမှာလည်း ကရင် စစ်ပြေးဒုက္ခသည်တွေ နေရပ် ပြန်လာရေးကိစ္စကို ပါတီဥက္ကဋ္ဌ ဦးစောသိန်းအောင်က တင်ပြခဲ့ပါတယ်။ ဒါနဲ့ ပတ်သက်လို့ သက်ဆိုင်ရာ မဲဆန္ဒနယ်မြေတွေကို ပြန်ရောက်တဲ့အခါမှာ ရှင်းပြခဲ့ပေမယ့် အစိုးရရဲ့ကမ်းလှမ်းချက်ကို ကရင်ပြည်သူတွေဘက်က မယုံကြည်တဲ့အကြောင်း နန်းစေးဝါက ပြောပါတယ်။

“လွှတ်တော်မှာတုန်းကတော့ ဖလုံ-စဝေါ်ပါတီက တင်ပြထားပါတယ်။ ဒီကိစ္စကို ကျမတို့ တအားကို လုပ်ချင်တယ်၊ ကရင်ပြည်နယ် လူထုအတွင်းမှာ ဒါကို လိုလားတယ် ဆိုတာကို။ အဲဒီတော့ နိုင်ငံတော်ရဲ့ ပြောရေးဆိုခွင့်ရှိတဲ့ ဝန်ကြီးက သူတို့လည်း ဒါကို အမြဲတမ်း လက်ကမ်းကြိုဆိုနေပါတယ်ပေါ့။ ဒီကိစ္စကို ပြောတော့ အပစ်အခတ် မရပ်သေးတဲ့အတွက် မယုံရဲသေးဘူးဆိုပြီး အဲဒီဘက်က ရွာသားတချို့က ပြောပါတယ်”

ကရင်ပြည်နယ်အတွင်း ငြိမ်းချမ်းရေး တည်ဆောက်ဖို့ ဖလုံ-စဝေါ်ပါတီရဲ့ တင်ပြချက်နဲ့ ပတ်သက်လို့ ဦးသိန်းစိန် အစိုးရဘက်က တစုံတရာ တုန့်ပြန်တာ မရှိသေးဘူးလို့ သိရပါတယ်။ လက်ရှိ အခြေအနေမှာ အစိုးရတပ်တွေနဲ့ ကရင် လက်နက်ကိုင်အဖွဲ့တွေအကြား တိုက်ပွဲတွေ ဆက်လက် ဖြစ်ပွားနေပါတယ်။
sources: :RFA

Saturday, May 14, 2011

မြန်မာအစိုးရကို ကျေနပ်စရာ ရှိ်ကြောင်း ကုလ အထူးကိုယ်စားလှယ်ပြောကြား

မြန်မာအစိုးရသစ်ဟာ အားရ ကျေနပ်စရာ လက္ခဏာ ရှိတယ်လို့ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် မစ္စတာ ဗီဂျေ နမ်ဘီးယားက မေလ ၁၂ ရက် မနေ့က ဒေါ်အောင်ဆန်းစုကြည်နဲ့ ရန်ကုန်မြို့မှာ တွေ့ဆုံအပြီး သတင်းထောက်တွေကို ပြောပါတယ်။



ကုလသမဂ္ဂ အတွင်းရေးမှူးချုပ် ဘန်ကီမွန်း၏ ရုံးအဖွဲ့မှူး ဗီဂျေ နမ်ဘီးယားကို အထွေထွေညီလာခံ အစည်းအဝေးတခုတွင် တွေ့ရပုံ။ (UN Photo/JC McIlwaine)
ဒါပေမဲ့ စစ်မှန်တဲ့ ပြောင်းလဲတိုးတက်မှုတွေ ရှိလာမလားဆိုတာတော့ စောင့်ကြည့်ဖို့ အရေးကြီးတယ်လို့ မစ္စတာ နမ်ဘီးယားက ပြောပါတယ်။ အထူးသဖြင့် နိုင်ငံရေးအကျဉ်းသား ၂၂၀၀ ကျော် လွှတ်ပေးရေး အပါအဝင် လူ့အခွင့်အရေးတိုးတက်မှုအခြေအနေကို အလေးထား စောင့်ကြည့်ရမှာ ဖြစ်တယ်လို့ သူက ပြောပါတယ်။
 နယူးယောက်မြို့ ကုလသမဂ္ဂရုံးချုပ်မှာ မနေ့က ပြုလုပ်တဲ့သတင်းစာ ရှင်းလင်းပွဲမှာလည်း ကုလသမဂ္ဂ ပြောခွင့်ရပုဂ္ဂိုလ် Mr. Martin Nesirky က ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းနဲ့ မစ္စတာ နမ်ဘီယာတို့ဟာ မြန်မာနိုင်ငံက နိုင်ငံရေး အကျဉ်းသားတွေ လွတ်မြောက်ရေးအတွက် စဉ်ဆက်မပြတ် တိုက်တွန်းခဲ့ကြသလို မစ္စတာနမ်ဘီယာ အနေနဲ့ အခု မြန်မာနိုင်ငံ ခရီးစဉ်အတွင်းမှာလည်း အစိုးရသစ်ကို အလေးထားပြီး တွန်းအားပေး ပြောဆိုမှာ ဖြစ်တယ်လို့ Mr. Nesirky ပြောသွားပါတယ်။
ဒီအတောအတွင်း နယူးယောက်မြို့အခြေစိုက် HRW လူ့အခွင့်အရေး စောင့်ကြည့်ရေးအဖွဲ့က မစ္စတာ နမ်ဘီးယား အနေနဲ့ မြန်မာအစိုးရရဲ့ အသုံးချမခံရဖို့ အရေးကြီးတယ်လို့ သတိပေး ပြောဆိုလိုက်ပါတယ်။ မစ္စတာ နမ်ဘီးယားအနေနဲ့ တိုးတက်မှု မရှိတဲ့ အခြေအနေတွေကို ပွင့်ပွင့်လင်းလင်း ထောက်ပြပြောဆိုဖို့ လိုတယ်လို့ HRW အဖွဲ့ရဲ့ အာရှနိုင်ငံများဆိုင်ရာ ဒုတိယ ညွှန်ကြားရေးမှူး Elaine Pearson က ပြောပါတယ်။
မစ္စတာ နမ်ဘီးယားအနေနဲ့ ၂၀၁၀ နိုဝင်ဘာ ရွေးကောက်ပွဲ ကျင်းပခဲ့ချိန်ကစလို့ လွန်ခဲ့တဲ့ ၆ လအတွင်း မြန်မာနိုင်ငံမှာ တိုးတက်မှု မရှိတဲ့ လူ့အခွင့်အရေး အခြေအနေတွေကို အလေးထား ထုတ်ဖော်ပြောဆိုဖို့ လိုအပ်တယ်လို့ Ms Pearson ပြောသွားပါတယ်။
တချိန်တည်းမှာပဲ မြန်မာအရေးလှုပ်ရှားနေတဲ့ ဗြိတိန်နိုင်ငံအခြေစိုက် Burma Campaign UK အဖွဲ့ကလည်း မစ္စတာ နမ်ဘီးယားအနေနဲ့ လတ်တလော ရှမ်းပြည်နယ်မှာ မြန်မာစစ်တပ် ကျူးလွန်နေတဲ့ လူ့အခွင့်အရေး ချိုးဖောက်မှု အခြေအနေတွေကို ထောက်ပြဖို့ အရေးတကြီးလိုအပ်တယ်လို့ မနေ့က ကြေညာချက်တစောင် ထုတ်ပြန်ပြီး တိုက်တွန်းလိုက်ပါတယ်။
sources: : http://www.rfa.org/burmese/news/nambiar_satisfies_with_new_gov-05132011092458.html

Sunday, May 8, 2011

စားသောက်ကုန် ပစ္စည်းများအသွင် ကာမစိတ်ကြွဆေးများ ရှိနေခြင်း၊ ညစ်ညမ်းခွေများ အလွယ်တကူ ရရှိနေခြင်း၊ စုံတွဲများ ဗီဒီယိုကင်မရာဖြင့် ခိုးရိုက်ခံရပြီး အွန်လိုင်းမှတစ်ဆင့် ပျံ့နှံ့နေခြင်းတို့ကြောင့် အမျိုးသမီးငယ်များ သွားလာနေထိုင်မှု ပိုမိုသတိပြုလာရ



453 ယခုဈေးကွက်အတွင်း၌ စားသောက်ကုန်ပစ္စည်းများ အသွင် ကာမစိတ်ကြွဆေးများ ရှိနေခြင်း၊ ညစ်ညမ်း ဗီဒီယိုခွေများ အလွယ်တကူ ၀ယ်ယူရရှိနိုင်ခြင်းနှင့် စုံတွဲများကို ဗီဒီယိုကင်မရာဖြင့် ခိုးယူရိုက်ကူးပြီး ညစ်ညမ်းခွေအဖြစ် ဖြန့်ချိခြင်းများ ရှိလာသောကြောင့် အမျိုးသမီးများ ပိုမို သတိထားလာရကြောင်း သိရသည်။
စားသောက်ကုန်ပစ္စည်း အသွင်သဏ္ဌာန်ဖြစ်သည့် ကာမစိတ်ကြွဆေးဟူ၍ သတင်းထွက်ပေါ်နေသည့် ပစ္စည်း များမှာ ကော်ဖီမစ်၊ ပီကေ၊ သကြားလုံးတို့ဖြစ်ပြီး ယခုနောက်ပိုင်းတွင် မိန်းကလေးအချို့သည် ယောက်ျားလေး မိတ်ဆွေများက ကျွေးသည့် ပီကေ၊ သကြားလုံး၊ ကော်ဖီမစ်များအား မစားသုံးမိရန် ပိုမိုသတိထားလာရကြောင်း မိန်းကလေးများထံမှ သိရသည်။
“ဒီပစ္စည်းတွေက အပြင်မှာ တကယ်ရှိမရှိတော့မသိဘူး။ သတင်းတွေက ထွက်နေတော့ အခုနောက်ပိုင်း  ပိုပြီးသတိထား လာရတယ်။ ယောက်ျားလေး မိတ်ဆွေတွေ ကျွေးရင် အားနာနာနဲ့ပဲ ငြင်းပြီးမစားတော့ဘူး။ မကောင်းတတ်ရင် ယူထားလိုက်တယ်။ ပြီးမှ လွှင့်ပစ်လိုက်တယ်”ဟု ဆယ်ကျော်သက် မိန်းကလေးတစ်ဦးက ဆိုပါသည်။
ဈေးကွက်အတွင်းရှိ ကာမစိတ်ကြွစေသည့် သကြားလုံး၊ ပီကေ၊ ကော်ဖီမစ်များအား အရည်အတွက်များများ စားသုံးမိပါက မူးဝေခြင်း၊ ရင်တုန်ခြင်း၊ ကတုန်ကရင်ဖြစ်ခြင်း၊ အမူးလွန်ခြင်းကြောင့် သတိလွတ်ခြင်း စသည့် ခံစားချက်များကို ခံစားရနိုင်ကြောင်းနှင့် အချို့လူငယ်များသည် တစ်ခုတလေ စားသုံးမိပါက ဘာမှမဖြစ်နိုင်သော်လည်း မူးဝေသည့် အရသာကို ပိုမိုခံစားလို၍ အလွဲအသုံးချကာ များစွာစားသုံးခြင်းများ ဖြစ်နေကြောင်း လူငယ်များအကြား သတင်းများ ပျံ့နေသည်ဟု သိရသည်။

“လမ်းဘေးခွေဆိုင်တချို့ မှာဆိုရင် ဒီလိုခွေတွေကို ပေါ်ပေါ်ထင်ထင် ရောင်းနေကြတော့ အရွယ်မရောက်သေးတဲ့ ကလေးတွေ လမ်းမှားရောက်မှာကို စိုးရိမ်မိတယ်။ လူငယ်တွေကို စိတ်ဓာတ်ပျက်ပြား စေနိုင်တဲ့ ပစ္စည်းကိရိယာတွေ၊ အသုံးအဆောင်ပစ္စည်းကို အလွယ်တကူ လက်လှမ်းမီ ဈေးပေါပေါနဲ့ ၀ယ်လို့ရနေတာတွေကို ထိထိရောက်ရောက် တားမြစ်သင့်တယ်  .   .   .”
ထို့ပြင် ဈေးကွက်အတွင်း အလွယ်တကူ ၀ယ်ယူရရှိနေသည့် ကာမစိတ်ကြွ ဆေးများသည် ဆေးရည် ဆေးတောင့်၊ ဆေးလုံးပုံစံတို့ဖြင့်ဖြစ်ပြီး အချို့ဆေးများတွင် တရုတ်စာတန်း၊ ယိုးဒယားစာတန်းများ ပါတတ်ကြောင်း  ရန်ကုန်မြို့တွင်း လူစည်ကားရာ နေရာများတွင် ရွေ့လျားဈေးသည်များ ပုံစံ၊ ဗန်းပေါ်တင်ရောင်းချသည့် ပုံစံများဖြင့် ရောင်းချလေ့ရှိကြောင်း ကိုယ်တိုင်မြင်တွေ့ခဲ့ရသူများက ဆိုသည်။
“လမ်းဘေးခွေဆိုင်တချို့မှာ ဆို ရင် ဒီလိုခွေတွေကို ပေါ်ပေါ်ထင်ထင် ရောင်းနေကြတော့ အရွယ်မရောက်သေးတဲ့ ကလေးတွေ လမ်းမှားရောက်မှာကို စိုးရိမ်မိတယ်။ လူငယ်တွေကို စိတ်ဓာတ်ပျက်ပြား စေနိုင်တဲ့ ပစ္စည်း ကိရိယာတွေ၊ အသုံးအဆောင်ပစ္စည်း ကို အလွယ်တကူ လက်လှမ်းမီ ဈေးပေါပေါနဲ့ဝယ်လို့ ရနေတာတွေကို ထိထိရောက်ရောက် တားမြစ်သင့်တယ်။ တရားမ၀င်ဝင်လာတဲ့ ဆေးဝါးတွေ နဲ့ အစားအသောက်တွေကို တင်းတင်းကြပ်ကြပ် တားမြစ်မယ်ဆိုရင်တော့ အများကြီး အထောက်အကူ ဖြစ်ပါ တယ်”ဟု တောင်ဥက္ကလာပမြို့နယ်နေ အထက်တန်းပြ ဆရာမ ဒေါ်ခင်ပြုံးရည်က ဆိုသည်။
“ကျွန်မသုံးနေတဲ့ မေးလ်ထဲကို နိုင်ငံခြား မင်းသားမင်းသမီးတွေကို ရိုက်ထားတဲ့ ညစ်ညမ်းဓာတ်ပုံတွေ မသိတဲ့သူတစ်ယောက်က ပို့လို့ရောက်လာဖူးတယ်။ ကျွန်မသူငယ်ချင်း မိန်းကလေးတွေဆီမှာလည်း ဒီလိုမျိုးပို့ ထားတာတွေ့ဖူးတယ်။ အခုနောက်ပိုင်း ပိုဆိုးတာက ကော်ဖီမစ်တို့လို အစားအသောက်တွေထဲမှာ ဒီလိုမျိုး ဆေးဝါးတွေထည့်ပြီး ရောင်းလာတယ် ဆိုတော့ အခုနောက်ပိုင်း ပိုသတိထားလာရတယ်”ဟု နည်းပညာတက္ကသိုလ် တက်ရောက်နေသည့် ကျောင်းသူ မသင်းသင်းက ပြောပြပါသည်။
“ဒီညစ်ညမ်းခွေတွေ၊ စာအုပ်တွေနဲ့ စိတ်ကြွဆေးတွေကို အခုနောက်ပိုင်းမှာ လူငယ်တွေအနေနဲ့ ကြည့်ရှုသုံးစွဲမှု ပိုများလာတာ တွေ့ရတယ်။ လူငယ်တွေဆိုတော့ ထိန်းချုပ်နိုင်စွမ်း နည်းနေသေးတော့ မဟုတ်တာတွေ လုပ်ဖြစ်ကြတယ်။ ပြီးတော့ ကျန်းမာရေး ဗဟုသုတအနေနဲ့လည်း နည်းသေးတော့ အရွယ်မတိုင်ခင် ကိုယ်ဝန်ဆောင်ရတာမျိုးနဲ့ လိင်ပိုင်းဆိုင်ရာ ကူးစက်ရောဂါတွေ ကူးတာမျိုးတွေပို ဖြစ်လာတယ်။ လူငယ်တွေကို မျိုးဆက်ပွား ကျန်းမာရေးနဲ့ပတ်သက်တဲ့ ဗဟုသုတကို တိုးပွားအောင် လုပ်ဆောင် ပေးသင့်ပါတယ်။ ဒါပေမယ့် ကျွန်တော်တို့ယဉ်ကျေးမှုအရ မိဘနဲ့သားသမီး၊ ဆရာနဲ့တပည့်ကြားမှာ ဒီကိစ္စတွေပြောရင် ရိုင်းပါတယ်။ ဒါကြောင့် ကိုယ်တိုင် မပြောနိုင်ရင် ဒီကိစ္စတွေကို အသိပညာပေးနေတဲ့ အဖွဲ့အစည်းတွေလာရင် ကြည်ဖြူစွာနဲ့ လက်ခံသင့်ပါတယ်။ လူငယ်တွေဘက်ကလည်း ကိုယ့်အသက်အရွယ်နဲ့ကိုယ် ချိန်ဆပြီး မကြည့်သင့်တဲ့ခွေတွေ၊ စာအုပ်တွေ၊ ၀က်ဘ်ဆိုက်တွေကို မကြည့်ဖို့ ကိုယ့်ကိုယ်ကိုယ် စောင့်ထိန်းသင့် ပါတယ်”ဟု မြန်မာနိုင်ငံ ဆရာဝန်အသင်း လူငယ်ဖွံ့ဖြိုးမှု အစီအစဉ်မှ ဒေါက်တာစည်သူဆွေက ပြောပါသည်။
ညစ်ညမ်းခွေများ ရောင်းချရာတွင်လည်း အနော်ရထာ၊ မဟာဗန္ဓုလ လမ်းတစ်လျှောက် အပါအ၀င် လူစည်ကားရာ နေရာအချို့တွင် အလွယ်တကူ ၀ယ်ယူရရှိနိုင်ကြောင်းနှင့် ညစ်ညမ်းခွေများ ရောင်းချရာတွင် ကိုရီးယားဇာတ်လမ်းတွဲများ၊ သီချင်းခွေများ၊ ရိုးရိုးဇာတ်လမ်းခွေများနှင့် ရောနှောရောင်းချ နေခြင်းကြောင့် ညစ်ညမ်းခွေမဟုတ်ဘဲ ရိုးရိုးအခွေ ရွေးဝယ်သူ မိန်းကလေးများ အခြားယောက်ျားလေးများကြားတွင် အရှက်ရခဲ့ရကြောင်း ထို့ကြောင့် နောက်ပိုင်းတွင် အခွေဝယ်သည့် မိန်းကလေးများ ပိုမိုသတိထားလာရကြောင်း ကိုယ်တိုင်ကြုံရသူ မိန်းကလေးများထံမှ သိရသည်။
ထို့ပြင် သမီးရည်းစားစုံတွဲများ အတူသွားလာသည့် ပန်းခြံ၊ တည်းခိုခန်း၊ ဟိုတယ်များတွင် ဗီဒီယိုကင်မရာများဖြင့် ခိုးယူရိုက်ကူးပြီး ဖုန်းများ၊ အင်တာနက်များ၊ အခွေများဖြင့် ဖြန့်ဝေသူများရှိရာ ယင်းခွေများအတွင်း ပါဝင်သော မိန်းကလေးအချို့ ၎င်းတို့ ပတ်ဝန်းကျင်တွင် ဂုဏ်သိက္ခာထိပါး ခံရခြင်းများ ကြုံနေရပြီး နစ်နာနေကြောင်း သိရသည်။ ယင်းမိန်းကလေးများထဲတွင် မော်ဒယ်နှင့် မင်းသမီးအချို့လည်း ပါဝင်နေကြောင်း  သိရသည်။
“တချို့ကတော့ ယောက်ျားလေး မပါဘဲ မိန်းကလေးတချို့ရဲ့ ရေချိုးခန်း၊ အိမ်သာထဲက ခိုးရိုက်ခံထား ရတဲ့ပုံတွေပါ။ တချို့ပုံတွေက ယောက်ျားလေးနဲ့ အတူနေတဲ့ပုံတွေပါ။ အဲဒီခွေတွေက ၀ယ်ယူရရှိနိုင် သလို တချို့တွေက မေးလ်တွေ၊ ဖေ့ဘွတ်တွေက တစ်ဆင့် မိန်းကလေးတွေကို ဖြန့်ဝေပြီး လိင်ပိုင်းဆိုင်ရာ ဆွဲဆောင်တဲ့ ပုံစံမျိုးတွေ လုပ်နေတာလည်း ရှိပါတယ်။ ဒါကြောင့် တချို့မိန်းကလေး တွေ နစ်နာမှုတွေနဲ့ ကြုံခဲ့ရပါတယ်။ဒါကြောင့် မိန်းကလေးတွေ ပိုသတိထားပြီး သွားလာနေကြရတယ်”ဟု အင်တာနက် အီးမေးလ်ပုံမှန် အသုံးပြုသူ ကွန်ပျူတာဘွဲ့ရ လူငယ်တစ်ဦး က ဆိုပါသည်။
ထို့အပြင် အချို့ယောက်ျားလေးများသည် အနံ့အရသာမရှိသော အမှုန့်၊ အရည်ကဲ့သို့ ကာမစိတ်ကြွ ဆေးများကို ၀ယ်ယူကာ ၎င်းတို့၏ မိန်းကလေးရည်းစားများအား အစားအစာနှင့် ရေများအတွင်း မိန်းကလေးများမသိစေရန် ထည့်သွင်းတိုက်ကျွေးပြီး ကာမကိုရယူခဲ့သဖြင့် နစ်နာခဲ့ရသည့် မိန်းကလေးများလည်း ရှိနေကြောင်း လူငယ်များက ဆိုပါသည်။ “စိတ်ကြွဆေးပြားဆိုတဲ့ ခေါင်းစဉ်အောက်မှာ လူငယ်တွေက အမျိုးမျိုး သုံးကြပါတယ်။ ဥပမာအားဖြင့်ပြောရရင်  အမျိုးသားတွေအတွက် ဟော်မုန်းအားဆေး အနေနဲ့ တရားဝင်ရောင်းချတဲ့ ဆေးကို မလိုအပ်ဘဲ အသက်ငယ်ရွယ်စဉ်မှာ သောက်တာ၊ ပမာဏခပ်များများ သောက်တာဆိုရင် ကာမ စိတ်ကြွလာမယ်။ အမျိုးသမီးတွေ ဆိုရင်လည်း သွေးဆုံးချိန်မှာ အမျိုးသမီးတွေအတွက် ဟော်မုန်းဆိုင်ရာ ဆေးတွေရှိမယ်။ ဒါကို အသက်ငယ်ရွယ်ချိန်မှာ တလွဲသုံးမိရင် မလိုလား အပ်တာတွေဖြစ်မယ်။ လူငယ်တွေ အနေနဲ့ တန်ဆေး၊ လွန်ဘေးသဘော ကို နားလည်ရမယ်။ မစူးစမ်းသင့်ဘူး။ ဆရာတို့အနေနဲ့ လေ့လာရသလောက် လူငယ်တွေစူးစမ်းနေတာ တွေက တရားဝင် ထုတ်ထားတဲ့ဆေး ၀ါး၊ ပစ္စည်းတွေကို တလွဲသုံးတာ တွေ့ရတယ်။ အချိုရည်တချို့ဆိုတာလည်း တရားဝင်တင်သွင်းထားတဲ့ အချိုရည်၊ ဒါကိုများများသောက်ပြီး တလွဲသုံးတာပါ။ ထုတ်လုပ် ထားတာတွေကတော့ ဓာတုပစ္စည်းတွေက အနည်းနဲ့အများ ဘေးထွက်ဆိုးကျိုး ကိုရရှိနိုင်မှာပါ။ သကြားလုံး၊ ကော်ဖီမစ်၊ ပီကေ၊ စုပ်ပြား၊ အချိုရည်တွေ ကိုသောက်ပြီး တလွဲသုံးတာလည်း ရှိတယ်”ဟု စေတနာ့ဝန်ထမ်း မူးယစ် ကြီးကြပ်ရေးမှူး အသင်းမှ ဥက္ကဋ္ဌဦးစံရှိန် က ဆိုပါသည်။
ထို့အပြင် သားမယားအဖြစ် ပြုကျင့်မှုများတွင်လည်း ထိုဆေးဝါးများကို အသုံးပြု၍ ကျူးလွန်မှုများရှိ နေကြောင်းလည်း သိရသည်။
“အဓမ္မကျင့်တဲ့အမှုတွေမှာ အကြမ်းနည်း၊ သြဇာသုံးတဲ့နည်း၊ အိပ်နေတုန်း မသိအောင်လုပ်တာ၊ ပြီးတော့ မိန်းကလေးကို စိတ်ကြွလာအောင် လုပ်တာမျိုးတွေပါဝင်နေတယ်။ ဒီ မိန်းကလေး စိတ်ကြွလာအောင် လုပ်တဲ့အခါမှာ ညစ်ညမ်းခွေတွေ၊ ကာမ စိတ်ကြွဆေးတွေ သုံးကြတယ်။ ဒီခွေတွေ၊ ဒီပစ္စည်းတွေကလည်း အလွယ်တကူ ၀ယ်ယူရရှိနေလို့ မိန်းကလေးတွေ အနေနဲ့ ကိုယ့်ချစ်သူရည်းစားပဲ ဖြစ်ဖြစ် သတိထားသင့်တယ်။ ကာမ စိတ်ကြွစေတဲ့ ကော်ဖီမစ်မျိုးလည်း ပေါ်နေတော့ ခရီးသွားတဲ့အခါမှာ သူများကျွေးတာကို အလွယ်တကူ မစားသင့်ဘူး။ မိန်းကလေးတွေ အနေနဲ့ ကလည်း ဒီဆေးပစ္စည်းတွေရဲ့ အကျိုးသက်ရောက်မှု၊ ဘယ်လို အသုံးပြုတယ်ဆိုတာ သိထားသင့်တယ်။ ဒီကိစ္စတွေ မဖြစ်အောင်လို့တော့ ကာကွယ်ရေးကိစ္စတွေကို လွှမ်းခြုံအောင် မလုပ်နိုင်ကြသေးပါဘူး။ ဆေးပစ္စည်းတွေနဲ့ ညစ်ညမ်းခွေတွေ ဈေးကွက်ထဲမှာ ရှိမနေစေဖို့အတွက် တရားဥပဒေ စိုးမိုးရေးကို တာဝန်ယူထားတဲ့သူတွေက ကြပ်ကြပ်မတ်မတ် ဆောင်ရွက်ပေးရမှာပါ။ လျှပ်တပြက်ဝင် စစ်ဆေးတာမျိုးတွေ၊ ထိထိရောက်ရောက် အရေးယူတာမျိုးတွေ ဆောင်ရွက်သင့်ပါတယ်”ဟု Legal  Aid Project မှ စီမံကိန်း မန်နေဂျာ ဦးငိုင်ဆာ့ခ် (တရားရုံးချူပ်ရှေ့နေ)က ပြောပါသည်။
သားမယားအဖြစ် ပြုကျင့်ခံရသော အမှုခင်းများနှင့် ကြုံတွေ့ရင်ဆိုင်ရသည့်အခါ မိမိတို့နေထိုင်ရာ ပတ်ဝန်းကျင် အသိုင်းအ၀ိုင်းအတွင်း အရှက်တကွဲဖြစ်မည်ကို စိုးရွံ့မှုကြောင့် လည်းကောင်း၊ မိမိဘ၀ရပ်တည်ရေးနှင့် ဆက်စပ်နေမှုကြောင့် လည်းကောင်း ကာယကံရှင်ကိုယ်တိုင် တိုင်ကြားမှု အားနည်းနေသေးကြောင်း လည်း ဆိုပါသည်။
“ကျူးလွန်ခံရလို့ တစ်ကြိမ် နစ်နာတယ်။ ဥပဒေအရ အရေးမယူရင် နောက်တစ်ကြိမ် ထပ်နစ်နာပါတယ်။ ပြီးတော့ ဒီလိုအမှုမျိုးကြုံခဲ့ရင် တိုင် ရင်တိုင်၊ မတိုင်ရင်တော့ ကျူးလွန်တဲ့ သူက နောက်တစ်ကြိမ် ထပ်ကျူးလွန်ဖို့ အလားအလာတွေ ရှိပါတယ်”ဟု ဦးငိုင်ဆာ့ခ်က ပြောပါသည်။
မည်သူမဆို ညစ်ညမ်းသော စာအုပ်၊ စာအုပ်ငယ်၊ စာရွက်စာတမ်း၊ ရေးဆွဲသောပုံ၊ ပန်းချီကား၊ ပုံသဏ္ဌာန် ရုပ်ပုံတစ်မျိုးမျိုးကို သို့တည်းမဟုတ် ညစ်ညမ်းသော အရာဝတ္ထုကို ရောင်းခြင်း၊ ထုတ်ငှားခြင်း၊ ဝေငှခြင်း၊ အများ ပြည်သူတို့ မြင်သာအောင်ပြခြင်း၊ တစ်ခုခုကိုပြုလျှင် သို့တည်းမဟုတ် နည်းတစ်မျိုးမျိုးဖြင့် ဖြန့်ချိခြင်းပြုလျှင် သို့တည်းမဟုတ် ရောင်းခြင်း၊ ထုတ်ငှားခြင်း၊ ဝေငှခြင်း၊ အများပြည်သူတို့ မြင်သာအောင် ပြခြင်း၊ ဖြန့်ချိခြင်း ကိစ္စတစ်ခုခု အလို့ငှာပြုလျှင် သို့တည်းမဟုတ် ထုတ်လုပ်လျှင် သို့တည်းမဟုတ် လက်ရှိထားလျှင် ဤပုဒ်မအရ ပြစ်မှုမြောက်သော ပြုလုပ်မှုတစ်ခုခုကိုပြုရန် ကမ်းလှမ်းလျှင် သို့တည်းမဟုတ် အားထုတ်လျှင် ထိုသူကိုသုံးလအထိ ထောင်ဒဏ်တစ်မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံး ဖြစ်စေချမှတ်ရမည် ဖြစ်ကြောင်း ပြစ်မှုဆိုင်ရာ ပုဒ်မ ၂၉၂အရ သိရသည်။
ထို့အတူ မည်သူမဆို တစ်ဆက်တည်းဖြစ်သော အထက်ပုဒ်မတွင် ဖော်ပြထားသည့် ညစ်ညမ်းသော အရာဝတ္ထုတစ်ခုခုကို အသက် ၂၀ မ ပြည့်သေးသောသူ တစ်ဦးတစ်ယောက် သို့ ရောင်းခြင်း၊ ထုတ်ငှားခြင်း၊ ဝေငှ ခြင်း၊ ပြခြင်း၊ ဖြန့်ချိခြင်းတစ်ခုခု ပြုလျှင် သို့တည်းမဟုတ် ထိုသို့ပြုရန် ကမ်းလှမ်းခြင်း၊ အားထုတ်ခြင်း တစ်ခုခုပြုလျှင် ထိုသူကို ခြောက်လ အထိ ထောင်ဒဏ် တစ်မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ် စေချမှတ်ရမည် ဖြစ်ကြောင်းပြစ်မှုဆိုင်ရာ ဥပဒေပုဒ်မ ၂၉၃ အရသိရသည်။
မည်သူမဆို အဖွဲ့အစည်း တစ်ခုခု သို့မဟုတ် ပုဂ္ဂိုလ်တစ်ဦးဦးကို ထိခိုက်နစ်နာစေရန် ဖြစ်စေ၊ ဂုဏ်သိ က္ခာကျဆင်းစေရန် ဖြစ်စေ သတင်းအချက်အလက်ကို အီလက်ထရော နစ်နည်းပညာဖြင့် ပြုလုပ်ခြင်း၊ ပြုပြင် ခြင်းသို့မဟုတ် ပြောင်းလဲခြင်း၊ ထိုသို့ပြုလုပ်ခြင်း၊ ပြုပြင်ခြင်းသို့ မဟုတ် ပြောင်းလဲခြင်း ပြုလုပ်ထားသည့် အချက်အလက်ကို ဖြန့်ချိခြင်း စသည့်ပြုလုပ်မှု တစ်ရပ်ရပ်ကို ကျူးလွန်ကြောင်း ပြစ်မှုထင်ရှားစီရင်ခြင်း ခံရလျှင် ထိုသူအား ထောင်ဒဏ်ငါးနှစ်အထိဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည် ဖြစ်ကြောင်း အီလက်ထရောနစ် ဆက်သွယ်ဆောင်ရွက်ရေး ဥပဒေပုဒ် မ၃၄(ဃ)တွင် ပြဋ္ဌာန်းထားချက်အရ သိရသည်။

sources: :www.first-11.com

Saturday, May 7, 2011

လက်မှတ်ထိုး တောင်းဆိုရေး ဒေါ်အောင်ဆန်းစုကြည် နှိုးဆော်

လက်ရှိ ဒီမိုကရေစီ ကွန်ရက်ထဲက အဖွဲ့အစည်းတွေ ၊ လူပုဂ္ဂိုလ်တွေ လုပ်ဆောင်နေတဲ့ သမ္မတ ဦးသိန်းစိန်ထံ လက်မှတ်ထိုး တောင်းဆိုရေး လှုပ်ရှားမှုမှာ မြန်မာ့ ဒီမိုကရေစီရေးကို လိုလားသူအားလုံး တက်တက်ကြွကြွ ပါဝင်ကြဖို့ လူထုခေါင်းဆောင် ဒေါ်အောင်ဆန်းစုကြည်က နှိုးဆော်လိုက်ပါတယ်။

(Photo: AFP)
၂ဝ၁၁ ခုနှစ် ဖေဖော်ဝါရီလ ၁၃ ရက်နေ့က NLD ရုံးချုပ်တွင် ကျင်းပပြုလုပ်သည့် ဗိုလ်ချုပ်အောင်ဆန်း ၉၆ နှစ်မြောက်မွေးနေ့ အထိမ်းအမှတ် အခမ်းအနားတွင် ဒေါ်အောင်ဆန်းစုကြည် အဖွင့်မိန့်ခွန်းပြောကြားစဉ်။ (Photo: AFP)
နိုင်ငံရေးအကျဉ်းသားတွေ လွှတ်ပေးရေး တိုင်းရင်းသားလက်နက်ကိုင်အဖွဲ့တွေနဲ့ တပ်မတော်ကြား အပစ်ခတ် ရပ်စဲရေး ပြည်ပကို ရှောင်ခွာသွားရတဲ့ ဒုက္ခသည်တွေနဲ့ အခြား နိုင်ငံသူ နိုင်ငံသားတွေ မြန်မာနိုင်ငံကို လုံခြုံအေးချမ်းစွာ ပြန်လာနိုင်ရေး စသည်တို့ကို တောင်းဆိုထားတဲ့ လက်မှတ်ထိုး လှုပ်ရှားမှု အောင်မြင်ရေးအတွက် ဝိုင်းပြီး ကူညီပေးစေချင်ပါတယ်။
RFA က အပတ်စဉ် တင်ဆက်နေတဲ့ လူထုနဲ့ ဒေါ်အောင်ဆန်းစုကြည် အမေးအဖြေ ကဏ္ဍအတွက် နိုင်ငံရေး အကျဥ်းသား ကိုမြအေးရဲ့သမီး မဝေနှင်းပွင့်သုန်ရဲ့ မေးခွန်းကို ဖြေကြားရာမှာ ဒေါ်အောင်ဆန်းစုကြည်က အခုလို နှိုးဆော်လိုက်တာ ဖြစ်ပါတယ်။ ဒါ့အပြင် သမ္မတ ဦးသိန်းစိန်ထံ တောင်းဆိုတဲ့ အဲဒီစာတွေကို နိုင်ငံခြားသားများလည်း ပါဝင် လက်မှတ်ရေးထိုးနိုင်ကြောင်းနဲ့ ကျယ်ကျယ်ပြန့်ပြန့် ဖြစ်ပေါ်ရေးအတွက် အားလုံး ဝိုင်းဝန်း အကောင်အထည် ဖော်ကြစေလိုကြောင်းလည်း ဒေါ်အောင်ဆန်းစုကြည်က ထပ်မံ တိုက်တွန်း ထားပါတယ်။
မြန်မာနိုင်ငံသူ နိုင်ငံသားတွေ မဟုတ်တဲ့သူတွေလည်း သွေးစည်းညီညွတ်မှုကို ပြသောအားဖြင့် လက်မှတ်ထိုးနိုင် ပါတယ်။ အမေထပ်ပြီးတော့ ပြောချင်ပါတယ်။ အမေတို့လုပ်နေတဲ့ လက်မှတ်ထိုး လှုပ်ရှားမှုကြီးကို သမီးတို့ပြင်ပက ဒီမိုကရေစီ လိုလားသူတွေ အားလုံး ဝိုင်းပြီးတော့ ကူညီပံ့ပိုးပေးကြပါ၊ အင်တာနက်ကတဆင့် လက်မှတ်တွေကို ပို့ပေးကြပါလို့ မေတ္တာရပ်ခံချင်ပါတယ်။
နောက်ထပ် သောတရှင်တဦးရဲ့ မေးခွန်းကို ဖြေကြားရာမှာတော့ လက်ရှိသမ္မတ ဦးသိန်းစိန်ဖွဲ့စည်းလိုက်တဲ့ အကြံပေးအဖွဲ့ကို ဒေါ်အောင်ဆန်းစုကြည်က သတိကြီးစွာထားပြီး ကြိုဆိုလိုက်ပါတယ်။
သမ္မတ ဦးသိန်းစိန်ရဲ့ နိုင်ငံရေး၊ စီးပွားရေး၊ ဥပဒေရေးရာ အကြံပေးအဖွဲ့ဝင် ၉ ဦး ဖွဲ့စည်းလိုက်တာနဲ့ ပတ်သက်လို့ တကယ်တမ်းကို တိုင်းပြည်ကို အကျုိးပြုနိုင်မဲ့ အကြံတွေပေးနိုင်ပြီး ဒီအကြံတွေကို သက်ဆိုင်ရာ အဖွဲ့အစည်းတွေက မှန်မှန်ကန်ကန် အကောင်အထည် ဖော်နိုင်မယ် ဆိုရင်တော့ ကောင်းမယ်လို့ ထင်ပါတယ်။
ဒါပေမဲ့ အဲဒီအကြံပေး ကော်မတီကို လက်တွေ့ကျကျ အကောင်အထည် ဖော်နိုင်မလား ဆိုတာကိုတော့ စောင့်ကြည့်ရမှာ ဖြစ်ကြောင်း မိမိအနေနဲ့ လက်တွေ့ လုပ်ဆောင်ချက်တွေကို မမြင်ရသေးပဲ မျှော်လင့်ချက်ထားတာမျိုးကို ယုံကြည်ခြင်း မရှိကြောင်း စသဖြင့်လည်း ဒေါ်အောင်ဆန်းစုကြည်က ပြောပါတယ်။

sources: :http://www.rfa.org/burmese/news/suu_kyi_calls_for_signature_campaign-05062011092817.html

Thursday, May 5, 2011

အီးယူရဲ့ မြန်မာအပေါ် ဒဏ်ခတ်မှု သုံးသပ်ဆွေးနွေး

ဥရောပသမဂ္ဂကနေ မြန်မာနိုင်ငံအပေါ် ချမှတ်တဲ့ အရေးယူ ဒဏ်ခတ် ပိတ်ဆို့မှုတွေဟာ တကယ်ပဲ ထိရောက်ရဲ့လား ဆိုတာကို သုံးသပ်တဲ့ ဆွေးနွေးပွဲ တခုကို ဂျာမဏီနိုင်ငံ ဘာလင်မှာ မနေ့က ပြုလုပ်ပါတယ်။ မြန်မာ့အရေး လှုပ်ရှားသူတွေ၊ မြန်မာ့အရေး စိတ်ပါဝင်စားသူတွေနဲ့ ဥရောပ သံတမန်တွေ တက်ရောက် ဆွေးနွေးရာမှာ အမြင်ကတော့ အမျိုးမျိုး ရှိပါတယ်။ အရေးယူမှုတွေကို ဆက်ထားဖို့ လိုမယ်လို့ ယူဆသူတွေ ရှိသလို မြန်မာအစိုးရသစ်နဲ့ ထိစပ် ဆက်ဆံရေး ပိုပြီး အောင်မြင်နိုင်ဖို့ အရေးယူမှုတွေကို လျှော့ရမယ်ဆိုပြီး သုံးသပ်သူတွေလည်း ရှိပါတယ်။ အပြည့်အစုံကို ကိုသားညွန့်ဦးက စုံစမ်းမေးမြန်းပြီး တင်ပြပေးထားပါတယ်။ ဥရောပသမဂ္ဂထဲမှာတော့ ဂျာမဏီနိုင်ငံဟာ မြန်မာနိုင်ငံနဲ့ ထိစပ် ဆက်ဆံရေးကို ပိုပြီးလိုလားတဲ့ နိုင်ငံလို့ အသိများပါတယ်။ အခု အစည်းအဝေးကို ဦးဆောင်ပြီးလုပ်တဲ့ Friedrich Naumann ဖောင်ဒေးရှင်းဟာ ဂျာမဏီ နိုင်ငံရေးမှာ သြဇာကြီးတဲ့ အဖွဲ့တဖွဲ့ ဖြစ်ပါတယ်။ ဒါကြောင့် ဒီဆွေးနွေးပွဲဟာ ဂျာမန်အစိုးရရဲ့ မြန်မာအပေါ်ထားတဲ့ နိုင်ငံခြားရေး မူဝါဒမှာ အတော်လေး ရိုက်ခတ်မှု ရှိမယ်လို့ တက်ရောက်လာသူတွေက ယူဆပါတယ်။ တက်ရောက်ဆွေးနွေးတဲ့ မြန်မာ့အရေး လှုပ်ရှားသူတွေထဲမှာ ပြည်တွင်းကရော ပြည်ပကပါ ပါဝင်ပြီး မတူညီတဲ့ ရှုထောင့် သုံးသပ်မှုတွေ တွေ့ရပါတယ်။
အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ) နိုင်ငံခြားရေး ကိုယ်စားလှယ် ကိုညိုအုန်းမြင့်ကတော့ မြန်မာနိုင်ငံအပေါ် ထိတွေ့ဆက်ဆံမှု လိုအပ်သလို အရေးယူ ပိတ်ဆို့တာတွေလည်း ဆက်ထားသင့်တယ်လို့ အမြင်ရှိသူပါ။
“အဓိက အစည်းအဝေးရဲ့ ပုံသဏ္ဌာန်က ဂျာမန်အစိုးရက မြန်မာပြည်မှာ ဆက်ဆံရေး ပိုပြီး တိုးမြှင့်လုပ်ချင်တယ်လို့ ကျနော် ထင်တယ်။ ဒါပေမဲ့လည်း ပြဿနာက မြန်မာပြည်မှာ လူ့အခွင့်အရေး ချိုးဖောက်မှုတွေနဲ့ ကျန်တဲ့ နိုင်ငံရေး ပြုပြင်ပြောင်းလဲမှု ကြန့်ကြာမှု အပေါ်မှာလည်း သူတို့ နားလည်ပါတယ်။”
ဂျာမဏီနိုင်ငံရဲ့ အယူအဆကတော့ မြန်မာနဲ့ ပိုပြီး Engage လုပ်ချင်တာပေါ့။ ဒါပေမဲ့ EU အပေါ်မှာရော ဂျာမဏီရဲ့ အခု သဘောထားက ဘယ်လောက်အထိ လွှမ်းမိုးနိုင်လဲခင်ဗျ။
“ဂျာမန်အစိုးရ အနေနဲ့ ကျနော် ကြည့်ရမယ်ဆိုရင် သူတို့က မြန်မာပြည်ရဲ့ အဓိက လိုအပ်နေတဲ့ ဆင်းရဲနွမ်းပါးမှု ပြဿနာတွေ၊ နောက်တခါ စီးပွားရေး ချွတ်ခြုံကျမှု ပြဿနာတွေကို သူတို့တိုင်းပြည် အနေနဲ့ EU ကို နည်းနည်း ဦးဆောင်ချင်တယ်လို့ ထင်ရတယ်။ နောက်တခုကလည်း ကျနော်တို့ နိုင်ငံခြားရေးဌာနနဲ့ ပြောတာရော ကျန်တဲ့ Panel မှာ ပြောကြတာပါဆိုရင် တရုတ်အစိုးရက နေပြီးတော့ မြန်မာပြည်မှာ ပြိုင်ဘက်မရှိ လွှမ်းမိုးနေမှု အပေါ်မှာလည်း EU ရဲ့ စိုးရိမ်မှု ရှိတယ်ဆိုတာကို ကျနော်တို့ မြင်ရပါတယ်။”
အရေးယူမှုတွေ ရုပ်သိမ်းသင့်၊ မသင့် ဆွေးနွေးကြရာမှာတော့ လက်ရှိ မြန်မာနိုင်ငံ အခြေအနေကို ထင်ဟပ်ပြီး ဆွေးနွေးကြတာပါ။ တက်ရောက်သူ အချို့ကတော့ မြန်မာနိုင်ငံမှာ သိသာထင်ရှားတဲ့ အပြောင်းအလဲတွေ မမြင်ရသေးဘူးလို့ ဆိုပါတယ်။ တက်ရောက်ဆွေးနွေးသူ တဦးဖြစ်တဲ့ ရန်ကုန်မြို့က Myanmar E.Grass အထွေထွေ အတွင်းရေးမှူး ဒေါက်တာ နေ၀င်းမောင်ကတော့ အုပ်ချုပ်မှုစနစ် ပြောင်းလဲမှု မြင်နေရပြီမို့ သိသာထင်ရှားတဲ့ လက်တွေ့ အပြောင်းအလဲတွေ ပေါ်လာမလား စောင့်ကြည့်ရမယ်၊ အလားတူ နိုင်ငံတကာကလည်း ဒါကို စောင့်ကြည့်နေတယ်လို့ သုံးသပ်ပါတယ်။
“နံပါတ်တစ်ကတော့ Leadership ပြောင်းသွားပြီပေါ့၊ လူတယောက်တည်းမှာ အရင်တုန်းက အာဏာအားလုံး ရှိတယ်။ အခုတော့ Leadership ပြောင်းသွားတော့ အနည်းဆုံးတော့ Collective Leadership ပုံစံ ဖြစ်သွားတယ်။ နံပါတ်နှစ်ကတော့ ပါဝါ စင်တာတွေ ပေါ်လာတော့ ဒီ စင်တာလိုက်ဇေးရှင်းပေါ့၊ ဘယ်အဖွဲ့အစည်းက အာဏာအရှိဆုံးလဲ ဆိုတာ သူ့သဘောသဘာဝအရ သူ့ပါဝါအရ သူ ဥပဒေပြုသူက Institution အသစ်တွေနဲ့ ဒီ စင်တာလိုက်ဇေးရှင်း ဖြစ်သွားတယ်။ နံပါတ်သုံးကတော့ တပ်မတော်နဲ့ အရပ်ဘက် အုပ်ချုပ်ရေး ယန္တရားကို ခွဲလိုက်တယ်။ ဒီသုံးခုပေါ့။”
အမျိုးသား ပြန်လည်သင့်မြတ်ရေး ဆိုတဲ့ နေရာမှာလည်း အဓိကဖြစ်နေတဲ့ ဒေါ်အောင်ဆန်းစုကြည်တို့ NLD တို့ပါ ပါဝင်လာနိုင်တဲ့ ပြန်လည်သင့်မြတ်ရေး အခြေအနေကရော ကိုနေ၀င်းမောင်အမြင် သိချင်ပါတယ်။
“အဓိကတော့ သမ္မတ ဦးသိန်းစိန် ပြောထားတဲ့ မိန့်ခွန်းမှာရှိတဲ့ ကတိက၀တ်တွေကို သူ အကောင်အထည် ဖော်နိုင်တယ်ဆိုရင် သူ့အလိုလို ဖြစ်သင့်တဲ့ဟာတွေ ဖြစ်သွားမှာပါ။”
EU ဥရောပသမဂ္ဂ၊ အထူးသဖြင့် ဂျာမဏီတို့ ဘာတို့ဆိုရင် မြန်မာနိုင်ငံနဲ့ တော်တော်လေး ထဲထဲဝင်ဝင် ဆက်ဆံချင်တဲ့ အနေအထားမျိုးတွေ တွေ့ရတဲ့ အခါကြတော့ သဘောထား ပြောင်းလာမယ့် အနေအထား ရှိလား။ ကိုနေ၀င်းမောင်လည်း အဲဒီမှာ ရောက်နေတော့ သူတို့ရဲ့ အနေအထား ဘယ်လို တီးခေါက်မိလဲ။
“ကျနော်တို့ မြန်မာပြည်ဘက်က နည်းနည်း ရှင်းရှင်းလင်းလင်း မြင်ရဖို့ ပြဖို့ လိုတာလေးတွေ ရှိတာပေါ့ဗျာ။ General Amnesty လိုဟာမျိုးကတော့ Standard Operation Procedure ပဲဗျာ။ အမှန်အတိုင်း ပြောရရင်တော့ Opposition ပါလီမန်ထဲမှာ ရှိတယ်ဆိုတဲ့ နိုင်ငံရေးစနစ် တခုက မြန်မာပြည်မှာ မရှိတာ နှစ်ပေါင်း ၅၀ ရှိပြီ။ အဲဒါကြီးက တကယ်ဖြစ်တယ်ဆိုရင် ဒါက ဒီနိုင်ငံမှာ နိုင်ငံရေးကို တရားဝင် ပေးလုပ်တာ ဖြစ်တဲ့အတွက် နိုင်ငံရေး အင်အားစုတွေ အားလုံးကိုလည်း ဒီ Game ကစားမလား၊ ကစားရင် ကျနော်က လွှတ်ပေးပါမယ် ဆိုတဲ့ဟာမျိုးတွေ မြင်ရမှာပေါ့။
“အဲဒီလို မြင်မှလည်း ဒီမှာက အာဏာအတွက် ဘယ်သူ့မှာမှ ရှိတာမဟုတ်ဘူး။ နိုင်ငံပေါင်း ၂၇ နိုင်ငံလည်း ပါတယ်ဆိုတော့ ဟိုမှာ ဟိုလိုမြင်ရတယ်၊ ငါတို့ဘက်ကလည်း ဒီလို အပြုသဘော တုံ့ပြန်မယ်ဆိုတဲ့ ပုံစံမျိုး ဖြစ်လာမှာပေါ့။”
ဂျာမဏီ ဘာလင်က မြန်မာ့အရေး ဆွေးနွေးပွဲကို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ဗွီဒီယိုမိန့်ခွန်း ပေးပို့ခဲ့ပါတယ်။ သဘောကွဲလွဲမှုတွေ ရှိနိုင်ပေမဲ့ မြန်မာနိုင်ငံ အရေးကို နိုင်ငံတကာက ၀ိုင်းဝန်းထောက်ခံ ကူညီကြဖို့ မေတ္တာရပ်ခံ ထားပါတယ်။
ဥရောပသမဂ္ဂ အနေနဲ့ မြန်မာနိုင်ငံနဲ့ ပတ်သက်ပြီး အရေးယူ ပိတ်ဆို့မှုကို တနှစ်သက်တမ်း ထပ်တိုးဖို့ ကိစ္စမှာ ဗြိတိသျှနိုင်ငံက ဦးစီးဦးဆောင်လုပ်လို့ သက်တမ်းတိုးရေး ဆုံးဖြတ်ချက် ဖြစ်ခဲ့ပေမဲ့ ဂျာမဏီလို နိုင်ငံအချို့ကတော့ သူတို့ရဲ့ မြန်မာနိုင်ငံ မူဝါဒကို အပြောင်းအလဲ လုပ်ချင်နေကြပြီလို့ လေ့လာသူတွေက သုံးသပ်ကြပါတယ်။

sources: :http://www.voanews.com/burmese/news/eu-burma-121292254.html