ကြောက်စိတ်၊ ဗေဒင်ဆရာတို့နှင့်အတူတွေ့ရသော မဲဆွယ်ပွဲ

"လူတွေက ကျွန်တော့ကို ထောက်လှမ်းရေးလို့ ထင်နေကြတယ်။ ကျွန်တော် လမ်းမပေါ်မှာ နိုင်ငံရေးအကြောင်း အမြဲအော်ပြော နေတာပဲ။ ဘယ်သူမှ ကျွန်တော့ကိုမဖမ်းဘူး"ဟု မန္တလေး မဟာအောင်မြေ ပြည်သူ့လွှတ်တော် ကိုယ်စားလှယ်နေရာတွင် ယှဉ်ပြိုင်မည့် ဒီမိုကရက်တစ်ပါတီ ကိုယ်စားလှယ် တစ်ဦးဖြစ်သူ ဦးချစ်စိုးက ပြောသည်။
သူ့စကားကြောင့် ပရိသတ်က ရယ်ကြသည်။ သို့သော် ယခု သူပြောနေသောနေရာသည် လမ်းမပေါ်တွင် မဟုတ်ဘဲ ဒီမိုကရက်တစ် ပါတီ၏ ရန်ကုန်ဌာနချုပ် ရုံးခန်းတွင်ဖြစ်သည်။
စက်တင်ဘာလ ၂၆ ရက်နေ့က နိုင်ငံ၏ ပဉ္စမအကြီးဆုံး နိုင်ငံရေးပါတီ၏ ကိုယ်စားလှယ်များက မိန့်ခွန်းများနှင့် ပါတီမူဝါဒများ ဟောပြောရန်၊ ရွေး ကောက်ပွဲအတွက် စည်းရုံးရေး အခက်အခဲ အတွေ့အကြုံများ နှီးနှောဖလှယ် ရန် ၅၂ လမ်း ရုံးခန်းတွင် စုဝေးခဲ့သည်။
နိုဝင်ဘာလ ၇ ရက်တွင် ကျင်းပမည့် ရွေးကောက်ပွဲတွင် ဒီမိုကရက်တစ်ပါတီမှ ကိုယ်စားလှယ်လောင်း ၄၇ ဦး ပါဝင်ယှဉ်ပြိုင်မည်ဖြစ် ကာ ထိုအစည်းအဝေးတွင် ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်း ဒေသကြီး၊ မွန်ပြည်နယ်မှ ကိုယ်စား လှယ် လောင်းများနှင့် ရခိုင်ပြည်နယ် ဒီမိုကရက်တစ်ပါတီ၏ တစ်ဦးတည်းသော ကိုယ်စားလှယ်လောင်းတို့ တက်ရောက်ခဲ့သည်။
"ဒီအစည်းအဝေးကို တစ်ပြည်လုံးက တက်ရောက်ခဲ့ကြပါတယ်။ ကျွန်မတို့ အချင်းချင်း မိတ်ဆွေဖြစ်ကြတယ်။ ကျွန်မတို့ လွှတ်တော်ထဲကိုရောက်ရင် ဘာတွေ လုပ်ကြမလဲဆိုတာ ဆွေးနွေးခဲ့ကြတယ်။ ပါတီလုပ်ငန်းတွေရဲ့ အခက်အခဲတွေကို တိုင်ပင် ခဲ့တယ်"ဟု ရန်ကုန် တိုင်းဒေသကြီး ဗဟန်း မဲဆန္ဒနယ် အမှတ်(၂) ကိုယ်စားလှယ်လောင်း ဒေါက်တာညိုညိုသင်းက ပြောသည်။
၎င်းတို့၏လှုပ်ရှားမှုများတွင် ခန်းမ များ၌ ကျင်းပသော ဆွေးနွေးပွဲပုံစံထက် မဲဆန္ဒနယ်အတွင်းရှိ လူထုအား ဟေ ပြောခြင်း၊ လက်ကမ်း စာရွက်များ ဝေငှခြင်းတို့ကို အဓိကထား လုပ်ဆောင် သွားမည်ဖြစ်ကြောင်း ကိုယ်စားလှယ်လောင်းများက ပြောကြားသည်။
"ကျွန်မတို့မြို့နယ်ထဲက လူတွေဆီကို နေ့တိုင်းသွားတယ်။ ပထမမှာ လူတွေက ကျွန်မကိုမသိကြလို့ ကျွန်မ စိန်ခေါ်မှုတွေ အများကြီး ကြုံရတယ်။ သူတို့ အခက်အခဲတွေကို ထုတ်မပြောရဲကြဘူး။ အခုကျတော့ ကျွန်မက လက်ကမ်းစာရွက် မဝေနိုင်ရင်တောင် သူတို့က ဝေပေးတယ်။ ဒါကြောင့် ကျွန်မအတွက် ပျော်စရာကောင်းနေပါပြီ"ဟု ဒေါက်တာ ညိုညိုသင်းက ပြောသည်။
မိုက်ကရိုဖုန်းအား တစ်ယောက်ပြီးတစ်ယောက် လက်ဆင့်ကမ်းရင်း သူတို့၏ ကိုယ်ရေးအချက်အလက်များ၊ ယုံကြည်ချက်များ၊ နိုင်ငံရေးနည်းဗျူဟာ များနှင့် မူဝါဒများကို ပြောဆိုကြသည်။
မန္တလေး အမျိုးသားလွှတ်တော်မဲဆန္ဒ နယ်အမှတ်(၁) ကိုယ်စားလှယ်လောင်း တစ်ဦးဖြစ်သူ ဒေါက်တာတင်မောင်ထွန်းက မီဒီယာ လွတ်လပ်ခွင့်အတွက် ဆွေးနွေးသည်။
"ကျွန်တော်တို့နိုင်ငံမှာ စာပေလွတ်လပ်ခွင့် အနည်းငယ်ပဲရှိတယ်။ ဒါ ကြောင့် ကျွန်တော့အနုပညာ၊ ကျွန်တော့ ပန်းချီ၊ ကျွန်တော့ ဆောင်းပါးတွေကို စိတ္တဇနည်းနဲ့ ဆောင်ရွက်ရတယ်။ ကျွန်တော့ပန်းချီကားတွေကို စိတ္တဇ နည်းဖြစ်အောင် ကန့်သတ်ရတယ်" ဟု သူကပြောသည်။
သူ၏မိန့်ခွန်းထဲတွင် မဟာဇနက္က ဇာတ်တော်ကို ထည့်ပြောသွားသည်။
"သင်္ဘောသာမပျက်ရင် ဇနက္ကဆိုတာ ရှိမှာမဟုတ်ဘူး"ဟု ဒေါက်တာ တင်မောင်ထွန်းက ပြောသည်။
မန္တလေးမှ အခြားကိုယ်စားလှယ်တစ်ဦးဖြစ်သူ ပုသိမ်ကြီးမြို့နယ် ပြည်သူ့ လွှတ်တော်အတွက် အရွေးခံမည့် ဦးမင်းအောင်က ပါတီအတွက် သူ ဆောင်ရွက်ထားသော ဘာသာရေး အခမ်းအနားများအကြောင်းနှင့် ဗေဒင်ဆရာ၏ နိမိတ်ဖတ်ဟောကြားချက် များအကြောင်းကို တက်ရောက်သူများအား ရှင်းပြသည်။ အခြားပါတီများ၏ နိုင်ငံရေးလှုပ်ရှားမှုများအား မျက်ခြည်မပြတ် စောင့်ကြည့် သွားရန် မဲဆန္ဒနယ် မှ လူထုအားတိုက်တွန်းရန်လည်း အခြားကိုယ်စားလှယ်လောင်းများကို သူက ပြောသည်။
ကံကြမ္မာနှင့်ပတ်သက်၍ ချမ်းအေးသာစံ အမှတ်(၂) မန္တလေးတိုင်းဒေသ ကြီး လွှတ်တော်နေရာအတွက် ယှဉ်ပြိုင်မည့် ဦးအောင်ရွှေ ကလည်း ဆွေးနွေးသည်။ အသက်မွေးဝမ်းကျောင်း လုပ်ငန်းအရ နက္ခတ္တဗေဒပညာရှင် တစ်ဦးဖြစ်သူ ဦးအောင်ရွှေက "ကံကြမ္မာ သည် ကျွန်ုပ်တို့ဘက်တွင်ရှိသောအချိန် သို့ ရောက်နေပါပြီ" ဟု တစ်ခန်းလုံးသို့ ရဲရဲဝံ့ဝံ့ကြေညာသွားသည်။
ရွေးကောက်ပွဲ မဲဆွယ်ရာတွင် ကြုံတွေ့ကြရသော ညည်းတွားသံတစ်ခုမှာ လူများအား 'ရဲရဲဝံ့ဝံ့ မဲပေးရန်' မေတ္တာရပ်ခံခြင်းပင် ဖြစ်သည်။
"ကျွန်မမြို့နယ်က လူတွေကို သတ္တိရှိ ကြဖို့ ပြောချင်ပါတယ်။ ကျွန်မတို့ရဲ့ မျိုးဆက်အတွက် သတ္တိရှိသင့်ပါတယ်" ဟု ဒေါက်တာ ညိုညိုသင်းက ပြောသည်။
ဒေါက်တာညိုညိုသင်းက အခက်အခဲများသည် ဒေသတစ်ခုနှင့် တစ်ခု၊ တစ်မြို့နှင့်တစ်မြို့ မတူသော်လည်း အခြေခံဦးတည်ရာကား တစ်ခုတည်းရှိ နေကြောင်း ပြောသည်။
"အခက်အခဲက ဘုံအခက်အခဲ မဟုတ်ပါဘူး။ ရန်ကုန်နဲ့ မန္တလေး မတူပါဘူး။ ဒါကြောင့် ကျွန်မတို့မှာ ကိုယ်ပိုင် မဟာဗျူဟာတွေကို ဖန်တီးထား ရပါတယ်။ (ဒါပေမယ့်) လူတွေထဲမှာ ကြောက်ရွံ့မှုတွေ ပျံ့နှံ့နေတယ်။ ဒါ ကြောင့် လူတွေမှာ ဘယ်လိုမဲပေးရမယ်၊ ဘယ်သူ့ကို မဲပေးရမယ်ဆိုတာ မသိကြပါဘူး။ ဒါပေမယ့် အံ့ဩစရာ ကောင်းတာက သူတို့ဘယ်သူ့ကို မဲမပေးသင့်ဘူးဆိုတာကျတော့ သိနေပြန်တယ်"ဟု သူက ပြောသည်။

ရင်းမြစ်။ ။မြန်မာတိုင်းမ်

ဘာမှမဖြစ်ခင်ကွဲကြလေပြီ

ဒီငြိမ်း မဟာမိတ်အဖွဲ့က ထွက်

ချင်းမိုင် (မဇ္ဈိမ)။        ။ အမျိုးသားဒီမိုကရေစီ အင်အားစုက အငြင်းပွားဖွယ်ရာ စီးပွားရေး လုပ်ငန်းရှင်ထံမှ အလှူငွေလက်ခံမှုကြောင့် ပူးပေါင်းမဟာမိတ်အဖွဲ့မှ နှုတ်ထွက်ရန် ဒီမိုကရေစီနှင့် ငြိမ်းချမ်းရေးပါတီ (ဒီငြိမ်း)  အရေးပေါ် အစည်းအဝေးက ကနေ့ ဆုံးဖြတ်လိုက်သည်။

ရေလုပ်ငန်းအဖွဲ့ ချုပ် ဒုဥက္ကဋ္ဌ ဦးလှမောင်ရွှေ လှူငွေကို လက်ခံသည်ဆိုကာ ဒီငြိမ်းအဖွဲ့က နှုတ်ထွက်လိုက်သည်ဟု ဆိုသည်။

ဒီငြိမ်း၊ အမျိုးသားဒီမိုကရေစီ အင်အားစု NDF၊ ချင်းအမျိုးသားပါတီ၊ ရခိုင်တိုင်းရင်းသားများ တိုးတက်ရေးပါတီ RNDP၊ ပြည်ထောင်စု ဒီမိုကရေစီပါတီ UDP၊ ရှမ်းတိုင်းရင်းသားများဒီမိုကရက်တစ်ပါတီ SNDP တို့ ယခုလ ၂ ရက်က မဟာမိတ်စုဖွဲ့ခဲ့သည်။

အခြေအနေရှုပ်ထွေးနေသဖြင့် ရခိုင်တိုင်းရင်းသားများတိုးတက်ရေး ပါတီကလည်း ပူးပေါင်းဆောင်ရွက်မှုကို “ခေတ္တရပ်ဆိုင်း” ထားမည်ဖြစ်ကြောင်း ပြောသည်။

ဒီငြိမ်းပါတီမူဝါဒအရ စီးပွားရေးလုပ်ငန်းရှင်များထံမှ အလှူခံခွင့်ပြုထားသော်လည်း ဦးလှမောင်ရွှေမှာ  စစ်အစိုးရ ခန့်ထားသူဖြစ်သဖြင့် မဲဆန္ဒရှင်များ ယုံကြည်မှု မကျဆင်းစေရေးအတွက်ဟု ဒီငြိမ်းပါတီ ဥက္ကဌ ဦးအောင်သန်းက မဇ္ဈိမကို ပြောသည်။

“အစိုးရကလည်း ကြံ့ခိုင်ရေးနဲ့ဖွံ့ဖြိုးရေးပါတီ ထောင်ထားတယ်။ အစိုးရထောင်ထားတဲ့ပါတီကို အားမပေးပဲနဲ့ အဲဒီ ပုဂ္ဂိုလ်ကနေပြီးတော့ အမျိုးသားဒီမိုကရေစီ အင်အားစုကို အားပေးမယ်ဆိုရင် ဒါ သဘာဝမကျဘူး။ ကျနော်တို့က နှောင်ကြိုးရှိတယ်လို့ပဲမြင်ပါတယ်။ အဲဒါကြောင့် မပူးပေါင်းတော့ဘူးလို့ ဆုံးဖြတ်လိုက်တာပါ” ဟု ဦးအောင်သန်းက ပြောသည်။

ယခင်လ ၂၉ ရက်နေ့ထုတ် မြန်မာပို့စ် (Myanmar Post) စာစောင်တွင် ဦးလှမောင်ရွှေက NDF အပါအဝင် ရှမ်း၊ ကရင်၊ ချင်း၊ ရခိုင် စသည့်တိုင်းရင်းသားပါတီများကို ငွေကြေးထောက်ပံ့ထားကြောင်း ထုတ်ဖော် ပြောဆိုလိုက်ပြီးနောက် ယခု ပြဿနာများ ပေါ်ပေါက်လာသည်။

ယင်းကိစ္စနှင့် ပတ်သက်၍ ဖြေရှင်းရန် ယခုလ ၆ ရက်က စာတစောင်ထုတ်ခဲ့ရာ မနေ့က NDF ပါတီ ဌာနချုပ်၌ ရှင်းလင်းပွဲ လုပ်ခဲ့သည်။

NDF က ထောက်ပံ့မှုကို ပုဂ္ဂိုလ်ရေးအရသာ လက်ခံပြီး ပါတီအနေဖြင့် မဟုတ်ကြောင်း၊ ဦးလှမောင်ရွှေထံမှ တောင်းပန်စာလည်းရကြောင်း ဥက္ကဋ္ဌ ဒေါက်တာသန်းငြိမ်းက မနေ့က ရှင်းပြခဲ့သည်ဟု ဦးအောင်သန်းနှင့် UDP ဥက္ကဋ္ဌတို့ထံက သိရသည်။ ယင်းစာကို ဒီငြိမ်းပါတီ မရဟုလည်း ဆိုသည်။

ရခိုင်ပါတီ RNDP ဥက္ကဋ္ဌ ဒေါက်တာအေးမောင်ကမူ ယခုလ ၁၁ ရက်စွဲပါ ဦးလှမောင်ရွှေလက်မှတ်နှင့် စာကို ရကြောင်း၊ RNDP အနေဖြင့် ဦးလှမောင်ရွှေထံမှ မည်သည့် အထောက်အပံ့မျှ မယူထားကြောင်း မဇ္ဈိမကို ပြောသည်။

“ကျနော်တို့လည်း ဆက်စပ်မှုမရှိကြောင်း၊ ငွေကြေးအရှုပ်အရှင်းနဲ့ ပတ်သက်လို့ ရှင်းလင်းစွာ သိရတဲ့ အချိန်အထိ အဲဒီ ၅ ပါတီနဲ့ ဆက်ဆံရေးများ ခေတ္တရပ်ဆိုင်းထားမယ်ဆိုတဲ့အကြောင်း ထုတ်ပြန်ဖို့ရှိပါတယ်” ဟု ဒေါက်တာအေးမောင်က ပြောသည်။

ဒီမိုကရေစီမိတ်ဆွေပါတီများ အစုအဖွဲ့ ဖြစ်ပေါ်လာရေး အကျိုးဆောင်သည့် UDP ပါတီ ဥက္ကဋ္ဌ ဦးသိန်းဌေးက သူတို့ပါတီလည်း ဦးလှမောင်ရွှေနှင့် ကင်းရှင်းကြောင်းဆိုသည်။

“ပြည်သူကို နေရာမပေးပဲနဲ့ လူလို သူလို အဆက်ဆံ မခံရတဲ့ အုပ်ချုပ်ရေးစနစ်တွေကို ကျနော်တို့ လူငယ်တွေက မလိုချင်တော့ဘူး။ ပြည်သူဘက်က လိုက်ပါဆောင်ရွက်ပေးမယ်ဆိုတဲ့ ကျနော်တို့ရဲ့ ဒီဘက် အင်အားစုတွေ တဖွဲ့နဲ့တဖွဲ့ ပြစ်တင် ရှုတ်ချတာတွေ၊ ပြည်သူအမြင် ရှုတ်ထွေးစေမယ့် လုပ်ရပ်တွေ မဖြစ်စေချင်ဘူး။ ကျနော်တို့ရဲ့ ဒီဘက် အင်အားစုတွေရဲ့ လုပ်ကွက်တိုက်ကွက်က ဟိုဘက်အင်အားစုက ဖြုံတောင်မဖြုံဘူး ဆိုတဲ့အဆင့်ရောက်သွားနိုင်တယ်။  ပြေရာပြေကြောင်းလေးတော့ ဖြစ်စေချင်တာ” ဟု မဇ္ဈိမကို ပြောသည်။

ရွေးကောက်ပွဲကာလ  တခြားနိုင်ငံရေး စုဖွဲ့မှုများရှိသည်ကိုလည်း တွေ့ရသည်။ ယခုအစုအဖွဲ့မတိုင်မီ တသီးပုဂ္ဂလ ၈ ဦးနှင့် ဒီမိုကရက်တစ်ပါတီ (မြန်မာ) တို့ ပူးပေါင်းဆောင်ရွက်မည်ဟု သဘောတူခဲ့ကြသေးသည်။ သို့သော် “ကျစ်ကျစ်လစ်လစ်” မရှိသေးကြောင်း ဒီငြိမ်း ဥက္ကဋ္ဌ ဦးအောင်သန်းက သုံးသပ်သည်။

“ရွေးကောက်ပွဲနားနီးလာမှ လှမ်းချိတ်ကြတော့ ကိစ္စရပ်အားလုံးမှာ ပူးပေါင်းဆောင်ရွက်ဖို့ဆိုတာ မဖြစ်တော့ဘူး။ အမတ်လောင်းရွေးနေရာချတာ လုပ်တုန်းကလဲ သီးခြားစီ။ တချို့နေရာတွေမှာ ထပ်နေကြတယ်။ ဒီအချိန်မှာတော့ စုစည်းဖို့ သိပ်မလွယ်ဘူး။ အခု ကျနော်တို့ ပြဿနာကိုပဲ ကြည့်လေ” ဟု သူက ပြောသည်။

အဖျက်သိမ်းခံ မြန်မာဒီမိုကရေစီ ကွန်ဂရက်ပါတီ ဥက္ကဋ္ဌဟောင်း တောင်ဥက္ကလာပ တသီးပုဂ္ဂအမတ်လောင်း ဦးကောင်းမြင့်ထွဋ်ကမူ ပါတီများ ယခုကဲ့သို့ စုဖွဲ့ရန်ကြိုးစားနေကြသော်လည်း မိတ်ဖက်မဟုတ်ကြဟု သုံးသပ်သည်။

“နယ်မြေတစ်ခုထဲမှာလည်း ကိုယ်ကလည်း ပြိုင်တယ်။ သူကလည်း ပြိုင်တယ်ဆိုရင် ဘယ်လိုလုပ် မိတ်ဖက် ဒီမိုကရေစီအင်အားစုတွေ ဖြစ်နိုင်မလဲ” ဟု ဆိုသည်။

သတင်းလွတ်လပ်ခွင့်ကို ရွေးကောက်ပွဲဝင် ပါတီအများစု ထောက်ခံ

ရန်ကုန်မြို့တွင် ကျင်းပခဲ့သော မဲသရုပ်ပြပွဲ မြင်ကွင်း           လွတ်လပ်စွာ ထုတ်ပြောဆိုခွင့် အစရှိသည်တို့ အပါအ၀င် သတင်း လွတ်လပ်ခွင့်ကို ရွေးကောက်ပွဲဝင် ပါတီအများစုနှင့် လွှတ်တော် ကိုယ်စားလှယ်လောင်းများ၊ တစ်သီးပုဂ္ဂလ လွှတ်တော်ကိုယ်စားလောင်းများက ထောက်ခံ ပြောဆိုကြပါသည်။          ထိုသို့ ပြောဆိုကြရာတွင် ဒီမိုကရေစီအင်အားစု ပါတီများသာမကဘဲ တိုင်းရင်းသားလူမျိုး ကိုယ်စားပြု ပါတီများကလည်း အလေးအနက်ထား ပြောဆိုခဲ့ခြင်း ဖြစ်ပြီး ဖြစ်ပေါ်လာမည့် နိုင်ငံရေး အခင်းအကျင်း အရ သတင်းလွတ်လပ်ခွင့်မှာ လက်ရှိ အနေအထားထက် ပိုမိုအားကောင်းရန် လိုအပ်လာကြောင်း ပြောဆိုခဲ့ကြပါသည်။           ''ကျွန်တော့်အနေနဲ့ အချက် သုံးချက်က ပြောလိုပါတယ်။ တစ်အချက် ဥပဒေအထက်မှာ ဘယ်သူမှ မရှိစေရဆိုတဲ့ အချက် ဖြစ်ပါတယ်။ ဒုတိယအချက်က တန်းတူညီမျှ ဖြစ်ရေးဆိုတဲ့ အချက်နဲ့ တတိယအချက်က အပေါ်က အချက်နှစ်ချက်ကို မီး မောင်းထိုးပြမယ့် သတင်းမီဒီယာ တွေရဲ့ လွတ်လပ်ခွင့်ပဲ ဖြစ်ပါတယ်။ သတင်းလွတ်လပ်ခွင့်ရှိမှ အပေါ်က အချက်နှစ်ချက်ကို balance လုပ်ပေးနိုင်မှာ ဖြစ်တယ်။ လာမယ့် နိုင်ငံရေး အခင်းအကျင်းအရလည်း သတင်းလွတ်လပ်ခွင့်ဆိုတာ လက်ရှိ အနေအထားထက် ပိုပြီးတော့ လိုအပ်လာပြီ။ ပြည်သူတွေအနေနဲ့ ၀န်ကြီးတွေ၊ လွှတ်တော်ကိုယ်စားလှယ်တွေ ဘယ်လိုအရာတွေကို လုပ်ဆောင်နေသလဲ ဆိုတာကို လိုက်လေ့လာနေဖို့ အချိန် မရဘူး။ ဒီအခါ သတင်းမီဒီယာတွေက လွတ်လပ်စွာ ဖော်ပြရင်း တိုင်းပြည်အကျိုးကိုလည်း ဆောင်ရွက်နိုင်ရာရောက်မယ်။ နောက်ပြီး သတင်း မီဒီယာဆိုတာ ပြည်သူတွေရဲ့ မျက်စိ၊ နားပဲ။ ပြည်သူတွေ လိုအပ်တာကို တင်ပြပေးနိုင်တဲ့ အပြင် အစိုးရရဲ့ လုပ်ဆောင်မှုတွေကိုလည်း balance လုပ်ပေးနိုင်တယ်။ အဲဒါကြောင့် သတင်းလွတ်လပ်ခွင့်ဆိုတာ မရှိမဖြစ် လိုအပ်တဲ့ အကြောင်းအရာလို့ပဲ ပြောချင်တယ်''ဟု ပြည်ထောင်စုဒီမိုကရေစီပါတီမှ အထွေထွေ အတွင်းရေးမှူး ဦးသိန်းတင်အောင်က ပြောပြပါသည်။            ရခိုင်တိုင်းရင်းသားများ တိုးတက်ရေးပါတီမှ ဦးဇော်အေးမောင် ကလည်း သတင်းမီဒီယာများသည် အစိုးရကို ထိန်းကျောင်းပေးသော guradian of the government ဖြစ်ခြင်းကြောင့် သတင်းလွတ်လပ်ခွင့် ရရှိရန် ပိုမိုမျှော်လင့်ကြောင်း ပြောဆို ခဲ့ပါသည်။            ''လာမယ့် အနာဂတ်ကာလမှာ သတင်းလွတ်လပ်ခွင့်တွေ ပိုရလာဖို့ မျှော်လင့်ပါတယ်။ သတင်းမီဒီယာတွေဟာ အစိုးရကို စောင့်ကြည့် ထိန်းကျောင်းပေးရမယ့် စတုတ္ထမဏ္ဍိုင်လည်း ဖြစ်တယ်။ ပြည်သူတွေရဲ့ လိုအပ်ချက်ကို ကိုယ်စားပြု တင်ပြပေး  သူတွေလည်း ဖြစ်တယ်။ ဒီအတွက်ကြောင့် သတင်းမီဒီယာတွေ အတွက် သတင်းလွတ်လပ်ခွင့် အခုထက်ပိုပြီးတော့ လိုအပ်သလို သတင်းမီဒီယာတွေကို အကာအကွယ်ပေးတဲ့ ဥပဒေတွေလည်း ပေါ်ထွက်လာဖို့ လိုအပ်ပါတယ်''ဟု ဦးဇော်အေးမောင်က ပြောပြပါသည်။ ရွေးကောက်ပွဲအပြီး ဖြစ်ပေါ်လာမည့် နိုင်ငံရေး အခင်းအကျင်းတွင် ပါဝင်လာမည့် နိုင်ငံရေးပါတီ အများစုနှင့် လွှတ်တော် ကိုယ်စားလှယ်လောင်းများက သတင်းလွတ်လပ်ခွင့်နှင့် ပတ်သက်ပြီး အလေးအနက်ထား ပြောဆိုမှုများ ရှိလာခြင်းကြောင့် မကြာမီကာလတွင် ပုဂ္ဂလိက သတင်းစာများ ပေါ်ထွက်လာနိုင်ဖွယ် ရှိကြောင်း  . . .            သတင်းလွတ်လပ်ခွင့်သည် နိုင်ငံ တိုးတက်ရေးအတွက် တံခါးပေါက်တစ်ခု ဖြစ်ကြောင်းကိုလည်း မတူကွဲပြားခြင်းနှင့် ငြိမ်းချမ်းရေး ပါတီမှ အထွေထွေ အတွင်းရေးမှူး ဦးနေမျိုးဝေကလည်း ပြောပြပါသည်။           ''သတင်းလွတ်လပ်ခွင့်ဆိုတာ တိုင်းပြည် တိုးတက်ဖို့အတွက် တံခါးပေါက်တစ်ခုပဲ။ ဒါမရလို့ မဖြစ်ပါဘူး။ အဲဒါဆိုရင် ကျန်တာတွေက အကုန်ထိန်းချုပ်လို့ရပြီ။ သတင်းလွတ်လပ်ခွင့်က ပြောရမှာပဲ။ ပြောလို့ဆိုတာနဲ့တော့ ဖမ်းလို့မရဘူး။ ပြောခွင့်က တော့ ရှိရမယ်။ ပြောတဲ့ အကြောင်းအရာကိုပဲ ဖမ်းရမယ်။ ထုတ်ဝေတဲ့ အမှု၊ ပြောတဲ့အမှုဆိုတာတော့ မရှိရဘူးဗျာ။ လွတ်လပ်စွာ ထုတ်ဖော်ခွင့်၊ လွတ်လပ်စွာ ပြောဆိုခွင့် ဆိုကတည်းက ပြောတာက အပြစ် မဟုတ်ဘူး။ အကြောင်းအရာက တစ်ဖက်သားကို လီဆယ်ပြီး ဂုဏ်သိက္ခာ ကျဆင်းအောင် လုပ်ခဲ့ရင် တရားရုံးမှာ ရှင်း။ ဝေဖန်မှုတွေ ပိုပြီးများလာဖို့ လိုပါတယ်။ ဝေဖန်မှုတွေ များလာမှ ဒီအကြောင်းအရာတွေဟာ မီဒီယာတွေရဲ့ စာမျက်နှာပေါ် ရောက်လာမှာပါ။ တရားရုံးရဲ့ သတင်းရယူခွင့်၊ ဖော်ပြခွင့် ဒါတွေကိုပဲ လုပ်ရမှာပါ။ စတုတ္ထမဏ္ဍိုင်ဆိုတဲ့ဟာက ကျန်တဲ့မဏ္ဍိုင် သုံးခုစလုံးကို ထိန်းရမှာပါ။ ဥပဒေ တွေကတော့ ထိန်းသိမ်းပေးတာပဲ။ အခုလည်း ရှိတာပဲ။ ဒါပေမယ့် အဲဒီဟာတွေကို အသိပေးနေမယ့် မီဒီယာ ရှိဖို့ လိုတာပဲ''ဟု ဦးနေမျိုးဝေက ပြောပြပါသည်။           နိုင်ငံရေးပါတီများ၊ အခြားသော လွှတ်တော်ကိုယ်စားလှယ်လောင်းများ နည်းတူ တစ်သီးပုဂ္ဂလ လွှတ်တော်ကိုယ်စားလှယ်လောင်း ကွန်ရက်တွင် ပါဝင်သူ လွှတ်တော် ကိုယ်စားလှယ်လောင်းများကလည်း သတင်း လွတ်လပ်ခွင့်ရှိရေး ကိစ္စရပ်ကို ထောက်ခံကြောင်း သိရသည်။           ''သတင်းမီဒီယာကို စတုတ္ထ မဏ္ဍိုင်လို့ ခံယူပါတယ်။ ဒီမိုကရေစီခေတ်ကို လျှောက်လှမ်းတဲ့အခါမှာ သတင်းလွတ်လပ်ခွင့် ရှိဖို့ ဆိုတာကို ထောက်ခံပါတယ်။ ကျွန်တော်တစ်ဦးတည်းတင် မကဘဲ ကျွန်တော်တို့ရဲ့ တစ်သီးပုဂ္ဂလ ကွန်ရက်မှာ ပါဝင် သူတိုင်းက အခုလိုပဲ သဘောထားပါတယ်'' ဟု တစ်သီးပုဂ္ဂလ လွှတ်တော် ကိုယ်စားလှယ်လောင်း တစ်ဦး ဖြစ်သူ ဦးရန်ကျော်က ပြောပြပါသည်။          သတင်းမီဒီယာများသည် တိုင်းပြည်၏ အရေးကြီးသော အခန်းကဏ္ဍတွင် ပါဝင်သောကြောင့် မီဒီယာများ၏ လွတ်လပ်စွာ ဖော်ပြခွင့်နှင့်အတူ သတင်းမီဒီယာများကလည်း ကျင့်ဝတ်နှင့်အညီ ဖော်ပြ ရေးသားကြရန် အရေးကြီးကြောင်း တိုင်းရင်းသား စည်းလုံးညီညွတ်ရေးပါတီ၏ နိုင်ငံရေး ကော်မတီကြီး အတွင်းရေးမှူး ဦးသိန်းထွန်းက ပြောပြပါသည်။          ''ကျွန်တော်တို့အနေနဲ့ အရင်ကလည်း ပြောထားပါတယ်။ နိုင်ငံရေး သံတမန်တွေနဲ့ တွေ့တိုင်းလည်း ဒီလိုပဲ ပြောပါတယ်။ သတင်းမီဒီယာဆိုတာ တိုင်းပြည်ရဲ့ အရေးကြီးတဲ့ အခန်းကဏ္ဍမှာ ပါဝင်နေတဲ့ အရာ ဖြစ်တယ်။ ပြည်သူ့အကျိုး၊ တိုင်း ပြည် အကျိုးအတွက် ဆောင်ရွက်တဲ့ နေရာမှာ အရေးကြီးတဲ့ မဏ္ဍိုင် ဖြစ်တယ်ဆိုတဲ့ အချက်တွေပါ။ သတင်း မီဒီယာတွေအနေနဲ့ လွတ်လပ်စွာ ရေးသားဖော်ပြခွင့် ရှိသည်နှင့် အမျှ ပြည်သူတွေကြားမှာ ထင်သာမြင်သာရှိပြီး လက်ခံမှုတွေ ရှိလာမှာပါ။   လာမယ့် နိုင်ငံရေး အခင်းအကျင်းအရ ရွေးကောက်ပွဲ ပြီးတဲ့အခါမှာလည်း လွှတ်တော်ထဲမှာ ပြောကြဆိုကြတာတွေ၊ တူတာတွေ၊ မတူတာတွေ၊ ညှိတာနှိုင်းတာတွေ၊ debate သဖွယ် ပြောဆိုတာတွေ ရှိလာမှာပါပဲ။ ဒီအခါမှာ ဖြစ်လာတဲ့ အကြောင်းအရာ တွေကို ပြည်သူတွေသိအောင် ကိုယ်စားလှယ်တွေရဲ့ ကိုယ်စား သတင်း မီဒီယာတွေကပဲ တင်ပြကြမှာ။ ပြည်သူတွေသိအောင် ပြောနိုင်ဖို့လည်း လိုအပ်တယ်။ ပြောပြဖို့လည်း သတင်း မီဒီယာတွေမှာ တာဝန်ရှိတယ်။ ဒီလို တာဝန်ရှိသလို ပြည်သူတွေ လိုအပ်တာ ဘာလဲ၊ လိုနေတာ ဘာလဲဆိုတဲ့ အချက်အလက်တွေကို ပြည်သူတွေ ကိုယ်စား သတင်းမီဒီယာတွေပဲ တင်ပြကြရမှာ ဖြစ်ပါတယ်။ ဒီအတွက်ကြောင့် သတင်းလွတ်လပ်ခွင့်ဆိုတာ ရှိနေဖို့လိုတဲ့ နည်းတူ သတင်းမီဒီယာတွေ အနေနဲ့လည်း မီဒီယာတွေ စောင့်ထိန်းရမယ့် ကျင့်ဝတ်တွေနဲ့အညီ ရေးသားဖော်ပြကြဖို့ လိုမယ်ထင်ပါတယ်''ဟု ဦးသိန်းထွန်းက ပြောပြခဲ့သည်။           ရွေးကောက်ပွဲအပြီး ဖြစ်ပေါ်လာမည့် နိုင်ငံရေး အခင်းအကျင်းတွင် ပါဝင်လာမည့် နိုင်ငံရေးပါတီ အများစုနှင့် လွှတ်တော်ကိုယ်စား လှယ်လောင်းများက သတင်းလွတ်လပ်ခွင့်နှင့် ပတ်သက်ပြီး အလေးအနက်ထား ပြောဆိုမှုများ ရှိလာခြင်းကြောင့် မကြာမီ ကာလတွင် ပုဂ္ဂလိက သတင်းစာများ ပေါ်ထွက်လာနိုင်ဖွယ် ရှိကြောင်းလည်း သုံးသပ်ပြောဆိုမှုများ ရှိနေပါသည်။   ရင်းမြစ်။ ။www.first-11.com

ကမ္ဘာကျော် အကျဉ်းသားအများစု အာရှတွင် ရှိသည်

တချို့မှာ အကျဉ်းကျနေဆဲဖြစ်ပြီး တချို့က သေဆုံးသွားကြပြီ ဖြစ်သည်။

          ပူပူနွေးနွေး နိုဗဲလ်ငြိမ်းချမ်းရေးဆုရှင် လျူရှောင်ဘိုကို ထိပ်ဆုံးတွင် တွေ့ရသည်။ ဒေါ်အောင်ဆန်းစုကြည်ကို ဒုတိယ နေရာတွင် ဖော်ပြထားသည်။

လျူရှောင်ဘို (Liu Xiaobo) (၁၉၅၅ - )

အကျဉ်းကျဆဲ။

ယခုနှစ်အတွက် ငြိမ်းချမ်းရေး နိုဗဲလ်ဆုရှင်။ မကြာခဏ ထိန်းသိမ်းခံရသူ လျူ သည် ယခု ထောင်ဒဏ် ၁၁ နှစ် ကျခံနေရသည်။

ဒေါ်အောင်ဆန်းစုကြည် (၁၉၄၅ - )

အကျဉ်းကျဆဲ။

ပြီးခဲ့သည့် အနှစ် ၂၀ အတွင်း ထိန်းသိမ်း ခံနေရသည့် အချိန် ကာလပေါင်းမှာ ၁၅ နှစ် ရှိသည်။

တောင်အာဖရိက ခေါင်းဆောင် မင်ဒဲလား (၁၉၁၈ - )

လူဖြူအစိုးရက သူ့ကို ၂၇ နှစ် ကြာ ထောင်ချခဲ့သည်။

အကျဉ်းကျစဉ် လူဖြူအစိုးရနှင့် တွေ့ဆုံဆွေးနွေးသည်။ ထောင်မှ လွတ်ပြီး ရွေးကောက်ပွဲဝင်သည်။ အနိုင်ရပြီး သမ္မတ (10 May 1994 – 14 June 1999) ဖြစ်လာသည်။

အိန္ဒိယခေါင်းဆောင် မဟတ္တမ ဂန္ဒီ (၁၈၆၉ - ၁၉၄၈)

ဗြိတိသျှ အုပ်ချုပ်မှု အဆုံးသတ်ရေး လှုပ်ရှားမှုများကြောင့် အကြိမ်ကြိမ် ထိန်းသိမ်းခံရသည်။

အသက် ၇၈ နှစ်အရွယ်တွင် လုပ်ကြံခံရသည်။

မာတင်လူသာကင်း (၁၉၂၉ - ၁၉၆၈)

ပြည်သူ့အခွင့်အရေး လှုပ်ရှားမှုများကြောင့် အကြိမ် ၃၀ ခန့် ထိန်းသိမ်းခံရသူ ဖြစ်သည်။ အသက် ၃၉ နှစ် အရွယ်တွင် လုပ်ကြံခံရသည်။

အမေရိကန်တွင် နှစ်စဉ် ဇန်န၀ါရီလ၏ တတိယမြောက် တနင်္လာနေ့ကို မာတင်လူသာကင်းနေ့အဖြစ် သတ်မှတ်ထားသည်။

Andrei Sakharov (၁၉၂၁ - ၁၉၈၉)

ဆိုဗီယက် နျူကလီးယား သိပ္ပံပညာရှင်၊ လူ့အခွင့်အရေး လှုပ်ရှားသူ။

ချက်ခေါင်းဆောင် ဗားကလက်ဟာဗဲလ် (၁၉၃၆ - )

ချက်သမ္မတနိုင်ငံ အာဏာရှင် အစိုးရ လက်အောက်မှ လွတ်မြောက်ရေး ကြိုးပမ်းသူ။

အီရန် စာနယ်ဇင်းသမား Akbar Ganji (၁၉၆၀ - )

၂၀၀၀ ပြည့်နှစ်မှ အစပြုပြီး ၆ နှစ်ကြာ အကျဉ်းချခံရသည်။

ဖိလစ်ပိုင် နိုင်ငံရေးသမား အကွီနို (၁၉၃၂-၁၉၈၃)

ထောင်ထဲတွင် ၇ နှစ်၊ ပြည်ပတွင် ၃ နှစ်ကြာနေထိုင်ခဲ့ပြီး ပြည်တော်ပြန်သည့်နေ့ လေယာဉ်ပေါ်မှ အဆင်းတွင် ပစ်သတ်ခံရသည်။ သူလုပ်ကြံခံရမှုကြောင့် လူထု အုံကြွပြီး အာဏာရှင် မားကို့စ် အစိုးရ ပြုတ်ကျသည်။ သူ၏ ဇနီး ကိုရာဇန် အကွီနိုလည်း နိုင်ငံရေး လောကသို့ ၀င်ရောက်သည်။

ဗီယက်နမ် ခေါင်းဆောင် ဟိုချီမင်း (၁၈၉၀ - ၁၉၆၉)

တရုတ်နိုင်ငံတွင် တနှစ်ကျော်ကြာ အကျဉ်းကျခဲ့သည်။

ရင်းမြစ်။ ။မိုးမခ

ယုဇနတရားစွဲမှုမှာ အမတ်လောင်းဦးဌေးမြင့်ကို ချန်ထား

ချင်းမိုင် (မဇ္စျိမ)။       ။ လယ်ယာမြေ သိမ်းမှုနှင့် ယုဇနကုမ္ပဏီနှင့် ဥက္ကဋ္ဌဦးဌေးမြင့်ကို ကချင်ပြည်နယ် ဖားကန့်မြို့နယ်မှ တောင်သူ ၁၇ ဦးက တရားစွဲခဲ့သည်တွင် ဦးဌေးမြင့် အမည်ကို ဖြုတ်လိုက်ကြောင်း ပြည်နယ်တရားရုံးက ယနေ့ အမိန့်ချသည်။

ယုဇနကုမ္ပဏီ ပိုင်ရှင် ဥက္ကဋ္ဌ ဦးဌေးမြင့်ထံမှ နစ်နာကြေးရရန် ပြည်နယ်တရားရုံးတွင် တရားစွဲခဲ့သည်ကို တရားလို ရှေ့နေက ဦးဌေးမြင့်အမည် ဖြုတ်ပေးရန် လျှောက်လဲခဲ့ပြီးနောက် ပြည်နယ်တရားသူကြီး ဦးတူးဂျာက ယခုလို အမိန့်ချခဲ့သည်။

“ဦးဌေးမြင့်က ရန်ကုန်မှာနေပြီး အဲဒီကပဲ အလုပ်လုပ်နေတယ်။ ဒါကြောင့် ဒီမှာရှိတဲ့ ဒါရိုက်တာနဲ့ပဲ ဆက်ပြီး တရားစွဲမယ်လို့ အမိန့်ချတယ်” ဟု တောင်သူများအမှုတွင် လိုက်ပါဆောင်ရွက်ပေးနေသူ ဖားကန့် ပြည်သူ့လွှတ်တော် အမျိုးသားဒီမိုကရေစီ အင်အားစု အမတ်လောင်းဒေါ်ဘောက်ဂျာက ပြောသည်။

၂ဝဝ၇ မှစ၍ ဖားကန့်မြို့နယ်ရှိ အောင်ရာ၊ ရှရုဇွပ်၊ ဘန်ကောက်၊ နမ်ဆန်၊ ဝါရာဇွပ်  ရွာ ၅ ရွာမှ တောင်သူများပိုင် လယ်ယာဥယျာဉ်ခြံမြေ ဧက ၄ သိန်းခန့်ကို စစ်တပ်နှင့် ယုဇနကုမ္ပဏီက အဓမ္မသိမ်းခဲ့သဖြင့်  နစ်နာကြေးရရန် တရားစွဲခဲ့ကြသည်။

ကချင်ပြည်နယ် ဟူးကောင်းဒေသအတွင်းက ထိုလယ်မြေများကို ဦးဌေးမြင့်၏ အကိုဆိုသူ ဦးပုကြည်က ဦးဆောင်လုပ်ကိုင်နေပြီး တောင်သူများ တရားစွဲရန်ပြင်ဆင်ပြီးမှ တဧက ကျပ် ၈ သောင်းနှုန်းဖြင့် အတင်းဈေးဖြတ်ပေးခဲ့သော်လည်း တောင်သူအချို့က လက်မခံဘဲ တရားစွဲကြသည်။

လျော်ကြေးပေးသော စာချုပ်များတွင် ကုမ္ပဏီ ဥက္ကဋ္ဌ ဦးဌေးမြင့် လက်မှတ်ပါရှိသည့်အပြင် တောင်သူများ ဝန်ခံကတိ လက်မှတ်ထိုးခဲ့ရသည့် စာချုပ်တွင် ပြစ်မှုဆိုင်ရာ ဥပဒေ ၁၈၂ အရ မမှန်မကန် စွဲဆိုမှုအဖြစ် အရေးယူခံရမည်ဟု ပါဝင်သည့်အတွက် စာချုပ်ပျက်ပြယ်သွားနိုင်ကြောင်း အကျိုးဆောင်ရှေ့နေ ဦးမြင့်သွင်က မဇ္စျိမကို ပြောသည်။

“အမှုကတော့ ဆက်သွားလို့ ရပါတယ်။ နောင်တချိန် ဆုံးဖြတ်တဲ့နေရာမှာ အမှုတွေ နိုင်လို့ရှိရင် တာဝန်ခံရမယ့် ပုဂ္ဂိုလ်နဲ့ ကုမ္ပဏီမှာ တကယ်အရေးကြီးဆုံးလူကို ထည့်ပြီး မစွဲထားရင် တောင်သူတွေ နစ်နာလို့ပါ။  ဥပမာ ကျနော်တို့ နိုင်သွားပြီ၊ ငွေပေးရမယ်ဆို တာဝန်ခံက တယောက်ပြီး တယောက် ပြောင်းသွားနိုင်တယ်။ ဥက္ကဋ္ဌကျတော့ သူပဲ အဓိကဆိုတော့ အပြောင်းအလဲ မရှိနိုင်ဘူးလေ” ဟု သူက ပြောသည်။

လျော်ကြေးပေးသည့် စာချုပ်တွင် ဥက္ကဋ္ဌ ဦးဌေးမြင့်အပြင် သက်ဆိုင်ရာ ပယက၊ ခယက၊ မယက၊ ရယက များ၏ လက်မှတ်များ ပါနေသဖြင့် အာဏာပိုင်များ ပတ်သက်နေသည်ဟု သူက ဆိုသည်။

ဦးဌေးမြင့် အမည် ဖယ်ထုတ်လိုက်မှုကို မန္တလေးတိုင်း တရားရုံးချုပ်သို့ တောင်သူများက အယူခံဝင်သွားမည့်အပြင် အဆိုပါ  ၅ ရွာမှ အခြားတောင်သူ ၄၈ ဦးကလည်း ဥပဒေအရ နစ်နာကြေး ပြန်ရလိုသဖြင့် ယုဇန ကုမ္ပဏီကို  မနက်ဖြန် တရားစွဲရန် ပြင်ထားပြီးပြီဟု ရှရုဇွပ်ရွာ တောင်သူတဦးက ပြောသည်။

“သီးနှံပင်တွေကို ခုတ်ပစ်လိုက်ပြီဆိုတော့ ဆုံးသွားပြီလေ။  မြေကြီးပြန်ပေးရင်လဲ သီးနှံတွေက အရင်လို ပြန်ပေါက်လာတော့မှာ မဟုတ်ဘူး။ ဒါကြောင့် တရားဥပဒေအရ နစ်နာကြေး ရချင်တယ်။ ကုမ္ပဏီကလဲ ထိုက်တန်အောင် ပေးရင် အားလုံး စိတ်ချမ်းသာမှာပါ” ဟု သူက မဇ္စျိမကို ပြောသည်။

စစ်အစိုးရနှင့် နီးစပ်သူ စီးပွားရေးလုပ်ငန်းရှင် ဦးဌေးမြင့် သူ့ဇာတိ တနင်္သာရီတိုင်း မြိတ်မြို့မှ  ပြည်သူ့လွှတ်တော် ကြံ့ဖွံ့အမတ်လောင်းအဖြစ် ဝင်ပြိုင်မည်ဖြစ်ပြီး ပြည်သူ့လွှတ်တော် ရွေးကောက်ပွဲဥပဒေ အခန်း ၅ ပုဒ်မ ၁ဝ (ဌ) အရ “နိုင်ငံတော်ပိုင်၊ ငွေကြေး၊ မြေ၊ အိမ်၊ ယာဉ်၊ အဆောက်အအုံ၊ ပစ္စည်း စသည်တို့ကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ရယူသုံးစွဲသူသည် ရွေးကောက်ခံခွင့် မရှိစေရ” ဟု ပါရှိသည်။

အရင်လ ၁၅ ရက်က ဦးဌေးမြင့်နှင့် မြိတ်မြို့ လျှပ်စစ်ဓာတ်အားပေး လုပ်ငန်းရှင်များ ခရိုင်ကောင်စီရုံး၌ တွေ့ဆုံကာ မီတာခ တယူနစ်လျှင် ၄ဝဝ မှ ၃ဝဝ ကျပ်သို့ လျှော့ပေးရန်နှင့် လိုအပ်သည့် ဒီဇယ်ဆီကို လျှော့ဈေးဖြင့် ရောင်းချပေးမည်ဟူ၍ မဲဆွယ်စည်းရုံးခဲ့သေးသည်။

သူသည် ဆီအုန်းခြံ၊ ဆောက်လုပ်ရေး၊ ဟိုတယ်လုပ်ငန်း၊ ငါး ပုဇွန်မွေးမြူရေး လုပ်ငန်းများကို အဓိက လုပ်ကိုင်နေပြီး မြန်မာနေရှင်နယ်လိဂ်မှ Southern Myanmar ဘောလုံးအသင်း ပိုင်ရှင်လည်း ဖြစ်သည်။