၁၉/ ဖေဖော်ဝါရီ ၂၀၁၀
နံနက်ခင်းကလေးက ခြောက်ခြောက်သွေ့သွေ့။ ရွှေဂျိုးတယောက် ဂျောက်ဂျက်သံစုံ ထွက်နေသည့် စက်ဘီးစုတ်ကလေးကို နင်းလာရင်း ‘လေပုပ်ထုတ်ကုန်း’ လက်ဖက်ရည်ဆိုင် ရောက်ခါနီးတွင် မျက်လုံးကို ထိုင်နေကျစားပွဲဆီသို့ ပို့နှင့်လိုက်သည်။ တွေ့နေမြင်နေကျ လေအိုးကို မတွေ့ရ။ မျက်စိကို ပြန်ပွတ်ကြည့်လိုက်သည်။ မတွေ့။ ဟုတ်သည်၊ ဒီကနေ့ ထူးခြားသည်။ အခါတိုင်း ပြုံးဖြီးဖြီး တွေ့နေကျ လေအိုးတယောက်ကို လုံးဝမတွေ့။ လောင်းကြေးရှုံးပြီး လက်ဖက်ရည်တိုက်ရမှာစိုး၍ ရှောင်နေတာများလားဟု တွေးတောကာ စက်ဘီးဒေါက်ထောက်ရင်း အဖျော်ဆရာလေး ပိုက်ထွေးကို ရွှေဂျိုး လှမ်းမေးလိုက်သည်။
ရွှေဂျိုး ။ ။ ဟေ့ … ပိုက်ထွေးရေ၊ ဒီနေ့ တယ်ထူးခြားပါလားကွ။ ကိုလေအိုးတယောက် ပျောက်ခြင်းမလှ ပျောက်နေပါလား။ ဧကန္တ လောင်းကြေးရှုံးပြီး ငါ့ကို လက်ဖက်ရည်တိုက်ရမှာစိုးလို့ ရူးချင်ယောင်ဆောင်နေပြီ ထင်တယ်ဟေ့။
ပိုက်ထွေး ။ ။ မဟုတ်ဘူး အစ်ကိုရွှေဂျိုးရေ၊ အစ်ကိုရွှေဂျိုးလာရင် ခဏစောင့်ခိုင်းပါတဲ့။ မှာသွားတယ်။ ဘဲဥ ၀ယ်ခိုင်းတာ ကြက်ဥ မှားဝယ်လာလို့ဆိုလား၊ သူ့မိန်းမ ဖုန်းဆက်ခေါ်လို့ အိမ်အမြန်ပြန်ပြေးသွားတာ။ ဟော … ပြောရင်းဆိုရင်း ဟိုမှာ ဟိုမှာ အစ်ကိုလေအိုး လာနေပြီ။
ပိုက်ထွေး မေးငေါ့ရာဆီ ရွှေဂျိုး လည်ပြန်လှည့်ကြည့်လိုက်တော့ ဟုတ်သည်၊ လေအိုး စက်ဘီးကို ခပ်သွက်သွက် နင်းလာသည်။ ဆိုင်ရှေ့ရောက်သည်နှင့် စက်ဘီးပေါ်မှ မဆင်းသေးဘဲ တဟားဟားနှင့် ပါးစပ်သေနတ် စပစ်တော့သည်။
လေအိုး ။ ။ ဟား ဟား ဟား ဟား ကိုရွှေဂျိုးတို့များ လက်ဖက်ရည်သောက်ရမယ်ဆိုတော့ တယ်တက်ကြွနေတယ်ပေါ့လေ။ သောက်ရမှာပါဗျာ။ မပူပါနဲ့။ အိမ်က မိန်းမ အမိန့်တော်ဆင့်လို့ ခဏပြန်ပြေးရတာပါ။ ဟေ့ ညီလေး ပိုက်ထွေးရေ လက်ဖက်ရည်နှစ်ခွက်လုပ်စမ်းပါကွာ။ ကိုရွှေဂျိုးခွက်ကိုတော့ သကြားနည်းနည်း နို့ဆီနည်းနည်း လျှော့ထည့်ဟေ့။ သိပ်စေတနာမရှိလို့ကွာ ဟား ဟား ဟား ဟား။
ထို့နောက် လေအိုး စက်ဘီးပေါ်မှ ဆင်းကာ ရွှေဂျိုးနှင့်အတူ ထိုင်နေကျစားပွဲတွင် နှစ်ယောက်သား ၀င်ထိုင်လိုက်ကြသည်။
ရွှေဂျိုး ။ ။ တွေ့တယ်မဟုတ်လား ကိုလေအိုး၊ ရွှေဂျိုးတို့ မှန်းလိုက်ရင် လွဲခဲပါတယ်ဗျ။ ဗိုလ်ချုပ်ကြီးဟောင်း ဦးတင်ဦးကို လွှတ်လိမ့်မယ်ဆို လွှတ်တာပဲ မဟုတ်လားဗျ။
လေအိုး ။ ။ တော်စမ်းပါဗျာ၊ ကိုရွှေဂျိုး ခန့်မှန်းတာ တော်လို့ မဟုတ်ပါဘူး။ အရူးတွေ စိတ်ကောင်းဝင်တဲ့အချိန်နဲ့ သွားတိုးလို့ပါ။ ဖြစ်တတ်ပါတယ်၊ အရူးဆိုတာ တခါတလေ ဒီလိုပဲ စိတ်ကောင်းဝင်တတ်ပါတယ်။ သတ္တိရှိရင် ၂၀၁၀ ရွေးကောက်ပွဲကို သန်းရွှေတို့ လုပ်မယ် မလုပ်ဘူးဆိုတာတောင် လေအိုးတို့က ထပ်လောင်းလိုက်ချင်သေး ဟေး ဟေး၊ ဟေး ဟေး။
လေအိုး တဟေးဟေး အော်လိုက်သံကို ဘေးဝိုင်းမှ စားနေသူများပင် ကျီးကြည့်ကြောင်ကြည့် လှည့်ကြည့်ကြ၏။
ရွှေဂျိုး ။ ။ တိုးတိုးလုပ်စမ်းပါ ကိုလေအိုးရဲ့၊ ဘေးဝိုင်းတွေ အားနာစရာ၊ ကဲ ပြောပါဦး တလောင်းထဲ လောင်းချင်နေရအောင် ကိုလေအိုးက သန်းရွှေတို့ ၂၀၁၀ ရွေးကောက်ပွဲကို လုပ်မှာမဟုတ်ဘူးလို့ ထင်နေလို့လားဗျ။ တော်ကြာ ထပ်ရှုံးနေရင် မိန်းမကလည်း ကြောက်ရနဲ့တော့ ခက်နေမယ်နော ဟဲ ဟဲ။
လေအိုး ။ ။ တော်စမ်းပါ ကိုရွှေဂျိုးရာ။ လေအိုးတို့က မိန်းမဆို ဖုတ်လေတဲ့ငါးပိ ရှိတယ်လို့တောင် သဘောထားတာ မဟုတ်ဘူး။ လုံးဝ အေးဆေး အေးဆေးပဲ။
ထိုစဉ် အဖျော်ဆရာလေး ပိုက်ထွေးက လက်ဖက်ရည်ဖျော်နေရာမှ ထအော်လိုက်သည်။
ပိုက်ထွေး ။ ။ အစ်မရေ ဒီမှာ အစ်မကို အစ်ကိုလေအိုးက ဖုတ်လေတဲ့ ငါးပိ …
ပိုက်ထွေးပြောလို့ မဆုံးသေးခင်မှာပင် လေအိုး ထအော်သည်။
လေအိုး ။ ။ ဟေ့ကောင် ပိုက်ထွေး တိတ်စမ်း၊ ငါ မိန်းမသိပ်ချစ်တတ်တာ မင်းလဲသိသားနဲ့၊ ဒါကြောင့် ခုနက သူ့အသံကြားတာနဲ့ အိမ်အမြန်ပြန်ပြေးတာ မင်းအမြင်ပဲ မဟုတ်လား (ပြောရင်းဆိုရင်း လေအိုး ပါးစပ်ကို လက်နှင့်အုပ်ပြီး တဟားဟားရယ်)
ပိုက်ထွေး ။ ။ ဟား ဟား ဟား ဟား ယုံလိုက်ပြီ အစ်ကိုလေအိုး ယုံလိုက်ပါပြီ။
လေအိုးနှင့် ပိုက်ထွေးတို့ အပြန်အလှန် ရယ်ပွဲဖွဲ့နေသည်ကို စိတ်မရှည်တော့သည့် ရွှေဂျိုးက လေအိုးကို လက်ကုတ်ကာ …
ရွှေဂျိုး ။ ။ တော်ကြစမ်းဦးဗျာ။ ခင်ဗျားတို့ အသံကြီးတွေက ဘေးက စားနေတဲ့သူတွေ မြိုမကျချင်စရာ။ ပြီးတော့ ပြောနေတဲ့ စကားတွေပါ ဘေးချော်ကုန်ပြီ။
လေအိုး ။ ။ ခင်ဗျားပဲ မိန်းမကြောက်ရဆိုဗျ၊ ဒါမျိုးဘယ်ရမလဲ လေအိုးတဲ့နော် ဟင်း။
ရွှေဂျိုး ။ ။ တော်ပါတော့ဆိုဗျာ ခုနကစကား ပြန်ဆက်ရအောင်။ ဒီလိုဗျ။ ကိုလေအိုးက ဘာဖြစ်လို့ သန်းရွှေတို့ ရွေးကောက်ပွဲ လုပ်မှာမဟုတ်ဘူးလို့ ထင်ရသတုန်းဗျ။ လင်းစမ်းပါဦး။
လေအိုး ။ ။ ဟာ … ကိုရွှေဂျိုးကလည်း ရှင်းနေတာကို ရှုပ်အောင်လာမေးနေပြန်ပြီ။ သန်းရွှေတို့ ရွေးကောက်ပွဲ လုပ်မှာမဟုတ်ဘူးလို့ထင်တာ သူတို့မှာ လုပ်ချင်တဲ့စိတ်ရှိတာ မတွေ့လို့ပေါ့ဗျ။ ကဲ ရှင်းပြီလား။
ရွှေဂျိုး ။ ။ ဟ ဟုတ်ပါ့မလား ကိုလေအိုးရာ၊ သန်းရွှေကိုယ်တိုင် လွတ်လပ်ပြီး တရားမျှတတဲ့ ရွေးကောက်ပွဲကြီးကို ၂၀၁၀ မှာ ကျင်းပပေးဦးမှာဆိုပြီး ကတိတွေပေး၊ လေလုံးတွေထွားထားတာ သုံးလေးခါရှိပြီမဟုတ်လားဗျ။ တကမ္ဘာလုံးသိအောင် ပြောထားတဲ့ကိစ္စကို သန်းရွှေက ကတိဖျက်ရဲပါ့မလားဗျ။ ကြည့်လည်း ပြောစမ်းပါဦး။
လေအိုး ။ ။ အင်း ကြည့်ပြီးမပြောတာက ကိုရွှေဂျိုးဗျ။ လေအိုးက ကြည့်ပြီးမှကို ပြောတာ။ ကဲ အခုပဲ ၂၀၁၀ လည်ပင်းကျိုး တော့မယ် ဘယ်မလဲ ပါတီထောင်ခွင့်၊ ဘယ်မလဲ လွတ်လပ်စွာ ဟောပြောစည်းရုံးခွင့်၊ ဘယ်မလဲ လွတ်လပ်စွာ ရေးသားပြောဆိုခွင့်၊ လွတ်လပ်စွာ စည်းရုံးဖို့ နေနေသာသာ၊ မတွေ့ဘူးလား ဟိုတလောလေးတုန်းကပဲ အေးလွင်တို့ လူလိမ်အဖွဲ့ကို ကြံ့ဖွံ့တွေ ၀ိုင်းရိုက်လွှတ်လိုက်တာ။ ဒါတောင်နော် ဒီကောင်တွေက နအဖကို ဖားယားနေတဲ့ကောင်တွေ၊ ကဲ နအဖကို မဖားမယားတဲ့ နိုင်ငံရေးသမားတွေဆို ဘယ်လိုနေမလဲ။ အလောင်းတောင် ရှာတွေ့ပါ့မလား။ ဘယ်မလဲ လွတ်လပ်စွာ လေလည်ခွင့် (အဲ …) စည်းရုံးခွင့် ဟား ဟား ဟား ဟား သန်းရွှေ အားအားယားယား လျှောက်ပြောနေတာပါဗျာ။ ခင်ဗျားတို့မို့ သန်းရွှေပြောတာကို အဟုတ်မှတ်နေတယ်။ ကြည့်နေ ခံရလိမ့်ဦးမယ်။ တတုံးစားပြီးလည်း မမှတ်ကြ၊ နှစ်တုံးစားပြီးလည်း မမှတ်ကြတဲ့သူတွေ။
ရွှေဂျိုး ။ ။ ဘာတွေလဲ ကိုလေအိုး၊ ဘယ်သူက ဘာတွေ စားနေလို့လဲ။ အရင်းမရှိ အဖျားမရှိ ဘာတွေ လျှောက်ပြောနေပြန်ပြီလဲ ကိုလေအိုးရာ။
လေအိုး ။ ။ ဘယ်သူတွေ ရှိရမလဲ၊ သခင်တင်မြတို့၊ မောင်စူးစမ်းတို့၊ ကျော်ဝင်းတို့လို လူတွေနဲ့ ပြည်ပက အကဲဒမစ်ဆိုသူတွေ ပေါ့ဗျ။ အခြေခံဥပေဒမရှိတာနဲ့စာရင် ရှိတာက ပိုကောင်းတယ်တို့၊ နိုင်ငံရေးဆိုတာ ဖြစ်နိုင်ချေကို စဉ်းစားရတာတို့၊ ရသလောက် အရင်ယူရမယ်တို့၊ ပူးသတ်ရမယ်တို့ သူတို့ပြောနေတာတွေ ကိုရွှေဂျိုး မကြားဘူးလားဗျ။ ဒီလူတွေ ဦးနေ၀င်းကျွေးတဲ့ တတုံး စားခဲ့ပြီးတာလည်း မမှတ်ကြဘူး။ ၉၀ ရွေးကောက်ပွဲရလဒ် ဗြောင်လိမ်ခံရတာလည်း မမှတ်ကြဘူး။ ကြည့်ရတာ ဒီတခါ ကျွေးမယ့်အတုံးကို သန်းရွှေက ရေမွှေးဖျန်းပြီးမှ ကျွေးမှာနဲ့တူတယ်ဗျ။ ဒါကြောင့် နံရကောင်းမှန်းမသိဘဲ ရွေးကောက်ပွဲ ဘယ်ဆီနေမှန်းမသိခင် ပြည်တွင်းပြည်ပက ဖားတွေ အသံမျိုးစုံ အော်နေကြတာဖြစ်မယ် ဟား ဟား ဟား ဟား။
ရွှေဂျိုး ။ ။ ကိုလေအိုး ပြောတော့လည်း ဟုတ်သလိုလိုပါပဲ။ ကဲ ဒါဆိုရင် ရွှေဂျိုးတို့ပြည်သူတွေ သန်းရွှေတို့လက်အောက်က လွတ်မြောက်အောင် ဘယ်လိုလုပ်ရတော့မှာလဲ။ ဒီအတိုင်းပဲ လက်ပိုက်ပြီး ငုံ့ခံနေကြရတော့မှာလား။ အဖြေလေးတော့ ပေးခဲ့ဦးမှပေါ့ ကိုလေအိုးရယ်။
လေအိုး ။ ။ ဟာ … လက်ပိုက်ကြည့်နေလို့ရမလား ကိုရွှေဂျိုးရ၊ တိုက်ဖို့ပဲရှိတာပေါ့ဗျ။ တိုက်ဖို့ပဲရှိတာပေါ့။ ကဲ ကဲ ... ပြောနေကြာတယ်။ လေအိုးတို့လည်း အိမ်ပြန်ပြီး တိုက်လိုက်ဦးမယ်။ လျှော်ပြီးလှန်းထားတဲ့ အ၀တ်တွေ ပုံနေပြီ။ တော်ကြာ မိန်းမဆီက အချစ်တွေလျော့ကုန်မှာစိုးတယ်။ ဟဲ ဟဲ မီးပူပြန်တိုက်လိုက်ဦးမယ်။ နောက်နေ့မှ ဆက်ဆွေးနွေးမယ်။ သွားတော့မယ်ဗျို့။
ပြောပြောဆိုဆို ကိုလေအိုးတယောက် ပါးစပ်ကို လက်နှင့်အုပ်ကာ စက်ဘီးဆီ ထပြေးလေသကဲ့သို့ ရွှေဂျိုးတယောက်လည်း အောက်ရေသွန်ရန် ဆိုင်နောက်ဖေးသို့ ခပ်ဖော့ဖော့လေး ပြေးဝင်သွားတော့လေသည်တကား။ ။
မူရင်း ။ ။ ခေတ်ပြိုင်
