ကျောင်းအချို့ကို အဆင့်မြှင့် အသွင်ပြောင်းမည့် သတင်း ထွက်ပေါ်

ရန်ကုန်မြို့၏ အထင်ကရ စာသင်ကျောင်း (၅) ကျောင်းအား အစိုးရ အဆင့်မြင့် အထက်တန်းကျောင်းများအဖြစ် အဆင့်မြှင့် အသွင်ပြောင်းမည်ဟု သတင်းများ ပေါ်ထွက်လျက်ရှိသည်။ ထိုသို့ သတင်းထွက်နေသော ကျောင်းများမှာ ဗဟန်း အထက - ၂ (နန်ရန်းကျောင်း)၊ ဒဂုံ အထက - ၁၊ ဒဂုံ အထက - ၂၊ ကမာရွတ် မရမ်းခြံ အထကနှင့် ဗိုလ်တထောင် အထက - ၆ (စိန်ပေါလ်) တို့ ဖြစ်သည်။
“ဒါ မြန်မာပြည်မှာ ပထမဆုံးလုပ်တာပဲပေါ့။ လစဉ်ကြေး တလ (၅) သောင်းကျပ် ပေးသွင်းရမယ်။ သင်ထောက်ကူ ပစ္စည်းတွေကို နိုင်ငံတကာအဆင့်မီ ကျောင်းသားတိုင်း သုံးစွဲခွင့်ရမယ် ကြားနေတယ်” ဟု စိန်ပေါလ်ကျောင်းသားမိဘတဦးက ပြောသည်။

အင်္ဂလိပ်စာနှင့် ဘိုင်အိုကဲ့သို့ ဘာသာရပ်သင်ဆရာများကို နိုင်ငံခြားမှ ခေါ်ယူမည်ဟုလည်း သတင်းများထွက်နေခြင်းကြောင့် ကျောင်းသားမိဘများက အထူးစိတ်ဝင်စားနေကြသည်ဟု ၎င်းက ပြောသည်။
ဒဂုံ အထက (၁) ကျောင်းသားမိဘတဦးကမူ “မေ (၂၃) ရက်နေ့ ကျောင်းအပ်လက်ခံရင် ဒီသတင်းနဲ့ပတ်သက်လို့ တခုခု ထူးခြားမယ်ထင်တယ်။ စနစ်တကျ အရည်အချင်း အပြည့်နဲ့သင်ပါ။ ဒီကျောင်းတွေမှာ ထားကြတဲ့ ကျောင်းသားမိဘတွေ တလ (၅) သောင်း ပေးနိုင်ပါတယ်။ ခုလည်း လက်ရှိကျောင်းက ဆရာမတွေဆီမှာ ကျူရှင်သင်နေရတာ တလ (၅) သောင်း မကပါဘူး” ဟု ပြောသည်။
အဆိုပါ အထင်ကရ ကျောင်းများသို့ တက်ရောက်ခွင့်ရရှိရန် ကျောင်းသားသစ်တဦး (၁၀) သိန်းနှင့်အထက် ပေးသွင်းနေကြရသည်။
ဗဟန်း အထက (၂) ကျောင်းသားမိဘ တဦးကလည်း “ကျောင်းက ဆရာမဆီမှာ (၈) တန်း ကျူရှင် ကြိုသင်နေတာ တလ (၃) သောင်း ပေးရတယ်။ နိုင်ငံတကာ အဆင့်မီကျောင်းကို (၅) သောင်းပေးသင်ရတာ မသိသာပါဘူး။ ကျူရှင် လိုက်ပို့ပေးနေရတဲ့ တာဝန်တောင် ကင်းသေးတယ်” ဟု ဆိုသည်။
ရန်ကုန်မြို့မှ နာမည်ကြီးကျူရှင် ဆရာတဦးကမူ အစိုးရအနေဖြင့် ကျောင်းများကို အဆင့်မြှင့်အသွင်ပြောင်းရန် ရုတ်တရက် မဖြစ်နိုင်သေးကြောင်း၊ အစိုးရခန့်ဆရာများအတွက် လစာသတ်မှတ်ရေးနှင့် လုပ်သက်ပင်စင်များတွက်ချက်ရန် အခက်အခဲ ဖြစ်နိုင်ကြောင်း ပြောဆိုသည်။
အငြိမ်းစားပညာရေးမှူးတဦးကမူ ယခုလက်ရှိကျင့်သုံးနေသည့် ပညာရေးစနစ်ကြောင့် ကျောင်းသားများမှာ အတန်းအောင်နေကြသော်လည်း အရည်အသွေးပြည့် ကျောင်းသားများ အလွန်နည်းပါးနေသည်ဟု ဆိုသည်။
၎င်းက “ကျောင်းသားတွေဟာ တဦးနဲ့တဦး ပင်ကိုယ် အရည်အသွေး မတူနိုင်ဘူး။ ဒါကို (၉) တန်းအထိ မဖြစ်မနေ အအောင်ပေးနေရတဲ့ စဉ်ဆက်မပြတ် အတန်းတင်ပေးရေး ပညာရေးမူဝါဒကိုက မှားနေတယ်။ ဒီတော့ မြန်မာပြည်မှာ အတန်းအောင်တွေသာ များနေတယ်။ အရည်အသွေး ပြည့်မီတဲ့ ပညာတတ်တွေတော့ ထွက်မှာမဟုတ်ဘူး” ဟု သုံးသပ်သည်။
ယခုကဲ့သို့ ကျောင်းအချို့အား အစိုးရအဆင့်မြင့်ကျောင်းအဖြစ် ပြောင်းလဲမည့်သတင်းနှင့်ပတ်သက်၍ အမှတ် (၃) အခြေခံပညာ ဦးစီး (အောက်မြန်မာနိုင်ငံ) မှ အရာထမ်းတဦးက လုံးဝ အခြေအမြစ်မရှိကြောင်း ငြင်းဆိုသည်။
ယခုကဲ့သို့ ကျောင်းဝင်ခွင့်လက်ခံကာလ မရောက်မီတွင် ထိုကဲ့သို့ ကောလာဟလသတင်းများ နှစ်စဉ် ထွက်ပေါ်လေ့ ရှိတတ်သည်ဟု ၎င်းကပြောသည်။
လက်ရှိတွင် အခြေခံပညာအဆင့် ပုဂ္ဂလိက (Private School) အဖြစ် လျှောက်လွှာတင်သည့် (၂၄) ကျောင်းအနက် ပုဂ္ဂလိက (၆) ကျောင်းကို မတ်လအတွင်းက စိစစ်ခွင့်ပြုပြီးဖြစ်သည်။
၎င်းတို့မှာ မဟာမြကျွန်းသာ၊ ဇင်ယော်၊ EC ပညာရိပ်သာ၊ Success ၊ Halphin Group တို့ပါဝင်ပြီး လာမည့် ဇွန် (၁) ရက်နေ့တွင် စတင်ဖွင့်လှစ်မည်ဟု ရန်ကုန်တိုင်း တယကမှ သိရသည်။

ရင်းမြစ်။ ။ခေတ်ပြိုင်

နိုင်ငံအနှံ့ အပူချိန် လွန်ကဲ၊ သောက်သုံးရေ ခက်ခဲ

မြန်မာနိုင်ငံနေရာအနှံ့ အပူချိန်လွန်ကဲမှုဒဏ် ခံစားနေရကာ မြို့ပြများတွင် လျှပ်စစ်မီးလာချိန်မမှန်သည့်အတွက် သောက်သုံးရေ အခက်အခဲ တွေ့နေရကြောင်း သိရသည်။

“မီးမမှန်တော့ ရေလည်းပျက်တာပေ့ါ။ ရေတွင်းကလည်း ပူတော့ခမ်းကုန်တယ်လေ။ အဲ့ဒီတော့ ၀ယ်သုံးရတယ်။ ရေက တစည်ကို ကျပ် ၆၀၀ ပေးရတယ်။ တချို့ကျတော့လည်း ရှိတဲ့အိမ်မှာ သွားချိုးကြရတာပေါ့"ဟု ရန်ကုန်တိုင်း သန်လျင်မြို့တွင် နေထိုင်သူတဦး က ပြောသည်။

မန္တလေးမြို့ခံတဦးကလည်း“ရေက ည ၁၁ နာရီဆို ပုံမှန်လွှတ်ပေးနေကျ အဲ့ဒါကို မမှန်တော့ဘူး။ အခု တော်တော်ဆိုးတယ်။ တကယ်လို့ လာပြီဆိုရင် မော်တာ ရှိတဲ့သူကလည်း မော်တာနဲ့မောင်းဖြည့်ပေ့ါ။ မရှိတဲ့သူ ကျတော့လည်း ခပ်ထည့်ကြပေါ့။ အဲ့ဒီအချိန်မှာ မီးပျက်သွားတယ်ဆိုရင် နောက်နေ့အတွက် သုံးစရာ ရေမရှိဘူး။ မီးမပျက်ပါစေနဲ့ ဆုတောင်းရတာပေါ့"ဟု ဆိုသည်။

မန္တလေးမြို့ကျုံးမြောက်ပြင်ရှိ လမ်းထောင့်များတွင် ထားရှိသော အများသုံးရေကန်များမှာ ပုံမှန် နွေရာသီကာလများတွင် အများပြည်သူများ သုံးစွဲရန်အတွက် ရေလွှတ်ပေးထားသော်လည်း ယခုအခါတွင် အဆိုပါ ရေကန်များတွင် ရေမရှိကြောင်း ၎င်းကဆက်ပြောသည်။

အပူဒဏ်ကြောင့် သက်ကြီးရွယ်အိုများသာမက လူငယ်ပိုင်းများအထိ သေဆုံးမှုများရှိကြောင်းလည်း သိရသည်။

“လူကြီးတွေကတော့ ဦးနှောက်သွေးကြောပြတ်တဲ့ ရောဂါများတယ်။ လူငယ်တွေကတော့ ရေချိုးမှားတာတို့၊ တချို့အရက် အလွန် အကျွံ သောက်လို့ သေတာတွေများတယ်"ဟု နာရေးကူညီမှုအသင်း ဥက္ကဌ ဦးကျော်သူက ဧရာဝတီကိုပြောသည်။

အလွန်ပူပြင်းသောကြောင့် လူကြီး၊ လူငယ်များနှင့် ကလေးသူငယ်များတွင် မိတ်၊ ယားနာ အများအပြားပေါက်ကြကြောင်း သိရသည်။

“လူလတ်ပိုင်းတွေ လူငယ်ပိုင်းတွေကတော့ ခံနိုင်သေးတာပေါ့။ အသက်ကြီးပိုင်းနဲ့ ကလေးတွေကျတော့ လုံးဝမခံနိုင်ဘူး။ ကလေးတွေဆို ည မအိပ်နိုင်ကြဘူး"ဟု အထက်ပါ သန်လျင်မြို့ခံက ဆိုသည်။

မြန်မာနိုင်ငံအလယ်ပိုင်းဒေသဖြစ်သော မြင်းမူမြို့၏ ဧပြီ ၂၃ ရက်နေ့အမြင့်ဆုံးအပူချိန်မှာ ၄၆ ဒသမ ၅ ဒီဂရီ စင်တီဂရိတ်(၁၁၅ ဒသမ ၇ ဒီဂရီဖာရင်ဟိုင်)သည် လွန်ခဲ့သော နှစ်ပေါင်း ၂၇ နှစ်အတွင်း ၎င်းမြို့၏ ဧပြီလ အတွက် အမြင့်ဆုံးအပူချိန် စံချိန်သစ် ဖြစ်ကာ ယခင် စံချိန်ဟောင်းမှာ ၂၀၀၆ ခုနှစ် ဧပြီ ၁၂ ရက်တွင် ၄၆ ဒသမ ၀ ဒီဂရီ စင်တီဂရိတ်(၁၁၄ ဒသမ ၈ ဒီဂရီ ဖာရင်ဟိုက်) ဖြစ်ကြောင်း၂၀၁၀ ခုနှစ် ဧပြီလ ၂၅ ရက်နေ့ထုတ် ကြေးမုံသတင်းစာတွင် ဖော်ပြထားသည်။

ထို့အပြင် ပဲခူးတိုင်းအတွင်းရှိ ရေတွင်း ရေကန်များတွင်လည်း အပူချိန်လွန်ကဲမှုကြောင့် ရေများ ခန်းခြောက်ကာ သောက်သုံးရေ ရှားပါးမှုနှင့် ကြုံတွေ့နေရကြောင်းလည်း သိရသည်။

ရှမ်းပြည်နယ်တောင်ပိုင်း ညောင်ရွှေမြို့ အ၀င်လမ်းဘေးရှိ လူအများသောက်သုံးရေကန်အဖြစ် အသုံးပြုရုံသာမက ညောင်ရွှေမြို့ မြောက်ဘက်ပိုင်းရှိ လယ်ယာခြံမြေများ ကိုပါ စိုက်ပျိုးရေပေးဝေနေသည့် အဓိက ကန်ကြီးနှစ်ကန်မှာလည်း မြေသားအက်ကွဲသည် အထိ ခန်းခြောက်ခဲ့ကြောင်း ယခုတပတ်ထုတ် ၀ီးကလီး အလဲဗင်း ဂျာနယ်တွင် ဖော်ပြထားသည်။

ထိုကဲ့သို့ အပူချိန် မြင့်တက်ခြင်းမှာ မိုးမရွာသွန်းသဖြင့် အပူချိန်မှာ နေ့စဉ်ရက်ဆက်ဖြစ်လာသောကြောင့်ဟု သိရသည်။

“ဒီမှာက မိုးတိမ်တွေက တော်တော်လေးပါးနေတာပေါ့နော်။ ရာသီဥတုက အယ်လ်နီညိုဖြစ်နေတော့ မိုးတိမ်တွေက အရှေ့တောင် အာရှတခုလုံးမှာ တော်တော်လေးနည်းနေတယ်။ ဒါပေမယ့် အပူချိန်ပြန်ကျတာ နှစ်ရက်လောက်တော့ရှိပြီ။ အခု ရန်ကုန်မှာ မိုးတွေ တောင်ချိန်းနေပြီ။ အပူရှိန်က သိသိသာသာ ပြန်ကျသွားပြီ။ အဓိကကတော့ မိုးမရွာလို့ပါ"ဟု မိုးလေ၀သနှင့် ဇလဗေဒ ညွှန်ကြားမှု ဦးစီးဌာန ညွှန်ကြားရေးမှူးချုပ် အဖြစ် တာဝန်ထမ်းခဲ့ဖူးသူ ဦးထွန်းလွင်က ဧရာဝတီသို့ ပြောသည်။

ရင်းမြစ်။ ။ဧရာဝတီ

NLD ခေါင်းဆောင်များ ရုံးဆက်တက်

     နယူးဒေလီ (မဇ္ဈိမ)။      ။ ပါတီသက်တမ်းကုန်ဆုံးပြီဖြစ်သော်လည်း အမျိုးသားဒီမိုကရေစီအဖွဲ့ချုပ် ဒုဥက္ကဌ ဦးတင်ဦးအပါအဝင် ပါတီဝင်များသည် ရန်ကုန်တိုင်း ဗဟန်းမြို့နယ်ရှိ ပါတီရုံးချုပ်နေရာတွင် ယနေ့ ဆက်လက်၍ ရုံးတက်ခဲ့ကြသည်။

ပြန်လည်မှတ်ပုံတင်ခြင်း မပြုသဖြင့် ရွေးကောက်ပွဲ ကော်မရှင် ဥပဒေအရ ယနေ့မှစတင်၍ အလိုလျောက် ပျက်ပြယ်ပြီဖြစ်သော်လည်း NLD ခေါင်းဆောင်များနှင့် အဖွဲ့ဝင်များ စုစုပေါင်း ၇ဝ ခန့်သည် မူလရုံးချုပ်နေရာတွင် ယနေ့ ရုံးတက်ခဲ့ကြခြင်း ဖြစ်သည်။

NLD ဒုဥက္ကဋ္ဌ ဦးတင်ဦး၊ ဗဟိုအလုပ်အမှုဆောင် အဖွဲ့ဝင်များဖြစ်သည့် သခင်စိုးမြင့်၊ ဦးသန်းထွန်း၊ ဦးဝင်းတင်၊ ဦးလှဖေ၊ ဦးညွှန့်ဝေ၊ ဦးအုန်းကြိုင်၊ ဦးဥာဏ်ဝင်း၊ ရန်ကုန်တိုင်း အမျိုးသမီး တာဝန်ခံ ဒေါက်တာ ဒေါ်မေဝင်းမြင့်၊ အမျိုးသမီးအဖွဲ့ခေါင်းဆောင်များ၊ လူငယ်ခေါင်းဆောင်များနှင့် တိုင်း/ပြည်နယ်များမှ ပါတီဝင်များ ရုံးချုပ်သို့ လာရောက်ခဲ့ကြသည်။

''ရုံးကို ဖွင့်ထားတဲ့ အခါကျတော့ လူတွေ လာကြတယ်။ လူမှုအထောက်အကူပြု အဖွဲ့တွေ ရှိတယ်။ အမျိုးသမီး အဖွဲ့တွေ ရှိတယ်။ ရန်ကုန်တိုင်း ရှိတယ်။... နိုင်ငံရေးအကြောင်း ပြောကြတယ်။ တယောက်နဲ့ တယောက် သတင်းတွေ ဖလှယ်တယ်'' ဟု ဗဟိုအလုပ်မှုဆောင်အဖွဲ့ဝင် ဦးဝင်းတင်က ပြောသည်။

''ခါတိုင်းလိုပါပဲ၊ ပိုပြီးတော့လည်း ရယ်ရယ်မောမော မဟုတ်တောင်မှ ခါတိုင်းလိုပါပဲ။” ဟု သူက ဆက်ပြောသည်။
ပါတီဆိုင်းဘုတ်နှင့် အလံကိုလည်း ပြန်လည်ဖြုတ်သိမ်းခြင်း မရှိဘဲ ထားရှိခဲ့ကြသည်။

ယနေ့ ရုံးတက်ခဲ့သည့် ပါတီလူငယ် အဖွဲ့ဝင်တဦးက ''ကျနော်တို့က NLD ပဲလေ။ နိုင်ငံရေးသမားတွေဖြစ်လို့ နိုင်ငံကောင်းဖို့အတွက်ဆိုတဲ့ အားမာန်မျိုး အချိန်တိုင်း ရှိတယ်။ လူသား ကောင်းရာကောင်းကျိုး လုပ်နေရတာကိုက ကျနော်တို့ စိတ်အာဟာရ ပြည့်နေတာပေါ့။ တခုရှိတာက ပုံမှန် ရုံးလုပ်ငန်းစဉ်တွေ မရှိတော့၊ မလုပ်ရတော့တဲ့ အခါကျတော့ စိတ်ထဲမှာ ဟာတာတာ ဖြစ်တယ်။ ဒီလောက်ပါပဲ။ ကျန်တာတော့ မခံစားရပါဘူး'' ဟု မဇ္ဈိမကို ပြောသည်။

မဇ္ဈိမက ယနေ့ ဆက်သွယ်မေးမြန်းခဲ့သည့် တိုင်းနှင့် ပြည်နယ်အချို့ရှိ မြို့နယ် ၁၁ မြို့နယ်ထက် မနည်းတွင်လည်း ပါတီဆိုင်းဘုတ်များ ဖြုတ်သိမ်းခြင်း မပြုကြကြောင်း သိရသည်။

ဒေါ်စုနဲ့တွေ့ခွင့်ရမှသာ Kurt Campbell မြန်မာနိုင်ငံခရီး ဆက်မည်

အရှေ့အာရှရေးရာ အမေရိကန် လက်ထောက် နိုင်ငံခြားရေးဝန်ကြီး Kurt Campbell

တရားမျှတမှုမရှိတဲ့ ရွေးကောက်ပွဲ အစီအစဉ်တွေနဲ့ပတ်သက်ပြီး ဆွေးနွေးဖို့ အတွက် အမေရိကန် အဆင့်မြင့်ကိုယ်စားလှယ် တဦး လာမယ့် ရက်ပိုင်းတွေ အတွင်း မြန်မာနိုင်ငံကို သွားရောက်ဖို့ရှိတယ်လို့ အမေရိကန် နိုင်ငံခြားရေး          ၀န်ကြီးဌာနက ပြောဆိုလိုက်ပါတယ်။ ဒါပေမဲ့ ဒီခရီးစဉ် ဖြစ်မြောက်ရေးအတွက် ချွင်းချက်တွေ ကတော့ ရှိတယ်လို့ ဆိုပါတယ်။ ဗွီအိုအေ သတင်းထောက် David Gollust အမေရိကန် နိုင်ငံခြားရေးဌာနက သတင်းပေးပို့ထားတာကို ဒေါ်ခင်စိုးဝင်းက တင်ပြထားပါတယ်။ အရှေ့အာရှရေးရာ အမေရိကန် လက်ထောက် နိုင်ငံခြားရေးဝန်ကြီး Kurt Campbell ဟာ လောလောဆယ် သူ့ရဲ့ အာရှခရီးစဉ် အတွင်းမှာ မြန်မာနိုင်ငံကို သွားကောင်းသွားနိုင်တယ်လို့ အမေရိကန်နိုင်ငံခြားရေး ၀န်ကြီးဌာနကနေ ပြောဆိုလိုက်တာပါ။ ဒါပေမဲ့ ဒီခရီးစဉ်အတွင်းမှာ စစ်အစိုးရ အရာရှိတွေနဲ့သာမက ဒေါ်အောင်ဆန်းစုကြည် နဲ့လည်း တွေ့ဆုံခွင့်ပေးမှသာလျှင် သူ မြန်မာနိုင်ငံကို သွားမယ်လို့ ပြောပါတယ်တဲ့။ Kurt Campbell ဟာ ပြီးခဲ့တဲ့ နိုဝင်ဘာလက မြန်မာနိုင်ငံ ခရီးစဉ်အတွင်းမှာ စစ်အစိုးရ တာဝန်ရှိသူတွေနဲ့ရော အထိန်းသိမ်းခံ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ပါ တွေ့ဆုံနိုင်ခဲ့ပါတယ်။
သမ္မတ အိုဘားမား အစိုးရက အထီးကျန်လှတဲ့ မြန်မာစစ်အစိုးရနဲ့ ထိတွေ့ဆက်ဆံဖို့ ကြိုးပမ်းနေတာရဲ့ တစိတ်တဒေသ အဖြစ်နဲ့ မစ္စတာ ကာ့ ကန့်(မ်)ဘဲ(လ်) မြန်မာနိုင်ငံကို သွားရောက်ခဲ့တာ ဖြစ်ပါတယ်။ ဒါပေမဲ့ မြန်မာစစ်အစိုးရက ရွေးကောက်ပွဲ ကျင်းပမယ်လို့ ကတိတွေပေးပြီး ဒေါ်အောင်ဆန်းစုကြည်နဲ့ အဲန်အယ်လ်ဒီ အမျိုးသားဒီမိုကရေစီအဖွဲ့ချုပ် ပါတီ ပါဝင်ယှဉ်ပြိုင်လို့မရအောင် ဥပဒေတွေကို တမင်ဖန်တီး ပြဌာန်းထားတာနဲ့ ပတ်သက်ပြီးတော့ အမေရိကန် ပြည်ထောင်စုဘက်ကနေ အခုတလော ဝေဖန်တာတွေ တိုးလာတာ တွေ့ရပါတယ်။
လောလောဆယ် ဖိလစ်ပိုင်နိုင်ငံ မနီလာမြို့ကို ရောက်နေတဲ့ မစ္စတာ ကန့်(မ်)ဘဲ(လ်) က ရှေ့သီတင်းပတ်မှာ မြန်မာနိုင်ငံကို သွားရောက်ဖို့ ပြင်ဆင်နေပါတယ်။ ဒါပေမဲ့ စစ်ဖက်အာဏာပိုင်တွေကို တွေ့ဆုံဖို့ ရှိတဲ့အပြင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၊ အဲန်အယ်လ်ဒီ တာဝန်ရှိ ပုဂ္ဂိုလ်တွေနဲ့ တိုင်းရင်းသားခေါင်းဆောင်တွေနဲ့ပါ တွေ့ဆုံခွင့်ရမှသာလျှင် ဒီခရီးစဉ်ကို သူ သွားမယ်လို့ ပြောဆိုပါတယ်။
စစ်အစိုးရ ပြဋ္ဌာန်းလိုက်တဲ့ ရွေးကောက်ပွဲ ဥပဒေတွေဟာ အတိုက်အခံတွေအပေါ် မတရားရာ ကျတယ်လို့ အမေရိကန် နိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် ပီဂျေ ခရောလေး (P.J. Crawley) က အခုလို ဝေဖန်လိုက်ပါတယ်။
"ကမ္ဘာတ၀ှမ်းက ဒီမိုကရေစီနဲ့ တရားမျှတရေးအတွက် ကြိုးပမ်းနေကြသူတွေ အားလုံး အားကျဖွယ်ရာ အဖြစ်နဲ့ အဲန်အယ်လ်ဒီ နဲ့ အဲန်အယ်လ်ဒီခေါင်းဆောင် ဒေါ်အောင်ဆန်းစုကြည်ဟာ မြန်မာနိုင်ငံမှာ မျှော်လင့်ချက် မီးရှူးတန်ဆောင် ပမာ ရပ်တည်ခဲ့ကြတာ အနှစ် ၂၀ ကျော်ခဲ့ပါပြီ။ အဲန်အယ်လ်ဒီ အနေနဲ့ မြန်မာပြည်သူတွေရဲ့ အကျိုးအတွက် ဆက်လက် သယ်ပိုးသွားဖို့ ဆုံးဖြတ်ချက် ချထားတာကိုလည်း ကျနော်တို့ ချီးကျူးပါတယ်။ အဲန်အယ်လ်ဒီ အပါအ၀င် နိုင်ငံရဲ့ အနာဂတ် ကောင်းကျိုးကို တည်ဆောက်ကြရာမှာ မဆုတ်မနစ် ကြိုးစာနေကြသူတွေ အားလုံးနဲ့အတူ ကျနော်တို့ ပူးပေါင်းဆောင်ရွက် သွားမှာပါ။"
အမျိုးသားဒီမိုကရေစီအဖွဲ့ချုပ် အနေနဲ့ ရွေးကောက်ပွဲမ၀င်ဖို့ ခြေလှမ်း လှမ်းခဲ့ရတဲ့အဖြစ်ရောက်အောင် မြန်မာ အာဏာပိုင် တွေက ဒီအခြေအနေတွေကို တမင် ဖန်တီးခဲ့တာကြောင့် အမေရိကန်ပြည်ထောင်စုက အတော်လေးကို စိတ်ပျက်မိတယ်လို့ ပြောပါတယ်။ အမျိုးသားဒီမိုကရေစီအဖွဲ့ချုပ် ပါတီဟာ အတိုက်အခံ အဖွဲ့အစည်းတခု အနေနဲ့ တရားဝင် ရပ်တည်နေဆဲလို့ အမေရိကန်ပြည်ထောင်စုက ရှုမြင်တဲ့အကြောင်းကိုလည်း ခုလို ပြောပါတယ်။
"အဲန်အယ်လ်ဒီ ပါတီဟာ ဒီမိုကရေစီအရ အတိုက်အခံတွေရဲ့ တစိတ်တဒေသ အဖြစ် တရားဝင် ရပ်တည်နေဆဲလို့ ကျနော်တို့က ရှင်းရှင်းလင်းလင်း ရှုမြင်ပါတယ်။ နောက်ဆုံးတော့ မြန်မာနိုင်ငံမှာ နိုင်ငံရေး နယ်ပယ် ကျယ်ကျယ်ပြန့်ပြန့် ဖွင့်ပေးဖို့နဲ့ အတိုက်အခံတွေနဲ့ရော တိုင်းရင်းသားတွေနဲ့ပါ အနစ်သာရ ပြည့်ဝတဲ့ ဆွေးနွေးမှုတွေ ပြုလုပ်ပေးဖို့အတွက် ကျနော်တို့ တွေ့ဆုံခဲ့သမျှ အစည်းအဝေးတွေကတဆင့် အရိပ်အမြွက် ပြောဆိုထားပြီး ဖြစ်ပါတယ်။"
မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီး သိန်းစိန်နဲ့ အစိုးရအဖွဲ့ဝင် ၀န်ကြီးတွေ စစ်ဘက်ရာထူးတွေကနေ အနားယူ ပြီးတော့ ပြည်ထောင်စု ကြံ့ခိုင်ဖွံ့ဖြိုးရေး ပါတီဝင်တွေအဖြစ်နဲ့ ရွေးကောက်ပွဲဝင်ဖို့ ကြေညာလိုက်တာကြောင့်မို့လို့ အမေရိကန် နိုင်ငံခြားရေးဝန်ကြီးဌာနကနေ ဘ၀င်မကျ ဖြစ်ရတဲ့အကြောင်းကို ပြီးခဲ့တဲ့ သီတင်းပတ်တွေအတွင်းက ထုတ်ဖော် ပြောဆိုခဲ့ပြီး ဖြစ်ပါတယ်။

ရင်းမြစ်။ ။http://www.voanews.com/burmese/2010-05-08-voa1.cfm?rss=topstories