Tuesday, August 31, 2010

ရဲတပ်ဖွဲ့ ဖွဲ့စည်းပုံ ပြောင်းမည်

မြန်မာနိုင်ငံ ရဲတပ်ဖွဲ့၏ ဖွဲ့စည်းပုံ ပြောင်းလဲပြီးပါက ရဲချုပ် ဗိုလ်မှူးချုပ် ခင်ရီသည် ပြည်ထောင်စု ရဲချုပ်အဖြစ် တာဝန်ယူသွား မည်ဟု သိရသည်။

ရွေးကောက်ပွဲ အပြီး အစိုးရသစ် တက်ပါက ဖွဲ့စည်းပုံ အသစ်ဖြင့် ဆောင်ရွက်နိုင်ရန် ယခုအချိန်မှ စတင်ကာ ပြောင်းလဲ ဆောင် ရွက်သွားမည်ဟု ကာကွယ်ရေး ၀န်ကြီးဌာန မှစစ်ဘက်ဆိုင်ရာ အရာရှိတဦးက ပြောသည်။

mm-police-mmဖွဲ့စည်းပုံ ပြောင်းခြင်း ကိစ္စရပ်အား သြဂုတ်လ ၂၇ ရက်နေ့က နေပြည်တော်တွင် ပြုလုပ်ခဲ့သော ရွေးကောက်ပွဲ ဆိုင်ရာ အစည်း အဝေးတွင် ကာကွယ်ရေး ၀န်ကြီးဌာနမှ ဖွဲ့စည်းပုံ ခွင့်ပြုလိုက်ကြောင်း သိရသည်။

ပြောင်းလဲမည့် ဖွဲ့စည်းပုံ အသစ်အရ လက်ရှိ ရဲမှူးကြီးများကို ပြည်နယ်နှင့်တိုင်း အသီးသီးအလိုက် ရဲချုပ်များအဖြစ် ထားရှိ သွားမည်ဟု ၎င်း အရာရှိက ပြောသည်။

မြန်မာနိုင်ငံ ရဲတပ်ဖွဲ့မှ ရဲအရာရှိတဦးက “အရင်တုန်းကတည်းက အခု အချိန်ထိ ရဲချုပ် က တယောက်ပဲ ရှိခဲ့တာ။ အခုနောက် ပိုင်းကစပြီး ရန်ကုန်တိုင်း ရဲချူပ် ၊ ဧရာဝတီ တိုင်းရဲချုပ်တို့ ဆိုပြီး ပေါ်လာမယ်။ တိုင်းနဲ့ ပြည်နယ်အလိုက် ရဲချုပ်တွေ ထားသွား မှာ”ဟု ပြောသည်။

ယခင် တပ်မတော်မှ တာဝန်ယူထားသည့် မြို့ပြလုံခြုံရေးအား မြန်မာနိုင်ငံ ရဲတပ်ဖွဲ့မှ အဓိက တာဝန်ယူဆောင်ရွက်သွားမည် ဟု ရဲအရာရှိက ပြောသည်။.

“ ၂၀၀၇ ရွှေဝါရောင်တော်လှန်ရေးပြီးတဲ့အချိန်လောက်က စပြီးလုံခြုံရေးနေရာတွေမှာ စစ်သားတွေမဟုတ်တော့ဘဲ ရဲတပ်ဖွဲ့ ကနေ တာဝန်ယူပြီး လုပ်ခဲ့တယ်။ အသစ်ပြောင်းနေတဲ့ ဖွဲ့စည်းပုံအရ တပ်တော်ရဲ့ အခန်းကဏ္ဍကို အခုချိန်ကတည်းက တဖြည်း ဖြည်း လျှော့ချပြီး ရဲတပ်ဖွဲ့ကနေပဲ လုံးဝတာဝန်ယူသွားဖို့ ပြင်ဆင်နေတယ်”ဟု ၎င်းက ဆိုသည်။

လက်ရှိ ရဲမှူးကြီးများအား ရဲချုပ် ရာထူးတိုးပေးကာ အခေါ်အဝေါ်သစ် ရာထူးသစ်ဖြင့် ပြုလုပ်သွားမည်ဟု သိရသည်။


“အာဏာပိုင်တွေက  မြို့ထဲမှာ စစ်ယူနီဖောင်း မမြင်ရတော့တဲ့အထိ  လျှော့ချသွားဖို့လုပ်ပါဆိုပြီး ညွှန်ကြားထားတယ်။ စစ်သား ဆိုတာ တိုက်ခိုက်ရေးဘက်ကိုပဲ သွားတော့မယ် မြို့တွင်း လုံခြုံရေးနဲ့ ပတ်သက်ပြီး လုံးဝမယူရတော့ဘူးပေါ့။ တဖက် မှာလည်း ရဲတပ်ဖွဲ့ အင်အားမြှင့်တဲ့အနေနဲ့  ရဲတပ်ရင်းတွေမှာ လူအင်အားဖြည့်တင်းဖို့ တွေ စလုပ်နေပြီ”ဟု ထို ရဲအရာရှိက ပြောသည်။

“ရာထူးတွေ တိုးပေးပြီး အောက်ခြေပိုင်းကိုထပ်ချဲ့သွားမယ့် သဘောမျိုး။ ယာဉ်စည်းကမ်း ထိန်းသိမ်းရေး ကော်မတီတို့၊ ပြည်ထဲရေးတို့၊ အကျဉ်းဦးစီးတို့ အဲဒီလိုနေရာတွေမှာ စစ်ယူနီဖောင်းဝတ် တပ်မတော်သားတွေ လုံးဝမပါဝင်အောင် လျှော့ချ ပစ်ပြီး ယာဉ်ထိန်းရဲတွေကို ရာထူးမြှင့်တာတွေလုပ်တယ်”ဟု ရန်ကုန်တိုင်း စစ်ဌာနချုပ်မှ အရာရှိ တဦးက ပြောသည်။

၂၀၁၀ ရွေးကောက်ပွဲအပြီးတွင် မြန်မာနိုင်ငံ အနေနှင့်လည်း  ဒီမိုကရေစီနိုင်ငံ ဖြစ်လာတော့မည် ဆိုသောကြောင့် လုံခြုံရေး ကိစ္စရပ်များတွင် တပ်မတော်၏ အခန်းကဏ္ဍကို လုံးဝလျှော့ချသွားရန် အာဏာပိုင်များက မှာကြားခဲ့ကြောင်းလည်း ၎င်းက ဆို သည်။

ထင်ရှားသော ဆန္ဒပြပွဲများဖြစ်သည့် ၈၈၈၈ အရေးတော်ပုံ၊ ၂၀၀၇ ရွှေဝါရောင် တော်လှန်ရေး တို့တွင် ရဲတပ်ဖွဲ့ က ဖြိုခွဲခြင်း မပြုလုပ်ဘဲ စစ်တပ်ကသာ တာဝန်ယူဖြိုခွင်းခဲ့ခြင်းဖြစ်သည်ကို တွေ့မြင်ရသည်။

ရင်းမြစ်။ ။ဧရာဝတီ

စိတ်ဆိုးရင်လည်း မတတ်နိုင်တော့ဘူး

   ပေါ့ပ်ဆိုတာ နှာခေါင်းရှုံ့စရာ မဟုတ်ပါဆိုတဲ့ခေါင်းစဉ်နဲ့ ဆောင်းပါးတစ်ပုဒ်ရေးဖူးရုံမက ပေါ့ပ်ယဉ်ကျေးမှုဆိုတာ ကိန်းကြီးခမ်းကြီးနိုင်လှတဲ့ အထက်တန်းလွှာလူတစ်စုရဲ့ ဧည့်ခန်းဆောင်ထဲက စိန်ရောင်မြ ရောင်ပိုးဖဲကတ္တီပါရောင်တွေ ရွှန်းလက်တောက်ပနေတာတွေကို ဆန့်ကျင်အရွဲ့တိုက်ရာကပေါ်ထွက်လာတဲ့ လူထုယဉ်ကျေးမှုဖြစ်တဲ့အကြောင်း စာတွေလည်းရေးခဲ့ဖူးပါတယ်။

စောဒကတက်ဖို့သက်သေတွေ
     တစ်နေ့တော့လူငယ်တစ်ယောက်က ဂျာနယ်တွေထဲကဖြတ်ညှပ်ပြီး သိမ်းထားတဲ့ ပေါ့ပ်စာမျက်နှာတွေ အထပ်လိုက်ယူချလာပြီး စောဒကတက်ပါတယ်။ သူယူလာတာတွေ ကောက်ကြည့်လိုက်တော့ 'Celebs' လို့အတိုကောက်ခေါ်လေ့ရှိတဲ့ ထင်ပေါ်ကျော်ကြားသူများအကြောင်း သတင်းတွေ၊ အင်တာဗျူးတွေ၊ နိုင်ငံခြားဈေးဝယ်ထွက်တဲ့ သတင်းဓာတ်ပုံတွေစုံနေတာ တွေ့ရတယ်။ ဒါ့အပြင် စကတ်တိုနဲ့ ရင်ရှားဂါဝန်ဝတ်ပုံတွေလည်း တစ်ထပ်ကြီးပါလာသေးတယ်။ ဒါတွေကိုနှာခေါင်းမရှုံ့ရတော့ဘူးလားခင်ဗျာလို့လည်း သူကမေးလိုက်ပါတယ်။ နှာခေါင်းရှုံ့ရုံတင်မကပါဘူးကွယ်။ မီးဖိုထဲတောင်ထည့်ပစ်သင့် ပါတယ်လို့ဖြေလိုက်တော့ ဆရာပဲ ပေါ့ပ်ဆိုတာနှာခေါင်းရှုံ့စရာမဟုတ်ပါ လို့ရေးခဲ့တာပဲလို့ပြန်ပြီးချေပပါတယ်။

ကြုံဗျူးတဲ့
     သူယူလာတာတွေကိုတစ်ထပ်ချင်းဆွဲထုတ်ပြီး အင်တာဗျူးသပ်သပ်၊ သတင်းသပ်သပ်၊ ဓာတ်ပုံသပ်သပ်သူ့ရှေ့မှာချလိုက်ပါတယ်။ ပြီးတော့ အင်တာဗျူးတွေကိုပြပြီး "ကဲ ဒါတွေဟာသတင်းအင်တာဗျူးတွေ လား" လို့ သူ့ကိုမေးခွန်းထုတ်လိုက်ပါတယ်။ အင်တာဗျူးနာမည်ခံထားတာတွေ ကြည့်ပါဦး။ တစ်စက္ကန့်အင်တာဗျူးတဲ့၊ ကြုံတုန်းဗျူးတဲ့၊ ကြုံဗျူးတဲ့၊ မေးချင်သလိုမေးပြီး ဖြေချင်သလိုဖြေထားတဲ့ အရည်မရ အဖတ်မရ ပေါက်ပန်းဈေးစာတွေ။ မထင်ပေါ်နဲ့ကိုကျော်ကြားများအတွက် အကျိုးမရှိ။ စာဖတ်သူများအတွက်လည်း ပိုက်ဆံပေးဖတ်ရကျိုးမနပ်တာမျိုးတွေချည်းပဲ။

ထိမ်ချန်မှုနဲ့ငြိဦးမယ်
     သတင်းဆိုတာတွေကလည်း သတင်းမဟုတ်ပါဘူး။ လူကြော်ငြာတွေပါ။ နောက်ပြီး မထင်ပေါ်နဲ့ကိုကျော်ကြားများက ရှော့ပင်းထွက်တာတွေကို ဖော်ပြပေးနေတာတွေလည်း ဆင်ခြင်သင့်ကြတယ်။ မြန်မာနိုင်ငံမှာ ဒေါ်လာကိုင်တာတွေ့ရင် အရေးယူလို့ရတယ်ဆိုတာ မသိကြတာလား။ သိရက်နဲ့ ဂရုမစိုက်ကြတာလား။ မသိပေမယ့် တော်ကြာရင် ဂျာနယ်ဆရာပါသိလျက်နဲ့ ထိမ်ချန်မှုနဲ့ငြိနေပါဦးမယ်။ မသိလို့ချိုးဖောက်မိပါတယ်ဆိုလို့ ဥပဒေကချမ်းသာပေးမှာမဟုတ်ဘူး။ နိုင်ငံခြားသွား ရုပ်ရှင်ရိုက်မယ်၊ ကြော်ငြာရိုက်မယ်ဆိုသူတွေလည်း သတိနဲ့ဆင်ခြင်သင့်ကြတယ်။

ပေါ့ပ်ကိုဖျက်တဲ့ပက်ပ်
     ပေါက်ပန်းဈေး အရည်မရအဖတ်မရသတင်းတွေကို ပေါ့ပ်သတင်းတွေလို့ ခေါ်နေကြတာဖြစ်တယ်။ တကယ်တော့ ဒါမျိုးတွေဟာ ပေါ့ပ်မဟုတ်သလို ဒါမျိုးတွေထည့်တဲ့ဂျာနယ်တွေကိုလည်း ပေါ့ပ်ဂျာနယ်လို့မခေါ်နိုင်ပါဘူး။ ဒါမျိုးတွေကိုပက်ပ် (Pep)အမှိုက်သရိုက်တွေ၊ အပေါစားတွေလို့ ခေါ်ပါတယ်။ လူထုယဉ်ကျေးမှု (Pop Culture) ကိုပုံပျက်ပန်းပျက်ဖြစ်အောင် တမင်တကာလုပ်တဲ့ (Pep Culture)သာဖြစ်တယ်။ အဲဒီလိုပက်ပ်တွေကို ပေါ့ပ်စစ်စစ် အနုပညာသမားတွေက ဘန်းစကားနဲ့ 'ရှလော့' (Schlock)လို့ခေါ်ကြတယ်။ ဒီမှာ အတွေ့ရများတာက ပက်ပ်တွေရှလော့တွေဖြစ်တယ်။ ပေါ့ပ်မဟုတ်ဘူး။

ပညာပေးဖျော်ဖြေမှု
     စာနယ်ဇင်းဆိုတာ သတင်းပေးဖို့နဲ့ အသိ(ပညာ)ပေးဖို့သာမက ဖျော်ဖြေမှုပေးဖို့ပါ လိုအပ်တယ်။ လူ့ဦးနှောက်ဟာလည်း အညောင်းဖြေဖို့လိုတယ်။ ဖျော်ဖြေမှုနဲ့ဦးနှောက်ကို လန်းဆန်းအောင်လုပ်ပေးရတယ်။ ဒါပေမဲ့ စာနယ်ဇင်းသမားဆိုတာ ပျော်တော်ဆက် (clown) မဟုတ်ဘူး ဆိုတာလည်း မေ့မထားရဘူး။ စာနယ်ဇင်းရဲ့ ပင်မတာဝန်က သတင်းပေးဖို့နဲ့ အသိ(ပညာ) ပေးဖို့သာဖြစ်တယ်။ ဖျော်ဖြေမှုကို ပညာပေးတာနဲ့ ဆက်စပ်ပြီး ကျွဲကူးရေပါသဘောပေးရမှာဖြစ်တယ်။ ဒါကိုစာနယ်ဇင်းစကားနဲ့ (Edutainment) ပညာပေးဖျော်ဖြေမှုလို့ခေါ်တယ်။ ရှေးအစဉ်အဆက် မြန်မာတွေပြောလေ့ရှိတဲ့ ဇာတ်သမားလာရင် မှတ်သားစရာပါရမယ်။ ဇာတ်သမားပြန်ရင် မှတ်သားစရာကျန်ရမယ်ဆိုတဲ့ သဘောမျိုးဖြစ်တယ်။

ရှေးကဇာတ်သဘင်ဆိုတာ
     ရှေးကမြန်မာဇာတ်သဘင်ဟာ အပျင်းပြေပျော်တော်ဆက်သက်သက် မဟုတ်ဘူး။ နောက်ပိုင်းဇာတ်ထုပ်ကြီးတွေဟာ ကောင်းမှုနဲ့မကောင်းမှု၊ ဓမ္မနဲ့အဓမ္မ အားပြိုင်မှုတွေကိုပြပြီး နောက်ဆုံးမှာ ဓမ္မကအနိုင်ရသွားရတာတွေကို ပညာပေးသွားခဲ့ကြတယ်။ ရတနာပုံခေတ်က ရှေ့တော်မှာကပြခဲ့ကြတဲ့ ၀ိဇယပြဇာတ်၊ ပါပဟိန်နဲ့ရေသည်ပြဇာတ်များဟာ ဖျော်ဖြေရေးသက်သက်မဟုတ်ကြဘူး။ မင်းညီမင်းသားများရဲ့ ရမ်းကားမှုများနဲ့တိုင်းသူပြည်သားများရဲ့ ပကတိအခြေအနေများကို ရွှေနားတော်အရောက်ကြားသိရအောင် ဆောင်ရွက်ခဲ့ကြတာဖြစ်တယ်။ ပဒေသရာဇ်ခေတ်ကြီးထဲမှာတောင် စာဆိုတော်ကြီးများနဲ့ ဇာတ်သဘင်ပညာရှင်များ တာဝန်ကျေအောင် ဆောင်ရွက်ခဲ့ကြတာ ကြည်ညိုစရာကောင်းလှတယ်။

ဆိုဂျူသောက်တာအတုခိုး
     စာနယ်ဇင်းဆရာတွေက ဦးကြင်ဥတို့၊ ဦးပုညတို့ကိုတော့ အတုယူဖို့စိတ်မကူးကြဘဲ အနောက်နိုင်ငံတွေက ပက်ပ်စာစောင်တွေနဲ့ ကိုရီးယားမင်းသား၊ မင်းသမီးတွေအကြောင်း ပုံတူကူးချဖို့လောက်သာ အပြိုင်အဆိုင်ကြိုးစားနေကြတာတွေ့ရတယ်။ ဖျော်ဖြေရေးနယ်ပယ်က မထင်ပေါ်တို့ကိုကျော်ကြားတို့ကလည်း ကိုရီးယားမင်းသား၊ မင်းသမီးများရဲ့ သရုပ်ဆောင်မှုအတတ်ပညာတွေကို အားကျအတုယူရမယ့်အစား ဖင်ပေါ်ရင်ပေါ် ၀တ်တာစားတာတွေနဲ့ 'ဆိုဂျူ' သောက်တာလောက်ကိုပဲ အတုခိုးနေကြတယ်။ ပြောလိုက်ရင်တော့ အနုပညာအလုပ်၊ အနုပညာရှင်ဆိုတဲ့ စကားတွေက မိုးမွှန်နေတာပါပဲ။

သံကုန်ဟစ်မှငိုတာမဟုတ်
     အားမနာတမ်းပြောရမယ်ဆိုရင် အနုပညာလို့ ခေါ်လောက်တဲ့အဆင့်ကိုရောက်ဖို့ တော်တော်လိုသေးတယ်လို့ပဲ ထင်တယ်။ အများအားဖြင့် ဖျော်ဖြေရေးအဆင့်ထက် မပိုသေးပါ ဘူး။ သရုပ်ဆောင်ပုံကိုကြည့်။ ငိုစရာရှိရင် ခုနစ်အိမ်ကြား၊ ရှစ်အိမ်ကြားသံကုန်ဟစ်အော်ငိုချလိုက်ပြီး နှာရည်တရွှဲရွှဲညှစ်ပြလိုက်တာပဲ။ လူကြမ်းဆိုရင်လည်း အရုပ်ဆိုးဆိုး မျက်နှာကြောတင်းတင်းနဲ့ အော်ဟစ်ကြိမ်းမောင်းလုပ်ပြလိုက်တာပဲ။ ချစ်ခန်းကြိုက်ခန်းဆိုလည်း မင်းသား၊ မင်းသမီးဖက်ပြလိုက်ရုံပဲ။ မျက်ရည်မရွှဲ၊ နှပ်မညှစ်ဘဲမေးကြောလေး တစ်ချက်တင်းရုံ၊ အကြောပြိုင်းပြိုင်းထအောင် လက်သီးဆုပ်လိုက်ရုံနဲ့ ကြည့်သူရဲ့ရင်ထဲမှာ ဆို့နင့်သွားစေနိုင်တယ်ဆိုတာ သဘောပေါက်ပုံမရကြဘူး။ လူဆိုးဆိုတိုင်း အရုပ်ဆိုးတာမဟုတ်ဘူး။ ဗိုလ်အောင်ဒင်လို ဂုဏ်သရေရှိ လူဆိုးကြီးတွေရှိတတ်တာကိုလည်း သိပုံမရကြပါဘူး။

စိတ်ဆိုးရင်လည်းမတတ်နိုင်
     ဒီနေ့မြန်မာသရုပ်ဆောင်အများစုရဲ့ သရုပ်ဆောင်ပုံတွေဟာ ဇာတ်ခုံပေါ်မှာ သရုပ်ဆောင်တာနဲ့ အတူတူလိုဖြစ်နေတာ သတိထားမိတယ်။ ရုပ်ရှင်သရုပ်ဆောင်နဲ့လုံးဝမတူပါဘူး။ မျက်နှာအမူအယာတစ်မျိုးတည်းနဲ့ အလွမ်း၊ အသော၊ အချစ်၊ အကြမ်း၊ အရမ်းအမျိုးမျိုး သရုပ်ဆောင်ပြနိုင်စွမ်းရှိတဲ့ ရုပ်ရှင်မင်းသားကျော်ဆွေလို သရုပ်ဆောင်မျိုး တစ်ယောက်မှမရှိဘူးလို့ပြောရင် လွန်မယ်မထင်ဘူး။ အဲဒါကြောင့်အနုပညာလို့ ခေါ်လောက်တဲ့အဆင့်မရောက်သေးဘူး။ဖျော်ဖြေရေးအဆင့်လောက်ပဲ ရှိသေးတယ်လို့ဆိုခဲ့တာပါ။ စိတ်ဆိုးကြရင်လည်း မတတ်နိုင်တော့ဘူး။

Written by လူထုစိန်ဝင်း  

ပဲခူးမြစ်ရေသည် ပဲခူးမြို့တွင် စိုးရိမ်ရေအမှတ်သို့ ကျော်လွန်ရောက်ရှိ ကာ ရန်ကုန်-မန္တလေး အဝေးပြေး ကားလမ်းမကြီးအား ရေကျော်နေပြီ ဖြစ်ကြောင်း သိရ


 Bago Float
Bago Float
Bago Float
Bago Float
ပဲခူးမြစ်ရေသည် ပဲခူးမြို့တွင် ၂၀၁၀ခုနှစ်၊ သြဂုတ်လ (၃၀)ရက်နေ့ နေ့လည် (၁၂း၃၀)နာရီ အချိန်မှစတင်၍ ပဲခူးမြစ်ရေ၏ စိုးရိမ်ရေအမှတ်ဖြစ်သည့် (၉၁၀)စင်တီမီတာကို ကျော်လွန်ရောက်ရှိနေပြီး ညနေ(၃း၀၀)နာရီ အချိန်ခန့်မှစတင်၍ ပဲခူးမြို့၊ ခေါင်းဆေးကျွန်းတွင် ရန်ကုန်-မန္တလေးအဝေးပြေးကားလမ်းမကြီးအား ရေအမြင့်(၁)ပေခန့် ကျော်လွန်နေပြီဖြစ်ကြောင်း သိရသည်။
မိုးလေဝသနှင့်ဇလဗေဒ ညွှန်ကြားမှုဦးစီးဌာန၏ သတင်းထုတ်ပြန်ချက်အရ သြဂုတ်လ (၃၀)ရက်နေ့ နေ့လည် (၁၂း၃၀)နာရီမှ စတင်၍ နောက်(၂၄)နာရီအတွင်း မြစ်၏စိုးရိမ်ရေအမှတ်အထက်တွင်  ဆက်လည်တည်ရှိနေမည်ဖြစ်ကြောင်း သိရသည်။ ဤကဲ့သို့ ရန်ကုန်-မန္တလေးအဝေးပြေးကားလမ်းမကြီးအား ရေအမြင့် (၁)ပေခန့် ကျော်လွန်နေသဖြင့် အဝေးပြေးကားကြီးများ၊ ကုန်တင်ကားကြီးများနှင့် ပဲခူးမြို့ခံများအနေဖြင့် ခက်ခဲစွာသွားလာနေရကြောင်း သိရသည်။

ရင်းမြစ်။ ။www/first-11.com

Monday, August 30, 2010

ဗိုလ်ချုပ်မှူးကြီးနှစ်ဦး ရာထူးမှ နုတ်မထွက်သေး



နအဖစစ်ခေါင်းဆောင် ဗိုလ်ချုပ်မှူးကြီးသန်းရွှေနှင့် ဒု-ဗိုလ်ချုပ်မှူးကြီး မောင်အေးတို့ စစ်ဘက်ဆိုင်ရာရာထူးမှ နုတ်ထွက်ကြောင်း သတင်းများ ထွက်ပေါ်နေခြင်းသည် ကောလာဟလသာဖြစ်ကြောင်း နေပြည်တော် ကာကွယ်ရေးဝန်ကြီးဌာနမှ ထိပ်တန်းအရာရှိတဦးက ခေတ်ပြိုင်သို့ ပြောကြားသည်။

ဒုတိယဗိုလ်ချုပ်ကြီး သူရမြင့်အောင်အား ပြည်ထဲရေးဝန်ကြီး၊ ဒုတိယဗိုလ်ချုပ်ကြီး ကိုကိုအား ကာကွယ်ရေးဝန်ကြီးအဖြစ် နောင်တက်မည့် အစိုးရသစ်အတွက် ကြိုတင်လျာထားခြင်းသာဖြစ်သည်ဟု ၎င်းက ပြောကြားသည်။

ပြီးခဲ့သည့် သြဂုတ် (၂၇) ရက်၌ တပ်မတော်အစိုးရအတွင်း တပ်မမှူးရာထူးအဆင့်မှစကာ စစ်ဗိုလ်ချုပ်များ နေရာအပြောင်းအလဲ ပြုလုပ်ခဲ့ကြခြင်းဖြစ်သည်ဟု သိရသည်။

“အပြောင်းအလဲလုပ်ခဲ့ကြတာများတယ်။ အတိအကျတော့ပြောလို့မရဘူး။ ဒါပေမယ့် သူရရွှေမန်းကတော့ အနားပေးတဲ့ အပြောင်းအလဲမှာပါတယ်။ ဗိုလ်ချုပ်ကြီး သီဟသူရ တင်အောင်မြင့်ဦးလည်း ပါတယ်” ဟု ၎င်းက ပြောသည်။

စစ်ဘက်ဆိုင်ရာရာထူးမှ အပြောင်းအလဲလုပ်လိုက်သူများအနက် ဒု-ဗိုလ်ချုပ်ကြီးအဆင့်ရှိသူ (၁၅) ဦးခန့် ပါဝင်ကြောင်း၊ ၎င်းတို့နေရာကို ဗိုလ်ချုပ်အဆင့် ရာထူးရှိသူများနှင့် အစားထိုးခဲ့ကြောင်း အဆိုပါအရာရှိဖြစ်သူက ပြောကြားသည်။

နအဖထိပ်သီးစစ်ခေါင်းဆောင် နှစ်ဦးဖြစ်သည့် ဗိုလ်ချုပ်မှူးကြီးသန်းရွှေနှင့် ဒု-ဗိုလ်ချုပ်မှူးကြီး မောင်အေးတို့အပါအ၀င် စစ်ခေါင်းဆောင်များ စစ်ဘက်ရာထူးများမှ နုတ်ထွက်ကာ အရပ်ဘက်သို့ ကူးပြောင်းလိုက်သည်ဆိုသည့် သတင်းများ ပြီးခဲ့သည့် သြဂုတ် (၂၇) ရက်တွင် ထွက်ပေါ်ခဲ့သည်။

ယင်းသတင်းထွက်ပေါ်ချက်နှင့်ပတ်သက်၍ နအဖစစ်အစိုးရက တရားဝင် ထုတ်ဖော်ပြောဆိုခြင်း မရှိသေးပေ။

ရန်ကုန်မှ လာသည့် ရိုက်တာသတင်းတပုဒ်တွင် ဗိုလ်ချုပ်မှူးကြီးသန်းရွှေ၊ ဒု-ဗိုလ်ချုပ်မှူးကြီးမောင်အေးနှင့် ဗိုလ်ချုပ်ရွှေမန်းတို့ စစ်ဘက်ရာထူးများမှ အနားယူသွားသည်ဟု စစ်ဘက်သတင်းရပ်ကွက်ကို ကိုးကား၍ ဖော်ပြခဲ့သည်။

အေအက်ဖ်ပီသတင်းတွင်မူ အမည်မဖော်လိုသူ စစ်ဘက်ဆိုင်ရာ အရာရှိတဦးကို ကိုးကားပြီး ဗိုလ်ချုပ်ရွှေမန်းအပါအ၀င် တပ်အရာရှိပေါင်း (၇၀) ကျော်တို့ တပ်တွင်းရာထူးအပြောင်းအလဲ လုပ်လိုက်ကြောင်း ရေးသားထားသည်။ သို့သော် အဆိုပါအရာရှိက ဗိုလ်ချုပ်မှူးကြီးသန်းရွှေနှင့် ဒု-ဗိုလ်ချုပ်မှူးကြီး မောင်အေးတို့ ရာထူးမှ နုတ်ထွက်သည့်သတင်းကို ငြင်းဆိုခဲ့ပြီး ဗိုလ်ချုပ်မှူးကြီးနှစ်ဦး မကြာမီ ရာထူးမှ အနားယူဖွယ်ရှိကြောင်းသာ ပြောကြားခဲ့သည်။

ယင်းသို့ သတင်းများထွက်ပေါ်ခဲ့မှုနှင့်ပတ်သက်၍ သြဂုတ် (၂၇) ရက်၌ စစ်ဘက်ရာထူးမှ နုတ်ထွက်သွားသူများသည် ယခုနှစ် နိုဝင်ဘာ ( ၇) ရက်နေ့တွင် ကျင်းပမည့်ရွေးကောက်ပွဲ၌ ၀င်ရောက်ယှဉ်ပြိုင်ကြမည်ဖြစ်ကြောင်း နေပြည်တော် ကာကွယ်ရေးဝန်ကြီးဌာန သတင်းရပ်ကွက်မှ သိရသည်။

ဗိုလ်ချုပ်မှူးကြီးသန်းရွှေက ရွေးကောက်ပွဲပြီးသည်ထိ အာဏာဆက်လက် ရယူထားနိုင်ကြောင်းလည်း နိုင်ငံရေးအကဲခပ်များက ဝေဖန်ပြောဆိုနေကြသည်။

ရင်းမြစ်။ ။ခေတ်ပြိုင်

တရုတ်စစ်သင်္ဘောများ မြန်မာပြည်သို့ အလည်အပတ်ရောက်

ဆင်ဟွာသတင်းဌာန
သြဂုတ် ၃၀၊ ၂၀၁၀  ယမန်နေ့က သီလ၀ါ ဆိပ်ကမ်းသို့ ဆိုက်ကပ်လာသော ဖျက်သင်္ဘော Guangzhou ပေါ်မှ အရာရှိများ၊ ရေတပ်သားများ တန်းစီနေပုံ။ (ဓာတ်ပုံများ - ဆင်ဟွာ)
တရုတ်ပြည်သူ့လွတ်မြောက်ရေး တပ်မတော် မှ Guanhzhou နှင့် Caohu  အမည်ရှိ စစ်သင်္ဘော ၂ စီးသည် ချစ်ကြည်ရေး ခရီးအဖြစ် ရန်ကုန်မြို့ သီလ၀ါ ဆိပ်ကမ်းသို့ တနင်္ဂနွေနေ့ နေ့ခင်းပိုင်းတွင် ရောက်လာသည်။
          မြန်မာဆိပ်ကမ်းတခုသို့ တရုတ် ရေတပ် သင်္ဘော ပထမဆုံးအကြိမ် ဆိုက်ကပ်ခြင်း ဖြစ်သည်။
          ၅ ရက်ကြာ ခရီးစဉ်သည် ၂ နိုင်ငံ တပ်မတော်အကြား ခင်မင်ရင်းနှီးမှုကို တိုးမြှင့်ရန်၊ ရေတပ် ၂ ခု ဆက်သွယ် ဆောင်ရွက်ရန် ရည်ရွယ်သည်။
          တရုတ်စစ်သင်္ဘောများ ကြိုဆိုပွဲသို့  တပ်မတော်ရေမှ ဗိုလ်မှူးဟန်စိန်၊ ရန်ကုန်အခြေစိုက် တရုတ်သံအမတ် နှင့် သံအရာရှိများ၊ တရုတ်ကုမဏီ ကိုယ်စားလှယ်များ၊ ဆရာ ဆရာမများ၊ ကျောင်းသားများ၊ ဒေသခံ တရုတ် လူမျိုးများ တက်ရောက်သည်။ ကြိုဆိုသူပေါင်း ၂၀၀ ၀န်းကျင် ရှိသည်။
           အခမ်းအနားအပြီးတွင် ဧည့်သည်များ စစ်သင်္ဘောများကို လေ့လာကြည့်ရှုနိုင်ရန် ဖွင့်ပေးသည်။
           ချစ်ကြည်ရေး ခရီးစဉ်အတွင်း တရုတ်ရေတပ် ကိုယ်စားလှယ် အဖွဲ့သည် မြန်မာနိုင်ငံ တပ်မတော်ရေနှင့် ဆွေးနွေးဖလှယ်ရေး အစီအစဉ်များ ရှိသည်။
          မြန်မာနိုင်ငံသည် အမှတ် ၅ တရုတ်ရေတပ် သင်္ဘောအုပ်စု၏ စတုတ္ထမြောက် ၀င်ရောက်ခဲ့သည့် နိုင်ငံ ဖြစ်သည်။ မြန်မာပြည်သို့ မရောက်မီ ခရီးစဉ်များမှာ အေဒင် ပင်လယ်ကွေ့၊ ဆိုမာလီ ကမ်းရိုးတန်း တို့ ဖြစ်သည်။
          သင်္ဘောအုပ်စုသည် အီဂျစ်၊ အီတလီ၊ ဂရိနိုင်ငံတို့ကိုလည်း သွားရောက်ခဲ့သည်။တရုတ်သံ






မြန်မာစစ်ခေါင်းဆောင် အပြောင်းအလဲ အင်ဒိုပုံစံဟောင်းဟု လေ့လာသူတွေ ဝေဖန်

မြန်မာ စစ်ဘက် ခေါင်းဆောင်ပိုင်းတွေကို အပြောင်းအလဲတွေ လုပ်ခဲ့တာနဲ့ နိုင်ငံရေး အခင်းအကျင်းတွေ ပြောင်းလဲမှု ရှိလာတာတွေဟာ နိုဝင်ဘာလ ၇ ရက် ရွေးကောက်ပွဲပြီးတဲ့နောက် စစ်ဘက်ဆိုင်ရာ အကြီးအကဲတွေ လက်ထဲမှာပဲ အာဏာဆက်ရှိနေအောင် ရည်ရွယ် လုပ်ဆောင်နေတာဖြစ်ကြောင်း မြန်မာ့အရေး လေ့လာစောင့်ကြည့်သူတွေက ပြောနေပါတယ်။ အဲဒီလို လုပ်နေတာဟာ ၁၉၆၀ ခုနှစ် ၀န်းကျင်တုန်းက အင်ဒိုနီးရှားနိုင်ငံမှာ သမ္မတဟောင်း ဆူဟာတို (Suharto) လုပ်ခဲ့တဲ့ လုပ်နည်းလုပ်ဟန်အတိုင်း လိုက်လုပ်နေတာလို့ ဝေဖန် သုံးသပ်သူတွေက ပြောပါတယ်။ ဒီအကြောင်းနဲ့ ပတ်သက်လို့ ဘန်ကောက်မြို့ကနေ ဗွီအိုအေ သတင်းထောက် ရွန်ကော်ဘင် (Ron Corben) သတင်းပေးပို့ထားတာကို မခွာညိုက တင်ပြပေးထားပါတယ်။

မကြာခင်ကပဲ ထိပ်တန်း စစ်ဘက်ဆိုင်ရာ အရာရှိကြီးတွေ ၇၀ ကျော်ပါတဲ့ တပ်တွင်း အပြောင်းအလဲတွေ လုပ်ခဲ့တာဟာ စစ်တပ်က အုပ်ချုပ်နေတဲ့ မြန်မာပြည်မှာ ဒီနှစ်အတွင်း ဒုတိယအကြိမ် အရေးပါတဲ့ ပြောင်းလဲမှု ဖြစ်ပါတယ်။

ဧပြီလ ၂၇ ရက်နေ့ကတော့ ၀န်ကြီးချုပ် ဗိုလ်ချုပ်ကြီး သိန်းစိန် အပါအ၀င် ထိပ်တန်း အရာရှိကြီးတွေ အတော်များများကို တပ်မတော်က အငြိမ်းစား ပေးလိုက်ပါတယ်။ ဒီလိုလုပ်လိုက်တာဟာ စစ်တပ် ကျောထောက်နောက်ခံ ပြုထားတဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ (USDP) ကနေပြီး လာမယ့် ရွေးကောက်ပွဲမှာ ၀င်ရောက်ယှဉ်ပြိုင် အရွေးခံဖို့ ဖြစ်တယ်လို့ ခန့်မှန်း ယူဆခဲ့ကြပါတယ်။

ဒီလို အပြောင်းအလဲ လုပ်နေတာတွေဟာ ရွေးကောက်ပွဲ ကျင်းပမယ့် နိုဝင်ဘာ ၇ ရက် မတိုင်ခင်မှာ စစ်တပ်ရဲ့ အာဏာကို ပိုပြီး ခိုင်မာတောင့်တင်းလာအောင် ဆောင်ရွက်နေတဲ့ မဟာဗျူဟာရဲ့ တစိတ်တဒေသ ဖြစ်တယ်လို့ New South Wales တက္ကသိုလ်က စစ်ဘက်ဆိုင်ရာ သုတေသီ ကားလ် ဆေယာက ပြောပါတယ်။

“ဒုတိယအကြိမ် တပ်တွင်းမှာ အရေးပါတဲ့ အပြောင်းအလဲ လုပ်လိုက်ပါတယ်။ ဒါက သူတို့အနေနဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ (USDP) ကို ၀င်ပြီး ရွေးကောက်ပွဲမှာ အရွေးခံကြဖို့ပဲ ဖြစ်မှာပါ။ အရပ်သား အဖွဲ့ဝင် အင်အား ၂၇ သန်းရှိတဲ့ ကြံ့ဖွံ့အသင်း၊ USDA နဲ့ နိုင်ငံရေး အသွင်ပြောင်း ဖွဲ့ထားတဲ့ ကြံ့ဖွံ့ပါတီ USDP တို့ ပူးပေါင်းလိုက်ကြပါတယ်။ သူတို့ဘက်က အဲဒီလို အခိုင်အမာ ပြင်ဆင် အကွက်ချထားပြီးတော့မှ ဒီလထဲမှာ တင်းကျပ်တဲ့ ချုပ်ကိုင်မှုတွေနဲ့ ရွေးကောက်ပွဲကို နိုဝင်ဘာလထဲမှာ ကျင်းပမယ်လို့ ကြေညာလိုက်ပါတယ်။ ဒီပုံစံအတိုင်း ဆိုရင်တော့ သူတို့ပဲ ရွေးကောက်ပွဲ အနိုင်ရမှာပါ။”

အခုဆို နိုင်ငံရေးပါတီပေါင်း ၄၀ ကျော် ရွေးကောက်ပွဲဝင်ဖို့ ရှိနေပါတယ်။ ဒါပေမဲ့ နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည် ဦးဆောင်တဲ့ အတိုက်အခံ အမျိုးသား ဒီမိုကရေစီ အဖွဲ့ချုပ် (NLD) ပါတီကတော့ ဒီရွေးကောက်ပွဲကို သပိတ်မှောက်ပြီး ၀င်ရောက်ယှဉ်ပြိုင်မှာ မဟုတ်ဘူးလို့ ကြေညာထားပါတယ်။

စစ်တပ်ခေါင်းဆောင် ဗိုလ်ချုပ်မှူးကြီး သန်းရွှေဟာ ရွေးကောက်ပွဲ ပြီးတဲ့အခါ သမ္မတရာထူးကို ယူထားလိမ့်မယ်လို့ မစ္စတာ ဆေယာက ယူဆပါတယ်။ ဒါ့အပြင် ၁၉၆၀ ခုနှစ် ၀န်းကျင်မှာ  အင်ဒိုနီးရှား သမ္မတဟောင်း ဆူဟာတိုက ပုံစံသစ်နဲ့ ပြောင်းလဲပြီး အုပ်ချုပ်ခဲ့သလိုမျိုး မြန်မာစစ်တပ်က လိုက်လုပ်နေတာ ဖြစ်တယ်လို့လည်း မစ္စတာဆေယာက ပြောပါတယ်။

အဲဒီတုန်းက သမ္မတ ဆူဟာတိုက အင်ဒိုနီးရှား အစိုးရ အုပ်ချုပ်မှု ယန္တရားမှာ စစ်တပ်ကို ဗဟိုပြု ဖွဲ့စည်းထားပြီး နိုင်ငံရေးနဲ့ လူမှုရေး အဖွဲ့တွေကို ထိန်းချုပ်ထားခဲ့တာပါ။ အဲဒီပုံစံသစ် အုပ်ချုပ်ရေးမှာ သူ့ရဲ့ ယှဉ်ပြိုင်ဘက်တွေကိုလည်း ဖိနှိပ် ချုပ်ချယ်တာတွေ ပါဝင်ပါတယ်။

အင်ဒိုနီးရှားမှာ အဲဒီ ပုံစံသစ် အုပ်ချုပ်ရေးကြောင့် ဆွေမျိုးကောင်းစားရေး၊ အဂတိလိုက်စားမှုနဲ့ ပူးပေါင်းလိမ်လည်မှုတွေ ရှိခဲ့ပါတယ်။ ဒီနောက် တဖြည်းဖြည်းနဲ့ ယိုယွင်းလာပြီး သမ္မတ ဆူဟာတိုအပေါ် ထောက်ခံမှုတွေ ကျဆင်းခဲ့ရတာလို့ အကဲဖြတ် လေ့လာသူတွေက သုံးသပ်ကြပါတယ်။

လူ့အခွင့်အရေး လှုပ်ရှားတဲ့ အဖွဲ့တွေနဲ့ နိုင်ငံတကာက နိုင်ငံပေါင်း များစွာကတော့ ဒီရွေးကောက်ပွဲက အတုအယောင် ရွေးကောက်ပွဲပါပဲ ဆိုပြီး ဒီရွေးကောက်ပွဲကို လက်မခံကြောင်း လူ့အခွင့်အရေး အဖွဲ့တခုဖြစ်တဲ့ Alternative ASEAN Network က ပြောခွင့်ရသူ အမျိုးသမီး ဒက်ဘီ စတော့ဟာ့တ် (Debbie Stothardt) က ပြောပါတယ်။ မဲထည့်ခိုင်းတာဟာ စစ်တပ်ကို ပြည်တွင်းမှာ တရားဝင်မှုရအောင် လုပ်တာသက်သက်ပဲ ဆိုပြီးတော့ မစ်စ် စတော့ဟာ့တ်က အခုလို ပြောပါတယ်။

“ဒီစစ်အစိုးရဟာ နိုင်ငံတကာရဲ့ တရားဝင်မှုကို ရှာနေတာ မဟုတ်ဘူး ဆိုတာက အရေးပါတဲ့ အချက်တခုပါ။ စစ်အစိုးရဟာ ကိုယ့်ပြည်တွင်းမှာပဲ ကိုယ် တရားဝင်ဖြစ်မယ့် အစိုးရ ဖွဲ့စည်းနိုင်အောင် လုပ်ထားတဲ့ ရွေးကောက်ပွဲဖြစ်တယ် ဆိုတာကို ထင်ထင်ရှားရှား ဖြစ်စေနိုင်တဲ့ အချက်အလက်တွေက ပိုပြီး ပေါ်လွင်လာနေတာပါ။ သူတို့စိတ်ထဲမှာ တွေးနေတာက ပေါ်ပေါက်လာမယ့် အစိုးရသစ်ကို ခေါင်းဆောင်ဖို့ စစ်ခေါင်းဆောင်တွေကို ပြည်သူတွေ ကိုယ်တိုင်က ရွေးကောက် တင်မြှောက်လိုက်တယ် ဆိုတာကို ပြချင်တာပါပဲ။”

မြန်မာစစ်အစိုးရဟာ တိုင်းပြည်ကို အစိတ်စိတ် အမြွှာမြွှာဖြစ်အောင် လုပ်မယ့် ခွဲထွက်ရေး ၀ါဒီတွေကို နိုင်ငံရေးအရ ထိန်းချုပ်ထားဖို့ လိုအပ်တယ်လို့ တချိန်လုံး ပြောနေခဲ့တာလည်း ဖြစ်ပါတယ်။ ဒါပေမဲ့ အမေရိကန်ပြည်ထောင်စု အပါအ၀င် နိုင်ငံပေါင်း များစွာက အစိုးရတွေကတော့ လူ့အခွင့်အရေး ချိုးဖောက်မှုတွေနဲ့ နိုင်ငံရေး ဖိနှိပ်မှုတွေကြောင့် မြန်မာပြည်ကို ပိတ်ဆို့ ဒဏ်ခတ်မှုတွေ လုပ်ခဲ့ကြပါတယ်။

ပြီးခဲ့တဲ့ ဆယ်စုနှစ်တွေအတွင်း မြန်မာစစ်အစိုးရ ကျူးလွန်ခဲ့တဲ့ စစ်ရာဇ၀တ်မှုတွေနဲ့ လူသားမျိုးနွယ်အပေါ် ကျူးလွန်တဲ့ ရာဇ၀တ် ပြစ်မှုတွေကို စုံစမ်းစစ်ဆေးဖို့ ဆိုတဲ့ အဆိုပြုချက်ကို အမေရိကန် ပြည်ထောင်စုက မကြာခင်ကပဲ ထောက်ခံခဲ့ပါတယ်။

ရင်းမြစ်။ ။voanews.com

Sunday, August 29, 2010

ဦးဝင်းတင်နဲ့ မေးခွန်းများ

တပ်မတော်ကိုယ်တိုင်က တိုင်းပြည်နဲ့ ထပ်တူ မတည်ငြိမ်တော့တဲ့ အခြေအနေဖြစ်လာတယ်



သြဂုတ်လ ၂၇ ညနေခင်း မှာ တပ်မတော်ထိပ်ပိုင်းခေါင်းဆောင်တွေ ပြောင်းလဲလိုက်တယ်။ စစ်ခေါင်းဆောင် ၃ ဦးဖြစ်တဲ့ သန်းရွှေ၊ မောင်အေးနဲ့ ရွှေမန်း တို့နဲ့အတူ ဒုတိယတန်း စစ်ခေါင်းဆောင်တွေ အပါအ၀င် အနားပေးလိုက်ပြီး အသက် ၆၀ အောက်တန်းက စစ်ခေါင်းဆောင်ငယ်တွေက နေရာဝင်ယူလိုက်ပါတယ်ဆိုပြီး သတင်းတွေ ထွက်ပေါ်လာပါတယ်။ အဲသည်အခြေအနေနဲ့ ပတ်သက်ပြီး အင်န်အယ်ဒီပါတီ ခေါင်းဆောင်၊ ဟံသာဝတီ ဦးဝင်းတင်ကို သဘောထားကို မေးမြန်းခဲ့ပါတယ်။

ဆရာကို မေးမြန်းတဲ့ အချိန်မှာ စနေနေ့ ၂၈ ရက် နေ့ခင်းအချိန်ဖြစ်တဲ့အတွက် ပြည်တွင်းမှာ အထက်ပါသတင်းနဲ့ ပတ်သက်ပြီး ပြောဆိုလှုပ်ရှားမှု သိပ်မရှိသေးပါဘူး။ ပြည်ပက သတင်းဌာနတွေကို ကိုးကားပြီးတော့သာ လူတွေ လက်တို့ပြောဆိုနေကြဆဲပဲ ဖြစ်ပါတယ်။

စစ်အစုိုးရရဲ့ ၂၈ ရက်နေ့ သတင်းစာတွေမှာလည်း အဆိုပါ ကြေညာချက်ကို တင်ဆက်ထားခြင်း မရှိပါဘူး။ အဲသည် ၂၈ မတုိုင်ခင် ၂၇ မနက်ခင်းသတင်းစာများမှာ သြဂုတ် ၃၀၊ လာမယ့် တနလာင်္နေ့ကို နောက်ဆုံးထားပြီး လွှ့တ်တော်ကိုယ်စားလှယ်အမည်စာရင်း တင်သွင်းဖို့ ရက်သတ်ထားလို့ ဒီစနေနဲ့ တနင်္ဂနွေတွေမှာ ရုံးတွေ၊ ဘဏ်တွေက အချိန်ပို ဖွင့်လှစ်ထားပေးမယ်လို့ ကြေညာထားတာပဲ ရှိပါတယ်။

အဲသည်တော့ စစ်အစုိုးရဟာ သောကြာနေ့ တရားဝင်ရုံးချိန် နောက်ဆုံးအထိကို ရွေးကောက်ပွဲဝင်မယ့် ကိုယ်စားလှယ်အမည်စာရင်း တင်သွင်းရေးကိုသာ အာရုံပြုထားတယ်။ လာမည့် ၃၀ သြဂုတ်ထက် ကျော်လွန်ပြီးတော့ ကိုယ်စားလှယ်အမည်စာရင်းတွေ သွင်းနိုင်ဖို့ ရက်ရွှေ့ဆိုင်းဖို့ ဆန္ဒမရှိဘူး ဆိုတာပဲ ထင်ရှားတဲ့ အခြေအနေပဲ ရှိနေပါတယ်။



ပထမအနေနဲ့ ဆရာက ပြောဆိုရာမှာ …

“အခု စစ်ခေါင်းဆောင်ကြီးတွေ ဖြစ်တဲ့ ဗိုလ်ချူပ်မှူးကြီး သန်းရွှေတို့ အဖွဲ့ဟာ သူတို့ချမှတ်ထားတဲ့၊ ဦးဆောင်နေတဲ့ လမ်းစဉ်အတုိုင်း နယ်စပ်က တိုင်းရင်းသားအဖွဲ့တွေနဲ့ ၂၀၁၀ ရွေးကောက်ပွဲကိစ္စ ၀င်ရေး မ၀င်ရေးကို ပြေလည်အောင် မရှင်းလင်းရသေးဘူး။ အောက်ခြေက စစ်သားတွေ၊ အရာရှိငယ်တွေရဲ့ လစာ၊ ဆုကြေး အကြပ်အတည်း အခက်အခဲတွေနဲ့ ပတ်သက်ပြီးလည်း ၂၀၁၀ ရွေးကောက်ပွဲမတိုင်ခင်မှာ ဖြေရှင်းပေးစရာတွေ မလုပ်ရသေးဘူး။ သူတို့ရဲ့ နိုင်ငံရေးပါတီ၊ တပ်မတော်ပါတီဖြစ်တဲ့ ကြံ့ခိုင်ဖွံဖြိုးရေးအဖွဲ့ အနေနဲ့ ကိုယ်စားလှယ်တွေ သတ်မှတ်ပြီး ရွေးကောက်ပွဲဝင်ဖို့ နောက်ဆုံးရက်မှာ စာရင်းတင်သွင်း ထုတ်ပြန်နိုင်ဖို့၊ စီမံစရာတွေလည်း ပြီးပြတ်အောင် မလုပ်ရသေးဘူး။ တပ်မတော်ရဲ့ စစ်ရေးအာဏာတွေနဲ့ တိုင်းပြည်ရဲ့ လွှတ်တော်ကနေ လုပ်ကိုင်မယ့် နိုင်ငံရေးအာဏာတွေကိုလည်း ရွေးကောက်ပွဲ ပြီးပြတ်သွားတဲ့ အချိန်အထိ အဆင့်အဆင့် ခွဲခြမ်းတာ၊ လွှဲပြောင်းတာတွေလည်း စောင့်ပြီး စိတ်တိုင်းကျ သြဇာသုံး လုပ်ကိုင်ဖို့တွေလည်း မလုပ်ရသေးဘူး …။ ဒီလိုမျိုး အခြေအနေမျိုးတွေမှာ ဒီစစ်ဗိုလ်ချုပ်ကြီးတွေ အနားယူလိုက်ရတယ်ဆိုတာ မျှော်လင့်မထားတဲ့ အချိန်အခါမျိုး ဖြစ်နေတယ်လို့ ပထမဦးဆုံး ပြောချင်ပါတယ်။ ဒီအချိန်က အေးအေးဆေးဆေးနေလို့ရတဲ့ အချိန်မဟုတ်ဘူး ”



သည်တော့ နောက်တက်လာတဲ့ စစ်ခေါင်းဆောင်အသစ်တွေအပေါ်မှာ တင်ရှိလာတဲ့ မပြီးပြတ်သေးတဲ့ ဖြေရှင်းရမယ့် အရေးအခင်းတွေကို သူတို့တတွေက ဘယ်လို ဆောင်ရွက်ကြမှာလဲ။

“ပထမဦး ရှင်းရမယ့်ကိစ္စက နယ်စပ်ကိစ္စတွေ ဖြစ်တယ်။ ရွေးကောက်ပွဲကာလ မတုိုင်ခင်မှာ - ရွေးကောက်ပွဲဝင်မယ့် တိုင်းရင်းသားပါတီတွေ၊ လက်နက်ကိုင်ထားမယ့် နယ်ခြားစောင့်တပ် ဖွဲ့စည်းတဲ့ ကိစ္စတွေ၊ ကရင်ပြည်နယ်၊ ၀ပြည်နယ်၊ တရုပ်ပြည်နယ်စပ်၊ မွန်တို့၊ စသည်ဖြင့်တွေ ရှိနေတယ်။ လာမည့် စက်တင်ဘာလလည်မှာတင်ကို နယ်ခြားစောင့်တပ်ကိစ္စက နောက်ဆုံးရက်အဖြစ် သတ်မှတ်ထားတယ်လုို့ ဆိုတယ်။ ဒါတွေက နိုင်ငံရေးအားဖြင့် ရှင်းရမှာလား၊ စစ်ရေးအားဖြင့် ရှင်းရမှာလား။ အဲဒီအလုပ်တွေ ရှိနေတယ်။ ဒါကို စောင့်ကြည့်ရတော့မယ်။

နောက်ပြီးတော့ မြန်မာပြည်တွင်းမှာရှိနေတဲ့ အောက်ခြေက လက်နက်ကိုင်ထားတဲ့ တပ်ဖွဲ့ တပ်ရင်းတွေမှာ လစာငွေတွေ၊ ဆုကြေးငွေတွေ စသည်ဖြင့် အကြပ်အတည်းတွေကို ဖြေရှင်းပေးရဖို့ ရှိတယ်။ အခုဟာက ဘယ်လိုပဲ သတင်းကို ပိတ်ဆို့ထားထား အားလုံးက သိရှိနေကြတယ်။ တပ်တွေက အချင်းချင်း အတွင်းမှာ သွားရောက်ပြီး ဖြေရှင်းနေကြတယ်။ ဖြေရှင်းဖို့ ကြိုးစားနေကြတယ်။ ဒါတွေကိုလည်း အခုကာလမှာ ဖြေရှင်းပေးရမှာ ဖြစ်တယ်။ အချိန်ဆွဲထားနေလို့ မရဘူး။

နိုင်ငံရေး ပြသနာတခုအနေနဲ့ ရှောင်လွှဲလို့ မရတဲ့ အရေးအခင်းကတော့ ရွေးကောက်ပွဲဝင်ကြရမယ့် ကိစ္စ။ လွှတ်တော်မှာ နေရယူကြရမယ့် ကိစ္စတွေ ဖြစ်တယ်။ သြဂုတ် ၃၀ နောက်ဆုံးထားပြီး တပ်မတော်ရဲ့ ပါတီ ဦးသိန်းစိန်က စလို့ ကိုယ်စားလှယ်စာရင်း အပြီး တင်သွင်းရတော့မယ်။ လက်ရှိ ရာထူးယူထားတဲ့ ၀န်ကြီးတွေ၊ ဒုဝန်ကြီးတွေကလည်း ရွေးကောက်ပွဲ ၀င်ပြိုင်ဖို့ ပြင်ဆင် လုပ်ကိုင်ကြရတော့မယ်။ ဒါတွေကို တပ်မတော်က ခေါင်းဆောင်သစ်တွေက ဘယ်လို စီစဉ်ပေးမှာလဲ။ အခု အနားယူတဲ့ ဗိုလ်ချုပ်ကြီးတွေကို သြဂုတ် ၃၀ အမီ ရွေးကောက်ပွဲ ၀င်နိုင်အောင် လုပ်ပေးကြဖို့ ရှိသလား။

သူတို့ကိုယ်တိုင်ကလည်း လွှတ်တော်ရဲ့ ၂၅ % မှာ ၀င်ရောက် နေရာယူကြရမှာ ဖြစ်လို့ တပ်မတော်က ဦးရေ ၁၁၁ ဦးကို ရွေးချယ်ပေးရမယ်။ နောင်မှာ ပေါ်လာမယ့် အစိုးရအဖွဲ့တွေ ဘာတွေမှာလည်း ၀င်ပြီး ပတ်သက်ဖို့ ဘယ်လို လာမှာလဲ။ တပ်မတော်က အနားယူသွားတဲ့ ခေါင်းဆောင်ကြီးတွေကို ဘယ်လိုမျိုး သဘောထားမှာလဲ။ ဒါတွေကိုလည်း အခုကတည်းက ဆက်ပြီး လုပ်ကြရတော့မယ်။

အဲသည်လိုမျုိး အခု တက်လာတဲ့ စစ်ခေါင်းဆောင်သစ်တွေက ရှေ့က စစ်ဗိုလ်ချုပ်ကြီးတွေ ချမှတ်သွားတဲ့ မပြီးပြတ်သေးတဲ့ ကိစ္စတွေကို ကိုင်တွယ်ဖြေရှင်းကြဖို့ အရေးကြီးတဲ့ အချိန်အခါနေရာမှာ ရောက်ရှိနေတယ်လို့ ပြောချင်ပါတယ်။”



အဲသည်လို အခြေအနေဟာ အပေါ်ပိုင်း စစ်ခေါင်းဆောင်တွေရဲ့ အတွင်းရေး အရေးအခင်းသက်သက်ပဲလား။ သာမန်ပြည်သူတွေနဲ့ တိုင်းပြည်တခုလုံးနဲ့ကော သက်ဆိုင်တယ်လို့ ဆိုနိုင်မလား။

အခုအချိန်မှာ ရှေ့က ချမှတ်ပေးထားတဲ့ စစ်ခေါင်းဆောင်ဟောင်းကြီးတွေရဲ့ လမ်းညွှန်ချက်တွေ၊ မူဝါဒတွေကို အကောင်အထည် ဆက်လက် ဖော်ဆောင်ကြတယ်ပဲ ဖြစ်ဖြစ်၊ အခုနေရာယူလာတဲ့ စစ်ခေါင်းဆောင်တွေရဲ့ ကိုယ်ပိုင်ဆုံးဖြတ်ချက်တွေနဲ့ သီးခြား လမ်းစဉ်တွေ သဘောထားတွေ ချမှတ်ပြီး လုပ်ကိုင်ကြတယ်ပဲ ဖြစ်ဖြစ် … တိုင်းပြည်ရဲ့ လက်ရှိအခြေအနေဟာ နဂိုကတည်းက ၂၀၁၀ ရွေးကောက်ပွဲနဲ့ နိုင်ငံရေးအကြပ်အတည်းကို ရင်ဆိုင်နေရတဲ့ အခြေအနေဖြစ်ပါတယ်။ နယ်စပ်ဒေသမှာ လက်နက်ကိုင် တုိုင်းရင်းသားတွေနဲ့ အဖြေရှာရတော့မယ့် အခြေအနေလည်း ဖြစ်နေတယ်။

လက်ရှိမှာ တိုင်းပြည်ရဲ့အခြေအနေတွေ အားလုံးက မရေရာ၊ မသေချာတဲ့ အခြေအနေဖြစ်နေတယ်။ ဒါက တုိုင်းပြည်ရဲ့ မတည်ငြိမ်မှုက တောက်လျောက် ဖြစ်နေခဲ့တာပဲ။ သို့သော် တပ်မတော်ခေါင်းဆောင်တွေကိုယ်တိုင်က အခုလို လွှဲပြောင်းမှုတွေကို ဗြုံးစားကြီး လုပ်လိုက်တဲ့ အခါကျတော့ တိုင်းပြည်တင်သာမကဘူး၊ တပ်မတော်ကိုယ်တိုင်ကလည်း မတည်ငြိမ်တော့တဲ့ အခြေအနေဖြစ်နေတယ်ဆိုတာ ထင်ရှားသွားတယ်။ ဒါကို ပြနေတယ် လို့ ဆိုချင်တယ်။

ဒါကြောင့် အခုဖြစ်ရပ်ဟာ စစ်ခေါင်းဆောင်တွေအချင်းချင်း အပေါ်ပိုင်းမှာ သီးသန့်ဖြစ်ပျက်ကြတဲ့ အတွင်းရေး အရေးအခင်းသက်သက်လို့ မဆိုနိုင်ပါဘူး။ တိုင်းပြည်ရဲ့ နိုင်ငံရေးအခြေအနေ မတည်ငြိမ်ဘူး၊ တပ်မတော်ကိုယ်တိုင်ကလည်း မတည်ငြိမ်တော့ဘူး ဖြစ်လာတယ်။

နယ်စပ်ဒေသမှာ နယ်ခြားစောင့်တပ်ပြသနာတွေ၊ တိုင်းရင်းသားပါတီအဖြစ် ရွေးကောက်ပွဲဝင်ရောက်မယ့် အရေးကိစ္စတွေကို ဖြေရှင်းတဲ့နေရာမှာ စစ်ရေးအရ ဖြေရှင်းမယ် ဆိုရင် ပြည်တွင်းစစ်တွေ ဖြစ်လာမယ်။ တပ်မတော်အတွင်းမှာလည်း အောက်ခြေက လက်နက်ကိုင်တပ်တွေရဲ့ စားဝတ်နေရေး အကြပ်အတည်းတွေ၊ လစာ၊ ဆုငွေကိစ္စတွေကို အင်အားသုံးပြီး ပစ်ခတ်နှိမ်နှင်းပြီး ဖြေရှင်းရင်လည်း ပြည်တွင်းမှာ အကြမ်းဖက်မှုတွေ အရေးအခင်းတွေ ဖြစ်လာမယ်။ ဒါဆိုရင် မတည်ငြိမ်မှုတွေ တတိုင်းပြည်လုံးမှာ ဖြစ်ပွားတော့မှာ ဖြစ်တယ်လို့ မြင်တယ်။

ရွေးကောက်ပွဲပြီးမှ ဖြေရှင်းမယ်လို့ အချိန်ဆွဲနေလို့ ရတာ မဟုတ်ဘူး။”



လက်ရှိ ရွေးကောက်ပွဲ ကာလနဲ့ လွှတ်တော်ထဲ ၀င်ရောက်တဲ့အချိန်အထိ တပ်မတော် စစ်ခေါင်းဆောင်တွေ၊ ၂၅ % အဖြစ်ပါဝင်လာမယ့် တပ်မတော်ကိုယ်စားလှယ်တွေ၊ အနားယူသွားတဲ့ စစ်ခေါင်းဆောင်ကြီးတွေ နဲ့ တပ်မတော်ရဲ့ နိုင်ငံရေးပါတီ ကြံ့ဖွံ့ပါတီရဲ့ အခမ်းကဏ္ဍတွေက ဘယ်လို ဖြစ်လာနိုင်သလဲ။ တိုင်းပြည် ကောင်းဖို့၊ သာယာဝပြောဖို့ဖက်ကို မျှော်လင့်နိုင်ပါသလား။

အခုတက်လာတဲ့ စစ်ခေါင်းဆောင်တွေလက်ထဲမှာက ၂၀၁၀ ရွေးကောက်ပွဲကို ဘယ်နည်းနဲ့ ဖြစ်ဖြစ် ပြီးအောင်လုပ်ကြရဖို့ တာဝန်ရှိနေတယ်။ ရွေးကောက်ပွဲကို တပ်မတော်ရဲ့ ပါတီဖြစ်တဲ့ စစ်ဗိုလ်ချုပ်ကြီးတွေ၊ ၀န်ကြီးတွေနဲ့ ဖွဲ့စည်းထားတဲ့ ကြံ့ဖွံ့ပါတီအနေနဲ့ နေရာအသီးသီး ရယူနိုင်ဖို့ လုပ်နေကြတယ်။ အဲသည်ထဲမှာ အနားယူသွားတဲ့ စစ်ခေါင်းဆောင်ကြီးတွေလည်း ပါချင် ပါနိုင်သေးတာပေါ့ကွာ။ သြဂုတ် ၃၀ ရက်နေ့မှ မရောက်သေးဘဲ။ ရွေးကောက်ပွဲပြီးသွားလို့ လွှတ်တော် ဖြစ်လာရင် စစ်ခေါင်းဆောင်ကြီးတွေကို အနားယူနေတဲ့ဆီကနေ ဆွဲပြီးတော့ တင်ချင်လည်း တင်လို့ ရနိုင်သေးတယ်။ တပ်မတော်ရဲ့ ၂၅ % သော ကိုယ်စားလှယ်တွေကလည်း လွှတ်တော်ထဲမှာ အဆင်သင့် နေရာယူလာမှာတွေလည်း ရှိလာမှာ ဖြစ်တယ်။ အဲသည်လိုမျိုး အကြမ်းအားဖြင့် တွက်ချက်ကြည့်လို့ရတဲ့ အခမ်းကဏ္ဍတွေ ဖြစ်ပါတယ်။

ဒါပေမယ့် ဒါတွေအားလုံးက ပြောသလိုလည်း ဖြစ်လာနိုင်လို၊ အခုလိုမျိုး စစ်ခေါင်းဆောင် အပြောင်းအလဲတွေ နောက် တခုပြီး တခု ပေါ်လာနိုင်တဲ့ အတွက် တိုင်းပြည်ရဲ့ ငြိမ်းချမ်းရေးနဲ့ ဒီမိုကရေစီရေးအတွက် အကောင်းဖက်ကို ဦးတည်နိုင်ဖို့ မမျှော်လင့်နိုင်ပါဘူး။ မသေချာ၊ မရေရာမှုတွေနဲ့ ဆက်လက် ကြုံတွေ့နေရတယ် လို့ ပြောချင်တယ်။

ကုလားအုပ်ရဲ့ ကျောကုန်းပေါ်ကို ကောက်ရိုးတွေ တမျှင်ချင်း တင်ရင်း တင်ရင်းနဲ့ တဖြေးဖြေး ၀န်က များများလာရင်၊ နောက်ဆုံး ခံနိုင်ရည်အမှတ်ကို ကျော်သွားရင် ကုလားအုပ်က ခါးကျိုးသွားတာမျိုး ဖြစ်သလို၊ တိုင်းပြည်ရဲ့ အခြေအနေကလည်း အဲလိုမျိုး ယိုင်လဲသွားနိုင်တဲ့ အခြေအနေ ဖြစ်နေတယ်လို့ ပြောချင်ပါတယ်။

ရင်းမြစ်။ ။မိုးမခ

Saturday, August 28, 2010

ပိုပိုဆိုးလာသော မြန်မာပြည် အင်တာနက်ဝန်ဆောင်မှုများ ( ရတနာပုံတယ်လီပို့စ်မှ အင်တာနက်လိုင်းများ ပြတ်တောက်အုံးမည်ဟု ကြေငြာပြန်)

ရတနာပုံတယ်လီပိုစ်မှ အင်တာနက်လိုင်းပြင်ရန်ဟူသော အကြောင်းပြချက်ဖြင့် မကြာခဏ အင်တာနက်လိုင်းများ ပြတ်တောက်လျှက်ရှိပါသည်။  ပြန်ပြင်သည်ဆိုသော်လည်း အင်တာနက်သုံးရသည်မှာ လိပ်သာသာ speed နှင့်သာဖြစ်နေသည်ဟု မြန်မာပြည်မှ အင်တာနက်အသုံးပြုသူများထံမှ သိရသည်။ ထိုသို့ ပြတ်တောက်ခါနီးအချိန်များ တွင် နိုင်ငံရေး ဘလော့ များသို့ ကျော်စရာမလိုပဲ ကြည့်လို့ ရတတ်ကြောင်းလည်းသိရသည်။

Friday, August 27, 2010

ဒီမိုကရေစီ သင်ခန်းစာများ

Lessons in Democracy Burmese                                                                      

ပထမဆုံး နိုင်ငံအဆင့် ၀က်ဘ်ပေါ်တယ် စစ်အစိုးရ တည်ဆောက်

စစ်အစိုးရ၏ ပထမဆုံး နိုင်ငံအဆင့် ၀က်ဘ်ပေါ်တယ် (Web Portal) ကို ရွေးကောက်ပွဲ မတိုင်မီ ၂ လ အလို စက်တင်ဘာ လထဲတွင် အများပြည်သူများ သုံးစွဲနိုင်ရန် စတင်ဖွင့်လှစ် သွားမည်ဟု ရတနာပုံ တယ်လီပို့ (YTP) နှင့် နီးစပ်သော အသိုင်းအ၀န်းက ပြောသည်။

Yatanarpon-Homepage“ရတနာပုံ သတင်း” ဟု အမည် ပေးထားသော ၀က်ဘ် ပေါ်တယ်၏ လိပ်စာမှာ www.yatanapon.com.mm ဖြစ်ပြီး ယခုအခါ တည်ဆောက်ပြီး၍ စမ်းသပ်ကာလ အဖြစ် သတ်မှတ်ထား သောကြောင့် အများပြည်သူများ ၀င်ရောက် ကြည့်ရှု၍ မရသေးကြောင်း သိရသည်။

အဆိုပါ ၀က်ဘ် ပေါ်တယ်လ်တွင် သတင်းအချက် အလက်များကို ရှာဖွေ၍ရသော Search Engine ပါဝင်ပြီး အသုံးပြုသူများ အနေဖြင့် သတင်း အချက်အလက် များကို ရတနာပုံ Data Base ဖြင့် လည်းကောင်း၊ တခြား အင်တာနက် Search Engine များတွင် လည်းကောင်း မြန်မာ၊ အင်္ဂလိပ် နှစ်ဘာသာဖြင့် ရှာဖွေနိုင်မည် ဖြစ်သည်။

စစ်အစိုးရသည် ရတနာပုံ ၀က်ဘ်ပေါ်တယ်ကို အခြေခံပြီး ပြည်တွင်း ပြည်ပမှ အင်တာနက်အသုံးပြုသူ မြန်မာများ ခေတ်မီ၍ ပြီးပြည့်စုံသည့် Online ၀န်ဆောင်မှုများ ပေးနိုင်ရန်၊ စီပွားရေးလုပ်ငန်းရှင်များ အတွက်လည်း Online မှ တဆင့် ထုတ်ကုန်များ ဈေးကွက်အတွင်းသို့ လျင်မြန်စွာ ပျံနှံ့ ရောက်ရှိစေရေးအတွက် ဆောင်ရွက်ပေးနိုင်ရန်နှင့် သတင်းကဏ္ဍ၊ ဖျော်ဖြေရေးကဏ္ဍ၊ ဗဟုသုတကဏ္ဍ၊ ဆက်သွယ်ရေးကဏ္ဍ စသည့် ကဏ္ဍပေါင်းစုံမှ အသိပညာ ဗဟုသုတများ၊ သတင်း အချက်အလက်များ စုစည်းရာ နိုင်ငံအဆင့် ၀က်ဘ်ပေါ်တယ် အဖြစ်တည်ထောင်သွားရန် ဟူ၍ ရည်ရွယ်ချက် ၃ ချက် ချမှတ် တည်ဆောက်ခြင်း ဖြစ်ကြောင်း ရတနာပုံ တယ်လီပို့မှ ဝန်ထမ်းတဦးက ပြောသည်။

“လောလောဆယ် အချက်အလက်တွေ ပံ့ပိုးပေးမယ့် ကမ္ဘာအရပ်ရပ်က တခြား Search Engine ၁၄ ခုလောက်က ရတနာပုံ တယ်လီပို့နဲ့ ပူးပေါင်းဆောင်ရွက်ဖို့ ကမ်းလှမ်းထားပါတယ်။ ဒါပေမယ့် အဲဒီလူတွေက ဘယ်သူတွေလဲ ဆိုတာတော့ ကျနော်တို့ ထုတ်ပြောခွင့်မရှိပါဘူး” ဟု ရတနာပုံ ၀က်ဘ်ပေါ်တယ် စီမံကိန်းတွင် ပါဝင်ဆောင်ရွက်နေသူ တဦးက ဆိုသည်။

ဧရာဝတီမှ နမူနာ လက်ခံရရှိခဲ့သော ရတနာပုံသတင်း ၀က်ဘ်ဆိုဒ်၏ အင်တာနက် စာမျက်နှာအရ အဓိကပါဝင်သော ကဏ္ဍများမှာ သတင်း၊ အားကစား၊ ဖျော်ဖြေရေး၊ နည်းပညာ၊ စီးပွားရေး၊ နေထိုင်လှုပ်ရှားမှုဘ၀ပုံစံ၊ နိုင်ငံရေး တို့ ပါဝင်ပါသည်။

ထို့အပြင် ရတနာပုံ သတင်း ၀က်ဘ်ပေါ်တယ်တွင် Yahooကဲ့သို့ အခမဲ့ အီးမေးလ်နှင့် မက်ဆင်ဂျာ ပါရှိပြီး ဘလော့ဂ်၊ ဖိုရမ် ကဲ့သို့သော လူမှုရေးကွန်ယက် ကဏ္ဍလည်း ထည့်သွင်းထားသည်။

အွန်လိုင်းမှ ဈေးဝယ်ခြင်း၊ ဘဏ်လုပ်ငန်းလုပ်ကိုင်ခြင်း စသည့် ၀န်ဆောင်မှုများလည်း ပေးသွားရန် စီစဉ်ထားကြောင်း ရတနာပုံ တယ်လီပို့ ၀န်ထမ်းက ဆိုသည်။

သို့ရာတွင် အီးမေးလ် လုံခြုံမှုနှင့်ပတ်သက်၍မူ ရတနာပုံဝက်ဘ်ပေါ်တယ် အနေနှင့် တာဝန်ယူမှု မရှိသေးကြောင်း ၎င်းက ဆက်ပြောသည်။

“အီးမေးလ်လုံခြုံမှုနဲ့ ပတ်သက်ပြီး တာဝန်ယူဖို့ အခုထိ ကျနော်တို့မှာ ၀န်ထမ်းခန့်ထားတာ မရှိသေးပါဘူး။ ရှိတဲ့ဝန်ထမ်းတွေကိုလည်း သင်တန်းပေးထားတာမျိုး မရှိသေးပါဘူး။ အခမဲ့ အီးမေးလ်ကိုလည်း ဘယ်လောက် ဂစ်ဂါ ဘိုက် ပေးမယ်ဆိုတာ စဉ်းစားတုန်းပါပဲ” ဟု သူက ဆိုသည်။

စစ်အစိုးရ ကြောထောက်နောက်ခံ ပေးထားသော ၀က်ဘ်ပေါ်တယ် အနေနှင့် GoogleYahooMSN စသည်တို့က ပေးထားသော အခမဲ့ အီးမေးလ်များ၊ ဘလော့ဂ်များနှင့် ဖိုရမ်များကဲ့သို့သော ပြည်ပ အင်တာနက် ၀န်ဆောင်မှုများကို ပြည်သူလူထုက အားကိုးနေခြင်းကို လျှော့ချပြီး အစိုးရ၏ အင်ထရာနက် ကွန်ယက်ထဲတွင်သာ သုံးစွဲကြရန် ဆွဲဆောင်သွားခြင်း ဖြစ်နိုင်သည်ဟု ပြည်ပအခြေစိုက် ၀က်ဘ်မာစတာ တဦးက ထောက်ပြဝေဖန်သည်။

အဆိုပါ ၀က်ဘ်မာစတာက “အစိုးရရဲ့ အထောက်အပံ့ရတော့ ဒီဝက်ဘ်ပေါ်တယ်က မြန်မာပြည်မှာ အကြီးဆုံးဖြစ်လာနိုင် စရာရှိပါတယ်။ ဒါပေမယ့် လူသိများတဲ့ www.planet.com.mm တို့လို ဆိုက်မျိုးကို ကျော်တက်နိုင်မလား ဆိုတာတော့ စောင့်ကြည့်ရမှာပေါ့” ဟု ဆိုသည်။

စစ်အစိုးရသည် တခြားသော ကမ္ဘာ့သတင်း ၀က်ဘ်ဆိုက်များကို ပြည်သူလူထု မကြည့်ရှုနိုင်စေရန် ပိတ်ပင်ထားစဉ် ရတနာပုံ သတင်း ၀က်ဘ်ဆိုက်ကို လွှင့်တင်မည် ဖြစ်သည်။ လေ့လာသူများက ရတနာပုံ သတင်း ၀က်ဘ်ပေါ်တယ်ကို ဖွင့်လှစ်ပြီး နောက်ပိုင်းတွင် ပိတ်ထားသော တခြားဝက်ဘ်ဆိုက်များကို ပြန်လည်ဖွင့်ပေးရန် ဖြစ်နိုင်ခြေ အလွန်နည်းသည်ဟု သုံးသပ်ကြသည်။

YTP ၀န်ထမ်းက “YTP အပေါ် ယုံကြည်မှု မလျော့နည်းရအောင် ကျနော်တို့ လူကြီးတွေကို တင်ပြနေပါတယ်။ ဒီ  ၀က်ဘ်ပေါ်တယ်ရဲ့ အဓိက ရည်ရွယ်ချက်က အဲဒါတွေ လျော့နည်းသွားအောင်လို့ပါ။ ဥပမာ အင်တာနက် မြန်နှုန်းကိစ္စလည်း ပါပါတယ်” ဟု ပြောသည်။

ကမ္ဘာ့သတင်းဌာနကြီးများဖြစ်သည့် အေပီ၊ အေအက်ဖ်ပီနှင့် အေဘီစီ စသည့် သတင်းဌာနများမှ နိုင်ငံတကာသတင်းများကို ရတနာပုံ သတင်းစာမျက်နှာပေါ်တွင် တင်ရေးအတွက် ကမ္ဘာ့သတင်းဌာနများနှင့် သဘောတူညီမှုယူရန် အစီအစဉ်ရှိ မရှိ မေးမြန်းကြည့်ရာ “နိုင်ငံတကာသတင်းတွေ တင်ဖို့ရှိပါတယ်။ ဒါပေမယ့် အဲဒီလို သဘောတူညီမှုမျိုးတော့ စစချင်းမှာ ရှိဦးမှာ မဟုတ်ဘူး” ဟု YTP ဝန်ထမ်းက ဖြေပါသည်။

ရတနာပုံ သတင်း ၀က်ဘ်ပေါ်တယ်အကြောင်းကို ရန်ကုန်မြို့ တပ်မတော်ပြခန်းတွင် သြဂုတ်လ ၂၀ ရက်မှ ၂၃ ရက်အထိ ကျင်းပသော “Lifestyle & Car Expo 2010” ပြပွဲတွင် အများပြည်သူကို စတင် မိတ်ဆက်ပေးခဲ့သည်။

အဆိုပါ နိုင်ငံအဆင့် ၀က်ဘ်ပေါ်တယ်ကို ယခုလောလောဆယ်တွင် မြန်မာ့ဆက်သွယ်ရေး ၀န်ကြီးဌာနက ထိန်းချုပ်ထားပြီး နောက်ပိုင်းတွင် ရတနာပုံ တယ်လီပို့ကို လွဲပြောင်းပေးမည်ဟုလည်း သိရသည်။

မြန်မာ့ဆက်သွယ်ရေးဝန်ကြီးဌာနသည် ရတနာပုံ ဆိုက်ဒ်ဘာ စီးတီးရှိ လုပ်ငန်းအားလုံး၏ ၄၀ ရာခိုင်နှုန်းကို ပိုင်ဆိုင်ပြီး ကျန် ၆၀ ရာခိုင်နှုန်းကို ပုဂ္ဂလိက ကုမ္ပဏီများက ပိုင်ဆိုင်သည်။

အဓိကရင်းနှီးမြုပ်နှံထားသော ပုဂ္ဂလိကကုမ္ပဏီများထဲတွင် ထိပ်သီး စီးပွားရေးသမား ဦတေဇပိုင် E-lite Tech လည်း ပါဝင်သည်။

ရတနာပုံ တယ်လီပို့သည် ပြည်တွင်းရှိ ကွန်ပျူတာနှင့် နည်းပညာ တက္ကသိုလ် ကောလိပ်များမှ ကျောင်းဆင်းလာသူများကို ၀န်ထမ်းအဖြစ် စုဆောင်းခဲ့ပြီး ၎င်းတို့သည် တယ်လီပို့ရှိ အဆောက်အအုံ ၇ လုံးတွင် အလုပ်လုပ်ကိုင်နေကြပါသည်။

ရတနာပုံတယ်လီပို့ကို စစ်အစိုးရက မလေးရှားနိုင်ငံမှ နည်းပညာကုမ္ပဏီတခု၏ အကူအညီဖြင့် တည်ဆောက်ခဲ့သည်ဟု သိရသည်။

ရင်းမြစ်။ ။ဧရာဝတီ

ဂျီမေးလ်မှ ဖုန်းခေါ်နိုင်ပြီ၊ အမေရိကန်၊ ကနေဒါ အခမဲ့ဖြစ်၊ မြန်မာနိုင်ငံသို့ တစ်မိနစ် ၃၅ ဆင့်ကျမည်


အင်တာနက် Search engine (ရှာဖွေရေး အင်ဂျင်) ကုမ္ပဏီများအနက် ကမ္ဘာ့အကြီးဆုံး ကုမ္ပဏီနှင့် လူသုံးအများဆုံး အခမဲ့ ဂျီမေးလ်ဝန်ဆောင်မှု ပေးသည့် ဂူးဂဲလ် Google သည်လည်း VOIP စီးပွားရေးနယ်ပယ် သို့ယနေ့မှ စတင်ဝင်ရောက်ပြီ ဖြစ်သည်။
          ဂူဂဲလ် ကုမ္ပဏီသည် ယမန်နေ့မှ စတင်စမ်းသပ်သုံးစွဲနေပြီး ယနေ့ တရားဝင်ဖွင့်လှစ် ကြေညာလိုက်သည့် ဂူးဂဲလ်၏ ၀န်ဆောင်မှု အသစ်တွင် မိမိ၏ ဂျီမေးလ် အကောင့်မှ နိုင်ငံအသီးသီးရှိ ကြိုးဖုန်း (landline phone)၊ မိုဘိုင်းဖုန်းများသို့ ခေါ်ဆိုနိုင်မည်ဖြစ်သည်။ ယခုစတင်လိုက်သည့် ၀န်ဆောင်မှု အသစ်ဖြင့် အမေရိကန်နှင့် ကနေဒါနိုင်ငံများသို့ အခမဲ့ခေါ်ဆိုနိုင်မည် ဖြစ်ပြီး အခြားနိုင်ငံ အသီးသီးသို့ ခေါ်ဆိုမှုနှုန်းထားများကိုမူ ဂူးဂဲလ်ဝက်ဆိုက်  https://www.google.com/voice/rates   တွင်ကြည့်ရှုနိုင်သည်။
 မြန်မာနိုင်ငံရှိ ဖုန်းများသို့ ခေါ်ဆိုပါက တစ်မိနစ် ၃၅ ဆင့်(ကျပ် ၃၅၀ ၀န်းကျင်) ကျသင့်မည်ဖြစ်သည်။ စင်္ကာပူသို့ခေါ်ဆိုလျင် ၂ဆင့်(၂၀ ကျပ်ဝန်းကျင်) သာကျသင့်မည်ဟု သိရသည်။
          ယခုဝန်ဆောင်မှုကို သုံးစွဲလိုပါက ရှေးဦးစွာ မိမိဂျီမေးလ် စဖွင့်သည့်အခါ  ၀န်ဆောင်မှု အသစ်ကို သုံးစွဲလိုခြင်းရှိမရှိ မေးမြန်းသည့် မေးခွန်းပေါ်လာမည်ဖြစ်သည်။ ထို မေးခွန်းမေးသည့် new! make phone call from Gmail အားကလစ်လုပ်ပြီးနောက် ဂျီမေးလ်၏  voice and video chat ဆော့ဝဲကိုအင်စတောလ် လုပ်ရမည် ဖြစ်သည်။ အင်စတောလ် လုပ်ပြီးနောက်တွင် အင်တာနက် ဘရောက်ဆာအား တကြိမ်ပိတ်ပြီး ပြန်ဖွင့်သည်မှ စတင်ကာ သုံးစွဲနိုင်ပြီဖြစ်သည်။
          ယခု ဂျီမေးလ် အင်တာနက်ဖုန်းမှ ရန်ကုန်ရှိဖုန်းသို့ ခေါ်ဆိုကြည့်သည့်အခါ +17607058888 အ၀င် နံပါတ်ဖြင့် ဖုန်းမြည်လာသည်ကို တွေ့ရသော်လည်း မိမိ၏ မေးလ်အကောင့်ထဲတွင် ငွေမဖြည့်ထားသည့် အတွက် ယခုလောလောဆယ် ပြောဆိုမရသေးဟု ရန်ကုန်မြို့မှ သုံးစွဲသူ တစ်ဦးကပြောသည်။
          အင်တာနက်ကွန်ရက်ကို အသုံးပြုပြီး ကြိုးဖုန်း၊ မိုဘိုင်းဖုန်းများဆီသို့ ခေါ်ဆိုသည့် နည်းပညာကို voice over internet protocol VOIP ဟုခေါ်ဆိုပြီး လွန်ခဲ့သည့် ဆယ်စုနှစ် တစ်စုအတွင်း တရှိန်ထိုးကြီးထွားလာရာ ယခုအခါ ရန်ကုန်မြို့တွင် စင်္ကာပူ အခြေစိုက် Pfingo အင်တာနက်ဖုန်းဖြင့် ကမ္ဘာ့နိုင်ငံအသီးသီးသို့ ခေါ်ဆိုသည့် ၀န်ဆောင်မှုကို အင်တာနက်ဆိုင် အများစုက ၀န်ဆောင်မှုပေးလျက်ရှိကြသည်။
နိုင်ငံအပေါ်မူတည်ပြီး အနည်းဆုံး တစ်မိနစ်ကို ကျပ် ၅၀မှ အများဆုံးကျပ် ၅၀၀ အထိပေးရသော်လည်း မြန်မာ့ဆက်သွယ်ရေး လုပ်ငန်းမှ ဖုန်းဖြင့် ပြည်ပသို့ခေါ်ဆိုလျင် တစ်မိနစ် အနည်းဆုံး ကျပ် ၉၀၀မှ အများဆုံးကျပ် ၄၅၀၀ အထိကျသင့်မည် ဖြစ်သည်။ VOIP စနစ်ဖုန်းခေါ်ဆိုသည့် ၀န်ဆောင်မှုများ ပေါ်လာပြီးနောက် ပြည်ပသို့ မြန်မာ့ဆက်သွယ်ရေး ဖုန်းဖြင့်ခေါ်ဆိုမှု မရှိသလောက် နည်းသွားသည်ဟု ရန်ကုန်မြို့ခံများက ပြောသည်။
Pfingo အင်တာနက် ဖုန်းစနစ်ကဒ်ဖြည့်သွင်းမှုကို ယခင်က စင်္ကာပူနိုင်ငံ သို့မဟုတ် အွန်လိုင်းမှ ငွေပေးချေနိုင်သော်လည်း ယခုအခါ ကြိုတင်ငွေပေးကဒ်များအား ရန်ကုန်မြို့ကွန်ပျူတာပစ္စည်း ရောင်းချသည့် ဆိုင်များတွင်လည်း ၀ယ်ယူရရှိနိုင်ပြီဖြစ်သည်။ စင်္ကာပူ ၁၂ ဒေါ်လာတန် Pfingo ကဒ်တစ်ကဒ်ကို ကျပ်ငွေ ၈၇၀၀ ဖြင့်ရောင်းချလျက်ရှိသည်ဟု သိရသည်။
လွန်ခဲ့သည့် ဆယ်စုနှစ် တစ်ခုအတွင်း အင်တာနက်သုံးစွဲမှု ပျံ့နှံ့လာခြင်းနှင့် အတူ VOIP စနစ် ပေါ်ပေါက်လာခြင်းကြောင့် ကမ္ဘာ့အနှံ့မှ တယ်လီဖုန်းဆက်သွယ်ရေး ကုမ္ပဏီကြီးများ၏ ၀င်ငွေသိသာစွာ လျော့ကျသွားခဲ့ရပြီး အဆိုပါကုမ္ပဏီကြီးများ ရေရှည်ရပ်တည်ရေးအတွက် နည်းလမ်းရှာကြံလျက်ရှိကြသည်။   
ဘန်ကောက်မြို့တွင် နေထိုင်သည့် ဗြိတိန်နိုင်ငံသား ကုမ္ပဏီဝန်ထမ်းတစ်ဦးက  မိသားစုရှိရာ အင်္ဂလန်သို့ ဖုန်းဆက်သွယ်ရန် ယခင် တစ်လလျင် ဒေါ်လာ ၁၀၀မှ ၁၅၀ ထိသုံးစွဲခဲ့ရသော်လည်း အင်တာနက်နှင့် VOIP ပေါ်ထွက်လာပြီးနောက်တွင် အင်တာနက် ဆက်သွယ်မှု အဖိုးအခမှ လွဲ၍ ဖုန်းဆက်သွယ်မှု အတွက် တပြားတချပ်မျှ သုံးစွဲစရာ မလိုတော့ဟုပြောဆိုသည်။ 

ရင်းမြစ်။ ။မိုးမခ

အရပ်သားလွှတ်တော်၊ ဘောင်းဘီဝတ် ဥပဒေနှင့် ဒီမိုကရေစီ ဗလုံးဗထွေးဆီသို့

       “အာဏာပိုင်တွေဟာ မိမိတို့သဘောမကျတဲ့ ရွေးကောက်ပွဲရလဒ်ဆိုရင် လျစ်လျူရှုလိုက်၊ လိုချင်တဲ့ရလဒ် ဖြစ်လာနိုးနိုး၊ ရွေးကောက်ပွဲအသစ်တွေ ကျင်းပလိုက်တဲ့ လုပ်နေမယ်ဆိုရင်တော့ တိုင်းပြည်ရဲ့အနာဂတ်နဲ့ ကစားရာရောက်ပါလိမ့်မယ်” ဒေါ်အောင်ဆန်းစုကြည် (၁၉၉၈ ခုနှစ်၊ မေလ ၂၈ ရက်)

(က)
သြဂုတ်လ ၁၃ ရက်နေ့က ၂ဝ၁ဝ ခုနှစ်၊ နိုဝင်ဘာ ၇ ရက်နေ့တွင် ရွေးကောက်ပွဲကျင်းပမည်ဟု ကြေညာချက်အမှတ် ၈၉/၂ဝ၁ဝ နှင့် ကြေညာချက်ကို စစ်အုပ်စုမှ ထုတ်ပြန်လိုက်ပြီဖြစ်သည်။ ဆိုင်းမဆင့် ဗုံမဆင့်ပင်။ ၈၅ ရက်ခွာကာ ကြေညာလိုက်သော ရွေးကောက်ပွဲသည် မည်မျှတရားမျှတမှုရှိမည်၊ မည်မျှလွတ်လပ်မှုရှိမည်ကို မည်သူမျှ ကံသေကံမ,မတွက်ချက်နိုင်သေး။

သို့သော်လည်း တရားမျှတမှု အရှိဆုံးနှင့် အကြမ်းဖက်မှု အကင်းဆုံးဟုဆိုခဲ့သည့် ၁၉၉ဝ ပြည့် ရွေးကောက်ပွဲရလဒ်အား ယခု ၂ဝ၁ဝ ရွေးကောက်ပွဲနှင့်ချေဖျက်ကာ စစ်တပ်ကြီးစိုးသောလွှတ်တော်ကို နိုင်ငံတကာအသိအမှတ်ပြုစေရန် စစ်အုပ်စုက ကြံဆောင်နေခြင်းဖြစ်သည်ကိုမူ ငြင်း၍မရချေ။

နှစ်,နှစ်ဆယ်ကျော်ကြာ ပြတ်လပ်နေခဲ့ရသည့် ရွေးကောက်ပွဲအား ပြည်သူတို့လိုလားတောင့် တသော်လည်း စစ်အုပ်စုကျင်းပမည့် ရွေးကောက်ပွဲအား အပြည့်အဝယုံကြည်၍မရနိုင်။ မြန်မာပြည်သူလူထုသည် တရားမျှတပြီး လွတ်လပ်သည့် ဒီမိုကရေစီအစိုးရကို လိုလားတောင့်တနေသည်မှာ အချိန်ကာလအားဖြင့် အတော်အတန် ကြာမြင့်ပြီ ဖြစ်သည်။

(ခ)
“ဒီမိုကရေစီဆိုသည်မှာ ပြည်သူလူထုအနေဖြင့် မိမိတို့ကိုအုပ်ချုပ်မည့်သူများကို ရွေးချယ်ပိုင်ခွင့် (သို့မဟုတ်) ငြင်းပယ်ပိုင်ခွင့်ဟူသည့် အခွင့်အလမ်းကို ရရှိစေခြင်းပင်ဖြစ်လေသည်” ဟူသည့် စကားတခွန်းရှိခဲ့သည်။ ဒီမိုကရေစီအတွက် ရွေးကောက်ပွဲသည် မရှိမဖြစ်။ သို့သော် တရားမျှတမှုနှင့် လွတ်လပ်မှုတို့ရှိရန်သည် အလွန်အရေးကြီးသည်။

နှစ်,နှစ်ဆယ်ကျော်ကျော် နိုင်ငံတော်၏ အုပ်ချုပ်ရေးယန္တရား အသွယ်သွယ်ကို ဘိုးဘွားပိုင်အမွေသဖွယ်  ဖက်တွယ်ထားသည့် စစ်အုပ်စုသည် ဖြစ်နိုင်လျှင် အာဏာအား မည်သူ့မျှ မပေးလို။ တိုင်းပြည်အား “အဖေသေ၊ သားနန်းရ” စနစ်မျိုးအတိုင်း အမျိုးတော် အဆွေတော်တို့ဖြင့် စဉ်ဆက်မပြတ် လက်ဝါးကြီးအုပ်ထားလိုသည်မှာ ဆိုဖွယ်ရာပင်မရှိ။

အလုပ်လက်မဲ့ထူပြောလှသော တိုင်းပြည်တွင် ပြည်သူသည် စစ်အုပ်စု၏ ရွေးကောက်ပွဲအား စိတ်ဝင်စားဟန် မပြ။ တက်လာသည့်အစိုးရများအနေဖြင့် သူတို့၏လွတ်လပ်မှု၊ အလုပ်အကိုင် အခွင့်အလမ်းများကို ဖန်တီး ပေးနိုင်ရန်သာ အရေးကြီးသည် ဟုဆိုသည်။ ထို့ကြောင့် မည်သည့်အစိုးရပင်ဖြစ်ဖြစ် သူတို့အတွက် အရေးမကြီး။ အရေးကြီးသည်မှာ နှစ်ပေါင်းနှစ်ဆယ်ကျော်ကြာ ဆုံးရှုံးနေရသည့် သူတို့အခွင့်အရေးများကို ဖန်တီးပေးနိုင်မည့် အစိုးရတရပ်ဖြစ်ဖို့သာ အရေးကြီးသည်။

အများအစုအတွက် အလုပ်အကိုင် အခွင့်အလမ်းနှင့် လွတ်လပ်မှုမရှိသော တိုင်းပြည်သည် အနှစ်၊ နှစ်ဆယ်ကျော်လုံးလုံး အာဏာရှင်တစု၏ ထင်သလို ခြယ်လှယ်မှု လက်အောက်တွင် စိစိညက်ညက် ကျေနေခဲ့ပြီမှာ ဆိုဖွယ်ရာပင်မရှိ။ အနှစ်,နှစ်ဆယ်ကျော်အတွင်း ပြည်သူလူထုကြီး၏ ကျန်းမာရေး၊ လူမှုရေး၊ စီးပွားရေး၊ ပညာရေးအတွက် ထိရောက်သည့် ဖွံ့ဖြိုးရေးလုပ်ဆောင်ချက်များကို တွန်းတွန်းတိုက်တိုက် လုပ်သည်ဟူ၍မတွေ့ရ။

ထိုနေရာများတွင်သုံးစွဲရမည့် စားရိတ်များအား စစ်တပ်အခိုင်အမာ တည်ဆောက်ရေးနှင့် စစ်လက်နက် ဝယ်ယူစုဆောင်းရေးဘက်တွင် အိတ်သွန်ဖာမှောက် အပြည့်အဝ အသုံးပြုခဲ့သည်။ ကိုယ်တိုင်ကိုယ်ကျ မလုပ်ဆောင်သော်လည်း  လုပ်ဆောင်နေသည့်သူများအား ဟန့်တား နှောင့်ယှက်ရန်အတွက်မူ စစ်အုပ်စုသည် ဝန်လေးခြင်းမရှိ။

ယခု စစ်အုပ်စု ကျင်းပပေးမည့်ရွေးကောက်ပွဲအား မည်သည့် “တရားမျှတမှုပေတံ”မျှနှင့်ပင် တိုင်းကြည့်ရန်မလို။ ထင်ထင်ရှင်းရှင်းပင် တွေ့နိုင်မြင်နိုင်သည်။ စစ်အုပ်စုပုံဖော်နေသည့် ၂ဝ၁ဝ ရွေးကောက်ပွဲတွင် ပြည်သူလူထု၏ လွတ်လပ်စွာဆုံးဖြတ်ပိုင်ခွင့် ပျက်ပြားဦးမည်ဆိုသည်မှာ၂ဝဝ၈ အခြေခံဥပဒေ ဆန္ဒခံယူပွဲနှင့်ပင်သိမြင်ပြီး ဖြစ်သည်။

(ဂ)

မြန်မာနိုင်ငံတွင် လူဦးရေ ၅၉  သန်းရှိသည့်အနက် ၂ဝ၁ဝ ရွေးကောက်ပွဲတွင် မဲပေးနိုင်သည့်သူမှာ သန်း ၃ဝ ခန့် ရှိသည်ဟူသော ထုတ်ပြန်ချက်တွင် စစ်အုပ်စု၏ ထောက်တိုင် ပါတီကြီးဖြစ်သည့် ကြံ့ခိုင်ရေးနှင့် ဖွံ့ဖြိုးရေးအသင်းမှ အမည်ပြောင်းထားသော ကြံဖွံ့ပါတီ၏ ဗဟိုကော်မတီ အတွင်းရေးမှူးဖြစ်သူ စက်မှု ၁ ဝန်ကြီးက ရွေးကောက်ပွဲတွင် မဲတဝက်ကျော်ဖြင့် ကြံ့ဖွံ့ပါတီ အပြတ်အသတ်နိုင်မည်ဟု ကြွေးကြော်ထား၏။

တဘက်မှလည်း သူလိုကိုယ်လို ပါတီတခုက ရွေးကောက်ပွဲအတွက် စည်းရုံးရေးဆင်းသည်ကို ဝိုင်းဝန်း၍ ရိုက်နှက်လိုက်ကြပြန်သည်။ ပါတီအလံ၊ တံဆိပ်၊ စာရွက်စာတမ်းများကို မီးရှို့ဖျက်ဆီးပစ်ပြန်သည်။ ရွေးကောက်ပွဲတခုအတွက် အပြိုင်အဆိုင်စည်ရုံးလှုပ်ရှားမှုများ ပြုလုပ်နေသည့် ပါတီအများသည်ပင် ကျောထောက်နောက်ခံ မတူညီသည့်အတွက် အခွင့်မတူ၊ အာဏာမတူ။

၂ဝဝ၃ ဒီပဲယင်းလုပ်ကြံမှုတွင် ပါဝင်ပတ်သက်ခဲ့ပြီး နာမည်ဆိုးဖြင့်ကျော်ကြားလာသည့် ကြံ့ဖွံ့၏နာယက အကြီးအကဲသည်လည်း စစ်တပ်ထိပ်သီး အကြီး၊အကဲပင်။ အသင်းမှ ပါတီဖြစ်လာပြီးနောက်ပိုင်းတွင်လည်း ဦးစီးဦးဆောင်တို့သည် “ဗိုလ်” မှ “ဦး” သို့ ပြောင်းလဲ နာမည်ခံထားသူများသာဖြစ်သည်။

ပို၍ဆိုးသည်မှာ ကြံ့ဖွံ့ပါတီ နိုင်ငံတော်စရိတ်ဖြင့် စည်းရုံးရေးဆင်းနေသည်ကို ကျန်ပါတီများက မနှစ်မြို့နိုင်။ လက်မခံနိုင်။ ဖြစ်လည်း မဖြစ်သင့်သည့် အဖြစ်ပင်။ ကြံဖွံ့ပါတီမှ လွတ်လပ်စွာ စည်းရုံးလှုပ်ရှားနေချိန်တွင် တခြားသောပါတီ သုံးဆယ်ကျော်၊ လေးဆယ်ခန့်တို့မှာ ငွေကြေးအခက်အခဲနှင့် အချိန်အကန့်အသတ် များကြားတွင် စစ်အုပ်စု၏ နှောင့်ယှက်မှုများကိုပါ ခံနေရသည်။

ကိုယ်စားလှယ်တဦးလျှင် ၅ သိန်းဟူသော ငွေပမာဏသည် တိုင်းပြည်တွင်း ရှာဖွေရသည်မှာ ထင်သလောက် မလွယ်ကူ။ ပါတီ၏ အာဘော်၊ အမြင်နှင့် လေ့လာစရာသတင်း အချက်အလက်တို့ကိုပင် ကိုယ်စားလှယ်လောင်း ရွေးချယ်ဆန္ဒအတည်ပြုပေးမည့် ပြည်သူထံသို့ လွတ်လပ်စွာထုတ် ဖော်ပြသခွင့်မရ။ အားလုံးအကန့် အသတ်များဖြင့်သာ။

အတိုက်အခံတို့၏လှုပ်ရှားမှုကို သည်းခံလေ့မရှိသည့်နိုင်ငံတွင် တပါတီအာဏာရှင်စနစ် ထွန်းကားနေသည်မှာ မဆန်း။ သို့သော် ပြည်သူအား မမေ့သင့်။ အစိုးရမှနေ၍ ပြည်သူဟူ၍ ပေါ်ပေါက်လာသည်မဟုတ်။ ပြည်သူထံမှသာ အစိုးရဖြစ်ထွန်းလာခြင်းဖြစ်သည်။ ထိုအရာ အား အာဏာရှင်တို့ မမေ့သင့်။

(ဃ)

စစ်အုပ်စုပုံဖော်နေသော ကန့်သတ်ချက်များလွန်းလှသည့် အခြေခံဥပဒေသည် သူတို့အတွက်မူ ကန့်သတ်ချက်မရှိ။ အတားအဆီးမရှိ။ ထို့ပြင် ရွေးကောက်ပွဲကော်မရှင်တွင်လည်း အာဏာမရှိ။ အထက်က ညွှန်ကြားချက်ကို စောင့်ဆိုင်းရင်းဖြင့်သာ အလုပ်,လုပ်နေရသည်။ မည်သည့်နိုင်ငံ၊ မည်သည့်ဒီမိုကရေစီ အစိုးရတရပ်တွင်မှ တွေ့ရ၊ ကြားရခြင်းမရှိသည့် လုပ်ရပ်ဖြစ်သည်။  အမှန်တကယ်တွင် စစ်အုပ်စုသည် ပြည်သူ့သာယာဝပြောရေးကို လျစ်လျူရှု့ကာ ဒီမိုကရေစီအရေကို ခြုံလွှမ်းရန် ကြိုးစားနေခြင်းသာဖြစ်သည်။

ရွေးကောက်ပွဲကျင်းပခြင်းအားဖြင့် နိုင်ငံတကာအသိအမှတ်ပြု မူတခုပြောင်းလဲလိုက်ခြင်း မျှသာဖြစ်ပြီး၊ လူကမူ ပြောင်းလဲခြင်းရှိမည်မဟုတ်သည်မှာ စစ်ဘက်မှအရပ်ဘက်သို့ ပြောင်းလဲလိုက်သည့် စစ်ဗိုလ်ချုပ်ကြီးများက သာဓကဖြစ်သည်။

အနှစ်,နှစ်ဆယ်ကျော် တရားမဝင်အစိုးရ၏ အုပ်ချုပ်မှုအောက်တွင် တိုင်းပြည်၏သံယံဇာတတို့ ကွယ်ပျောက်ကုန်သလို၊ တတ်သိပညာရှင်များလည်း ယိုစိမ့်ခဲ့ရသည်။ ပြည်တွင်းစစ်မီး တောက်လောင်မှု အောက်တွင် ပြည်သူအပေါင်းတို့ ဒုက္ခပေါင်းစုံကို ခါးစည်းခံခဲ့ရသလို အလုပ်အခွင့်အလမ်း ဖန်တီး မပေးနိုင်မှုတွင် လုပ်အားရင်းမြစ်များ ဆုံးရှုံးခဲ့ရသည်။ နိုင်ငံရေးအကျဉ်းသားများပြဿနာ၊ တိုင်းရင်းသား ပြဿနာ၊ မူးယစ်ဆေးဝါးပြဿနာ၊ လူကုန်ကူးမှုပြဿနာတို့ဖြင့် စစ်အုပ်စု အုပ်စိုးသည့်တိုင်းပြည်သည် ပြဿနာတို့ဖြင့်သာ ပိုမိုကျဉ်းထဲကျပ်ထဲ ရောက်ခဲ့ရသည်။

စစ်အုပ်သည် ထိုအရာများကို မသိမဟုတ်။ သိပါသည်။ မသိကျိုးနွံကျွန် ပြုနေခြင်းသာဖြစ်သည်။ “ဘယ်သူ သေသေ၊ ငတေမာရင်ပြီးရော” ဟူသော စိတ်ဓာတ်ဖြင့် စစ်အုပ်စုသည် ကမ္ဘာမီးလောင် သားကောင်ချနင်းကာ နိုင်ငံတကာအလယ် မျက်နှာပြောင်တိုက်ဝံ့ခဲ့သည်။

နိုင်ငံသားတိုင်းနှင့် ဆက်စပ်နေသည့် နိုင်ငံ့အရေးသည် ပြည်သူတို့၏ နေ့စဉ်ဘဝများနှင့် တနည်းတဖုံ ဆက်စပ်လျှက်ရှိသည်။ ပြည်သူ့အရေးကို ပြည်သူသာလျှင် ဆုံးဖြတ်ပိုင်ခွင့်၊ ဆုံးဖြတ်နိုင်ခွင့် ရှိရမည် ဖြစ်သည်။ ထိုသည်များကို စစ်အုပ်စုက ဆက်လက်လျစ်လျူရှုနေဦးမည်ဆိုလျှင်၊ စစ်ဗိုလ် တမတ်သားပါ အရပ်သား လွှတ်တော်အတွက် ဘောင်ဘီးဝတ်ရင်း ရေးဆွဲထားသည့်ဥပဒေသည် ပြည်သူလူထုအား ဒီမိုကရေစီကို ဗလုံးဗထွေး ရေရွတ်ပြမည်မှာ မလွဲဧကန်ပင်ဖြစ်သည်။



ရင်းမြစ်။ ။ mazzimaburmese.com

Thursday, August 26, 2010

အရှက်အကြောက်လေး ရှိကြစမ်းပါ နအဖ တို့ရဲ့


မြန်မာလူမျိုးများဟာ “အရှက်နဲ့ လူလုပ်တာ၊ အသက်နဲ့လူလုပ်တာ မဟုတ်ဘူး” လို့ ဆိုရိုးစကား ရှိပါတယ်။ ဒါပေမယ့် နအဖ ဗိုလ်ချုပ်တွေနဲ့ နောက်လိုက်တွေဟာ “အရှက်နဲ့လူလုပ်တာလဲမဟုတ်၊ အသက်နဲ့ လူလုပ်တာလဲ မဟုတ်၊ လက်နက်၊ အာဏာ၊ အသပြာနဲ့ လူလုပ်နေကြတာ ဖြစ်တယ်။
အရှက်အကြောက်မရှိသူတွေထဲမှာ နအဖ ထိပ်ဆုံးပိုင်း တပ်ချုပ်ကြီးကနေ အောက်ဆုံး ကြံ့ဖွတ် စွမ်းအားရှင်အထိ ဖြစ်တယ်။
နအဖ စည်းထဲ ရောက်လာသူတွေ အားလုံး နီးနီးဟာ ဘယ်သူ ကဘယ်လောက် ကဲ့ရဲ့ ကဲ့ရဲ့ နာရမှန်း၊ ရှက်ရမှန်း၊ ကြောက်ရမှန်း မသိကြ၊ သူတို့သိတာက ”အာဏာတည်မြဲဖို့၊ ချမ်းသာကြွယ်ဝဖို့” သာ ဖြစ်တယ်။ အာဏာတည်မြဲဖို့၊ ချမ်းသာဖို့ဆို လူသတ်ရ သတ်ရ၊ အကုန်လုပ်တယ်။ ဖြတ်စား လာဘ်စား၊ ခိုးစားတာ လောက် ကတော့ အသေးအဖွဲပဲ။ ဒါ့ကြောင့် နအဖကောင်စီဝင် ဗိုလ်ချုပ်ကြီးတွေဆို ရာထူးကြီးငယ်အလိုက် နိုင်ငံတော်ရဲ့ သယံဇာတနဲ့ ဘဏ္ဍာတော်တွေကို ပြည်သူတွေ မသိအောင် နည်းမျိုးစုံနဲ့ သိုဝှက် ကဲ့ထုတ်ပြီး နိုင်ငံခြားဘဏ်တွေမှာ လှို့ဝှက်အပ်နှံထားကြတယ်။ အဲလိုလုပ်ဖို့ ပြည်သူတွေ သိမှာမကြောက်၊ သိလဲမရှက်၊ နောင်ဘ၀မှာ ငရဲရောက်မှာလဲ မကြောက်ကြပါ။
နအဖ အာဏာရှင်ကြီးတွေဟာ တိုင်းပြည်ကို မင်းကျင့်တရာ ၁၀ ပါးနဲ့အညီ မအုပ်ချုပ်၊ ပြည်သူတွေအပေါ် ဥပဒေ မဲ့ အနိုင်ကျင့်၊ လူ့အခွင့်အရေးတွေကို နည်းမျိုးစုံနဲ့ ချိုးဖောက်တာကို ရပ်တန့်ဖို့ ဒီမိုကရေစီ လေးစားတဲ့ အနောက်အုပ်စုဝင် နိုင်ငံတွေက တောင်းဆိုလို့ မရတော့တဲ့အဆုံး သူတို့နိုင်ငံတွေရှိ ဘဏ်တွေမှာ လှိုဝှက် အပ်နှံထားတဲ့ နအဖစစ်အုပပ်စုနဲ့ အပေါင်းအပါတို့ရဲ့ ငွေနဲ့ အခြားပိုင်ဆိုင်မှုတွေကို ထုတ်သွင်း လွှဲပြောင်း မရအောင် ပိတ်ဆို့ကြောင်း ကြေညာခဲ့ကြတယ်။
အံသြစရာကောင်းတာက နအဖစည်းထဲ ရောက်လာတာနဲ့ အရှက်အကြောက်တွေပျောက်ပြီး အကျင့်စာရိတ္တ၊ ဂုဏ်သိက္ခာတွေပါ ခန်းခြောက်ကုန်တော့တာပဲ။ “အာဏာနဲ့ အသပြာဟာ လူတွေရဲ့ အကျင့်စာရိတ္တ၊ဂုဏ်သိက္ခတို့ကို ပျက်စီးစေတယ်” ဆိုတဲ့ နိယာမဟာ တကယ် မှန်နေတာ တွေ့ရပါတယ်။
နအဖအာဏာပိုင်ကြီးငယ်တွေဟာ အာဏာရပြီဆိုတာနဲ့ မိမိတို့ ရာထူး၊ ဂုဏ်ထူး၊ အကျင့်သိက္ခာတွေကို မစောင့်ထိန်းကြတော့ပဲ လောဘနောက် ကောက်ကောက်ပါကြတော့တာပဲ။
နိုင်ငံခြား ဘဏ်တွေမှာ လှို့ ဝှက်အပ်နှံကြသူတွေကို ကြည့်ရင် နှစ်မျိုး နှစ်စား တွေ့ရပါတယ်။ ပထမ အမျိုးအစားက ကုန်သည်ပွဲစားလုပ်ငန်းရှင်ကြီးများနဲ့ ၀န်ထမ်းအချင်းချင်း (ရာထူးတိုးရေး )ဆီက ဖြတ်စား၊ လာဘ်စားပြီး အပ်နှံကြတဲ့ ဌာနဆိုင်ရာ အရာရှိကြီးတွေပါတဲ့ လူတန်းစား၊ ဒုတိယအမျိုးအစားက ပထမလူတန်းစားတွေ ရပြီးသားထဲက ပူဇော် ပသတဲ့ငွေ၊ ဝေစုရတဲ့ငွေနဲ့ နိုင်ငံတော်ပိုင် သယံဇာတနဲ့ ဘဏ္ဍာတွေကို ကိုယ်ပိုင်ပစ္စည်းသဖွယ် ယူပြီး နိုင်ငံခြားဘဏ်တွေမှာ ခွဲပြီး အပ်နှံတဲ့ နအဖကောင်စီဝင် ဗိုလ်ချုပ်ကြီးတွေ၊ ၀န်ကြီးတွေ၊ တိုင်းမှူးတွေ၊ ဌာနမှူးကြီးတွေ ပါတဲ့ နိုင်ငံတော်အဆင့် သူခိုးကြီးတွေ ဖြစ်တယ်။ ရာထူးကြီးလေ များများ ခိုးလေပါပဲ။ အများအားဖြင့် မိသားစုလိုက် အပ်နှံကြတယ်။ အဲဒီအထဲမှာ ဗိုလ်ချုပ်မှူးကြီး သန်းရွှေနဲ့ မိသားစုဝင်ဦးရေဟာ အများဆုံး တွေ့ရတယ်။ အပ်နှံငွေ အရေအတွက်ဟာလည်း အများဆုံးဖြစ်နိုင်ပါတယ်။ ရာထူးအစဉ်လိုက်တွက်ရင် သူပြီးရင် ဗိုလ်မောင်အေး၊ ဗိုလ်ရွှေမန်း၊ ဗိုလ်သိန်းစိန်၊ ဗိုလ်တင်အောင်မြင့်ဦး…. တို့ဖြစ်တယ်။
ဒါပေမယ့် ထူးခြားမှုတခုက နိုင်ငံခြားဘဏ်တွေမှာ ငွေအပ်တဲ့အထဲမှာ စက်မှု (၁) ၀န်ကြီး ဦးအောင်သောင်းဟာ တပ်ချုပ်ကြီးပြီးရင် သူအများဆုံး ဖြစ်နေတာကို တွေ့ရတယ်။ အထင်ပြောရရင် သူ့လက်အောက်ရှိ စက်မှု (၁) မှာ စက်ရုံ အလုပ်ရုံ စီမံကိန်းကြီးကြီးမားမားနဲ့ များများစားစား ရှိနေတာ။ လာဘ်စားတဲ့နေရာမှာလည်း ၀န်းကြီးတကာ့ဝန်းကြီးတွေထက် အစားကြမ်းတယ်လို့ နာမည်ရနေတာကြောင့် ဖြစ်နိုင်တယ်။ ဒါ့အပြင် သူဟာ “၀န်ကြီး ဦးအောင်သောင်း၊ ဦးအောင်တောင်း၊ ကုန်အောင်တောင်း” ဆိုတဲ့ သုံးမည်ရ ၀န်ကြီးအဖြစ် ကျော်ကြားသူလည်း ဖြစ်တယ်။
အထက်ပါ နအဖကောင်စီဝင်ကြီးတွေနဲ့ အပေါင်းအပါတို့ဟာ အောက်ပါနိုင်ငံတွေမှာ လှို့ဝှက်ပြီး အပ်နှံထားတာ တွေ့ရပါတယ်။
(၁) အင်္ဂလန်နိုင်ငံ
၂၀၀၀၊ ၅၊ ၂၄ နေ့စွဲနဲ့ အင်္ဂလန်နိုင်ငံရှိ Bank of England ရဲ့ အမိန့်နဲ့ နိုင်ငံအတွင်းရှိ ဘဏ်များ ငွေကြေးအဖွဲ့အစည်းများက စစ်အာဏာရှင်ကြီးများ၊ ၎င်းးတို့နဲ့ ပတ်သက်တဲ့ စီးပွားရေးလုပ်ငန်းရှင်ကြီးများရဲ့ ငွေစာရင်းမှန်သမျှကို ထိန်းချုပ်ခဲ့တယ်။ ထိန်းချုပ်ခံရတဲ့ နအဖစစ်အုပ်စုဝင်နဲ့ အပေါင်းအပါစုစုပေါင်းဟာ ၅၁၅ ယောက် ရှိနေပါတယ်။ အဲဒီအထဲမှာ ဗိုလ်သန်းရွှေနဲ့ မိသားစုဝင် ၁၃ ယောက်ပါရှိနေတဲ့အတွက် မိသားစုတွေ အထဲမှာ ဦးရေအများဆုံး ဖြစ်နေပါတယ်။ (ခေတ်ပြိုင်၊ ၂၀၀၉၊ ၃၊ ၂၃)
(၂) ဥရောပ သမဂ္ဂအဖွဲ့
ဒေါ်အောင်ဆန်းစုကြည် အကျယ်ချုပ်စည်းကမ်းဖောက်ဖျက်တယ်ဆိုတဲ့ စွပ်စွဲချက်နဲ့ အပြစ်ဒဏ်ချမှတ်ပြီးနောက် ၂ ရက်အကြာ ၂၀၀၉- ၈- ၁၃ ရက်နေ့မှာ ဥရောပသမဂ္ဂအဖွဲ့ဝင်နိုင်ငံများက နအဖစစ်အုပ်စုဝင်နဲ့ အပေါင်းအပါ ၅၃၈ ယောက်နဲ့ ၎င်းတို့နဲ့ ပတ်သက်တဲ့ လုပ်ငန်းပေါင်း ၁၀၉ ခုတို့ရဲ့ ငွေစာရင်းတွေကိုပိတ်ဆို့လိုက်ကြောင်း ကြေညာခဲ့ပါတယ်။ (မိုးမခ၊ ၂၀၀၉၊ ၈၊ ၁၅)
အဲဒီ ၅၃၈ ယောက်ထဲမှာ ဗိုလ်သန်းရွှေနဲ့ မိသားစုဝင် ဦးရေဟာ ၁၅ ယောက်ပါဝင်တဲ့အတွက် မိသားစုတွေထဲမှာ အများဆုံးဖြစ်နေတာ တွေ့ရပါတယ်။
(၃) သြစတြေးလျနိုင်ငံ
နအဖ စစ်အစိုးရက ပြည်သူတွေအပေါ် နည်းမျိုးစုံနဲ့ လူ့အခွင်းအရေး ချိုးဖောက်မှုကြောင့် သြစတြေးလျနိုင်ငံက ၎င်းးနိုင်ငံရှိ ဘဏ်များမှာ လှို့ ဝှက် အပ်နှံထားတဲ့ နအဖ စစ်အုပ်စုဝင်တွေရဲ့ ငွေတွေကို ပိတ်ဆို့ခဲ့ပါတယ်။ ဒဏ်ခတ်ပိတ်ဆို့ခံရတဲ့ စစ်အုပ်စုဝင်နဲ့ အပေါင်းပါ မိသားစုပေါင်း ၄၆၄ ယောက် ရှိပါတယ်။ အဲဒီအထဲမှာ ဗိုလ်သန်းရွှေရဲ့ မိသားစုဝင် ဦးရေဟာ ၁၃ ယောက် ပါဝင်နေတဲ့အတွက် မိသားစုတွေထဲမှာ အများဆုံး ဖြစ်နေပြန်ပါတယ်။ (ခေတ်ပြိုင် အာအက်ဖ်အေ ၂၀၀၈-၁၀-၂၂)
အထက်ဖော်ပြပါ နိုင်ငံတွေက နအဖ စစ်အုပ်စုနဲ့ အပေါင်းအပါတို့ရဲ့ ပိုင်ဆိုင်မှုများကို ပိတ်ဆို့ကြောင်း ကြေညာတိုင်း သူတို့ထဲက တစ်ယောက်မှ “မဟုတ်ပါဘူး၊ မမှန်ပါဘူး” လို့ ငြင်းဆို ကန့်ကွက်တာ တခါမှ မရှိပါ။ မရှိတာကို ထောက်တော့ နိုင်ငံတော်ရဲ့ ဘဏ္ဍာတော်နဲ့ သယံဇာတ တွေကို စိတ်တူ သဘောတူ ခိုးဝှက် အပ်နှံတယ်ဆိုတာ ၀န်ခံရာရောက်နေပါပြီ။
(၄) စင်္ကာပူနိုင်ငံ
နအဖ အာဏာရှင်တွေဟာ သူတို့ရဲ့ ပိုင်ဆိုင်မှုတွေကို အနောက်အုပ်စုဝင် နိုင်ငံများက ထိန်းချုပ်ပြီးနောက် ထပ်မံရရှိလာတဲ့ ဓာတ်ငွေ့ရောင်းရငွေတွေကို  အဲဒီနိုင်ငံတွေမှာ ထပ်မအပ်ရဲတော့ပဲ လုံခြုံစိတ်ချရမယ်ထင်တဲ့ စင်ကာပူနိုင်ငံမှာ သွားအပ်ကြတယ်။ ဒါပေမယ့် သူတို့ထင်တာနဲ့ တခြားစီ ဖြစ်သွားပါတယ်။
အနောက်နိုင်ငံ ဘဏ်တွေမှာ အပ်စဉ်က မြန်မာပြည်သူတွေ တစ်ယောက်မှ မသိလိုက်၊ ၎င်းနိုင်ငံတွေက ကြေညာတော့မှ သိရတယ်။ စင်ကာပူနိုင်ငံ မှာ အပ်တော့ အကုန်ပေါ်တော့တာပဲ။ “စစ်အစိုးရက ဓာတ်ငွေ့ ရောင်းရငွေကို စင်ကာပူနိုင်ငံရှိ Overseas Chinese Banking Corporation (OCBC) နဲ့ DBS Group မှာ အမေရိကန်ဒေါ်လာ သန်းပေါင်း ၄၈၃၀ သန်းကို စစ်အစိုးရက နာမည်အမျိုးမျိုးနဲ့အပ်တယ်။ သန်းပေါင်း ၄၈၃၀ အနက် ၂၉ သန်းသာ နိုင်ငံတော်ဘတ်ဂျက်ငွေစာရင်းမှာ ဖော်ပြတယ်” လို့ ERI – (Earth Right International) မှ တာဝန်ရှိသူ Matthew F. Smith နဲ့ ကိုနိုင်ထွန်းတို့က သတင်းထောက်နဲ့ အဖွဲ့အစည်းများမှ ကိုယ်စားလှယ် ၇၀ ခန့် တက်ခဲ့တဲ့ ဘန်ကောက်သတင်းစာ ရှင်းလင်းပွဲမှာ ထုတ်ဖော်ပြောကြားခဲ့ပါတယ်။ (အာရ် အက်ဖ် အေ၊ ဗွီအိုအေ၊ ဒီဗွီဘီ၊ မစ္ဇျိမ၊ဧရာဝတီ၊ ၂၀၀၉-၉-၁၀)
အခုလို ERI က သူခိုးအုပ်စုကို ဖော်ထုတ်လိုက်တာကိုလည်း နအဖ စစ်အုပ်စုဝင်တွေထဲက တယောက်မှ “မဟုတ်ပါဘူး၊ မမှန်ပါဘူး”လို့ ငြင်းဆိုမှု မရှိတာကိုထောက်တော့ ဓာတ်ငွေ့ကရတဲ့ ဒေါ်လာသန်းပေါင်း ၄၈၁၀ သန်း ကို နအဖထိပ်ပိုင်း ကောင်စီဝင်တချို့ အိပ်ထဲကို ထည့်လိုက်ပြီဆိုတာ မြေကြီးလက်ခတ် မလွဲပါ။
သူတိုမို့ မရှက်တာ၊ အနည်းဆုံး သတင်းဌာန ၅ ခုက တပြိုင်တည်း ထုတ်ဖော်ကြေငြာလိုက်တာရယ်၊ အင်္ဂလန်၊ သြစတြေးလျ၊ ဥရောပသမဂ္ဂအဖွဲ့ စတဲ့ နိုင်ငံတွေက ကြေညာလိုက်တာရယ်ကြောင့် တကမ္ဘာလုံးက သိသွားနိုင်ပါတယ်။
နိုင်ငံတော် အကြီးအကဲ အဖွဲ့နဲ့တကွ နအဖ စစ်အုပ်စုဝင်တွေဟာ ခုလို နှစ်ပေါင်းများစွာ အုပ်စုလိုက် စိတ်တူ သဘောတူ အလုံးအရင်းနဲ့ ခိုးဝှက်နေမှတော့ ဒီနိုင်ငံဟာ မဆင်းရဲ၊ မမွဲတွေပဲ နေပါတော့မလား၊ အကယ်၍ သူတို့သာ အရှက်အကြောက်ရှိရင် ဒီနိုင်ငံဟာ ဒီလောက်အထိ အခြေအနေ မဆိုးနိုင်ပါ။
နအဖ စစ်ခေါင်းဆောင်တွေသာ အရှက်အကြောက်မရှိတာ မဟုတ်၊ သူတို့လက်အောက်ခံ လူတွေလည်း သူတို့အတိုင်းပါပဲ။ ကြည့်ပါဦး။
ရဲချုပ်ခင်ရီလဲ ဒီပုတ်ထဲက ဒီပဲ
(၁) ဒရယ်လူးကျေးရွာက ဓားစာပြမှု
ရန်ကုန်တိုင်း ကွမ်းခြံကုန်းမြို့နယ်၊ ဒရယ်လူးကျေးရွာမှာ ၂၀၁၀-၅-၁၆ ရက်နေ့ ညက ရွာသား ၃ ဦး သေဆုံးရတဲ့ ဓားပြတိုက်မှု တခု ဖြစ်ပွားပါတယ်။ “ဓာပြတိုက်သူ ၅ ဦးအနက် စစ်တပ်ယူနီဖောင်းဝတ် ၂ ဦး ပါနေတယ်။ ဒီကျေးရွာမှာ ဒီလိုလက်နက်မျိုး ဘယ်သူမှ မကိုင်နိုင်ဘူး။ ဒီလက်နက်တွေဟာ စစ်တပ်ထဲမှာပဲ ရှိနိုင်တယ်။ ဒါ့ကြောင့် ဓားပြမှုမှာ နယ်မြေခံ စစ်တပ်စခန်းခွဲက စစ်သားတချို့ပါနိုင်တယ်။ ဒီရွာမှာ နယ်မြေခံ ကြည်းတပ်၊ ရေတပ်၊ စခန်းခွဲ  ငယ်များ၊ ရဲကင်းများ ရှိတယ်”လို့ ဒေသခံတွေ ပြောကြောင်း သိရတယ်။ (ခေတ်ပြိုင် ၂၀၁၀-၅-၁၈)
ဒီ ဓားပြတိုက်မှုနဲ့ ပတ်သက်ပြီး ပြည်တွင်းပြည်ပ သတင်းထောက်များ တက်ရောက်တဲ့ သတင်းစာရှင်းလင်းပွဲမှာ ရဲချုပ်ခင်ရီက “ဓားပြတိုက်မှုတွင် ၄ ဦး ဖမ်းမိထားကြောင်း၊ ၎င်းတို့ထဲမှာ ခင်မောင်ဝင်းနဲ့ လွတ်မြောက်နေဆဲ အေးသန်းမှာ KNU တပ်မဟာ (၁) လက်အောက်ခံ ဗိုလ်မောင်နီ၏ တပ်ခွဲမှ တပ်ဖွဲ့ဝင်ဟောင်း ဖြစ်ကြောင်း” ပြောကြားသွားတယ်။
ရဲချုပ်စွပ်စွဲတာနဲ့ ပတ်သက်ပြီး KNU တပ်မဟာ(၁) မှ ဗဟိုအဆင့်ရှိ ပဒိုသောသီဘွဲ က “ကျနော်တို့တပ်မဟာ (၁) မှာ ဗိုလ်မောင်နီဆိုတာ ဘယ်တပ်ရင်းတပ်ဖွဲ့မှာမှ မရှိခဲ့ဘူး။ ရန်ကုန်တိုင်းထဲအထိ သေနတ်တွေ၊ လက်ပစ်ဗုံးတွေယူပြီး ဓားပြတိုက်ဖို့ ဆိုတာ မဖြစ်နိုင်ပါဘူး။ ရဲချုပ်အနေနဲ့ စဉ်းစား တွေးခေါ်ဖို့လိုတယ်”လို့ တုံ့ပြန်ခဲ့တယ်။ ဒါဖြင့် DKBA တပ်မှူးတဦးက အရင်က KNU တပ်မဟာ (၁)မှာ မောင်နီ တဦးရှိပြီး လက်ရှိ DKBA အဖွဲ့ဝင်ဖြစ်ကာ ဘီးလင်းမြို့နယ်၊ ကော်ဟဲကွင် မှာ တာဝန်ထမ်းဆောင်နေတယ်”လို့ ပြောကြားခဲ့တယ်။ (ခေတ်ပြိုင် ၂၀၁၀-၆-၄)
KNU မှ ဗိုလ်မှူးစောလှငွေကလဲ “ KNU လူဟောင်းဆိုတာနဲ့ ပတ်သက်လို့ရှိရင် KNU တင်မကဘူး၊ လက်နက်ကိုင်အဖွဲ့အစည်းတွေက သူတို့ဆီမှာ လက်နက်ချတာတွေ၊ ဖမ်းမိပြီးထောင်က ပြန်လွတ်လာတာတွေ အားလုံးက သူတို့ရဲ့ အုပ်ချုပ်မှုအောက်မှာပဲ။ သူတို့ရဲ့ ပြည်သူလူထုအဖြစ် နေထိုင်သူတွေ ဖြစ်တယ်။ အရေးယူရမယ့်အစား ဟိုလူ့လူဖြစ်ခဲ့ဖူးတယ်၊ ဒီလူ့လူဖြစ်ခဲ့ဖူးတယ် ဆိုပြီး နာမည်ဖျက်လိုမှုနဲ့ လျှောက်ပြောနေတာက အစိုးရတရပ်၊ နိုင်ငံတော်အဖွဲ့အစည်း ဂုဏ်သိက္ခာနဲ့ လဲ မညီလျှော်ပါဘူး”လို့ တုံ့ပြန်ခဲ့ပါတယ်။
ဒီလောက်ဆို ရဲချုပ်ရဲ့ သဘောထားကို သိလောက်ပါပြီ။ သူ့ရဲ့ သတင်းစာ ရှင်းလင်းပွဲရဲ့ အဓိက ရည်ရွယ်ချက်က (၁) “စစ်တပ်ယူနီဖောင်းဝတ် ၂ ဦး ပါနေတယ်” ဆိုတဲ့ ရွာသားတွေရဲ့ ပြောဆိုချက်ကို ကာကွယ်ဖို့ နဲ့ (၂) KNU ကို နာမည်ဖျက်လိုဇောနဲ့ ဆင်လိုက်တဲ့ အကွက် ဟာ “သူများကို လက်ညှိုး တစ်ချောင်းထိုးရင် သူ့ကို သုံးချောင်းပြန်ထိုးတယ်” ဆိုတာကို မဆင်ခြင်ပဲ ပြောလိုက်တော့ အရှက်ကွဲတာပေ့ါ။ အကယ်၍ သူသာ အရှက်လေး နည်းနည်းရှိမယ်ဆိုရင် ဒီလို မဆင်မခြင် စွပ်စွဲမှာ မဟုတ်ဘူး။
(၂) လူကုန်ကူးမှု
လူကုန်ကူးမှုတိုက်ဖျက်ရာမှာ အနိမ့်ဆုံးစံ  သတ်မှတ်ချက် နဲ့ ကိုက်ညီအောင် မဆောင်ရွက်တဲ့ စစ်အစိုးရကို အမေရိကန်က အဆင့် ၃ သတ်မှတ်တာကို ရဲချုပ် က ဒေါသထွက်ပြီး “သတင်းစာရှင်းလင်းပွဲ လုပ်မယ်”လို့ ကြုံးဝါးတယ်။ ဒါပေမယ့်ခုချိန်ထိ အမေရိကန်နိုင်ငံခြားရေးဝန်ကြီး ဌာနသို့ စာပို့၍ တုံ့ပြန်ခြင်း၊ သတင်းစာများတွင် တရားဝင်ဖြေရှင်းခြင်း မရှိသေးကြောင်း ဖော်ပြထားတယ်။ (ဧရာဝတီ၊ ၂၀၁၀-၆-၂၁)
အကယ်၍ သူသာ အရှက်နည်းနည်းရှိမယ်ဆိုရင် ပထမတခါ အရှက်ကွဲကတည်းက ငြိမ်နေလိုက်ရင် ပြီးပြီ။ ခုတော့ သတင်းစာရှင်းလင်းပွဲလုပ်မယ်လို့ ကြုံးဝါးပြီးမှ မလုပ်တော့ ဒုတိယအကြိမ် အရှက်ကွဲရတာပေါ့။
လှူပြီးပစ္စည်း ပြန်သိမ်း
ရခိုင်ပြည်နယ်၊ မောင်းတောမြို့မှာ ရေကြီး မြေပြိုလို့ ဒုက္ခရောက်နေသူများကို ၂၀၁၀-၆-၁၉ ရက်နေ့က (၁) ရခိုင်ပြည်နယ် အေးချမ်းသာယာရေးနဲ့ ဖွံ့ဖြိုးရေးကောင်းစီဥက္ကဋ္ဌ၊ အနောက်ပိုင်းတိုင်း တိုင်းမှူး ဗိုလ်ချုပ်သောင်းအေး၊ (၂) ကယ်ဆယ်ရေးနဲ့ ပြန်လည်နေရာချထားရေးဝန်ကြီး ဦးမောင်မောင်ဆွေ (၃) ပို့ဆောင်ဆက်သွယ်ရေးဝန်ကြီး ဦးသိန်းဆွေ (၄) ပြည်ထဲရေးဝန်ကြီး ဦးဘုန်းဆွေ၊ ဒုဝန်ကြီးများနဲ့ ဌာနဆိုင်ရာ အကြီးအကဲများ၊ တာဝန်ရှိသူများ မောင်းတောမြို့ကိုရောက်ရှိလာကာ ကယ်ဆယ်ရေးပစ္စည်းတပုံတပင် ခင်းကျင်းပြသ၍ ဓာတ်ပုံနဲ့ တီဗွီရိုက်ပြီးမှ ပြန်သိမ်းယူသွားကြောင်း၊ ဘာ့ကြောင့် ပြန်သိမ်းသွားရသလဲလို့ မေးတဲ့အခါ “ဈေးဆိုင်တွေဆီက ငှါးရမ်းတာကြောင့်”လို့ အငှါးခံရတဲ့ ဈေးဆိုင်ပိုင်များက BBC ကိုပြောကြောင်း သိရပါတယ်။ (BBC မြန်မာ့အလင်း သတင်းစာ ၂၀၁၀-၆-၁၉)
နအဖ အာဏာပိုင်တွေ ခုလိုဟန်ပြပေးပြီး ပြန်ရုပ်သိမ်းတဲ့အဖြစ်မျိုး မြန်မာ့သမိုင်းမှာ တခါမှ မကြားဖူး၊ မမြင်ဖူးပါဘူး။ ဒီလိုဟန်ပြပေးအပ်ပွဲကို မြန်မာ့ရုပ်မြင်သံကြားမှာ ပြသလို မြန်မာ့အလင်းသတင်းစာ မျက်နှာဖုံးနဲ့ စာမျက်နှာ ၃ မှာ ၀န်ကြီးဦးသိန်းဆွေက ဒုက္ခသည်တဦးကို ပစ္စည်းပေးအပ်နေပုံများကို တွေ့ရပါတယ်။ (BBC ၊ မြန်မာ့အလင်းသတင်းစာ ၂၀၁၀ - ၆- ၁၉)
“ပေးကားပေး၏ မရ” ဖြစ်နေပါပြီ၊ အကယ်၍ သူတို့သာ အရှက်ရှိရင် ဒီလိုအလုပ်မျိုး လုပ်မှာမဟုတ်၊ ခုတော့ “ကမ္ဘာ့အရှက်မရှိတဲ့ အာဏာရှင်ကြီးတွေပါလား”ဆိုပြီး အော့နှလုံးနာကြတော့မှာ သေချာပါတယ်။
ဒါကြောင့် တိုင်းပြည်နဲ့ ပြည်သူများအပေါ် “စာနာထောက်ထား၊ သစ္စာထားသောအားဖြင့် “အရှက်အကြောက်လေး ရှိကြစမ်းပါ”လို့ နအဖအာဏာပိုင်ကြီးငယ်တို့ကို တောင်းဆိုလိုက်ရပါတယ်။

ရင်းမြစ်။ ။မိုးမခ

Wednesday, August 25, 2010

ပင်လုံကတိ ဖျက်သိမ်းခြင်း (သို့မဟုတ်) နိုင်ငံရေးပဋိပက္ခအသစ် ဖန်တီးမည့် ရွေးကောက်ပွဲ

စစ်တပ်က ၂၀၁၀ နိုဝင်ဘာ (၇) တွင် ရွေးကောက်ပွဲ ကျင်းပတော့မည်ဟု ကြေညာလိုက်ပြီ။ ရွေးကောက်ပွဲဝင်ရန် တန်းစီထားသော နိုင်ငံရေးပါတီ (၄၀) ခန့်မှာ မတရားဥပဒေဖြင့် သတ်မှတ်ထားသော အဖွဲ့ဝင် (၁,၀၀၀) ပြည့်မီရေးနှင့် နပန်းလုံးနေရဆဲ။ ခြိမ်းခြောက်နှောင့်ယှက်မှုများကြားတွင် ပါတီကိုယ်စားပြု အမတ်လောင်းများ ခက်ခက်ခဲခဲ ရှာနေရဆဲ။ အမတ်လောင်း မှတ်ပုံတင်ကြေး (တဦးလျှင် ကျပ် ၅ သိန်းနှုန်း) နှင့် မဲဆွယ်လှုပ်ရှားမှုရန်ပုံငွေ ရရှိရေးအတွက် စိုးရိမ်သောက ရောက်နေရဆဲ။ လွတ်လပ်စွာ စည်းရုံခွင့်၊ ဟောပြောခွင့် စာရွက်စာတမ်း ဖြန့်ဝေခွင့်များလည်း ဆုံးရှုံးနေရဆဲ။ သို့သော် စစ်တပ်က ဖွဲ့ထားသည့် ကြံ့ဖွံ့ပါတီကမူ အရှင်မွေးတော့ ညချင်းကြီး ဆိုသကဲ့သို့ ဥပဒေအထက်မှ အခွင့်ထူးရ၍ မတော်မတရား မဲဆွယ်စည်းရုံးနေသည်။ အခင်းအကျင်းက ရှင်းလင်းလွန်းသည်။ ၂၀၀၈ နာဂစ်ဖွဲ့စည်းပုံအောက်တွင်  ကြံ့ဖွံ့ပါတီက အနည်းဆုံး (၉၀) ရာခိုင်နှုန်း နိုင်ရန် ပြင်ဆင်ထားသည်ကို မြင်နေရသည်။

ထို့ကြောင့် ကျန်ရွေးကောက်ပွဲဝင်မည့် ပါတီများမှာ ပါတီစုံရွေးကောက်ပွဲဟု ဆိုရရုံ အဖြည့်ခံမျှသာ ဖြစ်တော့မည်။ ဖွတ်မရ ဓားမပါ ဆုံးမည့်ကိန်းဆိုက်နေ၏။ ထိုအဖြည့်ခံပါတီများအနေဖြင့် ၂၀၀၈ ဖွဲ့စည်းပုံကို သစ္စာခံသင့် မခံသင့် ပြန်လည်စဉ်းစားကြမည်ဆိုလျှင် အချိန်မီသေးသည်။ စင်စစ် ယနေ့ မြန်မာ့နိုင်ငံရေးပြဿနာဇာစ်မြစ်မှာ ဖွဲ့စည်းပုံအခြေခံဥပဒေ ကိစ္စဖြစ်သည်။ ပင်လုံသဘောတူညီချက်နှင့် ၁၉၄၇ အခြေခံဥပဒေတို့မှ စတင်ခဲ့သော သမိုင်းရေးပြဿနာဖြစ်သည်။ ပင်လုံသဘောတူညီချက်ကို အခြေခံလျက် တိုင်းပြည်ပြုလွှတ်တော်တွင် ဗိုလ်ချုပ်အောင်ဆန်း တင်သွင်းခဲ့သည့် လမ်းညွှန်အဆို (၇) ချက်ကို ပြန်ကြည့်လျှင်…

“အဆို (၁) နိုင်ငံတော်ဖွဲ့စည်းအုပ်ချုပ်ပုံအခြေခံဥပဒေသည် မြန်မာပြည်ထောင်စုဟု ခေါ်တွင်စေသော၊ လွတ်လပ်သည့် အချုပ်အခြာ အာဏာပိုင် သမ္မတနိုင်ငံ ဖွဲ့စည်းအုပ်ချုပ်ပုံအခြေခံဥပဒေဖြစ်စေရမည်။ အဆို (၂) ပြည်ထောင်စုမြန်မာနိုင်ငံတော် ဖွဲ့စည်းအုပ်ချုပ်ပုံအခြေခံဥပဒေက သတ်မှတ်ဖော်ပြသည့် တသီးပုဂ္ဂလ ပြည်နယ်များသည် ဖွဲ့စည်းအုပ်ချုပ်ပုံအခြေခံဥပဒေတွင် သတ်မှတ်ဖော်ပြထားသည်နှင့်အမျှ ကိုယ်ပိုင်အုပ်ချုပ်ရေး အာဏာရှိစေရမည်။ အဆို (၅) ဤဖွဲ့စည်းအုပ်ချုပ်ပုံအခြေခံဥပဒေတွင် လူနည်းစုများအဖို့ လုံလောက်သော ကာကွယ်ချက်များ ထည့်သွင်းပြဋ္ဌာန်းထားရှိစေရမည်။” စသည်ဖြင့် တွေ့နိုင်သည်။ ယခု နာဂစ်စစ်ဖွဲ့စည်းပုံသည် ဗိုလ်ချုပ်အောင်ဆန်း လမ်းညွှန်ချက်နှင့် လုံးလုံးဆန့်ကျင်နေရုံမက တိုင်းရင်းသားတို့အား လွတ်လပ်ရေး၊ တန်းတူရေးနှင့် ကိုယ်ပိုင်ပြဋ္ဌာန်းခွင့် ပေးရေးတို့ကို ငြင်းပယ်ထားသဖြင့် လာမည့် ရွေးကောက်ပွဲသည် ပြည်တွင်း နိုင်ငံရေးပဋိပက္ခအသစ်တခုဆီ ဦးတည်နေပေသည်။

ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ ကျဆုံးပြီးနောက် ဗိုလ်ချုပ်၏ လမ်းညွှန် (၇) ချက်ကို ယုံကြည်လေးစားခြင်း၊ လွတ်လပ်ရေး အမြန်ရလိုခြင်းတို့ကြောင့် တိုင်းရင်းသားခေါင်းဆောင်များသည် အခြေခံဥပဒေကို အလေးအနက် ဆွေးနွေးခြင်း မပြုကြတော့ဘဲ ရိုးရိုးသားသား လွယ်လွယ်ကူကူ လက်ခံအတည်ပြုခဲ့ကြောင်း ပြည်ထောင်စု မြန်မာနိုင်ငံတော်၏ ဖွဲ့စည်းအုပ်ချုပ်ပုံအခြေခံဥပဒေကို ပြည်ထောင်စုစစ်စစ် (Federal) မူအရဖြင့် ပြင်ဆင်ရေးအတွက် ရေးဆွဲတင်ပြသော “ပြည်နယ်များ ညီညွတ်ရေးအဖွဲ့ချုပ်မှ စာတမ်း” (ဒို့တာဝန် ပုံနှိပ်တိုက်၊ ရန်ကုန်၊ ပုံနှိပ်နှစ်မပါ) တွင် ဖော်ပြခဲ့သည်။

ထိုစာတမ်းတွင် ၁၉၄၇ အခြေခံဥပဒေ၏ အားနည်းချက်များကို ဝေဖန်ပြရာ၌ “ပြည်နယ်ခေါင်းဆောင်များသည် တည်ဆဲဖွဲ့စည်းအုပ်ချုပ်ပုံ အခြေခံဥပဒေအရ မိမိတို့ပြည်နယ်တွင်းရှိ လူမျိုးပေါင်းစုံတို့၏ စီးပွားရေး၊ နိုင်ငံရေး၊ အုပ်ချုပ်ရေး၊ လူမှုရေး စသောကိစ္စများကို စိတ်ဆန္ဒရှိသလောက် ဆောင်ရွက်ရာတွင် ပြည်ထောင်စုဗဟိုအာဏာကို သိမ်းပိုက်ထားသော ပြည်မ၏ ချုပ်ချယ်မှုကြောင့် မဆောင်ရွက်နိုင်ခဲ့ကြပေ။ ပြည်နယ်သူ ပြည်နယ်သားများသည် ပြည်မ၏ စီးပွားရေး၊ နိုင်ငံရေး၊ အုပ်ချုပ်ရေးများ၏ ဖိနှိပ်မှုအောက်တွင် အလူးအလှိမ့်ခံနေရလေသည်” ဟု လည်းကောင်း၊ “ထိုသို့တွေ့ကြုံရသော အခက်အခဲများကို ပြန်လည်သုံးသပ်ကြည့်သောအခါ အဓိက ချို့ယွင်းချက်သည် တည်ရှိဆဲ ဖွဲ့စည်းအုပ်ချုပ်ပုံအခြေခံဥပဒေတွင် ပါရှိသော ဗမာပြည်မအစိုးရနှင့် ပြည်ထောင်စုဗဟိုအစိုးရတို့အား ခွဲမထားဘဲ အတူပူးပေါင်းထားခြင်းကြောင့် အစိုးရတဖွဲ့တည်း အုပ်ချုပ်သော စနစ်ဖြစ်ကြောင်း တွေ့ရှိခဲ့သည်” ဟု လည်းကောင်း၊ “ထို့ကြောင့် ဗိုလ်ချုပ်အောင်ဆန်း၏ ပြည်ထောင်စုစစ်စစ် တည်ထောင်လိုချက်များ၊ လမ်းညွှန်ချက်များသည် ဗိုလ်ချုပ်အောင်ဆန်းနှင့်အတူ ၀ိညာဉ်ချုပ်သွားသည်မှာ ၀မ်းနည်းကြေကွဲစရာပင် ဖြစ်တော့သည်” ဟုလည်းကောင်း၊ “တည်ရှိဆဲ ဖွဲ့စည်းအုပ်ချုပ်ပုံအခြေခံဥပဒေသည် ပြည်နယ်များ၏ ကိုယ်ပိုင်ပြဋ္ဌာန်းခွင့်ကို ငြင်းပယ်သည်။ တန်းတူရေးမူကိုလည်း မပေးစွမ်းနိုင်။ ပြည်ထောင်စုအာဏာဟူသရွေ့ကို ပြည်ထောင်စု ဗဟိုအစိုးရအမည်နှင့် ဗမာပြည်မက လက်ဝါးကြီးအုပ် သိမ်းကျုံးယူပြီး ပြည်နယ်များကို မိမိလက်အောက်ခံပြည်နယ်များ (Vassal States) အဖြစ် သွတ်သွင်းခဲ့သည်” ဟု လည်းကောင်း စာတမ်းတွင် သုံးသပ်ဖော်ပြထားသည်။

ယင်း တိုင်းရင်းသားတို့၏ မကျေနပ်ချက်၊ ခံစားချက်များသည် ယခုတိုင် အရိုးစွဲနေသည်ကို စစ်အစိုးရက မသိကျိုးကျွံ လုပ်နေသည်။ နာဂစ်ဖွဲ့စည်းပုံတွင် တိုင်းရင်းသားတို့ ရပိုင်ခွင့်များကို လုံးဝလျစ်လျူပြုထားသည်။ ထို့ကြောင့် ၂၀၀၈ ဖွဲ့စည်းပုံကို သစ္စာခံခြင်းသည် အမျိုးသားပြန်လည်သင့်မြတ်သွေးစည်းရေးအား ဥပေက္ခာပြုရာကျပေသည်။

မျက်မှောက်အခြေအနေအထိ မြန်မာ့နိုင်ငံရေးပဋိက္ခ၏ အဓိကအချက်မှာ တိုင်းရင်းသားတို့အား လွတ်လပ်ရေး၊ တန်းတူရေးနှင့် ကိုယ်ပိုင်ပြဋ္ဌာန်းခွင့်ပေးရေးကိစ္စဖြစ်သည်။ ထိုအချက်အပေါ် နိုင်ငံရေးသမားများက မျှမျှတတ စဉ်းစားသုံးသပ်ကာ ဖွဲ့စည်းအုပ်ချုပ်ပုံ အခြေခံဥပဒေကို ပြည်ထောင်စု (Federal) မူအရ ပြင်ဆင်ရေးကိစ္စကို ဆွေးနွေးခဲ့ကြသည်။ စစ်တပ်ကမူ တမိန့်တအာဏာ တပြည်ထောင်စနစ်ဆီသို့သာ ဇွတ်တိုးသွားမြဲသွားနေသည်။

၁၉၆၀ ခုနှစ်အခြေအနေကို ပြန်ကြည့်လျှင် ဦးနု၏ ပြည်ထောင်စု (ပထစ) အစိုးရလက်ထက် ဖွဲ့စည်းအုပ်ချုပ်ပုံအခြေခံဥပဒေကို ပြင်ဆင်ရေးဆွဲရန် ပြည်သူ့လွှတ်တော်က ဆုံးဖြတ်ခဲ့ကြောင်း တွေ့ရသည်။ ပြည်သူ့လွှတ်တော်က အခြေခံဥပဒေပြင်ဆင်ရေး အဆိုကို အတည်ပြုပြဋ္ဌာန်းပြီးနောက် ၁၉၆၀ နိုဝင်ဘာ (၇) ရက်တွင် တောင်ကြီးမြို့၌ ရှမ်းပြည်နယ်အစိုးရက အစည်းအဝေးတရပ် ကျင်းပသည်။ ထိုအစည်းအဝေးသို့ ပါလီမန်အမတ်များ၊ ရှမ်းပြည်နယ်ရှိ မဲဆန္ဒနယ်တခုစီမှ ကိုယ်စားလှယ် (၂) ဦးစီ၊ ရှမ်းပြည်နယ်ရှိ နိုင်ငံရေးပါတီတခုစီမှ ကိုယ်စားလှယ် (၃) ဦးစီ၊ ပင်လုံစာချုပ်တွင် လက်မှတ်ရေးထိုးခဲ့ကြသည့် ရှမ်းပြည်နယ်မှ ကိုယ်စားလှယ်များ၊ ရှမ်းပြည်နယ်မှ တိုင်းပြည်ပြုလွှတ်တော် ကိုယ်စားလှယ်ဟောင်းများနှင့် စိတ်ပါဝင်စားသူများ တက်ရောက်ခဲ့ကြသည်။ ထိုအစည်းအဝေးမှ ပြည်ထောင်စုမြန်မာနိုင်ငံ၏ ဖွဲ့စည်းအုပ်ချုပ်ပုံအခြေခံဥပဒေ ပြင်ဆင်ရေးဆွဲရေး (ရှမ်းပြည်နယ်ဆိုင်ရာ) ကြိုးကိုင်ကော်မတီကို အဖွဲ့ဝင် (၃၂) ဦးဖြင့် ဖွဲ့ခဲ့သည်။ ထိုကော်မတီက ၁၉၆၁ ဇန်န၀ါရီလ (၂၄) ရက်နေ့တွင် အခြေခံဥပဒေပြင်ဆင်ရေးဆိုင်ရာ မူတရပ်ချမှတ်ခဲ့သည်။

ထိုမူတွင် လက်ရှိ ဖွဲ့စည်းပုံအခြေခံဥပဒေ၌ ပြည်နယ်နှင့် လူမျိုးစုတိုင်းအတွက် လုံလောက်သည့် တန်းတူညီမျှမှုအခွင့်အရေး ပြဋ္ဌာန်းထားခြင်း မရှိသဖြင့် တန်းတူညီမျှမှု လုံလောက်စွာရရှိရေးအတွက် အခြေခံဥပဒေအား ပြည်ထောင်စုစစ်စစ်မူဖြင့် ပြုပြင်ရေးဆွဲရန် ဖော်ပြထားသည်။ ထိုမူချပြီးနောက် ဦးထွန်းမြင့် (တောင်ကြီး)၊ မိုင်းပွန်စော်ဘွား စ၀်ဆေးဟုမ်၊ စည်သူဦးတင်၊ ဦးကျော်စိန်၊ ဦးကြာပုနှင့် ဦးလှရှိန်တို့ပါဝင်သည် ဆပ်ကော်မတီကို ဖွဲ့ခဲ့သည်။ ဆပ်ကော်မတီက အခြေခံဥပဒေဆိုင်ရာ အထောက်အထားများ ရှာဖွေစုဆောင်းလေ့လာကာ အစီရင်ခံစာကို (ရှမ်းပြည်နယ်ဆိုင်ရာ) ကြိုးကိုင်ကော်မတီသို့ တင်သွင်းသည်။ ယင်းအစီရင်ခံစာကို ကော်မတီက ပြင်ဆင်ဖြည့်စွက်၍ “ရှမ်းပြည်နယ်မှ တင်သွင်းသော ပြည်ထောင်စု မြန်မာနိုင်ငံ၏ ဖွဲ့စည်းအုပ်ချုပ်ပုံအခြေခံဥပဒေ ပြင်ဆင်ရေးဆွဲရေးစာတမ်း” ကို ပြုစုသည်။ ၁၉၆၁ ခုနှစ် ဖေဖော်ဝါရီလ (၂၅) ရက်နေ့ တောင်ကြီးမြို့တွင် ကျင်းပသော ပြည်လုံးကျွတ်ညီလာခံက ရှမ်းမူဟု လူသိများသော ထိုစာတမ်းကို အတည်ပြုခဲ့သည်။

အထက်ပါစာတမ်းတွင် အာဏာနှင့် အခွင့်အရေးခွဲဝေပုံမှာ မျှတမှုမရှိဘဲ ဗဟိုပြည်ထောင်စုအစိုးရက အာဏာအရပ်ရပ် ချုပ်ကိုင်ထားသဖြင့် တိုင်းရင်းသားလူမျိုးများအနေဖြင့် မကျေနပ်ကြကြောင်း၊ ဗမာများက လက်ဝါးကြီးအုပ်ထားသည်ဟု မယုံသင်္ကာဖြစ်ကြောင်း တင်ပြထားသည်။ ပါလီမန်ဖွဲ့စည်းပုံနှင့် စပ်လျဉ်း၍လည်း လူမျိုးစုလွှတ်တော် (အထက်လွှတ်တော်) နှင့် ပြည်သူ့လွှတ်တော် (အောက်လွှတ်တော်) တို့ အခွင့်အာဏာမတူကြောင်း၊ လူမျိုးစုလွှတ်တော်သို့ ပြည်နယ်များက ကိုယ်စားလှယ်အညီအမျှ စေလွှတ်ခွင့်မရကြောင်း၊ ပြည်ထောင်စုအစိုးရသည် လူမျိုးစုလွှတ်တော်အား တာဝန်မခံဘဲ ပြည်သူ့လွှတ်တော်ကိုသာ တာဝန်ခံသဖြင့် လူမျိုးစုလွှတ်တော်မှာ ဂုဏ်သိက္ခာမရှိသည့်ပြင် ပြည်နယ်များ၏ အခွင့်အရေးကိုလည်း အကာအကွယ်မပေးနိုင်ကြောင်း၊ ထို့ကြောင့် လွှတ်တော် (၂) ရပ် တန်းတူအာဏာရှိရေး၊ လူမျိုးစုလွှတ်တော်သို့ ပြည်နယ်များက ကိုယ်စားလှယ်အညီအမျှ စေလွှတ်ခွင့်ရရှိရေး တင်ပြထားသည်။

အထက်ပါစာတမ်းကို ဆွေးနွေးရန်နှင့် တောင်တန်းသားများ စည်းလုံးညီညွတ်ရေးဦးစီးအဖွဲ့ကို ပြန်လည်အသက်ဝင်စေရန် ရည်ရွယ်လျက် ၁၉၆၁ ဇွန်လ (၈) ရက်တွင် “ပြည်နယ်ပေါင်းစုံညီလာခံ” ကို တောင်ကြီးမြို့တွင် ကျင်းခဲ့သည်။ ထိုညီလာခံတွင် ပြည်နယ်များ ညီညွတ်ရေးအဖွဲ့ ဖွဲ့စည်းရန် အချေအတင် ဆွေးနွေးခဲ့ကြပြီးနောက် ဇွန်လ (၁၃) ရက်၌ ဥက္ကဋ္ဌစ၀်ခွန်ချို၊ ဒု-ဥက္ကဋ္ဌ စ၀်ဝဏ္ဏ၊ အတွင်းရေးမှူး စ၀်ထွန်းအေး၊ တွဲဖက်အတွင်းရေးမှူး ဦးလှဖေ (ပအို့ဝ်) တို့ အပါအ၀င် (၂၂) ဦးပါ အလုပ်အမှုဆောင်အဖွဲ့ ဖွဲ့ခဲ့သည်။

အဖွဲ့၏ ရည်ရွယ်ချက်မှာ “(၁) ပြည်ထောင်စုခိုင်မြဲရေးအတွက် အစွမ်းကုန် ဆောင်ရွက်ရန်။ (၂) ပြည်ထောင်စုအတွင်း ပါဝင်သော ပြည်နယ်များသည် မိမိတို့ကံကြမ္မာကို မိမိတို့ဖန်တီးနိုင်ခွင့်ရှိသည့်အားလျော်စွာ ထိုအခွင့်အရေးကို လွတ်လပ်စွာ ဖန်တီးနိုင်ရန်။ (၃) ပြည်ထောင်စုအတွင်း တဦးနှင့်တဦး ခွဲခြားခြင်းမပြုဘဲ လူမျိုးမရွေး၊ ဘာသာမရွေး ပြည်ထောင်စုတိုင်းရင်းသားမှန်သမျှ ချစ်ကြည်စွာ ပေါင်းသင်းဆက်ဆံခြင်းကို အားပေးကူညီရန်။ (၄) ကမ္ဘာ့ဒီမိုကရေစီဝါဒအရ ရသင့်ရထိုက်သော လူ့အခွင့်အရေးမှန်သမျှကို ပြည်ထောင်စုတိုင်းရင်းသားတိုင်း တန်းတူညီမျှမှု မဆုံးရှုံးရေးအတွက် အစွမ်းကုန် ကာကွယ်စောင့်ရှောက်ရန်။ (၅)  ပြည်နယ်အသီးသီးရှိ လူမျိုးစုတိုင်းတို့၏ ဖွံ့ဖြိုးတိုးတက်ရေးကို ရှေးရှုဆောင်ရွက်ရန်။ (၆) ဤအဖွဲ့တွင် ပါဝင်သော ပြည်နယ်များသည် ပြည်နယ်များနှင့် သက်ဆိုင်လာမည့် ကိစ္စအ၀၀တို့တွင် တညီတညွတ်တည်း စုပေါင်း၍ ပြဿနာရပ်များကို တစည်းတလုံးတည်း ဆောင်ရွက်ရန်” စသဖြင့်ဖြစ်သည်။

ထိုရှမ်းမူစာတမ်းနှင့်ပတ်သက်၍ ဇူလိုင်လ (၁၁) ရက်နေ့တွင် ၀န်ကြီးချုပ် ဦးနုသည် ရှမ်းပြည်နယ်မှ ကိုယ်စားလှယ်များနှင့် တွေ့ဆုံခဲ့ပြီးနောက် သတင်းစာရှင်းလင်းပွဲ ပြုလုပ်ခဲ့သည်။ သတင်းစာရှင်းလင်းပွဲတွင် ၀န်ကြီးချုပ် ဦးနုက “ရှမ်းမူနဲ့ပတ်သက်ပြီး ကျနော့်အနေနဲ့ လေ့လာပြီးတဲ့အတွက် ဒီနေ့ သတင်းစာကွန်ဖရင့်ခေါ်ကာ ပြောပြခြင်းဖြစ်ပါတယ်။ ကျနော် လေ့လာကြည့်တဲ့အခါမှာ သူတို့လုပ်နေတာ မမှားဘူး။ ပြည်ထောင်စုအစိုးရက ယခုအပတ် ပါလီမန်တွင် ဖြစ်နိုင်ရင် အခြေခံဥပဒေထဲမှာ လုပ်ငန်းလုပ်ရာမှာ အခက်အခဲတွေ့နေတဲ့ ပုဒ်မတွေကို ပြင်ဖို့ စိတ်ကူးခဲ့ပြီး ပြင်ဆင်ချက်ရှိတာတွေကို ပြင်ချင်ရင် တင်ပြရန် ခွင့်ပေးချက်အရ လုပ်ကိုင်ကြခြင်းသာဖြစ်ပါတယ်။ အစိုးရခွင့်ပြုချက်အရ ဒါတွေ လိုချင်တယ်ဆိုတာ ဆုံးဖြတ်ချက်ချပြီး တောင်းတာဟာ ဒီမိုကရေစီအခွင့်အရေးကို သူတို့အသုံးပြုခြင်းသာ ဖြစ်ပါတယ်။ သူတို့ဟာ ဒီမိုကရေစီအခွင့်အရေး သုံးတာကို အစိုးရအဖွဲ့က စိတ်ဆိုးစရာမရှိဘူး။ … ရှမ်းမူရေးဆွဲခြင်းကို စိတ်မဆိုးဘူး။ … ဒါပေမယ့် တိုင်းပြည်မှာ သို့လောသို့လော အထင်မှားဖြစ်တယ်။ ကျနော့်အနေနဲ့လည်း အထင်မှားချက် တချက်နှစ်ချက် ရှိခဲ့တယ်။ ဒီအထင်မှားချက်တွေကို စ၀်ခွန်ချိုနဲ့ နှစ်ကြိမ်တွေ့ဆုံပြီး ရှင်းလင်းပြောပြတဲ့အခါမှာ အထင်မှားချက်တွေ ပျောက်ကုန်တယ်။ … … … အခု သူတို့လုပ်နေတဲ့ လမ်းစဉ်ဟာ ပေးရင်ပေး မပေးရင် ချမယ်ဆိုတဲ့ လမ်းစဉ်မဟုတ်၊ ကျနော်တို့ကလည်း မင်းတို့ချရင် ဒို့ကလည်း ချမယ်ဆိုတဲ့ လမ်းစဉ်မဟုတ်”

“ပြည်ထောင်စုကြီး တည်တံ့ခိုင်မြဲစေချင်ရင် ငါတကော ကော၍မရဘဲ တိုင်တိုင်ပင်ပင်နဲ့ လုပ်ကိုင်သွားပြီး အဖြေရှာရပါမယ်။ ပြည်ထောင်စုကြီး တည်တံ့ခိုင်မြဲချင်ရင် မလိမ့်တပတ်မလုပ်နဲ့။ မိသားစုအနေနဲ့ ဖြေရှင်းသွားကြရန်၊ လူနည်းစုတွေရော မြန်မာတွေကိုပါ ဒီနေရာက သတိပေးလိုက်ပါတယ်။ ရှမ်းမူခေါ်တဲ့ ဖက်ဒရယ်မူကို မျက်လုံးမပြူးကြပါနဲ့။ မိသားစုအနေနဲ့ ရှင်းသွားပါမယ်” ဟု ဦးနုက ရှင်းလင်းပြောဆိုခဲ့သည်။

ထိုအခြေအနေများကိုကြည့်လျှင် ရှမ်းမူစာတမ်းမှာ ပြည်ထောင်စုစစ်စစ်ဖြစ်ရေးကို တောင်းဆိုသော်လည်း ခွဲထွက်ရန်သဘော လုံးဝမတွေ့ရချေ။

ဝန်ကြီးချုပ် ဦးနု ရှမ်းမူသတင်းစာရှင်းလင်းပွဲ ပြုလုပ်ခဲ့သည့်နေ့မှာပင် (ဖက်ဒရယ်မူနှင့်ပတ်သက်၍ ရှမ်းပြည်နယ် ကိုယ်စားလှယ်အဖွဲ့၏ သဘောထားကြေညာချက်) ကို ဖြန့်ဝေခဲ့သည်။ ကြေညာချက်တွင် ဖက်ဒရယ်မူနှင့်ပတ်သက်၍ နိုင်ငံတော်သမ္မတ၊ ၀န်ကြီးချုပ်၊ အစိုးရအဖွဲ့ဝင် ၀န်ကြီးများ၊ ပထစ၊ ဖဆပလ၊ ပမညတခေါင်းဆောင်များ၊ ဆရာကြီး သခင်ကိုယ်တော်မှိုင်းနှင့် ဗိုလ်မှူးချုပ်ဟောင်း ကျော်ဇော အမှူးပြုသော ငြိမ်းချမ်းရေးအဖွဲ့ခေါင်းဆောင်များ၊ သတင်းစာဆရာမျာနှင့် စာရေးဆရာများအား ရှင်းလင်းတင်ပြခဲ့ကြောင်း၊ လူမျိုးပေါင်းစုံချစ်ကြည်ရေး လူမျိုးစုတိုင်း တန်းတူညီမျှရေးနှင့် ပြည်ထောင်စုတည်တံ့ခိုင်မြဲရေးဆိုသည့် ရည်ရွယ်ချက်များဖြင့် ဖက်ဒရယ်မူရေးဆွဲထားကြောင်း၊ ပါတီအဖွဲ့အစည်းအသီးသီးမှ ခေါင်းဆောင်များက လက်ခံတွေ့ဆုံကာ ညီရင်းအစ်ကိုသဖွယ် အကြံပေးဆွေးနွေးကြသည်ကို အားရကျေနပ်ကြောင်း၊ ပြည်နယ်ပေါင်းစုံညီလာခံနှင့် ထိုညီလာခံတွင် ဖွဲ့စည်းလိုက်သော ပြည်နယ်များ ညီညွတ်ရေးအဖွဲ့၏ ရည်ရွယ်ချက်နှင့် လုပ်ငန်းစဉ်များကို ရှင်းပြခွင့်ရသဖြင့် ဖက်ဒရယ်မူနှင့်ပတ်သက်၍ သံသယနှင့် အထင်အမြင်လွဲမှားမှုများ ပပျောက်ကာ ပြည်မနှင့် ရှမ်းပြည်နယ်အကြား နားလည်မှုပိုမိုရရှိမည်ဟု ယုံကြည်ကြောင်း စသည်ဖြင့် ဖော်ပြထားသည်။

၁၉၄၇ အခြေခံဥပဒေတွင် ချို့ယွင်းချက်များ ဖြစ်ခဲ့ရခြင်းနှင့်စပ်လျဉ်း၍ ဦးထွန်းမြင့် (တောင်ကြီး) က ၁၉၆၂ ဖေဖော်ဝါရီ (၂၄) ရက်နေ့က ရန်ကုန်၊ ပြည်လမ်း၊ အသံလွှင့်ရုံခန်းမ ပြည်ထောင်စုမူဆွေးနွေးပွဲတွင် ယခုကဲ့သို့ ပြောခဲ့ဖူးသည်။ …
(တိုင်းပြည်ပြုလွှတ်တော်တွင် အခြေခံဥပဒေရေးဆွဲကြစဉ် ကော်မတီအစည်းအဝေးတခု၌ အခြေခံဥပဒေအကြံပေးအရာရှိ ဦးချန်ထွန်းက အခြေခံဥပဒေပြဋ္ဌာန်းချက်များ တပုံတခေါင်းကြီး ရေးဆွဲတင်ပြလာသည်ဟုဆိုသည်။ ထိုအခါ ဗိုလ်ချုပ်အောင်ဆန်းက “ဦးချန်ထွန်း၊ ခင်ဗျား လန်ဘားကျောက်ဒရား* တွေ ရေးနေလို့ ဘယ်ဖြစ်မလဲ။ Broad Principle ကျယ်ပြန့်တဲ့ သဘောတရားလောက်ပါရင် တော်ရောပေါ့။ လွတ်လပ်ရေးရပြီးတဲ့နောက် လိုတာတွေကို By Act ပါလီမန်မှာ အက်ဥပဒေလုပ်ရင် ပြီးတာပဲ။ ဒီလောက် ရှည်ရှည်လျားလျားနဲ့ လုပ်နေရင် နှစ်လ၊ သုံးလနဲ့ ဘယ်မှာပြီးနိုင်ပါ့မလဲ” စသဖြင့် ပြောခဲ့သည်ဟု ဦးထွန်းမြင့်က ဆိုသည်။ ထို့ပြင် ဗိုလ်ချုပ်က “ဥပဒေဆိုတာ Gospal Truth ဘုရားဟောတွေ မဟုတ်ပါဘူး။ လူလုပ်ထားတဲ့ ဥပဒေကို လူက ပြင်လို့မရဆိုတာ မဖြစ်နိုင်ဘူး။ ဖြစ်နိုင်တယ် မဖြစ်နိုင်ဘူးဆိုတာ ကျနော်တို့အနေနဲ့ ဘာမှမပြောလိုပါဘူး။ ပြင်ဆင်ချင်တဲ့ စေတနာရှိ မရှိက အရေးကြီးပါတယ်”  ပြောခဲ့ကြောင်း ဦးထွန်းမြင့်က သူ့အသံလွှင့်ရုံ မိန့်ခွန်းတွင် ထည့်ပြောခဲ့သည်။ *လန်ဘားကျောက်ဒရား = ကုလားစကား = ရှည်လျားသောဟု အနက်ဆိုလိုသည်။)  ယခု နာဂစ်ဖွဲ့စည်းပုံကို ပြန်ပြင်ဆင်မှု မပြုနိုင်ရန် လုပ်ထားပုံအရ စစ်ဗိုလ်များ၏ စေတနာကို မြင်နိုင်သည်။
  
ဤသမိုင်းအဖြစ်အပျက် ပုံကြမ်းကို အကျဉ်းမျှ တင်ပြရသည့် ရည်ရွယ်ချက်မှာ ၁၉၆၂ ခုနှစ် မတ်လ (၂) ရက် ဗိုလ်နေ၀င်း၏ ကလိန်ကျမှုကို သိသာစေရန် ဖြစ်သည်။ ပြည်ထောင်စုကြီး ပြိုကွဲမည့် အန္တရာယ်ကြောင့် မလွှဲမရှောင်သာ နိုင်ငံတော်အာဏာကို ၀င်ရောက်ထိန်းသိမ်းခဲ့ရကြောင်း တော်လှန်ရေးကောင်စီဥက္ကဋ္ဌ ဗိုလ်နေ၀င်းက ပြည်သူလူထုအား လိမ်လည်လှည့်ဖြားကာ အာဏာသိမ်းခဲ့သည်။ ဒီမိုကရေစီနည်းအရ နိုင်ငံရေးပြဿနာများကို နိုင်ငံရေးနည်းအရ ငြင်းကြခုန်ကြဆွေးနွေးကြရသည်မှာ ကမ္ဘာနှင့်အ၀ှမ်းတွင် ဖြစ်ရိုးဖြစ်စဉ်ကိစ္စမျှသာဖြစ်သည်။ ဤသို့ဆွေးနွေးငြင်းခုန်မှုကြောင့် တိုင်းပြည်ပြိုကွဲမည့်အန္တရာယ် မရှိပေ။

တကယ့်စိတ်ဝမ်းကွဲမှုများ ဖြစ်ပေါ်ခဲ့ချိန်မှာ တော်လှန်ရေးကောင်စီက လမ်းစဉ်ပါတီထောင်သည့်အချိန် ဖြစ်သည်။ လမ်းစဉ်ပါတီမထောင်မီ ဗိုလ်နေ၀င်းက ပထစ၊ ဖဆပလနှင့် ပမညတခေါင်းဆောင်များအား မတ်လ (၄) ရက်တွင် တကြိမ်၊ မေလ (၇) ရက်တွင် တကြိမ်နှင့် မေလ (၁၇) ရက်တွင် တကြိမ် (၃) ကြိမ် သီးခြားစီတွေ့ခဲ့သည်။ ပထမအကြိမ်တွင် မလွှဲသာ၍ အာဏာသိမ်းရကြောင်း ရှင်းပြသည်။ ဒုတိယအကြိမ်တွင် တော်လှန်ရေးကောင်စီ၏ ဧပြီ (၃၀) ရက်နေ့ ထုတ်ပြန်သည့် ၀ါဒသဘောထားကြေညာချက်နှင့် မြန်မာ့ဆိုရှယ်လစ်လမ်းစဉ်ကို ရှင်းပြသည်။ တတိယအကြိမ်တွင် နိုင်ငံရေးပါတီများက မြန်မာ့ဆိုရှယ်လစ်လမ်းစဉ်အပေါ် မည်သို့သဘောထားကြောင်း မေးမြန်းသည်။ ထိုအချိန်မှစ၍ နိုင်ငံရေးပါတီများအတွင်း သဘောထားကွဲမှုများ ဖြစ်ပွားခဲ့သည်။

၁၉၆၂ ခု ဇူလိုင်လ (၄) ရက်တွင် လမ်းစဉ်ပါတီကို အမြုတေပါတီအဖြစ် ထူထောင်လိုက်သောအခါ ဖဆပလ၊ ပထစ၊ ပမညတ ခေါင်းဆောင်များသည် တော်လှန်ရေးကောင်စီဥက္ကဋ္ဌနှင့် ၎င်းတို့တွေ့ဆုံမှု၊ ၎င်းတို့ပါတီအသီးသီး၏ လမ်းစဉ်ပါတီအပေါ် သဘောထားထုတ်ပြန်ကြေညာချက်များ၊ ဆုံးဖြတ်ချက်များနှင့် စပ်လျဉ်း၍ ရှင်းလင်းပွဲ၊ ဆွေးနွေးပွဲများ လုပ်ခဲ့ကြသည်။ လက်အောက်ခံပါတီများ၊ အလုပ်သမား လယ်သမားသမဂ္ဂများအထိ လမ်းစဉ်ပါတီဝင်ရေး-မ၀င်ရေး အကြီးအကျယ် သဘောထားကွဲခဲ့ကြသည်။ ဤသို့ဖြင့် ပါတီပေါင်းစုံမှ နိုင်ငံရေးသမားအများအပြား လမ်းစဉ်ပါတီဝင်ရေး ဆုံးဖြတ်၍ စစ်တပ်ပါတီကို အလုပ်အကျွေးပြုခဲ့ကြသည်။ လမ်းစဉ်ပါတီဆန့်ကျင်သူများ ထောင်ကျတန်းကျ ဖြစ်ကြရသည်။ ပါတီစုံပါလီမန်ဒီမိုကရေစီစနစ်လည်း နင်းခြေခံလိုက်ရသည်။

ထိုစဉ်က စစ်အာဏာသိမ်းမှုကို နိုင်ငံရေးသတိရှိရှိ ကန့်ကွက်ရှုတ်ချခဲ့ကြသော အဖွဲ့အစည်းများတွင် ကျောင်းသားသမဂ္ဂများမှာ ထိပ်ဆုံးကဖြစ်သည်။ လူငယ့်တပ်ဦး (ဗမာနိုင်ငံ) နှင့် မဟာမိတ် (၁၀) ဖွဲ့တို့က “စစ်တပ်က အာဏာသိမ်းခြင်းကို ကန့်ကွက်ရှုတ်ချကြ” ကြေညာချက်များ ဖြန့်ဝေခဲ့သည်။ မန္တလေးခရိုင် လူငယ့်တပ်ဦး၊ တက္ကသိုလ်တပ်ဦးသစ်၊ ရခိုင်သံဃာ့တပ်ဦး (ဗဟိုဌာနချုပ်)၊ ရခိုင်သောတုဇန(သစ်)ဌာနချုပ်၊ စစ်ဆန့်ကျင်ရေး သံဃာ့အဖွဲ့ဌာနချုပ်၊ ရန်ကုန်ခရိုင် ကျောင်းသားများသမဂ္ဂ၊ ဗမာနိုင်ငံလုံးဆိုင်ရာ ကျောင်းသားများသမဂ္ဂ၊ ဗမာနိုင်ငံလုံးဆိုင်ရာ ကရင်အမျိုးသားများအဖွဲ့ချုပ်၊ ရန်ကုန်တက္ကသိုလ် ကျောင်းသားများအဖွဲ့ချုပ်၊ မန္တလေးတက္ကသိုလ်၊ မော်လမြိုင်ကောလိပ်နှင့် ပုသိမ်ကောလိပ် ကျောင်းသားသမဂ္ဂများ အစရှိသော အဖွဲ့များကလည်း စာရွက်စာတမ်းများ ထုတ်ပြန်ရှုတ်ချခဲ့ကြသည်။ ရန်ကုန်တက္ကသိုလ်ကျောင်သားညီညွတ်ရေးတပ်ဦး၊ ရန်ကုန်တက္ကသိုလ်ကျောင်းသားသမဂ္ဂနှင့် ဗကသတို့၏ ၁၉၆၂၊ (၇) ဇူလိုင် အရေးတော်ပုံသည် ထင်ရှားသော သမိုင်းသာဓကဖြစ်သည်။ ယနေ့လည်း ရွေးကောက်ပွဲသပိတ်မှောက်ရေးကို ကျောင်းသားများပင် ဦးဆောင်နေသည်။

ယခု လက်ငင်းဖြစ်ပေါ်နေသည့် စစ်အာဏာသိဒ္ဓိတင်မည့် ရွေးကောက်ပွဲ ၀င်ရေး-မ၀င်ရေးပြဿနာမှာ ဗိုလ်နေ၀င်းခေတ် လမ်းစဉ်ပါတီဝင်ရေး-မ၀င်ရေးနှင့် သံတူကြောင်းကွဲဖြစ်ပေသည်။ စစ်အာဏာရှင်၏ ခွေးကတက်တွင် နိုင်ငံရေးလုပ်ပိုင်ခွင့် (Political Space) ရနိုးနိုးဖြင့် မိမိတို့ယုံကြည်ချက်ကို စွန့်၊ မိမိတို့ပါတီကို ဖျက်သိမ်းကာ၊ ကျွန်ခံခဲ့ကြရဖူးသည့် သမိုင်းအတွေ့အကြုံကို ပြန်လည်စောင်းငဲ့ကြည့်သင့်၏။ ယခုရွေးကောက်ပွဲအခင်းအကျင်းက သာမန်နိုင်ငံရေးပါတီများအတွက် ခွေးကတက်မှာပင် နေရာမရှိကြောင်း မြင်နေရသည်။ ရွေးကောက်ပွဲဥပဒေစည်းမျဉ်း အကန့်အသတ်များ၊ မလျှော်အာဏာသုံး ဟန့်တားမှုများ၊ ငွေကြေးအခက်အခဲ အတားအဆီးများနှင့် အာဏာပါးကွက်သား အင်အားသုံးခြိမ်းခြောက်မှုများအပြင် နောက်ထပ် မမြင်သာသော အနှောင့်အယှက်များလည်း ရှိလိမ့်ဦးမည်။

တိုင်းရင်းသားပါတီများ အခြေအနေကောင်းမည်လားဟု မျှော်လင့်နေကြသည်။ ၁၉၄၇ ကတည်းကစခဲ့သော ဖက်ဒရယ်ပြည်ထောင်စုမူကို စစ်တပ်က လုံးဝပယ်ချ တိုက်ဖျက်နေဆဲရှိသည်ကို မမေ့သင့်။ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်နှင့် ယခုစစ်အာဏာရှင်တို့၏ အဓိက နိုင်ငံရေးပဋိပက္ခမှာလည်း ဖက်ဒရယ်ပြည်ထောင်စုကိစ္စပင် ဖြစ်သည်။ ဒေါ်အောင်ဆန်းစုကြည်က တိုင်းရင်းသားတို့အား လွတ်လပ်ရေး၊ တန်းတူရေးနှင့် ကိုယ်ပိုင်ပြဋ္ဌာန်းခွင့်ပေးရေး လမ်းစဉ်အတိုင်း သွားနေသည်။ စစ်တပ်က ဟန်ပြ ပြည်ထောင်စုဖြင့် ဗဟိုအစိုးရက အာဏာအလုံးစုံ ချုပ်ကိုင်ရေး လမ်းစဉ်အတိုင်းသွားရန် ယခုရွေးကောက်ပွဲကို ပြင်နေခြင်းဖြစ်သည်။ ထို့ကြောင့် စစ်အာဏာသိဒ္ဓိတင်ရေး ရွေးကောက်ပွဲသည် အဖြည့်ခံ နိုင်ငံရေးပါတီများအတွက် ထောင့်စေ့အောင် ဆင်ထားသော သတ်ကွင်းထောင်ချောက်ဖြစ်သည်။ လေးလေးနက်နက် စဉ်းစားသင့်လှ၏။


စစ်တပ်၏ လက်သုံးဝါဒဖြန့်ချက်ဖြစ်သည့် “ပြည်ထောင်စုကြီး ပြိုကွဲမည့်အန္တရာယ်” ဆိုသည်မှာ တိုင်းရင်းသားအချင်းချင်း သွေးကွဲစေရန်၊ စစ်အာဏာခိုင်မြဲစေရန်၊ ကောလာဟလ ထုတ်လွှင့်ချက်ဖြစ်သည်ကို မမေ့သင့်။ တိုင်းရင်းသားလူမျိုးအားလုံး သွေးစည်းညီညွတ်လျှင် စစ်အာဏာသက်ဆိုးမရှည်နိုင်။ ဤသတ်ကွင်းထောင်ချောက်မှ လွတ်မြောက်ရေးအတွက် ဗမာလူမျိုး အပါအ၀င် တိုင်းရင်းသားလူမျိုးအားလုံး ညီညီညွတ်ညွတ် ပိုင်းဖြတ်မှုရှိရှိ ရွေးကောက်ပွဲကို သပိတ်မှောက်ရန် ပြင်ဆင်ကြရပေလိမ့်မည်။

ကိုးကား ။     ။

(၁) ၁၉၅၈-၁၉၆၈ မြန်မာ့နိုင်ငံရေး (စတုတ္ထတွဲ) - ဦးမြဟန်နှင့် ဦးသိန်းလှိုင် ပြုစု၍ မြန်မာ့သမိုင်းဖြစ်ရပ်အမှန်များ ရေးသားပြုစုရေးအဖွဲ့က စိစစ်သည်။ တက္ကသိုလ်များပုံနှိပ်တိုက်၊ ရန်ကုန်၊ ၁၉၉၁ ခုနှစ် ဒီဇင်ဘာလ။ ဒုတိယနှိပ်ခြင်း။
(၂) မြန်မာ့နိုင်ငံရေးစနစ်ပြောင်းကာလ၊ ၁၉၆၂-၁၉၇၄၊ (ပထမတွဲ) - ဦးမြဟန်၊ ဒေါက်တာ ဒေါ်ခင်လှဟန်၊ ဦးကျော်ငြိမ်း၊ ဦးသန်းလွင်၊ ဦးစိန်မြင့်တို့ ပြုစု၍ မြန်မာ့သမိုင်းဖြစ်ရပ်အမှန်များ ရေးသားပြုစုရေးအဖွဲ့က စိစစ်သည်။ တက္ကသိုလ်များပုံနှိပ်တိုက်၊ ရန်ကုန်၊ ၁၉၉၃ ခုနှစ် မေလ။ ပထမနှိပ်ခြင်း။

ရင်းမြစ်။ ။ခေတ်ပြိုင်

ရွေးကောက်ပွဲကို စောင့်ကြည့်ရန် ဒေါ်အောင်ဆန်းစုကြည် တိုက်တွန်း

လွတ်လပ်၍ တရားမျှတသော ရွေးကောက်ပွဲ တရပ် ဖြစ်ပေါ်လာ စေရေးအတွက် လူတိုင်းက အနီးကပ် စောင့်ကြည့်ရန် တာဝန်ရှိသည်ဟု နေအိမ် အကျယ်ချုပ် ကျခံနေရသော အတိုက်အခံ ခေါင်းဆောင် ဒေါ်အောင်ဆန်းစုကြည်က ပြောဆိုလိုက်သည်။

Free_Aung_Sunဒေါ်အောင်ဆန်းစုကြည်နှင့် ယမန်နေ့က တွေ့ဆုံစဉ် ထိုသို့ မှာကြား လိုက်ခြင်း ဖြစ်ကြောင်း ရှေ့နေ ဦးဉာဏ်ဝင်းက ဧရာဝတီသို့ ပြောသည်။

“ရွေးကောက်ပွဲကို အမျိုးသား ဒီမိုကရေစီ အဖွဲ့ချုပ် (NLD) က မဝင်တော့ဘူး၊ သပိတ် မှောက်တယ် ဆိုပေမယ့်လို့ ပါတီဝင်တွေ အနေနဲ့ ရွေးကောက်ပွဲကို လျစ်လျူရှုလို့ မရဘူး။ မျက်ခြေမပြတ် ကြည့်ရှု လေ့လာဖို့ လိုတယ်။ တရားမျှတတဲ့ ရွေးကောက်ပွဲ တခု ဖြစ်ဖို့ဆိုတာ လူတိုင်းမှာ တာဝန်ရှိတယ်။ လူတိုင်း၊ အဖွဲ့အစည်း တိုင်းမှာ တာဝန်ရှိတယ်” ဟု ဒေါ်အောင်ဆန်းစုကြည်က ဆိုကြောင်း ဦးဉာဏ်ဝင်းက ပြောသည်။

ဒေါ်အောင်ဆန်းစုကြည်၏ အထူးအယူခံ လျှောက်လဲချက်နှင့် နေအိမ်ပြင်ဆင်မှုများကို ထပ်မံဆွေးနွေး ခဲ့ကြောင်း၊ ဒေါ်အောင်ဆန်းစုကြည်၏ လက်ရှိ ကျန်းမာရေး အခြေအနေမှာ ကောင်းမွန်လျက် ရှိကြောင်း ဦးဉာဏ်ဝင်းက ဆက်လက် ပြောဆိုသည်။

၁၉၈၉ ခုနှစ်မှ စတင်ကာ နေအိမ်အကျယ်ချုပ်ချခံထားရသည့် ဒေါ်အောင်ဆန်းစုကြည်သည် ယမန်နှစ် မေလက နေအိမ်သို့ တိတ်တဆိတ် ဝင်ရောက်ခဲ့သော အမေရိကန်နိုင်ငံသား ဂျွန် ဝီလျံ ယက်ထော ကြောင့် ထပ်မံ ရုံးတင် တရားစွဲ ခံခဲ့ရသည်။

နအဖ အစိုးရက ဒေါ်အောင်ဆန်းစုကြည်ကို နေအိမ်အကျယ်ချုပ် ဥပဒေ ဖောက်ဖျက်သည်ဟု ဆိုကာ ယမန်နှစ် သြဂုတ်လ အတွင်းက ထောင်ဒဏ် ၃ နှစ် စီရင်ချက် ချမှတ်ခဲ့သည်။ သို့သော် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက  အမိန့်ဖြင့် ထောင်ဒဏ်ကို ထက်ဝက် လျှော့ချကာ ဆိုင်းငံ့ ပြစ်ဒဏ်၊ နေအိမ် အကျယ်ချုပ် ၁ နှစ်ခွဲ ကျခံစေခဲ့သည်။

မြန်မာ့လွတ်လပ်ရေးဖခင်ကြီး ဗိုလ်ချုပ်အောင်ဆန်း၏ သမီး တော်စပ်နေခြင်းကြောင့်လည်းကောင်း၊ ရပ်ရွာ အေးချမ်း သာယာရေးနှင့် တည်ငြိမ်ရေးကို ရှေးရှု၍ လည်းကောင်း၊ အာဃာတ မရှိစေရေး အတွက် လည်းကောင်း၊ ဒီမိုကရေစီ လမ်းကြောင်းတွင် အနှောင့်အယှက် မဖြစ်စေရေးအတွက် လည်းကောင်း လျှော့ပေါ့ပေးရခြင်း ဖြစ်သည်ဟု ဆိုသည်။

သို့သော် ဒေါ်အောင်ဆန်းစုကြည်၏ လက်ရှိကျခံထားရသည့် နေအိမ်အကျယ်ချုပ် ပြစ်ဒဏ်အရ ရွေးကောက်ပွဲ ပြီး၍ တပတ် အကြာမှ နအဖ အစိုးရက လွှတ်ပေးမည့်အချက်ကိုလည်း NLD မှ လူကြီးများ တွေ့ဆုံဆွေးနွေးမည် ဖြစ်ကြောင်း ဒေါ်အောင်ဆန်းစုကြည်၏ ပြောခွင့်ရပုဂ္ဂိုလ် ဦးဉာဏ်ဝင်းထံမှ သိရှိရသည်။

ပါတီစုံ ဒီမိုကရေစီ အထွေထွေ ရွေးကောက်ပွဲကို ၂၀၁၀ ပြည့်နှစ် နိုဝင်ဘာ ၇ ရက်နေ့တွင် လွှတ်တော် အသီးသီးအတွက် ကျင်းပသွားမည်ဟု သြဂုတ်လ ၁၃ ရက်နေ့တွင် စစ်အစိုးရက ထုတ်ပြန် ကြေညာထားသည်။

ရင်းမြစ်။ ။ဧရာဝတီ

NDF ရဲ့ ခမောက် စာပေကင်ပေတိုင် ပိတ်ပင်

နယူးဒေလီ (မဇ္ဈိမ) ။    ။ ပါတီအမှတ်တံဆိပ် ခမောက်ပုံကို  စာပေစိစစ်ရေးက သတင်းဂျာနယ်များတွင် ဖော်ပြခွင့် မပြုကြောင်း အမျိုးသားဒီမိုကရေစီအင်အားစု NDF ခေါင်းဆောင် ဦးခင်မောင်ဆွေက ပြောဆိုသည်။

ယခုလ ပထမပတ်မှစ၍ ရန်ကုန်ရှိ အပတ်စဉ်ထုတ် သတင်းဂျာနယ်များဖြစ်သည့် Monitor ၊ The Hot News နှင့် The Voice Weekly တို့တွင် NDF ခေါင်းဆောင်များ၏ အင်တာဗျူးနှင့် ပါတီတံဆိပ် ခမောက်ပုံကို စာပေစိစစ်ရေးသို့ တင်ပြရာတွင် ခမောက်ပုံကို ဖော်ပြခွင့် မရရှိခဲ့ကြောင်း ပြောဆိုခြင်း ဖြစ်သည်။

“တချို့ဂျာနယ်တွေမှာဆိုရင် အင်တာဗျူးရော ခမောက်ရော၊ တချို့ဂျာနယ်တွေမှာဆိုရင် အင်တာဗျူးပါတယ်၊ ခမောက်ပုံ မပါဘူး။ ဂျာနယ်တွေကို သွားမေးတဲ့အခါမှ စိစစ်ရေးက ဖြုတ်လိုက်တာကို သိရတာ” ဟု NDF ခေါင်းဆောင် ဦးခင်မောင်ဆွေက မဇ္ဈိမကို ပြောသည်။

ခမောက်တံဆိပ်ကို စာပေစိစစ်ရေးက ဖော်ပြခွင့် မပြုကြောင်း ပိတ်ပင်ခံရသည့် ဂျာနယ်များနှင့် နီးစပ်သူများကလည်း ပြောဆိုကြသည်။

“ကျနော်တို့က NDF နဲ့ အင်တာဗျူးရော ခမောက်ပုံရော တွဲတင်ပါတယ်။ ဒါပေမဲ့ စာသားရော၊ ခမောက်ရော ဖြုတ်လိုက်ပါတယ်” ဟု ပိတ်ပင်ခံရသည့် ဂျာနယ်များနှင့် နီးစပ်သည့် အယ်ဒီတာတဦးက ပြောသည်။

“တခြားပါတီတံဆိပ်တွေ ဖော်ပြခွင့် ရပါတယ်။ ခမောက်ကိုကျမှ မရတာပါ။ သိရသလောက်ဆိုရင် ခမောက်ပုံပါတဲ့ နိုင်ငံပိုင် သတင်းစာ ဖြတ်ပိုင်းနဲ့ တွဲတင်တာတောင် မရဘူး” ဟု The Hot News နှင့် နီးစပ်သူ တဦးက မဇ္ဈိမကို ပြောသည်။

တရားဝင် မှတ်ပုံတင်ခွင့်ပြုချက် ရရှိပြီးသည့် ပါတီတခုအနေဖြင့် ပါတီတံဆိပ်ကို လွတ်လပ်စွာ အသုံးပြုနိုင်ကြောင်းနှင့် အခြားပါတီများ၏ အမှတ်တံဆိပ်များကို ဖော်ပြခွင့်ရနေသော်လည်း ၎င်းတို့ပါတီကိုမှ ဖော်ပြခွင့် ကန့်သတ်ကြောင်း NDF အဆိုအရ သိရသည်။

သို့သော် အမျိုးသား ဒီမိုကရေစီအဖွဲ့ချုပ်နှင့် NDF အကြား ခမောက်တံဆိပ် အသုံးပြုခြင်းနှင့် ပတ်သက်၍ အငြင်းပွားစဉ်ကသာ သတင်းစာထဲတွင် ဖော်ပြခွင့် ရရှိခဲ့ပြီး၊ နောက်ပိုင်းတွင် မရရှိတော့ကြောင်း NDF က ပြောဆိုသော်လည်း Monitor ဂျာနယ်ကမူ ဖော်ပြခွင့် ရရှိသည်ဟု ဆိုသည်။

“ကော်မရှင်က ခွင့်ပြုထားတဲ့ တံဆိပ်ကို ဘာလို့ ဖော်ပြခွင့်မရမှာလဲ။ တခြားဂျာနယ်တွေရော၊ ကျနော်တို့ဂျာနယ်ရော ဖော်ပြခွင့် ရပါတယ်” ဟု Monitor သတင်းဂျာနယ် အယ်ဒီတာချုပ် ဦးမြတ်ခိုင်က မဇ္ဈိမကို ပြောသည်။ ပြီးခဲ့သည့်လထုတ် Monitor တွင် NDF ပါတီအကြောင်း သတင်းတရပ်တွင် ခမောက်ပုံကို ပူးတွဲဖော်ပြခွင့် ရရှိခဲ့သေးသည်။

စာပေစိစစ်ရေးဌာနမှ ဌာနစုမှူး ဒေါ်ယုယုဝင်းကလည်း “ကျမ အထင်တော့ ဂျာနယ်တွေထဲမှာ ပါနေပါလိမ့်မယ်။ ကော်မရှင်က တရားဝင် ခွင့်ပြုထားရင်တော့ အသုံးပြုခွင့် ပေးပါတယ်။ ကျမ ဒီလောက်ပဲ ပြောနိုင်ပါတယ်” ဟု မဇ္ဈိမကို ပြောသည်။

NDF အနေဖြင့် ပါတီမှတ်ပုံတင်ခွင့် လျှောက်ထားစဉ်က ခမောက်တံဆိပ် အသုံးပြုမှုနှင့် ပတ်သက်၍ အငြင်းပွားမှု ဖြစ်ပေါ်ခဲ့ရာ၊ ရွေးကောက်ပွဲ ကော်မရှင်က ဆက်လက်အသုံးပြုခွင့် ပေးခဲ့သည်ကို စာပေစိစစ်ရေးသို့ အကြောင်းမကြားသဖြင့် သတင်းဂျာနယ်များတွင်  ခမောက်တံဆိပ် ဖော်ပြခွင့် ပိတ်ပင်ထားခြင်း ဖြစ်နိုင်ကြောင်း စာပေစိစစ်ရေးနှင့် နီးစပ်သူတဦးက ပြောဆိုသည်။

ယင်းအပြင် လွန်ခဲ့သည့် ၂ လ ခန့်က NDF ပါတီ ဥက္ကဋ္ဌ ဒေါက်တာ သန်းငြိမ်းနှင့် အင်တာဗျူးကို အလင်းတန်း ဂျာနယ်တွင် ဖော်ပြခွင့် မရခဲ့ကြောင်း သိရသည်။

“ရွေးကောက်ပွဲ နီးကပ်လာတာနဲ့အမျှ ဒီလို ကန့်သတ်ပိတ်ပင်တာဟာ မဲဆွယ်စည်းရုံးရေးကို မပြုလုပ်နိုင်အောင် လုပ်နေတဲ့ သဘော သက်ရောက်နေတယ်” ဟု ဦးခင်မောင်ဆွေက ပြောဆိုလိုက်သည်။

ယခုနှစ် နိုဝင်ဘာလ ၇ ရက်နေ့တွင် ကျင်းပမည့် ရွေးကောက်ပွဲတွင် NDF သည် လွှတ်တော် ကိုယ်စားလှယ်လောင်း ၁ဝဝ ဝန်းကျင်ဖြင့် ယှဉ်ပြိုင်သွားမည့် ပါတီဖြစ်သည်။