Saturday, February 27, 2010

'လွတ်မြောက်မှုဆီသို့ ခရီးရှည် 'အလွန် အနှစ် ၂၀






 

လွန်ခဲ့သော နှစ် ၂၀

       

၁၉၉၀၊ ဖေဖော်ဝါရီလ ၁၁ ရက်...


        တောင်အာဖရိကရှိ ဗစ်တာဗာစတာအကျဉ်းထောင်ကို နယ်လ်ဆင်မင်ဒဲလား စွန့်ခွာလာခဲ့ပြီ။ ၂၇ နှစ်ကြာ သံတိုင်နောက်ကွယ်မှဘ၀ကို နိုင်ငံ၏ အထင်ရှားဆုံး လွတ်မြောက်ရေးခေါင်းဆောင် အဆုံးသတ်နိုင်ခဲ့သည့်နေ့။
        တောင်အာဖရိကတစ်လွှားမှ  လူမည်းများ၊ လူဖြူလူမည်းခွဲခြားမှုကို ဆန့်ကျင်ကြသူများ လမ်းမများတစ်လျှောက် ပြည့်လျံနေသည်။ ဆိုးရွားလှသော လူသားချင်း ရိုင်းစိုင်းစွာ ခွဲခြားဆက်ဆံသော အစိုးရကိုဆန့်ကျင်မှုအတွက် အကျဉ်းကျခံခဲ့ရသည့် သူရဲကောင်းမင်ဒဲလား လွတ်မြောက်လာသည်ကို ကြိုဆိုကြဖို့။
         လွတ်မြောက်လျင် လွတ်မြောက်ချင်းပင် မင်ဒဲလားသည်  လူဖြူလူမည်းခွဲခြားထားသည့် မူဝါဒများအဆုံးသတ်ရေးအတွက် လူဖြူသမ္မတအက်ဖ်ဒဗလျူဒီကလပ်ခ်နှင့် ညှိနှိုင်းလုပ်ဆောင်ခဲ့သည်။ ထောင်တွင်းမှ လွတ်မြောက်အပြီး သုံးနှစ်အကြာတွင်တော့ နိုဗယ်ငြိမ်းချမ်းရေးဆုကို ဒီကလပ်နှင့် ပူးတွဲပြီးရရှိခဲ့သည်။ ၁၉၆၁ ခုနှစ်ကတည်းက ပိတ်ပင်ခံထားရသော အာဖရိကအမျိုးသားကွန်ဂရက်(အေအင်န်စီ)သည် တရားဝင်အဖွဲ့အစည်းတစ်ရပ် ပြန်ဖြစ်လာအပြီးတွင် မင်ဒဲလားကို ဥက္ကဋ္ဌအဖြစ် ရွေးကောက်ခဲ့ကြသည်။ ၁၉၉၄ တွင် ရွေးကောက်ပွဲအပြတ်အသတ်အနိုင်ရပြီး နိုင်ငံ၏ ပထမဆုံးလူမည်းသမ္မတ ဖြစ်လာသည်။
        ''ကျွန်တော်တို့ လွတ်မြောက်နိုင်ဖို့ နည်းလမ်းအမျိုးမျိုးနဲ့ အနစ်နာစတေးခံပြီး သူတို့ရဲ့ဘ၀တွေကိုပါ အဆုံးရှုံးခံခဲ့ကြတဲ့ ဒီနိုင်ငံတွင်းနဲ့ ကမ္ဘာတစ်ဝန်းလုံးမှာရှိတဲ့ အမျိုးသား အမျိုးသမီးသူရဲကောင်းတွေ အားလုံးအတွက် ဒီကနေ့ကို ရည်ညွှန်းပါတယ်''ဟု သူ၏ သမ္မတကျမ်းသစ္စာ ကျိန်ဆိုပွဲမိန့်ခွန်းတွင် ပြောကြားခဲ့သည်။
         သူ့ကတိအတိုင်း သမ္မတသက်တမ်းတစ်ကြိမ်သာ ထမ်းဆောင်ခဲ့သည်။ 

သာတူညီမျှတဲ့အခွင့်အရေးတွေနဲ့အတူ လူသားအားလုံး အတူတကွစည်းချက်ညီစွာ အတူတကွနေထိုင်ရမဲ့ ဒီမိုကရေစီနည်းကျပြီး လွတ်လပ်တဲ့ လူ့အဖွဲ့အစည်းဆိုတဲ့စံကို ကျွန်တော်မြတ်နိုးပါတယ်။ ကျွန်တော်အသက်ရှင်နေနေတဲ့ မျှော်လင့်ချက်ဟာ အဲဒီဟာဆိုရင် အဲဒါတကယ်ဖြစ်လာတာ မြင်ချင်ပါတယ်။ ဒါပေမဲ့ လိုအပ်လာမယ်ဆိုရင်လည်း အဲဒီအတွက် ကျွန်တော်သေဖို့ ပြင်ဆင်ထားပါတယ်

          ၁၉၆၄ ခုနှစ်က ပုန်ကန်မှုဖြင့်  တစ်သက်တစ်ကျွန်းကျခံရစဉ်ကတည်းက မင်ဒဲလားသည် လူဖြူလူမည်းခွဲခြားသည့်စနစ်ကို တိုက်ဖျက်သူများအတွက် အသက်ရှင်နေသော သင်္ကေတတစ်ခု ဖြစ်သည်။ ဒီစနစ်အစပျိုးကတည်းက ဆန့်ကျင်လာခဲ့သူ။

         ''လူဖြူလွှမ်းမိုးတာကိုလည်း ကျွန်တော်တိုက်ပွဲဝင်ဆန့်ကျင်တယ်။ လူမည်းလွှမ်းမိုးတာကိုလည်း ကျွန်တော်တိုက်ပွဲဝင် ဆန့်ကျင်တယ်။ သာတူညီမျှတဲ့ အခွင့်အရေးတွေနဲ့အတူ လူသားအားလုံး အတူတကွစည်းချက်ညီစွာ အတူတကွနေထိုင်ရမဲ့ ဒီမိုကရေစီနည်းကျပြီး လွတ်လပ်တဲ့ လူ့အဖွဲ့အစည်းဆိုတဲ့စံကို ကျွန်တော်မြတ်နိုးပါတယ်။ ကျွန်တော်အသက်ရှင်နေနေတဲ့ မျှော်လင့်ချက်ဟာ အဲဒီဟာဆိုရင် အဲဒါတကယ်ဖြစ်လာတာ မြင်ချင်ပါတယ်။ ဒါပေမဲ့ လိုအပ်လာမယ်ဆိုရင်လည်း အဲဒီအတွက် ကျွန်တော်သေဖို့ ပြင်ဆင်ထားပါတယ်''
        ဒီစကားတွေကို သူထောင်ထဲမ၀င်ရမီ နောက်ဆုံးအချိန်လေးမှာ ပြောခဲ့သည်။ ဒါသည်ပင် သူ့အိပ်မက်။
        ရိုလီလာလာမင်ဒဲလားဆိုသော သူ့အမည်အရင်းသည် သူတို့ဘာသာစကားအရတော့ အပင်၏အခက်ကိုချိုးခြင်းဟု အဓိပ္ပာယ်ရပြီး တစ်နည်းအားဖြင့် ပြဿနာရှာသူ(Troublemaker)ဟု အနက်ဖွင့်နိုင်သည်။ သို့ပေမဲ့ သူ့ဘ၀နှင့် သူ့လုပ်ဆောင်ချက်များအရ သူသည်  Troublemaker မဟုတ်ဘဲ Peacemaker ဖြစ်သည်ကို ထင်ရှားစေခဲ့ပါသည်။
        သမ်ဘူတော်ဝင်မျိုးနွယ်စုမှ မွေးဖွားလာခဲ့သော်လည်း မင်ဒဲလားသည် အရိုက်အရာဆက်ခံရမည့် မျိုးနွယ်လမ်းကြောင်းတွင် ရှိမနေခဲ့။ သို့ပေမဲ့ သူ့မိသားစုတွင် သူသည် ပထမဆုံးကျောင်းတက်ရသူ။ သူ့ဆရာတစ်ယောက်က သူ့ကို ဘိုနာမည် နယ်လ်ဆင်ဟု ပေးခဲ့သည်။ ကောလိပ်တက်ခဲ့သော်လည်း ပထမနှစ်တွင်ပင် ကျောင်းမူဝါဒများကို ကန့်ကွက်ဝေဖန်ပြီး  ကျောင်းထွက်ခဲ့ရသည်။ မိရိုးဖလာအရ မိဘများကစီစဉ်သော မင်္ဂလာပွဲကို ရှောင်လွှဲလိုသည့် မင်ဒဲလားသည် ဂျိုဟန်နာစဘတ်သို့ ထွက်ပြေးခဲ့သည်။ ဂျိုဟန်နာစဘတ်တွင်ပင် ကောလိပ်ပညာရေးဆုံးခန်း တိုင်ခဲ့သည်။
        ၁၉၄၈ တွင် မင်ဒဲလား၏ ဘ၀မှာ အပြောင်းအလဲများစွာ ကြုံခဲ့ရသည်။ လူဖြူလူမည်းခွဲခြားသည့် မူဝါဒများကို အကြမ်းမဖက်အနုနည်းဖြင့် ဆန့်ကျင်သည့် မင်ဒဲလားနှင့် သူ၏အေအင်န်စီမှ ရဲဘော်များအရိုက်ခံရ၊ အဖမ်းခံခဲ့ရသည်။ အေအင်န်စီကို ၁၉၆၁ ခုနှစ်တွင် တရားဝင်ပိတ်ပင်ခဲ့ပြီးနောက်တွင်တော့ သူတို့တွေ ယုံကြည်လာသည်က အကြမ်းမဖက်အနုနည်းနှင့် ဆန့်ကျင်ရေးသည် အလုပ်မဖြစ်ဟူ၍ ဖြစ်သည်။
        မြေအောက်လှုပ်ရှားမှုများနှင့် အတူအေအင်န်စီ၏ မြေအောက်လက်နက်ကိုင်အဖွဲ့ကို ဦးဆောင်ခဲ့ပြီး တစ်နှစ်ကျော်အကြာတွင် အဖမ်းခံခဲ့ရခြင်း ဖြစ်သည်။ ပြစ်ဒဏ်က တစ်သက်တစ်ကျွန်း။ ငြိမ်းချမ်းစွာ ဆန့်ကျင်မှုအားလုံး အလုပ်မဖြစ်တော့ချိန်တွင် နိုင်ငံရေးတိုက်ပွဲကို အကြမ်းနည်းဖြင့် တိုက်ရမည့်လမ်းသို့ တွန်းပို့ရာရောက်စေခဲ့ပြီး အခြားရွေးချယ်စရာမရှိစေခဲ့ဟု မင်ဒဲလားက ရုံးတွင် ထွက်ဆိုခဲ့သည်။ သဘောထားတင်းမာသည့် သမ္မတအာဒဗလျူဘိုသာဆင်းပြီး ဒီကလပ်ခ်သမ္မတဖြစ်လာချိန်တွင်မှ သူပြန်လည်လွတ်မြောက်လာခဲ့ခြင်း ဖြစ်သည်။ လူမျိုးရေးခွဲခြားမှု ခေတ်လွန်တောင်အာဖရိကကို လေးနှစ်မျှသာ သူဦးဆောင်ခဲ့သည်။  တာဝန်မှအနားယူအပြီးတွင်လည်း သူသည် ဒီမိုကရေစီအကြောင်း၊ လူ့အခွင့်အရေးအကြောင်း၊ ငြိမ်းချမ်းရေးအကြောင်း ကမ္ဘာကြီး၏ ပြောခွင့်ရပုဂ္ဂိုလ် ဖြစ်ခဲ့သည်။ တရားမျှတမှုရှိရမည်ဆိုသော အသိအမြင်ကို ခေါင်းမာစွာ ဆုပ်ကိုင်ခြင်း(a stubborn sense of fairness)ဆိုသည်မှာ ဖခင်ထံမှ အမွေဆက်ခံခဲ့သော ၀ိသေသနလက္ခဏာဖြစ်သည်ဟု မင်ဒဲလားက ဆိုခဲ့ဖူးသည်။ ဤသည်ပင် အောင်မြင်မှုရဖို့ အဓိကကျသည့် အချက်ဟု ဆိုခဲ့သည်။

        မင်ဒဲလားကို လူဖြူလူမည်းခွဲခြားမှုတိုက်ဖျက်နိုင်ခဲ့သည် တစ်ယောက်အဖြစ်သာ ကမ္ဘာကြီးက အမှတ်ရသည်တော့မဟုတ်။ တောင်အာဖရိကလူဖြူတိုင်းကို ရန်သူတစ်ဖွယ်မြင်ခဲ့သူမဟုတ်ဘဲ ရှည်လျားသော တစ်ခါတစ်ရံခါးသီးဖွယ်ကောင်းသော အခြေအနေတို့မှ ပြန်လည်ရင်ကြားစေ့ရေးကို အကောင်းဆုံးဖော်ဆောင်နိုင်ခဲ့ခြင်းအတွက်ပါ အမှတ်ရနေကြခြင်း ဖြစ်သည်။
        သူ့မိန့်ခွန်းတိုင်းတွင် ဒီအသိသညာက ပါဝင်ခဲ့သည်ချည်း ဖြစ်သည်။ ဖိနှိပ်သူ လူဖြူတို့၏ အားကစားဟု တောင်အာဖရိက လူမည်းတို့ ယူဆကြသော နိုင်ငံ့လက်ရွေးစင်ရပ်ဂ်ဘီအသင်းကို အားပေးဖို့ လူမည်းတို့ကို သူတိုက်တွန်းခဲ့သည်။ ၁၉၉၅ ကမ္ဘာ့ဖလားရပ်ဂ်ဘီပွဲတွင် တောင်အာဖရိကဗိုလ်စွဲခဲ့သည့်အခါတွင်တော့ (လူဖြူဖြစ်သည့်) အသင်းခေါင်းဆောင်ဖရန်ဆွာပီရန်နားကို ဆုဖလားချီးမြှင့်သူက သူကိုယ်တိုင် ဖြစ်သည်။ ထိုစဉ်က သမ္မတကြီး၏ ကိုယ်ပေါ်မှာဝတ်ဆင်ထားသည့်က ပီရန်နား၏ အင်္ကျီနှင့် ပုံစံတူရပ်ဂ်ဘီအင်္ကျီ။ (မင်ဒဲလားနှင့် တောင်အာဖရိကရပ်ဂ်ဘီအသင်းအကြောင်း ရိုက်ထားသည့်  Invictus  ရုပ်ရှင်ကားသည် ဒီဖြစ်စဉ်ကို ဇာတ်လမ်းဆင်ထားခြင်း ဖြစ်သည်)
         ကမ္ဘာ့ဖလားဘောလုံးပြိုင်ပွဲကို အာဖရိကတိုက်၏ ပထမဆုံးအဖြစ် တောင်အာဖရိကမှ ကျင်းပနိုင်ရေး ရည်မှန်းချက် အထမြောက်လာခဲ့ခြင်းသည်လည်း မင်ဒဲလား၏ ကျေးဇူးမကင်း။
         အခုအချိန်တွင် အသက် ၉၁ နှစ်အရွယ်ရှိပြီဖြစ်သည့် မင်ဒဲလားတစ်ယောက် သူ့မိသားစုနှင့်အတူ ဘ၀၏ဆည်းဆာအချိန်ကို ငြိမ်းငြိမ်းချမ်းချမ်း ဖြတ်သန်းနေသည်။ သူသည် သူ့ပြည်သူတို့၏ သူရဲကောင်း၊ ကမ္ဘာသားတို့၏ အသက်ရှင်နေဆဲ သူရဲကောင်း၊ ငြိမ်းချမ်းရေး၏ မီးရှူးတန်ဆောင်အဖြစ် မှတ်ယူခံထားရသည်။
         သို့ပေမဲ့ ဒီမိုကရေစီ ၁၅ နှစ်သား တောင်အာဖရိကကတော့ ဆင်းရဲမွဲတေမှု၊ အလုပ်လက်မဲ့ပြဿနာ၊ ရာဇ၀တ်မှုများကို ရင်ဆိုင်နေရဆဲ။ လုပ်စရာတွေက အများကြီးကျန်ရစ်နေဆဲ။ ပြည်သူတို့၏ ကျေနပ်ပျော်ရွှင်မှုတို့က အကန့်အသတ်ရှိနေဆဲ။
         တကယ်တမ်းတွင်တော့ ဒီပြဿနာတွေအပေါ် ရိုဟီလာလာနယ်လ်ဆင်မင်ဒဲလား (သူတို့တောင်အာဖရိကသားတွေအခေါ် မာဒီဘာ(မျိုးရိုးအမည်)လောက် နားလည်ကြလိမ့်မည်မထင်။ ဒါတွေကို ၁၉၉၄ ခုနှစ်က ထုတ်ခဲ့သော သူ့ကိုယ်တိုင်ရေးအတ္ထုပ္ပတ္တိ  ''လွတ်မြောက်ရေးသို့ ခရီးရှည်ချီတက်ပွဲ''(Long Walk to Freedom)တွင် သူရှင်းရှင်းလင်းလင်း ပြောခဲ့ဖူးသည်။
        ''လွတ်မြောက်မှုဆီရောက်ဖို့ ကျွန်တော်ခရီးရှည်ကြီး ချီတက်ခဲ့ရတယ်။ ကျွန်တော်စိတ်ပျက်အားလျော့မသွားခဲ့ဖူးလို့လည်း ကျွန်တော်ယုံကြည်တယ်။ လမ်းတစ်လျောက်မှာ ကျွန်တော်အမှားတွေ လုပ်ခဲ့မိတာလည်း ရှိခဲ့တယ်။ ဒါပေမဲ့ မဟာတောင်ကုန်းတစ်ခုကို ဖြတ်ကျော်နိုင်ခဲ့အပြီးမှာ လျို့ဝှက်ချက်တစ်ခုကို တွေ့ခဲ့ရတယ်။ တစ်ခုတည်းသော အဲဒီတွေ့ရှိခဲ့မှုက နောက်ထပ်ဖြတ်သန်းကျော်ဖြတ်ရမဲ့ တောင်ကုန်းတွေအများကြီး ရှိသေးတယ်ဆိုတာပါပဲ''ဟု ။
        လွန်ခဲ့သော နှစ် နှစ်ဆယ်ကတော့ မင်ဒဲလားအတွက်လည်း လွတ်မြောက်မှုဟူသည်မရှိခဲ့။ တောင်အာဖရိကသားလူမည်းများအတွက်လည်း ထို့အတူ။
        ဒီကနေ့အခါမှာတော့ မင်ဒဲလားပြောသလို ဖြတ်ကျော်စရာတောင်ကုန်းတွေ အများကြီးရှိနေသေးသော်လည်း လူမည်းတောင်အာဖရိကသားတွေအတွက် လွတ်မြောက်မှုဟူသည် သူစိမ်းတစ်ယောက်မဟုတ်တော့။
Ref : CNN, AFP
Written by ဇေ၀င်းနောင် 
    

ရွေးကောက်ပွဲအပေါ် သဘောထား US/EU က NLD ကို မေးမြန်း


နယူးဒေလီ (မဇ္ဈိမ)။      ။ အမေရိကန်နှင့် ဥရောပသမဂ္ဂ EU သံတမန်များက အမျိုးသား ဒီမိုကရေစီအဖွဲ့၏ ရွေးကောက်ပွဲအပေါ် သဘောထားကို သိရှိရန် ရန်ကုန်ရှိ ပါတီရုံးချုပ်သို့ ယနေ့ လာရောက်မေးမြန်းခဲ့သည်။

“သူတို့က ရွေးကောက်ပွဲ အချိန်နီးပြီလို့ ခန့်မှန်းတဲ့အတွက် ရွေးကောက်ပွဲနဲ့ ပက်သက်တဲ့ NLD ရဲ့ သဘောထား ရှိနေပြီလား၊ မရှိသေးဘူးလား။ မရှိသေးရင် ဘယ်တော့မှရှိမှာလဲ၊ ရွေးကောက်ပွဲဝင်ဖို့ရော သဘောထားရှိသလား စသဖြင့် ဒါတွေ လာတီးခေါက်ကြည့်ကြတဲ့ သဘောပါ” ဟု NLD ပါတီပြောခွင့်ရ ပုဂ္ဂိုလ် ဦးခင်မောင်ဆွေက မဇ္ဈိမကို ပြောသည်။

ယနေ့ နေ့လည်ပိုင်းတွင် ဗဟန်းမြို့နယ်ရှိ NLD ရုံးချုပ်၌ အမေရိကန်နှင့် EU နိုင်ငံများမှ ဂျာမဏီ၊ ဗြိတိန်၊ နော်ဝေ၊ အီတလီ၊ ပြင်သစ် စသည့် သံတမန်များကို NLD ဒုဥက္ကဋ္ဌ ဦးတင်ဦး၊ ဗဟိုအလုပ်အမှုဆောင် ကော်မတီဝင်များ ဖြစ်သည့် ဦးဝင်းတင်၊ ဦးခင်မောင်ဆွေနှင့် ဦးညွှန့်ဝေတို့က တနာရီကျော် တွေ့ဆုံကာ ရှင်းပြခဲ့သည်။

“ရွေးကောက်ပွဲနဲ့ပက်သက်တဲ့ ကိစ္စဟာ အခုအချိန်မှာ စဉ်းစားဖို့ အချိန်မတန်သေးဘူးဆိုတဲ့ ဒေါ်အောင်ဆန်းစုကြည်ရဲ့ သတင်းထုတ်ပြန်ထားတဲ့အတိုင်း ပြန်ဖြေကြားခဲ့ပါတယ်။ ရွှေဂုံတိုင် ကြေညာစာတမ်းအတိုင်း လှေကား ၃ ထစ်အလယ်မှာ ရပ်တည်နေတဲ့အကြောင်း ရှင်းပြခဲ့ပါတယ်” ဟု ဦးခင်မောင်ဆွေက ပြောသည်။

၂ဝဝ၉ ခုနှစ် ဧပြီလနှောင်းပိုင်းတွင် ထုတ်ပြန်ခဲ့သည့် NLD ၏ ရွှေဂုံတိုင်ကြေညာစာတမ်းတွင် နိုင်ငံရေး အကျဉ်းသား အားလုံး လွှတ်ပေးရန်၊ ၂ဝဝ၈ အခြေခံ ဥပဒေကို သုံးသပ်ပြင်ဆင်ရန်၊ ၁၉၉ဝ ခုနှစ် ရွေးကောက်ပွဲရလဒ်ကို တစုံတရာ အသိအမှတ်ပြုရန်နှင့် အမျိုးသား ပြန်လည်သင့်မြတ်ရေးအတွက် ဆွေးနွေးပွဲများ ကျင်းပရန်တို့ ပါရှိသည်။

မြင့်မောင် | သောကြာနေ့၊ ဖေဖေါ်ဝါရီလ ၂၆ ရက် ၂၀၁၀ ခုနှစ် ၂၀ နာရီ ၄၃ မိနစ်

ကတိများ သက်သက်ဖြင့် နှစ်တနှစ်လော


မန်မာ့စီးပွားရေး မည်သို့ ဖြစ်မည်ကို နိမိတ်ဖတ်ရသည်မှာ အန္တရာယ်များသော အလုပ် ဖြစ်သည်။ ဤလုပ်ငန်းကို ၂ ပိုင်း ခွဲလိုက်မည် ဆိုလျှင်တော့ အန္တရာယ် နည်းသွားဖွယ် ရှိသည်။ တပိုင်းက ယခုနှစ်တွင် မည်သို့ ဖြစ်မည်ဟု မိမိတို့ မျှော်လင့်ချက်ကို မှန်းဆခြင်း ဖြစ်ပြီး၊ အခြား တပိုင်းမှာ စိတ်ရှုပ်ထွေးဖွယ် အတွေ့အကြုံ များအရ မည်သို့ ဖြစ်ပျက်ခြိမ့်မည်ဟု ပြောရခြင်း ဖြစ်သည်။

သို့သော်လည်း မျှော်လင့် ထားသည့်အတိုင်း ပြောရလျှင်ဖြင့် မြန်မာနိုင်ငံတွင် ယခုနှစ်အတွင်း ကိစ္စများစွာသည် ရွေးကောက်ပွဲအပေါ် မူတည်နေသည်။ အခြေ အနေအရ အဆိုးထဲမှ အကောင်းကို ရွေးပြောရမည် ဆိုလျှင် မြန်မာနိုင်ငံအတွက် အစိုးရအသစ် ရှိလာလိမ့်မည်။ ဤအစိုးရက မြန်မာ ပြည်သူများအတွက် စီးပွားရေးအရ လုံခြုံမှုကို ပြန်လည် တည်ဆောက်ရန် ရည်ရွယ်သည် ဆိုပါက မြန်မာ နိုင်ငံ၏ ကံကြမ္မာကို လှည့်ပြောင်းစေမည့် ပြုပြင်ပြောင်းလဲရေး အစီအစဉ်များ ချမှတ် ဆောင်ရွက်ရမည် ဖြစ်သည်။

သဘာဝဓာတ်ငွေ့ ရောင်းချရာမှ ရရှိသည့် ၀င်ငွေကို အရင်းအနှီး အထူး လိုအပ်နေသည့် ကျေးလက် စီးပွားရေးကဏ္ဍ အတွက် ဖြည့်သွင်းခြင်းဖြင့် ပြုပြင် ပြောင်းလဲရေး လုပ်ငန်းများကို အစိုးရက စတင်နိုင်ပါသည်။ အစိုးရက တပ်မတော် နှင့် လုံခြုံရေး ယန္တရားများအတွက် ကုန်ကျစရိတ်များ လျှော့ချနိုင်သည်။ တိုင်းပြည်၏ စုဆောင်းထားငွေကို အသုံးချ၍ ကျန်းမာ ရေး၊ ပညာရေးနှင့် အရေးပါလှသည့် အခြေခံ အဆောက်အဦ လမ်းပန်းကဏ္ဍများတွင် အသုံးစရိတ်ကို မြှင့်တင်ရပါလိမ့် မည်။

ဤလုပ်ဆောင်ချက်များ၊ ပုဂ္ဂလိက ပိုင်ဆိုင်ခွင့် အခွင့်အရေးများကို လေးစား အသိအမှတ်ပြုခြင်း၊ မြန်မာနိုင်ငံတွင် ဥပဒေ နည်းကျ အုပ်ချုပ်ရေး တည်စေခြင်း အစရှိသကဲ့သို့သော အခြား လုပ်ဆောင်ချက်များနှင့် ကတိက၀တ် ပြုမှုများဖြင့် အစိုးရသစ်က ယုံကြည်မှု တိုးတက်လာစေရန် ဆောင်ရွက်နိုင်ပါသည်။ ထို့အပြင် ဒီမိုကရေစီ အခြေခံအုတ်မြစ်များကို ခိုင်မာစေ ခြင်း၊ ခေါင်းပုံဖြတ် အမြတ်ထုတ်ခံရမည်ဟူသော တိုင်းရင်းသား လူနည်းစုတို့၏ စိုးရိမ်နေမှုကို လျော့ကျစေခြင်းတို့ဖြင့် ဘေးထွက် အကျိုး အာနိသင်များကိုလည်း ကြုံတွေ့ ခံစားရဖွယ် ရှိပါသေးသည်။

ဤဆောင်ရွက်မှုများကြောင့် နိုင်ငံတကာ ရင်းနှီးမြှုပ်နှံသူများက နှစ်ထောင်းအားရဖြစ်ပြီး၊ မြန်မာပြည်သစ်ကို ကြိုဆိုရန် စိတ်အားထက်သန်ကာ နိုင်ငံအတွင်း ရင်းနှီးမှုများ တိုး၍ ပြုလာကြမည် ဖြစ်သည်။ ထို့ပြင် နိုင်ငံ၏ သဘာဝ သယံဇာတများကို ရယူလိုကြပြီး ဈေးချိုနေသေးသည့် မြန်မာနိုင်ငံ၏ လုပ်အားကို အကျိုးရှိစွာ အသုံးချလိုကြသည်။ ထိုမျှမက ရေရှည်တွင် ကမ္ဘာလှည့် ခရီးသွားများကို ဆွဲဆောင်နိုင်သည့် အလား အလာ ကောင်းများကိုလည်း မြင်တွေ့ထားကြသေးသည်။ 

သို့သော်လည်း ယခုပြောသည့်ကိစ္စများ တခုမျှ မဖြစ်လာပါက ယခုနှစ် မြန်မာ့စီးပွားရေး အခြေအနေက မည်သည့်နေရာသို့ ဦးတည်နေပါသနည်း။ အဖြေက ၀မ်းမြောက်စရာ မရှိလှပါ။ အနည်းနှင့်အများဆိုသလို လက်ရှိ လွန်ခဲ့သည့် နှစ် ၅၀ ကာလ ဖြတ်ခဲ့သည့်အတိုင်း ဆက်၍ထိုးကျသွားမည့်ကိန်းကို မြင်တွေ့နေရသည်။

အထက်က ဖော်ပြထားသည့် သဘာဝဓာတ်ငွေ့ ရောင်းချရာမှ ရရှိသည့် ဘဏ္ဍာဝင်ငွေကို နိုင်ငံ၏ ထုတ်ကုန် တန်ဖိုး (GDP) စွမ်းဆောင်မှုတွင် အကြီးအကျယ် လိမ်ညာ ဖော်ပြနေပါက၊ အခြေအနေကို လှည့်ဖျား သုံးသပ်နေပါက နိုင်ငံ၏ စီးပွားရေး အခြေအနေသည် ဒုတိကမ္ဘာစစ်ပြီးချိန်မှစ၍ အဆိုးရွားဆုံး အခြေအနေသို့ ကျသွားဖွယ်ရာ အကြောင်း ရှိနေသည်။  နိုင်ငံတော်ကို ကာကွယ်နေကြသူများ၊ အချုပ်အခြာအာဏာကို ခုခံကာကွယ်နေကြသူ များဟု ဂုဏ်ယူဝင့်ကြွားနေကြစေကာမူ မြန်မာစစ်ခေါင်းဆောင်များက တိုင်းပြည်အပေါ်ထားရှိသည့် ရေရှည်စီးပွားရေး မြော်မြင်ချက်မှာမူ တိုင်းပြည်ကို သတ္တုမိုင်းတွင်းကြီး၊ သဘာဝဓာတ်ငွေ့သိုက်ကြီး တခုမျှထက် မပိုကြောင်း ပြသနေပြီး ဤအတိုင်းလည်း ဆက်လက်ဖြစ်နေရန် ရှိသည်။

ဤသဘောထားဖြင့် လောင်စာစွမ်းအင် ဆာလောင်မွတ်သိပ်နေကြသည့် မြန်မာနိုင်ငံ၏ အိမ်နီးချင်းနိုင်ငံများ လက်သို့ ဤ အရင်းအမြစ်များ ခေါင်းပုံဖြတ်ရန် ထိုးအပ်နေကြမည်ဆိုလျှင်ဖြင့်၊ မြန်မာနိုင်ငံ၏ ၂၀၁၀ သည် ကမ္ဘာကြီး၏ မိုးသက် မုန်တိုင်း ထန်နေသော ပင်လယ်သဖွယ် ဖြစ်နေသည့် လူသုံးကုန် ဈေးကွက်အတွင်း ပဲ့မပါ၊ ဦးတည်ချက်မရှိ၊ မြင့်ချီနိမ့်ချီ ခုန်ပေါက် လွင့်မျောနေရတော့မည် ဖြစ်သည်။ လိုရာပန်းတိုင်ကိုလည်း လှမ်းနိုင်ရန် အလျဉ်း မရှိပါချေ။

ရှောင်တာနဲ (Sean Turnell) ရေးသားသည့် A Year of Promise, or Tempest-tossed Again? ကို ဆီလျော်အောင် ပြန်ဆို ဖော်ပြပါသည်။

ရှောင်တာနဲသည် သြစတြေးလျနိုင်ငံ မကွိုင်းယားတက္ကသိုလ် (Macquarie University) မှ တွဲဖက်ပါမောက္ခဖြစ်ပြီး၊ စီးပွားရေးရာများနှင့် ပတ်သက်၍ စာအများအပြား ရေးသားထုတ်ဝေခဲ့သူ ဖြစ်သည်။

Friday, 26 February 2010 17:49 ရှောင် တာနဲ (SEAN TURNELL) 
ဧရာဝတီ