Friday, March 12, 2010

မြန်မာနိုင်ငံ လူ့အခွင့်အရေးနေ့ (သို့)ဖုန်းမော် ကျဆုံးသည့်နေ့

မြန်မာနိုင်ငံ လူ့အခွင့်အရေးနေ့ (သို့)ဖုန်းမော် ကျဆုံးသည့်နေ့                                                                      

စစ်ရာဇဝတ်မှုများအတွက် ကော်မရှင်ဖွဲ့ရန် ကွင်တားနား အကြံပြု

     
ချင်းမိုင် (မဇ္ဈိမ) ။     ။ စစ်အစိုးရက ကျူးလွန်ခဲ့သည့် စစ်ရာဇဝတ်မှုများအတွက် ကော်မရှင်တခုဖွဲ့၍ စုံစမ်းစစ်ဆေးသွားရန် ကုလသမဂ္ဂ လူ့အခွင့်အရေး အထူးသံတမန် မစ္စတာကွင်တားနားက ကုလသမဂ္ဂကို အကြံပြုလိုက်သည်။

မြန်မာနိုင်ငံ လူ့အခွင့်အရေးဆိုင်ရာ ကုလ အထူးသံတမန် သောမတ်စ် အိုဂျေ ကွင်တားနား Tomás Ojea Quintana က ကုလလူ့အခွင့်အရေးကောင်စီသို့ အစီရင်ခံ အကြံပြုခြင်း ဖြစ်သည်။

ချိုးဖောက်မှုဖြစ်စဉ်အချို့ကို နိုင်ငံတကာ ရာဇဝတ်ခုံရုံး၏ အဓိပ္ပာယ်ဖွင့်ဆိုချက်အရ “လူသားမျိုးနွယ်ကို ဆန့်ကျင်သည့် စစ်ရာဇဝတ်မှုများ” အဖြစ် သတ်မှတ်နိုင်ကြောင်း အစီရင်ခံစာတွင် ဆိုထားသည်။

လူ့အခွင့်အရေး ချိုးဖောက်မှုများသည် “စနစ်တကျ” ကျူးလွန်နေသည့် ပုံစံဖြစ်နေပြီး ရပ်တံ့စေရန် အားထုတ်တားဆီးမှု မရှိဘဲ၊ အစိုးရအရာရှိများ၊ စစ်အာဏာပိုင်များနှင့် တရားရေးဌာနများကပါ ကျူးလွန်နေကြသည်ဟုလည်း အစီရင်ခံစာက ဆိုသည်။

လိုအပ်သည့် အသေးစိတ်အချက်အလက်များကို စစ်ဆေးစုဆောင်းနိုင်သည့် အခွင့်အရေးရှိသော ကော်မရှင်တခုကို ကုလသမဂ္ဂအဖွဲ့ကြီးမှ ဖွဲ့စည်းပေးရန် စဉ်းစားသင့်သည်ဟု ထောက်ပြထားသေးသည်။

မြန်မာနိုင်ငံ လူ့အခွင့်အရေး ကုလအထူးသံအဖြစ် ၂ဝဝ၈ ခုနှစ် မေလမှ စတင်၍ တာဝန်ပေးခံရသည့် မစ္စတာ ကွင်တားနား၏ တတိယအကြိမ်မြောက် မြန်မာခရီးစဉ်အပြီးတွင် ကုလသမဂ္ဂသို့ ထိုသို့အကြံပြုလိုက်ခြင်း ဖြစ်သည်။

ပြီးခဲ့သည့်လ ခရီးစဉ်၌ အဓိကခေါင်းဆောင် နှစ်ဦးဖြစ်သည့် ဒေါ်အောင်ဆန်းစုကြည်နှင့် ဗိုလ်ချုပ်မှူးကြီးသန်းရွှေတို့နှင့် တွေ့ဆုံခွင့် မရခဲ့သော်လည်း စစ်အစိုးရနှင့် အတိုက်အခံတို့မှ ကိုယ်စားလှယ်အချို့၊ နိုင်ငံရေးအကျဉ်း သားအချို့ကို တွေ့ဆုံခွင့် ရရှိခဲ့သည်။

မြန်မာ့အရေး ဆောင်ရွက်နေသည့် အာဆီယံလွှတ်တော်အမတ်များအဖွဲ့ AIPMC ဥက္ကဋ္ဌ ထိုင်းဒီမိုကရက် အစိုးရအမတ် မစ္စတာ ကရိုင်ဆတ် ချွန်ဟာဗန် Kharaisak Choonhavan ကလည်း စုံစမ်းစစ်ဆေးရေးအဖွဲ ဖွဲ့ရန် ထောက်ခံလိုက်သည်။

“မစ္စတာ ကွင်တားနားရဲ့ အစီရင်ခံစာနဲ့ သူ့ရဲ့ အကြံပြုချက်တွေဟာ အလွန်ကောင်းမွန်တဲ့ အကြံပြုချက်တွေ ဖြစ်ပါတယ်။ ကုလသမဂ္ဂရဲ့ အထွေထွေအတွင်းရေးမှူးချုပ်လည်း ဒါကို သဘောတူမယ်လို့ မျှော်လင့်ပါတယ်” ဟု သူက မဇ္ဈိမကို ပြောသည်။

ကုလသမဂ္ဂဆိုင်ရာ အငြိမ်းစား ထိုင်းသံအမတ်ကြီး အတ်စ်ဒါ ဂျာယာနာမား Asda Jayanama ကလည်း ကုလအထွေထွေ အတွင်းရေးမှူးချုပ် မစ္စတာဘန်ကီမွန်းအနေဖြင့် ကော်မရှင် ဖွဲ့စည်းပေးနိုင်လိမ့်မည်ဟု ယူဆသည်ဟု ပြောသည်။

“တခုရှိတာက ဖွဲ့ပြီးသွားတဲ့ ကော်မရှင်က နအဖ အစိုးရက အဲဒီကော်မရှင်နဲ့ ပူးပေါင်းဆောင်ရွက်ခြင်း ရှိမရှိ ဆိုတာက ပိုအရေးကြီးပါတယ်” ဟု သူက မဇ္ဈိမကို ပြောသည်။

မစ္စတာ ကွင်တားနားသည် အထူးသံအဖြစ် ခန့်အပ်ခံခဲ့ရပြီးနောက် ၂ဝဝ၈ ခုနှစ်တွင် တကြိမ်၊ ၂ဝဝ၉ ခုနှစ်တွင် တကြိမ် မြန်မာနိုင်ငံသို့ လာရောက်ခဲ့သေးသည်။

စစ်အစိုးရအနေဖြင့် အခြေခံလူ့အခွင့်အရေးများကို ကန့်သတ်သည့် ပြည်တွင်းဥပဒေများကို သုံးသပ်ပြင်ဆင်ရန်၊ နိုင်ငံရေးအကျဉ်းသားများကို ရွေးကောက်ပွဲမတိုင်မီ လွှတ်ပေးရန်၊ တပ်မတော်ကို လူ့အခွင့်အရေး ပညာပေးရန်၊ လွတ်လပ်သော တရားစီရင်မှုစနစ် ကျင့်သုံးရန်တို့ကို အကြံပြုခဲ့သော်လည်း စစ်အစိုးရက အပြည့်အဝ လိုက်နာခြင်း မရှိကြောင်း မစ္စတာ ကွင်က ဆိုသည်။

မစ္စတာကွင်တားနား မတိုင်မီ အလားတူ လူ့အခွင့်အရေးသံတမန် ၃ ဦးထဲမှ မစ္စတာ ပေါ်လို ဆာဂျီရို ပင်ညဲရိုးကလည်း မြန်မာနိုင်ငံရှိ လူ့အခွင့်အရေး ချိုးဖောက်မှုများကို စုံစမ်းရန် ကော်မရှင်တရပ် ဖွဲ့သင့်ကြောင်း ကုလသမဂ္ဂကို အကြံပြုဖူးသည်။

(ကိုဝိုင်း တည်းဖြတ်သည်။)

စိုင်းဇွမ်ဆိုင်း 
Friday, 12 March 2010 19:43

ရွေးကောက်ပွဲ ကော်မရှင်ကို ဗိုလ်ချုပ်ဟောင်း ဦးဆောင်

  ၂၀၁၀ ရွေးကောက်ပွဲကို စီစဉ် ကျင်းပရန် အငြိမ်းစား ဗိုလ်ချုပ် ဦးသိန်းစိုး ခေါင်းဆောင်သည့် ရွေးကောက်ပွဲ ကော်မရှင်ကို ကြာသပတေးနေ့ ရက်စွဲဖြင့် ဖွဲ့စည်း လိုက်ကြောင်း စစ်အစိုးရက ကြေညာလိုက်သည်။

ဥက္ကဋ္ဌ ၁ ဦး၊ အဖွဲ့ဝင် ၁၆ ဦးတို့ဖြင့် ဖွဲ့စည်းထားသည့် “ပြည်ထောင်စု ရွေးကောက်ပွဲ ကော်မရှင်” တွင် တရားသူကြီးများ၊ ရှေ့နေများနှင့် ပါမောက္ခများ ပါဝင်ပြီး ရှမ်း၊ ကချင်နှင့် ရခိုင်စသည့် တိုင်းရင်းသားများဖြင့် ဖွဲ့စည်းထားကြောင်း တွေ့ရသည်။

ကော်မရှင်အဖွဲ့ဝင်အများစုမှာ လက်ရှိစစ်အစိုးရတွင် တာဝန်ထမ်းဆောင်ခဲ့ဖူးပြီး မကြာသေးမီကမှ အငြိမ်းစားယူထားကြသည့် အရာရှိများဖြစ်သည်။

ကော်မရှင်ဥက္ကဋ္ဌ ဦးသိန်းစိုးသည် မြန်မာ့တပ်မတော်တွင် စစ်ဥပဒေချုပ်အဖြစ် တာဝန်ထမ်းဆောင်ခဲ့ဖူးသည်။ တပ်မတော်မှ အငြိမ်းစား ယူပြီးနောက် စစ်အစိုးရက သူ့ကို ဒုတိယတရားသူကြီးချုပ် အဖြစ် တာဝန်ပေးခဲ့သည်။ ထို့ပြင် ၂၀၀၈ ခုနှစ် အခြေခံဥပဒေ မူကြမ်း ရေးဆွဲရေး ကော်မရှင် တွင်လည်း အဖွဲ့ဝင် အဖြစ် တာဝန်ပေးခဲ့သည်။

အဖွဲ့ဝင် ဦးအင်ဇော်နော်သည် မြစ်ကြီးနားမှ အငြိမ်းစား ခရိုင်ဥပဒေအရာရှိ ဖြစ်သည်။ ကချင် တိုင်းရင်းသား ဦးအင်ဇော်နော်သည် ဦးသိန်းစိုးကဲ့သို့ပင် မူကြမ်းရေးဆွဲရေးကော်မရှင် အဖွဲ့ဝင် ဖြစ်ခဲ့ဖူးသည်။

ဒေါက်တာဘမောင်သည် သမိုင်းသုတေသနဌာန ညွှန်ကြားရေးမှူးချုပ်ဟောင်း ဖြစ်သည်။

ဦးညွန့်တင်သည် နိုင်ငံခြားရေးဝန်ကြီးဌာန၏ မဟာဗျူဟာနှင့် နိုင်ငံတကာလေ့လာရေးဌာန (MISIS) တွင် အတွင်းရေးမှူး အဖြစ် တာဝန်ယူခဲ့သည်။

ဦးအောင်မြင့်သည် ဝန်ထမ်းရွေးချယ်ရေးနှင့် လေ့ကျင့်ရေးအဖွဲ့ဝင်အဖြစ် ဆောင်ရွက်ခဲ့ဖူးသည်။

ဦးမြင့်နိုင်မှာ ဒုတိယရှေ့နေချုပ် ဖြစ်သည်။

ဒေါက်တာတင်အောင်အေးသည် အငြိမ်းစား တရားသူကြီးချုပ် ဖြစ်ပြီး ၂၀၀၈ အခြေခံဥပဒေ မူကြမ်း ရေးဆွဲရေး ကော်မရှင် အဖွဲ့ဝင် ဖြစ်သည်။ ရန်ကုန်တက္ကသိုလ် ပါမောက္ခချုပ်အဖြစ် တာဝန် ထမ်းဆောင်ခဲ့သူလည်း ဖြစ်သည်။

ဒေါက်တာဒေါ်မြင့်ကြည်သည် ရန်ကုန်တက္ကသိုလ်၊ နိုင်ငံတကာ ဆက်ဆံရေးဌာန ပါမောက္ခဟောင်း ဖြစ်ပြီး စစ်အစိုးရ၏ အမျိုးသမီးရေးရာ အဖွဲ့ချုပ်တွင် ဥက္ကဋ္ဌ အဖြစ် တာဝန် ယူခဲ့ဖူးသည်။

ဒေါက်တာမောင်ထူးသည်  မုံရွာတက္ကသိုလ်မှ အငြိမ်းစား ပါမောက္ခချုပ် ဖြစ်သည်။

ကျန်အဖွဲ့ဝင်များမှာ ဦးခင်မောင်နု၊ ဦးစောဘလှိုင်၊ ဦးမောင်သာလှ၊ ဒေါက်တာစိုင်းခမ်းလှိုင်၊ ဒေါ်ခင်လှမြင့်၊ ဦးသာဦး၊ ဦးသာဌေး၊ ဦးဝင်းကြည်တို့ ဖြစ်ကြသည်။

ကော်မရှင်အဖွဲ့ဝင်များသည် လစာ၊ စရိတ် ကြေးငွေရသော အခြား မည်သည့် ရာထူးကိုမျှ လက်ခံခြင်း မပြုသူ၊  ထင်ပေါ် ကျော်ကြားသူ အဖြစ် စစ်အစိုးရက ယူဆသူ၊ အသက် ၅၀ ပြည့်ပြီးသူ ဖြစ်ရမည်ဟု မတ်လ ၈ ရက်နေ့ထုတ် ပြည်ထောင်စု ရွေးကောက်ပွဲ ကော်မရှင် ဥပဒေတွင် ပြဌာန်းထားသည်။

ထိုဥပဒေ ထွက်လာပြီး ၃ ရက်အကြာတွင် ၁၇ ဦးပါ ရွေးကောက်ပွဲ ကော်မရှင် ပေါ်ပေါက်လာခြင်း ဖြစ်သည်။

နှစ် ၂၀ ကျော် သက်တမ်းရှိသည့် ကော်မရှင်ဟောင်းကိုလည်း ပယ်ဖျက်လိုက်ပြီ ဖြစ်ကြောင်း ဗိုလ်ချုပ်မှူးကြီး သန်းရွှေ လက်မှတ်ရေးထိုး ထုတ်ပြန်သည့် ထိုဥပဒေတွင် ဖော်ပြထားသည်။

ကော်မရှင်သစ်၏ တာဝန်များတွင် ရွေးကောက်ပွဲ ကျင်းပရေးအပြင် နိုင်ငံရေးပါတီများကို ကြီးကြပ်ရေးလည်း ပါဝင်သည်။

Friday, 12 March 2010 19:11 ဧရာဝတီ

တိုက်ပွဲဝင်ရန် ဦးဝင်းတင် မွေးနေ့စကားပါး



ယခုအချိန်သည် ဒီမိုကရေစီ အင်အားစုများအတွက် အမွန်းကျပ်ဆုံး ကာလဖြစ်ကြောင်း၊ စစ်အာဏာရှင်များက လူထုတရပ်လုံးကို  လိမ်လည် လှည့်ဖျား၍ ဖိနှိပ်အုပ်စိုးထားကြောင်း ၎င်းက မွေးနေ့ အမှတ်တရ စကားတွင် ဖော်ပြထားသည်။

ဦးဝင်းတင်က “ကျနော်မသေခင်တော့ စစ်အာဏာရှင် စနစ်ကို ဖြိုဖျက်ရေးအတွက် လုပ်နိုင်တဲ့နေရာကနေ လုပ်သွားမယ်၊ လုပ်လို့ရတဲ့သူနဲ့ ပူးပေါင်းလုပ်မယ်။ ဘယ်ပါတီ၊ ဘယ်အဖွဲ့စည်းရယ်လို့ မဟုတ်ဘူး၊ ကျနော်တတ်နိုင်သမျှ၊ တတ်စွမ်းသမျှ လုပ်မယ်လို့ သံန္နိဌာန်ချထားတယ်” ဟု ဧရာဝတီသို့ ပြောသည်။

ဦးဝင်းတင်က ထောင်အတွင်းကျင်းပခဲ့ရသည့် သူ၏ မွေးနေ့ပွဲများတွင် တဦးတည်း စကားပြောကာ ဖြတ်သန်းခဲ့ရကြောင်း၊ ပုလင်းကွဲဖြင့် ထောင်နံရံနှင့် ကြမ်းပြင်ပေါ်တွင် ကဗျာများ၊ စာတိုပေစများကို ရေးသား ကုန်ဆုံးစေခဲ့ရကြောင်း ပြောပြသည်။

“ဆရာ့ရဲ့ ၈၀ ပြည့်မွေးနေ့ကတော့ အပြင်မှာ လွတ်လွတ်လပ်လပ် ကျင်းပခွင့်ရတာ ၀မ်းသာပါတယ်။ ဒါပေမယ့် နိုင်ငံရေး အခြေအနေအရ အကြီးမားဆုံး၊ အခက်ခဲဆုံးမှာ သူ ဦးဆောင်နေရတယ်။ လက်ရှိနိုင်ငံရေး အကျပ်အတည်းမှာ ဆရာ့ရဲ့ ဦးဆောင်မှုနဲ့ အကျပ်အတည်းကနေ လွန်မြောက်နိုင်ပါစေလို့ ဆုတောင်းပါတယ်”ဟု မြန်မာ့သတင်း သမဂ္ဂ (BMA) ဒုတိယ ဥက္ကဋ္ဌ ဦးဇင်လင်းက ဆိုသည်။

ဦးဝင်းတင်၌ ပုဂ္ဂိုလ်ရေး ပိုင်ဆိုင်မှု တစုံတခုမျှ မရှိကြောင်း၊ နိုင်ငံအပြောင်းအလဲအတွက် တာဝန်ရှိသည်ဟု ယူဆကာ သတင်းစာ ဆရာ ဘ၀မှ နိုင်ငံရေးသမားဘ၀သို့  ပြောင်းလဲခဲ့ကြောင်း NLD (လွတ်မြောက်နယ်မြေ) နိုင်ငံခြားရေးရာ ဌာနမှ ကိုမိုးဇော်ဦးက ဆိုသည်။

“ဦးဝင်းတင်ရဲ့ အကုန်လုံးကို စွန့်လွှတ် အနစ်နာခံပြီးတော့ ဆက်လုပ်နေတဲ့ စိတ်ဓာတ်ကတော့ တော်တော်ချီးကျူးဖို့ကောင်းတယ်၊ လေးစားဖို့ကောင်းတယ်။ ကျနော်တို့ အားလုံးအတွက် အတုယူဖို့ကောင်းတယ်” ဟု ကိုမိုးဇော်ဦးက ပြောသည်။

ဦးဝင်းတင် မွေးနေ့ အမှတ်တရ စကားတွင် မကြောက်တရား၊ သွေးစည်းညီညွတ်ရေး၊ စစ်အာဏာရှင် စနစ်ဆန့်ကျင်ရေးအတွက် ရည်မှန်းချက် ပန်းတိုင်ထားကာ ရင်ဆိုင် ချီတက်ရေး လက်နက်များကို ကိုင်စွဲ၍ တိုက်ပွဲဝင်သင့်ကြောင်းလည်း ပါရှိသည်။

နိုင်ငံတကာမှ ဦးဝင်းတင်ကို ချစ်ခင်လေးစားကြသူများက သူ၏ မွေးနေ့ အမှတ်တရစကားကို အင်တာနက် အီးမေးလ်များမှ တဆင့် ဖြန့်ဝေခဲ့ကြသည်။



ဦးဝင်းတင် (ဓာတ်ပုံ - ရိုက်တာ)
တချိန်တည်းမှာပင် ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (AAPP) က ဦးဝင်းတင်၏ ထောင်တွင်း အတွေ့အကြုံ များကို ရေးသား တင်ပြ ထားသည့် “ဘာလဲဟဲ့ လူ့ငရဲ” အမည်ရ စာအုပ်ကို ဖြန်ချိသွားမည် ဖြစ်သည်။

AAPP အတွင်းရေးမှူး ကိုတိတ်နိုင်က “ဆရာ ဦးဝင်းတင်ဟာ ထောင်ထဲမှာ ရက်ပေါင်း ၇၀၀၀ ကျော် နေခဲ့ပါတယ်၊ ထောင်ထဲမှာ တရက် တရက်ကို ဖြတ်သန်းဖို့ ခက်ခဲပါတယ်။ ဦးဝင်းတင်ရဲ့ စိတ်ဓာတ်နဲ့ ဖြတ်သန်းမှုကိုတော့ လေးလေး နက်နက်ကို တန်ဖိုးထား ဂုဏ်ယူတယ်၊ လေးစား အသိအမှတ် ပြုပါတယ်” ဟု ပြောသည်။

အဆိုပါစာအုပ်တွင် အခန်း ၁၀ ခန်းနှင့် ဆောင်းပါး ၄၂ ပုဒ်ပါရှိကာ စာအုပ်ဝယ်ယူလိုသူများ အနေနှင့် info@aappb.org This e-mail address is being protected from spambots. You need JavaScript enabled to view it ကို ဆက်သွယ်နိုင်ကြောင်းသိရသည်။

၁၉၂၉ ခုနှစ် မတ်လ ၁၂ ရက်နေ့တွင် မွေးဖွားခဲ့သည့် သတင်းစာဆရာ တဦးလည်း ဖြစ်သော ဦးဝင်းတင်သည် ၁၉၈၈ ခုနှစ် ဒီမိုကရေစီရေး လှုပ်ရှားမှုတွင် ပါဝင်ခဲ့သဖြင့် ၁၉၈၉ ခုနှစ် ဇူလိုင်လတွင် အစိုးရ ဆန့်ကျင်သည့် နိုင်ငံရေးပုဒ်မတို့ဖြင့် ထောင်ဒဏ် အနှစ် ၂၀ ချမှတ် ခြင်းခံခဲ့ရပြီး ထောင်တွင်း၌ ၁၉ နှစ် ကျော်နေခဲ့ရသူ ဖြစ်သည်။ ၂၀၀၈ ခုနှစ် စက်တင်ဘာလ ၂၃ ရက်တွင် အင်းစိန်အကျဉ်းထောင်မှ ပြန်လည် လွတ်မြောက် လာခဲ့သည်။

ဦးဝင်းတင်သည် ဂုဏ်သိက္ခာရှိပြီး ရဲရင့်သူ တဦး ဖြစ်ကြောင်း ဒေါ်အောင်ဆန်းစုကြည် ကလည်း မှတ်ချက်ပေးခဲ့ဖူးသည်။

ဦးဝင်းတင်ကို ၂၀၀၁ ခုနှစ်တွင် ယူနက်စ်ကို ဂွီလာရ်မို ကာနို ကမ္ဘာ့စာနယ်ဇင်း လွတ်လပ်ခွင့်ဆုနှင့် ကမ္ဘာ့ သတင်းစာများ အသင်းကြီးက လွတ်လပ်မှု ရွှေကလောင်ဆု၊ နယ်စည်းမခြား သတင်းထောက်များဖွဲ့နှင့် ပြင်သစ် ဖောင်ဒေးရှင်းများက ပူးတွဲ၍ လွတ်လပ်မှု ရွှေကလောင်ဆုများ ချီးမြှင့်ခဲ့သည်။

Friday, 12 March 2010 19:37 ကိုထွေး 
ရင်းမြစ်။ ။ဧရာဝတီ

အမွန်းကျပ်ဆုံး အချိန်

(ဦးဝင်တင်နှင့် အင်တာဗျူး)

နယူးဒေလီ ။      ။ ယခင်အာဏာရှင် ဦးနေဝင်းအစိုးရလက်ထက် ဖျက်သိမ်းခံလိုက်ရသော ဟံသာဝတီ သတင်းစာ၏ အယ်ဒီတာ၊ အမျိုးသားဒီမိုကရေစီအဖွဲ့ချုပ်ကို တည်ထောင်ရာတွင် ပါဝင်ခဲ့ပြီး လက်ရှိ စစ်အစိုးရက အငြှိုးတကြီးဖြင့် ၁၉ နှစ်ကျော် ထောင်သွင်းအကျဉ်းချခံထားရသူ၊ တကိုယ်ရည် တကာယ သို့သော် စစ်ဖိနပ်အောက်မှ တိုင်းပြည်ကို လွတ်မြောက်စေလိုသော ဝန်ထုပ်ကို သယ်ပိုးထားရသော စစ်ဗိုလ်ချုပ်များဘက်က သဘောထားတင်းမာသူဟု အမြင်ခံရသူ၊ သို့သော် သူ၏ ရိုးဖြောင့်မှုနှင့် ပတ်သက်၍ အာဏာပိုင်များဘက်ကပင် အသိအမှတ်ပြုရသော ဦးဝင်းတင်သည် ယနေ့တွင် အသက် ၈ဝ နှစ် ပြည့်မြောက်ပြီဖြစ်သည်။

သူ့မွေးနေ့သမယတွင် သူလိုလားသော ရွှေဂုံတိုင်ရပ်တည်ချက်ကို စစ်အစိုးရက မထီမဲ့မြင်ဖြင့် ရွေးကောက်ပွဲဥပဒေ ထုတ်ကာ ပစ်ပယ်ခံရချိန်၊ မူနှင့် လက်တွေ့နိုင်ငံရေး အားပြိုင်လာနေချိန် ဖြစ်သည်။

သတင်းထောက်များ မေးသမျှ မငြီးမငြူဖြေကြားတတ်သော ဦးဝင်းတင်ကို မဇ္ဈိမသတင်းထောက် မြင့်မောင်က ဆက်သွယ်မေးမြန်းထားသည်။


မေး။    ။ ၈ဝ နှစ်ပြည့် မွေးနေ့မှာ ပြည်သူတွေကို ဘယ်လို နှုတ်ခွန်းဆက်လိုပါသလဲ။

''ကျနော်တို့ဟာ အလွန်ကို အမွန်းကျပ်ဆုံး အချိန်ပဲ။ စစ်အစိုးရဟာ နည်းမျိုးစုံနဲ့ ဖိနှိပ်ချုပ်ချယ်တာတွေ အများကြီး လုပ်လာတယ်။ နိုင်ငံရေးပါတီ အဖွဲ့အစည်းတွေ၊ တိုင်းရင်းသားတွေ၊ အများပြည်သူတွေ ဘာမှ လုပ်နိုင်လောက်မယ့် အနေအထား မရှိဘူး။ ဒီထဲမှာ ထပ်ပြီးတော့ ရွေးကောက်ပွဲတို့၊ ဘာတို့ ပေါ်လာတဲ့အခါကျ နိုင်ငံရေးအရ အနာဂတ်မှာ မလုပ်နိုင်အောင် အစီအမံတွေ ပိုပြီး ချထားတယ်''

''အမွန်းကျပ်ဆုံး၊ အတင်းကျပ်ဆုံး အချိန်ပဲ။ တုံ့ပြန်စရာလမ်းက တလမ်းပဲ ရှိတယ်။ စစ်အစိုးရနဲ့ ရင်ဆိုင်ထိပ်တိုက်တွေ့ပြီး ဆန့်ကျင်သွားဖို့ လမ်းပဲ။ အဲဒီလိုလုပ်ဖို့ လက်နက် ၃ သုံးမျိုး ရှိတယ်။ ၁ အနေနဲ့  မကြောက်တရား လက်နက်။ မကြောက်တရား လက်နက်ဆိုတာ ပြည်သူလူထုမှာ မျိုးစုံအကျပ်အတည်းတွေ ကြုံတွေ့နေတဲ့အခါ လူတွေက နည်းနည်းကြောက်လန့်လာတယ်။ ခြောက်လှန့်တယ်ဆိုရင် ကြောက်လန့်မှာပဲ။ ဒါ နားလည်ရမှာပဲ။ ဘာဖြစ်လို့လဲဆိုတော့ ပြည်သူလူထုက ကိုယ့်ထမင်းကို ကိုယ်ရှာစားနေတဲ့သူတွေ၊ နိုင်ငံရေး လုပ်နေကြတဲ့သူတွေ မဟုတ်ဘူး''

''ဒီအချိန် အကြောက်တရားကို စွန့်ကြပါ၊ မကြောက်တရားနဲ့ ရင်ဆိုင်ကြပါ၊ ရဲရဲတင်းတင်းကြီးကို ရင်ဆိုင်ကြပါ၊ အကြောက်တရား ရှိရင်လည်း ကြောက်ကြောက်နဲ့ပဲ လုပ်ကိုင်ကြပါလို့ တိုက်တွန်းချင်တယ်။ မကြောက်တရား  လက်နက်နဲ့ စစ်အစိုးရကို တွန်းလှန်ချေမှုန်းဖို့၊ ရင်ဆိုင်ဖို့ တလမ်းပဲ ရှိပါတယ်''

''နောက်တခုက သွေးစည်းညီညွတ်ရေးကိစ္စပေါ့ဗျာ။  သွေးစည်းညီညွတ်ရေး လက်နက်ဆိုတာ တိုင်းရင်းသားတွေ၊ ဒီမိုကရေစီ အင်အားစုတွေ၊ ပြည်သူလူထု ဘက်တော်သားတွေ အားလုံးဟာ စစ်အစိုးရရဲ့ သွေးခွဲမှုတွေ၊ တိုင်းပြည်ရဲ့ အကြောင်းအမျိုးမျိုးသော အကြောင်းတွေကြောင့် ကျနော်တို့ဟာ သွေးစည်းညီညွတ်ရေး လျော့လာတယ်၊ အားပျက်လာတယ်၊ တယောက်နဲ့တယောက် နည်းနည်း စိမ်းလာတယ်၊ မယုံရဘူး။ ထောက်လှမ်းရးက သွေးခွဲတာတမျိုး၊ ခြိမ်းခြောက်တာကတမျိုး အဲဒီလို အကြောင်းအမျိုးမျိုးကြောင့် သွေးစည်းညီညွတ်ရေး တဖြည်းဖြည်း ပြိုကွဲလာတယ်။ အဲဒီအချိန်မှာ ဒီစစ်အစိုးရကို ရင်ဆိုင်ဖို့၊ သွေးစည်းညီညွတ်ရေးအားကို ပိုပြီးတော့ ခိုင်မာအောင်လုပ်ဖို့ပဲ ဖြစ်တယ်''

မေး။    ။ လက်ရှိအနေအထားအရ NLD အနေနဲ့ ရွေးကောက်ပွဲဝင်ပြီး ပါတီရပ်တည်ဖို့ လုပ်သင့်ပါသလား၊ မဝင်ဘဲနဲ့ ၁၉၉ဝ ရွေးကောက်ပွဲမှာ အနိုင်ရခဲ့တဲ့ ရလဒ်ကို ကိုင်ဆွဲပြီး ဆက်လုပ်ဖို့ လိုပါသလား။

''ကျနော်ရဲ့ ရပ်တည်ချက်က ရွှေဂုံတိုင်မှာ ချမှတ်ထားတဲ့အတိုင်း ၁၉၉ဝ ရွေးကောက်ပွဲရလဒ်ကို အသိအမှတ် ပြုရမယ်။ အသိအမှတ် ပြုမှသာ သမိုင်းမှာ မှန်ကန်တဲ့ အနေအထား ရမယ်။ နောင်အခါ တိုင်းပြည်မှာလည်း လူတွေက အစိုးရအပေါ် အယုံအကြည်ရှိမယ်။ ဒါကြောင့် ၁၉၉ဝ ရွေးကောက်ပွဲရလဒ်ကို ကိုင်ဆွဲရမယ်။ နောက်တခုက ၂ဝဝ၈ အခြေခံဥပဒေထဲမှာ ဒီမိုကရေစီနဲ့ မကိုက်ညီတဲ့ အချက်တွေ ပြင်ဆင်ပြောင်းလဲရမယ်။ နိုင်ငံရေးအကျဉ်းသားတွေ အားလုံး လွှတ်ပေးရမယ်။ ဒေါ်စုနဲ့ ဗိုလ်ချုပ်မှူးကြီးသန်းရွှေ တွေ့ဆုံဆွေးနွေးပွဲတွေ လုပ်ရမယ်ဆိုတဲ့ နိုင်ငံရေး တောင်းဆိုချက်တွေ မှန်ကန်တယ်။ ဒါတွေ ရမှသာလျှင် ဗမာပြည် အနာဂတ်နိုင်ငံရေး ကောင်းမယ်။ အဲလိုမဟုတ်ဘဲ စစ်အစိုးရ ကမ်းလှမ်းနေတဲ့ နွားဖားကြိုးတပ်တဲ့ ဒီမိုကရေစီ လမ်းစဉ်အတိုင်း လိုက်ဖို့အတွက် ရွေးကောက်ပွဲတွေ ဝင်မယ်၊ စစ်အစိုးရ ခိုင်းတဲ့အတိုင်း လုပ်နေမယ်ဆိုရင် သူတို့ ဘာမှဖြစ်လာမှာ မဟုတ်ဘူး''

''ပါလီမန်ထဲမှာလည်း ဘာအသံမှ ထွက်လာမှာ မဟုတ်ဘူး။ လူထုအတွက် ဘာမှ ဆောင်ရွက်နိုင်မှာ မဟုတ်ဘူး။ အဲဒီအတွက် ၁၉၉ဝ ခုနှစ် ရွေးကောက်ပွဲရလဒ်ကို ကိုင်ဆွဲပြီး ၂ဝဝ၈  အခြေခံဥပဒေကို ပြင်ဆင်ရေးအတွက် တိုက်ပွဲဝင်သွားဖို့ပဲ။ တိုက်ပွဲဝင်သွားတဲ့အခါမှာ ဒီစစ်အစိုးရရဲ့ ပါတီများ ဖွဲ့စည်းရေးဥပဒေနဲ့ မကိုက်ညီတဲ့အတွက်၊ ကျနော်တို့က ပါတီမရှိလည်း ကိစ္စမရှိဘူးလို့ ယူဆတယ်။ နိုင်ငံရေးပါတီတခုဟာ နိုင်ငံရေးရှိဖို့ လိုတယ်၊ နိုင်ငံရေးမရှိတဲ့ ပါတီဆိုရင် ဘာနဲ့တူလဲဆိုတော့ ဦးနှောက်မရှိတဲ့၊ ခေါင်းမပါတဲ့ သတ္တဝါလို ဖြစ်မှာပဲ။ လူတွေမှာ၊ လူ့အသိုင်းအဝိုင်း လူ့အဖွဲ့အစည်းတွေမှာ နိုင်ငံရေး ရှိနေမယ်ဆိုရင် ပါတီမရှိလည်း အရေးမကြီးဘူး။ ကွန်မြူနစ်တို့၊ ဖဆပလတို့ဆိုရင် ဂျပန်ခေတ်တခေတ်လုံး ကျော်ဖြတ်ခဲ့တယ်။ ပါတီရယ်လို့ မရှိဘူး။ နောက်မှ ဖဆပလဆိုတာ ပေါ်ပေါက်လာခဲ့တယ်''

''ဦးနုလည်း မဆလ တခေတ်လုံးမှာ သူ့ပါတီရယ်လို့ မရှိဘဲနဲ့ ကျော်ဖြတ်ခဲ့တယ်။ ၈ လေးလုံးကာလကို ရောက်တဲ့အခါ ပါတီတွေဘာတွေ ပြန်ထူထောင်နိုင်တယ်။ ယှဉ်ပြိုင်အစိုးရ တဖွဲ့ကိုတောင် ဖွဲ့သွားနိုင်သေးတယ်။ တိုင်းရင်းသားအင်အားစုတွေကို ကြည့်မယ်ဆိုရင်လည်း သူတို့အထဲမှာ ပါတီရယ်လို့ မရှိဘူး။ တရားဝင်ဖွဲ့ပြီး ရပ်တည်လို့ မရဘူး။ ဒါပေမဲ့ သူတို့မှာ နိုင်ငံရေး ရှိတယ်။ အမျိုးသား နိုင်ငံရေး၊ တန်းတူညီမျှတဲ့ နိုင်ငံရေး၊ ကိုယ်ပိုင်ပြဋ္ဌာန်းခွင့်ဆိုတဲ့ နိုင်ငံရေးတွေ ရှိတဲ့အခါ ဒီနေ့အထိ လှုပ်ရှားနေလို့ ရတယ်။ ကျနော်တို့ ကြောက်လန့်ပြီး စစ်အစိုးရ ခိုင်းတဲ့အတိုင်း၊ စစ်အစိုးရက သံခြေကျင်းခတ်ထားတဲ့ နိုင်ငံရေးပါတီတခုအနေနဲ့  စစ်အစိုးရရဲ့ လမ်းကြောင်းထဲကို လိုက်သွားစရာ မလိုဘူးလို့ ထင်တယ်''

မေး။  ။ ၁၉၉ဝ နဲ့ ၂ဝ၁ဝ ရွေးကောက်ပွဲ နှစ်ရပ်ကို ဘယ်လိုမျိုး နှိုင်းယှဉ်သုံးသပ်လိုပါသလဲ။

''၉ဝ ရွေးကောက်ပွဲ နောက်ကွယ်မှာ လွန်ခဲ့တဲ့ ၂ နှစ်လောက်က ဒီမိုကရေစီတောင်းဆိုတဲ့ လူထုအရေးတော်ပုံကြီး ရှိခဲ့တယ်။ စစ်အစိုးရအနေနဲ့ ဘာအင်အားမှ မရှိဘူး။ လူထုရဲ့ တောင်းဆိုချက်ကလည်း အများကြီး များတဲ့အခါကျ ၉ဝ ရွေးကောက်ပွဲကို လွတ်လွတ်လပ်လပ်ဖြစ်အောင် ကျင်းပပေးနိုင်ခဲ့တယ်။ ကျနော်တို့ကို လက်ပြန်ကြိုး တုတ်ခြင်း၊ လက်ထိပ်ခတ်ခြင်း၊ သံခြေကျင်းခတ်ခြင်း ဘာမှမလုပ်ဘဲနဲ့ ပါတီကို လွတ်လပ်စွာ လုပ်ခွင့်ပေးခဲ့တယ်။ အဲဒီအတွက် အနိုင်ရခဲ့တယ်။ ဒါက ၁၉၉ဝ ခုနှစ်တုန်းက အခြေအနေတွေပါ''

''၂ဝ၁ဝ ရောက်တဲ့အခါ စစ်အစိုးရက တိုင်းပြည်ကို စစ်ဖိနပ်နင်းအုပ်ချုပ်ခဲ့တယ်။ တိုင်းသူပြည်သားတွေကလည်း နည်းနည်း အကြောက်တရားတွေ ဝင်နေပြီ၊ နောက် စီးပွားရေးက ကျပ်တည်းတဲ့အခါ လူတိုင်းက နိုင်ငံရေးကို သိပ်ပြီး စိတ်မဝင်စားနိုင်တော့ဘဲနဲ့ စိတ်ဝင်စားမှုတွေ အတန်ငယ် လျော့ပြီးတော့ စားရေးသောက်ရေးအတွက် အာရုံစိုက်နေရတယ်။ ဆိုတော့ စစ်အစိုးရက အခုအချိန်မှာ အထက်စီးက နေလို့ရတယ်။ နောက် တိုင်းပြည်ရဲ့ သယံဇာတတွေရောင်း ဘာရောင်းနဲ့ နိုင်ငံခြားငွေတွေက သူတို့လက်ထဲမှာ ရှိနေတဲ့အတွက် ရှေ့လျှောက်ပြီး စစ်အာဏာ ထူထောင်ဖို့လည်း ရှိနေပြီ။ ၂ဝဝ၈ အခြေခံဥပဒေလည်း ရှိနေပြီ။ ဒီဥပဒေကိုလည်း နာဂစ်လို ကာလမျိုးမှာ ပြည်သူတွေ ဒုက္ခရောက်နေတဲ့အချိန် ဇွတ်အတင်းပြဋ္ဌာန်းခဲ့တယ်''

''ဒီလို အခြေအနေတွေရှိတော့ ၂ဝ၁ဝ ရွေးကောက်ပွဲ အနေအထားက အမျိုးမျိုး အနိုင်ကျင့်တဲ့ဟာတွေနဲ့ ချုပ်ချယ်မှုတွေ၊ ကန့်သတ်မှုတွေ ပါလာတယ်။ လာမယ့် ရွေးကောက်ပွဲအပြီး ဖြစ်လာမယ့် အခြေခံဥပဒေ ဆိုတာကလည်း ၁၉၉ဝ တုန်းက အခြေခံဥပဒေမျိုး မရှိဘူး။ ကျနော်တို့ ဘာမှမလုပ်နိုင်ဘူး။ သူက ရွေးကောက်ပွဲ လုပ်ပေးရုံ သက်သက်ပဲ။ အခုကျ သူတို့မှာ သတ်မှတ်ချက်တွေရှိပြီ၊ ဒီအတိုင်း ဖြစ်ရမယ်ဆိုတဲ့ သတ်မှတ်ချက်တွေနဲ့ လုပ်တဲ့အခါကျ ၂ဝ၁ဝ ရွေးကောက်ပွဲဟာ  ဘာမှဖြစ်လာနိုင်စရာ မရှိဘူး။ ၂ဝဝ၈ ခုနှစ်တုန်းက ချမှတ်ထားတဲ့ စစ်အာဏာယန္တယားကြီး အခိုင်အမာတည်ဆောက်ဖို့၊ စစ်အစိုးရသက်ဆိုးရှည်ဖို့ပဲ ရှိတယ်။ ကျန်တာ ဘာမှမရှိဘူး''

မေး။  ။ ဒေါ်အောင်ဆန်းစုကြည်ဟာ အာဏာမယူသင့်ဘူး၊ နိုင်ငံ့ဂုဏ်ဆောင်ပဲ ဖြစ်သင့်တယ်ဆိုတဲ့အပေါ် ဘယ်လို ပြောချင်ပါသလဲ။
''ဘယ်ဟုတ်မလဲဗျာ။ နိုင်ငံရေးလုပ်တယ်ဆိုတာ အာဏာလည်း ယူရမှာပေါ့ဗျာ။ တိုင်းပြည်ကို အုပ်ချုပ်ဖို့ ဦးဆောင်မယ့်သူက အာဏာ ရှိရမယ်။ တိုင်းပြည်ရဲ့ ယန္တယားတွေကို ကွပ်ကဲကြီးကြပ်တဲ့ ပုဂ္ဂိုလ်ပဲ။ ဘယ်ဂျောင်ထိုးလို့ ဘယ်ရမလဲ။ ဒေါ်အောင်ဆန်းစုကြည်ကို အိန္ဒိယက ဆိုနီယာဂန္ဒီ လုပ်သလို လုပ်လို့ မရဘူး။ ဆိုနီယာဂန္ဒီက နိုင်ငံခြားသား။ ရှင်းရှင်းပြောရရင် တိုင်းပြည်ကို ခေါင်းဆောင်လုပ်ရမှာ မလွယ်ဘူး။ နိုင်ငံခြားသား ဖြစ်နေတဲ့အတွက်  သူဟာ နိုင်ငံရေးမှာ ပါတီကို နောက်ကွယ်ကနေ ကိုင်ပြီး လုပ်နေတယ်။ သြဇာအာဏာရှိတာ မှန်တယ်။ တိုင်းပြည်အတွက် အများကြီး အလုပ်လုပ်ကိုင်နေတာ မှန်တယ်။ သို့သော် သူက နောက်ကွယ်ကနေ လုပ်ရမယ့် အနေအထားကြီးဗျာ။ ဒေါ်အောင်ဆန်းစုကြည်က ဗမာဗျာ၊ ဒီတိုင်းပြည်ရဲ့ အာနည်ပုဂ္ဂိုလ်ကြီး သမီးဗျာ၊ နိုင်ငံရေး သြဇာတွေ ရှိတယ်၊ နိုင်ငံရေး ပုံရိပ်တွေ ရှိတယ်၊ နိုင်ငံရေး သိက္ခာတွေ ရှိတယ်။ အဲဒီ သိက္ခာတွေကို တိုင်းပြည်ပြောင်းလဲဖို့၊ အသစ်တည်ဆောက်ဖို့ နေရာတွေမှာ အပြည့်အဝ သုံးရမှာပဲ။ ဒေါ်အောင်ဆန်းစုကြည်ကို သေတ္တာထဲ ခေါက်ထည့်ပြီး၊ Showcase ထဲ ထည့်ထားပြီး ဒေါ်အောင်ဆန်းစုကြည်က ကျနော်တို့ဘက်မှာ ရှိပါတယ်ဗျာ ဆိုပြီးတော့ ပြစားဖို့ ရည်ရွယ်ချက်မရှိဘူး''

''ဒီအချိန်မှာ ဒေါ်အောင်ဆန်းစုကြည်က အပြည့်အဝ လုပ်လည်း အခြေခံဥပဒေအရ နိုင်ငံရေး အာဏာဆိုတာ  အပြည့်အဝ ရစရာမရှိဘူး။ NLD ကို တတိုင်းပြည်လုံးက ၇၅ % အပြည့်ပေးလိုက်လည်း အစိုးရဖွဲ့လို့ မရဘူး။ ဒီအခြေခံ ဥပဒေအရ ဘယ်ပါတီမှ အစိုးရဖွဲ့လို့ မရဘူးဗျာ။ စစ်တပ်က သြဇာရှိတဲ့ စစ်တပ်က လူတွေနဲ့ပဲ အစိုးရဖွဲ့မှာပဲ။ လက်ရှိအခြေအနေမှာ ဒေါ်အောင်ဆန်းစုကြည် ဘာမှလုပ်လို့ မရဘူး။ သို့သော် ကျနော့်သဘောကို ပြောမယ်ဆိုရင် လွတ်လွတ်လပ်လပ်ရှိတဲ့ ဖွဲ့စည်းပုံနဲ့ လွတ်လွတ်လပ်လပ်ရှိတဲ့ လူ့အဖွဲ့အစည်းမှာ ဒေါ်အောင်ဆန်းစုကြည်ဟာ အချိန်ပြည့် လုပ်ရမှာပဲ။ အာဏာလည်း ယူသင့်ရင် ယူရမှာပဲ။ သူ့ကို ပြစားဖို့လည်း မဟုတ်ဘူး။ ဆိုနီယာဂန္ဒီလိုလည်း ဂျောင်ထဲ ထိုးထားလို့ မရဘူး''

မေး။  ။ ၂ဝ၁ဝ ရွေးကောက်ပွဲ ပြီးသွားရင် မြန်မာနိုင်ငံရဲ့ လူနေမှု အခြေအနေအပေါ် ဘယ်လိုသုံးသပ်လိုပါသလဲ။

''ကောင်းလာမလား၊ ဆိုးလာမလား ဆိုတာကတော့ ကျနော် မပြောချင်ဘူး။ ဘာဖြစ်လို့လဲဆိုတော့ ပြောဖို့က မလွယ်ဘူးလေ။ သေချာတာတခုက အခုအခြေအနေအတိုင်း ဖြစ်မှာတော့ သေချာတယ်။ ဘာဖြစ်လို့လဲဆိုတော့ ဒီစစ်ဗိုလ်တွေပဲ စားသောက်နေတယ်။ တိုင်းပြည်ကို ဖိနှိပ်ချုပ်ချယ်နေတဲ့ စစ်ဗိုလ်တွေပဲ။ တိုင်းပြည်ရဲ့ သယံဇာတတွေရော၊ တိုင်းပြည်ရဲ့ အရင်းအမြစ်တွေရော အကုန်လုံး ရောင်းစားပြီးတော့ လုပ်ချင်ရာလုပ်နေတဲ့ လူတစုပဲ သက်ဆိုးရှည်နေမယ်၊ အာဏာရနေမယ်ဆိုတော့ ကောင်းတာတွေ၊ ဆိုးတာတွေတော့ နောက်တဆင့်ထား။ အနိမ့်ဆုံးကတော့ ဒီပုံသဏ္ဍာန်ပဲ ဖြစ်မယ်။ ဒီပုတ်ထဲက ဒီပဲ ဖြစ်လာမယ်လို့တော့ ပြောနိုင်တယ်''
မဇ္ဈိမသတင်းဌာန 
Friday, 12 March 2010 14:17

ရွေးကောက်ပွဲ ဝင်လိုသူများလည်း ဆင်ဆာမလွတ်

ချင်းမိုင် (မဇ္ဈိမ) ။     ။ ရွေးကောက်ပွဲဝင်လိုသော နိုင်ငံရေးပါတီများသည် ရွေးကောက်ပွဲ ဥပဒေအပေါ် ဆန်းစစ်ပြောကြားချက်ကို ပြည်တွင်း ဂျာနယ်များတွင် မဖော်ပြရန် ဆင်ဆာဘုတ်က ဖြတ်တောက်နေသည်။

ယခုနှစ်အတွင်း ကျင်းပမည့် ရွေးကောက်ပွဲကို ဝင်ရောက်ယှဉ်ပြိုင်မည်ဟု တရားဝင် ကြေညာထားသော ဒီမိုကရက်တစ်ပါတီ ဥက္ကဋ္ဌ ဦးသုဝေ၊  ပြည်ထောင်စု ဒီမိုကရေစီ မဟာမိတ်အဖွဲ့မှ ခေါင်းဆောင် ဦးရွှေအုန်းနှင့် အဖွဲ့ဝင် ကိုနေမျိုးဝေတို့က ရွေးကောက်ပွဲဥပဒေအပေါ် သုံးသပ်ပြောဆိုထားသည်ကို စာပေစိစစ်ရေးက ဖြုတ်လိုက်ခြင်း ဖြစ်သည်။

အနည်းဆုံး အပတ်စဉ်ထုတ် ဂျာနယ် ၃ စောင်မှာ ဤကိစ္စနှင့် ပတ်သက်၍ ဆင်ဆာဒဏ်ထိပြီးဖြစ်ကြောင်း မဇ္ဈိမက စုံစမ်းသိရှိရသည်။

“စိစစ်ရေးက ပြောတာက ရွေးကောက်ပွဲဆိုင်ရာ ဥပဒေထုတ်တဲ့အဆင့်ပဲ ရှိသေးတယ်တဲ့။ ပါတီတွေ မှတ်ပုံတရားဝင် မတင်ရသေးဘူး။ ဘာမှ လုပ်ခွင့်မရသေးဘူးလို့ ပြန်ကြားရတာပဲ” ဟု ပြည်တွင်းမှ အယ်ဒီတာတဦးက မဇ္ဈိမကို ပြောသည်။

တခြား ပြည်တွင်း အယ်ဒီတာတဦးကလည်း “နိုင်ငံရေးပါတီဝင်တွေက ပုဂ္ဂိုလ်တွေရဲ့ Comments (ထင်မြင်ချက်) တွေ ခွင့်မပြုဘူး။ နိုင်ငံရေးနယ်ပယ်တွေက မဟုတ်တဲ့လူတွေပဲ တော်တော်လေးရတယ်။ ဆိုးတယ်ပြောတာ ဘာမှ မပါဘူး” ဟု မဇ္ဈိမကို ပြောသည်။

ပြည်ထောင်စု ဒီမိုကရေစီ မဟာမိတ်အဖွဲ့ဝင် ကိုနေမျိုးဝေကမူ အဓိက အချက် ၃ ချက်ပါသည့် သူ၏ သုံးသပ်ချက်ကို ဖော်ပြခွင့်မရကြောင်း သတင်းထောက်များထံမှ သိရသည်ဟု ဆိုသည်။

“တချက်က အကျဉ်းကျခံတဲ့ လူတွေပါလို့ရှိရင် ပါတီဝင်အနေနဲ့ မရှိရဘူး။ နောက်တခုက ပါတီတွေအနေနဲ့ ရက်ပေါင်း ၆ဝ အတွင်းမှာ ပြန်ပြီးတော့ မှတ်ပုံတင်ရမယ်ဆိုတာတွေ။ နောက်တချက်က ၉ဝ ရလဒ်က ပျက်ပြယ်သွားပြီဆိုတဲ့ အဲဒါကိုပဲ ဦးတည်ပြီးတော့ ပြောတာပါ” ဟု မဇ္ဈိမကို ပြောသည်။

စာပေစိစစ်ရေးဌာန အကြီးအကဲ ဗိုလ်မှူးတင့်ဆွေမှာ နေပြည်တော်သို့ သွားရောက်နေရချိန်လည်း ဖြစ်သောကြောင့် ဆင်ဆာဖြတ်တောက်မှု ပိုကြမ်းနေခြင်း ဖြစ်နိုင်ကြောင်း ရန်ကုန် စာပေအသိုင်းအဝိုင်းက ပြောသည်။

”လူပေါ်လည်း မူတည်တာကြောင့် ဖြစ်နိုင်သလို၊ တာဝန်ခံရမှာ စိုးတာကြောင့် ပယ်လိုက်တာ မမှားဘူးဆိုတဲ့ အတွေးကြောင့်လည်း ဖြစ်နိုင်တယ်” ဟု ဝါရင့် အယ်ဒီတာ တဦးက ပြောသည်။

ပြန်ကြားရေးဝန်ကြီးဌာန လက်အောက်ခံ “စာနယ်ဇင်း ကင်ပေတိုင်” အဖြစ် ပြည်တွင်းအယ်ဒီတာနှင့် သတင်းထောက်များက တင်စားလေ့ရှိသော စာပေစိစစ်ရေးဌာနသည် အတိုက်အခံများအား ပုတ်ခတ်ရေးသားရန် ဖိအားပေးခိုင်းလေ့ရှိသော်လည်း စစ်အစိုးရကို ဝေဖန်ရေးသားလျှင်မူ ဖြတ်တောက်လေ့ရှိသည်။

(ကိုဝိုင်း တည်းဖြတ်သည်။)
ဖနိဒါ  
Friday, 12 March 2010 18:10

“ပြန်ရှုပ်ပြီးမှတို့ပြန်ရှင်း..ဟေ့..ပြန်ရှုပ်ပြီးမှတို့ပြန်ရှင်း”


ရွှေဂျိုးတယောက် သံစုံမြည် စက်ဘီးစုတ်ကလေးပေါ်မှနေ၍ သွားကျဲများကို ဖြဲပြရုံရှိသေး လေအိုးက ထိုင်ရာမှ ထအော်ကာ အလကားရထားသည့် ဂျာနယ်လိပ်နှင့် စားပွဲကို တဖျန်းဖျန်း ရိုက်နေသည်။

လေအိုး ။ ။ လာနော်၊ လာနော်၊ သတင်းထူးတွေ ရမယ်၊ သတင်းထူးတွေ ရမယ် ‘ဖျန်း ဖျန်း ဖျန်း’ … ဟား ဟား ဟား ဟား (ပြောရင်း ပါးစပ်ကို လက်နှင့်အုပ်ကာ ရယ်)။

လေအိုးအော်သံကို ကြားပြီး အဖျော်ဆရာလေး ပိုက်ထွေးက လက်ဖက်ရည်ဖျော်နေရာမှ ပြုံးစိစိနှင့် လှမ်းပြောသည်။

ပိုက်ထွေး ။ ။ ဘာလဲ အစ်ကိုလေအိုး၊ ဗမာတွေ ရဲဖမ်းတဲ့ သတင်းလားဗျ။

လေအိုး ။ ။ ဟေ့ကောင် ပိုက်ထွေး၊ ဗမာတွေကို ရဲဖမ်းတာ သတင်းထူးဖြစ်ရမလား။ ရဲမဖမ်းတာက သတင်းကွ။ သတင်းသမားတွေက သတင်းမဟုတ်တာကို သတင်းလျှောက်ရေးနေကြတာ မင်းက အဟုတ်မှတ်နေလား။ ဒါလေးတောင် မသိဘဲ လျှောက်မပြောစမ်းနဲ့။ ကိုယ့်ဘာသာ လက်ဖက်ရည်ဖျော်မှာ ဖျော်။ ဟိုမှာ ကိုရွှေဂျိုးနဲ့ ငါနဲ့ စိန်ကောင်းကျောက်ကောင်း ရောင်းဝယ်တော့မယ့်အချိန်မှာ အဖျော်ဆရာ ကန့်လန့် ကန့်လန့် လာမလုပ်စမ်းနဲ့။

ပိုက်ထွေး ။ ။ အတင်းအဖျင်း ဖလှယ်ရာ အဖျော်ဆရာ ကန့်လန့် ကန့်လန့်ဆို တော်ပါသေး အစ်ကိုလေအိုးရာ ဟား ဟား ဟား။

လေအိုး ။ ။ ဟေ့ကောင် ပိုက်ထွေး တိတ်စမ်း၊ ဘယ်ကလာ အတင်းအဖျင်းရမလဲ။ သတင်းပလင်းကွ သတင်းပလင်း။ ဒါ အရေးကြီးတယ်။ ငါ … ထလုပ်လိုက်ရရင် နှစ်ယောက်စလုံး နှစ်ထပ်အချုပ် ရောက်ကုန်တော့မယ်။ စောစောစီးစီးကွာ … လိုက်ရွေးမယ့်သူ မရှိမှဖြင့် ဟင်း …။

လေအိုးတယောက် ပိုက်ထွေးဘက်သို့ လှည့်ပြီး မျက်နှာတည်နှင့် ပြောဆိုရာ ရယ်ကျဲကျဲလုပ်နေသည့် ပိုက်ထွေး အသံတိတ်သွားသည်။ ထို့နောက် ရွှေဂျိုးဘက်သို့ ပြန်လှည့်ကာ လေသေနတ် စပစ်တော့သည်။

လေအိုး ။ ။ ဟာ … ကိုရွှေဂျိုး ခင်ဗျားစက်ဘီးကလည်းဗျာ ဒေါက်လေးထောက်ဖို့အရေး ဒီလောက်တောင် နေရာရွေးနေရလား။ မီးသာရှို့ပစ်ပြီး အသစ်တစီး ၀ယ်စီးလိုက်စမ်းပါဗျာ။ ခင်ဗျားတို့လင်မယား ဘတ်ငွေလေးတွေ ရွှင်နေတာ ကျုပ်မသိဘူးများ အောက်မေ့နေလား။ တော်လှန်ရေးနယ်မှာ နေတယ်ဆိုပြီး ဆင်းရဲချင်ယောင်မဆောင်စမ်းပါနဲ့ဗျ။ ပိုက်ဆံရှိတာ ရှက်စရာမဟုတ်ပါဘူးဗျာ။ သူများတွေဆို ကားတောင် ၀ယ်စီးနေကြတာပဲဟာ။ ခိုး (အဲ …) ရှိ ရှိတယ်ပေါ့ဗျာ။ ဘာဖြစ်လဲ ပြောင်ပြောင်ပေါ့ဗျ ဟား ဟား ဟား ဟား (ပြောရင်းဆိုရင်း လေအိုးတယောက် ပါးစပ်ကို လက်နှင့်အုပ်ကာ ရယ်နေပြန်)။

ရွှေဂျိုး ။ ။ တိုးတိုးလုပ်စမ်းပါ ကိုလေအိုးရာ၊ ခင်ဗျားလုပ်တာနဲ့ ဘေးဝိုင်းက လူတွေ ကျုပ်ကို သူခိုး (အဲ …) အလကား အထင်ကြီးနေကြပါဦးမယ်။ အိမ်က မိန်းမက ပိုက်ဆံရတဲ့အလုပ်ထက် ယောင်တောင်ပေါင်တောင် လုပ်တာက များနေလို့ဆိုပြီး ပွစိပွစိ လုပ်ရတဲ့အထဲ ခင်ဗျားက တမှောင့်ဗျာ။ ကဲ ကဲ … ဆိုစမ်းပါဦး ဘာသတင်းတွေ ထူးလို့ အော်ကြီးဟစ်ကျယ် လုပ်နေရတာလဲဗျ။ ပြောစမ်းပါဦး ကိုလေအိုး။

လေအိုး ။ ။ ထူးတာပေါ့ဗျာ ထူးတာပေါ့။ မထူးဘဲနဲ့ လေကုန်ခံပြီး အော်နေပါ့မလား။ မနေ့ညနေက သန်းရွှေတို့တီဗွီ (အဲ …) မြန်မာ့ရုပ်မြင်သံကြားက ရွေးကောက်ပွဲဥပဒေတွေ ထုတ်တဲ့အကြောင်း ကြေညာသွားတာ သတင်းထူးမဟုတ်ပေးဘူးလား ကိုရွှေဂျိုးရ။

ရွှေဂျိုး ။ ။ အင်း ဟုတ်တယ်။ ဒါပေမယ့် ရွေးကောက်ပွဲဥပဒေကို သန်းရွှေက ထုတ်ချင်လို့ ထုတ်တာမဟုတ်ဘူးဗျ။ ဟိုတလောက ကိုလေအိုး ပြောလိုက်တဲ့ စကားကို ကြားသွားပြီး မခံချင်လို့ ထုတ်တာဖြစ်မယ်။ ကိုလေအိုးပဲ ပြောတယ်မဟုတ်လား “သန်းရွှေ အားအားယားယား လျှောက်ပြောနေတာပါဗျာ။ ခင်ဗျားတို့မို့ သန်းရွှေပြောတာကို အဟုတ်မှတ်နေတယ်” လို့လေ။ အေး … အဲ့ဒီကိုလေအိုးပြောတဲ့စကားကို သန်းရွှေ ကြားသွားပြီး မခံချင်စိတ်နဲ့ ထုတ်လိုက်တာဖြစ်မယ်ဗျ။ နောက်ဆိုရင် ခင်ဗျားစိတ်ထဲ ဖြစ်ချင်တာနဲ့ ပြောင်းပြန်သာ ပြောပေတော့။ အဲဒါမှ သန်းရွှေကြီး မခံချင်စိတ်ဖြစ်ပြီး အတည့်တွေ ထထလုပ်မှာ ဟား ဟား ဟား။

လေအိုး ။ ။ တော်စမ်းပါဗျာ။ လက်ဖက်ရည်ဖိုး မပါရင် ကျုပ် တိုက်ပါ့မယ်။ ဒီအရူးနဲ့တော့ ကျုပ်ကို အမှုမတွဲစမ်းပါနဲ့။ တော်ကြာ ကျုပ်ပါ မခံချင်စိတ်တွေ ဖြစ်လာလို့ဆိုပြီး ချင်းမိုင်က မမမျိုးကြီးက ကျုပ်ကို ဘော်ဘော်အဖြစ်ကနေ စွန့်လွှတ်နေပါဦးမယ်။ မမမျိုးကြီး ငြိုငြင်မှာတော့ များကကြောက်တယ် အာ .. ကို့ ဟား ဟား ဟား ဟား (ပြောရင်းဆိုရင်း လေအိုး ပါးစပ်ကို လက်နှင့်အုပ်ကာ ရယ်ပြန်)။

ရွှေဂျိုး ။ ။ ကဲ … ကဲ စကားအတည်ပြောရအောင်ဗျာ။ ခင်ဗျားလုပ်တာနဲ့ ရွေးကောက်ပွဲကနေ မမမျိုးဆီ ရောက်ကုန်ပြီ။ တော်ကြာ ရွာသစ်ရွာဟောင်းတွေဆီပါ အလည်ရောက်ကုန်လို့ ‘အသုံးလုံး’ ၀င်သင်ရင်း ရွာသူတွေနဲ့ ညားပြီး နှစ်ယောက်သား မောင်ကြီးမပြန်နိုင် ဖြစ်ကုန်ပါဦးမယ် ဟား ဟား ဟား။

လေအိုး ။ ။ မပြန်နိုင်တော့လည်း ညအိပ် (အဲ …) ခင်ဗျားလုပ်တာနဲ့ လေအိုး စိတ်ပါလာပြီနော။ လေအိုးစိတ်ကို မဆွနဲ့ မဆွနဲ့။ ဒီက စိတ်ကြီးတယ် ဘာမှတ်လဲ။

ရွှေဂျိုး ။ ။ ကဲပါဗျာ စိတ်ကြီးရင်လည်း နောက်မှ ကြီးပါတော့။ ဒီလိုဗျ အခု သန်းရွှေကြီးက စိတ်ရူးပေါက်ပြီး ရွေးကောက်ပွဲဥပဒေ ထုတ်လိုက်တော့ ရွှေဂုံတိုင်ကို ကိုင်ပြီး ငိုင် (အဲ …) တွေ့ဆုံဆွေးနွေးရေး၊ ဖွဲ့စည်းပုံပြင်ဆင်ရေးကို မျှော်နေတဲ့ အန်အယ်လ်ဒီကြီး အကျပ်ဆိုက်နေပြီလို့ သတင်းဆရာတွေ ဖွနေကြတယ်ဗျ။

လေအိုး ။ ။ ဒါကတော့ဗျာ ကျုပ်တို့ အန်အယ်လ်ဒီကြီးကလည်း တချိန်လုံး နွဲ့နေခဲ့တာကိုးဗျ။ ဒီမိုကရေစီတိုက်ပွဲဆိုတာကို မသိချင်ယောင်ဆောင်ပြီး ဒီမိုကရေစီတောင်းပွဲပဲ လုပ်နေခဲ့တော့ နောက်ဆုံးတော့ အားလုံးသူတောင်းစား (အဲလေ …) သန်းရွှေတို့က ဟောက်စားတော့တာပေါ့ဗျ။ ကဲ … ကိုရွှေဂျိုးပဲ စဉ်းစားကြည့်ဦး။ အနှစ် (၂၀) လုံးလုံး ကျုပ်တို့ အန်အယ်လ်ဒီကြီး နအဖကို ဘာတွေတိုက်ခဲ့တုန်း။ တောင်းရင်းပြုရင်း ကြေညာချက်ပဲ သင်္ဘောသုံးစီးတိုက်လောက် ထွက်ခဲ့တာမဟုတ်လား။ ကြေညာချက်မှာမှ ရိုးရိုးကော၊ ရှယ်ရော၊ ရှယ်တကာ့ရှယ်ကော၊ ထူးရှယ်ရော စုံလို့ပဲမဟုတ်လား။ တကယ်ဆိုဗျာ ဂန္ဒီခန်းမမှာထဲက ပွဲကပြတ်ရမှာ။ ကျုပ်တို့ကိုက မှားပါတယ်လေ။ မဲပေးခဲ့မိတာကိုးဗျ မဲပေးခဲ့မိတာကိုး။ ပြောပြန်ရင်လည်း လေအိုးကို စိတ်ဆိုးကြဦးမယ် ကိုရွှေဂျိုး။ တော်သေးတယ် လက်ဖက်ရည်ဆိုင် လူရှင်းတုန်း ပြောရတာမို့ ဟား ဟား ဟား ဟား (အမြှုပ်တစီစီ ထွက်မတတ် ပြောဆိုပြီးနောက် ပါးစပ်ကို လက်နှင့်အုပ်ကာ လေအိုး ရယ်ပြန်)။

ရွှေဂျိုး ။ ။ ဒါကတော့ဗျာ။ ကျုပ်တို့ ပြည်သူတွေ အားကိုးတဲ့ ဒေါ်အောင်ဆန်းစုကြည်၊ ဦးတင်ဦးနဲ့ ဦးဝင်းတင်တို့ကလည်း နှစ်ရှည်လများ အထိန်းသိမ်းခံနေခဲ့ရတာမဟုတ်လားဗျ။ အဲဒီတော့ အပြင်ဘက်မှာ ကျန်ခဲ့တဲ့ စီအီးစီတွေလည်း အားငယ်စိတ်တွေ ၀င်ပြီး မတိုက်ရဲမပြုရဲ ဖြစ်ကုန်တာနေမှာပေါ့ ကိုလေအိုးရ။

လေအိုး ။ ။ ဟ … ကိုရွှေဂျိုး။ ကျုပ်တို့ အန်အယ်လ်ဒီကြီးက ကြံ့ဖွံ့အဖွဲ့လို လူထုချဉ်ဖတ်အဖွဲ့ မဟုတ်ဘူးဗျ။ လူထုက ချစ်လွန်းလို့ကို မဲတွေပုံအောပေးပြီး ကြိုက်ရာလုပ်တော့ဆိုတဲ့ မန်းဒိတ်ကြီးပါ အပ်နှင်းခံထားရတဲ့ အဖွဲ့ဗျ။ ဒီ့ထက်ကြီးတဲ့ ၀ိတ် ဘာရှိသေးလဲပြော။ အဲဒီဝိတ်ကြီးရှိနေတာကိုဗျာ မတိုက်ရဲဘဲ တောင်းနေခဲ့တော့ အခုအခြေဆိုက်တာပေါ့။ တကယ်ဆို ကိုယ်မတိုက်ရဲရင်လည်း တိုက်ရဲတဲ့သူ တင်ရမှာပေါ့ဗျ။ အခုတော့ အဲလိုမဟုတ်ဘဲ ရွှေဝါရောင်မှာလည်း အိမ်တွင်းပုန်းလုပ်နေ၊ ကိုးဆယ်တ၀ိုက်အထိလည်း ဥက္ကဋ္ဌ၊ အတွင်းရေးမှူးနေရာကို ကုတ်ကတ်ဖက်တွယ်နေတော့ မခက်လားဗျာ။ တကယ်တော့ ကိုယ်လုပ်ရမယ့် အလုပ်ကို ကိုယ်မလုပ်ခဲ့တဲ့အချိန်မှာ သန်းရွှေတို့က သူတို့လုပ်စရာရှိတာကို သူတို့လုပ်သွားခဲ့တာပဲဗျ။ ခိုးတယ်၊ ၀ှက်တယ်၊ လေးခွဝယ်တယ်၊ ကြောက်ချေးပါ (အဲ …) လိုဏ်ခေါင်းတူးတယ်ပေါ့ဗျာ ဟား ဟား ဟား ဟား။

ရွှေဂျိုး ။ ။ ကိုလေအိုးပြောပုံက မရှင်းမရှင်းပါလားဗျာ။ ကိုယ်လုပ်ရမယ့် အလုပ်ကို ကိုယ်မလုပ်ဘူးဆိုတာ ဘာကိုဆိုလိုတာလဲဗျ။ ဥက္ကဋ္ဌတို့ အတွင်းရေးမှူးတို့လည်း သူတို့လုပ်စရာရှိတာကို လုပ်ခဲ့လို့ ကိုးဆယ်တ၀ိုက်အထိတောင် အသက်ရှည်နေကြတာ မဟုတ်လား။

လေအိုး ။ ။ ဟာဗျာ ဒုံးဝေးလိုက်တာ ကိုရွှေဂျိုးရာ။ တည့်တည့်ပဲ ပြောရမလိုဖြစ်နေပြီ။ လူရှင်းလား ကြည့်ဦးမှ (ပြောရင်းဆိုရင်း လေအိုး ဘေးဝိုင်းများဘက်သို့ လှည့်ကြည့်ကာ ရယ်ဖြဲဖြဲလုပ်)။

ရွှေဂျိုး ။ ။ ဟဲ ဟဲ ရှင်းပါတယ်ဗျာ။ ဟိုမှာ ပိုက်ထွေးကို ကြည့်ပါလား၊ ညက ဘာကားတွေကြည့်ပြီး အိပ်ငိုက်နေလဲမသိဘူး ဟား ဟား ဟား။

အမှန်တကယ်တွင်မူ ပိုက်ထွေး အိပ်ငိုက်နေခြင်းမဟုတ်။ ဘေးဝိုင်းတွင် ထိုင်ရင်း သူ၏ မိုဘိုင်းလ်ဖုန်းမှ ထွက်ပေါ်နေသည့် သီချင်းသံကို ဇိမ်ခံနေခြင်းဖြစ်သည်။

“ရန်ဖြစ်ပြီးမှ ဒို့ပြန်ချစ် xxx ရန်ဖြစ်ပြီးမှ ဒို့ပြန်ချစ်”

လေအိုး ။ ။ ဟေ့ကောင် ပိုက်ထွေး။ ဟိုမှာ သောက်မယ့်လူ ၀င်လာပြီ။ မင်း ဘယ်ကကောင်မနဲ့ ရန်ဖြစ်ခဲ့လို့လဲကွာ။ ကျေးဇူးပြု၍ သီချင်းလေးကို ခဏပိတ်ပြီး လေအိုးကို ပြောပြစမ်းပါ။ ကူညီပါရစေ (အဲ …) ဒီမှာ မင်းသီချင်းသံကြားရတာ စကားပြောပျက်တယ်ကွ။

လေအိုးအော်လိုက်သည့် အသံကြောင့် ပိုက်ထွေး မျက်လုံးမှေးစင်းနေရာမှ ပြန်ကျယ်လာပြီး အဖျော်ကောင်တာဆီ လျှောက်သွားသည်။

ရွှေဂျိုး ။ ။ ကဲ လုပ်ပါဦး ကိုလေအိုး၊ ကျုပ်က ဘာတွေ ဒုံးဝေးနေလို့တုန်း၊ ပြောစမ်းပါဦး။

လေအိုး ။ ။ ဟ ကိုယ်လုပ်ရမယ့် အလုပ်ကို ကိုယ်မလုပ်ခဲ့ဘူးဆိုတာလေဗျာ။ ကျုပ်တို့ အန်အယ်လ်ဒီကြီးက နိုင်ငံရေးပါတီ မဟုတ်လားဗျ။ နိုင်ငံရေးပါတီဆိုတာ နိုင်ငံရေးလှုပ်ရှားမှု ရှိရမယ်မဟုတ်လား။ အဲ … ကျုပ်တို့ အန်အယ်လ်ဒီကြီးက နိုင်ငံရေးလှုပ်ရှားမှုထက် သာရေးနာရေးတွေပဲ လျှောက်လုပ်နေလို့ ဟိုတလောလေးကတောင် ဆရာကြီး လူထုဦးစိန်ဝင်းက ပြောတယ်မဟုတ်လားဗျ။ အန်အယ်လ်ဒီကြီးက နိုင်ငံရေးပါတီနဲ့ မတူဘဲ ဆွံ့အနားမကြားကျောင်းနဲ့ တူနေတယ်လို့ ပြောတယ်မဟုတ်လား။

ရွှေဂျိုး ။ ။ နိုင်ငံရေးလှုပ်ရှားမှုဆိုတာက ကျယ်ပြန့်တယ်လေဗျာ။ ကိုလေအိုးက ဘာကိုလုပ်စေချင်တာလဲ တည့်တည့်ပြောမှပေါ့ဗျ။

လေအိုး ။ ။ ကဲပါဗျာ … ခင်ဗျားက ဒီလောက် ဒုံးဝေးနေမှတော့ တည့်တည့်ပဲ ပြောရတော့မှာပေါ့။ ဒီလိုလေဗျာ။ ကျုပ်တို့ အန်အယ်လ်ဒီကြီးက လူထုဆီက မန်းဒိတ်ရပြီးသားမဟုတ်လားဗျာ။ လူထုက ကြိုက်ရာလုပ်ပါတော့ဆိုပြီး အာဏာကုန် လွှဲအပ်ထားပြီပဲဥစ္စာ။ အစိုးရအဖွဲ့ ကြေညာဖို့ပဲရှိတာပေါ့ဗျ။ လူထုကလည်း ဒါကိုပဲ စောင့်နေတာပဲဟာ၊ ကြေညာရဲရမှာပေါ့။

ရွှေဂျိုး ။ ။ ဟာ တိုးတိုးလုပ်ပါ ကိုလေအိုးရာ။ ခင်ဗျားပြောတာနဲ့ သန်းရွှေကြီးက အန်အယ်လ်ဒီ စီးအီးစီတွေကို ထောင်ထဲပြန်ထည့်ပစ်ပါဦးမယ်။ ဦးတင်ဦးတောင် အခုမှ လွှတ်ကာစရှိသေး။

လေအိုး ။ ။ ဟ ကိုရွှေဂျိုး၊ အခုလည်း ဒီအရူးတွေက သူတို့ဖမ်းချင်ရင် ကလေကချေပုဒ်မတွေတပ်ပြီး ဖမ်းချင်သလို ဖမ်းနေတာပဲမဟုတ်လား။ ဘာထူးလဲ ကလေကချေ တံဆိပ်ကပ်ခံရပြီး အဖမ်းခံရမယ့်အတူတူ ကမ္ဘာသိ အစိုးရအဖွဲ့ကြေညာပြီးမှ အဖမ်းခံရတာက ဂုဏ်သိက္ခာ ပိုရှိတယ်မဟုတ်လားဗျ။ အွန်ပေပါပဲဖြစ်ဖြစ် ကိုင်ပစ်ရမယ်ဗျ။ ဒါမှ နအဖ ခြေသလုံးပြန်ဖက်လာမှာ။ ဒါမှ နအဖ လေကျယ်နေတဲ့ ၂၀၁၀ ရွေးကောက်ပွဲ မြောင်းထဲရောက်မှာ။ ကျုပ်တို့ပွဲက နအဖ ရှုပ်ထားတာကို ကိုယ်က ပြန်ရှုပ်ပစ်ပြီးမှ ပြန်ရှင်းရမှာဗျ။ ရှင်းရှင်းလေးနဲ့ ရှင်းချင်လို့ မရဘူး။ အဲဒါကို ခင်ဗျားသိရဲ့လား … သိရဲ့လား။

ရွှေဂျိုး ။ ။ ဟာ … အချွန်နဲ့ မနေတာလား ကိုလေအိုးရာ။ တော်ကြာ အန်အယ်လ်ဒီ စီအီးစီတွေ အကုန်ထောင်ထဲ ပြန်ရောက်ကုန်လို့ ကျုပ်တို့တိုက်ပွဲကို ခေါင်းဆောင်မယ့်သူမရှိ ဖြစ်ကုန်ပါဦးမယ်။

လေအိုး ။ ။ အေး … ခင်ဗျားလို ဒုံးဝေးတဲ့သူကို ကျုပ်က အပြတ်ပဲ ပြောလိုက်တော့မယ် ကိုရွှေဂျိုး။ အကုန်ထောင်ထဲ ရောက်တာက ဂုဏ်သိက္ခာရှိသေးတယ်ဗျ။ ကျုပ်တို့ ကိုမြတ်ထက်ကြီး စပ်တဲ့ သင်္ကြန်သံချပ်တောင် ရှိသေးတယ်မဟုတ်လား။ “အောင်ပွဲဆင်ဖို့ ထောင်ထဲဝင်စို့” ဆိုတာလေဗျာ။ ဒါအမှန်ပဲဗျ။ မဟုတ်ရင် ကျုပ်တို့ အန်အယ်လ်ဒီကြီးတွေ အကုန်မြောင်းထဲ ရောက်တော့မယ့်ကိန်း ဆိုက်နေပြီဗျ။ သူတို့တင်မကဘူး ကျုပ်တို့ ပြည်သူတွေပါ စစ်ဖိနပ်အောက် အကုန်ရောက်ကုန်တော့မယ့် ကိန်းဗျ။ ၈၈ မျိုးဆက်ကျောင်းသားခေါင်းဆောင်တွေကို ဘယ်လောက်အတုယူဖို့ ကောင်းလဲဗျာ။ ပြည်သူ့မန်းဒိတ်ရ ပါတီလည်းမဟုတ်ပါဘဲနဲ့ သူတို့လုပ်စရာရှိတာ၊ လုပ်နိုင်တာကို မကြောက်မရွံ့ တဗိုလ်ဆင်း တဗိုလ်တက် လုပ်သွားကြတယ် မဟုတ်လား။ ဒီလိုပဲ ဖြစ်ရမှာပေါ့။ ကိုယ်က မန်းဒိတ်ရှိတဲ့ ပါတီကြီးပဲ ၈၈ ခေါင်းဆောင်တွေထက်ကို ပိုလုပ်နိုင် ပိုလုပ်ရဲရမှာပေါ့ဗျ။ အန်အယ်လ်ဒီကြီးတွေ လုပ်စရာရှိတာလုပ်ပြီး အကုန်ထောင်ထဲ ၀င်သွားရင် သူတို့ကို မဲပေးထားတဲ့ လူထုက နေမတဲ့လား။ နိုင်ငံတကာက လက်ပိုက်ကြည့်နေမတဲ့လား။ ဒါမှလည်း ပွဲက မြန်မြန်ပြီးတော့မှာပေါ့။ ကဲ … အဲဒီတော့ ကိုင်မလား မကိုင်ဘူးလား ခင်ဗျား အရင်ပြော။

ရွှေဂျိုး ဘာဖြေရမှန်းမသိဘဲ ငိုင်တွေနေစဉ် လေအိုးက ပိုက်ထွေးဆီ အော်ပြောလေသည်။

လေအိုး ။ ။ ဟေ့ ပိုက်ထွေးရေ မင်းခုနက ဖွင့်နေတဲ့သီချင်း “ရန်ဖြစ်ပြီးမှ ဒို့ပြန်ချစ်” ကို ဒီလိုပြောင်းဆိုလိုက်ကွာ။ “ပြန်ရှုပ်ပြီးမှ ဒို့ပြန်ရှင်း … ဟေ့ … ပြန်ရှုပ်ပြီးမှ ဒို့ပြန်ရှင်း” သွားတော့မယ် ကိုရွှေဂျိုးရေ ခင်ဗျားကို ရှင်းပြနေရတာ ပါးစပ်က အမြှုပ်ပါ ထွက်တယ်။ အဲဒါတောင်မှ ခင်ဗျား မရှင်းသေးရင်လည်း ကျုပ်ပဲ အိမ်ပြန်ပြီး သန့်ရှင်းရေးလုပ်တော့မယ်ဗျာ။ တော်ကြာ မိန်းမဆူ (အဲ …) အချစ်တွေ လျော့ကုန်လိမ့်မယ် ဟား ဟား ဟား ဟား။

ပြောပြောဆိုဆို “ပြန်ရှုပ်ပြီးမှ ဒို့ပြန်ရှင်း … ဟေ့ … ပြန်ရှုပ်ပြီးမှ ဒို့ပြန်ရှင်း” ဟု ပါးစပ်က ရွတ်ဆိုပြီးသကာလ လေအိုးတယောက် စက်ဘီးကိုနင်း၍ ထွက်ခွာသွားသကဲ့သို့ ရွှေဂျိုးလည်း ငိုင်တွေစွာဖြင့် အောက်ရေစွန့်ရန် ဆိုင်နောက်ဖေးသို့ လဒလျှောက် လျှောက်ခဲ့လေသည်တကား။ ။

ရင်းမြစ်။ ။ခေတ်ပြိုင်

NLD ရုံးခန်းများ ပြန်ဖွင့်



ယမန်နေ့က ပြန်ဖွင့်ခဲ့သည့် ရန်ကုန်တိုင်း တာမွေမြို့နယ် NLD ရုံး (ဓာတ်ပုံ - AP)
“ဖွင့်ပြီးသား ရုံးတွေ ခန့်မှန်းခြေ ၃၀၀ လောက်ရှိတယ်၊ တိုင်းနဲ့ ပြည်နယ် အားလုံးပဲ၊ ကယား မပါဘူး”ဟု ၎င်းက ဆိုသည်။

ဦးဉာဏ်ဝင်းက ဆက်လက်ပြီး“ဖွင့်လှစ်ထားတဲ့ ရုံးတွေ ဆက်တိုက်လုပ်ဖို့ လမ်းညွန်ချက် တွေလည်း ဒေါ်စု မှာကြားလိုက်တာ ရှိပါတယ်၊ လောလောဆယ် လုပ်သင့်တာလေးတွေ အကြံဉာဏ်ပေးလိုက်တာ ရှိပါတယ်”ဟု ပြောသည်။   

အာဏာပိုင်များက ယခုလ ၁၀ ရက်နေ့က NLD ရုံးခန်းများ ပြန်လည်ဖွင့်ရန် ရန်ကုန်တိုင်း NLDတာဝန်ခံ ဒေါက်တာ သန်းငြိမ်းကို ခေါ်ယူ ပြောဆိုပြီးတဲ့နောက်ပိုင်း တနိုင်ငံလုံးရှိ NLD ရုံးများကို ဖွင့်ရန် သက်ဆိုင်ရာ မြို့နယ် တာဝန်ရှိသူများက စီစဉ်ခဲ့ခြင်းဖြစ် သည်။ 

“ဒီရုံးတွေဟာ အစကတည်းက ပိတ်ဖို့ အကြောင်းလည်းမရှိဘူး၊ ဥပဒေနဲ့လည်း မညီဘူး၊ မပိတ်သင့်တဲ့ဟာကို အခု ပြန်ဖွင့်ပေးတယ် လို့ မြင်တယ်”ဟု ဦးဉာဏ်ဝင်းက ပြောသည်။

အာဏာပိုင်များက NLD ရုံးများကို ဖွင့်လှစ်ပေးလိုက်သည့်အတွက် ရှေ့ဆက်ဘာဖြစ်မည်လဲဆိုသည့် အပေါ် မှုတည်ကြောင်း၊ အကောင်းမြင်၍လည်း မရ၊ အဆိုးမြင်လို့လည်း မရကြောင်း ၎င်းက ဆိုသည်။ 

၂၀၀၃ ခုနှစ် ဒီပဲယင်း အရေးအခင်းနောက်ပိုင်း အာဏာပိုင်များက NLDရုံးခန်းအားလုံးကို ၇ နှစ်ခန့် ချိတ်ပိတ်ခဲ့သည်။ သို့သော် ယခုအခါ NLD ရုံးခန်းဖွင့်လှစ်ရန်အတွက် ဧရာဝတီတိုင်း လပွတ္တာ၊ ရခိုင်ပြည်နယ် စစ်တွေမြို့များတွင် နေရာ အခက်အခဲ ကြုံတွေ့ နေရကြောင်း သိရသည်။

မြစ်ကြီးနားမြို့ရှိ NLD ရုံးကို ယမန်နေ့မှ စတင်ဖွင့်လိုက်သော်လည်း ဆိုင်းဘုတ် အသစ်ပြန်လုပ်ရန်နှင့် ရုံးသန့်ရှင်းရေးများ လုပ်ရန် လိုအပ်နေသေးကြောင်း NLD နှင့် နီးစပ်သူတဦးက ဧရာဝတီသို့ ပြောသည်။   

စစ်အစိုးရက မတ်လ ၉ ရက်နေ့မှစတင်၍ အစိုးရပိုင် နေ့စဉ်ထုတ် သတင်းစာများတွင် ရွေးကောက်ပွဲကော်မရှင်ဥပဒေ၊ နိုင်ငံရေး ပါတီများ မှတ်ပုံတင်ခြင်း ဥပဒေ၊ ပြည်သူ့လွှတ်တော် ရွေးကောက်ပွဲဥပဒေနှင့် အမျိုးသားလွှတ်တော် ရွေးကောက်ပွဲ ဥပဒေများကို ယနေ့အထိ ထုတ်ပြန်ခဲ့ပြီးဖြစ်သည်။

ဥပဒေတွင် နိုင်ငံရေးပါတီများ မှတ်ပုံတင်ခြင်း ဥပဒေအရ တည်ရှိနေသာ ပါတီများသည် ရက်ပေါင်း ၆၀ အတွင်း ရွေးကောက်ပွဲ ကော်မရှင်သို့ လျှောက်ထားရန်ပျက်ကွက်ပါက နိုင်ငံရေးပါတီအဖြစ်မှ အလိုအလျောက် ပျက်ပြယ်သွားမည်ဟု ပါရှိသည်။

နိုင်င်ငံရေး ပါတီများ မှတ်ပုံတင်ခြင်း ဥပဒေကို စစ်အစိုးရက ထုတ်ပြန် ကြေညာခဲ့ပြီးနောက် နိုင်ငံရေး ပါတီတချို့ မှတ်ပုံတင်ရန် အတွက် ညှိနှိုင်း ဆွေးနွေးမှုများ ပြုလုပ်နေကြောင်းလည်း သိရသည်။

စစ်အစိုးရက ထုတ်ပြန်ထားသော ဥပဒေအရ NLD အနေဖြင့် ပါတီမှတ်ပုံ တင်ခြင်း ပြုလုပ်ပါက ပါတီခေါင်းဆောင် ဒေါ်အောင်ဆန်း စုကြည်ကို ပါတီမှ ထုတ်ပယ်ရမည်ဖြစ်ပြီး ပါတီ၏ မူဝါဒ ဖြစ်သော ရွှေဂုံတိုင် ကြေညာစာတမ်းကိုလည်း ဖျက်သိမ်းရမည့် အတွက်  အကျပ် အတည်းဖြင့် ရင်ဆိုင်နေရသည်ဟု NLDမှ တာဝန်ရှိသူများ ပြောကြားချက်အရ သိရသည်။

Friday, 12 March 2010 16:13 သန်းထိုက်ဦး 
ရင်းမြစ်။ ။ဧရာဝတီ

ဝန်ကြီးဌာနများ e-Government စနစ် အကောင်အထည် ဖော်မည်

  စစ်အစိုးရ ၀န်ကြီးဌာန အားလုံးတွင်၂၀၁၀ ပြည့်နှစ် အတွင်း e-Government စနစ် အကောင် အထည်ဖော်ရန် စီစဉ်နေကြောင်း သိရှိရသည်။

အစိုးရ ၀န်ကြီးဌာန ၃၂ ခုလုံး၌ e-Government ကို ကျင့်သုံးမည်ဟု ညွှန်ကြားချက် ရှိကြောင်း၊ လက်ရှိ အချိန်ထိ ၀န်ကြီးဌာန ၉ ခုတွင် စတင် အသုံးပြုနေပြီ ဖြစ်ကြောင်း မြန်မာနိုင်ငံ ကွန်ပျူတာ ပညာရှင်များ အသင်းက ပြောသည်။

အဆိုပါ ၀န်ကြီးဌာနများ အတွင်း စီးပွားရေးနှင့်ကူးသန်းရောင်းဝယ်ရေး ၀န်ကြီးဌာနကသာ အဆင်ပြေစွာနှင့် တွင်ကျယ်စွာ အသုံးပြု နိုင်ပြီး တခြားဝန်ကြီးဌာနများတွင်မူ ဆော့ဖ်ဝဲပိုင်းဆိုင်ရာ အဆင်မပြေမှုတချို့နှင့် ၀န်ထမ်းများ၏ အိုင်တီကျွမ်းကျင်မှု နည်းပါးခြင်းတို့ ကြောင့် အခက်အခဲများ ရှိနေဆဲဖြစ်ကြောင်း သိရှိရသည်။

“စီးပွား ကူးသန်း ၀န်ကြီးဌာနကတော့ သုံးနေပါပြီ၊ ဒီဌာနမှာ e-Government System သုံးမျိုးလောက် အထိလက်ရှိ အသုံးပြု နေကြပါတယ်၊ ကျန်တဲ့ဌာနတွေမှာတော့ အခက်အခဲလေးတွေ လိုအပ်ချက်တွေ ရှိပါသေးတယ်၊ ဆော့ဖ်ဝဲ ကုမ္ပဏီတွေ ဘက် ကလည်း အားနည်းတဲ့အပိုင်းတွေ လိုအပ်ချက်တွေ ရှိပါသေးတယ်”ဟု အိုင်တီ ပညာရှင်တဦးက ပြောဆိုသည်။

ထို့ပြင် မြန်မာနိုင်ငံတွင် အီလက်ထရွှန်းနစ်ဆိုင်ရာ လုပ်ငန်းများဆောင်ရွက်ရာတွင် အခြေခံလိုအပ်ချက်များပြည့်စုံမှု မရှိသည့်အပြင်
နည်းပညာအားနည်းချက်များလည်း ရှိသေးသောကြောင့် မြန်မာနိုင်ငံအတွက် အဆင်မပြေနိုင်သေးကြောင်း၊ ၀န်ကြီးဌာနများက လည်း အသုံးပြုနိုင်ဦးမည် မဟုတ်ကြောင်း သူက သုံးသပ်ပြောဆိုသည်။

“e-Government နဲ့ပတ်သက်ပြီး ဘာတွေလုပ်တယ်၊ ဘယ်လိုတွေရှိတယ်ဆိုတာကို ၀န်ကြီးဌာနတွေက တာဝန်ရှိသူတွေကိုဖိတ်ပြီး ပြသရှင်းလင်းခဲ့ပါတယ်။ သူတို့ဘက်ကလည်း စိတ်ဝင်တစားလာကြည့်တာတွေရှိပါ တယ်။ ဒါပေမယ့် လိုအပ်ချက်တွေ ရှိနေပါ တယ်၊ အသုံးပြုဖို့အတွက် ၀န်ကြီးဌာနတွေအနေနဲ့ အဆင်သင့်မဖြစ်သေးပါဘူး”ဟု မြန်မာနိုင်ငံ ကွန်ပျုတာပညာရှင်များအသင်းမှ
တာဝန်ရှိသူ တဦးက ပြောဆိုသည်။

ပြည်တွင်း ကွန်ပျူတာ ဆော့ဖ်ဝဲ ကုမ္ပဏီများအနေဖြင့် အစိုးရ၀န်ကြီးဌာနအသီးသီးမှ သက်ဆိုင်ရာတာဝန်ရှိသူများအားဖိတ်ကြား၍ ဖေဖော်ဝါရီလ၂၆ ရက်နေ့ကနေ၂၈ ရက်နေ့အထိ ကျင်းပခဲ့သော့ software and Solution Exhidition 2010 ပြပွဲတွင် ဆော့ဖ်ဝဲ များကို ပြသခဲ့ကြောင်း ပြပွဲ တာဝန်ရှိသူများကပြောသည်။

e-Government စနစ်ပြုလုပ်ရန်အတွက် လိုအပ်သော Products အများအပြားရှိနေပြီး ကျွမ်းကျင်သော ၀န်ထမ်းများနှင့် နည်း ပညာအသုံးချမှုအတွက်လည်း လေ့ကျင့်ပေးရန်လိုအပ်နေသေးကြောင်း၊ လက်ရှိဆော့ဖ်ဝဲရေးသားလျက် ရှိသော ကုမ္ပဏီ များမှာ Inforithm-maze, Gusto, ACE, MCC, MTG, Conocoridia, MIT, Creative, Prine, Boss နှင့် MPT တို့ ဖြစ်ကြောင်း သိရှိရ သည်။

“၂၀၁၀မှာ e-Government စနစ်နဲ့ သွားမယ်လို့သာ ပြောနေတာ၊ လျှပ်စစ်မီးပုံမှန်မရရင် ဘယ်လိုမှ အဆင်မပြေနိုင်ဘူး၊ အဲဒီ စနစ်က ၂၄ နာရီလုံး မီးရနေမှ အဆင်ပြေနိုင်တာပါ။  ပြီးတော့ မြန်မာနိုင်ငံရဲ့လက်ရှိသုံးနေတဲ့ အင်တာနက် မြန်နှုန်းနဲ့လည်း အဆင်မပြေနိုင်သေးပါဘူး၊ ပြောရရင် e-Governmentဆိုတာ ရိုးသားတဲ့ အစိုးရအတွက်ပဲ ကောင်းတာဆိုတော့ အခုလိုမျိုး အခြေအနေနဲ့ဆို ဘယ်လိုမှ အဆင်မပြေနိုင်ပါဘူး”ဟု အထက်ပါ အိုင်တီပညာရှင်က သုံးသပ်သည်။


လက်ရှိဝန်ကြီးဌာန ၉ ခုတွင် အသုံးပြုလျက်ရှိသော e-Government စနစ်မှာ EBIS(Employee Bio Data Information System)ကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ အလုပ်သမား ၀န်ကြီးဌာန၊ ပြည်ထဲရေးဝန်ကြီးဌာနနှင့် ယဉ်ကျေးမှုဝန်ကြီးဌာန တို့တွင် အသုံးပြုလျက်ရှိပြီး၊ IIS(Internal Information System)ကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပို့ဆောင်ရေး ၀န်ကြီးဌာန၊ လယ်ယာစိုက်ပျိုးရေးနှင့် ဆည်မြောင်း ၀န်ကြီးဌာန၊ DEMS(Document Exchange & Management System)ကို စီးပွားရေးနှင့်ကူးသန်းရောင်း ၀ယ်ရေးဝန်ကြီးဌာန၊
ပို့ဆောင်ရေးဝန်ကြီးဌာန၊ ဆက်သွယ်ရေး၊ စာတိုက်နှင့်ကြေးနန်းဝန်ကြီးဌာန၊ ဆည်မြောင်း ၀န်ကြီးဌာန၊ အမှတ်(၂)လျှပ်စစ်စွမ်းအား  ၀န်ကြီးဌာနနှင့် IIS(Internal Information System)ကို အလုပ်သမားဝန်ကြီးဌာနတို့တွင် အသုံးပြုလျက်ရှိကြောင်း သိရှိရသည်။

e-Government စနစ်ဆိုသည်မှာ ယေဘုယျ အားဖြင့် အီလက်ထရွန်နစ်စနစ်ကို အသုံးပြု၍လုပ်ငန်းများ စီမံခန့်ခွဲမှုပြုရသော စနစ်တရပ်ဖြစ်ကြောင်း၊ အဖွဲ့အစည်းတခု၏ လုပ်ငန်းများကို ကွန်ပျူတာစနစ်ဖြင့် ပြောင်းလဲကျင့်သုံးသည့် စနစ်မျိုးဖြစ်ကြောင်း၊ အဆိုပါစနစ်တွင် စာရွက်စာတမ်းများ၊ သတင်း အချက်အလက်များဖလှယ်နိုင်သည့် ရုံးတွင်း သတင်း အချက်အလက်စနစ်၊ အစီရင်ခံစာများ၊ ညွှန်ကြားချက်များကို ဌာနဆိုင်ရာများတွင် လက်ရှိကျင့်သုံးနေသည့် မူရင်းပုံစံမပျက်စေဘဲ အိုင်စီတီနည်းပညာ သုံးစွဲ၍ ပိုမိုထိရောက် လွယ်ကူလျှင်မြန်စွာ အသုံးပြုနိုင်သောစနစ်နှင့် ၀န်ထမ်းများ၏ ကိုယ်ရေး အချက်အလက်များကို သိမ်း ဆည်းထားပြီး စီမံခန့်ခွဲနိုင်သော ၀န်ထမ်းအချက်အလက်မှတ်တမ်းစနစ် စသည်များပါဝင်ကြောင်း မြန်မာနိုင်ငံကွန်ပျူတာ ပညာရှင် များအသင်းမှ  အိုင်တီပညာရှင်များက ပြောသည်။

လက်ရှိ အစိုးရ၀န်ကြီးဌာနများတွင် ကွန်ပျူတာအသုံးပြုနိုင်မှု ပမာဏမှာ အနည်းငယ်သာရှိပြီး ကျွမ်းကျင် ၀န်ထမ်းမှာလည်း ရှားပါး ကြောင်း၊ ထို့အပြင် သက်ဆိုင်ရာ ခရိုင်ရုံးများနှင့် မြို့နယ်ရုံးများတွင်မူ ကွန်ပျူတာစနစ် သုံးစွဲသည်ကိုမတွေ့ရသေးကြောင်း၊ e-Government၊ e-commerce စနစ်ကို သုံးရန်အတွက် လိုအပ်ချက်များ ရှိနေဆဲဖြစ်ကြောင်းလည်း အိုင်တီပညာရှင်များက ပြော သည်။

“စင်ကာပူလို နိုင်ငံမျိုးမှာတောင် အချိန်ယူခဲ့ရတာဆိုတော့ ကျနော်တို့ မြန်မာနိုင်ငံအတွက်ကတော့ စနစ်တကျနဲ့ အသုံးပြုနိုင်ဖို့ ဆိုတာ လိုပါသေးတယ်”ဟု အထက်ပါ အိုင်တီပညာရှင်က သုံးသပ်ပြောဆိုသည်။

အစိုးရ၀န်ကြီးဌာန၊ ရုံးဌာနအဖွဲ့အစည်းများအတွင်း၌ e-Government၊ e-commerce စနစ်များ ပြုလုပ်မည်ဆိုပါက သတင်း အချက် အလက် ပိုမိုလုံခြုံစိတ်ချမှုရရှိစေရန်အတွက် ဒစ်ဂျစ်တယ်လ် သက်သေခံလက်မှတ်များကို တိကျစွာသုံးရန်လိုအပ်ကြောင်း အိုင်တီ ပညာရှင်များက ဆိုသည်။

ဒစ်ဂျစ်တယ်လ် သက်သေခံလက်မှတ် Digital Certificate ဆိုသည်မှာ အီလက်ထရွန်နစ်မှတ်ပုံတင် လက်မှတ်တခုဖြစ်ပြီ ယင်း မှတ်ပုံတင်လက်မှတ်ပိုင်ရှင်သည် မည်သူ၊ မည်ဝါဖြစ်ကြောင်း ဖော်ပြထားသောအချက် အလက်များရေးသွင်းထားသည့် အီလက် ထရွန်နစ်မှတ်တမ်းတမျိုးဖြစ်သည့်အပြင် ထိုလက်မှတ်အား ရတနာပုံတယ်လီပို့ ကုမ္ပဏီမှ ထုတ်ပေးရန်ရှိကြောင်း သိရှိရသည်။

Friday, 12 March 2010 16:02 ခိုင်သွယ်
ရင်းမြစ်။ ။ဧရာဝတီ

ကရင်နီဒုက္ခသည်များ အမေရိကသို့ပြောင်းရွေ့အခြေချမှု ပိုမိုများပြားလာ

ကရင်နီဒုက္ခသည်များ အမေရိကသို့ပြောင်းရွေ့အခြေချမှု ပိုမိုများပြားလာ
အင်တာနက်ပေးစာ
မတ် ၁၂၊ ၂၀၁၀
`        ဘန့်မယ့်စူရင်းလို့ ခေါ်တဲ့ ကရင်နီဒုက္ခသည်စခန်းအမှတ် (၂) မှာ နေထိုင်တဲ့ ဒုက္ခသည် ၁ဝဝဝကျော်ခန့်ကို  ယခုနှစ် ဧပြီလ အကုန်မှာ အမေရိကန်ကို ရွေ့ပြောင်းအခြေချနေထိုင်ဖို့ အတွက် ကရင်နီဒုက္ခသည် စခန်းအမှတ်(၁) ဘန့်မိုင်နိုင်းဆွယ် စခန်းကို အပြီးပြောင်းရွေ့သွားမည်ဟု စခန်းတာဝန်ရှိသူများက ပြောပါတယ်။
ဘန့်မယ့်စူရင်းမှ အမေရိကားသို့ ပြောင်းရွေ့အခြေချလိုသော ဒုက္ခသည်များစာရင်းကို ၂ဝဝ၉ ခုနှစ် အစောပိုင်းမှာ အိုပီအီး (The IRC's Overseas Processing Entity (OPE)) မှ စစ်တမ်းစတင်ကောက်ယူခဲ့ရာ ဒုက္ခသည်ပေါင်း ၁၂၅၇ ဦးမှ ပြောင်းရွေ့အခြေချလိုကြောင်း စစ်တမ်းကောက်ယူချက်အရ သိရပါတယ်။  ၂ဝဝ၉ ခုနှစ်  အတွင်းမှာပဲ အမေရိကားကို ပြောင်းရွေ့အခြေချလိုသော ဒုက္ခသည် ၂ဝဝကျော်ကို ဇွန်လတွင်တစ်ကြိမ်နှင့် အောက်တိုဘာလတွင် တစ်ကြိမ်စီ အသုတ်လိုက်ခွဲပြီး ဘန့်မိုင်နိုင်းဆွယ်ကို ပြောင်းရွေ့ခဲ့ပြီးဖြစ်ပါတယ်။
အမေရိကားကိုပြောင်းရွေ့အခြေခြဖို့အတွက် စီစစ်ရွေးချယ်တာနဲ့ ပတ်သက်ပြီး အမည်မဖော်လိုသူ ယူအန်အိပ်စီအာရ် အရာရှိတစ်ဦးကတော့
“အမေရိကန်ကို ပြောင်းရွေ့အခြေချဖို့အတွက် နှစ်အလိုက် အစောဆုံး ဒုက္ခသည်မှတ်ပုံတင်ထားသူများကို အရင်ဦးစားပေး ရွေးပါတယ်” လို့ ဆိုပါတယ်။
တတိယနိုင်ငံကို မပြောင်းရွေ့ရခင် Department of Homeland Security (DHS)  နဲ့ OPE က ဆေးစစ်ခြင်းများ ပြုလုပ်စဉ်ကာလအတွင်း ဘန့်မိုင်နိုင်းဆွယ်ကို ပြောင်းရွေ့နေရမည်ဖြစ်သောကြောင့် တချို့သောဒုက္ခသည်များက ထိုစခန်းကိုမပြောင်းရွေ့ချင်ကြပါဘူး။
အမေရိကန်ကို ပြောင်းရွေ့အခြေချဖို့ စာရင်းပေးထားတဲ့ ဘန့်မယ့်စူးရင်းမှာ နေထိုင်တဲ့ ဒုက္ခသည် စောဖိုးဒို က
“စခန်း ၁ ကို မပြောင်းချင်ဘူးလေ။ အဲ့ဒီမှာက လူများတယ်။ အိမ်လေးတွေကလည်း ကြပ်ကြပ်လေးတွေနဲ့။ ရေကလည်းခက်တယ်ပေါ့နော်။ အမေရိကန်ကို မသွားရခင် အနည်းဆုံး ၆ လ လောက်တောင် နေရမယ်ဆိုတော့ အရမ်းဒုက္ခရောက်တာပေါ့နော် …”
ဒုက္ခသည်များကို အခုလို အလုံးလိုက်အရင်းလိုက် တတိယနိုင်ငံကို ပြောင်းရွေ့ဖို့ စီစဉ်ပေးနေသည် ဆိုပါသော်လည်း  ကရင်နီစခန်းအမှတ် (၂) ကို ဒုက္ခသည်အသစ်များ အဆက်မပြတ်ဝင်ရောက်လာနေပါတယ်။ ၂ဝဝ၇ ခုနှစ်နေ ၂ဝဝ၉ ခုနှစ်အထိ ဒုက္ခသည်ပေါင်း ၆၄ဝကျော်လောက် ဝင်ရောက်လာခဲ့တယ်။ ဒီနောက်ပိုင်းမှာ ဆက်လက်ဝင်လာဖို့လည်း အများကြီးရှိသေးတယ် … လို့ စခန်းဥက္ကဌ ကဆိုပါတယ်။
လူသစ်ဝင်လာရတဲ့ အကြောင်းရင်းနဲ့ ပတ်သက်ပြီး စခန်းဥက္ကဌ ဆရာဒိုနယ် က …
“အဓိကကတော့ နအဖနဲ့အရင် ငြိမ်းချမ်းရေးယူခဲ့တဲ့ ကြယ်ဖြူအဖွဲ့ ထိန်းချူပ်နယ်မြေမှာ နေထိုင်တဲ့ လူတွေများတယ်။ သူတို့အဖွဲ့က အရင်ငြိမ်းချမ်းရေးယူတုန်းက ပြည်သူတွေရဲ့ ဖွံ့ဖြိုးမှုကို အာမခံထားပေမယ့် အခုတော့ နယ်ခြားစောင့်တပ်ဖွဲ့အသွင်ကို ပြောင်းလိုက်တော့ ပြည်သူလူထုက မယုံကြည်တော့ဘူးလေ” လို့ဆိုပါတယ်။
လွန်ခဲ့တဲ့လကမှ စခန်းထဲကို ရောက်လာတဲ့ ဒုက္ခသည် စောဖိုးမင်းကလည်း
“ရွာမှာနေတုန်းက နအဖတပ်တွေက ပေါ်တာ အရမ်းများတယ်။ နောက်ပိုင်း ပေါ်တာ မခေါ်ရင်လည်း လမ်းပြအဖြစ်ထပ်ခေါ်တယ်။ တခါခေါ်ရင် အနည်းဆုံး ၁ဝရက်လောက်ကြာတော့ အိမ်မှာ မိသားစုစားဝတ်နေရေး ခက်ခဲလို့ ထွက်ပြေးလာတာ ” လို့ ပြောပါတယ်။
၂ဝဝ၉ ခုနှစ် အတွင်း တတိယနိုင်ငံကို ပြောင်းရွေ့အခြေချသွားတဲ့ ကရင်နီဒုက္ခသည်စခန်း ၂ ခု မှ ဒုက္ခသည် အရေအတွက် ၆ဝဝဝ ကျော် ရှိသည် ဆိုပါတယ်။
ဘန့်မယ့်စူရင်း ကရင်နီဒုက္ခသည်စခန်းသည် မယ့်ဟောင်ဆောင်ခရိုင် မယ့်စုရင်းမြို့နယ်အတွင်းမှာ တည်ရှိပြီး လူဦးရေ ၃၅ဝဝ ဝန်းကျင်ခန့်သာရှိသော စခန်းဖြစ်ပါတယ်။
(အီးမေးက တဆင့် လက်ခံရရှိတဲ့စာ ဖြစ်ပါတယ်။ ပေးစာကဏ္ဍမှာ ဖော်ပြလိုက်ပါတယ်။ သတင်းပုံစံနဲ့ ရေးထားသော်လည်း၊ ကာယကံရှင်နဲ့ တိုက်ရိုက် ခွင့်ပြုချက် မရနိုင်ခဲ့ပါ၍ ပေးစာမှာ ကူးယူဖော်ပြလိုက်ပါတယ်)
ရင်းမြစ်။ ။မိုးမခ

အမေရိကန်သံတမန် မြန်မာသို့ လည်ပတ်ရန် ဆွေးနွေး

 
အိုကလာဟိုးမား (မဇ္စျိမ) ။      ။ ဒေသအတွင်း ခရီးလှည့်လည်သွားရောက်နေသော အမေရိကန် နိုင်ငံခြားရေး ဝန်ကြီးဌာန အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ်ကင်းဘဲလ်သည် မြန်မာနိုင်ငံကို လာရောက် လည်ပတ်နိုင်ရန် ဆွေးနွေးမှုများ ပြုလုပ်နေကြောင်း မြန်မာနိုင်ငံရှိ အမေရိကန်သံရုံးက အတည်ပြု ပြောကြားသည်။

အရှေ့တောင်အာရှ နိုင်ငံများသို့ ချစ်ကြည်ရေးခရီးစဉ်အဖြစ် အလည်အပတ်သွားနေသူ မစ္စတာကင်းဘဲလ်သည် သောကြာနေ့တွင် ဘရူနိုင်းမှ မလေးရှားသို့ သွားရောက်မည်ဖြစ်ပြီး မြန်မာနိုင်ငံသို့ပါ သွားရောက်ရေးအတွက် စစ်အစိုးရနှင့် ဆွေးနွေးနေသည်ဟု ဆိုသည်။

”ခရီးစဉ်နဲ့ပတ်သက်လို့ မြန်မာအာဏာပိုင်တွေနဲ့ ဆွေးနွေးနေတုန်းပါ” ဟု သံရုံးအရာထမ်းတဦးက မဇ္ဈိမကို ပြောသည်။

ပြီးခဲ့သည့်နှစ် နိုဝင်ဘာလတွင် ကင်းဘဲလ်သည် မြန်မာနိုင်ငံသို့ သွားရောက်လည်ပတ်ခဲ့ခြင်းသည် လွန်ခဲ့သည့် ၁၄ နှစ်အတွင်း ပထမဆုံး ရောက်ရှိလာသည့် အမေရိကန်၏ အဆင့်မြင့်ဆုံး အရာရှိဖြစ်သည်။ အမေရိကန်က ထိတွေ့ဆက်ဆံရေး မူဝါဒသစ် ပြောင်းလဲကျင့်သုံးပြီးနောက် ပထမဆုံး လည်ပတ်မှုလည်း ဖြစ်သည်။

ဝါရှင်တန်၏ နေပြည်တော်အပေါ် ပေါ်လစီက ယခင်ဂျော့ဘုရ်ှအစိုးရလို မဟုတ်ဘဲ၊ ပိတ်ဆို့အရေးယူမှုရော ထိတွေ့ဆက်ဆံရေးမူပါ ပြောင်းလဲကျင့်သုံးလာခဲ့သည်။

မလေးရှားနိုင်ငံ ကွာလာလမ်ပူတွင် ယခုလ ၁ဝ ရက်နေ့တွင် ပြုလုပ်သော သတင်းစာရှင်းလင်းပွဲ၌ မစ္စတာ ကင်းဘဲလ်က မြန်မာစစ်အစိုးရ ထုတ်ပြန်ကြေညာခဲ့သော ရွေးကောက်ပွဲဥပဒေသည် အတိုက်အခံခေါင်းဆောင် ဒေါ်အောင်ဆန်းစုကြည်ကို ရွေးကောက်ပွဲတွင် ပါဝင်ခွင့် မရရှိစေရန် ပိတ်ပင်ထားသည့်အတွက် စိတ်ပျက်မိကြောင်း ပြောကြားခဲ့သည်။

”တွေ့နေရသလောက် စိတ်ပျက်စရာပါပဲ။ စစ်အစိုးရအနေနဲ့ ရွေးကောက်ပွဲမတိုင်ခင် တွေ့ဆုံဆွေးနွေးမှုလုပ်ဖို့ တိုက်တွန်းပါတယ်” ဟု သူက ပြောသွားသည်။

မစ္စတာ ကင်းဘဲလ်၏ အာရှခရီးစဉ်သည် ယခုလ ၇ ရက်နေ့တွင် စတင်ခဲ့ပြီး၊ စင်္ကာပူသို့ လည်ပတ်ခဲ့ပြီး ဖြစ်သည်။ သူ၏ ခရီးစဉ်တွင် ထိုင်း၊ လာအို၊ မလေးရှား၊ ဘရူနိုင်း၊ အင်ဒိုနီးရှားနှင့် တိုကျိုတို့လည်း ပါဝင်သည်။

(မုံပီးသည် အိုကလာဟိုးမားမြို့တွင် အခြေစိုက်နေထိုင်သော မဇ္ဈိမ၏ အထူးသတင်းထောက် ဖြစ်သည်။)

မုံပီး  
Friday, 12 March 2010 13:06

ရွေးကောက်ပွဲဥပဒေသည် ရှက်ဖွယ်ဟု ဒေါ်စု ပြောကြား

    
ချင်းမိုင် (မဇ္ဈိမ) ။     ။ စစ်အစိုးရ ထုတ်ပြန်လိုက်သည့် ရွေးကောက်ပွဲ ဥပဒေများသည် ရှက်ဖွယ်ကောင်းလှကြောင်းနှင့် အမျုိုးသား ဒီမိုကရေစီ အဖွဲ့ချုပ်ကို စိန်ခေါ်လိုက်ခြင်းဖြစ်ကြောင်း ဒေါ်အောင်ဆန်းစုကြည်က ပထမဆုံး လူသိရှင်ကြား တုံ့ပြန်လိုက်သည်။

သူမ၏ ရှေ့နေမှတဆင့် ယနေ့ ပါးလိုက်သော စကားရပ်တွင် ဥပဒေများသည် သူမကို ချိန်ရွယ်ရေးသားထားခြင်းဟု ထင်မြင်ကြောင်းလည်း ပါရှိသည်။

နေအိမ်တွင် ချုပ်နှောင်ထားခံရသော အတိုက်အခံခေါင်းဆောင်နှင့် ရှေ့နေများဖြစ်သည့် ဦးကြည်ဝင်း၊ ဦးဥာဏ်ဝင်းတို့ ယနေ့ မွန်းလွဲပိုင်း ၂ နာရီမှ ၄ နာရီထိ တွေ့ဆုံခွင့် ရခဲ့သည်။

“ဒေါ်အောင်ဆန်းစုကြည်ပြောတာက ဒီဥပဒေတွေဟာ အဖွဲ့ချုပ် အန်အယ်ဒီအတွက် အများကြီး စိန်ခေါ်မှုတွေ ပါတယ်။ ဒီစိန်ခေါ်မှုတွေ ပါတာကိုပဲ သူကျေနပ်တယ်။ ဒီလိုစိန်ခေါ်မှုတွေပါမှ ဘယ်လိုတုံ့ပြန်မယ်ဆိုတာ ညီညီညွတ်ညွတ်နဲ့ ဝိုင်းလုပ်ကြရမှာပါပေါ့တဲ့” ဟု ဦးဥာဏ်ဝင်း မဇ္ဈိမကို ပြောသည်။

“ဒီဥပဒေကို ဖတ်လိုက်လို့ရှိရင် တစုံတယောက်ကို ရည်ညွှန်းပြီးတော့ ရေးဆွဲတယ်၊ တစုံတယောက်ရဲ့ အကျိုးကို ဆန့်ကျင်ပြီးတော့ ရေးဆွဲတယ်လို့ ထင်မြင်စရာ ဖတ်တဲ့လူတိုင်း တွေ့ပါတယ်။ အဲဒီလို တွေ့မြင်စရာ ဖြစ်နေတာကိုက အင်မတန်ရှက်ဖို့ ကောင်းတယ်၊ ဥပဒေဆိုတာ လူတိုင်းအတွက် လူတိုင်းအတွက်ရေးရမှာ ပုဂ္ဂိုလ် တဦးတယောက်အတွက် ရေးတယ်ဆိုကတည်းကိုက မဖြစ်သင့်တာ ရှက်စရာကောင်းတဲ့ အဖြစ်အပျက်ပဲလို့ သူ အဲဒီလို ပြောပါတယ်” ဟု သူက ထပ်ပြောသည်။

ယခုလ ၈ ရက်နေ့မှ စတင်၍ ယနေ့အထိ နိုင်ငံပိုင် သတင်းစာများတွင် ရွေးကောက်ပွဲဆိုင်ရာ ဥပဒေ ၄ ခု ထွက်ရှိပြီး ဖြစ်သည်။

ပါတီမှတ်ပုံတင်ခြင်း ဥပဒေနှင့် ပြည်သူ့လွှတ်တော် ရွေးကောက်ပွဲဥပဒေများအရ ထောင်ဒဏ်ကျခံနေရသော ဒေါ်အောင်ဆန်းစုကြည်အနေဖြင့် နိုင်ငံရေးပါတီဝင် မဖြစ်နိုင်သလို လွှတ်တော်အမတ်အဖြစ်လည်း ဝင်ရောက်အရွေးခံပိုင်ခွင့် မရှိရန် ပိတ်ပင်လိုက်သည်။

ယနေ့ တွေ့ဆုံရာ၌ ကမ္ဘာပေါ်တွင် တဦးတည်းသော ချုပ်နှောင်ခံထားရသည့် ငြိမ်းချမ်းရေး နိုဘယ်ဆုရှင်က သူမအပေါ် ချမှတ်ထားသော ပြစ်ဒဏ်ကို အယူခံဝင်ရန်ကိစ္စနှင့် မြေအိမ်ခြံဝင်းကို မွေးစားအကိုဝမ်းကွဲတော်သူက တိတ်တခိုး ရောင်းချလိုက်သည့် ကိစ္စအတွက်ပါ ဆွေးနွေးခဲ့ကြသည်ဟု ရှေ့နေ ဦးကြည်ဝင်းက ပြောသည်။

”ဦးခင်မောင်အေးက မြေရောင်းလိုက်တဲ့ကိစ္စ၊ ဒေါ်စုက တရားမစွဲချင်ပါဘူး။ ဒါပေမဲ့ ဒေါ်စုနဲ့ မောင်နှမ နှစ်ယောက်စလုံး အကျိုးကို ထိခိုက်တာဆိုတော့ ဥပဒေ အပြန်အလှန် ဆွေးနွေးကြတယ်” ဟု ရှေ့နေ ဦးကြည်ဝင်းက ပြောသည်။

ဦးခင်မောင်အေးမှာ ကွယ်လွန်လေပြီးသော သခင်သန်းထွန်း၊ ဒေါ်ခင်ကြီးတို့၏ မွေးစားသားဖြစ်ပြီး တပ်မတော် အရာရှိဟောင်းနှင့် စာရေးဆရာ ဖြစ်သည်။ ဒေါ်အောင်ဆန်းစုကြည်၏ မိခင် ဒေါ်ခင်ကြည်နှင့် ဒေါ်ခင်ကြီးတို့မှာ ညီမအရင်း ဖြစ်ကြသည်။

လွန်ခဲ့သည့် အနှစ် ၂ဝ အတွင်း ၁၄ နှစ်ကျော် အချုပ်အနှောင်ခံနေရခဲ့သော ဒေါ်အောင်ဆန်းစုကြည်၏ အကိုရင်း ဖြစ်သူကလည်း ခြံကို အမွေဆိုင်အဖြစ် လျှောက်ထားပြီး သူမ နေအိမ်ပြင်ဆင်သောအခါ တားမြစ်မှု လုပ်ထားသည်။

ဖနိဒါ 
Thursday, 11 March 2010 20:15

ကြံ့ဖွံ့ ပါတီထောင်မည်


ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း (ကြံ့ဖွံ့) အနေနှင့် မကြာမီရက်ပိုင်းအတွင်း နိုင်ငံရေးပါတီ ထောင်မည်ဟူသည့် သတင်းတရပ် ရန်ကုန်သတင်းရပ်ကွက်တွင် ထွက်ပေါ်နေသည်။

အဆိုပါ သတင်းသည် ရွေးကောက်ပွဲဥပဒေများ ထွက်ရှိပြီးနောက် တဆက်တည်း ထွက်ပေါ်လာခြင်းဖြစ်သည်။

၎င်းပြင် ပြီးခဲ့သည့် တပတ်အတွင်းက ဗိုလ်ချုပ်၊ ဗိုလ်မှူးချုပ်နှင့် ဝန်ကြီးများ အရပ်ဘက်သို့ ပြောင်းရန် ပြင်ဆင်သည့် အနေဖြင့် ကား၊ အိမ်ရာ စသည့် နိုင်ငံပိုင်ပစ္စည်းများကို ပြန်လည် လွှဲပြောင်းပေးလိုက်ကြောင်းလည်း ကြားသိရသည်။

usda_members
ကြံ့ဖွံ့ဖွင့်ထားသော အင်္ဂလိပ်စာ သင်တန်းတခုတွင် အသင်းဝင်များ သင်ယူ နေကြစဉ် (ဓာတ်ပုံ - ခေတ်လူငယ်)
စစ်အစိုးရ၏ ရွေးကောက်ပွဲဥပဒေများအရ နိုင်ငံရေးပါတီဝင်များသည် နိုင်ငံပိုင်ပစ္စည်းများကို သုံးစွဲခွင့် မရှိပေ။ ထို့ပြင် နိုင်ငံရေးပါတီ များသည် မတ်လ ၈ ရက်နေ့မှစ၍ ရက် ၆၀ အတွင်း မှတ်ပုံတင်ကြရမည်ဟု အဆိုပါ ဥပဒေက ဆိုထားသည်။

အနည်းဆုံး ဝန်ကြီး ၁၈ ဦးခန့်သည် လက်ရှိရာထူးကိုစွန့်ပြီး နအဖ ကျောထောက်နောက်ခံ ပေးထားသည့် ကြံ့ဖွံ့ပါတီသို့ ဝင်ကြမည်ဟု ကြားသိထားကြောင်း အမျိုးသား ဒီမိုကရေစီအဖွဲ့ချုပ် (NLD) မှ တာဝန်ရှိသူ တဦးက ဧရာဝတီသို့ ပြောကြားသည်။  

ပြည်တွင်းအခြေစိုက် သတင်းအယ်ဒီတာ တဦးကမူ ကြံ့ဖွံ့အနေနှင့် ပါတီထောင်ဖွယ်ရှိကြောင်း၊ ၎င်းပါတီကို ကြံ့ဖွံ့၏ ကျောထောက် နောက်ခံပြုမည် ဖြစ်သော်လည်း ကြံ့ဖွံ့အမည်ကို ပါတီအမည်အဖြစ် အသုံးပြုဖွယ်မရှိကြောင်း ပြောသည်။

ယနေ့ ဆက်သွယ်မေးမြန်းမှုများအရ ရန်ကုန်ရှိ ရန်ကင်း၊ တောင်ဥက္ကလာ၊ မြောက်ဥက္ကလာ၊ တောင်ဒဂုံ စသည့်မြို့နယ်များနှင့် ပဲခူးတိုင်းရှိ မြို့နယ်များတွင် ကြံ့ဖွံ့ အစည်းအဝေးများ ပြုလုပ်ကြသည်ဟု သိရသည်။ အစည်းအဝေးများ ဆိုင်ရာ ဆွေးနွေး ညွှန်ကြား ချက်များကိုမူ စုံစမ်းအတည်ပြု၍ မရနိုင်သေးပေ။  

၂၀၀၂ ခုနှစ်တွင် ပြည်ထဲရေးဝန်ကြီး ဗိုလ်ချုပ်မောင်ဦးက ကြံ့ဖွံ့သည် နိုင်ငံရေးစင်မြင့်တွင် တခြားအဖွဲ့များနှင့် ယှဉ်ပြိုင် နိုင်ရမည်ဟူ၍ လည်းကောင်း၊ ၂၀၀၃ ခုနှစ်တွင် မွန်ပြည်နယ် ကြံ့ဖွံ့အတွင်းရေးမှူးက ၎င်းအသင်းကို တရားဝင် နိုင်ငံရေးပါတီအဖြစ် ပြောင်းလဲရန် အသင့်ရှိသည် ဟူ၍လည်းကောင်း၊ ၂၀၀၅ ခုနှစ် ဒီဇင်ဘာတွင် ကျင်းပသော သတင်းစာ ရှင်းလင်းပွဲတခု၌ ကြံ့ဖွံ့အထွေထွေအတွင်းရေးမှူး ဗိုလ်ချုပ်ဌေးဦးက အဆိုပါ အသင်းကို နိုင်ငံရေးပါတီအဖြစ် ပြောင်းလဲ ဖွဲ့စည်းကောင်း ဖွဲ့စည်းနိုင်သည်ဟူ၍ လည်းကောင်း ပြောခဲ့ကြဖူးသည်။

၁၉၆၂ ခုနှစ်က ဗိုလ်ချုပ်နေဝင်း အာဏာသိမ်းပြီးနောက်တွင် ကြံ့ခိုင်ရေးအသင်းဟူ၍ ဖွဲ့ခဲ့ဖူးသည်။ ၁၉၇၄ ခုနှစ် ဖွဲ့စည်းပုံ အခြေခံ ဥပဒေအရ တပါတီ အာဏာရှင်စနစ် ကျင့်သုံးပြီးနောက် ဗိုလ်ချုပ်နေဝင်း အစိုးရသည် နိုင်ငံရေး အဖွဲ့အစည်း တခုအဖြစ် မြန်မာ့ဆိုရှယ်လစ် လမ်းစဉ်ပါတီ (မဆလ) ကို ဖွဲ့စည်းခဲ့သည်။

၁၉၉၀ ပြည့်နှစ် ရွေးကောက်ပွဲတွင် နဝတ စစ်အစိုးရသည် လွှတ်တော်တွင် အမတ်နေရာ ရရှိရေးအတွက် မဆလ ပါတီ လူဟောင်းများကို အသုံးပြုကာ တိုင်းရင်းသား စည်းလုံးညီညွတ်ရေးပါတီ (တစည) အမည်ဖြင့် ရွေးကောက်ပွဲ ဝင်ခဲ့ဖူးသည်။

ကြံ့ဖွံ့သည် ၁၉၉၃ ခုနှစ်တွင် ပြည်ထဲရေးဝန်ကြီးဌာန၌ လူမှုရေးအဖွဲ့အစည်းအဖြစ် မှတ်ပုံတင်ခဲ့ပြီး စတင်ဖွဲ့စည်းစဉ်က နိုင်ငံရေးနှင့် မပတ်သက်ဟု ဆိုခဲ့သော်လည်း နောက်ပိုင်းတွင် နအဖ၏ နိုင်ငံရေးမူဝါဒများကို အကောင်အထည် ဖော်လာခဲ့ကြောင်း တွေ့ရသည်။

Thursday, 11 March 2010 19:05 ခက်ထန်  
ရင်းမြစ်။ ။http://www.irrawaddy.org/bur/index.php/news/1-news/2761-2010-03-11-12-06-52