Saturday, March 13, 2010

နိုင်ငံရေး ပါတီ ၇ ဖွဲ့မှတ်ပုံတင်ရန် စောင့်ဆိုင်းနေ

  နိုင်ငံရေး ပါတီများ မှတ်ပုံတင်ခြင်း ဥပဒေကို စစ်အစိုးရက ထုတ်ပြန်ကြေညာခဲ့ပြီးနောက် နိုင်ငံရေးပါတီ ၇ ဖွဲ့ခန့်က မှတ်ပုံတင်ရန် အတွက် ပြင်ဆင်ထားကြောင်း ၎င်းပါတီများမှ တာဝန်ရှိသူများက ပြောသည်။

နိုင်ငံရေးပါတီ အသစ်များ မှတ်ပုံတင်ရမည့် နေ့ရက်နှင့် ပတ်သက်ပြီး ယင်း ဥပဒေ က ဖော်ပြထားခြင်း မရှိသေးသော်လည်း အသစ် ဖွဲ့စည်းမည့် နိုင်ငံရေး ပါတီများ အနေဖြင့် ယခုလကုန်ပိုင်းနှင့် ဧပြီလအတွင်း မှတ်ပုံတင်ရန် စီစဉ်ထားသည်ဟု အမျိုးသား နိုင်ငံရေး မဟာမိတ်အဖွဲ့ချုပ်မှ သဘာပတိ အဖွဲ့ဝင် ဦးကြည်ဝင်းက ဧရာဝတီသို့ ပြောသည်။

အမျိုးသား နိုင်ငံရေး မဟာမိတ်အဖွဲ့ချုပ် အပါအ၀င် ဒီမိုကရက်တစ်ပါတီ၊ ပြည်ထောင်စု မြန်မာနိုင်ငံ အမျိုးသား နိုင်ငံရေးအဖွဲ့ချုပ်၊ ပြည်ထောင်စု ကြံခိုင်ရေးနှင့် ဖွံ့ဖြိုးရေး အသင်း( ကြံဖွံ့)၊ ပြည်ထောင်စု ဒီမိုကရေစီ မဟာမိတ် အဖွဲ့ စသည့် နိုင်ငံရေး ပါတီ ၇ဖွဲ့ခန့်က မှတ်ပုံတင်ရန် အစီအစဉ်ရှိကြောင်း ၎င်း ဆိုသည်။

ရန်ကုန်မြို့ရှိ အစိုးရနှင့် နီးစပ်သူတဦးကလည်း ၂၀၁၀ ရွေးကောက်ပွဲ၌ ပါဝင်ရန်အတွက် ကြံ့ဖွံ့ အဖွဲ့က ပါတီ ၃ ခုဖွဲ့စည်းရန် သတင်းများ ထွက်ပေါ်နေသည်ဟု ပြောသည်။

“ကြံ့ဖွံ့က ၃ပါတီ ဖွဲ့မယ်လို့ ကျနော်တို့ကြားတယ်၊ ဒါပေမယ့် တိုင်းရင်းသား စည်းလုံးညီညွတ်ရေးပါတီ (တစည)ကတော့ သူတို့ လှုပ်ရှားမှုတွေကို မတွေ့ရသေးဘူး၊ လွန်ခဲ့တလက လှည်းကူးမြို့နယ်ဘက်မှာ စည်းရုံးရေး ဆင်းနေတာကိုတော့တွေ့ရတယ်”ဟု ၎င်းက ဆိုသည်။

တစည ပါတီသည် ၁၉၉၀ ပြည့်နှစ် ရွေးကောက်ပွဲ၌ နဝတ စစ်အစိုးရက လွှတ်တော်တွင် အမတ်နေရာ ရရှိရေးအတွက် မဆလ ပါတီ လူဟောင်းများကို အသုံးပြုကာ ရွေးကောက်ပွဲ ဝင်ခဲ့ဖူးသည်။

ဒီမိုကရက်တစ်ပါတီမှ ဒေါ်သန်းသန်းနုက ပါတီမှတ်ပုံတင် ဖြစ်ပါက ယခုလအတွင်း တင်ဖြစ်မည် ဖြစ်ကြောင်း၊ ယခုလက်ရှိ ရွေး  ကောက်ပွဲ ဥပဒေများကို လေ့လာနေကြောင်း ပြောသည်။

ယင်း ဒီမိုကရက်တစ် ပါတီကို ၀ါရင့် နိုင်ငံရေးသမားကြီး ဦးသုဝေက ပြီးခဲ့သည့်နှစ် စက်တင်ဘာလ အတွင်း၌ ယခင် ပါလီမန် ဒီမို ကရေစီခေတ် ၀န်ကြီးချုပ်များ ဖြစ်ခဲ့သည့် ဦးနု ၊ ဦးဗဆွေ၊ ဦးကျော်ငြိမ်းတို့၏ သားသမီးများဖြစ်သော ဒေါ်သန်းသန်းနု၊ ဒေါ်ချိုချို ကျော်ငြိမ်းနှင့် ဒေါ်နေရီဗဆွေ တို့ ဖြင့် ဖွဲ့စည်းခဲ့ပြီး ဥက္ကဋ္ဌ အဖြစ်တာဝန်ယူ ဆောင်ရွက်သည်။

ပါတီ မှတ်ပုံတင်ရန် အတွက် ဗဟိုဦးစီး အဖွဲ့ဝင်များနှင့် ဗဟို အလုပ်အမှုဆောင်အဖွဲ့ဝင်များ မကြာခင်ရက်ပိုင်းက အစည်းအဝေး ပြုလုပ်၍ ၈၈ မျိုးဆက်ကျောင်းသား လူငယ်များ ပြည်ထောင်စု မြန်မာနိုင်ငံနှင့် ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ် ပါတီ နာမည်များဖြင့် တင်ရန် စီစဉ်ထားသည်ဟု ၎င်း အဖွဲ့များ၏ ခေါင်းဆောင် ကိုအေးလွင်က ဆိုသည်။

“ပါတီ အလံကျတော့ ကျနော်တို့က ဒီ ၈၈ မျိုးဆက်ကျောင်းသား လူငယ်များ ပြည်ထောင်စု မြန်မာနိုင်ငံ အတွက် ခွပ်ဒေါင်း အလံ ကို သုံးတယ်၊ နောက်ခံ အနီရောင်၊ ပါတီ တံဆိပ် အနေနဲ့ကတော့ ခွပ်ဒေါင်း တခုအနေနဲ့ပဲ သုံးတယ်၊ နောက်တခါ ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ် အလံကတော့ အပေါ်က အ၀ါ၊ အလည်က အစိမ်း၊ အောက်က အနီလေ သုံးရောင်ချယ်၊ ပါတီ တံဆိပ်အနေနဲ့ကတော့ အစိမ်းရောင်နဲ့ အဲဒီ ကဒေါင်းလေးကိုပဲ သုံးလိုက်တယ်”ဟု ၎င်းက ရှင်းပြသည်။

ထိုသို့ ရွေးကောက်ပွဲဝင်ရန် ပြင်ဆင်နေသူများရှိနေသော်လည်း အဓိက နိုင်ငံရေး ပါတီဖြစ်သော အမျိုးသား ဒီမိုကရေစီအဖွဲ့ချုပ် (NLD)မှာအကျပ်အတည်းနှင့် ရင်ဆိုင်နေရပြီး ၁၉၉၀ ရွေးကောက်ပွဲတွင် အနိုင်ရရှိခဲ့သော တိုင်းရင်းသားပါတီတချို့က ရွေး ကောက်ပွဲဝင်ရန် ဆန္ဒမရှိဖြစ်နေကြောင်းလည်း သိရသည်။

ဥပဒေတွင် နိုင်ငံရေးပါတီများ မှတ်ပုံတင်ခြင်း ဥပဒေ အရ တည်ရှိနေသော ပါတီများသည် ရက်ပေါင်း ၆၀ အတွင်း ရွေးကောက်ပွဲ ကော်မရှင်သို့ လျှောက်ထားရန်ပျက်ကွက်ပါက နိုင်ငံရေးပါတီအဖြစ်မှ အလိုအလျောက် ပျက်ပြယ်သွားမည်ဟု ပါရှိသည်။

Saturday, 13 March 2010 19:24 သန်းထိုက်ဦး
ရင်းမြစ်။ ။ဧရာဝတီ

ရွေးကောက်ပွဲ ဥပဒေ သီတင်းပတ် နဲ့ မလွတ်လပ်သော နိုင်ငံရေး သတ္တ၀ါ မြန်မာ ပြည်သူများ

ရန်ကုန်ရှုခင်း - မတ်လ ဒုတိယပတ်
ရွေးကောက်ပွဲ ဥပဒေ သီတင်းပတ် နဲ့ မလွတ်လပ်သော နိုင်ငံရေး သတ္တ၀ါ မြန်မာ ပြည်သူများ
လမ်းလျှောက်ဂျာနယ်လစ်၊ ရန်ကုန်
မတ် ၁၃၊ ၂၀၁၀
ယခုသီတင်းပတ် အစ တနင်္လာနေ့ ညနေခင်းမှာ နအဖ အစိုးရက ရွေးကောက်ပွဲ ဥပဒေကို နောက်တရက်မှ စပြီး ကြေငြာမယ်ဆိုလိုက်တာနဲ့ မြန်မာနိုင်ငံမှ နိုင်ငံရေး စိတ်ဝင်စားသူများ အကြား လှုပ်လှုပ်ရှားရှား ဖြစ်သွားခဲ့ပါတယ်။ သာမန် အလုပ်လုပ်ကိုင်စားသောက် နေကြတဲ့ ပြည်သူတွေအထဲတော့ စိတ်ဝင်စားမှု သိပ်မပြကြပါဘူး။ ဥပဒေထွက်တယ် ဆိုတာကို ကြားပေမယ့် ဒီဥပဒေက ထူးခြားတဲ့ အပြောင်းအလဲမျိုး ဖြစ်တဲ့ တရားမျှတတဲ့ ရွေးကောက်ပွဲ ကျင်းပပေးတာ၊ နောက်ရွေးကောက်တင်မြှောက်ခံရတဲ့ ပါတီကို အာဏာလွှဲပြောင်းပေးတာတို့ ဖြစ်လာမှာ မဟုတ်ဘူးလို့ မျှော်လင့်နေကြလို့ စိတ်ဝင်စားမှု မပြကြတာလည်း ဖြစ်ပါတယ်။
ရန်ကုန်မြို့လယ်မှာ ထမင်းရောင်းနေတဲ့ အမျိုးသမီးတဦးက
“မနက်က သတင်းစာမှာ ပါတာတော့ တွေ့မိတယ်။ ကျွန်မအနေနဲ့ အဲဒါတွေ သိပ်တော့နားမလည်ပါဘူး။ ရွေးကောက်ပွဲဆိုတာလည်း ဘယ်လိုလဲ ဆိုတာ သိပ်နားမလည်ပါဘူး။ အခုကျွန်မတို့ ရေရဖို့ မီးရဖို့ ပြဿနာကိုတောင်မှ မဖြေရှင်းပေးနိုင်ပဲ ကြီးကြီးကျယ်ကျယ် တွေပြောနေတဲ့ သူတွေ (လက်ရှိ အစိုးရ)ဆိုတော့ ဘာမှ ပြောင်းလဲလာလိမ့်မယ် လို့မထင်ပါဘူး”
လို့ ပြောပါတယ်။
နယ်မြို့ကြီးတမြို့မှ ကိုယ်ပိုင်လုပ်ငန်းရှင် တဦးက သူ့အနေနဲ့ ထွက်ရှိလာတဲ့ ရွေးကောက်ပွဲ ဥပဒေကို စောင့်ပြီး ဖတ်ကြည့်နေတယ် လို့ဆိုပါတယ်။ နိုင်ငံရေး ပါတီဖွဲ့စည်းခြင်း ဥပဒေ ထွက်တဲ့နေ့က ဖတ်ကြည့်လိုက်တော့ လက်ရှိ ဖမ်းဆီးထားတဲ့ နိုင်ငံရေး ခေါင်းဆောင်တွေကို ပါတီထဲ မပါနိုင်အောင်၊ ၀င်ရွေးမခံရအောင် ဖယ်ထုတ်ထား တဲ့အတွက် ဒီဥပဒေကို အားမရဘူး လို့ပြောပါတယ်။ ဒေါ်စု အပါအ၀င် ခေါင်းဆောင်တွေကို ၀င်ရွေးခံလို့ မရအောင်လုပ်ထားတာက နိုင်ငံရေး အရ ပြေလည်မှုလမ်းကြောင်းပေါ် မရောက်နိုင်ဘူးလို့ ခံစားရတယ် လို့ဆိုပါတယ်။ သူတို့မြို့မှာ ဒီရွေးကောက်ပွဲ ဥပဒေကို စိတ်ဝင်စားသူ သိပ်မတွေ့ရဘူးလို့လည်း သူကပြောပါတယ်။ လူတွေအနေနဲ့ ဥပဒေ ကြေငြာတာ ကိုတော့ သိကြပေမယ့် စိတ်မ၀င်စားကြတာ လို့ဆိုပါတယ်။
ရန်ကုန်မြို့က ကားပွဲစားတဦးက
“ကျွန်တော်တို့က စီးပွားရေး သမားပဲ ဆိုတော့ ဒီနေ့ ရွေးကောက်ပွဲ ဥပဒေထွက်တယ် ဆိုတာ အများစုက စိတ်မ၀င်စားကြဘူး။ ကျွန်တော်တို့အလုပ်အကိုင်က အခုလည်းမကောင်းဘူး၊ နောက်လည်း ကောင်းဖို့မမြင်ဘူး၊ လူတွေစီးပွားရေးမကောင်းတော့ နိုင်ငံရေးကို စိတ်မ၀င်စားနိုင်ဘူး၊ လာမယ့် ရွေးကောက်ပွဲက သူ့လူကိုပဲ သူပေးမှာ ဆိုတော့ ကျွန်တော်တို့လည်း ကိုယ်နဲ့ မဆိုင်သလိုပဲ နေတော့မယ်”
လို့ ပြောပါတယ်။
ရန်ကုန်မြို့မှာ မီဒီယာနယ်ပယ်က သူတွေအနေနဲ့တော့ ရွေးကောက်ပွဲ ဥပဒေ ထွက်ပြီဆိုတော့ ရေးစရာ သားစရာ ပေါ်လာပြီဆိုပြီး စိတ်ဝင်စားနေကြတာ အမှန်ပါ။ သို့ပေမယ့် သာမန် ပြည်သူအများ ကတော့ရလဒ် ကိုအဓိကအာရုံစိုက်တဲ့ သူတွေဆိုတော့ ဒီဥပဒေကနေ ရလဒ် ကောင်းထွက်လာမယ် ဆိုတာ ဘယ်သူမှ မမျှော်လင့်ထားတော့ သိပ်မဆိုင်သလိုပဲ နေကြ သွားလာလှုပ်ရှားနေကြတာပါ။
ရေဒီယိုတွေ သတင်းဝက်ဆိုက်တွေက ပြောနေသလို ဥပဒေက ဘယ်လိုထွက်တယ်။ ဘယ်ပုံထွက်တယ်။ ဘယ်နေရာက ဘာဖြစ်တယ်၊ အပိုဒ် ၁၂၊ က အရ၊ ခ အရ ဆိုပြီး စေ့စေ့ငင မသိကြပါဘူး။ အဲဒါတွေကို ငြင်းခုံကြဖို့လည်း စိတ်မ၀င်စားကြပါဘူး။ 

လူဟာ နိုင်ငံရေး သတ္တ၀ါ
စောစောက ထမင်းရောင်းသူ အမျိုးသမီးပြောသလို နေ့စဉ်ဘ၀မှာ အရေးကြီးတဲ့ လျှပ်စစ်မီးရဖို့ ရေမှန်မှန်ရဖို့ကိုတောင် အာမမခံနိုင် အဆင်ပြေပြေ မစီစဉ်နိုင်တဲ့ အစိုးရကို ကြီးကြီးကျယ်ကျယ် ရွေးကောက်ပွဲ ဆိုလာလို့ မယုံတဲ့သဘောပါပဲ။ လူသည် နိုင်ငံရေး သတ္တ၀ါဖြစ်သည် ဆိုတဲ့ အဆိုအမိန့်ရှိပြီး သိသည်ဖြစ်ဖြစ် မသိသည်ဖြစ်ဖြစ် လူတိုင်းဟာ နိုင်ငံရေးနဲ့ သက်ဆိုင်နေတယ်ဆိုတဲ့ သဘောလို့ နားလည်ပါတယ်။
မြန်မာပြည်သူတွေလည်း နိုင်ငံရေးသတ္တ၀ါတွေပါပဲ၊ နိုင်ငံရေးကို စိတ်ဝင်စားသည် ဖြစ်စေ စိတ်မ၀င်စားသည် ဖြစ်စေ နေ့စဉ် အလုပ်အကိုင် ကောင်းခြင်းမကောင်းခြင်း၊ ရေမှန်မှန် မရခြင်း၊ လျှပ်စစ်မီး မှန်မှန်မရခြင်းတွေဟာ မကောင်းတဲ့သူတွေ အုပ်ချုပ်နေလို နိုင်ငံရေး အခြေအနေ မကောင်းလို့  ဆိုတာကိုတော့ လက်တွေ့ ဘ၀အရ သိနေကြပါတယ်။
ဆွေးနွေးဖို့ ငြင်းခုံပြောဆိုဖို့ သိပ်စိတ်မ၀င်စားတဲ့ အခြားသောအကြောင်း အချက်ကလည်း ကိုယ့်အမြင်ကို လွတ်လပ်စွာ ထုတ်ဖေါ်ပြောခွင့် မရကြတဲ့ အချက်ပါ။ ကွန်မြူနစ် အရှေ့ဂျာမနီလို၊ ဆိုဗီယက် ကွန်မြူနစ်ခေတ်လို  သတင်းပေးတွေ နေရာတိုင်းမှာ ရှိတဲ့သဘောမျိုး မဟုတ်ပေမယ့် မြန်မာနိုင်ငံမှာ လူပုံအလယ်မှာ ကိုယ့်အမြင်လွတ်လွတ်လပ်လပ် ထုတ်ဖေါ်ခွင့်ရှိတဲ့ နိုင်ငံလည်း မဟုတ်ပါဘူး။
ယနေ့မှာ လူအများရဲ့ စိတ်ဝင်စားမှု ကိုသိပ်မခံရတော့တဲ့ ယခင် မဆလရဲ့ အမွေခံ တိုင်းရင်းသားစည်းလုံးညီညွတ်ရေး ပါတီ စည်းရုံးရေးမှူး ကတောင်မှ ယခုရွေးကောက်ပွဲ ဥပဒေကို တရားမျှတမှု မရှိတဲ့ ဥပဒေအဖြစ်မြင်နေကြပါတယ်။
ရန်ကုန်မြို့ရဲ့ အရှေ့ပိုင်းခရိုင်မှာ ရှိတဲ့မြို့နယ် တခုမှ တစည အတွင်းရေးမှူးဖြစ်သူက
“အခုဖတ်ရသလောက် ရွေးကောက်ပွဲ ဥပဒေကတော့ လူထု ကောင်းစားဖို့ဘာမှ မမြင်ဘူး၊ အခွန်ထမ်းတဲ့ ပြည်သူတွေ ခံရဦးမှာပဲ။ ဒီဥပဒေကို လုံးစေ့ပတ်စေ့တော့ နားမလည်ဘူး။ ဒါပေမယ့် အချို့ကန့်သတ်ချက်တွေက လူတိုင်းရှဲု့ အခွင့်အရေးကို မျက်ကွယ်ပြုထားသလိုပဲ၊ ဥပမာ ထောင်ဒဏ်ကျခံနေရတဲ့ သူတွေမဲပေးခွင့်မရှိတာမျိုး၊ အရင်ခေတ်ကလည်း တဘက်သတ်လုပ်ခဲ့တာ တွေရှိပါတယ်။ ဒါပေမယ့် အခုဥပဒေလောက် မဆိုးဘူးလို့ အဘထင်တယ်။ ဒီဥပဒေ နဲ့လုပ်တဲ့ ရွေးကောက်ပွဲဟာ တရားမျှတစရာ မရှိဘူး။ အားလုံးကို ခြင်္သေ့ (စစ်တပ်ကို ရည်ညွန်း) ကစားသွားမှာပဲ”
လို့ ပြောပါတယ်။
အခုပြောတဲ့ အတွင်းရေးမှူးဟာ အသက် ၇၀ ရှိနေပြီး ယခင်သာမန် အစိုးရ၀န်ထမ်း အငြိမ်းစား တဦးပါ။ နောက်ဆုံး သူပြောတဲ့ စကားတလုံးကတော့
“အခု တစည ပါတီတောင် လူ ၄၀ထက်ပိုစုလို့ မရဘူး၊ အာဏာပိုင်တွေက ခွင့်မပြုဘူး” ဆိုတာပါ။
(ဓာတ်ပုံများ - မိုးမခ၊ မတ်လ ၈ ရက်နေ့ မနက်ခင်း၊ သတင်းစာများ ရောင်းချရန် ပြင်ဆင်နေစဉ်၊ ရန်ကုန်မြို့ ရှုခင်း)

အန်အယ်ဒီအတွက် ထောင်ချောက်သတိ

၂၀၁၀ ရွေးကောက်ပွဲအတွက် ရွေးကောက်ပွဲဥပဒေ ထွက်လာချိန်တွင် ဥပဒေအပေါ် သုံးသပ်ချက်နှင့် လွန်ခဲ့သော နှစ် ၅၀ ကျော်ကာလ ပါလီမန် ဒီမိုကရေစီ ခောတ်ကာလနှင့် ခြားနားမှု သုံးသပ်ချက်များကို မြန်မာ့နိုင်ငံရေး ခောတ်အဆက်ဆက် ဖြတ်သန်းလာခဲ့သော ဝါရင့် နိုင်ငံရေးသမားကြီး နှစ်ဦးကို မေးမြန်းထားသည်။ အယူဝါဒမတူသူ သူတို့နှစ်ဦးအနက် လက်ရှိအချိန်မှာ ပထမ တဦးက ပြည်တွင်းမှာ၊ ကျန်တဦးက ပြည်ပမှာ နေထိုင်နေသည်။ အမျိုးသား ဒီမိုကရေစီ အဖွဲ့ချုပ်၏ ရုံးများကို ပြန်လည် ဖွင့်ခွင့်ပေးသည်မှာ ထောင်ချောက် ဖြစ်နိုင်သည်ဟု သတိပေးလိုက်သူက မြန်မာပြည် ကွန်မြူနစ်ပါတီ ပြောရေးဆိုခွင့်ရှိသူ ဖြစ်သည်။

သခင် ချန်ထွန်း
မေး။ စစ်အစိုးရက ထုတ်ပြန်တဲ့ ပြည်ထောင်စု ရွေးကောက်ပွဲ ကော်မရှင်ဥပဒေနဲ့ ပတ်သက်ပြီး ဘယ်လိုမြင်ပါသလဲ။

''အဲဒါနဲ့ ပတ်သက်ပြီး စိတ်မဝင်စားလို့ မဖတ်မိဘူး။ ဒါကတော့ သူကြိုက်သလို ရေးမှာပဲ၊ သူထည့်ချင်သလို ရေးမှာပဲ၊ သူကြိုက်သလို လုပ်မှာပဲဆိုတော့ လူထုတရပ်လုံးက ကြိုက်တဲ့ဟာတော့ မဖြစ်နိုင်ဘူး။ ဖြစ်စေချင်တဲ့ သဘောထားတော့ မဖြစ်နိုင်ဘူး။ လက်ရှိ နိုင်ငံရေးပါတီတွေက လက်ခံနိုင်မယ့်ဟာတော့ မဟုတ်နိုင်ဘူး။ သူတို့ ဥပဒေနဲ့ သူတို့ ကြိုက်သလို လုပ်နေတာပဲ။ တပ်မတော်က အလိုလိုကို နေရာပါရမယ်ဆိုပြီးတော့ အခြေခံ ဥပဒေမှာကိုက ရှိနေတော့ ဒါက ဒီမိုကရေစီနဲ့ တခြားစီဖြစ်နေတယ်''

''စစ်အစိုးရက အလိုအလျောက် နေရာက ရနေတယ်။ ရွေးကောက်ပွဲမှာလည်း ကြံ့ခိုင်ရေးတို့ဘာတို့က နာမည်အမျိုးမျိုးနဲ့ ဝင်ရွေးတာတို့၊ တစညတို့ဘာတို့က စည်းရုံးရေးဆင်းပြီး ဝင်ရွေးတာတို့ လုပ်မှာပေါ့ဗျာ။ အသစ်ဖွဲ့စည်းဖို့ စောင့်နေတဲ့ ပါတီတွေလည်း ရှိနေတယ်''

မေး။ ၂၀၁၀ နိုင်ငံရေးပါတီများ မှတ်ပုံတင်ခြင်းဆိုင်ရာ ဥပဒေထဲမှာပါတဲ့ ပုဒ်မတွေထဲက ပုဒ်မ ၆ နဲ့ ပုဒ်မ ၁ဝ မှာပါတဲ့ အချက်တွေနဲ့ ပတ်သက်ပြီးတော့ ဘယ်လို ပြောချင်ပါသလဲ။

''ဒေါ်အောင်ဆန်းစုကြည်ကို မပါစေချင်တဲ့သဘော ဖြစ်တယ်။ ဒေါ်အောင်ဆန်းစုကြည်က နိုဝင်ဘာမှာ လွှတ်လာမယ်ဆိုတော့ စစ်အစိုးရက ၂၀၁၀ ရွေးကောက်ပွဲကို ဧပြီ၊ မေ၊ ဇွန် တလလမှာ လုပ်လိုက်လို့ရှိရင် ဝင်ရောက်အရွေးခံပိုင်ခွင့် မရှိတော့ဘူး။ ဒါကတော့ အာဏာရှိနေတဲ့ သူဆိုတော့ သူတို့ ကြိုက်သလို ရေးဆွဲမှာပဲ။ ဒီမိုကရေစီအစိုးရမှာ မဟုတ်ဘဲနဲ့၊ ရွေးကောက်ပွဲက တက်လာတဲ့ အစိုးရမှာ မဟုတ်ဘဲနဲ့၊ အာဏာသိမ်းအစိုးရ ဆိုတော့ ဥပဒေကို သူကြိုက်သလို သူရေးဆွဲမှာပဲ။ ကြိုက်သည်ဖြစ်စေ၊ မကြိုက်သည်ဖြစ်စေ သူတို့ လုပ်မှာကတော့ သေချာတယ်။ ရွေးကောက်ပွဲကို ကန့်ကွက်တဲ့ သူတွေကလည်း ကန့်ကွက်ပြီး၊ မဝင်ဘဲ နေကြသလို၊ တခြားပါတီအသစ်တွေ ထောင်ပြီးတော့ ဝင်ကြမယ့် ပါတီတွေလည်း ရှိနေတယ်''

မေး။ နိုင်ငံရေးပါတီများ မှတ်ပုံတင်ခြင်းဆိုင်ရာ ဥပဒေထဲမှာပါတဲ့ အခန်း၂ ပုဒ်မ တွေထဲက ပုဒ်မ ၆ အရ ဖွဲ့စည်း အုပ်ချုပ်ပုံ ဥပဒေကို ထိန်းသိမ်းစောင့်ရှောက်ဖို့ ဆိုထားတဲ့ အချက်ကိုရော။

''အဲဒီပုဒ်မတွေအရဆိုရင် နိုင်ငံရေးကို တက်တက်ကြွကြွလုပ်ပြီး၊ အဖမ်းခံနေရတဲ့ ကျောင်းသား ခေါင်းဆောင်တွေနဲ့ နိုင်ငံရေး ခေါင်းဆောင်တွေ ပါဝင်ခွင့် မရအောင် လုပ်ထားတယ်''

မေး။ ရွေးကောက်ပွဲ အတော်များများ မီခဲ့တယ်ဆိုတော့ အခုကျင်းပမယ့် ရွေးကောက်ပွဲနဲ့ အရင်တုန်းက ကျင်းပခဲ့တဲ့  ရွေးကောက်ပွဲတွေ ဘယ်လို ကွာခြားလဲခင်ဗျ။

''ဖဆပလ ခေတ် ဒီမိုကရေစီ ကျင့်သုံးတဲ့ အစိုးရ လက်ထပ်တုန်းက ရွေးကောက်ပွဲ လုပ်တာတွေ ရှိတယ်။ ၁၉၅၂ ခုနှစ်၊ ၁၉၅၆ ခုနှစ်နဲ့ ၁၉၆ဝ ခုနှစ်မှာ လွတ်လပ်စွာ ဟောပြော၊ ဆွေးနွေး၊ စည်းရုံးပြီးတော့ မဲတောင်းကြတယ်။ မဲတောင်းပြီးတော့ အာဏာကို လွှဲပြောင်းရေးတွေ လုပ်ဆောင်ခဲ့ကြတယ်။ အခုကျတော့ ဒီမိုကရေစီနည်းအရ မဟုတ်ဘဲ ဘာလုပ်မှာ၊ ဘယ်လိုဖြစ်မှာဆိုတဲ့ သဘောမျိုးတွေ၊ အကန့်အသတ်တွေ ရှိတယ်။ အမှန်ကတော့ ဒီမိုကရေစီအစိုးရဆိုရင် ဒီမိုကရေစီကို အပြည့်အဝပေးပြီး ရွေးကောက်ပွဲ လုပ်သင့်တယ်။ အခု ကြေညာချက်တွေ ထောင်ကျနေရင် မဝင်ရဘူး၊ အဖမ်းခံရရင် မဲပေးလို့ မရဘူး။ အရွေးမခံဘူးဆိုတာတို့ ပါနေတယ်။ ဖဆပလ လက်ထက်တုန်းက ပမညတ က အမတ်တွေက ထောင်ကျနေတယ်။ ဒါပေမဲ့ သူတို့ကို  လွှတ်တော်မှာ လာပြီးတော့ လွှတ်တော်တက်ခွင့် ပြုတာတွေ ရှိတယ်။ အခုဟာက ထောင်ကျရင် အလိုလို အရွေးခံခွင့်တို့၊ မဲပေးခွင့်တို့ မရတော့တဲ့ သဘော ရှိနေတယ်။ အဲဒီအတွက် ပြည်သူလူထုအနေနဲ့ စဉ်းစားပြီး ဆောင်ရွက်ဖို့ လိုတယ်''



ရဲဘော် ဖိုးသံချောင်း
ပြောရေးဆိုခွင့်ရှိသူ (ဗမာပြည် ကွန်မြူနစ်ပါတီ)

မေး။ စစ်အစိုးရက ထုတ်ပြန်တဲ့ ပြည်ထောင်စု ရွေးကောက်ပွဲ ကော်မရှင် ဥပဒေနဲ့ ပတ်သက်လို့ ဗမာပြည် ကွန်မြူနစ်ပါတီအနေနဲ့  ဘယ်လိုမြင်ပါသလဲခင်ဗျ။

''နအဖ က သူ့ရဲ့ ရွေးကောက်ပွဲ ဥပဒေကို တခုပြီးတခု ထုတ်လာတယ်။ ထုတ်လာတဲ့ ဟာတွေက ပစ်မှတ်တခုကို ဦးတည်ပြီးတော့ ပစ်တဲ့ သဘောကို တွေ့မြင်ရပါတယ်။ နအဖ ကို အမျိုးသား ဒီမိုကရေစီအဖွဲ့ချုပ်က ပြောထားတဲ့ ဟာတွေ ရှိပါတယ်။ ဒေါ်အောင်ဆန်းစုကြည်က ဗိုလ်သန်းရွှေဆီ ပေးထားတဲ့ စာ၊ နောက်ပြီးတော့ အမျိုးသား ဒီမိုကရေအဖွဲ့ချုပ်က ထုတ်ပြန်ထားတဲ့ ရွှေဂုံတိုင် ကြေညာချက်၊ အဲဒီနှစ်ခုကို နအဖ က လုံးဝ လက်မခံဘူး၊ ပယ်ချလိုက်တယ်လို့ ကြေညာလိုက်တဲ့ အဓိပ္ပာယ် ဆောင်တယ်။ ဒီဥပဒေတွေနဲ့ ပတ်သက်ပြီးတော့ ပြည်တွင်းမှာ ရှိတဲ့၊ ပြည်ပမှာ ရှိတဲ့ နိုင်ငံခြားအင်အားစု နှစ်စုမှာ ပြောကြတဲ့ ဟာတွေ၊ ဥပဒေနဲ့ ပတ်သက်ပြီး ပြောကြတဲ့ သူတွေက တော်တော်လေးကို စုံနေပါပြီ။ ကျနော်တို့အနေနဲ့ ဖြည့်ပြီး ပြောစရာ မရှိတော့ပါဘူး''

''ဒါပေမဲ့ ကျနော်တို့ ပြောချင်တာ၊ ဖြည့်ချင်တာလေးတခုကတော့ ကျနော်တို့အားလုံး သတိရှိကြဖို့ ပြောချင်တာပါ။ နအဖ ဟာ အမျိုးသား ဒီမိုကရေစီအဖွဲ့ချုပ် ရုံးတွေ ဖွင့်ပေးပြီဆိုတာကို ပျော်ပျော်ရွှင်ရွှင်နဲ့ ရုံးတွေ ဖွင့်ကြ၊ အလုပ်တွေ လုပ်ကြဆိုတာက ကောင်းတဲ့ ကိစ္စပါ။ နအဖ က ဖွင့်ပေးတယ်ဆိုတာ ထောင်ချောက်တွေ ရှိနိုင်ပါတယ်။ ကျနော်တို့ အတွေ့အကြုံအရ - ၁၉၄၈ ခုနှစ်မှာ ကျနော်တို့ ပါတီကို ချေမှုန်းမယ် လုပ်တဲ့အခါမှာ၊ အင်္ဂလိပ် ချန်ထားခဲ့တဲ့ မှတ်တမ်းကို ကိုင်ပြီးတော့ ကွန်မြူနစ်ပါတီက တက်ကြွတဲ့ လူတွေ လိုက်ဖမ်းပြီးတော့ ပါတီကို နှိမ်နှင်းတာပါ။ နယ်တွေမှာ ရှိတဲ့ ကွန်မြူနစ် ပါတီဝင်တွေ အများကြီး  အဖမ်းခံရတယ်။  အခုလည်းပဲ NLD ကို ထပ်ချေမှုန်းရေးအတွက် နအဖ ဟာ NLD ထဲမှာ ဘယ်သူတွေ တက်ကြွနေတယ်၊ ဘယ်သူတွေက ထိုင်သွားပြီးတော့ ရှင်းအောင်လုပ်တဲ့ ထောင်ချောက်တွေကို ထောင်နေတာ ဖြစ်နိုင်တယ်။ အဲဒါကို ကျနော်တို့အားလုံး သတိပြုကြပါ။ NLD တခုထဲကို ပြောတာမဟုတ်ဘူး၊ ကျန်တဲ့ နိုင်ငံရေး အင်အားစုတွေရောကို ကျနော်တို့ ပါတီရဲ့ အတွေ့အကြုံအရ သင်္ခန်းစာကို ဝေငှတဲ့ သဘော ပြောချင်ပါတယ်''

မေး။ ၂၀၁၀ နိုင်ငံရေးပါတီများ မှတ်ပုံတင်ခြင်းဆိုင်ရာ ဥပဒေထဲမှာပါတဲ့ ပုဒ်မတွေထဲက ပုဒ်မ ၆ နဲ့ ပုဒ်မ ၁ဝ မှာပါတဲ့ အချက်တွေနဲ့ ပတ်သက်ပြီးတော့ သဘောထားလေး ပြောပြပေးပါခင်ဗျ။

''သူများတွေ ပြောသွားတာ စုံပါတယ်။ ကျနော်တို့က သူတို့နဲ့ အမြင် တူပါတယ်၊ သဘောထား တူပါတယ်။ ရည်ရွယ်ချက်ရှိရှိနဲ့ နအဖ အစိုးရက လုပ်တာ ဖြစ်တယ်။ ပစ်မှတ်ရှိရှိနဲ့ ဒီဥပဒေကို ထုတ်တာ ဖြစ်တယ်။ အဖွဲ့အစည်းတခု၊ လူပုဂ္ဂိုလ် တဦးတယောက်ကို တိုက်ရိုက် ချိန်ရွယ်ပြီးတော့ ပစ်နေတာ ဖြစ်တယ်။ နာမည်ကို မခံဘဲနဲ့ ချိန်ပြီးတော့ ပစ်နေတာဖြစ်တယ်။ ဗမာပြည် နိုင်ငံရေးမှာ ထောင်နဲ့ ကင်းလို့ မရဘူး။ နအဖ လုပ်လာတဲ့ တလျှောက်လုံး၊ နအဖ မတိုင်ခင် ဖဆပလ လက်ထပ်တုန်းကစပြီး နိုင်ငံရေးလုပ်တဲ့ သူတွေ၊ ထောင်ထဲ ရောက်ကျတဲ့ သူတွေချည်းပဲ။ ဒီလို ပုဒ်မ တပ်ပြီး နိုင်ငံရေးလုပ်တဲ့ သူတွေ ဘယ်သူမှ ကျန်မှာ မဟုတ်ဘူး။ ဟိုအရင်ကဆိုရင် ထောင်ထဲကနေ ရွေးကောက်ပွဲဝင်ပြီးတော့ အရွေးခံတဲ့သူတွေ ကျောင်းသားအမတ်တွေတောင် ပေါ်ခဲ့တာ ဖြစ်တယ်။ ထောင်ထဲကနေ ကျောင်းသားအမတ်တွေက ရွေးကောက်ပွဲကို အရွေးခံတဲ့အခါမှာ သံယောဇဉ်ဖြစ်ပြီး မဲပေးလို့မို့ အမတ်ဖြစ်လာတာတွေ ရှိတယ်။ အခုခေတ်ကျတော့ ထောင်ထဲနေလို့ အမတ်ဖြစ်ဖို့ နေနေသာသာ နိုင်ငံရေးပါတီကနေ ထုတ်ပစ်ရမယ့် အနေအထား လုပ်ထားတာဟာ နအဖ အနေနဲ့ ဘယ်သူ့ကို ဦးတည်ပြီးတော့ လုပ်တယ်၊ ဘယ်အဖွဲ့အစည်းကို ဦးတည်ပြီး လုပ်တယ်ဆိုတာ သိပ်ရှင်းတယ်''

မဇ္ဈိမသတင်းဌာန 
Friday, 12 March 2010 21:03