Monday, February 28, 2011

အစာတု၊ ဆေးတုများရဲ့ အန္တရာယ်


ကော်ဖီမှုန့်တွေ စိတ်တိုင်းမကျ ဖြစ်နေခိုက်မှာ ပြင်ဦးလွင်က လူကြုံနဲ့ လက်ဆောင်ပါးလိုက်တဲ့ အိမ်လုပ် ကော်ဖီမှုန့်စစ်စစ် ရောက်လာလို့ ၀မ်းသာသွားရတယ်။ ခေတ်ပေါ် အသင့်ဖျော် ကော်ဖီထုပ်တွေ မကြိုက်တဲ့အတွက် ချက်ချင်း စက်နဲ့ကြိတ်ပေးတယ်ဆိုတဲ့ ကော်ဖီမှုန့်ကိုပဲ ၀ယ်သောက်မြဲ ဖြစ်တယ်။
ဘာမှုန့်တွေ ရောမှန်းမသိ
ရှေးနှစ်ပေါင်းများစွာ ကတည်းက ၀ယ်သုံးလာခဲ့တာ အဆင်ပြေနေပေမယ့် အခုနောက်ပိုင်းကျတော့ သိပ်ပြီး မဟုတ်ချင်တော့ဘူး။ ဟိုဟာဒီဟာတွေ ရောနှောလာကြတယ်။ ကော်ဖီသောက်လို့ ကုန်ခါနီးရင် ခွက်ထဲမှာ ကော်ဖီနှစ်တွေ အနယ်ထိုင်နေ တာ တွေ့ရတယ်။ ကော်ဖီမှုန့်စစ်စစ်က ဒီလို အနယ်မထိုင်ပါဘူး။ ဘာမှုန့်တွေ ရောထားမှန်းမှ မသိတာ။ ဦးကြီး ရွှေဥဒေါင်းရဲ့အမျိုးမို့လား မသိဘူး အစားအသောက်နဲ့ ပတ်သက်ရင် နည်းနည်း
ဇီဇာကြောင်တတ်တာကြောင့် ရှေးခေတ်ကတည်းက ကော် ဖီစေ့ကို ချက်ချင်းကြိတ်ပေးတဲ့ မေမြို့ (ပြင်ဦးလွင်)က ဘီတီဘရားသား ကော်ဖီမှုန့်ကိုသာ သုံးခဲ့တယ်။ ပြည်သူ့ဆိုင်ခေတ် ရောက်သွားတော့လည်း
ကိုယ်တိုင်ကြိတ်ရောင်းတဲ့ အိမ်ဆိုင်လေးတွေ တွေ့အောင်ရှာပြီး ၀ယ်သုံးခဲ့တယ်။
မသတီဘူး
အခုနောက်ပိုင်း ရောက်တော့ တယ်မဟုတ်တော့ဘူး။ ဘယ်ဆိုင်ပြောင်းဝယ်ဝယ် အရောအနှောတွေ လွတ်တယ်လို့ကို မရှိတော့ဘူး။ နိုင်ငံခြား ကော်ဖီမှုန့်တွေ ဒီခေတ်မှာ ပေါပေမယ့် မကြိုက်ဘူး။ လတ်လတ်ဆတ်ဆတ် ကော်ဖီစေ့ကို လှော်ပြီး ကြိတ် ထားတဲ့ ကော်ဖီမှုန့်ကို စွဲခဲ့တဲ့လျှာက တခြားကော်ဖီတွေကို အရသာသိပ်မတွေ့ဘူး။
လူအတုဖန်တီးဖို့
ဘာတတ်နိုင်မှာလဲ။ ရှိတာကိုပဲ 'ရသေ့စိတ်ဖြေ' သဘောထားပြီး သောက်နေရတယ်။ ဒီခေတ်မှာ အစစ်ဆိုတာက အရှားသား မဟုတ်လား။ ဘယ်နေရာ ကြည့်လိုက်ကြည့်လိုက် အတုတွေချည်းပဲ။ သကြားတုတို့၊
အသားတုတို့ဆိုတာလောက်ကို စာဖွဲ့မနေနဲ့ လူကိုတောင် ပုံတူပွားပြီး လူတုဖန်တီးဖို့ ကြံဆောင်နေကြတဲ့ ခေတ်လေ။ ပန်းသီးဆိုပြီး စားကြည့်လိုက်။ အရသာက ပန်းသီးအရသာလိုလို၊ သစ်တော်သီး အရသာလိုလိုနဲ့ ဘာသီးလို့ ခေါ်ရမှန်း မသိဘူး။ သစ်တော်သီးတု ပန်းသီးလား၊ ပန်းသီးတု သစ်တော်သီးလား။ အလားတူပဲ ဇီးသီး(ဆီးသီး)ဆိုပြီး စားလိုက်တာ စိမ်းစားဥ စားရသလို ဖြစ်နေတယ်။ သစ္စာပန်း အနီဆိုပြီး ပန်းအိုးထိုးလိုက်တာ ရေတွေပါအနီ ဖြစ်ကုန်တော့မှ ဆေးဆိုးထားတဲ့ အနီတုကြီးမှန်း သိရတယ်။
ဒီခေတ်မှာ အစစ်ဆိုတာက အရှားသား မဟုတ်လား။ ဘယ်နေရာ ကြည့်လိုက်ကြည့်လိုက် အတုတွေချည်းပဲ။ သကြားတုတို့၊ အသားတုတို့ ဆိုတာလောက်ကို စာဖွဲ့မနေနဲ့ လူကိုတောင် ပုံတူပွားပြီး လူတုဖန်တီးဖို့ ကြံဆောင်နေကြတဲ့ ခေတ်လေ  . . .
ငတေမာပြီးရောစိတ်ဓာတ်
အတုတွေထဲမှာ အဆိုးဆုံးကတော့ အစားအစာနဲ့ ဆေးဝါးတုတွေပဲ။ အရောင်လှအောင် ချည်ဆိုးဆေးတွေ သုံးတဲ့သူက သုံးကြတယ်။ကလေးတွေတိုက်တဲ့ နို့မှုန့်ထဲကို မယ်လမင်းတွေ ရောထည့်ကြသတဲ့။ ဘယ်သူသေသေ
ငတေမာပြီးရောဆိုတဲ့ လူယုတ်မာစိတ်ဓာတ်တွေ တစ်နေ့တခြား ကြီးထွားသထက် ကြီးထွားလာနေကြတယ်။ တိုင်းရင်းဆေး တံဆိပ်ကပ်ပြီးရောင်းတဲ့ ဆေးတွေထဲမှာ အင်္ဂလိပ်ဆေးတွေရောပြီး ထည့်ထားကြောင်း သက်ဆိုင်ရာက ကြေညာတာတွေ လည်း မကြာခဏ ဖတ်နေရတယ်။
နယ်စပ်တွေက၀င်
မြန်မာနိုင်ငံမှာ စစ်ဆေးခံပြီး မှတ်ပုံတင်မထားတဲ့ နိုင်ငံခြား ဆေးဝါးများကိုလည်း ဆိုင်ရာက ခဏခဏ ကြေညာပေးနေရတယ်။ အားလုံးလိုလိုဟာ နယ်နိမိတ်ချင်း ထိစပ်နေတဲ့ အိမ်နီးချင်း နိုင်ငံတွေက တရားမ၀င် လမ်းကြောင်းက ၀င်ရောက်လာတာတွေ ဖြစ်တယ်။ အဲဒီ အိမ်နီးချင်းနိုင်ငံတွေဟာ ဆေးဝါးအတု ထုတ်လုပ်ရောင်းချတဲ့နေရာမှာ ကမ္ဘာ့အကြီးဆုံး စာရင်းဝင်နိုင်ငံတွေ ဖြစ်ကြတယ်။ သူတို့နဲ့ နယ်နိမိတ်ချင်း ထိစပ်နေရတာ အင်မတန် ကံဆိုးတယ်လို့တောင် ပြောရမလို ပါပဲ။ အစားအစာအတုနဲ့ ဆေးဝါးအတု လုပ်တာဟာ အင်မတန်မှ လူမဆန်တဲ့ လုပ်ရပ် ဖြစ်ပါတယ်။ ထိထိရောက်ရောက် တားဆီးကာကွယ်ဖို့ လိုပါတယ်။
လူထုကိုယ်တိုင်ပါမှ
ဒီကိစ္စမျိုးဟာ အစိုးရတွေချည်း လုပ်လို့မအောင်မြင်နိုင်ပါဘူး။ ပြည်သူလူထုကိုယ်တိုင် ပါဝင်တဲ့ စားသုံးသူ ကာကွယ်ရေး(Consumer Protection) အဖွဲ့အစည်းတွေ ဖွဲ့စည်းဆောင်ရွက်ဖို့ လိုပါတယ်။ မြို့တိုင်းရွာတိုင်း လိုလိုမှာ ဒီလို အဖွဲ့အစည်းတွေ ဖွဲ့စည်းပြီး မသမာတဲ့ စီးပွားရေးသမားတွေကို ဖော်ထုတ်ရပါမယ်။ အစိုးရတွေက ထိရောက်တဲ့ ဥပဒေတွေ ပြဋ္ဌာန်းသတ်မှတ်ပြီး ပြည်သူလူထုက ဖော်ထုတ်တိုင်တမ်းတဲ့ ကိစ္စရပ်တွေကို ချက်ချင်း အရေးယူ ဆောင်ရွက်ပေးရပါ မယ်။ ပြည်သူလူထုကိုယ်တိုင် ပါဝင် ဆောင်ရွက်တဲ့ အဖွဲ့အစည်းတွေ မပါဘဲနဲ့ ဘယ်နည်းနဲ့မှ အောင်မြင်အောင် လုပ်ဆောင်နိုင်မှာ မဟုတ်ပါဘူး။
အတုယူစရာ
ဂျာမနီနိုင်ငံမှာ Green Party စတင် ပေါ်ပေါက်လာမှုနဲ့ အမေရိကန် နိုင်ငံမှာ စားသုံးသူကာကွယ်ရေး လှုပ်ရှားမှု စတင် ပေါ်ပေါက်လာမှုများကို အတုယူသင့်ကြတယ်။ ၆၀ ခုနှစ်များ အတွင်းက ဂျာမနီနိုင်ငံမှာ အဏုမြူလက်နက် ဆန့်ကျင်ရေး လူငယ်တစ်စုက စတင်ပြီး သူတို့နိုင်ငံမြေပေါ်မှာ အဏုမြူလက်နက်တွေ ထားရှိတာကို ဆန့်ကျင်ကန့်ကွက်တဲ့ လှုပ်ရှားမှု စတင် လုပ်ဆောင်ခဲ့ကြတယ်။ အစက ပါတီရယ်လို့ မထောင်ပါဘူး။ ဆန့်ကျင်ကန့်ကွက်တဲ့ လှုပ်ရှားမှုတစ်ခု အဖြစ်သာ လုပ်ခဲ့ကြတာပါ။ နောက်တော့ ဂျာမနီက မြို့ကြီးတွေမှာပါ ဆန့်ကျင် ကန့်ကွက်မှုတွေ ပေါ်ပေါက်လာခဲ့တယ်။ တဖြည်းဖြည်း အင်အားကြီးမားလာတဲ့အခါကျမှ ပါတီအဖြစ် တည်ထောင်ခဲ့ကြတာ ဖြစ်တယ်။
ဂရင်းပါတီ
ပါတီရယ်လို့ ထောင်ခဲ့ပေမယ့် သမားရိုးကျ နိုင်ငံရေးလုပ်ငန်းတွေ မလုပ်သေးပါဘူး။ ပင်မရေစီး နိုင်ငံရေးပါတီများ လုပ်ရကောင်းမှန်း မသိတဲ့ အဏုမြူလက်နက် ဆန့်ကျင်ရေး လုပ်ငန်းတွေကို ဇောက်ချလုပ်ပါတယ်။ ဂျာမနီကနေပြီး တခြား ဥရောပနိုင်ငံ များကို ပြန့်ပွားသွားတော့ အင်အား တော်တော်ကြီးမားသွားပါတယ်။ အဲဒီအခါကျတော့ အဏုမြူလက်နက် တင်ဆောင်ထားတဲ့ စစ်သင်္ဘောကြီးတွေ နိုင်ငံတစ်ခုခုကို ဆိုက်ကပ်မယ်ဆိုရင် ၀င်လို့မရအောင် 'ဂရင်းပါတီ' အလံလွှင့်ထူထားတဲ့ သင်္ဘောလေးတွေနဲ့ ပိတ်ဆို့တားဆီး ကန့်ကွက်ကြပါတယ်။ အဲဒီကတစ်ဆင့်တက်တော့ အဏုမြူလက်နက် စက်ရုံတွေနဲ့ စစ်စခန်းတွေကိုဝိုင်းပြီး ဆန္ဒပြ ကန့်ကွက်တာတွေ လုပ်ပါတယ်။နောက်ပိုင်းကျတော့ အဏုမြူလက်နက် ဆန့်ကျင်ရေးသာမက ဝေလငါးဖမ်းဆီးရေးကို တားဆီးကန့်ကွက်တဲ့ သဘာဝပတ်ဝန်းကျင် ထိန်းသိမ်းရေး လုပ်ငန်းများ အထိ တိုးချဲ့ ဆောင်ရွက်ခဲ့ပါတယ်။
စားသုံးသူကာကွယ်ရေး
ဒီကနေ့ သဘာဝပတ်ဝန်းကျင် ထိန်းသိမ်းရေးကို ကျယ်ကျယ်ပြန့်ပြန့် အရှိန်အဟုန် ကြီးကြီးမားမားနဲ့ လုပ်ဆောင်လာခဲ့ကြတာဟာ အစိုးရတွေက စတင် လုပ်ဆောင်ခဲ့ကြတာ မဟုတ်ပါဘူး။ ကုလသမဂ္ဂကြီးက စခဲ့တာလည်း
မဟုတ်ပါဘူး။ ဂရင်းပါတီ ဆိုတဲ့ လူငယ်လေးတွေက စတင်လိုက်တဲ့ လှုပ်ရှားမှုက မွေးဖွားပေးလိုက်တာ ဖြစ်ပါတယ်။ စားသုံးသူကာကွယ်ရေးဆိုတဲ့ စကားကလည်း ၁၉၆၀ ပြည့်နှစ် မတိုင်ခင်နှစ်များက ပြောတဲ့သူ မရှိပါဘူး။ ၁၉၆၀ ပြည့်နှစ်များ အတွင်းရောက်မှ အမေရိကန်နိုင်ငံ မှာစပြီး ကျယ်ကျယ်လောင်လောင် ကြားလာရတာ ဖြစ်တယ်။ Ralph Nader ဆိုတဲ့ ရှေ့နေတစ်ယောက်က စားသုံးသူဘက်ကနေပြီး ကုမ္ပဏီတွေကို တရားစွဲဆိုတာ
အစိုးရဌာနဆိုင်ရာများကို တရားစွဲတာတွေ လုပ်ပေးပါတယ်။ တဖြည်းဖြည်း သူနာမည်ရလာတော့ စားသုံးသူ ကာကွယ်ရေး အဖွဲ့ဖွဲ့ပြီး ကျယ်ကျယ်ပြန့်ပြန့် လုပ်ပါတယ်။ နောက်တော့ အင်အားကြီးမားသထက် ကြီးမားလာပြီး တစ်နိုင်ငံလုံးကို လွှမ်းခြုံတဲ့ အဖွဲ့အစည်းကြီးတစ်ရပ် ဖြစ်သွားပါတယ်။
သမ္မတ၀င်အရွေးခံခဲ့
ရပ်ဖ်နဒါရဲ့ အဖွဲ့အစည်း ဘယ်ထိ အင်အားကြီးမားလာခဲ့သလဲ ဆိုရင် လွှတ်တော်က စားသုံးသူကာကွယ်ရေး ဥပဒေအမျိုးမျိုး ပြဋ္ဌာန်းပေးတဲ့အထိ ဖြစ်လာပါတယ်။ ရဖ်နဒါကိုလည်း လွှတ်တော်က ခေါ်ယူပြီး တင်ပြဆွေးနွေးစေပါတယ်။ သမ္မတအိမ်တော်က ဆောင်ရွက်တဲ့ စားသုံးသူ ကိစ္စများမှာလည်း ရပ်ဖ်နဒါကို ခေါ်ယူတိုင်ပင်ပါတယ်။ နောက်ဆုံးကျတော့ နဒါဟာ သမ္မတ ရွေးကောက်ပွဲတိုင်းမှာ တစ်သီးပုဂ္ဂလအဖြစ် မနိုင်မှန်း သိပေမယ့် ၀င်ရောက် ယှဉ်ပြိုင်ခဲ့ပါတယ်။ စားသုံး သူကာကွယ်ရေး ကိစ္စကို အစိုးရ အဆက်အဆက် အလေးထားစေဖို့ ဆိုတဲ့ ရည်ရွယ်ချက်နဲ့ သမ္မတရွေးကောက်ပွဲ ၀င်ရောက်ယှဉ်ပြိုင်တာ ဖြစ်ပါတယ်။
နှိုးဆော်
အမေရိကန်က စားသုံးသူ ကာကွယ်ရေး အဖွဲ့အစည်းတွေနဲ့ ဂရင်းပါတီ လှုပ်ရှားမှုတွေရဲ့ ကျေးဇူးကြောင့် ဒီနေ့ ကမ္ဘာတစ်ခုလုံးမှာ စီးပွားရေးသမားတွေရဲ့ မသမာမှုမျိုးစုံကို တားဆီးကာကွယ်တဲ့ ဥပဒေတွေ အများအပြား
ပေါ်ပေါက်လာခဲ့ပြီး သဘာဝ ပတ်ဝန်းကျင် ထိန်းသိမ်းရေး လှုပ်ရှားမှုတွေလည်း ကျယ်ကျယ်ပြန့်ပြန့်နဲ့ အရှိန်အဟုန်ကြီးကြီးမားမား ပေါ်ထွက်လာခဲ့ရတာ ဖြစ်တယ်။ အဲဒီနှစ်ခုစလုံးဟာ အစိုးရတွေက လုပ်ရကောင်းမှန်းသိလို့
စလုပ်ခဲ့ကြတာ မဟုတ်ပါဘူး။ ပြည်သူလူထု တစ်ရပ်လုံးပါဝင်တဲ့ လှုပ်ရှားမှုတွေကြောင့် ပေါ်ထွက်လာခဲ့ရတာ ဖြစ်တယ်။ အဲဒါကြောင့် အစားအစာတု၊ ဆေးဝါးတုတွေ ကာကွယ်ရေးနဲ့ သဘာဝပတ်ဝန်းကျင် ကာကွယ်ရေးကိစ္စများကို ပြည်သူတွေကိုယ်တိုင် တက်တက်ကြွကြွ ပါဝင် လုပ်ဆောင်ကြဖို့ လိုအပ်ကြောင်း နှိုးဆော်လိုက်ရပါတယ်။

Written by လူထုစိန်ဝင်း

Tuesday, February 22, 2011

ဖိလစ်ပိုင်သံအမတ်နဲ့ ဒေါ်အောင်ဆန်းစုကြည် တွေ့ဆုံ

ဖိလစ်ပိုင်သံအမတ်ကြီး မာရီယာ အယ်လင်ဘာဘာ Maria Hellen M. Barber ဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဒီကနေ့ နေ့လည်ပိုင်းက နေအိမ်မှာ သွားရောက် တွေ့ဆုံခဲ့တယ်လို့ သိရပါတယ်။

(Photo: AFP)
မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နိုဝင်ဘာ ၂၆ ရက်နေ့က အမျိုးသား ဒီမိုကရေစီ အဖွဲ့ချုပ် (NLD) ရုံးမှ ထွက်ခွာသွားစဉ် တွေ့ရပုံ ဖြစ်ပါသည်။ (Photo: AFP)
ဒီကနေ့ ညနေပိုင်း ၂ နာရီခွဲကနေ ၃ နာရီခွဲအထိ ဒေါ်အောင်ဆန်းစုကြည်ရဲ့ နေအိမ်မှာ လာရောက် တွေ့ဆုံ ဆွေးနွေးခဲ့တာဖြစ်ပြီး ဆွေးနွေးချက်ကိုတော့ နှစ်ဖက်စလုံးက တစုံတရာ ထုတ်ပြန်ခြင်း မရှိဘူးလို့ NLD ပြန်ကြားရေးတာဝန်ခံ ဦးအုန်းကြိုင်က ပြောပြပါတယ်။

ဖိလစ်ပိုင်နိုင်ငံရဲ့ သမ္မတသစ် ဖြစ်လာသူ ဘင်နီနို အကွီနိုဟာ မြန်မာနိုင်ငံ ဒီမိုကရေစီရေးနဲ့ ဒေါ်အောင်ဆန်းစုကြည်ရဲ့ နိုင်ငံရေး ဆောင်ရွက်မှုတွေအပေါ် လူသိရှင်ကြား ရှေ့တန်းက ထောက်ခံ အားပေးနေတဲ့ အာစီယံ ခေါင်းဆောင်တဦး ဖြစ်ပါတယ်။

sources: :RFA

Thursday, February 17, 2011

သီရိမင်္ဂလာဈေး ကိုယ်ပိုင်ဆိုင်ရှင်အချို့ ဒဏ်ကြေးပေးဆောင်ကာ ပျံကျနေရာများတွင် သွားရောက်ရောင်းချနေ


Photo

သီရိမင်္ဂလာဈေးအတွင်းရှိ ကိုယ်ပိုင်ဆိုင်ခန်းတွင် ရောင်းချမှုမပြုဘဲ  ဒဏ်ကြေးပေးဆောင်ကာ  ပျံကျဈေးသည်များ ရောင်းချသော နေရာတွင် သွားရောက် ရောင်းချနေကြကြောင်း သိရသည်။

ဈေးအတွင်းသို့ လာရောက်သူ နည်းပါးပြီး အပြင်ရှိ ပျံကျဈေးသည်များ ရောင်းချသည့် နေရာတွင်သာ ဝယ်သူလာရောက်မှုများပြားသောကြောင့် ဖြစ်သည်။  “အပြင်မှာ သွားရောင်းတာ ဒဏ်ကြေး ကျပ်၂၀၀၀ ပေးရတယ်။ ဒဏ်ကြေးကို နှမြောနေလို့ မရဘူး။ ထွက်မရောင်းရင် ဒီ့ထက်မက ပိုကုန်မယ်။ အောင်းထားလို့ရတဲ့ ပစ္စည်း မဟုတ်ဘူး။ ဆိုင်ကိုတော့  ပစ္စည်းထားဖို့ပဲ အသုံးဝင်တယ်” ဟု ငရုတ်သီး အရောင်းဆိုင်တစ်ဆိုင်က ပြောသည်။ "ကျွန်တော်က ဆိုင်မှာ ထိုင်ရောင်းတယ်။ အိမ်ကလူတွေကိုတော့ အပြင်မှာ ထွက်ရောင်းခိုင်းရတယ်။ အဲဒီလိုမှမလုပ်ရင် မရတော့ဘူး။ အထဲမှာ ပေတေပြီးရောင်းနေရင် ကြာရင် ဒုက္ခရောက်သွားနိုင်တယ်" ဟု ပဲမြစ်အရောင်းဒိုင် တစ်ဒိုင်က ပြောသည်။ အဆိုပါ ပျံကျဈေးသည်များ ရောင်းချသော ညနေပိုင်းတွင် ဈေးအတွင်း၌ ဝယ်သူမရှိဘဲ ပျံကျဈေးသည်တန်းတွင် အလွန်စည်ကားလျက်ရှိကြောင်း သိရသည်။ “ညနေဘက်ကားပါကင် နေရာမှာ ဈေးသည်တွေနဲ့ ဝယ်သူတွေ ကျိတ်ကျိတ်တိုးနေတာပဲ။  နှစ်ယောက်တွဲတောင် ယှဉ်လျှောက်လို့ မရဘူး။
အပြင်ကနေ ကြည့်လိုက်ရင်တော့ ဘုရားပွဲ ကျနေတာပဲ။  ဈေးအတွင်းမှာတော့ လူတောင်မရှိဘူး” ဟု ဈေးအတွင်း ထမင်းဆိုင်ပိုင်ရှင် တစ်ဦးက ပြောသည်။ “ကားလမ်းနဲ့ အတွင်းက ဝေးတယ်။ ဒီကနေ အဲဒီကို တိုးသွားဖို့ မလွယ်ဘူး။ လာဝယ်တာက ငှက်ပျောနှစ်ဖီးလောက်ပဲ။ အထဲကနေ ဆိုရင်လဲ မဆွဲနိုင်တော့ အပြင်မှာ နီးနီးနားနားကပဲ ဝယ်တယ်။ ဈေးကလဲ သိပ်ပြီး ကွာတာ မဟုတ်ဘူး” ဟုဈေးဝယ်လာသူ တစ်ဦးက ပြောသည်။ ယခုဈေးသစ်ကြီးတွင် ဈေးဟောင်းထက် ရေသုံးစွဲမှုမှာ အဆင်ပြေသော်လဲ ထမင်းဆိုင်များအနေဖြင့် အခက်တွေ့နေကြကြောင်း သိရသည်။ " ဒီမှာက ရေမီတာဖိုးတော့ မပေးရဘူး။ ဒါပေမဲ့ ရေမကောင်းဘူး။ အငန်ဓာတ်ပါတယ်။ သုံးဖို့တော့ အဆင်ပြေတယ်။ ချက်ပြုတ်ဖို့တော့ အဆင်မပြေဘူး။ အဲဒီအတွက် ရေသန့်ဘူးတွေဝယ်သုံးရတာ။ အနည်းဆုံးငါးဘူးလောက်ဝယ်ရတယ်။ ရေသန့်ဖို့တင်မနည်းဘူး" ဟုထမင်းဆိုင် တစ်ဆိုင်က ပြောသည်။ "ဟိုဘက်ဈေးမှာလဲ ရေကမကောင်းဘူး။ ဒါပေမယ့် အဲဒီရှေ့ရပ်ကွက်မှာ ရေတစ်စည် ကျပ် ၆၀၀ နဲ့ဝယ်ရတယ်။ ဒီမှာက အဲဒီလိုဝယ်လို့မရဘူး။ ရေသန့်ဝယ်သုံးရတယ်။ ရေသန့်ဘူးဖိုးတင် တစ်နေ့ကို ကျပ် ၃၀၀ လောက်ရှိတယ်" ဟု ဈေးအတွင်းရှိ ထမင်းဆိုင်တစ်ဆိုင်ကပြောသည်။  ယခုလက်ရှိ ဈေးသစ်ကြီးတွင် ရေသန့်တစ်ဘူးလျှင် ကျပ် ၄၀၀ဖြင့် ဝယ်ယူရပြီး ငါးဘူးအထက်ဝယ်ယူပါက ကျပ် ၃၀၀ဖြင့် ဝယ်ယူရကြောင်း သိရသည်။


By Yangon Times Journal

Wednesday, February 16, 2011

ခြေ၊ လက် 26ချောင်းပါ မြန်မာပြည်က သမီးငယ်လေး ဂင်းနက်စ်စံချိန်တင်ရန် ကြိုးပမ်းနေ


Photo

တောင်ဥက္ကလာပ ၆ရပ်ကွက် ၁၆လမ်းရှိ အိမ်အမှတ် ၇၃၇ဆိုသည့် နေအိမ်တွင် အသက်တစ်နှစ်သုံးလ အရွယ် ချစ်စရာ မိန်းကလေးတစ်ဦးကို အနီးအနား ဝန်းကျင်မှ လူများက ဝိုင်းအုံ ကြည့်ရှုနေကြသည်။

အဆိုပါ မိန်းကလေးသည် သူ့အားလာရောက် ကြည့်ရှုနေကြသောသူ များကို ချစ်စဖွယ် အပြုံးလေးဖြင့် ပြန်လည်တုံ့ပြန်ကာ တာ့တာပြနေသည်။ ယင်းသို့ တာ့တာပြနေသော မိန်းကလေးမှာ မလဲ့ရတီမင်းဆိုသည့် မိန်းကလေးဖြစ်ပြီး သူမ၏ ထူးခြားချက်မှာ အလွန်တရာ စိတ်ဝင်စားဖွယ် ကောင်းနေပါတော့သည်။ သူမ၏ လက်တစ်ဖက်စီတွင် လက်ချောင်း ခြောက်ချောင်းပါပြီး ခြေထောက်တစ်ဖက်စီတွင်မူ ခြေချောင်းခုနစ်ချောင်းပါကာ စုစုပေါင်း ခြေ၊ လက်၂၆ချောင်း ပါသောကြောင့် မလဲ့ရတီမင်းသည် မကြာမီအချိန်အတွင်း ခြေချောင်းလက်ချောင်း အများဆုံး ပိုင်ဆိုင်သော ကမ္ဘာ့ဂင်းနက်စ်စံချိန်ကို တင်နိုင်တော့မည် ဖြစ်သည်။
“၂ဝဝ၉ခုနှစ် ၁၁လပိုင်း ၁၈ရက်က ဗဟိုအမျိုးသမီး ဆေးရုံကြီးမှာ မွေးဖွားခဲ့တာပါ။ မွေးပြီး ရက၁ဝဝမှာ ကလေးမွေးနေ့ လုပ်တယ်။ အဲဒီမှာ နီးစပ်ရာ လူတွေကတစ်ဆင့် အသိတစ်ဦးရဲ့ မိတ်ဆွေက ဒီကလေးက ခြေချောင်း၊ လက်ချောင်း အများဆုံးနဲ့ ကမ္ဘာ့ဂင်းနက်စ် စံချိန်တင်နိုင်တယ်။ အမေရိကန် သံရုံးမှာ သွားတင်ပြလို့ရတယ်။ လုပ်ကြည့်ပါလားလို့ အကြံပေးတာနဲ့ ကလေးရဲ့ဓာတ်ပုံ၊ မွေးစာရင်းတွေကို အမေရိကန် သံရုံးမှာ သွားတင်ပြပါတယ်။ သံရုံးက တာဝန်ရှိသူတွေက ကလေးကို ခြောက်လစောင့်ကြည့်မယ်လို့ ပြောတယ်။ ဒါနဲ့ခြောက်လပြည့်လို့ နောက်တစ်ကြိမ် သံရုံးသွားတော့ ကလေးနဲ့ ပတ်သက်တာတွေ ထူးခြားမှုတွေ ထပ်တင်ပြဖို့ ပြောတာနဲ့ နောက်တစ်ခေါက် ထပ်တင်ပြခဲ့ရပါတယ်”ဟု မလဲ့ရတီမင်း၏ မိခင်ဖြစ်သူ ဒေါ်ဖြိုးမင်းမင်းစိုးက ပြောသည်။ မလဲ့ရတီမင်းကို မကြာမီ အချိန်အတွင်း အမေရိကန်မှ တာဝန်ရှိသူများက လာရောက် ကြည့်ရှုတော့မည် ဖြစ်သည်။
ယင်းကဲ့သို့ လာရောက်ကြည့်ရှုမည့် နေ့တွင် မလဲ့ရတီမင်းကို သံရုံးမှ တာဝန်ရှိသူများက မည်ကဲ့သို့ မှတ်ချက်များပေးပြီး မည်သို့ ထင်မြင်ချက်များ ပြောမည်ဆိုသည်ကို မလဲ့ရတီမင်း၏ မိသားစုဝင်များနှင့် နီးနားပတ်ဝန်းကျင်မှ လူများက စိတ်ဝင်စားလျက် ရှိကြသည်။ “ကမ္ဘာ့ဂင်းနက်စ် စံချိန်တင်ပါတယ်လို့ အမေရိကန် သံရုံးမှ တာဝန်ရှိသူတွေ အသိအမှတ်ပြုတာ ခံချင်ပါတယ်။ သူတို့ ကလေးကို လာကြည့်မယ့်နေ့ကို စောင့်နေကြပါတယ်။ ဒီကလေးအကြောင်းက အခုဆို လူတော်တော်များများ သိနေကြပါပြီ။ တချို့ဆို သတင်းကြားတာနဲ့ အိမ်တိုင်ရာရောက် လာကြည့်တာတွေလဲ ရှိတယ်”ဟု မလဲ့ရတီမင်း၏ အဘွားဖြစ်သူက ပြောသည်။
“မလဲ့ရတီမင်းက ဒုတိယသမီးပါ။ ပထမတစ်ယောက်တုန်းကလဲ မိန်းကလေးပဲ။ မလဲ့ရတီမင်းကို မမွေးခင် အာထရာဆောင်း ရိုက်တုန်းက မိန်းကလေးမှန်းတော့ သိတယ်။ ခြေချောင်းလက်ချောင်း အပိုပါမှန်းတော့ မသိဘူး။ မွေးတော့လဲ ရိုးရိုးပဲမွေးတာ။ ခွဲမွေးတာ မဟုတ်ဘူး။ မွေးပြီးမှ ခြေချောင်း လက်ချောင်းလေးတွေ အပိုပါတယ် ဆိုတာ သိရတယ်။ သိသိချင်း ကျွန်မရော ဆေးရုံက မွေးပေးတဲ့ ဆရာ၊ ဆရာမတွေ အရမ်းအံ့သြသွားကြတာ။ အခုဆို သမီးလေးက လမ်းလဲလျှောက်တတ်နေပြီ။ စကားလဲ နည်းနည်းတော့ ပြောတတ်နေပြီ”ဟု မိခင်ဖြစ်သူက ပြောသည်။ လက်ရှိအချိန်တွင် ခြေချောင်းလက်ချောင်း ၂၅ချောင်း ပိုင်ဆိုင်သည့် ကမ္ဘာ့ဂင်းနက်စ်စံချိန်တင်သည့် အိန္ဒိယမှကလေးနှစ်ဦး၏စံချိန်ကို မလဲ့ရတီမင်းက ခြေချောင်းလက်ချောင်း ၂၆ချောင်းဖြင့် ၎င်းင်းတို့၏စံချိန်ကို ချိုးနိုင်ခဲ့ပြီဖြစ်သည်။

ဒေါ်အောင်ဆန်းစုကြည်ကို အစိုးရသတင်းစာများ ပုတ်ခတ်မှု အမေရိကန်ရှုတ်ချ

မြန်မာနိုင်ငံမှာ ပြီးခဲ့တဲ့နိုဝင်ဘာလက ရွေးကောက်ပွဲတွေ ကျင်းပခဲ့ပေမဲ့ အခြေအနေတွေဟာ ပြောင်းလဲ မလာတဲ့အပြင် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို အစိုးရက ဝေဖန် တိုက်ခိုက်ခဲ့တယ်လို့ အမေရိကန် နိုင်ငံခြားရေးဌာနက ဖေဖော်ဝါရီ ၁၄ ရက် မနေ့က ပြောဆိုလိုက်ကြောင်း အေအက်ပီသတင်းက ဖော်ပြပါတယ်။

(Photo: AFP)
အစိုးရထုတ် သတင်းစာတစောင်ကို လမ်းဘေး လက်ဖက်ရည်ဆိုင်တခုတွင် ဖတ်ရှုနေသူများ ဖြစ်ပါသည်။ (Photo: AFP)
မြန်မာအစိုးရက ခေတ်သစ်ရောက်နေပြီလို့ ပြောနေပေမဲ့ အရင်က သုံးစွဲခဲ့တဲ့ နည်းလမ်းဟောင်း၊ လှည့်ကွက်ဟောင်းတွေ အတိုင်းပဲ ဒေါ်အောင်ဆန်းစုကြည်ကို ခြိမ်းခြောက်နေတယ်လို့ အမေရိကန် နိုင်ငံခြားရေးဌာန ပြောခွင့်ရပုဂ္ဂိုလ် P.J. Crowley က သူရဲ့ twitter မှာ ရေးထားပါတယ်။ ဒါအပြင် ဝတ်စုံအသစ်ဟာ စနစ်အသစ်ကို မဖန်တီးဘူးဆိုတာ ပြသလိုက်တာပဲလို့လည်း ဝေဖန် ပြောဆိုလိုက်ပါတယ်။ အနောက်နိုင်ငံတွေရဲ့ စစ်အစိုးရအပေါ် ပစ်မှတ်ထား ပိတ်ဆို့အရေးယူတာကို ဒေါ်အောင်ဆန်းစုကြည်နဲ့ အမျိုးသား ဒီမိုကရေစီအဖွဲ့ချုပ်က ဆက်ပြီး ထောက်ခံနေမယ် ဆိုရင် ဝမ်းနည်းဖွယ် ရလဒ်နဲ့ အဆုံးသတ်ရလိမ့်မယ်လို့ အစိုးရသတင်းစာက ဆိုပါတယ်။
အမေရိကန်သမတ အိုဘားမားအစိုးရအဖွဲ့ဟာ မြန်မာနိုင်ငံမှာ တိုးတက်ပြောင်းလဲမှုတွေ ရှိလာမယ်လို့ မျှော်လင့်ထားပေမဲ့ လက်ရှိအစိုးရရဲ့ စေ့စပ်ညှိနှိုင်းလိုတဲ့ဆန္ဒ ကင်းမဲ့နေတဲ့ အပေါ်မှာ အတော်လေး စိတ်ပျက်လက်ပျက် ဖြစ်နေတယ်လို့ အေအက်ပီ သတင်းမှာ ဖော်ပြ ထားပါတယ်။ 
sources: : RFA

Monday, February 14, 2011

သခင်အောင်ဆန်းတရား


ငါ့ညီပြောင်ဝင်း၊ မောင်သစ်ဆင်း
မင်း၏သားငယ်၊ မင့်သက်လှယ်ကို
အဘယ်တရား ဟောမည်နည်း။

ဆန်း၏ သတ္တိ
ဆန်း၏သမာဓိ၊ ဆန်း၏ပညာ
ဟောစရာကား၊ အလွန်များ၏
မင့်သားအရွယ်၊ သက်နှစ်ဆယ်တွင်
လူငယ်အောင်ဆန်း၊ သူ့အစွမ်းကို
ပန်းကောင်းတစ်ပွင့်၊ ပန်ဆင်တင့်သို့
မင့်သား သိစေချင်လှ၏။

သူ့အစွမ်းကား၊ အခြားမဟုတ်
အအုပ်ချုပ်ခံ၊ မျိုးခြားဒဏ်မှ၊
မြန်မာလွတ်လမ်း၊ ခရီးကြမ်းဝယ်
ဗန်းပြအလှ၊ ပကာသနကို
ပြာကျလောင်မြိုက်၊ သူမီးတိုက်၏။

ခေတ်လိုက်ခါညီ၊ ခေတ်မီပညာ
ကြုံရာဘဝ၊ မုတလုံလောက်၊ ခံမြို့ဆောက်၏
ထိုနောက်တဆင့်၊ မိုးထိလွင့်အောင်
ရိုးကျင့် မြင့်ကြံ၊ သူ့အလံတည့်
ပျံတလူလူ၊ သူ ထူခဲ့ကြောင်း၊ ခေါင်းဆောင်သဘော
မင့်သားချောကို
ပြောလိုက်ပါဘိ ဟောပါဘိ။ ။

ဆရာဇော်ဂျီ။
လမ်းစဉ်သတင်း၊အတွဲ ၂။အမှတ် ၁၄၊ (၁၅၊၇၊၁၉၆၆)

အတ္တာဟိ၊ အတ္တနော၊ နတ္ထော


w62018
အိမ်ထဲကအိမ်ပြင် မထွက်ဘဲနဲ့ ကံကောင်းထောက်မပြီး ကောင်းမှုကုသိုလ်တစ်ခုပြုဖို့ အခွင့်အရေးတစ်ခု ရလိုက်ပါတယ်။ အင်မတန် ရင်းနှီးကျွမ်းဝင်တဲ့ ဦးပဉ္ဇင်းတစ်ပါး တစ်နေ့မှာ ရောက်လာပြီး မာကြောင်းသာကြောင်း မေးပါတယ်။ပြီးတော့မှ တိုင်ပင်ချင်တာလေး တစ်ခုရှိပါတယ်။ ဆရာပြန်မပြောပါနဲ့ မောနေပါမယ်။ ဦးပဉ္ဇင်းပြောတာပဲ နားထောင်ပေးပါလို့ ပြောပါတယ်။
ကျောင်းကလေးပိတ်မှာစိုးလို့
ဦးပဉ္ဇင်းက ပရဟိတ စိတ်အားထက်သန်မှု အင်မတန် ကြီးမားပါတယ်။ ချင်းတောင်သွားပြီး ဘုန်းတော်ကြီးသင် ပညာရေးကျောင်းလည်း လုပ်ခဲ့ဖူးတယ်။ အခုလည်း ပရဟိတ ကျောင်းလေးတစ်ကျောင်း ပိတ်ရတော့မလို ဖြစ်နေလို့ အကြံညဏ် လာတောင်းတာပါ။ ကျောင်းလေးက ဆရာတော်တစ်ပါး စတင် တည်ထောင်ခဲ့တာ ဖြစ်တယ်။ တည်ထောင်သူ ဆရာတော်ရဲ့ ကြိုးပမ်းအားထုတ်မှုကြောင့် ကျောင်းသူကျောင်းသား ၁၂၀ လောက် အထိ တက်ရောက် သင်ကြားနေကြတယ်။ သူငယ်တန်းက ရှစ်တန်းအထိ အရွယ်စုံရှိတယ်။ ဆရာ၊ ဆရာမ ငါးယောက်ကိုလည်း ဆရာတော်က လစဉ်တတ်နိုင်သမျှ ထောက်ပံ့ခဲ့တယ်။ ရွာကလည်း တတ်စွမ်းသမျှ စာအုပ်၊ ဘောပင်၊ ခဲတံကအစ ဝေယျာဝစ္စတွေ ကူညီပါတယ်။ ဒါပေမဲ့ အများစုက မချောင်လည်ကြတာ ဆရာတော်ကိုပဲ အလုံးစုံ အားကိုးနေကြရတယ်။
စာမေးပွဲတွေနီးခါမှ
ဖြစ်ချင်တော့ ဆရာတော်က ရုတ်တရက် အမှတ်မထင် ပျံလွန်တော် မူသွားတယ်။ ကျောင်းအကျိုးတော်ဆောင် အဖွဲ့က ကြိုးစားပြီး ထိန်းသိမ်းပေမယ့် အလှူငွေ ရှာနိုင်တဲ့ ဆရာတော် မရှိတော့ဘူးဆိုတော့ အခက်တွေ့လာတယ်။ ဇန်န၀ါရီ၊ ဖေဖော်ဝါရီ နှစ်လအတွက် ဆရာ၊ ဆရာမတွေကို ထောက်ပံ့ငွေပေးဖို့တောင် မရှိတော့ဘူး ဖြစ်လာတယ်။ မလွှဲမရှောင်သာ ကျောင်းပိတ်လိုက်ရတော့မယ်။ ဒီအချိန်မှာ ပရဟိတလုပ်ငန်း စိတ်ထက်သန်သူ ဦးပဉ္ဇင်း နဲ့ တွေ့ခဲ့ကြရတာ ဖြစ်တယ်။ ဦးပဉ္ဇင်းက စာမေးပွဲတွေနီးခါမှ မပိတ်လိုက်ကြပါနဲ့ဦး နည်းလမ်းရှာပါဦးမယ်လို့ ပြောပြီး လာရောက်တိုင်ပင်တာပါ။

ဘာမဆို ကိုယ်လုပ်မှ ကိုယ်ရတာလို့ ခံယူထားတယ်။ 'အတ္တဟိ၊ အတ္တနော၊ နတ္ထော' ဆိုတဲ့ ဗုဒ္ဓဘုရားရှင်ရဲ့ အဆုံးအမကို အကြွင်းမဲ့ လက်ခံထားတယ်။ အဲဒါကြောင့်  . . .
တက္ကသိုလ်ရောက် ၁၂ ယောက်
ပထမတော့ ဦးပဉ္ဇင်းက အဲဒီရွာနဲ့ ခုနစ်မိုင် ကွာလောက်မှာရှိတဲ့ မြို့မှာ ဆေးခန်းဖွင့်ထားတဲ့ ဆရာဝန်တစ်ဦးနဲ့ အရင်တိုင်ပင်တယ်။ ဆရာဝန်က အပြည့်အ၀တော့ မတတ်နိုင်လို့ လစဉ်ငွေတစ်သိန်း လှူပါမယ်လို့ စေတ နာသဒ္ဓါတရား ထက်သန်စွာနဲ့ တာဝန်ယူလိုက်တယ်။ ဦးပဉ္ဇင်းက အားတက်သွားပြီး ဆက်ရှာဖို့ သန္နိဋ္ဌာန် ချလိုက်တယ်။ အဲဒီနောက်ပိုင်း တိုင်ပင်နေကျ ဖြစ်တဲ့အတိုင်း အရင်ဆုံး လာရောက်တိုင်ပင် အကြံတောင်းတယ်။ ကျောင်းနဲ့ကလေးတွေရဲ့ ဓာတ်ပုံတွေလည်း ပြတယ်။ ဒီကျောင်းလေးကနေ တစ်ဆင့်တက်ပြီး ဆယ်တန်းအောင်လို့ တက္ကသိုလ်ပညာ ဆက်လက် ဆည်းပူးနေတဲ့ ကျောင်းသူကျောင်းသားတွေရဲ့ စာရင်းလည်း ယူလာတယ်။ စုစုပေါင်း ၁၂ ယောက် ရှိတယ်။ဒီကျောင်းကလေးသာ မရှိခဲ့ရင် ဒီကလေးတွေ ဘယ်ဆယ်တန်းအောင်နိုင်မှာလဲ။
စိတ်မကောင်းဖြစ်
ကျောင်းကလေးကို တည်ထောင်သွားတဲ့ ဆရာတော်က တော်တော်ကို ကြိုးစားပမ်းစား ဆောင်ရွက်သွားခဲ့တာ ဖြစ်တယ်။ ကျောင်းကလေးက သပ်သပ်ရပ်ရပ် လှပနေတယ်။ အရွယ်စုံ ကလေးတွေကလည်း မြူးထူး
လန်းဆန်းနေကြတယ်။ ကလေးတွေရဲ့ ဓာတ်ပုံတွေ ကြည့်ရင်း စိတ်မကောင်း ဖြစ်လာတယ်။ ဒီကလေးတွေ ဒီလိုဆက်ပြီး မြူးတူး ပျော်ရွှင်နိုင်ကြပါ ဦးတော့မလား။ စာမေးပွဲနီးလာမှ ကျောင်းပိတ်လိုက်ရရင် ကလေးတွေ စာမေးပွဲ ဘယ်လို ဖြေနိုင်ကြတော့မှာလဲ။ ကိုယ်တိုင် သင်တန်းကျောင်းလေးဖွင့်ပြီး စာသင်နေစဉ်ကလည်း ဒီလို ကိစ္စမျိုးတွေ မကြာခဏ ကြုံခဲ့ဖူးတယ်။ အဲဒီတုန်းကတော့ သိပ်မပူရဘူး။ ကိုယ့်ကျောင်းသူ ကျောင်းသားတွေကို ပြောပြလိုက်ရုံနဲ့ တစ်ယောက် တစ်လက် ၀ိုင်းဝန်း ကူညီလိုက်ကြတာနဲ့ အားလုံးအဆင်ပြေသွားတာပဲ။
အကြံပေးရုံနဲ့ မပြီးတော့
အခုတော့ ကိုယ်ကလည်း ကျန်းမာရေး မကောင်းတော့ ကျောင်းဖွင့်စာသင် မလုပ်နိုင်တော့ဘူး။ ကျောင်းသူကျောင်းသားတွေ မရှိတော့ ဘာဖြစ်ဖြစ် တစ်ယောက်တည်းပဲ ဖြေရှင်းရတော့တယ်။ အခု ကျောင်းကလေး ကိစ္စမှာလည်း ဦးပဉ္ဇင်းကလာပြီး အ ကြံတောင်းရုံ သက်သက်ပါပဲ။ ဒါပေမယ့် ခါတိုင်းလို အကြံပေးလိုက်ရုံနဲ့ မပြီးဘူး။ လာပြောတာက ဒီဇင်ဘာလ၊ ဇန်န၀ါရီနဲ့ ဖေဖော်ဝါရီအတွက် ပေးစရာ လခ မရှိတော့ဘူး။ ဒီတော့ ရက်ပိုင်းလေးအတွင်း ကျောင်းပိတ်ရတော့မယ့် အခြေအနေ ဖြစ်နေပြီ။ နောက်ဆုံးကျတော့ နောင်ကိစ္စ နောင်မှစဉ်းစား၊ ခုလောလောဆယ် ကျောင်းလေးမပိတ်ရဖို့အတွက် နောက်ဆုံးနှစ်လစာ အတွက်တော့ တပည့်တော်ပဲ တာဝန်ယူလိုက်မယ်။ ဒီနှစ်လပြီးရင် နွေရာသီ ကျောင်းပိတ်ရက်ဆိုတော့ အဲဒီ အချိန်ကျမှ ဆက်ပြီး တိုင်ပင်ကြတာပေါ့လို့ ပရဟိတ ဦးပဉ္ဇင်းကို အာမခံ လိုက်ရတယ်။
မေးခွန်းတွေအစီအရီ
ဦးပဉ္ဇင်းလည်း ၀မ်းသာအားရ ဖြစ်ပြီး နက်ဖြန်ပဲ ရွာကိုသွားပြီး ပြောပြမယ်။ ရွာကလူတွေရော၊ ကလေးတွေရော ၀မ်းသာကြမှာပဲလို့ ပြောပြတယ်။ သူပြန်တော့ ခြေလှမ်းတွေ ပေါ့ပါးသွက်လက်နေတာကို တွေ့လိုက်ရတယ်။ ကိုယ်တိုင်လည်း နေ ရင်းထိုင်ရင်း ကုသိုလ်ရလိုက်လို့ ၀မ်းသာမိပါတယ်။ ညဘက်အိပ်ရာထဲ ရောက်တော့ ဒီကိစ္စကိုဆက်ပြီး တွေးမိတယ်။ နောက်စာသင်နှစ်မှာ ဘယ်လို ဆက်လုပ်ရမလဲ။ ကိုယ်က ဘယ်အတိုင်းအတာထိ ကူညီနိုင်မှာလဲ။ ဒီလို အလှူငွေကိုပဲ အားကိုးပြီး ဘယ်လောက်ကြာကြာ ဆက်သွားနိုင်မှာလဲ။ တခြား ဘယ်နည်းနဲ့ ဖြေရှင်းရင် ဖြစ်နိုင်မလဲ စတဲ့ မေးခွန်းတွေ ခေါင်းထဲကို တစ်ခုပြီးတစ်ခု အစီအရီ ၀င်ရောက်လာကြတယ်။
ဘီလ်ဂိတ်မောင်နှံအလှူ
တွေးရင်းတောရင်းနဲ့ အိပ်ရာမ၀င်ခင် ကြည့်ခဲ့တဲ့ နိုင်ငံတကာ သတင်းတွေထဲမှာ ဆင်းရဲမွဲတေမှု ပပျောက်ရေးနဲ့ ကပ်ရောဂါဆိုးကြီးတွေ တိုက်ဖျက်ရေးအတွက် စီးပွားရေး လုပ်ငန်းရှင်ကြီးတွေက အလှူငွေ များများထည့်ကြဖို့ ဘီလျံနာသူဌေးကြီး ဘီလ်ဂိတ်က ဆော်သြလိုက်တာကို မျက်စိထဲ မြင်နေမိတယ်။ ဘီလ်ဂိတ်ဇနီးမောင်နှံ ကိုယ်တိုင်က သူတို့ချမ်းသာသမျှကို အလှူငွေထည့်ပြီး ဖောင်ဒေးရှင်းတစ်ခု ထူထောင်ခဲ့ကြတယ်။ ဒေါ်လာဘီလျံ ၅၀ လောက်ကို အခြေခံပြီး အာဖရိကတိုက်ကြီးမှာ ပုံအော လုပ်ဆောင်နေကြတယ်။ သာဓုခေါ်မိပါတယ်။
နှစ်ပေါင်းခြောက်ဆယ်ကျော်ခဲ့ပြီ
အငတ်ဘေး ပပျောက်ရေးနဲ့ ကပ်ရောဂါဆိုးကြီးတွေ တိုက်ဖျက်ရေး အတွက် ဒုတိယကမ္ဘာစစ်ကြီး ပြီးပြီးချင်း ဖွဲ့စည်းတဲ့ ကုလသမဂ္ဂ အဖွဲ့ကြီးက အင်တိုက်အားတိုက် ဆောင်ရွက်ခဲ့တယ်။ UNDP၊ IUNESCO၊ FAO၊ WFP စတဲ့ အဖွဲ့အစည်းကြီးများနဲ့ ကမ္ဘာ့ဘဏ်နဲ့ IMF လို အဖွဲ့ကြီးတွေကလည်း ငွေဘီလျံပေါင်းများစွာ ပုံအောသုံးရုံမက ကျွမ်းကျင်သူ ပညာရှင် အများအပြားကိုလည်း စေလွှတ်ပေးခဲ့တယ်။ ခုဆိုရင် နှစ်ပေါင်း ခြောက်ဆယ် ကျော်ခဲ့ပြီ။ အာဖရိကတိုက်ကြီး ငတ်မွတ်ခေါင်းပါးခြင်းဘေးက လွတ်ကင်းသွားပြီလား။
ဆရာများသားသေ
အားလုံးသိကြတဲ့အတိုင်း ထူးမခြားနားပါပဲ။ အာဖရိကတိုက်ကြီးဟာ အမှောင်တိုက်ကြီး အဖြစ်က အခုထိ မလွတ်ကင်းသေးပါဘူး။ ထောက်ပံ့ပေးကမ်း လှူဒါန်းတဲ့ ငွေတွေလည်း ဘီလျံတွေ ထောင်သောင်းချီနေပါပြီ။ ဒါပေမယ့် ကြွက်တွင်းထဲ ရေလောင်းထည့်သလို ဘယ်ရောက်သွားမှန်း မသိအောင် ပျောက်ကွယ်သွားခဲ့ကြပါတယ်။ ပညာရှင်မျိုးစုံက သီအိုရီ အမျိုးမျိုးထုတ်ပြီး လက်တည့်စမ်းခဲ့တာလည်း 'ဆရာများသားသေ' ဆိုသလို ဆင်းရဲတွင်းထဲ ပိုပိုပြီး နစ်ဝင်သွားခဲ့ကြပါတယ်။ ဒေါ်လာတွေ ဘီလျံပေါင်းများစွာ ပေးကမ်းလှူဒါန်းခဲ့ကြတဲ့ နိုင်ငံကြီးတွေကတော့ ပေးလေလှူလေ ပိုပြီး ချမ်းသာလေ ဖြစ်လာတာကိုတော့ သာမန်လူ တစ်ယောက်အနေနဲ့ ဉာဏ်မမီလို့ မစဉ်းစားတတ်တော့ပါဘူး။
ကိုယ့်အားကိုယ်ကိုး
'လှူဒါန်းပေးကမ်းခြင်းဖြင့် နိုင်ငံတစ်နိုင်ငံကို မကယ်တင်နိုင်ဘူး' (Charity does not save a nation) ဆိုတဲ့ စကားကိုကြားဖူးတယ်။ မှန်တယ်လို့လည်း ယုံကြည်တယ်။ ဘာမဆို ကိုယ်လုပ်မှ ကိုယ်ရတာလို့ ခံယူထားတယ်။ 'အတ္တာဟိ၊ အတ္တနော၊ နတ္ထော' ဆိုတဲ့ ဗုဒ္ဓဘုရားရှင်ရဲ့ အဆုံးအမကို အကြွင်းမဲ့ လက်ခံထားတယ်။ အဲဒါကြောင့် ကူညီရမယ့် ကျောင်းကလေးကို အလှူရှင် မျှော်နေရတဲ့ အခြေအနေနဲ့ ရှိမနေစေချင်ဘူး။ ကိုယ့်အားကိုယ်ကိုး၊ ကိုယ့်ခြေထောက်ပေါ်ကိုယ် ရပ်နိုင်စေချင်တယ်။ အဲဒီတော့ ဘယ်လို အကြံဉာဏ်မျိုး ပေးရမလဲ။ ဦးနှောက်ခြောက်အောင် စဉ်းစားရတယ်။
မွေးမြူရေးလုပ်ခိုင်းရမလား
လစဉ်ထောက်ပံ့နေမယ့်အစား တစ်လုံးတစ်ခဲတည်း ငွေထုတ်ပြီး လစဉ် ၀င်ငွေရမယ့် လုပ်ငန်းတစ်ခု ထူထောင်ပေးမလား။ တောရွာနဲ့ လိုက်ဖက်အောင် ၀က်မွေး၊ ကြက်ဘဲမွေးတာ လုပ်ပေးမလား။ ဒါလည်း မဟုတ်သေးဘူး။ ဦးဆောင်လုပ်ကိုင်နေသူ က ရဟန်းတော်တွေဖြစ်ပြီး ပရဟိတ ကျောင်းလေ။ တခြား စီးပွားရေးတွေ လုပ်ဖို့ စဉ်းစားတာလည်း မဟန်ပါဘူး။ သံဃာတော်တွေကို လောကီလူမှုကိစ္စတွေထဲ ဆွဲမသွင်းသင့်ဘူး။ ရွာလူကြီးတွေနဲ့ ကျောင်းကော်မတီ လက်ထဲအပ်ပြီး ပရဟိတကျောင်း ရန်ပုံငွေအတွက် စီးပွားရေးလုပ်ကြပါ ပြောရင်ရော။ တောသူတောင်သား ဆိုတာ ကိုယ့်မိသားစု တစ်ဝမ်းတစ်ခါး အတွက်တောင် အလုပ်နဲ့လက်မပြတ်အောင် လှုပ်ရှားရုန်းကန်နေကြရတာ မဟုတ်လား။ ရေရှည်ဘယ်သူမှ လုပ်နိုင်ကြမှာ မဟုတ်ဘူး။
ဝပ်ရှော့လုပ်မှဖြစ်မယ်ထင်
တစ်ရွာလုံး အိမ်ထောင်စုတိုင်း စားဝတ်နေရေးအတွက် မပူမပင်ရအောင် လုပ်ပေးလိုက်မှပဲ ဖြစ်တော့မှာ။ အဲဒီတော့လည်း ပရဟိတကျောင်း ဘယ်လိုအပ်တော့မှာလဲ။ ကလေးတိုင်း မြို့ကျောင်းတက်နိုင်ကြပြီပေါ့။ စဉ်းစား ရင်းစဉ်းစားရင်းနဲ့ မိုးသာစင်စင်လင်းသွားတယ်။အဖြေကတော့ ထွက်မလာသေးဘူး။ စတစ်ဂလစ်ဖြစ်ဖြစ်၊ ဖရိုက်မင်းဖြစ်ဖြစ် နိုဘဲလ်ဆုရှင်ကြီး တစ်ယောက်ယောက်ကိုဖိတ်ပြီး ၀ပ်ရှော့လုပ်မှ ဖြစ်တော့မယ် ထင်တာပါပဲ။

written by : : လူထုစိန်ဝင်း

ဗိုလ်ချုပ်အောင်ဆန်း ၉၆ နှစ်မြောက်မွေးနေ့ အထိမ်းအမှတ် NLD ကျင်းပ

အာဇာနည်ခေါင်းဆောင်ကြီး ဗိုလ်ချုပ်အောင်ဆန်း ရဲ့ ၉၆ နှစ်မြောက် မွေးနေ့အထိမ်းအမှတ် မြန်မာနိုင်ငံကလေးများနေ့ အခမ်းအနားကို အမျိုးသား ဒီမိုကရေစီအဖွဲ့ချုပ် ရုံးချုပ်မှာ ဒီကနေ့ ကျင်းပခဲ့ပြီး ဒေါ်အောင်ဆန်းစုကြည်က အာဇာနည် စိတ်ဓာတ်အကြောင်း ဟောပြောပြီး အခမ်းအနား ဖွင့်လှစ်ပေးခဲ့တယ်လို့ သိရပါတယ်။

(Photo: AFP)
၂ဝ၁၁ ခုနှစ် ဖေဖော်ဝါရီလ ၁၃ ရက်နေ့က NLD ရုံးချုပ်တွင် ကျင်းပပြုလုပ်သည့် ဗိုလ်ချုပ်အောင်ဆန်း ၉၆ နှစ်မြောက်မွေးနေ့ အထိမ်းအမှတ် အခမ်းအနားတွင် ဒေါ်အောင်ဆန်းစုကြည် အဖွင့်မိန့်ခွန်းပြောကြားစဉ်။ (Photo: AFP)
ဒီ အခမ်းအနားကို ရန်ကုန်တိုင်း မြို့နယ်စုံက ကလေးငယ် ၁၅ဝ လောက် တက်ရောက်တယ်လို့ ပါတီ ပြန်ကြားရေး တာဝန်ခံ ဦးအုန်းကြိုင်က ပြောပြပါတယ်။

“ဖွင့်ပွဲမတိုင်ခင် ဒေါ်အောင်ဆန်းစုကြည် ရောက်လာတာနဲ့ ကလေးတွေက သီချင်းတွေ၊ အကအခုန်တွေနဲ့ မြို့နယ်အလိုက် ဖျော်ဖြေကြပါတယ်။ ပြီးတော့ အခမ်းအနားကို ဒေါ်အောင်ဆန်းစုကြည်က ဖွင့်ပေးပါတယ်။ အဖွင့်အမှာစကား ပြောကြားရာမှာ ဒေါ်အောင်ဆန်းစုကြည်က မှတ်သားဖွယ်ရာ အာဇာနည်စိတ်ဓာတ် အကြောင်း ကလေးတွေကို အကျဉ်းချုပ် ပြောပြပါတယ်”

မွန်းလွဲပိုင်းမှာ ဗိုလ်ချုပ်အောင်ဆန်းမိန့်ခွန်း ကောက်နှုတ်ချက်တွေကို ကလေးတွေက သဏ္ဍန်လုပ် သရုပ်ဆောင် ရွတ်ဆိုတဲ့ ပြိုင်ပွဲကို ဆက်ပြီး ကျင်းပသလို ကလေးတွေအတွက် ဖျော်ဖြေရေး အစီအစဉ်တွေကို လည်း ပြုလုပ်ပေးပါတယ်။

ဒါ့ပြင် ဗိုလ်ချုပ်အောင်ဆန်းရဲ့ ၉၆ နှစ်မြောက် မွေးနေ့ အထိမ်းအမှတ်အဖြစ် ဒေါ်အောင်ဆန်းစုကြည်က ပြီးခဲ့တဲ့ ဖေဖော်ဝါရီလ ၁၁ ရက်နေ့က မင်္ဂလာဒုံ၊ လှည်းကူး၊ တိုက်ကြီး၊ မှော်ဘီ မြို့နယ်တွေက မူလတန်းကျောင်းတွေကို တမြို့နယ်ကို ဗလာစာအုပ် ၉၆ ဒါဇင်နှုန်းနဲ့ စုစုပေါင်း ကျပ်ငွေ သိန်း ၁ ရာဖိုး လှူဒါန်းခဲ့ပါတယ်။

အဲ့ဒီလို လှူဒါန်းရာမှာ မင်္ဂလာဒုံနဲ့ တိုက်ကြီးမြို့နယ်တွေမှာ အာဏာပိုင်တွေရဲ့ အတားအဆီး လုပ်တာတွေ ခံခဲ့ရပါတယ်။ ဒါပေမယ့် မှော်ဘီနဲ့ လှည်းကူးမြို့နယ်တွေမှာတော့ အနှောက်အယှက်မရှိဘူးလို့ NLD ဗဟိုအမျိုးသမီးအဖွဲ့က ဒေါက်တာ ဒေါ်မေဝင်းမြင့်က ပြောပါတယ်။

sources: : RFA

Saturday, February 12, 2011

တိုင်းပြည်အတွက် ညီညွတ်ကြပါရန် ဒေါ်စု တိုက်တွန်း

တိုင်းပြည်တွင် လိုအပ်နေသည့် တိုင်းရင်းသားများ ညီညွတ်ရေးအတွက် ပူးပေါင်းဆောင်ရွက်ကြပါရန် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က စနေနေ့တွင် တိုက်တွန်းလိုက်သည်။

၆၄ နှစ်မြောက် ပြည်ထောင်စုနေ့ အခမ်းအနားကို ရန်ကုန်တိုင်း ဗဟန်းမြို့နယ်ရှိ အမျိုးသားဒီမိုကရေစီအဖွဲ့ချုပ် NLD ရုံးချုပ်၌ ကျင်းပခဲ့ရာ တိုင်းရင်းသားအချင်းချင်း ညီညွတ်ရေးအတွက် ပူးပေါင်းဆောင်ရွက်ရန် တိုက်တွန်းခဲ့ခြင်း ဖြစ်သည်။

’’ကျမတို့နိုင်ငံမှာ ဆိုလို့ရှိရင် အင်မတန်မှ ညီညွတ်ရေးကို လိုအပ်နေပါတယ်။ ... ကျမတို့အားလုံးဟာ မှန်မှန်ကန်ကန်နဲ့ တကယ့်ကို ညီညွတ်တဲ့ ပြည်ထောင်စုကြီး ထူထောင်ဖို့ ဒီနေ့ ပြည်ထောင်စုနေ့မှ သံဓိဋ္ဌာန်ချဖို့ လိုပါတယ်။ ဒီလိုပြည်ထောင်စုကြီး ထူထောင်ဖို့ဆိုတာ တိုင်းရင်းသားများအားလုံး ပါဝင်ဖို့ လိုပါတယ်’’ ဟု
ပြည်ထောင်စုနေ့ အခမ်းအနားသို့ တက်ရောက်လာသူများက ဒေါ်အောင်ဆန်းစုကြည်ကို နှုတ်ဆက်နေစဉ် (ဓာတ်ပုံ - မဇ္ဈိမ)
ပြည်ထောင်စုနေ့ အခမ်းအနားသို့ တက်ရောက်လာသူများက ဒေါ်အောင်ဆန်းစုကြည်ကို နှုတ်ဆက်နေစဉ် (ဓာတ်ပုံ - မဇ္ဈိမ)
ဒေါ်အောင်ဆန်းစုကြည်က အခမ်းအနားတွင် ပြောကြားခဲ့သည်။

မနက် ၈ နာရီတွင် နွေဦးအိုးဝေ နံရံကပ်စာစောင်ဖွင့်ပွဲကို ကဗျာဆရာ ဖျာပုံနီလုံဦးနှင့် မုံရွာအောင်ရှင်က ဖွင့်လှစ်ပေးခဲ့သည်။

ထို့နောက် ဧရာဝတီတိုင်း ညောင်တုန်းမြို့နယ်မှ NLD အဖွဲ့ဝင်များက ကရင်ဒုံယိမ်းအက၊ ရန်ကုန်တိုင်းမှ မြန်မာအိုးစည်ဝိုင်းနှင့် ရှမ်းပြည်နယ်မှ NLD ပါတီဝင်များက ရှမ်းရိုးရာအကဖြင့် ဖျော်ဖြေခဲ့ကြပြီး၊ ပြည်ထောင်စုနေ့ အခမ်းအနားကို မနက် ၁၁ နာရီတွင် စတင်ကျင်းပခဲ့သည်။

ဒေါ်အောင်ဆန်းစုကြည်က ညီညွတ်ရေး၏ အခြေခံလိုအပ်ချက်မှာ တရားဥပဒေ စိုးမိုးရေးဖြစ်သဖြင့် အဆိုပါ ဥပဒေစိုးမိုးရေးကို လုပ်ဆောင်ပါရန်လည်း ပြောဆိုခဲ့သည်။

၆၄ နှစ်မြောက် ပြည်ထောင်စုနေ့ အခမ်းအနား မစတင်ခင် NLD ရုံးချုပ်ရှေ့ တွေ့ရသည့် မြန်မာအိုးစည်အဖွဲ့ (ဓာတ်ပုံ - မဇ္ဈိမ)
၆၄ နှစ်မြောက် ပြည်ထောင်စုနေ့ အခမ်းအနား မစတင်ခင် NLD ရုံးချုပ်ရှေ့ တွေ့ရသည့် မြန်မာအိုးစည်အဖွဲ့ (ဓာတ်ပုံ - မဇ္ဈိမ)
NLD သတင်းနှင့် ပြန်ကြားရေးအဖွဲ့ဝင် ဦးအုန်းကြိုင်က “ဒီမိုကရေစီနဲ့ တိုင်းပြည်ဖွံ့ဖြိုးတိုးတက်ရေးအတွက် ပြည်ထောင်စု စိတ်ဓာတ်တွေ ရှင်သန်အောင် လုပ်ရမယ်၊ အဲဒီလို ရှင်သန်အောင်လုပ်တဲ့ အချိန်မှာ တရားဥပဒေစိုးမိုးဖို့ လိုအပ်တယ်၊ တရားဥပဒေ ရှေ့မှောက်မှာ တိုင်းရင်းသားအားလုံး အညီအမျှ ခံစားပိုင်ခွင့် ရှိရမယ်တဲ့” ဟု မဇ္ဈိမကို ပြောသည်။

NLD ခေါင်းဆောင်များနှင့် ပါတီဝင်များ၊ ပြည်သူ့လွှတ်တော် ကိုယ်စားပြုကော်မတီ CRPP အဖွဲ့ဝင်များ၊ ၀ါရင့်နိုင်ငံရေး လုပ်ဖော်ကိုင်ဘက်များ၊ သံတမန်များသာမက ပြည်နယ်အချို့မှ တိုင်းရင်းသားများကလည်း ရိုးရာဝတ်စုံများဖြင့် အခမ်းအနားတက်ခဲ့ရာ စုစုပေါင်း လူဦးရေ ၄၀၀ ကျော် ရှိသည်။ ပါတီဒုဥက္ကဋ္ဌ ဦးတင်ဦးက အခမ်းအနား သဘာပတိအဖြစ် ဆောင်ရွက်ပေးခဲ့သည်။

တိုင်းရင်းသား ရိုးရာဝတ်စုံများဖြင့် အခမ်းအနား တက်ရောက်လာသည့် တိုင်းရင်းသား ကိုယ်စားလှယ်များ (ဓာတ်ပုံ - မဇ္ဈိမ)
တိုင်းရင်းသား ရိုးရာဝတ်စုံများဖြင့် အခမ်းအနား တက်ရောက်လာသည့် တိုင်းရင်းသား ကိုယ်စားလှယ်များ (ဓာတ်ပုံ - မဇ္ဈိမ)
ဒေါ်အောင်ဆန်းစုကြည်က “အရင် ၆၄ နှစ်တုန်းကဆိုရင် ကျမတို့ရဲ့ အမျိုးသား ခေါင်းဆောင်ကြီးများ၊ တိုင်းရင်းသား ခေါင်းဆောင်ကြီးများဟာ အဆန်းအသစ်ဖြစ်တဲ့ ပြည်ထောင်စုဆိုတဲ့ ကိစ္စကို အားလုံးလက်တွဲပြီးတော့ လုပ်မယ်ဆိုပြီး ဆုံးဖြတ်ခဲ့ကြတယ်။ ဒီအသစ်အဆန်း အတွေးအခေါ်ကို မိမိရရ ဆုပ်ကိုင်ပြီးတော့ ရဲရဲဝံ့ဝံ့ အကောင်အထည် ဖော်ခဲ့ကြတယ်။ အဲဒီတော့ ကျမတို့က ဆက်လုပ်ကြရမယ်။ အတွေးအခေါ်သစ်တွေနဲ့ ကျမတို့ ရင်ဆိုင်ရမယ်။ လုပ်သင့်လုပ်ထိုက်တဲ့ လုပ်ငန်းတွေကို သတ္တိရှိရှိနဲ့ လုပ်ရမယ်’’ ဟု တိုက်တွန်းစကား ပြောကြားခဲ့သေးသည်။

ဧရာဝတီတိုင်း ဘိုကလေးမြို့မှ NLD ပါတီ အမျိုးသမီးတာဝန်ခံ မမိမိခိုင်က “အန်တီစုက ပြောတဲ့ စကားထဲမှာ ဘယ်အရာကိုပဲဖြစ်ဖြစ်၊ ကိုယ်လုပ်မယ်ဆိုတဲ့အခါမှာ ဖြစ်မှဖြစ်ပါ့မလားဆိုတဲ့ အတွေးမျိုး ဘယ်တော့မှ မတွေးနဲ့၊ ဖြစ်ကိုဖြစ်ရမယ်ဆိုတဲ့ စိတ်နဲ့ လုပ်ပါတဲ့။ ဒီစကားလေးတခွန်းကို ကျမအနေနဲ့ အရမ်းကို သဘောကျတယ်။ အဲဒီစကားကို အမြဲတမ်း လိုက်နာဆောင်ရွက်မယ်လို့ ကျမ ဆုံးဖြတ်ထားပါတယ်” ဟု မဇ္ဈိမကို ပြောသည်။

ပြည်မနှင့် တောင်တန်းဒေသများ ပူးပေါင်း၍ အင်္ဂလိပ်ထံမှ လွတ်လပ်ရေး ရယူနိုင်ရန်အတွက် ဗိုလ်ချုပ်အောင်ဆန်းနှင့် ကချင်၊ ချင်း၊ ရှမ်း ခေါင်းဆောင်များက ၁၉၄၇ ခုနှစ် ဖေဖော်ဝါရီလ ၁၂ ရက်နေ့တွင် ရှမ်းပြည်နယ် ပင်လုံ၌ အစည်းအဝေး ကျင်းပခဲ့ရာ ထိုနေ့ကို ပြည်ထောင်စုနေ့အဖြစ် သတ်မှတ်ခဲ့ခြင်း ဖြစ်သည်။

sources: : www.mazzimaburmese.com

ဗိုလ်ချုပ်မွေးနေ့အထိမ်းအမှတ် NLD ကျောင်းသုံးပစ္စည်းအလှူ အာဏာပိုင်တွေ ငြင်းပယ်

ဖေဖော်ဝါရီ၁၃ရက်နေ့မှာ ကျရောက်မဲ့ လွတ်လပ်ရေးဖခင် ဗိုလ်ချုပ်အောင်ဆန်းရဲ့ မွေးနေ့ အထိမ်း အမှတ်အတွက် NLDပါတီက ရန်ကုန်တိုင်း အတွင်းမှာ ရှိတဲ့ မူလတန်းကျောင်းအချို့ကို ဒီရက်ပိုင်း အတွင်း ဗလာစာအုပ် လိုက်လံဝေငှ လှူဒါန်းနေတာကို အထက်အာဏာပိုင်တွေရဲ့ ညွှန်ကြားချက် အရဆိုပြီး တချို့ကျောင်းတွေက လက်မခံပဲ ငြင်းပယ်ခဲ့တယ်လို့ သိရပါတယ် ။


မြန်မာစစ်အစိုးရ၏ မြို့တော်သစ် နေပြည်တော်အနီးရှိ ပျဉ်းမနားတွင် စိုက်ထူထားသော ဗိုလ်ချုပ်အောင်ဆန်း ကြေးရုပ်ဖြစ်ပါသည်။ (Photo: AFP)
ဒေါ်အောင်ဆန်းစုကြည်ရဲ့ အကြံပြုချက်အရ ရန်ကုန်တိုင်း မြောက်ပိုင်းမြို့နယ်တွေ ဖြစ်တဲ့ မင်္ဂလာဒုံ၊ မှော်ဘီ၊ တိုက်ကြီး၊ လှည်းကူး စတဲ့ ၄ မြို့နယ်တွင်းက မူလတန်း ၂၅ ကျောင်းကို ဗလာစာအုပ် ဒါဇင်ပေါင်း ၂၄၀၀ လိုက်လံ ဝေငှခဲ့ရာမှာ အစပိုင်းကျောင်းတွေက လက်ခံခဲ့ပေမဲ့ နောက်ပိုင်း ကျောင်းတွေ ငြင်းပယ်လာတာကို ကြုံရတယ်လို့ စာအုပ်လိုက်ဝေရာမှာ ကိုယ်တိုင်ပါခဲ့သူ NLD ပါတီ ဗဟိုအလုပ်အမှုဆောင် ဒေါက်တာ ဒေါ်မေဝင်းမြင့်က ပြောပါတယ်။
“ကျွန်မတို့ မင်္ဂလာဒုံမြို့နယ်မှာလည်း ဒေါ်ခင်ဌေးကြွယ်တို့ ဦးဆောင်ပြီးတော့မှ ၁၂ ကျောင်းလောက်အထိက အေးအေးဆေးဆေးပဲ၊ ၁၃ ကျောင်းမြောက်မှာကျတော့ ဘာပြောလဲဆိုတော့ သူတို့ လက်မခံပါရစေနဲ့၊ ပညာရေးမှူးထံကို လှူပေးပါ၊ ပညာရေးမှူးကနေ ဝေပေးပါမယ် ဆိုပြီး ပြောတယ်။ ပြောတော့ ဒေါ်ခင်ဌေးကြွယ်ကနေပြီးတော့ ပညာရေးမှူးဆီ ဖုန်းဆက်တယ်။ ဘာကြောင့် ဒီလိုပြောရလဲဆိုတော့ ပညာရေးမှူးက သူ့သဘောနဲ့သူ မပြောရဲပါဘူးတဲ့၊ အထက်က အမိန့်လာလို့ပါလို့ ပြောတယ်။”
အခုလို NLD ပါတီရဲ့ ဗလာစာအုပ်အလှူအတွက် ကျပ်ငွေသိန်း ၁၀၀ နီးပါး အသုံးပြုခဲ့ကြောင်း သိရပါတယ်။
မြန်မာနိုင်ငံမှာ ဖေဖော်ဝါရီ ၁၃ ရက် ဗိုလ်ချုပ်မွေးနေ့ကို ကလေးများနေ့အဖြစ် အရင်က သတ်မှတ်ခဲ့ပါတယ်။

sources: : RFA

Thursday, February 10, 2011

အစိုးရသစ်မှာ တိုင်းရင်းသားနဲ့ အမျိုးသမီး မပါ

ပြည်ထောင်စု အစိုးရသစ် ဖွဲ့စည်းဖို့အတွက် နိုင်ငံတော် သမ္မတက ၀န်ကြီးခန့်အပ်မယ့် အမည်စာရင်း တင်သွင်းရာမှာ မကြာမီက စစ်တပ်ကနေ အရပ်ဘက် ပြောင်းထားသူတွေနဲ့ စစ်တပ်က အရာရှိတွေ အများစုဖြစ်ပြီး တိုင်းရင်းသားတွေနဲ့ အမျိုးသမီးတွေ ပါဝင်တာ မတွေ့ရပါဘူး။ ဒီလို မပါဝင်တာကြောင့် ပြည်ထောင်စုဆိုတဲ့ အနှစ်သာရနဲ့ အမျိုးသမီးတွေ အပေါ်မှာ ခွဲခြားဆက်ဆံမှု မရှိဘူးဆိုတဲ့ အဓိပ္ပာယ်တွေဟာ အားနည်းချက်တွေ ရှိနေတယ်လို့ သုံးသပ်ချက်တွေ ထွက်ပေါ်နေပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။ မကြာမီ ဖွဲ့စည်းတော့မယ့် ပြည်ထောင်စု အစိုးရသစ်ရဲ့ ၀န်ကြီးဌာန ၃၄ နေရာအတွက် ၀န်ကြီး ၃၀ ရဲ့ အမည်စာရင်းကို မနေ့က နိုင်ငံတော်သမ္မတ ဦးသိန်းစိန်က လွှတ်တော်မှာ တင်သွင်းခဲ့ပါတယ်။ ဒီလို တင်သွင်းလိုက်တဲ့ အမည်စာရင်းမှာ မကြာမီက အရပ်ဘက် ပြောင်းထားတဲ့ စစ်တပ်က ထိပ်တန်း အရာရှိတွေနဲ့ လက်ရှိ တာဝန်ထမ်းဆောင်နေတဲ့ စစ်တပ်က အရာရှိတွေ အများစုဖြစ်ပြီး တိုင်းရင်းသားနဲ့ အမျိုးသမီး အမည်တွေတော့ ပါဝင်တာ မတွေ့ရဘူးလို့ ပြည်ထောင်စုလွှတ်တော်မှာ တက်ရောက်နေတဲ့ ကိုယ်စားလှယ်တွေက ပြောပါတယ်။
ဒီလို မပါဝင်တဲ့အပေါ်မှာ ရှမ်းတိုင်းရင်းသားများ ဒီမိုကရက်တစ် ပါတီက ပြည်သူ့လွှတ်တော် ကိုယ်စားလှယ် ဦးစိုင်းဆောင်ဆီက အခုလို ပြောပါတယ်။
“မျှမျှတတ လှပတဲ့ ပုံရိပ်လေး ဖော်ချင်ရင်တော့ ပါသင့်တာပေါ့လေ။ ဒါပေမဲ့လည်း ကျနော်တို့ အနေနဲ့ကတော့ မပါတဲ့ အတွက်လည်း ကျနော်တို့ ရှေ့လုပ်ရမယ့် အလုပ်မှာ အားတွေ မလျော့သွားပါဘူး။ ပုံသဏ္ဌာန်အားဖြင့်တော့ မတင့်တယ်ပေမဲ့ ကျနော်တို့ရဲ့ စိတ်ဓာတ်ပိုင်းကတော့ မကျသွားပါဘူး။”
ပြည်ပရောက် UNLD ခေါ် ပြည်ထောင်စု တိုင်းရင်းသားများ ဒီမိုကရေစီ အဖွဲ့ချုပ်ရဲ့ ဥက္ကဋ္ဌလည်းဖြစ်၊ ၁၉၉၀ ရွေးကောက်ပွဲမှာ ဖယ်ခုံမြို့နယ်က ရွေးချယ်ခံရတဲ့ ပြည်သူ့လွှတ်တော် ကိုယ်စားလှယ်လည်းဖြစ်တဲ့ ဦးခွန်မားကိုဘန်ကတော့ သူ့အမြင်ကို အခုလို ပြောပါတယ်။
“ပြည်ထောင်စု သမ္မတ မြန်မာနိုင်ငံတော်လို့ ခေါ်ပေမဲ့ တကယ်တမ်းကျတော့ တပြည်ထောင်စနစ်ပါပဲ။ တပြည်ထောင်စနစ် ဖြစ်တဲ့အပြင်မှာ တကယ် ဖက်ဆစ် စစ်အာဏာရှင်စနစ်လည်း ဖြစ်တယ်။ ဒါကြောင့် ကျနော်တို့ တိုင်းရင်းသား မပါဘူးဆိုတာ ဘာမှ အံ့သြစရာ မရှိဘူး။ သူတို့ပဲ အကုန်လုံး သိမ်းကြုံး နေရာယူမှာပဲ။ သူတို့ တိုင်းရင်းသား အရေးကို ဖော်ဆောင်မှာလည်း မဟုတ်ဘူး။ ဘာဖြစ်လို့လဲဆိုတော့ နအဖ စစ်အုပ်စုရဲ့ အစိုးရကလည်း ပြည်သူတရပ်လုံးကို ကျွန်ပြုဖို့နဲ့ တိုင်းရင်းသား လူမျိုးစုတွေကို မျိုးဖြုတ်ဖို့အတွက် အစီအစဉ်ရှိရှိနဲ့ သူတို့ လုပ်ဆောင်သွားမယ်လို့ ကျနော် အဲဒီလိုပဲ မြင်ပါတယ်။”
လက်ရှိဖြစ်ပေါ်လာမယ့် အစိုးရကလည်း ဗိုလ်ချုပ်မှူးကြီး သန်းရွှေရဲ့ ရုပ်သေးအစိုးရပဲ ဖြစ်မယ်လို့ ဦးခွန်မားကိုဘန်က ဆက်ပြောပါတယ်။
ဝန်ကြီးခန့်အပ်မယ့် စာရင်းမှာ အမျိုးသမီးအမည် မပါတဲ့ အပေါ်မှာတော့ အမျိုးသား ဒီမိုကရေစီ အင်အားစု ပါတီက အမျိုးသားလွှတ်တော် ကိုယ်စားလှယ် ဒေါ်ခင်ဝိုင်းကြည်က အခုလို သုံးသပ်ပါတယ်။
“အမျိုးသမီးတွေ အနေနဲ့ အရင်ကထက်စာရင် နိုင်ငံရေးမှာ ပိုပြီးတော့ ပါဝင် ပတ်သက်လာတာတွေ များတယ်ပေါ့။ များတယ်ဆိုတာ လွှတ်တော်ကိုယ်စားလှယ် နေရာ၊ အရင်တုန်းက ၁၀ နေရာကျော်ကျော်လား မသိဘူး။ အခုကျတော့ ၂၂ နေရာတောင် ရတယ်လေ၊ အမျိုးသမီးတွေက။
“၀န်ကြီးရာထူးထဲမှာ အမျိုးသမီး မပါတာက အမျိုးသားတွေနဲ့ လောလောဆယ် လက်ရှိ ထမ်းဆောင်နေတဲ့ လူတွေကတော့ လုပ်ငန်းမှာ ဖြစ်တည်ဆဲပေါ့၊ အဲတော့ သူတို့က ပိုပြီးတော့ အံဝင်ခွင်ကျနဲ့ အမျိုးသမီးတယောက်ကို ထည့်လိုက်တာထက် သူတို့က ပိုပြီးတော့ ဆောင်ရွက်နိုင်မယ့်၊ ကျွမ်းကျွမ်းကျင်ကျင် တာဝန်ယူနိုင်မယ့် အနေအထား ရှိတယ်။ အမျိုးသမီးတွေထဲကတော့ ကိုယ်စားလှယ်တွေ ပါတာတော့ ပါတယ်လေ။ ဒါပေမဲ့ အဲဒီလောက်ကြီး အထိတော့ အခု လောလောဆယ်မှာ အဲဒီလောက် တာဝန်ယူနိုင်ဖို့အကြောင်း သိပ်ပြီးတော့ သဟဇာတ မဖြစ်လှသေးဘူးလို့ ထင်တယ်လေ။”
ဒေါ်ခင်ဝိုင်းကြည်က ၀န်ကြီးနေရာတွေမှာ အမျိုးသမီးတွေ မခန့်ထားပေမဲ့ တခြား အရေးပါတဲ့ ရေးရာဌာနတွေမှာ အမျိုးသမီးတွေကို သင့်တော်သလို ဆက်လက်ခန့်ထားမယ်လို့ မျှော်လင့်ကြောင်း ပြောပါတယ်။
အမျိုးသမီးရေး ဆောင်ရွက်နေတဲ့ ပြည်ပအခြေစိုက် အမျိုးသမီးများ အဖွဲ့ချုပ် (မြန်မာနိုင်ငံ) ရဲ့ အထွေထွေ အတွင်းရေးမှူး ဒေါ်တင်တင်ညိုကတော့ အရင်အစိုးရတွေ အနေနဲ့ အမျိုးသမီးတွေကို နိုင်ငံရေးမှာ နေရာမပေးခဲ့သလို အသစ်ဖွဲ့စည်းလာမယ့် အစိုးရမှာလည်း အစီအစဉ် မရှိသေးဘူးဆိုတာ ပြသနေတာ ဖြစ်တယ်လို့ ပြောပါတယ်။
“အမျိုးသမီးတွေရဲ့ ပါဝင်မှုပေါ့၊ နိုင်ငံရေးအရ ပါဝင်လာမယ့် အနေအထား တခုကို လက်ရှိ တာဝန်ယူ အုပ်ချုပ်နေတဲ့ အစိုးရက လိုက်ပြီးတော့ လုပ်ဆောင်ပေးတာမျိုးတွေ မရှိဘူး။ အထူးသဖြင့်တော့ အမျိုးသမီးတွေက ဦးဆောင်မှု အပိုင်းမှာ ပါလာရမယ်ဆိုတဲ့ အနေအထားမျိုး တခုကို သူတို့ အနေနဲ့က စဉ်းစားထားချက်မှာ မပါခဲ့ဘူး။ ဘယ်တုန်းကမှလည်း မပါခဲ့ဘူးဆိုတဲ့ အနေအထားမျိုး ဖြစ်တယ်။ အဲဒီအပိုင်းလည်းပဲ သူတို့ ဖွဲ့စည်းပုံ အခြေခံဥပဒေကို ရေးဆွဲခဲ့တယ်။
“အခုအချိန်မှာလည်း ၀န်ကြီးစာရင်းထဲမှာ အမျိုးသမီးတွေ မပါလာဘူး ဆိုတာက အမျိုးသမီးတွေ ကိုယ်တိုင်က အရည်အချင်း မရှိလို့ မဟုတ်ဘဲနဲ့ အစိုးရကနေပြီးတော့ အမျိုးသမီးတွေ ပါရမယ်ဆိုတဲ့ ပုံစံမျိုးတခုဖြစ်အောင် လုပ်ဆောင်ပေးတဲ့ အနေအထားမျိုး မရှိသလို ဆက်ပြီးတော့ လုပ်ဆောင်သွားမယ် ဆိုတဲ့ ပုံစံမျိုးကလည်း မရှိဘူးဆိုတာ အရမ်းကို ပေါ်လွင်ပါတယ်။”
နိုင်ငံတော် သမ္မတက အမည်စာရင်း တင်သွင်းထားတဲ့ ၀န်ကြီးတွေကို မနက်ဖြန်မှာ ပြည်ထောင်စုလွှတ်တော်က အတည်ပြုမှာ ဖြစ်ပါတယ်။ အမည်စာရင်း တင်သွင်းခံရသူ တဦးဦးကို ကန့်ကွက်မယ်ဆိုရင် ခိုင်လုံတဲ့ အထောက်အထားနဲ့ ကန့်ကွက်ရမှာ ဖြစ်ပါတယ်။ ဒီလို အမည်စာရင်း တင်သွင်းတာနဲ့ အတည်ပြုတာဟာ တရက်ပဲခြားတာ ဖြစ်တဲ့အတွက် ကန့်ကွက်မယ် ဆိုရင်တောင် အထောက်အထားရှာဖို့ အခက်အခဲ ရှိနေတယ်လို့ ပြည်ထောင်စုလွှတ်တော် ကိုယ်စားလှယ် တချို့က ပြောကြပါတယ်။

sources: : voa

Wednesday, February 9, 2011

လူ့အခွင့်အရေး တိုးတက်မှုတွေ ရှိလာဖို့ ပိတ်ဆို့မှု ဆက်ထားရှိမည်

မြန်မာနိုင်ငံတွင်း စီးပွားရေး အကျပ်အတည်းတွေဟာ အနောက်နိုင်ငံတွေရဲ့ အရေးယူ ပိတ်ဆို့မှုကြောင့် မဟုတ်ဘဲ အစိုးရရဲ့ မှားယွင်းတဲ့ မူဝါဒတွေကြောင့်သာ ဖြစ်တယ်လို့ အမျိုးသား ဒီမိုကရေစီ အဖွဲ့ချုပ်က ထုတ်ပြန်လိုက်ချိန်မှာ အမေရိကန် ပြည်ထောင်စုကတော့ မြန်မာနိုင်ငံအပေါ် အရေးယူ ပိတ်ဆို့မှုတွေကို ဆက်လက် ထားရှိသွားမယ်လို့ ပြောလိုက်ပါတယ်။ အခုလို အရေးယူမှုတွေဟာ မြန်မာနိုင်ငံတွင်း အမျိုးသား ပြန်လည်သင့်မြတ်ရေး အတွက် ရည်ရွယ်တယ်လို့ ဆိုပါတယ်။ အပြည့်အစုံကို ဆက်သွယ်မေးမြန်းထားတဲ့ ကိုသားညွန့်ဦးက တင်ပြပေးထားပါတယ်။ မြန်မာနိုင်ငံတွင်း အပြောင်းအလဲတွေ မယ်မယ်ရရ မတွေ့ရသေးတာကြောင့် အမေရိကန် ပြည်ထောင်စု အနေနဲ့ နဂိုချမှတ်ထားတဲ့ မြန်မာနိုင်ငံအပေါ် အရေးယူ ဒဏ်ခတ်မှုတွေကို ရုတ်သိမ်းဖို့ မရှိသေးဘူးလို့ တုံ့ပြန်ခဲ့တာပါ။ မြန်မာနိုင်ငံအပေါ် အနောက်နိုင်ငံတွေရဲ့ အရေးယူ ဒဏ်ခတ်မှုတွေကို ကြည့်ရင် အမေရိကန် ပြည်ထောင်စုက လက်ရှိ ချမှတ်ထားတာဟာ အပြင်းထန်ဆုံးလို့ ပြောရမှာပါ။
အထူးသဖြင့် စစ်အစိုးရ စစ်တပ် အကြီးအကဲတွေနဲ့ သူတို့ မိသားစုဝင်တွေ၊ သူတို့နဲ့ နီးစပ်တဲ့ စီးပွားရေးသမားတွေကို ပစ်မှတ်ထားပြီး ငွေကြေးနဲ့ ခရီးသွားလာခွင့် ပိတ်ဆို့ အရေးယူထားတာတွေ ပိုပြီး ထိရောက်တယ်လို့ အတိုက်အခံ ဒီမိုကရေစီ အင်အားစု အတော်များများက ယူဆပါတယ်။ ဒါပေမဲ့လည်း ရင်းနှီးမြှုပ်နှံမှုတွေ မလုပ်ဖို့ တားမြစ်တဲ့ အရေးယူမှုဟာ မြန်မာလူထုကို ထိခိုက်စေသလို ပစ်မှတ်ထား အရေးယူမှုဟာလည်း ထင်သလောက် ထိရောက်မှု မရှိဘူးလို့ ဝေဖန်သံတွေလည်း အတော် ကျယ်လောင်ခဲ့ပါတယ်။
အမျိုးသား ဒီမိုကရေစီ အဖွဲ့ချုပ်ကတော့ မြန်မာ့စီးပွားရေး အကျပ်အတည်းတွေဟာ ဒီ အရေးယူ ဒဏ်ခတ်မှုတွေကြောင့် မဟုတ်ဘဲ စစ်အစိုးရ ကိုယ်တိုင်ရဲ့ မူဝါဒ လမ်းညွှန်မှုတွေကြောင့်သာ ဖြစ်တယ်လို့ အပြစ်တင်ပါတယ်။
အမေရိကန် ပြည်ထောင်စု အနေနဲ့တော့ လက်ရှိ မြန်မာနိုင်ငံမှာ အပြောင်းအလဲတွေ ဖြစ်လာအောင် ဖိအားပေးဖို့ အရေးယူမှုတွေကို ဆက်ထားရှိမှာ ဖြစ်တယ်လို့ အမေရိကန် နိုင်ငံခြားရေးဌာန အရာရှိတဦးက ဗွီအိုအေ မြန်မာပိုင်းကို ပြောပါတယ်။
“မြန်မာအာဏာပိုင်တွေ အနေနဲ့ ထင်သာမြင်သာတဲ့ အရေးယူ ကိုင်တွယ်ဖြေရှင်းမှုတွေ လုပ်ဆောင်ဖို့ ဖိအားပေးတဲ့ အနေနဲ့ ဒီ အရေးယူ ဒဏ်ခတ်မှုတွေကို ဆက်ထားရှိပါမယ်။ အမျိုးသား ပြန်လည်သင့်မြတ်ရေး အတွက် နိုင်ငံရေး အကျဉ်းသားတွေ လွှတ်ပေးဖို့၊ အတိုက်အခံ ဒီမိုကရေစီ အင်အားစုတွေ၊ တိုင်းရင်းသား ခေါင်းဆောင်တွေနဲ့ စစ်မှန်တဲ့ တွေ့ဆုံညှိနှိုင်းမှုတွေ လုပ်ဖို့ နိုင်ငံတကာ အသိုင်းအ၀ိုင်းနဲ့ အမေရိကန် ပြည်ထောင်စုတို့က လိုလားပါတယ်။”
ဒါပေမဲ့လည်း အရေးယူမှုကြောင့် လူထုကို ဘယ်လောက် ထိခိုက်စေသလဲ ဆိုတာတွေကိုလည်း အမေရိကန် ပြည်ထောင်စု အနေနဲ့ မပြတ် အမြဲတမ်း လေ့လာနေတယ်လို့လည်း ပြောပါတယ်။
“ပိတ်ဆို့အရေးယူ ဒဏ်ခတ်မှုဟာ ဘယ်လောက်အထိ ထိရောက်သလဲ ဆိုတာနဲ့ ဘယ်လောက်အထိ ထိခိုက်စေသလဲ ဆိုတာတွေကို ဒီမိုကရေစီ အတိုက်အခံ အုပ်စုတွေ၊ တိုင်းရင်းသား လူနည်းစုတွေနဲ့ နိုင်ငံတကာ အသိုင်းအ၀ိုင်းတွေနဲ့ ပုံမှန်မပြတ် ဆွေးနွေးတိုင်ပင်မှု ရှိပါတယ်။”
တကယ်တော့ လွှတ်တော်တွင်း ၀င်ရောက်တဲ့ နိုင်ငံရေးပါတီ အတော်များများ၊ ကိုယ်စားလှယ် အတော်များများက စီးပွားရေး ပိတ်ဆို့မှုတွေကို ပြန်လည်စဉ်းစားဖို့ ပန်ကြားထားတာပါ။
USCB အမေရိကန် ပြည်ထောင်စု အခြေစိုက် မြန်မာ့အရေး လှုပ်ရှားမှုအဖွဲ့ အမှုဆောင် ညွှန်ကြားရေးမှူး ကိုအောင်ဒင်ကတော့ တိုင်းပြည် စီးပွားရေး ပြဿနာကို ကြည့်မယ်ဆိုရင် စီးပွားရေး ပိတ်ဆို့မှု တခုတည်းကို ဇောင်းပေးပြောဆိုနေတာ မလုပ်သင့်ဘူးလို့ ဝေဖန်ပါတယ်။
“တကယ့် တိုင်းပြည်ရဲ့ ပြဿနာတွေကို သေချာစဉ်းစား သုံးသပ်ပြီး မှန်မှန်ကန်ကန် ဆုံးဖြတ်ဖို့ လိုပါတယ်။ တကယ်ကိုပဲ လူထုအကျိုးစီးပွား ဦးစားပေးကြမယ်ဆိုရင်၊ လက်ရှိကာလမှာ နအဖ စစ်အုပ်စုရဲ့ မတရားသဖြင့် အာဏာကို သိမ်းပိုက်ထားမှုတွေ၊ မမျှမတ စီမံခန့်ခွဲမှုတွေ၊ ကိုယ်ကျိုးရှာမှုတွေ၊ လာဘ်စားမှုတွေ စသဖြင့်ပေါ့၊ အလွဲသုံးစား လုပ်မှုတွေ၊ မှန်ကန်တဲ့ ဥပဒေ ပြဋ္ဌာန်းချက်တွေ မရှိတာ၊ ဒါတွေအားလုံးက တိုင်းပြည်ရဲ့ စီးပွားရေး ချွတ်ခြုံကျမှုကို ဦးဆောင်နေတာပါ။
“တိုင်းပြည်ရဲ့ စီးပွားရေး ပြဿနာကို ကြည့်မယ်ဆိုရင် Sanction ကို အဓိကထား ကြည့်ရမယ့်အစား ပြည်တွင်းမှာ ဖြစ်ပေါ်နေတဲ့ မတရားမှုတွေ၊ ပြဿနာတွေကို အရင်ဆုံး အဖြေရှာရမှာပါ။ အဲဒီလို အဖြေရှာဖို့အတွက် သူတို့ကိုယ်နှိုက်က နအဖစစ်အုပ်စုကိုရော၊ အခုတက်လာမယ့် ပုံသဏ္ဌာန် ပြောင်းသွားမယ့် အစိုးရသစ်ကိုရော ပွင့်ပွင့်လင်းလင်း ဝေဖန် ထောက်ပြဖို့ လိုပါတယ်။ အဲဒီလို ပြည်တွင်းမှာတော့ တကယ်တမ်း တာဝန်ရှိတဲ့ စစ်အုပ်စုကို တိုက်ရိုက် မပြောရဲဘဲနဲ့ နိုင်ငံတကာ Sanction တွေကို လာပြီး ဦးစားပေးနေမယ်ဆိုရင် သူတို့ရဲ့ လူထုအပေါ် သစ္စာရှိတယ်၊ ယုံကြည်တယ်ဆိုတဲ့ အချက်အလက်တွေကတော့ အင်မတန် သံသယရှိစရာ ဖြစ်ပါလိမ့်မယ်။”
အမျိုးသား ဒီမိုကရေစီ အဖွဲ့ချုပ်ရဲ့ မနေ့က ထုတ်ပြန်ချက်မှာတော့ အရေးယူ ဒဏ်ခတ်မှုရဲ့ ရိုက်ခတ်မှုတွေကို လေ့လာသုံးသပ်ရာမှာ စီးပွားရေး ပိတ်ဆို့မှုတွေကို ဝေဖန်တာတွေဟာ တိုင်းပြည်အတွင်း လတ်တလော ဖြစ်နေတဲ့ အဓိက ပြဿနာရပ်တွေကနေ အာရုံလွှဲမှု ဖြစ်စေတယ်လို့ သုံးသပ်ပါတယ်။ စီးပွားရေး ပိတ်ဆို့မှုတွေဟာ တောင်းဆိုချက်တွေကြောင့် မဟုတ်ဘဲ သက်ဆိုင်ရာ နိုင်ငံတွေရဲ့ စဉ်းစား ဆုံးဖြတ်ချက်သာ ဖြစ်တယ်လို့လည်း ထောက်ပြသလို အဲဒီနိုင်ငံတွေက စိုးရိမ်နေတဲ့ မြန်မာနိုင်ငံတွင်း ပြဿနာရပ်တွေကို ကိုင်တွယ် ဖြေရှင်းခြင်းကသာ ပိတ်ဆို့မှုတွေကို ဖယ်ရှားနိုင်မယ်လို့ ဆိုပါတယ်။ ဒီအခြေအနေတွေ အတွက်လည်း စီးပွားရေး ပိတ်ဆို့မှု လုပ်ထားတဲ့ သက်ဆိုင်ရာ နိုင်ငံတွေနဲ့ ညှိနှိုင်းဆွေးနွေးမှုတွေ လုပ်ဖို့ အမျိုးသား ဒီမိုကရေစီ အဖွဲ့ချုပ်က အာဏာပိုင်တွေကို တောင်းဆိုထားပါတယ်။

sources: :VOA

Tuesday, February 8, 2011

နွေရာသီ ရေအားနည်းလာချိန်တွင် လျှပ်စစ်မီးပုံမှန် ပေးနိုင်ရေးအတွက် သဘာဝဓာတ်ငွေ့နှင့် ရေနွေးငွေ့ဓာတ်အားပေး စက်ရုံများ စွမ်းအားပြည့် ပုံမှန်လည်ပတ်နိုင်ရန် ပုဂ္ဂလိကပိုင်းနှင့် ပူးပေါင်းဆောင်ရွက်မည်


61910 နွေရာသီရေနည်းလာချိန်တွင် သဘာဝဓာတ်ငွေ့နှင့် ရေနွေးငွေ့ဓာတ် အားပေးစက်ရုံများ စွမ်းအားပြည့်ပုံမှန် လည်ပတ်နိုင်ရန် ပုဂ္ဂလိကပိုင်းနှင့် ပူးပေါင်းဆောင်ရွက်သွားမည် ဖြစ်ကြောင်း ဓာတ်ငွေ့/ရေနွေးငွေ့စက်ရုံများနှင့် မဟာဓာတ်အားလိုင်းများတွင် အသုံးပြုနေသော စက်အရန်ပစ္စည်းများနှင့် စက်အစိတ်အပိုင်းများ ပြသပွဲတွင် တာဝန်ရှိသူတစ်ဦးက ပြောကြားခဲ့သည်။
လျှပ်စစ်ဓာတ်အား ထုတ်လုပ်ဖြန့်ဝေရာတွင် အရေးပါသည့် ဓာတ်ငွေ့ဓာတ်အားပေးစက်ရုံများ၊ ရေနွေးငွေ့ဓာတ်အားပေးစက်ရုံများ စွမ်းအားပြည့်ပုံမှန်လည်ပတ်နိုင်ရန် ထိန်းသိမ်းခြင်းနှင့် ပြုပြင်မှုများအတွက် ပြည်ပ မှ စက်အရန်ပစ္စည်းများကိုသာ ၀ယ်ယူအသုံးပြုနေရကြောင်း၊ထို့ကြောင့် ပြည်ပမှဝယ်ယူအသုံးပြုနေရသည့် စက်အရန်ပစ္စည်းများကို ပြည်တွင်း ပုဂ္ဂလိကပိုင်းမှအဆင့်မီစွာ ထုတ်လုပ် နိုင်ရန်လိုကြောင်း၊ အရည်အသွေးမီ ထုတ်လုပ်နိုင်သည့် ပြည်တွင်းဖြစ်များကို ဓာတ်အားပေးစက်ရုံများ၌ အသုံးပြုခွင့်ပေးရန်ရှိကြောင်း၊ လတ်တလောပြည်တွင်း၌ မထုတ်လုပ်နိုင်သေးသည့် အရည်အသွေးမြင့်အထူး Spare Parts များကိုလည်း ခွဲခြားရွေးချယ်စီမံ အသုံးပြုနိုင်ရန် ပုဂ္ဂလိကပိုင်း နှင့် ပူးပေါင်းဆောင်ရွက်သွားမည် ဖြစ်ကြောင်း သိရှိရသည်။
"သဘာဝဓာတ်ငွေ့သုံးဓာတ် အားပေးစက်ရုံတွေနဲ့ရေနွေးငွေ့သုံး ဓာတ်အားပေးစက်ရုံမှာ အသုံးပြုနေတဲ့ တာဘိုင်တချို့ကြံ့ခိုင်မှုမပြည့်တာကြောင့် မလည်ပတ်နိုင်တာတွေ ရှိပါတယ်။ သဘာဝဓာတ်ငွေ့သုံး တာဘိုင်တွေ စက်စွမ်းအားပြည့် လည်ပတ်နိုင်ခဲ့ရင် မဂ္ဂါဝပ်စုစုပေါင်း ၇၀၀ ကျော်အထိ ထုတ်လုပ်လာနိုင်မှာဖြစ်ပါတယ်။ နောက်ပိုင်းနွေရာသီရောက်လို့ ရေးအားနည်းလာတဲ့အချိန်မှာ ဒီတာဘိုင်တွေစွမ်းအားပြည့် လည်ပတ်နိုင်ဖို့ ပုဂ္ဂလိကပိုင်းကို ဖိတ်ခေါ်ပြီး ဆောင်ရွက်နေတာဖြစ်ပါတယ်" ဟု ဓာတ်ငွေ့/ရေနွေးငွေ့စက်ရုံများ နှင့် မဟာဓာတ်အားလိုင်းများတွင် အသုံးပြုနေသော စက်အရန်ပစ္စည်း များနှင့် စက်အစိတ်အပိုင်းများပြသပွဲတွင် တာဝန်ရှိသူတစ်ဦးက ပြောကြားခဲ့သည်။
နွေရာသီရေနည်းချိန်တွင် Gas Turbineနှင့် Steam Turbine ဓာတ်အားပေးစက်ရုံများသည် လျှပ်စစ်ဓာတ်အား ထုတ်လုပ်ရေးအတွက် အဓိက အားထားရာဖြစ်ပြီး အဆိုပါ ဓာတ်အားပေးစက်ရုံများ ပုံမှန်လည်ပတ်နိုင်ခြင်း မရှိပါက လျှပ်စစ်မီးပေး ဝေရာတွင်လျော့ကျသွားလေ့ရှိကြောင်း၊ ထို့ကြောင့်လိုအပ်သော လျှပ်စစ်ဓာတ်အားများ ထုတ်လုပ်ပေးနိုင်ရန်ရေအားလျှပ်စစ် ဓာတ်အားပေးစက်ရုံများနှင့် အတူ သဘာဝဓာတ်ငွေ့နှင့်ရေနွေးငွေ့ ဓာတ်အားပေးစက်ရုံများ ကွန်ရက်ချိန်ဆက်ပူးပေါင်း လည်ပတ်လျက်ရှိကြောင်း သိရသည်။
ရန်ကုန်မြို့၏ လျှပ်စစ်စွမ်းအင် လိုအပ်ချက်မှာ တစ်နှစ်လျှင် ၁၀ ရာ ခိုင်နှုန်းဝန်းကျင် တိုးလာကြောင်း၊ ရန်ကုန်မြို့ရှိ စက်ရုံအလုပ်ရုံများ၊ အထပ်မြင့် အဆောက်အအုံများနှင့် လျှပ်စစ်စွမ်းအင်ကို အဓိကအသုံးပြု ကြသော မြို့နေပြည်သူများကြောင့် စွမ်းအင်လိုအပ်ချက်မှာ တိုးလာရခြင်း ဖြစ်ကြောင်း သိရှိရသည်။
လက်ရှိဓာတ်အားစနစ်တွင် လျှပ်စစ်ဓာတ်အား အပြည့်အ၀ပေးနိုင်ရန် လိုအပ်ချက်ပမာဏမှာ ၁၅၅၅ ဒသမ ၂၅ မဂ္ဂါဝပ် ဖြစ်ကြောင်း၊ မြန်မာနိုင်ငံတွင် လျှပ်စစ်ဓာတ်အား သုံးစွဲသူများအတွက် လျှပ်စစ်ဓာတ် အားအပြည့်အ၀ပေးနိုင်ရန် လိုအပ်ချက်ပမာဏမှာ ၁၅၅၅ ဒသမ ၂၅ မဂ္ဂါဝပ်ဖြစ်သည်။
မြန်မာနိုင်ငံ၌ လက်ရှိအချိန်တွင် ရေအားလျှပ်စစ်ဓာတ်အားပေး စက်ရုံ ၁၅ ရုံ၊ ကျောက်မီးသွေးသုံး ဓာတ်အားပေးစက်ရုံ တစ်ရုံနှင့် သဘာဝ ဓာတ်ငွေ့သုံး ဓာတ်အားပေးစက်ရုံ ၁၅ ရုံ၊ စုစုပေါင်း ဓာတ်အားပေး စက်ရုံ ၃၁ ရုံမှ စုစုပေါင်းစက်တပ်ဆင်အား ၃၀၄၅ မဂ္ဂါဝပ် ထုတ်လုပ်နိုင်ပြီဖြစ်ကြောင်း သိရသည်။

sources: : www.first-11.com

Monday, February 7, 2011

တရားမ၀င် ပြည်ပအလုပ်အကိုင် အေးဂျင့် ၂၀ ကျော်ကို ဖမ်းဆီးထား

ပြည်ပအလုပ်အကိုင် လုပ်ကိုင်ခွင့်မရှိသော တရားမ၀င်အေးဂျင့် ၂၀ ကျော်ကို ဇန်န၀ါရီ နောက်ဆုံးပတ်က ဖမ်းဆီးထိန်းသိမ်းထားကြောင်း သိရသည်။ မကြာသေးမီအချိန်က မလေးရှားသို့ ဗီဇာအတု၊ စာရွက်စာတမ်း အတုများဖြင့် စေလွှတ်ခံရသူ မြန်မာအလုပ်သမား ၈၀ ကို ရန်ကုန်အပြည်ပြည်ဆိုင်ရာ လေဆိပ်တွင် တွေ့ရှိခဲ့သည့် ဖြစ်ရပ်အပြီး ရန်ကုန်ရှိ ပြည်ပအလုပ်အကိုင် အေးဂျင့်များကို သက်ဆိုင်ရာ ဗဟိုစုံစမ်းစစ်ဆေးရေး အဖွဲ့က လိုက်လံစစ်ဆေးရာမှ တရားမ၀င်အေးဂျင့်များကို ယခုကဲ့သို့ တွေ့ရှိရခြင်း ဖြစ်သည်ဟု ရန်ကုန်ရှိ တရားဝင်လိုင်စင် အေးဂျင့်တစ်ခုက ပြောသည်။ “ဗီဇာအတုနဲ့ မြန်မာလုပ်သားတွေ စေလွှတ်ခံရတဲ့ ကိစ္စမှာ ရန်ကုန်က အေးဂျင့် ၁၂ ခုနဲ့ ပတ်သက်နေတာကို တွေ့ရလို့ အခုလို အေးဂျင့်တွေကို သက်ဆိုင်ရာက လိုက်လံ စစ်ဆေးနေတာပါ။ အခုဆို အလုပ်သမားဝန်ကြီးဌာနက ရန်ကုန်မှာရှိတဲ့ အေးဂျင့်တွေ အားလုံးကို မှန်မှန်ကန်ကန် ၀န်ဆောင်မှုပေးဖို့၊ ချမှတ်ထားတဲ့ စည်းကမ်းတွေအတိုင်း လိုက်နာဖို့ အကြောင်းကြားထား ပါတယ်”ဟု ရန်ကုန်ရှိ တရားဝင်အေးဂျင့် တစ်ခုမှ တာဝန်ရှိသူတစ်ဦးက ပြောကြားခဲ့ကြောင်း ၂၀၁၁ ခုနှစ် ဖေဖော်ဝါရီလ ၈ ရက်နေ့ထုတ် Flower News ဂျာနယ်တွင် ဖော်ပြထားပါသည်။

အာရပ်ကမ္ဘာမှ ကဗျာဆန်သော ဖီဆန်မှု


တူနီးရှားဇာတ်လမ်းပမာက အဆုံးမသတ်သေး။ စံပယ်ဖြူဟု ခေါ်သော ဒီဖြစ်စဉ်သည် အခြေခံကျသော အပြောင်းအလဲကို ဆောင်ကျဉ်းပေးမည်လား၊ အပြင်ပန်း ပြင်ဆင်မွမ်းမံထားသည့် ဒုံရင်းထက် သာရုံ ဒီမိုကရေစီ
အမည်ခံတစ်ခုကိုပဲ မွေးဖွားပေးမည်လား၊ တစ်ဦး တစ်ယောက်ကသာ ချုပ်ကိုင်သည့် အာဏာပိုင် စနစ်သစ်ကိုပဲ ထပ်မံ မွေးဖွားပေးမည်လား ဆိုခြင်းကတော့ မသေချာသေး။ သို့ပေမဲ့ တူနီရှား ဂယက်ကတော့ အာရပ်
အိမ်နီးချင်းတွေထံ ပျံ့နှံ့သွားခဲ့ပြီ ဖြစ်သည်။ အီဂျစ်၊ ဂျော်ဒန်၊ ယီမင်၊ အယ်လ်ဂျီးရီးယား၊ လစ်ဗျား၊ မော်ရူတေးနီးယား၊ ဆူဒန်၊ အိုမန် စသဖြင့်။ ငြိမ်သက်နေသော ကန်ရေပြင်ထက် ခဲတစ်လုံး ပစ်ချလိုက်သလို ဖြစ်သည်။ ဂယက်တွေ၊ ဂယက်တွေက တစ်ခုမကတော့။ သူတို့ဆီမှာတော့ Domino Effect ဟု ရည်ညွှန်းကြသည်။ တစ်ခုလဲသည်နှင့် လိုက်လဲကြသည့် ဒိုမီနိုတုံးကလေးတွေလို ဖြစ်သည်။
ဒေသဆိုင်ရာ အဆင့်က ဖြစ်ခဲ့သော တစ်စုံတစ်ရာသည် ယိုင်နဲ့နေသော အာရပ်အာဏာပိုင်စနစ်ကို လှုပ်ခတ်သွားစေခဲ့ပြီး အပြောင်းအလဲ ဆိုသည်မှာ အမှန်တကယ်ရှိသည့် ဝေါဟာရ ဖြစ်ကြောင်း အာရပ်လူငယ် မျိုးဆက်ကို နားလည်စေခဲ့သည်။စိတ်အားထက်သန်မှု အခိုက်အတန့်ကို မြင်ရုံဖြင့်တော့ အာရပ်ကမ္ဘာ တစ်ခုလုံးကို ပြောင်းလဲသွားမည်ဟုတော့ မမျှော်လင့်နိုင်သေး။ ဘာဆက်ဖြစ်မည် ဆိုသည်ကို မင်သက်ပြီး ငေးကြည့်နေရုံသာ။
တူနီးရှားဖြစ်စဉ်ကို ထပ်ကျော့ ကြည့်ရုံဖြင့် အာရပ်ကမ္ဘာက မငြိမ်သက်မှုတွေကို ထပ်တူပြုစဉ်းစားရန်တော့ မဖြစ်နိုင်သေးပေ။ အာရပ်တိုင်းပြည်တိုင်းသည် မတူညီသော နိုင်ငံရေးသမိုင်း၊ ယဉ်ကျေးမှု၊ ကွဲပြားခြားနားသော လူဦးရေ၊ ပထ၀ီအနေ အထားတို့ကို ပိုင်ဆိုင်ထားသည်။ ပညာတတ်များခြင်း၊ လူလတ်တန်းစားများခြင်း၊ နိုင်ငံအရွယ်အစားငယ်ခြင်း၊ ဥရောပနှင့် အဆက်အဆံ ကောင်းခြင်း၊ ဘဏ္ဍာရေး အကျပ်အတည်းနှင့် တိုက်ရိုက်ထိစပ်နေခြင်း စသော စသော အကြောင်းတရား တို့က တူနီရှား၏ အကျိုးတရားကို ကွဲပြားစေသည်။ နောက်တစ်ချက်က အာရပ်အာဏာပိုင်တို့၏ သင်လွယ်တတ်လွယ်ခြင်း ဖြစ်သည်။ စိန်ခေါ်မှုတို့နှင့် ရင်ဆိုင်ရာတွင် အာဏာပိုင်တို့သည် ရှင်ကျန်နိုင်ရေး ကြိုးပမ်းနိုင်စွမ်း ရှိခဲ့ကြပြီး ဖြစ်သည်။ တင်းတင်း ကျပ်ကျပ် ချုပ်ကိုင်ခံခဲ့ရသော တူနီးရှားနှင့် မတူသည်က အီဂျစ်၊ ဂျော်ဒန် တို့သည် ဒီအခြေအနေမျိုးကို ဆယ်စုနှစ်နှင့်ချီ အကြိမ်ကြိမ် ကြုံခဲ့ဖူးပြီး ဖြစ်သလို ကိုင်တွယ်ထိန်းချုပ်နိုင်ခဲ့သည်ကလည်း သဘာရင့်နေပြီ။ တူနီးရှား အလွန် ဆင့်ကဲ့ထွက်ပေါ်လာသော အီဂျစ်ဖြစ်စဉ်သည် ပြင်ပမှသူတို့အဖို့ အံ့ဘနန်း ဖြစ်သော်လည်း ပါလက်စတိုင်း ထောက်ခံမှု၊ အီရတ်စစ်ပွဲ ဆန့်ကျင်မှု ဆန္ဒပြပွဲများ၊ ကီဖာရာ လှုပ်ရှားမှု၊ ဧပြီ ၆ လှုပ်ရှားမှု၊ ရှေ့နေနှင့် တရားသူကြီးများ ဆန္ဒပြမှု၊ အလုပ် သမား မငြိမ်သက်မှုတို့ကို ရင်ဆိုင်ခဲ့ပြီး ဖြစ်သော အီဂျစ်အတွက်တော့ အမျိုးအစားအားဖြင့် မထူး၊ အရွယ်အစားကသာ စောင့်ကြည့်စရာ ဖြစ်သည်။ ဒီအခြေအနေမျိုးသည် ဆယ်စုနှစ်နှင့်ချီ ရုန်းကန်နေရဆဲ ဖြစ်သည့် အခြား အာရပ်နိုင်ငံတို့ အတွက်လည်း ထူးမခြားနား။

ပထမဆုံး ပြိုလဲခဲ့သည့် ဒိုမီနိုတုံးကလေးနောက်က ပြိုမယောင် ဒိုမီနိုတွေကို စောင်းငဲ့ကြည့်နိုင်သည်။ အီဂျစ်သည် တူနီးရှားထက် ရှစ်ဆကြီးသည်။
အာရပ်ကမ္ဘာမှ ဖြစ်စဉ်တွေကို သတ္တုချကြည့်လျှင် တူညီသည့် အချက်တွေကလည်း ရှိနေသည်။ အဓိကမှာ မြင့်တက်လာသော ကုန်ဈေးနှုန်း၊ အလုပ်လက်မဲ့၊ ဆင်းရဲမွဲတေမှု၊ ခြစားမှု၊ လူနည်းစု အလွန်အကျွံ ကောင်းစားမှုတို့ ဖြစ်သည်။ ဖိနှိပ်မှုကတော့ အထွေထူး ပြောရန်မရှိ။ မီဒီယာသစ်ဟု သုံးနှုန်းကြသော အင်တာနက် လူမှုကွန်ရက်တို့သည်လည်း ဂယက်ကို ပျံ့နှံ့စေခြင်းတွင် အရေးပါသော အခန်းမှ အသုံးတော်ခံခဲ့ကြသည်။ တူနီးရှား ဖြစ်စဉ်တွင် လူလတ်တန်းစားတို့၏ အရပ်ရပ် မကျေနပ်မှုတို့က အဓိကကျခဲ့သလို ကျန်နိုင်ငံများတွင်လည်း ထိုနည်းတူ။
ပထမဆုံး ပြိုလဲခဲ့သည့် ဒိုမီနိုတုံးကလေးနောက်က ပြိုမယောင် ဒိုမီနိုတွေကို စောင်းငဲ့ကြည့်နိုင်သည်။ အီဂျစ်သည် တူနီးရှားထက် ရှစ်ဆကြီးသည်။ စာတတ်မြောက်မှုနှုန်း ပိုနိမ့်သလို ဆယ်စုနှစ်သုံးခုပြည့်တော့မည့် မူဘာရက်ဘက်မှာ လက်နက်ကိုင် တပ်ဖွဲ့က အားကောင်းသည်။
အာရပ်ကမ္ဘာ၏ အဆင်းရဲဆုံး ယီမင်မှာတော့ ၃၂ နှစ်ကြာ သမ္မတ ဖြစ်နေသူ ဆာလက်ရှိသည်။ လက်နက်ကိုင်တပ်တွေ အဓိကထားပြီး လစာတွေတိုးပေးဖို့၊ အခြေခံ စားသောက်ကုန်ဈေးတွေ ထိန်းချုပ်ဖို့ လုပ်ပေးမည်ဟု ကတိပြုလိုက်ပြီး ဖိနှိပ်မှုတွေ ကို အားကောင်းကောင်းနှင့် ဆက်လုပ်နေဆဲ ဖြစ်သည်။
၁၉၉၂ ခုနှစ်ကတည်းက အရေးပေါ် အခြေအနေ ကြေညာထားသော အယ်ဂျီးရီးယားကတော့ အတန်ငယ် ပိုလွတ်လပ်သည်။ မီဒီယာ လွတ်လပ်ခွင့် ပိုရှိသလို ပါတီစုံကိုလည်း အတိုင်းအတာတစ်ခုအထိ ခွင့်ပြုပေးထားသည်။
စံချိန်တင် ၄၁ နှစ်နှင့် ကဒါဖီ ကတော့ လစ်ဗျားကို ပိုင်ပိုင်နိုင်နိုင် ချုပ်ကိုင်ထားနိုင်သည်။ လူဦးရေ နည်းသလို ရေနံကြွယ်ဝမှု ရှိပေမဲ့ သူလည်း မငြိမ်သက်မှုတွေတော့ ရင်ဆိုင်နေရဆဲ ဖြစ်သည်။
တော်ဝင်မိသားစုက ချုပ်ကိုင်ထားသော ဂျော်ဒန်ကတော့ ကုန်ဈေးနှုန်း ပြဿနာက စသည့် ဇာတ်လမ်း ဖြစ်နေသည်။ လက်ရှိ အချိန်အထိ ငြိမ်းငြိမ်းချမ်းချမ်းသာ ထုတ်ဖော်ခွင့် ရနေဆဲ ဖြစ်သလို အဖမ်းအဆီး မရှိသေးသည့် ရှားရှားပါးပါးနိုင်ငံဖြစ် နေသည်။
မော်ရိုကိုကတော့ တူနီးရှားနှင့် ခပ်ဆင်ဆင်ပင် အာဏာရ အသိုင်းအ၀ိုင်းအတွင်း ခြစားမှုနှင့် စီးပွားရေး ပြဿနာများက အဓိက ကျနေသည်။ တူနီးရှားလိုပဲ ၀ီကီလိခ် ပေါက်ကြားမှုများမှ ပေါ်ထွက်လာသော အလွဲလုပ်မှုများက မော်ရိုကိုသားတို့ကို အမျက်ထွက်စေခဲ့သည်။
အာရပ်အာဏာပိုင်တို့သည် အတိတ်မှသာ သင်ယူကြသည် မဟုတ်၊ အချင်းချင်းထံမှလည်း သင်ယူမြဲ ဖြစ်သည်။ ပြီးခဲ့သည့်အပတ်က ကျင်းပခဲ့သည့် အာရပ်ထိပ်သီး ဆွေးနွေးပွဲက ဒီအချက်ကို ရှင်းရှင်းလင်းလင်း ပြနေသည်။ အာရပ်ခေါင်းဆောင်တိုင်း သည် (တူနီးရှားမှ) ဘင်အလီ မှားခဲ့သော အမှားမျိုး ထပ်မမှားစေဖို့ ဆုံးဖြတ်ထားကြသည်။ စီးပွားရေး ပြဿနာ၊ ကုန်ဈေးနှုန်းတက်သည့် ပြဿနာတွေကို အလျင်အမြန် ဖြေရှင်းဖို့ အကြောင်း ပြောခဲ့ကြသလို အရှုံးခံ စိုက်ထုတ်မှုတွေ တိုးဖို့လည်း ပြင်ဆင်လိုက်ကြသည်။ မီးရှိန်မကြီးမီ မီးညွန့်ချိုးဖို့က အဓိက ဖြစ်သည်။ သူတို့ သင်ယူလိုက်သည့် သင်ခန်းစာ စစ်စစ်က ဒီမိုကရက်တစ် ပိုဆန်ဖို့ မဟုတ်၊ ပိုမိုမာကျောစွာ တုန့်ပြန်နိုင်ဖို့သာ ဖြစ်သည်။ သူတို့တစ်တွေသည် အမေရိကန်နှင့်ပင် မဟာဗျူဟာမြောက် မိတ်ဖက်ဖွဲ့နိုင်ခဲ့ကြသည့် နိုင်ငံများ မဟုတ်ပါလား။
ဘာပဲဖြစ်ဖြစ် အာရပ်အာဏာပိုင် အများစုသည် ဆက်လက်ကိုင်စွဲနိုင်ဖို့ အခြေအနေကောင်းသည်ဟု ဆိုရမလို ဖြစ်နေသည်။ ရေနံဈေးကကောင်း၊ လုံခြုံရေးနှင့် လက်နက်ကိုင်တပ်ဖွဲ့ တို့ကလည်း သစ္စာခံမြဲခံဆဲ၊ နိုင်ငံတကာကလည်း ၀င်စွက်ဖွယ် မရှိ စသည်စသည်ဖြင့် တူနီးရှားဖြစ်စဉ်သည် တစ်နေရာထဲမှာသာ ဖြစ်နိုင်ကြောင်း အကြောင်းပြစရာတွေ အမြောက်အမြား ပိုင်ဆိုင်ထားသည်။
မည်သို့ပင်ဆိုစေ အာရပ် အခြေအနေသည် သင်္ချာမဟုတ်။ သိပ္ပံပညာ မဟုတ်။ မည်သူမျှ အတိအကျ မဆိုနိုင်။ အီဂျစ်တွင် လုံခြုံရေး တိုးမြှင့်လိုက်သည်။ အယ်လ်ဂျားဇီးယား ရုပ်သံလည်း တင်ဆက်ဖို့ မလွယ်တော့။ ကွန်ရက်သည်လည်း ပိတ်ဆို့ ခံလိုက်ရပြီ။ သို့ပေမဲ့ အီဂျစ်ခေတ်ပြိုင် သမိုင်းတွင် အကြီးကျယ်ဆုံး လှုပ်ရှားမှုများကတော့ ဆက်ရှိနေသည်။ လူတွေ ဆက်ရှိနေသည်။
တူနီးရှားက အာရပ်ကမ္ဘာကို ပေးသည့် သတင်းစကားက ရှင်းသည်။ ခေါင်းဆောင်မှုမလို၊ နိုင်ငံရေး အဖွဲ့အစည်းမလို၊ အစ္စလာမ္မစ် အခြေပြုလှုပ်ရှားမှုမလို ဆိုသော သတင်းစကား ဖြစ်သည်။ ဗဟိုမဲ့ကွန်ရက်သည်လည်း အလုပ်ဖြစ်သည် ဆိုသော သတင်းစကား ဖြစ်သည်။ အာရပ်ကမ္ဘာ၏ အဓိက အားနည်းချက်မှာ ခက်ထန်ပြင်းထန်သော်လည်း စင်စစ်တွင် အားနည်းထိရောက်မှု မရှိခြင်း ဖြစ်သည်။ အာဏာပိုင်တွေသည် လူတို့၏ အခြေခံ လိုအပ်ချက်တို့က ဖြည့်ဆည်းပေးဖို့ရာမှာ အားနည်းချက်တွေ ရှိနေသည်။
နောက်ထပ် စဉ်းစားစရာက အစွန်းရောက် အတွေးအခေါ်တို့ ရှေ့တန်းရောက်မလာရေးနှင့် အမေရိကန်၏ ရပ်တည်ချက် ဖြစ်သည်။ အမေရိကမှာလုပ်သည် ဆိုသော အခြေအနေ ဖြစ်မသွားဖို့လည်း လိုသည်။ အိုဘားမား အစိုးရ၏ ရပ်တည်ချက်သည် ယခုအချိန်အထိတော့ မှန်ကန်ဆဲ ဖြစ်သည်။ တူနီးရှား ပြည်သူတို့နှင့် အီဂျစ် ပြည်သူတို့ကို ထောက်ခံကြောင်း ထုတ်ပြန်ထားသည်။
Ilya Ehrenburg ၏  The Life of the Automobile (ဆရာမြသန်းတင့် ပြန်ဆိုသော မော်တော်ကား တစ်စင်း၏အတ္ထုပ္ပတ္တိ)မှ စာသားအချို့ကို အမှတ်ရစရာ ဖြစ်သည်။ စက်မှုခေတ်ကောင်းစဉ်က ပါရီမှ မငြိမ်မသက်မှုများ အကြောင်းနှင့် ပတ်သက်သည့် စာသား ဖြစ်သည်။
ပါရီမြို့လယ်ကောင်ရှိ ကွန်ကော့လမ်းတွင်မူ ငယ်ရွယ်သည့် သရုပ်မှန်လွန် ကဗျာဆရာလေး တစ်ယောက်က သူ့ကို လေးစားကြည်ညိုသည့် ကောင်မလေးတစ်ယောက်ကို ပြောပြနေသည်။
'ဒါကို စာပေသဘောတရားမှာပါတဲ့ စကားလုံးနဲ့ ပြောရရင်တော့' ကဗျာဆန်သော ဖီဆန်မှု'လို့ ခေါ်ရမှာပေါ့'' ဟူ၍ ဖြစ်သည်။
အာရပ်ကမ္ဘာ၏ ကဗျာဆန်သော ဖီဆန်မှုကို ကမ္ဘာကြီးက စောင့်ကြည့်နေဆဲ။
စံပယ်ဖြူတွေတော့ ပွင့်ခဲ့လေပြီ။
Written by ဇေ၀င်းနောင် 

Ref;Will the Arab revolution spread? by Marc Lynch,ForeignPolicy, Newsweek, BBC, News Agencies

Sunday, February 6, 2011

နာရေး ကူညီမှုအသင်းတခု ထပ်မံပေါ်ထွက်

ရန်ကုန်တိုင်းအတွင်း ဆင်းရဲချို့တဲ့ တဲ့ ပြည်သူတွေရဲ့ နာရေးကိစ္စ တွေကို ကူညီဖို့ ဆန်း ဂရုဏာ နာရေးကူညီမှု အသင်းကို စေတနာရှင်တချို့က ဒီကနေ့ ဖွဲ့စည်းလိုက်တယ်လို့ သိရပါတယ်။

(Photo: Free Funeral Services Society- F.F.S.S)
ရုပ်ရှင်သရုပ်ဆောင် ကျော်သူဦးစီးသည့် နာရေးကူညီမှုအသင်း ရုံးရှေ့တွင် အသုဘယာဉ် တစီး ရပ်ထားပုံ ဖြစ်ပါသည်။ (Photo: Free Funeral Services Society- F.F.S.S)
ရန်ကုန်အရှေ့ပိုင်းခရိုင် သင်္ကန်းကျွန်းမြို့နယ် ၁၆/၂ ရပ်ကွက်၊ အမှတ် ၁၈၁ (ဃ) မှာရှိတဲ့ ဦးဇော်ဝင်းရဲ့ နေအိမ်မှာ ဆန်းဂရုဏာ နာရေးကူညီမှု အသင်းရုံးကို ဒီကနေ့ နေ့လည် တနာရီမှာ စတင် ဖွင့်လှစ်လိုက်ကြောင်း အသင်းဥက္ကဋ္ဌအဖြစ် တာဝန်ယူထားတဲ့ ဦးဇော်ဝင်းက အာအက်ဖ်အေကို ပြောပါတယ်။

“လူကြီးတွေက ကွန်ယက်ကလေးတွေဖွဲ့ပါ ဆိုတော့ ရန်ကုန်တိုင်း တတိုင်းလုံးအနေနဲ့ ကျနော်တို့ နာရေး ကူညီမှုအသင်း ဖွဲ့တယ်။ ကျနော်တို့တိုင်းပြည်မှာ ဆင်းရဲတဲ့လူက အင်အား အရမ်းများနေပါတယ်။ ဒီဆင်းရဲသားတွေဟာ စားဝတ်နေရေးအတွက် ဒုက္ခများနေရတဲ့ ကြားထဲမှာ နာရေးဖြစ်လာရင် သူတို့မှာ ဘာလုပ်လို့ ဘာကိုင်ရမှန်းမသိ သောကတွေ အရမ်း ကြီးထွားနေပါတယ်။ ကိုကျော်သူ တယောက်အနေနဲ့ ဆိုတော့လည်း ကိုကျော်သူလည်း နိုင်သမျှ လုပ်တယ်။ ကျနော်တို့က ငါတို့လည်း ဝိုင်းဝန်းပြီး လုပ်ပေးအုံးမှပဲ ဆိုတဲ့ အသိစိတ်ကလေးနဲ့ ရန်ကုန် တတိုင်းလုံးမှာ ရှိတဲ့ ဝါသနာရှင်တွေ စေတနာရှင်တွေ စုပေါင်းပြီး ဆန်းဂရုဏာ နာရေးကူညီမှုအသင်းလို့ နာမည်ပေးပြီးတော့ ဒီကနေ့ စဖွင့်တာပါ”

အသင်း ဖွဲ့စည်းဖို့အတွက် ပြည်ထဲရေး ဝန်ကြီးဌာန၊ ရန်ကုန်တိုင်း တိုင်းမှူး၊ ရန်ကုန် အရှေ့ပိုင်းခရိုင်၊ မြို့နယ် မယက၊ ရယကရုံး စတဲ့ သက်ဆိုင်ရာ တာဝန်ရှိသူတွေကို အခုလ ဖေဖော်ဝါရီလ ၁ ရက်နေ့ ကတည်းက တရားဝင် စာနဲ့ အကြောင်းကြား အသိပေးပြီးမှ အခုလို ဖွင့်လှစ်ခဲ့တာလို့ သိရပါတယ်။

ဒီအသင်းကို လူမှုရေးကူညီမှုလုပ်ငန်း စိတ်ဝင်စားကြသူတွေ၊ အမျိုးသား ဒီမိုကရေစီအဖွဲ့ချုပ်က အဖွဲ့ဝင်တချို့နဲ့ စိတ်ဝင်စားသူ အလှူရှင်တွေ စုစုပေါင်း အဖွဲ့ဝင် ၃ဝ နဲ့ ဖွဲ့စည်းခဲ့တာဖြစ်ပြီး အဖွဲ့ဝင်တွေရဲ့ ထည့်ဝင်ငွေနဲ့ ကူညီမှု လုပ်ငန်းတွေကို ဆောင်ရွက်သွားမှာ ဖြစ်တယ်လို့ ဦးဇော်ဝင်းက ဆက်ပြောပါတယ်။

“ဥက္ကဋ္ဌ အနေနဲ့ ကျနော် သင်္ကန်းကျွန်းမြို့နယ် ဦးဇော်ဝင်းက ဆောင်ရွက်ပြီးတော့ ဒု-ဥက္ကဋ္ဌ အနေနဲ့ သာကေတ မြို့နယ်က ဒေါ်မီ ဆိုတာ အမျိုးသမီးအဖွဲ့ရဲ့ ခေါင်းဆောင်ပါ။ ဦးသန်းလှိုင် ဆိုတာ အတွင်းရေးမှူး သာကေတ မြို့နယ်ကပါ။ အသင်းသားတွေ တလကို သုံးထောင်စီ ထည့်ဝင်ကြပါတယ်။ နာရေးရှင်တွေက ကျနော်တို့ကို ဖိတ်ခေါ်လာပြီး အကူအညီတောင်းလာရင် ကျနော်တို့က နာရေးအိမ်တွေကို သွားပြီး အလှူငွေ တသောင်း ကူညီပြီးတဲ့အပြင် နာရေးကိစ္စကို သင်္ချိုင်းရောက်တဲ့အထိ ကူညီပံ့ပိုးဖို့ ဆိုပြီး ဆုံးဖြတ်ချက်တွေ ချထားပါတယ်”

ဆန်း ဂရုဏာ နာရေးကူညီမှုအသင်း အနေနဲ့ စမ်းချောင်း၊ လှိုင်သာယာ၊ ကြည်မြင်တိုင်၊ သာကေတ၊ မရမ်းကုန်း၊ မြောက်ဥက္ကလာပ၊ သုံးခွ၊ လှိုင်၊ သန်လျှင်၊ သင်္ကန်းကျွန်း စတဲ့မြို့နယ်တွေမှာ ကော်မတီအဖွဲ့ဝင်တွေ ခွဲထားသလို ကော်မတီဝင်တွေက တဆင့် နာရေးကူညီရေးအတွက် အသင်းရုံးကို အကြောင်းကြားလာရင် အသင်းအနေနဲ့ အမြန်ဆုံး ကူညီဆောင်ရွက်ဖို့ စီစဉ်ထားတယ်လို့ သိရပါတယ်။

ဒီကနေ့ စတင် ဖွဲ့စည်းဖွင့်လှစ်ခဲ့တဲ့ ဆန်းဂရုဏာ နာရေး ကူညီမှုအသင်းကို ဘယ်သူမဆို အဖွဲ့ဝင်အဖြစ် ပူးပေါင်း ပါဝင်နိုင်ကြသလို အလှူငွေလည်း တတ်နိုင်သမျှ ပါဝင်ကူညီနိုင်ကြောင်း ဦးဇော်ဝင်းက ပြောပါတယ်။

ဒီ နာရေးကူညီမှုအသင်း ဥက္ကဋ္ဌ ဦးဇော်ဝင်းဟာ အလုပ်သမား လယ်သမားသမဂ္ဂ ဖြစ်မြောက်ရေး ကြိုးပမ်းသူများ အဖွဲ့မှာ ဥက္ကဋ္ဌအဖြစ် တာဝန်ယူ ဆောင်ရွက်နေသူ တဦးလည်း ဖြစ်ပါတယ်။

sources: : RFA

Saturday, February 5, 2011

မြန်မာပြည်အပြောင်းအလဲရဲ့  အစလို့ ဘန်ကီမွန်းမျှော်လင့်

မြန်မာစစ်အစိုးရရဲ့ ဝန်ကြီးချုပ် ဦးသိန်းစိန်ကို နိုင်ငံတော်သမ္မတအဖြစ် အခုကျင်းပနေတဲ့ လွှတ်တော်မှာ မနေ့ကပဲ ရွေးချယ်လိုက်ပါတယ်။ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းကတော့ မြန်မာပြည်မှာ အပြောင်းအလဲတွေ ဖြစ်ပေါ်လာဖို့ အစပြုတဲ့သဘောပဲလို့ မျှော်လင့်တယ်၊ မြန်မာပြည်အတွက် အရေးကြီးတဲ့ အခွင့်အလမ်းတရပ်ဆိုတဲ့ သဘောပဲလို့ဆိုပါတယ်။ ကုလသမဂ္ဂဟာ မြန်မာပြည်က အစိုးရသစ်အပြင် တိုင်းပြည်မှာအရေးပါတဲ့ အင်အားစုတွေရဲ့  ခေါင်းဆောင်တွေနဲ့ ဒီမိုကရေစီထွန်းကားရေး၊ တိုင်းပြည် တိုးတက်ရေးနဲ့ တည်ငြိမ်းရေးတွေ ဖြစ်ပေါ်လာအောင် လုပ်ဆောင်သွားဖို့ အသင့်ဖြစ်နေပြီလို့လည်း ဆိုပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကတော့ ဦးသိန်းစိန် သမ္မတ အရွေးခံရတာ အံ့သြစရာမဟုတ်ဘူး၊ မျှော်လင့်ထားပြီးသားပါလို့ ဆိုပါတယ်။ ဦးသိန်းစိန်ဟာ ပြီးခဲ့တဲ့နှစ် ဧပြီလတုန်းကပဲ ဗိုလ်ချုပ်ကြီးရာထူးက အနားယူပြီး ကြံ့ခိုင်ဖွံ့ဖြိုးရေးပါတီမှာ ဥက္ကဌ ပြောင်းလုပ်ခဲ့တာပါ။ နိုဝင်ဘာလဆန်းက ကျင်းပခဲ့တဲ့ ရွေးကောက်ပွဲတွေမှာ တခြား နိုင်ငံရေးပါတီတွေ အများအပြား ၀င်ပြိုင်ခဲ့ကြပေမဲ့လည်း ဦးသိန်းစိန်ခေါင်းဆောင်တဲ့ ကြံ့ခိုင်ဖွံ့ဖြိုးရေး ပါတီကပဲ အနိုင်ရခဲ့ပြီး လွှတ်တော်က အရေးကြီးတဲ့ နေရာတွေမှာလည်း စစ်တပ်ကနေ မကြာခင်ကမှ ဦးသိန်းစိန်လို ပြောင်းလာခဲ့ကြတဲ့ သူတို့ပါတီကလူတွေ အများစုကပဲ ထိန်းချုပ်ထားတာပါ။
သမ္မတရဲ့  ပထမဆုံးလုပ်ရမယ့်အလုပ်တွေထဲမှာ အစိုးရသစ် ဖွဲ့စည်းရေးလည်း ပါဝင်ပါတယ်။ မြန်မာ့အရေး လေ့လာသုံးသပ်သူတွေ စိုးရိမ်နေကြတာတခုကတော့ အရပ်သားအုပ်ချုပ်မှုရဲ့ နောက်ကနေ စစ်တပ်အာဏာ သုံးပြီး အုပ်ချုပ်နေမလား ဆိုတာပါပဲ။ သမ္မတအဖြစ် ရွေးချယ်ဖို့ တင်မြှောက်ခံရတဲ့သူတွေထဲမှာ ဦးသိန်းစိန်၊ ဗိုလ်ချုပ်ကြီးဟောင်း သီဟသူရ တင်အောင်မြင့်ဦးနဲ့ ရှမ်းပြည်နယ်မှာ ဆေးကုသနေတဲ့ ဒေါက်တာ စိုင်းမောဝ်ခမ်းတို့ ပါဝင်ကြပါတယ်။
sources: :VOA

Thursday, February 3, 2011

သူတို့က ”တင်“ လို့ သူတို့ က ”မြှောက်“

ဦးသိန်းစိန်နှင့် ဒေါက်တာစိုင်းမောက်ခမ်းတို့အား ဒုတိယသမ္မတများအဖြစ် ရွေးချယ်တင်မြှောက်ခဲ့ကြောင်း သိရှိရ တပ်မတော်သားလွှတ်တော် ကိုယ်စားလှယ်များအစုအဖွဲ့က ရွေးချယ်တင်မြှောက်သော ဒုတိယသမ္မတကိုမူ မသိရှိရသေး   
        ပြည်ထောင်စုကြံ့ခိုင်ရေးနှင့် ဖွံ့ ဖြိုးရေးပါတီမှ ဦးသိန်းစိန်နှင့် ဒေါက်တာစိုင်းမောက်ခမ်းတို့အား ဒုတိယသမ္မတများအဖြစ် ရွေးချယ် တင်မြှောက်ခဲ့ကြောင်း သိရှိရပါ သည်။

        ဒုတိယသမ္မတလောင်းများ အဖြစ်အဆိုပြုတင်သွင်းထားသည့် ဦးသိန်းစိန်၊ ဦးစောသိန်းအောင်၊ ဒေါက်တာစိုင်းမောက်ခမ်း၊ ဒေါက်တာအေးမောင်တို့အနက် ၎င်းတို့အား ဒုတိယသမ္မတများအဖြစ် ရွေးချယ်တင်မြှောက်ခဲ့ခြင်းဖြစ်ကြောင်း သိရသည်။

        ဇမ္ဗူသီရိ မဲဆန္ဒနယ်မှ ဦးသိန်းစိန်နှင့် လှိုင်းဘွဲ့မဲဆန္ဒနယ်မှ ဦးစောသိန်းအောင်တို့အား ရွေးကောက်ခံပြည်သူ့လွှတ်တော် ကိုယ်စားလှယ်များအစုအဖွဲ့၊ ရှမ်းပြည်နယ် မဲဆန္ဒနယ်အမှတ်(၃)မှ ဒေါက်တာစိုင်းမောက်ခမ်းနှင့် ရခိုင်ပြည်နယ် မဲဆန္ဒနယ်အမှတ်(၁)မှ ဒေါက်တာအေးမောင်တို့အား ရွေးကောက်ခံ အမျိုးသားလွှတ်တော်ကိုယ်စားလှယ်များ အစုအဖွဲ့တို့က ဒုတိယသမ္မတလောင်းများအဖြစ် အဆိုပြုတင်သွင်းထားခဲ့ခြင်း ဖြစ်ပါသည်။

        သို့သော် တပ်မတော်သားလွှတ်တော်ကိုယ်စားလှယ်များအစုအဖွဲ့က ရွေးချယ်တင်မြှောက်သော ဒုတိယသမ္မတကိုမူ မသိရှိရသေးပေ။

        နိုင်ငံတော်သမ္မတရွေးချယ် တင်မြှောက်ရေးအဖွဲ့တွင်ပါဝင်သည့် ရွေးကောက်ခံပြည်သူ့လွှတ်တော် ကိုယ်စားလှယ်များ အစုအဖွဲ့၊ ရွေးကောက်ခံအမျိုးသားလွှတ်တော် ကိုယ်စားလှယ်များ အစုအဖွဲ့တို့က အစုအဖွဲ့အလိုက် ဒုတိယသမ္မတများ ရွေးချယ်တင်မြှောက်ရေးအတွက် အစုအဖွဲ့အစည်းအဝေးများကို ၂၀၁၁ ခုနှစ် ဖေဖော်ဝါရီလ ၃ ရက်နေ့တွင် ကျင်းပခဲ့ကြောင်း သိရသည်။

        ယင်းအရ ဦးသိန်းစိန်အား ရွေးကောက်ခံပြည်သူ့လွှတ်တော် ကိုယ်စားလှယ်များအစုအဖွဲ့၊ ဒေါက်တာစိုင်းမောက်ခမ်းအား ရွေးကောက်ခံ အမျိုးသားလွှတ်တော်ကိုယ်စားလှယ်များအစုအဖွဲ့တို့က ဒုတိယသမ္မတများအဖြစ် ရွေးချယ်တင်မြှောက်ခဲ့ကြောင်း သိရှိရပါသည်။

        လွှတ်တော် ကိုယ်စားလှယ်များ အစုအဖွဲ့အလိုက် ဒုတိယသမ္မတလောင်းအမည်စာရင်း တင်သွင်းရာ၌ ဒုတိယသမ္မတလောင်း တစ်ဦး ထက်ပို၍ ပါရှိလျှင် ဒုတိယသမ္မတ ရွေးချယ်တင်မြှောက်ခြင်းကို ဆန္ဒမဲ လက်မှတ်ပုံစံ (၃)ဖြင့် လျှို့ဝှက်ဆန္ဒမဲပေး၍ ရွေးချယ်တင်မြှောက်ရမည်ဖြစ်ရာ ယင်းအရ လျှို့ဝှက်ဆန္ဒမဲပေး၍ ရွေးချယ်တင်မြှောက်ရာတွင် ဦးသိန်းစိန်က ထောက်ခံမဲ ၂၇၆ မဲ၊ ဦးစောသိန်းအောင်က ထောက်ခံမဲ ၃၈ မဲ ရရှိခဲ့ကြောင်းနှင့် ပယ်မဲမှာ ၁၁ မဲ ဖြစ်ကြောင်း သိရသည်။ ထို့ပြင် ဒေါက်တာစိုင်းမောက်ခမ်းက ထောက်ခံမဲ ၁၄၀၊ ဒေါက်တာအေးမောင်က ထောက်ခံမဲ ၂၇ မဲ ရရှိခဲ့ကြောင်းနှင့် ပယ်မဲမှာ တစ်မဲဖြစ်ကြောင်း သိရသည်။

        သမ္မတရွေးချယ်တင်မြှောက်ရေးအဖွဲ့က နိုင်ငံတော်သမ္မတလောင်းများဖြစ်သည့် ဒုတိယသမ္မတသုံးဦး အနက် မိမိတို့ကြိုက်နှစ်သက်သည့် ဒုတိယသမ္မတတစ်ဦးကို နိုင်ငံတော် သမ္မတအဖြစ် ဆန္ဒမဲပေး ရွေးချယ် တင်မြှောက်ရမည်ဖြစ်ကြောင်း သိရသည်။

        နိုင်ငံတော်သမ္မတကို သမ္မတ ရွေးချယ်တင်မြှောက်ရေးအဖွဲ့ဖြင့် ရွေးချယ်တင်မြှောက်မည်ဖြစ်ကြောင်း၊ သမ္မတရွေးချယ်တင်မြှောက်ရေးအဖွဲ့ကို ပြည်ထောင်စုလွှတ်တော် ကိုယ်စားလှယ်အစုအဖွဲ့ သုံးဖွဲ့ဖြင့်ဖွဲ့စည်းမည်ဖြစ်ကြောင်း၊  ယင်းအစုအဖွဲ့တို့မှာ တိုင်းဒေသကြီးများနှင့် ပြည်နယ်များမှ ကိုယ်စားလှယ်ဦးရေ တူညီစွာရွေးကောက်တင်မြှောက်ခြင်း ခံရသော လွှတ်တော်ကိုယ်စားလှယ်များ အစုအဖွဲ့၊ မြို့နယ်ကို အခြေခံ၍လည်းကောင်း၊ လူဦးရေကို အခြေ ခံ၍လည်းကောင်း ရွေးကောက်တင်မြှောက်သည့် လွှတ်တော်ရှိ ရွေးကောက်တင်မြှောက်ခြင်းခံရသည့် လွှတ်တော်ကိုယ်စားလှယ်များအစုအဖွဲ့၊ ဖော်ပြပါလွှတ်တော်နှစ်ရပ် အတွက် တပ်မတော်ကာကွယ်ရေးဦးစီးချုပ်က အမည်စာရင်းတင်သွင်းသည့် တပ်မတော်သားလွှတ်တော်ကိုယ်စားလှယ်များအစုအဖွဲ့တို့ ဖြစ်ကြောင်း သိရသည်။

        နိုင်ငံတော် သမ္မတနှင့် ဒုတိယသမ္မတတို့၏ ရာထူးသက်တမ်းသည်  ငါးနှစ်ဖြစ်ပြီး ရာထူးသက်တမ်း နှစ်ကြိမ်ထက်ပို၍ ထမ်းဆောင်ခြင်း မပြုရဟု သိရသည်။

        ထို့ပြင် နိုင်ငံတော်သမ္မတနှင့် ဒုတိယသမ္မတများသည် မိမိတို့ဦးစီးသည့် တစ်စီးပွားတည်းဖြစ်သော မိသားစုပိုင်မြေ၊ အိမ်၊ အဆောက်အအုံ၊ စီးပွားရေးလုပ်ငန်း၊ စုငွေနှင့် အခြား အဖိုးတန်ပစ္စည်းများကို တန်ဖိုးနှင့် တကွ စာရင်းပြုစုပြီး ပြည်ထောင်စု လွှတ်တော်နာယကထံ ပေးပို့ရမည် ဖြစ်ကြောင်း သိရသည်လို့ www.first-11.com မှာ ဖော်ပြထားပါတယ်..။


အမေရိကန်မူဝါဒ အပြောင်းအလဲ မြန်မာအစိုးရသစ်အပေါ် မူတည်

မြန်မာနိုင်ငံနဲ့ ပတ်သက်လို့ အမေရိကန် ပြည်ထောင်စုရဲ့ လက်ရှိ တိုက်ရိုက်ထိစပ် ဆက်ဆံရေး မူဝါဒဟာ ရလဒ်ကောင်း မရသေးဘဲ စိတ်ပျက်စရာတွေ ရင်ဆိုင်နေရပေမဲ့ နောက်တက်လာမယ့် မြန်မာအစိုးရသစ်ရဲ့ တုံ့ပြန်မှုကိုတော့ စောင့်ကြည့်သွားမယ်လို့ အမေရိကန် ပြည်ထောင်စုက ပြောပါတယ်။ လက်ရှိ အမေရိကန် ပြည်ထောင်စုရဲ့ မြန်မာအပေါ် မူဝါဒဟာ မြန်မာအစိုးရသစ်အတွက် စမ်းသပ်ချက် ဖြစ်တယ်လို့လည်း အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ့်ဘဲလ် (Kurt Campbell) က ၀ါရှင်တန်ဒီစီ နိုင်ငံခြား သတင်းထောက်များ အသင်းတိုက်မှာ ပြောသွားတာပါ။ အပြည့်အစုံကို ကိုယ်တိုင် သတင်းသွားရောက် ယူခဲ့တဲ့ ကိုသားညွန့်ဦးက တင်ပြပေးထားပါတယ်။ အခု ၂၀၁၁ ခုနှစ်အတွင်း မျှော်မှန်းထားတဲ့ အမေရိကန် ပြည်ထောင်စုရဲ့ အရှေ့တောင်အာရှဆိုင်ရာ မူဝါဒတွေကို အာရှ၊ ပစိဖိတ်ဆိုင်ရာ လက်ထောက် နိုင်ငံခြားရေးဝန်ကြီး ကာ့တ် ကမ့်ဘဲလ်က ရှင်းလင်းသွားရာမှာ မြန်မာနိုင်ငံနဲ့ ပတ်သက်လို့ လက်ရှိ မူဝါဒတွေ ရလဒ်ကောင်း မထွက်တဲ့အပေါ် စိတ်ပျက်ရတယ်လို့ ပြောသွားပါတယ်။ ဒါပေမဲ့လည်း လာမယ့် အစိုးရသစ် အနေနဲ့ အမေရိကန် ပြည်ထာင်စုက ထားရှိတဲ့ မူဝါဒနဲ့ ပတ်သက်လို့ ဘယ်လို တုံ့ပြန်လာမလဲ ဆိုတာကိုတော့ အရေးတယူ စောင့်ကြည့်သွားမယ် ဆိုတာကို အသေအချာ ပြောသွားပါတယ်။
“တိုက်ရိုက်ထိစပ် ဆက်ဆံရေး မူဝါဒ တခုလုံးအရ ရလဒ်တွေဟာ စိတ်ပျက်စရာတွေချည်း ဆိုတာ ငြင်းစရာ မရှိပါဘူး။ ဒီမူဝါဒကို သမ္မတ အိုဘားမား အစိုးရက ချမှတ်ပြီး နိုင်ငံခြားရေးဝန်ကြီး ကလင်တန်က မနှစ်တုန်းက ရေးဆွဲခဲ့တာပါ။ မြန်မာအစိုးရက ဘယ်လို ဆောင်ရွက်နိုင်မလဲ၊ ပြီးတော့ ကျနော်တို့ဘက်က ဒီအပေါ်မှာ ဘယ်လိုတုံ့ပြန် ဆောင်ရွက်မလဲဆိုတဲ့ လုပ်နိုင်ချေအဆင့် ရှင်းရှင်းလင်းလင်းဖြစ်အောင် ကြိုးပမ်းနေပါတယ်။ ဒါပေမဲ့ အခြေခံအားဖြင့် အခြေအနေ အားလုံးကို ခြုံကြည့်ရင်တော့ ကျနော်တို့ စိတ်ပျက်ရပါတယ်။”
တိုက်ရိုက်ထိစပ် ဆက်ဆံရေး မူဝါဒဟာ အခြေခံအားဖြင့် အလုပ်မဖြစ်သေးဘူး ဆိုတာ ၀န်ကြီး ကာ့တ် ကမ့်ဘဲလ်က ၀န်ခံ ပြောခဲ့ပေမဲ့ အခြားတဘက်မှာတော့ ဒီမူဝါဒဟာ အစိုးရသစ်အတွက် စမ်းသပ်မှု ဖြစ်လိမ့်မယ်လို့ ပြောပါတယ်။
“ဒါပေမဲ့လည်း တိုက်ရိုက်ထိစပ် ဆက်ဆံရေး မူဝါဒဟာ တစိတ်တပိုင်း အားဖြင့်တော့ ဒေသတွင်း မူဝါဒ အတွက်ရော အမေရိကန် ပြည်ထောင်စု အတွက်ပါ အကောင်းဆုံး အကျိုးစီးပွား ဖြစ်တယ်လို့ ယုံကြည်ပါတယ်။ အနည်းဆုံးတော့ လာမယ့် အစိုးရသစ်ကို စမ်းသပ်မယ့် အခွင့်အလမ်းတခု ဖြစ်ပါတယ်။ အစိုးသစ် အနေနဲ့ နိုင်ငံတကာ အသိုင်းအ၀ိုင်းနဲ့ ပြန်ဆက်စပ်နိုင်အောင် ဘာတွေလုပ်မလဲ၊ အမေရိကန် ပြည်ထောင်စုနဲ့ အခြားနိုင်ငံတွေနဲ့ အနီးကပ် ပူးပေါင်း ဆောင်ရွက်နိုင်အောင် အစိုးရသစ် အနေနဲ့ ဘာတွေ လက်တွေ့ ဆောင်ရွက်မလဲ၊ အခွင့်အလမ်းတွေ ပေးထားပါတယ်။”
အမေရိကန် ပြည်ထောင်စု အနေနဲ့ မြန်မာနိုင်ငံကို ယခင်က ပိတ်ဆို့အရေးယူမှု တခုတည်းကနေ မနှစ်တုန်းက မူဝါဒပြောင်းပြီး ပိတ်ဆို့အရေးယူမှုရော အစိုးရနဲ့ တိုက်ရိုက်ထိစပ် ဆက်ဆံမှုရော နှစ်ခုလုံးကို ကျင့်သုံးလာတာပါ။ မြန်မာအစိုးရ အနေနဲ့က အပြောင်းအလဲတွေအတွက် ပြည်တွင်းကပဲ ကြိုးပမ်း ဆောင်ရွက်သွားမယ်လို့ နိုင်ငံတကာကို ကတိပေးပြီး ဖွဲ့စည်းပုံဆွဲ၊ ရွေးကောက်ပွဲလုပ်၊ အခုနောက်ဆုံး လွှတ်တော်တွေပါ ခေါ်ယူခဲ့ပါတယ်။
ဒါပေမဲ့ အမေရိကန် ပြည်ထောင်စု အနေနဲ့ကတော့ ဒီကြိုးပမ်းချက်တွေမှာ အားနည်းမှုတွေ ရှိတယ်လို့ မြင်တဲ့အကြောင်း မစ္စတာ ကမ့်ဘဲလ်က ပြောပါတယ်။ အထူးသဖြင့် ရွေးကောက်ပွဲ မတိုင်မီ အာဏာပိုင်တွေရဲ့ ပြင်ဆင် ဆောင်ရွက်ချက်တွေ အပေါ်မှာ စိတ်ပျက်မိတယ်လို့ ပြောပါတယ်။ မြန်မာနိုင်ငံ အနေနဲ့ ဖြေရှင်းရမယ့် ပြဿနာရပ် အတော်များများရှိတယ် ဆိုတာကိုလည်း မစ္စတာ ကမ့်ဘဲလ်က ထောက်ပြသွားပါတယ်။
“မြန်မာနိုင်ငံမှာ ပြဿနာ အတော်များများ ကြုံနေရတယ်လို့ အမေရိကန် ပြည်ထောင်စုက အသိအမှတ်ပြု နားလည်ထားပါတယ်။ အဓိကကျတဲ့ လူနည်းစု တိုင်းရင်းသားတွေနဲ့ တွေ့ဆုံညှိနှိုင်းတာမျိုးတွေ မရှိပါဘူး။ နိုင်ငံရေး အကျဉ်းသား အတော်များများ မလွတ်မြောက်သေးပါဘူး။ လူထုအခြေပြု လူမှုအဖွဲ့အစည်းတွေ လုပ်ကိုင် ဆောင်ရွက်မှုမှာလည်း အခက်အခဲ ကြီးကြီးမားမားကို ရှိနေပါတယ်။ ကုလသမဂ္ဂ လုံခြုံရေးကောင်စီ ဆုံးဖြတ်ချက်ကို ချိုးဖောက်ပြီး ဒေသတွင်း ငြိမ်းချမ်းရေးနဲ့ တည်ငြိမ်မှုအတွက် အရေးပါတဲ့ လက်နက်ပြန့်ပွားမှု ကိစ္စတွေမှာ ဆက်လက်ပါဝင် ပတ်သက်နေတာတွေ ရှိပါတယ်။”
အမေရိကန် ပြည်ထောင်စု အနေနဲ့ တိုက်ရိုက်ထိစပ်ရေးမူကြောင့် ရလဒ်ကောင်းတွေ မတွေ့ရသေးပေမဲ့ မြန်မာနိုင်ငံမှာ ရွေးကောက်ပွဲ ပြီးကတည်းက ပြည်တွင်းရော ပြည်ပမှာပါ အနောက်နိုင်ငံတွေရဲ့ ပိတ်ဆို့ အရေးယူမှုတွေကို ပြန်လည်ရုပ်သိမ်းဖို့ ပြောဆို တိုက်တွန်းမှုတွေကတော့ ပိုများလာပါတယ်။ အထူးသဖြင့် ပြီးခဲ့တဲ့ အာဆီယံ နိုင်ငံခြားရေးဝန်ကြီး အစည်းအဝေးမှာ အာဆီယံ တိုင်းပြည်တွေက မြန်မာအပေါ် ပိတ်ဆို့ အရေးယူတာတွေကို ရုပ်သိမ်းပေးဖို့ အနောက်နိုင်ငံတွေကို တိုက်ရိုက် တိုက်တွန်းလာပါတယ်။
မစ္စတာ ကမ့်ဘဲလ်ကတော့ အခုလို အရေးယူမှုတွေ ပြန်လည်ရုပ်သိမ်းဖို့ ကိစ္စဟာ အချိန်စောသေးတယ်လို့ မြင်ပါတယ်။ အခုနကလိုပဲ လာမယ့် အစိုးရသစ်ရဲ့ ဆောင်ရွက်ပုံကို စောင့်ကြည့်ချင်တဲ့သဘော တွေ့ရပါတယ်။
“ပြီးခဲ့တဲ့ ဒေသတွင်း ခရီးစဉ်ရဲ့ ရည်မှန်းချက်တခုက အရှေ့တောင်အာရှ ဒေသက ကျနော်တို့ မိတ်ဆွေတွေနဲ့ ပိုပြီး နီးနီးကပ်ကပ် ဆောင်ရွက်ဖို့ပါ။ အရှေ့တောင်အာရှနိုင်ငံ အတော်များများက အခုအချိန်မှာ ပိတ်ဆို့ အရေးယူမှုကို ရုပ်သိမ်းဖို့ အချိန်ရောက်နေပြီလို့ ပြောကြဆိုကြပါတယ်။ ဒါပေမဲ့လည်း အရေးယူမှုတွေ ရုပ်သိမ်းဖို့ အချိန်ကာလ စောလွန်းတယ်လို့ ရှင်းရှင်းလင်းလင်း ပြောထားပါတယ်။ အစိုးရသစ်တရပ် ပေါ်လာပြီး အစိုးရသစ်ရဲ့ မူဝါဒတွေကို ချမှတ်တဲ့အခါမှာ ဘယ်လို သိသာထင်ရှားတဲ့ ခြေလှမ်းတွေ လှမ်းမလဲဆိုတာ ကျနော်တို့ စောင့်ကြည့်နေပါတယ်။”
အခြားတဘက်မှာ အမေရိကန် ပြည်ထောင်စု အနေနဲ့ အခြားနိုင်ငံတွေနဲ့အတူ ဒေါ်အောင်ဆန်းစုကြည်နဲ့ အနီးကပ် ထဲထဲဝင်ဝင် တိုင်ပင်ညှိနှိုင်းမှုတွေ လုပ်နေတယ်လို့ မစ္စတာ ကမ့်ဘဲလ်က ပြောပါတယ်။ အမျိုးသား ဒီမိုကရေစီ အဖွဲ့ချုပ် တရားဝင် ရပ်တည်နိုင်ရေး အတွက်လည်း အာဏာပိုင်တွေကို ဆက်ပြီး ဖိအားပေး တိုက်တွန်းသွားမယ်လို့ ပြောပါတယ်။ လာမယ့် အစိုးရသစ် အနေနဲ့ အကြောင်းရပ် အတော်များများကို ဘယ်လို သဘောထားမယ်၊ ဘယ်လို ဆောင်ရွက်မလဲ ဆိုတာကို အခွင့်အလမ်းပေး စောင့်ကြည့်လိုတယ် ဆိုတာဟာလည်း ဒေါ်အောင်ဆန်းစုကြည်နဲ့ အတူ တသဘောတည်း ဖြစ်တယ်လို့ ပြောသွားပါတယ်။

sources: :VOA

Wednesday, February 2, 2011

၅ သိန်းတန် ဂျီအက်စ်အမ်ဖုန်းများ အမှန်တကယ် ချထားပေးမည် ဖြစ်သော်လည်း ရက်အကန့်အသတ်မရှိ ရွှေ့ဆိုင်း


ဇန်နဝါရီ ၃၁ ရက်တွင် ချထားပေးရန် စီစဉ်ထားသော ကြိုတင် ငွေပေးချေကဒ် စနစ်သုံး ၅ သိန်းတန် ဂျီအက်စ်အမ် ဖုန်းများကို အမှန်တကယ် ချထားပေးသွားမည် ဖြစ်သော်လည်း ကြိုတင် ငွေပေးချေကဒ်များ အဆင်သင့် မဖြစ်သေး၍ ရက်အကန့်အသတ်မရှိ ရွှေ့ဆိုင်းထားကြောင်း မြန်မာ့ဆက်သွယ်ရေး လုပ်ငန်းမှ သိရပါတယ်။
မြန်မာ့ဆက်သွယ်ရေး လုပ်ငန်းအနေနဲ့ ဇန်နဝါရီ ၃၁ ရက် လွှတ်တော်ခေါ်ယူမှု အထိန်းအမှတ် အဖြစ် ကြိုတင် ငွေပေးချေကဒ် စနစ်သုံး ၅ သိန်းတန် ဂျီအက်စ်အမ် ဖုန်းတွေကို ယင်းနေ့မှာ ချထားပေးဖို့ စီစဉ်ခဲ့တာပါ။ "ချထားပေးဖို့ အစီအစဉ်ကို လုံးဝ ဖျက်သိမ်းလိုက်တာမျိုးတော့ မဟုတ်ဘူး" လို့ မြန်မာ့ဆက်သွယ်ရေး လုပ်ငန်းမှ အရာရှိ တစ်ဦးက ပြောပါတယ်။ အဆင့်ဆင့် တင်ပြမှုတွေအရ သုံးစွဲသူ များပြားလာနိုင်တဲ့ ၅ သိန်းတန် ဂျီအက်စ်အမ် ဖုန်းတွေအတွက် ကြိုတင် ငွေပေးချေကဒ် အလုံအလောက် ထုတ်လုပ်ဖို့ အတွက်တော့ အခက်အခဲ ရှိတယ်လို့ ၎င်းက ဆိုပါတယ်။ ကြိုတင် ငွေပေးချေကဒ်တွေ ရောင်းချပေးဖို့ မြန်မာ့ဆက်သွယ်ရေး လုပ်ငန်းနဲ့ ပူးပေါင်း ဆောင်ရွက်နေတဲ့ ကုမ္ပဏီ တစ်ခုမှ တာဝန်ရှိသူ တစ်ဦးကလည်း ၎င်းတို့ အနေနဲ့ လက်ရှိမှာ မက်စ်ဝဲလ် (McWiLL) အတွက် ထုတ်လုပ်နေတဲ့ ကြိုတင် ငွေပေးချေကဒ်များပင် လုံလောက်အောင် မထုတ်လုပ်နိုင်သေးကြောင်း ပြောပါတယ်။ ရတနာပုံ ဝဘ်ပေါ်တယ် အနေနဲ့ ကြိုတင် ငွေပေးချေကဒ် စနစ်သုံး ၅ သိန်းတန် ဂျီအက်စ်အမ် ဖုန်းများ ပြန်လည် ချထားပေးမယ့် နေ့ရက်ကို မေးမြန်းရာမှာတော့ ချထားပေးဖို့ သေချာသော်လည်း ရက်အတိအကျ ပြောနိုင်ဖို့ အတွက်မူ အခက်အခဲ ရှိနေသေးကြောင်း မြန်မာ့ဆက်သွယ်ရေး လုပ်ငန်း မိုဘိုင်းဌာနမှ ပြန်လည် ဖြေကြားပါတယ်။


နိုင်ငံတော်အကြီးအကဲများ၏ လစာနှင့် ရပိုင်ခွင့်များ ကြိုတင်သတ်မှတ်

၂၀၀၈ ဖွဲ့စည်းပုံ အခြေခံဥပဒေအရ နိုင်ငံတော်သမတရဲ့လစာကို ကျပ်သိန်း ၅၀ သတ်မှတ်ပြီး ကား ၆ စီး အပါအဝင် လိုအပ်တဲ့ အဆောင်အယောင်တွေ၊ နိုင်ငံခြား ဆေးကုသခွင့်တွေ ရှိတယ်လို့ အမျိုးသား ဒီမိုကရေစီ အင်အားစုရဲ့ ဇန်နဝါရီ ၃၁ ရက် တနင်္လာနေ့က ထုတ်ပြန်တဲ့ လွှတ်တော်အစည်းအဝေး သတင်းမှာ ဖော်ပြထားပါတယ်။ဒု သမတရဲ့လစာ ကျပ် သိန်း ၄၀ ၊ လွှတ်တော်ဥက္ကဋ္ဌတွေက ၃၅ သိန်းစီနဲ့ လွှတ်တော် ကိုယ်စားလှယ်တွေက ၃ သိန်း ခံစားခွင့် ရှိတယ်လို့ ဆိုပါတယ်။ ဒီလစာ သတ်မှတ်ချက်ကို ဖွဲ့စည်းပုံ အခြေခံဥပဒေအရလို့ ဆိုပေမဲ့ အခုမှ သိခွင့်ရတာ ဖြစ်တယ်လို့ အမျိုးသား ဒီမိုကရေစီအင်အားစု ပါတီခေါင်းဆောင် ဦးခင်မောင်ဆွေက ပြောပါတယ်။

“လွှတ်တော် မစခင်မှာကတည်းက ကျွန်တော်တို့ ဒီသတင်းတွေ ကြားပြီးနေပြီ။ လွှတ်တော်မှာ သွားတက်မဲ့ ပုဂ္ဂိုလ်တွေက လွှတ်တော်ကို သွားပြီးတော့ ဒီ သတင်းပို့တဲ့အခါမှာ အဲဒီ အကြောင်းတွေ သိလာရတယ်။ သမတက သိန်း ၅၀ ရမယ်တို့၊ ဒုသမတက ဘယ်လောက်ရမယ် အစရှိသည်ဖြင့်၊ လွှတ်တော် ကိုယ်စားလှယ်တွေကတော့ ၃ သိန်းရမယ် အစရှိသည်ဖြင့် လစာတွေ သူတို့ကို လွှတ်တော်ရုံးကနေပြီးတော့ သတင်းထုတ်ပေးလိုက်တယ်လို့ ဆိုရမှာပေါ့ဗျာ။”

ကြိုတင်ပြဌာန်းထားတဲ့ ဥပဒေတွေ အားလုံးဟာ ဖွဲ့စည်းပုံ အခြေခံဥပဒေပါ ပုဒ်မ ၄၄၃ အရ ဆိုပေမဲ့ လွှတ်တော်ကနေ ပြင်ဆင်ခွင့်၊ ဖျက်သိမ်းခွင့် ရှိတယ်လို့ဆိုထားပေမဲ့ လက်ရှိကျင်းပနေတဲ့ လွှတ်တော်မှာ ကိုယ်စားလှယ်အများစု အနိုင်ရ ထားတဲ့ ကြံ့ခိုင်ဖွံ့ဖြိုးရေးပါတီကပဲ လွှမ်းမိုးနေတယ်လို့ ဦးခင်မောင်ဆွေက ပြောပါတယ်။

“သြော် လွှတ်တော် အနေအထားကတော့ ပြောထားတဲ့အတိုင်းတော့ သူတို့ ဆက်သွားနေတာတော့ အမှန်ပေါ့ဗျာ။ ဒါပေမဲ့ ဒီ လွှတ်တော်မှာ ဒီ ဥက္ကဋ္ဌတွေ အစရှိသည်ဖြင့် သဘာပတိတွေ တင်မြှောက်တာတော့ အများစု အနိုင်ရတဲ့ ကြံ့ခိုင်ဖွံ့ဖြိုးကပဲ နေရာယူထားတာ တွေ့ရတယ်။ တခြားပါတီတွေက လွှတ်တော် ဥက္ကဋ္ဌ၊ နာယက အစရှိသည်ဖြင့် တင်မြှောက်ခံရတာ မတွေ့ရဘူး။ ဒါပေမဲ့ တခြားပါတီတွေက လွှတ်တော် နာယက၊ ဥက္ကဋ္ဌ အစရှိသည်ဖြင့် တင်မြှောက်တာကို အပြိုင်တင်မြှောက်တာတွေတော့ ရှိတယ်လို့ ကြားရတယ်။ အမျိုးသား လွှတ်တော်မှာသော်လည်းကောင်း၊ အဲဒီလို ကြားရတဲ့အတွက်ကြောင့်မို့လို့ အပြိုင်တင်ခွင့်တွေလည်း ရထားတယ်။ သို့သော်လည်းပဲ အနိုင်မရဘူးသာလျှင် သိရပါတယ်။”

တနင်္ဂနွေနေ့က စတင် ကျင်းပခဲ့တဲ့ ပြည်သူ့လွှတ်တော်နဲ့ အမျိုးသားလွှတ်တော်တွေက ဥက္ကဋ္ဌနေရာတွေကို ကြံ့ခိုင်ဖွံ့ဖြိုးရေး ပါတီက ဦးရွှေမန်းနဲ့ ဦးခင်အောင်မြင့်တို့ကို ရွေးချယ် တင်မြှောက်ခဲ့ပါတယ်။

တနင်္လာနေ့မှာတော့ ဒုတိယ သမတလောင်း ၃ ဦးကို ပြည်သူ့ လွှတ်တော်၊ အမျိုးသားလွှတ်တော်နဲ့ တပ်မတော်သား အစုအဖွဲ့ကနေ တဦးစီ အမည်တင်သွင်းပေးဖို့ အစီအစဉ်ရှိတယ်လို့ သိရပါတယ်။ အဲဒီ ဒုတိယ သမတလောင်း ၃ ဦးထဲကနေ နိုင်ငံတော် သမတကို ပြည်ထောင်စု လွှတ်တော်က ပြန်လည် ရွေးချယ် တင်မြှောက်ရမှာ ဖြစ်ပါတယ်။
sources: :RFA

Tuesday, February 1, 2011

ဗိုလ်ချုပ်မိန့်ခွန်းများ

စစ်တပ်ချုပ်ကိုင်တဲ့ လွှတ်တော်ကြောင့် အပြောင်းအလဲအတွက် အခွင့်အလမ်း ဆုံးရှုံး

မြန်မာနိုင်ငံမှာ မနေ့ကစပြီး ခေါ်ယူကျင်းပခဲ့တဲ့ လွှတ်တော်တွေမှာ စစ်တပ်အရာရှိတွေနဲ့ စစ်အစိုးရရဲ့ USDP ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက လွှမ်းမိုးထားလိမ့်မယ် ဆိုတာကို မူလကတည်းက မျှော်လင့်ပြီးသား ဖြစ်တယ်လို့ အမေရိကန် ပြည်ထောင်စု နိုင်ငံခြားရေးဌာနက ပြောပါတယ်။ မနေ့က ကျင်းပတဲ့ လွှတ်တော်တွေမှာ ပြည်သူ့လွှတ်တော် ဥက္ကဋ္ဌအဖြစ် သူရ ဦးရွှေမန်း၊ အမျိုးသားလွှတ်တော် ဥက္ကဋ္ဌအဖြစ် ယဉ်ကျေးမှုဝန်ကြီး ဦးခင်အောင်မြင့်တို့ကို ရွေးချယ်ခဲ့ပါတယ်။
ပြီးခဲ့တဲ့ နိုဝင်ဘာ ၇ ရက် ပါလီမန် ရွေးကောက်ပွဲတွေဟာ လွတ်လပ်မျှတမှု မရှိဘူးဆိုပြီး အမေရိကန် ပြည်ထောင်စုက ထုတ်ပြန်ကြေညာပြီးသား ဖြစ်ပါတယ်။
“အခု လွှတ်တော် အခြေအနေနဲ့ ပတ်သက်လို့ ဘာမှ အံ့အားသင့်စရာ မရှိပါဘူး။ အမေရိကန် ပြည်ထောင်စု အနေနဲ့ကတော့ အရင်က ပြောထားတဲ့အတိုင်း နိုင်ငံရေး အကျဉ်းသားတွေကို လွှတ်ပေးပြီး အားလုံး ပါဝင်နိုင်တဲ့၊ လမ်းဖွင့်ပေးထားတဲ့ နိုင်ငံရေး လုပ်ငန်းစဉ်တရပ်ကို မြင်ချင်ပါတယ်။” လို့ အမေရိကန် နိုင်ငံခြားရေးဌာန ပြောခွင့်ရသူ ပီ.ဂျေ ခရော်လီ (P.J Crowley) က ပြောသွားပါတယ်။
ပြီးခဲ့တဲ့ သီတင်းပတ်တုန်းက ဗဟိုတရားရုံးက အမျိုးသား ဒီမိုကရေစီ အဖွဲ့ချုပ် (NLD) ကို အသိအမှတ်ပြုဖို့ ငြင်းပယ်ခဲ့တာကိုလည်း စိတ်ပျက်မိတဲ့အကြောင်း ပြောပါတယ်။
တကယ်တော့ NLD နဲ့ တခြား ဒီမိုကရက်တစ် ပါတီတွေ၊ တိုင်းရင်းသား ပါတီတွေကို အသိအမှတ်ပြုတာဟာ မြန်မာအာဏပိုင်တွေအတွက် အခွင့်အလမ်းတရပ် ဖြစ်တယ်လို့လည်း ပြောပါတယ်။ ဒါကြောင့် မြန်မာအာဏာပိုင်တွေဟာ နောက်ထပ် အခွင့်အရေးတရပ်ကို ဆုံးရှုံး နစ်နာခဲ့ရတယ်လို့ အမေရိကန် ပြည်ထောင်စု အနေနဲ့ မြင်တဲ့အကြောင်း ပြောသွားပါတယ်။
မနေ့က နေပြည်တော်မှာ ကျင်းပတဲ့ အမျိုးသားလွှတ်တော်နဲ့ ပြည်သူ့လွှတ်တော်နဲ့ တပြိုင်တည်းပဲ တိုင်းဒေသကြီးနဲ့ ပြည်နယ် လွှတ်တော်တွေကိုလည်း ခေါ်ယူ ကျင်းပပါတယ်။ နောက်ဆုံးရရှိတဲ့ သတင်းတွေအရ တိုင်းဒေသကြီးနဲ့ ပြည်နယ် လွှတ်တော်တွေမှာလည်း ကြံ့ခိုင်ရေးပါတီ ကိုယ်စားလှယ်တွေပဲ လွှတ်တော်ဥက္ကဋ္ဌအဖြစ် အရွေးခံရပါတယ်။
သူရ ဦးရွှေမန်း ပြည်သူ့လွှတ်တော် ဥက္ကဋ္ဌအဖြစ် အရွေးခံရတာကြောင့် ဦးရွှေမန်း နိုင်ငံတော်သမ္မတ ဖြစ်လာမယ်ဆိုတဲ့ မျှော်လင့် ခန့်မှန်းမှုတွေ ကုန်ဆုံးသွားပြီး လက်ရှိ ၀န်ကြီးချုပ် ဦးသိန်းစိန် သမ္မတ ဖြစ်လာနိုင်တယ်ဆိုတဲ့ ခန့်မှန်းမှုတွေ ပိုထွက်လာပါတယ်။ ဒီနေ့မှာတော့ ဒုတိယ သမ္မတ ၃ ဦး ရွေးချယ်မှု စတင်မယ်လို့ မျှော်လင့်ရပါတယ်။
အတိုက်အခံ လှုပ်ရှားသူတွေက ဒီလွှတ်တော်ကနေ ဒီမိုကရေစီ ပြုပြင်ပြောင်းလဲမှုတွေ ရရှိလာနိုင်လိမ့်မယ်လို့ မယူဆကြပါဘူး။

sources: :VOA

စည်းရုံးရေးဆိုတာ နားလည်ဖို့လိုတယ်

    နိုင်ငံရေးဆိတ်သုဉ်းလုနီးပါး အခြေအနေမျိုးနဲ့ နှစ်ပေါင်း ၅၀ လောက်နေခဲ့ကြရလေတော့ နိုင်ငံရေးသမားမျိုးဆက်ပြတ်သလို ဖြစ်သွားတယ်။ နိုင်ငံရေးကိုလွတ်လွတ်လပ်လပ်လုပ်လို့ရတဲ့ခေတ်ကို သိမီခဲ့သူတွေနဲ့ နိုင်ငံရေးသမားကြီးတွေ ရှိတန်သလောက်ရှိနေသေးပေမယ့် ရှစ်ဆယ်ကျော်၊ ကိုးဆယ်ကျော်အရွယ်တွေ ဖြစ်ကုန်ကြပြီဆိုတော့ စိတ်သွားတိုင်း ကိုယ်မပါကြရှာတော့ဘူး။

ကြေညာချက်တွေဝေကြ
၂၀၁၀ နိုဝင်ဘာ ၇ ရက်မှာ ရွေးကောက်ပွဲလုပ်မယ်လို့အစိုးရကကြေညာပြီး ပါတီတွေဖွဲ့စည်းတည်ထောင်ခွင့်ပေးလိုက်တဲ့အခါမှာ တစ်နိုင်ငံလုံးလှုပ်လှုပ်ရှားရှားဖြစ်သွားတယ်။ အသွေးအရောင်တူသူတွေစုပေါင်းပြီး ပါတီထောင်ကြတယ်။ တိုင်းရင်းသားလူမျိုးစုတွေကလည်း သူတို့ဒေသ သူတို့လူမျိုးကိုအခြေခံပြီး ပါတီထောင်ကြတယ်။ အဲဒီနောက်တော့ ထုံးစံအတိုင်း မဲဆွယ်စည်းရုံးလှုပ်ရှားမှုတွေ လုပ်ကြတယ်။ အများအားဖြင့်တော့ ကြေညာချက်တွေရိုက်ပြီး ရပ်ကွက်ထဲလိုက်ဝေကြတယ်။ လူစုလူဝေးနဲ့ တရားပွဲတွေဘာတွေ သိပ်မလုပ်နိုင်ကြဘူး။ ပါတီတွေအတွက်ကောင်းသွားတာက ဂျာနယ်တွေတစ်ရာ့လေးငါးဆယ်လောက် ရှိနေတာဖြစ်တယ်။

ဂျာနယ်တွေ တာဝန်ကျေ
ဂျာနယ်တွေက ပါတီတွေနဲ့အမတ်လောင်းတွေအကြောင်း ပြည်သူလူထုသိအောင် အမျိုးမျိုးသတင်းပေးကြတယ်။ လူငယ်ဂျာနယ်သမားတွေ တာဝန်ကျေကြတယ်။ ကျေးဇူးတင်စရာသိပ်ကောင်းတယ်။ ဂျာနယ်တွေက မျှမျှတတဖြစ်အောင် ကြိုးစားကြတယ်။ လွန်ခဲ့တဲ့နှစ်ပေါင်းငါးဆယ်ကျော် ပါတီစုံခေတ်ကလို မလိုတဲ့ပါတီအဖွဲ့အစည်းကို နည်းလမ်းမျိုးစုံသုံးပြီး အပုပ်ချတာမျိုးကင်းရှင်းကြတယ်။ ပုပ်လို့ပေါ်လာတဲ့ပါတီနဲ့ လူပုဂ္ဂိုလ်တွေကိုတောင် ဖုံးဖုံးဖိဖိနဲ့ သက်သက်ညှာညှာရေးကြတာတွေ့ရတယ်။

စည်းရုံးရေးဆိုတာနားမလည်ကြ
သတင်းသမားတစ်ယောက်အနေနဲ့ စောင့်ကြည့်လေ့လာရင် ဘာသွားတွေ့ရလဲဆိုတော့ နိုင်ငံရေးပါတီတွေနဲ့ အမတ်လောင်းတွေအားလုံး မဲဆွယ်တာပဲလုပ်တတ်ပြီး စည်းရုံးရေးမလုပ်နိုင်ကြဘူးဆိုတဲ့ အားနည်းချက်ဖြစ်တယ်။ တော်တော်များများက စည်းရုံးရေးဆိုတာကို နားမလည်ကြတာ။ ကြေညာချက် စာရွက်စာတမ်းတွေဝေတာနဲ့ တရားဟောတယ်ဆိုတာက မဲဆွယ်တာပဲ။ စည်းရုံးတာမဟုတ်ဘူး။ စည်းရုံးတယ်ဆိုတာက ရွေးကောက်ပွဲတစ်ပွဲအတွက် တစ်ပွဲထိုးလုပ်တာမဟုတ်ဘူး။ ကိုယ့်ပါတီကို နှစ်နှစ်ကာကာယုံကြည်ထောက်ခံတဲ့ အမာခံပါတီဝင်တွေဖြစ်အောင်လုပ်ရတာဖြစ်တယ်။ ကိုယ့်ပါတီရဲ့ မူဝါဒလမ်းစဉ်တွေကို ကြေကြေညက်ညက်နားလည်ပြီး ပူးပေါင်းပါဝင်ဆောင်ရွက်လိုသူတွေဖြစ်လာအောင် လုပ်ရတာဖြစ်တယ်။

အမာခံမဟုတ်ဘူး
မဲဆွယ်စဉ်ကာလမှာ ရွေးကောက်ပွဲနိုင်ရင် ဘာလုပ်ပေးပါမယ်ဆိုတဲ့ ကြေညာချက်ကိုသဘောကျပြီး မဲထည့်တဲ့မဲဆန္ဒရှင်ဆိုတာက ကိုယ့်အတွက် စိတ်ချရတဲ့အမာခံအဖြစ်ယူဆလို့မရဘူး။ နောက်တစ်ယောက်က ကိုယ့်ထက်သာအောင်လုပ်ပေးပါမယ်ပြောရင် ပြောတဲ့ဘက်ကိုပါသွားမှာပဲ။ ဒါမှမဟုတ် ရှေးဖဆပလခေတ်က ပျူစောထီးတွေလို သေနတ်ပြပြီးခြောက်ရင်လည်း ကြောက်လို့ပါသွားမှာပဲ။ ဘယ်လိုအန္တရာယ်မျိုးမဆိုရင်ဆိုင်ပြီး ကိုယ်ယုံကြည်တဲ့ပါတီဘက်က ရပ်တည်မယ်ဆိုတာက ပါတီရဲ့မူဝါဒလမ်းစဉ်ကိုနှစ်နှစ်ကာကာ ယုံကြည်လို့ဝင်လာတဲ့ပါတီဝင်တွေသာဖြစ်တယ်။

အမည်မခံဘဲထည့်ဝင်
အဲဒီလို ပါတီဝင်မျိုးများများရအောင်စည်းရုံးနိုင်တာကို စည်းရုံးရေးကောင်းတယ်လို့ခေါ်တယ်။ သူတို့က မူဝါဒကိုယုံကြည်တဲ့အတွက် ၀င်ကြေးတို့ လစဉ်ကြေးတို့ပေးပြီးဝင်လာကြတယ်။ အခွင့်အရေးလိုချင်လို့ ၀င်ကြတာမဟုတ်ဘူး။ ကိုယ့်အိတ်ထဲက ပိုက်ဆံထုတ်ပြီးဝင်လာကြတာ။ အနောက်နိုင်ငံတွေမှာ 'Paid Member' လို့ခေါ်တဲ့ အဲဒီလိုပါတီဝင်မျိုးတွေကိုမှ အမာခံလို့သတ်မှတ်နိုင်တယ်။ ပါတီရန်ပုံငွေလိုတယ်ဆိုရင်လည်း သူတို့က၀ိုင်းရှာပေးကြတယ်။ နိုင်ငံရေးခေတ်မှာ နိုင်ငံရေးပါတီတွေဟာ ဒီနည်းနဲ့ပဲရပ်တည်ကြတယ်။ ပါတီကစည်းရုံးရေးကောင်းရင် ကောင်းသလောက် ရန်ပုံငွေတောင့်တောင့်တင်းတင်းရှိလာတယ်။ သူဌေးသူကြွယ်တွေကလည်း မူကြိုက်လို့ဖြစ်ဖြစ်၊ လူကြိုက်လို့ဖြစ်ဖြစ် အလုံးအရင်းနဲ့ထည့်ဝင်လေ့ရှိတယ်။ အကျိုးလိုလို့ ညောင်ရေလောင်းသူတွေရှိသလို မူ ဒါမှမဟုတ်လူကိုကြိုက်လို့ အမည်မခံဘဲ ထည့်ဝင်လှူဒါန်းသူတွေလည်းရှိပါတယ်။

လူထုကမဏ္ဍိုင်
စည်းရုံးရေးလုပ်တယ်ဆိုတာ ကိုယ့်မူဝါဒလမ်းစဉ်ကိုလူတွေသိအောင်ချပြပြီး လူထုထောက်ခံမှုများသထက်များအောင် လုပ်ခြင်းဖြစ်တယ်။ လူထုထောက်ခံမှုအပြည့်အ၀ အခိုင်အမာရရှိတဲ့ပါတီ ဒါမှမဟုတ် လူပုဂ္ဂိုလ်ဟာ ရှင်သန်ရပ်တည်မှုအတွက် ဘာမှပူစရာမလိုဘူး။ အမာခံပါတီဝင်တွေနဲ့ လူထုကကျောရိုးမဏ္ဍိုင်အဖြစ် နောက်ကအမြဲထောက်ခံရပ်တည်ပေးမှာဖြစ်တယ်။ အရေးကြီးဆုံးအချက်က ကိုယ်ကိုင်စွဲတဲ့မူဝါဒလမ်းစဉ်တွေဟာ လူထုရဲ့လိုအပ်ချက်နဲ့ အမြဲတမ်းတစ်ထပ်တည်းကျနေဖို့ပဲဖြစ်တယ်။ ဆန္ဒစွဲအားကြီးပြီး ခြေလှမ်းကရှေ့ကိုသိပ်ကျွံနေလို့မဖြစ်သလို နှေးကွေးထုံထိုင်းပြီး လူထုရဲ့နောက်မြီး ဆွဲလုပ်နေလို့လည်း မဖြစ်ဘူး။ လူထုနဲ့အမြဲတမ်း တစ်သားတည်းရှိနေရမယ်။

တစ်သွေး၊ တစ်သံ၊ တစ်မိန့်
ဒီတစ်ကြိမ်ရွေးကောက်ပွဲမှာတော့ စည်းရုံးရေးသဘောနားမလည်ရုံသာ မဟုတ်သေးဘူး။ တော်တော်များများက မူဝါဒလမ်းစဉ်ဆိုတာတောင် ဘာမှန်းမသိကြတာတွေ့ရတယ်။ ဒါလည်း သူတို့ကိုအပြစ်မတင်ပါဘူး။

ပြည်သူကရှေ့အများကြီးရောက်
တပ်မတော်အစိုးရက ဒီမိုကရေစီလမ်းကိုသွားမယ်ဆိုပြီး ပါတီတွေထောင်ခွင့်ပေး၊ ရွေးကောက်ပွဲကျင်းပပေးလုပ်ခဲ့ပေမယ့် ထူထောင်လိုက်တဲ့ နိုင်ငံရေးပါတီတွေကိုယ်တိုင်က နိုင်ငံရေးဆိုတာဘာမှန်းသိပ်သိကြသေးတာမဟုတ်ဘူး။ အားလုံးသောပါတီတွေက ဒီမိုကရေစီနဲ့ဈေးကွက်စီးပွားရေးဆိုတဲ့ ယေဘုယျမူဝါဒကိုသာပြောနိုင်ကြတယ်။ ဘယ်လိုဒီမိုကရေစီလည်း၊ ဘယ်ပုံစံနဲ့ဈေးကွက်စီးပွားရေးလဲဆိုတဲ့ တိကျရေရာတဲ့လမ်းစဉ်မျိုးချပြနိုင်တာမရှိပါဘူး။ ဒီနေ့ မဲဆန္ဒရှင်ပြည်သူလူထုက နိုင်ငံရေးပါတီတွေထက်ရှေ့ကို အများကြီးရောက်နေတယ်။ ဒီမိုကရေစီဆိုတာ ဘယ်လိုဒီမိုကရေစီမျိုးလဲ ယိုးဒယားဒီမိုကရေစီမျိုးလား၊ အရှေ့အလယ်ပိုင်းက ဘုရင်တွေနဲ့ စော်ဘွားတွေရဲ့ ဒီမိုကရေစီမျိုးလားဆိုတာ အတိအကျသိချင်ကြတယ်။

ယေဘုယျနဲ့မလုံလောက်
ဈေးကွက်စီးပွားရေးမှာလည်း ဂျပန်တို့၊ အမေရိကန်တို့ကပုံစံလား၊ တရုတ်က ဈေးကွက်စီးပွားရေးပုံစံလား၊  ဗီယက်နမ်ပုံစံလားဆိုတာ ရေရေရာရာသိချင်ကြတယ်။



Written by လူထုစိန်ဝင်း