Monday, March 8, 2010

နအဖ ရွေးကောက်ပွဲ ဟန်ပြသာဖြစ်ဟု ထိုင်းအထက်လွှတ်တော်အမတ် ပြောကြား



 မြန်မာနိုင်ငံတွင် ကျင်းပတော့မည့် ရွေးကောက်ပွဲသည် နိုင်ငံ၏ ပြည်တွင်းရေးပြဿနာများကို ပြေလည်အောင် ဖြေရှင်းနိုင်မည် မဟုတ်ဘဲ ဒီမိုကရေစီကို သွေဖည်သည့် ဟန်ပြရွေးကောက်ပွဲသာဖြစ်မည်ဟု ထိုင်းအထက်လွှတ်တော်အမတ် နိုင်ကရိုင်ဆတ် ချွန်ဟာဗန်က မဲဆောက်မြို့၌ သတင်းထောက်များကို ပြောကြားသည်။

ထိုင်းလွှတ်တော်အမတ်နှင့် အာဆီယံ မြန်မာ့အရေးဆိုင်ရာ ပါလီမန် အမတ်များအဖွဲ့ (AIPMC) ဥက္ကဋ္ဌဖြစ်သူ နိုင်ကရိုင်ဆတ် ချွန်ဟာဗန်သည် အဖွဲ့ဝင်များနှင့်အတူ ယနေ့နံနက်တွင် ထိုင်း-မြန်မာနယ်စပ် မဲဆောက်မြို့ရှိ မယ်တော်ဆေးခန်းသို့ ရောက်ရှိစဉ် ပြောကြားခြင်းဖြစ်သည်။

၎င်းက “မြန်မာပြည်မှာ လုပ်မယ့် ရွေးကောက်ပွဲက ဒီမိုကရေစီစနစ်ကို အခြေခံတာ မဟုတ်တဲ့အတွက် တရားမျှတတဲ့ ရွေးကောက်ပွဲ ဘယ်လိုမှမဖြစ်နိုင်ဘူး။ မြန်မာစစ်တပ်ကလည်း သူ့အတွက်ပဲ ကြည့်တဲ့အတွက် ဒီရွေးကောက်ပွဲဟာ ဘယ်လိုနည်းနဲ့မှ ကောင်းတဲ့ရလဒ်ကို ရမှာမဟုတ်ဘူး။ ဒီအတိုင်းသာ ဆက်သွားမယ်ဆိုရင် လူမျိုးစုလက်နက်ကိုင် အဖွဲ့တွေအနေနဲ့ သူတို့တောင်းဆိုနေတာတွေ မရရှိနိုင်တဲ့အတွက် မြန်မာပြည်ရဲ့ အခြေအနေက လက်ရှိထက်ကို ဆိုးလာဖို့ပဲ ရှိတယ်။ မြန်မာနဲ့ငြိမ်းချမ်းရေး ယူထားတဲ့ အပစ်ရပ်အဖွဲ့တွေထဲကလည်း ဒီရွေးကောက်ပွဲကို လက်မခံနိုင်တဲ့အတွက် မြန်မာပြည်မှာ စစ်ပွဲတွေ အချိန်မရွေး ပြန်ဖြစ်လာဖို့ရှိတယ်” ဟု ပြောသည်။

မြန်မာနိုင်ငံတွင် စစ်မှန်သည့် အမျိုးသားပြန်လည်သင့်မြတ်ရေး မတည်ဆောက်နိုင်သည့်အတွက် နယ်စပ်ဒေသများတွင် လူ့အခွင့်အရေးချိုးဖောက်မှုများနှင့် လက်နက်ကိုင်တိုက်ပွဲများ ဆက်လက်ဖြစ်ပွားနေသဖြင့် မြန်မာဒုက္ခသည်များ ထိုင်း၊ တရုတ်၊ အပါအ၀င် အိမ်နီးချင်းနိုင်ငံတို့တွင် ၀င်ရောက်ခိုလှုံနေရသည်ဟုလည်း ၎င်းက ဆက်လက်ပြောကြားသည်။

၎င်းတို့အဖွဲ့သည် ယမန်နေ့က မဲဆောက်မှတဆင့် ထာ့ဆောင်ရန်းမြို့နယ်ရှိ နောင်ဘိုးနှင့်မဲအူစု ကျေးရွာများရှိ ယာယီဒုက္ခသည် စခန်းတွင် ခိုလှုံနေသည့် ကရင်စစ်ပြေးဒုက္ခသည် (၁,၆၀၀) ခန့်ကို သွားရောက်တွေ့ဆုံခဲ့ပြီး စိုးရိမ်ဖွယ်ရာ လူ့အခွင့်အရေး ချိုးဖောက်မှုများ တွေ့ရှိရသည့်အတွက် ဒုက္ခသည်များအား နေရပ်အတင်းအကျပ် ပြန်ပို့ခြင်းမပြုရန် ထိုင်းအစိုးရကို တိုက်တွန်းသွားမည်ဟုလည်း နိုင်ကရိုင်ဆတ် ချွန်ဟာဗန်က ပြောသည်။

၎င်းက “ဒီကေဘီအေအဖွဲ့ဟာ နအဖဘက်က လူတွေဖြစ်တယ်။ ဒီစစ်ပြေးဒုက္ခသည်တွေအပေါ် လူ့အခွင့်အရေး ချိုးဖောက်မှုတွေ ဆိုးဆိုးရွားရွား လုပ်ခဲ့တာမျိုးရှိတယ်။ သူတို့ အုပ်ချုပ်မှုအောက်မှာ ဒုက္ခသည်တွေရဲ့ အသက်ရှင်နေထိုင်ရေးအတွက် အာမခံချက် မရှိတဲ့နေရပ်ကို လက်ရှိအခြေအနေမှာ မပြန်ချင်ကြသေးဘူး။ သူတို့နေရပ်မှာ အဓမ္မလုပ်အားစေခိုင်းတာတွေ စစ်သားစုဆောင်းတာတွေ၊ ပေါ်တာဆွဲတာတွေနဲ့ မြေမြှုပ်မိုင်းအန္တရာယ်တွေ ရှိတဲ့အတွက် သူတို့ကို ပြန်ပို့မယ့်ကိစ္စ အထူးစိုးရိမ်မိတယ်။ ဒီကိစ္စ အထက်ကို တင်ပြသွားမှာ ဖြစ်တယ်” ဟု ပြောသည်။

စစ်ပြေးဒုက္ခသည်အရေးနှင့် ပတ်သက်၍ နိုင်ငံကို စီမံခန့်ခွဲနေသူများသည် ဘန်ကောက်တွင်သာ ရုံးထိုင်ကြပြီး အခြေအနေအမှန်ကိုသိရှိရန် မဲဆောက်မြို့သို့ လာရောက်ခြင်း မရှိကြောင်း၊ ဒုက္ခသည်များ ခိုလှုံနေသည့် နောင်းဘိုးဝါးရွာဆိုလျှင် နယ်မြေတာဝန်ရှိသူများသာ ရှိကြောင်း ၎င်းက ပြောသည်။

ထာ့ဆောင်ရန်းမြို့နယ်ရှိ ကရင်စစ်ပြေးဒုက္ခသည်များနှင့် သွားရောက်တွေ့ဆုံခဲ့ရာတွင် AIPMC ဥက္ကဋ္ဌနှင့်အတူ အဖွဲ့ဝင်များဖြစ်သည့် မလေးရှားနှင့် အင်ဒိုနီးရှားမှ လွှတ်တော်ကိုယ်စားလှယ်များလည်း ပါဝင်သည်။

မြန်မာ့အရေးဆိုင်ရာ အာဆီယံပါလီမန်အမတ်များအဖွဲ့ AIPMC အဖွဲ့ကို မြန်မာပြည် ဒီမိုကရေစီရရှိရေးအတွက် အာဆီယံ (၅) နိုင်ငံမှ လွှတ်တော်အမတ်များဖြင့် ဖွဲ့စည်းထားသည်။

အာဆီယံ မြန်မာ့အရေးဆိုင်ရာ ပါလီမန်များအဖွဲ့ ဥက္ကဋ္ဌနှင့် အဖွဲ့ဝင်များသည် မဲဆောက်ဒေသတွင်းရှိ မြန်မာဒုက္ခသည်များ၊ ထိုင်းနယ်စပ်အခြေစိုက်ပညာရေး၊ လူမှုရေး၊ ကျန်းမာရေး၊ အလုပ်သမားအရေး ဆောင်ရွက်နေသည့် မြန်မာအဖွဲ့အစည်းများ၊ အစိုးရမဟုတ်သော နိုင်ငံတကာအဖွဲ့အစည်းအချို့နှင့် တွေ့ဆုံခဲ့ပြီး ၎င်းတို့စုဆောင်းရရှိသည့် အချက်အလက်များကို ထိုင်းအစိုးရထံ တင်ပြသွားမည်ဟု သိရသည်။

ထာ့ဆောင်ရန်းမြို့နယ်တွင် ခိုလှုံနေသည့် ကရင်ဒုက္ခသည်များသည် ယမန်နှစ်လယ်ပိုင်းက နအဖနှင့် ဒီကေဘီအေ ပူးပေါင်းတပ်ဖွဲ့နှင့် ကေအန်ယူတပ်ဖွဲ့တို့ကြား ဖြစ်ပွားခဲ့သည့် ရက်ရှည်တိုက်ပွဲ၏ဂယက်ကြောင့် ထိုင်းဘက်ခြမ်းသို့ ထွက်ပြေးလာသည့် လှိုင်းဘွဲနှင့် ပိုင်ကျုံမြို့နယ်မှ ဒေသခံရွာသားများဖြစ်သည်။

ရဲရင့်/ ၈ မတ် ၂ဝ၁ဝ
ရင်းမြစ် ။  ။ခေတ်ပြိုင်

ဂိမ်းနဲ့ဘိန်း


မောင်စံပေါတို့ ငယ်ငယ်တုန်း က သိပ်ပြီးအသက်ကြီးချင်ခဲ့တယ်။ ကျောင်းမနေခင်က ကျောင်းနေချင်လှလို့ ကျောင်းတက်ရမယ့် အရွယ်မြန်မြန်ရောက်ပါစေလို့ ဆုတောင်းရတာ။ မူလတန်းကျောင်းသားအရွယ် ရောက်ပြန်တော့ စက်မှုတက္ကသိုလ် ကျောင်းသားအစ်ကိုရဲ့ ကံ့ကော်မြေတို့၊ စွယ်တော်ရိပ်တို့ စတဲ့ တက္ကသိုလ် ပုံပြင်တွေနားထောင်ပြီး ''အသက်ရယ်ကြီးစမ်းပါဟ'' လို့ဖြစ်ရပြန်ပါရော။ တက္ကသိုလ်ရောက်ပြန်တော့ လူ ရည်ချွန်စကောလားရှစ်လေး ခုနစ်ဆယ့်ငါးကျပ်ရယ်၊ အိမ်ကပေးတဲ့ငွေ ရယ်ပေါင်းပြီး တွက်တွက်ချက်ချက် နဲ့ ပြက္ခဒိန်စာရွက်တွေကို တဖြည်းဖြည်း ကျော်ဖြတ်ရပြန်တော့ ''အချိန်ကုန်တာနှေးပါဘိ'' ဆိုပြီးဘွဲ့ရအလုပ် လုပ်ဝင်ငွေရှိမယ့်ကာလကို မျော်ရပြန်ပါရော။ ဘွဲရခဲ့ပြီ။ လုပ်ငန်းခွင်လည်း ၀င်ခဲ့ပြီ။ မိအိုဘအိုကိုလည်း ကောင်းကောင်း စောင့်ရှောက်နိုင်ခဲ့ပြီ။အသက် ထပ်ပြီးကြီးချင်ပါသေးသလား။မကြီးချင်တော့ပါဘူး။ အမှန် ပြောတာပါခင်ဗျာ။ ငယ်တောင်ငယ် ချင်ပါတယ်။ ကိုယ်ငယ်ငယ်တုန်းက ပတ်ဝန်းကျင်အခြေအနေ၊ ဉာဏ်ရည် ဉာဏ်သွေးနဲ့ အခုခေတ်ကလေးတွေ ရဲ့ကြားမှာ ကွာခြားမှုကကြီးခဲ့ပြီ။

                                                 (၂)

        ဒီနေ့ခေတ်ကလေးတွေ လွှတ် သွက်သဗျ။ လွှတ်တော်သဗျ။ လွှတ် လည်သဗျ။ လွှတ်ပါးနပ်ကြသဗျ။ တကယ်ပြောတာပါ။ ကိုယ်တွေငယ် ငယ်တုန်းကဗျာ နှေးသဗျ။ လေးသဗျ။ တုံးသဗျ။ အသဗျ။ အရိပ်ပြရင် အရိပ်ပဲမြင်သဗျ။လောကဓာတ်ပစ္စည်းအသုံး အဆောင်တွေကလည်းပေါသဗျ။ ဆန်း သဗျ။ အဲဒါတွေနဲ့ နှီးနှောပြီးဒုက္ခနဲ့ လှလှနဲ့ တွေ့တော့တာပါပဲ။  တွေ့တော့မြင်တယ်။ မြင်တော့ သိတယ်။ သိတော့ ကြိုက်တယ်။ ကြိုက်တော့လိုချင်တယ်။ လိုချင်တော့ ဒုက္ခရောက်ပါရော ဆိုတာမျိုးက ပြောကြတာ၊ ကြားရတာများလှပါပြီ။မောင်စံပေါပြောချင်တာက အများကြီးတွေထဲက နည်းနည်းလေးတစ်ခုအကြောင်းပါ။

(၃)

       ဘိန်းဆိုတာကြားဖူးမှာပါ။ ဘိန်းစစ်ပွဲကိုလည်း သိကြမှာပါ။''စိမ်းကား မှဘုရားဖြစ်၊ ဘိန်းစားမှမယားချစ်'' ဆိုပြီး လူပြက်တွေပြောတာ နားထောင် ခဲ့ဖူးပါတယ်။အဲဒီဘိန်းက ဆိုးပါတယ်။ တော်တော်ကြီးမက အလွန်တရာကြီး ကိုဆိုးလှပါတယ်။ သွားပြီးစမိစမ်းမိ ရင်စွဲသွားအောင် ဆွဲဆောင်နိုင်လွန်းလှ ပါတယ်။ ဆွဲရာပါလို့ကတော့ မွဲပြာကျတာတောင်မကပါဘူး လူပါ ဂူလား၊တွင်း လား၊ထင်းလား၊မီးလားတစ်ခုခုပါပဲ။

(၄)
 အဲဒီဘိန်းနဲ့ ပတ်သက်ပြီး 'ဘိန်း ဋီကာ'ဖွဲ့ သိန်းချီကာစာမချဲ့ချင်ပါ။ 'ဘိန်း'နဲ့ဆင်တဲ့ ခေတ်ပေါ် မှင်စာ ကလေး 'ဂိမ်း'အကြောင်းနည်းနည်း ပြောချင်ပါတယ်။ နည်းနည်းတွေ့၊ နည်းနည်းမြင်တာကို နည်းနည်း တွေးပြီး နည်းနည်းရေးချင်လာလို့ပါ။

        ဂိမ်းကို မောင်စံပေါစမြင်ဖူးတာ လက်ကိုင်စက်သေးသေးလေးတွေပါ။ မျက်နှာပြင်ကလည်း သေးသေးကလေး၊ ပေါ်နေတာတွေကလည်း သေးသေးလေးတွေဆိုတော့ စကစားကြည့် မိလို့စွဲသွားတဲ့အခါ မျက်မှန်ပါဝါ တက်လာတာတို့၊ မျက်မှန်တပ်ရတာတို့ ဖြစ်လာပါတယ်။

        နည်းပညာတွေတိုးတက်လာတာနဲ့ အမျ ဂိမ်းတွေကလည်းစုံလာပါတယ်။ စုံတာနဲ့ အမျ 'စွဲ' တဲ့သူတွေ လည်းတစ်နေ့တခြားပိုပိုများလာပါတယ်။ဂိမ်းဆိုင်တွေလည်းမှိုလိုပေါက်လာပါရော။ဇာတ်လမ်းကသေးသေးလေးနဲ့ စတာပါပဲ။ တဖြည်းဖြည်းနဲ့ ကြီးလာတာ။ ဘိန်းလိုပဲ ဂိမ်းစွဲတဲ့သူတွေများ လာပါတယ်၊ အများစုကလူငယ်တွေ။

(၅)

        ဒီနေ့ခေတ်လူငယ်တွေ၊ကလေး တွေတော်ကြတာကို မောင်စံပေါ ခဏ ခဏပြောမိပါတယ်။ တစ်ဖက် ကလည်း ပညာလိုလား အမျိုးသားတို့ တိုးပွားဖို့အတွက် လေ့လာစရာ အစုံအလင်၊ တစ်ပုံတစ်ပင်ကလည်း လက်တစ်ကမ်းမှာငါတို့ငယ်ငယ်ကနဲ့ ကွာပ ကွာလို့တောင် တအံ့တသြဖြစ်ရပါတယ်။

                တစ်ခါ ဒီလိုအခြေအနေတွေ ပေးနေပါရက်နဲ့ ကိုယ့်ရဲ့အဖိုးတန် အချိန်တွေကို ဘာဖြစ်လို့ဂိမ်းအတွက် ပေးနေရတာလဲ။ အကောင်းဆုံးအချိန် တွေကိုဖြုန်းနေရတာလဲ။ (အကောင်း ဆုံးအချိန်ဆိုတာ ဦးနှောက်ကလည်း လန်းဆန်း၊ စိတ်ဓာတ်ကလည်းတက် ကြွ၊ ပူပင်စရာက မရှိလှရုံသာမက ပါဘူး။ ဘာတာဝန်၊ ညာတာဝန်တွေ ကလည်း မထမ်းရသေးဘူးလေ။)

              ဂိမ်းတွေထဲမှာ ကောင်းတာရှိ ချင်ရှိမှာပါ။ ဒါပေမယ့် မကောင်းတာ ဘဲ မြင်မြင်နေရတာ များပါတယ်။ဂိမ်း ကြောင့်အကျိုးရှိသွားတာတော့မပြောတတ်ပါဘူး။ဂိမ်းကြောင့်အကျိုးမဲ့သွားတာတွေကတော့ နေရာတော် တော်များများမှာ တွေ့တွေ့နေရပါ တယ်။

             လူငယ်လေးတစ်ယောက်ဆိုရင် သာမန်မိဘနှစ်ပါးက မွေးဖွားလာတာ။ တန်းစဉ်ပထမစွဲတယ်။ ရွာထဲ က သူတို့ အိမ်နံရံမှာ ဆုယူဓာတ်ပုံတွေက ဂုဏ်ယူဝံ့ကြွားစွာနဲ့ပေါ့။ တက္ကသိုလ်ဝင်တန်းရောက်တော့ ဘာသာစုံဂုဏ်ထူးနဲ့အောင်ပြီး မြို့နယ် ပထမ၊ ခရိုင်ပထမ၊ တိုင်းအဆင့် ဒုတိယ၊ နိုင်ငံတော်အဆင့်ကဘာ စသ ဖြင့်ပေါ့လေ။ ကျောင်းပြက္ခဒိန်၊ မြို့ နယ်နဲ့တိုင်း ပညာရေးပြက္ခဒိန်တွေမှာ ထိပ်ဆုံးကပါခဲ့တာပေါ့။

            ဆေးတက္ကသိုလ်ရောက်တယ်။ ဂိမ်းနဲ့ တော်တော်ကြီးထွေးရောယှက် တင်ဖြစ်လာတယ်။ ပထမနှစ်ကစာ တွေက တက္ကသိုလ်ဝင်တန်းနဲ့ ဆက်စပ်ရနေသေးသလို ရှိနေသေးတော့ ပထမနှစ်အောင်ခဲ့သေးတယ်။ ဒုတိယနှစ် ဆေးပညာသင်ရတယ်။ ဒီချာတိတ်ကိုဝင်ပူးခဲ့တဲ့ ဂိမ်းတစ္ဆေဟာ မှင်စာအဆင့်မဟုတ်တော့ဘူး။ ဘီလူး၊ သဘက်ကြီးဖြစ်နေပြီ။

           ကျောင်းမတက်ဘူး။ စာမ ကျက်ဘူး။ အဆောင် မကပ်ဘူး။ ဂိမ်းဆိုင်အိပ်၊ ဂိမ်းဆိုင်စားဖြစ်လာတယ်။ ဂိမ်းမူးယစ်နေချိန် အိပ်လိုက်ရမှာမလိုလားလို့ ကော်ဖီမစ်ထုပ်တွေ ဖျော်သောက်တယ်။ မအိပ်မနေကြိုး စားတယ်။ တစ်ခါဖျော်ရင်တစ်ထုပ် တောင်မကတော့ဘဲ ငါးထုပ်၊ ခြောက် ထုပ်လောက်ကို မတ်ခွက်ထဲမှာရေနွေး နည်းနည်းနဲ့ ဖျော်ပြီးသောက်တယ်။ ကော်ဖီမစ်သောက်တဲ့အကြိမ်တွေ များလာပြီး အိပ်ချိန်ကနည်းလာတယ်။

          ဆေးလိပ်သောက်ရင် ဂိမ်းဉာဏ် ရွှင်တယ်ဆိုပြီး သောက်လိုက်တာ ဆေးလိပ်ပါစွဲလာတယ်။ တိုတိုပြောရရင် ကြာတော့ လူကကြောင်တောင် တောင်ဖြစ်လာတယ်။ ဒုတိယနှစ် တစ်ခါကျတယ်။ နောင်တစ်ခါထပ် ကျတယ်။ ဆေးတက္ကသိုလ်ကထွက် လိုက်ရတယ်။

          အဘွားမြင်ချင်တဲ့ဂျူတီကုတ် ကလေးနဲ့ နားကြပ်ကလေးကတော့ သေတ္တာထောင့်တစ်နေရာမှာ (အဲဒီ ဆေးကျောင်းသားကလေးအတွက်) ထာဝရအနားယူသွားခဲ့ပြီ။'
သံတူကြောင်းကွဲ ဂိမ်းမျက်ရည် ပုံပြင်တွေဟာ နေရာတော်တော်များ များမှာရှိနေကြပြီ။ ''လူတွင်ပါလို့ နွား ကျားကိုက်တာ''ပြောချင်ပြော။ ''ကိုယ် အသုံးမကျလို့ဖြစ်တာ'' ပြောချင် ပြော။ ဖြစ်ပြီးတဲ့အချိန်ကျမှ ကလေးတွေကို လူငယ်တွေကိုချည်းပဲ အပြစ်လုံးလုံးပုံချကြမှာလား။ ကံကိုပဲယိုး စွဲကြမှာလား။ လူကြီးတွေမှာရော တာဝန်မရှိကြဘူးလား။

(၆)

         ဂိမ်းတွေက အချိန်ကုန်စေတယ်။ ရုတ်ခြည်းတုံ့ပြန်မှုကို မြန်သထက် မြန်အောင်တွန်းအားပေးတယ်။ (စူးစမ်းလေ့လာခွဲခြမ်းစိတ်ဖြာ သုံးသပ်တွက်ချက်ဆုံးဖြတ်တာတွေကို ဘေးပို့ပစ်လိုက်တယ်။) တိုက်ခိုက်သတ်ဖြတ်တဲ့ ဂိမ်းတွေကိုယဉ်ပါးတာများလာတဲ့အခါ 'လက်ဦးမှုအရယူရေး ၀ါဒ'ကခေါင်းထဲဝင်လာတယ်။ (အဲဒီ ဂိမ်းချန်ပီယံ ကလေးတစ်ယောက်ဟာ ဘာမဟုတ်တဲ့ ကိစ္စလေးတစ်ခုမှာ ငါ မချရင်ခံရမယ်ဆိုတဲ့ အတွေးနဲ့အပြင်မှာ ပလေးလိုက်တာ လူသတ်မှုနဲ့ ထောင်ထဲရောက်သွားခဲ့ဖူးတယ်)။ အကြမ်းဖက်တာ၊ ရက်စက်တာမဆန်းပါဘူး ဆိုတာမျိုးတွေဖြစ်လာတယ်။

         အုပ်စုဖွဲ့ကွန်ရက်ဆက်သွယ် ပြီး ကစားရတဲ့ဂိမ်းတွေကြောင့် အသင်းအဖွဲ့အနေနဲ့ ပူးပေါင်းဆောင်ရွက်တတ်တာမျိုး ရှိလာတယ်လို့ပြောကြ ပါတယ်။(အိမ်နီးချင်းနိုင်ငံမှာကျောင်း သားလူငယ်လေးတွေ အုပ်စုဖွဲ့ပြီး တက္က သိုလ်တစ်ခုနဲ့ တစ်ခုရန်ဖြစ်ကြ၊ သတ် ကြဖြတ်ကြ၊ လိင်ကိစ္စမှုခင်းတွေ လုပ်ကြတာတွေ ဖြစ်လာပါတယ်။ ဒါကြောင့် တော်ဝင်မိသားစုထဲက တစ်ယောက်က ဂိမ်းတွေနဲ့ပတ်သက် ပြီး သုတေသနပြုစာတမ်းတွေ တင်စေပြီးကလေးတွေရဲ့ဉာဏ်ရည်ဖွံ့ဖြိုး မှုကို အထောက်အကူပေးတဲ့ စစ်တုရင်အားကစားနည်းကို လူငယ်တွေ ကြားထွန်းကားဖို့နဲ့ ကလေးလူငယ် စစ်တုရင်ပြိုင်ပွဲတွေလုပ်ဖို့ အတင်း တိုက်တွန်းလုပ်ဆောင်ခဲ့ပါတယ်။)
(၇)

          ပြောရင် မောင်စံပေါကို ဒီလူကြီးဘာမှမသိဘဲနဲ့ ဂိမ်းမကောင်းကြောင်းတွေ လျောက်ပြောနေတယ် ဆိုကြပါလိမ့်မယ်။ငယ်ငယ်တုန်းကတည်းက ဘွားဘွားကြီးပြောတဲ့ စကားလေးတစ်ခု ကြားခဲ့ဖူးပြီး နားစွဲနေတာရှိပါတယ်။ ''ဘာပဲဖြစ်ဖြစ် အကောင်းနဲ့အဆိုးကို ချိန်ဆ။ ကောင်းတာချည်းပဲဆိုရင်တော့ အကောင်းဆုံးပေါ့။အကောင်းအဆိုးမျှနေမယ်ဆိုရင်စဉ်းစားသတိထား။အဆိုးများပြီဆိုရင်တော့လုံးဝမလုပ်နဲ့''တဲ့။    

written by မောင်စံပေါ
ရင်းမြစ် ။   ။ www.first-11.com

ရွေးကောက်ပွဲမတိုင်မီ နိုင်ငံပိုင်စီမံကိန်းများ လက်စသတ်ရန် ဗိုလ်ချုပ်မှူးကြီး သန်းရွှေ ညွှန်ကြား

တည်ဆောက်ဆဲ နိုင်ငံပိုင် အထူးစီမံကိန်းများကို အမြန်ဆုံး လုပ်ငန်းသိမ်း လက်စသတ်ကြရန်နှင့် အရှုံးပေါ်နေသည့် နိုင်ငံပိုင် စီးပွားရေးလုပ်ငန်းများ အမြတ်ထွက်ရေးအတွက် စီစဉ်ရန် စစ်အစိုးရ ခေါင်းဆောင်ဖြစ်သူက ၀န်ကြီးများကို ညွှန်ကြားလိုက်သည်။

နေပြည်တော်တွင် ယခုလ (၅) ရက်၌ ပြုလုပ်သည့် အထူးစီမံကိန်းများ အကောင်အထည်ဖော်ရေးအဖွဲ့ အစည်းအဝေးတွင် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက ပြောကြားလိုက်ခြင်းဖြစ်သည်။

၎င်းက “နိုင်ငံပိုင် စက်ရုံများ အရှုံးပေါ်နေခြင်းကို ပြန်လည်သုံးသပ်ရန်၊ နိုင်ငံပိုင် စီးပွားရေးလုပ်ငန်းများ တွက်ချေကိုက်အောင် နည်းလမ်းရှာရန်၊ လက်ရှိ စီမံကိန်းများ မြန်မြန်ပြီးရန်လိုကြောင်း” ယင်းနေ့ အစည်းအဝေးတွင် ညွှန်ကြားလိုက်ကြောင်း နိုင်ငံပိုင် သတင်းစာများတွင် ဖော်ပြသည်။

စစ်ခေါင်းဆောင်များအား ကုန်ကျစရိတ် ကြီးမားသည့် အထူးစီမံကိန်းများ လက်စသတ်ရန် ညွှန်ကြားလိုက်ပြီး (၂) ရက်အကြာ ယနေ့တွင် ၂၀၁၀ ရွေးကောက်ပွဲအတွက် နိုင်ငံရေးပါတီများ ဖွဲ့စည်းခွင့်သာ ပါရှိပြီး မည်သည့်အချိန်တွင် ကျင်းပမည်ဟု ရက် အတိအကျ သတ်မှတ်မပေးသည့် ရွေးကောက်ပွဲဥပဒေကို ထုတ်ပြန်မည်ဟု ကြေညာလိုက်သည်။

“၂၀၁၀ အတွက် နိုင်ငံပိုင် စီမံကိန်းတွေ လက်စသတ်နေတဲ့ သဘောလို့ ယူဆလို့ ရမယ်ထင်ပါတယ်” ဟု ရန်ကုန်အခြေစိုက် စီးပွားရေး ပညာရှင်တဦးက ပြောသည်။

စစ်အစိုးရက အာဏာသိမ်း နှစ် (၂၀) ကျော်အတွင်း တည်ဆောက်ထားသည့် စီမံကိန်းများအား လူထုကို မဲဆွယ်စည်းရုံးစရာ ကိစ္စတရပ်အဖြစ် စစ်အစိုးရအာဘော် နိုင်ငံပိုင်သတင်းစာများမှ အထပ်ထပ် ဖော်ပြနေသော်လည်း ယင်းမှာ စစ်အစိုးရ အရည်အချင်းမရှိမှုကို ပြသနေခြင်းဖြစ်သည်ဟု မြန်မာ့နိုင်ငံရေးသမားများက သုံးသပ်သည်။

စစ်အစိုးရပြုလုပ်မည့် ရွေးကောက်ပွဲဝင်ရန် ရည်ရွှယ်ထားသည့် ဒီမိုကရက်တစ်ပါတီဥက္ကဋ္ဌ ဦးသုဝေကလည်း
“မြန်မာနိုင်ငံမှာ ဖောက်ထားတဲ့လမ်းက ကီလိုမီတာ (၅) သောင်းကျော် ရှိတယ်။ ထိုင်းနိုင်ငံမှာ ဖောက်ထားတာက ကီလိုမီတာ (၂) သိန်း (၅) သောင်းကျော်ရှိတယ်။ (၅) ဆလောက်ရှိနေတယ်။ နောက်ပြီးတော့ ထိုင်းမှာရှိတဲ့လမ်းတွေက ပြောင်လို့ ရှင်းလို့ ချောလို့ မွေ့လို့။ ဗမာပြည်မှာရှိတဲ့ လမ်းတွေက အပေါက်တွေ အပြဲတွေ အမှိုက်တွေနဲ့။ ဆိုလိုတာကတော့ တခြားအစိုးရတွေ လုပ်နိုင်သလောက် နအဖအစိုးရ မလုပ်နိုင်ပါဘူး” ဟု သတင်းသမဂ္ဂညီလာခံတွင် ပြောကြားသွားခဲ့သည်။

စစ်အစိုးရ လက်ထက် လမ်းအရှည် မိုင် (၇) ထောင်ကျော်သာ ဖောက်လုပ်နိုင်ခဲ့ပြီး ရေအားလျှပ်စစ်စီမံကိန်း အများစုမှာလည်း ပြည်ပ ရင်းနှီးမြှုပ်နှံမှုနှင့် ပြည်ပသို့ ရောင်းချလိုက်ရသည်။ ရေအားလျှပ်စစ် စီမံကိန်းများစွာ တည်ဆောက်သည် ဆိုသော်လည်း နိုင်ငံတွင်း လျှပ်စစ်မလုံလောက်မှု ဆိုးရွားစွာ တွေ့ကြုံနေရပြီး တံတားများ၊ လမ်းများ၊ အသစ်တည်ဆောက်မှုများက လမ်းကြေး တံတားကြေးများ (၈) ဆမှ (၁၀) ဆအထိ မြင့်တက်လာကြောင်း သိရသည်။

စိုးမိုး/ ၈ မတ် ၂ဝ၁ဝ
ရင်းမြစ်။ ။ခေတ်ပြိုင်

၂၀၁၀ ရွေးကောက်ပွဲအတွက် ဥပဒေများကို စစ်အစိုးရ ထုတ်ပြန်

စစ်အစိုးရက ၂၀၁၀ ရွေးကောက်ပွဲဆိုင်ရာ ဥပဒေများကို ထုတ်ပြန်လိုက်ပြီဖြစ်ကြောင်း ယနေ့ ကြေညာလိုက်သည်။

ထိုဥပဒေများမှာ

၁။ ပြည်ထောင်စု ရွေးကောက်ပွဲ ကော်မရှင် ဥပဒေ၊

၂။ နိုင်ငံရေး ပါတီများ မှတ်ပုံတင်ခြင်း ဥပဒေ၊

၃။ ပြည်သူ့ လွှတ်တော် ရွေးကောက်ပွဲ ဥပဒေ၊

၎။ အမျိုးသား လွှတ်တော် ရွေးကောက်ပွဲ ဥပဒေ၊

၅။ တိုင်းဒေသကြီး ဥပဒေ သို့မဟုတ် ပြည်နယ် လွှတ်တော် ရွေးကောက်ပွဲ ဥပဒေ

တို့ ဖြစ်သည်။

မနက်ဖြန်မှ စတင်ပြီး သတင်းစာများတွင် နေ့စဉ် ဖော်ပြသွားမည်ဟု ဆိုသည်။

ယခု ရွေးကောက်ပွဲသည် သက်တမ်း ၂၂ နှစ် ရှိပြီ ဖြစ်သည့် စစ်အစိုးရက ဒုတိယအကြိမ် ပြုလုပ်သည့် ရွေးကောက်ပွဲ ဖြစ်လာမည်ဖြစ်သည်။


၁၉၉၀ ရွေးကောက်ပွဲ

၁၉၈၈ စက်တင်ဘာလတွင် နိုင်ငံရေးပါတီများ မှတ်ပုံတင်ရေး ဥပဒေ ထွက်ပေါ်လာသည်။

ပြည်သူ့လွှတ်တော် ရွေးကောက်ပွဲ ဥပဒေကို ၁၉၈၉ ခုနှစ် မေလ ၃၁ ရက်နေ့တွင် ထုတ်ပြန်သည်။

ရွေးကောက်ပွဲကို ၁၉၉၀ မေ ၂၇ ရက်နေ့တွင် ပြုလုပ်ခဲ့သည်။

နိုင်ငံရေး ပါတီများ ရွေးကောက်ပွဲအတွက် ပြင်ဆင်ချိန် တနှစ်တိတိ ရခဲ့သည်။


၂၀၁၀ ရွေးကောက်ပွဲ

ယခုတကြိမ်တွင် ရွေးကောက်ပွဲကို ဒီဇင်ဘာလတွင် ပြုလုပ်မည် ဆိုပါက နိုင်ငံရေး ပါတီများအတွက် အချိန် ၁၀ လ ရှိမည်ဖြစ်သည်။

သို့သော်လည်း မည်သည့်အချိန်တွင် ပြုလုပ်မည်ကို မကြေညာသေးပေ။ လာမည့် မတ်လ ၂၇ ရက်နေ့တွင် ကျရောက်မည့် တပ်မတော်နေ့ ခေါ် တော်လှန်နေ့တွင် ကြေညာဖွယ်ရှိသည်ဟု တချို့က ထင်ကြေးပေးနေကြသည်။

မိုးမခအထောက်တော် အမှတ် ၀၀၁

မတ် ၈၊ ၂၀၁၀

စစ်အာဏာရှင် မြင်လို တွေ့လိုတဲ့ လူတန်းစားထဲ ကိုယ်ပါမသွားပါစေနဲ့


ထိုင်းနိုင်ငံ ချင်းမိုင်မြို့တွင် ပြီးခဲ့သည့် ဖေဖော်ဝါရီ (၂၄) မှ (၂၆) ရက်အထိ မြန်မာသတင်းသမဂ္ဂမှ ကြီးမှူးကျင်းပခဲ့သည့် သတ္တမ အကြိမ်မြောက် မြန်မာမီဒီယာညီလာခံတွင် ယခုနှစ် စစ်အစိုးရကျင်းပမည့် ရွေးကောက်ပွဲနှင့် မီဒီယာအခန်းကဏ္ဍကို အကျယ်တ၀င့် ဦးစားပေး ဆွေးနွေးခဲ့ကြသည်။ ထိုသို့ ဆွေးနွေးတင်ပြမှုများနှင့်ပတ်သက်၍ မြန်မာသတင်းသမဂ္ဂ အတွင်းရေးမှူး ဦးစံမိုးဝေနှင့် ခေတ်ပြိုင် ဆက်သွယ်မေးမြန်းချက်။

မေး။ ။ ဒီနှစ်ထဲမှာ နအဖစစ်အစိုးရ ကျင်းပမယ့် ရွေးကောက်ပွဲနဲ့ပတ်သက်ပြီး သတင်းမီဒီယာတွေရဲ့ အခန်းကဏ္ဍဟာ အင်မတန်အရေးပါတယ်လို့ ဆွေးနွေးသွားကြပါတယ်။ ဘာကြောင့် ဒီလို အရေးပါတယ်ဆိုတာ ရှင်းပြပေးစေချင်ပါတယ်။

ဖြေ။ ။ ရွေးကောက်ပွဲဆိုတာ တရားမျှတမှုရှိဖို့ အလွန်အရေးကြီးပါတယ်။ ကျင်းပပေးတဲ့ အစိုးရသို့မဟုတ် အဖွဲ့က ပြည်သူလူထုကို အသိပေးစရာတွေ အများကြီးလိုသလို ၀င်ပြီးယှဉ်ပြိုင်မယ့်သူတွေကလည်း သူတို့ရဲ့ မူဝါဒတွေ လူထုကို အသိပေးရမှာဖြစ်တယ်။ လူထုအနေနဲ့ကလည်း မဲမပေးခင်မှာ သိချင်တာတွေ သိထားသင့်တာတွေ အများအပြားရှိတယ်။ ဒီတာဝန်တွေကို ကြားခံဆောင်ရွက်ပေးမှာ မီဒီယာဖြစ်တဲ့အတွက် လူရဲ့ခန္ဒာကိုယ်မှာ သွေးပြန်ကြောမကြီးတခု အရေးပါသလို ရွေးကောက်ပွဲ လုပ်မယ်ဆိုရင် မီဒီယာရဲ့ အခန်းကဏ္ဍဟာ အရေးသိပ်ကြီးတယ်လို့ ပြောနိုင်ပါတယ်။

မေး။ ။ မီဒီယာတွေအနေနဲ့ ရွေးကောက်ပွဲနဲ့ပတ်သက်ပြီး ဘယ်လို အခန်းကဏ္ဍက ပါဝင်သင့်ပါသလဲ။

ဖြေ။ ။ အကြမ်းဖျင်းပြောရရင် အခန်း (၃) ခုရှိပါတယ်။ မတိုင်ခင်၊ ကျင်းပနေချိန်၊ ကျင်းပပြီးစီးချိန်ပေါ့။ သိသင့်သိထိုက်တာတွေ အသိပေးရမယ်၊ ဘယ်လိုပုံစံ မဲပေးရမယ်၊ ဖြစ်နိုင်ခြေရှိတဲ့ မရိုးသားမှုတွေ ထောက်ပြရမယ်။ ပါဝင်လာအောင် ရွေးချယ်နိုင်ဖို့ စဉ်းစားဆုံးဖြတ်နိုင်အောင် အချက်လက်တွေ စုဆောင်းပေးရမယ်။ တရားမျှတစွာ မဲဆွယ်နိုင်ခြင်း ရှိ မရှိ စောင့်ကြည့် ဝေဖန်ထောက်ပြရမယ်၊ မသမာမှုတွေရှိရင် ဖော်ထုတ်ပေးရမယ်။

ဒုတိယအနေနဲ့ လွတ်လပ်ပြီး တရားမျှတစွာ မဲပေးနိုင်ခြင်း ရှိ မရှိ။ မဲရေတွက်တာတွေ စနစ်ကျနမှု ရှိရဲ့လား၊ မရိုးသားမှုတွေ ရှိနေသလား၊ ခြိမ်းခြောက်တာတွေ မဲဝယ်တာတွေ စသဖြင့် စောင့်ကြည့်တဲ့ တာဝန်ကိုယူရမယ် အရေးသိပ်ကြီးတယ်လို့ ပြောနိုင်ပါတယ်။

အပြီးမှာတော့ အနိုင်ရတဲ့ပါတီရဲ့ လူပုဂ္ဂိုလ်တွေ ဘာတွေလုပ်ကြမှာလဲ။ အပြတ်သတ်နိုင်သလား၊ ညွန့်ပေါင်းဖွဲ့ကြမှာလား၊ အစိုးရအဖွဲ့မှာ ဘယ်သူတွေပါလာမလဲ၊ မှန်ကန်လျော်ကန်တဲ့လူတွေ ဖြစ်ရဲ့လား၊ ရွေးကောက်ပွဲကာလ မသမာမှုတွေနဲ့ ပတ်သက်ပြီး တိုင်တန်းမှုတွေ စုံစမ်းစစ်ဆေးမှုတွေမှာ တထောင့်တနေရာကနေ စောင့်ကြည့်ဝေဖန်တင်ပြတာတွေ လုပ်ရပါမယ်။

မေး။ ။ ပြည်တွင်းမှာ သတင်းပိတ်ဆို့မှုတွေ၊ သတင်းဆင်ဆာ ဖြတ်တောက်မှုတွေ၊ သတင်းထောက်တွေကို ဖမ်းဆီးနေတာတွေ၊ လွတ်လပ်စွာ ပြောဆိုရေးသားခွင့် မရှိတာတွေ စတဲ့ စစ်အစိုးရရဲ့ ချုပ်ကိုင်မှုတွေအောက်မှာ ရွေးကောက်ပွဲဆိုင်ရာ သတင်းမှန်တွေ ဖော်ထုတ်နိုင်ဖို့ ဘယ်လိုဆောင်ရွက်နိုင်မှာပါလဲ။

ဖြေ။ ။ ဒီနေရာမှာတော့ လွတ်လပ်စွာ ပြောဆိုခွင့်ရှိတဲ့ ပြည်ပ သတင်းမီဒီယာတွေရဲ့ အခန်းကဏ္ဍဟာ ပိုပြီး အရေးပါတယ်လို့ ပြောရပါမယ်။ ပြည်ပက မီဒီယာတွေအနေနဲ့လည်း ပြည်သူလူထုရဲ့ တလေးတစား အားကိုးနားထောင် ကြည့်ရှုနေတာကို သတိထားပြီး အမြင်စောင်းမသွားရအောင် ဘက်မလိုက်ဘဲ မျှမျှတတ သတိကြပ်ကြပ်ထားပြီး သတင်းတွေထုတ်ဖို့ လိုပါလိမ့်မယ်။

မေး။ ။ ပြည်တွင်းနဲ့ ပြည်ပမီဒီယာတွေ ဘယ်လို ပူးပေါင်းဆောင်ရွက်သင့်ပါသလဲ။

ဖြေ။ ။ တိုင်းပြည်နဲ့ ပြည်သူလူထုမျက်နှာကို ရှေးရှုပြီး အလုပ်တွေလုပ်ကြဖို့ ပူးပေါင်းဆောင်ရွက်ကြဖို့ လိုပါတယ်။ အင်တာဗျူးတွေ ပေးရပါမယ်။ အဖြစ်အပျက်တွေကို ကိုယ်တိုင်တွေ့ကြုံ ထိစပ်နေသူတွေ ဖြစ်တာကြောင့် ကိုယ်တိုင်လုပ်ကိုင်ခွင့် မရှိရင်တောင် လုပ်နိုင် ထုတ်နိုင် လွှင့်နိုင်တဲ့ ပြည်ပ သတင်းဌာနတွေအတွက် first hand sources လက်ဦးမျက်မြင်ကိုယ်တွေ့ သတင်းအရင်းမြစ်တွေအဖြစ် ပါဝင်လုပ်ဆောင်ပေးကြမယ်ဆိုရင် သာမန်သတင်းပေးသူ ပြည်သူတွေထက် ပိုပြီး ထိရောက်တိကျ ပြည့်စုံတဲ့ သတင်းတွေကို ဖြန့်ချိနိုင်ပါလိမ့်မယ်။

မေး။ ။ မြန်မာသတင်းသမဂ္ဂအနေနဲ့ လက်ရှိပြည်တွင်းနဲ့ ပြည်ပ မြန်မာသတင်းမီဒီယာတွေအပေါ် ဘယ်လိုရှုမြင် သုံးသပ်ပါသလဲ။

ဖြေ။ ။ ပူးပေါင်းဆောင်ရွက်မှု အတိုင်းအတာ တစုံတရာရှိပေမယ့် အားရစရာတော့ မရှိလှသေးပါဘူး။ ပြည်ပမီဒီယာ အများစုဟာ အတိုက်အခံနိုင်ငံရေး လှုပ်ရှားသူစိတ်မျိုး နည်းနည်း ဒါမှမဟုတ် မသိမသာကဲနေသူတွေ ဖြစ်နေတုန်းပဲလို့ ရိုးရိုးသားသား ပြောချင်ပါတယ်။ အဲဒီစိတ်ကို ထုတ်ပစ်နိုင်မှ ယုံကြည်ရတဲ့ သတင်းသမားကောင်းတွေ၊ သတင်းဌာနတွေ ဖြစ်လာမှာဖြစ်ပါတယ်။ ဒါပေမယ့် အရင်ကထက်စာရင် အများကြီးတိုးတက်လာတယ် ဆိုရမှာပါ။

ပြည်တွင်းက မီဒီယာတွေကို ပြောရရင်တော့ သူတို့လုပ်ခွင့်ရှိသလောက် ကြိုးပမ်းအားထုတ်နေကြတဲ့ သတင်းသမားတွေ တပုံကြီးရှိတာ ကျနော်သိပါတယ်။ ဒါပေမယ့် နေရာတိုင်းမှာ စုန်းပြူးတွေတော့ ရှိတာပေါ့လေ။ သိတဲ့အတိုင်း နှစ်ပေါင်း လေးဆယ်ကျော် စစ်အစိုးရတွေ အဆက်ဆက်က အကြောက်တရားကို ဖိဖိစီးစီးသွတ်သွင်းပြီးတော့ အုပ်ချုပ်လာခဲ့တယ်။ လူမှုလူ့ဘောင် အသိုင်းအ၀ိုင်းမှာ လည်သူစားကြတဲ့ အကျင့်ပျက်စရိုက်တွေ အားကောင်းလာသလို မီဒီယာ အသိုင်းဝိုင်းထဲမှာလည်း အကျင့်ပျက်သမားတွေ ပေါ်ပေါက်လာပါတယ်၊ မဆန်းပါဘူး။ အာဏာရှိသူအကြိုက် လိုက်ဖားပြီး တကိုယ်ရေ ကောင်းစားရေး အလုပ်ဖြစ်အောင် လုပ်နေတဲ့ မီဒီယာသမားတွေ၊ နိုင်ငံရေးအမြတ် ၀င်ထုတ်ဖို့ ပြင်နေသူတွေလည်း တွေ့နေရတာပဲ၊ ပြည်သူတွေထဲက အမြင်ရှိသူတွေက သိနေပါတယ် သူတို့ကို။

မေး။ ။ မြန်မာပြည်သူလူထုကို ခေတ်ပြိုင်ကတဆင့် ဘာများ ပြောကြားလိုပါသလဲ။

ဖြေ။ ။ ဒီလို အချိန်ကာလဟာ အရေးကြီးပါတယ်။ အကြားအမြင် ဗဟုသုတ ကြွယ်နေအောင် မီဒီယာတွေကို အမြဲသတိပြု လေ့လာနေဖို့ လိုပါတယ်။ ကိုယ်အဆင်ပြေနေရင် ပြီးရောဆိုတဲ့ စစ်အာဏာရှင် မြင်လို တွေ့လိုတဲ့ လူတန်းစားထဲ ကိုယ်ပါမသွားပါစေနဲ့။ ကိုယ့်တိုင်းပြည်အရေးဟာ ကိုယ့်အရေးတင် မဟုတ်ပါဘူး နောင်လာမယ့် ကိုယ့်မျိုးဆက်တွေ အဆက်ဆက် အမွေရသွားမှာ ဖြစ်ပါတယ်။ မှန်မှန်ကန်ကန်နဲ့ လုပ်သလောက် တော်သလောက် ကြိုးစားသလောက် ကိုယ်ခံစားနိုင်မယ့်ခေတ်ကို ရောက်အောင်၊ မှန်တာလုပ်ရင် ဘယ်သူ့ကိုမှ ကြောက်စရာမလိုတဲ့ စနစ်တခုကိုရောက်အောင်၊ တရားဥပဒေက မှန်မှန်ကန်ကန် အကာကွယ်ပေးတဲ့ နိုင်ငံတခုအဖြစ် ပြန်ရောက်အောင် လုပ်စရာရှိတာ လုပ်သင့်တာကို ရဲရဲ၊ ပြတ်ပြတ်သားသား လုပ်ကြရမယ့် အချိန်ရောက်နေပါပြီလို့ ပြောချင်ပါတယ်။

မေး။ ။ အခုလို ဖြေပေးတဲ့အတွက် ကျေးဇူးတင်ပါတယ်။
ဖြေ။ ။ ကျေးဇူးတင်ပါတယ်။

NEJ / ၈ မတ် ၂၀၁၀

ဘယ်သူတွေ အော်စကာဆု ရမလဲ


အမေရိကန် ရုပ်ရှင် ဝိဇ္ဇာနှင့် သိပ္ပံအသင်းကြီးက ကြီးမှူးပြီး မတ်လ ၇ ရက်နေ့ ညနေမှာ ကာလီဖိုးနီးယားပြည်နယ် လော့စ်အိန်ဂျလိစ်မြို့ ဘီဗာလီဟေးခရိုင် ဟောလိဝုဒ်ရုပ်ရှင်မြို့တော်က ကိုဒတ် ဇာတ်သဘင်ခန်းမကြီးမှာ အော်စကာလို့ လူသိများတဲ့ အမေရိကန် ရုပ်ရှင် ထူးချွန်ဆုတွေကို ပေးအပ်ချီးမြှင့်တော့မှာပါ။
1
ဆုရရှိတဲ့သူတွေကို ချီးမြှင့်မယ့် အော်စကာ ရွှေစင်ရုပ်တုကလေးဟာ အလေးချိန် ၈.၅ ပေါင် လေးပါတယ်။ အော်စကာဆုဟာ ခရူးဆိတ် စစ်ပွဲတွေမှာ သုံးတဲ့ ဓားရှည်ကို ကိုင်ဆောင်ထားတဲ့ စစ်သည်တော်ပုံစံ ရုပ်တုလေးပါ။

ဒီဆုကို ဆုရရှိသူကသာ ပိုင်ဆိုင်ခွင့် ရှိပြီး ဒီဆုရဖို့အတွက် သတ်မှတ်ထားတဲ့ အနုပညာ အရည်အချင်းတခုပဲ လိုပါတယ်။ ဆိုလိုတာက အော်စကာဆုရှင်တယောက်ရဲ့ ကိုယ်ရေးကိုယ်တာ ဘဝနဲ့ အကျင့်စရိုက်တွေကို ထည့်သွင်းစဉ်းစားလေ့ မရှိပါဘူး။

၁၉၅၅ ခုနှစ်မှာ အော်စကာဆု ရွေးချယ်ရေးအဖွဲ့ လူကြီးနဲ့ မက်ထရို ဂိုဒွင် မေယာက အနုပညာ ဒါရိုက်တာ တယောက်ဖြစ်တဲ့ ဆီဒရစ် ဂစ်ဘွန်က “ရုပ်ရှင်ပညာရပ်မှာ သူမတူတဲ့ လူတွေ များများ ပေါ်ထွက်လာဖို့ ရည်ရွယ်ပြီး ဒီ ဆုပေးပွဲ ကျင်းပတာပါ။ လိုချင်တာက သူ့ရဲ့ ရုပ်ရှင် အနုပညာ အရည်အသွေးပဲ။ အဲဒီမှာ အကောင်းဆုံး ဖြစ်နေတာကိုပဲ ကြည့်တာ“ လို့ အော်စကာဆုရှင်တွေမှာ ရှိသင့်တဲ့ စံနှုန်းနဲ့ ပတ်သက်ပြီး စည်းမျဉ်းရေးဆွဲရာမှာ သူက ထည့်သွင်းခဲ့ပါတယ်။

အော်စကာဆုကို ဘယ်တုန်းက စပေးသလဲ?

ရုပ်ရှင် ထူးချွန်ဆု အော်စကာဆု ပေးအပ်ဖို့ စတင်စဉ်းစားခဲ့သူကတော့ အသံတိတ်ခေတ်က ရုပ်ရှင်ဒါရိုက်တာ ဝီလျံ စီ ဒီမီလီ နဲ့ မင်းသား ဒေါက် ဂလစ် ဖဲယာ ဘန့် အပါအဝင် ရုပ်ရှင်နယ်ထဲက ပုဂ္ဂိုလ် ၃၆ ဦးနဲ့ ရုပ်ရှင်လုပ်ငန်း အကျိုးဆောင် ရှေ့နေတဦးတို့ ဖြစ်ပါတယ်။
2
အော်စကာဆုပေးပွဲ အခမ်းအနားကို ၁၉၂၉ ခုနှစ် မေလ ၁၆ ရက်နေ့ ကြာသပတေးနေ့မှာ စတင်ချီးမြှင့်ခဲ့ပါတယ်။ ၁၉၂၉ ခုနှစ် အမေရိကန် စီးပွားရေးပျက်ကပ်ကြီး စတင်နေစဉ်မှာ ဒီဆုကို ပေးအပ်ချီးမြှင့်တာ ဖြစ်ပါတယ်။ မြန်မာနိုင်ငံမှာတော့ ဝန်ကြီးချုပ်ဟောင်း ဦးနု ဘီအေဘွဲ့ကို ရရှိတဲ့ အချိန်ဖြစ်ပြီး ပဲခူးငလျင်ကြီး မလှုပ်ခင် တနှစ်အလို ဖြစ်ပါတယ်။ အဲဒီနှစ်မှာ မြန်မာနိုင်ငံက ဦးဘကလေးရဲ့ ဝေလွင်လွင်နဲ့ ကြင်ဦးစ ဇာတ်ကားတွေကို ရုံတင်ပြသနေတဲ့ အချိန်လည်း ဖြစ်ပါတယ်။ မြန်မာ့ရုပ်ရှင်က မေတ္တာနဲ့ သူရာက စပြီးရေတွက်ရင် ၁ဝ နှစ် ဝန်းကျင်ထဲကို ရောက်နေတဲ့ အချိန် ဖြစ်ပါတယ်။

အော်စကာဆုကို စတင်ပေးအပ်စဉ်က ဆုအမျိုးအစား ၁၃ ဆုပဲ ပေးအပ်ချီးမြှင့်တာ ဖြစ်ပါတယ်။ ပထမဦးဆုံး အကောင်းဆုံး ရုပ်ရှင်ဇာတ်ကားဆုကို ဆုပေးဖို့ ၃ ကား ရွေးချယ်ထားတဲ့ အနက်က Wings  ဆိုတဲ့ အသံတိတ် ဇာတ်ကားက ရရှိသွားပါတယ်။ ပထမအကြိမ် စတင်ပေးအပ်စဉ်က အကောင်းဆုံး ဇာတ်ကားဆုအတွက် ကဏ္ဍ ၂ ခု လုပ်ထားပြီး Best Picture, Unique and Artistic Production နဲ့ Best Picture Production ဆိုပြီး ပေးတာပါ။ ဟာသမင်းသားကြီး ချာလီ ချက်ပလင်က အဲဒီနှစ်မှာပဲ ဂုဏ်ထူးဆောင်ဆုကို ရရှိခဲ့ပါတယ်။

စတင်ပြီး ဆုပေးအပ်ချီးမြှင့်စဉ်ကတည်းက Best Effect ၊ Engineering Effect ဆိုပြီး အထူးပြုလုပ်ချက်ဆုကို ထည့်သွင်းချီးမြှင့်ခဲ့တာဟာ ဟောလိဝုဒ် ရုပ်ရှင်ကားတွေကို အကောင်းဆုံး တီထွင်ဖန်တီးနိုင်စေဖို့ ဖြစ်လာပါတယ်။ ပထမဆုံး ပေးအပ်စဉ်က ဆုရရှိခဲ့တဲ့ ဇာတ်ကား အားလုံးဟာ အသံတိတ် ဇာတ်ကားတွေပဲ ဖြစ်ပါတယ်။

၂ဝဝ၉ ခုနှစ်က ကျင်းပခဲ့တဲ့ အော်စကာဆုပေးပွဲမှာတော့ ဆုအမျိုးအစားပေါင်း ၂၄ မျိုး ပေးအပ်ချီးမြှင့်ခဲ့ပါတယ်။ ဆုအမျိုးအစားတွေကတော့ အောက်မှာ ဖော်ပြထားတဲ့ အတိုင်းပါ။
3
Best Picture, Director, Actor, Actress, Supporting Actor, Supporting Actress, Original Screenplay, Adapted Screenplay, Editing, Cinematography, Art Direction, Costume Design, Sound Editing, Sound Mixing, Score, Visual Effects, Makeup, Song, Foreign Language Film, Animated Feature Film, Short Film, Animated Short, Documentary and Documentary Short.

နိုင်ငံခြား ဘာသာစကားပြော ဇာတ်ကားများနဲ့ ဟောလိဝုဒ်

နိုင်ငံခြား တိုင်းပြည်တွေကနေ ထုတ်လုပ်တဲ့ နိုင်ငံခြား ဘာသာစကားနဲ့ ပြောတဲ့ ဇာတ်ကားတွေကို ၁၉၅၇ ခုနှစ်မှာ ကျင်းပတဲ့ ၂၉ ကြိမ်မြောက် အော်စကာ ဆုပေးပွဲကနေ စတင်ပြီး ဆုကို စတင် ပေးအပ်ချီးမြှင့်ခဲ့ပါတယ်။ ပထမဆုံး ချီးမြှင့်တဲ့ နိုင်ငံခြား ဘာသာစကားပြော ဆုပေးပွဲမှာ ပထမဦးဆုံး ဆုရရှိခဲ့တဲ့ ဇာတ်ကားကတော့ မက္ကဆီကန် မင်းသားကြီး အန်ထော်နီကွင်း ပါဝင်သရုပ်ဆောင်ထားတဲ့ အီတာလျံ ရုပ်ရှင်ဇာတ်ကား La Strda ဖြစ်ပါတယ်။

သတင်း မှတ်တမ်း ရုပ်ရှင်ကားများကို စတင်ပေးအပ်ခြင်း

ဒုတိယ ကမ္ဘာစစ်မဖြစ်ခင် ၁၉၄ဝ ခုနှစ်မှာ အော်စကာဆု ရွေးချယ်ရေး အဖွဲ့ဝင် ဂျူရီလူကြီးတွေဟာ မှတ်တမ်းရုပ်ရှင် ဇာတ်ကားတွေကို အကယ်ဒမီ ဆုပေးပွဲမှာ ကဏ္ဍတခု ထည့်သွင်းပြီး ဆုပေးဖို့ ဆုံးဖြတ်ခဲ့ပါတယ်။ အဲဒီအချိန်က အမေရန်ကန်နိုင်ငံမှာ စစ်နဲ့ ပတ်သက်တဲ့ သတင်းမှတ်တမ်း ရုပ်ရှင်ကားတွေ ရိုက်ကူးမှု ရှိလာပြီး ဥရောပမှာတော့ မှတ်တမ်းရုပ်ရှင် ရိုက်ကူးမှုက ပိုမိုတွင်ကျယ်နေပါပြီ။ ဂျာမန် အာဏာရှင် ဟစ်တလာဟာ မှတ်တမ်းရုပ်ရှင် ဇာတ်ကားတွေ နှစ်သက်သူဖြစ်ပြီး သူ့လက်ထက် ဂျာမဏီနဲ့ ဥရောပ နိုင်ငံအချို့မှာ ရုပ်ရှင်ရုံပေါင်း ၅ဝဝ ကျော် (နာဇီတပ်ထဲတွင် ၃ဝဝ ကျော်) တည်ဆောက်ခဲ့ပါတယ် (Inglorious Bustards ) ဇာတ်ကားတွင် ရှု။ ဤကား စကားချပ်။
4
၉ဝ ပြည့်နှစ် မတိုင်ခင်က မှတ်တမ်းရုပ်ရှင်ကားတွေကို ဆုပေးဖို့ ရွေးချယ်ရာမှာ ရသကဲပြီး တင်ပြနိုင်တဲ့ ဇာတ်ကားတွေကို ဆုရွေးချယ်ဖို့ ချီးမြှင့်ခဲ့ပေမယ့် ၁၉၉ဝ ပြည့်နှစ် နောက်ပိုင်းမှာတော့ အမေရိကန် အစိုးရကို သရော်ထားတဲ့ ဇာတ်ကားတွေနဲ့ ကမ္ဘာမှာ လတ်တလော ဖြစ်ပျက်နေတဲ့ အကြောင်းအရာတွေကို သရုပ်ဖော်ထားတဲ့ ဇာတ်ကားတွေက ဆုရွေးချယ်ခံလာရပါတယ်။ ဥပမာ - American Dream, Bowling for Columbine, Taxi to Dark side နဲ့ The Fog of War ဇာတ်ကားတွေ ဆုချီးမြှင့်ခံခဲ့ရပါတယ်။

၈၂ ကြိမ်မြောက် ကျင်းပတဲ့ အော်စကာဆုပေးပွဲမှာ ၂ဝဝ၇ ခုနှစ် မြန်မာနိုင်ငံက ရွှေဝါရောင် တော်လှန်ရေးအတွင်း ဆန္ဒပြသူတွေကို အာဏာပိုင်တွေက ရက်ရက်စက်စက် နှိပ်ကွပ်ပုံကို ဗီဒီယို မှတ်တမ်းတင်ထားတဲ့ လျှို့ဝှက်သတင်းထောက် တယောက်ရဲ့ ဘဝနဲ့ လူထုအုံကြွမှုအကြောင်း မှတ်တမ်းတင်ထားတဲ့ Burma VJ သတင်းမှတ်တမ်း ရုပ်ရှင်ကားလည်း အကောင်းဆုံး မှတ်တမ်းရုပ်ရှင်ကားအဖြစ် ချီးမြှင့်ဖို့ ပဏာမ ရွေးချယ်ခံထားရပါတယ်။

အခုနှစ် ကျင်းပမယ့် အော်စကာဆုပေးပွဲမှာ ထူးခြားချက်ကတော့ အကောင်းဆုံး ဇာတ်ကားဆု ပေးဖို့အတွက် အရင်ကလို ဇာတ်ကား ၅ ကားထဲကနေ ဆန်ကာတင် ရွေးချယ်တာ မဟုတ်ဘဲ ဇာတ်ကား ၁ဝ ကားကနေ ရွေးချယ်တာ ဖြစ်ပါတယ်။
5
ဒီနှစ် ဆုပေးပွဲမှာ ကမ္ဘာ့ဝင်ငွေ အကောင်းဆုံး ရုပ်ရှင်အဖြစ် စံချိန်ချိုးခဲ့တဲ့ ဒါရိုက်တာ ဂျိမ်းစ်ကင်မရွန်ရဲ့ Avatar ဇာတ်ကားကလည်း ဆုလျာထားခံရသလို သူ့ရဲ့ ဇနီးဟောင်း ကက်သရင်း ဘီဂယ်လို ရိုက်ကူးတဲ့ The Hurt locker ဇာတ်ကားကလည်း လျာထားခြင်း ခံရပါတယ်။ ဒီဇာတ်ကားဟာ အီရတ်ရောက် အမေရိကန် စစ်တပ် ဗုံးရှင်းလင်းရေး တပ်ဖွဲ့အကြောင်းကို ရိုက်ကူးတင်ဆက်ထားတာပါ။

ဒီနှစ် အကောင်းဆုံး ဇာတ်ကားဆု ရွေးချယ်ခံရတဲ့ ဇာတ်ကားတွေက Avatar, The Blind Side, District 9, An Education, The Hurt Locker, Inglourious Basterds, Precious: Based on the Novel "Push" by Sapphire, A Serious Man, Up in the Air ဇာတ်ကားတွေ ဖြစ်ပါတယ်။

ရေးသူ စိတ်ကြိုက် ဇာတ်ကားများမှာ An Education, The Hurt Locker, Up in the Air, Inglorious Basterds တို့ ဖြစ်ပါတယ်။

ငြိမ်းချမ်းငြိမ်း




ရင်းမြစ် ။   ။http://www.mizzimaburmese.com/yatha-bank/movies/4962-2010-03-05-13-03-45.html

ထားဝယ်ရေနက် ဆိပ်ကမ်း ဆောက်လုပ်ရေး စတင်ပြီ



ထားဝယ်မြို့ အထက်ဘက်နားရှိ တနင်္သာရီ ကမ်းရိုးတန်းတွင် ရေနက်ဆိပ်ကမ်း တခု တည်ဆောက်ပြီး  ကုန်စည်များကို ထိုင်းနိုင်ငံ ကန်ချနဘူရီမြို့သို့ သယ်ယူနိုင်မည့် လမ်းနှင့် ဆိပ်ကမ်း ဆောက်လုပ်ရေး လုပ်ငန်းများ မကြာမီသီတင်းပတ်က စတင်လျက်ရှိသည်ဟု အဆိုပါ ဆောက်လုပ်သည့်နေရာသို့ ရောက်ရှိခဲ့သူတဦးက မိုးမခသို့ပြောကြားသည်။
ဆောက်လုပ်ရေး လုပ်ငန်းခွင်ကို ကိုယ်တိုင်မြင်တွေ့ ခဲ့သူအဆိုပါ ပုဂ္ဂိုလ်က
“မောင်းမကန် ကမ်းခြေ အထက်ဘက် နဘူးလည် ကျေးရွာအုပ်စုမှာ ၇မိုင်ပတ်လည် ကျေးရွာတွေ ရွှေ့ပြောင်းခိုင်းနေပြီ၊ ထိုင်းဘက်က ဆောက်လုပ်ရေး ယန္တရားတွေလည်း ရောက်နေပြီ၊ ထိုင်းဘက်က ၀န်ထမ်းတွေလည်းပါလာတယ်။ နောက် ထားဝယ်မြို့နဲ့ အနီးက ရွာသားတွေပါ လုပ်သားအဖြစ် ခေါ်တယ်လို့ ပြောတယ်။ အလုပ်သမားတယောက်ကို တရက် ဘတ် ၁၀၀ (ကျပ်၂၉၀၀ ခန့်) ပေးတယ်လို့ပြောတယ်။ အဲဒီကနေ ထိုင်းဘက်ဆီ ဖေါက်မယ့် လမ်း ကြောင်းအမှတ် အသားတွေ၊ တံတားဆောက်မယ့် နေရာအမှတ်အသား ဆိုင်းဘုတ်တွေတွေ့ခဲ့တယ်” ဟု မိုးမခသို့ပြောသည်။
ထိုသို့ ဆောက်လုပ်ရေး ဆိပ်ကမ်းဆောက်လုပ်ရေး၊ လမ်းဖောက်လုပ်ရာနှင့် မလွတ်ကင်းသည့်  ကျေးရွာများအား  ပြောင်းရွှေ့ခိုင်းရာတွင် ကုန်ကျစရိတ်နှင့် အသက်မွေးဝမ်းကျောင်းမှု နေရာဆုံးရှုံးသည့် အတွက်လျော်ကြေးပေးခြင်း ရှိမရှိကိုမူ မသိရှိရသေးပေ။
ထားဝယ် ရေနက်ဆိပ်ကမ်း ဖောက်လုပ်ရန် စီမံကိန်းကို ၂၀၀၅ခုနှစ်များကတည်းက စတင် လေ့လာခဲ့ပြီး ၂၀၀၈ခုနှစ် မေလ မြန်မာနိုင်ငံနိုင်ငံခြားရေး ၀န်ကြီး ဦးဥာဏ်ဝင်းနှင့် ထိုင်းနိုင်ငံခြားရေး ၀န်ကြီး Noppadon Pattama တို့ နားလည်မှု စာချွန်လွှာကို လက်မှတ်ရေးထိုးခဲ့ကြခြင်း ဖြစ်သည်။
ထိုကာလမှာ မြန်မာနိုင်ငံတွင် လူသိန်းနှင့် ချီသေဆုံးစေခဲ့သည့် ဆိုင်ကလုန်း နာဂစ် တိုက်ခတ်ပြီး သီတင်း ပတ် အနည်းငယ်အကြာဖြစ်သည်။ ထားဝယ်ရေနက် ဆိပ်ကမ်း ဆောက်လုပ်ပြီးစီးသွားပါက ထိုင်းနိုင်ငံသာမက တရုတ်၊ ဗီယက်နမ်နှင့် လောနိုင်ငံတို့ပါ ဥရောပနှင့် အရှေ့အလယ်ပိုင်းမှ တင်ဆောင်လာသည့် ကုန်ပစ္စည်းများကို ထားဝယ်ရေနက်ဆိပ်ကမ်းမှ သက်ဆိုင်ရာ နိုင်ငံအသီးသီးသို့ အချိန်တိုတို၊ ကုန်ကျစရိတ် သက်သာစွာ သယ်ဆောင်နိုင်မည် ဖြစ်သည်။
ထားဝယ် မြို့အနီး မှ ထိုင်းနိုင်ငံကန်ချနဘူရီ မြို့သို့ ကီလိုမီတာ ၁၃၉ ရှည်သည့် လမ်းဖောက်လုပ်ရန် တိုင်းတာချက်များအရ လျာထားပြီး ဘတ်ငွေ ၂ဘီလျံသုံးစွဲမည်ဟု ၂၀၀၈ ခုနှစ် မေလထုတ် သတင်းစာများတွင် ဖေါ်ပြထားချက်အရ သိရသည်။ တရုတ်နိုင်ငံ အနေဖြင့် ကားလမ်းသာမက နှစ်လမ်းသွား ရထားလမ်းပါ ဖောက်လုပ်ရန် စိတ်ဝင်စားလျက် ရှိပြီးအရှေ့အလယ်ပိုင်းနှင့် ဥရောပမှ တင်ဆောင်လာသည့် ကုန်ပစ္စည်းများအား ထားဝယ်ရေနက်ဆိပ်ကမ်းမှ တဆင့်တရုတ်ပြည်သို့ သယ်ဆောင်ဖို့ ရည်ရွယ်ခြင်းလည်း ဖြစ်သည်။
ထိုသို့ မြန်မာနိုင်ငံကို ဖြတ်သန်းသယ်ဆောင်ခြင်းဖြင့် မလက္ကာကျွန်းဆွယ်ကို ပတ်ရမည့် အချိန် အနည်းဆုံး ၇ရက်ခန့် သက်သာမည် ဖြစ်ပြီး သယ်ပို့စရိတ် ၂၀% ခန့်သက်သာလိမ့်မည်ဟု ထိုင်းနိုင်ငံ၏ ပဏာမ တိုင်းတာမှု များအရ သိရှိရသည်။ ယခုဖောက်လုပ်မည့် လမ်း၏ မြောက်ဘက် တွင်တိုတယ်ရေနံ ကုမ္ပဏီမှ တနင်္သာရီ ကမ်းခြေနှင့် ထိုင်းနယ်စပ်သို့ ဆက်သွယ်ဖောက်လုပ် ထားသည့် လုပ်ငန်းသုံးကားလမ်း တည်ရှိပြီး ထိုကားလမ်းဖြင့် တနင်္သာရီ ကမ်းရိုးတန်းမှ နယ်စပ်သို့ ၄၅မိနစ်မျှသာ မောင်းရသည်ဟု အဆိုပါလမ်းအတိုင်း သွားဖူးသူ နယ်ခံတဦးက ပြောသည်။
(ဓာတ်ပုံ - ဂူးဂဲမြေပုံတွင် တွေ့ရသည့် မြန်မာ့ရေနက်ဆိပ်ကမ်းသစ်နေရာ)

မိုးမခ အထောက်တော်၊ ရန်ကုန်
မတ် ၇၊ ၂၀၁၀

ဘယ်သူ့အားကိုးနဲ့ မိုက်နေတာလည်းဆိုတော့