ကိုဇာဂနာ (ခ) ကိုသူရရဲ့  တိုင်းပြည်နဲ့  လူမျိုးအပေါ်ထားရှိတဲ့ မွန်မြတ်သောစိတ်ဓါတ်၊ ပြည်သူတွေ ပျော်ရွှင်ကြည်နူးအောင် ရယ်မောဖွယ်ရာများ ပြောတတ်တဲ့ ဟာသဥာဏ်ပညာ၊ အာဏာရူးတွေရဲ့  မတရားမှု မမှန်ကန်မှုတွေကို ရဲရဲဝန့် ဝန့်  သမာသမတ်ရှိရှိ ထောက်ပြပြောဆိုရဲတဲ့သတ္တိတို့ ကို အထူးလေးစားရပါတယ်။
“ကြောက်မွှေးပါ ဇာဂနာနဲ့  နှုတ်” ဆိုတဲ့စကားအတိုင်း အာဏာရှင်တွေရဲ့  မှားယွင်းမှုတွေကို ရဲဝန့် စွာ ပြောဆိုပြရဲတဲ့ ကိုဇာဂနာကို ကြောက်နေသူ အာဏာရူးတွေကတော့ အခုထိ ကြောက်မွှေးတွေရှိနေပြီး ဇာဂနာနဲ့  အနှုတ်ခံရမှာ ကြောက်နေတုန်း ကြောက်နေဆဲပါဘဲ။
ပညာအရည်အချင်းနဲ့  ပြည်စုံသူ၊ ဥာဏ်အမျှော်အမြင်ကြီးမားသူ၊ ဟာသဥာဏ်ရွှင်ပျသူ၊ ကိုယ်ကျင့်သိက္ခာတရားပြည့်ဝသူ၊ ဖော်ရွေခင်မင်ဖွယ်ကောင်းသူ၊ တရားမျှတမှုနဲ့ အမှန်တရားကို ချစ်မြတ်နိုးလက်ဆုတ်ကိုင်ထားသူ၊ တိုင်းပြည်နဲ့  ပြည်သူတွေ အကျိုးစီးပွားကို ရှေ့ တန်းတင်ဆောင်ရွက်သူ ကိုဇာဂနာလို လူမျိုးကို ထောင်နှစ်ပေါင်းများစွာချထားပြီး ဖမ်းဆီးချုပ်နှောင်ထားသူတွေဟာ ကိုဇာဂနာရဲ့  စကားလုံးအပြောအဆိုတွေနဲ့  ထောက်ပြဝေဖန်မှုတွေ အနုပညာဆောင်ရွက်မှုတွေ အများအကျိုးပရဟိတလုပ်ဆောင်မှုတွေကို ကြောက်လန့် နေခြင်းသာ ဖြစ်ပါတယ်။
0 comments:
Post a Comment