“အဖျက်အမှောင့်သမားတွေက မြန်မာ့တပ်မတော်မှာ တိုင်းရင်းသားတွေ ဗိုလ်မှူးကြီးရာထူး အဆင့်ထက် မပေးဘူးလို့ပြော တယ်။ အခု ဒီမှာထိုင်နေတာက တိုင်းရင်းသား ဗိုလ်ချုပ်တွေ၊ နိုင်ငံတော်ဦး ဆောင်ဦးရွက် တဲ့ အထဲမှာ ပါဝင်ကြတယ်။ အဲဒါကြောင့် နားမယောင်ကြပါနဲ့၊ နိုင်ငံတော် တိုးတက်ရာတိုးတက်ကြောင်း အဘက်ဘက်ကနေ အစဉ်အဆက်ကူညီလာ ခဲ့တဲ့ (နိုင်ငံရေးပါတီဖြစ်လာမဲ့) ကြံ/ဖွံ့အသင်းကို မဲပေးကြပါ” - ဟု ၀န်ကြီးချုပ်သိန်းစိန်က မူစယ် - နမ့်ခမ်း ခရီးစဉ်တွင် ပြောကြားခဲ့ကြောင်း အခမ်းအနားသို့တက်ရောက်ရန် ဆင့်ခေါ်ခံရသူ တဦးကပြောပါသည်။
ဗိုလ်ချုပ်ကြီး သိန်းစိန်
“သူလာတာက ၁ နာရီ လောက်ဘဲကြာတယ်၊ စကားအများဆုံးပြောတာက ဗိုလ်သိန်းစိန်၊ ပြီးတော့ သျှမ်းလူမျိုး လို့ဆိုတဲ့ ဗိုလ်ချုပ်လွန်းမောင် က သျှမ်းလို ဗမာလို နှစ်ဘာသာနဲ့စကားပြောတယ်။ နှစ်ပေါင်း ၄၀ ကျော် ဗမာ ပြည်မှာသွားနေလဲ သျှမ်းစကားမမေ့ဘူး စသဖြင့်ပြောတယ်။ နောက် ပလောင်အမျိုးသား ဗိုလ်ချုပ်ဆိုသူတဦးက တော့ ပလောင်စကား မပြောတတ်တော့ဘူးတဲ့” - ဟု တက်ရောက် နားထောင်သူ နမ့်ခမ်းမြို့ခံတဦးကပြောပါ သည်။
ပြည်သူအနေဖြင့် ကြံ့ခိုင်ဖွံ့ဖြိုးရေးအသင်းအား မဲပေးကြရန် တိုက်တွန်းချက်အပေါ် - ကြံဖွံ့ အသင်းအား နိုင်ငံ ရေးပါတီ အဖြစ်သို့ပြောင်းလဲမည့် အစီအစဉ်ရှိနေကြောင်း၊ ပြောင်းလဲလျှင် သျှမ်းအမျိုးသားဟုဆိုသည့် ဗိုလ်ချုပ် လွန်းမောင်ကလည်း ပါတီအကြီးအကဲဖြစ်လာနိုင်ကြောင်း နိုင်ငံရေးအကဲခတ်နမ့်ခမ်းမြို့ခံများက သုံးသပ်ကြပါသည်။
ဗိုလ်ချုပ်လွန်းမောင်
ဗိုလ်ချုပ်လွန်းမောင် အသက် ၅၀ ကျော်သည် ကချင်ပြည် ဗန်းမော်မြို့ ဇာတိဖြစ်ပြီး ဗမာပြည်သို့သွားရောက်နေထိုင် သည်မှာ နှစ်ပေါင်း ၄၀ ကျော်၊ သျှမ်းစကားအတော် အတန်ပြောဆိုတတ်သေးသော်လည်း သျှမ်းတိုင်းရင်းသား အစစ် ဟုတ်မဟုတ် ပြည်သူများစိတ်ဝင်တစားမေးမြန်းခြင်းမရှိဟု ဒေသခံတဦးက ပြောပါသည်။
ရင်းမြစ်။ ။ သျှမ်းသံတော်ဆင့်
0 comments:
Post a Comment