မောင်စွမ်းရည်
မတ် ၂၃၊ ၂၀၁၀
ကမ္ဘာပေါ်မှာ အချမ်းသာဆုံး
သုံးမကုန် လှူမခန်း
ပေးကမ်းစွန့်ကြဲ လူမွဲပေါင်းစုံ
ခိုလှုံအားထား သန်းကြွယ်များရဲ့နိူင်ငံ
အမေရိကန်မှာ
ပေးပါကမ်းပါ ယာစကာမျိုး
ရိုကျိုးခွက်ခံ အမေရိကန်သူတောင်းစား
ရှိမလားလို့ ဒို့များစိတ်မှာ
နိမိတ်မထင် မမြင်မိ။
အလို ဘုရား …
တနေ့သော်ကား
လူစည်ကားတဲ့ ဈေးနားလေးမှာ
လမ်းဘေး စင်္ကြန်
အမေရိကန် သူတောင်းစား
ဘွားကနဲ့ဆုံ ကြုံရပလေ
လူတွေ တွေ့ကရာ
ပေးပါ ကမ်းပါ တောင်းနေပါကလား
တောင်းစားတဲ့သူ ဖြူမှဖြူတဲ့
လူဖြူစစ်စစ် နီအစ်အစ်။
ငါကိုယ်တိုင်မှာ မချမ်းသာလဲ
ဗုဒ္ဓဘာသာ ဗမာမဟုတ်လား
နှစ်ပြားရှိရင် တပြားလှုချင်
လက်ကပြင်မိ ခြေလှမ်းမိ။
အလို..သူတောင်းစားတဲ့
ထွားကျိုင်းသန်မာ အင်္ဂါစုံပေ့
မတုန်မချည့် ခွန်အားပြည့်လျှက်
ခွက်လက်မစွဲ စီးကရက်ခဲလို့
ဝဲလက်ထဲမှာ ဗန်ဒါစေ့ထုပ်
ယာလက်ထဲမှာ ဘီယာသံဗူး
ဒူးကနန့်နန့် ခေါင်းနန့်နန့်
ဒါနဲ့ …
သဒ္ဓါလဲဆုတ်၊ လက်လဲရုပ်မိ
ဗုဒ္ဓဘာသာ၊ ငါ့ခမျာ
စေတနာသုံးတန်၊ တခုမကျန်
သုံးတန်လုံးပိတ်
ဒေါမနဿ စေတသိက်။ ။ရင်းမြစ်။ ။မိုးမခ
0 comments:
Post a Comment