ပြည်သူ့လွှတ်တော် မဲဆန္ဒနယ် ၃၃ဝ ဟု ကော်မရှင် သတ်မှတ်

ချင်းမိုင် (မဇ္ဈိမ) ။ ။ မြန်မာနိုင်ငံ တဝှန်းလုံးရှိ မြို့နယ်တိုင်းတွင် မဲဆန္ဒနယ်တခုစီ သတ်မှတ်၍ ပြည်သူ့လွှတ်တော် မဲဆန္ဒနယ်ပေါင်း ၃၃ဝ သတ်မှတ်ကြောင်း ရွေးကောက်ပွဲ ကော်မရှင်က ထုတ်ပြန် ကြေညာလိုက်သည်။

ပြည်သူ့လွှတ်တော်မဲဆန္ဒနယ်များ
(၁) ကချင်ပြည်နယ် ၁၈
(၂) ကယားပြည်နယ် (ကရင်နီပြည်နယ်) ၇
(၃) ကရင်ပြည်နယ် ၇
(၄) ချင်းပြည်နယ် ၉
(၅) စစ်ကိုင်းတိုင်း ၃၇
(၆) တနင်္သာရီတိုင်း ၁၀
(၇) ပဲခူးတိုင်း ၂၈
(၈) မကွေးတိုင်း ၂၅
(၉ ) မန္တလေးတိုင်း ၃၆
(၁ဝ) မွန်ပြည်နယ် ၁၀
(၁၁) ရခိုင်ပြည်နယ် ၁၇
(၁၂) ရန်ကုန်တိုင်း ၄၅
(၁၃) ရှမ်းပြည်နယ် ၅၅
(၁၄) ဧရာဝတီတိုင်း ၂၆
ရှမ်းပြည်နယ်မှာ မဲဆန္ဒနယ် အများဆုံးဖြစ်ပြီး ၅၅ ခု၊ ရန်ကုန်တိုင်းက ၄၅ ခုဖြင့် ဒုတိယအများဆုံး၊ ထို့နောက်တွင် စစ်ကိုင်းတိုင်း ၃၇ ခု၊ မန္တလေးတိုင်း ၃၆ ခုတို့ဖြစ်ကာ ကယားပြည်နယ်နှင့် ကရင်ပြည်နယ်တို့မှာ ၉ ခုစီဖြင့် အနည်းဆုံး ဖြစ်သည်။

အောက်လွှတ်တော်အတွက် မဲဆန္ဒနယ်မြေများ စာရင်းကြေညာမှုကို ကော်မရှင်က ယမန်နေ့ကပင် ထုတ်ပြန်သော်လည်း နိုင်ငံပိုင် သတင်းစာများတွင်သာ ယနေ့ ဖော်ပြခွင့်ရခြင်း ဖြစ်သည်။

သို့သော် ရွေးကောက်ပွဲ ကျင်းပမည့် နေ့ရက်ကိုတော့ စစ်အစိုးရက မထုတ်ပြန်သေးပေ။ ရွေးကောက်ပွဲရက်နှင့် ပတ်သက်၍ ရေပန်းစားနေသော ယခုနောက်ဆုံး ခန့်မှန်းချက်တခုမှာ ဒီဇင်ဘာလအတွင်း ဖြစ်နိုင်သည်ဆိုခြင်း ဖြစ်သည်။

မွေးမြူရေးနှင့် ရေလုပ်ငန်းဝန်ကြီး ဦးမောင်မောင်သိန်းက ငါးလုပ်ငန်းဦးစီးဌာနတွင် ပြုလုပ်သော ဆီမီနာတခုတွင် ဒီဇင်ဘာလတွင် အင်မတန်မှ အလုပ်ရှုတ်မည်ဟုဆိုခြင်းအပေါ် အဓိပ္ပာယ် ဖွင့်ဆိုကြခြင်း ဖြစ်သည်။ ယခင်ကတော့ စစ်အစိုးရကို ကယ်ဆယ်ပေးနိုင်မည့် အမှတ်အသားဖြစ်သော
၁ဝ ရက်၊ ၁ဝ လ၊ ၂ဝ၁ဝ တွင် လုပ်လိမ့်မည်ဟူသော ခန့်မှန်းချက် ထွက်ပေါ်ခဲ့သေးသည်။

နောက်ရက်များတွင် အထက်လွှတ်တော်ဖြစ်သော အမျိုးသား လွှတ်တော်နှင့် ပြည်နယ်နှင့် တိုင်းဒေသကြီး လွှတ်တော် (သို့မဟုတ်) ပြည်နယ် လွှတ်တော်များ၏ မဲဆန္ဒနယ်များကိုလည်း နေ့စဉ် သတင်းစာများမှပင် ကြေညာမည် ဖြစ်သည်။

စစ်အစိုးရ၏ ရုပ်သေးဖြစ်သည်ဟု ဝေဖန်ခံရသော ကော်မရှင်အနေဖြင့် မဲပေးခြင်းနှင့် မဲရုံကြီးကြပ် ကွပ်ကဲမှုဆိုင်ရာ သင်တန်းများ ခရိုင်နှင့် မြို့နယ်အဆင့်များတွင် လိုက်လံပေးနေသည်ကို မဇ္ဈိမက စုံစမ်း သိရှိရသည်။

သို့သော်လည်း ပြည်သူလူထုအတွင်း မဲပေးနည်း၊ မဲစည်းကမ်းသတ်မှတ်ချက်များကို ရှင်းလင်းပြောဆိုထားမှု အားနည်းနေရာ နိုင်ငံရေးပါတီအချို့ မဲပေးသူများကို ပညာပေးရေးလုပ်ငန်းများ ဝင်ရောက် လုပ်ကိုင် လာနေသည်ကိုလည်း တွေ့ရသည်။