ကလေးအတွက် ခေတ်သစ်အိပ်ရာဝင်ပုံပြင်

ဒီတညလည်း…
ကြယ်တွေမစုံနိုင်ခဲ့ကြသေးဘူး ကလေးရေ...

ကြယ်မလာ လမသာတဲ့ ကောင်းကင်ယံမှာ

ဘယ်လိုနတ်ဆိုးရဲ့ ဗျပ်စောင်းသံမျိုးကမှ

ငါတို့အလင်းနှစ်တွေအတွက်
ငြိမ်းချမ်းရေး စကားသံတွေအဖြစ်

တံတားစစ်စစ်ခင်းနိုင်မယ်မဟုတ်ပါဘူးကွယ် ...

ဟောဒီ ကြယ်တွေမစုံတဲ့ ကမ္ဘာမှာ

အသက်တရာ မနေရခြင်းအတွက်

ဘယ်ပဉ္စလက်ဆရာကိုမှလည်း

လက်ညှိုးညွှန်ပြ အပြစ်ပုံမချလိုပါဘူး ကလေးရယ်...

ခေတ်မှီစွာနဲ့ အသက်တိုခြင်းတရားထဲမှာ

စိတ်၏ချမ်းသာမှုတွေ ရှည်လျားနေခဲ့ရင်ပဲ

ဒီသံသရာကြီးက တင်ဆက်ပြသတဲ့ပွဲကို

ငါတို့ … ကျေနပ်စွာ ကြိုဆိုနေခဲ့မိမှာပေါ့ ကလေးရဲ့ ...

အခုတော့…
အခက်တရာမကတဲ့ အမှုကုဋေပွေခြင်းအတွက်

ကံကြမ္မာကို လက်ညှိုးငေါက်ငေါက်ထိုးပြီး

ပိုးစိုးပက်စက် ရိုးမယ်ဖွဲ့တတ်ခဲ့ရမတဲ့လား!

ကလေးရေ..
ဟောဒီ…တညလောက်ဖြစ်ဖြစ်
မျက်စိနဲ့ကြားနေရတဲ့ သီချင်းသစ်တပုဒ်အတွက်

ပိတ်ထားတဲ့ တံခါးရွက်တွေကို ပွင့်စေချင်ပါရဲ့

နားရွက်နဲ့ဖတ်နေရတဲ့ ကဗျာသစ်တပုဒ်အတွက်

ကြယ်သာ လထွက်တဲ့ကမ္ဘာမှာ

ကလေးကို စိတ်ချလက်ချ အိပ်ပျော်စေချင်ပါရဲ့ကွယ် …

ဒါပေမယ့်လည်းကလေးရေ
လိပ်ပြာမလုံသူတွေရဲ့ ကောင်းကင်မြို့ရိုးမှာ

အတ္တမြူခိုးတွေ ဝေသီဖုံးလွှမ်းနေသေးလို့

ဟောဒီတညအဖို့လည်း
ကြယ်တွေ မစုံနိုင်ကြသေးဘူးကွဲ့ … ။        ။

ဆောင်းယွန်းလ

မတ် ၂၃၊ ၂၀၁၀