ယမန်နေ့က ရန်ကုန်မြို့၊ တောင်ဥက္ကလာမြို့နယ် နေအိမ် တအိမ်တွင် မြန်မာအမျိုးသားရေး လှုပ်ရှားဆောင်ရွက်သူများ၊ လူငယ်များ စုဝေးကြပြီး အမျိုးသားရေးစွမ်းဆောင်သူ သက်ကြီး စာပေပညာရှင်ကြီးများကို ဂါရ၀ပြုကန်တော့ခဲ့ကြသည်ဟု သိရသည်။
ဆရာ နန်းညွန့်ဆွေ၊ ဆရာ ဦးဝင်းတင်နှင့် ဆရာ ဦးလေးမြင့်တို့ တက်ရောက်ကြပြီး၊ ဦးတင်ဦးနှင့် ဒဂုန်တာရာတို့ ၂ ဦးမှာ ကျန်းမာရေးအခြေအနေအရ အရောက်မလာနိုင်ခဲ့ကြဟု ဆိုသည်။
“ဆရာဦးဝင်းတင်က ကျန်းမာရေးကောင်းတယ်သာ ဆိုတယ်။ ခြေထောက်တွေ ယောင်နေတာ တွေ့တယ်။ သို့သော် စိတ်ဓာတ်နဲ့ အင်အားကတော့ အပြည့်ပဲ။ ပြီးတော့ အဲသည်နားက အဝေးရောက်နေတဲ့ နိုင်ငံရေးအကျဉ်းသားတဦးရဲ့ အမေရဲ့ ဆွမ်းကျွေးကို ဆက်ချီတက်သွားတာကို တွေ့ရပါတယ်” ဟု မိတ်ဆွေတဦးက မိုးမခကို ပြောကြားသည်။
စာပေပညာရှင်၊ သတင်းစာဆရာကြီးတဦးဖြစ်သူ လူထုစိန်ဝင်းကိုလည်း လူငယ်များက နေအိမ်သို့ သွားရောက်ကန်တော့ကြခဲ့ကြောင်းလည်း သိရှိရသည်။
မိုးမခအထောက်တော် ၀၀၃
မတ် ၁၊ ၂၀၁၀
Monday, March 1, 2010
Subscribe to:
Post Comments (Atom)
0 comments:
Post a Comment