ရန်ကုန်မြို့ အား ကျောက်မီးသွေးဖြင့်မီးပေးမည်ဆိုလျှင် ပြည်သူများကြုံတွေ့ရနိုင်သော ဆိုးကျိုးများ

ဖေဖေါ်ဝါရီလ (၁၁) ရက်နေ့ က သဘောတူလက်မှတ်ရေးထိုးခဲ့ကြတဲ့ - နအဖက တရုတ်နိုင်ငံနဲ့ ပေါင်း၍ ရန်ကုန်မြို့ကို ကျောက်မီးသွေးနဲ့ မီးပေးဖို့  စီစဉ်နေတာနဲ့ ပတ်သက်ပြီး - လျှပ်စစ်မီး မရှိဘဲ အမှောင်ထဲမှာ နေနေကြရတဲ့၊ လျှပ်စစ်မီး မလာလို့  ရေကအစ ဆက်စပ်နေတဲ့ အခက်အခဲတွေအားလုံးကို ကြာမြင့်စွာ ဒုက္ခရောက်နေကြရတဲ့ ပြည်သူလူထုတွေကတော့ လျှပ်စစ်မီးရတော့မှာဘဲလို့  စိတ်ကူးလေးနဲ့  ပျော်ရွှင်ကောင်း ပျော်ရွှင်မှာကို ပြည်သူတွေအတွက် ကိုယ်လည်း စိတ်ကူးလေးနဲ့ ပျော်မိပါတယ်။ သို့ သော်လည်း …ဒါပေမယ့် နအဖရဲ့  လျှပ်စစ်စီမံကိန်းကြီးတွေကတော့ သတင်းစာကိုင်ရင် ဓါတ်လိုက်တယ်လို့  ပြောတဲ့ ဟာသလို အပြင်မှာလည်း တကယ် လျှပ်စစ်မီးတွေ မရကြတာမို့ နအဖရဲ့  လျှပ်စစ်စီမံကိန်းမှန်းသမျှ ပြည်သူလူထုအတွက် အပြည့်အ၀ ရ မရကို အခုလည်း စောင့်ကြည့်ရဦးမှာပါ။

ဒီ ရန်ကုန်ကျောက်မီးသွေး ဓာတ်အားပေးစက်ရုံစီမံကိန်းကို နအဖ အမှတ်(၁) လျှပ်စစ်စွမ်းအားဝန်ကြီးဌာန၊ ရေအား လျှပ်စစ်စီမံကိန်းဦးစီးဌာနနဲ့  တေဇရဲ့  ထူးကုမ္ပဏီရယ် တရုတ်နိုင်ငံဘက်က Huaneng La-ncang River Hydropower Co.Ltd. တို့ ကနေ ပူးပေါင်းပြီး ဒီနှစ်အတွင်းမှာ စတင် အကောင်အထည်ဖော်ဆောင်ရွက်သွားမယ်လို့  သိရပါတယ်။ ရန်ကုန်မြို့ကို လျှပ်စစ်မီးအပြည့်အ၀ပေးနိုင်ဖို့ ကတော့ အနည်းဆုံး နှစ်နှစ်လောက် ကြာဦးမှာ ဖြစ်ပါတယ်တဲ့။












နအဖရဲ့  လျှပ်စစ်မီးထုတ်လုပ်ရေး လျှပ်စစ်မီး အပြည့်အ၀ရရှိရေး ပြောဆိုသံတွေကတော့ ဒါတင်မကဖူး ပြည်သူလူထုအတွက် ဘာလုပ်ပေးမယ် ညာလုပ်ပေးမယ် ဆိုတဲ့ အခြားသော စီမံကိန်းတွေ အပြောတွေကတော့ ဒီနှစ် ၂၀၁၀ အစမှာ အသံကောင်းနဲ့  တစ်ခုပြီး တစ်ခုထွက်လာနေတာတွေကတော့ နအဖရဲ့  ၂၀၁၀ ခုနှစ် ရွေးကောက်ပွဲအတွက် ပြည်သူလူထုကို မဲဆွယ်နေတဲ့သဘောတွေ တွေ့ နေရပါတယ်။

နအဖရဲ့  တရုတ်နိုင်ငံနဲ့ ပေါင်းပြီး ရန်ကုန်ကို ကျောက်မီးသွေးနဲ့  မီးပေးမယ်ဆိုတော့ ပြောစရာတွေကတော့ ပေါ်လာပြန်ပြီ။ နအဖရဲ့  ရေအားလျှပ်စစ်တွေ၊ သဘာဝဓါတ်ငွေ့ တွေကရော ဘယ်ရောက်သွားပါသလည်း။ ကျောက်မီးသွေးနဲ့ မှ လျှပ်စစ်မီးပေးရတာလား၊ သုံးမဲ့ကျောက်မီးသွေးကရော ဘယ်ကဘယ်လို သုံးကြမှာလည်း၊ ကျောက်မီးသွေးမိုင်းတွင်းတွေ အခြေအနေကရော၊ ကျောက်မီးသွေးနဲ့  လျှပ်စစ်မီးပေးတဲ့နေရာမှာ ဆိုးကျိုးထိခိုက်မှုတွေရော ပြည်သူလူထုက သိကြပါရဲ့ လား၊ ဖြစ်ပေါ်လာမယ့် ဆိုးကျိုးတွေအတွက် ဘယ်လိုကာကွယ်ကြမှာလည်း ဘယ်လိုကုသကြမှာလည်းဆိုတာ နအဖက ပြင်ဆင်ဆောင်ရွက်ထားမှု ရှိပါရဲ့ လား - အစရှိတဲ့ အချက်တွေကို သိထား သုံးသပ်ထားကြဖို့  လိုမယ် ထင်ပါတယ်။

ကျောက်မီးသွေးဓါတ်အားပေးဆိုတာ အခုမှ ထူးထူးဆန်းဆန်း မဟုတ်ပါ။ နှစ်ပေါင်းများစွာကတည်းက လျှပ်စစ်ဓါတ်အားထုတ်လုပ်ဖို့ အတွက် ကျောက်မီးသွေးတွေကို လောင်ကျွမ်းစေပြီး ထွက်ရှိလာတဲ့ ရေနွေးငွေ့ ကို တာဘိုင်စက်ကြီးတွေကို လည်ပတ်စေပြီး လျှပ်စစ်ဓါတ်အားထုတ်တာပါဘဲ။ ဒါကို အခု နအဖက ထူးထူးဆန်းဆန်းလုပ်ပြီး တရုတ်နိုင်ငံနဲ့ ပူးပေါင်းထုတ်လုပ်တဲ့ စီမံကိန်းဆိုပြီး သတင်းတွေမှာ ဖေါ်ပြနေတာပါ။

ရန်ကုန်မြို့ ကြီးကို ကျောက်မီးသွေးနဲ့  လျှပ်စစ်မီးပေးမယ်ဆိုတာ နအဖရဲ့  သံသယရှိဖွယ် မြုပ်ကွက်တွေ ရှိနေနိုင်ပါတယ်။ နေပြည်တော်မှာလည်း မိုင်းတွင်းလုပ်ငန်းကို အကြောင်းပြပြီး ဥမင်လှိုဏ်ခေါင်းတွေဆောက်ကာ ညူကလီယားထုတ်လုပ်ရေးတွေလုပ်တယ်လို့  အစီရင်ခံစာတွေလည်း မကြာသေးခင်က တွေ့ ကြမှာပါ။ နောက်တစ်ခု သိရှိချက်အရဆိုရင် ဒီကျောက်မီးသွေးနဲ့  လျှပ်စစ်ထုတ်လုပ်ရေးစီမံကိန်းမှာ တရုတ်နိုင်ငံက သူ့ ဆီက ကျောက်မီးသွေးတွေ ပံ့ပိုးကူညီမှာ မဟုတ်ပါဖူး။ ဒီတော့ တရုတ်နိုင်ငံအတွက်များ ဒီစီမံကိန်း ဘန်းပြပြီး တရုတ်နိုင်ငံမှာ မလုံလောက်လို့  လိုအပ်နေတဲ့ ကျောက်မီးသွေးတွေ မြန်မာနိုင်ငံ နအဖကနေ လျှို့ ဝှက်တင်ပို့ ဖို့ လုပ်တာလားဆိုတာလည်း သံသယ ရှိစရာပါ။

ကျောက်မီးသွေးနဲ့  လျှပ်စစ်မီးထုတ်မယ်ဆိုတာကို ပြန်ဦးတည် သုံးသပ်ရရင် - နအဖနဲ့  တရုတ်နိုင်ငံ ပေါင်းလုပ်တာမို့  မြန်မာနိုင်ငံဘက်ရော တရုတ်နိုင်ငံဘက်ရော သုံးသပ်ကြည့်ရမှာ ဖြစ်ပါတယ်။

ပထမဦးဆုံး တရုတ်နိုင်ငံကနေ အကူအညီပေးမယ်ဆိုတော့ ဒီ ရန်ကုန်ကျောက်မီးသွေး ဓာတ်အားပေးစက်ရုံစီမံကိန်းနဲ့ ပတ်သက်ပြီး - တရုတ်နိုင်ငံမှာ ကျောက်မီးသွေးသုံးလို့  ပြဿနာတွေ ကြုံရတာ သိကြဖို့  ဖေါ်ပြလိုပါတယ်။


တရုတ်နိုင်ငံမှာ ကျောက်မီးသွေး သုံးလို့  အောက်ဖေါ်ပြပါ ဆိုးကျိုးတွေ ဖြစ်ခဲ့ပါတယ်။

၁။ ရောဂါဘေးဆိုးများ အန္တရာယ်။

ကျောက်မီးသွေးများ လောင်ကျွမ်းရာကနေ ထွက်ပေါ်လာတဲ့ မီးလောင်ငွေ့ ဟာ လူအပါအ၀င် သက်ရှိသတ္တ၀ါတွေရဲ့  အသက်ရှူလမ်းကြောင်းပိုင်းဆိုင်ရာ၊ နှလုံးပိုင်းဆိုင်ရာနဲ့  ဦးနှောက်နဲ့  အာရုံကြောဆိုင်ရာတွေကို ထိခိုက်စေပါတယ်။

ကျောက်မီးသွေးလောင်ကျွမ်းမှုကြောင့် ဖြစ်ပေါ်လာတဲ့ ဓါတ်ငွေ့ တွေကြောင့် နှလုံးရောဂါနဲ့  အဆုတ်ရောဂါတွေကို ဖြစ်ပေါ်စေပါတယ်။

ထို့ အပြင် ကလေးတွေမှာ မွေးဖွားတဲ့အချိန်က စပြီး နှုတ်ခမ်းကွဲနာတွေကိုလည်း ဖြစ်ပေါ်စေပါတယ်။

ကျောက်မီးသွေးလောင်ကျွမ်းမှုကြောင့် မာကျူရီပြဒါးဓါတ်တွေ ထွက်ပေါ်လာပြီး အဆိုပါ မာကျူရီပြဒါးဓါတ်ဟာ လူ့ ခန္ဓာကိုယ်ကို အဆိပ်သင့်စေပါတယ်။ ဒီ မာကျူရီပြဒါးဓါတ်ကို ငါးတွေ သောက်သုံးရေတွေထဲ စိမ့်ဝင်နေရာကနေတစ်ဆင့်လည်း လူတွေဆီရောက်ရှိပြီး ခန္ဓာကိုယ်အဆိပ်သင့်စေတတ်ပါတယ်။

















၂။ လေထုညစ်ညမ်းမှု အန္တရာယ်နဲ့  အက်ဆစ်မိုးရွာသွန်းခြင်း။

ကျောက်မီးသွေးမိုင်းတွင်းတွေရဲ့  ကျောက်မီးသွေးထုတ်လုပ်မှု၊ ကျောက်မီးသွေးလောင်ကျွမ်းမှုနဲ့  ကျောက်မီးသွေးအလေအလွင့်၊ ကျောက်မီးသွေးမိုင်းတွင်း စွန့် ပစ်ပစ္စည်းတွေကြောင့် ရေထု မြေထု အထူးသဖြင့် လေထုညစ်ညမ်းမှုကို ဖြစ်ပေါ်စေပါတယ်။

ကျောက်မီးသွေးလောင်ကျွမ်းမှုကြောင့် ပေါ်ထွက်လာတဲ့ ကာဘွန်ဒိုင်အောက်ဆိုဒ်၊ ဆာဖာဒိုင်အောက်ဆိုဒ်၊ နိုက်တြိုဂျင်အောက်ဆိုဒ်ဓါတ်ငွေ့ တွေဟာ အက်ဆစ်မိုးရွာသွန်းမှုကို ဖြစ်ပေါ်စေပါတယ်။ အက်ဆစ်မိုးကို ရုတ်တရက်အားဖြင့် သာမန်မိုးနဲ့  ခွဲခြားမြင်ဖို့  ခဲယှဉ်းပါတယ်။ ကျောက်မီးသွေးမိုင်းတွင်းနဲ့  အနီးအနားက ပတ်ဝန်းကျင်ဒေသတွေမှာ အက်ဆစ်မိုးရွာသွန်းပြီး ဒီအက်ဆစ်မိုးကြောင့် နှလုးရောဂါနဲ့  အဆုတ်ရောဂါတွေဖြစ်တဲ့ ရင်ကြပ်ပန်းနာ၊ လည်ချောင်းနာတွေကို ဖြစ်ပါတယ်။

၃။ ကျောက်မီးသွေးမိုင်းတွင်းများ အန္တရာယ်။

ကျောက်မီးသွေးမိုင်းတွင်းကနေ ထွက်ရှိလာတဲ့ သေးငယ်လွန်းလှတဲ့ ကျောက်မီးသွေးအပိုင်းအစလေးတွေဟာ ကျောက်မီးသွေးမိုင်းတွင်း တည်ရှိရာနေရာဒေသ အပါအ၀င် အနီးအနားပတ်ဝန်းကျင်ဒေသတွေကို ထိခိုက်ပျက်စီးစေပါတယ်။ အဆိုပါနေရာဒေသတွေမှာ နေထိုင်ကြတဲ့ ပြည်သူလူထုရဲ့  ရေတွေ၊ လေတွေ၊ မြေတွေကို အဓိက ထိခိုက်စေတာ ဖြစ်ပါတယ်။ ကျောက်မီးသွေးသဘာဝဟာ မြေကြီးအောက်မှာ နှစ်သန်းပေါင်းများစွာ ဖွဲ့ စည်တည်ဆောက်ဖြစ်ပေါ်လာတာမို့  ကျောက်မီးသွေးအမှုန်အစအနတွေဟာ တော်ရုံတန်ရုံနဲ့  မပျောက်ပျက်သွားပါဖူး။

ဒါကြောင့်မို့ လို့  ဖွံ့ ဖြိုးတိုးတက်တဲ့ နိုင်ငံတွေမှာ နိုင်ငံအစိုးရတွေနဲ့  ပတ်ဝန်းကျင်ထိန်းသိမ်းရေးအဖွဲ့ အစည်းတွေကနေ ကျောက်မီးသွေးမိုင်းတွင်းရဲ့  ကျောက်မီးသွေးထုတ်လုပ်မှုမှာ ကျောက်မီးသွေး အလေအလွင့်အစအနတွေ လက်လွယ်စပယ် မစွန့် ပစ်ရအောင် ပြင်ပကို အလွယ်တကူ မပြန့် နှံ့  မရောက်ရှိရအောင် စနစ်တကျနဲ့  သေချာစွာ ဆောင်ရွက်ဖို့  ဥပဒေတွေ တားမြစ်ချက်တွေ နည်းစနစ်တွေနဲ့  ထိန်းချူပ်ပေးကြပါတယ်။



















(ဖေါ်ပြပါပုံတွေကတော့ ကျောက်မီးသွေးမိုင်းတွင်းတွေ ရှိရာမြို့ ဖြစ်တဲ့ တရုတ်နိုင်ငံ လင်းဖန်မြို့  (Linfen) က အခြေအနေပုံတွေ ဖြစ်ပါတယ်။ လင်းဖန် (Linfen) မြို့ ကို ကမ္ဘာ့လေထုအညစ်ညမ်းဆုံးမြို့ အနေနဲ့  သတ်မှတ်ထားပါတယ်။ ဒီမြို့ မှာ နေထိုင်ကြသူ (၄) သန်းကျော်ရှိပြီး သူတို့ တွေ ပြောပြချက်အရ သူတို့ ဟာ နေကို တစ်နှစ်လုံးနေမှ ရက်အနည်းငယ်သာ မြင်ရကြောင်း၊ ထူထပ်စွာဖုံးအုပ်နေတဲ့ မီးခိုးတွေ အမှုန်တွေကြောင့် နေကို မမြင်ရတာဖြစ်ပြီး မြို့ တစ်မြို့ လုံးဟာလည်း အခိုးအငွေ့ တွေကြောင့် မှောင်မဲနေကြောင်း၊ လမ်းတွေ မြေတွေပေါ်မှာလည်း လမ်းလျှောက်ရင် ခြေရာကျန်တဲ့အထိအောင် အမှုန် အမှုန့် တွေ ထူထပ်နေကြောင်း၊ ရောဂါဘေးများလည်း ကြုံတွေ့ ခံစားကြရကြောင်း ကမ္ဘာ့သတင်းဌာနတွေကို ပြောပြကြပါတယ်။













ဒီတော့ အချူပ်ပြန်ဆိုရရင် အခြားသောတိုးတက်သည့် နည်းလမ်းများ၊ ကျောက်မီးသွေးထက် ပိုသင့်တော်သော အခြားသဘာဝပစ္စည်းများဖြစ်ကြတဲ့ သဘာဝဓါတ်ငွေ့ တွေ လောင်စာဆီတွေ ရေအားတွေနဲ့  လျှပ်စစ်မီးထုတ်လုပ်ရနိုင်ရဲ့ သားနဲ့  နိုင်ငံခြားတိုင်းပြည်များကိုကျတော့ ရောင်းချပြီး ပြည်တွင်းအတွက်ကျတော့ ကျောက်မီးသွေးနဲ့  လျှပ်စစ်ထုတ်လုပ်ဖို့ လုပ်တာကတော့ နိုင်ငံတော် စေတနာ သန်းရွှေစေတနာကြီး ထင်ပါရဲ့ ။

ရန်ကုန်မြို့ သူမြို့ သားများကို အညှိုးအတေးနဲ့  မီးခိုးမှောင်တိုက်သွင်းဖို့ လုပ်တဲ့ ရောဂါဘေးအန္တရာယ်ဆိုးတွေ ပေးတွေ့ စေလိုတဲ့ နိုင်ငံတော် စေတနာ သန်းရွှေစေတနာကြီး ထင်ပါရဲ့ ။ လျှပ်စစ်မီးထုတ်ဖို့  အကြောင်းပ်ြပြီး ရန်ကုန်ပြည်သူလူထုကို ၂၀၁၀ ရွေးကောက်ပွဲကာလ ချွေးသိပ်တဲ့ မဲဆွယ်မှုလေးနဲ့ အတူ နအဖတို့  အားကိုးရာ တရုတ်နိုင်ငံကြီးအတွက် မြန်မာ့သယံဇာတ တွင်းထွက်တွေ ခိုးရောင်းစားဖို့ တာဆူနေတာလား။ ဒါမှ မဟုတ် မိုင်းတွင်းဘန်းပြပြီး နောက်ထပ် ဥမင်လှိုဏ်ခေါင်းတွေ ညူကလီယားစီမံကိန်းအတွက် ပြင်ဆင်နေတာလား ဆိုတာတွေပါ ထည့်မစဉ်းစားခင် - ရန်ကုန်မြို့ သူမြို့ သားတွေ ရှေးဦးစွာ ရင်ဆိုင်ရမှာတွေကတော့ အထက်ကဖေါ်ပြပေးတဲ့ ရောဂါဘေးအန္တရာယ်ဆိုးတွေ၊ လေထုညစ်ညမ်းမှုနဲ့  အက်ဆစ်မိုးရွားသွန်းမှုအန္တရာယ်တွေ၊ ကျောက်မီးသွေးမိုင်းတွင်းအန္တရာယ်တွေကို ကြုံတွေ့ ကြရမှာ ဖြစ်ပါတယ်။

နအဖတွေ ပြောပြောနေတဲ့ နိုင်ငံတော်စေတနာကြီး နိုင်ငံတော်အကြီးအကဲစေတနာကြီးဖြစ်တဲ့ ရန်ကုန်မြို့ အတွက် ကျောက်မီးသွေး လျှပ်စစ်ဓါတ်အားပေး စီမံကိန်းကြီးကတော့ဗျာ နအဖတွေရဲ့  လက်လွတ်စပယ်လုပ်ရပ်တွေကြောင့် ပြည်သူတွေအတွက် ရင်လေးစရာပါဘဲ ……

ပေးပို့ပေးသော ကိုနစ်နေမန်းအား ကျေးဇူးတင်ပါသည်။