ဒီမိုကရက်တစ်မြန်မာ့အသံ ပရိသတ်များရှင်...အခုတပတ် အမျိုးသမီးအခွင့်အလမ်း အစီအစဉ်မှာ တောင် ကိုးရီးယားနိုင်ငံရဲ့ ဒီမိုကရေစီတော်လှန်ရေးမှာ အရေးပါခဲ့တဲ့ အမျိုးသမီးအလုပ်သမား လှုပ်ရှားမှုအကြောင်းကို တင်ပြမှာ ဖြစ်ပါတယ်။
၁၉၈၇ ခုနှစ်၊ နွေရာသီကာလမှာ ဒီမိုကရေစီတောင်းဆိုတဲ့ အလုပ်သမားလှုပ်ရှားမှုများနဲ့ ဆန္ဒပြပွဲတွေဟာ တောင်ကိုးရီး ယားနိုင်ငံတ၀ှမ်းမှာ ပေါ်ထွက်လာခဲ့ပါတယ်။ နိုင်ငံရေးတိုး တက်ပြောင်းလဲမှုနဲ့ ဒီမိုကရေစီအသွင်ပြောင်းမှုကို တခဲနက် တောင်းဆိုမှုတွေ ပေါ်ပေါက်လာခဲ့ပါတယ်။ စာနယ်ဇင်းသ မားများရဲ့ စာနယ်ဇင်းလွတ်လပ်ခွင့် တောင်းဆိုမှုတွေ၊ ကျောင်းဆရာ၊ ဆရာမများ သမဂ္ဂရဲ့ ဒီမိုကရေစီပညာရေး ဖော်ဆောင်ရန် တိုက်တွန်းကြေညာချက်တွေ ပေါ်ထွက်လာခဲ့ပါတယ်။
နိုင်ငံရေးပညာရှင်တွေက ၁၉၈၀ နှောင်းပိုင်းကာလများမှာ ပေါ်ပေါက်လာခဲ့တဲ့ ဒီလှုပ်ရှားမှုတွေဟာ ၁၉၇၀ ပြည့် ကာလများမှာ ပေါ် ပေါက်လာခဲ့တဲ့ အမျိုးသမီးအလုပ်သမား လှုပ်ရှားမှုများရဲ့ ရလာဒ်လို့ ပြောကြားခဲ့ကြပါတယ်။ နိုင်ငံရေးလှုပ်ရှားမှု တိုက်ပွဲကြီးတွေကို အာဏာရှင်တွေက ဖြိုခွင်းတိုက်ခိုက်လိုက်တဲ့အခါ ဒီတိုက်ပွဲတွေဟာ ပြီးဆုံးသွားပြီလို့ တချို့က ယူဆတတ်ကြပါတယ်။ အမှန်ကတော့ ပြီးဆုံးသွားတာ မဟုတ်ပါဘူး။ တိုက်ပွဲကြီးတခု နောက်ထပ်မထွက်ပေါ်လာသေးတာပဲ ဖြစ်ပါတယ်။ လူထုလှုပ်ရှားမှု တိုက်ပွဲတွေဟာ တော်လှန်ရေးမျိုးဆက်တွေကို မွေးဖွားပေးပါတယ်။ တက်ကြွလှုပ်ရှားသူတွေအချင်းချင်း ကွန်ယက်ချိတ်ဆက် လှုပ်ရှားမှုတွေနဲ့ ညီ ညွတ်ရေးကို တည်ဆောက်နိုင် လာပါတယ်။ ညီညွတ်ရေးဆိုတာ တိုက်ပွဲကပေါ်ထွက်လာတဲ့ ညီညွတ်ရေးကမှ ရေရှည်မှာ စစ်မှန်ခိုင်ခံ့ ပါတယ်။ တိုက်ပွဲတွေဟာ တော်လှန်ရေးမျိုးဆက်ဟောင်းနဲ့ မျိုးဆက်သစ်ကို ပေါင်းကူးတည်ဆောက်ပေးပါတယ်။ ဒါကြောင့်လဲ တောင် ကိုးရီးယားနိုင်ငံရဲ့ ၁၉၈၀ နှောင်းပိုင်းကာလများမှာ ပေါ်ပေါက်ခဲ့တဲ့ လူထုတိုက်ပွဲများဟာ ၁၉၇၀ ကာလ အမျိုးသမီးအလုပ်သမား လှုပ် ရှားမှုများရဲ့ ရလာဒ်အဖြစ် ဖော်ကျူးကြတာ ဖြစ်ပါတယ်။
၁၉၇၀ ကာလ အမျိုးသမီး လှုပ်ရှားမှုတွေကို ငယ်ရွယ်တဲ့ အမျိုးသမီး အလုပ်သမားများက ဦးဆောင်ခဲ့တာပါ။ စက်ရုံ၊ အလုပ်ရုံများစွာ က အမျိုးသမီး အလုပ်သားများဟာ ဒီမိုကရက်တစ် အလုပ်သမား သမဂ္ဂများကို ဖော်ဆောင်ခဲ့ကြပါတယ်။ နိုင်ငံတနိုင်ငံမှာ အလုပ်သ မား၊ လယ်သမားများဟာ နိုင်ငံတော်လူဦးရေရဲ့ ရာခိုင်နှုန်းအများစုကို ကိုယ်စားပြုတာဖြစ်ပါတယ်။ ဒီလို အမျိုးသမီးအလုပ်သမားများ က မိမိတို့ရဲ့ ရပိုင်ခွင့် အခွင့်အလမ်းများကို ဦးဆောင်တောင်းဆိုလာတဲ့အခါ အခြေခံလူ့အခွင့်အရေးတွေကို ထိန်းချုပ် ထားခြင်းခံရတဲ့ လူ့အဖွဲ့အစည်းအတွင်းမှာ နိုင်ငံရေး စိတ်ဓာတ်တွေ နိုးကြားလာပါတယ်။ အမျိုးသမီး အလုပ်သမား ကွန်ယက်များက တစတစ ကြီး ထွားလာပါတယ်။
အာဏာရှင်များကလဲ အာဏာရှင်အစိုးရပီသစွာ ဖိနှိပ်ချုပ်ချယ်မှုများစွာကို ပြုလုပ်ပါတော့တယ်။ အင်အားသုံးအနိုင်ကျင့် နှိပ်စက်မှုတွေ၊ လိင်ပိုင်းဆိုင်ရာ စော်ကားမှုတွေ၊ သမဂ္ဂအဖွဲ့ဝင်များကို ထောင်ချမှုတွေက တရဟောပေါ်ထွက်လာပါတယ်။ ဒီလိုနည်းမျိုးစုံနဲ့ ပိတ်ပင် တားဆီးနေခဲ့ပေမယ့် အမျိုးသမီး အလုပ်သမားတွေ နောက်မဆုတ်ခဲ့ကြပါဘူး။ အမျိုးသမီးတွေ ဦးဆောင်တဲ့ အလုပ်သမား သပိတ် တွေ ဆက်တိုက်ပေါ်ပေါက်လာခဲ့ပါတယ်။ အာဏာရှင်တွေက ဒီသပိတ်မှာ ပါဝင်သူတွေကို သူပုန်တွေလို့ သတ်မှတ်ကြပါတယ်။ အ လုပ်လုပ်ကိုင်ခွင့်တွေကို ပိတ်ပင်ခဲ့ကြပါတယ်။ ဒါတွေကို အမျိုးသမီးအလုပ်သမားထုကလဲ အစာငတ်ခံဆန္ဒပြပွဲတွေ၊ လူထုတိုက်ပွဲတွေ နဲ့ တုံ့ပြန်ခဲ့ကြပါတယ်။ အာဏာရှင်တွေ ထူထောင်ထားတဲ့ လက်ကိုင်ဒုတ်အဖွဲ့တွေနဲ့ အပြိုင်အဆိုင် အလုပ်သမားအဖွဲ့တွေကို ထူ ထောင်ခဲ့ကြပါတယ်။ အမျိုးသမီးအလုပ်သမား အစည်းအရုံးကနေတဆင့် အလုပ်သမား အခွင့်အရေးတွေကို တောင်းဆိုခဲ့ကြပါတယ်။
အာဏာရှင်အစိုးရတွေဟာ လူထုလှုပ်ရှားမှုတွေကို ပစ်ခတ်သတ်ဖြတ်နှိမ်နင်းလိုက်တဲ့အခါ ဒါကို နိုင်ပြီလို့ သတ်မှတ်တတ်ကြပါတယ်။ တောင်ကိုးရီးယားအစိုးရကလဲ ဒီအတိုင်းပဲ ထင်ခဲ့ပါတယ်။ အမျိုးသမီးအလုပ်သမား လှုပ်ရှားမှုတွေကို အကြမ်းဖက်နှိမ်နင်းပြီး ပွဲပြီး မီး သေဖြစ်အောင် ပြုလုပ်ပါတော့တယ်။ ဒါပေမယ့် ဒီလိုနိုင်ငံတော်အကြမ်းဖက်မှုတွေဟာ ပွဲပြီး မီးသေ ဘယ်တော့မှ ဖြစ်လေ့မရှိပါဘူး။ ဒီလိုနိုင်ငံတော်အကြမ်းဖက်မှုတွေကြောင့် ပြည်သူလူထုကြီးဟာ နိုင်ငံအုပ်ချုပ်နေတဲ့ အစိုးရရဲ့ ဆိုးရွားယုတ်မာတဲ့ သဘောထားမှန်ကို မျက်မြင်သိခွင့်ရသွားပါတယ်။
ဒီလိုနဲ့ ၁၉၇၀ ပြည့်လွန်ကာလ အမျိုးသမီး အလုပ်သမား အခွင့်အရေး လှုပ်ရှားမှုတွေဟာ ၁၉၈၀ နှောင်းပိုင်း ကာလလဲရောက်ရော ဒီမို ကရေစီနဲ့ လူ့အခွင့်အရေး လှုပ်ရှားမှုကြီးအဖြစ် အသွင် ကူးပြောင်းသွားပါတော့တယ်။ အမျိုးသမီးတွေ ဦးဆောင်တဲ့ အလုပ်သမားလှုပ် ရှားမှုတွေကတဆင့် လူထု၊ လူတန်းစား အလွှာအားလုံးမှာ အာဏာရှင်ဆန့်ကျင်ရေး စိတ်ဓာတ်တွေ နိုးကြားလာပါတယ်။ အမျိုးသား တွေ၊ ပညာတတ်လူငယ်တွေ တစတစနဲ့ ပူးပေါင်းပါဝင်လာကြပါတယ်။ အတိုက်အခံနိုင်ငံရေး အစုအဖွဲ့တွေ ပေါ်ပေါက်လာပါတယ်။ အ ခြေခံ လူတန်းစားတွေဘက်က ရပ်တည်ပြီး အာဏာရှင်ကို ဆန့်ကျင်တဲ့ လူလတ်တန်းစားတွေလဲ ပေါ်ထွက်လာပါတယ်။
ဒီမိုကရက်တစ်မြန်မာ့အသံ ပရိသတ်များရှင်...
အမျိုးသမီး အခွင့်အရေးလှုပ်ရှားမှုဆိုတာ အမျိုးသား၊ အမျိုးသမီး တန်းတူ အခွင့်အရေး ရရှိမှု တခုတည်းကိုတင် ကိုယ်စားပြုတာ မ ဟုတ်ပါဘူး။ လူသားတိုင်း ရရှိခံစားရမယ့် လူ့အခွင့်အရေးကို တန်းတူညီမျှ ခံစားခွင့်ကို ကိုယ်စားပြုတာ ဖြစ်ပါတယ်။ အာဏာရှင် နိုင်ငံ များမှာဆိုရင် အမျိုးသမီးများသာမက အမျိုးသားများပါ လူသားအားလုံးရဲ့ ရပိုင်ခွင့်တွေ ဆုံးရှုံးကြရပါတယ်။ ဒီလို အခြေအနေမျိုးတွေ မှာ အမျိုးသမီးတွေဟာ သူတို့ရဲ့ အခွင့်အရေးတွေကို တောင်းဆိုရင်း တိုင်းပြည်တခုလုံးရဲ့ ကံကြမ္မာ အလှည့်အပြောင်းကိုပါ ဦးဆောင် ခေါ်ယူနိုင်စွမ်းရှိတယ်ဆိုတာ တောင်ကိုးရီးယားနိုင်ငံရဲ့ ဒီမိုကရေစီ တော်လှန်ရေးက သက်သေပြနေပါကြောင်း တင်ပြလိုက်ရပါတယ် ရှင်။
ခင်မမမျိုး (၂၀၀၉)
(ဒီမိုကရက်တစ် မြန်မာ့အသံမှ အမျိုးသမီးအခွင့်အလမ်း ကဏ္ဍတွင် (၂၀၀၉) ခုနှစ်၌ ထုတ်လွှင့်ထားသော အသံလွှင့်ဆောင်းပါး ဖြစ်ပါ သည်)
နေ့သစ်
0 comments:
Post a Comment