ပညာသင်ကြားခြင်း၏ ရည်ရွယ်ချက်

ဒီပို့စ်လေးဟာ ကျွန်တော့်ရဲ့ အမြင်၊ ကျွန်တော့်ရဲ့အတွေးအမြင်လေးတစ်ခုမျှသာ ဖြစ်ပါတယ်။ ကျွန်တော် ဖြတ်သန်းခဲ့ရတဲ့ပတ်ဝန်းကျင်ကို အခြေပြုပြီး ရေးထားခြင်းသာ ဖြစ်ပါတယ်။ ဒီပို့စ်လေးမှာ မြန်မာနိုင်ငံရဲ့ စီးပွားရေး၊ လူမှုရေး၊ နိုင်ငံရေးရောယှက်ပါဝင်နေပါလိမ့်မယ်။ ဒါတွေဟာ ကျွန်တော့်အမြင်၊ ကျွန်တော့် အယူအဆမျှသာ ဖြစ်ပါတယ်။

မတူညီသောရှုဒေါင့်မှကြည့်မည်သူများကိုလည်း လွတ်လပ်စွာကွဲလွဲခွင့်ကလေး ပေးပါလို့ပဲ တောင်းဆိုလို ပါတယ်။မှားတာ မှန်တာကို စာဖတ်သူ သိပါလိမ့်မယ် .. ကျွန်တော် ဘာမှမလိုချင်ပါဘူး ..လွတ်လပ်စွာ ကွဲလွဲခွင့်ကလေး သာ . . .

"ပညာသင်ကြားခြင်းရဲ့ ရည်ရွယ်ချက်ဟာ ရာထူးရဖို့မဟုတ်၊ အမှားနဲ့ အမှန်ကိုဆုံးဖြတ်တတ်ဖို့၊ တရားမှုနဲ့ မတရားမှုကို ခွဲခြားတတ်ဖို့ ဖြစ်ပါတယ်။"

(ရပ်စကင်း)

ဒီစာသာလေးကို မြသန်းတင့်ရဲ့ လမင်းကို ထရံပေါက်မှ ကြည့်ခြင်း ဆိုတဲ့စာအုပ်ထဲမှာ ဖတ်ဖူးတာပါ။ ဒီအယူအဆလေးဟာ ကျွန်တော့်ရဲ့အမြင်နဲ့ထပ်တူထပ်မျှဖြစ်နေလို့လည်း စာအုပ်ထဲကနေ ကူးယူးထား မိတာပါ။ နောက်တစ်ခုက``မေမေ အာဇာနည်နေ့ဆိုတာ အဆိုတော် Rဇာနည်ရဲ့ မွေးနေ့ကို ပြောတာလား ဟင်၊ ပြီးတော့ ဗိုလ်ချုပ်အောင်ဆန်းဆိုတာ ရာဇ၀င်ထဲကမဟော်သဓာတို့လိုမျိုးလားဟင်´´ဒီမေးခွန်းလေးကို ကျွန်တော့်နားနဲ့ ဆက်ဆက်ကြားခဲ့ရတာပါ။ လှည်းတန်း TTCမှာ တက်နေတဲ့ မူလတန်းအရွယ် ကျောင်းသူလေးက သူ့မိခင်ကို အမှတ်မထင်မေးလိုက်တဲ့ မေးခွန်းလေးတစ်ခုပါ။ မူလတန်းအရွယ် ကျောင်းသူလေးဟာ အဲဒီတုန်းက(၃) တန်းကို တက်ရောက်နေပါပြီ။ မိခင်လုပ်တဲ့သူကတော့ သူ့သမီးလေးကို
မေးခွန်းကြောင့် အံ့သြတုန်လှုပ်သွားခဲ့တာကို ကျွန်တော်သတိထားမိလိုက်ပါတယ်။

"မြန်မာနိုင်ငံမှာနေလို့ ငါတို့ဘ၀ ဘာမှ ဖြစ်လာမှာ မဟုတ်ဘူး မြန်မာလူမျိုး ဖြစ်ရတာ ရှက်ဖို့တောင် ကောင်းသေးတယ်။ အခွင့်အရေးရရင်တခြားနိုင်ငံသား ခံယူနိုင်အောင် ကြိုးစားမယ်၊ လိုအပ်ရင် Refugge ဖြစ်အောင်တော့ လုပ်ရမှာ။ အဲဒီကတစ်ဆင့် တတိယနိုင်ငံတစ်ခု ရောက်အောင်သွားနိုင်အောင် ကြိုးစားမယ်´´

အဲဒီစကားလေးက တစ်ည အိမ်မှာ ကျွန်တော် CNN သတင်းကြည့်နေတုန်းကျွန်တော့်အနားမှာရှိတဲ့ သူငယ်ချင်းနှစ်ယောက်က တစ်ယောက်နဲ့ တစ်ယောက်ပြောနေကြတဲ့ စကားများ ဖြစ်ပါတယ်။ သူတို့ရဲ့ စကားကြောင့် ကျွန်တော်အတော်စိတ်မကောင်း ဖြစ်ခဲ့မိတယ်။

လွန်ခဲ့တဲ့ ၄ နှစ်လောက်က ကျွန်တော် စာအုပ်တစ်အုပ် ဖတ်ခဲ့ရဖူးတယ်။ ဆရာသော်တာဆွေ ရေးထားတဲ့ "ပုဂံသူရဲကောင်းများ" ဆိုတဲ့ စာအုပ်ပါ။ တကွဲတပြားစီဖြစ်နေတဲ့ မြန်မာနိုင်ငံကို တစ်ပေါင်းတစ်စည်း ဖြစ်အောင် ကြိုးစားခဲ့တဲ့ပထမဦးဆုံးသော မြန်မာနိုင်ငံကို တည်ထောင်ခဲ့သူ အနော်ရထာမင်းအကြောင်း ရေးထားတဲ့စာအုပ်လေးပါ။ အဲဒီစာအုပ်လေးကိုအရမ်းနှစ်သက်မိတယ်။ အဲဒီတုန်းကစာအုပ်ဆိုင်ကနေ ငှားဖတ်ခဲ့ရတာပါ။ ၀ယ်ပြီး သိမ်းထားချင်လို့ စာအုပ်ဆိုင်တွေ၊ အဟောင်းတန်းတွေမှာလိုက်ရှာပေမယ့် အခုထိ မရသေးပါဘူး။အဲဒီစာအုပ်လေးဖတ်ပြီး မျိုးချစ်စိတ်ဓာတ် အရမ်းတက်ကြွခဲ့မိပါတယ်။

မြန်မာလူမျိုးတစ်ယောက်အနေနဲ့ လည်း သူတို့ရဲ့ လုပ်ဆောင်ချက်တွေကိုဂုဏ်ယူပီတိဖြစ်ခဲ့မိပါတယ်။ ထိုနည်းတူ ဆရာသိန်းဖေမြင့်ရဲ့ ``အရှေ့မှနေ၀န်းထွက်သည့်ပမာ´´ စာအုပ်လေး ဖတ်ရတော့လည်း စိတ်တက်ကြွခဲ့မိတယ်။

မြန်မာနိုင်ငံရဲ့ လွတ်လပ်ရေးသမိုင်းကြောင်းမှာတိုက်ပွဲဝင်ခဲ့သူတွေအကြောင်းနဲ့ သမိုင်းဖြစ်စဉ်ကို ရေးထားတာတွေကိုဖတ်ရတာကိုး။ စာအုပ်တွေကြောင့် မြန်မာနိုင်ငံကို ချစ်တာလားလို့မေးစရာရှိပေမယ့် ကျွန်တော် မြန်မာနိုင်ငံကို ချစ်တယ်။ အသွေးအသားထဲကနေချစ်တယ်။ မြတ်နိုးတယ်။ မြန်မာနိုင်ငံ ဘယ်လောက်ပဲ ဒုက္ခရောက်နေပါစေ၊ဘယ်လောက်ပဲ ချွတ်ခြုံကျနေပါစေ ဘယ်တော့မှ မြန်မာနိုင်ငံ စွန့်ခွာပြီးတခြားနိုင်ငံသား ခံယူဖို့ စိတ်ကူး လုံးဝမရှိခဲ့ဘူး။ ကျွန်တော်တို့လူမျိုး တိုးတက်ဖို့အတွက် ကျွန်တော်တို့ ဘာတွေ လုပ်ပေးကြရမလဲဆိုတာကိုအမြဲတမ်း စဉ်းစားနေမိတယ်။ လုပ်ပေးနိုင်သလောက် လည်း လုပ်ပေးကြည့်တယ်။

သူများနိုင်ငံတွေ ဘယ်လောက် တိုးတက်နေပါစေ၊ ဘယ်လောက်ပဲ ခေတ်မီနေပါစေ၊ လျှပ်စစ်မီးတွေ ဘယ်လောက်ပဲ ထိန်ထိန်လင်းနေပါစေ ကျွန်တော်အဲဒီနိုင်ငံတွေကို မခင်တွယ်ပါဘူး။ လျှပ်စစ်မီး မရှိလို့ဖယောင်းတိုင်လေးနဲ့ မီးထွန်းနေခဲ့ရတဲ့ မိသားစုလေးဘ၀လေးကို တမ်းတမိတယ်။ ဆက်သွယ်ရေး မကောင်းတဲ့ ကျွန်တော်တို့ မြန်မာနိုင်ငံရဲ့အဖြစ်ကို မချိတင်ကဲဖြစ်မိတယ်။ ပေါင်မုန့်နဲ့ ထောပတ်ကို မမက်မောပါဘူး။ ငပိရည်၊ တို့စရာနဲ့ထမင်း ဆန်ကြမ်း စားရပါစေဦး မြန်မာနိုင်ငံကို ကျွန်တော် ချစ်တယ်။ မြတ်နိုးတယ်။ နိုင်ငံတကာအလယ်မှာ ကျွန်တော် ပြောရဲတယ်။ "ကျွန်တော်မြန်မာလူမျိုးပါ"

တစ်နေ့က ဧရာဝတီဝက်ဘ်ဆိုဒ်ထဲမှာ ရေးထားတဲ့ ဒေါက်တာဇာနည်ရဲ့ "ဗမာတွေကိုယ်တွင်းက မကောင်းဆိုးဝါး" ဆိုတဲ့ ဆောင်းပါးကို ဖတ်ရတော့ စိတ်မကောင်း၊စိတ်ပျက်မိတယ်။ သူ့ဆောင်းပါးက အပြုသဘော ထက် ကျွန်တော့်အမြင်မှာ တိုင်းရင်းသားအချင်းချင်း သပ်လျှိုသွေးခွဲနေသလို ဖြစ်နေလို့။ သူပြောနေတဲ့ အကြောင်းအရာတွေထဲမှာ ``ဗမာတွေ ကိုယ့်ကိုယ်ကို စိတ်ကြီးဝင်ပြီး တခြားတိုင်းရင်းသား တွေကိုကျတော့ လူရာမသွင်းချင် ဘူး၊ နှိမ်ချဆက်ဆံတယ်။ မောက်မာတယ်´´လို့ ပြောချင်တာတွေ အများကြီး ပါနေတယ်။ ကချင်၊ ကယား၊ ကရင်၊ချင်း၊ ဗမာ၊ မွန်၊ ရခိုင်၊ ရှမ်း ဆိုတဲ့ တိုင်းရင်းသားအားလုံးဟာမြန်မာလူမျိုး၊ မြန်မာနိုင်ငံသားတွေချည်းပါပဲ။ အဲဒါကို မင်းကကချင်မို့လို့၊ မင်းက ကရင်မို့လို၊ မင်းက ရှမ်းမို့လို့ဆိုတဲ့ ခွဲခြားဆက်ဆံမှုမျိုး တိုင်းရင်းသားတွေကြားထဲမှာ မရှိခဲ့ဖူးပါဘူး။ ဗိုလ်ချုပ်အောင်ဆန်းကိုယ်တိုင်ကလည်း ပြောခဲ့ပြီးသားပဲ။ ``တောင်တန်းနဲ့ပြည်မ တစ်ပေါင်းတစ်စည်းထဲ ရှိရမယ်´´ လို့ဆိုတာလေ။ နိုင်ငံရေးသမားဟာ သူ့ဘာသာ နိုင်ငံရေးလုပ်တာကို ဘာမှမပြောလိုပေမယ့်တိုင်းရင်းသားအချင်းချင်း သွေးခွဲတာကိုတော့ လက်မခံချင်ဘူး။ ကျွန်တော်တို့ပတ်ဝန်းကျင်မှာ တိုင်းရင်းသားပေါင်းစုံ ရှိနေတာပဲ။ တစ်ယောက်ကို တစ်ယောက်ညီအစ်ကိုလို ဆက်ဆံကြတယ်။ ခွဲခြားဆက်ဆံတယ်ဆိုတာ မရှိခဲ့ဖူးဘူး။

ကာလအခိုက်အတန့်တစ်ခုမှာ ကျွန်တော်တို့ မြန်မာနိုင်ငံဟာ ပညာရေး၊စီးပွားရေး၊ အသိပညာ ဗဟုသုတတွေ နိမ့်ကျနေတယ်။ ကြည့်မြင်တိုင်ကကျွန်တော့်သူငယ်ချင်း ပြောခဲ့ဖူးသလိုပဲ။ လူတစ်ယောက်က ရောဂါတစ်ခုရလာပြီဆိုရင် နောက်ဆက်တွဲ ရောဂါတွေဟာလည်း ဆက်စပ်ဖြစ်ပေါ်လာတာပဲတဲ့။ ဥပမာလူတစ်ယောက်မှာ သွေးတိုးရောဂါ ရှိလာရင် နောက်ပိုင်းတဖြည်းဖြည်း နဲ့ သူ့မှာနှလုံးရောဂါလည်း ရှိလာတတ်တယ်။ တပြိုင်ထဲ မှာ ဆီးချိုရောဂါလည်းဖြစ်လာတတ်တယ်တဲ့။ သူက ဥပမာထား ပြောတာပါ။ အဲဒီတုန်းက သူက ဆက်စပ်ပြီးပြောသွားတာက အနုပညာသမားတစ်ယောက်က ဂီတကို နှစ်သက်လာရင် သူဟာဂီတတစ်ခုထဲနဲ့တင် ရပ်တန့်မနေဘဲ စာပေကိုလည်း စိတ်ဝင်စားလာတယ်။ တခြားအနုပညာကိုလည်း စိတ်ဝင်စားလာတတ်တယ်တဲ့။ ကျွန်တော်က ဆက်စပ်ပြီးထပ်တွေးကြည့်တယ်။ ထိုနည်းတူပဲ။ နိုင်ငံတစ်နိုင်ငံအကြောင်း သိချင်တယ်၊ပြောမယ်ဆိုရင် တစ်ခုထဲကို ကွက်ပြောလို့ မရသလို တစ်ခုထဲကိုပဲ ကွက်ပြီးစဉ်းစားလို့ မရပြန်ဘူး။ အဲဒီနိုင်ငံရဲ့ နိုင်ငံရေး၊ စီးပွားရေး၊ လူမှုရေး၊ပညာရေး၊ ယဉ်ကျေးမှုကိုပါ ထည့်သွင်းစဉ်းစားရတယ်လို့ ကျွန်တော် ယူဆတယ်။

နိုင်ငံတစ်နိုင်ငံဆိုတာက လည်း မိသားစုတစ်စုကနေ အခြေခံလာတာပဲ။ မိသားစုတစ်စု သူတို့ရဲ့ လူနေမှုဘ၀ နိမ့်ကျတယ်၊ မြင့်မားတယ်ဆိုတာကလည်းသူတို့ရဲ့ စီးပွားရေး၊ ပညာရေး၊ မိသားစုတွင်း ယဉ်ကျေးမှုအပေါ် အခြေခံပြီးမှဖြစ်ပေါ်လာတာပဲလေ။ ပြီးတော့ အိမ်ထောင်ဦးစီးတစ်ယောက်ရဲ့စွမ်းဆောင်နိုင်ရည်ပေါ်လည်း အများကြီးမူတည်နေတာပဲ။ အိမ်ထောင်ဦးစီးကောင်း တစ်ယာက်ဟာ သူ့မိသားစုအပေါ် ဘာတွေများ ပြောင်းလဲပေးနိုင်စွမ်း ရှိသလဲ။

ပညာသင်ကြားသင့်တဲ့အရွယ်မှာ လမ်းဘေးမှာ ဈေးရောင်းနေရတဲ့ကလေးငယ်တွေနေ့စဉ်နဲ့အမျှ တွေ့နေရတယ်။ မိဘမဲ့လို့ ယူဆရတဲ့ ကလေးငယ်တွေတောင်းရမ်းစားသောက်နေတာ နေ့စဉ်နှင့်အမျှ တွေ့နေရတယ်။ အထက်တန်းပညာသင်ကြားရမယ့် အချိန်၊ တက္ကသိုလ်ပညာ ဆည်းပူးရမယ့်အရွယ်တွေမှာ အရွယ်မရောက်သေးတဲ့လူငယ်တွေ ပြည်ပကို နေ့စဉ်နှင့်အမျှ ထွက်ပြီးအလုပ်လုပ်နေကြရတယ်။ အခုလက်ရှိ ကျွန်တော့် ပတ်ဝန်းကျင်မှာ တင် အသက် ၁၈ကျော်ကျော်ပဲ ရှိသေးတဲ့ လူငယ်တစ်ချို့ ပြည်ပကို ထွက်လာပြီး အလုပ်လုပ်နေကြပြီ။ ထို့နည်းတူပဲ မူလတန်းပညာကိုတောင် ဆုံးခန်းတိုင်အောင်မသင်ကြားခဲ့ရတဲ့ အရွယ်ရောက်နေတဲ့ လူငယ်တစ်ချို့ ပြည်ပမှာအလုပ်ထွက်လုပ်နေကြတယ်။ ပြည်တွင်းမှာရှိတဲ့ အချို့သော ကလေးသူငယ်များနှင့်လူငယ်များဟာ အကြောင်းအမျိုးမျိုးကြောင့် ပညာရေး ရပ်တန့်ခဲ့ကြရတယ်။

တစ်ချိန်ထဲမှာပဲ တက္ကသိုလ်ဘွဲ့လက်မှတ်တွေကို တစ်စောင်ပြီး တစ်စောင်ရိုက်ထုတ်နေကြတယ်။ ပညာမတတ် ဘွဲ့ရလူငယ်တွေ မြန်မာနိုင်ငံမှာ အများကြီးဖြစ်လာတာကိုလည်း တွေ့နေရတယ်။ ဘာလင်တံတိုင်းကြီးကို ဖြိုချနိုင်အောင်စွမ်းဆောင်နိုင်ခဲ့တဲ့ Pink Flyod တေးဂီအဖွဲ့ရဲ့ တေးစီးရီးထဲ ကလို ဘွဲ့ရပညာမတတ်တဲ့သူတွေကို စက်နဲ့ ရိုက်ထုတ်နေသလိုပါပဲ။

ပညာရေးဆိုတာ လူတစ်ယောက်အတွက် အရေးကြီးသလို နိုင်ငံတစ်နိုင်ငံအတွက်လည်းအရေးကြီးတာပါပဲ။ ပညာရေး နိမ့်ကျလာတာနဲ့အမျှ အသိအမြင်၊ အတွေးအခေါ်တွေလည်းနိမ့်ကျလာပါမှာပဲ။ အသိအမြင်ဗဟုသုတ အတွေးအခေါ်တွေ နိမ့်ကျလာတာနဲ့အမျှစီးပွားရေး၊ ယဉ်ကျေးမှုတွေဟာလည်း တဖြည်းဖြည်းနဲ့ နိမ့်ကျလာတာပါပဲ။ ပညာတတ်တွေ နည်းလာပြီး ၀ိသမလောဘ စီးပွားရေးသမားတွေ များလာတာနဲ့အမျှအဲဒီနိုင်ငံရဲ့ အနာဂတ်ဟာ လည်း ဘယ်လိုမှ ကောင်းလာနိုင်စရာ မရှိပါဘူး။

အစမှာ ကျွန်တော် ရေးခဲ့သလိုပါပဲ။ အာဇာနည်နေ့ဆိုတာ ဘာနေ့လဲဆိုတာ မသိတဲ့ကလေးတွေ တော်တော်များလာပါပြီ။ ဗိုလ်ချုပ်အောင်ဆန်းကိုတော့အထိုက်အလျောက်တော့ သိကြပါသေးတယ်လို့ ယူဆနိုင်ပါတယ်။အမျိုးသားနေ့ဆိုတာလည်း ပျောက်ကွယ်လုနီးပါးပါပဲ။လွတ်လပ်ရေးနေ့ဆိုတာကိုတောင် အစိုးရရုံးပိတ်ရက်နေ့အဖြစ်လောက်သာသတ်မှတ်နေကြတဲ့ လူအတော်များများ ရှိနေကြတာဟာ သိပ်ပြီးတော့ အံ့သြစရာမဟုတ်တော့ပါဘူး။ မြန်မာနိုင်ငံရှိတဲ့ လူတစ်ယောက်အတွက် ရုတ်တရက် မေးကြည့်ပါ။ ``ငါတို့နိုင်ငံကို လွတ်လပ်ရေး ရယူပေးခဲ့တဲ့ဗိုလ်ချုပ်အောင်ဆန်းရဲ့ မွေးနေ့ကို ပြောပြစမ်းကွာ´´ ဆိုရင် ဟိုတိုးဝါးတားလူ အတော်များများ ရှိနေကြပါပြီ။ ``ဖေဖော်ဝါရီ ၁၃ ဟာဗိုလ်ချုပ်မွေးနေ့ပါ´´ ဆိုတဲ့ ကဗျာလေးကိုတောင် မသိကြတဲ့သူတွေအတော်များများ ရှိလာနေတာဟာ မြန်မာနိုင်ငံရဲ့ အနာဂတ်အတွက်မကောင်းတဲ့လက္ခဏာတွေပါပဲ။

တစ်ခါက အွန်လိုင်းမှာရှိတဲ့သူငယ်ချင်းမိန်းကလေးတစ်ယောက်က သူ နတ်မောက်ရောက်တုန်း ဗိုလ်ချုပ် နေခဲ့တဲ့အိမ်ရှေ့မှာဓာတ်ပုံရိုက်ချင် တာ ရိုက်လို့မရလို့ ခိုးရိုက်တာ ၅ ရက်လောက်ကြိုးစားခဲ့ရတယ်တဲ့။ အဲဒီဓာတ်ပုံကိုလည်း ကျွန်တော်ဆီ ပို့ပေးခဲ့ပါတယ်။ဒါတွေဟာ ဘာကြောင့် ဖြစ်ပေါ်လာသလဲ။ အစိုးရ ကောင်းတာ၊ မကောင်းတာကိုကျွန်တော် ဘာမှ မပြောလိုဘူး။ ကျွန်တော်တို့ ကိုယ်တိုင်ကရော ဘာတွေလုပ်နေကြသလဲဆိုတာ အရင်ဆုံးစဉ်းစားကြ ရလိမ့်မယ်။

ကျွန်တော် ဒဂုံမှာ တက္ကသိုလ်တက်တော့ ကျွန်တော့်ပတ်ဝန်းကျင်မှာ တွေ့ခဲ့ရတဲ့ တက္ကသိုလ်ကျောင်းသား ကျောင်းသူအတော် များများဟာ တက္ကသိုလ်မှာပညာလာသင်ကြတာထက် ဟေလားဝါးလား လာလုပ်နေကြတဲ့သူ တွေ အတော်များနေတာကိုတွေ့နေရတယ်။ ပညာသင်ကြားရမယ့်အရွယ်မှာ ပညာရေးကို စိတ်မ၀င်စားကြတော့ဘဲတစ်နှစ်တစ်တန်းအောင်ရင် ငါ့တာဝန်ကျေပြီလို့ ယူဆသူတွေ မြန်မာနိုင်ငံမှာမနည်းတော့ဘူး။ ပညာရေး နိမ့်ကျလာတယ်၊ ကန့်သတ်ချက်တွေ များလာတယ်ဆိုပြီး သူများယောင်လို့ လိုက်ယောင်နေကြတဲ့သူ တော်တော်များများဟာ ကျောင်းကသင်ကြားပေးလိုက်တဲ့ တစ်ပုဒ်ကို ဘယ်လောက်များ ဖြန့်ကျက်တွေးမိကြသလဲ။ ကကြီးခခွေးကို ၏သည်မရွေး ကျက်ပြီး ဖြေခဲ့ကြတဲ့ ကျောင်းသားတွေ အများကြီးပါပဲ။

ဒါဟာ စာသင်ကြားနေကြတဲ့ ကျောင်းသား၊ ကျောင်းသူတွေရဲ့ အပြစ်တစ်ခုထဲမဟုတ်သလို သင်ကြားပေး နေကြတဲ့ ကျောင်းဆရာ၊ ဆရာမများဘက်က လည်းလိုအပ်ချက်တစ်ခုအနေနဲ့ ရှိနေခဲ့ကြပါတယ်။ ရပ်စကင်း ပြောခဲ့သလိုပါပဲ"ပညာသင်ကြားခြင်းရဲ့ ရည်ရွယ်ချက်ဟာ ရာထူးရဖို့မဟုတ်၊ အမှားနဲ့ အမှန်ကိုဆုံးဖြတ်တတ်ဖို့၊ တရားမှုနဲ့ မတရားမှုကို ခွဲခြားတတ်ဖို့ ဖြစ်ပါတယ်"

ပညာတတ်ဆိုတာကလည်း အမှားအမှန် ခွဲခြားတတ်ဖို့၊ တရားမှု မတရားမှုကိုခွဲခြားတတ်ဖို့နဲ့ တွေးခေါ်မြော်မြင် တတ်တဲ့သူကိုပဲ ခေါ်တာပါ။သင်ကြားပေးတဲ့သူများဘက်ကလည်း ကိုယ် သင်ကြားပေး လိုက်တဲ့သူတွေကို နားလည်တတ်သိအောင်၊ တွေးခေါ်တတ်အောင် သင်ကြားပေးရမှာ အဓိကတာဝန်ပါပဲ။ ဟိုကကန့်သတ် ထားလို့၊ ဒီက ကန့်သတ်ထားလို့ပါဆိုပြီး သူများကိုသာလက်ညှိုးထားနေခဲ့မယ်ဆိုရင် ကိုယ့်ကို လက်ညှိုးထိုး မယ့်သူတွေ နည်းမှာမဟုတ်ပါဘူး။ သမိုင်းဘာသာရပ်ကို သင်တဲ့ဆရာဟာ ကျောင်းသားတွေကို ၀တ္တရားကျေ "ဗိုလ်ချုပ်အောင်ဆန်းဟာ ရာဇ၀င်ထဲက လူလားလို့" မေးခဲ့တဲ့မူလတန်းအရွယ် ကလေးသူငယ်တွေ အများကြီး ထွက်ပေါ် လာတာဟာ မဆန်းပါဘူး။

အေးဂျင့်တစ်ခုမှာ အလုပ်လုပ်နေတုန်းက ပြည်ပထွက်မယ့်သူတွေကိုနိုင်ငံခြားသားတွေနဲ့ အင်္ဂလိပ်စကား ပြောတတ်ဆိုတတ် ရေးတတ်အောင် သင်ပေးနေတဲ့ကျွန်တော့်သူငယ်ချင်းတစ်ယောက်ရဲ့ ညည်းညူမှုကြောင့် ကျွန်တော်အံ့သြခဲ့ရတာလည်း ရှိတယ်။ မူလတန်း (၄) အောင်ပြီးပြီ။ အေဘီစီဒီကိုအကြီးအသေး ခွဲရေးရင် မသိတော့ဘူး။ ပေါင်းနှုတ်မြှောက်စား သင်္ကေတတွေကိုသေချာမသိဘူးတဲ့။ ကဲ.. အဲဒီလိုမျိုး လူတွေ မြန်မာနိုင်ငံမှာ အများကြီးဖြစ်လာရင် သူတို့ သူတို့တွေကနေ ပေါက်ဖွားလာမယ့် မျိုးဆက်သစ်တွေအတွက် ဘယ်သူက တာဝန်ယူမှာလဲ။ တစ်ည ကုတင်ပေါ်မှာ လှဲပြီး စာဖတ်နေတုန်း ဘွဲ့ရ သူငယ်ချင်း အခန်းဖော်တစ်ယောက်က နိုဝင်ဘာလနဲ့ ဒီဇင်ဘာလကို အင်္ဂလိပ်လိုဘယ်လိုစာလုံးပေါင်းသလဲလို့ မေးတာ တော်တော်စိတ်ပျက်သွားတယ်။ ကျွန်တော်ပြန်မေးမိတယ်။ "မင်း ဘယ်လို ဘွဲ့ရလာတာလဲ" လို့။

နောက်အမြင်တစ်ခုပေါ့။ မိဘတွေကလည်း ဆုံးမကြပါတယ်။ သား၊ သမီးတို့တစ်နှစ်တစ်တန်း မှန်မှန်အောင်အောင် ကြိုးစားကြနော်။ အခုခေတ်မှာကျောင်းထားရတာ မလွယ်ဘူး၊ ကျောင်းစရိတ်၊ ကျူရှင်စရိတ် စတဲ့အထွေထွေစရိတ်တွေက အရမ်းအကုန်အကျ များတယ်။ တစ်နှစ်ကျသွားလို့ နောက်တစ်နှစ်ထပ်တက်ရင် ပိုက်ဆံထပ်ကုန်တယ် ဆိုတာမျိုးလေးတွေ မကြာခဏကြားကြား နေရတတ် ပါတယ်။ ပိုက်ဆံတတ်နိုင်တဲ့၊ ပိုက်ဆံ ချမ်းသာတဲ့အသိုင်းအ၀န်းအနေနဲ့ ကိုယ့်သားသမီး စာမေးပွဲတစ်နှစ် ကျလို့ နောက်တစ်နှစ်ထပ်ထားရတာ သူတို့အတွက် ဘာမှ မသိသာပေမယ့် လူလတ်တန်းစား အခြေခံလူတန်းစားတွေအတွက်တော့ အများကြီး ထိခိုက်မှု ရှိလာပါတယ်။ မိဘတွေဟာ ကိုယ့်သားသမီးလေး တွေကို ပညာတတ်လေးတွေ ဖြစ်စေချင်လို့ စီးပွားရေးအဆင်ပြေသည် ဖြစ်စေ၊ အဆင်မပြေသည်ဖြစ်စေ ကျောင်းထားပေးနိုင်အောင် ကြိုးစားကြပါတယ်။ ဒါပေမယ့် အထွေထွေကုန်ကျစရိတ် ကြီးမြင့်လာတာနဲ့အမျှ အချို့သော မိဘတွေရဲ့ ပညာရေးအပေါ် အမြင်ကလည်း ပြောင်းလဲလာပါတယ်။ ရေးတတ်ဖတ်တတ်ရုံ လောက်ပဲ ပညာသင်ကြားစေလိုပြီး နောက်ပိုင်းမှာ ပညာရေးကိုရပ်တန့်ပစ်လိုက်ကြတဲ့သူ အတော်များများ ရှိလာပါပြီ။ နယ်မြို့လေးတွေမှာမပြောနဲ့၊ ရန်ကုန်လို မြို့ကြီးမှာတောင် အဲဒီလိုမိသားစုတွေ အတော်များများ ရှိလာနေတာ အနာဂတ်အတွက် မြန်မာနိုင်ငံအတွက် မကောင်းတဲ့အလားအလာတွေပါပဲ။

တစ်နေ့အတွက် ထမင်းတစ်လုပ် စားရဖို့ ရုန်းကန်ကြိုးစားနေကြရတဲ့မိသားစုအဖို့ သူတို့အတွက် ပညာရေးထက် တစ်နေ့ တစ်နေ့ ထမင်းနပ်မှန်အောင်စားရဖို့က ပိုအရေးကြီးလာတာကိုး။ လက်မှုပညာရေးတစ်ခုလောက် တတ်ထားရင်တော်ပြီဆိုတဲ့ လူတွေ တော် တော်များနေပါပြီ။ ဒါပေမယ့် သူတို့တွေမစဉ်းစားခဲ့မိတဲ့အချက်တစ်ခုက ငါတို့တွေ ပညာမတတ် ခဲ့လို့ အခုလိုရုန်းကန်နေရတာပါလား ဆိုတာပါပဲ။ ပညာတတ်နည်းတဲ့နိုင်ငံဟာ ဘယ်တော့မှတိုးတက်လာမှာ မဟုတ်ပါဘူး။ ပြည်တွင်းပြည်ပစီးပွားရေးသမားတော်တော်များများကလည်း သူတို့လုပ်ငန်းအတွက် ပညာတတ်တွေအများကြီးကို အလိုမရှိကြတာဟာ အံ့သြစရာကောင်းပါတယ်။

အခြေခံပညာနိမ့်တဲ့သူတွေကို သူတို့လုပ်ငန်းမှာ ခေါ်သုံးတာဟာ သူတို့အတွက်သာမန်အားဖြင့် အဆင်ပြေနေလို့ပါပဲ။ အချို့အချို့သော လူနည်းစုလုပ်ငန်းရှင်တွေကပဲ ပညာတတ် လူငယ်တွေကို မြေတောင်မြှောက်ပေးတာမျိုးပဲရှိပါတယ်။ ဒါဟာ အင်မတန့် အင်မတန် နည်းလွန်းလှပါတယ်။ အခု လက်ရှိရန်ကုန်မြို့ပေါ်မှာရှိတဲ့ စီးပွားရေးလုပ်ငန်းရှင်အတော်များများ ဟာမြန်မာနိုင်ငံသား တိုင်းရင်းသားတွေ အလွန်နည်းပြီး မြန်မာနိုင်ငံသားတရုတ်နဲ့ တခြားလူမျိုးတွေကသာ ကြီးစိုးနေကြတာဟာ လူမျိုးတစ်မျိုး ရဲ့စီးပွားရေးကို ၀ါးမျိုးခံနေရသလိုပါပဲ။ သူတို့ကို ဝေဖန်ပုတ်ခတ်တာမဟုတ်ပေမယ့် သူတို့လူမျိုးစု ကြီးပွားတိုးတက်ဖို့အတွက် သူတို့ကြိုးစားကြပေမယ့် မြန်မာနိုင်ငံသား တိုင်းရင်းသားများဟာ အသုံးခံ ဖြစ်နေရတာဟာ ရာစုနှစ်နဲ့ချီပြီ ကြာမြင့်ခဲ့ပါပြီ။

နိုင်ငံတစ်ခုရဲ့ စီးပွားရေးဟာ မိသားစုတစ်စုရဲ့ စီးပွားရေး ထပ်တူကျပါတယ်။မိသားစုတစ်စုမှာ ဦးဆောင်သူ မကောင်းရင် အဲဒီမိသားစုရဲ့ စီးပွားရေးဟာလည်းပျက်ယွင်းဆုတ်ယုတ်သလို နိုင်ငံတစ်နိုင်ငံမှာလည်း ထိုနည်း တူပါပဲ။ အိမ်ထောင်ဦးစီးကောင်း တစ်ယောက်ဟာ သူ့မိသားစု တိုးတက်ကြီးပွားဖို့အတွက်သူ့ရဲ့ စီမံခန့်ခွဲမှုအပေါ် များစွာမူတည်နေပါတယ်။ သူ့ရဲ့အတွေးအခေါ် အမျှော်အမြင်ဟာလည်း များစွာအရေးကြီး ပါတယ်။ သူ့ရဲ့ စီမံခန့်ခွဲမှုကောင်းရင်၊ အတွေးအခေါ် အမျှော်အမြင်ကောင်းရင် မိသားစုရဲ့ အနာဂတ်ဟာ တိုးတက်လာနိုင်သလို စီမံခန့်ခွဲမှုညံ့ဖျင်းခဲ့ရင်တွေးခေါ်မျှော်မြင်မှုမရှိခဲ့ရင်လည်း မိသားစုရဲ့ အနာဂတ်ဟာ
ဆုတ်ယုတ်သွားမှာပဲ။

နိုင်ငံတစ်ခုအနေနဲ့ဆို ဒီထက်မက ကျယ်ပြန့်လာပါတယ်။မိသားစုရဲ့ အိမ်ထောင်ဦးစီးဟာ သူ့လက်အောက်မှာ ရှိတဲ့ သားသမီးများရဲ့ပညာရေး၊ ကျန်းမာရေး၊ ယဉ်ကျေးမှုများကို တာဝန်ယူရသလို သူ့မိသားစုရဲ့စီးပွားရေး ကိုလည်း တာဝန်ယူရတာပါပဲ။ ဒါတွေဟာ သူ တစ်ဦးထဲမှာ တာဝန်ယူရှိတာ မဟုတ်ပေမယ့် သူ့မိသားစုရဲ့ ကြိုးစားအားထုတ်မှု အပေါ်မှာလည်းအများကြီး မူတည်နေတတ်ပါတယ်။ သူ့ရဲ့ သားသမီးများကို အသိပညာ ပွင့်လင်းတိုးတက်အောင် လုပ်နိုင်စွမ်းရှိဖို့အတွက် သူကိုယ်တိုင်ကလည်းအသိပညာ ဗဟုသုတ အတွေးအခေါ် ရှိနေရမှာပါ။ သူ့ မိသားစုကို လွတ်လပ်စွာတွေးခေါ်စဉ်းစားတတ်အောင် သင်ပေးနိုင်စွမ်းရှိဖို့လည်း လိုအပ်ပါတယ်။ နိုင်ငံတစ်ခုဟာ မိသားစုပေါင်း မြောက်မြားစွာနဲ့ ဖွဲ့စည်းတည်ဆောက်ထားတာပါ။ မိသားစုပုံစံမျိုးစုံကို တွေ့နိုင်သလို အနာဂတ်အတွက်အလားအလာရှိတဲ့ မိသားစုပေါင်း မြောက်မြားစွာ ကျွန်တော်တို့မြန်မာနိုင်ငံအတွက် လိုအပ်နေပါတယ်။

ဒါကြောင့် ကျွန်တော်တို့နိုင်ငံအတွက် တကယ်တတ်တဲ့ ပညာတတ်တွေ အများကြီးလိုအပ်နေပါတယ်။ ပညာတတ်တွေ ထွက်ပေါ်လာဖို့အတွက် မိသားစုများစွာဟာလည်းစီးပွားရေး အခက်အခဲ အကျပ်အတည်း တွေကနေ ရုန်းထွက်နိုင်ဖို့ လိုအပ်နေပါတယ်။ စီးပွားရေးအကျပ်အတည်းတွေ ပြေလည်နိုင်ဖို့အတွက် နိုင်ငံရေး တည်ငြိမ်မှုနဲ့အုပ်ချုပ်သူလူတန်းစားများရဲ့ တွေးခေါ်မြော်မြင်မှုများ ဟာလည်းလိုအပ်နေပါတယ်။ အုပ်ချုပ်သူ လူတန်းစားဟာလည်း အသိပညာရှင်၊ အတတ်ပညာရှင်တွေဖြစ်နေဖို့တော့ လိုအပ်ပါသေးတယ်။ ငါ့အတွက်ဆိုတာထက် အများအတွက်ကိုကြည့်ပြီး လုပ်ကြမယ်ဆိုရင် အနာဂတ်ဟာလည်း သာယာစိုပြေ လာနိုင်မှာပါ။

မြန်မာနိုင်ငံကို ချစ်သော မြန်မာလူမျိုးများ များများပေါ်ထွက်လာပါစေ။ ကျွန်တော် နိုင်ငံရေးသမား မဟုတ်ပါ။ နိုင်ငံတကာရဲ့အရေးကိစ္စများကိုတော့စိတ်ဝင်စားမိပါတယ်။ ကျွန်တော့်နိုင်ငံ တိုးတက်လာဖို့အတွက်လည်း အများကြီးမျှော်လင့်နေမိပါတယ်။

လေးစားစွာဖြင့်
--
ဖြစ်ချင်တဲ့ဆန္ဒနဲ့ဖြစ်နေတဲ့ဘ၀ထပ်တူကျပါစေ....


(အတွေးအမြင်ခံစားချက်ဆောင်းပါးလေးပါ။ ကိုအောင်ဇေယျ က အီးမေးကနေတဆင့်ပေးပို့ထားတာ ကို စာဖတ်သူများအား ထပ်ဆင့်ဝေမျှပေးလိုက်ပါသည်။)www.komoethee.blogspot.com မှကူးယူဖော်ပြပါသည်