စဉ်းစားခြင်းနှင့်တွေဝေခြင်း

တွေဝေခြင်း၊ စဉ်းစားခြင်း စသည်တို့ကို ထိုစဉ်ကပင် ကျွန်တော့်ဘ၀တွင် အမှတ်မထင် စကားလုံးနှစ်ခုကို သတိပြုမိခဲ့သည်။ တွေဝေမှု၊ စဉ်းစားမှု ဘယ်လိုကွာသလဲ ။ ကျွန်တော့်ဦးလေးလို အလုပ်တစ်ခုကိုတော်တော်နှင့်လည်းမလုပ်၊ အချိန်တန်လည်းမပြီး တွေဝေငေးငိုင်နေတတ်သူတွေ လောကတွင် အများကြီးရှိနေပေသည်။
သူတို့၏ ရလဒ်ကတော့ အလုပ်တွေမပြီးခြင်း၊ အလုပ်တွေတောင်လိုပုံနေစေခြင့်၊ နောက်ဘာမှမည်မည်ရရ အလုပ်မဖြစ်ခြင်း၊ ဆုံးရှုံးခြင်းတွေပဲ ဖြစ်ပေသည်။
စဉ်းစားခြင်းနှင့် တွေဝေခြင်းမှာလည်း သာမန်အားဖြင့်တူညီသည်ဟု ထင်နေရသည်။ အမှန်တွင်အကွာကြီး
ကွာသည်။ လူတစ်ယောက်စဉ်းစားနေသည်နှင့် တွေဝေနေသည်မှာလည်း အသွင်သဏ္ဍာန်အားဖြင့် ခပ်ဆင်ဆင်
တူပါသည်။ သို့ပေမဲ့ သေချာအကဲခတ်နိုင်လျှင်မူ ကွာခြားတတ်ပါသည်။ စဉ်းစားခြင်းနှင့် တွေဝေခြင်း၏ အဓိပ္ပါယ်မှာမျာစွာ ကွာခြား၏။ အနှစ်သာရချင်း များစွာခြားနားသည်။
တွေဝေခြင်းဆိုသည်မှာ အလုပ်တစ်ခုအပေါ် လုပ်ရမည်လား ၊ မလုပ်ရဘူးလား။ အကြောင်းကဘာလဲ ။ အကျိုးကဘာလည်း ။ မသိတတ်ပါ။ သက်ဆိုင်ရာအကြောင်းခြင်းရာနှင့် စပ်လျဉ်းသည့် အခြေခံများကိုလည်း မှန်ကန်စွာ ခွဲခြမ်းစိတ်ဖြာခြင်းဖြင့်လည်း နားလည်နိုင်စွမ်းမရှိ ။ လူကြည့်ရလျှင်ပင် ငူငူငိုင်ငိုင်ဘာလုပ်ရမည် ။ ဘာလုပ်သင့်သည်ကို မဆုံးဖြတ်နိုင်။ သည်တော့လုပ်သင့်သည်တို့ကို ဘာမျှမလုပ်နိုင်ဘဲ။ စဉ်းစားယောင်ပြူ
သည့် တွေဝေခြင်းကြောင့် အလုပ်လည်းမပြီး ကိုယ့်အတွက်လည်းအကျိုးမဖြစ်ဘာကိုဆုံးဖြတ်ရမည်ကိုလည်း မသိနိုင်ပေ။စဉ်းစားခြင်းကို အင်ဒရေးမော်ရွိုင်း(Andre Maurois)က The Art of Living စာအုပ်တွင် အောက်ပါ အတိုင်းအဓိပ္ပါယ် ဖွင့်ထားပေသည်။
စဉ်းစားတွေးခေါ်ခြင်း ဆိုတာဘာလဲ
မိမိ၏ လုပ်ရပ်များကြောင့် အစစ်အမှန် လောကကြီးထဲမှာ ပေါ်ထွက်လာရသောရလဒ်များ ၊အကျိုးသက်ရောက်မှုများကိုသင်္ကေတများ အာရုံရုပ်ပုံများဖြင့်ပေါင်းပြီးခန့်မှန်းရန်၊
ကြည့်မြင်ရန်ကြိုးစားသောလူ၏ အားထုပ်မှု ၊ ဒါဟာစဉ်းစားခြင်းပါပဲ ။ မိမိရဲ့ လုပ်ဆောင်ချက်ကြောင့် ဒိဌဓမ္မ လောကကြီးထဲမှာ မျက်မှောက်အကျိုးသက်ရောက်မှု တစ်ခုပေါ်သွားတယ် ။ အဲဒီအကျိုးသက်ရောက်မှုကို ဘယ်လို အကျိုးသက်ရောက်မှုလဲဆိုတာကို သင်္ကေတများ ၊ အာရုံထင်ရုပ်ပုံများနဲ့ မြင်အောင် အားထုတ်ရတယ် ၊ သိအောင်အားထုတ်ရတယ် ၊ ဒါဟာစဉ်းစားတွေးခေါ်ခြင်းပဲ ဖြစ်တယ်။
တွေးခေါ်မှု ၊ စဉ်းစားမှု ဟူသမျှဟာ အလုပ်တစ်ခုကို ပုံကြမ်းဆွဲတာဖြစ်တယ်
နောက်မှာ အဲဒီပုံကြမ်းကို ဆေးရောင်တွေခြယ်ရတော့မယ်။ တချို့ကိုပြင်ရ တချို့ကို ထပ်ဖြည့်ရ ။ အဲဒီအခါမှာတော့ ကျွန်တော်တို့ ဘ၀ရဲ့ ပုံကားချပ်ဖြစ်လာတော့တာပဲ " ဟုရေးထားပေးသည်။
စဉ်းစားကြံဆမှု မရှိဘဲ ဘယ်အရာမှ ကောင်းကောင်းဖြစ်မလာနိုင်ပေ ။ ပညာရှင်အများကလည်း စဉ်းစားခြင်းကြောင့်လောကကြီးတိုးတက်နေကြောင်း မိန့်ဆိုတတ်ကြသည်။ကျည်းကန်ရှင်ကြီး၏ မေတ္တာစာပိုဒ် တွင် " စုံစမ်းကြည့်ရှု ၊ စရံနယ်လျက် ၊ အထည်နှင့် အနံ ၊ ဆင်တန်ရုံကြံစား ယောက်ျားပီစွာ ၊ လိမ္မာမြှော်မြင်သည် နှင့်အညီ " လို့လမ်းညွန်ထားပေသည် ။ တွေးတောကြံဆ ၊ စဉ်းစားဥာဏ်သုံးပြီး လောကကြီးကိုရင်ဆိုင်တက်ဖို့ မှာထားခြင်းပင်ဖြစ်သည်။
စဉ်းစားတက်မှုတွေကြောင့်ပဲ လူအချင်းချင်း ကွဲပြားသွားပေသည်။ စဉ်းစားမှုသာသူနှင့် တွေဝေနေသူတို့ ဘ၀ အောင်မြင်ပုံခြင်းမတူပေ။ မိမိဘ၀ကို မိမိတော်သလို မဟုတ်လေးလေးနက်နက် သဘောထားသူတစ်ယောက် ဖြစ်ပါက "စဉ်းစားတွေးတောကြံဆမှု"များသည် အရေးပါသည်ကို သတိပြုသင့်ပါသည်။ စဉ်းစားသောအခါ မှာလည်း မှန်ကန်စွာ ပြုမူတက်ဖို့ လိုပေသည်။ "ကျွန်တော်တို့ဟာ မှန်ကန်စွာလုပ်နိုင်ဖို့ အတွက် မှန်ကန်စွာ တွေးခေါ် ဆုံးဖြတ်နိုင်အောင် ကြိုးစားရမယ်" ဟု "ပါစကယ်" ကပြောဖူးသည်။ သူပြောသည့် မှန်ကန်စွာစဉ်းစား ခြင်းဆိုသည်ကို အောက်ဖော်ပြပါ အချက်လေးချက်နဲ့ တိုက်ဆိုင်လို့ရမည်ထင်ပါသည်။

၁။ ပြသနာ တစ်ခုကို စဉ်းစားသင့်သလောက်စဉ်းစားခြင်း။
အချို့က ပြသ၁နာတစ်ခုတွေ့လျှင် စဉ်းစားဖို့ပျင်းတတ်ကြသည်။စဉ်းစားသည်မှာ စိတ်ပင်ပန်းသော အလုပ်ဟုဆိုကာ ရှောင်တတ် တိမ်းတတ်သည်။ ထိုသို့ရှောင်လိုက်လျှင် ဇိမ်ကျသွားပြီဟု ထင်မြင်သဘောထား တတ်ကြသည်။တဖန် စဉ်းစားခြင်း၏ ရန်သူများကတော့ အရင်လိုခြင်း၊ စိတ်မရှည်ခြင်းတို့ဖြစ်သည်။စဉ်းစားရင်း နှင့် မိမိယူဆချက်သည် လုံးဝအမှန်လော ။ စိတ်တစ်ဒေသပဲ မှန်သလား ဆိုသည့်မေးခွန်းမျိုးဖြင့် ဆက်စပ် တွေးခေါ်ရပေမည် ။ မေးခွန်းတွေ ထပ်မေး၊ ထပ်မေးရင်း စဉ်းစား တာဟာ ပြသ၁နာရဲ့ ရေဆုံး ၊ရေခန်းကို လိုက်တာပါပဲ ။ သို့မှသာ အဖြေသည် တိကျစွာပေါ်လာပေလိမ့်မည်။
၂။ လေးနက်စွာစဉ်းစားခြင်း
စဉ်းစားတာက မရေမရာ၊ အိမ်မက်ယောင်ယောင် ၊ဘာယောင်ယောင် ဟိုရောက်ဒီရောက် ၊ ပန်းပွင့်တွေမှာ ၀တ်ရည်လာစုပ်သော ပျားများကဲ့သို့ လာနားလိုက်ပျံသွားလိုက် ၊ ခွာလိုက် ပူးလိုက် ဖြစ်နေလျှင် စဉ်းစားခြင်းမှာ ခိုင်မြဲမှုမရှိ ။ လေးနက်စွာ စဉ်းစားမှုမရှိဟု ဆိုရပေမည်။အကြောင်းအရာတစ်ခုကို လေ့လာရာမှာ ပြည့်စုံဖို့ ၊ လေးနက်ဖို့ လိုပေသည်။ အချကအလက်မျာသည် ဘယ်တုန်းက ၊ ဘယ်မှာ ၊ ဘာ့ကြောင့်၊ ဘယ်သူက ၊ ဘယ်လို ၊ဘာဖြစ်သလဲ ဆိုသောအမေးများကို ဖြေနိုင်အောင် ပြည့်စုံစွာ စဉ်းစားခြင်းဖြစ်သည် ။ သည်မှာ ဘခြောက်လုံးသည် တကယ်ထိရောက်မှုကို ဖြစ်စေသော လှုံ့ဆော်ပေးသည့် စကားလုံးများဖြစ်ပေသည်။
၃။ ခြေခြေမြစ်မြစ် စဉ်းစားခြင်း ။
စိတ်ချရသော အချက်အလက်များ မှန်ကန်ခိုင်မာကြောင်း သောချာသော အထောက်အထားမပြည့်စုံဘဲ ခုန်ကျော်ပြီး လိုသလို ကောက်ချက်ချတာဟာ စဉ်းစားမှု အမှန်မဟုတ်၊ ခြေခြေမြစ်မြစ်စဉ်းစားခြင်းမဟုတ်ပေ၊။ များသောအားဖြင့် လူအများသည် ကိုယ်ကြိုက်တာ မကြိုက်တာ စိတ်ထဲတွင် ရုတ်တရက်ပေါ်ပေါက်လာတာ ၊ အခံရှိထားနှင့်သော မနှစ်သက်ချက်၊ မျှော်လင့်ချက် ၊ကြောက်ရွံ့ခြင်းများကို အခြေခံပြီး ထင်မြင်ယူဆလေ့ရှိ၏။ ခိုင်မာသော အထောက်ထားများကို မရှာတော့ဘဲ စဉ်းစားခြင်းမျိုး ပြုတက်ကြသည်။ ထိုသို့ မဖြစ်သင့်ပေ။
၎။ ယုံကြည်သင့် အမြင်ဖြင့် စဉ်းစားခြင်း ။
စာရေဆရာကြီး ရှိတ်စပီးယားက လောကကြီးမှာ ကောင်းတယ်ဆိုးတယ် ဆိုတာ ဘာမျှမရှိပါဘူး ၊ စဉ်းစား တွေးတော ထင်မြင်တာတွေက လုပ်တာပါ လို့ ဆိုဖုးသည်။ လုပ်စရာ ရှိသည်များကို ဖြစ်မြောက်အောင်လုပ်ရမည် ဆိုသော ယုံကြည်ချက်ဖြင့် ကိုင်တွယ်လုပ်ကိုင်ရပေမည် ။ အဖြစ်ကိုစဉ်းစားခြင်းကို ပိုပြီးအားပေးရပေမည် ။ အလုပ်တစ်ခုကို ကြိုးကြိုးစားစား ဥာဏ်အမြင်ရှေ့ထားပြီး လုပ်သင့် ၊ စဉ်းစားသင့်ပေသည်။ ကောင်း၏ ဆိုသော ယုံကြည်ချက် အမြင်ဖြင့် စဉ်းစားခြင်းသည် အောင်မြင်မှုကို တွန်းပို့နိုင်ပေသည်။ထိုကြောင့် တွေဝေမှုကို ကျောခိုင်းကာ မှန်ကန်သော စဉ်းစားခြင်းများဖြင့် ကိုယ်စွမ်းအားကို စနစ်တကျ မြင့်တင်သင့်ပေသည်။

(မောင်ရဲလူ)