ကျမတို့ အခု ဒီမိုကရေစီလှုပ်ရှားမှု အထဲမှာ ပါဝင်လာတာဟာ အာဏာလိုချင်လို့ ပါဝင်လာတာမဟုတ်ဘူး၊
တာဝန်ကို ထမ်းဆောင်ချင်လို့ ပါဝင်လာကြတာပဲ၊ ကျမတို့ အဖွဲ့ချုပ်အတွက်ရော။ လှုပ်ရှားမှုအထဲမှာ ပါဝင်နေကြတဲ့ပြည်သူလူထုအတွက်ရော။ အဓိကစကားလုံးဟာ အာဏာမဟုတ်ပါဘူး၊ တာဝန်ပါ၊ ပြည်ထောင်စုနဲ့ ပြည်သူလူထုအပေါ်မှာရှိတဲ့ တာဝန်အရ ဒီလှုပ်ရှားမှုထဲမှာ အားလုံးပါဝင်နေကြတာပါ၊
(အဖွဲ့ချုပ်ရုံး။ ကျုံမငေး ၁၅-၁-၈၉)
ကျမတို့ဟာ မှန်ကန်တဲ့နည်းနဲ့ လိုချင်တာကို လုပ်နိုင်တဲ့ အရည်အချင်းတွေ ရှိအောင်လို့ ကိုယ့်ကိုကိုယ်ပြုစုပျိုးထောင်ရမယ်၊ တခြားလူတွေကိုလည်း ဒီလိုအရည်အချင်းတွေရှိအောင်ပြုစုပျိုးထောင်ပေးရမယ်၊ ဒီလိုဆိုရင်ကျမတို့ဟာ အဆင့်မြင့်တဲ့နိုင်ငံရေး လုပ်နိုင်မယ်၊ အဆင့်မြင့်တဲ့နိုင်ငံရေးလုပ်နိုင်မှ အဆင့်အတန်းမြင့်တဲ့နိုင်ငံတခုဖြစ်လာမယ်၊ (အဖွဲ့ချုပ်ရုံး။ ကျုံမငေး ၁၅-၁-၈၉)
တချို့က ဒီမိုကရေစီဆိုတာ အားလုံးက ဗိုလ်ချည်းပဲလို့ထင်တယ်၊ တကယ်တော့ ဒီမိုကရေစီဆိုတာအားလုံးတန်းတူရည်တူလို့ ပြောတာမဟုတ်ဘူး၊ အားလုံးဟာ တန်းတူညီတူအခွင့်အရေးရှိတယ်လို့ပြောတာပဲဖြစ်တယ်၊ အားလုံးမှာရှိတဲ့ တန်းတူညီတူ အခွင့်အရေးနဲ့ အများအကျိုးဆောင်မယ့် သူတွေကို
ရွေးထုတ်ပိုင်ခွင့်ဆိုတာ ရှိတယ်၊ ဒါကို ပြောတာပဲ၊ (အဖွဲ့ချုပ်ရုံး။ ကျုံမငေး ၁၅-၁-၈၉)
ရပ်ကွက်ညီလာခံတွေ လုပ်တဲ့အခါ အကျင့်စာရိတ္တကောင်းတဲ့လူကို ရွေးချယ်ပါ၊ ပညာအမြော်အမြင်ရှိတဲ့လူကိုရွေးချယ်ပါ၊ အကျင့်စာရိတ္တနဲ့ အရည်အချင်း နှစ်ခုကြားမှာ ရွေးရမယ်ဆိုရင်တော့ ကျမကတော့ ပွင့်ပွင့်လင်းလင်းပြောရရင် အကျင့်စာရိတ္တကောင်းတဲ့လူကို ရွေးကြပါ၊ (အဖွဲ့ချုပ်ရုံး။ ကျုံမငေး ၁၅-၁-၈၉)
အစိုးရဟာ ပြည်သူလူထု ဆင်းရဲနေတဲ့အခါမှာ ဇိမ်နဲ့နေဖို့ မစဉ်းစားသင့်ဘူး၊ နောက်တက်မယ့် အစိုးရဟာအင်မတန်မှမှုန်ကန်ရမယ့် အစိုးရပါ၊ အဲ့ဒီတော့ နောက်တက်မယ့်အစိုးရထဲမှာ ဝိုင်းဝန်းပြီး ကူညီပါဝင်လိုတဲ့
သူများဟာ နေရာလိုချင်လို့မဟုတ်ဘဲ။ အာဏာလိုချင်လို့မဟုတ်ဘဲ။ ချမ်းသာချင်လို့မဟုတ်ဘဲ။ ပြည်သူ့အကျိုးဖို့အနစ်နာခံလိုတဲ့လူမျိုး ဖြစ်ဖို့လိုပါတယ်၊ (အဖွဲ့ချုပ်ရုံး။ ကျုံမငေး ၁၅-၁-၈၉)
သူများ မှားလို့။ သူများ မဟုတ်တာလုပ်လို့ ကိုယ်လည်း လိုက်လုပ်ရမယ်ဆိုရင် ကိုယ်လည်း သူတို့နဲ့အတူတန်းတူဖြစ်သွားမှာပဲ၊ ကလေးက ငိုလို့ လူကြီးကပါ လိုက်ပြီး ခြေဆောင့်ငိုလို့ရှိရင် လူကြီးသာ သက္ခာကျမှာပေါ့၊ကလေးကတော့ ကလေးမို့လို့ ငိုတယ်ဆိုပြီး ဘေးကနေ ခွင့်လွှတ်ကြရမှာပေါ့၊ လူများတွေ ဂုဏ်သိက္ခာမရှိလို့ ကိုယ်ကဂုဏ်သိက္ခာမရှိတဲ့အလုပ်ကို လုပ်ရမယ်ဆိုတာ မဖြစ်စေရဘူး၊ မဖြစ်သင့်ဘူး၊ အဲ့ဒီတော့ ကျမတို့စည်းရုံးရေးလုပ်တဲ့အခါ ဘယ်သူ့ကိုမှ ပုတ်ခတ်တာ။ မမှန်ကန်တဲ့နည်းနဲ့ တိုက်ခိုက်တာ မလုပ်ကြပါနဲ့၊ မူတွေကိုပဲတိုက်ခိုက်ကြရပါ့မယ်၊ (အဖွဲ့ချုပ်ရုံး။ ကျုံမငေး ၁၅-၁-၈၉)
ဒီမိုကရေစီတိုက်ပွဲဝင်တဲ့အခါမှာ ပထမဦးဆုံး ကျမတို့လိုချင်တာက လွတ်လပ်စွာတွေးတောပိုင်ခွင့်ပဲ၊ လူကိုသာချုပ်ထားနိုင်မယ်၊ စိတ်ကိုတော့ မချုပ်ထားနိုင်ဘူး၊ ဒီလို မချုပ်ထားနိုင်တဲ့စိတ်ကြောင့် ဒီလောက်တောင်မှ ၂၆
နှစ်လုံးလုံး လွတ်လပ်စွာ တွေးတောပိုင်ခွင့်မရှိတဲ့အထဲက ပြည်သူလူထုဟာ ဒီမိုကရေစီလှုပ်ရှားမှုကြီးထဲကို သတ္တိရှိရှိနဲ့ဝင်ခဲ့ပြီ။ စခဲ့ပြီ၊ ဒီလှုပ်ရှားမှုကြီးကို ဆုံးခန်းတိုင်အောင်။ အောင်မြင်အောင် လုပ်သွားရမယ်၊
(အဖွဲ့ချုပ်ရုံး။ လပွတ္တာ ၁၅-၁-၈၉)
ဖေဖေက ပြောခဲ့တယ်၊ လုပ်ရဲတာ သတ္တိမဟုတ်ဘူး၊ ခံရဲတာဟာ သတ္တိတဲ့၊ ခံရဲတယ်ဆိုတာလည်းအမှန်တရားအတွက် ခံရဲတာကို ပြောတာ။ မမှန်ကန်တဲ့ကိစ္စအတွက် ခံရဲတာ သတ္တိမဟုတ်ဘူး၊ ဒါဟာ လူမိုက်ရဲ့ထုံးပဲ၊ ကျမတို့ဟာ လူမိုက်တွေမဟုတ်ဘူး၊ အင်မတန်မှ ပညာအမြော်အမြင်ရှိတဲ့ လူထုဆိုတာ ကျမ ဖြစ်စေချင်တယ်၊ဒီလို အမြော်အမြင်ရှိတဲ့ ပြည်သူလူထုကမှ ခေတ်သစ် မြန်မာနိုင်ငံတော်ကြီးကို တည်ထောင်နိုင်မှာပါ၊ (အဖွဲ့ချုပ်။လပွတ္တာ ၁၅-၁-၈၉)
ကိုယ့်တိုင်းပြည်အတွက် အသက်ကိုပေးရတယ်ဆိုတာ အင်မတန်မှ ကြည်နူးစရာကောင်းတယ်၊ အင်မတန်မှသင့်တော်တယ်၊ ဘာဖြစ်လို့လည်းဆိုတော့ လူတိုင်းလူတိုင်းဟာ မိမိရဲ့တိုင်းပြည်ကို အားလုံးထက်ပိုပြီးတော့
ချစ်ရမယ်၊ မိမိရဲ့ ကိုယ်ထက်ပိုပြီး ချစ်ရမယ်၊ မိမိရဲ့ မိသားစုထက်ပိုပြီး ချစ်ရမယ်၊ မိမိရဲ့ မိဘများထက်လည်းပိုပြီးချစ်ရမယ်၊ ဘာဖြစ်လို့လည်းဆိုတော့ ဒီတိုင်းပြည်က ဒီမိသားစု။ ဒီမိဘအားလုံးကို မွေးထုတ်လိုက်တဲ့ တိုင်းပြည်ပဲ၊အားလုံးရဲ့ ကျေးဇူးရှင်ပဲဖြစ်တယ်၊ ပြည်သူလူထုအားလုံးရဲ့ ကျေးဇူးရှင်ဖြစ်တဲ့ နိုင်ငံကို အားလုံးပဲ
အထွတ်အမြတ်ထားရမယ်၊ ဒီနိုင်ငံအတွက်ဆိုရင် ဘာပဲစွန့်ရ။ စွန့်ရ စွန့်နိုင်တဲ့ သတ္တိရှိရမယ်၊လူတိုင်းလူတိုင်းအတွက် အစွန့်နိုင်ဆုံး။ တန်ဖိုးအရှိဆုံးအရာကတော့ မိမိရဲ့ အသက်ပဲ၊ အဲ့ဒီတော့ကိုယ့်ရဲ့တန်ဖိုးအရှိဆုံး အသက်ကို စွန့်လွှတ်သွားတဲ့ ဒီမိုကရေစီရဲဘော်တွေကို ထောက်ထားသောအားဖြင့်ကျမတို့ဟာ ဒီမိုကရေစီအောင်မြင်တဲ့အထိ ချီတက်သွားရမယ်၊ (အဖွဲ့ချုပ်ရုံး။ လပွတ္တာ ၁၅-၁-၈၉)
ဒီခေတ်က ဒီမိုကရေစီအုတ်မြစ်ချတဲ့ ခေတ်ပဲ၊ အုတ်မြစ်ချပြီးတော့မှ အပေါ်က အဆောက်အဦကြီးကိုတည်ဆောက်ရမှာ၊ ကျမတို့ဟာ အုတ်မြစ်ချတဲ့ လူတွေဆိုတော့ ပင်ပင်ပန်းပန်းနဲ့ လုပ်ပြီးတော့တကယ့်အနှစ်သာရကို ခံစားသွားရချင်မှ ခံစားသွားရမယ်၊ ကိစ္စမရှိပါဘူး၊ နောင်လာနောက်သားတွေ။ ပြည်ထောင်စုမြန်မာနိုင်ငံသူနိုင်ငံသားများဟာ ကျမတို့ ချခဲ့တဲ့ အုတ်မြစ်ပေါ်မှာ ဒီမိုကရေစီနိုင်ငံကြီးကို တည်တည်တံ့တံ့တည်ထောင်ပြီး ဒီမိုကရေစီအခွင့်အရေးတွေကို ခံစားသွားရမယ်ဆိုရင် ကျမတို့အတွက် အများကြီးဂုဏ်ယူစရာဖြစ်ပါတယ်၊ (အဖွဲ့ချုပ်ရုံး။ လပွတ္တာ ၁၅-၁-၈၉)
ကျောင်းသားလူငယ်များဟာ ဘယ်လိုပဲ ဖိနှိပ်မှုတွေရှိရှိ။ ဘယ်လိုပဲ သူများတွေ ဘယ်လိုလုပ်လုပ်။ ဘယ်လိုပဲသူများတွေ ညစ်ပတ်ညစ်ပတ်။ တို့တတွေကတော့ သန့်သန့်ရှင်းရှင်းစင်စင်ကြယ်ကြယ်နဲ့တိုင်းပြည်အကျိုးဆောင်တဲ့လူငယ်တွေဖြစ်အောင်နေမယ်၊ နောင်တခေတ်ကျလို့ရှိရင်လည်း တိုင်းပြည်အကျိုး ဆက်ပြီးဆောင်မယ့်လူကြီးတွေဖြစ်အောင် နေမယ်ဆိုတဲ့ ရည်ရွယ်ချက်တွေ ထားကြပါ၊
(အဖွဲ့ချုပ်ရုံး။ လပွတ္တာ ၁၅-၁-၈၉)
ဒီတိုင်းပြည်။ ဒီမြေကြီးဟာ အင်မတန်မှ ချမ်းသာတယ်၊ ပြည်သူလူထုဟာ အင်မတန်မှ ဆင်းရဲနေတယ်၊ ဒါမဖြစ်သင့်တဲ့ ကိစ္စပဲ၊ ဒီတိုင်းပြည်။ ဒီမြေကြီးဟာ ဒီလောက်တောင်မှ ချမ်းသာနေရင် မှန်မှန်ကန်ကန် လမ်းနဲ့ပြည်သူလူထုအတွက် အကျိုးဆောင်သွားမယ့် အစိုးရများဟာ ပြည်သူလူထုကိုလည်း ချမ်းသာအောင်
လုပ်ပေးနိုင်ရမယ်၊ (လွတ်လပ်ရေးကျောက်တိုင်ရှေ့။ ဘီတွတ်ကျေးရွာ ၁၅-၁-၈၉)
ဝေသန္တရာဟာဆိုရင်အလွန်တရာမှမြင့်မြတ်တဲ့အလောင်းတော်မင်းတရားဖြစ်ပေမယ့်လည်း ပြည်သူလူထုကိုဆန့်ကျင်ပြီး ဆင်ဖြူတော်ကို လှူလိုက်တဲ့အခါ ပြည်နှင်ဒဏ်ခံရတယ်၊ ပြည်သူလူထုရဲ့ ဆန္ဒကို
မလိုက်လျောတဲ့မင်းဆိုတာ မင်းကျင့်တရားဆယ်ပါးနဲ့လည်း မကိုက်ညီဘူး၊ ပြည်သူလူထုကလည်းလက်မခံဘူးဆိုတာ ကျမတို့ ဗုဒ္ဓဘာသာတရားအရလည်း လက်ခံခဲ့တယ်၊ ခရစ်ယာန်တရားမှာလည်းမင်းကောင်းမင်းမြတ်များဟာ ဂရုဏာနဲ့ မေတ္တာနဲ့ ဆက်ဆံရမယ်ဆိုတာ ပါပါတယ်၊ ဒါကြောင့်မို့လို့
ဘယ်ဘာသာပဲဖြစ်ဖြစ်။ ဘာသာမရွေး။ လူမျိုးမရွေး မင်းကောင်းမှန်ရင် ပြည်သူလူထုကို မဆန့်ကျင်သင့်ပါဘူး၊
(အဖွဲ့ချုပ်ရုံး။ မြောင်းမြ ၁၆-၁-၈၉)
အများပြည်သူ စိတ်ဒုက္ခရောက်နေတဲ့ တိုင်းပြည်မှာ စိတ်ချမ်းသာတဲ့လူဆိုတာ အင်မတန်မှရှက်စရာ ကောင်းတယ်၊ဒီလောက်တောင်မှ ကိုယ့်ဘေးကလူအများ ဆင်းရဲဒုကျှရောက်နေလျက်သားနဲ့ ကိုယ်ကစိတ်ချမ်းချမ်းသာသာနဲ့နေနိုင်တယ်ဆိုတာ ကိုယ့်မှာ လူ့နှလုံးသားမရှိလို့ဘဲလို့ သတ်မှတ်ရပါမယ်၊ ကိုယ်တယောက်ထဲ။ ကိုယ့်မိသားစု။ကိုယ့်အသိုင်းအဝိုင်းပဲ စိတ်ချမ်းသာရင် တော်ပြီလို့ဆိုတဲ့ သူများဟာ လူမဆန်ပါဘူး၊ (အဖွဲ့ချုပ်ရုံး။ ဝါးခယ်မ ၁၆-၁-၈၉)
ကျမဟာ တပ်မတော်နဲ့ ပြည်သူလူထုကြားမှာ လုံးလုံး စိတ်ဝမ်းမကွဲစေချင်ဘူး၊ အခုအချိန်မှာ တပ်မတော်ဟာဖေဖေဖြစ်စေချင်တဲ့ ပြည်သူကို ကာကွယ်မယ့်။ ပြည်သူကိုစောင့်ရှောက်မယ့်။နိုင်ငံရဲ့ဂုဏ်သိက္ခာကိုထိန်းသိမ်းမယ့်တပ်မတော်ကြီးရယ်လို့ ဖြစ်စေချင်တယ်၊ မဖြစ်တာကိုတော့ ကျမ ဝမ်းနည်းတယ်၊ ဒီလို တပ်မတော်ကြီးပဲပြန်ပြီးတော့ ဖြစ်သွားစေချင်တယ်၊
(အဖွဲ့ချုပ် ရုံး။ ဝါးခယ်မ ၁၆-၁-၈၉)
ဖေဖေ အမြဲပဲမှာခဲ့တယ်၊ ကလေးတွေကို ဘာကိုမှ မကြောက်စေနဲ့၊ သူတို့ကြောက်ဖို့ရာ နှစ်ခုပဲရှိတယ်၊မတရားတဲ့ကိစ္စကိုလုပ်ဖို့ ကြောက်ရမယ်၊ မမှန်တဲ့ကိစ္စကိုလုပ်ဖို့ ကြောက်ရမယ်၊ လောကမှာ ကြောက်ဖို့ဆိုတာ
ဒီနှစ်ခုပဲ ရှိပါတယ်တဲ့၊ အဲ့ဒီတော့ ကျမတို့ရဲ့ မိဘပြည်သူများကိုလည်း အဲ့ဒီလိုပဲ နားလည်စေချင်ပါတယ်၊
(လူ့ဘောင်သစ်ဒီမိုကရက်တစ်ပါတီရုံး။ ဝါးခယ်မ ၁၆-၁-၈၉)
ကျမတို့လူမျိုးတွေကို သစ္စာရှိတဲ့ လူမျိုး ဖြစ်စေချင်တယ်၊ တယောက်နဲ့တယောက် တိုက်ခိုက်တဲ့ နေရာမှာတောင်မှမြင့်မြင့်မြတ်မြတ် တိုက်ခိုက်တဲ့နည်းများနဲ့ တိုက်ခိုက်နိုင်ပါတယ်၊ရန်သူဆိုတာမြင့်မြတ်တဲ့ရန်သူနဲ့ယုတ်မာတဲ့ရန်သူနှစ်မျိုးရှိပါတယ်၊ မြင့်မြတ်တဲ့ ရန်သူဆိုတာ ယုတ်မာတဲ့ မိတ်ဆွေထက် အများကြီးပိုပြီးတော့ တန်ဖိုးရှိပါတယ်၊ဒါကြောင့်မို့လို့ ကျမတို့ဟာ ရန်သူဖြစ်နေတဲ့ သူတွေအပေါ်မှာလည်း မြင့်မြတ်တဲ့ စိတ်ထားရှိရမယ်၊
(လူ့ဘောင်သစ်ဒီမိုကရက်တစ်ပါတီရုံး။ ပုသိမ် ၁၇-၁-၈၉)
နောင် တိုင်းပြည်ခေါင်းဆောင်များဖြစ်မယ့် လူငယ်များဟာ အခုကနေစပြီးတော့ ကိုယ်မှားသလား။ မှန်သလားဆိုတာသုံးသပ်ရဲတဲ့ သတ္တိလည်းရှိရမယ်၊ မှားတဲ့အခါ ကိုယ့်ကိုကိုယ် ပြန်ပြီးတော့ပဲ့ပြင်နိုင်တဲ့ အရည်အချင်းလည်း ရှိရမယ်၊ဒီလို ကျမတို့တိုင်းပြည်မှ လူငယ်များဟာ ကိုယ့်ကိုကိုယ် မှားလို့ရှိရင် သုံးသပ်နိုင်မယ်။ ဝန်ခံနိုင်မယ်။ မမှားအောင်ပဲ့ပြင်နိုင်မယ်ဆိုရင် နှစ်ဆယ့်ခြောက်နှစ်အတွင်းက ပျက်စီးခဲ့တဲ့ကိစ္စမှန်သမျှကို ကျမတို့ ပြန်ပြီးတော့ ပြင်သွားနိုင်မှာဖြစ်ပါတယ်၊ (လူ့ဘောင်သစ်ဒီမိုကရက်တစ်ပါတီရုံး။ ပုသိမ် ၁၇-၁-၈၉)
0 comments:
Post a Comment