ရွေးကောက်ပွဲ မမျှတရင် အမျိုးသား သင့်မြတ်ရေး အကျိုးမရှိနိုင်

အခုနှစ်အတွင်း မြန်မာစစ်အစိုးရက ကျင်းပဖို့ ပြင်ဆင်နေတဲ့ ရွေးကောက်ပွဲဟာ လွတ်လပ်ပြီး တရားမျှတမှု မရှိဘူးဆိုရင် မြန်မာနိုင်ငံမှာ နိုင်ငံရေးအရ တခြား တိုးတက်ဖြစ်ထွန်းမှုတွေ ဖြစ်လာဖို့ အလားအလာ မကောင်းနိုင်ဘူးလို့ နိုင်ငံရေး သုံးသပ်သူတွေက ပြောဆိုလိုက်ပါတယ်။ ဒါ့အပြင် ရွေးကောက်ပွဲဝင်မယ့် ပါတီတချို့ကလည်း ရွေးကောက်ပွဲဟာ တရားမျှတမှု မရှိနိုင်ဘူးလို့ ပြောဆိုသံတွေ ထွက်ပေါ်နေသလို ၂၀၀၈ ဖွဲ့စည်းပုံ အခြေခံဥပဒေဟာ စစ်အစိုးရ အာဏာတည်မြဲဖို့အတွက် ရေးဆွဲထားတာ ဖြစ်တယ်လို့လည်း ဆိုနေကြပါတယ်။ အပြည့်အစုံကို ကိုရန်နိုင်က တင်ပြပေးထားပါတယ်။

၂၀၁၀ ရွေးကောက်ပွဲ ကျင်းပရေး ကော်မရှင်က ပြည်နယ်နဲ့ တိုင်းဒေသအလိုက် ရွေးကောက်ပွဲ မဲဆန္ဒနယ်မြေ စာရင်းတွေကို ထုတ်ပြန် ကြေညာလိုက်တဲ့ တချိန်တည်းမှာပဲ မြန်မာနိုင်ငံရဲ့ အခြေခံဥပဒေနဲ့ ရွေးကောက်ပွဲဟာ နိုင်ငံတကာ အဆင့်အတန်းမီဖို့ အများကြီး လိုသေးတယ်လို့ ၀ါရှင်တန်ဒီစီ အခြေစိုက် National Democratic Institute အဖွဲ့က အကြီးတန်း အကြံပေး မက်သရူး ဖရူမင် (Matthrew Frumin) က ပြောပါတယ်။ ဒါ့အပြင် ဒီနှစ်အတွင်း ကျင်းပဖို့ ပြင်ဆင်နေတဲ့ ရွေးကောက်ပွဲဟာ တရားမျှတမှု မရှိဘူးဆိုရင် မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ နိုင်ငံရေးအရ တခြား တိုးတက်ဖြစ်ထွန်းမှုတွေ ဖြစ်လာဖို့အတွက် အလားအလာ မကောင်းနိုင်ဘူးလို့ ဗွီအိုအေကို ပြောလိုက်ပါတယ်။ ရွေးကောက်ပွဲ လုံးဝ မရှိတာထက်စာရင် အခုလို ရွေးကောက်ပွဲ ရှိတာက မကောင်းဘူးလား ဆိုတဲ့အပေါ်မှာတော့ သူက အခုလို ပြောပါတယ်။

“ရွေးကောက်ပွဲ လုပ်တိုင်းတော့ နိုင်ငံရေးအရ ရှေ့ကို တိုးတက် ဖြစ်ထွန်းလာတယ်လို့ ပြောလို့မရပါဘူး။ လွတ်လပ်ပြီး တရားမျှတမှု မရှိတဲ့ ရွေးကောက်ပွဲ ဆိုရင်တော့ တိုင်းပြည်ရဲ့ ရှေ့အလားအလာက ကောင်းလာနိုင်မှာ မဟုတ်ပါဘူး။ ဘာလို့လဲဆိုတော့ ဒီလို တရားမမျှတတဲ့ ရွေးကောက်ပွဲက ပြည်သူလူထု မျှော်လင့်နေတဲ့ လူထုဆန္ဒကို အမှန်တကယ် ကိုယ်စားပြုတဲ့ အစိုးရ ထွက်ပေါ်လာမယ့် အခွင့်အရေးကို တားဆီးလိုက်နိုင်တာကြောင့်ပါ။”

နေအိမ်မှာ အကျယ်ချုပ်နဲ့ ထိန်းသိမ်းခံနေရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း တိုင်းပြည်မှာ တရားဥပဒေ စိုးမိုးမှု မရှိဘဲနဲ့ ဘယ်စနစ်ပဲဖြစ်ဖြစ် အောင်မြင်နိုင်မှာ မဟုတ်ဘူးလို့ သူမရဲ့ ရှေ့နေတွေနဲ့ ဗုဒ္ဓဟူးနေ့က တွေ့ဆုံခဲ့စဉ်အတွင်းမှာ ပြောကြားခဲ့ပါတယ်။ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ်ကတော့ ၂၀၀၈ ခုနှစ် ဖွဲ့စည်းပုံ အခြေခံဥပဒေအပေါ် လက်မခံနိုင်တဲ့အတွက် ရွေးကောက်ပွဲ ၀င်ရောက်ယှဉ်ပြိုင်ဖို့ မှတ်ပုံမတင်ဘဲ သပိတ်မှောက်ခဲ့ပြီး NLD အမျိုးသား ဒီမိုကရေစီ အဖွဲ့ချုပ် အပါအ၀င် CRPP ပြည်သူ့လွှတ်တော် ကိုယ်စားပြု ကော်မတီ တခုလုံးကလည်း ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ဖို့ တောင်းဆိုခဲ့ပါတယ်။

၂၀၁၀ ရွေးကောက်ပွဲကို ၀င်ရောက်ယှဉ်ပြိုင်ဖို့ ပြင်ဆင်နေတဲ့ ပါတီတချို့ကလည်း ရွေးကောက်ပွဲအတွက် ပြင်ဆင်ချိန် နည်းလွန်းတာ၊ ကန့်သတ်မှုတွေ ရှိနေတာ၊ ထောက်လှမ်းရေး အာဏာပိုင်တွေက ဖိအားပေး နှောင့်ယှက်တာတွေအပြင် စစ်အစိုးရ ကျောထောက်နောက်ခံ ပေးထားတဲ့ ကြံ့ခိုင်ဖွံ့ဖြိုးရေးပါတီ အနိုင်ရအောင် လုပ်ဆောင်နေတာတွေကြောင့် ဒီရွေးကောက်ပွဲဟာ တရားမျှတမှု မရှိနိုင်ဘူးလို့ ဆိုနေကြပါတယ်။ ဒါ့အပြင် ဝေဖန်သူတွေကလည်း ၂၀၀၈ ဖွဲ့စည်းပုံ အခြေခံဥပဒေဟာ စစ်အစိုးရ သက်တမ်းရှည်အောင် ရေးဆွဲထားတာ ဖြစ်တယ်လို့ ထောက်ပြ နေကြပါတယ်။ ဒီအချက်အပေါ်မှာ မက်သရူး ဖရူမင်ကလည်း ထောက်ခံပါတယ်။

“ဒီ ဖွဲ့စည်းပုံ အခြေခံဥပဒေထဲမှာ တိုင်းပြည်ရဲ့ ခေါင်းဆောင်မှုပိုင်းကို စစ်တပ်အတွက်ပဲ ထားထားတဲ့ ရည်မှန်းချက်မျိုးကို ရှင်းရှင်းလင်းလင်း ပြောထားပြီးတော့ ဖွဲ့စည်းပုံ အခြေခံဥပဒေကလည်း ဥပဒေပြု လွှတ်တော်တိုင်းမှာ စစ်တပ်ရဲ့ ကိုယ်စားလှယ် ၂၅% ကို နေရာပေးတာ အပါအ၀င် စစ်တပ်ရဲ့ ဦးဆောင်မှုကို ပုံစံအမျိုးမျိုးနဲ့ အထောက်အကူတွေ ပေးနေပါတယ်။ အဲဒါကြောင့် ဖွဲ့စည်းပုံ အခြေခံဥပဒေရဲ့ ရည်ရွယ်ချက်က အစိုးရရဲ့ အာဏာကို စစ်တပ်က ဆက်ပြီးတော့ ထိန်းထားဖို့ဆိုတာ ရှင်းနေပါတယ်။ မြန်မာနိုင်ငံမှာ ပြည်သူတွေအနေနဲ့ သူတို့ရဲ့ ကံကြမ္မာကို သူတို့ကိုယ်တိုင် အမှန်တကယ် ရွေးချယ် ဆုံးဖြတ်နိုင်မယ့် အခြေအနေမျိုးကို ဖန်းတီးဖို့ နိုင်မှာ မဟုတ်ပါဘူး။”

၂၀၁၀ ရွေးကောက်ပွဲမှာ ပြည်သူ့လွှတ်တော်အတွက် အမတ်နေရာ ၄၄၀ ရှိမှာဖြစ်ပြီး ပြည်သူလူထုက ရွေးကောက်တင်မြှောက်တဲ့ လွှတ်တော်ကိုယ်စားလှယ် ၃၃၀ နဲ့ စစ်တပ်ရဲ့ ကိုယ်စားလှယ် ၁၁၀ ပါဝင်မှာ ဖြစ်ပါတယ်။ အမျိုးသားလွှတ်တော်အတွက် အမတ်နေရာ ၂၂၄ နေရာမှာတော့ ၁၆၈ ယောက်က ယှဉ်ပြိုင် အရွေးခံရမှာ ဖြစ်ပြီး ၅၆ ယောက်ကိုတော့ ကာကွယ်ရေး ဦးစီးချုပ်က ရွေးချယ်မှာ ဖြစ်ပါတယ်။

ပြည်နယ်နဲ့ တိုင်းဒေသအလိုက် ရွေးကောက်ပွဲ မဲဆန္ဒနယ်မြေ စာရင်းတွေကို သြဂုတ်လ ၁၂ ရက်နေ့ ကြာသပတေးနေ့က အစိုးရပိုင် သတင်းစာတွေကနေ တဆင့် ထုတ်ပြန် ကြေညာခဲ့တာပါ။ အခုလို ရွေးကောက်ပွဲ မဲဆန္ဒနယ်မြေတွေကို မြန်မာစစ်အစိုးရ အာဏာပိုင်တွေဘက်က သတ်မှတ် ပြဋ္ဌာန်းလိုက်ပေမဲ့လည်း ရွေးကောက်ပွဲကို ဘယ်နေ့ဘယ်ရက်မှာ ကျင်းပမယ် ဆိုတာကိုတော့ ထုတ်ပြန်ကြေညာခြင်း မရှိသေးပါဘူး။

ရင်းမြစ်။ ။voanews.com

မဲဆန္ဒနယ်မြေစာရင်း ကြေညာပြီ၊ အချိန်စာရင်း မသိရသေး

စစ်အစိုးရက ရွေးချယ် ခန့်အပ်ထားသည့် ရွေးကောက်ပွဲကော်မရှင်က ယမန်နေ့ သြဂုတ်လ ၁၁ ရက်နေ့ နေ့စွဲဖြင့်ထုတ်ပြန်ကြေညာသော မဲဆန္ဒနယ်မြေ စာရင်းကို ယနေ့ထုတ် သတင်းစာများတွင် ဖော်ပြထားသည်။

မဲဆန္ဒနယ်မြေ ၃၃၀ ပါရှိသော ပြည်သူ့ လွှတ်တော်၊ အမျိုးသား လွှတ်တော်နှင့် တိုင်းဒေသကြီး သို့မဟုတ် ပြည်နယ် လွှတ်တော် မဲဆန္ဒနယ်မြေများ စာရင်းကိုပါ ယမန်နေ့နေ့စွဲဖြင့် ထုတ်ပြန်ပြီးဖြစ်သော်လည်း သတင်းစာများတွင်မူ ပြည်သူ့လွှတ်တော်စာရင်းသာ တွေ့ရသည်။ လာမည့် ရက်များတွင် ဆက်လက် ဖော်ပြသွားမည်ဟု ဆိုသည်။

မတ်လ ၈ရက်နေ့တွင် ရွှေးကောက်ပွဲ ဥပဒေကို ထုတ်ပြန်ကြေညာခဲ့ပြီးနောက် ပါတီ တည်ထောင်ရန် လျှောက်ထားခြင်းများ၊ မှတ်ပုံတင်ခြင်းများ လုပ်ဆောင်လျက်ရှိသော်လည်း ရွေးကောက်ပွဲ ကျင်းပမည့် နေ့ရက်နှင့်အချိန်ကို ယခုတိုင်ကြေညာမှု မရှိသေးခြင်း၊ ပါတီတည်ထောင်ခွင့် နောက်ဆုံးရက် သတ်မှတ် ကြေညာခြင်းမျိုး မရှိသေးပေ။ ပါတီများ စည်းရုံးလှုပ်ရှားခွင့် လူစုဝေးခွင့် တို့ကိုလည်း ကော်မရှင်က ဥပဒေ အမျိုးမျိုး ထုတ်ပြန်ပြီး လူထုနှင့် ကင်းကွာအောင်လုပ်ဆောင်ထားသည်ဟု ပါတီများက ဝေဘန် ပြောဆိုလျက် ရှိသည်။

စစ်အစိုးရက ယခုနှစ်အတွင်း ရွေးကောက်ပွဲ ပြုလုပ်မည်ဟု ကတိပေးထားသည့် အတွက် နှစ်မကုန်မီ ဒီဇင်ဘာလတွင် ကျင်းပမည်ဆိုပါက ပါတီစည်းရုံးရေး နှင့် မဲဆွယ် စည်းရုံးရေးများအတွက် လုံလောက်သည့် အချိန် ဖြစ်လိမ့်မည် မဟုတ်ဟု လေ့လာသူများက ဝေဘန်ကြသည်။

စစ်အစိုးရ ခေါင်းဆောင်များနှင့် ဖွဲ့စည်းထားသည့် ကြံ့ဖွံ့ (၄င်းတို့အခေါ် ပြည်ခိုင်ဖြိုးပါတီ) ပါတီကမူ လက်ရှိ အုပ်ချုပ်ရေး အဖွဲ့များ၊ ၀န်ကြီးဌာနဆိုင်ရာ အဖွဲ့အစည်းများ လုပ်ပိုင်ခွင့်များကို အသုံးပြုပြီး ၄င်းတို့ပါတီ ၀င်ရန်၊ ရွေးကောက်ပွဲတွင် ၄င်းတို့အား မဲပေးရန် စည်းရုံးလျက်ရှိနေသည်ကို ရန်ကုန်နှင့် နယ်မှ လာသော သတင်းများအရ သိရှိရသည်။

ယခုရက်ပိုင်းထိ ပါတီ တည်ထောင်ခွင့်နှင့် မှတ်ပုံတင်ခွင့်ရရန် ပါတီ ၄၆ ခုက လျှောက်ထားပြီး ၄၀ ကို မှတ်ပုံတင်ခွင့် ပြုပြီးဖြစ်သည်ဟု သတင်းစာ ဖော်ပြချက်များအရ သိရှိရသည်။ နယ်ခြားစောင့်တပ် ဖွဲ့ရန် သဘော မတူသေးသော ကေအိုင်အိုအဖွဲ့မှ အနား ယူခဲ့သည့် ဒေါက်တာတူးဂျာပါဝင်သည့် ကချင် ပြည်နယ် ပြည်သူ့တိုးတက်ရေးပါတီ (KSPP) မှာ တည်ထောင်ခွင့် ပြုရန် လျှောက်ထားသည်မှာ လနှင့် ချီနေသော်လည်း ယခုအချိန်ထိ ခွင့်ပြုခြင်း မရှိသေးပေ။

ရင်းမြစ်။ ။မိုးမခ

ဖြိုးမင်းသိန်း ရွေးကောက်ပွဲကို ကျောခိုင်း

ရန်ကုန် (မဇ္ဈိမ) ။ ။ ၂ဝ၁ဝ ရွေးကောက်ပွဲသည် လွတ်လပ်၍ တရားမျှတမှု မရှိဟုဆိုကာ သူ မယှဉ်ပြိုင်တော့ကြောင်း ပြည်ထောင်စု ဒီမိုကရေစီပါတီမှ ဥက္ကဋ္ဌ ဦးဖြိုးမင်းသိန်းက ယနေ့ သတင်းထုတ်ပြန်လိုက်သည်။

ရွေးကောက်ပွဲ ကော်မရှင်၏ ဆောင်ရွက်မှုများ၊ ကြံ့ဖွံ့ပါတီက ရွေးကောက်ပွဲ အောင်နိုင်ရေး ကြိုးပမ်းမှုများ အပြင် ၎င်းတို့ လိုလားသော ပြည်သူတရပ်လုံး နိုင်ငံရေးတွင် ပါဝင်ခွင့်ရရေး၊ နိုင်ငံရေး အကျဉ်းသား လွတ်မြောက်ရေး၊ မြန်မာ့နိုင်ငံရေးတွင် ပါဝင်ခွင့် ရရှိရေး၊ နိုင်ငံရေး အင်အားစုများကို လွတ်လပ်စွာ စည်းရုံးလှုပ်ရှားခွင့် ပြုရေး၊ သတင်းမီဒီယာ လွတ်လပ်ခွင့် ရရှ်ိရေး စသော လွတ်လပ်၍ တရားမျှတသော ရွေးကောက်ပွဲ ဖြစ်ပေါ်စေမည့် အချက်များ မရှိသဖြင့် ယခုလို ဆုံးဖြတ်လိုက်ခြင်း ဖြစ်သည်။

’’ကျနော်တို့ပါတီမှာ ပြီးခဲ့တဲ့ သြဂုတ်လ ၃ ရက်နေ့က ပါတီတွင်း အရေးပေါ်စည်းဝေးမှုတခု လုပ်ပါတယ်။ အဲဒီစည်းဝေးပွဲက ရွေးကောက်ပွဲ ဝင်ရေးမဝင်ရေး လုပ်ခဲ့တဲ့ စည်းဝေးပွဲပါ။ ဒါပေမဲ့ အဲဒီနေ့မှာ အဖြေ မထွက်ခဲ့ပါဘူး။ ဒီနေ့မှ ထုတ်ပြန်တာပါ’’ ဟု ဦးဖြိုးမင်းသိန်းက မဇ္ဈိမကို ပြောသည်။

ဦးဖြိုးမင်းသိန်းသည် ရွေးကောက်ပွဲတွင် ပါဝင်ယှဉ်ပြိုင်ခြင်း မပြုသည့်အပြင် ပါတီမှပင် နုတ်ထွက်သွားခြင်း ဖြစ်သည်။

ပြီးခဲ့သည့် မေလ ၂၈ ရက်နေ့တွင် ရွေးကောက်ပွဲ ကော်မရှင်က ပြည်ထောင်စု ဒီမိုကရေစီပါတီကို မှတ်ပုံတင်အမှတ် ၂၄ ဖြင့် မှတ်ပုံတင်ခွင့် ပေးခဲ့သည်။

၂ဝဝ၈ ခုနှစ် အခြေခံဥပဒေအရ ၂ဝ၁ဝ ရွေးကောက်ပွဲသည် ဒီမိုကရေစီပန်းတိုင်သို့ ချီတက်ရာတွင် သမိုင်းမျက်နှာသစ် ဖွင့်လှစ်၍ တဖြည်းဖြည်း ကောင်းမွန်သော ဒီမိုကရေစီ နိုင်ငံတော် တည်ထောင်နိုင်လိမ့်မည်ဟု မျှော်လင့်ခဲ့ပါကြောင်းနှင့် ယင်းအတွက် ရွေးကောက်ပွဲဝင်ရန် ပါတီထောင်ခြင်း ဖြစ်ကြောင်း ဦးဖြိုးမင်းသိန်းက ပြောသည်။

၁၉၉ဝ ရွေးကောက်ပွဲရလဒ်အတိုင်း လွှတ်တော်ခေါ်ယူကာ အာဏာလွှဲပြောင်းခြင်း မရှိသဖြင့် စင်ပြိုင်အစိုးရဖွဲ့စည်းရေး ကြိုးပမ်းသောကြောင့် ပါဝင်ပတ်သက်ခဲ့သည့် လွှတ်တော်အမတ်အချို့နှင့် နိုင်ငံရေးသမားအချို့ ထိုနှစ်ထဲတွင် ဖမ်းဆီးခံခဲ့ရသည်။ ယင်းအမှုတွဲတွင် ဦးဖြိုးမင်းသိန်းလည်း ပါဝင်ခဲ့သဖြင့် နိုင်ငံတော် ပုန်ကန်မှုဖြင့် နှစ်ရှည်ထောင်ဒဏ် ချမှတ်ခံခဲ့ရသည်။

ယင်း (ဒေါက်တာစိန်ဝင်း) အမှုတွဲဖြင့် ထောင်ဒဏ်ကျခံရသူများအနေဖြင့် ရွေးကောက်ပွဲ ဝင်ရောက်ပါက အသနားခံစာ တင်ရမည်ဟု ပြည်ထောင်စု ရွေးကောက်ပွဲ ကော်မရှင်က အမျိုးသား ဒီမိုကရေစီ အင်အားစုပါတီမှ ခေါင်းဆောင် ၄ ဦးကို ဇူလိုင်လ ၃ဝ ရက်နေ့တွင် ခေါ်ယူ အကြောင်းကြားခဲ့သည်။ အကယ်၍ ရွေးကောက်ပွဲကို ဝင်လိုပါက ကော်မရှင် ဥက္ကဋ္ဌထံ လိပ်မူ၍ အသနားခံစာ တင်လာပါက ကော်မရှင်က သုံးသပ်ပြီး အထက်ကို တင်ပြပေးမည်ဟု ပြောဆိုခဲ့သည်။

’’ကိုယ်လည်း ဒေါက်တာစိန်ဝင်း အမှုတွဲ ဖြစ်ခဲ့ဖူးတဲ့ နှစ်ရှည်ထောင်ဒဏ် ပုဒ်မတပ်ခံရတဲ့ အထဲမှာ ပါတယ်လေ။ ဒါကို အသနားခံစာ တင်ရမယ်။ ပြီးတော့ ခွင့်ပြုမယ်၊ မပြုဘူးဆိုတာကို အထက်ကို တင်ပြရဦးမယ်ဆိုတာမျိုး။ ဒီအခြေအနေမျိုးမှာ ရွေးကောက်ပွဲ ကော်မရှင်ရဲ့ အထက်မှာ ဘယ်သူရှိနေသေးလဲဆိုတာ မေခွန်းထုတ်စရာ ဖြစ်လာတယ်’’ ဟု ဦးဖြိုးမင်းသိန်းက ပြောသည်။

’’ကော်မရှင်ရဲ့ ၂/၂ဝ၁ဝ ညွှန်ကြားချက်က အခုမှ စတင်တည်ထောင်တဲ့ ပါတီသစ်တွေကို လုပ်ရကိုင်ရ ကျပ်စေတယ်။ ပါတီတွေ အလှူငွေ ကောက်ခံတာမျိုး ဘယ်နေရာမှာ မလုပ်ရဘူး။ ပါတီတွေ ဆောင်ရွက်နိုင်တဲ့ အခွင့်အလမ်းတွေနဲ့ ပတ်သက်ပြီး ထောင့်ပေါင်းစုံကနေ ပိတ်ထားတဲ့ အမိန့် ဥပဒေတွေပေါ့’’ ဟု သူက ဆက်ပြောသည်။

ပါတီဥက္ကဋ္ဌ တာဝန် မယူတော့ခြင်းနှင့် ရွေးကောက်ပွဲ မဝင်တော့ခြင်းမှာ ၎င်းတဦးတည်းကိစ္စ ဖြစ်သဖြင့် ကျန်ရှိသော ပါတီဝင်များနှင့် အခြားရာထူးရှိသူများသည် လတ်တလောတွင် ပါတီ၌ ဆက်လက် ရှိနေကြမည်ဖြစ်ကာ ဥက္ကဋ္ဌရာထူးကိုမူ အခြားတဦးတယောက်ထံသို့ တာဝန်ပေးမည်ဟု သိရသည်။

(ခိုင်စု သတင်းအချက်အလက်အချို့ ပေးပို့သည်။)

နိုဝင်ဘာတွင် လွတ်မည်ဟု ဒေါ်စုမျှော်လင့်

နယူးဒေလီ (မဇ္ဈိမ) ။ ။ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က သူမအပေါ် ချမှတ်ထားသည့် ပြစ်ဒဏ်ကာလ ကုန်ဆုံးသည့် နိုဝင်ဘာလတွင်း လွတ်မြောက်မည်ဟု မျှော်လင့်နေသလို အမျိုးသား ဒီမိုကရေစီ အဖွဲ့ချုပ် ခေါင်းဆောင်များကလည်း မျှော်လင့်နေကြသည်။

အထူး အယူခံကိစ္စနှင့် နေအိမ်ပြင်ဆင်ရေး ကိစ္စများအတွက် ရန်ကုန် တက္ကသိုလ် ရိပ်သာလမ်းရှိ နေအိမ်တွင် ရှေ့နေများနှင့် ယမန်နေ့က တွေ့ဆုံခွင့်ရစဉ် ဒေါ်အောင်ဆန်းစုကြည်က ပြောဆိုခြင်း ဖြစ်သည်။

“နိုဝင်ဘာလမှာ သူ့ကို ပေးထားတဲ့ ပြစ်ဒဏ်က ကုန်သွားပြီ။ ဥပဒေ သဘောအရတော့ သူ့ကို ဆက်ပြီး ချုပ်နှောင်စရာ မရှိတော့ဘူး။ ဘာပြစ်မှုကိုမှ သူကျူးလွန်ခြင်းလည်း မရှိဘူး။ ဒါကြောင့် လွတ်မြောက်မယ်လို့ မျှော်လင့်တဲ့အကြောင်း ပြောပါတယ်” ဟု သူမ၏ ရှေ့နေ ဦးဥာဏ်ဝင်းက မဇ္ဈိမကို ပြောသည်။

ဒေါ်အောင်ဆန်းစုကြည်နှင့် ရှေ့နေ ဦးဥာဏ်ဝင်း၊ ရှေ့နေ ဦးကြည်ဝင်းတို့ ယမန်နေ့ နေ့လည် ၁ နာရီမှ ၃ နာရီအထိ တွေ့ဆုံခွင့် ရရှိခဲ့သည်။

နေအိမ်အတွင်း တရားမဝင် ဝင်ရောက်လာသည့် အမေရိကန် နိုင်ငံသား ဂျွန်ယက်တောကို လက်ခံထားမှုဖြင့် ရန်ကုန်တိုင်း မြောက်ပိုင်းခရိုင် တရားရုံးက ဒေါ်အောင်ဆန်းစုကြည်ကို ပြီးခဲ့သည့်နှစ် သြဂုတ်လ ၁၁ ရက်နေ့တွင် ၁၉၇၅ ခုနှစ် နိုင်ငံတော်အား နှောင့်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေ ပုဒ်မ ၂၂ ဖြင့် အလုပ်ကြမ်းနှင့် ထောင်ဒဏ် ၃ နှစ် ချမှတ်ခဲ့သည်။

သို့သော် ဗိုလ်ချုပ်မှူးကြီး သန်းရွှေက နေအိမ်၌ပင် ဆိုင်းငံ့ပြစ်ဒဏ် ၁၈ လဖြင့် ထိန်းသိမ်းရန် ညွှန်ကြားခဲ့သည်။ ယင်းပြစ်ဒဏ်သည် ယခုနှစ် နိုဝင်ဘာလတွင် ပြည့်မြောက်မည် ဖြစ်သည်။

NLD ပါတီ ဗဟို အလုပ်အမှုဆောင် အဖွဲ့ဝင် ဦးဝင်းတင်က ယခုတကြိမ် ပြစ်ဒဏ်သည် တရားရုံးက ချမှတ်ထားခြင်း ဖြစ်သည့်အတွက် ယခင်ကာလများကဲ့သို့ သက်တမ်းတိုးခြင်း ပြုလုပ်နိုင်မည်မဟုတ်ဟု ယုံကြည်နေသည်။

“အခုက ဒေါ်အောင်ဆန်းစုကြည်ကို နိုင်ငံရေးပုဒ်မနဲ့ ထိန်းသိမ်းထားတာ မဟုတ်ဘူး။ သာမန်ပြစ်ဒဏ်နဲ့ အပြစ်ပေးထားတာ ဖြစ်တယ်။ အဲဒီတော့ သတ်မှတ်ကာလ ကုန်ဆုံးတဲ့အခါ လုံးဝကို လွှတ်ပေးရမှာ ဖြစ်တယ်။ ဒါကြောင့် လွတ်လာမယ်လို့ ယုံကြည်ထားတယ်” ဟု သူက ပြောသည်။

ပါတီ ဗဟိုအလုပ်အမှုဆောင်နှင့် ပြောရေးဆိုခွင့် ရှိသူလည်းဖြစ်သော ရှေ့နေ ဦးဥာဏ်ဝင်းက “ကျနော်တော့ လုံးဝ ယုံကြည်ပါတယ်။ လွှတ်ပေးရမှာပါ။ ဒီထက်စောပြီးတောင်မှ လွှတ်ပေးနိုင်ပါတယ်။ ဒါဟာ ဗိုလ်ချုပ်မှူးကြီး သန်းရွှေရဲ့ အမိန့်အပေါ် မူတည်ပြီး ကျနော် ပြောတာပါ” ဟု ပြောသည်။

နေအိမ် ပြန်လည်ပြင်ဆင်ခြင်းနှင့် ပတ်သက်၍ အိမ်မကြီး၏ ပျက်စီးသွားသော အစိတ်အပိုင်းများကို အင်္ဂတေဖြင့် ပြန်လည်၍ ဖာထေးထားသဖြင့် ထိုနေရာများကို ဆေးသုတ်ရန်နှင့် ယိုယွင်းနေသည့် မှန်များ လဲလှယ်တပ်ဆင်ရန် ကျန်ရှိနေသေးပြီး ခြံဝင်း လုံခြုံရေး ယူထားသည့် အာဏာပိုင်များက ယခုလအတွင်း အပြီးသတ် လုပ်ဆောင်ရန် ပြောကြားထားသည်။

“ကျနော်တို့ကတော့ တတ်နိုင်သမျှ မြန်အောင်လုပ်တယ်။ ကျန်နေတဲ့ လုပ်ငန်းတွေ ပြီးဖို့ကတော့ နောက်ထပ် ၃ ပတ်လောက် လိုသေးတယ်။ အဲဒါကို ဒေါ်အောင်ဆန်းစုကြည်က သူ့ရဲ့ အင်ဂျင်နီယာအဖွဲ့ကို စေ့စေ့စပ်စပ် တွက်ချက်ပြီးတော့ ထပ်မံ စာတင်ဖို့ ညွှန်ကြားပါတယ်”ဟု ဦးဥာဏ်ဝင်းက ပြောသည်။

ထို့ပြင် အထူးအယူခံ တက်ထားသည့် ကိစ္စရပ်များနှင့် ပတ်သက်၍လည်း ဒေါ်အောင်ဆန်းစုကြည်နှင့် ရှေ့နေများ ဆွေးနွေးခဲ့ကြပြီး လျှောက်လဲချက်ကို ရှင်းလင်းစွာ ရေးသားလျှောက်လဲရန် ညွှန်ကြားခဲ့သည်။

ဒေါ်အောင်ဆန်းစုကြည်က သူမအပေါ် ချမှတ်ထားသည့် ပြစ်ဒဏ်ပြင်ဆင်မှု အထူးအယူခံကို ပြီးခဲ့သည့် မေလ ၁ဝ ရက်နေ့တွင် ရန်ကုန် ဗဟိုတရားရုံးချုပ်သို့ တင်သွင်းခဲ့ရာ လက်ခံခဲ့သော်လည်း နှစ်ဖက်ရှေ့နေများ လျှောက်လဲရန် နေ့ရက်ကို တရားရုံးက ကြေညာခြင်း မရှိသေးပေ။

ဒေါ်အောင်ဆန်းစုကြည် လွတ်မြောက်လာပါက မြန်မာပြည်သူများက သူမနောက်သို့ တခဲနက် လိုက်ပါကြမည်ဟု ယုံကြည်ကြောင်း ဦးဝင်းတင်က ပြောသည်။

“ကျနော်တို့ အပါအဝင် တခြားလူတွေ ထောင်က လွတ်လာတဲ့အခါ ဝမ်းသာကြတယ်၊ လက်ခုပ်သြဘာ ပေးကြတယ်။ သို့သော် ကျနော်တို့ လွတ်မြောက်ခြင်းဟာ ပန်းပင်တပင်ထဲကို ရေလောင်းတဲ့ သဘောလောက်ပဲ ရှိတယ်။ လန်းဆန်းသွားတယ်ပေါ့ဗျာ။ ဒေါ်အောင်ဆန်းစုကြည် လွတ်မြောက်ခြင်းကျတော့ မိုးကြီး ရွာချလိုက်တဲ့အခါ တလောကလုံး စိမ်းစို လန်းဆန်းသွားပြီးတော့ သစ်ပင်ပန်းမာလ်တွေက အကုန်လုံး ရုန်းကန်နိုးကြားလာသလိုပဲ မြန်မာပြည်ရဲ့ နိုင်ငံရေး နိုးကြားမှုတွေဟာ အလွန်မြင့်မားတဲ့ ပုံသဏ္ဍာန်နဲ့ လူထုကြီးက အုံကြွပြီးတော့ ဒေါ်အောင်ဆန်းစုကြည်ကို ကြိုဆိုလိမ့်မယ်။ ဒေါ်အောင်ဆန်းစုကြည်ရဲ့ နိုင်ငံရေး ဦးဆောင်မှု နောက်ကို လူထုကြီးက တခဲနက် လိုက်ပါလိမ့်မယ်လို့ ယုံကြည်တယ်” ဟု သူက ပြောသည်။

ငါ့သား... မင်း လူလားမြောက်ပြီ

၁။ မင်းရဲ့ အခန်းကျဉ်းကို
ခြေသံပြင်းပြင်း မာန်တင်းတဲ့မျက်နှာနဲ့
သော့ပိတ်ရန် လာသူကို
ကရုဏာရှေ့ထား
ကျေးဇူးစကား ဆိုနိုင်ခဲ့ရင်
ငါ့သား... မင်း လူလားမြောက်ပြီ။

၂။ တလောကလုံး အမှောင်ဖုံးတဲ့အခါ
သူရဲကောင်းတို့ရဲ့ ဂုဏ်တော်
သီဆို ပူဇော်ရင်း
အလင်းသစ်နဲ့ နံနက်ခင်းကို
မင်း မျှော်လင့်နိုင်ခဲ့ရင်
ငါ့သား... မင်း လူလားမြောက်ပြီ။

၃။ ဗလငါးတန် အင်အားထူး ထက်
မင်းရဲ့ ခန္တီအင်အား ပိုကြီးမားကြောင်း
ပြသနိုင်ခဲ့ရင်
ငါ့သား... မင်း လူလားမြောက်ပြီ။

၎။ အဆိပ်မြားတန်းလန်းနဲ့ ပျံသန်းခဲ့ရတဲ့
အဖိုးတို့ အဖေတို့ကို ဂါရ၀ပြုရင်း
အဆိပ်မြားတွေပေါ်က ပျံသန်းနိုင်ခဲ့ရင်
ငါ့သား... မင်း လူလားမြောက်ပြီ။

၅။ စွန့်ပစ်အမှိုက်စတွေနဲ့
သဘာဝအလှကို
ရေးဆွဲနိုင်ခဲ့ရင်
ငါ့သား... မင်း လူလားမြောက်ပြီ။

၆။ အကြပ်အတည်း ဆိုတာ
အခွင့်အလန်းသစ်ရဲ့ လမ်းစဆိုတာ
မင်း သိလာတဲ့အခါ
ငါ့သား... မင်း လူလားမြောက်ပြီ။

၇။ လက်ထိပ်သံ တချွင်ချွင်
သံခြေကျဉ်းသံ တချွမ်ချွမ်
သံစဉ်သီကုံး
စစ်မုန်းကဗျာ
ဂါထာသီချင်း
ရေးသွင်းနိုင်လျှင်
ငါ့သား... မင်း လူလားမြောက်ပြီ။ ။

(သံတိုင်နောက်က ကဗျာများ အစီအစဉ်အဖြစ် တင်ဆက်တာဖြစ်တယ်။ ထောင်ထဲက တေးကဗျာသံဟာ အပြင်မှာ အတားအဆီးမဲ့ နေရာဒေသအနှံ့ ပဲ့တင်ထပ်ပါလိမ့်မယ်)

သားဦး