ပုဂ္ဂလိကကျောင်းများ၏ ကျောင်းလခအား တစ်ပြေးညီ သတ်မှတ်ထားခြင်းမရှိ ၀န်ဆောင်မှုပေါ်လိုက်ကာ ဈေးကွာဟမှုရှိလာနိုင်

၂၀၀၉-၂၀၁၀ ပညာသင်နှစ် တက္ကသိုလ်ဝင်တန်း စာမေးပွဲကျင်းပချိန်မြင်ကွင်း     ၂၀၁၀ ကျောင်းဖွင့်ရာသီအမီ ဖွင့်ခွင့်ပြုထားသည့် ရန်ကုန်မြို့ရှိ ပုဂ္ဂလိကကျောင်းများ၏ ငွေကြေးနှုန်းထားမှာ တစ်ပြေးညီ သတ်မှတ်ထားခြင်း မရှိသေးသော်လည်း ၀န်ဆောင်မှုအနေအထားပေါ် လိုက်ကာ ကွာဟသွားနိုင်မည်ဖြစ်သည်ဟု လက်ရှိဖွင့် ခွင့်ရထားပြီဖြစ်သော ပုဂ္ဂလိကပညာရေး ကျောင်းများ၏ တာဝန်ရှိသူများထံမှ စုံစမ်း သိရှိရပါသည်။     ပုဂ္ဂလိကကျောင်းများအဖြစ် တရားဝင် လုပ်ကိုင်ခွင့်ပြုလိုက်ပြီဖြစ်သော ပညာရေး ဘော်ဒါဆောင်များ၏ သတ်မှတ်စံချိန်များ နှင့် ပြည့်မီခြင်းကြောင့် လာမည့်ကျောင်းဖွင့် ရာသီအမီဖွင့်နိုင်ရန် ကျောင်းများဘက်မှလည်း အသေးစိတ်စီစဉ် ဆောင်ရွက်မှုများ ပြုလုပ်နေပြီဟု ပုဂ္ဂလိကကျောင်းတရားဝင် ဖွင့်ခွင့်ရရှိထားပြီးသော သချာင်္ဦးသန်းစိန် က ပြောပြခဲ့ပါသည်။     ''ပုဂ္ဂလိကကျောင်း အင်္ဂါရပ်နဲ့အညီ ဘောလုံးကွင်း၊ မာတီမီဒီယာခန်း၊ ဆရာနား နေခန်းတွေပါအောင် အကုန်ဖြည့်တင်းပြီးပါပြီ။ ဈေးနှုန်းနဲ့ပတ်သက်လို့ သတ်မှတ် ထားတာမရှိသေးပါဘူး။ လက်ရှိကတော့ ကိုယ့်ရဲ့မြို့နယ်အနေအထား၊ အဆင်ပြေပြေ ရှိမှု၊ ကျောင်းကပေးနိုင်တဲ့ ၀န်ဆောင်မှုတွေ အတိုင်းပဲ ကွာဟသွားနိုင်ပါတယ်''ဟု ဆရာ ဦးသန်းစိန်(သချာင်္)က ပြောပြခဲ့ပါသည်။     ဈေးကွက်စီးပွားရေးစနစ် အသွင်ဆောင်သော ပုဂ္ဂလိက၏အခန်းကဏ္ဍတွင် ပညာ ရေးသည်လည်း ပါဝင်လာခဲ့ပြီဖြစ်ရာ လူတန်းစား တစ်ရပ်အနေဖြင့် အဆိုပါကျောင်းများအပေါ် မှီခိုခြင်းများရှိနေသကဲ့သို့ အစိုးရကျောင်းများပေါ်တွင် မှီခိုနေသူဦးရေမှာလည်း ရာခိုင်နှုန်းများစွာ ရှိနေဆဲပင်ဖြစ်ကြောင်း အငြိမ်းစား ပါမောက္ခတစ်ဦးကပြောပြခဲ့သည်။      ထို့ပြင်ဈေးကွက်တစ်ခုအနေဖြင့် ရှိလာပြီဖြစ်သော ပုဂ္ဂလိကပညာရေး ကဏ္ဍတွင် တက်ရောက်လိုသူ ကျောင်းသားမိဘများဘက်မှ ရွေးချယ်စရာများ များစွာရှိလာပြီ ဖြစ်သကဲ့သို့ ထိုက်တန်သည့်ပညာရေး ရင်းနှီးမြှုပ်နှံမှုတစ်ခု ဖြစ်ရန်သာ ကျောင်းသားမိဘများဘက်မှ မျော်လင့်ကြသည်ဟု သိရပါသည်။     ''ကျွန်မတို့သိထားတာက အရင်က ပုဂ္ဂလိကကျောင်းဆိုတာ ဘော်ဒါအဖြစ်ဖွင့်ထားကြတာပဲ။ အခုဒီကျောင်း တွေကို အစိုးရကအသိအမှတ်ပြု လိုက်ပြီဆိုတော့ ပညာရေးကဏ္ဍ အဆင့်မြင့်သွားဖို့ မျော်လင့်မိသလို ငွေကြေးတစ်ခုပေါ်မှာ ရင်းနှီးထားရတဲ့အတွက် ထိုက်တန်တဲ့ရလဒ်တွေ ဘယ်လိုရှိလာမလဲ ဆိုတာကတော့ စောင့်ကြည့်ရမှာပါ''ဟု မြောက်ဒဂုံမြို့နယ်မှ ကျောင်းသားမိဘ တစ်ဦး က ပြောပြခဲ့ပါသည်။     ''ဒီကျောင်းတွေကို လာတက်မယ့်သူကတော့ အရင်လိုပဲ ကိုယ့်အကြိုက် သူ့အကြိုက်ရွေးချယ်ပြီး လာကြမှာပါ။ တစ်ခုရှိတာက ဖွင့် ခွင့်ရဖို့ အားလုံးသောကျောင်းတွေက မျော်နေကြတာပါပဲ'' ဟုကျောက်ကုန်း စာသင်ဝိုင်းမှ ဆရာဦးတင်မောင်ချို က ရှင်းပြခဲ့ပါသည်။ ကျွန်မတို့သိထားတာက အရင်က ပုဂ္ဂလိကကျောင်းဆိုတာ ဘော်ဒါအဖြစ် ဖွင့်ထားကြတာပဲ။ အခုဒီကျောင်းတွေကို အစိုးရက အသိအမှတ်ပြုလိုက်ပြီဆိုတော့ ပညာရေးကဏ္ဍ အဆင့်မြင့်သွားဖို့ မျော်လင့်မိသလို ငွေကြေးတစ်ခုပေါ်မှာ ရင်းနှီးထားရတဲ့အတွက် ထိုက်တန်တဲ့ရလဒ်တွေ  .  .  .         ယခင်ဘော်ဒါဆောင်များအဖြစ် ရှိခဲ့သော ယခုကျောင်းဖွင့်ရာသီ လုပ် ကိုင်ခွင့်ရထားသည့် ပုဂ္ဂလိကကျောင်းများသို့ လာရောက်သူများမှာ နယ်မြို့ များ၊ ရန်ကုန်မြို့တွင်းမှ နီးစပ်ရာ မြို့နယ်များမှ တက်ရောက်ကြရာ အချို့မှာ ကျောင်းအိပ်၊ ကျောင်းစား၊ စာသင်ခြင်းရှိသကဲ့သို့ အချို့မှာစာ ကျက်ဝိုင်းသီးသန့်သာဖြစ်ကြသည် ဟု သိရှိရပါသည်။    ယခင်ကဘော်ဒါဆောင်များမှ ကောက်ခံသည့် ဈေးနှုန်းများမှာ တူညီမှုမရှိကြဘဲ ၀န်ဆောင်မှုအရအထက်တန်း ကျောင်းသားတစ်ဦးအတွက် တစ်နှစ်လျင် ကျပ်သိန်း ၂၀ ကျော် နှင့်အထက်ထိ အများဆုံးရှိကြသည် ဟုသိရသည်။ ထို့ပြင် သာမန်အစိုးရ ကျောင်းများသို့ တက်ရောက်ကြသည့် တက္ကသိုလ်ဝင်တန်းကျောင်းသား တစ်ဦး၏တစ်နှစ်လျင်ကုန်ကျစရိတ် မှာပျမ်းမျ ကျပ် ၁၀ သိန်းနီးပါးရှိ သည်ဟု ယခုနှစ်တက္ကသိုလ်ဝင်တန်း ဖြေဆိုသူကျောင်းသားတစ်ဦး၏ မိခင်ဖြစ်သူက ပြောပြခဲ့ပါသည်။     ထို့ပြင် ပုဂ္ဂလိကကျောင်းများဆိုင်ရာဥပဒေအား မကြာမီပြဋ္ဌာန်းသွားမည်ဖြစ်ရာ အသေးစိတ်အချက် အလက်များအား အဆိုပါဥပဒေအတိုင်း လိုက်နာကျင့်သုံးသွားရမည် ဖြစ်သည်ကိုလည်း ရန်ကုန်တိုင်း အေးချမ်းသာယာရေးနှင့်ဖွံ့ဖြိုးရေး ကောင်စီမှ တာဝန်ရှိသူက မတ်လ ၇ ရက်နေ့တွင် ပြောကြားခဲ့ပါသည်။     လာမည့်ကျောင်းဖွင့်ရာသီတွင် ဖွင့်ခွင့်ရထားသည့် ပုဂ္ဂလိကကျောင်းများ တက်ရောက်ခြင်းဖြင့် ယခင်က ကဲ့သို့ အစိုးရကျောင်းများသို့ တက်ရောက်စရာမလိုတော့ကြောင်းလည်း သိရှိရပါသည်။     ပုဂ္ဂလိကကျောင်းတက်ခွင့်ကို ပဉ္စမတန်းမှ ဒသမတန်းအထိ တက် ရောက်နိုင်ပြီး ကျောင်းဝတ်စုံမှာ နိုင်ငံပိုင်အစိုးရကျောင်းများကဲ့သို့ တစ်ပြေးညီသတ်မှတ်ထားသည်ဟု သိရှိရပါသည်။     ရန်ကုန်မြို့ရှိ ပုဂ္ဂလိကကျောင်း ၂၄ ကျောင်းတွင် တရားဝင်ဖွင့်ခွင့်ပြုလိုက်သောကျောင်းမှာ လတ်တလော ရှစ်ကျောင်းဖြစ်ပြီး ကျောင်းဖွင့်ရာသီ ဇွန်လတွင် စတင်တက်ရောက်ကြရမည် ဖြစ်ကြောင်းနှင့် ရန်ကုန်မြို့တွင် အနည်းဆုံးပုဂ္ဂလိကကျောင်း ၁၀ ကျောင်းအထိ အနည်းဆုံးဖွင့်လှစ်သွားမည် ဖြစ်ကြောင်း သိရသည်။ ရင်းမြစ်။ ။http://www.first-11.com/index.php?option=com_content&view=article&id=2346:2010-03-17-08-04-52&catid=42:2009-11-10-07-36-59&Itemid=112

မြန်မာပြည် ရွေးကောက်ပွဲက လိမ်လည်လှည့်ဖျားမှုပဲ

လူ့အခွင့် အရေးဆိုင်ရာ တက်ကြွ လှုပ်ရှားသူ တဦးဖြစ်တဲ့ တောင်အာဖရိက နိုင်ငံက ခရစ်ယာန် ဂုဏ်းချုပ် ငြိမ်းချမ်းရေး နိုဗဲလ် ဆုရှင် ဘုန်းတော်ကြီး ဒက်စမွန် တူးတူးကို ၂၀၁၀ ရွေးကောက်ပွဲ အပါအ၀င် မြန်မာပြည် အရေးနဲ့ ပတ်သက်ပြီး ဧရာဝတီက ဆက်သွယ်မေး မြန်းခဲ့ပါတယ်။

(ဓာတ်ပုံ - ရိုက်တာ)

ဘုန်းတော်ကြီး ဒက်စမွန် တူးတူးက ၂၀၁၀ ရွေးကောက် ပွဲကို “လိမ်လည် လှည့်ဖျားမှု” တခု အဖြစ် ပယ်ချခဲ့ကာ“ပြီးခဲ့တဲ့ လွတ်လပ်ပြီး ဒီမိုကရေစီ နည်းကျတဲ့ ရွေးကောက်ပွဲမှာ တနိုင်ငံလုံး အတိုင်းအတာနဲ့ အနိုင်ရခဲ့တဲ့ အဓိက အတိုက်အခံ ခေါင်းဆောင်ကို ဖယ်ထုတ် ထားပြီး ရွေးကောက်ပွဲ ကော်မရှင် အဖွဲ့ဝင် တွေကို အာဏာရှင်က စိတ်ကြိုက် ရွေးချယ်ပြီးမှ ကျင်းပတဲ့ ရွေးကောက်ပွဲကို လွတ်လပ်ပြီး ဒီမိုကရေစီ နည်းကျ ကျင်းပ ပါတယ်လို့ ခင်ဗျား ဘယ်လို အခိုင်အမာ ပြောနိုင်မလဲ”လို့ မေးခွန်း ထုတ်လိုက်ပါတယ်။

သူ့လိုပဲ ငြိမ်းချမ်းရေး နိုဗဲလ် ဆုရှင် မြန်မာ့ဒီမိုကရေစီခေါင်းဆောင် ဒေါ်ဆောင်ဆန်းစုကြည်ကိုလည်း ဘုန်းတော်ကြီး တူးတူးက သူ့အနေနဲ့ ရန်ကုန်မြို့ကိုသွားပြီး “ညီမငယ်ရေ မင်းကို မြန်မာပြည်ရဲ့ ခေါင်းဆောင်အစစ်အမှန်အဖြစ် လွတ်လွတ်လပ်လပ် ရွေးချယ် တင်မြှောက်တဲ့ အခမ်းအနားကို တက်ရောက်ဖို့ စောင့်မျှော်နေမယ်”ဆိုတဲ့အကြောင်း အားပေးစကား ပြောကြားခဲ့ပါတယ်။

ဘုန်းတော်ကြီး ဒက်စမွန် တူးတူးဟာ တောင်အာဖရိကမှာ ကျင့်သုံးခဲ့တဲ့ လူမျိုးရေးခွဲခြားတဲ့ စနစ်ကို အကြမ်းမဖက်လှုပ်ရှားမှု နဲ့ ဆန့်ကျင်ခဲ့သူ ဖြစ်ပါတယ်။ သူဟာ ၁၉၈၄ ခုနှစ်က ငြိမ်းချမ်းရေး နိုဗဲလ် ဆု ချီးမြှင့်ခံရပြီး အဲဒီဆုကို အာဖရိက ရဲ့ ဒုတိယမြောက် ရရှိသူ ဖြစ်ပါတယ်။

မေး။   ။ သမ္မတ အိုဘားမား လက်ထက်မှာ အမေရိကန်ပြည်ထောင်စုက မြန်မာစစ်အစိုးရနဲ့ တိုက်ရိုက် ထိတွေ့ဆက်ဆံမယ့် မူဝါဒ ကို ချမှတ်ခဲ့ပါတယ်။ ဒီမူဝါဒအောက်မှာ စစ်အစိုးရနဲ့ တွေ့ဆုံမှုတွေ အကြိမ်ပေါင်းများစွာ ရှိခဲ့ပေမယ့် အခုထိ တိုးတက်တဲ့ အရိပ်  လက္ခဏာ မတွေ့ရသေးပါဘူး။ စစ်အစိုးရရဲ့ ဖိနှိပ်မှုတွေ ပိုတိုးလာတာပဲ ရှိပါတယ်။ အဲဒီအမေရိကန်အစိုးရရဲ့ မူဝါဒအပေါ်မှာ ဘုန်းတော်ကြီးရဲ့အမြင် ဘယ်လိုရှိပါသလဲ။

ဖြေ။   ။ အမေရိကန်ပြည်ထောင်စုက မြန်မာစစ်အစိုးရကို ကြမ်းကြမ်းတမ်းတမ်း ဒဏ်ခတ်တဲ့မူဝါဒ တလျှောက်လုံး သုံးလာတာမို့  နောက်ပိုင်းမှာ အခုလိုမျိုး ပျော့ပြောင်းတဲ့ မူဝါဒ တခုကို ပြောင်းသုံးလာတာ ဖြစ်နိုင်ပါတယ်။ ကျနော်ကတော့ မူဝါဒ အသစ်ပေါ်မှာ တစုံတရာ သံသယရှိပါတယ်။ အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် မှာလည်း ကျနော့်လိုမျိုး သံသယတွေ ရှိနေပါတယ်။ ကျနော်တို့ လိုချင်တာက အပေါင်းလက္ခဏာဆောင်တဲ့ ပြောင်းလဲမှုတွေ မြန်မာပြည်မှာ
ဖြစ်ပေါ်လာဖို့ပါပဲ။ ဘယ်လိုနည်းနဲ့ ဖြစ်ဖြစ် ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေအားလုံး လွတ်မြောက်ပြီး မြန်မာ ပြည်မှာ ဒီမိုကရေစီစံနစ်တခု အမှန်တကယ် တည်ဆောက်ခွင့်ရလာတဲ့အချိန်မှာ ကျနော်တို့ “ဟာလေလူးယာ”လို့ (ခရစ်ယာန် ကျေးဇူးတော် ဓမ္မသီချင်း) ဟစ်ကြွေးပါ့မယ်။ ဒါ ကျနော်တို့ရဲ့ ရည်မှန်းချက်ပန်းတိုင်ပဲ။

မေး။   ။ မြန်မာစစ်အစိုးရကို ကြမ်းကြမ်းတမ်းတမ်း ဒဏ်ခတ်အရေးယူဖို့ ဘုန်းတော်ကြီးအနေနဲ့ အတော်ကြာကြာ စည်းရုံးလှုပ်ရှား ခဲ့ပါတယ်။ ၂၀၀၅ ခုနှစ်တုန်းကလည်း ဘုန်းတော်ကြီးနဲ့ ချက်နိုင်ငံ သမ္မတဟောင်း ဗားကလပ်ဟာဗယ် တို့ ပူးပေါင်းပြီး ကုလသမဂ္ဂ လုံခြုံရေး ကောင်စီကို အစီရင်ခံစာတစောင် တင်သွင်းပြီးတော့ စစ်အစိုးရကို အရေးယူဖို့ တောင်းဆိုခဲ့ကြပါသေးတယ်။ ဒါပေမယ့် မြန်မာ့ အိမ်နီးချင်း နိုင်ငံတွေကတော့ စစ်အစိုးရနဲ့ ထိတွေ့ပြီး ကုန်သွယ်မှုတွေ ဆက်လုပ်ကြပါတယ်။ အနောက်နိုင်ငံတွေ၊ ကုလ သမဂ္ဂ နဲ့ တရုတ်၊ အိန္ဒိယနဲ့ အာဆီယံနိုင်ငံတွေအပါအ၀င် မြန်မာ့အိမ်နီးချင်း နိုင်ငံတွေကို ဘာများ အကြံပြုလိုပါသလဲ။

ဖြေ။   ။ ကျနော်တို့ရဲ့ရည်မှန်းချက်က မြန်မာပြည် ဒီမိုကရေစီ ပြန်လည်ရရှိပြီးတော့ တိုင်းပြည်မှာ ဒီမိုကရေစီစနစ် ရှင်သန်တိုး တက်လာရေးပဲ။ တောင်အာဖရိကမှာ ဘာတွေဖြစ်ခဲ့သလဲ အားလုံးမှတ်မိကြမယ် ထင်ပါတယ်။ လူမျိုးရေးခွဲခြားတဲ့ စနစ်ကို ကျင့်သုံး တဲ့ အစိုးရက ခေါင်းမာလွန်းတာမို့ အဲ့ဒီအစိုးရကို ဒဏ်ခတ်အရေးယူဖို့ ကျနော်တို့ တောင်းဆိုခဲ့ကြတယ်။ ရေဂင်ရဲ့ အစိုးရအပါအ၀င် အနောက်နိုင်ငံ အစိုးရ အတော်များများက ကျနော်တို့ရဲ့ မေတ္တာရပ်ခံချက်ကို အရေးမစိုက်ခဲ့ကြဘူး။ ဒါပေမယ့် အမေရိကန်အစိုးရ က ဒဏ်ခတ်အရေးယူမှုတွေ လုပ်တဲ့အခါကျတော့ လူမျိုးရေးခွဲခြားတဲ့စနစ် တစတစနဲ့ ပြိုလဲပျက်စီးတာပဲ။ ဒဏ်ခတ်အရေးယူမှုတွေက စိုက်လိုက်မတ်တတ် လုပ်မယ်ဆိုရင် အလုပ်ဖြစ်ပါတယ်။ ဒီနည်းက ဖိနှိပ်မှုတွေအဆုံးသတ်စေမယ့် အကြမ်းမဖက်တဲ့ နည်းလမ်း တခုပဲလေ။ အစိုးရတွေအနေနဲ့လည်း ဘယ်ဘက်ကရပ်မှာလည်းဆိုတာကို ကိုယ့်ကိုယ်ကိုယ် ပြန်မေးဖို့ လိုလိမ့်မယ်။ တကယ်လို့ မြန်မာ အတိုက်အခံတွေက စစ်အစိုးရကို ဒဏ်ခတ်အရေးယူဖို့ တောင်းဆိုလာခဲ့ရင် အပြင်ကလူတွေအနေနဲ့“ဒဏ်ခတ်အရေးယူမှု တွေက ကျနော်တို့ ကူညီချင်တဲ့ ပြည်သူတွေကို ထိခိုက်မှာပေါ့လို့” ပြောကောင်းပြောလိမ့်မယ်၊ ဒါပေမယ့် အတိုက်အခံရဲ့ တောင်း ဆိုချက်က ပိုအရေးကြီးတယ်လို့ ကျနော်ယူဆတယ်။

မေး။   ။ စစ်အစိုးရရဲ့ လက်နက်ကိုင် အင်အားစုတွေက လူ့အခွင့်အရေးချိုးဖောက်မှုတွေ ကျူးလွန်နေကြတဲ့အကြောင်း အစီရင်ခံ စာတွေ ပုံမှန်ထွက်နေပါတယ်။ စစ်မက်ဖြစ်ပွားရာနဲ့ တိုင်းရင်းသားဒေသတွေမှာ မုဒိန်းကျင့်တာတွေ၊ ဘာသာရေးအရ ခွဲခြားဖိနှိပ် တာတွေ၊ ကလေးတွေကို စစ်သားအဖြစ် အဓမ္မ စုဆောင်းတာတွေ စတဲ့ ကျူးလွန်မှုတွေကို သိရပါတယ်။ ဒီလို ချိုးဖောက်မှုတွေကို ရပ်တန့်သွားအောင် ဘယ်လိုဖိအားမျိုးတွေ ပိုသုံးနိုင်မယ်လို့ ယူဆပါသလဲ။

ဖြေ။   ။ လူမဆန်တဲ့ စစ်အာဏာရှင်ရဲ့ အုပ်ချုပ်မှုကို အဆုံးသတ်ပစ်ပါ၊ ပြီးတော့ ဗိုလ်ချုပ်ကြီးတွေကိုလည်း သူတို့ ကျူးလွန်ခဲ့တဲ့ လူ့အခွင့်အရေးချိုးဖောက်မှုတွေအတွက် နိုင်ငံတကာ ရာဇ၀တ်ခုံရုံးမှာ တရားစွဲခံရမယ်ဆိုတာကို သံမှိုနဲ့ နက်ထားသလို သိအောင် လုပ်ပါ။

မေး။   ။ စစ်အစိုးရက ၂၀၁၀ ပြည့်နှစ်အတွင်းမှာ ရွေးကောက်ပွဲ ကျင်းပပါလိမ့်မယ်၊ ရွေးကောက်ပွဲဥပဒေကိုလည်း ကြေညာသွားပြီး ပါပြီ။ လူအတော်များများကတော့ လာမယ့်ရွေးကောက်ပွဲရဲ့လွတ်လပ်မှု၊ တရားမျှတမှုနဲ့ အားလုံးပါဝင်နိုင်မှုတွေအပေါ်မှာ သံသယ
ရှိကြပါတယ်။ ဘုန်းတော်ကြီးကရော ရွေးကောက်ပွဲအပေါ် ဘယ်လိုမြင်ပါသလဲ။

ဖြေ။   ။ ဒီရွေးကောက်ပွဲက လွတ်လပ်တဲ့ ရွေးကောက်ပွဲမှ မဟုတ်တာ၊ အဲဒါ လိမ်လည်လှည့်ဖျားမှု ပဲလေ။ ပြီးခဲ့တဲ့ လွတ်လပ်ပြီး ဒီမိုကရေစီနည်းကျတဲ့ ရွေးကောက်ပွဲမှာ တနိုင်ငံလုံးအတိုင်းအတာနဲ့ အနိုင်ရခဲ့တဲ့ အဓိက အတိုက်အခံခေါင်းဆောင်ကို ဖယ်ထုတ်ထားပြီး ရွေးကောက်ပွဲ ကော်မရှင်အဖွဲ့ဝင်တွေကို အာဏာရှင်က စိတ်ကြိုက်ရွေးချယ်ပြီးမှ ကျင်းပတဲ့ ရွေးကောက်ပွဲကို လွတ်လပ်ပြီး ဒီမိုကရေစီနည်းကျ ကျင်းပပါတယ်လို့ ခင်ဗျား ဘယ်လို အခိုင်အမာ ပြောနိုင်မလဲ။ ဒီဗိုလ်ချုပ်တွေက ဘယ်သောအခါကများ မျှမျှတ တ လုပ်တာ ရှိဘူးလို့လဲ။ ကျနော်ထင်ပါတယ် အခုလိုအခြေအနေမျိုးမှာ မြန်မာပြည်မှာ လွတ်လပ်ပြီး ဒီမိုကရေစီနည်းကျ ရွေးကောက်ပွဲတွေကို လိုက်ရှာနေမယ့်အစား ငရဲပြည်မှာ နှင်းရှာတာကမှ ပိုဖြစ်နိုင်ဦးမယ်လို့ ထင်တယ်။

မေး။   ။ ဒေါ်အောင်ဆန်းစုကြည်၊ နိုင်ငံရေးအကျဉ်းသား ၂၀၀၀ ကျော်နဲ့ စစ်အစိုးရလက်ထဲမှာ ဒုက္ခရောက်နေကြတဲ့ မြန်မာပြည်က အဖိနှိပ်ခံ သန်းပေါင်းများစွာအတွက် ဘာများပြောချင်ပါသလဲ။ မြန်မာပြည် ဒီမိုကရေစီရေးအတွက် အကြမ်းမဖက် လှုပ်ရှားမှုကို နိုင်ငံတကာမိသားစုက ခိုင်ခိုင်မာမာ ထောက်ခံအားပေးခဲ့ပေမယ့် စစ်အစိုးရကို ဆန့်ကျင်ရာမှာ ထိရောက်မှု မရှိသလို ဖြစ်နေပါ တယ်။ ဘုန်းတော်ကြီးရဲ့တောင်အာဖရိက အကြမ်းမဖက်လှုပ်ရှားမှု အတွေ့အကြုံကို ပြောပြပေးနိုင်မလား။

ဖြေ။   ။ နိုဗဲလ်ဆုရှင် ညီမငယ် နဲ့ မြန်မာပြည်က ညီအစ်ကို မောင်နှမများ ခင်ဗျား၊ ခင်ဗျားတို့ရဲ့သတ္တိနဲ့ စိတ်ဓာတ်ကြံ့ခိုင်မှုတွေကို ကျနော်တို့ လေးစားအားကျကြောင်း ပြောလိုပါတယ်။ ခင်ဗျားတို့ ရင်ဆိုင်နေတာ အမှန်နဲ့ အမှား ပြဿနာ ဖြစ်ပါတယ်။ သူတို့မှာ သေနတ်တွေ စစ်တပ်နဲ့ ရဲအင်အားတွေ ရှိပေမယ့် တရားမမျှတမှုရဲ့တရားခံတွေဟာ ရှုံးနိမ့်နေပြီးသားလို့ တောင်အာဖရိကရဲ့ အမှောင်ထု အနက်ရှိုင်းဆုံး ကာလတွေမှာတောင် ကျနော်တို့ ပြည်သူတွေကို ကျနော်တို့ ပြောခဲ့ဖူးပါတယ်။ အဲ့ဒီတရားခံတွေက တရားမမျှတမှု၊ ဖိနှိပ်မှုနဲ့ ယုတ်မာမှု ဘက်ခြမ်းမှာ ရှိကြတာမို့ သူတို့က ရှုံးပြီးသားလို့ ကျနော်တို့ပြောတာပါ။

ခင်ဗျားတို့ကတော့ အမှန်တရားဘက်မှာ ရှိကြတာပါ။ ညီမငယ်ရေ တောင်အာဖရိကမှာ နယ်လ်ဆင်မန်ဒဲလား ထောင်က လွတ်လာ ပြီးတဲ့နောက် အစ်ကိုတို့ရဲ့ခေါင်းဆောင် ဖြစ်လာသလိုပဲ မင်းကို မြန်မာပြည်ရဲ့ ခေါင်းဆောင်အစစ်အမှန်အဖြစ် လွတ်လွတ်လပ်လပ် ရွေးချယ်တင်မြှောက်တဲ့ အခမ်းအနားကို တက်ရောက်ဖို့ တနေ့မှာ အစ်ကိုတို့ ရန်ကုန်ကို လာခဲ့ပါဦးမယ်။ အရှေ့က နေထွက်ပြီး အ နောက်ကိုဝင်နေသရွေ့တရားမမျှတမှုနဲ့ ဖိနှိပ်မှုရဲ့တရားခံတွေဟာ ပြိုလဲ ပျက်သုဉ်းကြရမှာပါ။ ခင်ဗျားတို့ကို ဘုရားသခင် ကောင်း ချီးပေးပါစေ။  

လူ့အခွင့် အရေးဆိုင်ရာ တက်ကြွ လှုပ်ရှားသူ တဦးဖြစ်တဲ့ တောင်အာဖရိက နိုင်ငံက ခရစ်ယာန် ဂုဏ်းချုပ် ငြိမ်းချမ်းရေး နိုဗဲလ် ဆုရှင် ဘုန်းတော်ကြီး ဒက်စမွန် တူးတူးကို ၂၀၁၀ ရွေးကောက်ပွဲ အပါအ၀င် မြန်မာပြည် အရေးနဲ့ ပတ်သက်ပြီး ဧရာဝတီက ဆက်သွယ်မေး မြန်းခဲ့ပါတယ်။

ရင်းမြစ်။ ။http://www.irrawaddy.org/bur/index.php/interview/4-interview/2824-2010-03-18-11-36-50

မိုးလုံးပြည့် မီးသတ်ကား

မိုးလုံးပြည့် မီးသတ်ကား

အဝေးကြည့်မှန်ပြောင်း

မတ် ၁၉၊ ၂၀၁၀

မိုးလုံးပြည့်မုသာဝါဒ သတင်းဌာနတွေ ဘာကြောင့် လိုအပ်

မြန်မာ ပတ်စ်ပို့တွေမှာ နာမည်တွေ ဘာတွေကို လက်နဲ့ မရေးတော့ဘူးတဲ့။ တခြားနိုင်ငံ အများစုလို ကွန်ပျူတာစာလုံးနဲ့ပဲ လာတော့မယ်ပေါ့ဗျာ။ ပတ်စ်ပို့မှာ ဓာတ်ပုံကို ကပ်ခွာလုပ်၊ အချက်အလက်တွေကို ဖျက်ပြီး အသစ်ပြန်ရေးတဲ့ ပွဲစားတွေ ဒုက္ခရောက်ပြီပေါ့။ ပတ်စ်ပို့အသစ် လုပ်ပေးတဲ့ပါဝါရှိတဲ့ မြန်မာသံရုံးက ဆရာတွေကိုပဲ အားကိုးရပါတော့မယ်။ ဆရာသမားတွေ ၀င်ငွေ တိုးဦးမယ့် အစီအစဉ် ဆိုပါစို့။

စပ်မိလို့ ပြောရရင် hand made လို့ ခေါ်တဲ့ လက်နဲ့ ပြုလုပ်ထားတဲ့ ပစ္စည်းတွေကို နိုင်ငံတကာမှာ သိပ်ကြိုက်ကြပါတယ်။ ဒီလိုပစ္စည်းတွေကို သုံးရတာ ဂုဏ်ယူကြပါတယ်။

မြန်မာ ပတ်စ်ပို့ဟာ hand made ပစ္စည်းပါ။ လေဆိပ်လုံခြုံရေး ထိပ်တန်းဦးစားပေးနေရတဲ့ ဒီကနေ့ ကာလမှာတော့ လက်ဖြစ်ပတ်စ်ပို့ကို ချွင်းချက်နဲ့ ပယ်ချကြပြီပေါ့။

လက်မှုပစ္စည်းကနေ စက်မှုပစ္စည်းအဖြစ် ပြောင်းလဲမယ့် ကာလမှာ သံရုံးတွေက ပတ်စ်ပို့ဆိုင်ရာ လုပ်ငန်းတွေ တလ နားမယ် တဲ့။ ဒါကို အစိုးရမီဒီယာများက ဘာမှလည်း မပြော။ ပြည်ပ မြန်မာသံရုံးတချို့က အင်တာနက် စာမျက်နှာရှိပေမယ့် အဲဒီကနေလည်း မပြော။ မိုးလုံးပြည့်မုသာဝါဒ ဘာညာကွိကွ ဆိုတဲ့ သတင်းဌာနတွေ လက်တို့မှပဲ  လူတွေက သိရတော့တယ်။ ကျေးဇူးရှင် အစိုးရက အကုန်ပြောရင် မိုးလုံးပြည့် သတင်းဌာနတွေကို လူတွေက ဘယ်အားကိုးပါ့မလဲ၊ မဟုတ်ဘူးလား။

မီးသတ်ကား

မီးသတ်ကားတွေဆိုတာ ဆန္ဒပြသမားတွေကို နှိမ်နင်းတဲ့ နေရာမှာလည်း အတော် အသုံးတည့်ပေတာပဲ။ အခု အဲဒီကားနီနီတွေ ကြံ့ခိုင်ဖို့အတွက် ဗိုလ်ချုပ်ကြီးတွေက လုပ်သားပြည်သူများထံ အကူအညီ တောင်းနေပါတယ်။ မယုံရင် သတင်းစာ နောက်ကျောဖုံးမှာ ပါတဲ့ ကြော်ငြာကို ရှုတော်မူပါ။

မြင်တဲ့အတိုင်းပါပဲ မီးသတ်ကားအတွက် လှူကြပါ တဲ့ ကြော်ငြာ အောက်ဆုံးမှာ ရေးထားတယ်။

မီးသတ်ကားအတွက်တောင် အလှူခံနေရတယ်ဆိုတော့ ပိုက်ဆံတွေ သေနတ်ဝယ်ရ၊ အိတ်ထဲထည့်ရနဲ့ လောက်ငကြပုံ မပေါ်ဘူး။ ဗိုလ်ချုပ်ကြီးတို့ စိတ်ချမ်းသာမှ တိုင်းပြည်ကြီး အေးချမ်းမယ်လို့ ယူဆပြီး လှူကြတန်းကြမယ် ထင်ပါရဲ့။ ဘယ်သူပြောနိုင်မလဲ။

ကဲ - ဒါဆိုရင် ဘယ်သူတွေက လှူကြမလဲ။ မြန်မာပြည်ရဲ့ မာဖီးယား သူဌေးကြီးတွေ လှူကြမယ် ထင်တယ်။ အင်း - ဒီလူကြီးတွေက ဒီပမာဏလောက်တော့ မလှူချင်ဘူးဆိုရင်တော့ ဒုက္ခ။ ကာတွန်းထဲကလို ကားတွေကို မီးလောင်တဲ့နေရာအထိ တွန်းသွားရတော့မှာပေါ့။ အဲသလို တွန်းနေချိန်မှာ ကာတွန်းထဲက ဒရိုင်ဘာက ဘာပြောသလဲ ဆိုတော့ - ဟေ့ကောင်တွေ ဖြည်းဖြည်းတွန်းပါဟ၊ ဒီမှာ ဘရိတ် မမိဘူး တဲ့။
ရင်းမြစ်။ ။http://moemaka.com/index.php?option=com_content&task=view&id=6066&Itemid=1

နိုင်ငံရေး အမြင် ဖွံ့ဖြိုး စေရန် ‘ရဲဘော် သုံးကျိပ် မော်ကွန်း’ ထပ်မံ ထွက်ရှိ

မြန်မာ့ လွတ်လပ်ရေး ဗိသုကာ ကြီးများ ဖြစ်ကြသော ဗိုလ်ချုပ် အောင်ဆန်း ဦးဆောင် သည့် ရဲဘော် သုံးကျိပ်တို့ အကြောင်း အနုစိတ် ခြယ်မှုန်း ရေးဖွဲ့ ထားသည့် တက္ကသိုလ် စိန်တင် ၏ ‘ရဲဘော် သုံးကျိပ် မော်ကွန်း ’ စာအုပ် သည် စတုတ္ထ အကြိမ် ထွက်ရှိ အပြီး ၂၅ နှစ် အကြာ၌ ပြင်ဆင် ဖြည့်စွက်မှု များဖြင့် ထပ်မံ ထွက်ရှိ လာကြောင်း တွေ့ရသည်။ အဆိုပါ စာအုပ်ကို ၁၉၈၅ ခုနှစ်၌ ဂုဏ်ထူး စာပေက စတုတ္ထ အကြိမ် အဖြစ် ထုတ်ဝေ ခဲ့စဉ်က ရဲဘော် သုံးကျိပ်ဝင် အားလုံး၏ အတ္ထု ပ္ပတ္တိတို့ ပြည့်စုံစွာ မပါဝင် နိုင်ခဲ့သဖြင့် စာရေးသူ အနေဖြင့် ယခု ကဲ့သို့ ပြင်ဆင် ဖြည့်စွက် မှုများဖြင့် အသစ် တစ်ဖန် ကြိုးပမ်း ထားကြောင်း သိရသည်။ “မြန်မာ့ သမိုင်းမှာ အနော်ရထာ မပါရင် မပြီးသလို ဗိုလ်ချုပ် အောင်ဆန်း မပါရင် မပြီးပါဘူး။ ရဲဘော် သုံးကျိပ် မပါ ရင်လည်း မပြီး နိုင်ပါဘူး။ အကယ် ၍များ ရဲဘော် သုံးကျိပ်က ၁၉၄၁ ခုနှစ်မှာ ဂျပန် နိုင်ငံ သွားပြီး၊ စစ်ပညာ သင်ယူပြီး မြန်မာ ပြည်ကို ပြန်တိုက် မယူ ခဲ့ကြရင် အခုချိန်ထိ ကိုလိုနီ ကျွန်ဘဝက လွတ်ဦးမှာ မဟုတ်ဘူးလို့ ကျွန်တော် ယူဆ ပါတယ်။

“ ဒါကြောင့်လည်း ဒီစာအုပ်ကို ၁၉၆၈ ခုနှစ်၊ ကျွန်တော့ အသက် ၃၃ နှစ်မှာ ကြိုးစား ရေးခဲ့ တာပါ။ ဒါပေမယ့် အားထုတ်မှု နည်းခဲ့တာ ရယ်၊ တချို့ အချက် အလက် တွေက ရှာလို့ မရခဲ့ တာကြောင့် မပြည့်စုံ ခဲ့ပါဘူး။ အခုတော့ ဓာတ်ပုံ တွေရော၊ အချက် အလက်တွေပါ တက်နိုင် သမျှ ပြည့်စုံအောင်အား ထုတ်ထား ပါတယ်။ တစ်နည်း ပြောရရင် အသက် ၃၃ နှစ် တက္ကသိုလ် စိန်တင် နဲ့ အသက် ၇၀တန်း တက္ကသိုလ် စိန်တင်တို့ အားပြိုင် ရာမှာ ၇၀ တန်းကေ အာင်ပွဲ ခံလိုက် နိုင်တဲ့ စာအုပ်ကြီး ပါပဲလို့ ပြောချင်ပါတယ်”ဟု၎င်းက ဖြည့်စွက် ရှင်း ပြသည်။

‘ရဲဘော် သုံးကျိပ် မော်ကွန်း’ စာအုပ်သည် ၂၅ နှစ်တာ ရပ်နား ထားခဲ့ ရာမှ ပြန်လည် ထုတ်ဝေခွင့် ရသည့်စာအုပ် ဖြစ်သည်။
ရင်းမြစ်။ ။ဟံသာဝတီ

အိန္ဒိယ မီဒီယာများ မြန်မာ့ရွေးကောက်ပွဲ အငြင်းအခုံတွင် ပါဝင်လာ

နယူးဒေလီ(မဇ္ဈိမ) ။    ။ မြန်မာစစ်အစိုးရက ရွေးကောက်ပွဲဥပဒေများ ထုတ်ပြန်ပြီးနောက်  ကျင်းပမည့် ရွေးကောက်ပွဲနှင့်စပ်လျဉ်း၍ ဒေသတွင်း အစိုးရများနှင့် အခြား အစိုးရများက အဆိုးအကောင်း ချိန်ဆနေကြစဉ် အိန္ဒိယမီဒီယာများလည်း ဤအရေးကိစ္စအကြောင်း အမြင်အမျိုးမျိုး ဖော်ပြနေကြသည်။

စစ်အစိုးရနှင့် အတိုက်အခံ ပါတီအကြား ပေါက်ကွဲလုနီး ဖြစ်ပေါ်စေသည့် ဤကိစ္စတွင် ကမ္ဘာ့အကြီးဆုံး ဒီမိုကရေစီနိုင်ငံနှင့် မြန်မာ့အိမ်နီးချင်း အိန္ဒိယက နှစ်ပေါင်းများစွာ လုပ်နေကျအတိုင်း နှုတ်ဆိတ်နေပြန်သော်လည်း အိန္ဒိယ၏ ထိပ်တန်းသတင်းစာကြီး  'The Hindu' က စစ်အစိုးရ၏ ရွေးကောက်ပွဲ ဥပဒေများသည် `အလိမ်အညာ´ များသာဖြစ်ကြောင်း ယခုလ ၁၅ ရက်နေ့တွင် ရေးသားလိုက်သည်။

'The Hindu' သတင်းစာခေါင်းကြီးတွင် `ရွေးကောက်ပွဲ လုပ်ငန်းစဉ်တွင် ယခုထက်ဆိုးသည့် အလိမ်အညာဟူ၍ ရှိတော့မည် မဟုတ်ပါ။ တခုတည်းသော ရည်ရွယ်ချက်မှာ စစ်အစိုးရက အာဏာကို ဆက်လက်၍ ရယူထားရေးပင် ဖြစ်သည်´ ၊  `ကုလသမဂ္ဂ အပါအဝင် နိုင်ငံတကာအသိုင်းအဝိုင်းက မြန်မာစစ်အစိုးရသည် လာမည့်ရွေးကောက်ပွဲကို အားလုံး ပါဝင်နိုင်သည့် လုပ်ငန်းစဉ် ပြုလုပ်ရန် လိုအပ်သည်ကို သဘောပေါက်လာလိမ့်မည်ဟု မျှော်လင့်ခဲ့ကြသည်´ ဟု ဆိုထားသည်။

နေ့စဉ်ထုတ် 'Times of India' သတင်းစာကြီးကမူ စကားလုံးအားဖြင့် သိပ်မပြင်းထန်လှသော်လည်း `မြန်မာနိုင်ငံ စစ်အစိုးရ ၏ မိမိဘာသာ သတ်မှတ်ထားသော ပန်းတိုင်´ ဆိုသည့် ခေါင်းကြီးတွင် စစ်အစိုးရ ကြေညာခဲ့သော ရွေးကောက်ပွဲ ဥပဒေများတွင် ဒီမိုကရေစီ ခေါင်းဆောင်နှင့် နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို ပါဝင်ယှဉ်ပြိုင်ခွင့် မပြုဘဲ ပိတ်ပင်ထားခြင်းမှာ `ကံခေလှသည့် ဖြစ်ထွန်းတိုးတက်မှုတရပ် ဖြစ်သည်´ ဟု ရေးသားသည်။

`ဗိုလ်ချုပ်ကြီးများက မြန်မာနိုင်ငံကို ပြင်ပကမ္ဘာသို့ ပိုမိုဖွင့်လှစ်ပေးလိမ့်မည်ဟု မျှော်လင့်နေချိန်တွင် ယခုလို ပြုမူလိုက်ခြင်းမှာ ကြီးမားစွာ နောက်တလှမ်း ဆုတ်လိုက်ခြင်း ဖြစ်သည်။ နယူးဒေလီ အစိုးရအနေဖြင့် မြန်မာအစိုးရကို ဒေသတွင်း သမိုင်းနောက်ပြန်လှည့်သည့် လုပ်ရပ် မလုပ်သင့်ကြောင်း ရင်းနှီးစွာ အကြံပေး ပြောကြားသင့်သည်´ ဟု ဆိုသည်။

'The Pioneer' နေ့စဉ်ထုတ် သတင်းစာကြီးကလည်း စစ်မှန်သည့် ဒီမိုကရေစီမှာ အိပ်မက်ပမာ အလှမ်းဝေးဆဲ ဖြစ်သည်ဟု  ပြောကြားကာ၊ လာမည့်ရွေးကောက်ပွဲများအပေါ် မျှော်လင့်ချက် တစုံတရာ ရှိနေသေးကြောင်းနှင့် ယခုကိစ္စတွင် အုပ်စုနှစ်စု ပေါ်ထွက်လာရာ တစုမှာ ရွေးကောက်ပွဲကို အတုအယောင်အဖြစ် ရှုမြင်ပြီး ကျန်တစုကမူ လမ်းဖွင့်ပေးခြင်းအဖြစ် ရှုမြင်ကြောင်း ယခုလ ၁ဝ ရက်နေ့တွင် သုံးသပ်ရေးသားခဲ့သည်။

`ဒီမိုကရေစီ ရွေးကောက်ပွဲတရပ်ဆိုသည်မှာ မည်မျှပင် မရိုးသားမယုံကြည်ရသည်ဖြစ်စေ မြန်မာနိုင်ငံတွင်းရှိ ဒီမိုကရေစီ အင်အားစုများအတွက် ဒီမိုကရေစီရေးတိုက်ပွဲ ဆက်လက်ဆင်နွှဲရန် အရေးပါကြောင်း သက်သေပြနိုင်သည်။ ဤတိုက်ပွဲမှာ အချိန်လည်း ကြာမည်၊ အခြား အချက်အလက်များစွာ အပေါ်လည်း မူတည်သေးသည်မှာ သံသယဖြစ်စရာ မရှိပါ။ သို့သော် စစ်အစိုးရက ဒီမိုကရေစီသွင်ပြင် တရပ်ဆီသို့ ရှေးရှုသွားလိုစိတ် ရှိနေသည့် အချက်ကမူ နိုင်ငံတကာ ဖိအားနှင့် ပြည်တွင်း ဖိအားတို့  စစ်ဗိုလ်ချုပ်ကြီးများအပေါ် ကျရောက်ခဲ့သည်ကိုမူ ပြသခဲ့ခြင်း ဖြစ်သည်´ ဟု The Pioneer က ဆိုသည်။

စစ်အစိုးရ၏ ရွေးကောက်ပွဲ ဥပဒေများ ပေါ်ထွက်လာပြီးနောက် အိန္ဒိယရှိ သတင်းစာကြီးများက ဤကဲ့သို့ ပွင့်လင်းစွာ ဝေဖန်သုံးသပ်မှုများသည် ၁၉၈၈ ခုနှစ် လူထုအုံကြွမှုကြီးတွင် မြန်မာ့ဒီမိုကရေစီရေး လှုပ်ရှားမှုကို ပြတ်သားစွာ ထောက်ခံအားပေးခဲ့သော အိန္ဒိယ၏ နိုင်ငံခြားရေးမူဝါဒ  တဆစ်ချိုးပြောင်းကာ အရှေ့မျှော်မူဝါဒဟူ၍ ကျင့်သုံးနေချိန်တွင် ပေါ်ပေါက်လာခြင်း ဖြစ်သည်။  အဆိုပါ မူဝါဒအရ အရှေ့တောင်အာရှ ကုန်းတွင်းပိုင်းဒေသများနှင့် စီးပွားရေးဆက်ဆံမှုများ ထူထောင်ရန်သာ အိန္ဒိယက ဦးစားပေးစဉ်းစားနေသည်။

အံ့အားသင့်စရာ မကောင်းသည့် အချက်တရပ်မှာမူ အိန္ဒိယသာမက မြန်မာ့အိမ်နီးချင်း နိုင်ငံများက အဆိုပါ ရွေးကောက်ပွဲ ဥပဒေများအပေါ် ရေငုံနှုတ်ပိတ်လုပ်နေခြင်းပင် ဖြစ်သည်။

သူ၏ နယ်စပ်တလျှောက်တွင် ကချင်လွတ်မြောက်ရေးတပ်မတော် (KIA)၊ ဝ' ပြည် သွေးစည်းညီညွတ်ရေး တပ်မတော် (UWSA) တို့ ကဲ့သို့သော ငြိမ်းချမ်းရေးအဖွဲ့များနှင့် စစ်အစိုးရတပ်ဖွဲ့အကြား ပဋိပက္ခများ ပြန်လည်ဖြစ်ပွားလာမည်ကို စိုးရိမ်ပူပန်နေသည့် တရုတ်နိုင်ငံကမူ နှစ်နိုင်ငံ အကျိုးတူ ပူးပေါင်းဆောင်ရွက်ရေး ဆွေးနွေးရန် ဝန်ကြီးချုပ် ဝမ်ကြားပေါင် မကြာခင် မြန်မာနိုင်ငံသို့ သွားရောက်လည်ပတ်မည့် အကြောင်းကိုသာ အတည်ပြုကြေညာခဲ့သည်။

သို့သော် ကုလအတွင်းရေးမှူးချုပ် ဘန်ကီမွန်းက ဒေါ်အောင်ဆန်းစုကြည် အပါအဝင် နိုင်ငံသားတိုင်း လွတ်လပ်စွာ ပါဝင်ခွင့်ရှိကာ အများယုံကြည်လက်ခံ၍ ပွင့်လင်းမြင်သာမျှတပြီး အားလုံးပါဝင်သော နိုင်ငံရေး လုပ်ငန်းစဉ် ပေါ်ပေါက်စေရန် မြန်မာအာဏာပိုင်များကို ပြီးခဲ့သည့်အပတ်တွင် ထပ်လောင်းပြောကြားခဲ့သည်။

မစ္စတာ ဘန်ကီမွန်း၏ ဤပြောကြားချက်သည် နှစ် ၂ဝ အတွင်း ပထမဆုံး ကျင်းပမည့် ရွေးကောက်ပွဲအတွက် ဗွေဆော်ဦး ရွေးကောက်ပွဲဥပဒေကို  မြန်မာနိုင်ငံတွင် ထုတ်ပြန်ကြေညာအပြီး ၂ ရက်မျှ အကြာတွင် ပေါ်ထွက်လာခဲ့ခြင်း ဖြစ်သည်။

'ကျနော်တို့ ရရှိထားသမျှ အချက်အလက်တွေက ညွှန်ပြနေတာကတော့ နိုင်ငံတကာက မျှော်လင့်နေတဲ့ အားလုံးပါဝင်နိုင်တဲ့ နိုင်ငံရေးလုပ်ငန်းစဉ်တရပ် လိုအပ်တယ်ဆိုတာကို သူတို့ ထည့်သွင်းစဉ်းစားထားခြင်း မပြုဘူးဆိုတဲ့ အချက်ပဲ ဖြစ်ပါတယ်´ ဟု သူက ပြောသည်။

ထို့အပြင် ဗြိတိသျှဝန်ကြီးချုပ် ဂေါ်ဒွန်ဘရောင်းကလည်း မြန်မာ့အရေး အထူးအစည်းအဝေးတရပ်ကို နယူးယောက်မြို့တွင် ကျင်းပရန် ကုလအတွင်းရေးမှူးချုပ်ကို ယခုလ ၁၆ ရက်နေ့တွင် တောင်းဆိုခဲ့သည်။

အလားတူပင် အရှေ့တောင်အာရှ အာဆီယံအဖွဲ့ဝင် ဖိလိပိုင်နိုင်ငံကလည်း အနောက်နိုင်ငံများနှင့်အတူ လက်တွဲကာ စစ်အစိုးရ၏ ရွေးကောက်ပွဲဥပဒေများကို ရှုတ်ချလိုက်သည်။ စစ်အစိုးရသည် တိုင်းပြည်တွင်းတွင် ဒီမိုကရေစီစနစ် ပေါ်ထွန်းရန် ပြုလုပ်ပါမည်ဆိုသော မိမိ၏ ကတိကို ယခုရွေးကောက်ပွဲဥပဒေများ ထုတ်ပြန်ကြေညာလိုက်ခြင်းဖြင့် ချိုးဖောက်ခဲ့သည်ဟု ဆိုသည်။