စိုးရိမ်ရသော ရောဂါစစ်တမ်း “Diagnosis: Critical” အမည်ရှိ အစီရင်ခံစာကို မြန်မာနိုင်ငံ ဆေးပညာရှင်များအသင်း BMA ၊ အမျိုးသားကျန်းမာရေးနှင့် ပညာရေးကော်မတီ NHEC ၊ နယ်လှည့်ကျောပိုးအိတ် ကျန်းမာရေးအဖွဲ့နှင့် တိုင်းရင်းသား ကျန်းမာရေးဌာနများ ပူးပေါင်းကွင်းဆင်း ပြုစုထားကာ ယမန်နေ့တွင် ထုတ်ပြန်လိုက်ခြင်း ဖြစ်သည်။
ကရင်၊ ကရင်နီ၊ မွန်၊ ရှမ်းပြည်နယ်များ၊ ပဲခူးနှင့်
တနင်္သာရီတိုင်းတို့မှ လက်လှမ်းမီသည့် လူဦးရေ ၂၇,ဝဝဝ ကျော်ကို အခြေခံလေ့လာချက်အရ ကလေးဦးရေ စုစုပေါင်း၏ ၄ဝ ရာခိုင်နှုန်း အာဟာရချို့တဲ့နေပြီး အသက် ၅ နှစ်အောက် ကလေး ၆ဝ ရာခိုင်နှုန်းသည်လည်း ကာကွယ်နိုင်သည့် ရောဂါများဖြင့် သေဆုံးကြရသည်ဟု ၂ဝဝ၈ ခုနှစ်မှ စတင်လေ့လာသည့် အစီရင်ခံစာတွင် ဖော်ပြထားသည်။“ရွှေ့ပြောင်းခံရတဲ့ ဒေသတွေက ကလေး အာဟာရချို့တဲ့နှုန်းက ၃ ဆ ပိုပြီးမြင့်နေတာ၊ လုပ်အားပေးခိုင်းတာ ခံရတဲ့ ဒေသတွေက ကလေးသေနှုန်းက ၂ ဆ ပိုမြင့်နေတာ တွေ့ရတဲ့အတွက် လက်ရှိ ကျန်းမာရေးအခြေအနေ နိမ့်ကျနေမှုနဲ့ ကျန်းမာရေး စောင့်ရှောက်မှု တန်းတူ မရတာတွေဟာ လူ့အခွင့်အရေးချိုးဖောက်မှုနဲ့ တိုက်ရိုက်ပတ်သက်နေပါတယ်” ဟု နှစ်ပေါင်း ၂ဝ ကျော် လူမှုကျန်းမာရေးလုပ်ငန်းများ ဆောင်ရွက်နေသူ မဲဆောက်အခြေစိုက် မယ်တော်ဆေးခန်း တာဝန်ခံ ဒေါက်တာစင်သီယာမောင်က မဇ္ဈိမကို ပြောသည်။
ထို့ပြင် ယင်းဒေသများရှိ ကိုယ်ဝန်ဆောင်မိခင်များအနေဖြင့်လည်း ကိုယ်ဝန်ဆောင်စဉ်မှစ၍ မွေးဖွားသည်အထိ ကာကွယ်ဆေးထိုးခြင်း၊ အရေးပေါ်အခြေအနေတွင် ဆေးရုံဆေးခန်းပို့ခြင်း စသည့် လုံခြုံစိတ်ချရသော ကျန်းမာရေး စောင့်ရှောက်မှုမျိုး မရကြဟု ဆိုသည်။
အပစ်ရပ်ဒေသအချို့အပါအဝင် ပြည်တွင်းစစ်ဖြစ်ပွားနေသော မြန်မာနိုင်ငံအရှေ့ခြမ်း ၂၁ မြို့နယ်မှ အိမ်ထောင်စုပေါင်း ၅,၇၅၄ ခု၏ စစ်တမ်းကို အခြေခံသည့် အစီရင်ခံစာအကြောင်း သတင်းစာရှင်းလင်းပွဲများ ဘန်ကောက်နှင့် မဲဆောက်တွင် ယမန်နေ့က ပြုလုပ်ခဲ့သည်။ပဲခူးတိုင်းမှ ကျောက်ကြီးနှင့် ရွှေကျင်၊ ကယားပြည်နယ်မှ ဒီမောဆို၊ လွိုင်ကော်၊ မယ်ဆယ့်၊ ဖရူးဆို၊ ကရင်ပြည်နယ်ရှိ လှိုင်းဘွဲ့၊ ကော့ကရိတ်၊ ကြာအင်းဆိပ်ကြီး၊ မြဝတီ၊ ဖာပွန်၊ သံတောင်၊ မွန်ပြည်နယ် ကျိုက်မရောနှင့် ရေး၊ ရှမ်း (တောင်ပိုင်း) ဖယ်ခုံ၊ မိုင်းတုံ၊ မိုင်းပန်၊ မိုင်းဆတ်၊ နမ့်ခမ်း (ရှမ်း/မြောက်) နှင့် တနင်္သာရီတိုင်း ရေဖြူ စသည့် မြို့နယ်များတွင် ကွင်းဆင်းခဲ့ကြသည်။
ငှက်ဖျား၊ အာဟာရချို့တဲ့ခြင်းနှင့် ဝမ်းလျှောရောဂါများ အဖြစ်များပြီး ငှက်ဖျားကြောင့် သေဆုံးရသည့် ကလေးဦးရေ အများဆုံးဖြစ်ကြောင်း သိရသည်။
အစိုးရ သုံးငွေ စုစုပေါင်း၏ ၁ ဒဿမ ၈ ရာခိုင်နှုန်းကိုသာ ကျန်းမာရေးအတွက် အသုံးပြုကြောင်း ကုလ ဖွံ့ဖြိုးတိုးတက်မှု အစီအစဉ် UNDP ၏ ၂ဝဝ၉ ခုနှစ် အစီရင်ခံစာတွင် ဖော်ပြထားသည်။ စုစုပေါင်း ၁၈၂ နိုင်ငံ အနက် မြန်မာနိုင်ငံသည် ၁၃၈ မြောက်အဆင့်တွင်သာ ရှိနေကြောင်း သိရသည်။
ကယားပြည်နယ် ကျေးလက်များတွင် ဝမ်းရောဂါ၊ အရေပြားရောဂါ၊ ငှက်ဖျား၊ အာဟာရချို့တဲ့သည့် ရောဂါ၊ လည်ပင်းကြီးရောဂါများ ဖြစ်ပွားနေကြောင်းနှင့် ဆေးပေးခန်းငယ်များ ရှိသော်လည်း ဆေးဝန်ထမ်း မရှိခြင်း၊ ဆေးမရှိခြင်းတို့ ကြုံနေရကြောင်း ကရင်နီအမျိုးသားတိုးတက်ရေးပါတီ KNPP အတွင်းရေးမှူး (၁) ခူးဦးရယ်က မဇ္ဈိမကို ပြောသည်။
“တချို့နေရာတွေမှာ ဆေးမှူးတွေကိုယ်တိုင် သူတို့ငွေနဲ့
သူတို့ ဝယ်ပြီးတော့ ကုရတာမျိုးတွေ ရှိတယ်။ အခကြေးငွေ ပြန်တောင်းတာပေါ့နော်။ တချို့ဒေသတွေမှာတော့ လုံးလုံးကို မရှိတာ” ဟု သူက ဆိုသည်။ကယားပြည်နယ်အတွင်း အများအားဖြင့် အတင်းအကျပ် လုပ်အားပေးခိုင်းခြင်း၊ သစ်ဝါးများ အခမဲ့ တောင်းခြင်း၊ ဆက်သားအဖြစ် နေ့စဉ်သတင်းပို့ရခြင်း စသည့် လူ့အခွင့်အရေး ချိုးဖောက်မှုများ ပုံမှန် ဖြစ်နေကြောင်း သိရသည်။
နယ်လှည့်ကျောပိုးအိတ် ကျန်းမာရေးအဖွဲ့မှ တာဝန်ခံ ဆရာမန်းမန်းကမူ နအဖ စစ်တပ် လက်လှမ်းမီ အုပ်ချုပ်သည့် ဒေသများတွင် အဓမ္မလုပ်အားပေးခိုင်းစေနှုန်း များနေပြီး ကရင်ပြည်နယ်ကဲ့သို့ အုပ်ချုပ်မှု နှစ်ဖက်ရှိသည့် နေရာမျိုး၌ အဓမ္မပြောင်းရွှေ့ခံရမှုများကြောင်း တွေ့ရသည်ဟု ဆိုသည်။
နအဖ က “လွတ်လပ်၍ တရားမျှတသော ရွေးကောက်ပွဲ” ကျင်းပရန် အခြေအနေမရှိဆိုပြီး ပလပ်ခဲ့သည့် နယ်မြေများကို အများဆုံးအခြေခံ စစ်တမ်းကောက်ပြီး ယခုအစီရင်ခံစာကို ရေးသားကြောင်း ဆရာမန်းမန်းထံမှ သိရသည်။
ရွေးကောက်ပွဲ ကော်မရှင်၏ ပြီးခဲ့သည့်လ ၁၆ ရက်နေ့ ကြေညာချက်အရ ရွေးကောက်ပွဲ ကျင်းပခြင်း မပြုမည့် နယ်မြေစာရင်း၌ ကချင်၊ ကယား၊ ကရင်၊ မွန်နှင့် ရှမ်းပြည်နယ်တို့မှ နယ်မြေများ ပါဝင်သည်။
0 comments:
Post a Comment