ပျံ့နှံ့နေသော တုပ်ကွေး ကာကွယ်ရေး (သို့) လက်ဆေးပါ၊ လက်မဆေးရင် အသက်ပေး ရလိမ့်မယ်

အခုဆိုရင် ဈေးတွေ မှာ ကြက်သားတွေကို လိုက်ပိတ်နေရတဲ့ အထိ
ကြက်တုပ်ကွေးတွေ ပြန်ဖြစ်နေတယ်လို့ ကြားရပါတယ်။ ရပ်ကွက်ထဲမှာလဲ
ဟိုမြို့နယ်မှာတော့ ကြက်ဥတွေ မြေမြှုပ်ပစ်လိုက်တယ်၊ ဘယ်နေရာမှာတော့
လူဘယ်နှယောက် ဖြစ်နေကြပြီ၊ ဘယ်တက္ကသိုလ်က ကျောင်းသား ဘယ်နှယောက်တောင်
ပါသေးတယ်၊ ဘယ်ဆေးရုံမှာဖြင့် ဘယ်နှယောက်တောင် ပုံနေပြီ၊ ဒီတစ်ခါ ဖြစ်တာ
ပြည်တွင်းမှာ ကူးစက်တာမို့ ပိုဆိုးတယ် စသဖြင့် အတည်ပြုလို့မရသေးတဲ့
သတင်းတွေ ပွထနေအောင် ကြားနေရပါတယ်။
ဘယ်လိုပဲဖြစ်ဖြစ် ကြားရတော့လဲ ကျွန်တော်တို့ ကာကွယ်ထားရပါမယ်။ ဒီလို
တုပ်ကွေးဗိုင်းရပ်စ် တွေဟာ လူထူထပ်တဲ့ နေရာတွေမှာ ပိုမို ကူးစက်လွယ်လို့
နေ့စဉ် လူထူထပ်တဲ့ နေရာတွေ သွားနေရတဲ့သူတွေ အထူးသဖြင့် ကိုယ်ခံအားကျနေတဲ့
အခြေအနေရှိတဲ့ သူတွေဆို ကူးစက်ဖို့ အရမ်းလွယ်ပါတယ်။ ဒါကြောင့် မဖြစ်မနေ
အပြင်ထွက်ရမယ်ဆိုသူတွေ အတွက် အဓိက ကာကွယ်ရမယ့် အချက်များကို
ဖော်ပြပေးလိုပါတယ်။
(၁)ကျွန်တော်တို့ဟာ သွားလာလှုပ်ရှားရတဲ့ ပတ်ဝန်းကျင်ရဲ့
အစိတ်အပိုင်းတွေကို မဖြစ်မနေ ထိကိုင်ရလေ့ ရှိပါတယ် (ဥပမာ ကားလက်တန်း၊
တံခါးလက်ကိုင်၊ လှေကားလက်ရန်း၊ ပိုက်ဆံ အဟောင်း/အသစ် စသည်)။ အဲဒါတွေမှာ
မမြင်နိုင်တဲ့ ရောဂါပိုးမျိုးစုံ ရှိနေတယ်ဆိုတာ မက်ဖန်ပရိသတ်များ
သိကြမှာပါ။ ဒါတွေထက်ဆိုးတာက လတ်တလော ကူးစက်ပျံ့နှံ့နေတယ် ဆိုတဲ့
လူတုပ်ကွေးဗိုင်းရပ်စ် (H1N1) ပဲဖြစ်ပါတယ်။ ဒီဗိုင်းရပ်စ်ဟာ လေထုကနေတဆင့်
အသက်ရှူလမ်းကြောင်းကနေ ရှူမိလို့ အများဆုံး ကူးစက်ရတယ်ဆိုပေမယ့် လက်ရှိ
လူထုကြား ရောဂါပျံ့နှံ့မှု ဆိုင်ရာ လေ့လာချက်များအရ လက်ကနေကူးစက်မှုက
ဒုတိယ အများဆုံး လိုက်နေတယ်လို့ သိရပါတယ်။

ဘယ်လိုကူးတာလဲ ဆိုတော့ ခုနလို လူအများနဲ့ဆိုင်တဲ့ နေရာတွေက ပစ္စည်းတွေ
ပေါ်မှာ ဒီပိုးတွေဟာ လူနာဆီက တစ်နည်းနည်းနဲ့ (ဥပမာ ဝေဒနာရှင်က
ချောင်းဆိုး၊ နှပ်ညှစ်ထားလို့) ရောက်ရှိနေတယ်ဆိုရင် ကျွန်တော်တို့ရဲ့
လက်မှာ အသာလေး ကပ်ပါလာပြီး နှာခေါင်း၊ ပါးစပ်တို့ကနေ အသာလေး ကူးစက်
ဝင်ရောက်နိုင်တာမို့ အရမ်းသတိထားသင့်တဲ့ အချက်ဖြစ်ပါတယ်။
လူတိုင်းဟာ အပြင်မှာ ထိလာကိုင်လာတဲ့ လက်တွေကို ၀မ်းရောဂါ၊ အသည်းရောင်
အသားဝါ B, C စတာတွေ ကြောက်လို့ အစာမစားခင် လက်ဆေးရမယ် ဆိုတာတော့
သိကြပေမယ့် အဲလို လက်မဆေးသေးခင် မိမိမျက်နှာ နှုတ်ခမ်း ခံတွင်း မျက်လုံး
စတာတွေကို ထိကိုင်ပွတ်သပ်မိလို့ တုပ်ကွေးဗိုင်းရပ်စ်တွေ
ကူးစက်ခံရတတ်တယ်ဆိုတာတော့ ယောင်လို့တောင် တွေးမိကြမယ် မထင်ပါဘူး။
တုပ်ကွေးစဖြစ်တဲ့ နိုင်ငံတွေကနေ တခြားနိုင်ငံတွေကို ပျံ့နှံ့တဲ့
နည်းလမ်းတွေထဲမှာ လေဆိပ်ကနေ ပျံ့စေတာက အရမ်း မြန်ဆန်လွန်းပါတယ်။
ဘာလို့လဲဆိုတော့ လေကြောင်းခရီးကနေ ပါလာတဲ့ ရောဂါရှိသူ တစ်ယောက်ယောက်ဟာ
အများသုံး အိမ်သာ တံခါး၊ အများသုံး အင်တာနက် စတာတွေကို ချောင်းဆိုးတာ
အုပ်ထားတဲ့လက်နဲ့၊ နှပ်ညှစ်ထားတဲ့ လက်နဲ့ စသဖြင့် ကိုင်မိမယ် ဆိုရင်
နောက်ထပ် လာကိုင်သမျှသော သူတွေကို သေချာပေါက် ကူးစက်စေမှာ ဖြစ်ပါတယ်။
လက်ရှိ ကမ္ဘာ့ကပ်ရောဂါတွေ ဖြစ်လာနေကြတဲ့ ကြက်တုပ်ကွေး၊ ၀က်တုပ်ကွေး၊
လူတုပ်ကွေး တုပ်ကွေးအမျိုးအစားပေါင်းစုံဟာ ခရီးသွားနှုန်း
အရမ်းမြင့်မားတဲ့ ဥရောပနဲ့ အမေရိကတိုက်တွေမှာ
နိုင်ငံဖြတ်ကျော်ပျံ့နှံ့မှု အရမ်း မြန်ဆန်ရခြင်း ဖြစ်ပါတယ်လို့
မကြာသေးမီကမှ အင်္ဂလန်က ပြန်လာတဲ့ ကျွန်တော့်ရဲ့ ဆရာမ အထူးကုဆရာဝန်ကြီး
တစ်ဦးက Mutdfan.com သို့ ရှင်းပြပေးသွား ခဲ့ပါတယ်။

ဒီလို အပြင်က ပြန်လာတာနဲ့ လက်ဆေးတဲ့အကျင့်၊ အိမ်ပြန်မရောက်သေးသော်လဲ
တစ်ခုခု ကိုင်ပြီးတာနဲ့ လက်ဆေးတဲ့အကျင့်ကို စွဲမြဲနေအောင် ထားမယ်ဆိုရင်
ဒီလိုတုပ်ကွေးတွေက အစ ရာသီပေါ် အအေးမိ တုပ်ကွေး တွေကိုပါ ကာကွယ်ပြီးသား
ဖြစ်သွားပါလိမ့်မယ်။ hand gel လို့ခေါ်တဲ့ ရေပြန်ဆေးစရာမလို
လက်သုတ်စရာမလိုတဲ့ လက်ဆေးဆေးရည်လေးများ ဆိုင်တွေ စူပါမားကတ်တွေမှာ
ဝယ်လို့ ရနေပါပြီ။ ဒါလေးတွေဟာ လွန်စွာကောင်းမွန်တဲ့ အကျင့်ဖြစ်လို့ ယနေ့
စသင့်ပါပြီ။

(၂)အိပ်ရေးပျက်ကို တတ်နိုင်သမျှ မခံပါနဲ့။ အထူးသဖြင့် လူတစ်ယောက်ဟာ
မိမိရဲ့ ပုံမှန်အိပ်ချိန်ထက် ၄နာရီနောက်ကျခြင်းကို ဆိုးဆိုးဝါးဝါး
အိပ်ရေးပျက်ခြင်းလို့ သတ်မှတ်နိုင်ပါတယ်။ ဒီလို အိပ်ရေးပျက်ပြီး နောက်နေ့
လူထူထပ်တဲ့ နေရာသွားရမယ်ဆိုရင် တကယ်တမ်းသာ ကျန်းမာရေး ဂရုစိုက်ရင်
(လူတုပ်ကွေး ပျံ့နှံ့နေတဲ့ အချိန် မဟုတ်ပေမယ့်လဲ)
နှာခေါင်းစီးမျက်နှာဖုံး တပ်သွားသင့် ပါတယ်။ တကယ်တမ်းတော့
အကြောင်းအမျိုးမျိုးကြောင့် မတပ်ဖြစ်တာ များပါတယ်။
(၃)အဲလို မျက်နှာဖုံး တပ်သွားမယ် ဆိုရင်လဲ မိမိလက်နဲ့
တစ်ခါကိုင်ချွတ်ပြီးရင် ပြန်မတပ်ရတော့ပါဘူး။ ဒါဟာ ရောဂါပိုးတွေ လက်ကနေ
လေထုထဲကနေ မျက်နှာဖုံးရဲ့ မိမိရှူမယ့် ဘက်ကို ကပ်ငြိသွားစေလို့
အန္တရာယ်ရှိပါတယ်။ ဒီလိုချွတ်မိမယ် ဆိုရင်လဲ အဲဒီမျက်နှာဖုံးကို
စွန့်ပစ်ပြီး အသစ် တစ်ခု ပြန်တပ်ပြီး သုံးသင့် ပါတယ်။ နို့မို့ တစ်နေကုန်
လက်က ဟိုကိုင်လိုက် ဒီကိုင်လိုက်၊ ဒီမျက်နှာဖုံးတစ်ခုထဲ ချွတ်လိုက်
တပ်လိုက်ဆို ရောဂါသာ ရန်ကုန်မှာ တကယ်ပျံ့နေမယ်ဆိုရင် သေချာပေါက်
ကူးမှာပါပဲ။
(၄)တုပ်ကွေးပိုး စတဲ့ ရောဂါတော်တော်များများ ကိုကာကွယ်ဖို့ ဗိုက်တာမင်စီ
ချို့တဲ့လို့ မဖြစ်ဘူး ဆိုတဲ့အသိ လူတော်တော်များများမှာ ရှိကြပါတယ်။
ဒီနေ့ခေတ်မှာလဲ ဗိုက်တာမင်စီ သီးသန့်ပါဝင်တဲ့ ဈေးကြီးတဲ့ဆေးတွေ
ဈေးကွက်ထဲမှာ နေရာရနေတာကို ကြည့်ရင် လူထုရဲ့ အခြေခံကျန်းမာရေးအသိ
တိုးတက်လာနေပြီလို့ ဆိုနိုင်ပါတယ်။ ဒါပေမယ့် တကယ့် ပြည်တွင်း ပြည်ပ
ကျန်းမာရေး အလိုအရ ကိုယ်ခံအားစနစ် ကောင်းသူတွေ ဖြစ်ချင်ရင် ဗိုက်တာမင်စီ
တစ်ခုတည်း ဖြည့်ရုံနဲ့တော့ မရဘူးလို့ ဆိုပါတယ်။ လွယ်လွယ်ပြောရင်
အသီးအရွက်စုံ စားမှ ဗိုက်တာမင် မျိုးစုံရပြီး ရောဂါမျိုးစုံ ကာကွယ်နိုင်
လောက်တဲ့ ခန္ဓာကိုယ်တွင်း ခုခံအားစနစ် (Body Defense Mechanism)
ကိုရရှိမှာ ဖြစ်ပါတယ်။ (သဘာဝ ဗိုက်တာမင်မဟုတ်တဲ့ အားဆေးတွေထဲက
ဗိုက်တာမင်တွေမှာ အဲဒီအစွမ်း သိပ်မရှိဘူးလို့ ဆိုပါတယ်။ ဒါကြောင့်
အသီးအရွက်တွေကိုပဲ အားကိုးသင့်ပါတယ်)
(၅)နောက်ပြီး အားလုံး သိကြတဲ့အတိုင်း ကလေးငယ်များ၊ သက်ကြီးရွယ်အိုများ၊
ရောဂါတစ်ခုခု ခံစားနေရသူများ စသဖြင့်တွေဟာ ကိုယ်ခံအားစနစ်
မကောင်းတဲ့အတွက် တုပ်ကွေး ဖြစ်ဖို့ အရမ်းလွယ်ပါတယ်။ ဒါ့အပြင် ၃လအတွင်း
ဝက်သက်ပေါက်ဖူးသူတွေ၊ ဆေးလိပ်သောက်သူတွေ၊ အိပ်ရေးပျက်လွန်းသူတွေ၊
အသီးအရွက်မစားတဲ့သူတွေ၊ အ၀လွန်သူတွေ ဟာလဲ ရောဂါပိုးနဲ့တွေ့ရင် သေချာပေါက်
အကူးခံရမယ့်သူတွေ ဖြစ်ပါတယ်။
အကြောင်းရင်းကတော့ ၀က်သက် တစ်ခါ ပေါက်ပြီးရင် ၃လကျော်မှ ပုံမှန်
ကိုယ်ခံအားစနစ် အခြေအနေကို ပြန်ရရှိတာမို့ပါ။ ဆေးလိပ်သောက်သူတွေရဲ့
လေပြွန်တွေ၊ လေမြွှာအိတ်တွေရဲ့ မျက်နှာပြင်တွေဟာ ခုခံစွမ်းအား လုံခြုံမှု
မကောင်းဘဲ တုပ်ကွေးပိုးက အလွယ်တကူ ဖောက်ထွင်းသွားနိုင်လို့ ဖြစ်ပါတယ်။
အ၀လွန်သူတွေကတော့ သူတို့ရဲ့ ကိုယ်ခံအားစနစ်ဟာ အမြဲတမ်းလိုလို
ပုံမှန်အောက်ကို ရောက်နေလို့ ဖြစ်ပါတယ်။
(ဒီဆောင်းပါးပါ အချက်တွေဟာ တုပ်ကွေးကာကွယ်နည်းများရဲ့ လူသိနည်းတဲ့
ထူးထူးခြားခြား အကြောင်းလေးများ ဖြစ်ပါတယ်။ ဒီမှာ ကျန်ရှိနေသေးတဲ့
အချက်တွေကတော့ နိုင်ငံပိုင် သတင်းစာ၊ ရေဒီယို စတဲ့ မီဒီယာများမှ
ထုတ်ပြန်တဲ့ ကျန်းမာရေးဝန်ကြီးဌာနရဲ့ ကြေငြာချက်များ အတိုင်း ဖြစ်ပါတယ်)
Last Updated at 2010-02-12 on 01:19:14 Written by : သီဟသစ်(ဆေး-၂) Mutdfan.com