မြန်မာနိုင်ငံသည် အရှေ့တောင်အာရှတွင် ငှက်ဖျားရောဂါဖြစ်ပွားမှု အများဆုံးနိုင်ငံဖြစ်

ကမ္ဘာ့ကျန်းမာရေးအဖွဲ့ (WHO) ကထုတ်ပြန်သော စာရင်းများအရ အရှေ့တောင်အာရှနိုင်ငံများတွင် မြန်မာနိုင်ငံ သည် ငှက်ဖျားရောဂါဖြစ်ပွားမှု အများဆုံးနိုင်ငံဖြစ်ကြောင်း သိရသည်။ ၂၀၁၀ ပြည့်နှစ် အစီရင်ခံစာတွင် ဖော်ပြထားခြင်းဖြစ်ပြီး ယခင်က အဖြစ်အများဆုံးဖြစ်သည့် အရှေ့တီမော်နိုင်ငံကိုပါ ကျော်လွန်၍ တွေ့ရှိနှုန်း တဖြည်းဖြည်း မြင့်တက်လာခြင်းဖြစ်ကြောင်း ရန်ကုန်ဆေးရုံကြီးမှ ပါမောက္ခတစ်ဦးက ပြောသည်။ “အရင်တုန်းက ငှက်ဖျားဆိုရင် ကိုယ့်ဘာသာကိုယ် အပြင်မှာကုသကြတာ များတယ်။ အခုတော့ ကျန်းမာရေးဌာနတွေ သာမက အဖွဲ့အစည်းတွေကပါ ကုသပေးနေတော့ လာကုသတဲ့သူတွေများလာတဲ့အတွက် အဲဒီစာရင်းတွေကြည့်ပြီး ထုတ်ပြန်တဲ့အခါ မြန်မာနိုင်ငံက အဖြစ်အများဆုံး ဖြစ်လာတာထင်ပါတယ်” ဟု အဆိုပါ ဆရာဝန်က ပြောသည်။ ငှက်ဖျားရောဂါသည် မြန်မာနိုင်ငံ၏ ဦးစားပေးစောင့်ကြည့်သည့် ရောဂါများစာရင်းတွင် နံပါတ်တစ် ရောဂါဖြစ်ပြီး ယခင်က ရန်ကုန်၊ မန္တလေးနေရာများသည် ငှက်ဖျားရောဂါဖြစ်ပွားမှု မရှိသည့်နေရာများအဖြစ် ကြေညာထားရာမှ ယခုတစ်နှစ်၊ နှစ်နှစ်အတွင်း ပြောင်းလဲလာသော လူနေမှုပုံစံများကြောင့် ထိုနေရာများတွင်ပါ ငှက်ဖျားရောဂါ ဖြစ်လာကြောင်း သိရသည်။ “အရင်က ငှက်ဖျားရောဂါဖြစ်တဲ့ပုံစံနဲ့ စမ်းသပ်ချက်တွေအရ မှန်းပြီးကုသခဲ့ရတာ။ အခုတော့ ၁၅ မိနစ်နဲ့ အဖြေသိနိုင်မယ့် စက်တွေရှိနေပါပြီ။ အရင်က မှန်းပြီးကုခဲ့ရတုန်းကဆိုရင် လေးယောက်မှာ တစ်ယောက်လောက်ပဲ မှန်ခဲ့တာဖြစ်တဲ့အတွက် မလိုလားအပ်တဲ့ ဆေးယဉ်ခြင်းတွေလည်း ဖြစ်ပွားကြတယ်” ဟု အဆိုပါ ဆရာဝန်က ပြောသည်။ ယခင်က ရက်ရှည်ကုသခဲ့ရာမှ ယခုအခါ ဆေးပေါင်းကုထုံးဖြင့် ကုသချိန် သုံးရက်သာ ကြာမြင့်ပြီး ကျန်းမာရေးဦးစီးဌာနရှိ ကျန်းမာရေးမှူးများအထိနှင့် အင်န်ဂျီအို အဖွဲ့အစည်းများတွင်ပါ ငှက်ဖျားရောဂါကို အခမဲ့ကုသနိုင်ကြောင်း သိရသည်။ ကျန်းမာရေးဦးစီးဌာနမှ ထုတ်ပြန်သော ငှက်ဖျားရောဂါဖြစ်ပွားမှု စာရင်းမှာ ဆေးရုံ၊ ဆေးခန်းသို့ တက်ရောက်ကုသသော လူနာအရေအတွက်ဖြစ်ပြီး WHO မှ ထုတ်ပြန်သောစာရင်းမှာ ဆေးရုံဆေးခန်းသို့လာရောက်ကုသသော လူနာများသာမက လူမှုရေးအဖွဲ့အစည်းများ၊ NGO များမှ ကုသပေးသော စာရင်းများပါဖြစ်၍ လူနာအရေအတွက် ကွာခြားကြောင်း အဆိုပါ ဆရာဝန်က ဆက်လက်ပြောကြားခဲ့သည်ဟု ၂၀၁၀ ခုနှစ် စက်တင်ဘာလ ၂ ရက်နေ့ထုတ် 7 Day News ဂျာနယ်တွင် ဖော်ပြထားပါသည်။

စစ်အစိုးရ၏လုပ်ကြံဝါဒဖြန့်ဇာတ်ကားတွင် သရုပ်ဆောင်သူကို ဆန်ဖရန်စစ္စကိုက ကန့်ကွက်ဆန္ဒပြမည်

စက်တင်ဘာ ၃ နေ့စွဲ၊ ဆန်ဖရန်စစ္စကိုအချိန် နံနက်ခင်းတွင် လက်ခံရရှိသော သတင်းအရ မနက်ဖြန် ညနေ ၆ နာရီ ဆောက်သ်ဆန်ဖရန်စစ္စကို Unified School District ခန်းမမှာ ကျင်းပမယ့် မြန်မာစတိတ်ရှိုးကို မြန်မာ့အရေး လှုပ်ရှားသူ ဒီမိုကရေစီအင်အားစုများက ကန့်ကွက်ဆန္ဒပြမယ်လိ်ု့ ထုတ်ပြန်ကြေညာလိုက်ပါတယ်။

         စစ်အစိုးရရဲ့ လုပ်ကြံဝါဒဖြန့်ဇာတ်ကားမှာ ပါဝင်သရုပ်ဆောင်သူ ပါဝင်တဲ့အတွက် မြန်မာပြည်သူတွေရဲ့ ဒီမိုကရေစီရေးလှုပ်ရှားမှု သမိုင်းဖြစ်ရပ်မှန်တွေကို သိမ်ဖျင်းနိမ့်ကျအောင် သရုပ်ဆောင်တဲ့ လုပ်ရပ်ကို မိမိတို့က လက်မခံကြောင်း၊ ရှုတ်ချကြောင်း ထုတ်ဖော်တာ ဖြစ်တယ်၊ သမိုင်းမှတ်တမ်း အထောက်အထားဖြစ်အောင်လည်း တရားဝင်စာထုတ်ပြန်ပြီးလည်း ကန့်ကွက်တယ်လို့ ဆိုပါတယ်။

ထိုထုတ်ပြန်ချက်နဲ့ အတူ အယ်လ်အေသြဂနိုက်ဇာ ဒီမိုကရေစီရေးလှုပ်ရှားသူအဖွဲ့ကလည်း သဘောထားကြေညာချက် ပူးတွဲပြီး ထုတ်ပြန်ထားတာကို တွေ့ရပါတယ်။ အယ်လ်အေမှာလည်း အဆိုပါ ပွဲစီစဉ်သူများက စတိတ်ရှိုးကျင်းပမှာ ဖြစ်ပြီး၊ အဆိုပါ သရုပ်ဆောင်တော့ ပါဝင်ကပြမှာ မဟုတ်ဘူးလို့ ငြင်းချက် ထုတ်ထားပါတယ်။

ဆန်ဖရန်စစ္စကိုပွဲ စီစဉ်သူ ကိုချစ်ခင်က ဧရာဝတီသတင်းဌာနကို ပြောကြားရာမှာ မိမိတို့ပွဲမှာ ထိုသရုပ်ဆောင်ပါဝင်ကြောင်း၊ အနုပညာသည်တွေကို အခုလိုမျိုး မလုပ်သင့်ကြောင်း၊ မိမ်ိတို့ကတော့ စီစဉ်ထားတဲ့အတိုင်း ဆက်လုပ်မှာပဲလို့ ဆိုထားပါတယ်။

အယ်လ်အေနဲ့ ဆန်ဖရန်ဘေးဧရိယာက မြန်မာဒီမိုကရေစီရေး လှုပ်ရှားသူအသိုင်းအ၀န်း ၂ ခု စလုံးရဲ့ ကြေညာချက်မှာ မိမိတို့ ကန့်ကွက်ရှုတ်ချတာ၊ ဆန္ဒပြတာဟာ လူပုဂ္ဂိုလ်စွဲပြီး လုပ်တာမဟုတ်၊ အာဏာရှင်ရဲ့ လုပ်ရပ်ကို ဦးတည်တာဖြစ်တယ်၊ အနာဂတ်မျိုးဆက်တွေအတွက် သမိုင်းမှန်တွေကို သိရှိနိုင်စေရေးကို ရည်ရွယ်တယ်လို့ ပြောထားပါတယ်။

နောက် ကန့်ကွက်ရှုတ်ချချက်တခုကတော့ - ယခင်အတိတ်ကာလက မြန်မာပြည်ရဲ့ ဒီမိုကရေစီရေးလှုပ်ရှားမှုမှာ တက်ကြွစွာ လှုပ်ရှားခဲ့ကြသူအချို့ကိုယ်တိုင်က အခုလို ဆန်ဖရန်ပွဲစီစဉ်သူတွေထဲမှာ ပါဝင်နေတဲ့အတွက် စစ်အစိုးရအားပေးတဲ့ ၀ါဒဖြန့်ကားရိုက်သူတွေကို စတိတ်ရှိုးပွဲသွင်းတဲ့လုပ်ရပ်ဟာ မြန်မာပြည်ဒီမိုကရေစီရေးရဲ့ သမိုင်းစာမျက်နှာ၊ ယခုအချိန်ထိ စစ်အာဏာရှင်များကို တိုက်ပွဲဝင်နေသူတွေ၊ ကျဆုံးခဲ့သူတွေ၊ ထောင်သွင်း အကျဉ်းချခံနေရသူတွေရဲ့ မျက်နှာကို မထောက်ထားရာ ရောက်တယ်လို့ ဝေဖန်နေကြပါတယ်။

သူတို့ထုတ်ဝေတဲ့ ကြေငြာချက်တွေကို သည်နေရာမှာ ရယူပါ။

(အယ်လ်အေ ကြေငြာချက်)

https://docs.google.com/viewer?a=v&pid=sites&srcid=ZGVmYXVsdGRvbWFpbnxtb2VtYWthMjAxMHxneDoyOWUxYTkxODdkNGExZmVk

(ဆန်ဖရန်ကြေငြာချက်)

https://docs.google.com/viewer?a=v&pid=sites&srcid=ZGVmYXVsdGRvbWFpbnxtb2VtYWthMjAxMHxneDo2MmUwYjZiZDVkN2ZmYWU5

စနေနေ့ ဆန္ဒပြပွဲကို မည်သူမဆို လာရောက် နိုင်တယ်လို့ ဖိတ်ခေါ်ထားပါတယ်။ ဆန်ဖရန်ဘေးဧရိယာက BADA အဖွဲ့၊ BAWA အဖွဲ့၊ NLD – LA နဲ့ သုံးရောင်ခြယ် လူငယ်များ စတဲ့ ဒီမိုကရေစီရေးတက်ကြွလှုပ်ရှားသူများ က စုဝေးစီစဉ်ပြီးတော့ ဆန္ဒပြကြမှာ ဖြစ်ပါတယ်။

ဆန်ဖရန်စစ္စကိုမြို့တွင် ဆန္ဒပြမည့် အစီအစဉ်က ဒီလိုပါ။
အချိန်   ။       ။ ညနေ(၅:၃၀)နာရီမှ (၆:၃၀)နာရီအထိ
နေ့ရက် ။       ။ စက်တင်ဘာလ(၄)ရက် (စနေနေ့)
နေရာ   ။       ။ South San Francisco Unified School District
                     398, B Street, South San Francisco, CA  94080
ဆက်သွယ်ရန်။        ။ ကိုစိန်ထွန်း (၆၅၀ ၃၈၇ ၆၈၉၄)၊ ကိုမိုးကျော် (၆၅၀ ၈၃၄ ၀၁၈၄)၊ကိုနေလင်း (၄၁၅ ၃၆၈ ၃၉၁၄)

(ဓာတ်ပုံ - ယခင် သြဂုတ် ၂၈က မင်နီဆိုးတားတွင် ဆန္ဒပြခဲ့စဉ်က ပြည်သူတို့ ကိုင်သည့် ပိုစတာများ၊ (ဓာတ်ပုံ ခွန်မျိုး၊ အင်တာနက်)

 

ရင်းမြစ်။ ။မိုးမခ

ပြည်သူ့လွှတ်တော်အဆင့်ဆင့်ဖွဲ့စည်းပုံ

From Myanmar Election 2010

GSM နှင့် CDMA ဖုန်းလိုင်းများတွင် အင်တာနက်သုံးစွဲနိုင်တော့မည်

 ဂျီအက်စ်အမ်နှင့် စီဒီအမ်အေ မိုဘိုင်းဖုန်းလိုင်းများတွင် ဒေတာဖြတ်သန်းစီးဆင်းပြီး အင်တာနက်သုံးစွဲနိုင်ရန် အစိုးရပိုင် မြန်မာ့ဆက်သွယ်ရေးလုပ်ငန်းက စမ်းသပ်လျက်ရှိရာ စမ်းသပ်မှုအောင်မြင်ပါက အများပြည်သူသို့ သုံးစွဲခွင့်ပြုမည်ဖြစ်ကြောင်း မြန်မာ့ဆက်သွယ်ရေးလုပ်ငန်း၊ သတင်းအချက်အလက်နှင့် နည်းပညာဌာန၊ တာဝန်ရှိသူတစ်ဦးကပြောကြားသည်။ "ငါးသိန်းတန်ဖုန်းလိုင်း၊ ၁၅ သိန်းတန်ဖုန်းလိုင်းရယ်လို့ မဟုတ်ဘူး။ စမ်းသပ်မှုအခြေအနေ ကောင်းမွန်တဲ့လိုင်းကို အရင်ပေးသုံးသွားမှာပါ။ ဂျီအက်စ်အမ်လိုင်းတွေရော၊ စီဒီအမ်အေလိုင်းတွေရောပါတယ်။ Data ဖြတ်သန်းနိုင်မှုကို စမ်းသုံးနေတယ်။ ဘယ်ဖုန်းလိုင်းမှာရမယ်၊ ဘယ်တော့လောက်ရမယ်ဆိုတာတော့ မသိသေးဘူး" ဟု၎င်းကပြောသည်။ ထိုကဲ့သို့ မိုဘိုင်းဖုန်းလိုင်းမှတစ်ဆင့် အင်တာနက်သုံးစွဲခြင်းကို EVDO နည်းပညာအပေါ်အခြေခံ၍ ဆောင်ရွက်ခြင်းဖြစ်ပြီး အသံနှင့် ဒေတာ နှစ်မျိုးလုံးကို ဖုန်းလိုင်းပေါ်မှတဆင့် သယ်ဆောင်အသုံးပြုခွင့် ပေးခြင်းဖြစ်သည်။ သို့ရာတွင် အဆိုပါဝန်ဆောင်မှုကိုရရှိရန် မည်ကဲ့သို့လျှောက်ထားရမည်နှင့် မည်မျှကုန်ကျမည်ဆိုသည့် အချက်များကို ထုတ်ဖော်ပြောဆိုခြင်းမရှိပေ။ မိုဘိုင်းဖုန်းများတွင် အင်တာနက်သုံးစွဲခြင်းနှင့်ပတ်သက်၍ လူကြီးမင်းဖုန်းဆိုင်မန်နေဂျာ ဦးကိုကိုအောင်က "အခု မိုဘိုင်းဖုန်းတွေမှာ အင်တာနက်သုံးနိုင်တယ်ဆိုတာက ဖုန်းလိုင်းပေါ်ကနေ မဟုတ်ပါဘူး။ ၀ိုင်ဖိုင်သုံးတဲ့နေရာမျိုးတွေမှာ ၀ိုင်ဖိုင်ဖမ်းယူနိုင်တဲ့ လက်ကိုင်ဖုန်းတွေကတဆင့် အသုံးပြုနေကြတဲ့သဘောပါ။ ဒါပေမယ့်လည်း ကွန်နက်ရှင်က အရမ်းနှေးပါတယ်" ဟုပြောသည်။ ထိုကဲ့သို့ မိုဘိုင်းဖုန်းပေါ်မှတဆင့် အင်တာနက်သုံးစွဲနိုင်ပါက e-Commerce စနစ် ပေါ်ပေါက်လာမှုအတွက် ကောင်းမွန်သော အဆင့်တစ်ခုဖြစ်ပေါ်လာနိုင်မည်ဖြစ်ပြီး မိုဘိုင်းဖုန်းအသုံးပြု၍ အွန်လိုင်းမှတဆင့် ကုန်သွယ်မှုများကို ဘဏ်များနှင့် ချိတ်ဆက်လုပ်ကိုင်နိုင်မည်ဖြစ်ကြောင်း သိရသည်။

Written By - မြင့်ကျော်လှိုင် Credit - Internet Journal, Vol(11) issue(33)

နိုင်ငံ့ဝန်ထမ်း ခြွင်းချက်နှင့် ပတ်သက်၍…

ဝန်ကြီးချုပ်နှင့် ၀န်ကြီးများသည် နိုင်ငံ့ဝန်ထမ်းမဟုတ်ဟု ရွေးကောက်ပွဲကော်မရှင်က ဆိုလေသည်။

 

“..ကော်မရှင်က လက်မခံရင် ပြည်သူ လူထု အတွင်း ဖော်ထုတ် ကန့်ကွက် ရှုတ်ချ ရမယ်..”

ပြည်သူ့လွှတ်တော်   ရွေးကောက်ပွဲ ဥပဒေ၊ အမျိုးသား လွှတ်တော် ရွေးကောက်ပွဲ ဥပဒေ၊ တိုင်းဒေသကြီး လွှတ်တော် (သို့မဟုတ်) ပြည်နယ် လွှတ်တော် ရွေးကောက်ပွဲ ဥပဒေ ...သုံး မျိုးစလုံးမှာ  .....ပုဒ် မ (၁၀) အောက် ပါ ပုဂ္ဂိုလ်များသည်  ရွေးကောက်ပွဲတွင် ရွေးကောက် တင်မြှောက်ခံပိုင်ခွင့်  မရှိစေ ရ...ဆိုပြီး  (က) (ခ) (ဂ) တွေနဲ့ ဖော် ပြ ရာမှာ...(ဋ) နိုင်ငံ့ ၀န်ထမ်း..ဆိုတာလည်း

ပါ ပါတယ်။ တဆက်တည်း   ခြွင်းချက်လည်း  ပါ ပါတယ်။

ခြွင်းချက် -----  ယင်းစကားရပ်သည်  ဖွဲ့စည်းပုံအခြေခံ ဥပဒေအရ   ဖွဲ့ စည်းသော လွှတ်တော်များတွင်  ရွေးချယ် ခန့်ထားခြင်း ခံရသည့်  တပ်မတော်သား လွှတ်တော် ကိုယ်စားလှယ်များနှင့် လည်းကောင်း ၊ လွှတ်တော်များရှိ အဖွဲ့အစည်း များတွင် ရွေးချယ် ခန့်အပ်ခြင်းခံ ရသည့်  နိုင်ငံ့ဝန်ထမ်းများနှင့် လည်းကောင်း မသက်ဆိုင် စေရ ...... လို့ ပါပါတယ်။

 ဒီ စကားရပ် အရ  လွှတ်တော် မရှိသေးတဲ့  ယခု ကာလမှာ ရှိနေတဲ့  ၀န်ထမ်းတွေဟာ   အထက်ပါ ခြွင်းချက် နဲ့ ဘယ်လိုမှ မသက်ဆိုင်ဘူး ဆိုတာ ရှင်းနေပါတယ် ။  ဒါပေမဲ့ ... အတည် မဖြစ်သေးတဲ့  ၂၀၀၈ ဖွဲ့စည်းပုံ အခြေခံ ဥပဒေ   မူကြမ်း က...အခန်း(၄) ဥပဒေ ပြုရေး အောက်က  ပုဒ်မ (၁၂၁) - - အောက်ပါ ပုဂ္ဂိုလ် များ သည်  ပြည်သူ့ လွှတ်တော် ကိုယ်စားလှယ် အဖြစ် ရွေးကောက် တင်မြှောက်ခံပိုင်ခွင့်   မရှိစေ ရ ... ဆိုတဲ့ အောက်က ပိုဒ် ခွဲ (ည)  မှာ လည်း .. နိုင်ငံ့ ၀န်ထမ်း  ဆိုတာ ပါလာပြန်ပြီး  ခြွင်းချက်ကလည်း   ဆက်ပါ လာပါတယ်။

ခြွင်းချက် -------   ယင်း စကားရပ်သည်  ဖွဲ့ စည်းပုံ အခြေခံ ဥပဒေ အရ ဖွဲ့စည်း သော  လွှတ်တော်များ နှင့်  အဖွဲ့ အစည်းများတွင်  ရွေးချယ် ခန့်အပ်ခြင်း ခံ ရသည့်   တပ်မတော်သားများ  အပါအ၀င်   နိုင်ငံ့ဝန်ထမ်းများနှင့်  မသက်ဆိုင် စေ ရ   ...  လို့ ပါပြန် ပါတယ်။

                 

ရွေးကောက်ပွဲ ကော်မရှင်က ထုတ်တဲ့  လွှတ်တော် သုံးမျိုး ဥပဒေရဲ့ နိုင်ငံ့ဝန်ထမ်း ခြွင်းချက် နဲ့   ဖွဲ့စည်းပုံ အခြေခံ ဥပဒေ က နိုင်ငံ့ဝန်ထမ်း ခြွင်းချက်  နှစ်ခုဟာ    တူသယောင်နဲ့ ကွဲလွဲချက် ရှိနေတာ   သေသေချာချာ  ဖတ်ရင် တွေ့နိုင်ပါတယ်။

                 

လွှတ်တော် များ နှင့် အဖွဲ့အစည်းများတွင်... ဆိုတာနဲ့ လွှတ်တော် များရှိ အဖွဲ့အစည်း များ တွင် ဆိုတာ  မတူပါဘူး။  လွှတ်တော်များနှင့် အဖွဲ့အစည်းများ  ဆိုတာက လွှတ်တော်ထဲမှာရော  အပြင်မှာရော လို့

ကျယ်ပြန့်မှု ပါပေမဲ့  လွှတ်တော်များရှိ အဖွဲ့အစည်းများ ဆိုတာက   လွှတ်တော်ထဲ နှင့်သာ ဆိုင်ပါတယ်။ တကယ် လက်တွေ့ မှာ  အများကြီး ခြားနားသွားနိုင်ပါတယ်။

  ၂၀၀၈ ဖွဲ့စည်း အုပ်ချုပ်ပုံ မူကြမ်း   အခန်း(၁၄)

ကူးပြောင်းရေးကာလ  ပြဋ္ဌာန်းချက် များ

ပုဒ်မ  ၄၄၃

ဤ ဖွဲ့ စည်းပုံ  အခြေခံ ဥပဒေ  အာဏာ တည်သည့်နေ့ မတိုင်မီ နိုင်ငံတော် အေးချမ်းသာယာရေး နှင့် ဖွံ့ဖြိုးရေး ကောင်စီက ဖွဲ့စည်းပုံ အခြေခံ ဥပဒေ အကောင်အထည် ဖော်ရေးအတွက် ကြိုတင် ဆောင်ရွက်သည့်  လုပ်ငန်းရပ်များသည်  ဤ ဖွဲ့စည်းပုံ အခြေခံ ဥပဒေ အရ  ဆောင်ရွက်သည်ဟု မှတ်ယူရမည်။ ......ဆိုတဲ့  အပိုဒ် ရဲ့ ဆိုလိုချက်ဟာ    သူ့  ဖွဲ့စည်းပုံ ထဲမှာပါတဲ့ .... ပုဒ်မ (၁၂၁) ရဲ့ ပုဒ်မခွဲ (ည) ပါ  ခြွင်းချက် ကို ခြုံငုံမိပါတယ်။ လွှတ်တော်များနှင့်  အဖွဲ့အစည်းများတွင် ဆိုတဲ့  စကားရပ်ကို ခြုံငုံ မိပါတယ်။

သဘော ကတော့  သူ့ဟာ နဲ့ သူတော့  ဟုတ်နေတာပေါ့။  ဖုံးလိုက် ဖွင့်လိုက်။

               

ဒါပေမယ့်  ဒီ ပုဒ်မ (၄၄၃) အရ  လုပ်တဲ့   ရွေးကောက်ပွဲ ကော်မရှင် ဖွဲ့စည်းခြင်း၊ ယင်း ကော်မရှင်မှ ပြည်သူ့လွှတ်တော်၊ အမျိုးသား လွှတ်တော်၊ တိုင်းဒေသကြီး နဲ့ ပြည်နယ်လွှတ်တော်  ဆိုတဲ့ လွှတ်တော် သုံးခု ရဲ့ ဥပဒေ များ ထုတ်ပြန်ခြင်း တို့ကိုလည်း  ခြုံငုံ မိနေပြန် ပါတယ်။

              

ဒါဖြင့် .. ဒီရွေးကောက်ပွဲ ကော်မရှင်က ထုတ်တဲ့   ဥပဒေထဲ ပါတဲ့ အချက်တွေကလည်း  ဖွဲ့စည်း အုပ်ချုပ်ပုံ အခြေခံ ဥပဒေမူကြမ်း ရဲ့ ပုဒ်မ(၄၄၃) အရ လုပ်ထားတယ်လို့  မှတ်ယူ ရမှာမို့  သူ့ကိုလည်း “ဒါတော့မပါဘူးဗျာ” ဆိုပြီး ဘွာခတ် လို့ မရ နိုင်ပေဘူး။  ဒီတော့  ကော်မရှင်က ထုတ်ပြန်တဲ့ လွှတ်တော် သုံးမျိုး ဥပဒေ  ပုဒ်မ(၁၀) ပုဒ်မ ခွဲ (ဋ) နဲ့ ခြွင်းချက် များမှာ ပါတဲ့  “လွှတ်တော်များရှိ  အဖွဲ့အစည်း များတွင် ရွေးချယ် ခန့်ထားခြင်း ခံ ရသည့်  နိုင်ငံ့ ၀န်ထမ်း များနှင့်လည်းကောင်း မသက်ဆိုင်စေရ”  ဆိုတာကိုလည်း ဘွာခတ် လို့မရ နိုင်ပေဘူး။

             

ဒါဆို လွှတ်တော် ဆိုတာ  မရှိသေးတော့  လွှတ်တော်များရှိ အဖွဲ့အစည်းများ ဆိုတာလည်း ဘယ် ရှိတော့မလဲ။  ဒါကြောင့် ဘယ် ၀န်ထမ်းမှ  ဒီ ပုဒ်မခွဲ (ဋ) ရဲ့ ခြွင်းချက်ကို  ခံစားခွင့် ရှိမယ် မဟုတ်ပါဘူး။

ကဲ...တိုက်ရိုက်ပဲ ပြောမယ်ဗျာ..။

ဝန်ကြီးချုပ် ဦးသိန်းစိန် အစရှိတဲ့  အခြား ၀န်ကြီး  ဦးဌေးဦး၊ ဦးမောင်ဦး၊ ဦးအောင်သောင်း စသဖြင့် .....စသဖြင့် တွေဟာ လွှတ်တော် မရှိသေးတဲ့ ကာလမှာ ဖြစ်လို့ လွှတ်တော်ထဲရှိ အဖွဲ့အစည်းများရဲ့ ၀န်ထမ်း  မဟုတ်လို့ ကိုယ်စားလှယ်လောင်း မဖြစ်နိုင် သူများ  ဖြစ်ပါတယ်။ သို့ ပေမယ့်   အတည်မပြု ရသေးတဲ့  ဖွဲ့စည်းပုံ ထဲက အခြေခံ ဥပဒေ ပုဒ်မ  (၁၂၁) (ည) အရ  တော့   လွှတ်တော်များ နှင့် အဖွဲ့ အစည်းများ တွင်... ဆိုတော့  လွှတ် တော် မဟုတ်တဲ့ အဖွဲ့ အစည်းများမှာ ပါတဲ့ ၀န်ထမ်းမို့ ခြွင်းချက်နဲ့ ကိုက်ညီလို့  ကိုယ်စားလှယ်လောင်း  ဖြစ်နိုင် နေပြန် ရော။

ဒီတော့ အတည် မပြု သေးတဲ့  ဖွဲ့စည်းပုံထဲက  ဥပဒေ ပုဒ်မ တွေကို  လိုက်နာမလား…ဖွဲ့စည်းပုံ အခြေခံ ဥပဒေမူကြမ်း ပုဒ်မ ၄၄၃ က ခွင့် ပြုချက် အရ ဖွဲ့စည်းထားတဲ့  ကော်မရှင်က ထုတ်ပြန်ထားတဲ့ ဥပဒေတွေကိုပဲ  လိုက်နာ မလား ဆိုတာ ဒွိဟ ဖြစ်လာပါတယ်။

                 

 တကယ်တော့ ဥပဒေကြမ်း အတည်မပြုသေးခင် ကာလ မှာတော့ ကူးပြောင်းရေး ကာလ ပြဋ္ဌာန်းချက်များနဲ့  ပုဒ်မ ၄၄၃ ကိုပဲ လိုက်နာရမယ်။  ဒါ့ကြောင့်  ကော်မရှင် က ပြဋ္ဌာန်းထားတဲ့  ဥပဒေ တွေကိုပဲ လိုက်နာရမယ်။  ဦးသိန်းစိန် က အစ တခြား ၀န်ကြီးတွေ ၊ ဒု ၀န်ကြီးတွေ အကုန်လုံးဟာ ကိုယ်စားလှယ်လောင်း မဖြစ်နိုင်တဲ့ ၀န်ထမ်း တွေပဲ ဖြစ်တယ်။  ဘယ်ခြွင်းချက်ကိုမှ  ခံစားခွင့်  မရှိဘူး။  အတည် ဖြစ်ဖြစ်  မဖြစ်ဖြစ်  ပြည်သူက  ၉၂.၄၈ %  နဲ့ အတည်ပြု ထားတယ်ဆိုတဲ့   ဖွဲ့ စည်းပုံ အခြေခံ ဥပဒေ ကပဲ  အရာရာ လွှမ်းမိုး ရမယ် လို့  ဇွတ်ကြီး ပြောဆို လာကြမယ် ဆိုရင်တောင်  ...အဲဒီ ဥပဒေကြမ်း ရဲ့...                                         

အခန်း(၅)   အုပ်ချုပ်ရေး ဆိုတဲ့      ခေါင်းစဉ် အောက်က

                   ပုဒ်မ (၂၃၂)   ပြည်ထောင်စု ၀န်ကြီးများအား ခန့် အပ်တာဝန် ပေးခြင်း

                   ပုဒ်မခွဲ (ဋ)

 ပြည်ထောင်စု ၀န်ကြီးသည်  နိုင်ငံရေး ပါတီ တခုခု ၏   အဖွဲ့ဝင် ဖြစ်လျင်  ပြည်ထောင်စု ၀န်ကြီး အဖြစ် ခန့်အပ် တာဝန်ပေးသည့်  နေ့မှ စပြီး  မိမိ ရာထူး သက်တမ်း  အတွင်း   ယင်း ပါတီ အဖွဲ့ အစည်း၏   ပါတီ လုပ်ငန်းများ တွင်  ပါဝင် ဆောင်ရွက်ခြင်း  မပြုရ။ .....လို့ ဆိုထားပါတယ်။

                  

ဒီတော့  ဦးသိန်းစိန်  အမှူးပြု တဲ့  ၀န်ကြီးတွေဟာ ပြည်ထောင်စု ကြံ့ ခိုင်ရေးနဲ့  ဖွံ့ဖြိုးရေး ပါတီ  ရဲ့ ခေါင်းဆောင် အဖြစ် ကော်မရှင်မှာ  မှတ်ပုံတင် ထားတာဟာ   တရားမဲ့ လုပ်ရပ်  ဖြစ်သွားတော့မှာပေါ့။ အစတွေ ကတော့  ဟိုကထွက် ဒီကထွက်ပါပဲ။ တစ နင်း တစ ထောင် ဖြစ်နေဘီ။ ဘာပြု လို့  ဒီလို ဖြစ်ရ တာလဲ ဆိုတော့  စလုပ် ကတည်းက  ရိုးသားသန့်ရှင်းမှု  အခြေခံနဲ့ လုပ်ခဲ့ တာမှ မဟုတ်ပဲ။  ဟိုလူ့ ပိတ်ချင်  ဒီလူ့  ဖွင့်ချင်...။ ဟို အဖွဲ့အစည်းတော့ မပါ စေချင် ဒီ အဖွဲ့အစည်းတော့  အခွင့် အရေးတွေ ပိုရ စေချင်.. ဆိုတာတွေ နဲ့  လုပ်ခဲ့တာကိုး..။  ဖွဲ့စည်းပုံ အခြေခံ ဥပဒေ ဆိုတာကလည်း  အခြေခံမူများ ကတည်းက  ဦးထောင် ပဲ့နင်း ဖြစ်နေတာပဲ...။

(င)  မှာ  တရား မျှတ ခြင်း၊  လွတ်လပ်ခြင်း ၊ ညီမျှခြင်း  တည်းဟူသော   လောကပါလ တရားများ  ပိုမို ထွန်းကားရေး ဆိုပြီး                   

(စ) ကျတော့...နိုင်ငံတော် ၏ အမျိုးသားနိုင်ငံရေး ဦးဆောင်မှု အခန်း ကဏ္ဍတွင်  တပ်မတော်က  ပါဝင် ထမ်းဆောင်နိုင်ရေး.... ဆိုပြီး  စစ်သား တမတ်သား မူကို   (စစ်သား က  တမူးသာ မူ) ချထားတော့   ... အစ မကောင်း တော့  အနှောင်း မသေချာ ဖြစ်ကုန် တာပေါ့..။  ဒါတွေ အကုန် လျှောက်ရေး ရင်  ပြောမဆုံးပေါင်  တောသုံးတောင် ဖြစ်တော့မယ်။  အစ က ပြောခဲ့ တဲ့  “နိုင်ငံ့ဝန်ထမ်း” ပဲ ပြန် ပြောရရင်... လွှတ်တော် သုံးမျိုး ရဲ့ ဥပဒေမှာ ပါတဲ့  ကိုယ်စားလှယ် ဖြစ်နိုင်ခွင့် မရှိတဲ့  နိုင်ငံ့ဝန်ထမ်း ဆိုတာထဲမှာ  ခြွင်းချက် ဆိုပြီး ထည့်ထား ပေမယ့်   အဲဒီ ခြွင်းချက်ဟာ  လက်ရှိ ကိုယ်စားလှယ် လောင်း စာရင်းတင် ထားတဲ့   ၀န်ကြီးတွေ ဒု ၀န်ကြီးတွေနဲ့  ဘာမှ မဆိုင်ဘူး။  သူတို့ မှာ  ကိုယ်စားလှယ်လောင်း ဖြစ်နိုင်ခွင့် မရှိဘူး...။  ဒါကြောင့်   ၀င်ရောက် အရွေးခံမယ့် ကျန် အဖွဲ့ အစည်း တွေက  ကန့်ကွက် ရမယ်။  ပြင်းပြင်း ထန်ထန် ကန့်ကွက် ရမယ်...။

                  

 ပြည်သူ လူထု ကလည်း  ကန့်ကွက် ရမယ်...။ ကန့်ကွက်ချက် ကို  အချိန် အကန့် အသတ်ကြောင့်ပဲ ဖြစ်ဖြစ်၊ အခြား အကြောင်းမပြပဲဖြစ်ဖြစ်   ကော်မရှင်က  လက်မခံရင်   ပြည်သူ လူထု အတွင်း ဖော်ထုတ် ကန့်ကွက် ရှုတ်ချ ရမယ်..။

-          ရွေးကောက်ပွဲ ဥပဒေများ တရားမျှ တမှု  မရှိကြောင်း၊

-           ရွေးကောက်ပွဲ ကော်မရှင်ဟာ တရားမျှတမှု မရှိကြောင်းနဲ့  နောက်ဆုံး 

-          ရွေးကောက်ပွဲ ကြီး တခုလုံးဟာ တရားမျှတမှု မရှိ ကြောင်း..၊ အခွင့်အရေး  တူညီ မှုမရှိ ကြောင်း   ကမ္ဘာက သိအောင် ဖော်ထုတ် ကြရမှာ   အားလုံးရဲ့ တာဝန် ဖြစ်ပါတယ်။

မုန်းအောင်

စက်တင်ဘာ ၃၊ ၂၀၁၀
ရင်းမြစ်။ ။မိုးမခ