ရွေးကောက်ပွဲ၌ ပါဝင်ယှဉ်ပြိုင်ရန် ပြင်ဆင်နေကြသည့် စာနယ်ဇင်းသမားများ အနေဖြင့် နိုင်ငံရေးနှင့် မီဒီယာ ကဏ္ဍ ရောထွေးမှုများ ရှိလာနိုင်ကြောင်း သတင်းစာဆရာ အသိုင်းအ၀ိုင်းက ပြောသည်။
နိုင်ငံရေးပါတီ ကိုယ်စားလှယ်လောင်းအဖြစ် အရွေးခံမည့် စာနယ်ဇင်းသမား တချို့သည် လက်ရှိတွင် မီဒီယာ လုပ်ငန်းများ လည်းပိုင်ဆိုင်ထားလျက်ရှိရာ ၎င်းတို့ပိုင် မီဒီယာ လုပ်ငန်းများအပေါ် နိုင်ငံရေးသြဇာ လွှမ်းမိုးမှုများရှိလာနိုင်သည်ဟု သတင်းစာ ဆရာ မောင်ဝံသ က ပြောဆိုသည်။
“နိုင်ငံရေးသမား လုပ်မယ်ဆိုရင် သတင်းစာသမား မလုပ်နဲ့၊ အကယ်၍ လုပ်မယ် ဆိုရင်လည်း မိမိနဲ့ သက်ဆိုင် ပတ်သက်နေတဲ့ စာစောင်တွေ၊ မီဒီယာတွေ ပိုင်ဆိုင်ထားမယ် ဆိုရင်လည်းပဲ ၀င်မစွက်ဖက် သင့်ဘူး၊ နိုင်ငံရေးကို ရေးတဲ့အခါမှာ အစိုးရကို ဝေဖန် တာတွေ၊ ထောက်ပြ တာတွေ ရေးရင်လည်း ဘာမှ ၀င်မစွက်သင့်ဘူး၊ သီးခြား လွတ်လပ်တဲ့ မီဒီယာ ဖြစ်နေဖို့ လိုတယ်” ဟု မောင်ဝံသ ဧရာဝတီကို ပြောသည်။
နိုဝင်ဘာလ ၇ ရက်နေ့တွင် စစ်အစိုးရ ကျင်းပမည့် ရွေးကောက်ပွဲ ၀င်ရန် ပြင်နေကြသည့် သတင်းစာဆရာများတွင် ဂျာနယ် မဂ္ဂဇင်း အများအပြားထုတ်ဝေနေသော သုတ စွယ်စုံ မီဒီယာ ဂရု(ပ်) ပိုင်ရှင် နှင့် မြန်မာတိုင်းမ် စာစောင်၌ ထုတ်ဝေသူအဖြစ် ပါဝင်ထားသူ ဒေါက်တာ တင်ထွန်းဦး သည် ပြည်ထောင်စု ကြံ့ခိုင်ရေးနှင့် ဖွံ့ရေးပါတီ(ကြံ့ဖွံ့ပါတီ) ကိုယ်စားပြု၍ ရန်ကုန်တိုင်း ပုစွန်တောင် မြို့နယ် မဲဆန္ဒ နယ် ပြည်သူ့ လွှတ်တော်မှ ၀င်ရောက် ယှဉ်ပြိုင်မည်ဖြစ်ကြောင်း သိရသည်။
ဒေါက်တာတင်ထွန်းဦးသည် ကြံ့ဖွံ့ပါတီ မှ အရွေးခံမည်ဖြစ်ပြီး အနိုင်ရလာပါက သူပါဝင်ထားသော မြန်မာတိုင်းမ် စာစောင် မှာ ကြံ့ဖွံ့ပါတီ ၏ မူဝါဒများ၊ ဒေါက်တာ တင်ထွန်းဦး၏ အာဘော်များသာ လွှမ်းမိုးလာနိုင်ပြီး သြဇာကြီးစိုး လာနိုင်သည်ဟု စာနယ် ဇင်း သမားများက ပြောဆိုနေကြသည်။
ဒေါက်တာ တင်ထွန်းဦးနှင့် နီးစပ်သည့် သတင်းစာဆရာ တဦးက“သူက အရင်ကလည်း အစိုးရလူပဲ၊ နောင်လည်း တက်လာ မယ့် အစိုးရ ရဲ့ရုပ်သေးဖြစ်နေဦးမှာပဲ၊ စာပေစိတ်ဓာတ်ထက် စီးပွားရေးပဲ အလေးထားတဲ့လူဖြစ်နေတော့ မီဒီယာ လုပ်ငန်းတွေ ကို ဘယ်တော့မှလက်လွှတ်မှာ မဟုတ်ဘူး”ဟု ဆိုသည်။
အဆိုပါကိစ္စများနှင့်ပတ်သက်၍ မေးမြန်းစုံစမ်းရန် ဒေါက်တာတင်ထွန်းဦး ကို ဧရာဝတီက ဆက်သွယ်၍ မရခဲ့ပါ။
ဒေါက်တာ တင်ထွန်းဦးသည် နိုင်ငံရေး စိတ်ဝင်စားသူ တဦးမဟုတ်သည့်အပြင် သူဦးစီးထုတ်ဝေနေသော စာစောင်မဂ္ဂဇင်းများ
တွင်လည်း နိုင်ငံရေးအသားပေးစာပေများ၊ အစိုးရ ဝေဖန်ထောက်ပြစာများကို ရှောင်ရှားရေးသားပြီး စစ်အစိုးရ အလိုကျ ၀ါဒ ဖြန့် စာပေများကိုသာ ရေးလေ့ရှိသည့် စစ်အစိုးရနှင့်နီးစပ်သူဟု သတင်းစာဆရာများက ပြောဆိုကြသည်။
ဒေါက်တာ တင်ထွန်းဦးနှင့်အတူ ကြံ့ဖွံ့ပါတီ ကိုယ်စားပြု၍ ရွေးကောက်ပွဲ ၀င်ရောက်မည့် စာနယ်ဇင်း သမားများမှာ စာပေ နှင့် စာနယ်ဇင်း အဖွဲ့မှ ဥက္ကဋ္ဌ အငြိမ်းစား ဗိုလ်မှူးကြီး တင်ခ (တက္ကသိုလ် တင်ခ)၊ ဗဟိုကော်မတီဝင် ဦးအောင်ငြိမ်းနှင့် ညွှန်ကြား ရေးမှူး ဟောင်း အငြိမ်းစားဗိုလ်မှူး လှထွန်း (လှထွန်း-တွံတေး) တို့ ဖြစ်ကြောင်းလည်း သိရသည်။
“ဒီလူတွေက သတင်းစာဆရာ တွေလို့သာ ပြောနေတာ အစိုးရ အလိုကျ ခိုင်းတာရေးပေး နေတဲ့လူတွေ၊ ဖော်လံဖား လုပ်နေ
တဲ့လူတွေပါ၊ သူတို့ကို စာနယ်ဇင်း အသိုင်းအ၀ိုင်းက သတင်းစာသမားရယ်လို့ အသိအမှတ် ပြုမထားပါဘူး”ဟု သတင်းစာ ဆရာ ဦးသာဘန်းက ပြောသည်။
ဦးသာဘန်းက“သတင်းစာ ဆရာ လုပ်မယ်ဆို နိုင်ငံရေးမလုပ်နဲ့ နိုင်ငံရေး လုပ်တော့မယ်ဆိုရင်လည်းပဲ သတင်းစာ ဆရာ မလုပ်နဲ့ တော့၊ သတင်းစာ သမားဆိုတာ သတင်းစာ ကျင့်ဝတ်ကို လိုက်နာရမယ်၊ စတုတ္ထမဏ္ဍိုင်ကို ကိုယ်စားပြုရမယ်၊ အစိုးရ ရဲ့ မကောင်းတာကို စောင့်ကြည့် ရေးသား နေရမယ်”ဟုလည်း ဆက်လက်ပြောဆိုသည်။
နိုင်ငံရေးသမား ဦးဆောင်ထုတ်ဝေမည့် စာစောင်စာပေ များသည် ပြည်သူများကို အကျိုးပြုမည် မဟုတ်ဘဲ ၎င်းတို့၏ မူဝါဒ
လွှမ်းမိုးနေပြီး လွတ်လပ်သောစာစောင် ဖြစ်လာမည် မဟုတ်သည့်အပြင် ရေရှည်လည်းမရပ်တည်နိုင်ကြောင်း ဦးသာဘန်း က ဆိုသည်။
မြန်မာ့နိုင်ငံရေး လောကတွင် သတင်းစာဆရာဘ၀မှ နိုင်ငံရေးလောက သို့ရောက်သွားသူများ လွတ်လပ်ရေး မရမီ နှင့် လွတ်လပ်ရေးရပြီး ကာလများတွင် ရှိ ခဲ့ကြောင်းသိရသည်။
မြန်မာ့ လွတ်လပ်ရေးခေါင်းဆောင် ဗိုလ်ချုပ်အောင်ဆန်းသည်ပင် နိုင်ငံရေးသမားတဦးမဖြစ်မီ သတင်းစာဆရာ တဦးဖြစ်ခဲ့
ပြီး အိုးဝေမဂ္ဂဇင်း၏ အယ်ဒီတာအနေနှင့် နယ်ချဲ့ဆန့်ကျင်ရေး စာပေများကို ရေးသားခဲ့သည်။
နိုင်ငံရေးသမားတဦးသည် သတင်းစာစောင်များ၊ မဂ္ဂဇင်းများ၊ မီဒီယာလုပ်ငန်းများ၊ ပိုင်ဆိုင်ထားသူတဦး ဖြစ်ပါက သူ၏
လုပ်ငန်းများအပေါ် အနည်းနှင့်အများ သြဇာ သက်ရောက်လာသည်မှာ သေချာကြောင်း၊ ထိုအဖြစ်မျိုး ယခင်ကလည်း
ရှိခဲ့ကြောင်း၊ သို့သော် သက်ဆိုးမရှည်ခဲ့ကြကြောင်းလည်း မောင်ဝံသ က ပြောဆိုသည်။
“လွတ်လပ်ရေး မရခင်က သူရိယ သတင်းစာဟာ အတော်အောင်မြင်ခဲ့တယ်၊ နောက်ပိုင်းမှာ ဂဠုန် ဦးစော လက်ထဲလည်း
ရောက်သွားရော စာစောင်တခုလုံးက သူ့ရဲ့နိုင်ငံရေး သြဇာလွှမ်းမိုးမှု၊ သူ့ရဲ့နိုင်ငံရေး အတက်အကျအပေါ်မှာပဲ မူတည်သွား
တော့တယ်၊ ရေရှည်လည်း မခံခဲ့ဘူး”ဟု မောင်ဝံသက ဆိုသည်။
ယင်း သူရိယ သတင်းစာအား ဦးလှဖေ၊ ဦးဘဖေ၊ ဆရာကြီး ရွှေဥဒေါင်း စသည့် သတင်းစာ ဆရာကြီးများက စတင် တည် ထောင်ခဲ့ကြောင်း သိရသည်။
ထိုဆရာကြီးများသည် အမျိုးသားလွတ်မြောက်ရေး၊ နယ်ချဲ့ဆန့်ကျင်ရေးနှင့် ပြည်သူ့အကျိုး ပြုစာပေများကိုသာ တစိုက် မတ်မတ် ရေးသားခဲ့ကြ၍ သူရိယ သတင်းစာမှာ ပြည်သူများ၏ လေးစားမှုကိုရရှိ ခဲ့သော်လည်း နိုင်ငံရေးသမား ဦးစော၏ လက်
ထဲတွင် ကျဆင်းသွားကြောင်းလည်း မောင်ဝံသ က ပြောသည်။
“လူထုကို ဆန့်ကျင်ရင်၊ လူထုက မထောက်ခံ တော့ရင် ဒီစာစောင်က ကျဆုံးမှာပဲ”ဟုလည်း မောင်ဝံသ ကဆိုသည်။
သတင်းစာ ဆရာ အဖြစ် ကျော်ကြားရုံမက နိုင်ငံရေးလောကတွင်လည်း နာမည်ကျော်ခဲ့သူ စာရေးဆရာ သိန်းဖေမြင့် သည် လည်း နိုင်ငံရေးသမား ဘ၀တွင် ဗိုလ်တထောင် သတင်းစာကို လုပ်ကိုင်ခဲ့ပြီး ၎င်း၏ နိုင်ငံရေး အာဘော်များကို ရေးသားခဲ့ ကြောင်း၊ ၁၉၆၂ တွင် စစ်တပ်က အာဏာသိမ်းပြီး တော်လှန်ရေးကောင်စီ ပေါ်ပေါက်ပြီး နောက်ပိုင်းတွင်လည်း အာဏာရှင် ဦးနေ၀င်း ၏ မြန်မာ့ ဆိုရှယ်လစ် စနစ်ကို ထောက်ခံရေးသားပေးမှုများ ရှိခဲ့ကြောင်းလည်း ၎င်းက ဆက်လက် ပြောဆိုသည်။
ထို့အပြင် အာဏာရှင် စနစ်အား ဆန့်ကျင်လှုပ်ရှားနေသည့် ကျောင်းသားများကို ဝေဖန်ရေးသားလာ၍ နောက်ပိုင်းတွင် လူထု ထောက်ခံမှု ပိုမိုကျဆင်းသွားကြောင်း မောင်ဝံသက ပြောသည်။
စာနယ်ဇင်း သမားများသည် နိုင်ငံရေးလောကသို့ ကူးပြောင်းမည် ဆိုပါက စာနယ်ဇင်းများ အပေါ် သြဇာလွှမ်းမှု လုံးဝ မယူသင့် ကြောင်း သတင်းစာ ဆရာများက ပြောဆိုကြသည်။
ရင်းမြစ်။ ဧရာဝတီ
