ပြည်နယ်လွတ်တော်တွေ လုပ်ပိုင်ခွင့် ပိုရဖို့ တိုင်းရင်းသားပါတီတွေ လိုလား

တိုင်းရင်းသားပါတီတွေ အနေနဲ့ ပြည်နယ် လွှတ်တော်တွေမှာ နေရာအတော်များများရဖို့ မျှော်လင့်ပေမဲ့ ပြည်နယ် လွှတ်တော်တွေဟာ တကယ်တော့ ဒေသခံ တိုင်းရင်းသားတွေရဲ့ ရပိုင်ခွင့် ဖွံဖြိုးတိုးတက်မှုတွေကို အပြည့်အ၀ အာမခံပေးနိုင်မှု မရှိဘူးလို့ တိုင်းရင်းသား ပါတီတွေက ပြောပါတယ်။ တိုင်းရင်းသားပါတီတချို့နဲ့ ဆက်သွယ်မေးမြန်းထားတဲ့ ကိုသားညွှန့်ဦးက အပြည့်စုံ တင်ပြထားပါတယ်။

ရှမ်း၊ ရခိုင်၊ မွန်၊ ကရင်နဲ့ ချင်းပြည်နယ်တွေက ပြည်နယ်လွှတ်တော်တွေမှာ ဒီမိုကရက်တစ် တိုင်းရင်းသားပါတီတွေ နေရာအတော်များများ ရနိုင်တယ်လို့ ပြည်တွင်းရွေးကောက်ပွဲ စောင့်ကြည့်သူတွေကတော့ သုံးသပ်နေပါတယ်။

တိုင်းရင်းသား ပါတီတွေကို ဆက်သွယ် မေးမြန်းကြည့်တော့ ဒီအခြေအနေကို သူတို့ မျှော်လင့်ကြပေမဲ့ တကယ်တမ်း ဒေသခံ တိုင်းရင်းသားတွေရဲ့  ဖွံဖြိုးတိုးတက်မှုနဲ့ နိုင်ငံရေးအရ ရပိုင်ခွင့်တွေအတွက်ဆိုရင်တော့ ဒီ ပြည်နယ်လွှတ်တော်တွေက အာမခံ မပေးနိုင်ဘူးလို့ ပြောကြပါတယ်။ တကယ်တော့ တိုင်းရင်းသား ရပိုင်ခွင့်တွေအတွက် လက်ရှိ ဖွဲ့ည်းပုံကို ပြင်ဆင်နိုင်ဖို့ ဆိုတာကလည်း ပြည်ထောင်စုလွှတ်တော်တွင်းမှာ ဒီမိုကရက်တစ် အများစု နေရာရဖို့ လိုနေပါတယ်။ ဒီ ပြည်ထောင်စုလွှတ်တော်ကနေ တိုင်းရင်းသားတွေရဲ့ ရပိုင်ခွင့်တွေကို ပြည်နယ်လွှတ်တော်ဖက်ကို မျှဝေဖို့ လိုအပ်နေတယ်လို့ ရခိုင်အမျိုးသား ဖွံဖြိုးရေးပါတီ ဥက္ကဌ ဦးအေးမောင်က ပြောပါတယ်။

“ပြည်ထောင်စုလွှတ်တော်မှာ ကျနော်တို့ တိုင်းရင်းသား တခြား ပါတီတွေ၊ ပြည်မထဲက ဒီမိုကရေစီကို အားပေးတဲ့ပါတီတွေနဲ့ ပူးပေါင်းပြီး ဥပဒေပြုခွင့်တွေဘာတွေ ပြန်လုပ်ပေးရမှာပေါ့။ ပွင့်ပွင့်လင်းလင်း ပြောရလို့ရှိရင် ကျနော်တို့ ဥပဒေပြုခွင့်က တိုင်းဒေသ ၈ ခုကိုပဲ ပေးခဲ့တာကိုး။ ပြည်ထောင်စုလွှတ်တော်မှာတော့ အများကြီး ပေးထားတယ်လေ။ အဲဒီတော့ လက်ရှိပေးထားတဲ့ ပြည်နယ်တိုင်း ဒေသတွေကိုပေးတဲ့ ဥပဒေပြုခွင့် ၈ ခုနဲ့ လက်ရှိ အခြေအနေတိုင်း ဖွံ့ဖြိုးဖို့ မလုံလောက်ဘူးလို့ပဲ ကျနော်တို့က သုံးသပ်တာကိုး။ ဆိုတော့ ပြည်ထောင်စုအစိုးရ ဆိုတာက ပံ့ပိုပေးရမယ့်ဟာပဲ ရှိတယ်။ ပြည်ထောင်စုအစိုးရရဲ့ ရပိုင်ခွင့်ရှိတယ်လေ။ ဆိုပါစို့၊ ကိုယ်ပိုင် ပြဌာန်းခွင့်နဲ့ပတ်သက်လို့ရှိရင် ပေးထားတဲ့ဟာတွေက နည်းတာကိုး။ ပြည်ထောင်စုအစိုးရဆီက ယူထားတဲ့ဥစ္စာတွေကို အခြေအနေအတိုင်း မျှပေးနိုင်အောင် ကျနော်တို့က တွန်းအားပေးရမယ့်သဘော။”

ဒီမိုကရက်တစ် တိုင်းရင်းသားပါတီတွေ အနေနဲ့ အခုလို ဖွဲ့စည်းပုံပြင်ရေးကို လိုလားပေမဲ့ အခု ခန့်မှန်းရတဲ့ အခြေအနေအရ ဆိုရင်တော့ ဒီ ၅ နှစ်သက်တမ်း အတွင်းမှာတော့ လုပ်နိုင်ချေမရှိဘူးလို့ ရှမ်းအမျိုးသား ဒီမိုကရက်တစ် ပါတီက စိုင်းအိုက်ပေါင်းက ပြောပါတယ်။

“ဒီဖွဲ့စည်းပုံအခြေခံဥပဒေက ကျနော်တို့ ပြင်ချင်တဲ့ဟာတွေလည်း ရှိတာပဲလေ။ ကျနော်တို့ အနေအထားနဲ့တော့ အခုလောလောဆယ် ဒီမိုကရေစီအင်အားစုက အခုကျနော် ပေါင်းကြည့်တာ။ စုစုပေါင်းက နေရပ်က ၁,၀၀၀ ကျော်ဗျာ။ အခုဝင်ပြိုင်နိုင်တာက ၆၀၀ ကျော်ပဲလေ။ သိပ်အပြည့်မပြိုင်နိုင်ဘူးလေ။ ကျနော် ထင်တာပေါ့နော် ဒီ ၅ နှစ်သက်တမ်းမှာတော့ ဒီအခြေခံဥပဒေကို ချက်ချင်းပြင်ဖို့ဆိုတာ မလွယ်နိုင်သေးဘူးထင်တယ်။”

အခုလို နောက်ပိုင်းမှာ ဖွဲ့စည်းပုံပြင်ရေး ဖြစ်လာနိုင်မယ့် ယူဆပေမဲ့ တကယ်တမ်း စစ်တပ်က လေးပုံတပုံရှိပြီး၊ စစ်တပ်နောက်ခံ ကြံ့ခိုင်ရေးပါတီက အားကောင်းနေတဲ့ လွှတ်တော်ထဲမှာ ဖွဲ့စည်းပုံပြင်နိုင်ရေးက လက်တွေ့ဖြစ်နိုင်ပါ့မလား ဆိုတာကတော့ သံသယတော့ ဖြစ်စရာပါ။ စိုင်းအိုက်ပေါင်း ကတော့ အကောင်းမြင်ပါတယ်။

“ခောတ်မမှီတော့တဲ့ ဥပဒေတွေကို ပယ်ဖျက်ဖို့၊ တိုင်းပြည်ကောင်းဖို့အတွက် ဥပဒေအသစ်တွေ ပြဌာန်းဖို့ဆိုတာ ကျနော်ထင်တာ အားလုံးကတော့ ဆန္ဒတူညီမယ်လို့ ထင်တယ်လေ။ စစ်တပ်ကလည်း သူတို့လည်း မြင်လာမှာပဲလေ။ လွှတ်တော်ထဲရောက်သွားပြီဆိုရင် ကျနော်ထင်တာ နိုင်ငံသားတိုင်းမှာ ဆန္ဒရှိမှာပဲ ထင်တယ်ဗျ။ အဲဒီတော့ ခေတ်မမှီတော့တဲ့ဟာတွေ အများရဲ့ ဆန္ဒဖြစ်အောင်တော့ ပြုပြင်ပြောင်းလဲချင်တဲ့စိတ်ဓါတ်တော့ ပေါ်လာမယ်ထင်တယ်။ အခုဟာက တယောက်နဲ့တယောက် မခင်မင်၊ အမြင်ချင်းမဖလှယ်ရသေးတော့ ပြောရတာခက်သေးတာပေါ့နော်။ အမြင်ချင်း ဖလှယ်လိုက်ရင် ပိုပြီးတော့ သဘောပေါက်လာမယ်။ ညှိနှိုင်းလို့လွယ်သွားမယ်လို့ ကျနော်တို့ မျှော်လင့်တယ်လေ။”

လက်ရှိ ၂၀၀၈ ဥပဒေအရ ဆိုရင် ပြည်နယ်လွှတ်တော်ရဲ့  ဥပဒေပြု လုပ်ပိုင်ခွင့်တွေထဲမှာ အသေးစား ဘဏ္ဍာရေးဆိုင်ရာ ကိစ္စတွေလောက်သာ ထည့်ထားပြီး ပြည်နယ်နဲ့ပတ်သက်လို့ စီမံခန့်ခွဲခွင့်၊ ပြည်နယ်တွင်းက အရင်းအမြစ်တွေကိုတောင် အပြည့်အ၀ စီမံခန့်ခွဲနိုင်ခွင့်တွေ ဘာမှပေးမထားဘူးလို့ သိရပါတယ်။

ရင်းမြစ်။ ။VOA

ဥပဒေအရ စစ်ဆေးရန် ရခိုင်ဆရာတော်ကြီးများ တောင်းဆို

နယူးဒေလီ (မဇ္ဈိမ)။     ။ ရခိုင်ပြည်နယ်မှ ထင်ရှားသော သက်တော်ဝါတော်ကြီး ဆရာတော်ကြီးများက ရခိုင်သမိုင်း သုတေသီ ဆရာတော် ဦးပညာစာရကို သွေးစည်းခိုင်မာမှု ပြသသည့်အနေဖြင့် အနောက်ပိုင်းတိုင်း စစ်ဌာနချုပ် (မပခ) တိုင်းမှူးထံ စုပေါင်း လက်မှတ်ရေးထိုး တောင်းဆိုထားသော မေတ္တာရပ်ခံစာကို ပေးပို့ခဲ့သည်။

စစ်တွေ၊ မင်းပြားနှင့် ပုဏ္ဏားကျွန်းရှိ ဘုန်းကြီးကျောင်း ၁၅ ကျောင်းမှ ကျောင်းထိုင် ဆရာတော်များက ဦးပညာစာရကို  စစ်ဆေးရာတွင် ဥပဒေဘောင် အတွင်းကသာ ဆောင်ရွက်ရန် လက်မှတ်ရေးထိုး တောင်းဆိုသော မေတ္တာရပ်ခံစာကို ယခုလ ၇ ရက်နေ့တွင် တိုင်းမှူးထံ လိပ်မူ၍ ပြည်နယ် အေးချမ်းသာယာရေးနှင့် ဖွံ့ဖြိုးရေး ကောင်စီရုံးမှတဆင့် ပေးပို့ခဲ့ခြင်း ဖြစ်သည်။

“ဦးပညာစာရ လုပ်ဆောင်ချက်တွေကို ကြည့်ပြီး ဥပဒေဘောင်အတွင်းက တရားစီရင်မှုတခု ဖြစ်နိုင်အောင်လို့၊ ပြီးတော့ သူ အခုလို ကြုံနေချိန် ဆရာ၊ တပည့် သာသနာ့ ညီအကိုချင်း လုပ်သင့်တယ်ထင်လို့ ဒီလို စာပို့တာပါ” ဟု လက်မှတ်ထိုး တောင်းဆိုရာတွင် ပါဝင်သည့် အမည်မဖ်ာလိုသော စစ်တွေမြို့မှ ဆရာတော် တပါးက မဇ္ဈိမကို မိန့်တော်မူသည်။

အများအကျိုးအတွက် ကိုယ်ကျိုးစွန့် အနစ်နာခံသော၊ အရာရာကို သီးခံခွင့်လွှတ်ခြင်း စသော လူသာမန်တို့ လုပ်နိုင်ခဲသော ကိုယ်ကျိုးစွန့်အလုပ်ကို လုပ်ဆောင်ခြင်းတို့ကြောင့်  မတော်မတရား အလွယ်တကူ စွပ်စွဲခြင်းကြောင့် ဗုဒ္ဓဘာသာ ရဟန်းတပါးကို တိုင်းတပါး ဘာသာခြားတို့ အထင်အမြင် မသေးရအောင် ဥပဒေဘောင်အတွင်းမှ ဆောင်ရွက်ရေးအတွက် မေတ္တာရပ်ခံပါသည်ဟု စာထဲတွင် ရေးထားသည်။

“ဦးပညာစာရမှာ အပြစ်ရှိမရှိကိုတော့ ဦးဇင်းတို့ မသိနိုင်ဘူး။ တနှစ်လောက် အလုပ်လုပ်တဲ့ NGO လည်း မသိနိုင်၊ ကာယကံရှင်တို့ပဲ အသိဆုံး ဖြစ်ပါတယ်။ အခု စစ်ဆေးတဲ့ အခါမှာလည်း မမှန်တဲ့အကြောင်း ငြင်းဆိုချက်တွေ ထွက်လာနေပါပြီ” ဟု စစ်တွေ ဆရာတော်က ဆက်လက် မိန့်ကြားသည်။

ကျောင်းတိုက် ၁၅ တိုက်တွင် မင်းပြားမြို့နယ်မှ ရွှေဖောင်တင် ပရိယတ္တိစာသင်တိုက်နှင့် ပုဏ္ဏားကျွန်းမြို့နယ်မှ ငပြောက်ဆည်ကျောင်းတို့အပြင် စစ်တွေမြို့နယ်မှ သုစိတ္တာရာမ၊ ဝေသာလီ ဓမ္မရတနာ၊ နိဂြောဓာရုံ၊ ဥဿာလင်း၊ ဓမ္မပါလနှင့် ပုသိမ် ကျောင်းတိုက် အပါအဝင် ကျောင်းတိုက်ပေါင်း ၁၃ တိုက် ပါဝင်သည်။

ဘုန်းတော်ကြီး ကျောင်းတိုက်များက ယခုလို မေတ္တာရပ်ခံစာ ပေးပို့ထားသော်လည်း မပခ တိုင်းမှူးထံမှ တစုံတရာ အကြောင်းပြန်ကြားခြင်း မရှိသေးကြောင်း သိရသည်။

ဆရာတော် အမှုနှင့် ပတ်သက်၍ တရားလိုပြ သက်သေ ဦးရေ ၂ဝ ခန့် စစ်ဆေးမည်ဖြစ်ပြီး၊ ၄ ဦးသာ စစ်ဆေးရန် ကျန်ရှိကြောင်းနှင့် အမှု အခြေအနေမှာလည်း ဆရာတော်ဘက်က အားသာမှု ရှိလာကြောင်း ဆရာတော်နှင့် နီးစပ်သူများထံမှ သိရသည်။

“မာတုကာမနဲ့ ဖောက်ပြားတယ်ဆိုတဲ့ အချက်ကို တရားလိုပြ သက်သေတွေဖြစ်တဲ့ ဒေါ်မာလာနဲ့ မသန်းနွယ် ၂ ဦးလုံးက ငြင်းဆိုလိုက်ကြပါတယ်။ ဖောက်ပြားတာကို မြင်ပါတယ်ဆိုတဲ့ သက်သေကိုလည်း လုပ်ကြံစွပ်စွဲမှု ဖြစ်ကြောင်း  ရှေ့နေ ဒေါ်အေးနုစိန်က ပေါ်လွင်အောင် မေးနိုင်ခဲ့တယ်လို့ သိရပါတယ်” ဟု ရခိုင် တိုင်းရင်းသားများ တိုးတက်ရေးပါတီ RNDP ဥက္ကဋ္ဌ ဒေါက်တာအေးမောင်က မဇ္ဈိမကို ပြောသည်။

ဆရာတော် ဦးပညာစာရကို ဇူလိုင်လ ၂၇ ရက်နေ့က စစ်တွေ အာဏာပိုင်များက မာတုကာမနှင့် ဖောက်ပြားသည်ဟု စွပ်စွဲချက်ဖြင့် ဖမ်းဆီးစစ်ဆေးခဲ့ပြီး လိမ်လည်မှု (ပုဒ်မ ၄၂ဝ)၊ သာသနာတော် ညှိုးနွမ်းစေမှု (၂၉၅၊ ၂၉၂)၊ ယုံကြည်အပ်နှံမှုကို ဖောက်ဖျက်မှု (၄ဝ၆)၊ အစိုးရကို အကြည်အညို ပျက်စေသော စာရွက်စာတမ်းများ လက်ဝယ် ထားရှိမှု (၅ဝ၅ - ခ)၊ စည်ပင်အက်ဥပဒေ (၆၈ - ဂ)၊ နိုင်ငံခြားငွေ လဲလှယ်မှု အက်ဥပဒေ (၂၄ - ၁) တို့ဖြင့် ယခုလ ၁ဝ ရက်နေ့မှစ၍ စစ်တွေခရိုင် တရားရုံးတွင် စစ်ဆေးနေခြင်း ဖြစ်သည်။

ယခုလ ၁ ရက်နေ့မှစ၍ တပတ်လျှင် တနင်္လာ၊ ဗုဒ္ဓဟူးနှင့် သောကြာနေ့တိုင်း ရုံးတင်စစ်ဆေးသည်။ ယနေ့တွင်လည်း စစ်တွေခရိုင် တရားရုံးတွင် ရုံးထုတ်ခဲ့သေးသည်။

ဆရာတော်သည် ရခိုင်ပြည်နယ်တောင်ပိုင်း ရမ်းဗြဲဇာတိ ဖြစ်သော်လည်း မြောက်ပိုင်းမြို့ စစ်တွေတွင် သီတင်းသုံးကာ ပရဟိတလုပ်ငန်း လုပ်ကိုင်နေသည့်အပြင် ရှေးရခိုင်စာပေ သမိုင်းအမွေအနှစ်များ ဖော်ထုတ်ထိန်းသိမ်းသူဖြစ်ကြောင်းနှင့် ဖမ်းဆီးလိုက်ခြင်းသည် ရခိုင်ပြည် တောင်ပိုင်းနှင့် မြောက်ပိုင်း နေထိုင်သူတို့ကို အာဏာပိုင်များက သွေခွဲခြင်းနည်းလမ်း ဖြစ်သည်ဟု ဆရာတော်နှင့် နီးစပ်သည့် တကာတဦးက မဇ္ဈိမကို ပြောဆိုခဲ့ဖူးသည်။

ဆရာတော် ဖမ်းဆီးခံရပြီးနောက် ဆရာတော် ပြုစုစောင့်ရှောက်ခဲ့သော ကလေးငယ် ၁ဝဝ နီးပါးခန့်ကို အာဏာပိုင်များက ဝေးလံသည့် မြန်မာပြည် အလယ်ပိုင်းဒေသများသို့ ပို့ဆောင်လိုက်ပြီး အချို့မှာ စစ်တွေမြို့၌ ကျန်ရှိသည်။

“အခု ကျန်ခဲ့တဲ့ ၇ တန်း၊ ၈ တန်း ကျောင်းသားတချို့ကို စစ်တွေ အရံရဲတပ်ဖွဲ့မှာ ထားတယ်။ သူတို့လေးတွေ တချို့က ကျောင်းမသွားဘဲ ရည်ရွယ်ချက်မရှိ ဖြစ်နေတယ်။ သူတို့လေးတွေကို ဆရာတော် ရှိတုန်းကလိုပဲ ပုံမှန်ဖြစ်စေချင်တယ်” ဟု RNDP ပါတီ အတွင်းရေးမှူး ခိုင်ပြည်စိုးက မဇ္ဈိမကို ပြောသည်။

RNDP က ရပ်ဝေးသို့ ပို့ဆောင်ထားသည့် ကလေးသူငယ်များကို မူလနေရာတွင် ပြန်လည်ထားရှိရန် ကြေညာချက် ထုတ်ပြန်ခဲ့သလို၊ ဦးပညာစာရ ဖမ်းဆီးခံရမှုနှင့်ပတ်သက်၍ ပြည်ပရောက် ရခိုင်အဖွဲ့အစည်းများနှင့် ရခိုင်လူမျိုးများက ဆန့်ကျင်ရှုတ်ချခဲ့ကြသည်။

မဲထည့်ပုံ နည်းစနစ် ပညာပေး အစီအစဉ် ရုပ်သံများမှ လွှင့်မည်

ပါတီစုံ ဒီမိုကရေစီ အထွေထွေ ရွေးကောက်ပွဲများတွင် မဲထည့်ပုံ နည်းစနစ် စနစ်တကျ ရှိစေရန်အတွက်

ပညာပေးအစီအစဉ်များကို ရုပ်သံမီဒီယာများတွင် လွှင့်ရန် စီစဉ်ထားကြောင်း ရန်ကုန်တိုင်း ဒေသကြီးကော်မရှင် အဖွဲ့ခွဲမှ မဲရုံမှူး သင်တန်းဆင်းတစ်ဦးက ပြောသည်။ ရွေးကောက်ပွဲတွင် အသုံးပြုမည့် မဲလက်မှတ်၌ ကိုယ်စားလှယ် လောင်းအမည်၊ နိုင်ငံရေးပါတီ အမည်၊ ပါတီတံဆိပ်နှင့် ဆန္ဒပြုရန် နေရာလွတ်တို့ ပါဝင်မည်ဖြစ်ပြီး တသီးပုဂ္ဂလ ကိုယ်စားလှယ်လောင်းများနှင့် တိုင်းရင်းသားလူမျိုးစု ကိုယ်စားလှယ်များ၏ မဲလက်မှတ်တွင်လည်း အထက်ပါအတိုင်း ပြုလုပ်သွားမည်ဟု သိရသည်။ မဲပုံးများတွင်လည်း ပြည်သူ့ လွှတ်တော် အတွက် ဆန္ဒပြုရန် မဲပုံး အစိမ်းရောင်၊ အမျိုးသားလွှတ်တော် အတွက် မဲပုံးအပြာရောင်၊ ပြည်နယ် သို့မဟုတ် တိုင်းဒေသကြီး လွှတ်တော်အတွက် မဲပုံးခရမ်းရောင်နှင့် တိုင်းရင်းသား လူမျိုးကိုယ်စားလှယ်များ အတွက် မဲပုံးအဖြူရောင်အဖြစ် ခွဲခြားသတ်မှတ်ထားပြီးဖြစ်ကြောင်း အထက်ပါပုဂ္ဂိုလ်က ပြောသည်။ ”မဲခိုး၊ မဲလိမ်ကိစ္စတွေမဖြစ်အောင် ကော်မရှင်က စနစ်တကျ လုပ်သွားပါမယ်။ ဘယ်ပါတီကိုမှ သီးခြားအခွင့်အရေးပေးတာမျိုး၊ ဘက်လိုက်တာမျိုး လုပ်မှာမဟုတ်ဘူး။ လျှို့ဝှက် ဆန္ဒပြုခန်းတွေကိုလည်း ဥပဒေပါ ပြဋ္ဌာန်းချက်တွေနဲ့အညီ ပြုလုပ်သွားပါမယ်။ ပြည်သူတွေအနေနဲ့ ဆန္ဒရှိတဲ့ပါတီကို ကိုယ့်သဘောနဲ့ကိုယ် ဆုံးဖြတ်မဲပေးနိုင်ပါတယ်”ဟု ၄င်းက ပြောသည်။ ဆန္ဒမဲပေးချိန်နှင့် မဲရေတွက်ချိန်များတွင် ပါတီများ သံသယ မဖြစ်ရလေအောင် မဲဆန္ဒနယ်အလိုက် ကိုယ်စားလှယ်များအား မဲရုံပရိဝုဏ်အတွင်း စောင့်ကြည့်ခွင့် ရမည်ဟု သိရသည်။ ၂ဝ၁ဝ ပြည့်နှစ် ပါတီစုံဒီမိုက ရေစီအထွေထွေရွေးကောက်ပွဲကာလတွင် ဆန္ဒမဲ ပေးပိုင်ခွင့်ရှိသူများ၏စာရင်းကို မြေပြင်လူဦးရေစာရင်း ကောက်ယူစစ်ဆေးပြီး သတ်မှတ်ကာလသို့ ရောက်ရှိလာပါက ဆန္ဒမဲပေးပိုင်ခွင့်ရှိသည့် လူဦးရေစာရင်းကို သက်ဆိုင်ရာ ရပ်ကွက်၊ ကျေးရွာ ကော်မရှင်ရုံးများတွင် ကြေညာသွားမည် ဖြစ်ကြောင်း၊ မဲစာရင်းတွင် မဲဆန္ဒရှင်တစ်ဦး၏ အမည်သည် သက်ဆိုင်ရာ မဲဆန္ဒနယ်မြေတွင်သာ ရှိရမည်ဖြစ်ကြောင်း ၄င်းက ထပ်လောင်းပြော သည်။

ပေါ်ပြူလာ သတင်းဂျာနယ်

မြန်မာအမျိုးသမီးများကြား ဆေးမင်ကြောင်(Tattoo)တက်တူးထိုးခြင်းများခေတ်စား

မြန်မာပြည်ရှိ အမျိုးသမီး သရုပ်ဆောင်၊ အဆိုတော် များသာမက ခေတ်လူငယ် မိန်းကလေးများ ကြားတွင် ဆေးမင်ကြောင် (Tattoo) တက်တူး ထိုးခြင်းကို ဖက်ရှင်တခုအဖြစ် လက်ခံ ထိုးလာကြကြောင်း တွေ့ရသည်။

“ထိုးချင်တဲ့ စိတ်ကူး ပေါ်လာတာနဲ့ ပခုံးရယ်၊ ခါးရယ် ၊ ခြေထောက်ရယ်မှာ ထိုးဖြစ်သွားတာ။ တခြား သူတွေလိုတော့ ဘာကြောင့်ရယ် မရှိဘူး။ ပြည်ပမှာတော့ ဆယ်ကျော်သက် အရွယ်လေးတွေက အစ ထိုးနေပေမယ့် မြန်မာပြည်မှာ ကတော့ အခုမှ  ခေတ်စား လာတယ်လို့ ပြောရမယ်”ဟု သရုပ်ဆောင် ဆုရွှန်းလဲ့က ပြောသည်။

ဆုရွှန်းလဲ့က ဆက်လက်၍ “အဘိုး အဘွားတွေ ခေတ်တုန်းကတော့ ဆေးမင်ကြောင်ထိုးတာ သတ္တိရှိတဲ့ လူတွေ ထိုးတာပေါ့ ၊ ကိုယ်တွေ ငယ်ငယ်က ဆိုရင် ဆေးမင်ကြောင်ထိုးတာ လူဆိုး လူမိုက်ပေါ့။ အခု ကျတော့လည်း ဖက်ရှင်တခုလို ပြောင်းသွားတာ ကိုယ်တွေပါ ထိုးလိုက်တဲ့ အထိ ဖြစ်သွားတယ်။ တခါထိုးပြီး ထပ်ထပ် ထိုးချင်တဲ့ စိတ်ဖြစ်တယ်”ဟုလည်း ပြောဆိုသည်။

ဆေးမင်ကြောင်ကို ယခင် ကာလများက ဘုရားပွဲ ဈေးတန်းများတွင်သာ အများဆုံးထိုးနိုင်သကဲ့သို့ အသုံးပြုသည့် ဆေး၊ အပ်နှင့် ထိုးသည့် ပုံဒီဇိုင်းများလည်း ကောင်းမွန်မှုမရှိကြောင်း သိရသည်။

“အမျိုးသားက သူထိုးထားတဲ့ ပုံဟောင်းကို နည်းနည်းပြင်မယ်ဆိုတာနဲ့ ကိုယ်ကလည်းထိုးချင်တယ်ဆိုတော့ ထိုးဖြစ်သွားတာ။ပခုံးမှာ ကိုယ့်ရာသီခွင် ကင်းမြီးကောက်ရယ် အဲဒီအောက်မှာ ကနုတ်ပုံရယ် ထိုးထားတယ်”ဟု မော်ဒယ် ခင်မဉ္ဖူခိုင်က ပြော သည်။

“ကိုယ်တိုင်လည်း တက်တူး (Tattoo) ထိုးတာကို ကြိုက်သလို ကောင်မလေးတွေ ထိုးထားတာမြင်ရင် သဘောကျတယ်။ ကောင်းတယ် မကောင်းဘူး  မဝေဖန်ချင်ပေမယ့် မြန်မာပတ်ဝန်းကျင်မှာ မိန်းကလေး တက်တူးထိုးထားရင် တမျိုးအမြင်ခံရတာ မျိုး ရှိတော့။ ကိုယ် အိမ်ထောင်ပြုတဲ့အခါ ကိုယ့်အမျိုးသားက ဒါကို လက်ခံတဲ့ သူမျိုးဆိုရင်တော့ ကိစ္စမရှိဘူး။  မိန်းကလေးတွေ တက်တူး ထိုးချင်တယ်ဆိုရင် အိမ်ထောင်ကျပြီးမှ ထိုးစေချင်တယ်”ဟု ခင်မဉ္ဖူခိုင်က ဆက်ပြောသည်။

တက်တူးထိုးခြင်းသည် မြန်မာ့ယဉ်ကျေးမှုနဲ့ မလျော်ညီဟု ဝေဖန်ပြောဆိုမည်ဆိုလျှင်  မြန်မာဝတ်စုံဝတ်၍ အကျင့်စာရိ တ္တ ပျက်ပြားနေသည့် အမျိုးသမီးများကို ယဉ်ကျေးမှုနှင့်လျော်ညီသည်ဟု သတ်မှတ်နိုင်လားဟု မေးခွန်း ထုတ်စရာများ ရှိကြောင်း  အမျိူးသမီး အဆိုတော် တဦးက ပြောဆိုသည်။

“လူကြီးတွေနဲ့ တွေ့ရမယ့် အခါမျိုးတွေ ရှိနိုင်တော့ အမျိုးသမီးတွေ ထိုးမယ်ဆိုရင် ဖုံးလို့လွယ်မယ့် နေရာမျိုးတွေမှာ ထိုးစေချင် တယ်။ မြန်မာဝတ်စုံနဲ့ တက်တူးနဲ့ ကတော့ ဘယ်လိုမှ မလိုက်ဘူးလို့ထင်တယ်။ တက်တူးထိုးထားလို့တော့ မကောင်းတဲ့ အ မျိုးသမီးလို့ မမြင်ဘဲ လက်ခံသင့်တယ်လို့ ထင်တယ် ”ဟု ၎င်းက ဆိုသည်။

၎င်းက ဆက်လက်၍“အခုခေတ်က တက်တူးဆိုင်တွေ သီးသန့်ဖွင့်လာတာရှိပါတယ်။ တော်တော်များများကတော့ ထိုးတဲ့သူ ခေါ်ပြီး အိမ်မှာ ထိုးတာလည်း များတယ် ။ ကိုယ်တိုင်လည်း အိမ်မှာ ခေါ်ထိုးတာ”ဟု ပြောသည်။

ရန်ကင်းမြို့နယ်နေ အသက် ၂၀ အရွယ် သဲမွန်ထွေးက“သူငယ်ချင်း ယောကျာ်းလေးတွေ ထိုးတာကိုကြည့်ပြီး အားကျတာနဲ့ လိုက်ထိုးဖြစ်တာ။ ခါးမှာ နဂါးရုပ် ထိုးထားတယ် ။ မိဘတွေကတော့ သူတို့ အမြင်နဲ့ မကြိုက်ပေမယ့် တားလို့မှ မရတာ”ဟု ပြောဆိုသည်။

တက်တူထိုးခြင်းအပေါ် အမြင်ပြောင်းလဲ လက်ခံလာခြင်းကြောင့် မြန်မာပြည်တွင် ဈေးကွက်တခု အနေဖြင့်ပါ ကျယ်ပြန့် လာ ကြောင်း ဗိုလ်ချူပ်ဈေးတွင် တက်တူး ဆိုင်ဖွင့်လှစ်ထားသူ တဦးက ပြောသည်။

“မိန်းကလေးအနေနဲ့ ဆိုရင်တော့ လက်ခံမှု နည်းနေသေးတာတွေ ရှိသေးတော့ ဆိုးဆိုးဝါးဝါး ဒီဇိုင်းခပ်ကြီးကြီးမျိုးတွေနဲ့ မ လိုက်ဖက်ဘူး။ အခုခေတ်မိန်းကလေးတွေ တော်တော်များများက ဖန်စီပုံစံ ကနုတ်လေးတွေ၊ လခြမ်းလေးတွေလို ထိုး တာ များပါတယ်။ အများဆုံးလာကြတာတော့ လူလတ်တန်းစားနဲ့ ပိုက်ဆံရှိ သားသမီးတွေများတယ်”ဟု ၎င်းက ပြောပြသည်။

ဝန်ဆောင်ခ အနေနှင့် ဒီဇိုင်းပေါ်နှင့် အရုပ်အကြီးအသေး၊ ဆေး အမျိုးအစားအပေါ် မူတည်၍ ရှိသည်ဟု အိမ်တိုင်ရာရောက် လိုက်၍ တက်တူး ထိုးသည့် လုပ်ငန်းလုပ်ကိုင်နေသော ကိုဖိုးကျော် ပြောသည်။

“အောက်ဒိုး အနေနဲ့ လိုက်ထိုး ပေးတယ်။ စိုးမြတ်သူဇာ၊ ခင်မဉ္ဖူခိုင် နောက် အနုပညာရှင် တွေထဲက တော်တော် များများ ထိုးခဲ့တယ်။ မစိုးကြီး (စိုးမြတ်သူဇာ) ဆို ရင်ဘတ်မှာ ကနုတ်လို ဟာမျိုးလေးပဲ။ မစိုးကို ထိုးပေး တုန်းကဆို ပုံကြမ်း အရင်ဆွဲပြတယ်၊ ပြီးတော့ သူလိုချင်တာနဲ့ ကိုယ့်အမြင်နဲ့ ပေါင်းပြီး လုပ်တာပေါ့။ ပုံတူအတိုင်း လိုက်ဆွဲတာ ရှားတယ်”ဟု ၎င်းက ရှင်းပြသည်။

“အမျိုး သမီးတွေ တက်တူး ထိုးတာကို လက်ခံမှုပိုင်းမှာ တိုးတက် လာသလို အပ်တို့ ဆေးတို့က အစ ဒီဘက်ခေတ်မှာ ပိုကောင်း လာတယ်”ဟုလည်း ၎င်းက ဆိုသည်။

ရန်ကုန် မြို့ရှိ အရေပြားဆိုင်ရာ ပါမောက္ခ ဆရာဝန်မကြီး တဦးက“ကျန်းမာရေး ရှုထောင့်အနေနဲ့ ထိုးမယ်ဆိုရင် သန့်ရှင်းတဲ့ ဆိုင် ၊ သန့်ရှင်းတဲ့ အပ်တွေသုံးသင့်တယ်။ နောက် တခုက ငယ်ရွယ် ချိန်မှာ လောပြီးလုပ်တတ်တော့ ထိုးပြီးရင် ပြန်ဖျက်လို့ မရတော့ဘူးဆိုတာကို လက်ခံနိုင်ရမယ်။  မိန်းကလေးနဲ့ တက်တူးဟာ မအပ်စပ်တဲ့ အရာလို့ မြင်နေသေးပါတယ်။ တက်တူး ထိုးလို့ မကောင်းတဲ့ မိန်းကလေးလို့တော့ ပြောလို့မရပါဘူး”ဟု ဆိုသည်။

ခေတ်အခြေအနေအရ ဖက်ရှင်တခုအနေနှင့် ပြောင်းလဲဖြစ်ပေါ်မှုကို လက်ခံသင့်ကြောင်း၊ လက်ရှိ မိမိနေထိုင်သည့် နိုင်ငံ အနေ အထားအရ အမျိုးသမီးတဦး အနေနှင့် အလွန်အကျွံတော့ မပြုလုပ်သင့်ကြောင်းလည်း ၎င်းက ပြောဆိုသည်။

ရင်းမြစ်။ ။ဧရာဝတီ

ကြံ့ခိုင်ဖွံ့ဖြိုးရေးပါတီ ရခိုင်ပြည်နယ်မှာ ကြိုတင်စည်းရုံးနေ

ရွေးကောက်ပွဲ ဥပဒေအရ ရွေးကောက်ပွဲ ကော်မရှင်က အတည်ပြုပြီးတဲ့နောက်မှ လွှတ်တော် ကိုယ်စားလှယ်လောင်းတွေ အနေနဲ့ တရားဝင် မဲဆွယ်စည်းရုံးခွင့် ရမှာဖြစ်ပါတယ်။ ဒါပေမဲ့ ရခိုင်ပြည်နယ်က ကြံ့ခိုင်ဖွံ့ဖြိုးရေးပါတီ ကိုယ်စားလှယ်လောင်းတွေဟာ အခုကတည်းက အများပြည်သူပိုင် ဓမ္မာရုံ၊ စာကြည့်တိုက်တွေ အသုံးပြုပြီး စည်းရုံးဟောပြောနေပြီလို့ ရခိုင်တိုင်းရင်းသားများ တိုးတက်ရေးပါတီ (RNDP) ရဲ့ ဥက္ကဋ္ဌ ဒေါက်တာအေးမောင်က RFA ကို ပြောပါတယ်။

ရခိုင်တိုင်းရင်းသားများ တိုးတက်ရေးပါတီ (RNDP) ၏ စစ်တွေမြို့နယ် ရုံးဖွင့်ပွဲကို ဇူလိုင်လ ၁၀ ရက်နေ့က ကျင်းပနေပုံ ဖြစ်ပါသည်။ (Photo Courtesy of RNDP)

“ကျွန်တော်တို့ သတင်းပို့ကြတဲ့ အချက်အလက်အရလေ၊ ညနေပိုင်း ကျွန်တော်တို့ဆီကျတော့ ညပိုင်းလောက်ပဲ မီးလာတာကိုး၊ ၇ နာရီကနေ ၁၁ နာရီကြားပဲ မီးရပါတယ်။ ၇ နာရီလောက်မှာ တချို့ ဓမ္မာရုံတို့၊ တချို့က စာကြည့်တိုက်တို့ကို တချို့ဆိုရင် အဲဒီ ဘုရား ပရဝုဏ်၊ ဘုရား ပရဝုဏ်လည်း ပါပါတယ်။ ဟို အဲဒါတွေမှာ သူတို့ ကြိုတင်ပြီးကာမှ မြို့နယ်က ရပ်ကွက်ကပေါ့နော်၊ လူထုကို ဖိတ်ပြီးကာမှ အခမ်းအနား လုပ်တယ်၊ ကိုယ်စားလှယ်လောင်းတွေကလေ တဦးချင်း စကားပြောကြတယ် ဆိုတာတော့ ကျွန်တော်တို့ ကြားပါတယ်ခင်ဗျ။”
ရခိုင်တိုင်းရင်းသားများ တိုးတက်ရေးပါတီ ကိုယ်စားလှယ်လောင်းတွေအနေနဲ့ ရွေးကောက်ပွဲ နည်းဥပဒေတွေကို လိုက်နာမှာ ဖြစ်ပြီး သတ်မှတ်တဲ့ အချိန်ရောက်မှ စည်းရုံးရေးလုပ်ငန်းတွေ စတင်မှာဖြစ်တယ်လို့ ဒေါက်တာအေးမောင်က ဆိုပါတယ်။
ရွေးကောက်ပွဲကော်မရှင်ရဲ့ ပြဌာန်းချက်တွေအရဆိုရင် ပါတီကိုယ်စားလှယ်လောင်းတွေဟာ အများပြည်သူကို စည်းရုံးဟောပြောဖို့ သက်ဆိုင်ရာ ကော်မရှင်ရုံးတွေဆီ တပတ်ကြို အကြောင်းကြားရပြီး ခွင့်ပြုချက်ယူရပါတယ်။ ဒါပေမဲ့ အစိုးရပါတီဖြစ်တဲ့ ကြံ့ခိုင်ဖွံ့ဖြိုးရေးပါတီအနေနဲ့ လိုက်နာတာမျိုး မရှိသလို ကော်မရှင်ဘက်ကလည်း အရေးယူ ဆောင်ရွက်တာမျိုး မရှိဘူးလို့ ပြိုင်ဖက် နိုင်ငံရေးပါတီတွေက ပြောဆိုနေကြပါတယ်။ 

ရင်းမြစ်။ ။RFA