အဖွဲ့ချုပ် ညီညွတ်ရေးမျက်နှာကို ကြည့်ပါ

အခုလ ၂၉ ရက်နေ့ဆိုရင် ရန်ကုန် ရွှေဂုံတိုင်ဌာနချုပ်မှာ အမျိုးသား ဒီမိုကရေစီအဖွဲ့ချုပ် ပါတီဗဟို ကော်မတီဝင်များ တွေ့ဆုံပြီး သမိုင်းဝင် ဆုံးဖြတ်ချက်ကို ချရတော့မှာ ဖြစ်တယ်။ မီဒီယာတွေမှာ ပါနေပြီးဖြစ်တဲ့အတိုင်း ဗဟိုအလုပ်အမူဆောင်တွေကြားမှာ “ပါတီမှတ်ပုံတင်ရေး” နဲ့ ပတ်သက်ပြီး သဘောထားအမြင်တွေ ကွဲလို့။ “မှတ်ပုံတင်ပြီး ရွေးကောက်ပွဲဝင်” တဲ့ လမ်းကြောင်းပေါ်ကို လျှောက်လှမ်းခဲ့မယ်လို့ ပါတီက ဆုံးဖြတ်ခဲ့ရင် ပါတီကနေ ထွက်တော့မယ်လို့ ဦးဝင်တင်က ပြောတယ်ဆိုတာလည်း သတင်းဌာနတွေမှာ ကြားနေရတယ်။

အဖွဲ့ချုပ် အဖွဲ့ဝင်တွေအနေနဲ့ မှတ်ပုံတင်မယ့်ဘက်က မှန်တယ်၊ မှတ်ပုံမတင်မယ့်ဘက်က မှန်တယ်ဆိုပြီး တဖက်ကို လိုက်ကြမယ်ဆိုရင်ဖြင့် လူတိုင်းမှာ ကိုယ်ပိုင်အတွေးအခေါ်၊ အမြင်တွေ ရှိတာဖြစ်လို့ ပါတီဟာ နှစ်ခြမ်းကွဲရတော့မယ့် အခြေအနေကို ဦးတည်နေတယ်။

တကယ့်အဖြစ်မှန်ကလည်း မှတ်ပုံတင်တာ မှန်တယ်၊ မှားတယ်ဆိုရုံနဲ့ မှန်ကန်တဲ့ ဖြေရှင်းချက် လမ်းကြောင်းပေါ်ကို ရောက်နိုင်မှာ မဟုတ်ဘူး။ တကယ့်အဖြစ်မှန်က ကတ္တီပါပိတ်သားစ တခုလို နူးညံ့သိမ်မွေ့လွန်းလှတယ်။ တပြိုင်တည်းမှာပဲ စစ်အစိုးရက NLD ကို ထောင်ခြောက်ဆင်ထားခဲ့ပြီး ဖြစ်တယ်။

ရွေးကောက်ပွဲ ကော်မရှင်ဥပဒေတွေကိုကြည့်ရင် နအဖဘက်က  လူပါးဝလွန်းတာကို ရှင်းရှင်းလင်းလင်း မြင်ရပြီဖြစ်တယ်။  (ဥပမာတခုကို တင်ပြရရင်တောင်၊) မှတ်ပုံတင်မယ့် ပါတီကျတော့ ကျပ် ၃ သိန်းပဲ ကော်မရှင်မှာ တင်ရမှာ ဖြစ်ပြီး၊ ရွေးကောက်ပွဲဝင်မယ့် အမတ်လောင်းကျတော့ ကျပ် ၅ သိန်း တင်ရမယ်။ နအဖဘက်က ကိုယ်စားလှယ်တွေက အစိုးရစရိတ်နဲ့ မလှိမ့်တပတ် တင်ကြမှာ အသေအချာပဲ။ စစ်အစိုးရ အထောက်အပံ့မရှိတဲ့ ပါတီတွေက ကိုယ်စားလှယ်တွေ ရွေးကောက်ပွဲဝင်ပြိုင်ဖို့ ငွေကုန်ကြေးကျ အလွန်များလိမ့်မယ်။

ဒီကနေ့ NLD ရဲ့ အခြေအနေဟာ မိုင်းထောင်ထားတဲ့ စစ်မြေပြင်တခုကို ဖြတ်သန်းနေရတာ ဖြစ်တယ်။ ခြေချော်နင်းမိတာနဲ့ မိုင်းထိပြီး အဖွဲ့ဝင်တွေ ကစဥ့်ကလျားဖြစ်၊ ပြင်းပြင်းထန်ထန် ထိခိုက်ဒဏ်ရာ ရတော့မှာဖြစ်တယ်။

အခက်အခဲ၊ အကျပ်အတည်းကြားက ဖောက်ထွက်ဖို့ဆိုရင် မရှိမဖြစ်လိုအပ်တဲ့ အရာက မကြာသေးခင်က ဦးဝင်းတင် ပြောခဲ့သလိုပဲ “သွေးစည်းညီညွတ်ရေးလက်နက်” ကို သုံးရမှာဖြစ်တယ်။  အနှစ် ၂ဝ ကျော် ပါတီဝင်တွေကြားမှာ ကျောချင်းကပ်၊ နှလုံးသားချင်း နီးစပ်ခဲ့ကြတဲ့ အစဉ်အလာကို ဒီနေ့ ဆက်လက်စောင့်ထိန်းပြီး မှတ်ကျောက်တင်ရတော့မှာ ဖြစ်တယ်။

-       ၂ဝဝ၈ ဖွဲ့စည်းပုံအကြမ်းကို ရွေးဆွဲခဲ့တဲ့ အမျိုးသားညီလာခံကို တက်ခဲ့သူ ကိုယ်စားလှယ်အများစုဟာ လက်ညှိးထောင်ခေါင်းညိတ် နအဖလူတွေပဲ။ ဖွဲ့စည်းပုံမှာ ပါဝင်တဲ့ အချက်အလက်တွေဟာ ဒီမိုကရေစီနည်းလမ်း မကျဘူး။ ဖွဲ့စည်းပုံကို အတည်ပြုခဲ့တဲ့ ဆန္ဒခံယူပွဲမှာ စစ်အစိုးရက တိုင်းသိကမ္ဘာသိ မဲခိုးမဲလိမ်ခဲ့တယ်၊  ဒါကြောင့် ဒီဖွဲ့စည်းပုံဟာ ဒီမိုကရေစီနည်းလမ်း (လုံးဝ) မကျဘူး။
ဒီအချက်တွေကြောင့် NLD ပါတီ မှတ်ပုံမတင်သင့်ဘူး၊ ရွေးကောက်ပွဲ မဝင်သင့်ဘူး။
ဟုတ်ပြီ၊ ပါတီမှတ်ပုံမတင်ဘူးဆိုရင် ဘာဆက်လုပ်မလဲ။ ရွေးကောက်ပွဲကို ဖျက်မှာလား..၊ လူထုကြားမှာ ဘယ်လောက် ပြင်ဆင်ထားသလဲ၊ ဖျက်နိုင်တဲ့အင်အား ရှိလား။ ပါတီ မြေအောက်သွားမှာလား၊ မြေအောက်ကနေ ဆက်တိုက်မှာလား၊ တောင်အာဖရိက ANC လို လက်နက်ကိုင် တော်လှန်ရေးနဲ့ မြေအောက်တော်လှန်ရေး တပြိုင်နက်တည်း လုပ်မှာလား။ ပါတီခေါင်းဆောင်တွေ တောခိုမလား။ ဒီမေးခွန်းတွေကို အဖွဲ့ဝင်တွေ သေချာဖြေကြည့်ဖို့ လိုတယ်။ ယောင်ဝါးဝါးလုပ်လို့တော့ မရဘူး။
ဒါဖြင့် ဦးအောင်ရွှေတို့ ပြောသလို ပါတီမှတ်ပုံတင်ပြီဆိုပါစို့။ မှတ်ပုံတင်ပြီးရင် လိုအပ်ချက်အရ (၃ နေရာ) သာ မဟုတ်ဘဲ တနိုင်ငံလုံးမှာ ပါတီကိုယ်စားလှယ်တွေ ရွေးကောက်ပွဲ ဝင်မှာလား။ နိုင်မယ်လို့ ထင်လား။ လွှတ်လပ်ပြီး တရားမျှတတဲ့ ရွေးကောက်ပွဲဆိုရင်တော့ NLD က ၇၅ % ရှိရာမှာ ၅ဝ % အထက်တော့ ရနိုင်သေးတယ်လို့ မျှော်လင့်ကြည့်လို့ ရတယ်။ ဒါပေမဲ့ ဗိုလ်သန်းရွှေကလည်း ဒါကို တွက်ထားပြီးသား၊ သူ့ကိုယ်သူ မယုံကြည်ဘူး။ မယုံကြည်တော့ အစီအမံတွေ လုပ်ထားမယ်ဆိုတာလည်း အသေအချာပဲ။ ဖြစ်နိုင်ခြေ အရှိဆုံးကတော့ လာမယ့် ရွေးကောက်ပွဲဟာလည်း ၂ဝဝ၈ က ဆန္ဒခံယူပွဲလိုပဲ ညစ်ပတ်လိမ်ညာပြီး သူတို့ပါတီတွေပဲ မဲရအောင် စစ်တပ်က လုပ်မှာပဲ။ ဒီရွေးကောက်ပွဲက မျက်လှည့်ပွဲနဲ့ မခြားဘူး။

ဒါ့အပြင် ပါတီမှတ်ပုံတင်လိုက်ပေမယ့်လည်း အကျဉ်းကျနေသူတွေ ပါတီဝင်ဖြစ်ခွင့်မရဆိုတဲ့ ကန့်သတ်ချက်မျိုးတွေ ပါနေတော့ ရွေးကောက်ပွဲ ကော်မရှင်ဥပဒေတွေအရ တနည်းမဟုတ်တနည်းနဲ့ နအဖက ညစ်ပြီး အချိန်မရွေး ပါတီကို ဖျက်လိုက်နိုင်သေးတဲ့ အန္တရာယ်လည်း ရှိနေသေးတယ်ဆိုတာ ကြိုတွက်ထားဖို့ လိုတယ်။

ဒီအခြေအနေတွေအောက်မှာ ဘယ်လမ်းကိုရွေးရွေး NLD အတွက် အကောင်းဆုံးဆိုတာ မရှိဘူး။ အဆိုးဆုံး အခြေအနေ မဖြစ်အောင်ပဲ လုပ်ရတော့မယ့် အနေအထား ဖြစ်တယ်။
ကော်မရှင်မှာ မှတ်ပုံမတင်ရင် ပါတီက အလိုအလျောက် မြေအောက်ရောက်မယ်။

နောင်လာနောက်သားတွေ အတွက်တော့ NLD ဟာ ထွေးပြီးသား တံတွေးကို ပြန်မျိုမချခဲ့ဘူး၊ ရွှေဂုံတိုင်ကြေညာချက်ကို ကာကွယ်ခဲ့တယ်၊ ၉ဝ ရွေးကောက်ပွဲရလဒ်ကို စောင့်ထိန်းခဲ့တယ်၊ အသက်သေချင် သေသွားပစေ၊ မူပေါ်မှာ ကြံ့ကြံ့ခိုင်ခိုင် ရပ်တည်သွားတယ်ဆိုတာတော့ ကျန်ခဲ့မယ်။ သမိုင်းလှမယ်။ ရလဒ်အနေနဲ့တော့ နအဖ ဥပဒေအရ တရားမဝင်တော့တဲ့ ပါတီတရပ်အနေနဲ့ NLD နာမည်နဲ့ လှုပ်ရှားခွင့်တွေ ရှိတော့မှာ မဟုတ်ဘူး။ အဖွဲ့ဝင်တွေ ကစဥ့်ကလျားဖြစ်မယ်။

ဦးအောင်ရွှေတို့ သဘောအတိုင်း မှတ်ပုံတင်မယ်ဆိုရင်တော့ ဒီရွေးကောက်ပွဲမှာ အမတ်နေရာ ၃ နေရာပဲ အဖြစ်သဘော ဝင်ပြိုင်မယ်ဆိုရင်တောင် တရားဝင်ပါတီအဖြစ် ဆက်ရှိနေဦးမယ်ဆိုတဲ့ သဘောပဲ။ ဒေါ်စုနဲ့ အခြားအဖွဲ့ဝင်တွေ ပြန်လွတ်လာရင် ရှိပြီးသား တာဝန်တွေအတိုင်း ပြန်တာဝန်ယူနိုင်ဦးမယ်ဆိုတဲ့ သဘောပဲ။ ဘယ်သူ တရားတယ်၊ ဘယ်သူ မတရားဘူး၊ ဘယ်သူ ညစ်ပတ်တယ်၊ ဘယ်သူ မညစ်ပတ်ဘူး ဆိုတာတော့ ကလေးက အစ၊ ခွေးက အစ၊ ကမ္ဘာကြီး အဆုံး သိနေတော့၊ အထူးပြောနေစရာတော့ မလိုပါဘူး။

အနှစ် ၂ဝ အတွင်းမှာ NLD ဟာ စစ်အစိုးရကို အပြီးအပြတ် မဖြိုလှဲနိုင်ခဲ့ဘူး။ ပြည်တွင်းပြည်ပ အင်အားစု ဘယ်သူမှ စစ်အစိုးရကို အပြီးအပြတ် မဖြိုလှဲနိုင်ခဲ့ဘူး။ သူပြတ်ကိုယ်ပြတ် တိုက်ပွဲမှာ သူမပြတ်ဘဲ ကိုယ်ပြတ်တာမျိုးကတော့ သမိုင်းလှမှာ မဟုတ်ဘူး။ ဖြစ်လည်း မဖြစ်သင့်ဘူး။

ဦးအောင်ရွှေတို့၊ ဦးခင်မောင်ဆွေတို့ကလည်း ပါတီကို ချစ်တယ်ဆိုတာ ယုံမှားသံသယ ရှိစရာ အကြောင်းမရှိဘူး။ ဦးဝင်းတင်တို့၊ ဦးဥာဏ်ဝင်းတို့ ပါတီကို ချစ်တယ်ဆိုတာလည်း လက်မောင်းသွေးဖောက် သောက်ပြစရာကို မလိုဘူး။

Yes ပဲဖြစ်ဖြစ်၊ No ပဲဖြစ်ဖြစ် ဒီသမိုင်းဝင် ဆုံးဖြတ်ချက်ဟာ လွယ်လွယ်ကူကူနဲ့ လုပ်လို့ မရဘူး။ လာမယ့် ၂၉ ရက်နေ့မှာလုပ်မယ့် ဗဟိုကော်မတီ အစည်းအဝေးမှာ Yes ဆိုတဲ့ ပါတီမှတ်ပုံတင်ချင်တဲ့ လူတွေကလည်း သူတို့ရဲ့ မဟာဗျူဟာ၊ နည်းဗျူဟာ အနာဂတ်စီမံကိန်း၊ ရေရှည်ရေတို လုပ်ငန်းစဉ်တွေကို အစည်းအဝေးမှာ တင်ပြပြီး အဆိုတင်သွင်းသင့်တယ်။

No ဆိုတဲ့ ပါတီမှတ်ပုံမတင်ဘူးဆိုတဲ့ ဦးဝင်တင်တို့ကလည်း သူတို့ရဲ့ အနာဂတ်ဆိုင်ရာ မဟာဗျူဟာ၊ နည်းဗျူဟာ ရေတိုရေရှည် စီမံကိန်းတွေကို အစည်းအဝေးမှာ အဆိုတင်သွင်းသင့်တယ်။ ညီညွတ်ရေးကို ရှေ့တန်းတင် ဆွေးနွေးသင့်တယ်။ ဖြစ်နိုင်ရင် မဲပေးတာမျိုးမဟုတ်ဘဲ၊ ညှိနိူင်းဆောင်ရွက်ပြီး ဆုံးဖြတ်သင့်တယ်၊ မဲပေးရမယ်ဆိုရင်လည်း ညီညွတ်ရေးကို ရှေးရှုခြင်းအားဖြင့် မိထ္ထိလာ NLD က အဆိုပြုထားသလို ဗြောင်မဲ မပေးသင့်ဘူး။ လျှို့ဝှက်မဲပဲ ပေးသင့်တယ်။ ပြီးရင် ဒီမိုကရေစီပါတီ ဖြစ်တဲ့အတွက် ဦးတင်ဦး သဘောထားသလို အများသဘောအတိုင်း ပါတီနောက်ကို လိုက်သင့်တယ်။ ပါတီက နုတ်ထွက်တာမျိုး မလုပ်သင့်ဘူး။

ဒီကနေ့ အခြေအနေဟာ NLD အတွက် ဆိုးရွားတဲ့ အခြေအနေတခုကို ရင်ဆိုင်နေရတာ ဖြစ်တယ်။ အဆိုးဆုံးတော့ မဟုတ်သေးဘူး။ ၂၉ ရက်နေ့ အစည်းအဝေးမှာ သဘောထား နှစ်မျိုးကွဲပြီး ခေါင်းဆောင်တွေနဲ့ နောက်လိုက် အဖွဲ့ဝင်တွေ နှစ်ခြမ်းကွဲရင်တော့ အဆိုးရွားဆုံး အခြေအနေကို ရင်ဆိုင်ရမှာဖြစ်တယ်။

မှတ်ပုံမတင်ဖို့ဘဲဖြစ်ဖြစ်၊ တင်ဖို့ပဲဖြစ်ဖြစ် တညီတညွတ်တည်း ဆုံးဖြတ်သင့်တယ်။ တညီတညွတ်တည်း ရင်ဆိုင်သင့်တယ်။ တညီတညွတ်တည်း ဖြတ်သန်းသင့်တယ်။ ပါတီနဲ့အတူ တိုက်ပွဲကို ခရီးဆက်သင့်တယ်။

ကိုထွဋ်  
ရင်းမြစ်။ ။http://burmese.mizzimamedia.com/index.php?option=com_content&view=article&id=4980:2010-03-22-12-54-42&catid=3&Itemid=4

သတင်းသမားကို တိုက်ခိုက်မှုများ

တဖက်သတ်ထင်သလို လုပ်တဲ့အစိုးရနဲ့ အဖွဲ့အစည်းတွေဟာ သူတို့ရဲ့ လုပ်ရပ်ကို ကမ္ဘာကသိသွားမှာ အမြဲတမ်း စိုးရိမ်နေကြပါတယ်။ ဒါကြောင့်လည်း သတင်းချုပ်ချယ်ဟန့်တားတာနဲ့ အမှောင်ချတာတွေကို မကြာခဏ လုပ်လေ့ရှိပါတယ်။ မတ် ၁၃-၂၀၊ ၂၀၁၀ - ဒီလိုချုပ်ချယ်ထားတာကို ဂရုမစိုက်ဘဲ သတင်းဖြန့်ဝေနေသူတွေကို မညှာမတာ အပြစ်ပေးလေ့ ရှိပါတယ်။

သတင်းဖြန့်ဝေလို့ ဖမ်းဆီးထောင်ချခံရသူတွေထဲမှာ စာနယ်ဇင်းလောကမှ သတင်းသမားတွေ ပါဝင်သလို တာဝန်သိပြီး သတင်းပေးပို့တဲ့ ပြည်သူတွေလည်း ပါဝင်နေပါတယ်။ လွန်ခဲ့တဲ့ ၂၀၀၉ ခုနှစ်အတွင်း နိုင်ငံပေါင်း (၉၀) ကျော်မှာ သတင်းသမားတွေ တိုက်ခိုက်ခံရပုံကို CPJ - Committee to Protect Journalists သတင်းသမား ကာကွယ်ရေးကော်မတီမှ စာမျက်နှာ (၃၆၀) အစီရင်ခံစာကို ဖေဖေါ်ဝါရီလလယ်မှာ ထုတ်ပြန်လိုက်ပါတယ်။ သတင်းသမားများကို တိုက်ခိုက်မှုများ "Attacks on the Press in 2009" လို့ အမည်ပေးထားပါတယ်။ မြန်မာပြည်က သတင်းသမားတွေအကြောင်း စာမျက်နှာ (၈) မျက်နှာ ရေးထားတာကို တွေ့ရပါတယ်။ မတရားလုပ်မှု၊ အနိုင်ကျင့်မှုများကို ပြည်တွင်းပြည်ပမှာ သိရှိသွားအောင် လုပ်နိုင်ရင် ရပ်ဆိုင်းသွားတာမျိုး (ဒါမှမဟုတ်)၊ လျော့နည်းသွားတာမျိုးရှိတဲ့အတွက် သတင်းပေးပို့တာဟာ တိုင်းပြည်အတွက် အကျိုးရှိတယ်လို့ ယူဆကြပါတယ်။

ဒါပေမဲ့ ဒီလိုသတင်းပေးပို့သူတွေကို အာဏာရှင် အစိုးရတွေက နှောင့်ယှက်လွန်းတဲ့အတွက် အမေရိကန်နိုင်ငံခြား သတင်းထောက်တွေက သတင်းသမား ကာကွယ်ရေးကော်မတီကို နယူးရော့ခ်မြို့ မှာ ၁၉၈၁ ခုနှစ်က တည်ထောင်ခဲ့တာမို့ အနှစ် (၃၀) နီးပါး ရှိနေပါပြီ။ ၁၉၉၂ က စပြီး ပြုစုလာခဲ့တဲ့ စာရင်းအရဆိုရင် အလုပ်လုပ်ရင်း အသတ်ခံရတဲ့ သတင်းသမားပေါင်း (၈၀၀) ကျော် နေပါပြီ။ ဖိလစ်ပိုင်နိုင်ငံမှာ (၇၀) အိန္ဒိယ နဲ့ ပါကစ္စတန်နိုင်ငံတွေမှာ (၂၀) ကျော်ရှိပြီး ဘင်္ဂလားဒေ့ရ်ှမှာ (၇၀) ကျော် အသတ်ခံရပါတယ်။ မြန်မာပြည်မှာ သတင်းယူနေတုန်း အသတ်ခံရသူမှာ ဂျပန်သတင်းထောက် ကေဂျီ နာဂါးအိ ဖြစ်ပါတယ်။ မြန်မာသတင်းသမားတွေဖြစ်တဲ့ မအိမ့်ခိုင်ဦး၊ မလှလှဝင်း နဲ့ ကိုဝင်းမော် တို့ကို မြန်မာ့သတင်းသမဂ္ဂ ညီလာခံက ကေဂျီ နာဂါးအိ ဆု ချီးမြှင့်ဂုဏ်ပြုထားပါတယ်။

မြန်မာပြည်မှာ နိုင်ငံရေးအကျဉ်းသား နှစ်ထောင်ကျော်ရှိတဲ့အထဲက မနှစ်က တရာကျော်ကိုသာ လွှတ်ပေးပါတယ်။ ဒီအထဲမှာ သတင်းသမား (၃) ယောက် ပါဝင်ကြောင်း CPJ အစီရင်ခံစာမှာ ဖော်ပြထားပါတယ်။ ရန်ကုန်ကုလသမဂ္ဂရုံးရှေ့ မှာ လေဘေးဒုက္ခသည်တွေ ဆန္ဒပြတာကို သတင်းပေးပို့မှုနဲ့ ၂၀၀၈ မှာ ထောင် (၂) နှစ်ကျသွားခဲ့တဲ့ Ecovision ဂျာနယ်သတင်းထောက် မအိမ့်ခိုင်ဦး၊ ဒီဆန္ဒပြပွဲကို သတင်းယူလို့ ထောင် (၇) နှစ်ကျသွားခဲ့တဲ့ Weekly Eleven သတင်းထောက် ကိုကျော်ကျော်သန်း နဲ့ ၂၀၀၈ မှာ ထောင် (၇) နှစ်ကျသွားခဲ့တဲ့ Myanmar Nation သတင်းဂျာနယ် အယ်ဒီတာ ကိုသက်ဇင် တို့ (၃) ဦးဟာ ၂၀၀၉ ခုနှစ်မှာ လွတ်မြောက်သွားသူတွေ ဖြစ်ပါတယ်။

နော်ဝေးအခြေစိုက် ဒီမိုကရက်တစ်မြန်မာ့အသံ ကို သတင်းပေးမှုနဲ့ နှစ်ရှည်ထောင်ဒဏ် ကျခံနေရတဲ့ မလှလှဝင်း၊ ကိုဝင်းမော် နဲ့ ကိုငွေစိုးလင်း တို့အကြောင်းကို CPJ အစီရင်ခံစာမှာ ဖော်ပြထားတာကို မတွေ့ရပါဘူး။ နာဂစ်လေဘေးဒုက္ခသည်များအကြောင်း ဗွီဒီယို ရိုက်ကူးသူ ဒီမိုကရက်တစ်မြန်မာအသံက ဓါတ်ပုံသတင်းထောက် တီ နဲ့ ဇီ အကြောင်းကိုသာ ဖော်ပြထားပါတယ်။ သူတို့ (၂) ဦးစလုံး သတင်းမှတ်တမ်းတင် Rory Peck ဆု ချီးမြှင့်ခံရပါတယ်။ ဒါပေမဲ့ သတင်းမှတ်တမ်းတင် ဗွီဒီယိုရိုက်ကူးအပြီး (၆) လအကြာမှာ ဓါတ်ပုံဆရာ တီ အဖမ်းခံလိုက်ရပါတယ်။ လုပ်ဖော်ကိုင်ဖက်ဖြစ်သူ ဓါတ်ပုံဆရာဇီကတော့ ထွက်ပြေးတိမ်းရှောင်နေတယ်လို့ CPJ နှစ်လည်အစီရင်ခံစာမှာ ဖော်ပြထားပါတယ်။ အဖမ်းခံနေရတဲ့ မြန်မာသတင်းသမားတွေဖြစ်တဲ့ ဦးနေမင်း၊ ဦးနေဘုန်းလတ်၊ ဦးစိန်ဝင်းမောင်၊ ဦးဇာဂနာ၊ ဦးဇော်သက်ထွေး၊ ဦးအောင်ကျော်ဆန်း၊ ဦးသန့်ဇင်စိုး နဲ့ ဦးပိုင်စိုးဦး စတဲ့ သတင်းသမား (၈) ဦးရဲ့  အမည်နဲ့ လုပ်ဆောင်ချက်တွေကိုလည်း CPJ အစီရင်ခံစာမှာ ဖော်ပြထားပါတယ်။

အလွတ်သတင်းသမား နေမင်း လို့ လူသိများတဲ့ ရှေ့ နေဦးဝင်းရွှေ မှာ အကျဉ်းကျသတင်းသမားတွေထဲမှာ ၀ါအရင့်ဆုံး ဖြစ်ပုံရပါတယ်။ ၁၉၈၈ ပြည်သူ့အရေးတော်ပုံနဲ့ ပတ်သက်ပြီး BBC ကို သတင်းပေးပို့ရာမှာ အဓိကအခန်းက ပါဝင်ခဲ့သူ ဖြစ်ပါတယ်။ ၁၉၈၉ မှာ အဖမ်းခံရပြီး ထောင်ဒဏ် (၁၄) နှစ်ကျခံရသူ ဖြစ်ပါတယ်။ အင်းစိန်ထောင်မှာ (၉) နှစ်နေခဲ့ပြီး ၁၉၉၈ ခုနှစ်မှာ လွတ်လာပါတယ်။ နိုင်ငံခြားရောက် အတိုက်အခံအဖွဲ့တွေကို သတင်းပေးပို့မှုနဲ့ ၂၀၀၄ ခုနှစ် ဖေဖေါ်ဝါရီလမှာ အလွတ်သတင်းသမား ဦးနေမင်း အဖမ်းခံရပြန်ပါတယ်။ ကျန်တဲ့ သတင်းသမားတွေကတော့ သံဃာများ ဦးဆောင်တဲ့ ၂၀၀၇ ပြည်သူ့ဆန္ဒပြပွဲအကြောင်း နိုင်ငံခြားကို သတင်းပေးပို့မှုနဲ့ အဖမ်းခံကြရတာ ဖြစ်ပါတယ်။

ဟာသဆရာ ဇာဂနာ (ခေါ်) မောင်သူရ ဟာ ၁၉၉၀ ကနေ ၁၉၉၄ အထိ အကျဉ်းကျခံခဲ့ရသူ ဖြစ်ပါတယ်။ နာဂစ်လေဘေး ကယ်ဆယ်ရေးမှာ တက်တက်ကြွကြွ ပါဝင်ခဲ့ပြီး စစ်အစိုးရ တာဝန်ပျက်ကွက်ပုံကို BBC အပါအ၀င် နိုင်ငံခြားသတင်းဌာနတွေကို ပြောပြတဲ့အမှုနဲ့ ထောင်ဒဏ် (၅၉) နှစ် ချခံရသူဖြစ်ပါတယ်။ နောက်တော့မှ ထောင်ဒဏ် (၃၅) နှစ်အထိ လျှော့ချလိုက်တယ်လို့ သိရပါတယ်။ ဆရာဇာဂနာ ကို နိုင်ငံခြားအဖွဲ့အစည်းအချို့ က လူ့အခွင့်အရေးဆု နဲ့ စာပေဆုတွေ ချီးမြှင့်ထားပါတယ်။ နိုင်ငံခြားကို သတင်းပေးပို့မှုမှာ ကြီးလေးတဲ့အပြစ်ဒဏ် ပေးနေတာကိုကြည့်ရင် သတင်းပြန့်နှံသွားမှာကို စစ်အစိုးရ အလွန်စိုးရိမ် ပူပန်ကြောက်လန့်နေတာ ထင်ရှားပါနေပါတယ်။

ရင်းမြစ်။ ။http://www.voanews.com/burmese/2010-03-20-voa1.cfm

အလုပ်ရှာသူ မြန်မာမိန်းကလေးအချို့ တရုတ်နိုင်ငံသို့ ရောင်းစားခံရ

             အလုပ်အကိုင်ရှာသူ မြန်မာမိန်းကလေးအချို့ တရုတ်နိုင်ငံသို့ ရောင်းစားခံရခြင်းများ ယခုနှစ်အတွင်း၌လည်း ဖြစ်ပွားနေဆဲဖြစ်ပြီး သက်ဆိုင်ရာက အမှုဖွင့်အရေး ယူခဲ့ရကြောင်း သတင်းရရှိသည်။
အလုပ်အကိုင်ရှာသူ မိန်းကလေးအချို့ တရုတ်နိုင်ငံသို့ ရောင်းစားခံရသည့် ဖြစ်ရပ်များသည် ယခုနှစ် ဖေဖော်ဝါရီလနှင့် မတ်လအတွင်း ဖြစ်ပွားခဲ့ခြင်းဖြစ်ပြီး ရောင်းစားခံခဲ့ရသည့် အသက်အရွယ်အပိုင်းအခြား များမှာ အသက် ၁၆ နှစ်၊ ၁၈ နှစ်၊ ၂၂ နှစ်  နှင့် ၄၅ နှစ် အရွယ် များဖြစ်ကြောင်း သိရသည်။ တရုတ်နိုင်ငံသို့ ရောင်းစားခံရသည့် အသက် ၁၆ နှစ်နှင့် အသက် ၄၅ နှစ်ရှိ အမျိုးသမီးနှစ်ဦး၏ ဖြစ်ရပ်မှာ ယခုနှစ် မတ်လအတွင်း ဖြစ်ပွားခဲ့ပြီး ဖြစ်စဉ် မှာ ၂၀၀၉ ခုနှစ် ဒီဇင်ဘာလ ၃ ရက် နေ့တွင် သန်လျင်မြို့နယ် လက်ယက်စမ်းရွာနေ အသက် ၃၃ နှစ်ရှိ တရားလို မသန်းသန်းဦးသည်နေအိမ်တွင် ရှိနေစဉ် သန်လျင်မြို့နယ်နေ အသက် ၄၀ နှစ်ရှိ ဖိုးထူးရောက်ရှိလာပြီး ကော့သောင်းတွင်  အလုပ်ရ မည်ဟု ပြောခဲ့ကြောင်းသိရသည်။
ထို့နောက် မသန်းသန်းဦး၏ သမီးဖြစ်သူ အသက် ၁၆ နှစ်ရှိ မ၀င်းစန္ဒာနှင့် အသက် ၄၅ နှစ်ရှိ ဒေါ်အေးမြင့်(စုံစမ်းဆဲ)တို့အား ဖိုးထူးနှင့် ဇော်မိုး(စုံစမ်းဆဲ)တို့မှ ကြိုတင်လစာသုံးလစာ ပေးခဲ့ကြောင်း သိရသည်။ ယခုနှစ် မတ်လ ၇ ရက်နေ့တွင် ဒေါ်အေးမြင့်သည် နေအိမ်သို့ရောက် ရှိလာပြီး မ၀င်းစန္ဒာနှင့် ၄င်းအား တရုတ်ပြည်တွင် ရောင်းစားခံရကြောင်း၊ ၄င်းမှာ ထွက်ပြေးလွတ်မြောက်လာကြောင်း ပြောပြ၍ သိရှိခဲ့ရသည်ဟု ဆိုသည်။ထို့ကြောင့် တရားခံဖိုးထူးနှင့်  ဆက်သွယ်သူများအပေါ် အရေးယူပေးရန် သက်ဆိုင်ရာသို့ တိုင်တန်းခဲ့ရာ သန်လျင်မြို့နယ်ရဲတပ်ဖွဲ့  စခန်းက (ပ) ၃၂၂/၂၀၁၀ ဖြင့် အမှု ဖွင့်ခဲ့ကြောင်း သိရသည်။
ညီအစ်မနှစ်ဦး ရောင်းစားခံရ သည့်ဖြစ်စဉ်မှာယခုနှစ်  ဖေဖော်ဝါရီ လအတွင်း ဖြစ်ပွားခဲ့ကြောင်းသိရ သည်။ မင်္ဂလာဒုံမြို့နယ်နေ အသက် ၄၀ နှစ်ရှိ တရားလို ဒေါ်ညွန့်တင်သည် ယခုနှစ် ဇန်န၀ါရီလ ၃၁ ရက်နေ့တွင် ၄င်း၏ သမီးနှစ်ဦးဖြစ်သည့် အသက် ၁၈ နှစ်နှင့် အသက် ၂၂ နှစ်ရှိသူတို့အား  ၄င်းနှင့်ရင်းနှီးသူ အသက် ၄၉ နှစ်ရှိ ဒေါ်သိန်းမြင့်ရီ မင်္ဂလာဒုံမြို့နယ်နေသူက မူဆယ်ရှိ စတိုးဆိုင်တစ်ဆိုင်တွင် အလုပ်ရမည် ဟု ပြောခဲ့ကြောင်း သိရသည်။အလုပ်ရမည်ဟု ပြောပြီး သမီး နှစ်ဦးအား ခေါ်ဆောင်သွားခဲ့ကြောင်း၊ ကားဂိတ်တွင်စောင့်နေသော အမျိုးသားတစ်ဦးနှင့် လိုက်သွားရန်ပြော၍ သမီးနှစ်ဦးက လိုက်သွားခဲ့ကြောင်း ယခုနှစ်ဖေဖော်ဝါရီလ ၂ ရက်နေ့တွင် သမီးနှစ်ဦးရောင်းစားခံရ၍ ထွက်ပြေးလာသည်ကို မူဆယ်မြို့ရှိ သက်ဆိုင်ရာက ကယ်တင်ထိန်းသိမ်းနိုင်ခဲ့ကြောင်း သိရသည်။ ဖြစ်စဉ်နှင့်ပတ်သက်၍  ပြစ်မှု ကျူးလွန်သူများအား သက်ဆိုင်ရာ က(ပ) ၅၉/၂၀၁၀ ဖြင့် အမှုဖွင့် အရေးယူခဲ့ကြောင်း သိရသည်။လူမှောင်ခိုသူများ တရုတ်နိုင်ငံသို့ တရားမ၀င်သွားရောက်သည့် လမ်းကြောင်းများမှာ ဗန်းမော် -လွယ်ဂျယ်-ရင်ကျန်း- တရုတ်၊ မြစ်ကြီးနား-ခေါင်လန်ဖူး-ရှိန်းခေါင် -ဖူကုန်း-တရုတ်၊ ဗန်းမော်-၀ိုင်းမော် -လိုင်ဇာ- တရုတ်၊ဗန်းမော်-နမ့်ခမ်း -မန့်ဟီးရိုး- ရွှေလီ-တရုတ်၊ မူဆယ်-ရွှေလီ-တရုတ်၊ ချင်းရွှေ ဟော်-ကိန်းမ-တရုတ်စသည့် လမ်းကြောင်းများဖြစ်ကြောင်း သိရသည်။

 

ရင်းမြစ်။ ။http://www.first-11.com/index.php?option=com_content&view=article&id=2407:2010-03-21-08-04-18&catid=42:2009-11-10-07-36-59&Itemid=112

မန္တလေးကို ချစ်လို့ပါ။ မန္တလေးဆိုတာ မြန်မာပါ

Written by လူထုစိန်ဝင်း

မန္တလေးက မိတ်ဆွေတစ်ယောက် ဖုန်းဆက်လာပါတယ်။ မန္တလေးမှာ လွမ်းစရာလေးတွေလည်း ရှိပါသေးတယ် ဆိုတာပြောပြချင်လို့ ဆက်လိုက်တာလို့ ဆိုပါတယ်။ မန္တလေးတောင်ကိုလမ်း လျောက်သွားတော့ တောင်တက်လမ်း တစ်လျောက်လုံး တမာတွေပွင့်ပြီး တမာနံ့တွေသင်းနေလို့ ဆရာ့ကို သတိရလိုက်မိတယ်လို့လည်း ပြောပါတယ်။ သူ့ခေတ်ကိုယ့်ခေတ်မန္တလေး သူက မန္တလေးသားစစ်စစ်၊ မန္တလေးကိုသိပ်ချစ်တဲ့သူပါ။ ရှေးဖြစ်ဟောင်းတွေပြောလို့ မကုန်နိုင်အောင် ဖြစ်ပြီး သူ့ခေတ်ကိုယ့်ခေတ် မန္တလေးကို လွမ်းတသသဖြစ်နေကြရပါတယ်။ မုန့်ပြစ်သလက်အဖြူထဲကို ဘယာကြော် တစ်ခုချေထည့်ပြီး နှမ်းထောင်းလေး ဖြူးစားရတဲ့ အရသာအကြောင်းပဲဖြစ်စေ၊ လျမ်းစိန်ဟိုတယ်က ခေါက်ဆွဲကြော်သွား ၀ယ်တဲ့အခါ အင်ဖက်နှစ်ခုအကြားထည့်ပေးမြဲ ငရုတ်ဆီဆမ်းထားတဲ့ ကြက်သွန်ချဉ်မေ့မကျန်ရစ်အောင် ဂရုစိုက်ရတဲ့ အကြောင်းဖြစ်စေ၊ သင်္ကြန်နီးလို့ ယိမ်းတိုက်ကြတဲ့အခါများမှာ မီးသတ်ဗိုလ်ကြီး သားဘိုဘိုနဲ့ မတင်အောင်တို့ လက်မလည်အောင်ဖြစ်နေကြရတဲ့ အကြောင်း ဖြစ်စေ၊ ၀င်းလိုက်ရုံထဲက အစ်မကြီး မမြရီရဲ့ မုန့်တီလက်ရာအကြောင်းဖြစ်စေ၊   အောင်ဇေယျာကဖေး အကြောင်းဖြစ်စေ၊ ဈေးချိုထဲကကျော်လှိုင်ကဖေးအကြောင်း ဖြစ်စေ စိတ်ကူးရောက်ရာအကြောင်း အရာမျိုးစုံကို သူနဲ့အချိန်အခါမရွေး ပြောလို့ရတယ်။ မန္တလေးမှာ မန္တလေးအကြောင်းပြောမရ ဒီလို ရှေးဟောင်းနှောင်းဖြစ်တွေ ပြောလို့ရသူက ဒီခေတ်မှာတော်တော်ရှားတယ်။ မန္တလေးရောက်တုန်းရောက်ခိုက် မင်းသီဟဆိုင်မှာ တစ်မနက်လုံးထိုင်နေတာတောင် မျက်နှာသိတစ်ယောက်မှ တွေ့ရတာမဟုတ်ဘူး။ ကိုယ့်ကိုလည်း ဘယ်သူမှမသိကြဘူး။ တစ်ဝိုင်းတည်း ထိုင်တဲ့ မန္တလေးစာပေသမားတွေကလည်း အသက်တော်တော်ငယ်ကြတာ ဆိုတော့ စကားကဆက်စပ်လို့ မရဘူး။ ကိုယ်သိတဲ့ မြို့မကိုသူတို့က ဘာမှသိကြ တာ မဟုတ်သလို၊ သူတို့ပြောတဲ့မြို့မ ဆိုတာကိုလည်း ကိုယ်ကဘာမှမသိလေတော့ ပြောရတာ ပေါ့ရွှတ်ရွှတ်နဲ့ စိတ်ဝင်စားဖို့ မကောင်းဘူး။ တခြားအကြောင်းအရာတွေဘက် ကူးသွားလည်းဘာမှ မထူးဘူး။ လက်ဖက်ရည်ဆိုင်မှာ မန္တလေးသားတွေနဲ့ ကမ္ဘာကြီးအကြောင်း ပြောလို့ရတယ်။မန်ယူအကြောင်း ပြောလို့ရတယ်။ မန္တလေးအကြောင်းတော့ ပြောလို့မရဘူး။ ရယ်စရာတော့ အကောင်းသား။ အိပ်မက်ထဲမှာပဲလွမ်း ဖုန်းဆက်လာတဲ့ မိတ်ဆွေကို စိန် ပန်းတွေရော မပွင့်သေးဘူးလားလို့ မေးတော့စိန်ပန်းနဲ့ ငုက သင်္ကြန်ပြီးမှပွင့်တာလေ။ အခုတော့ တစ်မြို့လုံးတမာတွေပဲ လှိုင်လှိုင်ပွင့်နေတယ်လို့ ပြန်ဖြေပါတယ်။ ဟုတ်သားပဲ။ ဇွန်လကျောင်းပြန်ဖွင့်ချိန် ဆိုရင် မန္တလေးတက္ကသိုလ်ထဲက စိန်ပန်း ပင်တွေ ပင်လုံးကျွတ်ပွင့်ပြီး နီရဲနေတာ ပြန်ပြီး သတိရမိတယ်။ မန္တလေးမှာ လွမ်းစရာလေးတွေလည်း ရှိပါသေးတယ် လို့ မိတ်ဆွေပြောတာက အိပ်မက်ထဲမှာပဲ လွမ်းတော့မယ်ဆိုတဲ့ စာတစ်ပုဒ်ရေးခဲ့ဖူးတာကြောင့်ပါ။ တန်ဆောင်မုန်းလ မန္တလေးမှာ ပွဲဈေးတန်းလျောက်ချင်လို့ ပွဲရှာတာ တစ်မြို့လုံးသာနှံ့ရော ပွဲဈေးတန်းရှာမတွေ့တဲ့အကြောင်း မုန့်တီနဲ့မြီးရှည်ဆိုင် ကို အတော်လိုက်ရှာရပေမယ့် နေရာတကာ ဆန်ခေါက်ဆွဲဆိုင်နဲ့ အကင်ဆိုင် တွေပဲတွေ့နေရတဲ့အကြောင်း၊ အဲဒါကြောင့် အိပ်မက်ထဲက ရှေးခေတ်မန္တလေးကိုပဲ လွမ်းနေတော့မယ့်အကြောင်းရေး ခဲ့တာဖြစ်တယ်။  " အဟောင်းတွေကိုလွမ်း အတိတ်ကိုပဲ တမ်းတနေတာ မဟုတ်ပါဘူး။ လူဆိုတာ ကိုယ့်ဇာတိဇစ်မြစ်(root)ကိုချစ်ပြီး ကိုယ့်အမျိုးသား ယဉ်ကျေးမှု အမွေအနှစ်တွေကို ထိန်းသိမ်းစောင့်ရှောက်ဖို့ တာဝန်ရှိတယ် မဟုတ်လား။... " မန္တလေးကိုချစ်လို့၊ နှမြောလို့ မန္တလေးဆိုတာ မြန်မာ့ယဉ်ကျေးမှုရဲ့ဗဟိုချက်ပါ။ ဘာသာသာသနာရဲ့ စုလစ်မွမ်းချွန်လည်းဖြစ်တယ်။ လွမ်းစရာ တွေ မရှိဘဲနေပါ့မလား။ မန္တလေးကိုချစ်လို့။ မန္တလေးကိုနှမြောလို့၊ မြန်မာ့ယဉ်ကျေးမှုကို မြတ်နိုးလို့ ၀မ်းပန်းတနည်းရေး ခဲ့တာဖြစ်တယ်။ လွမ်းတာမှ ရင်ထဲနင့်နေအောင်ကို လွမ်းတာပါ။ မုန့်ပြစ်သလက်နဲ့ ဘယာကြော်ကိုလည်းလွမ်းပါတယ်။ မမြင် မတွေ့ရတာ၊ မစားရတာနှစ်ပေါင်းငါးဆယ်လောက်ရှိပြီဖြစ်တဲ့ သင်္ဘောမကျီးသီး (တရုတ်မကျီးသီး) ကွေးကွေးလေးတွေနဲ့ သင်္ဘောဇီးဖြူသီးနဲ့ သစ်ချိုသီးတွေကို လည်းလွမ်းပါတယ်။ ခိုတောင်မုန့်တီကို လွမ်းသလို မစီမာဇီး(ဆီး)ငန်ပြားကိုလည်း လွမ်းပါတယ်။ ကလေးဘ၀တစ်ခုလုံး ကုန်ဆုံးခဲ့ရတဲ့ ဖားသားလဖုန်းကျောင်းကြီးကို လည်းလွမ်းပါတယ်။ မန္တလေးတက္ကသိုလ် တောင်ဘက်အထွက်က လယ်ကွင်းစိမ်းစိမ်းတွေကိုလည်း လွမ်းပါတယ်။ စိန်ပန်းပင်တွေနဲ့ ကုက္ကိုပင်ကြီးတွေကိုလည်း လွမ်းပါတယ်။ ရွှေပြည်အေးဆောင်နဲ့ ရွှေမန်းဆောင်ကိုလည်းလွမ်းပါတယ်။ လူထု တိုက်ကိုလည်း လွမ်းပါတယ်။ တာကေတဆိုတာရှိသလား အဟောင်းတွေကိုလွမ်း အတိတ်ကိုပဲ တမ်းတနေတာ မဟုတ်ပါဘူး။ လူဆိုတာကိုယ့်ဇာတိဇစ်မြစ်(root)ကိုချစ်ပြီး ကိုယ့်အမျိုးသားယဉ်ကျေးမှု အမွေအနှစ်တွေကို ထိန်းသိမ်းစောင့်ရှောက်ဖို့ တာဝန် ရှိတယ်မဟုတ်လား။  မနေ့ကပဲ သတင်းစာထဲက ကုမ္ပဏီကြော်ငြာတစ်ခုဖတ် လိုက်မိတယ်။ ကုမ္ပဏီလိပ်စာဖော်ပြရာ မှာ Takayta လို့ အင်္ဂလိပ်လိုရေးထားတာ တွေ့လိုက်ရတယ်။ အဲဒါ သနဲ့တကွဲအောင် မပြောတတ်သူတစ်ယောက်က သူ့ပါးစပ်က အသံထွက်အတိုင်း ရေးလိုက်တော့ သာကေတအစား တာကေတ ဖြစ်သွားတော့တာပေါ့။ နောင်နှစ်ပေါင်းများ စွာကြာတဲ့အခါ တာကေတဆိုတဲ့မြို့ ဘယ်နေရာမှာရှိတာလဲလို့ သမိုင်းသုတေသီတွေ အလုပ်ရှုပ်မကုန်ကြပေဘူး လား။ တာကေတလိုပဲမတိဘူး၊ မတွားဘူးလို့ ရေးကုန်ကြရင် မြန်မာစာတွေ ပျက်စီးခြင်းငါးပါး ဖြစ်သွားတော့မှာပါ။ အခုတောင် မြန်မာစာက တော်တော်မျက်နှာငယ်နေပါပြီ။ မြန်မာဂျာနယ်မဂ္ဂဇင်း တွေမှာ မြန်မာနာမည်နဲ့ ထုတ်တာတော် တော်ကို နည်းပါတယ်။ မန္တလေးဆိုတာ မြန်မာပါ ကိုလိုနီလက်သစ်ဆိုတာက ရှေးခေတ်လက်ဟောင်း ကိုလိုနီစနစ်လို၊ ပိုက်ဆံအများကြီး အကုန်ခံပြီး စစ်တပ်တွေ စေလွှတ်သိမ်းပိုက်တာမျိုး မဟုတ်ဘူး။ လူသုံးကုန်ပစ္စည်း အပေါစားတွေနဲ့ ယဉ်ကျေးမှုတွေ ဘာသာစကားတွေကို ဒလဟောတင်ပို့ပြီး သူတို့သြဇာလွှမ်းမိုးအောင် လုပ်တာဖြစ်တယ်။ ငါးကြင်းဆီနဲ့ ငါးကြင်းကြော်တဲ့နည်းပဲ။ ဒီနေ့ ကျွန်တော်တို့ ထမင်းစားပွဲတွေပေါ်မှာ ကောက် ညှင်းပေါင်းနဲ့ ငါးခြောက်ဖုတ်တို့ မုန့်ပြစ်သလက်နဲ့ ဘယာကြော်တို့ မတွေ့ရတော့ဘူး။ ဒင်းမ်ဆမ်းတို့ ပီဇာတို့၊ ဟမ်ဘာကာတို့၊ အကင်စုံတို့ ပဲခေါက်ဆွဲနဲ့ ကင်ချီတို့၊ မာလာဟင်းတို့ ၀က်သားပေါင်းတို့ ဘဲကင်အခေါက်ကင်တို့လို နိုင်ငံစုံစား စရာတွေက နေရာယူထားကြပြီလေ။ ကိုလိုနီလက်သစ်ဆိုတာ ယဉ်ကျေးမှု သြဇာလွှမ်းမိုးအောင်အရင်လုပ်ပြီး စိတ်ဓာတ်ကိုချုပ်ကိုင်တာဖြစ်တယ်။ လက်ဟောင်းကိုလိုနီသမားသုံးတဲ့ စစ်တပ်တွေ အစား စာပေ၊ ဂီတ၊ ရုပ်ရှင်စတဲ့ မီဒီ ယာတွေကိုသုံးပြီး ထိုးဖောက်တာဖြစ်တယ်။ ထိလည်းပိုထိရောက်တယ်။ ကျွန်တော်တို့ မီဒီယာသမားတွေ ကိုယ်တိုင်က ကိုလိုနီလက်သစ်ဝါဒကို ဖြန့်ချိပေးသူတွေတော့ မဖြစ်သင့်ဘူးလို့ ထင်မိပါတယ်။ မန္တလေးဝိညာဉ်မပျောက်ကွယ် စေချင်တာက မြန်မာကိုချစ်လို့ပါ။ မန္တလေးဆိုတာမြန်မာပါ။ ရင်းမြစ်။ ။http://www.first-11.com/index.php?option=com_content&view=article&id=2397:2010-03-21-06-59-48&catid=78:2009-11-13-06-25-17&Itemid=135

လူစွမ်းကောင်း

Written by အရှင်သံဝရာလင်္ကာရ(ဓမ္မပိယဆရာတော်)

ကမ္ဘာ့ရာဇ၀င်ကို လေ့လာမည်ဆိုလျင် နိုင်ငံအသီးသီး၌ လူစွမ်းကောင်းတွေ ရှိခဲ့ကြသည်ကို တွေ့ရလိမ့်မည်၊ မြန်မာ့ရာဇ၀င်၌လည်း ပုဂံခေတ်က ကျန်စစ်သား၊ ငထွေရူး၊ ငလုံးလက်ဖယ်၊ ညောင်ဦးဖီးဟူ၍ လူစွမ်းကောင်းတွေရှိခဲ့ကြသည်၊ သူတို့လေးဦးလောက် မကျော်ကြားသော်လည်း အခြားလူစွမ်းကောင်းတွေ မြန်မာ ရာဇ၀င်၌ ရှိခဲ့ကြသည်၊ လူတွေက လူစွမ်းကောင်းတွေကို ချစ်ခင်မြတ်နိုးကြသည်၊ လူစွမ်းကောင်းကို သူရဲကောင်းအဖြစ်လည်း သတ်မှတ်ကြသည်။       ဤဆောင်းပါး၌ လူရယ်၊ စွမ်း ရယ်၊ ကောင်းရယ် တစ်ခုချင်း၏ အဓိပ္ပာယ်ကိုဖွင့်ဆိုချင်သည်၊ လူဖြစ် လာလျင် ပထမ-လူလူသူသူဖြစ်ဖို့ လိုသည်၊ ဒုတိယ-စွမ်းဖို့လိုသည်၊ တတိယ-ကောင်းဖို့လိုသည်၊ လူလူသူသူလည်းဖြစ်မှ၊ တစ်ခုခုလည်း စွမ်းမှ၊ ကောင်းလည်း ကောင်းမှ လူ စွမ်းကောင်းဟု ဆိုနိုင်ပေမည်၊ လူ တိုင်း လူစွမ်းကောင်းဖြစ်ခွင့်ရှိသည်၊ လူစွမ်းကောင်းဖြစ်အောင်လည်း ကြိုးစားကြရမည်။       ''လူဖြစ်အောင် လုပ်ရတာမလွယ်ဘူးဗျ'' ဟု တစ်ဦးက ညည်းတွားသည်၊ ထိုစကားကို အတွေးချော်သူတစ်ဦးက ရယ်မောသည်၊ ထိုသူ ပြောသည်မှာ အမှန်ပင်၊ အမိဝမ်းကကျွတ်ပြီး လူ့လောကရောက်လာရုံနှင့် လူဖြစ်သည်မဟုတ်၊ လူဆိုသည်မှာ အနာဂတ်တွေ၊ မျော်လင့်ချက်တွေ တစ်သီကြီးနှင့် လက်ရှိဘ၀ကို ပျော်ရွှင်စွာ ဖြတ်သန်းနေသူဖြစ်သည်။        လူဆိုသည်မှာ အညွန့်တုံးနေ သူမဟုတ်၊ အတတ်ပညာတွေ၊ အသိပညာတွေ၊ တိုးတက်မှုတွေ၊ မျော် လင့်ချက်တွေနှင့် တစ်နေ့တခြား အညွန့်တလူလူဝေဆာနေသူဖြစ်ရမည်၊ လူရယ်လို့ဖြစ်လာပြီးနောက်ပိုင်း လူ နှင့်တူအောင်နေရသင့်သည်၊ လူနှင့် တူအောင် ၀တ်ရသင့်သည်၊ လူနှင့် တူအောင် စားရသင့်သည်၊ လူနှင့်တူ အောင်အပြုအမူ ဆက်ဆံခံရသင့်သည်၊ လူတစ်ဦး၏ လုပ်ပိုင်ခွင့်၊ ရပိုင်ခွင့်၊ ပြောပိုင်ခွင့်၊ ဆိုပိုင်ခွင့်၊ လူတစ်ဦး၏ ရသင့်ရထိုက်သော ကိုယ်ပိုင်လွတ်လပ်ခွင့်၊ တန်းတူညီမျ၊ သာတူညီမျ အခွင့်များရသင့်သည်၊ အခွင့်ထူးကို မလိုပါ၊ တပြေးညီ သာတူညီမျအခွင့်ကိုသာ လိုပါသည်။       လူသည် လူတစ်ဦးရသင့်ရထိုက်သော အခွင့်အရေးကို ခံစားခွင့် ရှိမှ လူဖြစ်သည်၊ ''လူဖြစ်အောင် လုပ်ရတာမလွယ်ဘူးဗျ'' ဆိုသူ၏ စကား က အမှန်ပင်ဖြစ်သည်။     မနုဿပဋိလာဘော ဒုလ္လဘော -လူ့အဖြစ်ကိုရခဲသည်ဟု ဘုရားမိန့်သည်၊ လူ့အဖြစ်ရခဲပုံကို ရှင်းပြရာ၌ လူ့အရေအတွက်ကို တိရစ္ဆာန် အရေအတွက်နှင့် နှိုင်းယှဉ်ပြကြသည်၊ လူ့ခန္ဓာကိုယ်ထဲမှာ ပိုးမျိုးရှစ်ဆယ်ရှိသည်ဟု ဆိုသည်၊ ပိုးအကောင်ရေရှစ်ဆယ်မဟုတ်၊ အမျိုးအစားပေါင်းကို ရှစ်ဆယ်ရှိ သည်၊ တစ်မျိုးတစ်မျိုးတွင် မည်မျရှိ လေမည်နည်း၊ ဘီပိုးရောဂါရှင်များ သွေးစစ်ရာတွင် တချို့သွေးတစ်ယူနစ်မှာ ပိုးကောင်ရေ ကုဋေနှင့်ချီ၍ ရှိနေသတဲ့။        လူဦးရေက တစ်ကမ္ဘာလုံးမှ သန်း ၆၀၀၀ ခန့်သာရှိသည်၊ ပိုးမွှား တိရစ္ဆာန်က လူတစ်ဦး၏ ခန္ဓာကိုယ် အတွင်းမှာပင် သန်း ၆၀၀၀ ကချင် မှကမည်၊ ထို့ကြောင့် လူ့အဖြစ်ရခဲကြောင်းကို တိရစ္ဆာန်ပမာဏနှင့် နှိုင်းယှဉ်ပြခြင်းကလည်း ယုတ္တိတန်ပါ သည်၊ တချို့ကလည်း လူအဖြစ်ရခဲသည်ဟူရာ၌ သာမန်မည်ကာမတ္တ လူမျိုးမဟုတ်၊ အသိဉာဏ်ရှိသော လူ မျိုးဖြစ်သည်ဟု ဆိုပါသည်၊ ဤအဆို ကလည်း ကောင်းမွန်ပါသည်၊ သေချာတွေးတော့ လူဖြစ်ဖို့ကလည်း မ လွယ်၊ လူနှင့်တူအောင်နေရဖို့ ကလည်း  မလွယ်။         လူ၏ ဇာစ်မြစ်ကိုနောက်ကြောင်း ပြန်ကောက်ရာ၌ဗုဒ္ဓစာပေက ဗြဟ္မာ့ပြည်မှ ဗြဟ္မာတွေစုတေပြီး လူ့ပြည်လာ လူဖြစ်ကြသည်ဟုဆိုသည်၊  သိပ္ပံ စာပေကလူဆိုသည်မှာမျောက်ကနေ အဆင့်ဆင့်ပြောင်းလဲလာသည်ဟု ဆိုသည်၊ ထိုအယူအဆနှစ်ခုလုံး လက်ခံနိုင်ဖွယ်ရာရှိသည်၊ တချို့လူတွေက မေတ္တာ၊ ကရုဏာ၊ မုဒိတာ၊ ဥပေက္ခာ ဟူသော ဗြဟ္မာစိတ်များ အရှိန်မပြယ်သေး၊ မြင့်မြတ်သော ဗြဟ္မာစိတ်များရှိ နေကြသေးသည်၊ တချို့ကတော့ လူ့စိတ်သည်မျောက်စိတ်ဟုဆိုသည့်အတိုင်း တည်တည်ကြည်ကြည်တည် တည်တန့်တန့်မရှိ၊ အပြောင်းအလဲ မြန်သည်၊ ဆင်ခြင်တုံတရားမရှိ၊ စဉ်းစားဉာဏ်၊ ဆင်ခြင်ဉာဏ်မရှိ၊ မောဟ ဦးစီးသော လောဘဒေါသမာန် မာနတွေသာရှိသည်။        လူ့ပြည်၌ ဗြဟ္မာစိတ်ရှိသူနှင့် မျောက်စိတ်ရှိသူ မည်သူက များနေ သနည်းဟုမေးက မျောက်စိတ်ရှိသူ က များပါသည်ဟု ဖြေလိမ့်မည်၊ သို့ဆိုလျင် လူသည် မျောက်ကနေဆင်း သက်လာသည်ဟူသော ဒါဝင်၏ အယူအဆမှန်ကန်ဖွယ်ရှိသည်၊ လူ့အဖြစ်ကိုရခဲသည်ဟု ဘုရားမိန့်ရာ၌ ဘုရားက ဗြဟ္မာအဖြစ်ကနေ ဆင်းသက်လာသော ဗြဟ္မာစိတ်ထားရှိသည့် လူမျိုးကိုသာ ဆိုလိုသည်၊ ဗြ ဟ္မာစိတ်ထားရှိမှ ဘုရားကလူရာသွင်းသည်ဟု ဆိုလျင် လူဖြစ်ဖို့က ခက်နေသေးသည်မှာ ထင်ရှားသည်။       လူကို ပါဠိလို''မနုဿ'ဟုခေါ်သည်၊ သဒ္ဒါဆရာတို့ အဆိုအရ မနုဿ၏ အဓိပ္ပာယ်က ကုသိုလ် အကုသိုလ် တရားတို့ကို ခွဲခြားသိသူဟု အဓိပ္ပာယ် ထွက်သည်။ အမှန်တော့ သိရုံနှင့်မပြီး၊ အကုသိုလ်ကိုရှောင်၊ ကုသိုလ်ကိုဆောင်မှ လူဖြစ်သည်။ အကုသိုလ် ပြုခြင်းသည် အ၀ိဇ္ဇာကြောင့်ဖြစ်သည်။ ကုသိုလ်ကိုပြုခြင်းသည် ၀ိဇ္ဇာကြောင့် ဖြစ်သည်။ လူဟူသည်ဝိဇ္ဇာဖြစ်သည်၊ ၀ိဇ္ဇာဖြစ်ရမည်။ "လူသည်ပထမ လူဖြစ်အောင်ကြိုးစားရမည်။ ဒုတိယ တစ်ခုခုစွမ်းအောင် လုပ်ရမည်။ တတိယ ဆိုခဲ့သည့် အကောင်းတွေ ထည့်ပေါင်းပေးရမည်။ ထိုအခါ လူ+စွမ်း+ကောင်း ဖြစ်ပါလိမ့်မည်။"         အဋ္ဌကထာဋီကာတို့ အဆိုအရ မနုဿန္နမှ မနုဿဟူ၍ ဖြစ်လာသည်။ သတိရှိခြင်း၊ ရဲရင့်ခြင်း၊ မြတ်သောအကျင့်အား လျောက်ပတ်သော ဂုဏ်တို့ဖြင့် ဆည်းပူးအပ်သော စိတ်ရှိ၍ အမြတ်ဆုံးဂုဏ်တို့ဖြင့် ဆည်းပူးအပ်သော စိတ်ရှိသူဟု အဓိပ္ပာယ်ထွက်သည်။ ဇမ္ဗူဒိပ်ကျွန်းသားတို့သည် မုချအားဖြင့် မနုဿအမည် ရသည်။         ထက်မြက်သော စိတ်ရှိသူကို 'လူ'ဟုခေါ်၏။ မကောင်းမှုအရာ၌ ပဉ္စာနန္တရိယကံတိုင်အောင် ပြုရဲကြ၏။ ကောင်းမှုအရာ၌ ဘုရားဖြစ်သည့် တိုင်အောင် စွမ်းနိုင်ကြ၏။ ထိုသို့ ထက်မြက်သောစိတ်ရှိရကားဇမ္ဗူဒိပ် ကျွန်းသားတို့ကို မုချအားဖြင့်'မနုဿ' ဟုခေါ်၏။ အခြားကျွန်း၌ရှိသူတို့ ကားရုပ်ဆင်းပုံသဏ္ဌာန်တူကြသဖြင့် သဒိသူပစာရအားဖြင့် 'မနုဿ'ဟု ဆိုသည်။ သဂြိုဟ်ဘာ သာဋီကာ၌ ဤသို့ဆိုသည်။         ၀ိမာန၀တ္ထုအဋ္ဌကထာ၌ နေရ ယိကမနုဿ-ငရဲသားကဲ့သို့ ဆင်းရဲ သောလူ၊ ပေတမနုဿ-ပြိတ္တာကဲ့သို့ ငတ်ပြတ်နေသောလူ၊ တိရစ္ဆာနမနုဿ-တိရစ္ဆာန်ကဲ့သို့ အသိဉာဏ်မရှိ၊ အသိတရားမရှိ၊ ဘာမျမသိတတ်သောလူ၊ ပရမတ္ထမနုဿ-ကောင်း ကျိုးဆိုးကျိုးသိသူ၊ ကံ၏အကျိုးကို ယုံကြည်သူ၊ အရှက်အကြောက်နှင့် ပြည့်စုံသူ၊ သတ္တ၀ါတို့အပေါ်သနား ညှာတာတတ်သူ၊ သံဝေဂများသူ၊ ဒုစရိုက်တရားတို့ကို ရှောင်ကြဉ်၍ သုစရိုက်တရားတို့ကို ကျင့်သုံးသူ၊ ထိုသို့မနုဿဓမ္မ၌ တည်သောလူ ဟူ၍ လူလေးမျိုးဖွင့်ပြသည်။        ပရမတ္ထမနုဿဟူသည် မြတ် သောလူ၊လူသားစင်စစ်ဟု အဓိပ္ပာယ် ရသည်။ တကယ့်လူစင်စစ်သည် ကောင်းကျိုးဆိုးကျိုးခွဲခြားသိရမည်။ ကံ၏ အကျိုးကို ယုံကြည်ရမည်။ အရှက်အကြောက်ရှိရမည်။ အများအပေါ် သနားညှာတာတတ်ရမည်။ သံဝေဂမကြာမကြာရရမည်။ ယူရမည်။ ဒုစရိုက်တရားတွေ ရှောင်ကြဉ်ရမည်။ သုစရိုက်တရားတွေကျင့်သုံးရမည်။ သို့မှပရမတ္ထမနုဿလူစင်စစ်ဖြစ်သည်။ ဘုရားမိန့်သော ရခဲသောလူ့အဖြစ်ဟူသည် ထိုပရမတ္ထမ နုဿဖြစ်သည်။       လူသည် ပထမလူဖြစ်အောင် လုပ်ရမည်၊ လူဖြစ်အောင် ကြိုးစားရမည်၊ လူလူသူသူဖြစ်ရမည်၊ လူတစ်လုံးသူတစ်လုံးဖြစ်ရမည်၊ လူ ဖြစ်ပြီးသည့်နောက်ပိုင်း ဒုတိယတစ် ခုခုစွမ်းရမည်၊ လူထဲမှာ စွမ်းထည့်၍ ပေါင်းရမည်၊ သင်သည် တစ်ခု ခုမှ မစွမ်းလျင် လူညံ့ဖြစ်မည်။ လူတုံး(ငတုံး)ဖြစ်မည်။ ထို့ကြောင့် သင် သည် တစ်ခုခုတော့ စွမ်းမှဖြစ်မည်။      'စွမ်း'ဟူသောပုဒ်နှင့် စပ်၍စွမ်းဆောင် -(ပြီးစီးအောင်မြင်အောင်လုပ်နိုင် သည်)၊ စွမ်းပကား-(ခွန်အား)၊ စွမ်းရည်-(လုပ်ကိုင်ဆောင်ရွက်နိုင်သော အရည်အချင်း)၊ စွမ်းအား-(လုပ်ကိုင်ဆောင် ရွက်နိုင်သော အင်အား)၊ စွမ်းစွမ်းတမံ (အစွမ်းကုန်ကြိုးစားသည်)၊ မြန်မာ အဘိဓာန်၌ ဤသို့ဖွင့်သည်။     စွမ်းရည်သတ္တိဟုလည်း သုံးသဖြင့် မိမိ၏အစွမ်း၊ မိမိ၏ အရည်အချင်း သည် မိမိ၏ သတ္တိဖြစ်သည်။ ပညာ ရဲရင့်ပွဲလယ်တင့်ဟုဆိုသည့်အတိုင်း ပညာကသတ္တိကို မွေးဖွားပေးသည်။ ပညာကြောင့် သတ္တိရှိသည်။ သတ္တိရှိ လို့ ရဲရင့်သည်၊ လူပုံအလယ်၌ ပြောရဲဆိုရဲရှိသည်။ လုပ်ရဲကိုင်ရဲရှိသည်။ ထို့ကြောင့်ပွဲလယ်၌တင့်တယ်သည်။          လူဆိုသည်မှာ ဘ၀ပေးတာဝန်အရ၊ သမိုင်းပေးတာဝန်အရ ၀န်တစ်ခုခုကိုတော့ ထမ်းနေကြရသည်။ ဆောင်နေကြရသည်။ ထမ်းဆောင် နေကြရသည်။ ထိုအခါ စွမ်းဖို့လိုသည်။ စွမ်းဆောင်ဟု ဆိုရာ၌ စွမ်းမှ သာ ဆောင်နိုင်သည်။ မစွမ်းက မဆောင်နိုင်၊ မစွမ်းဘဲ ဆောင်ခဲ့လျင် ရှေ့ကို ရွေ့မည်မဟုတ်၊ ရှေ့ကို ရောက်မည်မဟုတ်၊ မစွမ်းဘဲနှင့် ဆောင်နေလျင် ၀န်ထမ်းမဟုတ်ဘဲ ၀န်စီး သို့မဟုတ် ၀န်ထုပ်ဝန်ပိုးဖြစ်တတ်သည်။ ထို့ကြောင့် ၀န်စီးမဖြစ်စေဖို့၊ ၀န်ထုပ်ဝန်ပိုးမဖြစ်စေဖို့ မိမိ တို့ထမ်းသည့် ၀န်ကို မိမိတို့ ဆောင် နိုင်စွမ်းရှိဖို့ အရေးကြီးသည်။          ဦးကနေ၍ ဆောင်မည်ဆိုလျင် လည်း အမှန်တကယ် ဆောင်နိုင်စွမ်း ရှိရမည်။ ပဲ့ကနေ၍ ဆောင်မည်ဆိုလျင်လည်း အမှန်တကယ်ဆောင်နိုင်စွမ်းရှိရမည်။ ရှေ့ကို တိုးသွား၊ တက် သွား၊ ရောက်သွားပါမှဆောင်နိုင်စွမ်း ရှိသူဟု သတ်မှတ်၍ရမည်။ မတိုး၊ မတက်၊ ခရီးမတွင်ပါလျင် မစွမ်းဘဲ နှင့် ဆောင်နေရာရောက်သည်။         လူသည် တစ်ခုမဟုတ် တစ်ခု ထမ်းပိုးရွက်ဆောင်နေရသည်။ မိမိ ထမ်းပိုးရွက်ဆောင်နေသော ၀န်ကို ထမ်းပိုးနိုင်စွမ်း၊ ရွက်ဆောင်နိုင်စွမ်း ရှိရမည်။ သို့မှ တာဝန်ကျေပွန်သူ အဖြစ် သတ်မှတ်ရသည်။ တာဝန် ကျေပွန်မှသာ လူလိမ္မာဖြစ်သည်၊ မကျေပွန်လျင်လူမိုက်ဖြစ်သည်၊ ထို့ကြောင့် လူသည် မိမိဆိုင်ရာဆိုင်ရာ ၀န်နှင့်စပ်၍ စွမ်းနေဖို့လိုသည်၊ စွမ်းဆောင်ဖို့လိုသည်။          လူထဲကို အစွမ်းတစ်ခုခုထည့် ပေါင်းပြီးနောက် တတိယအနေနှင့် 'ကောင်း'ဆိုတာကို ထည့်ပေါင်းဖို့လို သည်။ လူသည် အစွမ်းအစရှိ ရုံနှင့် လူတော်သာဖြစ်နိုင်သေးသည်။ လူကောင်းဖြစ်ဖို့အတွက် စိတ်ကောင်း  နှင့် အကျင့်ကောင်းနှစ်ခုကို ထည့်ပေါင်းပေးရမည်။ လူသည် စိတ်ကောင်းလည်းရှိမှ အကျင့်ကောင်း လည်းရှိမှ လူကောင်းဖြစ်သည်။       လူတော်ဖြစ်လျက် စိတ်ကောင်း မရှိက လူကောင်းမဖြစ်နိုင်သလို အကျင့်ကောင်းမရှိ၊ အကျင့်မကောင်း ပြန်လျင်လည်း လူကောင်းမဖြစ်နိုင်၊ သက်ရှိသက်မဲ့ပတ်ဝန်းကျင်ကို ကောင်းအောင်လုပ်နိုင်တာက လူတော်မဟုတ်၊ လူကောင်းတွေသာဖြစ်သည်။ ထို့ကြောင့်လူသည် လူ ကောင်းဖြစ်ဖို့လိုသည်။ စွမ်းလည်း စွမ်း၊ ကောင်းလည်းကောင်းဆိုလျင်တော့ အတိုင်းအထက် အလွန်တံခွန် နှင့်ကုက္ကားသို့ ရှိချိမ့်မည်။         လူ+စွမ်းထဲကို ကောင်းထည့် ပေါင်းရာ၌ မရှိမဖြစ်လိုအပ်တာကတော့ စိတ်ကောင်းနှင့်အကျင့်ကောင်းဖြစ်သည်။ ထို့အပြင် အခြားအကောင်းတွေကို ရှာဖွေကြည့်သောအခါ ကံလည်းကောင်းရမည်။ ဉာဏ်လည်းကောင်း ရမည်။ ၀ီရိယလည်းကောင်းရမည်။ ဇွဲလည်းကောင်းရမည်။ နေရာလည်း ကောင်းရမည်။ အမှီလည်းကောင်းရမည်။ မိတ်လည်းကောင်းရမည်။ အပေါင်း အသင်းလည်းကောင်းရမည်။         ကံကောင်းဖို့အတွက် စေတနာကောင်းရမည်။ အလုပ်ကောင်းရမည်။ ဉာဏ်ကောင်းဖို့အတွက် ဗဟု သုတ လေ့လာလိုက်စားရမည်။နေရာကောင်း ဖို့အတွက် ပဋိရူပဒေသ၀ါသ ဖြစ်ရမည်။ ပဋိရူပဒေသ၀ါသကို ရွေးချယ် ၍အခြေချရမည်။ လူသည်ပထမလူ ဖြစ်အောင်ကြိုးစားရမည်။ ဒုတိယ တစ်ခုခုစွမ်းအောင်လုပ်ရမည်။ တတိယ ဆိုခဲ့သည့် အကောင်းတွေထည့်ပေါင်း ပေးရမည်။ထိုအခါလူ+စွမ်း+ကောင်း ဖြစ်ပါလိမ့်မည်။ ရင်းမြစ်။ ။http://www.first-11.com/index.php?option=com_content&view=article&id=2421:2010-03-22-07-26-29&catid=78:2009-11-13-06-25-17&Itemid=135