ဆန်ပြဿနာ၊ နိုင်ငံရေးတည်ငြိမ်မှုနဲ့ ခေတ်သစ်ဘူလင်ဂျာပူးလ်အဖွဲ့

မကြာသေးမီက ဆန်ကိစ္စနှင့်စပ်လျဉ်းပြီး စူးစူးရဲရဲ ဝေဖန်သံတချို့ ထွက်ပေါ်လာတာကို ကြားလိုက်ရတယ်။ အငြိမ်းစား ကုလသမဂ္ဂအရာရှိ၊ ထွန်းဖောင်ဒေးရှင်းဘဏ်၏ ဒါရိုက်တာတဦးဖြစ်သူ စီးပွားရေးပညာရှင် ဦးမြင့်က “ဆန်စပါးကဏ္ဍမှာ အထွက်တိုး၊ ၀င်ငွေတိုး၊ အလုပ်အကိုင် တိုးပွားလာမယ်ဆိုရင် ကျေးလက်ဒေသ ဆင်းရဲမွဲတေမှုကို တိုက်ဖျက်နိုင်မှာ ဖြစ်ပါတယ်။ ပြီးတော့ ပြည်တွင်းမှာလည်း ရိက္ခာပေါများလာမှာပါ” လို့ ဇန်န၀ါရီ (၁၀) ရက်နေ့က ရန်ကုန်မြို့ သတင်းစာရှင်းလင်းပွဲတခုမှာ ပြောသွားတာ ကြားလိုက်ရတယ်။ “မြန်မာပြည်က ပို့တဲ့ဆန်က များသောအားဖြင့် အရည်အသွေးညံ့တယ်။ ဒါကြောင့် တင်ပို့နှုန်း ပိုပြီးကျလာစရာရှိတယ်” လို့လည်း သူက ထောက်ပြဝေဖန်ထားသေးတယ်။

မနှစ်က အောက်တိုဘာလမှာ ဖိလစ်ပိုင်နိုင်ငံ စီဘူးကျွန်းမှာ ကမ္ဘာ့ဆန်ညီလာခံ လုပ်ခဲ့ပြီး မြန်မာပြည်က ဆန်ကုမ္ပဏီပေါင်း (၃၀) ခန့် သွားရောက်ပြသတယ်လို့ မြန်မာနိုင်ငံ ဆန်စပါးထုတ်လုပ်သူများအသင်း ဥက္ကဋ္ဌ ဦးစိန်ဝင်းလှိုင်က ပြောတာလည်း ကြားလိုက်ပါတယ်။ ထိုင်း၊ ဗီယက်နမ်နဲ့ ပါကစ္စတန်နိုင်ငံတွေလို မြန်မာ့ဆန်လည်း ကမ္ဘာ့ဆန်ဈေးကွက်မှာ နေရာရရှိလာအောင် လုပ်မယ့်အကြောင်း ဦးစိန်ဝင်းလှိုင်က ဆိုပါတယ်။ မြန်မာနိုင်ငံမှာ ပြည်ပနိုင်ငံများသို့ ဆန်တင်ပို့ ရောင်းချတဲ့ ကုမ္ပဏီကြီး (၂၀) ခန့်၊ ကုမ္ပဏီအသေး (၂၀) ခန့် ရှိကြောင်းလည်း သိရပါတယ်။ မြန်မာနိုင်ငံက တင်ပို့နေတဲ့ (၂၅ မှတ်) ဆန်ဟာ ဗီယက်နမ်နဲ့ ပါကစ္စတန်ဆန်တို့အောက် (၁) တန်လျှင် အမေရိကန်ဒေါ်လာ (၂၀ မှ ၅၀)၊ ထိုင်းဆန်အောက် (၁) တန်လျှင် ဒေါ်လာ (၅၀ နှင့် ၁၀၀) အထိ ဈေးနိမ့်နေသေးကြောင်း ဦးစိန်ဝင်းလှိုင်က ပြောထားတာ တွေ့ရတယ်။

ဇန်န၀ါရီလမှာ စပါးဈေး အနည်းငယ်မြင့်လာတာကြောင့် ကုန်သည်တွေက ဆန်ထုတ်လုပ်မှုကို ထိန်းထားတယ်။ ဒါကြောင့် ယခင်လထက် ရန်ကုန်ဈေးကွက်သို့ ဆန်အ၀င်လျော့လာကြောင်း၊ ဇန်န၀ါရီလအတွင်းက စပါးတင်း (၁၀၀) လျှင် ပေါ်ဆန်း ကျပ်ငါးသိန်းနှစ်သောင်း၊ ဧည့်မထ ကျပ်လေးသိန်းခန့်မှ ဖေဖော်ဝါရီလတွင် ပေါ်ဆန်း ငါးသိန်းခွဲ၊ ဧည့်မထ လေးသိန်းနှစ်သောင်းသို့ မြင့်တက်လာကြောင်း၊ ဖျာပုံမြို့နယ် ဆန်လုပ်ငန်းရှင်များအသင်းဥက္ကဋ္ဌ ဦးမြင့်သိန်းက ပြောတာလည့်း ညေါသည နြိငွေမသကစ သတင်းမှာ တွေ့လိုက်ပါတယ်။ မြန်မာနိုင်ငံ ဆန်စပါးကုန်သည်များအသင်းမှ ထုတ်ပြန်တဲ့ စာရင်းတွေအရ ဇန်န၀ါရီလမှာ ရန်ကုန်ဈေးကွက်သို့ (၁) ရက်လျှင် ဆန်အိတ်ရေ (၆၀ယ၀၀၀) ခန့် ၀င်ရောက်ခဲ့ရာမှ ဖေဖော်ဝါရီလမှာ (၁) ရက် ပျမ်းမျှ အိတ်ရေ (၄၅ယ၀၀၀) ခန့်သာ ၀င်တယ်လို့ ဆိုပါတယ်။

“စပါးပေါ်ချိန်မှာ ဈေးတက်တာက ဒီနှစ် အထွက်လျော့လို့ ဖြစ်ပါတယ်။ ကုန်ရှားတော့ ၀ယ်သူက လုနေရတဲ့အတွက် စပါးဈေးက မာနေတာပါ။ စပါးဈေးမာတော့ ကုန်သည်က သိပ်မကိုက်တဲ့အတွက် ဆန်ကို ထိန်းကြိတ်နေပါတယ်” လို့ ဦးမြင့်သိန်းက ဆိုပါတယ်။

ဆန်ဟာ မြန်မာနိုင်ငံရဲ့ အသက်သွေးခဲလို့ အဆိုရှိပါတယ်။ ဆန်စပါးကဏ္ဍကိုသာ စနစ်တကျ စီမံခန့်ခွဲတတ်ရင် တိုင်းပြည်အေးချမ်းဖို့ ငါးဆယ်ရာနှုန်း သေချာပါတယ်။ ဆန်ဈေး လိုတာထက် ပိုတက်လာတိုင်း နိုင်ငံမငြိမ်မသက်ဖြစ်တတ်တာ အစဉ်အလာ ဖြစ်နေပါပြီ။ တိုင်းပြည်အတွက် အခွန်ဘဏ္ဍာနဲ့ နိုင်ငံခြားငွေကို အဓိကရှာပေးတာလည်း ဆန်စပါးပါပဲ။ မြန်မာ့လူဦးရေ (၈၀) ရာနှုန်းဟာ ဆန်စပါးနဲ့ ဆက်စပ်ပတ်သက်တဲ့ စီးပွားရေးလုပ်ငန်းတွေကို မှီခိုနေကြရတယ်လို့လည်း မှတ်တမ်းမှတ်ရာတွေ ရှိပါတယ်။ အကြောင်းကတော့ ဆန်ဟာ ထမင်းချက်စားဖို့ သက်သက်မျှသာမကဘဲ အမှုန့်ပြုပြီး ပေါင်မုန့်နဲ့ မုန့်အမျိုးမျိုးပြုလုပ်ခြင်း၊ ဆန်ကြာဆံ၊ ဆန်ခေါက်ဆွဲ စတာတွေလည်း ထုတ်လုပ်ခြင်း၊ အထည်အလိပ်တွေ ကော်တင်ရာမှာသုံးဖို့ ကော်အမျိုးမျိုးလုပ်ခြင်း၊ ဆန်ကွဲကနေ အရက်နဲ့ ဘီယာချက်လုပ်ခြင်း၊ ဖွဲနုကျပြန်တော့ စားသုံးဆီ၊ ဗီတာမင်ဆေးပြား၊ တိရစ္ဆာန်အစာ … စတာတွေ ထုတ်လုပ်နိုင်ခြင်း၊ ကောက်ရိုးကျတော့ ကျွဲ နွားအတွက် ရိက္ခာဖြစ်တဲ့အပြင် ကတ်ပြားစက္ကူလည်း ထုတ်လုပ်နိုင်ခြင်း၊ နောက်ဆုံး ဖွဲကြမ်း ဖွဲပြာကအစ လူ့အသုံးအဆောင် အဖြစ် အသုံးဝင်တာတွေ့နိုင်ပါတယ်။ အလဟဿဖြစ်တာ ဘာတခုမှမရှိပါဘူး။

ဒါကြောင့် ဆန်စပါးထုတ်လုပ်ရေးနဲ့ အဓိကဆန်စပါးစိုက်ပျိုးထုတ်လုပ်ပေးသူ လယ်သမားတို့ရဲ့ ရပိုင်ခွင့်တို့ကို မှန်မှန်ကန်ကန် စီမံဆောင်ရွက်ပေးနိုင်ခြင်းကိစ္စဟာ နိုင်ငံရေး၊ စီးပွားရေးတည်ငြိမ်မှုအတွက် ပဓာနအချက် ဖြစ်လာပါတယ်။ ဒုတိယကမ္ဘာစစ် မတိုင်မီကာလက ကမ္ဘာ့ဆန်ဈေးကွက်မှာ တနှစ်လျှင် ပျမ်းမျှဆန်တန်ချိန် (၇) သန်းခန့် ရောင်းဝယ်ဖောက်ကားမှုရှိပါတယ်။ အဲဒီအချိန်က မြန်မာနိုင်ငံရဲ့ ပြည်ပသို့ ဆန်တင်ပို့ရောင်းချမှု ပမာဏဟာ တန်ချိန် (၃.၅) သန်းဝန်းကျင် ဖြစ်ပါတယ်။ ကမ္ဘာ့ဆန်ဈေးကွက်ရဲ့ (၅၀) ရာခိုင်နှုန်းကို မြန်မာနိုင်ငံက စိုးမိုးထားတာတွေ့နိုင်ပါတယ်။ ပထမကမ္ဘာစစ်ပြီးနောက်ပိုင်းမှာ အခြေခံစားကုန်ဖြစ်တဲ့ ဆန်ဈေးကောင်းလာတာတွေ့ရပြီး မြန်မာနိုင်ငံရဲ့ ဆန်စပါးထုတ်လုပ်ရောင်းဝယ်ရေးလုပ်ငန်း အထူးဖွံ့ဖြိုးလာပါတယ်။ မြန်မာ၊ တရုတ်နဲ့ အိန္ဒိယ စီးပွားရေးလုပ်ငန်းရှင်တွေဟာ ကုန်းလမ်း၊ ရေလမ်း၊ မီးရထားလမ်းတလျှောက် စပါးအများအပြားထွက်ရာ အချက်အချာကျတဲ့ မြို့ရွာတွေမှာ တနေ့ ဆန်တန်ချိန် (၁၀) ကနေ (၁၀၀) အထိ ကြိတ်ခွဲနိုင်တဲ့ ဆန်စက်တွေ တည်ဆောက်ခဲ့ကြောင်း မှတ်တမ်းများ တွေ့ရတယ်။

“၁၉၃၃ ခုနှစ် စက်ရုံဥပဒေ” အရ မှတ်ပုံတင်ထားတဲ့ ဆန်စက်ပေါင်း (၆၁၂) လုံးရှိပြီး ဆန်စက်အလုပ်သမားပေါင်း (၄၉ယ၃၃၂) ဦး ရှိတယ်လို့ ဆိုတယ်။ ဆန်စက် (၆၁၂) လုံးအနက် (၄၅) လုံးကို ဥရောပတိုက်သားတွေ ပိုင်ကြောင်း သိရတယ်။ အဲဒီစက် (၄၅) လုံးဟာ ဆန်စက်ကြီးတွေဖြစ်လို့ အလုပ်သမား (၁၉ယ၅၃၀) ဦး ရှိတယ်လို့ မှတ်တမ်းတွေအရ သိရတယ်။ အဲဒီထဲက အများစုကို အင်္ဂလို-ဘားမား ဆန်ရောင်းဝယ်ရေးကုမ္ပဏီ၊ စတီးဘရားသားကုမ္ပဏီ ၊ ဘူးလော့ဘရားသား ကုမ္ပဏီ ၊ အယ်လာမန်အာရကန် ဆန်ရောင်းဝယ်ရေးကုမ္ပဏီ ၊ ဆိုတဲ့ ကုမ္ပဏီ (၄) ခုက ပိုင်ပါတယ်။ ဒီကုမ္ပဏီ (၄) ခုက မြန်မာနိုင်ငံ သင်္ဘောဆိပ်မြို့ကြီးတွေမှာ ဆန်စက်ကြီး (၂၁) လုံး ပိုင်တယ်။ နှစ်စဉ် ပြည်ပပို့ ဆန်တန်ချိန် သုံးသန်းကျော်အနက် (၃၅) ရာခိုင်နှုန်းကို ဒီ ကုမ္ပဏီ (၄) ခုက တင်ပို့တယ်။

မြန်မာ့ဆန်စပါးသမိုင်းကို ပြောတဲ့အခါ မပါရင်မပြီးတဲ့ ဘူလင်ဂျာပူးလ် (ကြူငညါနမ ဏသူ) ဆိုတဲ့ “ဆန်စပါးလက်ဝါးကြီးအုပ် ရောင်းဝယ်ရေးအသင်းကြီး” ကို ဒီ ကုမ္ပဏီ (၄) ခုက ဖွဲ့ခဲ့တာဖြစ်တယ်။ ဘူလင်ဂျာပူးလ်ကို ဖွဲ့ရတဲ့ ရည်ရွယ်ချက်က ဆန်စပါးရောင်းဝယ်ရေးမှာ ဈေးနှုန်းတညီတညွတ်တည်းဖြစ်အောင် ထိန်းညှိပေးဖို့ ချမှတ်နိုင်ဖို့လို့ ဆိုပါတယ်။ ဒါပေမယ့် လက်တွေ့မှာ ဘူလင်ဂျာပူးလ်က တောင်သူလယ်သမားတွေထံမှ စပါးများကို အဆမတန် ဈေးနှိမ်ဝယ်ယူခဲ့တာဖြစ်တယ်။ ပြည်ပတင်ပို့တဲ့အခါ အမြတ်ကြီးစွာရခဲ့ကြတယ်။ ဗြိတိသျှအရင်းရှင်ကြီးများ စိတ်ကြိုက်ဖွဲ့ထားတဲ့ အဖွဲ့ဖြစ်လို့ မြန်မာတောင်သူလယ်သမားတို့ အကျိုးစီးပွားကို မျက်ကွယ်ပြုခဲ့ကြတယ်။ မြန်မာ့စီးပွားရေးကို ဗြိတိသျှအရင်းရှင်များ စနစ်တကျ ခြယ်လှယ်အမြတ်ထုတ်ခဲ့ပုံကို ထင်ရှားစေတဲ့ သာဓကဟာ ဘူလင်ဂျာပူးလ်ပါပဲ။ ဘူလင်ဂျာပူးလ်ရဲ့ ဈေးနှိမ်မှု၊ ဈေးကစားမှု၊ အမြတ်ကြီးစားမှုတွေကြောင့် မြန်မာတောင်သူလယ်သမားတွေ ဆင်းရဲတွင်းနက်ခဲ့ကြရာက ၁၉၃၀ ခုမှာ ဆရာစံ ဦးဆောင်တဲ့ တောင်သူလယ်သမားအရေးတော်ပုံ ပေါ်ခဲ့ရတာဖြစ်ပါတယ်။

၁၉၆၇ ခု သြဂုတ်လ (၁၃) ရခိုင်ပြည်နယ်၊ စစ်တွေဆန်အရေးအခင်း ပေါ်ပေါက်ခဲ့တာကို ပြန်လှန်သုံးသပ်ရင် အဲဒီနှစ် မတ်လ (၂) ရက် ဗိုလ်နေ၀င်း စစ်အာဏာသိမ်း (၅) နှစ် မြောက်မှာ “ဗဟိုတောင်သူလယ်သမားကောင်စီ” ဖွဲ့တာက စပြောရမယ်ထင်ပါတယ်။ ဆန်စပါး ရောင်းတာ၊ ၀ယ်တာ၊ ကြိတ်ခွဲတာ၊ သိုလှောင်တာ၊ သယ်ပို့တာတွေကို ကန့်သတ်ချုပ်ချယ်မှုက အစပြုတာပါပဲ။ လိုရင်းပြောရရင် “ဗဟိုတောင်သူလယ်သမား ကောင်စီ” က ဆန်စပါး လွတ်လပ်စွာ ရောင်းဝယ်မှုကို ပိတ်ပင်ဟန့်တားလိုက်တယ်။ လယ်သမားဆီက စပါးကို စစ်ကောင်စီက ပုံသဏ္ဌာန်အမျိုးမျိုးနဲ့ ဈေးနှိမ်ဝယ်တယ်။ နိုင်ငံခြားဆန်တင်ပို့ရောင်းချမှုကို စစ်ကောင်စီက လက်ဝါးကြီးအုပ်လိုက်တယ်။ အကျိုးဆက်ကတော့ လယ်သမားမှာ ၀မ်းစာတောင်မကျန်။ ဆန်ရှားပါးမှုနဲ့ တပြည်လုံး ရင်ဆိုင်ခဲ့ရတယ်။ လမ်းပန်းဆက်သွယ်ရေး ခက်ခဲတဲ့ ရခိုင်ပြည်နယ်မှာတော့ အငတ်ဘေးဆိုက်တဲ့အထိဖြစ်ရပြီး ဆန်လုပွဲတွေ ပေါ်ခဲ့ပါတယ်။ ပြည်သူတွေ ရက်ရက်စက်စက် အစုလိုက် ပစ်သတ်ခံခဲ့ရပါတယ်။ ချုပ်လိုက်ရင် “ဗဟိုတောင်သူလယ်သမားကောင်စီ” ဟာ “ဘူလင်ဂျာပူးလ်” နေရာကို ၀င်ယူလိုက်ရုံမက ရက်ရက်စက်စက်လည်း လူသတ်ပြခဲ့ပါတယ်။

အလားတူ ၁၉၇၄ ခုနှစ် အလုပ်သမားဆန္ဒပြမှုဖြစ်စဉ်ကို လေ့လာရင်လည်း ဆန်ရှားပါးမှုဟာ ပြဿနာရဲ့ သော့ချက်ဖြစ်နေတာ တွေ့ရပြန်ပါတယ်။ ဒီနေရာမှာ မဆလအစိုးရရဲ့“၁၉၇၄ အလုပ်သမားဆန္ဒပြမှု စုံစမ်းရေးကော်မရှင်၏ အစီရင်ခံစာ” မှာပါတဲ့ သုံးသပ်ချက်တခုကို ဖော်ပြလိုပါတယ်။

“အလုပ်သမားဆန္ဒပြမှု ဖြစ်ပွားသည့် နေရာတိုင်းလိုပင် ဆန်အလုံအလောက်ရရှိရေးနှင့် ကုန်ဈေးနှုန်းကျဆင်းရေး၊ လုပ်ခလစာနှုန်း တိုးမြှင့်ပေးရေး တောင်းဆိုချက်များ တင်ပြကြကြောင်း တွေ့ရပါသည်။ တနည်းဆိုရလျှင် စီးပွားရေးကျပ်တည်းမှုကို ရင်ဆိုင်နေရကြောင်း ထင်ရှားပါသည်။ ဆန်ဈေးမှာ ၁၉၇၂ ခုနှစ် ကတည်းကပင် အတက်အကျများ ရှိသော်လည်း အတက်များပြီး အကျနည်းသောကြောင့် တရိပ်ရိပ် မြင့်တက်လာခဲ့ပါသည်။

ဗဟိုစာရင်းအင်းအဖွဲ့ထုတ်ပြန်ချက်အရ ၁၉၇၃ ခုနှစ် မေလအတွင်းက ကုန်သွယ်ရေးမှ ဖြန့်သော ငစိန်ဆန်ဈေးသည် တပြည် (၁) ကျပ်ဖြစ်၍ အပြင်ပေါက်ဈေးသည် (၁) ကျပ် (၅၀) ပြားသာ ရှိပါသည်။ ၁၉၇၄ ခုနှစ် မေလတွင် ကုန်သွယ်ရေးမှ ဖြန့်သော ဈေးမှာ (၁) ကျပ် (၄၅) ပြားဖြစ်လာပြီး အပြင်ပေါက်ဈေးမှာ (၃) ကျပ် (၅၀) ပြား ဖြစ်လာပါသည်။ ကုန်သွယ်ရေးမှ ဖြန့်ဖြူးရာ၌လည်း ၁၉၇၃ ခုနှစ်ကတည်းက မူလဖြန့်ဖြူးပေးခဲ့သော နှုန်းထက် တ၀က်ခန့်လျော့ခဲ့ပြီး ၁၉၇၄ ခုနှစ် ဧပြီလတွင် ထပ်မံလျှော့ချ ခဲ့ပါသည်။ ဤသို့ ဆန်ကို လျော့နည်းဖြန့်ဖြူးခြင်းကြောင့် အလုပ်သမားများမှာ များစွာနစ်နာပါသည်။” (အလုပ်သမားဆန္ဒပြမှု စုံစမ်းရေးကော်မရှင်၏ အစီရင်ခံစာ ၁၉၇၄)

တကယ်တော့ မြန်မာနိုင်ငံအတွင်း လူ (၅) သန်းခန့် စားနပ်ရိက္ခာ အခက်အခဲနှင့် ရင်ဆိုင်နေတယ်လို့ ကမ္ဘာ့စားနပ်ရိက္ခာအဖွဲ့ (FAO ) က ထုတ်ပြန်ဖူးပါတယ်။FAO ရဲ့ အဆိုအရ မြန်မာဆန်စပါးထုတ်လုပ်မှုဟာ နာဂစ်မုန်တိုင်းဒဏ်ခံခဲ့ရပေမယ့် ၂၀၀၉-၂၀၁၀ ရာသီမှာ ပြန်နာလန်ထူလာပြီလို့ ဆိုပါတယ်။ ဒီနှစ် မြန်မာနိုင်ငံက စပါးတန်ချိန် (၃၁.၅) သန်း၊ ဆန်အနေနဲ့ တန်ချိန် (၁၉.၈) သန်း ထွက်ဖို့ရှိတယ်လို့ င်္ဗဥ က ခန့်မှန်းထားပါတယ်။ ဒါကြောင့် ဒီနှစ် မြန်မာက ပြည်ပဆန်တင်ပို့မှု ပိုများလာမယ်လို့ ခန့်မှန်းထားကြပါတယ်။

ဘန်ကောက်က ဆန်ကုန်သည်တဦးရဲ့အဆိုအရ ဆန်ကွဲ (၅) ရာခိုင်နှုန်းပါတဲ့ ဆန်ဖြူအမျိုးအစား တတန်ကို ထိုင်းက (၅၄၀) ဒေါ်လာ ရောင်းတယ်။ ဗီယက်နမ်က (၄၃၀) ဒေါ်လာ ရောင်းတယ်။ မြန်မာကတော့ (၃၅၀) ဒေါ်လာနဲ့ ရောင်းတယ်လို့ သိရပါတယ်။ ဒါပေမယ့် မြန်မာဆန်ကို ဆင်းရဲတဲ့ အာဖရိကနိုင်ငံတွေက ၀ယ်ကြတယ်လို့ ဆိုပါတယ်။ နိုင်ငံတကာ ဆန်ကုန်သည်တွေရဲ့ မြန်မာနိုင်ငံအပေါ်ပေးထားတဲ့ မှတ်ချက်တချို့ရှိပါတယ်။ ဆန်အရည်အသွး ထိန်းသိမ်းမှုညံ့ဖျင်းခြင်း၊ သိုလှောင်ထားရှိမှုစနစ်များ မကောင်းခြင်း၊ သင်္ဘောတင်ပို့ချိန် နောက်ကျလေ့ရှိခြင်းတွေကြောင့် မြန်မာဆန် ဈေးကောင်းမရတာလို့ ဆိုပါတယ်။ ဒါ့အပြင် မြန်မာဆန် အထွက်နှုန်း နိမ့်တာဟာ ဓာတ်မြေသြဇာ သုံးတဲ့နှုန်း နည်းခြင်းကြောင့်လို့ ပြောပါတယ်။ င်္ဗဥ ရဲ့အဆိုအရ ထိုင်းနိုင်ငံက တဧက ဓာတ်မြေသြဇာသုံးတဲ့နှုန်း မြန်မာထက် (၆.၈) ဆ မြင့်တယ်လို့ ဆိုတယ်။ ဗီယက်နမ်က (၆.၃) ဆ၊ ဘင်္ဂလားဒက်ရ်ှက (၅.၈) ဆ မြန်မာထက်မြင့်ပါသတဲ့။

ထိုင်းကုန်သည်ရဲ့အဆိုအရ မြန်မာဟာ အဓိက ဆန်တင်ပို့တဲ့ နိုင်ငံဖြစ်လာဖို့ အလားအလာတွေရှိပေမယ့် အဲဒီအိပ်မက်ကို အကောင်အထည်ဖော်ဖို့ အချိန်အတော်ကြာကြာယူရဦးမယ်လို့ ပြောပါတယ်။ ထိုင်းနဲ့ ဗီယက်နမ်နိုင်ငံတွေမှာ တဧက အထွက်နှုန်းက တင်း (၂၀၀) ထွက်ပါတယ်။ (သူတို့ တတင်းက ၄၆ ပေါင် သို့မဟုတ် ၂၁ ကီလိုရှိပါတယ်)။ မြန်မာက တင်း (၆၀) ပဲ ထွက်တယ်လို့ ဦးချစ်ခိုင် (ဥက္ဏဋ္ဌ၊ မြန်မာနိုင်ငံဆန်စပါးလုပ်ငန်းအသင်း) က ပြောကြောင်း ဖေဖော်ဝါရီလ (၂) ရက်၊ ၂၀၁၀ ရိုက်တာသတင်းမှာ တွေ့ရပါတယ်။

အခုအချိန်အထိ ဆန်တန်ချိန် တသန်းကျော် ပြည်ပသို့ တင်ပို့ထားပြီး ယခုဘဏ္ဍာရေးနှစ်အတွင်း တင်ပို့မှုပမာဏ ဘယ်လောက် ထပ်မံမြင့်တက်လာမယ်ဆိုတာ လာမယ့် နွေစပါးအထွက်ပေါ်မှာ မူတည်တယ်လို့ ဆန်တင်ပို့သူလုပ်ငန်းရှင်များက ယူဆကြောင်း နူနလနည နြိငွေမသကစ သတင်းမှာ ဖော်ပြတာတွေ့ရတယ်။ လောလောဆယ် ပြည်ပနိုင်ငံအချို့မှ မြန်မာလုပ်ငန်းရှင်တွေထံ ဆန်ဝယ်ယူဖို့ ကမ်းလှမ်းထားမှုတွေရှိပေမယ့် မြန်မာလုပ်ငန်းရှင်တွေက လက်မခံသေးဘဲ နွေစပါးထွက်နှုန်းကို စောင့်ကြည့်ပြီးမှသာ လက်ခံတင်ပို့သွားမယ်လို့ ဆိုပါတယ်။

ထိုင်းနိုင်ငံ စိုက်ပျိုးရေးဆိုင်ရာ စီးပွားရေးလုပ်ငန်းဌာနရဲ့ အထွေထွေအတွင်းရေးမှူးချုပ် အပီချတ် ကျုံစကူးလ် ရဲ့ သုံးသပ်ချက်အရ ဒေသတွင်း နိုင်ငံအစိုးရတွေအနေနဲ့ ဆန်စပါးပိုမိုထွက်ရှိအောင် အားထုတ်လာတာ တွေ့ရကြောင်း ထောက်ပြပါတယ်။ ပြီးခဲ့တဲ့နှစ် တကမ္ဘာလုံးရဲ့ ဆန်တင်ပို့မှု ပမာဏက တန်ချိန် (၂၉.၃) သန်း ရှိရာမှာ၊ ထိုင်း၊ ဗီယက်နမ်၊ အိန္ဒိယ၊ ပါကစ္စတန်၊ မြန်မာ၊ ကမ္ဘောဒီးယားနိုင်ငံများရဲ့ စုစုပေါင်းတင်ပို့မှုဟာ တန်ချိန် (၂၁.၃၂) သန်း ဖြစ်ပါတယ်။ ဒီနှစ် တကမ္ဘာလုံးရဲ့ ဆန်တင်ပို့မှု ပမာဏက တန်ချိန် (၃၀.၈၄) သန်းရှိမယ် ခန့်မှန်းပြီး အထက်ပါ (၆) နိုင်ငံရဲ့ဝေစုက တန်ချိန် (၂၃.၄) သန်း ရှိမယ်လို့ အပီချတ်က ဆိုပါတယ်။ အဲဒီအနက် ထိုင်းတနိုင်ငံတည်းက တန်ချိန် (၁၀) သန်း ပို့မှာဖြစ်ပါသတဲ့။

အစိုးရတွေအနေနဲ့ ဆန်စပါးအထွက်တိုးအောင် စီမံဆောင်ရွက်နိုင်ရင် လယ်သမားတွေကို ၀င်ငွေတိုးစေပြီး ဆင်းရဲမွဲတေမှု ပြဿနာ ဖြေရှင်းရေး၊ တရားမ၀င် ရွှေ့ပြောင်းအလုပ်သမားပြဿနာ ဖြေရှင်းရေးနဲ့ တခြားပြည်တွင်းရေးကိစ္စတွေ ဖြေရှင်းရာမှာ အထောက်အကူဖြစ်စေတယ်လို့ အပီချတ်က ဆိုပါတယ်။

တချိန်က ကမ္ဘာ့နံပါတ် (၁) ဆန်ထွက်တဲ့ မြန်မာနိုင်ငံအနေနဲ့ ဆန်စပါးပိုမိုထွက်ရှိအောင် အားထုတ်လာတာတွေ့ရပေမယ့် ပြည်တွင်းနိုင်ငံရေးအကျပ်အတည်းတွေကြောင့် ဒေသတွင်းမှာ တခြားနိုင်ငံတွေထက် အများကြီး နောက်ကျကျန်ရစ်တယ်လို့ ထိုင်းနိုင်ငံ နိုင်ငံခြားဆန်တင်ပို့ရေးအဖွဲ့ ဥက္ကဋ္ဌ ချူးကီယက် အိုဖာဆဝေါင်ဆီ  က သုံးသပ်ပါတယ်။ တကယ့်လက်တွေ့မှာလည်း ဆန်ဟာ “နိုင်ငံရေးသီးနှံ” လို့ ပြောရမှာပါပဲ။ အာဏာသိမ်း မဆလစစ်အစိုးရဟာ အဓိက “ဆန်ပြဿနာ” ကို မဖြေရှင်းနိုင်ခဲ့လို့ နောက်ဆုံးဇာတ်သိမ်းမလှဖြစ်ခဲ့ရတာပဲ။ “ဆန်ပြဿနာ” နဲ့ “နိုင်ငံရေးတည်ငြိမ်မှု” ဟာ ဒင်္ဂါးတပြားရဲ့ ခေါင်းနဲ့ ပန်းပါပဲ။

အခုလက်ရှိ နအဖစစ်ကောင်စီခေတ်မှာတော့ စစ်အစိုးရနဲ့ နီးစပ်သူ ဦးတေဇပိုင် ထူးကုမ္ပဏီ၊ ဗိုလ်ချုပ်ကြီး သူရရွှေမန်းရဲ့သား ပိုင်ဆိုင်တဲ့ ဧရာရွှေဝါကုမ္ပဏီ၊ ဆန်ကုန်သည်ကြီးများအသင်း ဥက္ကဋ္ဌ ဦးအောင်သန်းဦး၊ မြန်မာ့စီးပွားရေး ဦးပိုင်လီမိတက်ဒါရိုက်တာ ဗိုလ်ချုပ်ကြီး တင်အေးရဲ့သား ဦးဇော်မင်းအေး၊ အတွင်းရေးမှူး (၁) ဗိုလ်ချုပ်ကြီး တင်အောင်မြင့်ဦးရဲ့သား ပိုင် ဧရာဟင်္သာကုမ္ပဏီတို့ လက်ရှိ ဆန်တင်ပို့ခွင့် ပါမစ်ရရှိပြီး ဆန်တင်ပို့နေတယ်လို့ ဆိုပါတယ်။ သူတို့အုပ်စုကို စစ်အာဏာရှင် အသိုင်းအ၀ိုင်းရဲ့“ဘူလင်ဂျာပူးလ်” အဖွဲ့လို့ ဆိုရမယ်ထင်ပါတယ်။ ဒီနှစ်အတွင်း ဆန်တန်ချိန် (၃) သန်းကျော် ပြည်ပနိုင်ငံသို့ တင်ပို့ရောင်းချဖို့ ရည်ရွယ်တယ်လို့ သတင်းတွေက ဆိုပါတယ်။

ကိုလိုနီခေတ် “ဘူလင်ဂျာပူးလ်” ရဲ့ဆန်ဈေးကွက်လက်ဝါးကြီးအုပ်မှုကြောင့် ဆရာစံ လယ်သမားသူပုန်ထခဲ့ကြတယ်။ အခု စစ်အုပ်စု “ဘူလင်ဂျာပူးလ်” ကရော လယ်သမားတွေကို ၀င်ငွေတိုးစေပြီး ဆင်းရဲမွဲတေမှုလျော့ပါးအောင် လုပ်ပေးမှာလား။ ဒါမှမဟုတ် စစ်ဗိုလ်ချုပ်ကြီးတစုနဲ့ ဆွေမျိုးသားချင်းတွေ အလိုတော်ရိတွေကို ချမ်းသာသထက် ချမ်းသာအောင် စီးပွားရေး အရင်းအမြစ်အားလုံးကို လက်ဝါးကြီးအုပ်ဖို့လား။

အဖြေက မြင်နေရပါပြီ။ ဆန်ကွဲတပြည် ကျပ် (၉၀၀)၊ ငစိန်တပြည် ကျပ် (၁၂၀၀)။ ဆန်ဈေးတက်မှုရဲ့ အကျိုးဆက်အဖြစ် လတ်တလော ရန်ကုန်က စက်ရုံပေါင်း (၂၀) လောက်မှာ လုပ်အားခ တိုးတောင်းတဲ့ ဆန္ဒပြမှုတွေ ဆက်တိုက်ဖြစ်နေပြီး တခြားစက်ရုံတွေကိုလည်း နေ့စဉ်ဆိုသလို ကူးစက်နေလာနေပါတယ်။ စစ်အာဏာပိုင်တွေ ဒီပြဿနာကတဆင့် သူတို့အာဏာကို စိန်ခေါ်လာမှာ စိုးရိမ်နေကြပါပြီ။ လုံခြုံရေးကို အထပ်ထပ်အတန်တန် စီမံနေကြပါပြီ။ ဒါပေမယ့် ခေတ်သစ် “ဘူလင်ဂျာပူးလ်” က နိုင်ငံခြားဈေးကွက်ဝင်အောင် စံချိန်မီ ဆန်ထုတ်လုပ်နေရတဲ့အတွက် စရိတ်စကကြီးလာတာနဲ့အမျှ ဆန်ဈေးကလည်း မြင့်သထက် မြင့်လာနေပါပြီ။ ပြည်တွင်း အလုပ်သမား၊ လယ်သမားတွေ အတွက် “မြန်မာနိုင်ငံဆန်စပါးလုပ်ငန်းအသင်း” က စနစ်တကျ တွက်ချက်ထုတ်လုပ်ရောင်းချပေးဖို့ အစီအစဉ် ရှိထားပါရဲ့လား။ “ဆန်ပြဿနာ” နဲ့ “နိုင်ငံရေးတည်ငြိမ်မှု” ဟာ ဒင်္ဂါးတပြားရဲ့ ခေါင်းနဲ့ပန်းလို ဒွန်တွဲနေတယ်ဆိုတဲ့ သင်ခန်းစာကို မေ့လျော့ထားရင်တော့ နအဖရဲ့“၂၀၁၀ ရွေးကောက်ပွဲ” ဟာ ခေတ်သစ်ဘူလင်ဂျာပူးလ်အဖွဲ့ရဲ့ လောဘကြောင့် ပျက်ဖို့ကိန်းမြင်နေရကြောင်းပါ။

ကိုးကား။

(၁) မြန်မာ့ဆန်စပါးရောင်းဝယ်ရေးသမိုင်း၊ ရေးသူ- ဦးဝင်းမောင် (ကောက်ပဲသီးနှံ)။
(၂) အလုပ်သမားဆန္ဒပြမှု စုံစမ်းရေးကော်မရှင်၏ အစီရင်ခံစာ (၁၉၇၄)။
(၃) Myanmar Plans Reforms to Revive Rice Sector (Source: Reuters 12/02/2010)
(၄) Filling the rice bowl: Newspaper section: Business, Published: 8/03/2010, Bangkok Post.



ဇင်လင်း
၂၂။ မတ် ၂၀၁၀
ရင်းမြစ်။ ။ခေတ်ပြိုင်

သန့်ရှင်း - တည်မြဲ ကွဲဖို့မလိုပါ

ကျနော်တို့ မမွေးခင် ၁၉၅၈-ခုနှစ် ဖ-ဆ-ပ-လကြီး ကွဲတုန်းက၊ အဖွဲ့ချုပ်ကြီး သန့်ရှင်းဖို့ လိုသည်ဟု ခံယူသော-နုတင်နှင့်၊ ဘာဘဲဖြစ်ဖြစ် အဖွဲ့ချုပ်ကြီး တည်မြဲရေးသည် အရေးကြီးဆုံးဟု ခံယူသော ဆွေငြိမ်းအုပ်စုများ အာဏာပြိုင်ကြတာ ဖြစ်သည်ဟု လေ့လာ မှတ်သားခဲ့ရပါသည်။

အခုလည်း အမျိုးသား ဒီမိုကရေစီ အဖွဲ့ချုပ်ကြီးတွင်၊ အဖွဲ့ချုပ်၏ လိပ်ပြာ၊ သိက္ခာ၊ သန့်ရှင်းဖို့က အဓိကဟူသော အယူအဆနှင့် အဖွဲ့ချုပ် တည်မြဲဖို့အရေးကြီးသည် ဟူသော အယူအဆ၊ နှစ်မျိုး ကွဲနေတာကို မြင်နေကြားနေရပါသည်။ ထူးဆန်းစွာ တိုက်ဆိုင်နေသည်က တည်မြဲဘို့လို သည်ဟု ယူဆသူများကို ခေါင်းဆောင်သူများကလည်း ဆွေငြိမ်း ဖြစ်နေခြင်း ဖြစ်ပါသည်။

စစ်အစိုးရက၊ ပါတီများ မှတ်ပုံတင်ခြင်း ဥပဒေ၊ ရွေးကောက်ပွဲ ဥပဒေများကို ထုတ်လိုက်သောအခါ၊ မထင်ခဲ့တာတွေ ဖြစ်လာပါသည်။ ရွှေဂုံတိုင် ကြေညာစာတမ်းတုန်းက၊ ဥပဒေတွေ ထွက်လာရင်၊ ရွေးကောက်ပွဲ ဝင်မဝင် စဉ်းစားမည်ဟု ဆိုခဲ့သည်။

အခု မှတ်ပုံတင်ခြင်း ဥပဒေ တကယ်ထွက်လာတော့ ပါတီ ဆက်ရှိမည်၊ မရှိမည်ကိုပင် မစဉ်းစားဘဲမရ စဉ်းစားရပါပြီ။ ဥပဒေတွေ နည်းဥပဒေတွေအရ ပါတီဆက်ပြီး ရပ်တည်လိုလျှင် ထောင်ဒဏ် ကျခံနေရသော ဒေါ်အောင်ဆန်းစုကြည်ကို ထုတ်ပစ်ရမည်၊ ပြီးတော့ မှတ်ပုံတင်ခွင့် လျှောက်ထားသူ (၁၅) ဦးလုံးက၊ တဦးချင်း၂၀၀၈ ဖွဲ့စည်းပုံ အခြေခံဥပဒေကို ထိန်းသိမ်း စောင့်ရှောက်ပါမည်ဟု ဝန်ခံကတိ လက်မှတ် ရေးထိုးရဦးမည်။ ထို့ပြင် ရွေးကောက်ပွဲတွင် အနည်းဆုံး အမတ်နေရာ (၃) နေရာ မဝင်မဖြစ် ဝင်ရဦးမည်။

ဒေါ်အောင်ဆန်းစုကြည်၏ သဘောထားကလည်း ရှင်းပါသည်။ ဤဥပဒေသည် ဥပဒေ အင်္ဂါရပ်နှင့် မညီပါ။ မတရားပါ။ ထို့ကြောင့် ကန့်ကွက်ပါမည်။ ထိုကိစ္စများပြီးမှ ပါတီ မှတ်ပုံတင်ဖို့ စဉ်းစားတာပေါ့ဟူ၍ ဖြစ်ပါသည်။ ဆိုလိုသည်ကတော့ ဆက်လက် တိုက်သွားမည်။ ထိုကာလအတွင်း မှတ်ပုံ မတင်လိုက်ရလို့အဖွဲ့ချုပ် အလိုအလျောက် ပျက်ချင်လဲ ပျက်ပါစေဟု ဆိုလိုပါသည်။ အဖွဲ့ဝင်ထု၏ ဆုံးဖြတ်ချက်ကို လိုက်နာပါမည်ဟု ဆိုခြင်းမှာလဲ ဒီမိုကရေစီ ခေါင်းဆောင်၏ အင်္ဂါရပ်ကို ဖော်ပြခြင်း ဖြစ်သည်။

အဖွဲ့ဝင်ထုက သူ့ကို ဘေးခနဖယ်ထားပြီး ရွေးကောက်ပွဲ ဝင်မည်ဟု ဆုံးဖြတ်မှတော့၊ ထိုအဖွဲ့အစည်း အတွင်းတည်းမှာ တွယ်ကပ်နေပါရ စေဆိုလျှင် ခေါင်းဆောင် ပီသပါ့မလား။

တည်မြဲအုပ်စုကတော့ ဒီလို မစဉ်းစားပါ။ ကောက်ကွေးသော ယုတ္တိကို သုံးထားပါသည်။ ဒေါ်အောင်ဆန်းစုကြည် တရားဥပဒေအတိုင်း ဆက်လက် တိုက်ပွဲဝင်ဘို့၊ တရားဝင် အဖွဲ့အစည်း လိုသည်။ အဖွဲ့အစည်းကို တရားဝင် မှတ်ပုံတင်ဘို့ဒေါ်အောင်ဆန်းစုကြည်ကို အဖွဲ့ထဲက ထုတ်သင့်လျှင် ထုတ်ရမည်တဲ့။

မှတ်ပုံတင်ဘို ၊့ ၁၉၉၃ ခုနှစ်ကတည်းက လက်မခံနိုင်ပါဟု ဆိုခဲ့သော၊ အခုလည်း လက်မခံဟု ကန့်ကွက်ထားသော ၂၀၀၈ အခြေခံဥပဒေကို ‘ထိန်းသိမ်းစောင့်ရှောက်’ ပါမည်ဟု ဝန်ခံလက်မှတ်ထိုးမည်၊ ထိန်းသိမ်းစောင့် ရှောက်ခြင်းသည် လက်ခံခြင်း၊ လိုက်နာခြင်း မဟုတ်ပါတဲ့။ ဘယ်လို စဉ်း စားကြသလဲ မသိပါ။ နောက်ပြီး ဆိုပါသေးသည်၊ နှစ်နှစ်ဆယ်ကျော်လုံးလုံး စွန့်လွှတ် အနစ်နာခံပြီး အ ဖွဲ့ချုပ်အတွက် လုပ်ကိုင်ခဲ့ကြသူများအတွက် အဖွဲ့ဆက်ရှိရမည်တဲ့။ ထိုအဖွဲ့ဝင်များထဲက ဘယ်သူတွေကများ၊ ဒေါ်အောင်ဆန်းစုကြည်ကို ထုတ်ပစ်ပါလို့တောင်းဆိုဘူးခဲ့ပါလဲ။

ခေါင်းဆောင်တယောက်က ဆိုပြန်ပါသည်။ ၁၉၉၁ ခုနှစ်တုန်းကလဲ ဒေါ်အောင်ဆန်းစုကြည်ကို အဖွဲ့ချုပ် တည်မြဲရေးအတွက် ထုတ်ပစ်ခဲ့ဘူးပါသည်။ ၁၉၉၅ ခုနှစ် ပြန်လွတ်တော့လည်း ခေါင်းဆောင်မှု ပြန်ရတာပါပဲတဲ့။ ဟုတ်ပါသည်၊ ထိုစဉ်က ထုတ်ပစ်တုန်းက အခြေအနေက တမျိုးပါ။ ရွေးကောက်ပွဲပြီးလို့တနှစ်သာ ရှိသေးသည်။ ရလာဒ်က ပူပူနွေးနွေး၊ ဘာဖြစ်မည်လဲ မသိသေး၊ အဖွဲ့ချုပ်ကို အဖျက်ခံရခြင်းသည်၊ ရွေးကောက်ပွဲရလာဒ်ကို ဖျက်သည်နှင့် အတူတူ ဖြစ်နေသည်။ ပြီးတော့ အဖွဲ့ချုပ် အဖွဲ့ဝင်များသည် နောက်ထပ် အဖွဲ့စည်းတခုကို ဖွဲ့ဖို့ နေနေသာသာ ရှိသည့် ပါတီတွေကို အတင်းဖျက်ပစ်နေသည့်အချိန် ဖြစ်သည်။ ထိုအချက်များ အားလုံးကို ချိန်ဆပြီး ဦးတင်ဦး၊ ဦးဝင်းတင်စသည့် ခေါင်းဆောင်များနှင့်အတူ ဒေါ်အောင်ဆန်းစုကြည်ကိုပါ ထုတ်လိုက်ရသည်။

ခုအခြေအနေက လုံးဝ ခြားနားနေသည်။ ရွေးကောက်ပွဲပြီးတာ အနှစ်နှစ်ဆယ် ရှိတော့မည်။ ရွေးကောက်ပွဲ ရလာဒ်ကို ပူပူနွေးနွေး ဖျက်ပစ်လိုက်ပြီးပြီ။ ပြီးတော့၊ ထို‘ပြီးတော့’ နောက်တခုသည် အရေးကြီးပါသည်။ ပြီးတော့ အခုအချိန်တွင် အဖွဲ့ချုပ်ကို အစိုးရက ဖျက်သိမ်းလိုက်ပါကလည်း အဖွဲ့ဝင်များသည် မိမိကြိုက်ရာ ပါတီဖွဲ့ရန် အချိန်ရှိသေးသည်။

ထို့ကြောင့် တရားဝင် ရပ်တည်မှုကို လိုချင်ပါသည်ဟု ဆိုသူများ အဖွဲ့ချုပ်တွင်းက၊ ကိုယ့်ဘာသာကိုယ် ကိုယ့်ဆန္ဒနှင့် နုတ်ထွက်လိုက်ပြီး၊ တူရာတူရာ၊ သန်ရာသန်ရာ ပူးပေါင်းပြီး ကိုယ့်ပါတီကိုယ် ထောင်ကြပါ။ ပြီးတော့ ပါတီနာမည်ကို အမျိုးသား ဒီမိုကရေစီ အဖွဲ့ချုပ်-လက်သစ် တို့ဘာတို့ ခပ်ဆင်ဆင်တပ်ပြီး ရွေးကောက်ပွဲ ဝင်ရင်လဲဝင်ပါ။ မြန်မာပြည်မှာ ရှိနေတဲ့ သံရုံး ဝန်ထမ်းတွေကလည်း ထောက်ခံကြပါလိမ့်မယ်။ စစ်အစိုးရကလည်း ခွင့်ပြုမှာပါ။ ကူတောင် ကူညီလိမ့်ဦးမည်။ ကျန်ခဲ့တဲ့ အဖွဲ့ချုပ် အစစ်ကို မဝေဖန်ဘဲ နေမယ်ဆိုရင် ကွဲတယ်ပြဲတယ်ဆိုတဲ့ ပြဿနာကို တစိတ်တစ်ပိုင်း ကာကွယ်နိုင်ပါလိမ့်မည်။ ပြည်သူကိုတော့ လှည့်ဖြားလို့ ရမှာ မဟုတ်ပါ ။သို့သော် သမိုင်းမှာတော့ ဂိုဏ်းခွဲသူ၊ သင်းခွဲသူများလို့တွင်မှာ မဟုတ်ဘူးလို့ထင်ပါသည်။

ဖ-ဆ-ပ-လကြီး ကွဲခဲ့၍ ဦးနေဝင်းနှင့် စစ်ဗိုလ်ချုပ်များက အာဏာအရသာ တွေ့ခဲ့ကြရသည်။ နောက်တော့ ရာစုနှစ်တဝက်ကျော် နိုင်ငံဒုက္ခရောက်ရသည်။ အခု NLD ကွဲလျှင်တော့ ဘယ်တော့ မှ စစ်ကျွန်ဘဝက လွတ်မည်ကို မသိနိုင်တော့ပါ။ အဖွဲ့ချုပ်၏သမိုင်း သန့်ရှင်းစွာ ကျန်ရစ်ပါစေ ...။

ရန်ငြိမ်းအောင် (လူငယ်)  
ရင်းမြစ်။ ။http://burmese.mizzimamedia.com/index.php?option=com_content&view=article&id=4968:2010-03-21-07-50-43&catid=3&Itemid=4

ကျောခိုင်းလှည့်ထွက်သူများသို့

Sunday, March 21, 2010

၂၀၁၀ ရွေးကောက်ပွဲနဲ့ ပတ်သက်လို့ ကျမသဘောထားတွေ တင်ပြီးတဲ့နောက်မှာ ရွေးကောက်ပွဲ ဥပဒေတွေ ထွက်လာပါတယ်။ အဲဒီမှာ ပိုပြီး ကောက်ကျစ်ယုတ်မာမှုတွေ အထင်းသားတွေ့ရပါတယ်။
ရွေးကောက်ပွဲ အနိုင်ရ ပါတီ ဖြစ်တဲ့ အမျိုးသားဒီမိုကရေစီအဖွဲ့ချုပ်အပါအ၀င် ၊ တစည နဲ့ တိုင်းရင်းသားပါတီ ၁၀ ဖွဲ့ လက်ရှိတရားဝင် တည်ရှိနေပါတယ်။ ၁၉၉၀ ရွေးကောက်ပွဲကို ကျင်းပပေးခဲ့တဲ့ စစ်အစိုးရက ရွေးကောက်ပွဲ ရလဒ်ကို အသိအမှတ်မပြု၊ ရွေးကောက်ပွဲနဲ့ ပတ်သတ်တဲ့ အကောင်အထည်ဖေါ်ဆောင်မှု ဘာမှမရှိပဲ သူတို့ဖာသာ ရေးတဲ့ အခြေခံဥပဒေနဲ့ ရွေးကောက်ပွဲ အသစ်ထပ်လုပ်မှာမို့ ခုန ပါတီ ၁၀ဖွဲ့က ပြန်ပြီးမှတ်ပုံတင်ရမတဲ့။ ရက်ပေါင်း ၆၀အတွင်း မှတ်ပုံမတင်ရင် ပျက်ပြယ်မတဲ့။

အံမယ် သူတို့က တိုင်းပြည်အတွက် သိပ်ပြီး အစိုးရိမ်ကြီးသေးတယ်။ ပါတီက ရွေးကောက်ပွဲ ၀င်မယ့် ကိုယ်စားလှယ်လောင်းကိုတင် အရည်အချင်းကန့်သတ်တာ မဟုတ်ဘူး။ ကိုယ့်ဖာသာ ထောင်မယ့် ပါတီက ပါတီဝင်တွေကိုတောင် လိုက်ပြီး အရည်အချင်း သတ်မှတ်ပေးသေးတယ်။ သိပ်ပြီး စေတနာကြီးတာကိုး။ ထောင်ကျနေတဲ့ လူတွေပါတီထဲပါရင် ပါတီသိက္ခာကျမှာမို့ ပါဝင်ခွင့် မပြုဘူးတဲ့။ ထူးထွေတည့် အံ့ရာသော် ပါပဲလေ။

ခေတ်ကြီးက ရွေးချယ်ပေးလိုက်တဲ့ လမ်းကြောင်းတွေမှာ ဘယ်ဟာ လမ်းမှန် ဘယ်ဟာ လမ်းမှား ဆိုတာကို တချို့တွေကလဲ မသိရှာတော့ဘူး။ ကိုယ့်ပါတီက ပါတီဝင်ဖြစ်ပြီး တိုင်းပြည်အတွက် မတရားတဲ့ အမိန့်အာဏာကို ဖီဆန်ရင်း ( ရှင်းရှင်းပြောရရင် နအဖကို အာခံရင်း) ထောင်ထဲ ရောက်နေတဲ့ ကိုယ့်ရဲဘော်ရဲဘက်တွေကို မထောက်ထား။ အသက်ကကြီးရတဲ့ထဲ အမတ်က ဖြစ်ချင်သေးသတဲ့။ အသက်မကြီးတဲ့ လူတွေကလဲ ကိုယ့်ဖာသာ ၀င်တာ ဘာဖြစ်လဲ ဒါဒီမိုကရေစီတဲ့။

ခုလေးတင် လွတ်လပ်တဲ့ အာရှအသံ မှာ နားထောင်လိုက်တဲ့ ပါတီမှတ်ပုံတင်မယ့် ဘက်က တရားဝင်ဖြေတဲ့ ဦးခင်မောင်ဆွေက ခုန ကိုယ့်ဖာသာဝင်တာ ဘာဖြစ်လဲ ဆိုတဲ့  အဓိပ္ပါယ်ပါတဲ့ စကားလုံးတွေနဲ့ ဖြေခဲ့တာ။ သူ့ကိုယ်သူ ဘာမှတ်နေလဲ မသိ လေသံက မာမာနဲ့။ တကယ်က သူ အမတ်ဖြစ်လာတာ ပြည်သူတွေက စစ်အာဏာရှင်ကို သူတို့ကိုယ်စားတိုက်ထုတ်ပေးဖို့။ အာခံဆန့်ကျင်ပေးဖို့ ခေါင်းဆောင်အဖြစ်တင်ပေးလိုက်တာ၊ ပြည်သူတွေရဲ့ ဆန္ဒမဲနဲ့ နေရာတနေရာ ရလာတဲ့ လူတွေက ခုတော့ ကိုယ့်ဖာသာဝင်တာဘာဖြစ်လဲလို့ ပြောနေနိုင်တာ မရှက်တော့ဘူးလား။

ပါတီမှတ်ပုံမတင်ဖို့ ပြောနေသူတွေက ပါတီမရှိတဲ့ နိုင်ငံရေး လူထုနိုင်ငံရေးလုပ်။ သူတို့ကတော့ ပါတီနိုင်ငံရေး လုပ်မယ်တဲ့။ အများစုက ပါတီမှတ်ပုံမတင်ဖို့ ဆုံးဖြတ်ရင်တောင် အဲဒီလူတွေက ထွက်သွားပြီး သူတို့ကတော့ NLD ပါတီကို ဆက်ထိန်းပြီး ပါတီနိုင်ငံရေး ဆက်လုပ်မယ်ဆိုတဲ့ သဘောမျိုး ပြောထားတာကို နားထောင်လိုက်ရပါတယ်။ အများစုရဲ့ သဘောထားကို သူမလိုက်နာဘူးလား။ အများစုက NLD ပါတီမှတ်ပုံမတင်ဘူး ဆိုရင် သူတို့တင်ချင်တဲ့ လူနည်းစုက မတင်ပဲ လိုက်နာရမှာပေါ့။ ခု သူဖြေပုံက သိပ်ဆိုးတာတွေ့ရတယ်။

NLD မှတ်ပုံတင်လိုက်တာနဲ့ ၉၀ ရလာဒ်ကို စွန့်လွှတ်ပြီးသားဖြစ်သွားမယ်။ ၂၀၀၈ ဖွဲ့စည်းပုံအခြေခံဥပဒေကို လိုက်ခံပြီးသားဖြစ်သွားမယ်။ ပါတီမှတ်ပုံတင်ပြီးတာနဲ့ ရွေးကောက်ပွဲ မ၀င်ပဲ နေခွင့်မရှိဘူး ။ ရွေးကောက်ပွဲ မ၀င်တာနဲ့ ဖျက်သိမ်းခံရမယ်။ ဒီအချက်တွေ သိရက်နဲ့ ဒီစကားပြောနေနိုင်တဲ့ ဦးခင်မောင်ဆွေကို ကျမကတော့ ဘယ်လိုမှ လေးစားလို့မရ။ ဘယ်လိုမှ အထင်ကြီးလို့မရ။

ပါတီမှတ်ပုံတင်တာ စစ်အစိုးရကို ခေါင်းငုံတာ မဟုတ်တဲ့။ ဟုတ်ကဲ့ ခေါင်းငုံ့တာမဟုတ်ပါ ဦးချနေတာပါ။ ဦးချနေတာမှ ဖင်ဗူးခေါင်းတောင် ထောင်လို့။ မြင်နေရတာပဲ မဟုတ်လား။
ရွေးကောက်ပွဲ ၀င်မှာ အခြေခံဥပဒေကို ပြုပြင်မလို့ ဆိုပဲ။ ၂၀၀၈ အခြေခံဥပဒေကို သေချာမဖတ်ရသေးဘူးထင်ပါတယ်။ စစ်တပ်က ၂၅ ရာနှုန်းယူထားတဲ့အပြင် နအဖ ကျောထောက်နောက်ခံတွေဖြစ်တဲ့ ကြံ့ဖွတ်၊ အမျိုးသမီးရေးရာ။ စွမ်းအားရှင်တွေကလဲ ကျန်တဲ့ ၇၅ ထဲပါဦးမယ်။ နောက် သူတို့လို ကိုယ့်လူသူဘက်သားလုပ်မယ့် အမတ်တွေ၊ နေရာ ရလာရင် ကိုယ့်ရဲ့ လာရာလမ်းကြောင်းမေ့တတ်တဲ့လူတွေ ပါဦးမယ်။ အနည်းဆုံး ၇၅ ရာနှုန်းထက်ကျော်တဲ့ လူတွေ ထောက်ခံမှ ပြောင်းလို့ရမတဲ့ ။ အဲဒီအချက်ကို သေချာ မဖတ်မိတာလား၊ ဖတ်ပေမယ့်လဲ နေရာ ယူချင်ဇောများလို့ မမြင်တာလား မသိတော့ပါဘူး။


နောက် တမျိုး က ရှိသေးတယ်။ ၉၀ ရွေးကောက်ပွဲတုန်းကလဲ ဒေါ်စုမပါဘူးတဲ့။ ခု ဒေါ်စုမပါလဲ ဖြစ်တယ်ဆိုတဲ့ အချိုးမျိုးနဲ့ ပြောနေကြတာ။ နိုင်ငံတခုကို ခေါင်းဆောင်လုပ်ချင်တဲ့လူက ဦးနှောက်နဲ့ အသိဥာဏ်နဲ့ ခုထွက်လာတဲ့ဥပဒေကို မဖတ်ကြဘူးလားလို့ပဲ မေးလိုက်ချင်တော့တယ်။

၉၀ ရွေးကောက်ပွဲဥပဒေတုန်းက ဒေါ်အောင်ဆန်းစုကြည်က အမျိုးသားဒီမိုကရေစီ အဖွဲ့ချုပ်အဖွဲ့ဝင်အဖြစ် ပါဝင်ခွင့်ရှိနေတယ်။ ပါတီက ကိုယ်စားလှယ်လောင်းအဖြစ် အမည်တင်သွင်းတဲ့အခါမှာ ခွင့်ပြုချက်မရတာ။

ခု ၂၀၁၀ရွေးကောက်ပွဲ ဥပဒေမှာက ခုနလို ပါတီကိုယ်စားလှယ်လောင်းအဖြစ် အမည်တင်သွင်းဖို့ နေနေသာသာ ပါတီဝင်ဖြစ်ခွင့်တောင် မရှိတာ ။ ဒေါ်အောင်ဆန်းစုကြည် အပါအ၀င် လက်ရှိ အကျဥ်းထောင်ထဲက လူတွေ မပါရဘူး ပါရင် ပါတီဖွဲ့ခွင့်မရှိ၊ ပါတီမှတ်ပုံတင်ခွင့်မရှိ၊ ကိုယ့်ပါတီအတွင်းရေးကိုတောင် ၀င်ရောက်စွက်ဖက်ထားတဲ့ ဥပဒေတွေ ထုတ်ထားတဲ့ ဒီကော်မရှင်မှာ ပါတီမှတ်ပုံတင်ဦးမတဲ့၊

ဦးခင်မောင်ဆွေ ရှင့်။
ဖင်ကုန်းအောင် ဦးချတဲ့အပြင် ရှင့်ကို မဲပေးထားတဲ့ ပြည်သူတွေရဲ့ လည်မျိုကိုပါ တက်နင်းခိုင်းနေပါလား။

ဒီနေ့ ဒီအချိန်မှာတော့ ခုလိုဖြစ်သွားတဲ့အတွက် နအဖကို ကျေးဇူးတင်နေမှာပါ။ ရှေ့ဆောင်ပါတီလို့ ယုံကြည်ထားတဲ့ ပါတီမှာ ဒီလိုလူမျိုးတွေ များနေတာကို နှစ် ၂၀ မှာ သိလိုက်ရတဲ့အတွက်ပေါ့။ တင်ချင်တဲ့လူတွေ တင်ကြပါ။ ၀င်ချင်တဲ့လူတွေ ၀င်ကြပါ။ ပြည်သူတွေရဲ့ စေတနာ စူးပါလိမ့်မယ်။

ကျမတို့ပဲ သိတဲ့ ပါတီဖျက်ဆီးခံနေရမှုတွေကို တဆစ်ချင်းဖေါ်ထုတ်ပြရဦးမှာပေါ့။
ဦးအောင်ရွှေဆိုတာ ၁၉၉၀ ရွေးကောက်ပွဲ ပြီးလို့ ကျမတို့ ထောင်ကျနေချိန် ၁၉၉၁ ခု နှစ်စမှာ ဦးတင်ဦး၊ နှစ်ဆုံးမှာ ဒေါ်အောင်ဆန်းစုကြည် ၊ ၁၉၉၂ နှစ်စမှာ ဦးဝင်းတင်တို့ကို ဦးအောင်ရွှေ ကိုယ်တိုင် ပါတီက ထုတ်ပစ်ခဲ့တာပဲ။ အဲဒီတုန်းက ဆန့်ကျင်ကန့်ကွက်ခဲ့တဲ့ တိုင်းစည်းတွေ မြို့နယ်စည်းတွေ အမတ်တွေ တော်တော်များများကိုလဲ သူ့ကို အာခံတဲ့အတွက် သူက ထုတ်ပစ်ခဲ့တယ်။ ဒါဟာ သမိုင်းပါ ။ ဘယ်တော့မှ ဖောက်ဖျက်လို့မရဘူး။

၁၉၉၂ မေလ မှာ ကျမတို့ ထောင်ကထွက်လာတဲ့အခါ ပါတီရုံးကို ပြန်သွားတော့ ထောင်ကျတွေကို ပါတီက ပြန်လက်မခံဘူး။ ပါတီမှာလဲ မျက်နှာစိမ်းတွေ ရောက်နေတယ်။ မျက်နှာစိမ်းတွေလို့ ပြောရတာက ပါတီစည်းရုံးရေးဆင်းချိန်တွေ၊ မဲဆွယ်ချိန်တွေတုန်းက တခါမှ မတွေ့ဖူးသူတွေ။ သူတို့တွေက နေရာတွေ ယူပြီး ကိုယ့်ရုံးကို ကိုယ်ပြန်သွားတာတောင် မသိသူတွေ လို ဆက်ဆံခံခဲ့ရတာ အဲဒီကာလ ထောင်ကထွက်သူတွေ ခံစားရဖူးမှာပါ။ အဲဒီမျက်နှာစိမ်းတွေဟာ ပါတီမှာ အပတ်စဉ် အစည်းအဝေးထိုင်တာကအစ အသေးစိတ် ထောက်လှမ်းရေးကို အစီရင်ခံကြပါတယ်။ ထောက်လှမ်းရေးက ကျမတို့ တုန်းကလို ရုံးရှေ့ကနေ လာစောင့်ကြည့်စရာ မလိုဘူး။ ဒီနေ့ ဒီရုံးကို ဘယ်သူလာတယ် ဘယ်သူနဲ့ စကားပြောတယ် ဘာအကြောင်းကို ဘယ်လောက်ကြာအောင် ပြောတယ်ဆိုတာကအစ ရီပို့ တင်ဖို့ အချောသတ်ထိ ရပါတယ်။ အဲဒီလို ဖြစ်သွားအောင် လုပ်တဲ့ တရားခံဟာ ဦးအောင်ရွှေနဲ့ အပေါင်းပါတွေပါ။

အဲဒီနောက် အမျိ်ုးသားညီလာခံတက်တဲ့ ကိစ္စမှာ ထပ်ကွဲပြန်တယ်။ လုံးဝမတက်သင့်တဲ့ ကိစ္စကို ဦးအောင်ရွှေခေါင်းဆောင်ပြီးတက်ပါတယ်။ မတက်ဖို့ ကန့်ကွက်သူတွေကို တခါထုတ်ပစ်ပြန်ပါတယ်။

နောက် အန်တီပြန်လွတ်လာတဲ့ ၁၉၉၅ မှာ အားလုံး ပြန်လက်ခံပြန်ပါတယ်။ သူတို့တက်နေတဲ့ အမျိုးသားညီလာခံကလဲ ပြန်ဆုတ်ခွာလာပြန်တယ်။

နောက် ပါတီထဲမှာ အန်တီလွတ်လာတော့ အထုတ်ခံခဲ့ရပေမယ့် မနာနိုင်ကြပဲ အလုပ်လုပ်ပေးချင်တဲ့ လူတွေက မနေနိုင်ပဲ ပြန်သွားလုပ်ပေးကြတော့ ခုန၀င်နေတဲ့ လူတွေရဲ့ အရိပ်အခြေတွေ ခြေလှမ်းတွေကို ဟန့်တားဖို့ ကြိုးစားကြရပါတယ်။

အဲဒီအခါမှာ ပါတီစီစစ်ရေးဆိုပြီး အဖွဲ့ဖွဲ့ပြီး ပါတီထဲက နအဖကို အာခံမယ့်လူတွေကို အပြစ်ရှာ ထုတ်ပြန်ပါတယ်။ ကျမတို့ မြို့မှာဆို ပါတီမြို့နယ်ရုံးကို အမတ်တွေ၊ ရုံးအဖွဲ့ဝင်တွေက တလ ဘယ်လောက်ဆိုပြီး ငွေထည့်ဝင်ပြီး ဖွင့်တာပါ။ ဘယ်သူ့အထောက်အပံ့နဲ့ မှ လုပ်တာမဟုတ်ပါ။ လူမှုအထောက်အကူပြုအဖွဲ့လဲ အဲဒီတိုင်းပါပဲ။ ဒါပေမယ့် ထောင်ထဲက လူနေမကောင်းလို့ ဆေးဝယ်ပေးချင်လို့ ငွေလေး ၅၀၀ လောက်ထုတ်ဖို့အရေးကို အိအ ဂျိဂျ လုပ်နေတာနဲ့ ကိုယ့်ဖာသာ ကိုယ့်လူအချင်းချင်း စုစည်းပြီး စိုက်ထုတ်လုပ်တော့ လှုမှုအထောက်အကူပြု အဖွဲ့ကို အာခံတယ်လို့ စွပ်စွဲပြန်တယ်။ သူတို့ကို ဝေဖန်တဲ့ သူတွေကို အစည်းအဝေး အကြိမ်ကြိမ်ဖ်ိတ်သော်လည်း မတက်ရောက်ပါ ဆိုပြီး ထုတ်ပြန်ပါရော။

တကယ်မဟုတ်တဲ့ လုပ်ဇာတ်တွေနဲ့ ပါတီကနေ ထုတ်ပစ်ခံရတဲ့ အမတ်တွေ ပါတီဝင်တွေ မြို့နယ်တိုင်းမှာ ရှိပါတယ်။ ဒါ လက်တွေ့ဖြစ်ခဲ့တာပါ။ ဒီလုပ်ရပ်တွေကိုလဲ ဦးအောင်ရွှေနဲ့ အပေါင်းပါတွေက လုပ်ခဲ့တာပါပဲ။

ပါတီအတွက် ဘာမှ မလုပ်ခဲ့ဘူးတဲ့ လူတွေက ပါတီစီစစ်ရေးဖွဲ့ပြီးမွှေလိုက်တာ ပါတီမှာ တကယ့်စိတ်ရင်းနဲ့ လုပ်နေတဲ့လူတွေ ကုန်သလောက်ရှိခဲ့ပါလေရော။
ပါတီဌာနချုပ်မှာ စည်းဝေးပွဲ လုပ်တော့ အဲဒီမဟုတ်တာလုပ်နေတဲ့ ပါတီစီစစ်ရေးအကြောင်း တိုင်ဖို့ ကျမတို့ ဧရာဝတီတိုင်း အမတ်တွေ တိုင်းစည်းတွေက( ၁၁ဦး လား ၁၅ ဦးလား ခု နာမည်ရေကြည့်တာ သေချာမမှတ်မိတော့ဘူး) တိုင်စာရေးပြီး ဗဟိုတင်မလို့ လုပ်လဲလုပ်ရော ဗဟိုကို တိုက်ရိုက်တင်ခွင့်မရှိတဲ့။ အဲဒီပါတီစီစစ်ရေးအဖွဲ့ကို အရင်တင်ရမတဲ့။ ကဲ ဒီတော့ ဘယ်သူက တင်တော့မလဲ အားလုံးစည်းဝေးပွဲ ဆက်မတက်ပဲ ပြန်လာလိုက်ကြတာပေါ့။ နောက်ဆက်တွဲကတော့ အကုန်လုံးကို ပါတီကထုတ်ပစ်လိုက်တာပါပဲ။ ဖြစ်ပုံများကတော့လေ ဦးအောင်ရွှေတို့ ဖျက်ဆီးခဲ့ပုံတွေထဲက တစိတ်တဒေသ။

ပါတီမှာ ကျင်းပနေကျ အာဇာနည်နေ့ကို သေချာသွားမေးတော့ မလုပ်ဖူးဆိုလို့ လုပ်မှဖြစ်မယ် လုပ်ကိုလုပ်မယ်ဆိုတဲ့ လူတွေက ကိုယ့်အချင်းချင်း ပိုက်ဆံစုပြီး အာဇာနည်နေ့ ကျင်းပဖို့ ဟင်းရည်အိုးတွေတည် ကိုယ့်လူချင်းချင်း ဖိတ်ကြား ဒီလိုလုပ်တော့ ခုန သွားမေးတုန်းက မလုပ်ဘူးပြောတဲ့ NLD မြို့နယ်စည်းတွေက ထောက်လှမ်းရေးကို လှမ်းအကြောင်းကြားပြီး ညဘက် ဟင်းရည်အိုးတည်နေချိန် အကုန်လာဖမ်းသွားပါရောလား။ မုန့်ဟင်းခါးက ဘယ်လောက်ဖိုးလဲ ဆိုပြီး အဲဒီ ၂၀၀၄ တုန်းက ကျပ်လေးသောင်းဖိုး ကို ထောက်လှမ်းရေးက ပြန်ပေးပြီး အာဇာနည်နေ့ ကျင်းပခွင့်ကို ပိတ်ပင်လိုက်ပါတယ်။ ညဘက် ဖြစ်တာ မသိလိုက်တဲ့ ပါတီဝင်တချို့ မနက်ဘက် ဘုန်းကြီးကျောင်းလာတော့ ဆိုင်းဘုတ်မှာ ဌာနတခုက ၀ါဆိုသင်္ကန်းကပ်ပွဲ ဆိုတာကြီး ဖြစ်နေလို့လေ။ အရင်ရောက်နေတဲ့လူတွေက လက်တို့ ပြီး ပြန်ခိုင်းရသလို ဘုန်းကြီးကျောင်းလာရာလမ်းဆုံ ၂ဘက်ကနေ လူတွေစောင့်ပြီး ပြန်ခိုင်းခဲ့ရတယ်။ အံမယ် အဲဒီထောက်လှမ်းရေး သတင်းပေးတွေက ဘုန်းကြီး ၁ပါးလောက်ပဲ ရှိတဲ့ ချောင်ကျကျက ဘုန်းကြီးကျောင်းမှာ ဆွမ်းကပ်ပြီး အာဇာနည်နေ့ လုပ်တယ်၊ ပြီးတော့ သူတို့ လုပ်မယ့် အာဇာနည်နေ့ကို ဖျက်လိုဖျက်ဆီးလုပ်တဲ့ အုပ်စုဆိုပြီး တိုင်လိုက်လို့ အဲဒီအဖြစ်အပျက်နဲ့ ၅ ယောက်တိတိ ပါတီက တနှစ် အထုတ်ခံရပါရောလေ။

အတိုင်ခံရသူတွေက အသနားခံစာတင်ဖို့ လုပ်နေလို့ ကျမက ဟဲ့ နင်တို့မှန်နေတာကို ဘာလို့အောက်ကျခံမလဲ NLD က လက်မခံလဲ အပြင်ကနေ လုပ်လို့ရတဲ့ အလုပ်တွေ အများကြီးလို့ ပြောပြီး အားပေးခဲ့ရသေးတယ်။

ကျမတို့ ဧရာဝတီတိုင်းမှာ တကယ်ဖြစ်ခဲ့တာ နောက်တခု ရှိပါသေးတယ်။ အမျိ်ုးသမီး တိုင်းတာဝန်ခံပေးထားတဲ့ ခင်လှဌေးဆိုတဲ့တယောက်က ကျုံပျော်အမတ် ဦးတင်ရဲ့ အသက် ၉၀ ပြည့် မွေးနေ့ပွဲကို တက်တော့ သူ့မောင်လေးဆိုပြီး ထောက်လှမ်းရေးကို ခေါ်သွားတယ်။ အဲဒါထောက်လှမ်းရေးဆိုတာ သိတော့ အထက်က အဲဒီဦးအောင်ရွှေတို့ ဦးလှဖေတို့ကိုတိုင်ပါတယ်။ ဦးလှဖေဆိုတာက အဲဒီ ခင်လှဌေးတို့ရဲ့ ပဏ္ဍာစားတွေလေ။ အဲဒီအခါ ခင်လှဌေးက သူခေါ်တဲ့ လူမဟုတ်တဲ့တခြားတယောက်ကို ခေါ်သွားပြီး သူ့မောင်ကို သူခေါ်တာ မနာလိုသူတွေက သက်သက်မဲ့ နာမည်ဖျက်တယ်ပေါ့ (သူတို့ လုပ်ခဲ့တဲ့အချိုးမျိုး) ဖြေရှင်းတယ်။ အဲဒီအခါမှာတော့ တိုင်တဲ့ဘက်ကလဲ ဓါတ်ပုံတွေ ဗွီဒီယိုတွေ နဲ့ သက်သေ ထပ်တင်သပေါ့။ ဒီတော့ အမှုက လယ်ပြင်မှာ ဆင်သွားခဲ့လေပြီပေါ့။ အပြစ်ပေးလိုက်တယ် တနှစ် ပါတီက ထုတ်လိုက်တယ်ပေါ့။ တနှစ်ပြည့်သွားတော့ သူ့နေရာ သူပြန်ပေးထားသတဲ့။ ဒီလိုဖြစ်နေတဲ့ ပါတီမှာ တကယ်အလုပ်လုပ်သူတွေ ဘယ်နေနိုင်ပါ့မလဲ။
တခြားတိုင်းတွေတော့ မသိပါဘူး ကျမရဲ့ ဧရာဝတီတိုင်းမှာတော့ ဦးအောင်ရွှေရဲ့ လူတွေ စီးထားတာ ခံနေရာလက်တွေ့ပါ။
(ဒီမှာ အမတ်တွေ တိုင်းစည်းတွေ မြို့နယ်စည်းတွေရဲ့ နာမည်တွေ အကုန်ထည့် မရေးပေးပါဘူး။ တချိန် ပြန်ရှင်းကြတဲ့အခါမှာတော့ ဒါတွေကို တိတိကျကျ ဖော်ထုတ်ပေးမှာပါ)

ဒါတွေက နမူနာတင်ပြချက်တွေပါ။ NLD ကို သိပ်မမျှော်လင့်ကြဖို့နဲ့ ခုရှိနေတဲ့ လူတွေရဲ့ အဖြစ်သနစ်ကို မီးမောင်းတချက်ထိုးပြလိုက်တာပါ။ စစ်အာဏာရှင်ကို ဖီဆန်ရဲသူကိုသာ မြန်မာပြည်သမိုင်းက အလိုရှိတာပါ။ မြန်မာပြည်သူတွေက အလိုရှိတာပါ။

တကယ်လို့ ဦးအောင်ရွှေ ဦးခင်မောင်ဆွေတို့လို ပါတီမှတ်ပုံတင်မယ့် လူတွေအနေနဲ့လဲ ခုချိန်မှာဆုံးဖြတ်ချက်ကို ပြန်ပြင်နိုင်မယ် ၊ ပြည်သူတွေနဲ့ တသားတည်း ရှိကြောင်းပြနိုင်မယ် ဆိုရင်တော့ နောက်လာမည့် မြန်မာ့သမိုင်းမှာ အမျိုးသားဒီမိုကရေစီအဖွဲ့ချုပ်ဆိုတာ ပြည်သူတွေကို ဘယ်လိုဦးဆောင်လာခဲ့တယ်ဆိုတဲ့ စာသားမျိုးကို မျိုးဆက်သစ်တွေက ကျက်မှတ်ဖတ်နေရဦးမှာပါ။ တလျှောက်လုံး ကျူးလွန်ခဲ့တဲ့အမှားတွေဟာ စေတနာအမှားတွေ အဖြစ် ပြောင်းလဲ သွားနိုင်ပါသေးတယ်။ အချိန်က သိပ်တော့ မကျန်တော့ပါဘူး လာမယ့် ၂၉ ရက်ထိဆိုတဲ့ ကန့်သတ်ချက်နဲ့ပါ။ ပြည်သူဖက်ကို မျက်နှာမမူတော့ဘူးဆိုရင်တော့
ဒီလိုလူမျိုးတွေအတွက် နှမြောစရာမလိုသလို သူတို့ မရှိလဲ အာဏာရှင်ဖြုတ်ချရေး တိုက်ပွဲတွေက ဆက်ရှိနေဦးမှာပါ။

စစ်အာဏာရှင်စနစ်မုချ ကျဆုံးရမည်။

ခင်မင်းဇော်
ရင်းမြစ်။ ။http://khinminzaw.blogspot.com/2010/03/blog-post.html

ခေတ်ရဲ့သားကောင်

ကျမ သူမကို စတွေ့တာက မယ်တော်ဆေးခန်းက HIV လူ နာတွေကိုထားတဲ့ အခန်းမှာပါ။ ကျမစိတ်ထဲမှာ ထူးဆန်း သွားတာက သူမမှာ နေ့စေ့လစေ့ကိုယ်ဝန်နဲ့ မို့လို့ပါ။ သူမ ကိုကြည့်ရတာ အသက်လည်းငယ်ပုံရပါတယ်။


သူမမျက်နှာမှာ ငယ်ရွယ်သူတို့သဘာဝ လွတ်လပ်ပျော်ရွှင်မူ ကိုမတွေ့ရပါဘူး။ သူမမျက်နှာဟာ ရာသီဥတုဒဏ်ကြောင့် ညိုးနေတဲ့ ပန်းဖူးနုနုလေးနဲ့ တူပါတယ်။ သူမဘာကြောင့်ဒီ လောက် ပူဆွေးနေတာလဲ၊ တကယ်ဆိုရင် သူမအရွယ်က ပျော်ရွှင်တက်ကြွနေရမှာ။ သူမဘာတွေဖြစ်ခဲ့လဲ ဘ၀ကို ဘယ်လိုဖြတ်သန်းလာရလဲ ဆိုတာကို သိချင်လာပါတယ်။

ပထမတော့ သူမဖြေချင်ပုံမရပါဘူး။ သူမ ယုံကြည်လာအောင် စည်းရုံးရပါတယ်။ ယုံကြည်တော့မှ သူမရဲ့ ဖြတ်သန်းခဲ့ရတဲ့အကြောင်း ကိုပြောပြပါတယ်။

သူမ ငယ်ငယ်ကတော့ မော်လမြိုင်မှာ နေတယ်တဲ့။ နောက်တော့ ရန်ကုန်ကိုပြောင်းလာတယ်။ တောင်ဒဂုံ ၅၆ ရပ်ကွက်မှာနေတယ်တဲ့။ အခုသူမ အသက် ၁၇ နှစ်ပြည့်တော့မယ်။

သူမ ၀မ်းနည်းပမ်းနည်း ပြောပြတာက ရန်ကုန်ရောက်တော့ အဖေက ဆောက်လုပ်ရေးတခုမှာ အလုပ်ဝင်လုပ်တယ်။ ပထမပိုင်းတုန်း ကအဆင်ပြေတယ်။ နောက်တော့ ကန်ထရိုက်က အိမ်တွေမရောင်းရတော့ ဆိုဒ်တွေကို ရပ်ပြစ်လိုက်တယ်။ ဒီတော့ အဖေလည်းအ လုပ်ပြုတ်သွားတယ်။ ဒီတော့ အဖေကရပ်ကွက်ထဲမှာ ပန်းရံတို့လက်သမားတို့ လိုက်လုပ်တယ်။ အမေက ရာသီပေါ်စာတွေရောင်း တယ်။ ဒါပေမဲ့ မိသားစုအသုံးစရိတ် မလောက်ငပါဘူး။ ကျမအောက်မှာက မောင်တယောက် ညီမတယောက်ရှိတယ်။ ဒီတော့ကျမ ၇ တန်းနဲ့ ကျောင်းထွက်လိုက်ရတယ်။

အဖေက ပိုက်ဆံမလောက်တိုင်း ငွေချေးရတာပေါ့။ အမေ အရင်းပြုတ်ရင်လည်း ငွေချေးရတာဘဲ။ ဒီတော့ အကြွေးပေါ်အကြွေးထပ် လာတယ်။ အတိုးကလဲ ၂၀ တိုးဆိုတော့ ဆပ်မနိုင်တော့ဘူး။ ကျမအဖေကို ငွေချေးတာက ဒုရဲအုပ်တယောက်။

အဖေ မဆပ်နိုင်တော့မှန်းသိတဲ့ ဒုရဲအုပ်က အဖေ့ကိုပြောတယ်။ ကျမကို တရုတ်ပြည်မှာ အိမ်ဖော်လုပ်မလားတဲ့။ ၁ နှစ်လောက်ဆိုရင် အကြွေးကြေတဲ့အပြင် အရင်းအနှီးတောင်ရမယ်တဲ့။ ကျမ စိတ်ဝင်စားသွားတယ်။ ကျမက ကုန်စုံဆိုင်လေးဖွင့်ချင်တာ။ ကျမတို့ရပ် ကွက်က လက်လုပ်လက်စားတွေချည်းပဲ။ သူတို့က အလုပ်ပြန်မှ ဆန်၊ ဆီ၊ ငရုတ်ဝယ်ပြီး ဟင်းချက်ကြတာ။ ကျမတို့ စောင့်ရောင်းရင် အရမ်းရောင်းရမှာ။ ဒါကြောင့် ကျမသွားမယ်လို့ အဖေ့ကို ပြောလိုက်တယ်။

အဖေက ကျမသွားမယ်ဆိုတော့ ၀မ်းသာသွားရှာတယ်။ ဘာပဲဖြစ်ဖြစ် အဖေတို့ အသက်ရှူချောင်သွားမယ် မဟုတ်လား။ နောက်တနေ့ ငွေရှင် ဒုရဲအုပ်မိန်းမက ကျမကို လာခေါ်တယ်။ သူနဲ့ မြစ်ကြီးနား သွားရမယ်တဲ့။ ကျမမှာ မှတ်ပုံတင်မရှိဘူး။ ဒါကြောင့်ဒုရဲအုပ်က ခရီး သွားဖို့ ထောက်ခံစာ လုပ်ပေးတယ်။

မြစ်ကြီးနားရောက်တော့ အိမ်တအိမ်ကိုခေါ်သွားတယ်။ အဲဒီအိမ်မှာကျမထက် စောရောက်နေတဲ့မိန်းကလေး ၅ ယောက်ရှိတယ်။ ကျမ ကအငယ်ဆုံး အကြီးဆုံးက ၂၂ နှစ်။ အဲဒီအိမ်မှာ ကျမတို့ တညတည်းရတယ်။ နောက်တနေ့ မနက်မှာ ကျမတို့အားလုံးကို မြန်မာ မနှစ်ယောက်။ တရုတ်တယောက်က လာခေါ်တယ်။

တရုတ်ပြည်ကိုရောက်တော့ ကျမတို့ ၆ ရောက်လုံးကို အခန်းတခုထဲမှာ ထည့်ပိတ်ထားတယ်။ ကျမကို ပထမဦးဆုံး လာခေါ်တယ်။ ပြီး တော့ စက်ကြီးတခုထဲကို ၀င်ခိုင်းတယ်။ ကျမကို လာခေါ်တဲ့ ဗမာမက နင့်ကို ၁၅ နှစ် ဟုတ်မဟုတ် စစ်တာတဲ့။ ကျမအသက်ကိုလည်း စစ်ပြီးရော အသက် ၃၅ နှစ်လောက်ရှိတဲ့ တရုတ်တယောက်နဲ့ ထည့်ပေးလိုက်ပါတယ်။

ကျမက အိမ်ဖော်လုပ်ဖို့လာခေါ်တယ်လို့ပဲ ထင်ပါတယ်။ အမှန်က ကျမကို မယားအဖြစ် လာခေါ်တာပါ။ သူ့အိမ်ရောက်တော့ ကျမကို မယားအဖြစ် ပေါင်းသင်းပါတယ်။ မင်္ဂလာဆောင်ပြီးတော့ ကျမရဲ့ လက်ဗွေပါတဲ့ ကဒ်ပြားတခုထုတ်ပေးပါတယ်။ မနက် ဆိုရင် ၄ နာရီ အိပ်ရာကထရပါတယ်။ အဲဒီအိမ်မှာ ရှိနေတဲ့လူတွေရဲ့ ဝေယျာဝစ္စကို လုပ်ရပါတယ်။ ညဆိုရင်လည်း ၁၁ နာရီ ကျော်လောက်မှ အိပ်ခွင့် ရပါတယ်။

ဒီလိုနဲ့ ကျမရောက်တာ ၆ လကျော်လောက်ရှိပါပြီ။ ကျမကိုယ် ကျမ သတိမထားမိပါဘူး။ ဒါပေမဲ့ ဆေးစစ်မယ်ဆိုပြီး ဆေးရုံခေါ်လာ တော့ကျမမှာ ကိုယ်ဝန်ရှိနေပါတယ်။ ဘာကြောင့် ဆေးစစ်တာမှန်း သေချာမသိပါဘူး။

ကိုယ်ဝန်ရှိနေမှန်းသိတဲ့ အချိန်ကစပြီးကျမကို တလတကြိမ်ဆေးစစ်ပါတယ်။ ပြီးတော့ ဘာကြောင့်မှန်းမသိရဘဲ အရမ်းကိုစောင့်ကြည့် နေပါတယ်။

ကျမနေရတာ အရမ်းကျဉ်းကျပ်နေပါတယ်။ ကျမဆက်ပြီးနေချင်စိတ် မရှိတော့ပါ။ ဒီလိုနဲ့ သူတို့လစ်တဲ့ခဏလေးမှာ ကျမပထမဦးဆုံး အကြိမ်ထွက်ပြေးခဲ့ပါတယ်။ လမ်းပေါ်ရောက်တော့ ကျမဘယ်သွားလို့ ဘယ်လာရမှန်းမသိပါဘူး။ အူကြောင်ကြောင်ဖြစ်နေတုန်းတ ရုတ်ရဲရောက်လာပြီး ကျမကိုဖမ်းပါတယ်။ ရဲစခန်းမှာရှာဖွေစစ်ဆေးတော့ ကျမဆီက သက်သေခံကဒ်ပြားကိုတွေ့ပြီး ကျမယောက်ျားအိမ် ကိုပြန်ပို့ပေးပါတယ်။ ကျမအိမ်ကိုပြန်ရောက်တော့ သူတို့မိတ်ဆွေရဲ့မိန်းမ (ဗမာအမျိုးသမီး) ကိုခေါ်ပြီး စကားပြန်လုပ်ခိုင်းပါ တယ်။

သူက `ကျမကို ကလေးအရင်မွေးပါ။ ပြီးရင်ထားခဲ့ အဲဒီအချိန်ကျ နင်ပြန်ချင်ရင်ပြန်ပို့မယ်´ လို့ပြောပါတယ်။ ကျမလည်းအခွင့်အရေးရ တုန်း ကျမကိုအမနဲ့ ဆက်သွယ်ခွင့်ပေးပါ။ ကျမနေမကောင်းတော့ အားငယ်တယ်´ လို့ပြောပြီး အမကိုဆက်သွယ်နိုင်မယ့် ဖုန်းနံပါတ် ကိုတောင်းထားလိုက်ပါတယ်။ နောက်တော့ အိမ်ကလူတွေလစ်တိုင်း အမဆီခိုးပြီး ဖုန်းဆက်ပါတယ်။ ပထမတော့အဲဒီအမကသူ့ဆီ ဖုန်းဆက်တာကို မကြိုက်ပါဘူး။ တဖြေးဖြေးနဲ့မှ သူကျမကိုသနားလာတော့ ကျမရဲ့အဖြစ်မှန်ကို သူကပြောပြပါတယ်။

ကျမယောက်ျားက HIV ပိုးရှိတဲ့လူတဲ့။ ဒါကြောင့်ကျမကို ဆေးခဏခဏစစ်နေတာတဲ့။ အရင်ကလည်း ဗမာမတွေကိုယူခဲ့ဘူးတယ်။ ရော ဂါကူးရင် သတ်ပစ်လိုက်ရောတဲ့။

HIV ဆိုတာဘာမှန်း ကျမမသိပါဘူး။ ဘယ်လိုကူးလည်း ကျမမသိပါဘူး။ ဒါပေမယ့် ကျမကိုသတ်ပစ်မှာကိုတော့ ကျမကြောက်ပါ တယ်။ ဒါကြောင့် ကျမကိုကူညီဖို့ အသနားခံရပါတယ်။ အဲဒီအမကပဲ ကျမမှာရှိတဲ့ကဒ်ကို မီးရှို့ပစ်ဖို့ ထွက်သွားပြီးရင် ရဲစခန်းတခုထဲကို ၀င်ပြီး အကူအညီ တောင်းဖို့ တရုတ်စကားနဲနဲပါးပါး သင်ပေးလိုက်ပါတယ်။ ဒီနောက်ပိုင်း ကျမအမဆီကို ဖုန်းမဆက်တော့ပါဘူး။ ကျမ ထွက်ပြေးရင် သူပါဒုက္ခရောက်မှာ စိုးရိမ်လို့ပါ။

ကျမ နောက်ထပ် ထွက်ပြေးတော့ အမပြောတဲ့အတိုင်း လိုက်နာခဲ့ပါတယ်။ ကျမကို နယ်စပ်ကလူကုန်ကူးမှု ထိန်းသိမ်းရေးစခန်းကိုပို့ လိုက်ပါတယ်။ အဲဒီစခန်းရောက်တော့ ကျမကိုဆေးစစ်ပါတယ်။ ကျမရဲ့သွေးအဖြေမှာ HIV ပိုးရှိနေပြီးတဲ့။ ကျမဗိုက်ထဲကကလေးက ယောက်ျားလေးတဲ့။ ကျမ ဘာမှမတတ်နိုင်ပါဘူး။ အဲဒီစခန်းမှာ ကျမလိုပဲလူကုန်ကူးခံရတဲ့ မိန်းကလေးတွေ ၂၀ လောက်ရှိတယ်။ အဲဒီ စခန်းမှာ ကျမ ၂ ပတ်လောက်နေလိုက်ပါတယ်။ စခန်းထဲမှာ ကျမတို့မကြာခဏ စစ်ဆေးခံရတယ်။ ပြီးတော့ကျမတို့ကို နေပြည်တော်က လူကုန်ကူးမှုတွေထားတဲ့ အကျဉ်းစခန်းထဲမှာထားတယ်။ အဲဒီစခန်းကို စစ်သားတွေကစောင့်တယ်။ စောင့်တဲ့စစ်သားတွေက ကျမတို့ကို နင်တို့ထောင်ကျနေပြီ ဒီတော့ ငါတို့နဲ့လင်မယားလိုနေကြရအောင်တဲ့။ ကျမကကိုယ်ဝန်နဲ့ဆိုတော့ ငြင်းလိုက်တယ်။ တချို့ တွေကတော့ နေကြတယ်။ စစ်သားတွေနဲ့ပေါင်းတဲ့ မိန်းမတွေကတော့ အနေအစားချောင်ကြတယ်။

ကျမကတော့ တော်တော်ဒုက္ခရောက်တယ်။ သူတို့ကျွေးတာကိုကျမ မစားနိုင်ဘူး။ ဒီလိုနဲ့ကျမ ကိုယ်ဝန်လပိုရင့်လာတယ်။ အဲဒီစခန်း ကို အုပ်ချုပ်တဲ့စစ်ဗိုလ်က ကျမကိုပြောတယ် `နင့်ကိုမွေးပေးဖို့ ငါတို့မှာပိုက်ဆံမရှိဘူး။ ဘယ်လက်သည်မှ လည်နင့်လို HIV ကိုမွေး ပေးမှာမဟုတ်ဘူး။ ဒီတော့ နင့်ကိုငါတို့လွှတ်ပေးလိုက်မယ်။ နင်ပြေးပေတော့တဲ့။ ပြီးရင်မြ၀တီကိုရောက်အောင်သွား မြ၀တီရောက်ရင် တဘက်ကမ်းကိုကူး။ အဲဒီမှာ မယ်တော်ဆေးခန်းဆိုတာရှိတယ်။ HIV တွေကိုဆေးကုပေးတယ်တဲ့။ ဒါကြောင့်ဒီကို ကျမရောက်လာ တာ။ ကျမသိချင်တာလေးကို သူမကို မေးလိုက်ပါတယ်။ `သမီးက မွေးပြီးရင် ကလေးကို ပြန်ခေါ်သွားမှာလား။

ဒီတော့ သူမက `မခေါ်ချင်ဘူး အန်တီ။ ကျမက သက်ဆိုးရှည်မှာမဟုတ်ဘူး။ ဒီတော့ ကလေးဒုက္ခရောက်မယ်။ ကျမ အဖေနဲ့အမေသိ ရင်လည်း စိတ်ချမ်းသာမှာမဟုတ်ဘူး။ သေချာမွေးမယ့် လူရှိရင်တော့ပေးချင်တယ်။ ကျမကလေးကိုထားပြီးထွက်မပြေးပါဘူး။ ကလေး ကို ဘယ်သူခေါ်သွားလည်းဆိုတာ သေချာသိချင်ပါတယ်။´

အော်…. သူမမှာ မိခင်တော့စိတ်တော့ ရှိသားပဲ။ တကယ်ကတော့ မြန်မာပြည်သားတွေ ဆင်းရဲမွဲတေတာကြောင့် လူကုန်ကူးသူတွေ ရဲ့ပစ်မှတ်က မြန်မာပြည် ဖြစ်လာပါတယ်။ နအဖ က ဘယ်လိုပဲ လူကုန်ကူးမှုတွေပပျောက်အောင် လုပ်နေပါတယ်ပြောပြော။ အမှန်တ ကယ်က လူကုန်ကူးမှုတွေရဲ့ အဓိကလက်သည်က နအဖ စစ်အစိုးရကိုယ်တိုင်ပဲ ဖြစ်ပါတယ်။

ခင်ငြိမ်းသစ်

Photo by..fineartamerica.com

ရောင်ခြည်ဦး အလုပ်သမားရေးရာဂျာနယ်၊ ဖေဖော်ဝါရီလ ၂၀၁၀ ခုနှစ်၊ အတွဲ (၃) ၊ အမှတ် (၂) မှ ကူးယူဖေါ်ပြသည်။

ရွေးကောက်ပွဲ မှတ်ပုံတင်ရေး နိုင်ငံရေးအသိုင်းအ၀န်း ရှင်းလင်းမှုမရှိ

ရွေးကောက်ပွဲအတွက် နိုင်ငံရေးပါတီများမှတ်ပုံတင်ခြင်းဆိုင်ရာ လုပ်ထုံးလုပ်နည်းတွေကို အစိုးရက ကြေညာလိုက်ပြီ ဖြစ်ပေမဲ့ ရွေးကောက်ပွဲ ကော်မရှင်နဲ့ပတ်သက်လို့ မရှင်းလင်းတာတွေကြောင့် ရွေးကောက်ပွဲဝင်ဖို့ လိုလားသူတွေ ပါတီ မှတ်ပုံတင်ဖို့ အခက်ကြုံနေပါတယ်။ တချိန်တည်းမှာပဲ ရွေးကောက်ပွဲဥပဒေပါ အကန့်အသတ်တွေကြောင့် အရင်တုန်းက ရွေးကောက်ပွဲဝင်ဖို့ ဆုံးဖြတ်ခဲ့သူတွေအဖို့ ပါတီထောင်ဖို့ တွန့်ဆုတ်နေကြပါတယ်။ အကြောင်းစုံ ကိုသားညွန့်ဦးက စုံစမ်း မေးမြန်းထားပါတယ်။

မြန်မာအစိုးရ သတင်းစာတွေထဲမှာတော့ အချပ်ပို ဆိုပြီးတော့ နိုင်ငံရေးပါတီများဆိုင်ရာ လုပ်ထုံးလုပ်နည်းတွေကို စပြီး ကြေညာနေပါပြီ။ ဒါပေမဲ့ ရွေးကောက်ပွဲ ကော်မရှင်ရဲ့ လုပ်ငန်းတွေ မစနိုင်သေးတာကြောင့်ရော၊ သတင်း အချက်အလက် တွေ ရှုပ်ထွေးနေတာကြောင့်ရော နိုင်ငံရေးပါတီ မှတ်ပုံတင်ဖို့ကိစ္စတွေမှာ နှောင့်နှေးနေရတယ်လို့ ဒီမိုကရက်တစ်ပါတီ ဆိုပြီး နိုင်ငံရေးပါတီတခုထောင်ဖို့ ပြင်နေတဲ့ ယခင်ဝန်ကြီးချုပ်ဟောင်း ဦးနုရဲ့သမီး ဒေါ်သန်းသန်းနု က ပြောပါတယ်။

"မှတ်ပုံတင်လို့ရပြီဆိုတာ မနေ့တုန်းက တခါ မြန်မာ့ရုပ်မြင်သံကြားမှာပြောသွားတော့ သူက ဗဟိုကို ဆက်သွယ်နိုင်တယ်တဲ့၊ နေပြည်တော်ကို။ ဒါပေမဲ့ ကျမတို့ စာအုပ်လေးတွေ ထွက်တာကို ဖတ်ကြည့်တော့လည်း သူက ဒီမှာ တိုင်းဒေသအလိုက် ပေါ့လေ။ ရန်ကုန်ဆိုလည်း ရန်ကုန်၊ အဲဒီမှာ ရုံးခွဲလေးတွေ ဖွင့်ပေးမယ်ဆိုတာ တွေ့ရတယ်။ တွေ့တော့ ကျမတို့က လိုက်ပြီး စုံစမ်းနေတယ်။ ဘယ်နားမှာမှန်းလည်း မသိဘူး။"

အဲဒီတော့ အဲန်တီတို့က နေပြည်တော်အထိ သွားမလား၊ အဲဒါကို စောင့်မလား။ -

"ကျမတို့ကြည့်ဦးမယ် အခုတော့။ ရှေ့အပတ်ထဲမှာတော့ ကျမတို့ ဆုံးဖြတ်ချက် ချရမယ်။ ဘာဖြစ်လို့လဲဆိုတော့ တော်ကြာ ကျတော့ ပေးထားတဲ့ရက်နဲ့ အကန့်အသတ်ကလည်း ရှိတယ်ဆိုတော့ ကျမတို့က အဲဒီမှာ သွားတင်တာနဲ့လည်း ကျမတို့က ပါတီဖြစ်ဦးမှာမဟုတ်ဘူး။ သွားတင်ပြီးတော့ သူတို့က စိစစ်ဦးမယ်လေ။ စိစစ်မယ်ဆိုတာက ကျမထင်တာက ဒီလူက တကယ်နိုင်ငံသားဖြစ်လား၊ သူတို့ ဥပဒေအတိုင်း ပြီးပြည့်စုံလား အဲဒါတွေ ကြည့်ဦးမယ်။"

တခြား ငွေကြေးနဲ့ပတ်သက်လို့ရော ဥပမာ မှတ်ပုံတင်စရိတ်တို့၊ ကိုယ်စားလှယ်လောင်း ကိစ္စ အဲဒါတွေရော ဘယ်လိုရှိလဲ။ -

"မှတ်ပုံတင်ကြေးက သုံးသိန်းတဲ့။  ပြီးတော့ အမတ်လောင်းကတော့ ငါးသိန်းတဲ့ တယောက်ကို။ အဲဒီတော့ ကျမတို့က ငါးသိန်းဆိုတာကတော့ နည်းနည်းတော့ များတာပေါ့နော်။"

အခု ကျနော်တို့ ကြားနေတယ်။ ကြံ့ခိုင်ဖွံ့ဖြိုးရေးအသင်းတို့၊ နောက် တခြား ၀န်ကြီးဌာနက ၀န်ကြီးတွေ။ သူတို့ကလည်း ပါတီတွေဖွဲ့မယ်လို့ သတင်းတွေ ထွက်နေတော့ သူတို့ရဲ့ လှုပ်ရှားမှုရော။ သူတို့ရော နိုင်ငံရေးပါတီဖွဲ့တာတွေ လုပ်နေပြီလား။

"သူတို့အတွက်ကတော့ လွယ်ပါတယ်။ ဘာဖြစ်လို့လဲဆိုတော့ သူတို့က အကုန်လုံး ငွေအားဖြင့်သော်လည်းကောင်း၊ လူအား ဖြင့်သော်လည်းကောင်း ပေါ့နော်။ အကုန်လုံးက အင်အားကရှိပြီးသားလေ။ တနိုင်ငံလုံး အတိုင်းအတာနဲ့တော့ ကျမတို့က အမတ်လောင်းဝင်ချင်တာပေါ့။ ဒါပေမဲ့ ငွေ ငါးသိန်းဆိုတော့လည်း ကျမတို့ဘက်က ဘယ်လိုဖြစ်မလဲ မပြော တတ်ဘူး။"

တချိန်တည်းမှာပဲ အရင်က ရွေးကောက်ပွဲဝင်ဖို့ စဉ်းစားထားသူတွေဟာ ရွေးကောက်ပွဲ ဥပဒေကြောင့် နောက်တွန့်သွား ရပါတယ်။ ကိုဖြိုးမင်းသိန်း ဟာ ၂၀၁၀ ခုနှစ် ရွေးကောက်ပွဲ ၀င်ကြဖို့အတွက်ဆိုပြီးတော့ ပြီးခဲ့တဲ့နှစ်ကုန်ပိုင်းက ရန်ကုန်မှာ မြန်မာ့အရေး နှီးနှောဖလှယ်ပွဲတရပ်ကို ကျင်းပခဲ့တဲ့သူပါ။ ဒါပေမဲ့ အခုတော့ ရွေးကောက်ပွဲဥပဒေကြောင့်မိုလို့ နိုင်ငံရေးပါတီ ထောင်ဖို့ ပြန်ပြီးစဉ်းစားနေရပြီလို့ သူက ဆိုပါတယ်။

"၂၉၊ ၃၀ မှာ အမျိုးသားဒီမိုကရေစီအဖွဲ့ချုပ်ရဲ့ ဆွေးနွေးမယ့်အခြေအနေကို စောင့်ကြည့်ချင်တယ်။ အဲဒီရဲ့နောက်ပိုင်းကျမှပဲ register လုပ်ရေးကိစ္စကို ဆောင်ရွက်မယ်လို့ ဆုံးဖြတ်ထားတယ်။"

ဘာဖြစ်လို့လဲခင်ဗျ။ -

"အမျိုးသားဒီမိုကရေစီအဖွဲ့ချုပ်ကို ၂၀၁၀ ဖြတ်သန်းမှုမှာ ပါဝင်စေချင်တယ်။ အဲဒီအတွက် အမျိုးသား ဒီမိုကရေစီအဖွဲ့ချုပ်က ပါဝင်လာနိုင်ဖို့ဆိုရင် အမျိုးသားဒီမိုကရေစီအဖွဲ့ချုပ်မှာ ခေါင်းဆောင်နေတဲ့ ဒေါ်အောင်ဆန်းစုကြည်ကို လွှတ်ပေးရင် လက်ရှိအကျပ်အတည်းက ပြေလည်နိုင်လိမ့်မယ်လို့ ကျနော် ထင်လို့။"

ဒေါ်သန်းသန်းနုကိုတော့ မေးကြည့်ပါတယ်။ သူတို့ ပါတီမှတ်ပုံတင်နဲ့ပတ်သက်လို့ သူတို့မှာ ရှင်းရှင်းလင်း မသိသေးဘူးလို့ ပြောပါတယ်။ နေပြည်တော်မှာ သွားလုပ်ရမလား။ ဒီဘက်မှာပဲ ရုံးတွေဖွင့်ပေးမလား ဆိုတာ မှတ်ပုံတင်တဲ့ကိစ္စနဲ့ ပတ်သက်လို့ တကယ်တမ်း ရွေးကောက်ပွဲဝင်မယ့်သူတွေကြားထဲမှာ ရှင်းရှင်းလင်းလင်း ရှိကြပြီလား။ -

"အခုချိန်ထိ ရွေးကောက်ပွဲကော်မရှင်တွေကို ဘယ်လိုပုံစံဖြစ်မယ်ဆိုတာကို သူတို့ဘက်က တိတိကျကျ ဘာမှ မထွက်သေး ဘူး။ အခုဗျာ ဗဟိုကော်မရှင် ရုံးတရုံးကို ပြည်ထောင်စုကော်မတီ ရုံးတရုံးကို နေပြည်တော်မှာ ဖွင့်တယ်လို့တော့ ပြောတယ်။ ဒါပေမဲ့ အဲဒီရုံးကို အများပြည်သူ ဆက်သွယ်လို့ရပြီလား၊ မရဘူးလားဆိုတဲ့ အဖြေတောင် ကျနော်တို့ မသိရသေးဘူးပေါ့နော်။"

အဲဒီတော့ တခြား နိုင်ငံရေးပါတီဖွဲ့ဖို့အတွက် လှုပ်ရှားမှုတွေ ပြင်ဆင်မှုတွေရော တွေ့ရလား။ -

"နိုင်ငံရေးပါတီတွေ ထူထောင်မယ်ဆိုတဲ့ လက္ခဏာတွေတော့ ရှိနေတယ်။ ဒါပေမဲ့ အားလုံးက အခု ရွေးကောက်ပွဲဥပဒေက နည်းနည်း တင်းကြပ်တဲ့သဘောထားတွေ ရှိနေတော့ အားလုံးက ဒီအပေါ်မှာ စဉ်းစားနေကြတယ်။ တင်းကျပ်တဲ့ သဘောထား ဆိုတာကတော့ဗျာ ဥပမာ - အကျဉ်းကျခံနေရတဲ့သူတွေ မပါရတဲ့ အခြေအနေမျိုး၊ လက်ရှိ အကျဉ်းကျ ခံနေတဲ့အထဲမှာ ကျောင်းသားခေါင်းဆောင်တွေ၊ နိုင်ငံရေးခေါင်းဆောင်တွေ တော်တော်များများက ဒီအထဲမှာ ရှိနေကြ တယ်။ ဥပမာ - ရှမ်းပြည်နယ်ဆိုလို့ရှိရင် ဦးခွန်ထွန်းဦး က အထဲထဲမှာရောက်နေတယ်။ ဦးခွန်ထွန်းဦး ပါတီက ဆက်လက် ရှင်သန်နိုင်ဖို့အတွက်ဆိုရင် ဦးခွန်ထွန်းဦး ရှိဖို့လိုအပ်တာပေါ့ဗျာ။"

အခုဟာက ရွေးကောက်ပွဲဥပဒေ ထွက်လာပြီးတဲ့နောက်ပိုင်းမှာ ရွေးကောက်ပွဲဝင်မယ့်သူတွေတောင် ပြန်ပြီးတော့ စဉ်းစား လာရတဲ့သဘော ဖြစ်နေတာလား၊ ဒါဆိုရင်။ -

"ဟုတ်ပါတယ်။ ရွေးကောက်ပွဲဝင်မယ်ဆိုတဲ့ သူတွေတောင် အခုလက်ရှိအခြေအနေကို ရှင်းရှင်းလင်းလင်း ပြတ်ပြတ်သားသား ဘာမှမပေါ်သေးတဲ့အတွက် ဘာဆက်လုပ်ရမလဲဆိုတဲ့ အခြေအနေကို အားလုံးက စောင့်ဆိုင်းပြီး အခြေအနေတခုကို သုံးသပ်နေကြတဲ့သဘောပေါ့နော်။"

အမျိုးသားဒီမိုကရေစီအဖွဲ့ချုပ်ကတော့ သူတို့အနေနဲ့ နိုင်ငံရေးပါတီအဖြစ် ဆက်လက် မှတ်ပုံတင်မတင် အခုမတ်လ ၂၉ ရက် နေ့မှာ ဆုံးဖြတ်မှာဖြစ်ပါတယ်။ တခြား တရားဝင် တိုင်းရင်းသားနိုင်ငံရေးပါတီ တချို့ကတော့ အခုလာမယ့် ၂၀၁၀ ရွေးကောက်ပွဲကို လက်မခံနိုင်တာကြောင့် နိုင်ငံရေးပါတီအဖြစ် ဆက်ပြီး မှတ်ပုံတင်မှာမဟုတ်ဘူးလို့ ပြောထားကြပါတယ်။ 

ရင်းမြစ်။ ။http://www.voanews.com/burmese/2010-03-19-voa4.cfm