ပြည်သူအပေါ် မည်သို့ လက်တွေ့ကျကျအုပ်ချုပ်ရမည်နည်း ဆိုသည်မှာ အစိုးရ၏ ပြသ၁နာဖြစ်သည်။ အာဏာကို လက်ကိုင်ထားချင်သူများအနေဖြင့် ပြည်သူအပေါ်တွင်
ဘက်ပေါင်းစုံ နည်းပေါင်းစုံဖြင့်ချည်းကပ်နည်းကိုကျင့်သုံးကြရမည်သာဖြစ်သည်။ ကွန်မြူနစ်
စနစ် ၊ ဖက်ဆစ်စနစ် ၊ သက်ဦးဆံပိုင်ဘုရင်စနစ် စသည်ဖြင့် အမျိုးမျိုးခေါင်းစဉ်တပ်ကာ
အုပ်ချုပ်ခဲ့ကြသောကြောင့် လက်ချိုးရေတွက်ရနိုင်သည့်အဆင့်တွင်သာရှိနေသေးသည်။
အစိုးရတစ်ရပ်ကိုဖွဲ့စည်းခြင်းဆိုသည်မှာ ပြည်သူကိုထိန်းချုပ်ရန် (သို့မဟုတ်)အုပ်ချုပ်ရန်
သာဖြစ်သည်။ အစိုးရနှင့်ပတ်သက်လို့ဖွင့်ဆိုချက်များကိုလေ့လာကြည့်လျှင် “လူ့ဘောင်အဖွဲ့အစည်း သို့မဟုတ် နိုင်ငံတော်အား နိုင်ငံရေးအရ အုပ်ချုပ်ရန် ၊ လမ်းညွှန်ရန်
အတွက် စွမ်းဆောင်ပေးသူများ ” ဆိုသည့်သဘောသက်ရောက်နေကြောင်းတွေ့ရသည်။
တစ်နည်းအားဖြင့် အစိုးရဆိုသည်မှာ “ အုပ်ချုပ်မှုစနစ်” ဟု အထိရောက်ဆုံး ဆိုနိုင်ပါသည်။
ခေတ်အဆက်ဆက်တွင် အစိုးရအမျိုးမျိုး မည်မျှပြောင်းလဲသည်ဆိုစေ အသွင်သဏာန်သာ
ပြောင်းလဲသွားပြီး အနှစ်သာရသဘောမှာ အတူတူသာဖြစ်သည်။ အစိုးရဆိုသည်မှာ ပြည်သူကို
ထိန်းချုပ်ရန် သို့မဟုတ် အုပ်ချုပ်ရန်သာဖြစ်သည်။ သို့ဖြစ်ရာ အစိုးရ သည် အကြွင်းမဲ့အာဏာ
ကိုကျင့်သုံးကောင်းကျင့်သုံးကြမည်သာဖြစ်သည်။ အစိုးရကို မည်သူမျှ အာဏာနှင့် အုပ်ချုပ်ခွင့်
မရှိဟု တားဆီးပိုင်ခွင့်လည်း မရှိပေ ။ အစိုးရကလည်း အာဏာဖြင့်မအုပ်ချုပ် ပါဟု သမိုင်းစဉ်တွင်
တာဝန်မခံခဲ့ပေ ။လူတစ်ဦးတစ်ယောက်အာဏာသို့မဟုတ်လူတစ်စုအာဏာများဖြင့်သာပြည်သူကို အုပ်ချုပ်ခဲ့ကြပြိး အာဏာ ကိုမျှတစွာကျင့်သုံးသလော ၊ အစွမ်းကုန် ကျင့်သုံးသလော ဆိုပြီး အစိုးရအပေါ်တိုင်း တာလေ့ရှိကြသည်။
ထိုသို့ဆိုလျှင် ဒီမိုကရေစီ ဆိုသည်မှာ ဘာဖြစ်သွားမည်နည်း ။ ပြည်သူ့ဆန္ဒအရ အုပ်ချုပ်
မည့် ပြည်သူ့အစိုးရ မရှိတော့ပြီလော ။ ဒီမိုကရေစီ ကိုတိုင်း တာရန်မှာ ဒီမိုကရေ စီဖြင့် အလုပ်ဖြစ်
မဖြစ်နှင့် မည်သူ့အတွက် ဒီမိုကရေစီဖြစ်သည်ကို သုံးသပ်ကြည့်ရန်သာဖြစ်သည်။
လူဆိုသည်မှာ အစစ်အမှန် လွတ်လပ်သည်ဆိုလျှင် မလုပ်ချင်သည်ကို အတင်းလုပ်ရန် မည်သူမျှအတင်းအကျပ် စေခိုင်းခွင့်မရှိ။ အစိုးရသည် ပြည်သူကို ကိုယ်စားပြုသည်မှန်လျှင်
အစိုးရဆိုသည်မှာ ပြည်သူကို အမိန့်ပေး စေခိုင်းရန်မဟုတ် ။ ပြည်သူက သာ အစိုးရကို အမိန့်
ပေး စေခိုင်းရန်ဖြစ်သည် ။ သို့သော်လက်တွေ့ဘ၀တွင် ပြောင်းပြန်ဖြစ်နေသည်။ ဒီမိုကရေစီ
ဆိုသည်မှာ လွတ်လပ်ခြင်းနှင့် ဘာမှမဆိုင်သယောင် လှည့်စားဖြားယောင်းခြင်းခံနေရသည်။
လူ့သဘော အရ ဆိုလျှင် လူဆိုသည်မှာ အစိုးရရှိသည်ဖြစ်စေ ၊ မရှိသည်ဖြစ်စေ အကြွင်းမဲ့
လွတ်လပ်သူများ ဖြစ်ကြသည်။ သို့သော် ညီမျှမှု ၊ မညီမျှမှု ၊တရားလက်လွတ်ပြုကျင့်မှုများကြောင့်
ထိန်းချုပ်ရန် အစိုးရကိုဖော်ဆောင်လာကြရမှာ လွတ်လပ်မှုလည်း လူသားတွင်ဆုံးရှုံး လာရတော့သည်။အကြွင်းမဲ့အာဏာသည် အကြွင်းမဲ့လူကိုဖြတ်ဆီးတတ်သဖြင့် အကြွင်းမဲ့ အာဏာအပေါ် လူတို့ကြောက်ရွံစိုးရိမ်လာကြသည်။ သို့သော် အကြွင်းမဲ့အာဏာဖြင့်သာ လူတို့ရင်းးနှီးယဉ်ပါးကြသည် ။ အစိုးရဆိုသည်မှာ အကြွင်းမဲ့အာဏာဖြင့်အုပ်ချုပ်မည်လော ၊ ဒီမိုကရေစီနည်းကျကျအုပ်ချုပ်မည်လောဟု ရွေးစရာနှစ်ခုသာရှိသည့် အနေအထားသို့ရောက် လာသည်။ နောက်ဆုံး ဒီမိုကရေစီကို ရှေ့တန်းတင်လိုက်ခြင်းသာလျှင် အဖြေဟုရွေးချယ်သည် ဆိုစေ စနစ်တစ်ခု၏အောက်တွင် ပြည်သူသည်လွတ်လပ်မှုပျောက်ကာ စိုးမိုးအုပ်ချုပ်မှုပုံစံ တစ်ခုအတွင်းသို့ သက်ဆင်ကြရသည်သာဖြစ်သည်။
ဒီမိုကေ၇စီအတွက် အခြားသောမက်လုံးတစ်ခုက အများစုအုပ်ချုပ်ရေး (Majority Rule) ဖြစ်သည်။ လူအများစု အုပ်ချုပ်ရေးကို ကိုယ်ကျင့်တရား ( Morality ) ၊ ယုတ္တိနည်ကျ ( Logic) နှင့် လက်တွေ့( reality ) စံတို့ဖြင့် တိုင်းတာကြသည်။
လူသားကို လူသားက အုပ်ချုပ်ခြင်းသည် အတိုင်းအတာမဲ့လော၊ အတိုင်အတာဖြင့်လော။ အုပ်ချုပ်ပိုင်ခွင့်ကို မည်သူက အဆုံးအဖြတ်ပေးပိုင်ခွင့် ရှိသနည်းဆိုသည်မှာ နှစ်ပေါင်းများစွာ လူသားတို့ရင်ဆိုင်လာကြရသည့် ပြသနာဖြစ်သည်။ လူသားသည် လူနည်းစု (minority) လက်ထဲတွင် အာဏာကိုတိန်းချုပ်ထားမှုကို မနှစ်သက်ကြ့ပေ။ လူနည်းစု စိုးမိုးခြယ်လှယ်မှုကို လည်း တရားမမျှတဟူသာ လက်ခံလေ့ရှိကြသည်။
ပြည်သူ၏ ခွင့်ပြုချက်အရ (by consent of the people ) အုပ်ချုပ်ခွင့်ရသည့် အစိုးရဆို သည်မှာ အတိုင်းအတာပမာဏ တစ်ခုအတွင်းသာဖြစ်သည်။ ပြည်သူကို သတ်မှတ်ပြဌာန်း ထားသည့် ဥပဒေဘောင်အတွင်းမှသာ အုပ်ချုပ်ကြရန်ဖြစ်သည်။ ပြည်သူကိုအုပ်ချုပ်ရန် ဥပဒေ
ဆိုသည်မှာလည်း အမှန်တကယ် ပြည်သူကိုယ်တိုင် သဘောတူပြဌာန်းထားကြသည့် ဥပဒေအ တိုင်း သာဖြစ်ရမည် ။“လူအများစုက အုပ်ချုပ်စိုးမိုးထိုက်သူများဟု သတ်မှတ်သည့်အစိုးရသာလျှင် ဒီမိုကရေစီအစိုးရ”ဟု Jim Davidson က ဖွင့်ဆိုထားသည်။
အာဏာဖြင့်ချုပ်ကိုင်လိုသူတို့သည် အာဏာ စက် ကို မဖြန့်ကြက်နိုင် ၊ ဖြန့်ကြက်ရမည်ကို
လည်းစိုးရိမ်သောကြောင့် Minority ကို လက်ကိုင်ထားကာ အုပ်ချုပ်ကြသည်။ဒီမိုကရေစီသည်
ပြည်သူက ၊ ပြည်သူ့အတွက်၊ ပြည်သူအုပ်ချုပ်ခြင်း Majority ကိုတောင်းဆို သည်။ သို့သော်
ထိုစနစ်နှစ်ရပ်လုံးတွင် “အစိုးရ” ဖြင့်သာအုပ်ချုပ်ကြရသည်။ လူတစ်ဦး ၊ လူတစ်စု ၊ လူထု မည်သို့
ပင်ပြောင်းလဲ ခေါ်သည်ဖြစ်စေ ပြည်သူသည် ထိုသူအားလုံးတို့ သတ်မှတ်သည့်စနစ်၏ သားကောင်များသာဖြစ်ကြရပြီးလူသား၏အစစ်အမှန်လွတ်လပ်မှုများဆုံးရှုံးပျောက်ကွယ်ကြရသည်သာဖြစ်သည်။
လူများစုအုပ်ချုပ်ရေးကို ယုတ္တိနည်းကျ ပိုင်းဖြတ်ရန်မှာ “ ကောင်မြတ်ခြင်း“ ဖြစ်သည်။
လူများတိုင်း ၊ အများစုသဘောတူညီမှု ကိုရတိုင်း ကောင်းသလားဆိုသည့်မေးခွန်းကို ရင်ဆိုင်
ကြရသည်။ “များတိုင်းကောင်း” သဘောတရားသည် ပြတ်သားတိကျမှုရှိသည်မဆိုနိုင်ပေ။
လူတစ်ဦးနှင့်တစ်ဦး အခြေအနေ ၊ ဆန္ဒ ၊ အကျင့်စရိုက် ၊ စိတ်နေစိတ်ထားလည်း တူညီကြ
သည်မဟုတ်ပေ ။ နိုင်ငံရေးစနစ် သို့မဟုတ် ၀ါဒသဘောတရားတစ်ခုသည် “ က “ အတွက်
စိတ်ကြိုက်ဖြစ်နိုင်သော်လည်း “ ခ” အတွက် နှင့် “ ဂ ” အတွက် ဖြစ်ချင်မှဖြစ်မည် ။ “က”
အတွက် Good သည် “ခ ” အတွက် Bad ဖြစ်ချင်ဖြစ်နေတတ်သည်။ သို့ဖြစ်ရာ “များတိုင်းကောင်း” သဘောတရား သည် ပြည်သူအားလုံးအတွက် မျှတသည့် အဖြေတစ်ခု ဖြစ်
နိုင်ပါသလော ဟု ပြန်လည်ဆန်းစစ်သင့်သည်။
လက်တွေ့ဘ၀တွင်လူများစုဆိုတိုင်းအုပ်ချုပ်ခွင့်ရှိပြီးလူနည်းစုကအရှုံးပေးနေကြရသည်သာ ဖြစ်သည် ။ တစ်ခါတစ်ရံ လူများစုချင်းဖြစ်သော်လည်းဒီမိုကရေစီက ကြားခံလိုက်သဖြင့် မတိမ်းမယိမ်း ကွာဟချက်လေးဖြင့်လည်း အများစုသဘောသက်ရောက်ပြီး အသာရ အနိုင်ယူသွား
တတ်သည်။ ရွေးကောက်ပွဲတိုင်း ပြည်သူတိုင်းကို ကိုယ်စား မပြုနိုင်ပေ ။ ပြည်သူတစ်ဝက်ခန့်မဲပေး
ပိုင်ခွင့်ရှိသည်ဆိုစေ မဲပေးပိုင်ခွင့်ရှိသူတိုင်း မဲပေးကြသည်မဟုတ်။ မဲမပေးသူများ ၊ မထောက်ခံကြသူများ ၊ စိတ်မ၀င်စားသူများ ၊ ပါဝင်ပတ်သက်ခြင်းမရှိလိုသူများလည်း သူတို့
ကိုယ်ပိုင်ဆန္ဒ အခွင့်အရေးများ ရှိကြသည်သာဖြစ်သည်။လူ ၁၀၀ တွင်မဲပေးခွင့်ရှိသူ၃၀၊
လာရောက် မဲပေးသူ ၂၀ ၊ ထို ၂၀ တွင် ၁၁ မဲ ဖြင့် အနိုင်ရသူကို Majority ဟု သတ်မှတ်ပြီး
ကျန် ၉ ဦး နှင့် မဲလာမပေးသူ ၁၀ ဦး ၏ အခွင့်အရေးကို Minority ဟုသတ်မှတ်ကာ လျစ်လျှူ
ရှု ခြင်းသည် တရားမျှတမှု ရှိနိုင် ပါသလော ။ မဲပေးခွင့်မရသည့် လူပေါင်း ၇၀ ၏ အခွင့်အရေး
အတွက် မည်သို့စဉ်းစား ကြမည်နည်း ။ လူ၁၀၀ တွင် ၈၉ ဦး၏ အခွင့်အရေးကို လျစ်လျှူရှုကာ
၁၁ ဦးဆန္ဒ ဖြင့် အုပ်ချုပ်မည့်အစိုးရ ကို ပြည်သူ့ဆန္ဒအရ အုပ်ချုပ်သော “ ပြည်သူ့အစိုးရ ”
ဟုကြေငြာလျှင် ပြည်သူကို မျက်နှာပြောင်တိုက်ခြင်းသာ ဖြစ်ပေလိမ်မည်။
ဒီမိုကရေစီ တွင် အများ၏ထောက်ခံမှု အရ ( Mandate of the people ) ဆိုသည့်စကား
ကို တွင်ကျယ်စွာ အသုံးပြုလေ့ရှိကြသည် ။ ထို Mandate ဆိုသည်မှာလည်း လူတစ်စု Mandate
လား ၊ ပြည်သူလူထု အားလုံးအတွက် Mandate လားဟု ပြန်မေးစရာ ရှိသည် ။ အုပ်စုလေးတစ်စု
၏ Mandate ဖြင့်တက်လာသည့် အစိုးရကို ပြည်သူက လုပ်ချင်ရာလုပ်ခွင့်ပေးလိုက်ရခြင်းသည် မျှတမှု ရှိ နိုင်ပါမည်လော ။
လူများစု အုပ်ချုပ်ရေးသည် လူအများကရွေးခြယ်ခြင်း ( The people have chosen ) ကြောင့်ဟု စောဒက တက်စရာ ရှိသည်။ ရွေးကောက်ပွဲ ဆိုသည်မှာ ခေတ်သစ်တွင် တစ်ဦး
တစ်ယောက်တည်းကိုထောက်ခံရွေးကောက်ကြရသည့်ခေတ် မဟုတ်တော့ ။ အနည်းဆုံးပြိုင်
ဖက် တစ်ယောက်တော့ ပါဝင်ကြရသည်သာဖြစ်သည်။ ကိုယ့်ပါတီအတွင်းမှ ကိုယ့်ပါတီကြိုက်
ခေါင်းဆောင်ကို ကွက်ကွက်လေး ပြည်သူ့လက်တွင်းသို့ အပ်ကြရခြင်းသာဖြစ်သည် ။ ထိုအုပ်စု
ခေါင်းဆောင်များက ပြည်သူအားလုံးကို ကိုယ်စားပြုကာ ပြည်သူနှင့်တိုင်းပြည် ကို အုပ်ချုပ်ခွင့်
ရပြီး နိုင်ငံခေါင်းဆောင်ဖြစ်လာလျှင်လည်း “ ငါသည် ပြည်သူအားလုံးကို အမှန်တကယ် ကိုယ်
စားပြုသလား ” ဆိုသည့်မေးခွန်းမျိုးကို လိပ်ပြာသန့်သန့်ဖြင့် မိမိကိုယ်ကို ပြန်မေးကြည့်
ကြရန်သာ ဖြစ်သည် ။
( တင်ညွှန့်)
မူရင်း ။ ။ The Voice ဂျာနယ်မှ
