သူငယ်ချင်းတို့အတွက်(၂)

လိုအပ်တဲ့အခါ ပုခုံးမှီပြီး ငိုနိုင်မယ့် သူငယ်ချင်းတွေ များများ ရှိပါစေ

"ခန္ဓာကိုယ်မှာ ဘယ်အင်္ဂါ အစိတ်အပိုင်းက အရေးကြီးဆုံးလဲ" ဆိုတဲ့ မေးခွန်းကို
အဖြေ မမှန်မချင်း မေမေ မေးနေတတ်တယ်။ နှစ်တွေလည်း အတော် ကြာခဲ့ပါပြီ။ မေမေ
မေးလေ့ရှိတဲ့ မေးခွန်းကို ကျနော် ဖြေလိုက်တိုင်း မှားတယ်ချည်း
အပြောခံနေရတယ်။

ကျနော် ခပ်ငယ်ငယ်ကပေါ့။ လူသားတစ်ယောက်အနေနဲ့ အသံက သိပ်အရေးကြီးမယ်လို့
ထင်ခဲ့တာ။ "မေမေ၊ ကျနော့် နားတွေက အရေးအကြီးဆုံး မဟုတ်လား" လို့
အဖြေပေးခဲ့ဖူးတယ်။ မေမေက ပြန်ပြောတယ်။
"မဟုတ်ဘူး သားရဲ့။ နားပင်းနေတဲ့ လူတွေ အများကြီး ရှိတယ်လေ။ သား သေချာ ထပ်
စဉ်းစားကြည့်ပါဦး။ မေမေ နောက်မှ ထပ်မေးမယ်"

နှစ်နည်းနည်း ကြာတော့ မေမေ အဲဒီ မေးခွန်းကို ထပ်မေးလာတယ်။

ပထမတစ်ခေါက် ဖြေပြီးကတည်းက အဖြေမှန်ရဖို့ အတော်လေး မျှော်လင့်ခဲ့မိတယ်။
ဒီတစ်ခါ ကျနော် မေမေ့ကို ဖြေလိုက်တာက "မေမေ၊ အမြင်အာရုံက လူတိုင်းအတွက်
အင်မတန် အရေးကြီးတယ်လေ။ ဒီတော့ အဖြေက ကျနော်တို့ရဲ့ မျက်လုံးတွေပဲ
ဖြစ်ရမယ်"
မေမေ ကျနော်ကို စူးစူးစိုက်စိုက် ကြည့်ပြီး ကရုဏာလေသံနဲ့
"သားက အတော်လေး စဉ်းစားလာနိုင်ပြီပဲ။ ဒါပေမယ့် အဖြေက မှားနေသေးတယ်။
လောကမှာ မျက်စိမမြင်တဲ့ လူတွေ အများကြီးရှိတယ် သားရဲ့" လို့
ပြန်ပြောသွားတယ်။

ကျနော် စိတ်လေသွားခဲ့ပြန်တယ်။ ဒါပေမယ့် ဘာပဲဖြစ်ဖြစ် အဖြေမှန်ရအောင်တော့
ကျနော် ဆက်ကြိုးစားဖို့ အားမာန် အပြည့်နဲ့ပါ။ တွေးတတ်ခေါ်တတ်ဖို့ အမေရဲ့
လေ့ကျင့်ခန်းကို ကျနော် မမေ့မလျော့ အမြဲ လုပ်နေဖြစ်တယ်။ ဒီနှစ်တွေ
ကြားမှာလည်း မေမေ့ကို ခဏခဏ ဖြေပေးဖူးတယ်။ ဒါပေမယ့် အမေဆီက ကြားရတဲ့
အားပေးစကားက မပြောင်းလဲခဲ့ဘူး။
"မဟုတ်သေးဘူး သား။ ဒါပေမယ့် လူလေးက တစ်နှစ်ထက်တစ်နှစ် ပိုပိုပြီး
တွေးတတ်ခေါ်တတ်လာတာပဲ"

တစ်နှစ်တော့ ကျနော့ အဘိုး ဆုံးတယ်။ အားလုံး အတော်လေး စိတ်ထိခိုက်ကြတယ်။
အားလုံးလည်း ငိုခဲ့ကြတယ်။ ကျနော်ရဲ့ အဖေတောင် ငိုတယ်။ ကျနော်
ကောင်းကောင်း မှတ်မိတာပေါ့။ ဘာလို့လဲဆို ဖေဖေ ငိုတာကို ဒါပါနဲ့ဆို
နှစ်ခါပဲ မြင်ဖူးသေးတာ။

အသုဘ အခမ်းအနားမှာ အခေါင်းပိတ်ဖို့ မိသားစုဝင်တွေ တစ်ယောက်ပြီးတစ်ယောက်
အဘိုးကို နောက်ဆုံးအနေနဲ့ နှုတ်ဆက်ကြတယ်။ ကျနော်တို့ အလှည့်လည်း ရောက်ရော
အမေက ကျနော်ကို လှမ်းကြည့်တယ်။ နောက်ပြီး သူ ကျနော်ကို
လှမ်းပြောလိုက်တယ်။
"အရေးကြီးဆုံး ခန္ဓာကိုယ် အစိတ်အပိုင်းက ဘာလဲဆိုတာ အခု သိပြီလား၊ သား"

ဒီလို အချိန်မျိုးမှာ ဒီမေးခွန်း မေးလာလိမ့်မယ်လို့ ထင်ကို မထင်ထားမိဘူး။
အမေးခံလိုက်ရတော့ အတော်လေး ထွေသွားတယ်။ သူနဲ့ ကျနော် နှစ်ယောက်တည်း
ဆော့တဲ့ ဂိမ်းတစ်ခုပဲလို့ ကျနော် ထင်နေခဲ့တာလေ။ အူကြောင်ကြောင်ဖြစ်နေတဲ့
ကျနော်မျက်နှာကို အကဲခတ်မိတဲ့ မေမေက
"ဒီမေးခွန်းက သိပ်အရေးကြီးတယ်၊ သား။ ဘဝမှာ တကယ်ပဲ အသက်ရှင်လျက်
နေထိုင်နေသလား ဆိုတာကို သိဖို့ ဒီအဖြေက အရေးပါတယ်။ ဟိုးအရင်က
အစိတ်အပိုင်း အတော်များများကို သားအဖြေပေးဖူးတယ်။ ပေးတိုင်းလည်း
မှားတယ်ဆိုတဲ့အကြောင်း မေမေ ဥပမာနဲ့ အမြဲ ရှင်းပြခဲ့တယ်။ ဒါပေမယ့်
ဒီနေ့တော့ အရေးကြီးတဲ့ ဒီ သင်ခန်းစာကို သားအနေနဲ့ မှတ်ကို မှတ်သားမှ
ဖြစ်မယ်။"

မိခင်တစ်ယောက်ရဲ့ ကရုဏာမျိုးနဲ့ ကျနော်ကို ခြေဆုံးခေါင်းဆုံး
ကြည့်လိုက်ပြီး ပြောလာတယ်။ သူရဲ့ မျက်ဝန်းအိမ်အပြည့် မျက်ရည်တွေနဲ့
ဖုံးလွမ်းနေတာ ကျနော် သတိထားမိတယ်။
"သား ... မင်းရဲ့ ခန္ဓာကိုယ်မှာ ရှိတဲ့ အရေးအကြီးဆုံး အင်္ဂါအစိတ်အပိုင်းက
မင်းရဲ့ ပုခုံးတွေပဲ"

"ကျနော့် ခေါင်းကို ထမ်းပိုးထားရလို့လား မေမေ"
"မဟုတ်ဘူး၊ သား။ သားရဲ့ ပုခုံးနဲ့ သူငယ်ချင်း ဒါမှမဟုတ်
ကိုယ်ချစ်တဲ့သူရဲ့ ခေါင်းကို မှီခွင့် ပေးထားနိုင်တယ်လေ။ သူတို့
ငိုရင်ပေါ့။ လူတိုင်းလူတိုင်း သူတို့ရဲ့ ဘဝမှာ အကြောင်း
တစ်မျိုးမျိုးကြောင့် ငိုကြရရင် အမှီပြုဖို့ ပုခုံးတစ်ဖက်တော့ လိုမယ်၊
သား။ သားမှာ လုံလောက်တဲ့ အချစ်တွေ ရှိဖို့ပဲ မေမေ မျှော်လင့်တယ်။ အဲဒီလို
အချစ်တွေကြောင့် သား လိုအပ်တဲ့အခါ ပုခုံးမှီပြီး ငိုနိုင်မယ့်
သူငယ်ချင်းတွေ များများ ရှိပါစေလို့လည်း မေမေ အမြဲ ဆုတောင်းပေးနေပါတယ်"

နှစ်သစ်ဆုတောင်း

Happy New Year
Happy New Year
Happy New Year

အဲဒီလို အားရပါးရ အော်ပစ်လိုက်စေချင်ပါတယ် မြန်မာပြည်သူအပေါင်းကိုပါ ။
ဒါပေမယ့် ကျနော်တို့နိုင်ငံမှာ ၈ဝရာခိုင်နှုန်းလောက်က ဆင်းရဲတွင်းနက်နေ
ကြတယ် ။အခြားအခြားသော နိုင်ငံသားတွေလို
New Yearကို ဘယ်မှာ
ကျင်းပမယ် ၊ ဘယ်လိုပျော်ပွဲရွှင်ပွဲတွေလုပ်မယ် စသည်ဖြင့်ကျင်းပစေချင်ပါတယ် ။
ဒါပေမယ့် ပကတိ အရှိတရားကတော့ မနက်ဖြန်မှာ ထမင်းစားရဖို့အရေး ၊
သားကျွေးမှု၊ မယားကျွေးမှု ...မှု...မှု အရေးတွေကိုတွေးပူရင် နှစ်သစ်ပြောင်းလည်း
ဘဝအသစ်မပြောင်းနိုင်ခဲ့ပါဘူး။ ရေပေါ်ဆီ အသိုင်းအဝိုင်းတွေ ၊ ဂုတ်သွေးဆုတ်နေတဲ့
ဖက်ဆစ်အသိုင်းအဝိုင်းတွေ ကတော့ သူတို့ကျင်းပနိုင်ပါလိပ်မယ်..။
ကျနော်တို့ခေါင်းဆောင်၊လူထုခေါင်းဆောင်က နေအိမ်အကျယ်ချုပ်မှာ ၊ တိုင်းပြည်အတွက်
ပေးဆပ်သူများက ထောင်တွေထဲမှာ၊ ပြည်သူတွေကစားဝတ်နေရေး သံသရာထဲမှာ ၊
ကျောင်းသားမျိုးဆက်သစ်တွေက အနာဂတ်မဲ့တဲ့ ပညာရေးသံသရာထဲမှာ၊ ဘွဲ့ရတွေက
အလုပ်လက်မဲ့သံသရာထဲမှာ၊ဆင်းရဲသားကလေးသူငယ်တွေက အမှိုက်ပုံထဲမှာ ဝမ်းစာ
ရှာနေရတဲ့သံသရာထဲမှာ ..မှာ....မှာ....။
၂ဝ၁ဝ မှာ ဘာတွေဖြစ်လာမယ်၊ ညာတွေဖြစ်လာမယ် ဆိုပြီး မျှော်လင့်ချက်မရှိခဲ့ပါဘူး၊၊
ကျနော်တို့တွေ သေချာတာကတော့ ဘာမှဖြစ်လာမယ် မထင်ဘူး။ မကြိုးစားပဲ ၊
အားမထုတ်ဘဲ။ မြန်မာလူထုဟာ လက်အိပ်စွတ်ထားတဲ့ကြောင်တွေလိုပါပဲ။
ကြွက်မခုတ်နိုင်ခဲ့ပါဘူး ။ ဒါကြောင့်နှစ်သစ်မှာ
ကျနော်တို့ကို အစွပ်ခံထားရတဲ့
လက်အိတ်တွေကို ချွတ်ပစ်နိုင်အောင်ကြိုးစားရမယ်။
ကျနော်တို့ အားလုံးညီညွှတ်မှုရှိမှသာ ဘာမဆိုဖြစ်နိုင်မှာပါ။
ဘယ်ပြတင်းပေါက်က ဝင်ဝင် အလင်းဟာ အလင်းသာ ဖြစ်ပါတယ် ၊
ငါ့ပြတင်းပေါက်ကဝင်တာမှ အလင်းလို့ယူဆတဲ့စိတ်ဓာတ်တွေကိုပြုပြင်ရပါမယ်။
ပြည်သူအားလုံး ကို ကိုယ်စားပြုပြီး ပြည်သူ့အတွက် ရဲရင့်ရပါမယ် ။
တကယ်တော့နှစ်သစ်ဆိုတာ ရှေ့မှာ ကာထားတဲ့ ကန့်လန့်ကာ တစ်ခုပါ
ငရဲ ရှိလား ၊နိဗ္ဗာန်ရှိလား မသေချာပါဘူး။
ဘာပဲဖြစ်ဖြစ် ကျနော်တို့ရဲရဲ ဆွဲဖွင့်ပစ်ရပါမယ်။
အစေ့ချရင် အပင်ပေါက်တဲ့နိုင်ငံတစ်ခုမှာ ပြည်သူတွေဆင်းရဲတွင်းနက်နေတာ၊ ကျနော်တို့ခံယူထားသလို ကံ၊ ကံ၏ အကျိုးတော့မဖြစ်နိုင်ဘူးဆို တာ အားလုံးနားလည်သဘောပေါက်စေချင်ပါတယ်..။
ဗိုလ်ချုပ်အောင်ဆန်းရဲ့ ကဗျာလေးက
အားအင်များစွာပေးစွမ်းနိုင်
ပါလိပ်မယ်ထင်ပါတယ်.။
ငါ့အား ဖုံးလွှမ်းထားသော လကွယ်သန်းခေါင် ဤအမှောင်အတွင်းမှနေ၍ အနိုင်မခံ အရှုံးမပေးတတ်သော ငါ၏စိတ်ဓာတ်ကို ဖန်ဆင်းပေးသည့် နတ်သိကြားတို့အား ငါကျေးဇူးတင်၏။ လောကဓံတရားတို့၏ ရက်စက်ကြမ်းကြုတ်သော လက်ဆုပ်တွင်းသို့ ကျရောက်နေရငြားသော်လည်း ငါကား မတုန်လှုပ် မငိုကြွေး ကံတရား၏ ရိုက်ပုတ်ခြင်း ဒဏ်ချက်တို့ကြောင့် ငါ၏ ဦးခေါင်းသည် သွေးသံတို့ဖြင့် ရဲရဲနီ၏ ညွတ်ကား မညွတ် ဤလောဘဒေါသတို့ ကြီးစိုးရာဌာန၏ အခြားမဲ့၌ကား သေခြင်းတရားသည် ငံ့လင့်လျက်ရှိ၏။ သို့သော် ငါ့အား မတုန်လှုပ်သည်ကို တွေ့ရအံ့။ နောင်ကိုလည်း ဘယ်တော့မှ မကြောက်သည်ကိုသာ တွေ့ရအံ့။ သုဂတိသို့ သွားရာ တံခါးဝသည် မည်မျှ ကျဉ်းမြောင်းသည်ဖြစ်စေ ယမမင်း၏ ခွေးရေပုရပိုက်၌ ငါ့အပြစ်တို့ကို မည်မျှပင် များစွာ မှတ်သားထားသည်ဖြစ်စေ ငါကား ဂရုမပြု ငါသာလျှင် ငါ့ကံ၏ အရှင်သခင်ဖြစ်၍ ငါသာလျှင် ငါ့စိတ်၏ အကြီးအကဲ ဖြစ်သတည်း။ (ဗိုလ်ချုပ်အောင်ဆန်း)
အားလုံးအတွက် ကြိုးစားမှုရလဒ်ကိုခံစားနိုင်သော
နှစ်သစ်ဖြစ်ကြပါစေ...။
အားလုံးမော်ဖူးရခြင်းမှ
ကင်းဝေးနိုင်ကြပါစေ…။
ငါသာ ငါလျှင်
ငါ့ဘ၀၏
ဖန်တီးရှင်များဖြစ်နိုင်ကြပါစေ…..။

Flying Butterflys

Flying Butterflys

ဒေါ်အောင်ဆန်းစုကြည်ပြောသော ပြည်ထောင်စုစိတ်ဓာတ်

ပြည်ထောင်စုစိတ်ဓာတ်ဆိုတာ ဘယ်လိုစိတ်ဓာတ်မျိုးပါလဲတဲ့၊ အလံတော်ကို အလေးပြုရုံနဲ့
ပြည်ထောင်စုကြီးခိုင်မြဲ သွားပြီလား၊ ပြည့်စုံသွားပြီလားဆိုတာ ရှင်းပြပေးပါတဲ့။
အလံတော်ကို အလေးပြုတဲ့အခါမှာ ကိုယ့်စိတ်ထဲမှာဘယ်လိုရှိသလဲဆိုတာ ဒါက အရေးကြီး
တာပဲ၊ အလံတော်ကို အလေးပြုဆိုလို့ ပြုလိုက်ပြီးတော့၊ စိတ်က ဟိုရောက်ဒီရောက်ဆိုလို့ရှိရင် အလ
ကားပဲ၊ ပြည်ထောင်စုစိတ်ဓာတ်ဆိုတာ အတွင်းကလာတာပါ။ ပြည်ထောင်စုစိတ်ဓာတ်လို့ဆိုတာနဲ့
စိတ်ဓာတ်ဆိုတော့ အတွင်းကလာတာပေါ့။ အပြင်ပသင်္ကေတဖြစ်တဲ့ အလံတွေ ဘာတွေဆိုတာ
အထိုက်အလျောက်တော့ အရေးကြီးတာပဲ၊ ဒါပေမယ့် ပြည်ထောင်စုစိတ်ဓာတ်ဆိုတော့ အတွင်းက
လာရမှာဖြစ်ပါတယ်။ ကျမတို့ကတော့ ပြည်ထောင်စုစိတ်ဓာတ်ကို ပင်လုံစိတ်ဓာတ်လို့ ဒီလိုပဲ ကျမတို့
ယူဆပါတယ်။ ပင်လုံစိတ်ဓာတ်ဆိုတာ အတိုချုံးပြီးပြောရမယ်ဆိုလို့ရှိရင် ပြည်ထောင်စုသားများအား
လုံး တန်းတူညီတူရှိရေးနဲ့ အဲဒီလို တန်းတူညီတူရှိရေးအပေါ်မှာ အခြေခံတဲ့ ပြည်ထောင်စုကို ကျမပြော
တာပါ။
ကျမတို့ပြန်ပြီးတော့ရှင်းပြရမယ်ဆိုလို့ရှိရင် ပြည်ထောင်စုစိတ်ဓာတ်ဆိုတာဟာ ပင်လုံစိတ်ဓာတ်
ပဲ။ ပင်လုံစိတ်ဓာတ် ဆိုတာဟာ ပြည်ထောင်စုသားများအားလုံးရဲ့တန်းတူညီတူရေးနဲ့ ဒီတန်းတူညီတူ
ရေးပေါ်မှာ အခြေခံတဲ့ ညီညွတ်ရေးဖြစ်တယ်။ တန်းတူညီတူမှု ရှိလို့ရှိရင် ညီညွတ်ရေးကို ထိခိုက်မှာ
မဟုတ်ဘူး။ သူ့ကိုတော့ နှစ်ကျပ်ပေးတယ်၊ တို့ကိုတော့ တစ်ကျပ်ပဲပေးတယ်ဆိုရင် စိတ်ထဲက ဘယ်
ကျေနပ်မလဲ။ ဒီတော့ အဲဒီကတည်းက ညီညွတ်မဆိုတာ မရှိနိုင်တော့ဘူး။ ဒါကြောင့်မို့ ကျမတို့နိုင်ငံမှာ
ပြည်ထောင်စုကြီး တည်တံ့ခိုင်မြဲရေးဖြစ်ဖို့ဆိုတာဟာ အားလုံးက ကျေနပ်ရမယ်။ တိုင်းရင်းသားလူမျိုး
အားလုံးက ငါတို့အားလုံးဟာ တန်းတူညီတူအခွင့်အရေးရှိတယ်ဆိုတဲ့ ခိုင်မာတဲ့ယုံကြည်မရှိမှသာလျှင်
ကျမတို့ပြည်ထောင်စု တည်တံ့ခိုင်မြဲနိုင်မှာဖြစ်ပါတယ်။ အလံကတော့ ဘယ်နှစ်ခါပဲ အလေးပြု အလေး
ပြု စိတ်ထဲမှာ ငါတို့ဟာ ဒီနိုင်ငံမှာတန်းတူညီတူအခွင့်ရေးရှိတာမဟုတ်ဘူး။ ဒီနိုင်ငံမှာ ငါတို့ဟာ ဒုတိယ
တန်းစားနိုင်ငံသားများ ဖြစ်နေတယ်ဆိုတဲ့စိတ်တွေ ရှိနေသေးတယ်ဆိုရင်တော့ ကျမတို့နိုင်ငံဟာ တည်
တံ့ခိုင်မြဲတဲ့ ပြည်ထောင်စုကြီးဖြစ်နိုင်မှာ မဟုတ်ပါဘူး။ ဒီနေရာမှာ ကျမတခုသတိပေးချင်တာဟာ
ကျမတို့ ဗမာလူမျိုးတွေကတော့ လူမျိုးစုကြီးတော့ဖြစ်တာပဲ၊ လူမျိုးစုကြီးဖြစ်တဲ့အလျောက် ကျမတို့မှာ
တာဝန်အထူးရှိတယ်ဆိုတာ ငြင်းနိုင်စရာ အကြောင်းမရှိပါဘူး။ ဒါပေမယ့်လည်း ကျမတို့ တိုင်းရင်းသား
ညီအကိုမောင်နှမများအနေနဲ့ ကျမတို့ဗမာလူမျိုးတွေမှာလည်း စိုးရိမ်ချက်တွေ၊ မျှော်လင့်ချက်တွေရှိ
တယ်ဆိုတာလည်း မမေ့ပါနဲ့လို့ ကျမတို့က မေတ္တာရပ်ခံချင်တယ်။ ကျမတို့အားလုံးဟာ ကိုယ့်စိုးရိမ်
ချက်တွေနဲ့ ကိုယ့်ရဲဥနမျှော်မှန်းချက်တွေ ရှိကြတာချည်းပဲ။ ဒါကို တယောက်နဲ့တယောက်နားလည်ရမယ်၊
တယောက်နဲ့တယောက်ကြင်နာရမယ်၊ တကယ်တော့ ဒီလို တယောက်ကိုတယောက် ကြင်နာတဲ့စိတ်
ဓာတ်၊ တယောက်ကိုတယောက်ယုံကြည်တဲ့စိတ်ဓာတ်ကို အခြေခံပြီးတော့ ညီညွတ်မှုကို ရနိုင်မှာပါ။
အဲဒီလို ညီညွတ်မှုကသာ ပြည်ထောင်စုကြီးကို တည်တံ့ခိုင်မြဲအောင် ဆောင်ရွက်ပေးနိုင်မှာဖြစ်ပါတယ်။
(၁၉၉၆ ခုနှစ်၊ ဖေဖော်ဝါရီလခြံရှေ့လူထုဆွေးနွေးပွဲမှ)